(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid d’ion–1,4-béite-mannanáis arna táirgeadh ag Aspergillus niger CBS 120604 a údarú mar bhreiseán beathaithe. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid d’ion–1,4-béite-mannanáis arna táirgeadh ag Aspergillus niger CBS 120604 a údarú mar bhreiseán beathaithe le haghaidh gach speicis éanlaithe clóis lena ramhrú, agus iarrtar ann go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid, sa tuairim uaidh an 11 Bealtaine 2023 (2), maidir leis an ullmhóid d’ion–1,4-béite-mannanáis arna táirgeadh ag Aspergillus niger CBS 120604, go bhfuil sí sábháilte do gach speicis éanlaithe clóis lena ramhrú, do thomhaltóirí agus don chomhshaol faoi na coinníollacha úsáide atá beartaithe. Tháinig sé ar an gconclúid freisin go meastar gur greannaitheoir craicinn agus súl í an ullmhóid d’ion–1,4-béite-mannanáis arna táirgeadh ag Aspergillus niger CBS 120604, agus gur íogróir craicinn agus riospráide atá ann. Tháinig an tÚdarás ar an gconclúid thairis sin, maidir leis an ullmhóid d’ion–1,4-béite-mannanáis arna táirgeadh ag Aspergillus niger CBS 120604, go bhféadfadh sí a bheith éifeachtúil ar an leibhéal ina gcuimsítear beatha iomlán 30 U ion–1,4-béite-mannanáis/kg le haghaidh gach speicis éanlaithe clóis lena ramhrú. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar an modh a úsáidtear chun anailís a dhéanamh ar an mbreiseán beathaithe arna chur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann an ullmhóid d’ion–1,4-béite-mannanáis arna táirgeadh ag Aspergillus niger CBS 120604 na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh gach speicis éanlaithe clóis lena ramhrú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,