|
Iris Oifigiúil |
GA Sraith L |
|
2023/2736 |
8.12.2023 |
RIALACHÁN CUR CHUN FEIDHME (AE) 2023/2736 ÓN gCOIMISIÚN
an 7 Nollaig 2023
maidir le hullmhóid de Bacillus velezensis NITE BP-01844 a údarú mar bhreiseán beathaithe le haghaidh gach speicis éanlaithe clóis lena ramhrú, sicíní a thógtar le bheith ina mbéaróga, turcaithe a thógtar le haghaidh pórúcháin, mionspeicis éanlaithe clóis a thógtar le haghaidh breithe nó le haghaidh pórúcháin agus éin ornáideacha (sealbhóir an údaraithe: Toa Biopharma Co., Ltd)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar ullmhóid de Bacillus velezensis NITE BP-01844 a údarú mar bhreiseán beathaithe. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le hullmhóid de Bacillus velezensis NITE BP-01844 a údarú mar bhreiseán beathaithe le haghaidh sicíní lena ramhrú, turcaithe lena ramhrú, sicíní a thógtar le bheith ina mbéaróga, turcaithe a thógtar le haghaidh pórúcháin agus gach mionspeicis éanúil (lena n-áirítear éin spóirt, éin ornáideacha agus éin andúchasacha), go dtí an marú nó an pointe breithe (‘na spriocspeicis’) agus iarrtar ann go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 26 Eanáir 2022 (2) agus an 12 Bealtaine 2023 (3) go bhfuil an ullmhóid de Bacillus velezensis NITE BP-01844 sábháilte do na spriocspeicis, do na tomhaltóirí agus don chomhshaol, faoi na coinníollacha úsáide atá beartaithe. Tháinig sé ar an gconclúid freisin nach greannaitheoir craicinn í an ullmhóid de Bacillus velezensis NITE BP-01844 ach gur greannaitheoir féideartha súl í, agus gur cheart a mheas gur íogróir riospráide í. Ós rud é nár soláthraíodh aon tástáil ar íogrú craicinn, ní raibh an tÚdarás in ann teacht ar chonclúid maidir leis an íogrú craicinn a d’fhéadfadh an ullmhóid sin a dhéanamh. Tháinig an tÚdarás ar an gconclúid thairis sin go bhféadfadh an ullmhóid de Bacillus velezensis NITE BP-01844 a bheith éifeachtúil le haghaidh na spriocspeiceas nuair a fhorlíontar an bheatha léi ag 2,0 × 108 CFU/kg d’ábhar beatha iomlán, agus go bhfuil sí comhoiriúnach leis na coicideastait déchlasairil, dé-coicíonáit, halafuganón, monainsin, salanaimícin, naraisin, róibeinidín agus madúraimícin. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe arna cur isteach ag an Saotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann an ullmhóid de Bacillus velezensis NITE BP-01844 na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Thairis sin, i gcomhréir le treoraíocht an Údaráis maidir leis an measúnú ar éifeachtúlacht breiseán beathaithe (4), ba cheart a mheas go bhféadfadh an ullmhóid sin a bheith éifeachtúil le haghaidh na spriocspeiceas nuair a fhorlíontar an t-uisce óil léi ag 1,0 × 108 CFU/l. Dá réir sin, ba cheart ullmhóid Bacillus velezensis NITE BP-01844 a údarú le haghaidh gach speicis éanlaithe clóis lena ramhrú, sicíní a thógtar le bheith ina mbéaróga, turcaithe a thógtar le haghaidh pórúcháin, mionspeicis éanlaithe clóis a thógtar le haghaidh breithe nó le haghaidh pórúcháin agus éin ornáideacha, lena n-áirítear cásanna ina bhforlíontar an uisce óil léi. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An ullmhóid a shonraítear san Iarscríbhinn, ullmhóid a bhaineann leis an gcatagóir breiseán ‘breiseáin zóiteicniúla’ agus leis an bhfeidhmghrúpa ‘cobhsaitheoirí fhlóra na stéige’, údaraítear í mar bhreiseán i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 7 Nollaig 2023.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) EFSA Journal [Iris EFSA] 2022;20(2):7152.
(3) EFSA Journal [Iris EFSA] 2023;21(6):8053.
(4) EFSA Journal [Iris EFSA] 2018;16(5):5274.
IARSCRÍBHINN
|
Uimhir aitheantais an bhreiseáin |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Íoschion |
Uaschion |
Forálacha eile |
Deireadh na tréimhse údaraithe |
||||||||||
|
CFU/kg d’ábhar beatha iomlán ina bhfuil cion taise 12 % |
CFU/l d’uisce óil |
||||||||||||||||||||
|
Catagóir na mbreiseán zóiteicniúil. Feidhmghrúpaí: cobhsaitheoirí fhlóra na stéige |
|||||||||||||||||||||
|
4b1903 |
Toa Biopharma Co., Ltd., an tSeapáin, arna ionadú ag Toa Biopharma Co., Ltd., Europe Representative Office |
Bacillus velezensis NITE BP-01844 |
Comhdhéanamh an bhreiseáin Ullmhóid de spóir inmharthana Bacillus velezensis NITE BP-01844 le híostiúchan 1 × 108 CFU/g breiseán Foirm sholadach Tréithriú na substainte gníomhaí Spóir inmharthana Bacillus velezensis NITE BP-01844 Modh anailíse (1) Sainaithint:
Áireamh sa bhreiseán bia, sna réamh-mheascáin, sa bheatha chumaisc agus in uisce: modh an leata ar phláta ar agar soighe trioptóin (EN 15784). |
Gach speiceas éanlaithe clóis lena ramhrú Sicíní a thógtar le bheith ina mbéaróga Turcaithe a thógtar le haghaidh pórúcháin Mionspeicis éanlaithe clóis a thógtar le haghaidh breithe nó le haghaidh pórúcháin Éin ornáideacha |
— |
2 × 108 |
— |
1 × 108 |
— |
|
an 28 Nollaig 2033 |
||||||||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga
ELI: http://data.europa.eu/eli/reg_impl/2023/2736/oj
ISSN 1977-0839 (electronic edition)