(1)

Le Cinneadh Cur Chun Feidhme 2012/651/AE ón gCoimisiún (2) údaraíodh bia agus beatha a chur ar an margadh, ar bia agus beatha iad ina bhfuil arbhar Indiach géinmhodhnaithe MIR162, atá comhdhéanta de nó a tháirgtear as. Cumhdaíodh le raon feidhme an údaraithe sin freisin táirgí seachas bia agus beatha a chur ar an margadh, ar táirgí iad ina bhfuil arbhar Indiach géinmhodhnaithe MIR162, nó atá comhdhéanta de, le haghaidh na n-úsáidí céanna le harbhar Indiach ar bith eile, cé is moite de shaothrú.

(2)

An 12 Feabhra 2021 chuir Syngenta Crop Protection NV/SA, atá bunaithe sa Bheilg, isteach, thar ceann Syngenta Crop Protection AG, atá bunaithe san Eilvéis, iarratas chuig an gCoimisiún, i gcomhréir le hAirteagal 11 agus Airteagal 23 de Rialachán (CE) Uimh. 1829/2003, chun an t-údarú a athnuachan.

(3)

An 22 Meán Fómhair 2022, d’eisigh an tÚdarás Eorpach um Shábháilteacht Bia (‘an tÚdarás’) tuairim eolaíoch fhabhrach (3). Tháinig sé ar an gconclúid nach raibh fianaise san iarratas ar athnuachan maidir le haon ghuais nua, teagmháil mhodhnaithe nó éiginnteacht eolaíoch nua a d’athródh conclúidí an mheasúnaithe riosca bunaidh ar arbhar Indiach géinmhodhnaithe MIR162, measúnú a ghlac an tÚdarás in 2012 (4).

(4)

Sa tuairim eolaíoch uaidh, rinne an tÚdarás breithniú ar gach ceist agus ábhar imní a tharraing na Ballstáit anuas i gcomhthéacs an chomhairliúcháin leis na húdaráis inniúla náisiúnta dá bhforáiltear in Airteagal 6(4) agus Airteagal 18(4) de Rialachán (CE) Uimh. 1829/2003.

(5)

An plean faireacháin le haghaidh na n-éifeachtaí comhshaoil a chuir an t-iarratasóir isteach, arb é atá ann plean faireachais ginearálta, tháinig an tÚdarás ar an gconclúid freisin go bhfuil an plean sin i gcomhréir le húsáidí beartaithe na dtáirgí.

(6)

An 17 Aibreán 2023 d’eisigh an tÚdarás ráiteas lena gcomhlánaítear an tuairim eolaíoch uaidh (5), agus faisnéis bhreise arna soláthar ag an bpobal á cur san áireamh. Níor shainaithin an tÚdarás aon impleacht maidir leis an bhfaisnéis bhreise faoi shábháilteacht arbhair Indiaigh ghéinmhodhnaithe MIR162 le haghaidh bia agus beatha nó le haghaidh an chomhshaoil agus dheimhnigh sé go bhfuil conclúidí a thuairime eolaíche fós bailí.

(7)

Agus na conclúidí sin á gcur san áireamh, maidir leis an údarú chun bia agus beatha a chur ar an margadh, ar bia agus beatha iad ina bhfuil arbhar Indiach géinmhodhnaithe MIR162, atá comhdhéanta de, nó a tháirgtear as, agus chun táirgí a chur ar an margadh, ar táirgí iad ina bhfuil arbhar Indiach géinmhodhnaithe MIR162 nó atá comhdhéanta de, le haghaidh úsáidí seachas bia agus beatha, cé is moite de shaothrú, ba cheart an t-údarú sin a athnuachan.

(8)

I gcomhthéacs a údaraithe tosaigh le Cinneadh Cur Chun Feidhme 2012/651/AE, tá aitheantóir uathúil sannta d’arbhar Indiach géinmhodhnaithe MIR162, i gcomhréir le Rialachán (CE) Uimh. 65/2004 ón gCoimisiún (6). Ba cheart leanúint den aitheantóir uathúil sin a úsáid.

(9)

I gcás na dtáirgí a chumhdaítear leis an gCinneadh seo, is cosúil nach gá aon cheanglas sonrach lipéadaithe, seachas na ceanglais dá bhforáiltear in Airteagal 13(1) agus in Airteagal 25(2) de Rialachán (CE) Uimh. 1829/2003 agus in Airteagal 4(6) de Rialachán (CE) Uimh. 1830/2003 ó Pharlaimint na hEorpa agus ón gComhairle (7). Mar sin féin, chun a áirithiú go bhfanfaidh úsáid na dtáirgí ina bhfuil arbhar Indiach géinmhodhnaithe MIR162, nó atá comhdhéanta de, laistigh de theorainneacha an údaraithe a dheonaítear leis an gCinneadh seo, ba cheart a léiriú go soiléir ar lipéadú na dtáirgí sin, cé is moite de bhia agus comhábhair bhia, nach bhfuil siad ceaptha lena saothrú.

(10)

Ba cheart do shealbhóir an údaraithe tuarascálacha bliantúla a chur isteach maidir le cur chun feidhme agus torthaí na ngníomhaíochtaí a leagtar amach sa phlean faireacháin maidir le héifeachtaí comhshaoil. Ba cheart na torthaí sin a chur i láthair i gcomhréir leis na ceanglais a leagtar síos i gCinneadh 2009/770/CE ón gCoimisiún (8).

(11)

Ní thugann an tuairim ón Údarás údar le coinníollacha nó srianta sonracha a fhorchur maidir le cur ar an margadh le haghaidh úsáide agus láimhseála, lena n-áirítear ceanglais faireacháin iarmhargaidh i ndáil le bia agus beatha a chaitheamh, ar bia agus beatha ina bhfuil arbhar Indiach géinmhodhnaithe MIR162, atá comhdhéanta de nó a tháirgtear as, nó maidir le héiceachórais/comhshaol agus/nó limistéir gheografacha ar leith a chosaint, dá bhforáiltear in Airteagal 6(5), pointe (e) agus Airteagal 18(5), pointe (e) de Rialachán (CE) Uimh. 1829/2003.

(12)

An 26 Deireadh Fómhair 2022, chuir Syngenta Crop Protection NV/SA, thar ceann Syngenta Crop Protection AG, an Coimisiún ar an eolas faoi athrú ar sholáthraí an ábhair tagartha, is é sin arbhar Indiach géinmhodhnaithe MIR162. Dá bhrí sin, ba cheart Cinntí Cur Chun Feidhme (AE) 2016/1685 (9), 2019/1305 (10) agus 2019/2087 (11) ón gCoimisiún a leasú chun na táisc a thabhairt cothrom le dáta a mhéid a bhaineann le naisc suímh gréasáin chun rochtain a fháil ar na hábhair thagartha dheimhnithe faoi seach le haghaidh an arbhair Indiaigh ghéinmhodhnaithe MIR162.

(13)

An fhaisnéis ábhartha uile maidir le húdarú na dtáirgí a chumhdaítear leis an gCinneadh seo, ba cheart í a iontráil sa chlár Comhphobail de bhia géinmhodhnaithe agus beatha ghéinmhodhnaithe dá dtagraítear in Airteagal 28(1) de Rialachán (CE) Uimh. 1829/2003.

(14)

Tá fógra le tabhairt faoin gCinneadh seo trí Theach Imréitigh na Bithshábháilteachta do na Páirtithe i bPrótacal Cartagena ar an mBithshábháilteacht a ghabhann leis an gCoinbhinsiún maidir leis an Éagsúlacht Bhitheolaíoch, de bhun Airteagal 9(1) agus Airteagal 15(2), pointe (c) de Rialachán (CE) Uimh. 1946/2003 ó Pharlaimint na hEorpa agus ón gComhairle (12).

(15)

Níor thug an Buanchoiste um Plandaí, Ainmhithe, Bia agus Beatha tuairim uaidh laistigh den teorainn ama a leag Cathaoirleach an Choiste síos. Measadh an gníomh cur chun feidhme seo a bheith riachtanach agus chuir an Cathaoirleach faoi bhráid an choiste achomhairc é le go ndéanfar tuilleadh plé ina leith. Níor thug an coiste achomhairc tuairim uaidh,

(a)

bianna agus comhábhair bhia ina bhfuil arbhar Indiach géinmhodhnaithe SYN-IR162-4, atá comhdhéanta de nó a tháirgtear as;

(b)

beatha ina bhfuil arbhar Indiach géinmhodhnaithe SYN-IR162-4, atá comhdhéanta de nó a tháirgtear as;

(c)

táirgí ina bhfuil arbhar Indiach géinmhodhnaithe SYN-IR162-4 nó atá comhdhéanta de, le haghaidh úsáidí seachas na húsáidí sin dá bhforáiltear i bpointí (a) agus (b), cé is moite de shaothrú.

‘(3)

Ábhar Tagartha: Tá rochtain ar ERM®-BF412 (i gcás SYN-BTØ11-1), ERM®-BF446 (i gcás SYN-IR162-4) agus ERM®-BF423 (i gcás SYN-IR6Ø4-5) trí Airmheán Comhpháirteach Taighde an Choimisiúin Eorpaigh, ag https://crm.jrc.ec.europa.eu/ agus tá rochtain ar AOCS 0407-A agus AOCS 0407-B (i gcás MON-ØØØ21-9) tríd an American Oil Chemists Society ag https://www.aocs.org/crm.’

‘(3)

Ábhar Tagartha: Tá rochtain ar ERM®-BF412 (i gcás SYN-BTØ11-1), ERM®-BF446 (i gcás SYN-IR162-4) agus ERM®-BF418 (i gcás DAS-Ø15Ø7-1) trí Airmheán Comhpháirteach Taighde an Choimisiúin Eorpaigh, ag https://crm.jrc.ec.europa.eu/ agus tá rochtain ar AOCS 0407-A agus AOCS 0407-B (i gcás MON-ØØØ21-9) tríd an American Oil Chemists Society ag https://www.aocs.org/crm.’

‘(3)

Ábhar Tagartha: Tá rochtain ar ERM®-BF412 (i gcás SYN-BTØ11-1), ERM®-BF446 (i gcás SYN-IR162-4), ERM®-BF423 (i gcás SYN-IR6Ø4-5) agus ERM®-BF418 (i gcás DAS-Ø15Ø7-1) trí Airmheán Comhpháirteach Taighde an Choimisiúin Eorpaigh, ag https://crm.jrc.ec.europa.eu/ agus tá rochtain ar AOCS 0411-C agus 0411-D (i gcás SYN-Ø53Ø7-1) agus AOCS 0407-A agus 0407-B (i gcás MON-ØØØ21-9) tríd an American Oil Chemists Society ag https://www.aocs.org/crm.’