|
Iris Oifigiúil |
GA Sraith L |
|
2024/212 |
5.1.2024 |
RIALACHÁN CUR CHUN FEIDHME (AE) 2024/212 ÓN gCOMHAIRLE
an 4 Eanáir 2024
lena gcuirtear chun feidhme Rialachán (AE) 2017/1770 a bhaineann le bearta sriantacha i bhfianaise na staide i Mailí
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/1770 ón gComhairle an 28 Meán Fómhair 2017 a bhaineann le bearta sriantacha i bhfianaise na staide i Mailí (1), agus go háirithe Airteagal 12(5) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 5 Meán Fómhair 2017, ghlac Comhairle Slándála na Náisiún Aontaithe Rún 2374 (2017), lenar bunaíodh creat chun toirmeasc taistil agus reo sócmhainní a fhorchur ar dhaoine aonair agus ar eintitis atá freagrach as gníomhaíochtaí nó atá comhpháirteach i ngníomhaíochtaí lena gcuirtear síocháin, slándáil nó cobhsaíocht Mhailí a chur i mbaol, nó a bhí páirteach iontu, go díreach nó go hindíreach. |
|
(2) |
An 28 Meán Fómhair 2017, ghlac an Chomhairle Rialachán (AE) 2017/1770 chun éifeacht a thabhairt do Chinneadh (CBES) 2017/1775 ón gComhairle, a bhaineann le bearta sriantacha i bhfianaise na staide i Mailí (2). |
|
(3) |
An 31 Lúnasa 2023, chuaigh córas smachtbhannaí na Náisiún Aontaithe in éag nuair a theip ar an gComhairle Slándála teacht ar chomhaontú maidir lena shíneadh. |
|
(4) |
I bhfianaise fhoirceannadh chóras smachtbhannaí na Náisiún Aontaithe maidir le Mailí, ba cheart na hiontrálacha go léir in Iarscríbhinn I a ghabhann le Rialachán (AE) 2017/1770 a scriosadh. |
|
(5) |
Ba cheart, dá bhrí sin, Rialachán (AE) 2017/1770 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2017/1770 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 4 Eanáir 2024.
Thar ceann na Comhairle
An tUachtarán
H. LAHBIB
(1) IO L 251, 29.9.2017, lch. 1.
(2) Cinneadh (CBES) 2017/1775 ón gComhairle an 28 Meán Fómhair 2017 a bhaineann le bearta sriantacha i bhfianaise na staide i Mailí (IO L 251, 29.9.2017, lch. 23).
IARSCRÍBHINN
In Iarscríbhinn I a ghabhann le Rialachán (AE) 2017/1770, i ‘Liosta na ndaoine nádúrtha nó dlítheanacha, na n-eintiteas agus na gcomhlachtaí dá dtagraítear in Airteagal 2a’, scriostar na hiontrálacha a bhaineann leis na daoine a liostaítear thíos:
|
1. |
AHMED AG ALBACHAR; |
|
2. |
HOUKA HOUKA AG ALHOUSSEINI; |
|
3. |
MAHRI SIDI AMAR BEN DAHA; |
|
4. |
MOHAMED BEN AHMED MAHRI; |
|
5. |
MOHAMED OULD MATALY. |
ELI: http://data.europa.eu/eli/reg_impl/2024/212/oj
ISSN 1977-0839 (electronic edition)