|
Iris Oifigiúil |
GA Sraith L |
|
2023/2843 |
27.12.2023 |
TREOIR (AE) 2023/2843 Ó PHARLAIMINT NA hEORPA AGUS ÓN gCOMHAIRLE
an 13 Nollaig 2023
lena leasaítear Treoracha 2011/99/AE agus 2014/41/AE ó Pharlaimint na hEorpa agus ón gComhairle, Treoir 2003/8/CE ón gComhairle agus Cinntí Réime 2002/584/CGB, 2003/577/CGB, 2005/214/CGB, 2006/783/CGB, 2008/909/CGB, 2008/947/CGB, 2009/829/CGB agus 2009/948/CGB ón gComhairle, a mhéid a bhaineann le digitiú an chomhair bhreithiúnaigh
TÁ PARLAIMINT NA hEORPA AGUS COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 81(2), pointí (e) agus (f), agus Airteagal 82(1), pointe (d), de,
Ag féachaint don togra ón gCoimisiún Eorpach,
Tar éis dóibh an dréachtghníomh reachtach a chur chuig na parlaimintí náisiúnta,
Ag féachaint don tuairim ó Choiste Eacnamaíoch agus Sóisialta na hEorpa (1),
Ag gníomhú dóibh i gcomhréir leis an ngnáthnós imeachta reachtach (2),
De bharr an mhéid seo a leanas:
|
(1) |
Sa teachtaireacht uaidh an 2 Nollaig 2020 dar teideal Digitalisation of justice in the European Union. A toolbox of opportunities [Digitiú an cheartais san Aontas Eorpach – Bosca uirlisí de dheiseanna], shainaithin an Coimisiún an gá atá le creat reachtach nósanna imeachta trasteorann an Aontais a nuachóiriú sa dlí sibhialta, tráchtála agus coiriúil, i gcomhréir leis an bprionsabal ‘digiteach mar réamhshocrú’, á áirithiú an tráth céanna go bhfuil na coimircí uile is gá i bhfeidhm chun eisiamh sóisialta a sheachaint. |
|
(2) |
An comhar breithiúnach idir na Ballstáit a éascú, tá sin i measc phríomhchuspóirí limistéar saoirse, slándála agus ceartais an Aontais a chumhdaítear i dTeideal V de Chuid a Trí den Chonradh ar Fheidhmiú an Aontais Eorpaigh (CFAE). |
|
(3) |
Chun comhar breithiúnach in ábhair shibhialta, thráchtála agus choiriúla a bhfuil impleachtaí trasteorann ag baint leo a fheabhsú, ba cheart gníomhartha dlí an Aontais lena ndéantar foráil maidir le cumarsáid idir údaráis inniúla, lena n-áirítear gníomhaireachtaí agus comhlachtaí an Aontais, a chomhlánú le coinníollacha faoina ndéanfar cumarsáid den sórt sin trí mhodhanna digiteacha ar bhealach lena n-áirithítear cosaint na gceart bunúsach dá bhforáiltear i gCairt um Chearta Bunúsacha an Aontais Eorpaigh, go háirithe iad siúd a chumhdaítear i dTeideal VI, go háirithe Airteagal 47 maidir leis an gceart chun leigheas éifeachtach agus triail chóir a fháil. Níor cheart na coinníollacha sin a bheith ag baint, ar bhealach ar bith, an bhoinn ó chosaint na gceart nós imeachta atá fíor-riachtanach chun na cearta bunúsacha sin a chosaint, i gcomhréir le dlí an Aontais. |
|
(4) |
Chun an comhar breithiúnach a nuachóiriú agus a fheabhsú agus chun rochtain ar an gceartas a éascú, glacadh Rialachán (AE)2023/2844 ó Pharlaimint na hEorpa agus ón gComhairle (3). |
|
(5) |
Chun a áirithiú go mbainfear amach cuspóirí Rialachán (AE) 2023/2844 ina n-iomláine, agus chun gníomhartha dlí de chuid an Aontais atá ann cheana in ábhair shibhialta, thráchtála agus choiriúla a ailíniú leis an Rialachán sin, is gá leasú a dhéanamh ar Threoracha 2011/99/AE (4) agus 2014/41/AE (5) ó Pharlaimint na hEorpa agus ón gComhairle, ar Threoir 2003/8/CE (6) ón gComhairle agus ar Chinntí Réime 2002/584/CGB (7), 2003/577/CGB (8), 2005/214/CGB (9), 2006/783/CGB (10), 2008/909/CGB (11), 2008/947/CGB (12), 2009/829/CGB (13) agus 2009/948/CGB (14) ón gComhairle. |
|
(6) |
Féachtar leis na leasuithe dá bhforáiltear sa Treoir seo lena áirithiú go ndéanfar cumarsáid trasteorann idir na húdaráis i gcomhréir leis na rialacha agus na prionsabail a leagtar amach i Rialachán (AE) 2023/2844. De bhun an Rialacháin sin, ba cheart, de ghnáth, an chumarsáid idir údaráis inniúla na mBallstát éagsúil agus idir údarás inniúil náisiúnta agus gníomhaireacht nó comhlacht de chuid an Aontais faoi na gníomhartha dlí i réimse an chomhair bhreithiúnaigh in ábhair choiriúla a leasaítear leis an Treoir seo a dhéanamh trí chóras TF díláraithe. Go háirithe, ba cheart an córas TF díláraithe a úsáid, mar riail, chun foirmeacha dá bhforáiltear leis na gníomhartha dlí i réimse an chomhair bhreithiúnaigh in ábhair choiriúla arna leasú leis an Treoir seo a mhalartú, agus le haghaidh na cumarsáide oifigiúla eile go léir faoi na gníomhartha dlí sin nach mór a dhéanamh i scríbhinn, mar shampla, chun cáschomhaid na n-údarás inniúil a choinneáil. I gcásanna ina mbeidh feidhm ag ceann amháin nó níos mó de na heisceachtaí dá bhforáiltear i Rialachán (AE) 2023/2844, eadhon i gcás nach féidir nó nach iomchuí úsáid a bhaint as an gcóras TF díláraithe, ba cheart a bheith in ann modhanna eile cumarsáide a úsáid mar a shonraítear sa Rialachán sin. Chun críocha Chinntí Réime 2005/214/CGB, 2006/783/CGB, 2008/909/CGB, 2008/947/CGB agus 2009/829/CGB agus Threoir 2014/41/AE, i gcás ina ndéantar foráil sna gníomhartha dlí sin maidir leis an gcumarsáid idir na húdaráis atá le déanamh le haon mhodh nó aon mhodh iomchuí, ba cheart rogha a bheith ag údaráis den sórt sin maidir leis an modh cumarsáide atá le húsáid. |
|
(7) |
Ós rud é go leagtar amach sa Treoir seo leasuithe ar rialacha a trasuíodh cheana féin i ndlíchóras náisiúnta na mBallstát, ba cheart forálacha sonracha a bheith inti freisin maidir leis na leasuithe sin a thrasuí. Ba cheart na forálacha trasuímh sin a chur i gcomhréir leis an amlíne cur chun feidhme dá bhforáiltear i Rialachán (AE)2023/2844. |
|
(8) |
I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach (CAE) agus le CFAE, níl an Danmhairg rannpháirteach i nglacadh na Treorach seo agus níl sí faoi cheangal aici ná faoi réir a cur i bhfeidhm. |
|
(9) |
I gcomhréir le hAirteagail 1 agus 2 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, agus gan dochar d’Airteagal 4 den Phrótacal sin, níl Éire rannpháirteach i nglacadh na Treorach seo agus níl sí faoi cheangal aici ná faoi réir a cur i bhfeidhm. |
TAR ÉIS AN TREOIR SEO A GHLACADH:
Caibidil I
Leasuithe ar ghníomhartha dlí i réimse an chomhair bhreithiúnaigh in ábhair shibhialta agus thráchtála
Airteagal 1
Leasú ar Threoir 2003/8/CE
In Airteagal 13(4) de Threoir 2003/8/CE, cuirtear an méid seo a leanas in ionad an dara fomhír:
‘Déanfaidh an t-údarás tarchurtha inniúil an t-iarratas a tharchur chuig an údarás fála inniúil sa Bhallstát eile i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*1) laistigh de 15 lá ón iarratas seo a fháil, arna chomhlánú go cuí i gceann de na teangacha dá dtagraítear i mír 2 den Airteagal seo, mar aon leis na doiciméid tacaíochta, arna n-aistriú, más gá, go ceann de na teangacha sin.
Caibidil II
Leasuithe ar ghníomhartha dlí i réimse an chomhair bhreithiúnaigh in ábhair choiriúla
Airteagal 2
Leasuithe ar Chinneadh Réime 2002/584/CGB
Leasaítear Cinneadh Réime 2002/584/CGB mar a leanas:
|
(1) |
cuirtear an t-airteagal seo a leanas isteach: ‘Airteagal 8a Modhanna cumarsáide 1. Gan dochar d’Airteagal 9(2) agus d’Airteagal 10(2) agus (3), déanfar cumarsáid oifigiúil faoin gCinneadh Réime seo idir an t-údarás breithiúnach eisiúna agus an t-údarás breithiúnach forghníomhaitheach i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*2) . I gcás inar ainmnigh Ballstát údarás lárnach nó údaráis lárnacha, beidh feidhm ag an gcéad fhomhír freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile. 2. Is i gcomhréir le hAirteagal 3 de Rialachán (AE) 2023/2844 a dhéanfar cumarsáid idir an t-údarás inniúil sa Bhallstát eisiúna agus an t-údarás inniúil sa Bhallstát forghníomhaitheach chun faisnéis a sholáthar is gá chun a chur ar chumas an duine iarrtha dlíodóir a cheapadh sa Stát eisiúna i gcomhréir le hAirteagal 10(5) de Threoir 2013/48/AE ó Pharlaimint na hEorpa agus ón gComhairle (*3) agus chun iarratas a dhéanamh ar chúnamh dlíthiúil sa Stát eisiúna i gcomhréir le hAirteagal 5(2) de Threoir (AE) 2016/1919 ó Pharlaimint na hEorpa agus ón gComhairle (*4). 3. De mhaolú ar mhír 1, féadfar iarrataí ar idirthuras arna ndéanamh de bhun Airteagal 25(3) a sheoladh trí bhealaí slána cumarsáide fhorfheidhmiú an dlí freisin. (*2) Rialachán (AE) 2023/2844 ó Pharlaimint na hEorpa agus ón gComhairle an … maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023, ELI: http://data.europa.eu/reg/2023/2844/oj)." (*3) Treoir 2013/48/AE ó Pharlaimint na hEorpa agus ón gComhairle an 22 Deireadh Fómhair 2013 maidir leis an gceart rochtana ar dhlíodóir in imeachtaí coiriúla agus in imeachtaí maidir leis an mbarántas gabhála Eorpach, agus leis an gceart chun tríú páirtí a chur ar an eolas maidir le cailleadh saoirse agus chun cumarsáid a dhéanamh le tríú daoine agus le húdaráis chonsalachta nuair a chailltear an tsaoirse (IO L 294, 6.11.2013, lch. 1)." (*4) Treoir (AE) 2016/1919 ó Pharlaimint na hEorpa agus ón gComhairle an 26 Deireadh Fómhair 2016 maidir le cúnamh dlí do dhaoine atá faoi dhrochamhras agus do dhaoine cúisithe in imeachtaí coiriúla agus do dhaoine iarrtha in imeachtaí maidir leis an mbarántas gabhála Eorpach (IO L 297, 4.11.2016, lch. 1).’;" |
|
(2) |
in Airteagal 10, scriostar mír 4; |
|
(3) |
in Airteagal 18, (1), cuirtear an méid seo a leanas in ionad phointe (a):
|
|
(4) |
in Airteagal 25, cuirtear an méid seo a leanas in ionad mhír 3: ‘3. Díreofar an iarraidh ar idirthuras agus an fhaisnéis a leagtar amach i mír 1 chuig an údarás arna ainmniú de bhun mhír 2. Tabharfaidh Ballstát an idirthurais fógra faoin gcinneadh uaidh maidir leis an iarraidh ar idirthuras.’ |
Airteagal 3
Leasuithe ar Chinneadh Réime 2003/577/CGB
Leasaítear Cinneadh Réime 2003/577/CGB mar a leanas:
|
(1) |
in Airteagal 4, cuirtear an méid seo a leanas in ionad mhír 1: ‘1. Maidir le hordú reo de réir bhrí an Chinnidh Réime seo, mar aon leis an deimhniú dá bhforáiltear in Airteagal 9, déanfaidh an t-údarás breithiúnach a d’eisigh an t-ordú é a tharchur go díreach chuig an údarás breithiúnach inniúil lena fhorghníomhú.’ |
|
(2) |
in Airteagal 5(1), cuirtear an méid seo a leanas in ionad an tríú fomhír: ‘Déanfar tuarascáil maidir le forghníomhú an ordaithe reo a chur gan mhoill chuig an údarás inniúil sa Stát eisiúna.’; |
|
(3) |
in Airteagal 7, cuirtear an méid seo a leanas in ionad mhír 3: ‘3. Maidir le haon chinneadh aitheantas nó forghníomhú a dhiúltú, déanfar é a ghlacadh agus a chur in iúl láithreach d’údaráis bhreithiúnacha inniúla an Stáit eisiúna.’ |
|
(4) |
leasaítear Airteagal 8 mar a leanas:
|
|
(5) |
i dTeideal II, cuirtear an t-airteagal seo a leanas leis: ‘Airteagal 12a Modhanna cumarsáide Déanfar cumarsáid oifigiúil faoin gCinneadh Réime seo idir údarás inniúil breithiúnach an Stáit eisiúna agus údarás inniúil breithiúnach an Stáit fhorghníomhaithigh i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*5) . (*5) Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023, ELIhttp://data.europa.eu/reg/2023/2844/oj).’." |
Airteagal 4
Leasuithe ar Chinneadh Réime 2005/214/CGB
Leasaítear Cinneadh Réime 2005/214/CGB mar a leanas:
|
(1) |
in Airteagal 4, cuirtear an méid seo a leanas in ionad mhír 3: ‘3. Déanfaidh an t-údarás inniúil sa Stát eisiúna an cinneadh nó cóip dheimhnithe de, mar aon leis an deimhniú, a tharchur go díreach chuig an údarás inniúil sa Stát forghníomhaitheach. Déanfar an leagan bunaidh den chinneadh, nó cóip dheimhnithe de, agus an leagan bunaidh den deimhniú, a sheoladh chuig an Stát forghníomhaitheach má éilíonn sé amhlaidh. Féadfar na bunchóipeanna nó cóipeanna deimhnithe de dhoiciméid a sheoladh i bhfoirm leictreonach i gcomhréir le hAirteagal 8 de Rialachán (AE) 2023/2844 ó Pharlaimint na hEorpa agus ón gComhairle (*6) . Déanfar gach cumarsáid oifigiúil eile go díreach idir na húdaráis inniúla sin freisin. (*6) Rialachán (AE) 2023/2844 ó Pharlaimint na hEorpa agus ón gComhairle an … maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, 2023/2844, 27.12.2023 ELI: http://data.europa.eu/reg/2023/2844/oj).’;" |
|
(2) |
in Airteagal 14, cuirtear an méid seo a leanas in ionad na foclaíochta réamhráití: ‘Cuirfidh údarás inniúil an Stáit fhorghníomhaithigh údarás inniúil an Stáit eisiúna ar an eolas gan mhoill.’; |
|
(3) |
cuirtear an t-airteagal seo a leanas isteach: ‘Airteagal 15a Modhanna cumarsáide 1. Cé is moite de chumarsáid faoi Airteagal 7(3), is i gcomhréir le hAirteagal 3 de Rialachán (AE) 2023/2844 a dhéanfar cumarsáid oifigiúil faoin gCinneadh Réime seo idir údarás inniúil an Stáit eisiúna agus údarás inniúil an Stáit fhorghníomhaithigh. 2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile.’. |
Airteagal 5
Leasuithe ar Chinneadh Réime 2006/783/CGB
Leasaítear Cinneadh Réime 2006/783/CGB mar a leanas:
|
(1) |
in Airteagal 4, cuirtear an méid seo a leanas in ionad mhír 2: ‘2. Déanfaidh údarás inniúil an Stáit eisiúna an t-ordú coigistíochta nó cóip dheimhnithe de, mar aon leis an deimhniú, a tharchur go díreach chuig údarás an Stáit fhorghníomhaithigh atá inniúil ar a fhorghníomhú. Déanfar an leagan bunaidh den ordú coigistíochta, nó cóip dheimhnithe de, agus an leagan bunaidh den deimhniú, a tharchur chuig an Stát forghníomhaitheach má éilíonn sé amhlaidh. Féadfar na bunchóipeanna nó cóipeanna deimhnithe de dhoiciméid a sheoladh i bhfoirm leictreonach i gcomhréir le hAirteagal 8 de Rialachán (AE) 2023/2844 ó Pharlaimint na hEorpa agus ón gComhairle (*7) . Déanfar gach cumarsáid oifigiúil eile go díreach idir na húdaráis inniúla sin freisin. (*7) Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, ELI: http://data.europa.eu/reg/2023/2844/oj).’;" |
|
(2) |
leasaítear Airteagal 10 mar a leanas:
|
|
(3) |
in Airteagal 14(3), cuirtear an méid seo a leanas in ionad na foclaíochta réamhráití: ‘Cuirfidh údarás inniúil an Stáit eisiúna údarás inniúil an Stáit fhorghníomhaithigh lena mbaineann ar an eolas láithreach:’; |
|
(4) |
cuirtear an méid seo a leanas in ionad Airteagal 15: ‘Airteagal 15 An forghníomhú a fhoirceannadh Cuirfidh údarás inniúil an Stáit eisiúna údarás inniúil an Stáit fhorghníomhaithigh ar an eolas láithreach faoi aon chinneadh nó aon bheart ar dá bharr nach mbeidh an t-ordú in-fhorfheidhmithe a thuilleadh nó ar dá bharr a dhéanfar an t-ordú a tharraingt siar ón Stát forghníomhaitheach ar aon chúis eile. Foirceannfaidh an Stát forghníomhaitheach forghníomhú an ordaithe a luaithe a chuirfidh údarás inniúil an Stáit eisiúna ar an eolas é faoin gcinneadh sin nó faoin mbeart sin.’; |
|
(5) |
in Airteagal 17, cuirtear an méid seo a leanas in ionad na foclaíochta réamhráití: ‘Cuirfidh údarás inniúil an Stáit fhorghníomhaithigh údarás inniúil an Stáit eisiúna ar an eolas gan mhoill.’; |
|
(6) |
cuirtear an t-airteagal seo a leanas isteach: ‘Airteagal 18a Modhanna cumarsáide 1. Cé is moite de chumarsáid faoi Airteagal 8(4) agus Airteagal 12(2), is i gcomhréir le hAirteagal 3 de Rialachán (AE) 2023/2844 a dhéanfar cumarsáid oifigiúil faoin gCinneadh Réime seo idir údarás inniúil an Stáit eisiúna agus údarás inniúil an Stáit fhorghníomhaithigh. 2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile.’. |
Airteagal 6
Leasuithe ar Chinneadh Réime 2008/909/CGB
Leasaítear Cinneadh Réime 2008/909/CGB mar a leanas:
|
(1) |
in Airteagal 5, cuirtear an méid seo a leanas in ionad mhír 1: ‘1. Déanfaidh údarás inniúil an Stáit eisiúna an breithiúnas nó cóip dheimhnithe de, mar aon leis an deimhniú, a chur ar aghaidh go díreach chuig údarás inniúil an Stáit fhorghníomhaithigh. Déanfar an leagan bunaidh den bhreithiúnas, nó cóip dheimhnithe de, agus an leagan bunaidh den deimhniú, a sheoladh chuig an Stát forghníomhaitheach má éilíonn sé amhlaidh. Féadfar na bunchóipeanna nó cóipeanna deimhnithe de dhoiciméid a sheoladh i bhfoirm leictreonach i gcomhréir le hAirteagal 8 de Rialachán (AE) 2023/2844 ó Pharlaimint na hEorpa agus ón gComhairle (*8) . Déanfar gach cumarsáid oifigiúil eile go díreach idir na húdaráis inniúla sin freisin. (*8) Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023 ELI: http://data.europa.eu/reg/2023/2844/oj).’;" |
|
(2) |
in Airteagal 16, cuirtear an méid seo a leanas in ionad mhír 1: ‘1. Ceadóidh gach Ballstát, i gcomhréir lena dhlí féin, idirthuras duine faoi phianbhreith trína chríoch atá á aistriú chuig an Stát forghníomhaitheach, ar choinníoll go bhfuil cóip den deimhniú dá dtagraítear in Airteagal 4 curtha ar aghaidh chuige ag an Stát eisiúna in éineacht leis an iarraidh ar idirthuras. Déanfar an iarraidh ar idirthuras agus an deimhniú a tharchur i gcomhréir le hAirteagal 22a. Arna iarraidh don Bhallstát idirthuras a cheadú, soláthróidh an Stát eisiúna aistriúchán den deimhniú go ceann de na teangacha, a bheidh le sonrú san iarraidh, lena nglacfaidh an Ballstát a n-iarrtar air idirthuras a cheadú.’ |
|
(3) |
in Airteagal 21, cuirtear an méid seo a leanas in ionad na foclaíochta réamhráití: ‘Cuirfidh údarás inniúil an Stáit fhorghníomhaithigh údarás inniúil an Stáit eisiúna ar an eolas gan mhoill.’; |
|
(4) |
cuirtear an t-airteagal seo a leanas isteach: ‘Airteagal 22a Modhanna cumarsáide 1. Cé is moite de chumarsáid faoi Airteagal 4(3), Airteagal 9(3) agus Airteagal 12(3), is i gcomhréir le hAirteagal 3 de Rialachán (AE) 2023/2844 a dhéanfar cumarsáid oifigiúil faoin gCinneadh Réime seo idir údarás inniúil an Stáit eisiúna agus údarás inniúil an Stáit fhorghníomhaithigh. 2. De mhaolú ar mhír 1, féadfar iarrataí ar idirthuras arna ndéanamh de bhun Airteagal 16(1) a sheoladh freisin trí bhealaí slána cumarsáide fhorfheidhmiú an dlí.’. |
Airteagal 7
Leasuithe ar Chinneadh Réime 2008/947/CGB
Leasaítear Cinneadh Réime 2008/947/CGB mar a leanas:
|
(1) |
leasaítear Airteagal 6 mar a leanas:
|
|
(2) |
in Airteagal 12, cuirtear an méid seo a leanas in ionad mhír 1: ‘1. Cinnfidh údarás inniúil an Stáit fhorghníomhaithigh a luaithe is féidir, agus laistigh de 60 lá ón mbreithiúnas agus, i gcás inarb infheidhme, an cinneadh promhaidh a fháil, in éineacht leis an deimhniú dá dtagraítear in Airteagal 6(1), an dtabharfaidh sé aitheantas don bhreithiúnas agus, i gcás inarb infheidhme, an cinneadh promhaidh, agus an nglacfaidh sé freagracht air féin as maoirseacht a dhéanamh ar na bearta promhaidh nó ar na smachtbhannaí malartacha. Cuirfidh sé údarás inniúil an Stáit eisiúna ar an eolas láithreach faoin gcinneadh uaidh.’ |
|
(3) |
leasaítear Airteagal 16 mar a leanas:
|
|
(4) |
in Airteagal 17, cuirtear an méid seo a leanas in ionad mhír 3: ‘3. Tabharfar fógra faoi na torthaí dá dtagraítear i mír 1, pointí (a) agus (b), agus i mír 2 trí úsáid a bhaint as an bhfoirm chaighdeánach a leagtar amach in Iarscríbhinn II. Tabharfar fógra faoi na fíorais agus na himthosca dá dtagraítear i mír 1, pointe (c), i gcás inar féidir, tríd an bhfoirm a leagtar amach in Iarscríbhinn II.’ |
|
(5) |
in Airteagal 18, cuirtear an méid seo a leanas in ionad na foclaíochta réamhráití: ‘Cuirfidh údarás inniúil an Stáit fhorghníomhaithigh údarás inniúil an Stáit eisiúna ar an eolas gan mhoill faoin méid seo a leanas:’; |
|
(6) |
cuirtear an t-airteagal seo a leanas isteach: ‘Airteagal 20a Modhanna cumarsáide Cé is moite de chumarsáid faoi Airteagal 11(3) agus Airteagal 12(2), is i gcomhréir le hAirteagal 3 de Rialachán (AE) 2023/2844 a dhéanfar cumarsáid oifigiúil faoin gCinneadh Réime seo idir údarás inniúil an Stáit eisiúna agus údarás inniúil an Stáit fhorghníomhaithigh.’. |
Airteagal 8
Leasuithe ar Chinneadh Réime 2009/829/CGB
Leasaítear Cinneadh Réime 2009/829/CGB mar a leanas:
|
(1) |
in Airteagal 10, cuirtear an méid seo a leanas in ionad mhír 2: ‘2. Déanfaidh an t-údarás inniúil sa Stát eisiúna an cinneadh maidir le bearta maoirseachta nó cóip dheimhnithe de, mar aon leis an deimhniú, a chur ar aghaidh go díreach chuig an údarás inniúil sa Stát forghníomhaitheach. Déanfar an leagan bunaidh den chinneadh maidir le bearta maoirseachta, nó cóip dheimhnithe de, agus an leagan bunaidh den deimhniú, a sheoladh chuig an Stát forghníomhaitheach má éilíonn sé amhlaidh. Féadfar na bunchóipeanna nó cóipeanna deimhnithe de dhoiciméid a sheoladh i bhfoirm leictreonach i gcomhréir le hAirteagal8 de Rialachán (AE) 2023/2844 ó Pharlaimint na hEorpa agus ón gComhairle (*10). Déanfar gach cumarsáid oifigiúil eile go díreach idir na húdaráis inniúla sin freisin. (*10) Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhar bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023, ELI: http://data.europa.eu/reg/2023/2844/oj).’;" |
|
(2) |
in Airteagal 20(2), cuirtear an méid seo a leanas in ionad na foclaíochta réamhráití: ‘Cuirfidh an t-údarás inniúil sa Stát forghníomhaitheach an t-údarás inniúil sa Stát eisiúna ar an eolas gan mhoill:’; |
|
(3) |
cuirtear an t-airteagal seo a leanas isteach: ‘Airteagal 23a Modhanna cumarsáide 1. Cé is moite de chumarsáid faoi Airteagal 12(3) agus Airteagal 15(2), is i gcomhréir le hAirteagal 3 de Rialachán (AE) 2023/2844 a dhéanfar cumarsáid oifigiúil faoin gCinneadh Réime seo idir údarás inniúil an Stáit eisiúna agus údarás inniúil an Stáit fhorghníomhaithigh. 2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile.’. |
Airteagal 9
Leasú ar Chinneadh Réime 2009/948/CGB
Cuirtear an méid seo a leanas in ionad Airteagal 7 de Chinneadh Réime 2009/948/CGB:
‘Airteagal 7
Modhanna cumarsáide
1. An t-údarás atá ag déanamh na teagmhála agus an t-údarás a bhfuil an teagmháil á déanamh leis, déanfaidh siad cumarsáid le chéile i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*11).
2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile.
Airteagal 10
Leasuithe ar Threoir 2011/99/AE
Leasaítear Treoir 2011/99/AE mar a leanas:
|
(1) |
leasaítear Airteagal 8 mar a leanas:
|
|
(2) |
in Airteagal 9, cuirtear an méid seo a leanas in ionad mhír 4: ‘4. Má mheasann an t-údarás inniúil sa Stát forghníomhaitheach go bhfuil an fhaisnéis a tarchuireadh leis an ordú cosanta Eorpach i gcomhréir le hAirteagal 7 neamhiomlán, cuirfidh sé údarás inniúil an Stáit eisiúna ar an eolas gan mhoill, agus tréimhse réasúnta á sannadh dó chun an fhaisnéis atá in easnamh a sholáthar.’ |
|
(3) |
cuirtear an t-airteagal seo a leanas isteach: ‘Airteagal 16a Modhanna cumarsáide 1. Déanfar cumarsáid oifigiúil faoin Treoir seo idir údarás inniúil an Stáit eisiúna agus údarás inniúil an Stáit fhorghníomhaithigh i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*12) . 2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile. (*12) Rialachán (AE) 2023/2844 ó Pharlaimint na hEorpa agus ón gComhairle an … maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023 ELI: http://data.europa.eu/reg/2023/2844/oj).’." |
Airteagal 11
Leasuithe ar Threoir 2014/41/AE
Leasaítear Treoir 2014/41/AE mar a leanas:
|
(1) |
cuirtear an t-airteagal seo a leanas isteach: ‘Airteagal 5a Modhanna cumarsáide 1. Cé is moite de chumarsáid faoi Airteagal 9(6), Airteagal 11(4), Airteagal 12(5) agus (6) agus Airteagal 16(2), an chéad fhomhír, déanfar cumarsáid faoin Treoir seo idir an t-údarás eisiúna agus an t-údarás forghníomhaitheach i gcomhréir le hAirteagal 3 de Rialachán (AE) 2023/2844 ó Pharlaimint na hEorpa agus ón gComhairle (*13) . 2. I gcás inar ainmnigh Ballstát údarás lárnach nó údaráis lárnacha, beidh feidhm ag mír 1 freisin maidir le cumarsáid oifigiúil leis an údarás lárnach nó leis na húdaráis lárnacha de Bhallstát eile. (*13) Rialachán (AE) 2023/2844 ó Pharlaimint na hEorpa agus ón gComhairle an … maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L,L 2023/2844, 27.12.2023, ELI: http://data.europa.eu/reg/2023/2844/oj).’;" |
|
(2) |
in Airteagal 7, cuirtear an méid seo a leanas in ionad mhír 1: ‘1. Déanfaidh an t-údarás eisiúna an tOrdú Imscrúdaithe Eorpach (OIE), arna chomhlánú i gcomhréir le hAirteagal 5, a tharchur chuig an údarás forghníomhaitheach.’ |
|
(3) |
in Airteagal 15, cuirtear an méid seo a leanas in ionad mhír 2: ‘2. A luaithe a scoirfidh na forais leis an gcur siar de bheith ann, déanfaidh an t-údarás forghníomhaitheach na bearta is gá láithreach chun OIE a fhorghníomhú agus cuirfidh sé an t-údarás eisiúna ar an eolas faoin méid sin.’ |
|
(4) |
leasaítear Airteagal 16 mar a leanas:
|
Caibidil III
Trasuí
Airteagal 12
Trasuí Airteagail 2 agus 11
Na forálacha reachtaíochta, rialacháin agus riaracháin is gá chun Airteagail 2 agus 11 den Treoir seo a chomhlíonadh, déanfaidh na Ballstáit iad a ghlacadh agus a fhoilsiú laistigh de 2 bhliain ó theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(a) de Rialachán (AE) 2023/2844 . Cuirfidh siad an Coimisiún ar an eolas faoi sin láithreach.
Cuirfidh siad na forálacha sin i bhfeidhm ón gcéad lá den mhí tar éis na tréimhse 2 bhliain tar éis theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(a) de Rialachán (AE) 2023/2844.
Nuair a ghlacfaidh na Ballstáit na forálacha sin, beidh tagairt iontu d’Airteagail 2 agus 11 den Treoir seo nó beidh tagairt ag gabháil leo tráth a bhfoilsithe oifigiúil. Leagfaidh na Ballstáit síos an bealach a ndéanfar tagairtí den sórt sin.
Airteagal 13
Trasuí Airteagail 1, 6 agus 10
Na forálacha reachtaíochta, rialacháin agus riaracháin is gá chun Airteagail 1, 6 agus 10 den Treoir seo a chomhlíonadh, déanfaidh na Ballstáit iad a ghlacadh agus a fhoilsiú laistigh de 2 bhliain ó theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(b) de Rialachán (AE) 2023/2844 . Cuirfidh siad an Coimisiún ar an eolas faoi sin láithreach.
Cuirfidh siad na forálacha sin i bhfeidhm ón gcéad lá den mhí tar éis na tréimhse 2 bhliain tar éis theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(b) de Rialachán (AE) 2023/2844.
Nuair a ghlacfaidh na Ballstáit na forálacha sin, beidh tagairt iontu d’Airteagail 1, 6 agus 10 den Treoir seo nó beidh tagairt ag gabháil leo tráth a bhfoilsithe oifigiúil. Leagfaidh na Ballstáit síos an bealach a ndéanfar tagairtí den sórt sin.
Airteagal 14
Trasuí Airteagail 3, 4, 5 agus 9
Na forálacha reachtaíochta, rialacháin agus riaracháin is gá chun Airteagail 3, 4, 5 agus 9 den Treoir seo a chomhlíonadh, déanfaidh na Ballstáit iad a ghlacadh agus a fhoilsiú laistigh de 2 bhliain ó theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(c) de Rialachán (AE) 2023/2844. Cuirfidh siad an Coimisiún ar an eolas faoi sin láithreach.
Cuirfidh siad na forálacha sin i bhfeidhm ón gcéad lá den mhí tar éis na tréimhse 2 bhliain tar éis theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(c) de Rialachán (AE) 2023/2844.
Nuair a ghlacfaidh na Ballstáit na forálacha sin, beidh tagairt iontu d’Airteagail 3, 4, 5 agus 9 den Treoir seo nó beidh tagairt ag gabháil leo tráth a bhfoilsithe oifigiúil. Leagfaidh na Ballstáit síos an bealach a ndéanfar tagairtí den sórt sin.
Airteagal 15
Trasuí Airteagail 7 agus 8
Na forálacha reachtaíochta, rialacháin agus riaracháin is gá chun Airteagail 7 agus 8 den Treoir seo a chomhlíonadh, déanfaidh na Ballstáit iad a ghlacadh agus a fhoilsiú laistigh de 2 bhliain ó theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(d) de Rialachán (AE) 2023/2844. Cuirfidh siad an Coimisiún ar an eolas faoi sin láithreach.
Cuirfidh siad na forálacha sin i bhfeidhm ón gcéad lá den mhí tar éis na tréimhse 2 bhliain tar éis theacht i bhfeidhm an ghnímh cur chun feidhme chomhfhreagraigh dá dtagraítear in Airteagal 10(3)(d) de Rialachán (AE) 2023/2844.
Nuair a ghlacfaidh na Ballstáit na forálacha sin, beidh tagairt iontu d’Airteagail7 agus 8 den Treoir seo nó beidh tagairt ag gabháil leo tráth a bhfoilsithe oifigiúil. Leagfaidh na Ballstáit síos an bealach a ndéanfar tagairtí den sórt sin.
Airteagal 16
Teacht i bhfeidhm
Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.
Airteagal 17
Is chuig na Ballstáit a dhírítear an Treoir seo, i gcomhréir leis na Conarthaí.
Arna déanamh in Strasbourg, an 13 Nollaig 2023.
Thar ceann Pharlaimint na hEorpa
An tUachtarán
R. METSOLA
Thar ceann na Comhairle
An tUachtarán
P. NAVARRO RÍOS
(1) IO C 323, 26.8.2022, lch. 77.
(2) Seasamh ó Pharlaimint na hEorpa an 23 Samhain 2023 (nár foilsíodh fós san Iris Oifigiúil) agus cinneadh ón gComhairle an 8 Nollaig 2023.
(3) Rialachán (AE) 2023/2844 ó Pharlaimint na hEorpa agus ón gComhairle an 13 Nollaig 2023 maidir le digitiú an chomhair bhreithiúnaigh agus rochtain ar an gceartas in ábhair thrasteorann shibhialta, thráchtála agus choiriúla, agus lena leasaítear gníomhartha áirithe i réimse an chomhair bhreithiúnaigh (IO L, L/2023/2844, 27.12.2023,ELI:: http://data.europa.eu/reg/2023/2844/oj).
(4) Treoir 2011/99/AE ó Pharlaimint na hEorpa agus ón gComhairle an 13 Nollaig 2011 maidir leis an ordú cosanta Eorpach (IO L 338, 21.12.2011, lch. 2).
(5) Treoir 2014/41/AE ó Pharlaimint na hEorpa agus ón gComhairle an 3 Aibreán 2014 maidir leis an Ordú Imscrúdaithe Eorpach in ábhair choiriúla (IO L 130, 1.5.2014, lch. 1).
(6) Treoir 2003/8/CE ón gComhairle an 27 Eanáir 2003 maidir leis an rochtain ar an gceartas i ndíospóidí trasteorann a fheabhsú trí rialacha coiteanna íosta a leagan síos a bhaineann le cúnamh dlíthiúil a chur ar fáil do na díospóidí sin (IO L 26, 31.1.2003, lch. 41).
(7) Cinneadh Réime 2002/584/CGB ón gComhairle an 13 Meitheamh 2002 maidir leis an mbarántas gabhála Eorpach agus na nósanna imeachta um thabhairt suas idir na Ballstáit (IO L 190, 18.7.2002, lch. 1).
(8) Cinneadh Réime 2003/577/CGB ón gComhairle an 22 Iúil 2003 maidir le horduithe a fhorghníomhú san Aontas Eorpach chun maoin nó fianaise a reo (IO L 196, 2.8.2003, lch. 45).
(9) Cinneadh Réime 2005/214/CGB ón gComhairle an 24 Feabhra 2005 maidir le prionsabal an aitheantais fhrithpháirtigh a chur i bhfeidhm ar phionóis airgeadais (IO L 76, 22.3.2005, lch. 16).
(10) Cinneadh Réime 2006/783/CGB ón gComhairle an 6 Deireadh Fómhair 2006 maidir le haitheantas frithpháirteach a thabhairt d’orduithe coigistíochta (IO L 328, 24.11.2006, lch. 59).
(11) Cinneadh Réime 2008/909/CGB ón gComhairle an 27 Samhain 2008 maidir le prionsabal an aitheantais fhrithpháirtigh a chur i bhfeidhm ar bhreithiúnais in ábhair choiriúla lena bhforchuirtear pianbhreitheanna coimeádta nó bearta a bhaineann le cailleadh saoirse chun iad a fhorfheidhmiú san Aontas Eorpach (IO L 327, 5.12.2008, lch. 27).
(12) Cinneadh Réime 2008/947/CGB ón gComhairle an 27 Samhain 2008 maidir le prionsabal an aitheantais fhrithpháirtigh i ndáil le breithiúnais agus cinntí promhaidh d’fhonn maoirseacht a dhéanamh ar bhearta promhaidh agus ar smachtbhannaí malartacha (IO L 337, 16.12.2008, lch. 102).
(13) Cinneadh Réime 2009/829/CGB ón gComhairle an 23 Deireadh Fómhair 2009 maidir le prionsabal an aitheantais fhrithpháirtigh a chur i bhfeidhm, idir Ballstáit an Aontais Eorpaigh, ar chinntí faoi bhearta maoirseachta mar rogha mhalartach ar choinneáil shealadach (IO L 294, 11.11.2009, lch. 20).
(14) Cinneadh Réime 2009/948/CGB ón gComhairle an 30 Samhain 2009 maidir le coinbhleachtaí i bhfeidhmiú dlínse in imeachtaí coiriúla a chosc agus a shocrú (IO L 328, 15.12.2009, lch. 42).
ELI: http://data.europa.eu/eli/dir/2023/2843/oj
ISSN 1977-0839 (electronic edition)