|
Iris Oifigiúil |
GA Sraith L |
|
2023/2734 |
8.12.2023 |
RIALACHÁN CUR CHUN FEIDHME (AE) 2023/2734 ÓN gCOIMISIÚN
an 7 Nollaig 2023
maidir le hullmhóid de Saccharomyces cerevisiae DBVPG 48 SF a údarú mar bhreiseán beathaithe le haghaidh capall, athchogantaigh dhéiríochta agus muc (sealbhóir an údaraithe: Mazzoleni S.p.A.)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar ullmhóid de Saccharomyces cerevisiae DBVPG 48 SF a údarú mar bhreiseán beathaithe. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le hullmhóid de Saccharomyces cerevisiae DBVPG 48 SF a údarú mar bhreiseán beathaithe le haghaidh capall, athchogantach agus gach muice, agus iarrtar ann go n-aicmeofaí an breiseán sin sa chatagóir ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’ a mhéid a bhaineann le capaill, agus san fheidhmghrúpa ‘breiseáin zóiteicniúla eile’ a mhéid a bhaineann le hathchogantaigh agus muca. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 23 Márta 2023 (2) go bhfuil an ullmhóid de Saccharomyces cerevisiae DBVPG 48 SF sábháilte do chapaill, d’athchogantaigh agus do gach muc, do thomhaltóirí agus don chomhshaol faoi na coinníollacha úsáide atá beartaithe. Tháinig an tÚdarás ar an gconclúid freisin nach greannaitheoir súl ná craicinn í an ullmhóid de Saccharomyces cerevisiae DBVPG 48 SF ach gur cheart í a mheas mar íogróir riospráide, cé nach raibh sé in ann teacht ar chonclúid maidir leis an íogrú craicinn a d’fhéadfadh an ullmhóid sin a dhéanamh. Tháinig an tÚdarás ar an gconclúid thairis sin go bhféadfadh an ullmhóid de Saccharomyces cerevisiae DBVPG 48 SF a bheith éifeachtúil le haghaidh capall, athchogantaigh dhéiríochta agus gach muice faoi na coinníollacha úsáide atá beartaithe, ach ní raibh sé in ann teacht ar chonclúid maidir le héifeachtúlacht na hullmhóide sin le haghaidh athchogantaigh seachas athchogantaigh dhéiríochta. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe arna cur isteach ag an Saotharlann Tagartha a bunaíodh le Rialachán (CE) Uimh. 1831/2003. |
|
(5) |
An 13 Meitheamh 2023 gheall an t-iarratasóir faisnéis fhorlíontach a chur isteach d’fhonn éifeachtúlacht na hullmhóide de Saccharomyces cerevisiae DBVPG 48 SF le haghaidh athchogantaigh seachas athchogantaigh dhéiríochta a léiriú. |
|
(6) |
I bhfianaise an mhéid thuas, measann an Coimisiún go gcomhlíonann an ullmhóid de Saccharomyces cerevisiae DBVPG 48 SF na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003 le haghaidh capall, athchogantaigh dhéiríochta agus gach muice. Dá réir sin, ba cheart úsáid na hullmhóide sin a údarú le haghaidh capall, athchogantaigh dhéiríochta agus gach muice. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(7) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An ullmhóid a shonraítear san Iarscríbhinn, ullmhóid a bhaineann leis an gcatagóir breiseán ‘breiseáin zóiteicniúla’ agus leis na feidhmghrúpaí ‘feabhsaitheoirí díleáiteachta’ agus ‘breiseáin zóiteicniúla eile’, údaraítear í mar bhreiseán i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 7 Nollaig 2023.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) EFSA Journal [Iris EFSA] 2023;21(4):7971.
IARSCRÍBHINN
|
Uimhir aitheantais an bhreiseáin |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||||
|
CFU/kg d’ábhar beatha iomlán ina bhfuil cion taise 12 % |
|||||||||||||||||
|
Catagóir na mbreiseán zóiteicniúil. Feidhmghrúpa: feabhsaitheoirí díleáiteachta |
|||||||||||||||||
|
4d24 |
Mazzoleni S.p.A. |
Saccharomyces cerevisiae DBVPG 48 SF |
Comhdhéanamh an bhreiseáin Ullmhóid de Saccharomyces cerevisiae DBVPG 48 SF le híostiúchan: 1 × 109 CFU/g breiseán. Foirmeacha soladacha. Tréithriú na substainte gníomhaí Cealla inmharthana Saccharomyces cerevisiae DBVPG 48 SF. Modh anailíse (1)
|
Capaill |
- |
3 × 109 |
- |
|
an 28 Nollaig 2033 |
||||||||
|
Catagóir na mbreiseán zóiteicniúil. Feidhmghrúpa: breiseáin zóiteicniúla eile (feabhas ar pharaiméadair feidhmíochta) |
|||||||||||||||||
|
4d24 |
Mazzoleni S.p.A. |
Saccharomyces cerevisiae DBVPG 48 SF |
Comhdhéanamh an bhreiseáin Ullmhóid de Saccharomyces cerevisiae DBVPG 48 SF le híostiúchan: 1 × 109 CFU/g breiseán. Foirmeacha soladacha. Tréithriú na substainte gníomhaí Cealla inmharthana Saccharomyces cerevisiae DBVPG 48 SF. Modh anailíse (1)
|
Ba déiríochta Gach mionathchogantach déiríochta |
- |
4 × 108 |
- |
|
an 28 Nollaig 2033 |
||||||||
|
Muca lena ramhrú Bainbh (dhiúil agus scoite) Mionspeicis mhucúla (bainbh dhiúil, bainbh scoite agus muca lena ramhrú) |
4 × 109 |
||||||||||||||||
|
Cránacha lena n-atáirgeadh Mionspeicis mhucúla (cránacha lena n-atáirgeadh) |
6 × 109 |
||||||||||||||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga
ELI: http://data.europa.eu/eli/reg_impl/2023/2734/oj
ISSN 1977-0839 (electronic edition)