(1)

Le hIarscríbhinn II a ghabhann le Rialachán (CE) Uimh. 1333/2008 leagtar síos liosta an Aontais de bhreiseáin bhia atá formheasta le húsáid i mbia agus coinníollacha a n-úsáide.

(2)

De bhun Airteagal 3(1) de Rialachán (CE) Uimh. 1331/2008, féadtar liosta an Aontais de bhreiseáin bhia a thabhairt cothrom le dáta ar thionscnamh an Choimisiúin nó tar éis iarratas a fháil.

(3)

Le Rialachán (AE) Uimh. 231/2012 ón gCoimisiún (3) leagtar síos sonraíochtaí le haghaidh breiseáin bhia a liostaítear in Iarscríbhinn II a ghabhann le Rialachán (CE) Uimh. 1333/2008.

(4)

Is substaint é tartráit stéirile (E 483) atá údaraithe i mbianna áirithe, i gcomhréir le hIarscríbhinn II a ghabhann le Rialachán (CE) Uimh. 1333/2008.

(5)

An 11 Márta 2020, d’eisigh an tÚdarás Eorpach um Shábháilteacht Bia tuairim eolaíoch maidir le hathmheastóireacht ar thartráit stéirile (E 483) mar bhreiseán bia (4). Luadh sa tuairim go raibh easpa sonraí tocsaineolaíocha leordhóthanacha ann maidir le tartráit stéirile. Ina theannta sin, bhí easpa sonraí leordhóthanacha ann lena bhféadfaí léamh trasna ó shonraí faoi shubstaintí eile a cheadú. Dá bhrí sin, ní raibh an tÚdarás in ann sábháilteacht tartráite stéirile mar bhreiseán bia a dheimhniú agus tháinig sé ar an gconclúid nach bhféadfaí an iontógáil laethúil inghlactha le haghaidh na substainte sin a dheimhniú.

(6)

An 19 Eanáir 2021, sheol an Coimisiún glao poiblí ar shonraí teicniúla agus eolaíocha maidir leis an mbreiseán bia ceadaithe tartráit stéirile (E 483), glao inar díríodh ar na riachtanais sonraí a shainaithin an tÚdarás. Mar sin féin, níor gheall aon oibreoir gnólachta go soláthródh sé na sonraí tocsaineolaíocha a iarradh le haghaidh tartráit stéirile (E 483). In éagmais na sonraí sin, ní féidir leis an Údarás an athmheastóireacht ar shábháilteacht tartráite stéirile mar bhreiseán bia a chur i gcrích. Dá bhrí sin, ní féidir a chinneadh an gcomhlíonann an tsubstaint sin fós na coinníollacha de bhun Airteagal 6(1) de Rialachán (CE) Uimh. 1333/2008 i ndáil lena cur ar liosta an Aontais de bhreiseáin bhia fhormheasta.

(7)

Dá bhrí sin, is iomchuí tartráit stéirile (E 483) a bhaint de liosta an Aontais de bhreiseáin bhia fhormheasta.

(8)

Toisc nach bhfuil sonraí tocsaineolaíocha iomchuí ann chun sábháilteacht tartráite stéirile (E 483) mar bhreiseán bia dheimhniú, ní féidir údar a thabhairt a thuilleadh lena cur ar an liosta de bhreiseáin bia údaraithe agus ba cheart tartráit stéirile (E 483) a scriosadh ó liosta an Aontais de bhreiseáin bhia údaraithe. Dá bhrí sin, ba cheart Iarscríbhinn II a ghabhann le Rialacháin (CE) Uimh. 1333/2008 agus an Iarscríbhinn a ghabhann le Rialachán (AE) Uimh. 231/2012 a leasú dá réir sin.

(9)

Chun é a chur ar a gcumas d’oibreoirí gnólachtaí bia roghanna malartacha ar thartráit stéirile (E 483) a aimsiú, ba cheart feidhm a bheith ag an Rialachán seo 6 mhí tar éis dháta a theacht i bhfeidhm.

(10)

Is iomchuí freisin foráil a dhéanamh maidir le hidirthréimhse ina bhféadfar leanúint ag margú bianna ina bhfuil tartráit stéirile (E 483) agus a cuireadh ar an margadh go dleathach roimh dháta chur i bhfeidhm an Rialacháin seo.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,