1.   Daoine aonair a cheapfar i gcáil phearsanta agus eagraíochtaí a bhfuil eolas agus taithí acu ar ghné chearta an duine den aerspás Eorpach aonair a bheidh sna comhaltaí.

2.   Gníomhóidh comhaltaí a cheapfar i gcáil phearsanta go neamhspleách agus ar mhaithe le leas an phobail.

3.   Ainmneoidh eagraíochtaí a n-ionadaithe agus beidh siad freagrach as a áirithiú go gcuirfidh a n-ionadaithe ardleibhéal saineolais ar fáil.

4.   Comhaltaí nach bhfuil in ann chuidiú go héifeachtach le pléití an ghrúpa saineolaithe a thuilleadh, ar comhaltaí iad nach gcomhlíonann, i dtuairim Ard-Stiúrthóireacht na Soghluaisteachta agus an Iompair sa Choimisiún (‘AS MOVE’), na coinníollacha a leagtar amach in Airteagal 339 den Chonradh ar Fheidhmiú an Aontais Eorpaigh nó a éireoidh as oifig, ní iarrfar orthu a thuilleadh a bheith rannpháirteach in aon chruinniú den ghrúpa agus féadfar iad a ionadú ar feadh a mbeidh fágtha dá dtéarma oifige.

1.   Déanfar comhaltaí an ghrúpa a roghnú le glao poiblí ar iarratais a fhoilseofar sa Chlár de Ghrúpaí Saineolaithe an Choimisiúin agus d’eintitis eile den saghas céanna (‘an Clár de Ghrúpaí Saineolaithe’). Thairis sin, féadfar an glao ar iarratais a fhoilsiú ar mhodhanna eile, lena n-áirítear ar shuíomhanna gréasáin tiomanta. Sa ghlao ar iarratais, leagfar amach go soiléir na critéir roghnúcháin, lena n-áirítear an saineolas is gá agus na leasanna a ndéanfar ionadaíocht orthu i ndáil leis an obair atá le déanamh. Is é 4 seachtaine an sprioc-am is giorra le haghaidh iarratas.

2.   Daoine aonair a dhéanann iarratas a bheith ceaptha ina gcomhaltaí den ghrúpa i gcáil phearsanta, nochtfaidh siad aon imthoisc a d’fhéadfadh coinbhleacht leasa teacht as. Go háirithe, ceanglóidh an Coimisiún ar na daoine aonair sin foirm um dearbhú leasanna (‘DOI’) a chur faoina bhráid ar bhonn na foirme caighdeánaí DOI le haghaidh grúpaí saineolaithe (7), chomh maith le curriculum vitae (CV) mar chuid dá n-iarratas. Is gá foirm DOI a líonfar isteach go cuí a chur isteach chun a bheith incháilithe a bheith ceaptha mar chomhalta i gcáil phearsanta. Déanfar an measúnú ar choinbhleacht leasa i gcomhréir le rialacha cothrománacha an Choimisiúin maidir le grúpaí saineolaithe (‘na rialacha cothrománacha’) (8).

3.   Is gá d’eagraíochtaí clárú sa Chlár Trédhearcachta chun go gceapfar iad.

4.   Is é Ard-Stiúrthóir AS MOVE a cheapfaidh comhaltaí an ghrúpa i measc iarratasóirí a bhfuil inniúlacht acu sna réimsí dá dtagraítear in Airteagal 2 agus a d’fhreagair an glao ar iarratais.

5.   Is ar feadh 5 bliana a cheapfar comhaltaí. Fanfaidh na comhaltaí in oifig go dtí deireadh a dtéarma oifige nó go dtí go ndéanfar iad a ionadú. Féadfar a dtéarma oifige a athnuachan.

6.   D’fhéadfadh AS MOVE liosta ionadaithe iarrthóirí oiriúnacha a bhunú, liosta a fhéadfar a úsáid chun ionadaithe do na comhaltaí a cheapadh. Iarrfaidh AS MOVE a gcead ar na hiarratasóirí sula gcuirfidh sé a n-ainmneacha leis an liosta ionadaithe.

1.   Gníomhóidh an grúpa arna iarraidh sin ag a chathaoirleach, le comhaontú ó AS MOVE, agus i gcomhréir leis na rialacha cothrománacha agus le rialacha nós imeachta a ghrúpa (9).

2.   I bprionsabal, is in áitreabh de chuid an Choimisiúin nó go fíorúil, de réir na n-imthosca, a thionólfar cruinnithe an ghrúpa.

3.   Freastalóidh oifigigh ó AS MOVE ar na cruinnithe agus áiritheoidh siad go mbeidh tacaíocht agus seirbhísí rúnaíochta ar fáil (10). Féadfaidh oifigigh ó ranna eile de chuid an Choimisiún a bhfuil leas acu sna imeachtaí freastal orthu freisin.

4.   I gcomhaontú le AS MOVE, féadfaidh an grúpa a chinneadh, trí thromlach simplí dá chomhaltaí, go ndéanfar a chuid plé go poiblí.

5.   Na miontuairiscí ar an bplé a dhéanfar ar gach pointe ar an gclár agus ar na tuairimí ón ngrúpa, beidh siad fóinteach agus iomlán. Dréachtóidh na seirbhísí rúnaíochta na miontuairiscí faoi fhreagracht an Chathaoirligh.

6.   I gcás inar féidir, is de chomhthoil a ghlacfaidh an grúpa a thuairimí, a mholtaí nó a thuarascálacha. I gcás vóta, is trí thromlach simplí de na comhaltaí a chinnfear toradh na vótála. Beidh sé de cheart ag na comhaltaí a chaith vóta freasúra nó a staon ó vótáil go dtabharfaí achoimre ar na cúiseanna lena seasamh in iarscríbhinn i scríbhinn a ghabhfaidh leis na tuairimí, na moltaí nó na tuarascálacha.

1.   Féadfaidh AS MOVE fo-ghrúpaí a bhunú chun scrúdú a dhéanamh ar shaincheisteanna ar bhonn téarmaí tagartha arna sainiú ag AS MOVE. Feidhmeoidh na foghrúpaí i gcomhréir leis na rialacha cothrománacha agus tuairisceoidh siad don ghrúpa. Déanfar iad a lánscor a luaithe a chomhlíonfar a sainordú.

2.   Comhaltaí de na foghrúpaí nach comhaltaí den ghrúpa iad, roghnófar iad trí ghlao poiblí ar iarratais, i gcomhréir le hAirteagal 5 agus leis na rialacha cothrománacha.

1.   Féadfar stádas breathnóra a bhronnadh ar dhaoine aonair, ar eagraíochtaí, agus ar eintitis phoiblí nach iad údaráis na mBallstát, trí chuireadh díreach ó AS MOVE, i gcomhréir leis na rialacha cothrománacha.

2.   Ainmneoidh eagraíochtaí agus eintitis phoiblí a cheaptar mar bhreathnóirí a n-ionadaithe.

3.   Féadfaidh an Cathaoirleach cead a thabhairt do bhreathnóirí agus d’ionadaithe breathnóirí a bheith rannpháirteach i bpléití an ghrúpa agus a fhoghrúpaí agus saineolas a sholáthar. Ní bheidh cearta vótála acu, áfach, ná ní bheidh siad rannpháirteach i bhfoirmiú moltaí ná comhairle an ghrúpa agus a fhoghrúpaí.

1.   Clárófar an grúpa agus na foghrúpaí ar Chlár de Ghrúpaí Saineolaithe an Choimisiúin agus d’eintitis eile den saghas céanna (‘an Clár de Ghrúpaí Saineolaithe’).

2.   A mhéid a bhaineann le comhdhéanamh an ghrúpa agus na bhfo-ghrúpaí, foilseofar na sonraí seo a leanas sa Chlár de Ghrúpaí Saineolaithe:

3.   Cuirfear gach doiciméad ábhartha, lena n-áirítear na cláir oibre, na miontuairiscí agus aighneachtaí na rannpháirtithe ar fáil ar an gClár de Ghrúpaí Saineolaithe. Go háirithe, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh sin. Ní fhéadfar eisceachtaí ó fhoilsiú a dhéanamh ach i gcás ina meastar go ndéanfadh nochtadh doiciméid dochar do chosaint leasa phoiblí nó phríobháidigh mar a shainítear in Airteagal 4 de Rialachán (CE) Uimh. 1049/2001 ó Pharlaimint na hEorpa agus ón gComhairle (13).

1.   Ní íocfar rannpháirtithe i ngníomhaíochtaí an ghrúpa agus na bhfoghrúpaí.

2.   Aisíocfaidh an Coimisiún costais taistil agus, i gcás inarb iomchuí, speansais chothaithe a thabhaíonn rannpháirtithe i gcruinnithe grúpaí i gcomhréir le Cinneadh C(2007) 5858 (14) ón gCoimisiún agus ar chomhaontú roimh ré ó AS MOVE. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorannacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.