(1)

Le Rialachán (CE) Uimh. 1069/2009 leagtar síos rialacha sláinte poiblí agus sláinte ainmhithe maidir le seachtháirgí ainmhithe agus táirgí díorthaithe, d’fhonn rioscaí don tsláinte phoiblí agus ainmhithe a eascraíonn ó na táirgí sin a chosc nó a íoslaghdú, agus go háirithe d’fhonn sábháilteacht an tslabhra bia agus beatha a chosaint. Ar dhóigh níos sonraí, leagtar síos leis rialacha a mhéid a bhaineann le cóireáil shábháilte, agus le próiseáil nó tiontú seachtháirgí ainmhithe ina dtáirgí díorthaithe, rialacha lena n-áirítear rialacha maidir le leasacháin orgánacha agus feabhsuithe ithreach a chur ar an margadh agus a úsáid. Ina theannta sin, foráiltear le Rialachán (CE) Uimh. 1069/2009, arna leasú le Rialachán (AE) 2019/1009 ó Pharlaimint na hEorpa agus ón gComhairle (2), go dtugtar de chumhacht don Choimisiún gníomhartha tarmligthe a ghlacadh chun pointí deiridh sa slabhra monaraíochta a chinneadh, ar pointí iad nach bhfuil táirgí díorthaithe áirithe faoi réir cheanglais Rialachán (CE) Uimh. 1069/2009 tharstu a thuilleadh.

(2)

Le Rialachán (AE) 2019/1009, bunaítear rialacha maidir le táirgí leasacháin AE a chur ar fáil ar an margadh. Níl feidhm ag an Rialachán sin maidir le táirgí díorthaithe atá faoi réir cheanglais Rialachán (CE) Uimh. 1069/2009 nuair a chuirtear ar fáil ar an margadh iad. De bhun Rialachán (AE) 2019/1009, féadfaidh táirge leasacháin AE nó cuid de tháirge leasacháin AE a dhéanamh de tháirgí díorthaithe áirithe ar choinníoll go sroichtear pointe deiridh an táirge díorthaithe sa slabhra monaraíochta agus, ar an gcaoi sin, go n-áirithítear sábháilteacht maidir le sláinte ainmhithe agus an tsláinte poiblí. Na táirgí díorthaithe sin a shroicheann pointe deiridh i slabhra monaraíochta leasachán orgánach agus feabhsuithe ithreach áirithe, ní bheidh siad faoi réir cheanglais Rialachán (CE) Uimh. 1069/2009 a thuilleadh, agus tiocfaidh siad faoi raon feidhme Rialachán (AE) 2019/1009 ina áit sin.

(3)

An 2 Nollaig 2021, d’fhoilsigh an tÚdarás Eorpach um Shábháilteacht Bia (EFSA) Tuairim Eolaíoch ‘Inactivation of indicator microorganisms and biological hazards by standard and/or alternative processing methods in Category 2 and 3 animal by-products and derived products to be used as organic fertilisers and/or soil improvers [Díghníomhú miocrorgánach táscach agus bithghuaiseach trí mhodhanna caighdeánacha nó malartacha próiseála i seachtháirgí ainmhithe de Chatagóir 2 agus 3 agus i dtáirgí díorthaithe atá le húsáid mar leasacháin orgánacha agus/nó mar fheabhsuithe ithreach]’ (3).(EFSA Scientific Opinion [Tuairim eolaíoch EFSA] an 2 Nollaig 2021). De réir na Tuairime Eolaíche sin, luaith ó ábhair de Chatagóirí 2 agus 3 ar luaith í a chomhlíonann na ceanglais a leagtar amach in Iarscríbhinn III a ghabhann le Rialachán (AE) Uimh. 142/2011 ón gCoimisiún (4), gliocról ó ábhair de Chatagóirí 2 agus 3, agus ábhair eile de Chatagóir 2 a dhíorthaítear ó tháirgeadh bithdhíosal i gcomhréir le modhanna malartacha chun bithdhíosal agus breoslaí inathnuaite a tháirgeadh faoi mar a leagtar amach in Iarscríbhinn IV a ghabhann leis an Rialachán sin, is íseal an riosca a bhaineann leo ó thaobh na sláinte poiblí agus na sláinte ainmhithe de toisc go ndéantar an phróiseáil ar bhealach sábháilte. Is féidir pointe deiridh i slabhra monaraíochta na dtáirgí díorthaithe sin a chinneadh. Ba cheart na táirgí díorthaithe sin an pointe deiridh a shroicheadh má úsáidtear iad mar ábhair chomhpháirteacha i gcomhréir le Rialachán (AE) 2019/1009.

(4)

Níl táirgí díorthaithe áirithe san áireamh i dTuairim Eolaíoch EFSA an 2 Nollaig 2021 ós rud é go ndearnadh measúnú orthu le déanaí le Tuairimí Eolaíocha eile de chuid EFSA. Rinneadh iarmhair ó dhíleá múirín agus bithgháis faoi réir na bparaiméadar caighdeánach claochlaithe a mheas in 2015 mar iarmhair shábháilte sa Tuairim Eolaíoch EFSA an 13 Samhain 2015‘Risk to public and/or animal health of the treatment of dead-in-shell chicks (Category 2 material) to be used as raw material for the production of biogas or compost with Category 3 approved method’ [Riosca do shláinte an phobail agus/nó do shláinte ainmhithe a bhaineann le cóireáil sicíní atá marbh sa bhlaosc (ábhar Chatagóir 2) lena n-úsáid mar amhábhair chun bithghás nó múirín a tháirgeadh le modh formheasta Chatagóir 3] (5). Glacadh Tuairim Eolaíoch EFSA maidir leis an athbhreithniú ar an measúnú riosca cainníochtúil (QRA) ar an riosca ESB a bhaineann le próitéiní ainmhíocha próiseáilte (PAP) (6) an 17 Iúil 2018 chun athbhreithniú páirteach a dhéanamh ar an toirmeasc ar bheatha a leagtar síos i Rialachán (CE) Uimh. 999/2001 ó Pharlaimint na hEorpa agus ón gComhairle (7). Rinneadh measúnú ar aoileach próiseáilte le Tuairim Eolaíoch EFSA an 27 Aibreán 2021 dar teideal ‘Ability of different matrices to transmit African swine fever virus’ (8) [Cumas maitrísí éagsúla chun víreas Afracach fhiabhras na muc a tharchur], lena n-áirítear measúnú ar shábháilteacht sláinte ainmhithe na cóireála teasa le haghaidh aoileach próiseáilte.

(5)

Maidir le leasacháin orgánacha agus feabhsuithe ithreach áirithe, tá gá le bearta maolaithe ina leith chun pointe deiridh sa slabhra monaraíochta a shroicheadh chun a áirithiú go gcomhlíonfar an toirmeasc ar bheatha a leagtar síos i Rialachán (CE) Uimh. 999/2001. Faoi Rialachán (AE) Uimh. 142/2011, is gá roinnt de na leasacháin orgánacha agus na feabhsaitheoirí ithreach sin a mheascadh le comhpháirt lena n-eisiatar úsáid an mheascáin ina dhiaidh sin chun críocha beathaithe chun cosc a chur ar einceifileapaití spúinseacha in-tarchurtha áirithe a thabhairt isteach trí leasacháin sa slabhra beatha le haghaidh ainmhithe saothraithe. Is iomchuí teaglaim de na bearta maolaithe riosca atá ann cheana a leagtar síos i Rialachán (AE) Uimh. 142/2011 a thabhairt isteach, bunaithe ar an bpacáistíocht, ar an lipéadú agus ar an gcomhdhéanamh.

(6)

Níor cheart a mheas go bhfuil an pointe deiridh sroichte ag táirgí díorthaithe ach amháin má mhonaraítear iad i ngléasra leasacháin san Aontas Eorpach, gléasra atá formheasta i gcomhréir le hAirteagal 24(1), pointe (f), de Rialachán (CE) Uimh. 1069/2009. Is é gléasra leasacháin formheasta an pointe deireanach sa slabhra monaraíochta ina bhfuil táirgí díorthaithe faoi réir na gceanglas a leagtar síos i Rialachán (CE) Uimh. 1069/2009, agus is san áit sin, tar éis dóibh pointe deiridh a shroicheadh, a thagann siad faoi réir Rialachán (AE) 2019/1009 amháin,

(1)

Le Rialachán (AE) 2021/2117 ó Pharlaimint na hEorpa agus ón gComhairle (2), leasaíodh Rialachán (AE) Uimh. 1308/2013.

(2)

I gcomhthéacs an leasaithe sin, cuireadh forálacha Airteagail 6, 10, 12, 14, 15, 20 agus 22 de Rialachán Tarmligthe (AE) 2019/33 ón gCoimisiún (3) isteach in Airteagal 96(5) agus (6), Airteagal 97(2), Airteagal 98(2), (3), (4) agus (5), Airteagail 105 agus Airteagal 106 agus 106a de Rialachán (AE) Uimh. 1308/2013.

(3)

Go háirithe, níl Airteagal 15 de Rialachán Tarmligthe (AE) 2019/33 úsáideach a thuilleadh ós rud é go leagtar amach ann nós imeachta sonrach maidir le leasuithe de chuid an Aontais ar shonraíocht táirge a fhormheas — lena gceadaítear a bhformheas gan vóta ón gCoiste i gcás nach dtaisctear freasúra i gcoinne an leasaithe sin tar éis a fhoilsithe in Iris Oifigiúil an Aontais Eorpaigh — nós imeachta nach amháin atá ina nós imeachta caighdeánach anois chun sonrúchán tionscnaimh faoi chosaint nó tásc geografach faoi chosaint a chlárú faoi Airteagal 99 de Rialachán (AE) Uimh. 1308/2013, ach chun leasuithe de chuid an Aontais ar shonraíochtaí táirge a fhormheas de bhua Airteagal 105(3), an chéad fhomhír, de Rialachán (AE) Uimh. 1308/2013 freisin.

(4)

Ar mhaithe le soiléireacht agus chun úsáid an Rialacháin a dhéanamh níos éasca do na hoibreoirí, ba cheart Airteagail 6, 10, 12, 14, 15, 20 agus 22 de Rialachán Tarmligthe (AE) 2019/33 a scriosadh agus na tagairtí do na hAirteagail sin a athrú.

(5)

Tar éis mír 3 nua a chur isteach in Airteagal 97 de Rialachán (AE) Uimh. 1308/2013 le Rialachán (AE) 2021/2117, rinneadh mír 4 den mhír 3 den Airteagal sin a bhí ann cheana. Tar éis pointí nua a chur isteach, rinneadh pointe (a)(iv) agus pointe (b)(iv) d’Airteagal 93(1) de Rialachán (AE) Uimh. 1308/2013 de phointe (a)(iii) agus pointe (b)(iii) den Airteagal sin faoi seach. Ba cheart tagairtí in Airteagal 5(1), (2) agus (3) de Rialachán Tarmligthe (AE) 2019/33 do phointe (a)(iii) agus pointe (b)(iii) d’Airteagal 93(1) de Rialachán (AE) Uimh. 1308/2013 agus tagairtí i bpointe (c)(iii) d’Airteagal 11(1) agus i bpointe (b) den dara fomhír d’Airteagal 13(1) de Rialachán Tarmligthe (AE) 2019/33 d’Airteagal 97(3) de Rialachán (AE) Uimh. 1308/2013 a choigeartú dá réir.

(6)

In Iarscríbhinn III, Roinn B, pointe 3, an dara mír, a ghabhann le Rialachán Tarmligthe (AE) 2019/934 ón gCoimisiún (4), a mhéid a bhaineann le fíonta licéir ar a bhfuil na sonrúcháin tionscnaimh faoi chosaint ‘Condado de Huelva’, ‘Málaga’ agus ‘Jerez-Xérès-Sherry’, foráiltear go bhféadfaidh úrfhíon fíonchaor rísínithe ar cuireadh alcól neodrach fíonchaor leis chun cosc a chur ar choipeadh, a fhaightear ón gcineál fíniúna Pedro Ximénez, teacht ón réigiún ‘Montilla-Moriles’. Mar sin féin, luaitear in Airteagal 5(3) de Rialachán Tarmligthe (AE) 2019/33 faoi láthair nach bhfuil feidhm ag an maolú sin ach amháin maidir le fíonta licéir a bhfuil an sonrúchán tionscnaimh faoi chosaint ‘Málaga’ agus ‘Jerez-Xérès-Sherry’ acu. Chun comhsheasmhacht a áirithiú le forálacha Rialachán Tarmligthe (AE) 2019/934 agus le sonraíochtaí na bhfíonta licéir ar a bhfuil an sonrúchán tionscnaimh faoi chosaint ‘Condado de Huelva’, is gá Airteagal 5(3) de Rialachán Tarmligthe (AE) 2019/33 a leasú agus a shoiléiriú go bhfuil feidhm freisin maidir le fíonta licéir ar a bhfuil an sonrúchán tionscnaimh faoi chosaint ‘Condado de Huelva’ ag an maolú maidir le foinse úrfhíon na bhfíonchaor rísínithe ar cuireadh alcól neodrach fíonchaor leis chun cosc a chur ar choipeadh.

(7)

I gcás gach táirge fíniúna a ndearnadh cóireáil dí-alcólúcháin air agus ar lú ná 10 % a neart alcóil iarbhír de réir toirte, tugadh isteach le Rialachán (AE) 2021/2117 an dáta ar fearr roimhe mar shonra éigeantach in Airteagal 119(1) de Rialachán (AE) Uimh. 1308/2013. Mar sin féin, i gcomhréir le ceanglais Rialachán (AE) Uimh. 1169/2011 ó Pharlaimint na hEorpa agus ón gComhairle (5) atá infheidhme maidir le gach bia-earra, is iomchuí a shuí nach gá an dáta ar fearr roimhe, cibé uair a thaispeántar é ar an gcoimeádán, a bheith sa réimse radhairc céanna mar a cheanglaítear le haghaidh sonraí éigeantacha eile dá dtagraítear in Airteagal 119 de Rialachán (AE) Uimh. 1308/2013.

(8)

Le Rialachán (AE) 2021/2117, cuireadh freisin liosta na gcomhábhar agus an dearbhú cothúcháin de bhun Airteagal 9(1), pointí (b) agus (l), faoi seach, de Rialachán (AE) Uimh. 1169/2011, le liosta na sonraí éigeantacha a leagtar amach in Airteagal 119(1) de Rialachán (AE) Uimh. 1308/2013. Le Rialachán (AE) 2021/2117, trí leasú a dhéanamh ar Airteagal 122 de Rialachán (AE) Uimh. 1308/2013, tugadh de chumhacht don Choimisiún freisin rialacha sonracha a ghlacadh maidir le sonrú agus ainmniú na gcomhábhar chun an ceanglas nua a leagtar síos in Airteagal 119(1), pointe (i), de Rialachán (AE) Uimh. 1308/2013 a chur i bhfeidhm. Is iomchuí, dá bhrí sin, foráil a dhéanamh maidir leis na rialacha is gá chun saintréithe sonracha na dtáirgí fíniúna agus próisis shonracha agus uainiú a dtáirgthe a chur san áireamh, agus faisnéis chuimsitheach chruinn á cur ar fáil do thomhaltóirí an tráth céanna. Ba cheart feidhm a bheith ag na rialacha sin nuair a chuirtear liosta na gcomhábhar ar lipéad an fhíona, ach ba cheart feidhm a bheith acu freisin nuair a chuirtear liosta na gcomhábhar ar fáil trí mheán leictreonach a shainaithnítear ar an bpacáiste nó ar lipéad atá greamaithe de, i gcomhréir le hAirteagal 119(5) de Rialachán (AE) Uimh. 1308/2013.

(9)

Leagtar síos in Airteagal 119(5), pointe (c), de Rialachán (AE) Uimh. 1308/2013, arna léamh i gcomhar le hAirteagal 9, mír 1, pointe (c), de Rialachán (AE) Uimh. 1169/2011, i gcás ina gcuirtear liosta na gcomhábhar ar fáil trí mheán leictreonach, go mbeidh léiriú na substaintí is cúis le hailléirgí nó le héadulaingt le feiceáil go díreach ar an bpacáiste nó ar lipéad atá greamaithe de. Ar mhaithe le comhsheasmhacht le ceanglais Rialachán (AE) Uimh. 1169/2011, a bhfuil feidhm acu cheana maidir le fíon, is iomchuí go leanfaidh an maolú dá bhforáiltear in Airteagal 40(2) de Rialachán Tarmligthe (AE) 2019/33, lena gceadaítear na substaintí sin a léiriú lasmuigh den réimse céanna radhairc, d’fheidhm a bheith aige sna cásanna sin. I gcás ina gcuirfear liosta na gcomhábhar i láthair ar an bpacáiste nó ar lipéad atá greamaithe de, áfach, feicfear é sa réimse céanna radhairc ar an gcoimeádán agus ní mór na substaintí ailléirgeacha a léiriú ar an liosta sin freisin, i gcomhréir le hAirteagal 21(1), pointe (a), de Rialachán (AE) Uimh. 1169/2011.

(10)

Ós rud é go dtáirgtear táirgí fíniúna ó fhíonchaora i gcónaí, is iomchuí úsáid téarma aonair a cheadú chun an t-amhábhar bunúsach a léiriú ar liosta na gcomhábhar, is cuma ar úsáid an déantóir fíona fíonchaora úra nó úrfhíon fíonchaor. Go deimhin, trí úsáid chomhsheasmhach a bhaint as an téarma ‘fíonchaora’ i liosta na gcomhábhar le haghaidh táirgí fíniúna, cuirtear faisnéis chomhchuibhithe intuigthe shoiléir ar fáil do thomhaltóirí.

(11)

Na substaintí atá údaraithe faoi dhlí an Aontais chun críoch éagsúil fíoneolaíoch amhail saibhriú agus milsiú, lena n-áirítear siúcrós, úrfhíon fíonchaor tiubhaithe agus úrfhíon fíonchaor tiubhaithe coigeartaithe, is comhábhair iad agus ba cheart iad a bheith ina gcuid de liosta na gcomhábhar dá bhrí sin. Chun tuiscint na dtomhaltóirí agus bainistíocht liostú substaintí atá bunaithe ar úrfhíon fíonchaor ag déantóirí fíona a éascú, is iomchuí cead a thabhairt úsáid a bhaint as an téarma ‘úrfhíon fíonchaor tiubhaithe’ chun úrfhíon fíonchaor tiubhaithe agus úrfhíon fíonchaor tiubhaithe coigeartaithe araon a ainmniú.

(12)

Chomh maith le fíonchaora agus substaintí milsithe agus saibhrithe a léiriú, agus liqueur de tirage agus licéar dáileogachta b’fhéidir, ba cheart liosta na gcomhábhar a chomhlánú le léiriú ar na breiseáin a úsáidtear i dtáirgeadh táirgí fíniúna, chomh maith leis na háiseanna próiseála a d’fhéadfadh a bheith ina gcúis le hailléirgí nó le héadulaingt. Is iomchuí a shonrú gurb é liosta iomlán na gcomhdhúl fíoneolaíoch sin a fhéadfaidh a bheith i liosta na gcomhábhar na cinn sin dá dtagraítear in Iarscríbhinn I, Cuid A, Tábla 2, a ghabhann le Rialachán Tarmligthe (AE) 2019/934, ina bhfuil na téarmaí chun iad a ainmniú freisin agus na huimhreacha E is féidir a úsáid mar mhalairt air sin chun iad a chur i láthair mar chomhábhair.

(13)

Is táirge é fíon a leanann de bheith gníomhach go bithcheimiceach, agus is féidir éagsúlacht mhór a bheith ina thréithe intreacha ar feadh a shaoil, fiú laistigh den luchtóg chéanna. Tá na fíonchaora a úsáidtear chun fíon aonair amháin a tháirgeadh difriúil, mar gheall ar fhachtóirí amhail aibíocht na dtorthaí, coinníollacha na buainte, nó na hithreacha áitiúla agus an aimsir. Bíonn tionchar ag coinníollacha seachtracha le linn na fíonóireachta agus ag aosú roimh bhuidéalú, i mbairillí nó i gcoimeádáin speisialta eile, ar an táirge deiridh freisin. Úsáidtear breiseáin ag céimeanna éagsúla sa táirgeadh, ón gcéad choipeadh go dtí an buidéalú; i gcás feidhmeanna fíoneolaíocha áirithe, d’fhéadfadh na breiseáin is oiriúnaí a bheith éagsúil mar gheall ar an idirghníomhaíocht idir saintréithe na bhfíonta agus na fachtóirí seachtracha, agus an gá a bhíonn le fíonta éagsúla a chumasc go minic. Is minic gur ar an láthair a ghlacann na fíoneolaithe atá freagrach an cinneadh breiseáin áirithe a úsáid ar bhonn anailís ad hoc a rinneadh ag tráthanna éagsúla den táirgeadh chun sláine an fhíona a áirithiú (e.g. maidir le haigéadacht, úire) agus a chobhsaíocht. Is minic a ghlactar cinneadh den sórt sin go déanach sa phróiseas, agus na lipéid priontáilte cheana féin. Ina theannta sin, is minic solúbthacht a bheith ag teastáil ag an nóiméad deireanach chun freastal ar riachtanais an mhargaidh fíona, ag brath ar an gceann scríbe deiridh agus ar cheannaitheoirí an fhíona. Is amhlaidh atá, go háirithe, i gcás breiseáin a thagann faoi na catagóirí ‘rialtáin aigéadachta’ agus ‘oibreáin chobhsaíochta’. I gcomhréir leis an méid thuas, chun go mbeidh an tsolúbthacht is gá ann chun críoch fíoneolaíoch, lipéadaithe agus tráchtála, agus soláthar na faisnéise leordhóthanaí is gá do thomhaltóirí á áirithiú an tráth céanna, agus méid teoranta na gcomhdhúl fíoneolaíoch údaraithe á chur san áireamh, a rialaítear go docht le Rialachán Tarmligthe (AE) 2019/934, is iomchuí ligean d’oibreoirí ‘na rialtáin aigéadachta’ agus ‘na hoibreáin chobhsaíochta’ a léiriú i liosta na gcomhábhar trí bhíthin trí chomhábhar mhalartacha ar a mhéad, i gcás ina bhfuil siad comhchosúil nó inionadaithe go frithpháirteach ina bhfeidhm, ar choinníoll go mbeidh ceann amháin ar a laghad de na breiseáin sin sa táirge deiridh.

(14)

Déantar foráil in Airteagal 41 de Rialachán Tarmligthe (AE) 2019/33 maidir leis na téarmaí a úsáidfear chun substaintí áirithe nó táirgí áirithe is cúis le hailléirgí nó le héadulaingt a lipéadú, dá dtagraítear in Airteagal 21 de Rialachán (AE) Uimh. 1169/2011, a mhéid a bhaineann le suilfítí, uibheacha agus táirgí ubh-bhunaithe agus bainne agus táirgí bainnebhunaithe. Ba cheart leanúint de na téarmaí sin a úsáid, lena n-áirítear iad a úsáid laistigh de liosta na gcomhábhar freisin nuair a léirítear ar an bpacáiste é nó ar lipéad, ar chúiseanna comhsheasmhachta agus á chur san áireamh go bhfuil taithí ag tomhaltóirí air sin.

(15)

Is é príomhchuspóir breiseán áirithe a úsáidtear mar gháis phacáistithe (dé-ocsaíd charbóin, argón agus nítrigin) ocsaigin a easáitiú le linn bhuidéalú na dtáirgí fíniúna, ach ní bhíonn siad ina gcuid den táirge a ídítear. Thairis sin, is sainiúlacht de chuid an mhargaidh fíona é freisin go ndéantar cinneadh faoi na gáis sin uaireanta ar bhonn ad hoc tráth an bhuidéalaithe tar éis na lipéid a tháirgeadh, ag brath ar thosca tráchtála amhail an margadh cinn scríbe, an modh iompair nó riachtanais na gceannaitheoirí. Dá bhrí sin, dealraíonn sé gurb iomchuí ligean d’oibreoirí sonra sonrach a thugann síos ar a bhfeidhm a chur in ionad liostú na ngás pacáistithe trí úsáid a bhaint as an ráiteas ‘Arna bhuidéalú in atmaisféar cosanta’ nó ‘D’fhéadfadh sé go ndearnadh an buidéalú in atmaisféar cosanta’.

(16)

Is éard atá i gceist le cleachtais fhíoneolaíocha áirithe chun fíonta súilíneacha a tháirgeadh ‘liqueur de tirage’ a chur leis an cuvée, chun an coipeadh tánaisteach a spreagadh, agus ‘licéar dáileogachta’ a chur leis chun a n-airíonna orgánaileipteacha sonracha a thabhairt do na fíonta sin. Is in Iarscríbhinn II a ghabhann le Rialachán Tarmligthe (AE) 2019/934 a rialaítear gach comhábhar féideartha sa liqueur de tirage agus sa licéar dáileogachta araon, agus is éard atá iontu siúcrós, úrfhíon fíonchaor, úrfhíonta fíonchaor tiubhaithe agus/nó fíon, ach ní úsáidtear iad sin ar mhaithe le milsiú ná saibhriú. I bhfianaise a bhfeidhmeanna fíoneolaíocha an-sonrach, d’fhéadfadh sé go mbeadh sonrú simplí chomhpháirteanna aonair an liqueur de tirage agus an licéir dáileogachta mar aon leis na comhábhair eile míthreorach do thomhaltóirí, mura ndéantar iad a ghrúpáil faoi na téarmaí sonracha ábhartha. Dá bhrí sin, ba cheart cead a bheith ann na téarmaí ‘liqueur de tirage’ agus ‘licéar dáileogachta’ a thaispeáint ar liosta na gcomhábhar, astu féin nó le liosta dá gcomhábhair iarbhír ag gabháil leo.

(17)

Tá forálacha áirithe de Rialachán Tarmligthe (AE) 2019/33 a bhaineann go sonrach leis an Ríocht Aontaithe, amhail Airteagal 45(3) nó Airteagal 51, an ceathrú mír, imithe i léig ós rud é nach Ballstát den Aontas í an tír sin a thuilleadh. Ba cheart, dá bhrí sin, na forálacha sin a scriosadh.

(18)

I gcomhréir le hAirteagal 57(1), pointe (a), de Rialachán Tarmligthe (AE) 2019/33, déantar an scragall lena gcumhdaítear ceangal an bhuidéil fíona shúilínigh a fhorchoimeád go ginearálta mar shainghné éigeantach d’fhíonta súilíneacha, d’fhíonta súilíneacha ar ardchaighdeán agus d’fhíonta súilíneacha aramatacha ar ardchaighdeán. Dá bhrí sin, ba cheart úsáid na scragall leanúint de bheith ina sainghné de na fíonta sin, cé is moite de na heisceachtaí a shainítear in Airteagal 57(2) den Rialachán Tarmligthe sin. Mar sin féin, ba cheart cead a bheith ag táirgeoirí agus buidéalaithe staonadh ó scragall a úsáid ar chúiseanna oibríochtúla amhail costais a laghdú, dramhaíl a sheachaint nó margaíocht a fheabhsú, ar choinníoll go n-áirithítear nach bhfuil aon riosca sábháilteachta ann don táirge trí oscailt nó ionramháil neamhbheartaithe an cheangail.

(19)

Iarscríbhinn III, Cuid B, a ghabhann le Rialachán Tarmligthe (AE) 2019/33, lena sainítear coinníollacha úsáide na dtéarmaí dá dtagraítear in Airteagal 52(1) den Rialachán Tarmligthe sin atá le húsáid le haghaidh táirgí eile seachas na táirgí sin a liostaítear i gCuid A, ba cheart í a leasú chun coinníollacha úsáide na dtéarmaí sin a shoiléiriú a thuilleadh.

(20)

Tá liosta na gcomhábhar agus an dearbhú cothúcháin, mar shonraí éigeantacha, ina gcuid lárnach den ‘tuairisc ar an táirge’ sna doiciméid tionlacain dá dtagraítear in Airteagal 10, i gcomhréir leis na ceanglais maidir le húsáid na ndoiciméad tionlacain, a bhaineann leis an tuairisc ar an táirge, mar a leagtar amach in Iarscríbhinn V, roinn A, de Rialachán Tarmligthe (AE) 2018/273 ón gCoimisiún (6), ó dháta theacht i bhfeidhm na bhforálacha ábhartha, agus beidh feidhm acu maidir le fíon a iompraítear ar an mórchóir agus le táirgí fíona pacáistithe lipéadaithe araon. Os a choinne sin, chun a áirithiú go ndéanfar fíon a allmhairítear isteach san Aontas a lipéadú i gcomhréir le rialacha an Aontais, ba cheart na ceanglais maidir le doiciméad VI-1 agus na sleachta as VI-2 a leagtar amach in Iarscríbhinn VII a ghabhann leis an Rialachán Tarmligthe sin a leasú chun a áirithiú gur cuid dhílis den tuairisc ar an táirge allmhairithe é liosta na gcomhábhar.

(21)

Ba cheart, dá bhrí sin, Rialacháin Tharmligthe (AE) 2019/33 agus (AE) 2018/273 a leasú dá réir.

(22)

I gcomhréir le hAirteagal 6, an cúigiú fomhír, de Rialachán (AE) 2021/2117, beidh feidhm ón 8 Nollaig 2023 ag an oibleagáid na comhábhair i dtáirgí fíniúna páirt-dí-alcólaithe agus dí-alcólaithe ar lú ná 10 % a neart alcóil iarbhír de réir toirte a liostú agus an dáta ar fearr roimhe a léiriú. Dá bhrí sin, ba cheart feidhm a bheith ag na leasuithe a bhaineann leis na hoibleagáidí sin ón dáta céanna sin,

(1)

Le Rialachán (AE) 2021/2117 ó Pharlaimint na hEorpa agus ón gComhairle (2) leasaíodh Rialachán (AE) Uimh 1308/2013. Leasaíodh Airteagail 96, 97, 98, 105 agus 106 de Rialachán (AE) Uimh. 1308/2013 chun forálacha in Airteagail 6, 10, 12, 14, 15 agus 20 de Rialachán Tarmligthe (AE) 2019/33 ón gCoimisiún (3) a áireamh iontu, agus scriosadh na hAirteagail sin ansin le Rialachán Tarmligthe (AE) 2023/1606 (4). Thairis sin, tar éis na leasuithe a rinneadh ar Airteagal 97 de Rialachán (AE) Uimh. 1308/2013 le Rialachán (AE) 2021/2117, aistríodh na forálacha a leagtar amach i mír 3 den Airteagal sin a bhí ann cheana.

(2)

Ar mhaithe le soiléireacht agus le húsáid éasca le haghaidh na n-oibreoirí, ba cheart na tagairtí i Rialachán Cur Chun Feidhme (AE) 2019/34 ón gCoimisiún (5), agus sna hIarscríbhinní a ghabhann leis, d’Airteagal 97(3) de Rialachán (AE) Uimh. 1308/2013 agus d’Airteagal 12(1), (3) agus (4), Airteagal 14(1) agus (2) agus Airteagal 20 de Rialachán Tarmligthe (AE) 2019/33 a choigeartú dá réir.

(3)

Le Rialachán (AE) 2021/2117, leasaíodh Rialachán (AE) Uimh. 1308/2013 freisin a mhéid a bhaineann le hábhar na sonraíochta táirge agus na forais is bonn le cealú. Áirítear in Airteagal 94(2), pointe (g), de Rialachán (AE) Uimh. 1308/2013 ceanglais mhionsonraithe maidir leis an tuairisc ar na mionsonraí a dhearbhaíonn an nasc sa tsonraíocht táirge. Áirítear forais bhreise is bonn le cealú in Airteagal 106 de Rialachán (AE) Uimh. 1308/2013.

(4)

Mar thoradh air sin, ar mhaithe le soiléireacht agus deimhneacht dhlíthiúil, maidir leis na ceanglais le haghaidh tuairisc ar na mionsonraí a dhearbhaíonn an nasc sa tsonraíocht táirge dá bhforáiltear in Airteagal 5(2), an chéad fhomhír, de Rialachán Cur Chun Feidhme (AE) 2019/34, ba ceart iad a scriosadh. Thairis sin, ba cheart Iarscríbhinn VII a ghabhann leis an Rialachán Cur Chun Feidhme sin, lena leagtar amach foirm na hiarrata ar chealú, a ailíniú le hAirteagal 106 de Rialachán (AE) Uimh. 1308/2013 a mhéid a bhaineann le hinneachar roinn 4, ‘Na forais le cealú’.

(5)

Ba cheart Rialachán Cur Chun Feidhme (AE) 2019/34 a leasú dá réir sin.

(6)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Chomheagrú na Margaí Talmhaíochta,

(1)

Le Rialachán (AE) 2019/1021, cuirtear chun feidhme gealltanais an Aontais faoi Choinbhinsiún Stócólm 2001 ar Thruailleáin Orgánacha Mharthanacha (2) (‘an Coinbhinsiún’) agus faoin bPrótacal a ghabhann le Coinbhinsiún 1979 ar Thruailliú Aeir Trasteorann Fadraoin maidir le Truailleáin Orgánacha (3) Mharthanacha (‘an Prótacal’).

(2)

Tá liosta ceimiceán in Iarscríbhinn A a ghabhann leis an gCoinbhinsiún. Ceanglaítear ar gach Páirtí sa Choinbhinsiún na ceimiceáin ar an liosta a thoirmeasc agus/nó na bearta dlíthiúla agus riaracháin is gá a dhéanamh chun deireadh a chur lena dtáirgeadh, lena n-úsáid, lena n-allmhairiú agus lena n-onnmhairiú.

(3)

Le linn an 10ú cruinniú a bhí ag Comhdháil na bPáirtithe sa Choinbhinsiún ón 6 go dtí an 17 Meitheamh 2022, rinne sé cinneadh, de bhun Airteagal 8(9) den Choinbhinsiún, chun Iarscríbhinn A a ghabhann leis an gCoinbhinsiún a leasú chun aigéad sulfónach sárfhluaraiheacsáin (‘PFHxS’), a shalainn agus a chomhdhúile PFHxS-ghaolmhara a áireamh san Iarscríbhinn sin gan aon díolúine shonrach.

(4)

Dá bhrí sin, ba cheart Cuid A d’Iarscríbhinn I a ghabhann le Rialachán (AE) 2019/1021, ina bhfuil liosta de na substaintí a liostaítear sa Choinbhinsiún agus sa Phrótacal chomh maith le substaintí nach liostaítear ach sa Choinbhinsiún, a leasú chun PFHxS, a shalainn agus a chomhdhúile PFHxS-ghaolmhara a áireamh.

(5)

Chun cur i bhfeidhm agus forfheidhmiú Airteagal 3 de Rialachán (AE) 2019/1021 san Aontas a threisiú, ba cheart teorainnluach a shocrú i ndáil le PFHxS, lena shalainn agus lena chomhdhúile PFHxS-ghaolmhara a bhíonn ann mar rian-éilleán neamhbheartaithe i substaintí, i meascáin agus in earraí. Ba cheart an teorainnluach sin a shocrú ar leibhéal 0,025 mg/kg do PFHxS lena n-áirítear a shalainn, agus ar leibhéal 1 mg/kg do na comhdhúile PFHxS-ghaolmhara aonair nó do theaglaim de na comhdhúile sin. Chun é a úsáid i gcúir comhraic dóiteáin áit nach féidir na teorainnluachanna sin a chomhlíonadh faoi láthair, ba cheart teorainneacha tiúchana níos airde a shocrú, faoi réir athbhreithniú á dhéanamh ag an gCoimisiún laistigh de 3 bliana tar éis an teacht i bhfeidhm d’fhonn na teorainneacha a ísliú.

(6)

Ba cheart, dá bhrí sin, Rialachán (AE) 2019/1021 a leasú dá réir,

(1)

Bunaítear le Rialachán Tarmligthe (AE) 2017/118 (2) ón gCoimisiún bearta caomhnaithe iascaigh chun an mhuirthimpeallacht sa Mhuir Thuaidh a chosaint. Rinneadh an Rialachán seo a leasú go deireanach le Rialachán Tarmligthe (AE) 2023/340 ón gCoimisiún (3).

(2)

An 22 Feabhra 2023, chuir an Ghearmáin an Coimisiún ar an eolas faoi earráid i Rialachán Tarmligthe (AE) 2023/340. Baineann sí le habairt atá sa mholadh comhpháirteach nár trasuíodh i Rialachán Tarmligthe (AE) 2023/340, is é sin go ngabhfaidh éifeacht an 1 Bealtaine 2023 le bearta caomhnaithe iascaigh sna limistéir láir agus thoir den Sylter Aussenriff [limistéar 1(10)].

(3)

28 Feabhra 2023 chuir an Ghearmáin an Coimisiún ar an eolas faoi earráidí teicniúla breise san Iarscríbhinn a ghabhann le Rialachán Tarmligthe (AE) 2023/340 a mhéid a bhaineann le hainmniúchán Limistéar Eacnamaíoch Eisiach na hÍsiltíre agus comhordanáidí geografacha na líne deighilte ar thaobh na farraige idir Limistéir Eacnamaíocha Eisiacha na Gearmáine agus na hÍsiltíre.

(4)

Dá bhrí sin, ba cheart Airteagal 3(1) agus Iarscríbhinní I agus VI de Rialachán Tarmligthe (AE) 2017/118 a cheartú dá réir.

(5)

Ós rud é go bhfuil tionchar díreach ag na ceartúcháin dá bhforáiltear sa ghníomh seo ar na gníomhaíochtaí iascaireachta sna limistéir atá faoi réir bearta caomhnaithe iascaigh, ba cheart an Rialachán seo a theacht i bhfeidhm láithreach tar éis a fhoilsithe,

(1)

Féachann Rialachán (CEE, Euratom) Uimh. 354/83 lena áirithiú go gcaomhnófar doiciméid a bhfuil luach stairiúil nó riaracháin acu agus go gcuirfear ar fáil don phobal iad nuair is féidir. Chuige sin, leagtar síos ann an oibleagáid atá ar gach institiúid de chuid an Aontais, lena n-áirítear an Banc Ceannais Eorpach (BCE), a chartlanna stairiúla a bhunú agus iad a oscailt don phobal ar na téarmaí dá bhforáiltear sa Rialachán tar éis do thréimhse 30 bliain dul in éag ón dáta a chruthaítear doiciméad.

(2)

Agus an Cinneadh seo á ghlacadh aige, feidhmíonn BCE a cheart chun a chartlanna stairiúla a shealbhú agus a bhainistiú gan iad a thaisceadh san Institiúid Ollscoile Eorpach (IOE) agus leagann sé síos na rialacha inmheánacha is gá chun Rialachán (CEE, Euratom) Uimh. 354/83 a chur i bhfeidhm. Is é is cuspóir do na rialacha inmheánacha sin caomhnú agus oscailt chartlanna stairiúla BCE don phobal a oibríochtú agus sainghnéithe institiúideacha BCE a chur san áireamh go cuí.

(3)

In Airteagal 1(2), pointe (a), de Rialachán (CEE, Euratom) Uimh. 354/83, sainmhínítear an téarma ‘cartlanna institiúidí na gComhphobal Eorpach’. I bhfianaise na struchtúr an chomhtháite ina bhfeidhmíonn BCE, eadhon an Córas Eorpach Banc Ceannais (CEBC) agus Córas an Euro, agus i bhfianaise aistriú feidhmeanna chuig BCE ó chomhlachtaí a d’oibrigh chun an tAontas Eacnamaíoch agus Airgeadaíochta (AEA) a thabhairt chun críche, ní mór a thuiscint go bhfuil raon feidhme níos leithne ag cartlann BCE ná an raon atá sainithe in Airteagal 1(2), pointe (a), de Rialachán (CEE, Euratom) Uimh. 354/83. Ar an gcéad dul síos, i gcomhréir le cásdlí seanbhunaithe Chúirt Bhreithiúnais an Aontais Eorpaigh, cuimsítear leo gach doiciméad de chineál ar bith agus cibé meán, ar doiciméid iad a thionscain BCE nó bainc cheannais náisiúnta (BCNanna) nó a fuair siad i dtaca le comhlíonadh chúraimí CEBC agus an Eurochórais, is cuma cé acu atá siad i seilbh BCE nó BCN (2). Ar an dara dul síos, cuimsíonn siad na doiciméid uile de chineál ar bith agus cibé meán, a thionscain an Coiste um Staidéar ar an Aontas Eacnamaíoch agus Airgeadaíochta (dá ngairtear ‘Coiste na dTréimhsí’ anseo feasta), Coiste Gobharnóirí Bhainc Cheannais Bhallstáit ChomhphobalEacnamaíoch an Euro (dá ngairtear ‘COG’ anseo feasta), an Ciste Eorpach um Chomhar Airgeadaíochta (CECA) agus an Institiúid Eorpach Airgeadaíochta (IEA) nó atá i seilbh BCE.

(4)

Leis an dara habairt d’Airteagal 23.3 de Chinneadh BCE/2004/2 ón mBanc Ceannais Eorpach (3) údaraítear do chomhlachtaí cinnteoireachta BCE rochtain a chur ar fáil do na doiciméid phoiblí a bhaineann le cartlann BCE sula rachaidh an tréimhse 30 bliain in éag. An 7 Bealtaine 2019, chinn Comhairle Rialaithe BCE rochtain a chur ar fáil don phobal, doiciméid a thionscain Coiste Delors nó a fuair sé agus a aistríodh ón mBanc um Shocraíochtaí Idirnáisiúnta, a d’óstáil formhór chruinnithe an Choiste sin, chuig BCE in 2005. An 23 Eanáir 2020, chinn Comhairle Rialaithe BCE rochtain a chur ar fáil do na doiciméid phoiblí a thionscain COG, EMCF agus IEA nó a fuair siad, agus atá i seilbh BCE. Leis an gCinneadh seo, cuirtear chun feidhme na cinntí sin ón gComhairle Rialaithe agus cuirfear na doiciméid lena mbaineann ar fáil don phobal tar éis iad a scaoileadh ó rúnaicmiú go ‘ECB-PUBLIC’, beag beann ar dhul in éag na tréimhse 30 bliain.

(5)

Aithnítear in Airteagal 2 de Rialachán (CEE, Euratom) Uimh. 354/83 go bhféadfaidh feidhm a bheith ag eisceachtaí maidir leis an riail go gcuirfear doiciméid a bhfuil luach stairiúil nó riaracháinleo ar fáil don phobal nuair is féidir agus go dtagraítear sa chomhthéacs sin do Rialachán (CE) Uimh. 1049/2001 ó Pharlaimint na hEorpa agus ón gComhairle (4). Ós rud é nach bhfuil feidhm ag Rialachán (CE) Uimh. 1049/2001 maidir le BCE, eisceachtaí ón riail go gcuirfear doiciméid de luach stairiúil nó riaracháin ar fáil don phobal tar éis Chinneadh BCE/2004/3 ón mBanc Ceannais Eorpach (5). Luaitear in Airteagal 4(6) de Chinneadh BCE/2004/3 maidir le doiciméid atá cumhdaithe ag na heisceachtaí a bhaineann le príobháideachas nó leasanna tráchtála, go bhféadfaidh na heisceachtaí leanúint d’fheidhm a bheith acu tar éis na huastréimhse 30 bliain. I gcás doiciméad atá folaithe ag eisceachtaí eile a leagtar síos in Airteagal 4 de Chinneadh BCE/2004/3, féadfaidh feidhm a bheith ag na heisceachtaí ar feadh uastréimhse 30 bliain mura bhforáiltear a mhalairt go sonrach i gComhairle Rialaithe BCE.

(6)

Ós rud é go bhfuil doiciméid a bhaineann le cartlanna BCE agus a bhaineann le comhlíonadh chúraimí CEBC agus an Eurochórais i seilbh BCN freisin, b’fhéidir gur mian leo na doiciméid sin a chur ar fáil don phobal mar chuid dá gcartlann stairiúil féin nó go n-iarrfaí orthu iad a aistriú chuig tríú páirtí, amhail cartlann stairiúil náisiúnta, ní mór do na rialacha inmheánacha atá riachtanach chun Rialachán (CEE, Euratom) Uimh. 354/83 a chur i bhfeidhm aghaidh a thabhairt ar na BCNanna freisin. Ós rud é gur dlúthchuid den CEBC agus den Eurochóras iad BCNanna, ní cháilíonn siad mar Bhallstát de réir bhrí Airteagal 6 de Rialachán (CEE, Euratom) Uimh. 354/83 ná mar thríú páirtithe de réir bhrí an Chinnidh seo. Is iomchuí go n -oibreoidh BCE agus BCN i ndlúthchomhar lena áirithiú go ndéanfar cartlann stairiúil BCE a phróiseáil go comhsheasmhach agus leis an gcúram iomchuí ar fud CEBC agus an Eurochórais.

(7)

D’fhéadfadh sé go ndearna BCN doiciméid a bhaineann le cartlann BCE a aistriú chuig tríú páirtí, amhail cartlann stairiúil náisiúnta, roimh theacht i bhfeidhm an Chinnidh seo. I gcásanna den sórt sin, is iomchuí go n-áiritheoidh na BCNanna nach bhféadfaidh na tríú páirtithe sin na doiciméid sin a chur ar fáil don phobal sula rachaidh an tréimhse 30 bliain in éag. Ina theannta sin, i gcás ina bhfuil na doiciméid chéanna ag BCE agus a aistrítear chuig tríú páirtithe den sórt sin, ní mór do BCNanna a áirithiú nach gcuirfidh na tríú páirtithe sin na doiciméid sin ar fáil don phobal ach tar éis 30 bliain a rinne BCE a scaoileadh ó rúnaicmiú go ‘BCE-PUBLIC’. Tá sé d’oibleagáid ar chartlanna stairiúla náisiúnta agus ar údaráis phoiblí náisiúnta eile, faoi phrionsabal an chomhair dhílis a chumhdaítear in Airteagal 4(3) den Chonradh ar an Aontas Eorpach agus in Airteagal 18 den Phrótacal ar phribhléidí agus díolúintí an Aontais Eorpaigh, gníomhú de mheon macánta ionas nach ndéanfar doiciméid chartlainne BCE a scaoileadh roimh am nó doiciméid rúnaicmithe a scaoileadh.

(8)

De bhun Rialachán (AE) 2018/1725 ó Pharlaimint na hEorpa agus ón gComhairle, (6)ceanglaítear ar BCE faisnéis a sholáthar d’ábhair sonraí maidir le próiseáil sonraí pearsanta a bhaineann leo agus urraim a thabhairt dá gcearta mar ábhair sonraí. Mar sin féin, ba cheart do BCE cothromaíocht a bhaint amach idir cearta den sórt sin agus na cuspóirí cartlannú a dhéanamh ar mhaithe le leas an phobail i gcomhréir leis an dlí maidir le cosaint sonraí.

(9)

Le hAirteagal 16(5), pointe (b), agus Airteagal 19(3), pointe (d), de Rialachán (AE) 2018/1725, déantar foráil maidir le heisceachtaí ón gceart atá ag ábhar sonraí chun faisnéis a fháil agus an ceart go ndéanfaí léirscriosadh chun sonraí a phróiseáil chun críocha cartlannú a dhéanamh ar mhaithe le leas an phobail, a mhéid is dócha go bhfágfaidh na cearta sin nach féidir cuspóirí na próiseála sin a bhaint amach nó go gcuirfear bac tromchúiseach ar a mbaint amach. Níor cheart feidhm a bheith, i bprionsabal, ag an gceart chun faisnéise i gcomhthéacs ar leith chartlann stairiúil BCE, ós rud é go gceanglófaí ar BCE iarracht dhíréireach a dhéanamh chun faisnéis a sholáthar maidir le próiseáil a luaithe a chuirfear a chartlanna stairiúla ar fáil don phobal. Mar sin féin, is iomchuí na hábhair sonraí a chur ar an eolas faoin bhféidearthacht go bhféadfaí a sonraí pearsanta a chur ar fáil go poiblí mar chuid de chartlanna stairiúla BCE ag an am céanna agus a chuirtear ar an eolas iad faoi na hoibríochtaí próiseála ar bailíodh a sonraí pearsanta ina leith ar dtús. Chomh maith leis sin, níor cheart feidhm a bheith ag an gceart go ndéanfaí léirscriosadh i gcomhthéacs ar leith chartlanna stairiúla BCE, agus aird á tabhairt ar mhéid chartlanna BCE agus ar chineál fisiciúil chartlann BCE agus ar chineál an chartlannaithe ar mhaithe le leas an phobail, a mhéid a bhainfeadh léirscriosadh na sonraí pearsanta atá i gcartlann BCE an bonn de bhailíocht, sláine agus barántúlacht chartlanna stairiúla BCE agus gur dócha, dá bhrí sin, go gcuirfeadh sé isteach go mór ar bhaint amach na gcuspóirí cartlannú ar mhaithe le leas an phobail.

(10)

Le hAirteagal 25(4) de Rialachán (AE) 2018/1725, ceadaítear do BCE foráil a dhéanamh maidir le maoluithe ó na cearta dá dtagraítear in Airteagail 17, 18, 20, 21 agus 23 den Rialachán sin, a mhéid is dócha go bhfágfaidh na cearta sin nach féidir an chríoch sin a chartlannú ar mhaithe le leas an phobail nó go ndéanfar dochar mór dá bhaint amach agus go bhfuil gá le maoluithe chun na críche sin a chomhlíonadh. Agus an Cinneadh seo á ghlacadh, déanann BCE foráil maidir le maoluithe ar na cearta dá dtagraítear in Airteagail 17, 18, 20, 21 agus 23 de Rialachán (AE) 2018/1725 faoi réir coimircí eagraíochtúla agus teicniúla a cheanglaítear le hAirteagal 13 den Rialachán sin. I gcás nach soláthraítear faisnéis shonrach maidir leis an bpróiseáil lena mbaineann an iarraidh, d’fhéadfadh sé go mbeadh iarracht dhíréireach ag baint le rochtain a dheonú ar shonraí pearsanta nó go mbeadh sé beagnach dodhéanta, i bhfianaise mhéid chartlanna stairiúla BCE. Dá ndéanfaí próiseáil sonraí pearsanta a cheartú, a léirscriosadh nó a shrianadh, bhainfí an bonn de shláine agus de bharántúlacht chartlanna stairiúla BCE agus bhainfí an bonn den chuspóir cartlannú a dhéanamh ar mhaithe le leas an phobail. Mar sin féin, i gcásanna ina bhfuil sonraí pearsanta míchruinne a bhfuil údar cuí leo, féadfaidh BCE a chinneadh ráiteas forlíontach nó nóta mínithe ar an doiciméad ábhartha a chur san áireamh. D’fhéadfadh iarracht dhíréireach a bheith ag baint le haon cheartú, léirscriosadh nó srianadh ar phróiseáil sonraí pearsanta nó d’fhéadfadh sé a bheith beagnach dodhéanta. Ós rud é gur cuid dhílis agus fíor-riachtanach de chartlanna stairiúla BCE iad sonraí pearsanta, dá dtabharfaí an ceart agóid a dhéanamh i gcoinne phróiseáil na sonraí pearsanta atá i gcartlann BCE, bheadh sé dodhéantaan cuspóir cartlannú a dhéanamh ar mhaithe le leas an phobail a bhaint amach.

(11)

Níl BCE le cur ar fáil do na doiciméid phoiblí ina bhfuil catagóirí speisialta sonraí pearsanta dá dtagraítear in Airteagal 10 de Rialachán (AE) 2018/1725, sonraí pearsanta a bhaineann le ciontuithe coiriúla agus cionta dá dtagraítear in Airteagal 11 de Rialachán (AE) 2018/1725 ná sonraí pearsanta linbh faoi bhun 13 bliana d’aois. Ós rud é go bhfuil líon mór doiciméad ann agus go bhfuil sé dodhóchúil doiciméid ina bhfuil sonraí pearsanta íogaire a bhfuil luach riaracháinnó stairiúil acu a chur san áireamh, bheadh moill shuntasach mar thoradh ar na doiciméid sin a chur ar fáil don phobal agus, dá bhrí sin, chuirfí isteach go mór ar an bpróiseas cartlannaithe. Luaitear in Aithris 6 de Rialachán (AE) 2018/1725 nár cheart feidhm a bheith ag an Rialachán maidir le próiseáil sonraí pearsanta daoine éagtha. Ós rud é, i bhformhór na gcásanna, nach féidir le BCE a shuíomh an bhfuil an t-ábhar sonraí éagtha, is iomchuí, mar choimirce bhreise, go mbeidh an tréimhse chun doiciméad cartlann stairiúil BCE a oscailt ina bhfuil sonraí pearsanta íogaire den sórt sin faoi Airteagail 10 agus 11 de Rialachán (AE) 2018/1725 nó sonraí a bhaineann le príobháideachas agus sláine an duine aonair faoi Airteagal 4 de Chinneadh BCE/2004/3 socraithe ag céad bliain tar éis chruthú an doiciméid sin.

(12)

Chuathas i gcomhairle leis an Maoirseoir Eorpach um Chosaint Sonraí i gcomhréir le hAirteagal 41(2) de Rialachán (AE) 2018/1725 agus thug sé tuairim uaidh an 05 Deireadh Fómhair 2022. Chuir BCE moltaí an Mhaoirseora Eorpaigh ar Chosaint Sonraí chun feidhme.

(13)

Leasaítear an dara habairt d’Airteagal 23.3 de Chinneadh BCE/2004/2 chun a shoiléiriú nach bhfuil rochtain gan bhac ar dhoiciméid de chuid chartlanna BCE ach amháin tar éis don tréimhse 30 bliain dul in éag i gcomhréir leis an gCinneadh seo mura rud é go gcinneann na comhlachtaí cinnteoireachta an tréimhse sin a ghiorrú, amhail i gcás na ndoiciméad de thionscnamh Choiste Delors nó a fuair Coiste Delors, COG, EMCF agus IEA, agus go bhfuil siad i seilbh BCE, nó go síneann siad é, amhail imeachtaí a d’fhéadfadh a bheith ann i gcás imeachtaí aonair chruinnithe na Comhairle Rialaithe, má bhréagnaíonn measúnú an cháis an toimhde nach bhfuil neamhspleáchas phróiseas cinnteoireachta na Comhairle Rialaithe faoi bhagairt a thuilleadh tar éis 30 bliain,

(1)

Foráiltear le hAirteagal 498(8) den Chomhaontú go mbunóidh an Ríocht Aontaithe agus an tAontas (gach ceann acu ina Pháirtí, le chéile ‘na Páirtithe’) sásra chun deiseanna iascaireachta a aistriú go deonach go bliantúil idir na Páirtithe.

(2)

Le hAirteagal 508 den Chomhaontú leagtar amach, ar bhealach neamh-uileghabhálach, feidhmeanna agus cumhachtaí an Choiste Speisialaithe um Iascach.

(3)

Foráiltear le hAirteagal 508(1)(m) den Chomhaontú go bhféadfaidh an Coiste Speisialaithe um Iascach sásra a fhorbairt chun deiseanna iascaireachta a aistriú go deonach go bliantúil idir na Páirtithe, dá dtagraítear in Airteagal 498(8). Foráiltear le hAirteagal 508(2)(b) den Chomhaontú go bhféadfaidh an Coiste Speisialaithe um Iascach bearta a ghlacadh, lena n-áirítear cinntí agus moltaí i ndáil leis na hábhair dá dtagraítear in Airteagal 508(1)(m) den Chomhaontú.

(4)

Mar a leagtar amach sna taifid i scríbhinn ar chomhairliúcháin iascaigh idir na Páirtithe le haghaidh 2021 agus 2022, d’oibrigh na Páirtithe sásra eatramhach chun deiseanna iascaireachta a aistriú go deonach go bliantúil le haghaidh 2021 agus 2022 faoi seach go dtí go mbunófar an sásra dá dtagraítear in Airteagal 498(8).

(5)

Le linn an tríú cruinniú den Choiste Speisialaithe um Iascach an 27 Aibreán 2022, d’fhormheas na Páirtithe prionsabail maidir le hoibriú an tsásra dá dtagraítear in Airteagal 498(8).

(6)

Mar a leagtar amach sa taifead i scríbhinn ar na comhairliúcháin iascaigh idir na Páirtithe le haghaidh 2023, cuireadh síneadh leis an sásra eatramhach le haghaidh 2021 agus 2022 chuig deiseanna iascaireachta le haghaidh 2023 go dtí go mbunófar an sásra dá dtagraítear in Airteagal 498(8).

(7)

Is iomchuí go ndéanfaidh an Coiste Speisialaithe um Iascach cinneadh maidir le mionsonraí na meicníochta le haghaidh deiseanna iascaireachta a aistriú go deonach go bliantúil dá dtagraítear in Airteagal 498(8),

(1)

Foráiltear le hAirteagal 496(1) den Chomhaontú go ndéanfaidh gach Páirtí cinneadh maidir le haon bheart is infheidhme maidir lena uiscí d’fhonn na cuspóirí a leagtar amach in Airteagal 494(1) agus (2) a shaothrú, agus ag féachaint do na prionsabail dá dtagraítear in Airteagal 494(3).

(2)

Foráiltear le hAirteagal 496(3) den Chomhaontú go dtabharfaidh an Ríocht Aontaithe agus an tAontas (‘an Páirtí’ ina n-aonar, le chéile ‘na Páirtithe’) fógra don Pháirtí eile faoi bhearta nua dá dtagraítear in Airteagal 496(1) ar dócha go ndéanfaidh siad difear do shoithí an Pháirtí eile sula gcuirfear na bearta sin i bhfeidhm, rud a thabharfaidh dóthain ama don Pháirtí eile barúlacha a sholáthar nó soiléiriú a lorg.

(3)

Ag an gcruinniú a bhí ag an gCoiste Speisialaithe um Iascach an 27 Deireadh Fómhair 2021, chomhaontaigh na Páirtithe leanúint den phlé maidir leis an gcaoi a bhféadfaí feabhas a chur ar an bpróiseas malartaithe fógraí, d’fhonn prótacal fógraí a fhorbairt. Ag an gcruinniú a bhí ag an gCoiste Speisialaithe um Iascach an 21 Deireadh Fómhair 2022, thug na Páirtithe dá n-aire a thábhachtaí atá sé prótacal a chomhaontú maidir le fógraí a mhalartú.

(4)

Foráiltear le hAirteagal 508(2)(b) den Chomhaontú go bhféadfaidh an Coiste Speisialaithe um Iascach moltaí a ghlacadh i ndáil le comhar i ndáil le hábhair dá dtagraítear in Airteagal 508(1) den Chomhaontú.

(5)

Maidir le moltaí, foráiltear le hAirteagal 10 den Chomhaontú nach bhfuil aon bhrí cheangailteach leo.

1.

2.

3.

4.

5.

6.

7.

8.

9.

10.

(1)

Foráiltear le hAirteagal 504(1) den Chomhaontú go n-iarrfaidh an Ríocht Aontaithe agus an tAontas (‘Páirtí’ ina n-aonar, le chéile ‘na Páirtithe’) comhairle ón gComhairle Idirnáisiúnta um Thaiscéalaíocht na Mara (‘ICES’) maidir le hailíniú na limistéar bainistíochta agus na n-aonad measúnaithe a úsáideann ICES le haghaidh na stoc a bhfuil réiltín ag baint leo in Iarscríbhinn 35.

(2)

Is iad seo a leanas na stoic sin: (i) leathóg mhín agus leathóg bhán (an Mhuir Thuaidh), L/W/2AC4-C; (ii) leathóg (an Mhuir nIocht), PLE/7DE; (iii) turbard agus broit (an Mhuir Thuaidh), T/B/2AC4-C; agus (iv) faoitín (an Mhuir Cheilteach), WHG/7X7A-C.

(3)

Le hAirteagal 504(2) den Chomhaontú foráiltear go ndéanfaidh na Páirtithe laistigh de 6 mhí tar éis dóibh an chomhairle a fháil athbhreithniú go comhpháirteach ar an gcomhairle sin agus breithneoidh siad i gcomhpháirt le chéile coigeartuithe ar limistéir bhainistíochta na stoc lena mbaineann, d’fhonn teacht ar chomhaontú maidir leis na hathruithe iarmhartacha ar liosta na stoc agus na scaireanna a leagtar amach in Iarscríbhinn 35.

(4)

Thug na Páirtithe dá n-aire gur tugadh na hiarrataí comhpháirteacha sin ar ICES i gcrích maidir leis na ceithre stoc ag cruinniú den Choiste Speisialithe um Iascach an 20 Iúil 2022. Thairis sin, an 16 Nollaig 2022, d’eisigh ICES a chomhairle le haghaidh dhá cheann de na ceithre stoc: (i) leathóg mhín agus leathóg bhán (An Mhuir Thuaidh); agus (ii) turbard agus broite (An Mhuir Thuaidh).

(5)

Faoi láthair, déantar leathóg mhín agus leathóg bhán, L/W/2AC4-C, agus turbard agus broit, T/B/2AC4-C, araon a bhainistiú faoi TAC comhcheangailte ach cuireann ICES comhairle ar fáil ar leibhéal speicis, agus tá raon feidhme geografach na limistéar bainistíochta sin le haghaidh leathóg mhín, leathóg bhán agus broite faoi gComhaontú níos cúinge ná limistéir chomhairle ICES:

(6)

Sa chomhairle uaidh an 16 Nollaig 2022, mhol ICES gur cheart TAC aon speicis lena gcumhdaítear an limistéar dáilte stoic a úsáid i gcás gach ceann de na ceithre stoc (an leathóg mhín, an leathóg bhán, an turbard agus an bhroit).

(7)

Sa chomhairle bhliantúil uaidh maidir le stoic an 30 Meitheamh 2022 maidir le leathóg mhín, leathóg bhán, turbard agus broit, mhol ICES ar an gcaoi chéanna gur cheart an bhainistíocht a chur chun feidhme ar leibhéal na speiceas sa limistéar dáilte stoic iomlán. Is éard a chomhairlíonn ICES go gcoisctear rialú éifeachtach ar rátaí saothraithe aon speicis le bainistiú na speiceas sin faoi TAC comhcheangailte speiceas agus go bhféadfadh róshaothrú ceachtar speiceas a bheith mar thoradh air sin.

(8)

Foráiltear le hAirteagal 508(2)(d) den Chomhaontú go bhféadfaidh an Coiste Speisialaithe um Iascach moltaí a ghlacadh i ndáil le comhar i dtaca le bainistiú iascaigh inbhuanaithe faoi Cheannteideal a Cúig (Iascach) den Chomhaontú.

(9)

Aithníonn na Páirtithe go bhféadfadh sé a bheith iomchuí níos mó ná TAC amháin a bheith ann le haghaidh gach speicis chun deiseanna iascaireachta inbhuanaithe a shocrú.

(10)

Aithníonn na Páirtithe freisin an tábhacht a bhaineann le bainistiú freagrach iascaigh idirnáisiúnta, lena n-áirítear gur cheart gabhálacha Stát cósta eile a chur san áireamh sna TACanna sin.

(11)

Tugann na Páirtithe dá n-aire na dúshláin a d’fhéadfadh a bheith ann maidir le bainistiú na stoc sin a d’fhéadfadh teacht as aistriú go TACanna speicis aonair lena leantar limistéar comhairle ICES, lena n-áirítear cur i bhfeidhm na hoibleagáide gabhálacha a thabhairt i dtír, agus aithníonn siad an ról a d’fhéadfadh a bheith ag solúbthacht idirlimistéir idir TACanna don speiceas céanna agus úsáid malartuithe cuótaí chun na rioscaí sin a mhaolú.