1.   Agus Rialachán IBTV á chur chun feidhme, glacfaidh Lichtinstéin na bearta is gá chun a áirithiú go gcomhlíonfar na forálacha is ábhartha do bhainistiú agus rialú airgeadais a leagtar síos sa Chonradh ar Fheidhmiú an Aontais Eorpaigh (CFAE) agus i ndlí an Aontais a fhaigheann a bunús dlí ó CFAE.

Is iad seo a leanas na forálacha dá dtagraítear sa chéad fhomhír:

2.   I gcás aon leasú, aisghairm, ionadú nó athmhúnlú a dhéantar i leith an Rialacháin Airgeadais is ábhartha maidir le IBTV:

3.   Maidir le hábhar gnímh lena leasaítear, lena n-aisghairtear, lena n-ionadaítear nó lena n-athmhúnlaítear an Rialachán Airgeadais, más rud é nach féidir le hábhar gnímh a bheith ina cheangal ar Lichtinstéin ach amháin tar éis ceanglais bhunreachtúla a chomhlíonadh, cuirfidh Lichtinstéin an méid sin in iúl don Choimisiún tráth nach déanaí ná 30 lá tar éis don Choimisiún an fhaisnéis de bhun mhír 2, pointe (a) a chur in iúl. I gcás nach bhfuil gá le reifreann, déanfar an fógra sin a thabhairt, ar a dhéanaí, 30 lá tar éis do sprioc-am an reifrinn dul in éag. I gcás inar gá gá reifreann, cuirfidh Lichtinstéin an Coimisiún ar an eolas go pras i scríbhinn nuair a bheidh na ceanglais bhunreachtúla uile comhlíonta, agus beidh ocht mí dhéag ó dháta an fhógra sin ag Lichtinstéin chun teacht ar chomhaontú maidir leis na leasuithe is gá ar mhír 1, an dara fomhír, pointe (a) dá dtagraítear i mír 2, pointe (b).

4.   Ón dáta atá leagtha síos do theacht i bhfeidhm an ghnímh dá dtagraítear i mír 3, maidir le Lichtinstéin, agus go dtí go mbeidh fógra dá dtagraítear i mír 3 tugtha ag Lichtinstéin go bhfuil na ceanglais bhunreachtúla comhlíonta agus go mbeidh comhaontú bainte amach chun leasú a dhéanamh ar mhír 1, an dara fomhír, pointe (a), déanfaidh Lichtinstéin, i gcás inar féidir, an gníomh i dtrácht a chur chun feidhme ar bhonn sealadach.

5.   Féadfaidh eintitis dhlítheanacha atá bunaithe i Lichtinstéin a bheith rannpháirteach i ngníomhaíochtaí a mhaoinítear le IBTV faoi choinníollacha atá coibhéiseach leis na coinníollacha sin is infheidhme maidir le heintitis dhlítheanacha atá bunaithe san Aontas.

1.   Leithdháileadh an Aontais ar Lichtinstéin arna ríomh de bhun Airteagal 7(3), pointe (a), de Rialachán IBTV, cuirfear an leithdháileadh sin ar fáil do Lichtinstéin mar ghníomhaíochtaí de chuid an Aontais faoi shaoráid théamach IBTV i gcomhréir le hAirteagal 8(1) den Rialachán sin.

2.   Beidh acmhainní faoi na gníomhaíochtaí sonracha dá dtagraítear in Airteagal 8(1), pointe (a), de Rialachán IBTV ar fáil do Lichtinstéin ar an mbonn céanna le Tíortha eile atá Comhlachaithe le Schengen. Is faoi bhainistíocht dhíreach a chuirfear gníomhaíochtaí sonracha roghnaithe Lichtinstéin chun feidhme. Bainfidh rochtain Lichtinstéin ar chistiú le gníomhaíochtaí sonracha:

3.   30 lá ar a dhéanaí tar éis theacht i bhfeidhm an Chomhaontaithe seo, agus ó 2025 ar aghaidh, faoin 15 Feabhra gach bliain, cuirfidh Lichtinstéin an Coimisiún ar an eolas maidir leis na gníomhaíochtaí a bhfuil sé beartaithe aici a chur chun feidhme chun a áirithiú go gcomhlíonfar acquis Schengen agus go gcomhlíonfar cuspóirí IBTV, agus maidir leis an mbuiséad a bhaineann leis na gníomhaíochtaí sin.

4.   Cuirfidh Lichtinstéin tionscadail chun feidhme faoi Rialachán IBTV faoi rialacha na bainistíochta dírí i gcomhréir le Cuid a hAon, Teideal VIII den Rialachán Airgeadais.

1.   Tuigfear na spriocdhátaí a thagraíonn do theacht i bhfeidhm Rialachán IBTV mar thagairt don dáta a thiocfaidh an Comhaontú seo i bhfeidhm.

2.   Tuigfear gurb ionann tagairtí do Chairt um Chearta Bunúsacha an Aontais Eorpaigh agus tagairtí don Coinbhinsiún chun Cearta an Duine agus Saoirsí Bunúsacha a Chosaint agus do na Prótacail a ghabhann leis arna ndaingniú ag Lichtinstéin agus d’Airteagal 14 de Dhearbhú Uilechoiteann Chearta an Duine.

3.   Cuirfidh Lichtinstéin Rialachán IBTV chun feidhme i gcomhréir leis an gComhaontú Pháras agus le Spriocanna Forbartha Inbhuanaithe Clár Oibre 2023 na Náisiún Aontaithe.

1.   Beidh cinntí arna nglacadh ag an gCoimisiún agus a fhorchuireann oibleagáid airgeadais ar dhaoine seachas Stáit in-fhorfheidhmithe ar chríoch Lichtinstéin.

Beidh forfheidhmiú cinntí dá dtagraítear sa chéad fhomhír faoi réir na rialacha nós imeachta sibhialta atá i bhfeidhm i Lichtinstéin. Beidh ordú forfheidhmiú den sórt sin i gceangal leis an gcinneadh ábhartha ón údarás inniúil dá dtagraítear sa tríú fomhír gan aon fhoirmiúlacht seachas fíorú bharántúlacht an chinnidh sin.

Ainmneoidh rialtas Lichtinstéin údarás inniúil chun na críche seo agus cuirfidh sé an t-ainmniú sin i bhfios don Choimisiún. Cuirfidh an Coimisiún an t-ainmniúchán sin in iúl do Chúirt Bhreithiúnais an Aontais Eorpaigh.

A luaithe a bheidh na foirmiúlachtaí sin curtha i gcrích ar iarratas ón gCoimisiún, féadfaidh an Coimisiún dul ar aghaidh leis an bhforfheidhmiú i gcomhréir le dlí Lichtinstéin trí ábhar a thabhairt go díreach os comhair an údaráis inniúil dá dtagraítear sa tríú fomhír.

Ní féidir an forfheidhmiú a chur ar fionraí ach amháin trí bhreith ó Chúirt Bhreithiúnais an Aontais Eorpaigh. Beidh dlínse ag cúirteanna Lichtinstéin, áfach, maidir le ábhair a bhaineann le gearáin go bhfuil an forfheidhmiú á chur i gcrích ar bhealach neamhrialta.

2.   Beidh breithiúnais Chúirt Bhreithiúnais an Aontais Eorpaigh a thugtar i ndáil le cur i bhfeidhm clásail eadrána atá i gconradh nó i gcomhaontú deontais a thagann faoi raon feidhme an Chomhaontaithe seo in-fhorfheidhmithe i Lichtinstéin ar an modh céanna leis na cinntí dá dtagraítear i mír 1, an chéad fhomhír.

1.   Déanfaidh Lichtinstéin an méid seo a leanas:

2.   Cuirfidh údaráis inniúla Lichtinstéin an Coimisiún Eorpach nó an Oifig Eorpach Frith-Chalaoise arna bunú le Cinneadh ón gCoimisiún 1999/352/CE, ECSC, Euratom (11) (‘OLAF’) ar an eolas gan mhoill faoi aon fhíoras nó amhras atá tugtha faoi deara acu maidir le neamhrialtacht, calaois nó gníomhaíocht neamhdhleathach eile a dhéanann difear do leasanna airgeadais an Aontais. Cuirfidh siad Oifig an Ionchúisitheora Phoiblí Eorpaigh arna bunú le Rialachán (AE) ón gComhairle 2017/1939 (12)(‘OIPE’) ar an eolas freisin i gcás a bhaineann na fíorais nó an t-amhras sin le cás a d’fhéadfadh teacht faoi inniúlacht OIPE.

Áiritheoidh Lichtinstéin agus an tAontas cúnamh frithpháirteach éifeachtach i gcásanna ina bhfuil imscrúduithe nó imeachtaí breithiúnacha ann ag údaráis inniúla an Aontais nó Lichtinstéin, i gcomhréir leis an gcreat dlíthiúil is infheidhme, maidir le leasanna airgeadais a chéile a chosaint faoi raon feidhme an Chomhaontaithe seo.

3.   Glacfaidh Lichtinstéin bearta atá coibhéiseach leis na bearta arna nglacadh ag an Aontas i gcomhréir le hAirteagal 325(4) de CFAE agus atá i bhfeidhm ar dháta sínithe an Chomhaontaithe seo.

4.   Déanfar an malartú faisnéise idir an Coimisiún, OLAF, OIPE, an Chúirt Iniúchóirí agus údaráis inniúla Lichtinstéin ag féachaint go cuí do cheanglais rúndachta. Na sonraí pearsanta a áireofar sa mhalartú faisnéise, déanfar iad a chosaint i gcomhréir leis na rialacha is infheidhme.

1.   Beidh sé de cheart ag an Aontas athbhreithnithe agus iniúchtaí teicniúla, airgeadais nó cineálacha eile athbhreithnithe agus iniúchtaí a dhéanamh ar áitreabh aon duine nádúrtha a bhfuil cónaí air i Lichtinstéin nó ar áitreabh aon eintitis dhlítheanaigh atá bunaithe i Lichtinstéin agus a fhaigheann cistiú ón Aontas ó IBTV, chomh maith le haon tríú páirtí a bhfuil baint aige le cur chun feidhme chistiú an Aontais ó IBTV atá ina chónaí nó bunaithe i Lichtinstéin. Féadfaidh an Coimisiún, OLAF nó an Chúirt Iniúchóirí athbhreithnithe agus iniúchtaí den chineál sin a dhéanamh.

2.   Éascóidh údaráis Lichtinstéin na hathbhreithnithe agus na hiniúchtaí arna ndéanamh ag an Aontas a fhéadfar a dhéanamh i gcomhpháirt leo, más mian leis na húdaráis sin.

3.   Féadfar na hathbhreithnithe agus na hiniúchtaí a dhéanamh, lena n-áirítear tar éis cearta eintiteas dlítheanach atá bunaithe i Lichtinstéin, ar cearta iad a eascraíonn as cur i bhfeidhm an Chomhaontaithe seo, a chur ar fionraí nó tar éis fhoirceannadh an Chomhaontaithe seo, i ndáil le haon ghealltanas dlíthiúil lena gcuirtear chun feidhme buiséad an Aontais ar gealltanas é a bheidh déanta roimh an dáta óna ngabhfaidh éifeacht le fionraí chur i bhfeidhm an Chomhaontaithe seo nó le foirceannadh an Chomhaontaithe seo.

1.   Déanfaidh Lichtinstéin íocaíochtaí bliantúla le buiséad IBTV i gcomhréir leis an bhfoirmle a leagtar amach in Iarscríbhinn I.

2.   Gach bliain féadfaidh an Coimisiún suas le 0,75 % de na híocaíochtaí arna ndéanamh ag Lichtinstéin a úsáid chun an caiteachas riaracháin a mhaoiniú maidir leis an bhfoireann nó leis an bhfoireann sheachtrach is gá chun tacú le Lichtinstéin Rialachán IBTV agus an Chomhaontú seo a chur chun feidhme.

3.   Tar éis an caiteachas riaracháin dá dtagraítear i mír 2 a asbhaint, sannfar an méid atá fágtha de na híocaíochtaí bliantúla arna ndéanamh ag Lichtinstéin mar seo a leanas:

4.   Úsáidfear méid is ionann agus íocaíochtaí bliantúla Lichtinstéin chun rannchuidiú le bainistiú comhtháite teorainneacha san Eoraip atá láidir agus éifeachtach ag na teorainneacha seachtracha.

5.   Soláthróidh an tAontas do Lichtinstéin faisnéis maidir lena rannpháirtíocht airgeadais mar a áirítear san fhaisnéis bhuiséadach, chuntasaíochta, feidhmíochta agus mheastóireachta arna soláthar d’údaráis bhuiséadacha agus d’údaráis um urscaoileadh an Aontais maidir le IBTV.

1.   Déanfar an sciar d’ioncam ETIAS a d’fhéadfadh a bheith fágtha tar éis costais oibriú agus chothabháil ETIAS a chumhdach dá dtagraítear in Airteagal 86 de Rialachán ETIAS (an ‘barrachas’), a asbhaint ón ranníocaíocht airgeadais chríochnaitheach ó Lichtinstéin le IBTV, i gcomhréir leis an bhfoirmle a leagtar amach in Iarscríbhinn II.

2.   Cuirfidh Lichtinstéin tuarascáil bhliantúil faoi bhráid an Choimisiúin maidir leis na costais dá dtagraítear in Airteagal 85(2) agus (3) de Rialachán ETIAS don bhliain chuntasaíochta faoin 15 Feabhra an bhliain ina dhiaidh sin. Chun críocha na tuarascála sin, cloífidh Lichtinstéin leis na hoibleagáidí tuairiscithe uile a eascraíonn as an Rialachán ETIAS agus as aon ghníomhartha tarmligthe arna nglacadh fúithi.

1.   Formheasfaidh na Páirtithe an Comhaontú seo i gcomhréir lena nósanna imeachta féin. Tabharfaidh siad fógra dá chéile maidir le cur i gcrích na nósanna imeachta sin. Seolfar fógraí chuig Ardrúnaí Chomhairle an Aontais Eorpaigh agus chuig Misean Lichtinstéin chuig an Aontas Eorpach, faoi seach.

2.   Tiocfaidh an Comhaontú seo i bhfeidhm ar an gcéad lá den chéad mhí tar éis lá an fhógra dheireanaigh dá dtagraítear i mír 1.

3.   Chun leanúnachas a áirithiú maidir le tacaíocht a sholáthar sa réimse beartais ábhartha agus chun gur féidir tús a chur leis an gcur chun feidhme ó thús chreat airgeadais ilbhliantúil do na blianta 2021 go 2027 a leagtar síos le Rialachán (AE, Euratom) 202/2093 ón gComhairle (13), féadfar tús a chur leis na bearta a chumhdaítear le Rialachán IBTV roimh theacht i bhfeidhm an Chomhaontaithe seo agus ar a luaithe an 1 Eanáir 2021, ar choinníoll nach gcuirfear na gníomhaíochtaí i gcrích tráth a bhronnfar an tacaíocht i gcomhréir leis an Rialachán Airgeadais.

4.   Ní fhéadfar an Comhaontú seo a leasú ach amháin i scríbhinn de chomhthoil na bPáirtithe. Leanfaidh teacht i bhfeidhm na leasuithe den sórt sin an nós imeachta céanna is infheidhme maidir le teacht i bhfeidhm an Chomhaontaithe seo.

5.   D’ainneoin mhír 4 den Airteagal seo, tabharfar de chumhacht don Choiste Measctha a bunaíodh faoi Airteagal 3 den Chomhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm, agus a fhorbairt’ (14) (‘an Comhaontú Comhlachais’) na leasuithe is gá ar Airteagal 2(1), an dara fomhír, pointe (a), den Chomhaontú seo a chaibidliú agus a ghlacadh i gcás fógra a thabhairt i gcomhréir le hAirteagal 15(2) den Chomhaontú seo i gcúinsí nár thángthas ar chomhaontú de bhun Airteagal 2(2) nó (3) den Chomhaontú seo.

6.   Cé is moite d’Airteagal 5, cuirfidh na Páirtithe an Comhaontú seo i bhfeidhm go sealadach amhail ón lá tar éis lá a shínithe, gan dochar do cheanglais bhunreachtúla.

1.   Féadfaidh an tAontas cearta eintiteas dlíthiúil a bunaíodh i Lichtinstéin a eascraíonn ó chur i bhfeidhm an Chomhaontaithe seo a chur ar fionraí i gcomhréir le míreanna 5 go 7 den Airteagal seo:

2.   Tabharfaidh an tAontas fógra do Lichtinstéin go bhfuil sé ar intinn aige cearta eintiteas dlítheanach atá bunaithe i Lichtinstéin ar cearta iad a eascraíonn as cur i bhfeidhm an Chomhaontaithe seo, a chur ar fionraí agus, sa chás sin, cuirfear an t-ábhar go hoifigiúil ar chlár oibre an Choiste Mheasctha a bunaíodh faoi Airteagal 3 den Chomhaontú Comhlachais (‘an Coiste Measctha’).

3.   Tionólfar an Coiste Measctha agus tarlóidh an cruinniú laistigh de 30 lá ón bhfógra dá dtagraítear i mír 2. Beidh 90 lá ag an gCoiste Measctha chun an t-ábhar a shocrú, ag comhaireamh ón dáta a ghlacfar an clár oibre ar cuireadh an t-ábhar air i gcomhréir le mír 2. I gcás nach féidir leis an gCoiste Measctha an t-ábhar a shocrú laistigh den sprioc-am 90 lá, cuirfear 30 lá leis an sprioc-am sin d’fhonn teacht ar réiteach críochnaitheach.

4.   I gcás nach féidir leis an gCoiste Measctha an t-ábhar a shocrú laistigh den sprioc-am dá bhforáiltear i mír 3, féadfaidh an tAontas cearta eintiteas dlítheanach atá bunaithe i Lichtinstéin, ar cearta iad a eascraíonn as cur i bhfeidhm an Chomhaontaithe seo dá dtagraítear i míreanna 5 go 7, a chur ar fionraí.

5.   I gcás fionraí, ní bheidh eintitis dhlítheanacha atá bunaithe i Lichtinstéin incháilithe páirt a ghlacadh i nósanna imeachta dámhachtana nach bhfuil tugtha chun críche go fóill tráth a chuirfear an fhionraí i bhfeidhm. Measfar go mbeidh nós imeachta dámhachtana tugtha chun críche nuair a bheidh gealltanais dhlíthiúla tugtha mar thoradh ar an nós imeachta sin.

6.   Le fionraí, ní dhéanfar difear do na gealltanais dhlíthiúla arna ndéanamh de láimh leis na heintitis dhlítheanacha atá bunaithe i Lichtinstéin sular tháinig an fhionraí i bhfeidhm. Leanfaidh an Comhaontú seo d’fheidhm a bheith aige maidir le gealltanais dhlíthiúla den sórt sin.

7.   Féadfar aon oibríocht is gá chun leas airgeadais an Aontais a chosaint agus chun a áirithiú go gcomhlíonfar na hoibleagáidí airgeadais a eascraíonn as gealltanais a rinneadh faoin gComhaontú seo roimh fhionraí, a dhéanamh tar éis na fionraí.

8.   Tabharfaidh an tAontas fógra láithreach do Lichtinstéin a luaithe a bheidh méid na ranníocaíochta airgeadais nó oibríochtúla atá le híoc faighte aige, nuair a bheidh deireadh leis an neamh-chomhlíonadh le hAirteagal 2(2) den Chomhaontú seo nó nuair a shocrófar an t-ábhar a bhaineann leis an Rialachán Airgeadais. Cuirfear deireadh leis an bhfionraí le héifeacht láithreach ar fhógra den sórt sin a thabhairt.

9.   Amhail ón dáta a chuirfear deireadh leis an bhfionraí, beidh eintitis dhlítheanacha Lichtinstéin incháilithe arís le haghaidh nósanna imeachta dámhachtana a sheolfar tar éis an dáta sin agus le haghaidh nósanna imeachta dámhachtana a seoladh roimh an dáta sin, ar nósanna imeachta dámhachtana iad nach bhfuil na sprioc-amanna chun iarratais a chur isteach ina leith dulta in éag.

1.   Féadfaidh an tAontas nó Lichtinstéin an Comhaontú seo a fhoirceannadh trí fhógra a thabhairt don Pháirtí eile faoina chinneadh. Scoirfidh an Comhaontú d’fheidhm a bheith aige 3 mhí tar éis dháta an fhógra sin. Seolfar fógraí chuig Ardrúnaí Chomhairle an Aontais Eorpaigh agus chuig Misean Lichtinstéin chuig an Aontas Eorpach, faoi seach.

2.   Foirceannfar an Comhaontú seo go huathoibríoch nuair a fhoirceannfar an Prótacal Comhlachais i gcomhréir le hAirteagal 11 den Phrótacal Comhlachais.

3.   I gcás ina bhfoirceannfar an Comhaontú seo i gcomhréir le mír 1 nó 2, leanfar le hoibríochtaí ina ndearnadh na gealltanais dhlíthiúla tar éis theacht i bhfeidhm an Chomhaontaithe seo, agus sula bhfoirceannfar an Comhaontú seo, go dtí go dtabharfar chun críche na hoibríochtaí sin faoi na coinníollacha a leagtar síos sa Chomhaontú seo.

4.   Aon oibríocht is gá chun leas airgeadais an Aontais a chosaint agus chun a áirithiú go gcomhlíonfar na hoibleagáidí airgeadais a eascraíonn as gealltanais a rinneadh faoin gComhaontú seo sular foirceannadh é, féadfar an oibríocht sin a dhéanamh tar éis fhoirceannadh an Chomhaontaithe seo.

5.   Socróidh na Páirtithe de chomhthoil aon iarmhairt eile a ghabhann le foirceannadh an Chomhaontaithe seo.