1.   Tabharfaidh cuideachtaí plean faireacháin a loinge don fhíoraitheoir trí úsáid a bhaint as teimpléad a chomhfhreagraíonn don cheann a leagtar amach in Iarscríbhinn I a ghabhann le Rialachán Cur Chun Feidhme (AE) 2016/1927. Más i dteanga eile seachas Béarla atá an plean faireacháin, soláthróidh siad aistriúchán go Béarla.

2.   Sula dtosaítear ar mheasúnú a dhéanamh ar an bplean faireacháin, tabharfaidh an chuideachta an fhaisnéis seo a leanas ar a laghad don fhíoraitheoir:

3.   Chun críoch mhír 2, pointe (d), cuirfidh an eagraíocht nó an duine dá dtagraítear sa phointe sin doiciméad ar fáil don fhíoraitheoir ina dtugtar le fios go soiléir go bhfuil sainordú cuí faighte aige ón longúinéir chun na hoibleagáidí faoi Rialachán (AE) 2015/757 agus, i gcás inarb infheidhme, na hoibleagáidí CTA a chomhlíonadh.

Síneoidh an longúinéir agus an eagraíocht nó an duine araon an doiciméad.

Má an doiciméad sin i dteanga eile seachas Béarla, soláthrófar aistriúchán Béarla.

Beidh an fhaisnéis seo a leanas sa doiciméad:

4.   Cuirfidh an chuideachta, má iarrtar sin, aon fhaisnéis eile ar fáil a mheastar a bheith ábhartha chun a mheasúnú a dhéanamh ar an bplean.

1.   Agus measúnú á dhéanamh ar an bplean faireacháin, tabharfaidh an fíoraitheoir aghaidh ar na dearbhuithe maidir le hiomláine, cruinneas agus ábharthacht na faisnéise a chuirtear ar fáil sa phlean faireacháin, chomh maith le comhréireacht an phlean le Rialachán (AE) 2015/757.

2.   Déanfaidh an fíoraitheoir an méid seo a leanas ar a laghad:

3.   Chun measúnú a dhéanamh ar an bplean faireacháin, féadfaidh an fíoraitheoir dul i muinín fiosrúcháin, iniúchta doiciméad, breathnóireachta agus aon teicníce iniúchóireachta eile a mheastar a bheith iomchuí.

1.   Déanfaidh an fíoraitheoir cuairteanna ar an láithreán chun tuiscint leormhaith a fháil ar na nósanna imeachta sa phlean faireacháin agus bailíochtóidh sé go bhfuil an fhaisnéis iontu sin cruinn.

2.   Déanfaidh an fíoraitheoir suíomh nó suíomhanna na cuairte ar an láithreán tar éis an áit a stóráiltear mais chriticiúil na sonraí ábhartha a chur san áireamh, lena n-áirítear cóipeanna leictreonacha agus crua de dhoiciméid a gcoinnítear na bunchóipeanna díobh ar an long, agus an áit ina ndéantar na gníomhaíochtaí sreafa sonraí agus rialaithe.

3.   Cinnfidh an fíoraitheoir freisin na gníomhaíochtaí a bheidh le déanamh agus an t-am is gá don chuairt ar an láithreán.

4.   Tabharfaidh an chuideachta rochtain don fhíoraitheoir ar a cuid láithreán, lena n-áirítear ar a suíomhanna ábhartha ar an gcladach agus ar an long ábhartha.

5.   Féadfaidh an fíoraitheoir cuairt fhíorúil ar an láithreán a dhéanamh ar choinníoll go gcomhlíontar ceann amháin de na coinníollacha seo a leanas:

Déanfaidh an fíoraitheoir bearta chun an riosca fíorúcháin a laghdú chuig leibhéal inghlactha chun dearbhú réasúnach a fháil go bhfuil an plean faireacháin i gcomhréir le Rialachán (AE) 2015/757.

Déanfar an cinneadh chun cuairt fhíorúil ar an láithreán a dhéanamh tar éis a chinneadh gur comhlíonadh na coinníollacha chun cuairt fhíorúil ar an láithreán a dhéanamh. Cuirfidh an fíoraitheoir an chuideachta ar an eolas gan moill mhíchuí faoin gcinneadh chun cuairt fhíorúil ar an láithreán a dhéanamh agus gur comhlíonadh na coinníollacha chun cuairt fhíorúil ar an láithreán a dhéanamh.

6.   Féadfaidh an fíoraitheoir cuairt ar an láithreán a tharscaoileadh dá dtagraítear i míreanna 1 agus 5, ar choinníoll go ndéantar na coinníollacha a leagtar síos i mír 5, pointí (a), (b) agus (c) a chomhlíonadh go carnach.

Déanfaidh an fíoraitheoir bearta chun an riosca fíorúcháin a laghdú chuig leibhéal inghlactha chun dearbhú réasúnach a fháil go bhfuil an plean faireacháin i gcomhréir le Rialachán (AE) 2015/757.

Déanfar an cinneadh chun cuairt ar an láithreán a tharscaoileadh tar éis cinneadh a dhéanamh gur comhlíonadh na coinníollacha chun cuairteanna ar an láithreán a tharscaoileadh. Cuirfidh an fíoraitheoir an chuideachta ar an eolas gan moill mhíchuí faoin gcinneadh chun cuairt ar an láithreán a tharscaoileadh agus gur comhlíonadh na coinníollacha chun na cuairteanna ar an láithreán a tharscaoileadh.

7.   Ní tharscaoilfear cuairt ar an láithreán dá dtagraítear i míreanna 1 agus 5 in aon cheann de na cásanna seo a leanas:

8.   Má thugann an fíoraitheoir cuairt fhíorúil ar an láithreán de bhun mhír 5 nó má tharscaoileann sé cuairt ar an láithreán de bhun mhír 6, tabharfaidh sé réasúnú chun déanamh amhlaidh sa doiciméadacht fíorúcháin inmheánach.

1.   I gcás ina sainaithníonn an fíoraitheoir neamhréireachtaí le linn measúnú ar an bplean faireacháin, cuirfidh sé an chuideachta ar an eolas faoi sin gan moill mhíchuí, agus iarrfaidh sé go ndéanfar ceartúcháin ábhartha laistigh de thráthchlár molta.

2.   Ceartóidh an chuideachta gach neamhréireacht a chuireann an fíoraitheoir in iúl, agus cuirfidh sí plean faireacháin leasaithe isteach chuig an bhfíoraitheoir i gcomhréir leis an tráthchlár aontaithe, rud a cheadóidh don fhíoraitheoir athmheasúnú a dhéanamh air roimh thús na tréimhse tuairiscithe.

3.   Déanfaidh an fíoraitheoir gach neamhréireacht a ceartaíodh le linn an mheasúnaithe ar an bplean faireacháin a dhoiciméadú sa doiciméadacht fíorúcháin inmheánach, agus iad uile marcáilte mar neamhréireachtaí réitithe.

1.   Cuirfidh an fhoireann fíorúcháin an doiciméadacht fíorúcháin inmheánach agus na dréacht-chonclúidí ón measúnú ar an bplean chuig athbhreithneoir neamhspleách gan mhoill agus sula gcuirfear in iúl don chuideachta iad.

2.   Déanfaidh an t-athbhreithneoir neamhspleách athbhreithniú chun a áirithiú go ndearnadh an plean faireacháin a mheasúnú i gcomhréir leis an Rialachán seo agus go ndearnadh cúram agus breithiúnas gairmiúil cuí.

3.   Cuimseofar le raon feidhme an athbhreithnithe neamhspleách an próiseas measúnúcháin iomlán ar a dtugtar tuairisc in Airteagail 4 go 9.

4.   Áireoidh an fíoraitheoir torthaí an athbhreithnithe neamhspleách sa doiciméadacht fíorúcháin inmheánach.

1.   Sula dtosaítear ar fhíorú a dhéanamh ar an tuarascáil astaíochtaí agus ar an tuarascáil pháirteach astaíochtaí, tabharfaidh cuideachtaí an fhaisnéis tacaíochta seo a leanas don fhíoraitheoir:

2.   A luaithe a bheidh cuid shonrach/codanna sonracha nó doiciméad sonrach/doiciméid shonracha aitheanta ag an bhfíoraitheoir, a mheastar a bheith ábhartha chun críoch a fhíoraithe, cuirfidh cuideachtaí an fhaisnéis tacaíochta seo a leanas ar fáil freisin:

3.   Ina theannta sin, agus más infheidhme ar bhonn an mhodha faireacháin a chuirtear i bhfeidhm, féadfaidh fíoraitheoirí iarraidh ar an gcuideachta an méid seo a leanas a sholáthar:

4.   I gcás go n-athrófaí an chuideachta, feidhmeoidh na cuideachtaí lena mbaineann dícheall cuí lena chur ar fáil don fhíoraitheoir, arna iarraidh sin dó, na doiciméid tacaíochta nó an fhaisnéis dá dtagraítear i míreanna 1, 2 agus 3 i ndáil leis na muiraistir a dhéantar faoina bhfreagrachtaí faoi seach.

5.   Coinneoidh cuideachtaí an fhaisnéis dá dtagraítear i míreanna 1 go 4 le haghaidh na dtréimhsí a shocraítear faoi Choinbhinsiún Idirnáisiúnta 1973 um Thruailliú ó Longa a Chosc (Coinbhinsiún MARPOL) agus faoi Choinbhinsiún Idirnáisiúnta 1988 um Shábháilteacht Anama ar Muir (Coinbhinsiún SOLAS). Ar feitheamh eisiúint an Doiciméid comhlíontachta i gcomhréir le hAirteagal 17 de Rialachán (AE) 2015/757 nó, i gcás tuarascálacha páirteacha astaíochtaí, ar feitheamh eisiúint na tuarascála fíorúcháin, féadfaidh an fíoraitheoir aon chuid den fhaisnéis a iarraidh dá dtagraítear i míreanna 1, 2 agus 3.

1.   Ag tús an fhíorúcháin, déanfaidh an fíoraitheoir measúnú ar chineál, scála agus castacht dhóchúil na gcúraimí fíorúcháin trí anailís straitéiseach a dhéanamh ar gach gníomhaíocht atá ábhartha don long.

2.   Chun tuiscint a fháil ar na gníomhaíochtaí a dhéanann an chuideachta, baileoidh agus athbhreithneoidh an fíoraitheoir an fhaisnéis atá de dhíth le measúnú a dhéanamh go bhfuil dóthain inniúlachtaí ag an bhfoireann fíorúcháin an fíorúchán a dhéanamh, chun cinneadh a dhéanamh gur socraíodh an leithdháileadh ama a thugtar le fios sa chonradh i gceart agus chun a áirithiú gur féidir leis an anailís riosca riachtanach a dhéanamh. Áireofar an méid seo a leanas san fhaisnéis sin ar a laghad:

3.   Le linn don fhíoraitheoir an fhaisnéis dá dtagraítear i mír 2 a athbhreithniú, déanfaidh sé na gnéithe seo a leanas a mheasúnú ar a laghad:

4.   Le linn don fhíoraitheoir an anailís straitéiseach a dhéanamh, ba cheart dó na nithe seo a leanas a sheiceáil:

1.   I dteannta na n-eilimintí dá dtagraítear i míreanna 1, 2 agus 3 d’Airteagal 15 de Rialachán (AE) 2015/757, sainaithneoidh agus déanfaidh an fíoraitheoir anailís ar an méid seo a leanas:

Le linn don fhíoraitheoir na heilimintí dá dtagraítear sa chéad fhomhír a shainaithint agus a anailísiú, déanfaidh sé machnamh ar na torthaí ón anailís straitéiseach dá dtagraítear in Airteagal 11(1).

2.   Le linn don fhíoraitheoir anailís riosca a dhéanamh, déanfaidh sé machnamh ar aon réimsí lena mbaineann riosca fíorúcháin níos airde, agus ar na nithe seo a leanas ar a laghad: sonraí muiraistir, ídiú breosla, cineálacha breoslaí a úsáidtear, cur i bhfeidhm aon mhaolaithe ó Airteagal 12(3) de Threoir 2003/87/CE dá ndéantar foráil in Airteagail 12(3a), 12(3b) agus 12(3-e) go 12(3-b) den Treoir sin, astaíochtaí gás ceaptha teasa, fad taistealaithe, am caite ar farraige, lasta iompartha, agus comhiomlánú sonraí sa tuarascáil astaíochtaí nó sa tuarascáil pháirteach astaíochtaí.

3.   Le linn don fhíoraitheoir na gnéithe dá dtagraítear i mír 2 a shainaithint agus a anailísiú, déanfaidh sé machnamh ar iomláine, cruinneas, comhsheasmhacht, trédhearcacht agus ábharthacht na faisnéise tuairiscithe agus gur ann don fhaisnéis sin.

4.   I gcás inarb iomchuí, i bhfianaise na faisnéise a fuarthas le linn an fhíorúcháin, déanfaidh an fíoraitheoir an anailís riosca a athbhreithniú agus na gníomhaíochtaí fíorúcháin a bheidh le déanamh a mhodhnú nó a athdhéanamh.

1.   Cuirfidh an fíoraitheoir an plean fíorúcháin chun feidhme agus, ar bhonn na hanailíse riosca, fíoróidh sé cé acu is ann nó nach ann do na córais faireacháin agus tuairiscithe sa chleachtas, mar a thugtar tuairisc orthu sa phlean faireacháin a measadh a bheith sásúil, agus cé acu atá nó nach bhfuil siad curtha chun feidhme i gceart.

Chuige sin, déanfaidh an fíoraitheoir machnamh ar na cineálacha próiseas seo a leanas a dhéanamh:

2.   Déanfaidh an fíoraitheoir an méid seo a leanas a fhíorú:

Chun críocha phointe (a), déanfaidh an fíoraitheoir rianú ar an sreabhadh sonraí agus é ag leanúint sheicheamh agus idirghníomhú na ngníomhaíochtaí sreafa sonraí idir na príomhshonraí foinseacha agus tiomsú na tuarascála astaíochtaí nó na tuarascála páirtí astaíochtaí.

Chun críocha phointí (b) agus (c), féadfaidh an fíoraitheoir úsáid a bhaint as modhanna samplála atá sonrach maidir le long ar choinníoll, ar bhonn na hanailíse riosca, go bhfuil bonn cirt leis an tsampláil.

1.   Déanfaidh an fíoraitheoir na sonraí a thuairiscítear sa tuarascáil astaíochtaí nó sa tuarascáil pháirteach astaíochtaí a fhíorú tríd an méid seo a leanas a dhéanamh:

2.   Mar chuid den fhíorú sonraí dá dtagraítear i mír 1, déanfaidh an fíoraitheoir an méid seo a leanas a fhíorú:

1.   I gcás inar úsáideadh modhanna a leagtar síos sa phlean faireacháin arna mheasúnú ag an bhfíoraitheoir agus, i gcás inarb infheidhme, arna fhormheas ag an údarás riaracháin freagrach chun sonraí in easnamh a chomhlánú de bhun Chuid C d’Iarscríbhinn I a ghabhann le Rialachán (AE) 2015/757, déanfaidh an fíoraitheoir fíorú cé acu a bhí nó nach raibh na modhanna a úsáideadh iomchuí don chás sonrach, agus cé acu a cuireadh nó nár cuireadh i bhfeidhm i gceart iad.

2.   I gcás nach ndearnadh na modhanna dá dtagraítear i mír 1 a mheasúnú ná a fhormheas roimh ré, déanfaidh an fíoraitheoir a fhíorú cé acu a áirithítear nó nach n-áirithítear, leis an gcur chuige a úsáideann an chuideachta chun na sonraí atá in easnamh a chomhlánú, nach ndéantar gannmheastachán ar na hastaíochtaí agus nach n-eascraíonn míráitis ábhartha as an gcur chuige.

1.   Chun na sonraí maidir le hídiú breosla agus astaíochtaí gás ceaptha teasa sa tuarascáil astaíochtaí agus sa tuarascáil pháirteach astaíochtaí a fhíorú, is leibhéal ábharthachta 5 % den iomlán a bheidh sa leibhéal a thuairiscítear le haghaidh gach míre sa tréimhse tuairiscithe.

2.   Chun faisnéis ábhartha eile sa tuarascáil astaíochtaí agus sa tuarascáil pháirteach astaíochtaí a fhíorú maidir le lasta iompartha, obair iompair, fad a thaistealaítear agus am caite ar muir, is leibhéal ábharthachta 5 % den iomlán a bheidh sa leibhéal a thuairiscítear le haghaidh gach míre sa tréimhse tuairiscithe.

1.   Tabharfaidh an fíoraitheoir cuairteanna ar an láithreán chun tuiscint leormhaith a fháil ar an gcuideachta agus ar chóras faireacháin agus tuairiscithe na loinge mar a thuairiscítear sa phlean faireacháin.

2.   Déanfaidh an fíoraitheoir suíomh nó suíomhanna na cuairte ar an láithreán a chinneadh ar bhonn thorthaí na hanailíse riosca agus tar éis dó an áit a stóráiltear formhór na sonraí ábhartha a chur san áireamh, lena n-áirítear cóipeanna leictreonacha nó crua de dhoiciméid a gcoinnítear na bunchóipeanna díobh ar an long, agus an áit ina ndéantar na gníomhaíochtaí sreafa sonraí agus na gníomhaíochtaí rialaithe.

3.   Ar bhonn an toraidh ar chuairt láithreáin chuig suíomh ar an gcladach, i gcás ina dtagann an fíoraitheoir ar an gconclúid go bhfuil gá le fíorúchán ar bord chun an riosca míráiteas ábhartha sa tuarascáil astaíochtaí nó sa tuarascáil pháirteach astaíochtaí a laghdú, féadfaidh sé cinneadh a dhéanamh cuairt a thabhairt ar an long.

4.   Cinnfidh an fíoraitheoir freisin na gníomhaíochtaí a bheidh le déanamh agus an t-am is gá don chuairt ar an láithreán.

5.   Tabharfaidh an chuideachta rochtain don fhíoraitheoir ar a suíomhanna, lena n-áirítear a suíomhanna ábhartha faoin gcladach agus ar an long ábhartha.

6.   Féadfaidh an fíoraitheoir cuairt fhíorúil ar an láithreán a dhéanamh ar choinníoll, ar bhonn thoradh na hanailíse riosca, go gcomhlíontar ceann de na coinníollacha seo a leanas:

Déanfaidh an fíoraitheoir bearta chun an riosca fíorúcháin a laghdú chuig leibhéal inghlactha chun dearbhú réasúnach a fháil go bhfuil an tuarascáil astaíochtaí nó an tuarascáil pháirteach astaíochtaí i gcomhréir le Rialachán (AE) 2015/757.

Gan dochar don chéad fhomhír, pointe (d), ní dhéanfaidh an fíoraitheoir cuairt fhíorúil ar an suíomh mura ndearnadh aon chuairt fhisiceach ar an láithreán sna trí thréimhse tuairiscithe díreach roimh an tréimhse tuairiscithe atá ann faoi láthair. Déanfar tagairt leis an tréimhse 3 bliana do thrí thréimhse tuairiscithe as a chéile a thosaíonn tar éis 1 Eanáir 2024, lena n-áirítear tréimhsí tuairiscithe ina ndearnadh cuairteanna ar an láithreán de bhun na chéad fhomhíre, pointe (d).

Déanfar an cinneadh chun cuairt fhíorúil ar an láithreán a dhéanamh tar éis a chinneadh gur comhlíonadh na coinníollacha chun cuairt fhíorúil ar an láithreán a dhéanamh. Cuirfidh an fíoraitheoir an chuideachta ar an eolas gan moill mhíchuí faoin gcinneadh chun cuairt fhíorúil ar an láithreán a dhéanamh agus gur comhlíonadh na coinníollacha chun cuairt fhíorúil ar an láithreán a dhéanamh.

7.   Féadfaidh an fíoraitheoir cinneadh a dhéanamh cuairt ar an láithreán dá dtagraítear i míreanna 1 go 6 a tharscaoileadh ar choinníoll go gcomhlíontar go carnach na coinníollacha dá dtagraítear i mír 6, pointí (a), (b) agus (c).

Déanfaidh an fíoraitheoir bearta chun an riosca fíorúcháin a laghdú chuig leibhéal inghlactha chun dearbhú réasúnach a fháil go bhfuil an tuarascáil astaíochtaí nó an tuarascáil pháirteach astaíochtaí i gcomhréir le Rialachán (AE) 2015/757.

Déanfar an cinneadh chun cuairt ar an láithreán a tharscaoileadh tar éis cinneadh a dhéanamh gur comhlíonadh na coinníollacha chun cuairteanna ar an láithreán a tharscaoileadh. Cuirfidh an fíoraitheoir an chuideachta ar an eolas gan moill mhíchuí faoin gcinneadh chun cuairt ar an láithreán a tharscaoileadh agus gur comhlíonadh na coinníollacha chun na cuairteanna ar an láithreán a tharscaoileadh.

8.   Ní tharscaoilfear cuairt ar an láithreán dá dtagraítear i míreanna 1 agus 6 in aon cheann de na cásanna seo a leanas:

9.   Maidir le longa a thagann faoi raon feidhme Threoir 2003/87/CE, cuirfidh an chuideachta a húdarás riaracháin freagrach ar an eolas gan moill mhíchuí faoi chinneadh an fhíoraitheora chun an chuairt ar an láithreán a tharscaoileadh.

Féadfaidh an t-údarás riaracháin freagrach agóid a dhéanamh in aghaidh chinneadh an fhíoraitheora an chuairt ar an láithreán a tharscaoileadh, agus na heilimintí seo a leanas uile á gcur san áireamh:

I gcás agóide, tabharfaidh an t-údarás riaracháin freagrach fógra don chuideachta maidir leis an agóid agus na cúiseanna leis an agóid sin laistigh de thréimhse réasúnach, ach tráth nach déanaí ná 2 mhí ón dáta a cuireadh in iúl dó cinneadh an fhíoraitheora an chuairt ar an láithreán a tharscaoileadh.

10.   Má thugann an fíoraitheoir cuairt fhíorúil ar an láithreán de bhun mhír 6 nó má tharscaoileann sé cuairt ar an láithreán de bhun mhír 7, tabharfaidh sé réasúnú chun déanamh amhlaidh sa doiciméadacht fíorúcháin inmheánach.

1.   I gcás ina sainaithníonn an fíoraitheoir míráitis nó neamhréireachtaí le linn fhíorú na tuarascála astaíochtaí agus na tuarascála páirtí astaíochtaí, cuirfidh sé an chuideachta ar an eolas faoi sin gan moill mhíchuí, agus iarrfaidh sé ceartúcháin ábhartha laistigh de sprioc-am réasúnach.

Ceartóidh an chuideachta aon mhíráiteas ná neamhréireacht a cuireadh in iúl.

2.   Déanfaidh an fíoraitheoir an doiciméadacht fíorúcháin inmheánach a dhoiciméadú, agus marcálfaidh sé gach míráiteas nó neamhréireacht a ceartaíodh le linn an fhíoraithe leis an stádas réitithe.

3.   I gcás nach ndéanann an chuideachta na míráitis nó na neamhréireachtaí dá dtagraítear i mír 1 a cheartú, iarrfaidh an fíoraitheoir ar an gcuideachta, sula n-eiseoidh sé an tuarascáil fíorúcháin, príomhchúiseanna na míráiteas nó na neamhréireachtaí a mhíniú.

4.   Déanfaidh an fíoraitheoir measúnú ar cé acu a bhíonn nó nach mbíonn tionchar ag na míráitis neamhcheartaithe, go haonarach nó in éineacht le míráitis eile, ar na hastaíochtaí iomlána a thuairiscítear nó ar fhaisnéis ábhartha eile agus cé acu a thagann nó nach dtagann míráitis ábhartha as an tionchar sin.

Déanfaidh an fíoraitheoir measúnú ar cé acu a imríonn nó nach n-imríonn an neamhréireacht neamhcheartaithe tionchar, go haonarach nó nuair a dhéantar í a chomhcheangal le neamhréireachtaí eile, ar na sonraí tuairiscithe agus cé acu a thagann nó nach dtagann míráiteas ábhartha as sin.

5.   Déanfaidh an fíoraitheoir machnamh ar mhíráitis nó neamhréireachtaí atá, go haonarach nó in éineacht le míráitis eile, faoi bhun an leibhéil ábharthachta a shocraítear in Airteagal 17 mar mhíráitis ábhartha i gcás ina bhfuil bonn cirt leis sin de bharr a scála agus a gcineáil nó de bharr imthosca ar leith a bhaineann lena dtarlú.

1.   Cuirfidh an fíoraitheoir in iúl don chuideachta moltaí maidir le feabhsú i ndáil le míráitis neamhcheartaithe agus neamhréireachtaí nach dtagann míráitis ábhartha astu.

2.   Féadfaidh an fíoraitheoir moltaí eile maidir le feabhsúchán a mheasann sé a bheith ábhartha a chur in iúl, i bhfianaise thoradh na ngníomhaíochtaí fíorúcháin.

3.   Le linn dó moltaí a chur in iúl don chuideachta, fanfaidh an fíoraitheoir neamhchlaonta vis-à-vis an chuideachta, an long agus an córas faireacháin agus tuairiscithe. Ní dhéanfaidh sé a neamhchlaontacht a chur i mbaol trí chomhairle a thabhairt nó trí chodanna den phróiseas faireacháin agus tuairiscithe a fhorbairt de bhun Rialachán (AE) 2015/757.

4.   Le linn an fhíorúcháin tar éis bliana ina ndearnadh moltaí maidir le feabhsúchán i dtuarascáil fíorúcháin, fíoróidh an fíoraitheoir cé acu atá nó nach bhfuil na moltaí sin maidir le feabhsúchán curtha chun feidhme ag an gcuideachta agus an bealach ina ndearnadh sin. Mura bhfuil na moltaí sin curtha chun feidhme ag an gcuideachta, déanfaidh an fíoraitheoir measúnú ar cibé acu a mhéadaítear nó nach méadaítear leis sin an riosca míráiteas nó a fhéadfaí an riosca míráiteas a mhéadú.

1.   Ar bhonn na faisnéise a bailíodh, eiseoidh an fíoraitheoir tuarascáil fíorúcháin i leith gach tuarascála astaíochtaí nó tuarascála páirtí astaíochtaí atá faoi réir fíorúcháin, agus tarchuirfidh an tuarascáil fíorúcháin sin chuig an gcuideachta.

2.   Ar fháil na tuarascála fíorúcháin de bhun mhír 1, cuirfidh an chuideachta an tuarascáil fíorúcháin in éineacht leis an tuarascáil astaíochtaí nó an tuarascáil pháirteach astaíochtaí faoi bhráid an údaráis riaracháin fhreagraigh, más infheidhme. Cuirfear an tuarascáil astaíochtaí isteach trí úsáid a bhaint as córais uathoibríocha agus as formáidí malartaithe sonraí.

3.   Áireofar sa tuarascáil fíorúcháin ráiteas ina bhfíoraítear an tuarascáil astaíochtaí nó an tuarascáil pháirteach astaíochtaí a bheith sásúil nó míshásúil.

4.   Chun críocha mhír 3, ní mheasfar an tuarascáil astaíochtaí ná an tuarascáil pháirteach astaíochtaí a bheith fíoraithe ina tuarascáil shásúil ach amháin má tá sí saor ó mhíráitis ábhartha. Ní dhéanfar an tuarascáil astaíochtaí ná an tuarascáil pháirteach astaíochtaí a fhíorú mar shásúil i gcás ina bhfuil míráitis ábhartha ann nár ceartaíodh sular eisíodh an tuarascáil fíorúcháin.

5.   Beidh na heilimintí seo a leanas sa tuarascáil fíorúcháin:

6.   Tabharfaidh an fíoraitheoir tuairisc ar na míráitis agus neamhréireachtaí trí mhionsonraí leordhóthanacha sa tuarascáil fíorúcháin, lena n-áirítear na gnéithe seo a leanas:

1.   Déanfaidh an t-athbhreithneoir neamhspleách athbhreithniú ar an doiciméadacht fíorúcháin inmheánach agus ar an dréacht-tuarascáil fíorúcháin chun a fhíorú go ndearnadh an próiseas fíorúcháin i gcomhréir leis an Rialachán sin agus gur feidhmíodh cúram agus breithiúnas gairmiúil cuí.

2.   Cuimseoidh raon feidhme an athbhreithnithe neamhspleách an próiseas fíorúcháin iomlán a leagtar síos in Airteagail 10 go 22.

3.   Tar éis fíordheimhniú a bheith déanta ar an tuarascáil i gcomhréir le hAirteagal 20, pointe (e), áireoidh an fíoraitheoir torthaí an athbhreithnithe neamhspleách sa doiciméadacht fíorúcháin inmheánach agus tabharfaidh sé fógra don Choimisiún agus do bhratstát na loinge i dtaobh cé acu a comhlíonadh nó nár comhlíonadh na coinníollacha chun an doiciméad comhlíontachta a eisiúint.

1.   Sula gcuirfear tús le fíorú a dhéanamh ar an tuarascáil ar leibhéal cuideachta, soláthróidh cuideachtaí an fhaisnéis seo a leanas don fhíoraitheoir:

2.   Féadfaidh fíoraitheoirí iarraidh ar an gcuideachta aon fhaisnéis eile atá ábhartha maidir le fíorú a dhéanamh ar an tuarascáil ar leibhéal cuideachta a sholáthar, lena n-áirítear cóip de phleananna faireacháin na long atá faoi fhreagracht na cuideachta le linn na tréimhse tuairiscithe agus, más infheidhme, fianaise ar an athrú cuideachta lena n-áirítear fianaise maidir leis an dáta athraithe.

1.   Ag tús an fhíoraithe, déanfaidh an fíoraitheoir cineál, scála agus castacht dhóchúil na gcúraimí fíorúcháin a mheasúnú trí anailís straitéiseach a dhéanamh ar na gníomhaíochtaí uile is ábhartha don chuideachta.

2.   Chun críocha na ngníomhaíochtaí a dhéanann an chuideachta a thuiscint, baileoidh agus athbhreithneoidh an fíoraitheoir an fhaisnéis is gá chun a mheasúnú go bhfuil inniúlacht leormhaith ag an bhfoireann fíorúcháin chun an fíorú a dhéanamh, chun a chinneadh go bhfuil an leithdháileadh ama a shonraítear sa chonradh socraithe i gceart agus chun a áirithiú go bhfuil sí in ann an anailís riosca is gá a dhéanamh. Áireofar ar an bhfaisnéis sin:

1.   Chun measúnú a dhéanamh ar iomláine agus comhsheasmhacht na sonraí tuairiscithe de bhun Airteagal 14(4) de Rialachán (AE) 2015/757, breithneoidh an fíoraitheoir réimsí ina bhfuil riosca fíorúcháin níos airde agus eilimintí amhail iad seo a leanas á gcur san áireamh:

2.   I gcás inarb iomchuí, i bhfianaise na faisnéise a fuarthas le linn an fhíorúcháin, déanfaidh an fíoraitheoir an anailís riosca a athbhreithniú agus na gníomhaíochtaí fíorúcháin a bheidh le déanamh a mhodhnú nó a athdhéanamh.

1.   Déanfaidh an fíoraitheoir measúnú ar iomláine agus comhsheasmhacht na sonraí a thuairiscítear sa tuarascáil ar leibhéal cuideachta ar na bealaí seo a leanas:

2.   Mar chuid den fhíorú sonraí dá dtagraítear i mír 1, déanfaidh an fíoraitheoir an méid seo a leanas a fhíorú:

1.   Chun fíorú a dhéanamh ar thuarascáil ar leibhéal cuideachta, i gcás inarb airde suim iomlán astaíochtaí gás ceaptha teasa comhiomlánaithe na long uile, atá le tuairisciú faoi Threoir 2003/87/CE mar a chinntear ar leibhéal na loinge i gcomhréir le Cuid C, pointí 1.1 go 1.7, d’Iarscríbhinn II a ghabhann le Rialachán (AE) 2015/757, ná 500 000 tona de choibhéis CO2, beidh an leibhéal ábharthachta cothrom le 2 % de na sonraí astaíochtaí sin sa tréimhse tuairiscithe.

2.   Chun fíorú a dhéanamh ar thuarascáil ar leibhéal cuideachta, nuair nach mó an méid dá dtagraítear i mír 1 ná 500 000 tona de choibhéis CO2, beidh an leibhéal ábharthachta cothrom le 5 % de na sonraí astaíochtaí sa tréimhse tuairiscithe.

1.   Déanfaidh an fíoraitheoir cuairteanna ar láithreáin chun fíorú a dhéanamh ar thuarascáil ar leibhéal cuideachta, go háirithe bunaithe ar thoradh na hanailíse riosca de bhun Airteagal 26, agus an áit ina stóráiltear mais chriticiúil na sonraí ábhartha á cur san áireamh, mar aon leis an áit ina ndéantar gníomhaíochtaí sreafa sonraí agus gníomhaíochtaí rialaithe.

2.   Cinnfidh an fíoraitheoir freisin na gníomhaíochtaí a bheidh le déanamh agus an t-am is gá don chuairt ar an láithreán.

3.   Soláthróidh an chuideachta rochtain don fhíoraitheoir ar a láithreáin, lena n-áirítear ar a suíomhanna ábhartha ar tír agus ar a longa ábhartha.

4.   Féadfaidh an fíoraitheoir cuairt fhíorúil ar an láithreán a dhéanamh ar choinníoll, ar bhonn thoradh na hanailíse riosca, gur comhlíonadh ceann de na coinníollacha seo a leanas:

Déanfaidh an fíoraitheoir bearta chun an riosca fíorúcháin a laghdú go leibhéal inghlactha chun dearbhú réasúnach a fháil go bhfuil an tuarascáil ar leibhéal cuideachta i gcomhréir le Rialachán (AE) 2015/757.

Déanfar an cinneadh chun cuairt fhíorúil a dhéanamh ar an láithreán tar éis a chinneadh gur comhlíonadh na coinníollacha chun cuairt fhíorúil ar an láithreán a dhéanamh. Cuirfidh an fíoraitheoir an chuideachta ar an eolas gan moill mhíchuí faoin gcinneadh chun cuairt fhíorúil ar an láithreán a dhéanamh agus gur comhlíonadh na coinníollacha chun cuairt fhíorúil ar an láithreán a dhéanamh.

5.   Ar bhonn thoradh na hanailíse riosca, féadfaidh an fíoraitheoir a chinneadh cuairt ar an láithreán dá dtagraítear i mír 1 agus i mír 4 a tharscaoileadh ar choinníoll gur comhlíonadh na coinníollacha thíos go carnach:

Déanfaidh an fíoraitheoir bearta chun an riosca fíorúcháin a laghdú go leibhéal inghlactha chun dearbhú réasúnach a fháil go bhfuil an tuarascáil ar leibhéal cuideachta i gcomhréir le Rialachán (AE) 2015/757.

Déanfar an cinneadh cuairt ar an láithreán a tharscaoileadh tar éis a chinneadh gur comhlíonadh na coinníollacha chun an chuairt ar an láithreán a tharscaoileadh. Cuirfidh an fíoraitheoir an chuideachta ar an eolas gan moill mhíchuí faoin gcinneadh cuairt ar an láithreán a tharscaoileadh agus gur comhlíonadh na coinníollacha chun an chuairt ar an láithreán a tharscaoileadh.

6.   Maidir le longa a thagann faoi raon feidhme Threoir 2003/87/CE, cuirfidh an chuideachta a húdarás riaracháin freagrach ar an eolas gan moill mhíchuí faoi chinneadh an fhíoraitheora chun an chuairt ar an láithreán a tharscaoileadh.

Féadfaidh an t-údarás riaracháin freagrach agóid a dhéanamh in aghaidh chinneadh an fhíoraitheora an chuairt ar an láithreán a tharscaoileadh, agus na heilimintí seo a leanas uile á gcur san áireamh:

I gcás agóide, tabharfaidh an t-údarás riaracháin freagrach fógra don chuideachta maidir leis an agóid agus na cúiseanna leis an agóid sin laistigh de thréimhse réasúnach, ach tráth nach déanaí ná 2 mhí ón dáta a cuireadh in iúl dó cinneadh an fhíoraitheora an chuairt ar an láithreán a tharscaoileadh.

7.   Má thugann an fíoraitheoir cuairt fhíorúil ar an láithreán de bhun mhír 4 nó má tharscaoileann sé cuairt ar an láithreán de bhun mhír 5, tabharfaidh sé réasúnú chun déanamh amhlaidh sa doiciméadacht fíorúcháin inmheánach.

1.   I gcás ina sainaithneoidh an fíoraitheoir míráitis nó neamhréireachtaí sa tuarascáil ar leibhéal cuideachta le linn a fíorúcháin, cuirfidh sé an chuideachta ar an eolas faoi sin gan moill mhíchuí agus iarrfaidh sé ceartúcháin ábhartha laistigh de sprioc-am réasúnach.

Ceartóidh an chuideachta aon mhíráiteas ná neamhréireacht a cuireadh in iúl.

2.   Déanfaidh an fíoraitheoir, sa doiciméadacht fíorúcháin inmheánach, na míráitis nó neamhréireachtaí uile a ceartaíodh le linn an fhíorúcháin a dhoiciméadú, agus marcálfaidh sé iad mar réitithe.

3.   I gcás nach ndéanann an chuideachta na míráitis nó na neamhréireachtaí dá dtagraítear i mír 1 a cheartú, iarrfaidh an fíoraitheoir ar an gcuideachta, sula n-eiseoidh sé an tuarascáil fíorúcháin, príomhchúiseanna na míráiteas nó na neamhréireachtaí a mhíniú.

4.   Déanfaidh an fíoraitheoir measúnú ar cé acu a bhíonn nó nach mbíonn tionchar ag na míráitis neamhcheartaithe, go haonarach nó in éineacht le míráitis eile, ar na hastaíochtaí iomlána a thuairiscítear nó ar fhaisnéis ábhartha eile agus cé acu a thagann nó nach dtagann míráitis ábhartha as an tionchar sin.

Déanfaidh an fíoraitheoir measúnú i dtaobh cé acu a bhíonn nó nach mbíonn tionchar ag an neamhréireacht neamhcheartaithe, go haonarach nó nuair a dhéantar í a chomhcheangal le neamhréireachtaí eile, ar na sonraí tuairiscithe agus i dtaobh cé acu a thagann nó nach dtagann míráiteas ábhartha as sin.

5.   Breithneoidh an fíoraitheoir míráitis nó neamhréireachtaí atá, go haonarach nó in éineacht le míráitis eile, faoi bhun an leibhéil ábharthachta a leagtar síos in Airteagal 30 mar mhíráitis ábhartha i gcás ina bhfuil bonn cirt leis sin de bharr a scála agus a gcineál nó de bharr imthosca ar leith a tharla.

1.   Cuirfidh an fíoraitheoir in iúl don chuideachta moltaí maidir le feabhsú i ndáil le míráitis neamhcheartaithe agus neamhréireachtaí nach dtagann míráitis ábhartha astu.

2.   Féadfaidh an fíoraitheoir moltaí eile maidir le feabhsúchán a mheasann sé a bheith ábhartha a chur in iúl, i bhfianaise thoradh na ngníomhaíochtaí fíorúcháin.

3.   Agus moltaí á gcur in iúl don chuideachta, fanfaidh an fíoraitheoir neamhchlaonta i leith na cuideachta, na long agus an chórais faireacháin agus tuairiscithe. Ní dhéanfaidh sé a neamhchlaontacht a chur i mbaol trí chomhairle a thabhairt nó trí chodanna den phróiseas faireacháin agus tuairiscithe a fhorbairt de bhun Rialachán (AE) 2015/757.

4.   Le linn an fhíorúcháin tar éis bliana ina ndearnadh moltaí maidir le feabhsúchán i dtuarascáil fíorúcháin, fíoróidh an fíoraitheoir cé acu atá nó nach bhfuil na moltaí sin maidir le feabhsúchán curtha chun feidhme ag an gcuideachta agus an bealach a ndearnadh sin. Mura bhfuil na moltaí sin curtha chun feidhme ag an gcuideachta, déanfaidh an fíoraitheoir measúnú i dtaobh cé acu a mhéadaíonn nó nach méadaíonn sé sin an riosca maidir le míráitis nó an bhféadfadh sé é a mhéadú.

1.   Ar bhonn na faisnéise a bhailítear, eiseoidh an fíoraitheoir tuarascáil fíorúcháin ar an tuarascáil ar leibhéal cuideachta faoi réir fíorúcháin agus tarchuirfidh sé an tuarascáil fíorúcháin sin chuig an gcuideachta.

2.   Ar an tuarascáil fíorúcháin a fháil de bhun mhír 1, cuirfidh an chuideachta an tuarascáil fíorúcháin in éineacht leis an tuarascáil ar leibhéal cuideachta faoi bhráid an údaráis riaracháin atá freagrach. Cuirfear na tuarascálacha isteach trí úsáid a bhaint as córais uathoibrithe agus as formáidí malartaithe sonraí.

3.   Áireofar sa tuarascáil fíorúcháin ráiteas lena bhfíorófar an tuarascáil ar leibhéal cuideachta mar thuarascáil shásúil nó mhíshásúil.

4.   Chun críocha mhír 3, ní mheasfar go mbeidh an tuarascáil ar leibhéal cuideachta fíoraithe mar shásúil ach amháin má tá sí saor ó mhíráitis ábhartha. Ní fhíorófar go bhfuil an tuarascáil ar leibhéal cuideachta sásúil i gcás ina bhfuil míráitis ábhartha inti nár ceartaíodh sular eisíodh an tuarascáil fíorúcháin.

5.   Beidh na heilimintí seo a leanas sa tuarascáil fíorúcháin:

6.   Tabharfaidh an fíoraitheoir tuairisc atá mionsonraithe go leordhóthanach ar na míráitis nó na neamhréireachtaí sa tuarascáil fíorúcháin, lena n-áirítear na gnéithe seo a leanas:

1.   Déanfaidh an t-athbhreithneoir neamhspleách athbhreithniú ar an doiciméadacht fíorúcháin inmheánach agus ar an dréacht-tuarascáil fíorúcháin chun a fhíorú go ndearnadh an próiseas fíorúcháin i gcomhréir leis an Rialachán sin agus gur feidhmíodh cúram agus breithiúnas gairmiúil cuí.

2.   Cuimseoidh raon feidhme an athbhreithnithe neamhspleách an próiseas fíorúcháin iomlán a leagtar síos in Airteagail 24 go 35.

3.   Tar éis fíordheimhniú a bheith déanta ar an tuarascáil i gcomhréir le hAirteagal 33, pointe (e), áireoidh an fíoraitheoir torthaí an athbhreithnithe neamhspleách sa doiciméadacht fíorúcháin inmheánach.

1.   Tabharfaidh an t-údarás riaracháin atá freagrach fógra don chuideachta maidir le formheas ar an bplean faireacháin gan moill mhíchuí, agus úsáid á baint as córais uathoibrithe agus formáidí malartaithe sonraí.

2.   I gcás nach bhformheasann an t-údarás riaracháin an plean faireacháin, cuirfidh sé an chuideachta ar an eolas faoi sin gan moill mhíchuí, agus na cúiseanna leis an neamh-fhormheas á míniú aige, chun a chur ar a cumas don chuideachta a plean faireacháin a athbhreithniú.

Athbhreithneoidh an chuideachta lena mbaineann a plean faireacháin dá réir sin. Cuirfidh an chuideachta an plean faireacháin athbhreithnithe isteach lena athmheasúnú ag an bhfíoraitheoir mar aon leis na cúiseanna maidir leis an neamh-fhormheas a rinne an t-údarás riaracháin atá freagrach. Nuair a bheidh measúnú déanta ar an bplean faireacháin athbhreithnithe ag an bhfíoraitheoir á rá go bhfuil sé i gcomhréir leis na ceanglais a leagtar síos in Airteagail 6 agus 7 de Rialachán (AE) 2015/757, athchuirfidh an chuideachta é faoi bhráid an údaráis atá freagrach lena fhormheas.

1.   Cuirfidh an chuideachta gan moill mhíchuí a plean faireacháin modhnaithe faoi bhráid an údaráis riaracháin atá freagrach nuair a bheidh fógra faighte aici ón bhfíoraitheoir go bhfuil an plean faireacháin i gcomhréir, nó, a mhéid a bhaineann le modhnuithe ar an bplean faireacháin de bhun Airteagal 7(2), pointe (a) de Rialachán (AE) 2015/757, nuair a bheidh fógra tugtha do na fíoraitheoirí i gcomhréir le hAirteagal 7(3) den Rialachán sin.

2.   Chun pleananna faireacháin a fhormheas de bhun Airteagal 7(5) de Rialachán (AE) 2015/757, déanfaidh gach údarás riaracháin atá freagrach na bearta is gá chun a áirithiú go bhfuil na pleananna faireacháin i gcomhréir leis na ceanglais a leagtar amach in Airteagal 6 agus Iarscríbhinní I agus II a ghabhann leis an Rialachán sin, agus conclúidí an fhíoraitheora maidir leis an measúnú ar phleananna faireacháin á gcur san áireamh.

1.   Soláthróidh an chuideachta conclúidí an mheasúnaithe maidir leis an bplean faireacháin don údarás riaracháin agus aon fhaisnéis bhreise a chuireann ar a chumas dó na nósanna imeachta formheasa a dhéanamh.

2.   Maidir le modhnuithe de bhun Airteagal 7(2), pointe (a), de Rialachán (AE) 2015/757, cuirfidh an chuideachta fianaise ar athrú cuideachta faoi bhráid an údaráis riaracháin atá freagrach, mar aon le scéala faoi cé acu a d’fhormheas nó nár fhormheas an t-údarás riaracháin atá freagrach an plean faireacháin roimh an athrú cuideachta, in éineacht le fianaise thacaíochta, ar eagla nach é an t-údarás riaracháin céanna atá i gceist.

1.   Tabharfaidh an t-údarás riaracháin atá freagrach fógra don chuideachta maidir le formheas ar an bplean faireacháin modhnaithe gan moill mhíchuí, ag bain úsáid as córais uathoibrithe agus formáidí malartaithe sonraí.

2.   I gcás nach bhformheasann an t-údarás riaracháin an plean faireacháin, cuirfidh sé an chuideachta ar an eolas faoi sin gan moill mhíchuí, agus na cúiseanna leis an neamh-fhormheas á míniú aige, chun a chur ar a cumas don chuideachta a plean faireacháin a athbhreithniú.

Athbhreithneoidh an chuideachta lena mbaineann a plean faireacháin dá réir sin. Cuirfidh an chuideachta an plean faireacháin athbhreithnithe isteach lena athmheasúnú ag an bhfíoraitheoir mar aon leis na cúiseanna maidir leis an neamh-fhormheas a rinne an t-údarás riaracháin atá freagrach. Nuair a bheidh measúnú déanta ar an bplean faireacháin athbhreithnithe á rá go bhfuil sé i gcomhréir leis na ceanglais a leagtar síos in Airteagail 6 agus 7 de Rialachán (AE) 2015/757, athchuirfidh an chuideachta faoi bhráid an údaráis atá freagrach é lena fhormheas.

1.   Sula bhformheasann an t-údarás riaracháin atá freagrach an plean faireacháin modhnaithe i gcomhréir le hAirteagail 77, féadfaidh an chuideachta faireachán agus tuairisciú a dhéanamh agus an plean faireacháin modhnaithe á úsáid aici, i gcás ina mbeadh sonraí astaíochtaí neamhiomlána mar thoradh ar fhaireachán i gcomhréir leis an bplean faireacháin bunaidh.

I gcás ina mbeidh amhras ann, úsáidfidh an chuideachta an plean modhnaithe agus an plean bunaidh araon i gcomhthráth chun an faireachán agus tuairisciú uile a dhéanamh i gcomhréir leis an dá phlean, agus coimeádfaidh sí taifid den dá thoradh faireacháin.

2.   Ar fhormheas a fháil i gcomhréir le hAirteagal 77, ní úsáidfidh an chuideachta ach na sonraí a bhaineann leis an bplean faireacháin modhnaithe agus ní úsáidfidh sí ach an plean faireachán modhnaithe, agus an faireachán agus tuairisciú uile á ndéanamh aici ón dáta óna bhfuil an leagan sin den phlean faireacháin infheidhme.

3.   Coimeádfaidh an chuideachta taifid ar gach modhnú ar an bplean faireacháin. Maidir le gach modhnú, beidh an méid seo a leanas sa taifead:

1.   Aisghairtear Rialachán Tarmligthe (AE) 2016/2072 le héifeacht ón 1 Eanáir 2024.

2.   Déanfar tagairtí do Rialachán Tarmligthe (AE) 2016/2072 a fhorléiriú mar thagairtí don Rialachán seo agus léifear iad i gcomhréir leis an tábla comhghaoil in Iarscríbhinn II a ghabhann leis an Rialachán seo.