(1)

An 24 Feabhra 2023, ghlac an Chomhairle Rialachán Cur Chun Feidhme (AE) 2023/420 (2) lena mbunaítear liosta nuashonraithe na ndaoine, na ngrúpaí, agus na n-eintiteas a bhfuil feidhm ag Rialachán (CE) Uimh. 2580/2001 maidir leo (‘an liosta’).

(2)

I gcás inarbh fhéidir go praiticiúil é, chuir an Chomhairle ráitis ar fáil do na daoine, na grúpaí agus na heintitis ar fad ar na cúiseanna ar cuireadh ar an liosta iad.

(3)

Trí fhógra a foilsíodh in Iris Oifigiúil an Aontais Eorpaigh, chuir an Chomhairle na daoine, na grúpaí agus na heintitis atá ar an liosta ar an eolas gur chinn sí iad a choinneáil ar an liosta sin. Chomh maith leis sin, chuir an Chomhairle in iúl do na daoine, na grúpaí agus na heintitis sin go bhféadfaí ráiteas a iarraidh ar na cúiseanna a bhí ag an gComhairle iad a chur ar an liosta i gcás nár tugadh ráiteas den sórt sin dóibh cheana.

(4)

Tá athbhreithniú déanta ag an gComhairle ar an liosta mar a cheanglaítear le hAirteagal 2(3) de Rialachán (CE) Uimh. 2580/2001. Agus an t-athbhreithniú sin á dhéanamh aici, chuir an Chomhairle na barúlacha a chuir na daoine lena mbaineann faoina bráid san áireamh chomh maith leis an bhfaisnéis nuashonraithe a fuarthas ó na húdaráis náisiúnta inniúla maidir le stádas na ndaoine aonair agus na n-eintiteas atá liostaithe ar an leibhéal náisiúnta.

(5)

Tá an Chomhairle tar éis a fhíorú go bhfuil údaráis inniúla, dá dtagraítear in Airteagal 1(4) de Chomhsheasamh 2001/931/CBES ón gComhairle (3), tar éis cinntí a dhéanamh i dtaca le gach duine, gach grúpa agus gach eintiteas atá ar an liosta lena léirítear go raibh baint acu le gníomhartha sceimhlitheoireachta de réir bhrí Airteagal 1(2) agus (3) de Chomhsheasamh 2001/931/CBES. Tá an Chomhairle tar éis a chinneadh freisin gur cheart na daoine, na grúpaí agus na heintitis a bhfuil feidhm ag Airteagail 2, 3 agus 4 de Chomhsheasamh 2001/931/CBES maidir leo leanúint de bheith faoi réir na mbeart sriantach sonrach dá bhforáiltear i Rialachán (CE) Uimh. 2580/2001.

(6)

Ba cheart an liosta a nuashonrú dá réir sin, agus ba cheart Rialachán Cur Chun Feidhme (AE) 2023/420 a aisghairm,

(1)

Le Rialachán (AE) 2023/194 (1) ón gComhairle socraítear le haghaidh 2023 na deiseanna iascaireachta le haghaidh stoic éisc áirithe is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad. Maidir leis na gabhálacha iomlána incheadaithe (TACanna) a shocraítear le Rialachán (AE) 2023/194, ba cheart iad a leasú chun foilsiú na comhairle eolaíche a chur san áireamh chomh maith leis na torthaí ar na comhairliúcháin le tríú tíortha.

(2)

Le Rialachán (AE) 2023/194 socraítear TAC sealadach i gcomhair séaclaí Artacha (Pandalus borealis) in uiscí an Aontais agus in uiscí na hIorua i roinn 3a ICES le haghaidh 2023. Chuaigh an tAontas agus an Iorua i gcomhairle le chéile maidir le leibhéal TAC i gcomhair séaclaí Artacha i roinn 3a agus 4a Thoir ICES le haghaidh na tréimhse ón 1 Iúil 2023 go dtí an 30 Meitheamh 2024. Rinneadh na comhairliúcháin sin ar bhonn an tseasaimh ón Aontas a d’fhormhuinigh an Chomhairle an 12 Meitheamh 2023. An 29 Meitheamh 2023, tháinig an tAontas agus an Iorua ar chomhaontú maidir le TAC i roinn 3a agus 4a Thoir ICES de 6 076 thona, a bhfuil 4 253 thona de le cionroinnt ar roinn 3a ICES. Comhfhreagraíonn an leibhéal TAC sin don leibhéal de chomhairle ICES maidir leis an stoc sin don tréimhse ón 1 Iúil 2023 go dtí an 30 Meitheamh 2024, dá mba rud é go raibh an chomhairle bunaithe ar an toimhde nár úsáideadh deiseanna iascaireachta ina n-iomláine sa chéad leath de 2023 agus go raibh 900 tona fós gan iascaireacht an 1 Iúil 2023. De réir na bhfigiúirí gabhála a chuir an tAontas agus an Iorua ar fáil, tá an toimhde sin ag teacht le leibhéal glactha na ndeiseanna iascaireachta an 1 Iúil 2023. Chun trasdul a dhéanamh ó TAC i gcomhair séaclaí Artacha i roinn 3a ICES a shocrú faoi dhó sa bhliain go uair sa bhliain: (i) ba cheart TAC cinntitheach le haghaidh na tréimhse ón 1 Eanáir go dtí an 30 Meitheamh 2023 a chur in ionad an TAC shealadaigh le haghaidh an stoic sin le haghaidh 2023 ar an leibhéal a comhaontaíodh leis an Iorua an 17 Márta 2023, agus (ii) ba cheart an TAC le haghaidh an stoic sin don tréimhse ón 1 Iúil 2023 go dtí an 30 Meitheamh 2024 a shocrú ar an leibhéal a comhaontaíodh leis an Iorua an 29 Meitheamh 2023.

(3)

Dá bhrí sin ba cheart Rialachán (AE) 2023/194 a leasú dá réir sin.

(4)

Chun go bhféadfar leanúint den iascaireacht, ba cheart an Rialachán seo a theacht i bhfeidhm gan mhoill.

(5)

Ba cheart feidhm a bheith ag forálacha an Rialacháin seo maidir le deiseanna iascaireachta i gcomhair séaclaí Artacha ón 1 Eanáir 2023 agus ón 1 Iúil 2023 faoi seach. Ní dhéanann an cur i bhfeidhm cúlghabhálach sin difear do phrionsabal na deimhneachta dlíthiúla ná don phrionsabal i dtaobh ionchais dhlisteanacha a chosaint, mar go bhfuil méadú tagtha ar na deiseanna iascaireachta atá i gceist nó nár ídíodh go fóill iad,

(1)

Le topaic úsáid TFC agus ríomhthráchtáil, soláthraítear na sonraí a cheanglaítear leis an gCompás Digiteach do Dheacáid Dhigiteach an Aontais chun faireachán a dhéanamh ar spriocanna digiteacha an Aontais le haghaidh 2030, amhail Táscaire na Déine Digití, táscaire lena léirítear claochlú digiteach gnólachtaí. Soláthraítear faisnéis leis freisin maidir le beartais éagsúla eile de chuid an Aontais a bhaineann le feidhmíocht dhigiteach na hEorpa agus le tosaíocht an Choimisiúin Eorpaigh – Eoraip atá oiriúnach don aois dhigiteach.

(2)

Chun cáilíocht na sonraí a mheas agus chun a áirithiú go mbeidh sonraí maidir le húsáid TFC agus ríomhthráchtáil inchomparáide agus comhchuibhithe, ní mór tuarascálacha meiteashonraí agus cáilíochta a sholáthar sula n-eiseofar na sonraí.

(3)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón gCoiste um an gCóras Staidrimh Eorpach,

(1)

De bhun Airteagal 44(2), an dara fomhír, de Rialachán (AE) 2021/2116, ón 16 Deireadh Fómhair go dtí an 30 Samhain, féadfaidh na Ballstáit réamhíocaíochtaí suas go 50 % a íoc le haghaidh idirghabhálacha i bhfoirm íocaíochtaí díreacha agus roimh an 1 Nollaig féadfaidh siad réamhíocaíochtaí suas go 75 % a íoc le haghaidh idirghabhálacha forbartha tuaithe a bhaineann le limistéar agus le hainmhithe faoi Rialachán (AE) 2021/2115 ó Pharlaimint na hEorpa agus ón gComhairle (2).

(2)

Tá an earnáil talmhaíochta faoi bhrú mar gheall ar phaindéim COVID-19, ar a tionchar ar shlabhraí an tsoláthair bia, agus ar an mborradh atá tagtha ar phraghsanna an fhuinnimh agus na n-ionchur talmhaíochta ó bhí fómhar 2021 ann. Ina theannta sin, le hionradh na Rúise ar an Úcráin géaraíodh ar an staid agus bhí tionchar diúltach breise aige ar earnáil na talmhaíochta. Tá méadú nach beag tagtha ar phraghsanna ionchuir, amhail costais fuinnimh, leasacháin agus beatha i ngach earnáil talmhaíochta.

(3)

Mar thoradh air sin, tháinig méadú nach beag ar sciar na gcostas fuinnimh agus leasachán sa tomhaltas idirmheánach iomlán in 2022, agus is i bhfeirmeacha barr páirce agus i bhfeirmeacha barr buan a bhí an méadú is mó le sonrú, agus a neamhchosaint ar chostais leasacháin ba chúis leis sin sa dá chás. Is airde fós ná riamh na praghsanna leasacháin. De réir na sonraí is éard atá déanta ag na feirmeoirí mar fhreagairt air sin, an úsáid a bhaineann siad as leasacháin a laghdú, cé nach fios fós na hiarmhairtí a bheidh aige sin ar tháirgeacht agus ar cháilíocht na dtráchtearraí bia agus beatha.

(4)

Tá méadú tagtha, i gcomhréir leis an mboilsciú ginearálta, ar phraghsanna ionchur eile i gcás feirmeoirí agus oibreoirí biashlabhra san Aontas, amhail táirgí cosanta plandaí agus cóireálacha sláinte ainmhithe, innealra agus pacáistiú, mar shampla.

(5)

Le déanaí, tá laghdú nach beag ag teacht ar phraghsanna fhormhór na dtráchtearraí talmhaíochta amhail gránaigh, olashíolta agus táirgí déiríochta. I roinnt Ballstát, tá an staid tar éis éirí thar a bheith deacair ós rud é gur in olcas a chuaigh an cóimheas idir praghsanna ionchuir agus praghsanna tráchtearraí.

(6)

Na cúinsí sin, mar aon le drochtheagmhais mheitéareolaíocha a tharla le déanaí i réigiúin áirithe, amhail triomach agus tuilte foircneacha, d’fhéadfaidís fadhbanna leachtachta a chruthú do tháirgeoirí talmhaíochta. Chun dul i ngleic leis na fadhbanna leachtachta sin, ba cheart cead a bheith ag na Ballstáit réamhíocaíochtaí méadaithe a íoc i leith na bliana éilimh 2023.

(7)

Tá na bearta dá bhforáiltear sa Rialachán seo i gcomhréir leis an tuairim ón gCoiste um na Cistí Talmhaíochta agus ón gCoiste um an gComhbheartas Talmhaíochta,

(1)

De bhun Airteagal 104(1), an dara fomhír, pointe (a)(iv), de Rialachán (AE) 2021/2116 ó Pharlaimint na hEorpa agus ón gComhairle (2), leanfaidh Airteagal 75 de Rialachán (AE) Uimh. 1306/2013 d’fheidhm a bheith aige a mhéid a bhaineann le CETFT, i ndáil le caiteachas arna thabhú ag na tairbhithe agus íocaíochtaí arna ndéanamh ag an ngníomhaireacht íocaíochta faoi chuimsiú chur chun feidhme na gclár forbartha tuaithe de bhun Rialachán (AE) Uimh. 1305/2013 ó Pharlaimint na hEorpa agus ón gComhairle (3).

(2)

De bhun Airteagal 75(1), an tríú fomhír, de Rialachán (AE) Uimh. 1306/2013 féadfaidh na Ballstáit réamhíocaíochtaí suas go 75 % a íoc le haghaidh bearta tacaíochta forbartha tuaithe a bhaineann le limistéar agus le hainmhithe faoi Rialachán (AE) Uimh. 1305/2013.

(3)

Tá an earnáil talmhaíochta faoi bhrú mar gheall ar phaindéim COVID-19, ar a tionchar ar shlabhraí an tsoláthair bia, agus ar an mborradh atá tagtha ar phraghsanna an fhuinnimh agus na n-ionchur talmhaíochta ó bhí fómhar 2021 ann. Ina theannta sin, le hionradh na Rúise ar an Úcráin géaraíodh ar an staid agus bhí tionchar diúltach breise aige ar earnáil na talmhaíochta. Tá méadú nach beag tagtha ar phraghsanna ionchuir, amhail costais fuinnimh, leasacháin agus beatha i ngach earnáil talmhaíochta.

(4)

Mar thoradh air sin, tháinig méadú nach beag ar sciar na gcostas fuinnimh agus leasachán sa tomhaltas idirmheánach iomlán in 2022, agus is i bhfeirmeacha barr páirce agus i bhfeirmeacha barr buan a bhí an méadú is mó le sonrú, agus a neamhchosaint ar chostais leasacháin ba chúis leis sin sa dá chás. Is airde fós ná riamh na praghsanna leasacháin. De réir na sonraí is éard atá déanta ag na feirmeoirí mar fhreagairt air sin, an úsáid a bhaineann siad as leasacháin a laghdú, cé nach fios fós na hiarmhairtí a bheidh aige sin ar tháirgeacht agus ar cháilíocht na dtráchtearraí bia agus beatha.

(5)

Tá méadú tagtha, i gcomhréir leis an mboilsciú ginearálta, ar phraghsanna ionchur eile i gcás feirmeoirí agus oibreoirí biashlabhra san Aontas, amhail táirgí cosanta plandaí agus cóireálacha sláinte ainmhithe, innealra agus pacáistiú, mar shampla.

(6)

Le déanaí, tá laghdú nach beag ag teacht ar phraghsanna fhormhór na dtráchtearraí talmhaíochta amhail gránaigh, olashíolta agus táirgí déiríochta. I roinnt Ballstát, tá an staid tar éis éirí thar a bheith deacair ós rud é gur in olcas a chuaigh an cóimheas idir praghsanna ionchuir agus praghsanna tráchtearraí.

(7)

Na cúinsí sin, mar aon le drochtheagmhais mheitéareolaíocha a tharla le déanaí i réigiúin áirithe, amhail triomach agus tuilte foircneacha, d’fhéadfaidís fadhbanna leachtachta a chruthú do tháirgeoirí talmhaíochta. Chun dul i ngleic leis na fadhbanna leachtachta sin, ba cheart cead a bheith ag na Ballstáit réamhíocaíochtaí méadaithe a íoc i leith na bliana éilimh 2023 le haghaidh bearta forbartha tuaithe a bhaineann le limistéar agus le hainmhithe.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste um na Cistí Talmhaíochta agus ón gCoiste um an gComhbheartas Talmhaíochta,

(1)

Le Rialachán (AE) 2023/915 ón gCoimisiún (2) socraítear uasleibhéil le haghaidh caidmiam i réimse earraí bia.

(2)

An 30 Eanáir 2009, ghlac an tÚdarás Eorpach um Shábháilteacht Bia (‘an tÚdarás’) tuairim eolaíoch maidir le caidmiam i mbia (3). Tháinig an tÚdarás ar an gconclúid gur don duán go príomha atá caidmiam tocsaineach, go háirithe do na cealla feadánacha neasacha, áit a mbailíonn sé le himeacht ama agus áit a bhféadfadh sé a bheith ina chúis le mífheidhmiú an duáin. I bhfianaise éifeachtaí tocsaineacha caidmiam ar na duáin, leag an tÚdarás iontógáil sheachtainiúil infhulaingthe síos le haghaidh caidmiam, is é sin 2,5 μg/kg meáchan coirp. Tháinig an tÚdarás ar an gconclúid thairis sin gur rud gar don iontógáil sheachtainiúil infhulaingthe atá sa mheánteagmháil le haghaidh daoine fásta ar fud an Aontais nó go sáraíonn sé an iontógáil sin de bheagán. Tháinig sé ar an gconclúid freisin go bhféadfadh foghrúpaí an iontógáil sheachtainiúil infhulaingthe a shárú de dhá oiread; feoilséantóirí, leanaí, lucht caite tobac, agus daoine atá ina gcónaí i gceantair atá thar a bheith éillithe, cuir i gcás. Dá bhrí sin, tháinig an tÚdarás ar an gconclúid gur gá an teagmháil le caidmiam atá ann faoi láthair i measc an daonra a laghdú. Tar éis dó an tuairim eolaíoch sin a fháil, d’eisigh an tÚdarás tuarascáil eolaíochta an 17 Eanáir 2012, tuarascáil inar dheimhnigh sé go bhféadfadh leanaí agus daoine fásta ar theagmháil an 95ú peircintíl na luachanna treoraíochta sláintebhunaithe a shárú (4).

(3)

Agus tuairim eolaíoch agus tuarascáil eolaíoch an Údaráis á gcur san áireamh, leagadh síos uasleibhéil nua le haghaidh caidmiam i mbianna do naíonáin agus i dtáirgí seacláide/cócó faoi Rialachán (AE) Uimh. 488/2014 ón gCoimisiún (5). Glacadh Moladh 2014/193/AE ón gCoimisiún (6), moladh inar iarradh ar na Ballstáit a áirithiú go gcuirfí na modhanna maolaithe atá ar fáil cheana in iúl d’fheirmeoirí agus go gcuirfí chun cinn iad i measc na bhfeirmeoirí agus go dtosófaí á gcur chun feidhme nó go leanfaí á gcur chun feidhme, mar aon le faireachán tráthrialta a dhéanamh ar dhul chun cinn na mbeart maolaithe trí shonraí tarluithe maidir le leibhéil chaidmiam in earraí bia a bhailiú agus na sonraí a thuairisciú, go háirithe maidir le leibhéil chaidmiam atá gar do na huasleibhéil nó atá níos airde ná sin, faoi mhí Feabhra 2018.

(4)

Ar bhonn na sonraí tarluithe a bailíodh tar éis na bearta maolaithe a chur chun feidhme, trí bhíthin Rialachán (AE) 2021/1323 ón gCoimisiún (7) laghdaíodh na huasleibhéil le haghaidh caidmiam i réimse leathan bianna.

(5)

Ó foilsíodh Rialachán (AE) 2021/1323, tá sonraí tarluithe nua ar fáil maidir leis an gcíb bhlasta agus maidir le roinnt speicis d’fhungais shaothraithe is lú a itear.

(6)

Tá feidhm ag an uasleibhéal le haghaidh caidmiam i raidisí maidir leis an gcíb bhlasta, leibhéal a laghdaíodh le Rialachán (AE) 2021/1323 ó 0,10 go 0,020 mg/kg. Laghdaíodh an t-uasleibhéal sin ar bhonn na sonraí tarluithe a bhí ar fáil an tráth sin maidir leis na speicis is mó a itear laistigh den ghrúpa tráchtearraí raidisí (Raphanus sativus var. sativus). Mar sin féin, idir an dá linn tá sonraí tarluithe níos nuaí ar fáil maidir leis an gcíb bhlasta go sonrach, rud a léiríonn go bhfuil tiúchan níos airde caidmiam sa chíb bhlasta ná atá i raidisí eile. Dá bhrí sin, is léir anois nach bhfuil an t-uasleibhéal a leagadh síos le haghaidh caidmiam sa chíb bhlasta i gcomhréir leis an bprionsabal ‘Chomh hÍseal agus is Indéanta le Réasún (ALARA)’. Thairis sin agus i bhfianaise mhéid íseal tomhaltais na cíbe blasta, ní chuireann sí ach beagán le teagmháil tomhaltóirí le caidmiam.

(7)

Le Rialachán (AE) 2021/1323 laghdaíodh na huasleibhéil le haghaidh fungais shaothraithe ó 0,20 mg/kg le haghaidh Agaricus bisporus, Lentinula edodes agus Pleurotus ostreatus agus ó 1,0 mg/kg le haghaidh fungais shaothraithe eile go 0,15 mg/kg le haghaidh Lentinula edodes agus Pleurotus ostreatus, agus go 0,050 mg/kg le haghaidh na bhfungas saothraithe eile uile, lena n-áirítear Agaricus bisporus. Laghdaíodh an t-uasleibhéal le haghaidh fungais shaothraithe seachas Lentinula edodes agus Pleurotus ostreatus ar bhonn na sonraí tarluithe a bhí ar fáil an tráth sin maidir leis na speicis is mó a itear den ghrúpa tráchtearraí sin (Agaricus bisporus). Mar sin féin, idir an dá linn tá sonraí tarluithe níos nuaí ar fáil maidir le roinnt speicis shonracha d’fhungais shaothraithe is lú a itear ná Agaricus bisporus, Lentinula edodes agus Pleurotus ostreatus, rud a léiríonn go bhfuil tiúchan níos airde caidmiam iontu ná atá in Agaricus bisporus. Dá bhrí sin, is léir anois nach bhfuil an t-uasleibhéal a leagadh síos le haghaidh caidmiam i bhfungais shaothraithe seachas Agaricus bisporus, Lentinula edodes agus Pleurotus ostreatus i gcomhréir leis an bprionsabal ‘ALARA’. Thairis sin, ós rud é gurb iad na speicis Agaricus bisporus, Lentinula edodes agus Pleurotus ostreatus an sciar is mó de mhéid iomlán na bhfungas a itear san Aontas, ní chuireann fungais shaothraithe eile ach beagán le rannchuidiú na bhfungas saothraithe eile le teagmháil tomhaltóirí le caidmiam.

(8)

Chun an prionsabal ‘ALARA’ a chur san áireamh agus rátaí neamhchomhlíontachta díréireacha a sheachaint maidir leis an gcíb bhlasta agus fungais shaothraithe seachas Agaricus bisporus, Lentinula edodes agus Pleurotus ostreatus, agus ardleibhéal sábháilteachta bia á choinneáil, ba cheart na huasleibhéil le haghaidh caidmiam sna speicis sin a mhéadú.

(9)

Dá bhrí sin, ba cheart Rialachán (AE) 2023/915 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán Cur Chun Feidhme (AE) 2018/2019 (2) bunaítear, ar bhonn réamh-mheasúnú riosca, liosta plandaí, táirgí plandaí agus réad eile a mbaineann ardriosca leo.

(2)

Tar éis réamh-mheasúnú a dhéanamh, liostaíodh 34 ghéineas agus speiceas amháin de phlandaí le haghaidh plandú de thionscnamh tríú tíortha go sealadach i Rialachán Cur Chun Feidhme (AE) 2018/2019 mar phlandaí a mbaineann ardriosca leo. Ar na géinis a liostaítear tá Malus Mill.

(3)

Le Rialachán Cur Chun Feidhme (AE) 2020/1213 ón gCoimisiún (3) leagtar amach na bearta fíteashláintíochta maidir le plandaí áirithe, táirgí plandaí áirithe agus réada áirithe eile a thabhairt isteach san Aontas, ar ábhair iad a baineadh den Iarscríbhinn a ghabhann le Rialachán Cur Chun Feidhme (AE) 2018/2019, ach nach ndearnadh measúnú iomlán fós ar na rioscaí fíteashláintíochta a bhaineann leo. Déantar an méid sin toisc nach n-áirítear fós sa liosta lotnaidí coraintín de chuid an Aontais i Rialachán Cur Chun Feidhme (AE) 2019/2072 ón gCoimisiún (4) ceann de na lotnaidí nó níos mó ná sin a bhfuil na plandaí sin mar óstaigh acu, ach d’fhéadfadh na lotnaidí sin na coinníollacha a chomhlíonadh chun go n-áireofaí iad tar éis measúnú riosca iomlán breise.

(4)

An 4 Márta 2022 chuir an Ríocht Aontaithe (5) iarraidh faoi bhráid an Choimisiúin maidir le honnmhairiú na nithe seo a leanas chuig an Aontas: plandaí Malus sylvestris suas le 7 mbliana d’aois, iad fréamhlom agus nach mó ná 40 mm an trastomhas acu ag bonn an ghais, le haghaidh plandú; plandaí Malus sylvestris atá suas le 7 mbliana d’aois, i ndamhna fáis agus nach mó ná 40 mm an trastomhas acu ag bonn an ghais (na plandaí ábhartha), le haghaidh plandú. Cuireadh an sainchomhad teicniúil ábhartha isteach leis an iarraidh sin.

(5)

An 24 Bealtaine 2023, ghlac an tÚdarás Eorpach um Shábháilteacht Bia (‘an tÚdarás’) tuairim eolaíoch a mhéid a bhaineann leis an measúnú riosca ar na plandaí ábhartha de thionscnamh na Ríochta Aontaithe (6). Shainaithin an tÚdarás Colletotrichum aenigma, Meloidogyne mali, Eulecanium excrescens, Takahashia japonica, Víreas Fáinnebhall an Phlanda Tobac, Víreas Fáinnebhall an Phlanda Trátaí agus Erwinia amylovora mar lotnaidí atá ábhartha i leith na bplandaí sin..

(6)

Rinne an tÚdarás measúnú ar na bearta maolaithe riosca a bhfuil tuairisc orthu sa chomhad le haghaidh Colletotrichum aenigma, Meloidogyne mali, Eulecanium excrescens, Takahashia japonica, Víreas Fáinnebhall an Phlanda Tobac, Víreas Fáinnebhall an Phlanda Trátaí agus rinne meastachán ar a dhóiche a bhí sé go mbeadh na plandaí ábhartha saor ó na lotnaidí sin. Tháinig sé ar an gconclúid go bhfuil ard-dóchúlacht ann go bhfuil na plandaí ábhartha saor ó lotnaidí. Maidir le Erwinia amylovora, rinne an tÚdarás meastóireacht féachaint ar comhlíonadh na ceanglais speisialta maidir le plandaí Malus Mill, seachas torthaí agus síolta, a thabhairt isteach sna criosanna cosanta sonraithe, atá liostaithe i bpointe 9 d’Iarscríbhinn X a ghabhann le Rialachán Cur Chun Feidhme (AE) 2019/2072, agus maidir lena ngluaiseacht laistigh de na criosanna sin. Tháinig sé ar an gconclúid go gcomhlíonann an Ríocht Aontaithe na ceanglais speisialta sin.

(7)

Ar bhonn na tuairime sin, meastar go laghdaíodh an riosca fíteashláintíochta ó na plandaí ábhartha a bheith á dtabhairt isteach i gcríoch an Aontais go leibhéal inghlactha, ar choinníoll go gcuirfear bearta iomchuí i bhfeidhm chun aghaidh a thabhairt ar riosca na lotnaidí a bhaineann leis na plandaí sin.

(8)

Na bearta a thuairiscíonn an Ríocht Aontaithe sa sainchomhad teicniúil, meastar go bhfuil siad leordhóthanach chun an riosca a bhaineann leis na plandaí ábhartha a bheith á dtabhairt isteach i gcríoch an Aontais a laghdú go dtí leibhéal inghlactha. Dá bhrí sin, ba cheart na bearta sin a glacadh mar cheanglais allmhairiúcháin fíteashláintíochta chun cosaint fíteashláintíochta chríoch an Aontais ar thabhairt isteach na bplandaí ábhartha inti a áirithiú.

(9)

Dá réir sin, níor cheart na plandaí ábhartha a mheas a thuilleadh mar phlandaí a mbaineann ardriosca leo.

(10)

Dá bhrí sin, ba cheart Rialachán Cur Chun Feidhme (AE) 2018/2019 a leasú dá réir.

(11)

Tá Erwinia amylovora liostaithe mar lotnaid choraintín sna criosanna cosanta, i gcás criosanna cosanta áirithe, agus mar lotnaid neamhchoraintín a rialaíonn an tAontas i gcás an chuid eile de chríoch an Aontais, in Iarscríbhinní III agus IV de Rialachán Cur Chun Feidhme (AE) 2019/2072 faoi seach. Tá ceanglais speisialta ar bun i bpointe 9 d’Iarscríbhinn X den Rialachán sin, chun cosc a chur ar theacht isteach agus leathadh na lotnaide laistigh de na criosanna cosanta sonraithe. Tá Víreas Fáinnebhall an Phlanda Tobac agus Víreas Fáinnebhall an Phlanda Trátaí liostaithe mar lotnaidí coraintín de chuid an Aontais in Iarscríbhinn II a ghabhann le Rialachán Cur Chun Feidhme (AE) 2019/2072.

(12)

Níl Colletotrichum aenigma, Eulecanium excrescens, ná Takahashia japonica san áireamh fós sa liosta lotnaidí coraintín de chuid an Aontais i Rialachán Cur Chun Feidhme (AE) 2019/2072. Ní mór measúnú riosca iomlán ar na lotnaidí sin a chur ar fáil, chun a dhéanamh amach an gcomhlíonann an lotnaid sin na coinníollacha chun í a liostú in Iarscríbhinn II a ghabhann le Rialachán Cur Chun Feidhme (AE) 2019/2072 agus an bhfuil na plandaí ábhartha de thionscnamh na Ríochta Aontaithe le liostú in Iarscríbhinn VII a ghabhann leis an Rialachán sin, mar aon leis na bearta iomchuí.

(13)

Dá bhrí sin, ba cheart Rialachán Cur Chun Feidhme (AE) 2020/1213 a leasú dá réir.

(14)

Ní áirítear Meloidogyne mali sa liosta de lotnaidí coraintín de chuid an Aontais. D’fhoilsigh an Eagraíocht Eorpach agus Meánmhara um Chosaint Plandaí (‘EPPO’) anailís riosca lotnaide ar an lotnaid sin i mí Mheán Fómhair 2017 (7). Ar bhonn plé leis na Ballstáit, thángthas ar an gconclúid nár cheart an lotnaid a rialáil mar lotnaid choraintín de chuid an Aontais ná mar lotnaid neamhchoraintín a rialaíonn an tAontas, mar go meastar go bhfuil an riosca fíteashláintíochta a bhaineann leis íseal, cé go bhfuil sé le fáil i mBallstáit éigin le fada gan bearta rialála oifigiúla. Ar an gcúis sin, níl gá le haon cheanglas allmhairiúcháin maidir leis an lotnaid sin.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

De bhun Airteagal 8(1) de Chinneadh (CBES) 2019/2110, údaraítear an Coiste Polaitiúil agus Slándála, i gcomhréir le hAirteagal 38 den Chonradh, na cinntí ábhartha a dhéanamh chun rialú polaitiúil agus treoir straitéiseach Mhisean Comhairleach CBSC an Aontais Eorpaigh i bPoblacht na hAfraice Láir (EUAM RCA) a fheidhmiú, lena n-áirítear an cinneadh Ceann Misin a cheapadh.

(2)

An 25 Lúnasa 2022, ghlac an Coiste Polaitiúil agus Slándála Cinneadh (CBES) 2022/1436 (2), lena gceaptar José Manuel MARQUES DIAS mar Cheann Misin ar EUAM RCA ón 1 Meán Fómhair 2022 go dtí an 31 Lúnasa 2023.

(3)

An 28 Iúil 2022, ghlac an Chomhairle Cinneadh (CBES) 2022/1333 (3) lena leasaítear Cinneadh (CBES) 2019/2110 agus lena gcuirtear síneadh le sainordú EUAM RCA go dtí an 9 Lúnasa 2024.

(4)

Mhol Ardionadaí an Aontais do Ghnóthaí Eachtracha agus don Bheartas Slándála go gcuirfí síneadh le sainordú José Manuel MARQUES DIAS mar Cheann Misin ar EUAM RCA ón 1 Meán Fómhair 2023 go dtí an 9 Lúnasa 2024,

(1)

De bhun Airteagal 9(3) de Chinneadh (CBES) 2023/162, thug an Chomhairle údarú don Choiste Polaitiúil agus Slándála cinntí ábhartha a dhéanamh maidir le glacadh leis na rannchuidithe beartaithe le EUMA ó thríú Stáit.

(2)

Tar éis moladh ó Cheannasaí Oibríochtaí Sibhialtacha ar rannchuidiú beartaithe Cheanada le EUMA, ba cheart glacadh leis an rannchuidiú ó Cheanada agus é a mheas mar rannchuidiú suntasach,

(1)

An 27 Nollaig 2001, ghlac an Chomhairle Comhsheasamh 2001/931/CBES (1).

(2)

An 24 Feabhra 2023, ghlac an Chomhairle Cinneadh (CBES) 2023/422 (2) lena nuashonraítear liosta na ndaoine, na ngrúpaí agus na n-eintiteas atá faoi réir Airteagail 2, 3 agus 4 de Chomhsheasamh 2001/931/CBES (‘an liosta’).

(3)

I gcomhréir le hAirteagal 1(6) de Chomhsheasamh 2001/931/CBES, ní mór athbhreithniú a dhéanamh go tráthrialta ar ainmneacha na ndaoine, na ngrúpaí agus na n-eintiteas atá ar an liosta chun a áirithiú go bhfuil forais ann lena gcoimeád ar an liosta.

(4)

Leagtar amach sa Chinneadh seo toradh an athbhreithnithe a rinne an Chomhairle i dtaca leis na daoine, na grúpaí agus na heintitis a bhfuil feidhm ag Airteagail 2, 3 agus 4 de Chomhsheasamh 2001/931/CBES maidir leo.

(5)

Tá an Chomhairle tar éis a fhíorú go bhfuil údaráis inniúla, dá dtagraítear in Airteagal 1(4) de Chomhsheasamh 2001/931/CBES, tar éis cinntí a dhéanamh i dtaca le gach duine, gach grúpa agus gach eintiteas atá ar an liosta lena léirítear go raibh baint acu le gníomhartha sceimhlitheoireachta de réir bhrí Airteagal 1(2) agus (3) de Chomhsheasamh 2001/931/CBES. Tá an Chomhairle tar éis teacht ar an tátal freisin gur cheart na daoine, na grúpaí agus na heintitis a bhfuil feidhm ag Airteagail 2, 3 agus 4 de Chomhsheasamh 2001/931/CBES maidir leo leanúint de bheith faoi réir na mbeart sriantach sonrach dá bhforáiltear i gComhsheasamh 2001/931/CBES.

(6)

Ba cheart an liosta a nuashonrú dá réir sin agus Cinneadh (CBES) 2023/422 a aisghairm,

(1)

An 21 Meitheamh 2021 ghlac an Chomhairle Cinneadh (CBES) 2021/1026 (1).

(2)

An 18 Bealtaine 2023, d’iarr an Eagraíocht um Thoirmeasc ar Airm Cheimiceacha, atá freagrach as cur chun feidhme teicniúil na ngníomhaíochtaí dá dtagraítear in Airteagal 1 de Chinneadh (CBES) 2021/1026, go gcuirfí síneadh 12 mhí, go dtí an 30 Lúnasa 2024, le cur chun feidhme an Chinnidh sin.

(3)

Níl aon impleachtaí airgeadais breise le cur chun feidhme leanúnach Chinneadh (CBES) 2021/1026 don tréimhse go dtí an 30 Lúnasa 2024.

(4)

Ba cheart, dá bhrí sin, Cinneadh (CBES) 2021/1026 a leasú dá réir sin,

(1)

An 11 Márta 2002, chomhaontaigh an Chomhairle Ionadaí Speisialta an Aontais Eorpaigh (ISAE) sa Bhoisnia agus sa Heirseagaivéin a cheapadh.

(2)

An 8 Lúnasa 2019, ghlac an Chomhairle Cinneadh (CBES) 2019/1340 (1) lena gceaptar Johann SATTLER mar ISAE sa Bhoisnia agus sa Heirseagaivéin. Cuireadh síneadh as a chéile le sainordú ISAE, an ceann is déanaí le Cinneadh (CBES) 2021/1193 ón gComhairle (2) agus tá sé le dul in éag an 31 Lúnasa 2023.

(3)

Ba cheart síneadh 12 mhí breise a chur le sainordú ISAE, agus ba cheart méid tagartha airgeadais nua a bhunú don tréimhse ón 1 Meán Fómhair 2023 go dtí an 31 Lúnasa 2024.

(4)

Cuirfidh ISAE an sainordú chun feidhme i gcomhthéacs staid a d’fhéadfadh dul in olcas, agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh iad,

(1)

An 31 Iúil 2014, ghlac an Chomhairle Cinneadh 2014/512/CBES (1).

(2)

Sna Conclúidí uaithi, a glacadh an 29 agus an 30 Meitheamh 2023, d’athdhearbhaigh an Chomhairle Eorpach an cáineadh a rinne sí ar chogadh foghach na Rúise i gcoinne na hÚcráine, cogadh atá ina shárú follasach ar Chairt na Náisiún Aontaithe, agus meabhraíodh di go bhfuil an tAontas ag tacú go daingean le neamhspleáchas, ceannasacht agus iomláine chríochach na hÚcráine laistigh dá teorainneacha mar a aithnítear go hidirnáisiúnta iad agus ag tacú freisin le ceart bunúsach na hÚcráine í féin a chosaint in aghaidh fhogha na Rúise. Cháin an Chomhairle Eorpach go láidir freisin scriosadh d’aon ghnó an damba ag stáisiún cumhachta hidrileictreach Kakhovka, chomh maith le díbirt neamhdhleathach agus aistriú neamhdhleathach chuig an Rúis agus chuig an mBealarúis leanaí ón Úcráin agus sibhialtaigh eile atá á ndéanamh ag an Rúis.

(3)

A fhad agus a leantar de shárú a dhéanamh ar an toirmeasc ar úsáid fornirt, ar riail dhomhaolaithe den dlí idirnáisiúnta é, trí ghníomhaíochtaí neamhdhleathacha Chónaidhm na Rúise, is iomchuí na bearta uile arna bhforchur ag an Aontas a choinneáil i bhfeidhm agus bearta breise a dhéanamh, más gá. Dá bhrí sin, ba cheart Cinneadh 2014/512/CBES a athnuachan go ceann 6 mhí eile.

(4)

Ba cheart, dá bhrí sin, Cinneadh 2014/512/CBES a leasú dá réir,

(1)

Le Cinneadh (CBES) 2021/509 ón gComhairle (1), bunaítear an tSaoráid Eorpach Síochána chun go maoineodh Ballstáit gníomhaíochtaí an Aontais faoin gComhbheartas Eachtrach agus Slándála (CBES) chun an tsíocháin a chaomhnú, coinbhleachtaí a chosc agus an tslándáil idirnáisiúnta a neartú de bhun Airteagal 21(2), pointe (c), den Chonradh. Go háirithe, de bhun Airteagal 1(2) de Chinneadh (CBES) 2021/509, tá an tSaoráid Eorpach Síochána le húsáid chun bearta cúnaimh a mhaoiniú ar nós gníomhaíochtaí chun acmhainneachtaí tríú stáit agus eagraíochtaí réigiúnacha agus idirnáisiúnta maidir le cúrsaí míleata agus cosanta a neartú.

(2)

Léirítear leis an ngéarchéim atá i gcúigí oirthearacha Phoblacht Dhaonlathach an Chongó go leanfar de bheith ag íoc an chostais thragóidigh dhaonna mura mbainfear síocháin bhuan chuimsitheach amach. Tá ceann de na géarchéimeanna daonnúla is measa agus is faide ar domhan ann mar thoradh ar éagobhsaíocht leanúnach, agus tá an baol ann go mbeadh an réigiún mar dhaingean ag an sceimhlitheoireacht agus ag líonraí coiriúla trasnáisiúnta.

(3)

Is príomhthosaíocht de chuid an Aontais é an tsíocháin, an tslándáil, agus an chobhsaíocht agus an urraim do chearta an duine a áirithiú go fadtéarmach i gcúigí oirthearacha Phoblacht Dhaonlathach an Chongó agus sa réigiún go forleathan, i gcomhréir le cur chuige comhtháite. Is eol don Aontas a thábhachtaí atá na holltoghcháin arna ngairm do mhí na Nollag 2023.

(4)

An 13 Feabhra 2023, fuair Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’) iarraidh ar an Aontas ó Phoblacht Dhaonlathach an Chongó cuidiú le Fórsaí Armtha Phoblacht Dhaonlathach an Chongó príomhthrealamh a fháil agus bonneagar bunúsach a thógáil faoin tSaoráid Eorpach Síochána.

(5)

Cuirfear bearta cúnaimh chun feidhme agus na prionsabail agus na ceanglais a leagtar amach i gCinneadh (CBES) 2021/509 á gcur san áireamh, go háirithe comhlíonadh Chomhsheasamh 2008/944/CBES ón gComhairle (2), agus i gcomhréir leis na rialacha maidir le cur chun feidhme an ioncaim agus an chaiteachais a mhaoinítear faoin tSaoráid Eorpach Síochána.

(6)

Beidh an cur chun feidhme faoi réir freisin ag an measúnú leathbhliantúla ar fhorbairtí polaitiúla i bPoblacht Dhaonlathach an Chongó, i gcomhréir leis an gcreat modheolaíochta comhtháite chun na bearta agus na rialuithe atá riachtanach le haghaidh bearta cúnaimh faoi Shaoráid Eorpach Síochána a mheasúnú agus a shainaithint.

(7)

Athdhearbhaíonn an Chomhairle go bhfuil rún daingean aici cearta an duine, saoirsí bunúsacha agus prionsabail dhaonlathacha a chosaint, a chur chun cinn agus a shuíomh, agus an smacht reachta agus an dea-rialachas a neartú, i gcomhréir le Cairt na Náisiún Aontaithe, le Dearbhú Uilechoiteann Chearta an Duine agus leis an dlí idirnáisiúnta, go háirithe an dlí idirnáisiúnta um chearta an duine agus an dlí daonnúil idirnáisiúnta,

(1)

An 30 Iúil 2021, ghlac an Chomhairle Cinneadh (CBES) 2021/1277 (1), a bhaineann le bearta sriantacha i bhfianaise na staide sa Liobáin.

(2)

Beidh feidhm ag Cinneadh (CBES) 2021/1277 go dtí an 31 Iúil 2023. Ar bhonn athbhreithniú ar an gCinneadh sin, ba cheart na bearta sriantacha a leagtar amach ann a athnuachan go dtí an 31 Iúil 2024.

(3)

Ba cheart, dá bhrí sin, Cinneadh (CBES) 2021/1277 a leasú dá réir,

(1)

Is galar víreasach tógálach é an fliú éanúil ardphataigineach (HPAI) in éin agus d’fhéadfadh tionchar tromchúiseach a bheith aige ar bhrabúsacht na feirmeoireachta éanlaithe clóis, rud a chuirfeadh isteach ar thrádáil laistigh den Aontas agus ar onnmhairí chuig tríú tíortha. Is féidir le víris HPAI éin imirceacha a ionfhabhtú, rud a fhágann gur féidir leo na víris sin a leathadh thar achair fhada le linn a n-imircí san fhómhar agus san earrach. Dá bhrí sin, is bagairt leanúnach é víris HPAI a bheith in éin fhiáine maidir le tabhairt isteach na víreas sin go díreach agus go hindíreach i mbunaíochtaí ina gcoimeádtar éanlaith chlóis nó éin i mbraighdeanas. I gcás ráig HPAI, tá baol ann go bhféadfaidh an t-oibreán galair leathadh go bunaíochtaí eile ina gcoimeádtar éanlaith chlóis nó éin i mbraighdeanas.

(2)

Le Rialachán (AE) 2016/429 bunaítear creat reachtach nua chun galair a chosc agus a rialú, ar galair iad atá in-tarchurtha chuig ainmhithe nó chuig daoine. Tagann HPAI faoin sainmhíniú ar ghalar liostaithe sa Rialachán sin, agus tá sé faoi réir na rialacha coisctheacha agus rialaithe galar a leagtar síos ann. Ina theannta sin, le Rialachán Tarmligthe (AE) 2020/687 ón gCoimisiún (2) déantar forlíonadh ar Rialachán (AE) 2016/429 a mhéid a bhaineann leis na rialacha maidir le galair liostaithe áirithe a chosc agus a rialú, lena n-áirítear bearta rialaithe galar le haghaidh HPAI.

(3)

Glacadh Cinneadh Cur Chun Feidhme (AE) 2021/641 (3) ón gCoimisiún faoi chuimsiú Rialachán (AE) 2016/429 agus leagtar síos leis bearta éigeandála ar leibhéal an Aontais i ndáil le ráigeanna HPAI.

(4)

Go háirithe, le Cinneadh Cur Chun Feidhme (AE) 2021/641 déantar foráil maidir leis na criosanna cosanta agus faireachais agus na criosanna srianta breise arna mbunú ag na Ballstáit tar éis ráigeanna HPAI, i gcomhréir le Rialachán Tarmligthe (AE) 2020/687, go gcuimseoidh siad ar a laghad na limistéir a liostaítear mar chriosanna cosanta agus faireachais agus criosanna srianta breise san Iarscríbhinn a ghabhann leis an gCinneadh Cur Chun Feidhme sin.

(5)

Leasaíodh an Iarscríbhinn a ghabhann le Cinneadh Cur Chun Feidhme (AE) 2021/641 le déanaí le Cinneadh Cur Chun Feidhme (AE) 2023/1337 ón gCoimisiún (4) tar éis ráigeanna HPAI in éanlaith chlóis nó in éin i mbraighdeanas sa Fhrainc, rud ba ghá a léiriú san Iarscríbhinn sin.

(6)

Ón dáta a glacadh Cinneadh Cur Chun Feidhme (AE) 2023/1337, thug an Danmhairg, an Ghearmáin, an Fhrainc, an Iodáil, an Pholainn agus an tSualainn fógra don Choimisiún faoi ráigeanna HPAI i mbunaíochtaí inar coinníodh éanlaith chlóis nó éin i mbraighdeanas, atá lonnaithe i mBardasacht Nyborg sa Danmhairg, in Schleswig-Holstein Land sa Ghearmáin, i ranna Pas-de-Calais, Landes agus La Réunion sa Fhrainc, i Réigiún Lombardia san Iodáil, i gcúige Małopolskie sa Pholainn agus i mbardasacht Gotland sa tSualainn.

(7)

Tá na bearta rialaithe galar is gá déanta ag údaráis inniúla na Danmhairge, na Gearmáine, na Fraince, na hIodáile, na Polainne, agus na Sualainne i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall ar na ráigeanna.

(8)

Thairis sin, an ráig atá deimhnithe sa Ghearmáin, tá sí dlúth leis an teorainn leis an Danmhairg. Dá réir sin, tá comhoibriú cuí déanta ag údaráis inniúla na Gearmáine agus na Danmhairge maidir le bunú an chreasa faireachais is gá, i gcomhréir le Rialachán Tarmligthe (AE) 2020/687, ós rud é go bhfuil an crios faireachais ag síneadh isteach i gcríoch na Danmhairge.

(9)

Tá scrúdú déanta ag an gCoimisiún ar na bearta rialaithe galar a rinne an Danmhairg, an Ghearmáin, an Fhrainc, an Iodáil, an Pholainn agus an tSualainn i gcomhar leis na Ballstáit sin agus tá sé sásta go bhfuil teorainneacha na gcriosanna cosanta agus faireachais arna mbunú ag údaráis inniúla na mBallstát sin, go bhfuil siad fada go leor ó na bunaíochtaí inar deimhníodh na ráigeanna de HPAI.

(10)

San Iarscríbhinn a ghabhann le Cinneadh Cur Chun Feidhme (AE) 2021/641, níl aon limistéar liostaithe faoi láthair mar chriosanna cosanta agus faireachais don Ghearmáin agus don Pholainn agus níl aon limistéar liostaithe mar chrios cosanta agus crios faireachais don Danmhairg, don Iodáil agus don tSualainn.

(11)

Chun aon suaitheadh nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá tuairisc a thabhairt go mear ar leibhéal an Aontais, i gcomhar leis an Danmhairg, leis an nGearmáin, leis an bhFrainc, leis an Iodáil, leis an bPolainn agus leis an tSualainn, ar na criosanna cosanta agus faireachais arna mbunú go cuí ag na Ballstáit sin i gcomhréir le Rialachán Tarmligthe (AE) 2020/687.

(12)

Dá bhrí sin, ba cheart na limistéir a liostaítear mar chriosanna cosanta agus faireachais don Fhrainc agus na limistéir a liostaítear mar chrios faireachais don Ghearmáin agus don Pholainn san Iarscríbhinn a ghabhann le Cinneadh Cur Chun Feidhme (AE) 2021/641 a leasú.

(13)

Ina theannta sin, ba cheart criosanna cosanta a liostú don Ghearmáin agus don Pholainn agus ba cheart criosanna cosanta agus faireachais a liostú don Danmhairg, don Iodáil agus don tSualainn san Iarscríbhinn a ghabhann le Cinneadh Cur Chun Feidhme (AE) 2021/641.

(14)

Dá réir sin, ba cheart an Iarscríbhinn a ghabhann le Cinneadh Cur Chun Feidhme (AE) 2021/641 a leasú chun an réigiúnú a thabhairt cothrom le dáta ar leibhéal an Aontais chun aird a thabhairt ar na criosanna cosanta agus faireachais arna mbunú go cuí ag an Danmhairg, ag an nGearmáin, ag an bhFrainc, ag an Iodáil, ag an bPolainn agus ag an tSualainn, agus ar an gcrios faireachais arna bhunú go cuí ag an Danmhairg, i gcomhréir le Rialachán Tarmligthe (AE) 2020/687, agus ré na mbeart is infheidhme ann.

(15)

Dá bhrí sin, ba cheart Cinneadh Cur Chun Feidhme (AE) 2021/641 a leasú dá réir.

(16)

I bhfianaise phráinn na staide eipidéimeolaíche san Aontas a mhéid a bhaineann le leathadh HPAI, tá sé tábhachtach go dtiocfaidh na leasuithe atá le déanamh ar Chinneadh Cur Chun Feidhme (AE) 2021/641 leis an gCinneadh seo i bhfeidhm a luaithe is féidir.

(17)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is galar veicteoir-iompartha é galar an chraicinn chnapánaigh, arb é is cúis leis víreas ghalar an chraicinn chnapánaigh, galar a bhíonn ar bhó-ainmhithe agus is cúis le caillteanais eacnamaíocha nach beag, laghdú ar an tál bainne, cnaíteacht thromchúiseach, damáiste buan do sheithí, roinnt deacrachtaí tánaisteacha agus éineart ainsealach ar feadh míonna, agus toirmisc thrádála. Tá an galar eindéimeach san Aifric, agus áirítear é ar liosta na hEagraíochta Dhomhanda um Shláinte Ainmhithe de ghalair infhógartha.

(2)

Tháinig galar an chraicinn chnapánaigh chun cinn san Aontas den chéad uair in 2015 sa Ghréig. In 2016 leath an galar go tapa in go leor tíortha in Oirdheisceart na hEorpa, lena áirítear an Albáin, an Bhulgáir, an Ghréig, an Chosaiv (*1), an Mhacadóin Thuaidh, Montainéagró agus an tSeirbia. I ngach tír a bualadh cuireadh an galar faoi smacht go héifeachtach trí ollvacsaíniú bó-ainmhithe, le vacsaíní homalógacha beo, arna athdhéanamh gach bliain, i gcomhréir le sonraíochtaí na vacsaíní. Ina theannta sin, maidir leis an gCróit agus an Bhoisnia agus an Heirseagaivéin, tíortha nach raibh buailte le galar an chraicinn chnapánaigh, chuir siad vacsaíniú chun feidhme mar bheart coisctheach, i bhfianaise an galar a bheith ag tarlú i dtíortha comharsanacha.

(3)

Glacadh Rialachán Cur Chun Feidhme (AE) 2021/1070 ón gCoimisiún (2) faoi chuimsiú Rialachán (AE) 2016/429, agus leagtar síos leis bearta speisialta rialaithe in aghaidh ghalar an chraicinn chnapánaigh ar feadh tréimhse teoranta ama. Bhí feidhm ag an Rialachán Cur Chun Feidhme sin go dtí an 21 Aibreán 2023.

(4)

Go sonrach, le Rialachán Cur Chun Feidhme (AE) 2021/1070 sainítear na criosanna i mBallstát ina ndéantar vacsaíniú in aghaidh ghalar an chraicinn chnapánaigh, agus na rialacha speisialta rialaithe galar laistigh de gach crios. Aicmítear na criosanna sin mar chrios srianta I, lonnaithe lasmuigh de limistéar inar deimhníodh ráig d’ionfhabhtú le víreas ghalar an chraicinn chnapánaigh, agus crios srianta II, crios a chuimsíonn limistéar inar deimhníodh ráig d’ionfhabhtú le víreas ghalar an chraicinn chnapánaigh.

(5)

Thairis sin, le Rialachán Cur Chun Feidhme (AE) 2021/1070 rinneadh foráil maidir le srianta i ndáil le gluaiseachtaí bó-ainmhithe agus táirgí uathu, táirgí geirmeacha, agus seachtháirgí ainmhithe ó chriosanna srianta I agus II, agus maoluithe i ndáil leis na srianta sin. Ina theannta sin, leis an Rialachán sin rinneadh forálacha maidir le rialacha i ndáil leis na hoibleagáidí ar oibreoirí a mhéid a bhaineann le deimhnithe sláinte ainmhithe i dtaca le gluaiseachtaí bó-ainmhithe, táirgí geirmeacha, agus seachtháirgí ainmhithe neamhphróiseáilte uathu, ó chriosanna I agus II, lasmuigh de na criosanna sin.

(6)

Tháinig Rialachán Tarmligthe (AE) 2023/361 ón gCoimisiún (3) i bhfeidhm an 12 Márta 2023, agus leagtar rialacha síos leis maidir le húsáid táirgí íocshláinte tréidliachta áirithe chun galair liostaithe áirithe a chosc agus a rialú, lena n-áirítear rialacha maidir le vacsaíniú in aghaidh ghalar an chraicinn chnapánaigh. Ina theannta sin, le hAirteagal 9 den Rialachán Tarmligthe sin agus le hIarscríbhinn IX a ghabhann leis déantar foráil maidir le bunú criosanna vacsaínithe I agus II a chomhfhreagraíonn do chriosanna srianta I agus II de Rialachán Cur Chun Feidhme (AE) 2021/1070.

(7)

Ina theannta sin, le Rialachán Tarmligthe (AE) 2023/361 leagtar síos rialacha agus srianta i ndáil le bó-ainmhithe atá vacsaínithe in aghaidh ghalar an chraicinn chnapánaigh agus i ndáil leis na táirgí geirmeacha agus na seachtháirgí ainmhithe neamhphróiseáilte uathu, ar rialacha agus srianta iad a chomhfhreagraíonn do na rialacha agus srianta a leagtar síos i Rialachán Cur Chun Feidhme (AE) 2021/1070, seachas na rialacha agus srianta a bhaineann leis na hoibleagáidí ar oibreoirí maidir le deimhnithe sláinte ainmhithe.

(8)

Le Rialachán Tarmligthe (AE) 2023/361 déantar foráil freisin maidir le tréimhsí athshlánaithe le haghaidh ghalar an chraicinn chnapánaigh, i ndiaidh vacsaíniú próifiolacsach éigeandála, ar tréimhsí idir 8 agus 26 mhí iad, de réir an chineál faireachais, an chrios vacsaínithe, agus an tráth a mharaítear an cás deiridh de ghalar an chraicinn chnapánaigh nó an tráth a rinneadh an vacsaíniú deiridh.

(9)

Ó bhí 2017 ann níor tuairiscíodh aon ráig de ghalar an chraicinn chnapánaigh san Eoraip, cé gur taifeadadh galar an chraicinn chnapánaigh i gcodanna d’Anatóil na Tuirce go dtí 2021 agus cé go bhfuil sé fós i láthair sa Rúis agus á leathadh go fóill san Áise, ag déanamh difear do thíortha i bhfo-ilchríoch na hIndia, san Áise Thoir agus in Oirdheisceart na hÁise. I bhfianaise na staide eipidéimeolaíche atá ann san Eoraip, gach tír in Oirdheisceart na hEorpa a chuir vacsaíniú in aghaidh ghalar an chraicinn chnapánaigh chun feidhme, cé is moite den Bhulgáir, den Ghréig agus den Tuirc, tá deireadh curtha acu leis an vacsaíniú anois.

(10)

Tá a gcláir vacsaínithe in aghaidh ghalar an chraicinn chnapánaigh le haghaidh 2023 curtha faoi bhráid an Choimisiúin ag an mBulgáir agus ag an nGréig cheana féin, agus rinneadh meastóireacht ar na cláir sin agus formheasadh iad faoi chuimsiú Rialachán (AE) 2021/690 ó Pharlaimint na hEorpa agus ón gComhairle (4). Maidir le cineál agus inneachar na meastóireachta teicniúla agus an fhormheasa ar na cláir vacsaínithe sin, comhlíonann siad sin ceanglais an phlean oifigiúil vacsaínithe chun galair chatagóir A a chosc agus a rialú in ainmhithe talún agus uisceacha, plean a leagtar síos in Airteagal 6 de Rialachán Tarmligthe 2023/361.

(11)

I bhfianaise Rialachán Cur Chun Feidhme (AE) 2021/1070 a bheith imithe in éag, tá sé ríthábhachtach na limistéir a shainítear mar chriosanna vacsaínithe I agus II sa Bhulgáir agus sa Ghréig i ndáil le galar an chraicinn chnapánaigh a liostú, ar criosanna vacsaínithe iad a chomhfhreagraíonn do chriosanna srianta I agus II de Rialachán Cur Chun Feidhme (AE) 2021/1070, agus tá sé ríthábhachtach freisin rialacha breise a leagan síos i ndáil leis na hoibleagáidí ar oibreoirí maidir le deimhnithe sláinte ainmhithe i dtaca le gluaiseachtaí bó-ainmhithe, agus i dtaca le gluaiseachtaí táirgí geirmeacha agus seachtháirgí ainmhithe neamhphróiseáilte uathu, ó chriosanna vacsaínithe I agus II, lasmuigh de na criosanna sin, chun a áirithiú go mbeidh faisnéis sláinte leordhóthanach chruinn le fáil sna deimhnithe sláinte ainmhithe sin agus go mbeidh siad leanúnach leis na bearta a bhí ann roimhe sin.

(12)

Agus pleananna vacsaínithe na Bulgáire agus na Gréige le haghaidh 2023, an staid eipidéimeolaíoch a mhéid a bhaineann leis an ngalar sin san Aontas, agus an tréimhse athshlánaithe maidir le galar an chraicinn chnapánaigh a leagtar síos i Rialachán Tarmligthe (AE) 2023/361 á gcur san áireamh, beidh feidhm ag an gCinneadh seo go dtí an 31 Lúnasa 2024,

(13)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

2.

1.

2.

3.

4.

5.

1.

2.

3.

4.

5.

6.

7.

1.

2.

3.

1.

2.

3.

4.

5.

6.

7.

1.

2.

(a)

tuairimí, tuarascálacha agus rúin a ghlacadh;

(b)

dréachtmheastacháin ar chaiteachas agus ioncam an Choiste a ghlacadh;

(c)

tosaíochtaí polaitiúla an Choiste a ghlacadh;

(d)

an tUachtarán, an chéad Leas-Uachtarán agus comhaltaí eile an Bhiúró a thoghadh;

(e)

coimisiúin a chur ar bun;

(f)

Rialacha Nós Imeachta an Choiste a ghlacadh agus a athbhreithniú;

(g)

cóid iompair do na comhaltaí a ghlacadh agus a athbhreithniú;

(h)

tar éis dó a fhíorú go bhfuil córam ann de réir na chéad abairte de Riail 22(1) de na Rialacha Nós Imeachta, cinneadh a dhéanamh, trí thromlach na vótaí arna gcaitheamh, maidir le togra ó Uachtarán an Choiste, nó ón gcoimisiún inniúil ag gníomhú dó i gcomhréir le Riail 57 agus le Riail 58, chun caingean nó iarratas ar idiragairt a thabhairt os comhair Chúirt Bhreithiúnais an Aontais Eorpaigh. Nuair a ghlacfar an cinneadh sin, tionscnóidh an tUachtarán an chaingean thar ceann an Choiste.

1.

2.

1.

2.

3.

4.

5.

6.

7.

Ní bheidh feidhm ag an bhforáil seo i gcásanna ina bhfuil sprioc-am socraithe ag an gComhairle, an Coimisiún nó Parlaimint na hEorpa a fhágann nach féidir glacadh doiciméid le haghaidh cinneadh a chur ar athló.

Na leasuithe uile lena mbaineann arna gcur síos go cuí, beidh siad ag gabháil le doiciméad le haghaidh cinneadh a chuirfear ar athló go dtí seisiún den Tionól Iomlánach amach anseo. Tar éis an vóta a chur ar atráth, socrófar sprioc-am nua chun leasuithe a chur síos.

1.

2.

3.

1.

2.

3.

4.

5.

6.

1.