(1)

Le hAirteagal 13 de Rialachán (AE) 2019/472, tugtar de chumhacht don Choimisiún gníomhartha tarmligthe a ghlacadh chun an Rialachán sin a fhorlíonadh trí mhionsonraí na hoibleagáide gabhálacha a thabhairt i dtír a shonrú i gcás stoic uile na speiceas sa Mhuir Thuaidh a bhfuil feidhm ag an oibleagáid gabhálacha a thabhairt i dtír faoi Airteagal 15(1) de Rialachán (AE) Uimh. 380/2013 ó Pharlaimint na hEorpa agus ón gComhairle (2)maidir leo, mar a fhoráiltear i bpointí (a) go (e) d’Airteagal 15(5) den Rialachán sin ar bhonn na moltaí comhpháirteacha arna bhforbairt ag na Ballstáit.

(2)

Le Rialachán Tarmligthe (AE) 2020/2015 ón gCoimisiún (3), sonraítear na mionsonraí maidir le cur chun feidhme na hoibleagáide gabhálacha a thabhairt i dtír i gcás iascaigh ghrinnill áirithe in Uiscí an Iarthair le haghaidh na tréimhse 2021–2023, tar éis dhá mholadh chomhpháirteacha arna gcur faoi bhráid an Choimisiúin ag an mBeilg, an Spáinn, an Fhrainc, Éire agus an Ísiltír (Ballstáit Uiscí an Iarthuaiscirt), agus ag an mBeilg, an Spáinn, an Fhrainc, an Ísiltír agus an Phortaingéil (Ballstáit Uiscí an Iardheiscirt). Leasaíodh Rialachán Tarmligthe (AE) 2020/2015 in 2021 (4), 2022 (5) agus 2023 (6).

(3)

Tar éis do Bhallstáit Uiscí an Iarthuaiscirt dul i gcomhairle le Comhairle Chomhairleach Uiscí an Iarthuaiscirt agus leis an gComhairle Chomhairleach Pheiligeach, chuir siad moladh comhpháirteach tosaigh faoi bhráid an Choimisiúin an 3 Bealtaine 2023.

(4)

Tar éis do Bhallstáit Uiscí an Iardheiscirt dul i gcomhairle le Comhairle Chomhairleach Uiscí an Iardheiscirt agus leis an gComhairle Chomhairleach Pheiligeach, chuir siad moladh comhpháirteach tosaigh faoi bhráid an Choimisiúin an 2 Bealtaine 2023.

(5)

Rinne an Coiste Eolaíoch, Teicniúil agus Eacnamaíoch um Iascach (CETEI) measúnú ar na moltaí comhpháirteacha tosaigh le linn sheisiún iomlánach an 8–12 Bealtaine 2023 (7).

(6)

An 6 Iúil 2023, chuir Ballstáit Uiscí an Iardheiscirt moladh comhpháirteach a tugadh cothrom le dáta isteach.

(7)

An 13 Iúil 2023 chuir Ballstáit Uiscí an Iarthuaiscirt moladh comhpháirteach a tugadh cothrom le dáta isteach.

(8)

Rinne an Grúpa Saineolaithe um Iascach agus Dobharshaothrú breithniú ar na moltaí comhpháirteacha a tugadh cothrom le dáta i gcruinniú an 28 Iúil 2023 ar fhreastail Parlaimint na hEorpa air mar bhreathnóir.

(9)

Faoi Airteagal 13 de Rialachán (AE) 2019/472, rinne an Coimisiún na moltaí comhpháirteacha a tugadh cothrom le dáta a mheas i bhfianaise mheasúnú CETEI ar na moltaí comhpháirteacha tosaigh chun a áirithiú go bhfuil na moltaí comhpháirteacha a tugadh cothrom le dáta comhoiriúnach le bearta caomhnúcháin ábhartha an Aontais, lena n-áirítear an oibleagáid gabhálacha a thabhairt i dtír.

(10)

Chuir an Coimisiún an méid seo a leanas san áireamh freisin: (i) go bhfuiltear ag súil go gcuirfear tuilleadh faisnéise ar fáil sa mheasúnú atá ar na bacáin maidir le héifeachtacht, éifeachtúlacht, comhleanúnachas, ábharthacht agus breisluach Aontais na hoibleagáide gabhálacha a thabhairt i dtír; agus (ii) thug CETEI dá aire (8) go bhfuil an próiseas reatha chun meastóireacht a dhéanamh ar mholtaí comhpháirteacha neamhéifeachtúil, gur gá tuilleadh machnaimh a dhéanamh maidir le conas is féidir é a fheabhsú tuilleadh agus go bhféadfaí, le machnamh den sórt sin, plé a dhéanamh ar shaincheisteanna sonraí agus bealaí nua a aimsiú chun cur chun feidhme na hoibleagáide gabhálacha a thabhairt i dtír a fheabhsú.

(11)

Na díolúintí ard-inmharthanachta seo a leanas ón oibleagáid gabhálacha a thabhairt i dtír, ba cheart feidhm a bheith acu maidir le hUiscí an Iarthuaiscirt.

(12)

Áirítear i Rialachán Tarmligthe (AE) 2020/2015 díolúine ard-inmharthanachta maidir le gliomaigh na hIorua a ghabhtar le potaí, gaistí agus cléibh, agus tráil ghrinnill i bhfolimistéir 6 agus 7 den Chomhairle Idirnáisiúnta um Thaiscéalaíocht na Mara (‘ICES’). D’iarr na Ballstáit go leanfaí den díolúine. Rinne CETEI meastóireacht ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil meastacháin mharthanais agus rátaí aschuir athraitheach idir réimsí éagsúla, go ndearnadh staidéir mharthanais ar bhealach láidir agus go dtarraingítear aird ar na tairbhí a bhaineann le roghnaíocht fheabhsaithe trí bhearta teicniúla (9). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(13)

Áirítear i Rialachán Tarmligthe (AE) 2020/2015 díolúine ard-inmharthanachta maidir le sóil choiteanna atá faoi bhun na híosmhéide tagartha caomhnaithe a ghabhtar le tráil ghrinnill ag a bhfuil mogallmhéid 80-99 mm i roinn 7d ICES laistigh de 6 mhuirmhíle ón gcósta ach lasmuigh d’iasclanna sainaitheanta, agus le tráil dobharchú ar mó ná 80 mm a mogall soc-fhoircinn i roinn 7e ICES laistigh de 6 mhuirmhíle ón gcósta ach lasmuigh d’iasclanna sainaitheanta agus a ghabhtar le tráil dobharchú ar mó ná 80 mm a mogall soc-fhoircinn i roinn 7e ICES laistigh de 6 mhuirmhíle ón gcósta ach lasmuigh d’iasclanna sainaitheanta. D’iarr na Ballstáit go leanfaí den díolúine. Rinne CETEI meastóireacht ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil an inmharthanacht réasúnta agus go ndearnadh na staidéir a cuireadh i láthair ar bhealach láidir (10). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(14)

Áirítear i Rialachán Tarmligthe (AE) 2020/2015 díolúine ard-inmharthanachta maidir le sciataí agus roic a ghabhtar le gach trealamh i bhfolimistéir 6 agus 7 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil leibhéal an chomhair idir na Ballstáit suntasach agus gurb í an díolúine a spreag an obair seo, cé go bhfuil an inmharthanacht athraitheach de réir trealaimh agus séasúir (11). Thairis sin, gheall na Ballstáit sa mholadh comhpháirteach a tugadh cothrom le dáta meitea-anailís a dhéanamh ar mharthanas arb é is aidhm di measúnú a dhéanamh ar éifeacht fhoriomlán na díolúine. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(15)

Áirítear i Rialachán Tarmligthe (AE) 2020/2015 díolúine ard-inmharthanachta maidir le leathóga a ghabhtar le traimlí, tráil dobharchú, tráil bhíoma, saighní Danmhargacha agus saighní i roinn 7 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil na rátaí marthanais athraitheach agus gurb é an áit is ísle iad na deighleoga ina dtugtar cuntas ar na gabhálacha is airde, agus ina bhfuil na rátaí aischuir agus na méideanna ábhair mhuirí aischurtha is airde, go bhfuil obair ar siúl sna hiascaigh lena mbaineann chun roghnaíocht agus dóchúlachtaí marthanais a fheabhsú maidir le trealamh agus teicneolaíochtaí nuálacha (12). Chun go bhféadfaí leanúint den obair sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(16)

Áirítear i Rialachán Tarmligthe (AE) 2020/2015 díolúine ard-inmharthanachta maidir le speicis a ghabhtar i bpotaí agus i ngaistí i bhfolimistéir 5 (seachas 5a agus lena n-áirítear uiscí an Aontais in 5b amháin), 6 agus 7 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil na méideanna foriomlána iasc atá beartaithe diomaibhseach, go bhfuil na cineálacha trealaimh neamhurchóideach ar an iomlán agus gur dócha go mbeidh tionchar na díolúine íseal (13). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(17)

Áirítear i Rialachán Tarmligthe (AE) 2020/2015 díolúine maidir leis an ronnach Atlantach agus an scadán Atlantacha in iascaigh peaslín saighne i bhfolimistéar 6 ICES; agus maidir leis an ronnach Atlantach agus an scadán in iascach na heangaí fáinne atá dírithe ar speicis pheiligeacha nach bhfuil faoi réir na gcuótaí i ranna 7e agus 7f ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus, cé nach bhféadfadh sé a fhíorú, maidir leis na coinníollacha a comhlíonadh le linn na dturgnamh a cuireadh isteach, cé acu atá nó nach bhfuil na coinníollacha sin ionadaíoch ar na coinníollacha a bhaineann le hoibríochtaí iascaireachta tráchtála, tháinig sé ar an gconclúid gurb iad na meastacháin mharthanais 70 % i gcás ronnach Atlantach agus scadán is fearr atá ar fáil d’iascaigh peaslín saighne (14). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(18)

Na díolúintí ard-inmharthanachta seo a leanas ón oibleagáid gabhálacha a thabhairt i dtír, ba cheart feidhm a bheith acu maidir le hUiscí an Iardheiscirt.

(19)

Áirítear i Rialachán Tarmligthe (AE) 2020/2015 díolúine ard-inmharthanachta maidir le gliomaigh na hIorua a ghabhtar le tráil ghrinnill i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go n-athraíonn rátaí marthanais ar fud na gcabhlach agus gur léiríodh go bhfuil na siúiteanna aischuir éifeachtúil chun básmhaireacht ó aischuir a laghdú (15). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027 le haghaidh na soithí sin a bhfuil siúiteanna aischuir suiteáilte iontu.

(20)

Áirítear i Rialachán Tarmligthe (AE) 2020/2015 díolúine ard-inmharthanachta maidir le sciataí agus roic, seachas roic na súl dubh, a ghabhtar le gach trealamh i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil tásca ann go n-athraíonn na tionchair de réir cineálacha trealaimh agus speiceas, go bhfuil roinnt staidéar eolaíoch fós ar siúl chun measúnú a dhéanamh ar inmharthanacht speiceas éagsúil sciataí agus roc (16). Chun go bhféadfaí na staidéir sin a chur i gcrích, chun comhsheasmhacht le hUiscí an Iarthuaiscirt a áirithiú agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(21)

Áirítear i Rialachán Tarmligthe (AE) 2020/2015 díolúine ard-inmharthanachta le maidir le deargáin a ghabhtar le trealamh ceardaíochta voracera i roinn 9a ICES, agus le duáin agus doruithe i bhfolimistéir 8 agus 10 agus i roinn 9a ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil teorainn leis an bhfaisnéis nua a soláthraíodh chun tacú leis an díolúine agus go bhfuil éiginnteacht ann i dtaca le meastacháin mharthanais maidir le hábhar muirí aischurtha agus méideanna anaithnide aischuir mar aon le laghdú ar na gabhálacha a thugtar i dtír. Léirítear i dtuarascáil CETEI go bhfuil gá le staidéir nua chun meastachán a dhéanamh ar na rátaí marthanais bunaithe ar bhreathnóireacht faoi chuing a gabhadh ó oibríochtaí tráchtála ionadaíocha (17). Chun go bhféadfaí na staidéir sin a chur i gcrích agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(22)

Áirítear i Rialachán Tarmligthe (AE) 2020/2015 díolúine maidir le hainseabhaithe, bolmáin agus ronnaigh Atlantacha san iascach peaslín saighne. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé nach bhféadfaí roinnt tionchair a mheasúnú, go raibh na meastacháin mharthanais i staidéir roimhe seo ard i gcás na speiceas sin. Thairis sin, tá staidéir eolaíocha ar siúl faoi láthair (18). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(23)

Na díolúintí de minimis seo a leanas ón oibleagáid gabhálacha a thabhairt i dtír, ba cheart feidhm a bheith acu maidir le hUiscí an Iarthuaiscirt.

(24)

Áirítear i Rialachán Tarmligthe (AE) 2020/2015 díolúine de minimis maidir le faoitíní a ghabhann soithí a úsáideann tráil ghrinnill agus saighní ag a bhfuil mogallmhéid 80 mm nó níos mó, tráil pheiligeacha agus tráil bhíoma ag a bhfuil mogallmhéid 80-119 mm i ranna 7d agus 7e ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach isteach mar chuid den mholadh comhpháirteach tosaigh agus tháinig sé ar an gconclúid, cé nár cuireadh isteach aon fhaisnéis nua chun tacú leis an díolúine, go raibh sé cruthaithe ag staidéir roimhe seo go raibh caillteanais shuntasacha gabhálacha tráchtála ann mar thoradh ar ghairis roghnaíochta áirithe a úsáid (19). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(25)

Áirítear i Rialachán Tarmligthe (AE) 2020/2015 díolúine de minimis maidir le sóil choiteanna a ghabhann soithí a úsáideann traimlí agus eangacha geolbhaigh i ranna 7d go 7g ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil trealamh iascaireachta faoin díolúine sin feistithe chun sóil choiteanna a ghabháil ar an íosmhéid tagartha caomhnaithe agus os cionn na híosmhéide sin. Thairis sin, thug CETEI le fios ina thuarascáil, gur dócha go mbeadh caillteanais tráchtála mar thoradh ar fheabhsuithe ar an roghnaíocht. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(26)

Áirítear le Rialachán Tarmligthe (AE) 2020/2015 díolúine de minimis maidir le sóil choiteanna a ghabhann soithí a úsáideann tráil bhíoma ag a bhfuil mogallmhéid 80 go 119 mm atá feistithe le painéal Pléimeannach, chun sóil choiteanna a ghabháil i ranna 7d go 7h, 7j agus 7k ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil teorainn leis an bhfaisnéis a mhéid a bhaineann leis an leibhéal glactha nó le faireachán a dhéanamh ar shonraí ar an ngaireas roghnaíochta. Mar sin féin, thug CETEI le fios freisin ina thuarascáil go bhfuil sé dearfach go mbaineann an díolúine le húsáid modhnaithe trealaimh lenar léiríodh gur féidir léi leibhéal na ngabhálacha de thaisme a laghdú. Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(27)

Áiríodh i Rialachán Tarmligthe (AE) 2020/2015 díolúine de minimis maidir le cadóga a ghabhann soithí a oibríonn le mogallmhéid 100 mm nó níos mó i gcás gach tráil grinnill agus saighne; soithí a oibríonn le mogallmhéideanna 80 mm nó níos mó lena ngabhann sonraíochtaí áirithe maidir le comhdhéanamh gabhála; agus soithí a oibríonn le tráil bhíoma a úsáideann mogallmhéideanna 80 mm nó níos mó i gcomhar le húsáid painéil Phléimeannacha i ranna 7b, 7c agus 7e go 7k ICES. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil iascaireacht inbhuanaithe á déanamh ar an stoc cadóg sa Mhuir Cheilteach faoi láthair, go bhfuil ráta ard aischuir ann i roinnt iascach. Ina theannta sin, tháinig CETEI ar an gconclúid gur cheart go leanfadh feabhsú na roghnaíochta de bheith ina thosaíocht sna hiascaigh sin agus go bhfuil feabhsuithe déanta cheana féin ar roinnt iascach (20). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027, ar choinníoll go mbeidh feidhm fós ag na bearta teicniúla i bpointe 1.3.2 de chuid B d’Iarscríbhinn VI d’Iarscríbhinn VI a ghabhann le Rialachán (AE) 2019/1241 ó Pharlaimint na hEorpa agus ón gComhairle (21) tar éis an 31 Nollaig 2023.

(28)

Áirítear i Rialachán Tarmligthe (AE) 2020/2015 díolúine de minimis maidir le torcéisc a ghabhann soithí a úsáideann tráil ghrinnill i ranna 7b, 7c agus 7f go 7k ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil teorainn leis an bhfaisnéis a mhéid a bhaineann le caillteanais a d’fhéadfadh a bheith ann mar thoradh ar dheireadh a chur leis an díolúine, gur soláthraíodh faisnéis faoi thrialacha roghnaíochta agus go bhféadfaí feabhsuithe roghnaíochta a dhéanamh i roinnt iascach. Thairis sin, sna measúnuithe a rinne CETEI roimhe seo, tháinig sé ar an gconclúid go mbeadh sé dúshlánach an roghnaíocht a fheabhsú i gcás an torcéisc amháin (22). Ina theannta sin, tá baol ann freisin go mbeidh an torciasc ina tachtspeiceas in iliomad iascaigh ghrinnill. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(29)

Áirítear i Rialachán Tarmligthe (AE) 2020/2015 díolúine de minimis maidir le scoilteáin faoi bhun na híosmhéide tagartha caomhnaithe a ghabhtar le tráil bhíoma ag a bhfuil mogallmhéid 80 go 119 mm i bhfolimistéar 7 ICES agus a úsáideann tráil ghrinnill faoi choinníollacha ginearálta. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil teorainn leis an bhfaisnéis nua a soláthraíodh chun tacú leis an díolúine agus gur féidir feabhsuithe a dhéanamh ar an roghnaíocht. Mar sin féin, ina thuarascáil, thug CETEI le fios freisin go bhfuil sé léirithe i roinnt staidéar gur tháinig laghduithe suntasacha ar ghabhálacha indíolta i roinnt iascach mar thoradh ar ghairis roghnaíochta (23). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(30)

Áirítear le Rialachán Tarmligthe (AE) 2020/2015 díolúine de minimis maidir le sóil choiteanna a ghabhann soithí a úsáideann tráil bhíoma ag a bhfuil mogallmhéid 80 go 119 mm lena ngabhann an roghnaíocht mhéadaithe (painéal Pléimeannach) i ranna 7a ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gurbh ionann an fhaisnéis a cuireadh isteach chun tacú leis an díolúine sin agus an fhaisnéis a cuireadh isteach sna blianta roimhe. Thairis sin, sa mheasúnú a rinne sé roimhe seo (24), d’admhaigh CETEI gur cuireadh bearta i bhfeidhm chun gabhálacha sól de thaisme a laghdú. Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(31)

Áirítear le Rialachán Tarmligthe (AE) 2020/2015 díolúine de minimis maidir le hairgintíní móra a ghabhann soithí a úsáideann tráil ghrinnill ag a bhfuil mogallmhéid is mó ná 100 mm (TR1) i roinn 5b (uiscí an Aontais) agus i bhfolimistéar 6 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid nach dócha go mbeidh tionchar suntasach ag an díolúine ar an stoc mar gheall ar leibhéal íseal an ábhair mhuirí aischurtha (25). Thairis sin, sna measúnuithe a rinne CETEI roimhe seo, thug sé le fios go bhfuil sé deacair feabhsuithe ar bhearta roghnaíochta a bhaint amach i gcás roinnt iascach gan costais dhíréireacha a bheith ar na cabhlaigh lena mbaineann (26). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(32)

Áirítear i Rialachán Tarmligthe (AE) 2020/2015 dhá dhíolúine de minimis maidir le bolmáin agus ronnaigh Atlantacha a ghabhann soithí in iascaigh ghrinnill mheasctha, ar soithí iad a úsáideann tráil ghrinnill, saighní agus tráil bhíoma i bhfolimistéar 6 agus i ranna 7b go 7k ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gur dócha go bhfuil an díolúine réasúnta agus go bhfuil bunús maith léi (27). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(33)

Áirítear i Rialachán Tarmligthe (AE) 2020/2015 díolúine de minimismaidir le faoitíní gorma in iascach ina bhfuil trálaeir peiligeach tionsclaíoch i bhfolimistéir 6 agus 7 agus i roinn 5b ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gurb ionann, den chuid is mó, an fhaisnéis a thacaíonn leis an díolúine agus an fhaisnéis a bhí ann sna blianta roimhe sin, is é sin an deacracht a bhaineann leis an roghnaíocht agus na costais láimhseála bhreise a fheabhsú (28). Tháinig CETEI ar an gconclúid freisin, maidir leis an oibríocht ar bord an tsoithigh agus an fhaisnéis a soláthraíodh chun tacú leis an dearbhú, go bhfuil na costais a bhaineann le gabhálacha de thaisme ar bord a láimhseáil díréireach, go dtugann an tuairisc ar an oibríocht sin bonn cirt réasúnta leis an díolúine sin (29). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(34)

Áirítear i Rialachán Tarmligthe (AE) 2020/2015 díolúine de minimis maidir le bolmáin, ronnaigh Atlantacha agus faoitíní a ghabhtar le trálaeir pheiligeacha atá suas le 25 mhéadar ar fad ar an iomlán agus a úsáideann tráil mheánuisce i roinn 7d ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil teorainn leis an bhfaisnéis nua a soláthraíodh chun tacú leis an díolúine. Mar sin féin, ina thuarascáil, thug CETEI le fios freisin go bhfuil sé deacair feabhsuithe ar an roghnaíocht a bhaint amach (30). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(35)

Na díolúintí de minimis seo a leanas ón oibleagáid gabhálacha a thabhairt i dtír, ba cheart feidhm a bheith acu maidir le hUiscí an Iardheiscirt.

(36)

Áirítear i Rialachán Tarmligthe (AE) 2020/2015 díolúine de minimis maidir le colmóirí a ghabhtar le tráil agus saighní i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, d’ainneoin go ndearnadh an t-iliomad staidéar roghnach, nár thángthas ar aon réiteach. Thairis sin, thug CETEI le fios ina thuarascáil, gur léirigh staidéir go ginearálta go bhfuil na modhnuithe trealaimh a tástáladh neamhéifeachtach nó go mbíonn caillteanais dho-ghlactha gabhálacha indíolta mar thoradh orthu (31). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(37)

Áirítear i Rialachán Tarmligthe (AE) 2020/2015 díolúine de minimis maidir le sóil choiteanna a ghabhtar le tráil pheiligeacha, tráil bhíoma agus tráil ghrinnill i ranna 8a agus 8b ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil teorainn leis an bhfaisnéis nua a soláthraíodh chun tacú leis an díolúine. Mar sin féin, thug CETEI le fios ina thuarascáil, go léiríonn an fhaisnéis a soláthraíodh go bhfuil méadú tagtha ar amanna sórtála ar bord a bhaineann leis an oibleagáid gabhálacha a thabhairt i dtír (32). Ina theannta sin, tá ráta aischuir agus méid na ngabhálacha de thaisme íseal. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(38)

Áiríodh i Rialachán Tarmligthe (AE) 2020/2015 díolúine de minimis maidir le sóil choiteanna a ghabhtar le traimlí agus le heangacha geolbhaigh i ranna 8a agus 8b ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil an roghnaíocht le haghaidh líonta éighníomhacha ard (33). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(39)

Áiríodh i Rialachán Tarmligthe (AE) 2020/2015 díolúine de minimis maidir le halfainsíní a ghabhtar le duáin agus doruithe i bhfolimistéar 10 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil teorainn leis an bhfaisnéis nua a soláthraíodh chun tacú leis an díolúine (34), go raibh na measúnuithe a rinne sé roimhe seo maidir le deacrachtaí ar fhorais roghnaíochta agus costais dhíréireacha fós ábhartha (35). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(40)

Áirítear i Rialachán Tarmligthe (AE) 2020/2015 díolúine de minimis maidir le bolmáin a ghabhtar le tráil bhíoma, tráil ghrinnill agus saighní i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gur dócha go bhfuil an díolúine réasúnta agus go bhfuil bunús maith léi (36). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(41)

Áirítear i Rialachán Tarmligthe (AE) 2020/2015 díolúine de minimis maidir le bolmáin a ghabhtar le heangacha geolbhaigh i bhfolimistéir 8, 9 agus 10 ICES agus i limistéir 34.1.1, 34.1.2 agus 34.2.0 den Choiste Iascaigh um an Atlantach Thoir Láir (‘CECAF’). D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil an fhaisnéis nua a soláthraíodh chun tacú leis an díolúine teoranta, go raibh na measúnuithe a rinneadh roimhe seo fós ábhartha. Thairis sin, sna measúnuithe sin roimhe seo (37), thug CETEI le fios go mbeadh sé réasúnta a ghlacadh leis go bhfuil sé deacair roghnaíocht do bholmán sna hiascaigh sin a bhaint amach. Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(42)

Áirítear i Rialachán Tarmligthe (AE) 2020/2015 dhá dhíolúine de minimis maidir le ronnaigh a ghabhtar le tráil bhíoma, le tráil ghrinnill agus le saighní i bhfolimistéir 8 agus 9 ICES; agus ronnaigh a ghabhtar le heangacha geolbhaigh i bhfolimistéir 8 agus 9 ICES agus i limistéir 34.1.1, 34.1.2 agus 34.2.0 CECAF. D’iarr na Ballstáit go leanfaí de na díolúintí sin. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go bhfuil sé an-deacair an roghnaíocht a mhéadú sna hiascaigh sin gan an táirgeacht a laghdú (38). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart na díolúintí a iarradh a dheonú ón 1 Eanáir 2024 go dtí an 31 Nollaig 2027.

(43)

Áirítear i Rialachán Tarmligthe (AE) 2020/2015 díolúine de minimis maidir le scoilteáin a ghabhtar le tráil bhíoma, le tráil ghrinnill agus le saighní i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid nach bhfuarthas aon réiteach d’ainneoin go ndearnadh go leor turgnamh roghnaíochta. Thairis sin, sna measúnuithe a rinne sé roimhe seo, thug CETEI le fios go bhfuil sé deacair sna hiascaigh sin na rátaí aischuir a laghdú tríd an roghnaíocht a fheabhsú (39). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(44)

Áirítear i Rialachán Tarmligthe (AE) 2020/2015 díolúine de minimis maidir le scoilteáin a ghabhtar le heangacha geolbhaigh i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gur féidir glacadh leis go bhfuil roghnaíocht na líonta éighníomhacha le haghaidh scoilteán ard agus go bhfuil na costais a bhaineann le láimhseáil na méideanna an-bheag scoilteán suntasach (40). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(45)

Áirítear i Rialachán Tarmligthe (AE) 2020/2015 díolúine de minimis maidir le láimhínigh a ghabhtar le tráil pheiligeacha, le tráil bhíoma, le tráil ghrinnill agus le saighní i bhfolimistéir 8 agus 9 ICES. D’iarr na Ballstáit go leanfaí den díolúine, ach gan tráil pheiligeacha a chur san áireamh, ós rud é nár tuairiscíodh aon ghabháil láimhínigh trí úsáid a bhaint as an trealamh sin. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gur léiríodh caillteanais réasúnta ard gabhála tráchtála i staidéir maidir le feabhas a chur ar roghnaíocht (41). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(46)

Áirítear i Rialachán Tarmligthe (AE) 2020/2015 díolúine de minimis maidir le láimhínigh a ghabhtar le heangacha geolbhaigh i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid gur cosúil nach féidir roghnaíocht na líonta éighníomhacha le haghaidh láimhíneach a fheabhsú mar gheall ar mhoirfeolaíocht an speicis agus go bhfuil na costais a bhaineann le láimhseáil na méideanna an-bheag láimhíneach suntasach (42). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(47)

Áirítear i Rialachán Tarmligthe (AE) 2020/2015 díolúine de minimis maidir le faoitíní a ghabhtar le heangacha geolbhaigh i bhfolimistéar 8 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil an fhaisnéis nua a soláthraíodh chun tacú leis an díolúine teoranta, go raibh na measúnuithe a rinneadh roimhe seo fós ábhartha. Thairis sin, sna measúnuithe a rinne sé roimhe seo (43), tháinig CETEI ar an gconclúid go bhfuil sé deacair feabhsuithe ar an roghnaíocht a bhaint amach in iascaigh eangacha geolbhaigh. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(48)

Áirítear i Rialachán Tarmligthe (AE) 2020/2015 díolúine de minimis maidir le hainseabhaithe a ghabhtar le tráil bhíoma, le tráil ghrinnill agus le saighní i bhfolimistéir 8 agus 9 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid go dtugtar le tuiscint leis na sonraí gabhála go bhfuil leibhéal na ngabhálacha de thaisme sna hiascaigh lena mbaineann íseal agus gur dócha go mbeidh tionchar íseal ag an díolúine (44). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(49)

Áirítear i Rialachán Tarmligthe (AE) 2020/2015 dhá dhíolúine de minimis maidir le deargáin a ghabhtar le tráil bhíoma, le tráil ghrinnill agus le saighní i gcuid Mhurascaill Cádiz de roinn 9a ICES; agus maidir le sóil a ghabhtar le tráil bhíoma, le tráil ghrinnill agus le saighní i gcuid Mhurascaill Cádiz de roinn 9a ICES. D’iarr na Ballstáit go leanfaí de na díolúintí sin. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil an fhaisnéis a soláthraíodh chun tacú leis an díolúine teoranta, go raibh na measúnuithe a rinneadh roimhe seo fós ábhartha. Thairis sin, sna measúnuithe sin roimhe seo (45), chuir CETEI in iúl gur léirigh an anailís a rinneadh ar chostais dhíréireacha go mbeadh méadú ar an am láimhseála agus sórtála ar bord ag brath ar mhéid na soithí, dá mba rud é nach ndeonófaí na díolúintí. Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart na díolúintí a iarradh a dheonú ón 1 Eanáir 2024 go dtí an 31 Nollaig 2027.

(50)

Áirítear i Rialachán Tarmligthe (AE) 2020/2015 díolúine de minimis maidir le faoitíní gorma a ghabhtar le tráil mheánuisce agus tráil mheánuisce dhá bhád i bhfolimistéar 8 ICES. D’iarr na Ballstáit go leanfaí den díolúine. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil an fhaisnéis nua a soláthraíodh chun tacú leis an díolúine teoranta, gur cosúil go bhfuil tionchar íseal ag an díolúine sin. Thairis sin, leis an bhfaisnéis a chuirtear ar fáil chun tacú leis an dearbhú go bhfuil na costais a bhaineann le gabhálacha de thaisme ar bord a láimhseáil díréireach, tugtar údar réasúnta leis an díolúine sin (46). Ar na cúiseanna sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart an díolúine a iarradh a dheonú ón 1 Eanáir 2024 go dtí an 31 Nollaig 2027.

(51)

Áirítear i Rialachán Tarmligthe (AE) 2020/2015 dhá dhíolúine de minimis maidir le hainseabhaithe agus bolmáin a ghabhtar le tráil pheiligeacha i bhfolimistéar 8 ICES; agus maidir le bolmáin a ghabhtar le peaslíon saighne i bhfolimistéir 8, 9 agus 10 ICES agus i ranna 34.1.1, 34.1.2 agus 34.2.0 CECAF. D’iarr na Ballstáit go leanfaí de na díolúintí sin. Rinne CETEI measúnú ar an bhfaisnéis a cuireadh isteach mar chuid den mholadh comhpháirteach tosaigh agus tháinig sé ar an gconclúid, cé go bhfuil an fhaisnéis a cuireadh isteach teoranta, go léiríonn sí go bhfuil sé an-deacair roghnaíocht a mhéadú gan an táirgeacht a laghdú (47). Ar an gcúis sin agus ar na cúiseanna a leagtar amach in aithrisí (9) agus (10) thuas, measann an Coimisiún, dá bhrí sin, gur cheart na díolúintí a iarradh a dheonú ón 1 Eanáir 2024 go dtí an 31 Nollaig 2027.

(52)

Tá na bearta sna moltaí comhpháirteacha a tugadh cothrom le dáta i gcomhréir le hAirteagal 15(4), Airteagal 15(5)(c) agus Airteagal 18(3) de Rialachán (AE) Uimh. 1380/2013, agus le Rialachán (AE) 2019/472, go háirithe Airteagal 13 de, agus dá bhrí sin féadfar iad a áireamh sa Rialachán seo.

(53)

Ós rud é go bhfuil tionchar díreach ag na bearta dá bhforáiltear sa Rialachán seo ar phleanáil an tséasúir iascaireachta ag soithí an Aontais agus ar na gníomhaíochtaí eacnamaíocha a bhaineann leo, ba cheart an Rialachán seo a theacht i bhfeidhm an lá tar éis lá a fhoilsithe.

(54)

Ba cheart feidhm a bheith aige ón 1 Eanáir 2024,