1.   Leagtar síos sa Chinneadh seo rialacha a bhaineann leis na coinníollacha faoina bhféadfaidh Comhghnóthas Shláinte Dhomhanda EDCTP3, faoi chuimsiú a nósanna imeachta a leagtar amach in Airteagal 3 den Chinneadh seo, srian a chur le cur i bhfeidhm Airteagail 14 go 22, 35 agus 36 de Rialachán (AE) Uimh. 2018/1725, chomh maith le hAirteagal 4 de, i gcomhréir le hAirteagal 25 de Rialachán (AE) 2018/1725.

2.   I measc na gcatagóirí sonraí is ábhartha maidir leis na nósanna imeachta sin, tá sonraí aitheantais, sonraí teagmhála, sonraí gairmiúla, sonraí riaracháin, sonraí a fhaightear ó fhoinsí ar leith, sonraí cumarsáide leictreonaí agus sonraí tráchta agus sonraí a bhaineann leis an gcás, mar shampla réasúnaíocht, sonraí iompraíochta, breithmheasanna, sonraí feidhmíochta agus iompair agus sonraí a bhaineann le hábhar an nós imeachta nó na gníomhaíochta nó sonraí a thugtar chun cinn maidir leis sin.

3.   I gcás ina gcomhlíonann Comhghnóthas Shláinte Dhomhanda EDCTP3 a dhualgais maidir le cearta an ábhair sonraí faoi Rialachán (AE) 2018/1725, déanfar machnamh ar cé acu atá nó nach bhfuil feidhm ag aon cheann de na díolúintí a leagtar síos sa Rialachán sin.

1.   Féadfaidh Comhghnóthas Shláinte Dhomhanda EDCTP3 srian a chur le cur i bhfeidhm Airteagail 14 go 22, 35 agus 36 de Rialachán (AE) 2018/1725 agus Airteagal 4 de, a mhéid a chomhfhreagraíonn a fhorálacha do na cearta agus na hoibleagáidí dá bhforáiltear in Airteagail 14 go 20:

2.   Mar fheidhmiú sonrach na srianta a shainmhínítear i mír 1 thuas, féadfaidh Comhghnóthas Shláinte Dhomhanda EDCTP3 srianta a chur i bhfeidhm, sna himthosca seo a leanas:

Sula gcuirfidh Comhghnóthas Shláinte Dhomhanda EDCTP3 srianta i bhfeidhm sna himthosca dá dtagraítear i bpointí (a) agus (b) den chéad fhomhír, rachaidh sé i gcomhairle le seirbhísí ábhartha an Choimisiúin, le hinstitiúidí, le comhlachtaí, le gníomhaireachtaí nó le hoifigí ábhartha de chuid an Aontais nó le húdaráis inniúla na mBallstát murar léir go bhfuil sé soiléir do Chomhghnóthas Shláinte Dhomhanda EDCTP3 go bhforáiltear do chur i bhfeidhm srianta i gceann de na gníomhartha dá dtagraítear sna pointí sin.

3.   I gcás ina gcuirfidh Comhghnóthas Shláinte Dhomhanda EDCTP3 srian iomlán nó páirteach le cur i bhfeidhm na gceart dá dtagraítear i míreanna 1 agus 2 thuasluaite, déanfaidh sé na bearta a leagtar amach in Airteagail 5 agus 6 den Chinneadh seo.

4.   I gcás ina n-iarrfaidh na hábhair sonraí rochtain ar a gcuid sonraí pearsanta a próiseáladh i gcomhthéacs cás sonrach amháin nó níos mó nó d’oibríocht phróiseála ar leith, i gcomhréir le hAirteagal 17 de Rialachán (AE) 2018/1725, cuirfidh Comhghnóthas Shláinte Dhomhanda EDCTP3 teorainn lena mheasúnú ar an iarratas sonraí pearsanta sin amháin.

1.   Cuirfidh Comhghnóthas Shláinte Dhomhanda EDCTP3 coimircí i bhfeidhm chun mí-úsáid agus rochtain neamhdhleathach nó aistriú neamhdhleathach na sonraí pearsanta a chosc a bhfuil feidhm ag srianta ina leith nó a bhféadfaí srianta a chur i bhfeidhm ina leith. Áireofar leis na coimircí sin bearta teicniúla agus eagraíochtúla agus mionsonraithe de réir mar is gá i gcinntí inmheánacha, nósanna imeachta agus rialacha cur chun feidhme Chomhghnóthas Shláinte Dhomhanda EDCTP3. Áireofar na nithe seo a leanas sna coimircí:

2.   I gcomhréir le hAirteagal 5(3) den Chinneadh seo, ba cheart na coimircí dá dtagraítear i mír 1 a bheith faoi réir athbhreithnithe tréimhsiúla.

3.   Déanfar na sonraí pearsanta a choinneáil i gcomhréir le rialacha coinneála Chomhghnóthas Shláinte Dhomhanda EDCTP3 is infheidhme, a shaineofar sna taifid cosanta sonraí a choinneofar faoi Airteagal 31 de Rialachán (AE) 2018/1725. Ní bheidh an tréimhse coinneála sonraí níos faide ná mar is gá agus is iomchuí chun na gcríoch lena ndéantar na sonraí a phróiseáil.

1.   Aon srian atá bunaithe ar Airteagal 3 den Chinneadh seo, beidh sé riachtanach agus comhréireach, agus na rioscaí do chearta agus do shaoirsí na n-ábhar sonraí á gcur san áireamh, agus tabharfar aird ar bhunús na gceart agus na saoirsí bunúsacha i sochaí dhaonlathach.

2.   Má mheastar srian a chur i bhfeidhm, déanfar tástáil riachtanais comhréireachta bunaithe ar na rialacha atá ann faoi láthair. Déanfar an tástáil freisin faoi chuimsiú an athbhreithnithe thréimhsiúil, tar éis a mheasúnú an bhfuil feidhm fós ag na cúiseanna fíorasacha agus dlíthiúla leis an srian. Déanfar é a dhoiciméadú trí nóta measúnaithe inmheánaigh chun críoch freagrachta ar bhonn cás ar chás.

Ullmhóidh Comhghnóthas Shláinte Dhomhanda EDCTP3 tuarascálacha tréimhsiúla maidir le cur i bhfeidhm Airteagal 25 de Rialachán (AE) 2018/1725.

3.   Beidh feidhm shealadach ag na srianta. Beidh feidhm acu chomh fada agus a bheidh na cúiseanna a thugann údar leo infheidhme, go háirithe i gcás ina meastar nach gcealófaí éifeacht an tsriain fhorchurtha a thuilleadh le teachtadh an chirt shrianta, nó nach mbeadh éifeacht dhiúltach leis ar chearta ná ar shaoirsí na n-ábhar sonraí eile.

Déanfaidh Comhghnóthas Shláinte Dhomhanda EDCTP3 athbhreithniú ar chur i bhfeidhm an tsriain gach 6 mhí tar éis é a ghlacadh agus ar dhúnadh an fhiosrúcháin, an nós imeachta nó an imscrúdaithe ábhartha. Ina dhiaidh sin, déanfaidh an rialaitheoir faireachán gach 6 mhí ar an ngá le haon srian a choinneáil ar bun.

4.   I gcás ina gcuireann Comhghnóthas Shláinte Dhomhanda EDCTP3 i bhfeidhm, go hiomlán nó go páirteach, na srianta atá bunaithe ar Airteagal 3 den Chinneadh seo, taifeadfaidh sé na cúiseanna leis an srian, an foras dlíthiúil/na forais dhlíthiúla i gcomhréir le hAirteagal 3 den Chinneadh seo, lena n-áirítear measúnú ar riachtanas agus comhréireacht an tsriain.

Clárófar an taifead agus, i gcás inarb infheidhme, clárófar na doiciméid ina bhfuil codanna bunúsacha fíorasacha agus dlíthiúla foluiteacha. Déanfar iad a chur ar fáil do MECS arna iarraidh sin.

1.   Áireoidh Comhghnóthas Shláinte Dhomhanda EDCTP3 sna fógraí cosanta sonraí, sna ráitis phríobháideachta nó sna taifid i gcomhréir le hAirteagal 31 de Rialachán (AE) 2018/1725 a fhoilseofar ar a shuíomh gréasáin agus/nó ar an inlíon lena gcuirfear na hábhair sonraí ar an eolas faoina gcearta faoi chuimsiú nós imeachta ar leith, eolas a bhaineann le srianadh féideartha na gceart sin. Cumhdóidh an t-eolas na cearta a bheidh srianta, na cúiseanna agus an tréimhse a d’fhéadfadh a bheith i gceist.

Gan dochar d’fhorálacha Airteagail 5(4) den Chinneadh, déanfaidh Comhghnóthas Shláinte Dhomhanda EDCTP3, i gcás ina mbeidh sé comhréireach, na hábhair sonraí uile, a meastar go bhfuil siad bainteach leis an oibríocht phróiseála ar leith, a chur ar an eolas, duine ar dhuine, faoina gcearta maidir le srianta reatha nó srianta a bheidh le teacht sa todhchaí, gan moill mhíchuí agus i bhfoirm scríofa.

2.   I gcás ina gcuirfidh Comhghnóthas Shláinte Dhomhanda EDCTP3 srian, go hiomlán nó go páirteach, leis na cearta atá leagtha amach in Airteagal 3 den Chinneadh seo, cuirfidh sé in iúl don ábhar sonraí lena mbaineann go bhfuil feidhm leis an srian agus na príomhchúiseanna a bhaineann leis, agus gur féidir gearán a sheoladh chuig an Maoirseoir Eorpach ar Chosaint Sonraí nó leigheas breithiúnach a lorg i gCúirt Bhreithiúnais an Aontais Eorpaigh.

Féadfar soláthar faisnéise dá dtagraítear i mír 2 thuas a chur siar, a fhágáil ar lár nó a dhiúltú má chuireann sé éifeacht an tsriain ar ceal i gcomhréir le hAirteagal 25(8) de Rialachán (AE) 2018/1725.

1.   Rachaidh Comhghnóthas Shláinte Dhomhanda EDCTP3, gan moill mhíchuí, i gcomhairle le hOifigeach Cosanta Sonraí Chomhghnóthas Shláinte Dhomhanda EDCTP3 sula gcuirfidh an rialaitheoir srian le cur i bhfeidhm chearta na n-ábhar sonraí agus le linn an ama a chuirfidh an rialaitheoir srian leis, nó nuair a chuirfidh sé síneadh leis an srian, i gcomhréir leis an gCinneadh seo. Tabharfaidh an rialaitheoir rochtain don Oifigeach Cosanta Sonraí ar an taifead ina mbeidh an measúnú ar riachtanas agus ar chomhréireacht an tsriain agus ar aon doiciméad lena mbaineann an comhthéacs fíorasach nó dlíthiúil.

2.   Féadfaidh an tOifigeach Cosanta Sonraí iarraidh i scríbhinn ar an rialaitheoir athbhreithniú a dhéanamh ar chur i bhfeidhm na srianta. Cuirfidh an rialaitheoir an tOifigeach Cosanta Sonraí ar an eolas i scríbhinn maidir le toradh an athbhreithnithe a iarradh.

3.   Beidh an tOifigeach Cosanta Sonraí páirteach le linn an nós imeachta. Cuirfidh an rialaitheoir an tOifigeach Cosanta Sonraí ar an eolas nuair a chuirfear deireadh leis an srian.

4.   Déanfaidh Comhghnóthas Shláinte Dhomhanda EDCTP3 rannpháirtíocht an Oifigigh Cosanta Sonraí i gcur i bhfeidhm srianta a dhoiciméadú i scríbhinn, lena n-áirítear an fhaisnéis a roinntear leis nó léi.

1.   I gcás ina bhfuil sé d’oibleagáid ar Chomhghnóthas Shláinte Dhomhanda EDCTP3 sárú i ndáil le sonraí a chur in iúl faoi Airteagal 35(1) de Rialachán (AE) 2018/1725, féadfaidh sé, in imthosca eisceachtúla, srian iomlán nó páirteach a chur leis an teachtaireacht sin. Déanfaidh sé doiciméadú i nóta ar na cúiseanna atá leis an srianadh, an foras dlíthiúil atá leis faoi Airteagal 3 den Chinneadh seo agus measúnú ar a riachtanas agus a chomhréireacht. Cuirfear an nóta in iúl do MECS tráth a thabharfar fógra faoin sárú i dtaca le sonraí pearsanta.

2.   I gcás nach mbeidh feidhm a thuilleadh ag na cúiseanna leis an srianadh, cuirfidh Comhghnóthas Shláinte Dhomhanda EDCTP3 an sárú i dtaca le sonraí pearsanta in iúl don ábhar sonraí lena mbaineann agus cuirfidh sé nó sí na príomhchúiseanna leis an srianadh agus a cheart nó a ceart chun gearán a thaisceadh le MECS in iúl dó nó di.

1.   In imthosca eisceachtúla, féadfaidh Comhghnóthas Shláinte Dhomhanda EDCTP3 srian a chur leis an gceart chun rúndachta maidir le cumarsáid leictreonach faoi Airteagal 36 de Rialachán (AE) 2018/1725. Comhlíonfaidh na srianta sin Treoir 2002/58/CE ó Pharlaimint na hEorpa agus ón gComhairle.

2.   I gcás ina gcuirfidh Comhghnóthas Shláinte Dhomhanda EDCTP3 srian leis an gceart chun rúndachta maidir le cumarsáid leictreonach, cuirfidh sé an t-ábhar sonraí lena mbaineann ar an eolas, ina fhreagra ar aon iarraidh ón ábhar sonraí, faoi na príomhchúiseanna le cur i bhfeidhm an tsriain agus faoin gceart atá aige gearán a thaisceadh le MECS.

3.   Féadfaidh Comhghnóthas Shláinte Dhomhanda EDCTP3 soláthar faisnéise maidir leis na cúiseanna atá le srianadh agus an ceart chun gearán a thaisceadh le MECS a iarchur, a fhágáil ar lár nó a dhiúltú fad a chuirfeadh sé sin éifeacht an tsriain ar ceal. Déanfar measúnú ar cé acu a bheadh nó nach mbeadh údar leis sin ar bhonn cás ar chás.