(1)

De bhun Airteagal 1 de Rialachán (AE) 2022/2560, ceadaítear leis an Rialachán sin imscrúdú a dhéanamh ar fhóirdheontais eachtracha lena saobhtar an margadh inmheánach agus saobhadh den sórt sin a leigheas. Is gá na rialacha agus na nósanna imeachta sonracha a leagan síos a bhaineann, i measc nithe eile, le fógraí a chur isteach de bhun Airteagal 21 agus Airteagal 29 de Rialachán (AE) 2022/2560, agallaimh a dhéanamh agus ráitis ó bhéal a sholáthar faoi Airteagal 13, Airteagal 14 agus Airteagal 15 de Rialachán (AE) 2022/2560, gealltanais a chur isteach faoi Airteagal 25 agus faoi Airteagal 31 de Rialachán (AE) 2022/2560, agus na mionsonraí a bhaineann leis an nochtadh agus le cearta cosanta an ghnóthais atá faoi imscrúdú faoi Airteagal 42 de Rialachán (AE) 2022/2560.

(2)

De bhun Airteagal 20 de Rialachán (AE) 2022/2560, ceanglaítear ar dhaoine agus ar ghnóthais fógra a thabhairt faoi chomhchruinnithe móra áirithe lena mbaineann ranníocaíochtaí airgeadais eachtracha substaintiúla sula gcuirfear an comhchruinniú i bhfeidhm. Le hAirteagal 29 de Rialachán (AE) 2022/2560 ceanglaítear freisin go dtabharfar fógra faoi ranníocaíochtaí airgeadais eachtracha i gcomhthéacs nósanna imeachta soláthair phoiblí os cionn tairseacha áirithe sula ndámhfar an conradh. Mura gcomhlíontar an oibleagáid fógra a thabhairt, i measc nithe eile, beidh an duine nó an gnóthas faoi dhliteanas fíneálacha a íoc agus íocaíochtaí pionósacha tréimhsiúla. Dá bhrí sin, is gá sainmhíniú beacht a dhéanamh ar na páirtithe atá freagrach as an bhfógra a chur isteach agus as inneachar na faisnéise atá le soláthar san fhógra.

(3)

I dtaca leis na fíorais agus na himthosca is ábhartha chun cinneadh a dhéanamh maidir leis an gcomhchruinniú ar tugadh fógra ina leith nó le ranníocaíochtaí airgeadais eachtracha i gcomhthéacs nós imeachta soláthair phoiblí, is faoi dhaoine nó faoi ghnóthais dá dtagraítear i in Airteagail 21(3) agus 29(5) de Rialachán (AE) 2022/2560 atá sé iad a nochtadh go hiomlán agus go cruinn don Choimisiún.

(4)

Chun na fógraí agus measúnú an Choimisiúin a shimpliú, ba cheart foirmeacha caighdeánaithe a leagan amach sna hIarscríbhinní a ghabhann leis an Rialachán seo. Féadfar foirmeacha leictreonacha ina mbeidh na ceanglais chéanna maidir le faisnéis a chur ina n-ionad sin.

(5)

I gcomhréir le hAirteagal 10(3) de Rialachán (AE) 2022/2560, i gcásanna inarb amhlaidh, de thoradh an réamh-athbhreithnithe, go mbeidh táscairí leordhóthanacha ag an gCoimisiún gur deonaíodh fóirdheontas eachtrach do ghnóthas lena saobhtar an margadh inmheánach, ba cheart don Choimisiún nós imeachta grinn-imscrúdúcháin a oscailt chun é a chur ar a chumas dó tuilleadh faisnéise a bhailiú chun measúnú a dhéanamh an ann don fhóirdheontas agus ar éifeachtaí saobhacha iarbhír nó féideartha an fhóirdheontais eachtraigh. Is gá na rialacha maidir le teorainn ama a leagan síos ar lena linn sin is féidir leis an ngnóthas faoi imscrúdú agus daoine eile, lena n-áirítear na Ballstáit agus an tríú tír a dheonaigh an fóirdheontas eachtrach sin, a mbarúlacha maidir leis an gcinneadh ón gCoimisiún a chur isteach chun grinn-imscrúdú a thionscnamh, i gcomhréir le hAirteagal 40(1) de Rialachán (AE) 2022/2560.

(6)

De bhun Airteagal 13(7) de Rialachán (AE) 2022/2560, féadfaidh an Coimisiún, agus imscrúduithe á ndéanamh aige, agallamh a chur ar aon duine nádúrtha nó dlítheanach eile a aontaíonn go gcuirfí agallamh air chun faisnéis a bhailiú i ndáil le hábhar an imscrúdaithe. Agus an gá á urramú an chothroime agus an trédhearcacht dhlíthiúil a áirithiú, roimh agallaimh a dhéanamh le daoine nádúrtha nó le daoine dlítheanacha a thoilíonn go gcuirfí agallamh orthu, ba cheart don Choimisiún bunús dlí an agallaimh a chur in iúl dóibh. Ba cheart cuspóir an agallaimh a chur in iúl do na daoine a gcuirfear agallamh orthu freisin agus ba cheart deis a thabhairt dóibh chun barúil a thabhairt maidir leis an agallamh doiciméadaithe sin. Ba cheart don Choimisiún teorainn ama a leagan síos ar lena linn sin a fhéadfaidh an duine a gcuirfear agallamh air aon bharúil ar an agallamh doiciméadaithe a chur in iúl dó.

(7)

De bhun Airteagal 14(2), pointe (c) agus Airteagal 15 de Rialachán (AE) 2022/2560 féadfaidh an Coimisiún, agus cigireachtaí á ndéanamh aige laistigh den Aontas nó lasmuigh de, iarraidh ar aon ionadaí nó ar aon bhall foirne gnóthais nó comhlachais gnóthas mínithe a thabhairt ar fhíorais nó ar dhoiciméid a bhaineann le hábhar agus le cuspóir na cigireachta agus na freagraí a dhoiciméadú. Ba cheart na ráitis dhoiciméadaithe ó bhéal a chur ar fáil don d’ionadaí údaraithe an ghnóthais nó an chomhlachais gnóthas. I gcás mínithe arna dtabhairt ag ball foirne neamhúdaraithe, ba cheart deis a thabhairt don ghnóthas nó don chomhlachas gnóthas chun barúil a thabhairt faoi na mínithe doiciméadaithe.

(8)

De bhun Airteagal 13(5) de Rialachán (AE) 2022/2560, bíonn sé d’oibleagáid ar na Ballstáit an fhaisnéis uile is gá a sholáthar don Choimisiún chun imscrúduithe a dhéanamh faoin Rialachán sin. Chun a áirithiú go mbeidh an fhaisnéis sin uile ar fáil don Choimisiún i gcomhthéacs nósanna imeachta soláthair phoiblí, ba cheart feidhm a bheith ag an oibleagáid sin freisin le húdaráis chonarthacha nó le heintitis chonarthacha atá i gceannas ar an nós imeachta soláthair phoiblí ábhartha freisin.

(9)

Chun é a chur ar a chumas don Choimisiún measúnú ceart a dhéanamh chun cinneadh a ghlacadh in éineacht le gealltanais arna dtairiscint ag an ngnóthas atá faoi imscrúdú d’fhonn saobhadh sa mhargadh inmheánach a leigheas, ba cheart an nós imeachta chun gealltanais a mholadh de bhun Airteagal 11(3) de Rialachán (AE) 2022/2560 agus teorainneacha ama chun gealltanais a mholadh faoi Airteagail 25 agus 31 de Rialachán (AE) 2022/2560 a leagan síos.

(10)

Ar mhaithe leis an trédhearcacht a áirithiú, féadfaidh an Coimisiún, i gcás inarb iomchuí, oibleagáidí tuairiscithe agus trédhearcachta a fhorchur de bhun Airteagal 7(5) agus Airteagal 8 de Rialachán (AE) 2022/2560 i ngníomhartha lena gcuirfear clabhsúr le grinn-imscrúdú de bhun Airteagal 11 de Rialachán (AE) 2022/2560. Ba cheart a cheadú leis na hoibleagáidí sin don Choimisiún saobhadh féideartha ar an margadh inmheánach a bhrath nó faireachán a dhéanamh ar chur chun feidhme a ghníomhartha arna nglacadh faoi Rialachán (AE) 2022/2560. Dá bhrí sin, is gá foirm, ábhar agus mionsonraí nós imeachta na n-oibleagáidí sin a bheith soiléirithe.

(11)

De bhun Airteagal 42(1) de Rialachán (AE) 2022/2560, i gcomhréir leis an bprionsabal maidir le cearta na cosanta a urramú, ba cheart deis a thabhairt don ghnóthas atá faoi imscrúdú, sula nglacfaidh an Coimisiún cinneadh de bhun Airteagail 11, 12, 17, 18, 25(3), 26, 31 nó 33 de Rialachán (AE) 2022/2560, a bharúlacha a chur isteach faoin bhforas ar fad ar a bhfuil sé beartaithe ag an gCoimisiún ina chinneadh a ghlacadh. I gcomhréir le hAirteagal 42(4) de Rialachán (AE) 2022/2560, is gá rialacha a leagan síos maidir lena mhéid ba cheart rochtain a dheonú do ghnóthas atá faoi imscrúdú ar an gcomhad de chuid an Choimisiúin. Cé gur cheart an ceart a bheith ag an ngnóthas atá faoi imscrúdú i gcónaí na leaganacha neamhrúnda de na doiciméid uile atá luaite san fhoras a fháil ón gCoimisiún, ba cheart rochtain ar na doiciméid uile atá i gcomhad an Choimisiúin a thabhairt do líon teoranta comhairleoirí sonraithe seachtracha dlí nó eacnamaíocha nó saineolaithe teicniúla seachtracha sonraithe, gan aon fholú, thar ceann an ghnóthais atá faoi imscrúdú, faoi théarmaí a leagfar amach i gcinneadh ón gCoimisiún. Ba cheart teorainn a chur leis an rochtain sin i gcásanna áirithe, lena n-áirítear i gcás ina ndéanfadh nochtadh doiciméad áirithe dochar don pháirtí a chuir isteach iad nó má bhíonn tús áite ag leasanna eile.

(12)

De bhun Airteagal 42(4) de Rialachán (AE) 2022/2560, agus é ag deonú rochtana ar an gcomhad, ba cheart don Choimisiún cosaint rúin ghnó nó faisnéise rúnda eile a áirithiú. Dá bhrí sin, is gá rialacha mionsonraithe a leagan amach lena gcuirfear ar a chumas don Choimisiún iarraidh ar dhaoine agus gnóthais a chuireann nó a chuir faisnéis isteach, lena n-áirítear doiciméid, rúin ghnó nó faisnéis rúnda eile a shainaithint ina dtíolacthaí nó a mhéid a bhaineann le faisnéis i bhfógra nó cinneadh achoimre, agus é a chur ar a chumas don Choimisiún an chaoi a ndéileofar le faisnéis áirithe i gcás easaontú faoi rúndacht a chinneadh.

(13)

Ós rud é, ar fhógra a thabhairt, go ndéantar na teorainneacha ama dlíthiúla a thionscnamh ar teorainneacha iad a leagtar síos i Rialachán (AE) Uimh. 2022/2560, ba cheart na coinníollacha lena rialaítear na teorainneacha ama sin agus an dáta a dtiocfaidh éifeacht leo a chinneadh freisin. Go háirithe, ba cheart tús agus deireadh na dteorainneacha ama agus na himthosca lena gcuirtear reáchtáil teorainneacha den sórt sin ar fionraí a chinneadh.

(14)

I dtaca le doiciméid a tharchur chuig an gCoimisiún agus uaidh, ba cheart an tarchur sin tarlú i bprionsabal trí mhodhanna digiteacha, agus forbairtí i dteicneolaíocht faisnéise agus cumarsáide agus sochar comhshaoil tarchur den sórt sin á mbreithniú. Go háirithe, ba cheart feidhm a bheith aige sin, de bhun Airteagal 47(1) pointí (a), (b) agus (h) de Rialachán (AE) 2022/2560, maidir le fógraí, freagraí ar iarrataí ar fhaisnéis, barúlacha faoin bhforas ar bhfuil sé beartaithe ag an gCoimisiún a chinneadh a ghlacadh, ar cinneadh é atá dírithe ar an ngnóthas atá faoi imscrúdú, mar aon le gealltanais arna dtairiscint ag na páirtithe a bhfuil fógra á thabhairt acu.

(15)

Ar mhaithe leis an trédhearcacht agus deimhneacht dhlíthiúil, ba cheart an Rialachán seo a theacht i bhfeidhm roimh thús chur i bhfeidhm Rialachán (AE) 2022/2560.

(1)

Le Rialachán (AE) Uimh. 10/2011 ón gCoimisiún (2) leagtar síos rialacha sonracha maidir le hábhair phlaisteacha agus earraí plaisteacha a bheartaítear lena dteacht i dteagmháil le bia. Go háirithe, le hIarscríbhinn I a ghabhann le Rialachán (AE) Uimh. 10/2011 bunaítear liosta an Aontais de shubstaintí údaraithe is féidir a úsáid d’aon ghnó chun ábhair phlaisteacha agus earraí plaisteacha a bheartaítear lena dteacht i dteagmháil le bia a mhonarú.

(2)

Ó rinneadh an leasú deireanach ar Rialachán (AE) Uimh. 10/2011, d’fhoilsigh an tÚdarás Eorpach um Shábháilteacht Bia (‘an tÚdarás’) tuairimí eolaíocha breise maidir le substaintí nua a fhéadfar a úsáid in ábhair theagmhála bia (‘FCM’) agus maidir le húsáid substaintí atá údaraithe cheana féin. Ina theannta sin, sainaithníodh débhríochtaí áirithe a bhain le cur i bhfeidhm an Rialacháin sin. Chun a áirithiú go gcuirfear dul chun cinn eolaíoch agus teicniúil san áireamh i Rialachán (AE) Uimh. 10/2011, go háirithe na torthaí is déanaí ón Údarás, agus chun deireadh a chur le haon amhras maidir lena chur i bhfeidhm ceart, ba cheart an Rialachán sin a leasú.

(3)

Údaraítear an tsubstaint ‘plúr adhmaid agus snáithíní adhmaid, neamhchóireáilte’ (Uimh. FCM 96,‘adhmad’) faoi láthair mar bhreiseán in ábhair phlaisteacha theagmhála bia ar bhonn meastóireacht ón gCoiste Eolaíoch um Bia inar thángthas ar an gconclúid gur ábhair thámha iad plúr adhmaid agus snáithíní adhmaid. Mar sin féin, ina thuairim uaidh (3) i mí na Samhna 2019 ní raibh an tÚdarás in ann foras na conclúide sin a bhailíochtú. Dúirt sé nach féidir adhmad a mheas mar ábhar támh per se, de bharr mhéid na substaintí ísealmheáchain mhóilíneacha ann. Thairis sin, ní léirítear sa tuairim aon choinníollacha faoina bhféadfaí a mheas go bhfuil úsáid adhmaid i bplaistigh sábháilte, agus tugann sí dá haire, de bharr na ndifríochtaí ceimiceacha i gcomhdhéanamh na n-ábhar plandaí, nach mór sábháilteacht ascnamh na n-ábhar sin a mheas ar bhonn cás ar chás, agus aird á tabhairt ní hamháin ar an speiceas ach freisin ar an tionscnamh, ar an próiseáil, ar an gcóireáil le haghaidh comhoiriúnú leis an bpolaiméir óstach agus ar an measúnú ar na comhábhair ísealmheáchain mhóilíneacha a ascnaíonn isteach i mbia. Ós rud é nach gcuirtear na gnéithe sin san áireamh san údarú maidir le hadhmad atá ann faoi láthair agus, dá bhrí sin, nach bhféadfar aird leordhóthanach a thabhairt ar úsáid shábháilte na substainte sin i bplaisteach, agus nach ndearna an tÚdarás foráil maidir le srianta eile a d’áiritheodh úsáid shábháilte na substainte sin i bplaisteach, ba cheart an t-údarú a chúlghairm.

(4)

An 29 Aibreán 2020, tar éis iarraidh a fháil ón gCoimisiún, ghlac an tÚdarás tuairim eolaíoch (4) ina ndearnadh athbhreithniú ar na 451 substaint a liostaítear in Iarscríbhinn I a ghabhann le Rialachán (AE) Uimh. 10/2011, nach bhfuil aon teorainn ascnaimh shonrach (‘SML’) socraithe ina leith de bhun Airteagal 11(1)(e) den Rialachán sin. Mheas sé gur ghá athmheastóireacht a dhéanamh ar 284 de na substaintí sin chun a chinneadh an bhfuil gá le teorainn ascnaimh shonrach agus rinne sé iad a aicmiú i dtrí ghrúpa tosaíochta. Cuireadh trí shubstaint isteach sa ‘ghrúpa ardtosaíochta’. As na trí shubstaint sin, is eol go n-úsáidtear stiréin (Uimh. FCM 193) go forleathan agus tá sí faoi réir athmheastóireachta cheana féin, agus maidir leis an tsubstaint aigéad lárach, eistear vinile (Uimh. FCM 436) chuir úsáideoir sonraí breise ar fáil don Údarás a léirigh go ndéanfadh athmheastóireacht í a aicmiú i ngrúpa tosaíochta níos ísle. Maidir leis an tríú substaint, aigéad salaicileach (Uimh. FCM 121), áfach, ní dhearna aon duine d’úsáideoirí na substainte sin teagmháil leis an gCoimisiún nó leis an Údarás, tar éis di a bheith curtha ar an liosta ardtosaíochta agus tar éis do sheirbhísí an Choimisiúin dul i gcomhairle leis na páirtithe leasmhara maidir lena húdarú a chúlghairm. Ní féidir leis an Údarás meastóireacht a dhéanamh ar úsáid substainte gan úsáideoir aitheanta a bheith ann, áfach, toisc go mbíonn air na coinníollacha úsáide a bheartaítear maidir leis an ábhar nó leis an earra ina n-úsáidfí an tsubstaint a chur san áireamh, agus ní féidir le haon duine ach an t-úsáideoir faisnéis den sórt sin a sholáthar. Ina theannta sin, dá gcuirfí ar fáil an fhaisnéis sin, is ar a bonn, den chuid is mó, a dhéanfaí raon feidhme aon údaraithe amach anseo a chinneadh, ar údarú é a d’fhéadfadh a bheith níos teoranta ná an t-údarú leathan atá ann faoi láthair. Dá bhrí sin, ós rud é nach eol aon úsáid shonrach ná úsáideoir sonrach aigéad salaicileach, agus i bhfianaise na héiginnteachta maidir leis na coinníollacha úsáide faoina gcomhlíonfadh úsáid na substainte sin Rialachán (CE) Uimh. 1935/2004, is iomchuí an t-údarú reatha d’aigéad salaicileach a chúlghairm.

(5)

Bunaithe ar thuairimí ón Údarás a glacadh in 2005 (5), tá cúig shubstaint ó ghrúpa ar a dtugtar ‘taláití’ de ghnáth, is iad sin Uimh. FCM 157 (‘DBP’), Uimh. FCM 159 (‘BBP’), Uimh. FCM 283 (‘DEHP’), Uimh. FCM 728 (‘DINP’) agus Uimh. FCM 729 (‘DIDP’), a údaraítear mar bhreiseáin lena n-úsáid mar phlaisteacháin agus mar oibreáin tacaíochta teicniúla in FCM plaisteach, faoi réir srianta sonracha ar úsáid agus teorainneacha ascnaimh.

(6)

Tar éis tuairim ón nGníomhaireacht Eorpach Ceimiceán (‘ECHA’) a fháil in 2017 maidir le tograí srianta le haghaidh roinnt de na taláití sin (6), d’iarr an Coimisiún ar an Údarás athmheasúnú a dhéanamh ar an riosca don tsláinte phoiblí ó thaláití a údaraítear lena n-úsáid i FCM plaisteach. Dá bhrí sin, ghlac an tÚdarás tuairim eolaíoch an 18 Meán Fómhair 2019 (7) lena ndeimhnítear na TDInna aonair a leagtar amach ina thuairimí uaidh in 2005 i leith gach ceann de na cúig thaláit ach rinneadh é sin ar bhonn sealadach amháin (t-TDI), de dheasca roinnt teorainneacha agus éiginnteachtaí a bhain leis an measúnú, ar nithe iad ar cheart aghaidh a thabhairt orthu amach anseo.

(7)

Shuigh an tÚdarás t-TDI grúpa nua freisin, bunaithe ar shásra comhchoiteann gníomhaíochta is bun le héifeachtaí atáirgthe DBP, BBP agus DEHP, agus a n-acmhainneachtaí coibhneasta á gcur san áireamh. Anuas air sin, mheas an tÚdarás gurb iomchuí DINP a chur san áireamh i t-TDI an ghrúpa mar chur chuige coimeádach bunaithe ar a éifeachtaí neamhbhuan ar leibhéil téististéaróin féatais, agus an neart níos airde DINP ar an ae á chur san áireamh ag an am céanna. Maidir le t-TDI an ghrúpa i gcás DBP, BBP, DEHP agus DINP, shocraigh an tÚdarás é ag 50 micreagram in aghaidh an chileagraim de mheáchan coirp (μg/kg bw) arna shloinneadh mar neart coibhéiseach DEHP. Níor chuir an tÚdarás DIDP san áireamh i t-TDI an ghrúpa agus shocraigh sé t-TDI aonair de 150 μg/kg bw ina leith bunaithe ar éifeachtaí ar an ae, agus é i gcomhréir lena thorthaí ó 2005.

(8)

Chun an riosca a shaintréithriú tuilleadh, rinne an tÚdarás measúnú ar nochtadh cothúcháin mar chuid den tuairim chéanna. Cé nach raibh sé in ann an rannchuidiú ó FCM plaisteach a chinneadh go sonrach, rinne sé meastacháin maidir le nochtadh cothúcháin i gcás gach ceann de na cúig thaláit, meastacháin arb ionann iad agus na meastacháin ar na gcásanna is measa de nochtadh ó fhoinsí FCM. Bunaithe ar mheasúnú comhiomlánaithe ar nochtadh cothúcháin i gcás DBP, BBP, DEHP agus DINP, tháinig sé ar an gconclúid gurb ionann nochtadh cothúcháin agus suas le 14 % de t-TDI an ghrúpa de 50 μg/kg bw i gcás an mheántomhaltóra agus suas le 23 % de t-TDI an ghrúpa i gcás ardtomhaltóirí. Léiríonn na meastacháin maidir le DIDP go bhfuil nochtadh cothúcháin i bhfad faoi bhun an t-TDI de 150 μg/kg bw i gcás meántomhaltóirí agus ardtomhaltóirí araon.

(9)

Ina theannta sin, rinne an tÚdarás breithniú ar nochtadh tomhaltóirí do thaláití eile, go háirithe 1,2-bis(2-meitilpróipil) beinséin-1,2-décharbocsaioláit (taláit dé-iseabúitile nó ‘DIBP’; Uimh. FCM 1085; Uimhir CAS 84-69-5), ar substaint í nach n-údaraítear mar bhreiseán le haghaidh FCM plaisteach, ach a d’fhéadfadh a bheith i láthair ann i méideanna níos lú ina heisíontas nó mar thoradh ar a húsáid mar oibreán tacaíochta teicniúla i bpróiseas monaraíochta cineálacha áirithe plaistigh. Thug an tÚdarás dá aire go gcuireann DIBP go mór leis an nochtadh foriomlán agus leis an riosca do thomhaltóirí ó thaláití agus gur cheart don bhainisteoir riosca an nochtadh sin mar aon lena neart maidir le héifeachtaí atáirgthe a chur san áireamh freisin. Thug an tÚdarás dá aire freisin go n-eascraíonn nochtadh tomhaltóirí do thaláití as foinsí eile seachas an aiste bia. Rannchuidítear go suntasach le nochtadh iomlán taláití trína láithreacht in earraí tomhaltóra agus in ábhair thógála agus trí theagmháil dheirmeach leo ina dhiaidh sin, chomh maith le hionanálú aeir agus deannaigh sa timpeallacht laistigh.

(10)

Chun t-TDI an ghrúpa i gcás DBP, BBP agus DEHP agus breithnithe an Údaráis maidir le DIBP a chur san áireamh, agus, go háirithe, chun a áirithiú nach sáróidh nochtadh do na taláití sin ó FCM plaisteach t-TDI an ghrúpa, ba cheart teorainn ascnaimh iomlán nua (SML(T)) a shuí. Ar mhaithe le soiléireacht agus simpliú, áfach, go háirithe maidir le comhlíonadh a bhunú nó le linn do rialuithe oifigiúla a dhéanamh i gcásanna nár úsáideadh ach ceann amháin de na taláití sin, ba cheart SMLanna aonair a choinneáil le haghaidh na dtaláití údaraithe agus é sin sa bhreis ar na SML(T)anna.

(11)

Cé gur chuir an tÚdarás DINP san áireamh i t-TDI an ghrúpa freisin, suíodh SML(T) i gcás DINP in éineacht le DIDP roimhe sin toisc gur meascáin iad a bhfuil forluí ceimiceach eatarthu agus nach bhféadfaí idirdhealú anailíseach a dhéanamh orthu i gcás comhtharlú. Cé go ndearnadh dul chun cinn maidir le modhanna anailíseacha ó suíodh an SML(T) sin, tá gá fós le tuilleadh oibre bailíochtaithe sula bhféadfaí údaráis inniúla DINP agus DIDP a idirdhealú go rialta agus rialuithe oifigiúla á ndéanamh acu. Is iomchuí, dá bhrí sin, SML(T) ar leith a choinneáil le haghaidh shuim DINP agus DIDP agus toirmeasc a chur ar úsáid DINP in éineacht le DBP, BBP agus DEHP, agus in éineacht le DIBP chomh maith, i gcás ina bhféadfar é sin a úsáid mar oibreán tacaíochta teicniúla, chun aon chomhnochtadh féideartha ón FCM plaisteach céanna a sheachaint.

(12)

Agus é á chur san áireamh go meastar go mbeidh an nochtadh comhiomlánaithe ó FCManna agus ó fhoinsí seachas FCManna araon thart ar leibhéal an t-TDI, agus go bhféadfadh carnadh tarlú sa slabhra monaraíochta bia de bharr ascnamh ó threalamh próiseála bia agus ó phacáistíocht bia freisin, agus an leibhéal suntasach éiginnteachta maidir leis na meastacháin reatha le haghaidh nochta á chur san áireamh, is iomchuí an nochtadh a chur san áireamh trí fhachtóir leithdháilte de 20 % i gcás DBP, BBP, DEHP agus DINP in FCM plaisteach. Agus an gá leis an SML(T) le haghaidh DINP agus DIDP a choinneáil á chur san áireamh, is iomchuí an fachtóir leithdháilte sin a úsáid le haghaidh gach ceann de na cúig thaláit agus an SML(T) agus na SMLanna aonair á socrú.

(13)

Údaraítear an tsubstaint fosfónáit dé-eitile[[3,5-bis(1,1-démheitileitil)-4-hiodrocsaifeinil]meitile] (Uimh. FCM 1007) i láthair na huaire lena húsáid suas le 0,2 % (meáchan/meáchan) bunaithe ar an meáchan polaiméire deiridh sa phróiseas polaiméirithe chun polai(teireataláit eitiléine) (‘PET’) a mhonarú. An 26 Eanáir 2022, tar éis dó iarratas a fháil ar úsáid na substainte sin a leathnú, ghlac an tÚdarás tuairim eolaíoch fhabhrach (8) maidir lena húsáid suas le 0,1 % (meáchan/meáchan) bunaithe ar an meáchan polaiméire deiridh sa phróiseas polaiméirithe chun pola(2,5-fúráindécharbocsaláit eitiléine) (‘PEF’) a mhonarú. Tháinig an tÚdarás ar an gconclúid, nuair a úsáidtear an méid sin den tsubstaint, nár braitheadh ascnamh na substainte de bharr a hionchorpraithe sa slabhra poileistir. De bharr an ionchorpraithe sin, níl aon chúis ann ach an oiread, nuair a úsáidtear í in PEF ar leibhéal úsáide 0,2 % meáchan/meáchan, chun glacadh leis go mbeadh ascnamh na substainte i bhfad níos airde. Dá bhrí sin, ós rud é go n-eascraíonn úsáid shábháilte na substainte as í a ionchorprú go hiomlán sa pholaiméir, agus ar mhaithe le comhsheasmhacht agus simplíocht, is iomchuí an t-údarú atá ann cheana maidir le leibhéal úsáide na substainte sin in PET ag 0,2 % meáchan/meáchan a shíneadh chuig monarú PEF freisin.

(14)

Le Rialachán (AE) 2019/1338 ón gCoimisiún (9) údaraíodh an tsubstaint Polai(R)-3-hiodrocsabúitráit-có-(R)-3-hiodrocsaiheacsánóáit) (‘PHBH’, Uimh. FCM 1059). Dealraíonn sé, áfach, gur gá soiléiriú a dhéanamh ar shonraíocht maidir le húsáid cheadaithe na substainte sin. Ar thaobh amháin, ós rud é gur macramóilín é PHBH a fhaightear ó choipeadh miocróbach agus go gceanglaítear le Rialachán (AE) Uimh. 10/2011 go sonraítear go bhfaightear macramóilín ón gcoipeadh sin, ba cheart an tagairt don mhodh táirgthe sin a chur le sonraíocht PHBH. Ina theannta sin, leis an údarú ceadaítear tréimhse ghearr téamh suas, gan uasteocht a shonrú. In éagmais uasteochta, d’fhéadfaí téamh a cheadú ag teochtaí níos airde ná na teochtaí dá bhforáiltear sa tuairim ón Údarás ar ar údaraíodh an tsubstaint, tuairim a thagraíonn do dhálaí ‘líonadh te’, a shainmhínítear i Rialachán (AE) Uimh. 10/2011 mar theocht nach mó ná 100 °C tráth an líonta. Ina theannta sin, léirítear sa tuairim go bhfuil leáphointe sa raon 120–150 °C ag plaisteach a mhonaraítear leis an tsubstaint. Thairis sin, tugtar le tuiscint in éagmais uasteochta nach bhfuil sé soiléir cé na coinníollacha tástála ba cheart a úsáid chun comhlíonadh Rialachán (AE) Uimh. 10/2011 a fhíorú maidir leis an tsonraíocht a bhaineann leis an ‘tréimhse ghearr téamh suas’. Ba cheart, dá bhrí sin, an tsonraíocht a shoiléiriú trí choinníoll úsáide a léiriú nach sáraíonn na coinníollacha teochta dá bhforáiltear sa tuairim.

(15)

Ghlac an tÚdarás tuairim eolaíoch fhabhrach (10) maidir le húsáid na substainte ‘aigéad fosfarach, eistear trífheinile, polaiméir le alfa-hidrea-óimige-hiodrocsapola[ocsa(meitil-1,2-eatándé-il)], eistir ailcile C10–16 (Uimh. FCM 1076) mar bhreiseán suas le 0,025 % meáchan/meáchan i gcomhpholaiméirí aicrilinítríle-bútaidhé-éin-stiréine (ABS). Tháinig an tÚdarás ar an gconclúid nach ábhar imní é úsáid na substainte maidir le sábháilteacht an tomhaltóra má úsáidtear í mar bhreiseán suas le 0,025 % meáchan/meáchan in ábhair agus earraí ABS lena n-úsáid aon uair amháin agus lena n-athúsáid agus iad i dteagmháil le bianna de chineál uiscí, aigéadach, alcólach agus de chineál eibleacht uisce-in-ola, le haghaidh stóráil fhadtéarmach ag teocht an tseomra agus faoina bun, agus mura sáraíonn an t-ascnamh 0,05 mg/kg bia. Ós rud é go ndearnadh na tástálacha ascnaimh chun úsáidí a mbíonn teagmháil le gach cineál bia i gceist leo a chumhdach, is iomchuí úsáid an bhreiseáin sin a údarú i leith monarú ábhar agus earraí ABS a bhíonn i dteagmháil le gach cineál bia le haghaidh gach úsáide ag teocht an tseomra agus faoina bun agus teorainn ascnaimh a leagan amach i gcomhréir leis an tuairim ón Údaráis.

(16)

An 19 Meán Fómhair 2019, ghlac an tÚdarás tuairim eolaíoch fhabhrach (11) maidir le húsáid na substainte trís(2-eitilheicsil) beinséin-1,2,4-eistear trícharbocsaioláit (Uimh. FCM 1078, uimhir CAS 3319-31-1), mar bhreiseán (plaisteachán) in FCM polai(viniolclóiríd) (‘PVC’). Sa tuairim sin, tháinig an tÚdarás ar an gconclúid nach ábhar imní sábháilteachta é úsáid FCM Uimh. 1078 ar an iomlán nuair a úsáidtear é i monarú PVC bog. Dá bhrí sin, is iomchuí an tsubstaint sin a údarú dá réir sin. Mar sin féin, tá conclúid an Údaráis coinníollach ar ascnamh substainte nach mó ná 5 mg/kg bia. Ina theannta sin, thug an tÚdarás le fios gur cheart breithniú a dhéanamh ar fhachtóir leithdháilte a chur i bhfeidhm de bharr an rannchuidithe bhreise ó fhoinsí eile a d’fhéadfadh cur leis an nochtadh ó FCManna plaisteacha. I bhfianaise easpa sonraí nochta arna dtomhas go díreach maidir leis an tsubstaint sin i dtaca leis an daonra foriomlán ó gach foinse, is iomchuí fachtóir leithdháilte 20 % a chur i bhfeidhm go dtí go déanfar sonraí eolaíocha iomchuí a sholáthar. Thairis sin, luaigh an tÚdarás ina thuairim uaidh nach gcumhdaítear lena mheastóireacht úsáid na substainte sin agus í i dteagmháil le ‘bianna naíonán’. Dá bhrí sin, níor léiríodh maidir le húsáid na substainte sin agus í i dteagmháil le ‘bianna naíonán’ go gcomhlíonfadh sí ceanglais Airteagal 3 de Rialachán (CE) Uimh. 1935/2004. Dá bhrí sin, ba cheart údarú na substainte sin a bheith faoi réir teorann ascnaimh 1 mg/kg bia agus faoi réir srian lena gcuirtear cosc ar í a bheith i dteagmháil le bianna a cheaptar lena n-úsáid mar bhianna do naíonáin. Ar mhaithe le soiléireacht agus comhsheasmhacht le srianta comhchosúla, is iomchuí tagairt a dhéanamh don sainmhíniú ar ‘naíonán’ a leagtar síos in Airteagal 2(2)(a) de Rialachán (AE) Uimh. 609/2013 ó Pharlaimint na hEorpa agus ón gComhairle (12).

(17)

Thairis sin, ós rud é, le srian grúpa 32 i dtábla 2 d’Iarscríbhinn I a ghabhann le Rialachán (AE) Uimh. 10/2011, go leagtar amach SML(T) le haghaidh plaisteachán agus gur plaisteachán í an tsubstaint Uimh. FCM 1078 freisin, is iomchuí an srian grúpa sin a chur i bhfeidhm maidir leis an tsubstaint sin freisin. Ina theannta sin, chun aon amhras maidir le cineál an tsriain ghrúpa sin a shoiléiriú, is iomchuí a léiriú go mbaineann sé le plaisteacháin.

(18)

An 29 Aibreán 2020, tar éis don Údarás iarratas a fháil chun úsáid na substainte (trí-eatánólaimín-sárchlóráit, salann sóidiam) démhéir (Uimh. FCM 1080) a údarú mar bhreiseán in PVC docht le haghaidh buidéil athúsáide a ceapadh lena dteacht i dteagmháil le huisce, ghlac sé tuairim eolaíoch fhabhrach (13) maidir leis an úsáid sin. Tháinig an tÚdarás ar an gconclúid go mbeadh a húsáid sábháilte dá mbeadh sí i dteagmháil le huisce agus le bianna uiscí aigéadacha, amhail súnna torthaí, mar, in uisce agus i mbianna uiscí aigéadacha araon, déanann an tsubstaint (trí-eatánólaimín-sárchlóráit, salann sóidiam) démhéir a dhícheangal go hiomlán ina trí-eatánólaimín agus ina sárchlóráit. Tá an dá shubstaint sin san áireamh cheana i liosta an Aontais de shubstaintí údaraithe, trí-eatánólaimín mar Uimh. FCM 793 le teorainn ascnaimh 0,05 mg/kg, agus sárchlóráit mar Uimh. FCM 822 le teorainn ascnaimh 0,002 mg/kg. Tháinig an tÚdarás ar an gconclúid gur cheart feidhm a bheith ag na teorainneacha sin maidir le Uimh. FCM 1080 freisin toisc, i gcás ina n-úsáidtear an tsubstaint i bplaisteach atá i dteagmháil le huisce agus le bianna uiscí aigéadacha, tá a sábháilteacht faoi rialú iomlán ag na teorainneacha ascnaimh a bunaíodh don dá shubstaint sin de dheasca a díthiomsaithe. Thairis sin, dheimhnigh an tÚdarás gur cheart ascnamh FCM Uimh. 822 a shloinneadh mar shárchlóráit (14). Is iomchuí, dá bhrí sin, dhá shrian grúpa a bhunú i dtábla 2 d’Iarscríbhinn I a ghabhann le Rialachán (AE) Uimh. 10/2011, lena gcuimsítear substaint Uimh. FCM 1080 mar aon le substaint Uimh. FCM 793 i ngrúpa amháin, agus substaint Uimh. FCM 822 arna sloinneadh mar shárchlóráit sa ghrúpa eile. Is iomchuí, dá bhrí sin, substaintí Uimh. FCM 793 agus 822 a leasú dá réir sin, agus an tsubstaint (trí-eatánólaimín-sárchlóráit, salann sóidiam) démhéir (Uimh. FCM 1080) a áireamh mar bhreiseán i liosta an Aontais de shubstaintí údaraithe, agus an srian ann nár cheart í a úsáid ach amháin le bianna a áirítear sa chatagóir bia a bhfuil uimhir thagartha 01.01.A ag gabháil léi i dtábla 2 d’Iarscríbhinn III a chuimsíonn uisce agus na bianna uiscí aigéadacha a rinne an tÚdarás a mheas.

(19)

Tar éis don Údarás iarratas a fháil ar úsáid na substainte N, N-bis(2-hiodrocsa-eitil)stéaralaimín a eistear go páirteach le haigéid shailleacha C16/C18 sáithithe (Uimh. FCM 1081) a údarú mar bhreiseán, in FCM plaisteach a bhíonn i dteagmháil le bianna tirime, le bianna aigéadacha agus le deochanna alcólacha a bhféadfaí a stóráil suas le sé mhí ag teocht chomhthimpeallach, ghlac sé tuairim eolaíoch pháirtfhabhrach (15) maidir leis an úsáid sin. Mar chuid dá mheastóireacht, rinne an tÚdarás breithniú ar na sonraí ascnaimh a chuir an t-iarratasóir ar fáil chun tástáil a dhéanamh maidir le dálaí stórála ar feadh tréimhse os cionn sé mhí ag teocht an tseomra agus faoina bun. Tháinig an tÚdarás ar an gconclúid nach ábhar imní sábháilteachta don tomhaltóir é N,N-bis(2-hiodrocsa-eitil)stéarolaimín nuair a úsáidtear é suas le 2 % (meáchan/meáchan) i ngach polaiméir nach bhfuil beartaithe lena dteacht i dteagmháil ach le bianna tirime, ar choinníoll maidir le hascnamh suim N,N-bis(2-hiodrocsaitil)stéaraimín agus a mhona-eistear agus a dhé-eistear, arna ríomh mar N,N-bis(2-hiodrocsa-eitil)stéaraimín, nach sáraíonn an t-ascnamh SML(T) i gcás substaintí Uimh. FCM 19 agus 20, ina raibh, de réir an Údaráis, ascnamh mona-eistear agus dé-eistear N,N-bis(2-hiodrocsaeitil)stéaralaimín le háireamh freisin. Dá bhrí sin, is iomchuí úsáid na substainte sin a údarú suas le 2 % (meáchan/meáchan) le haghaidh monaraíocht FCM plaisteach nach bhfuil beartaithe lena dteacht i dteagmháil ach le bianna tirime ag teocht an tseomra, agus ba cheart í a áireamh sa srian grúpa a leagtar síos le haghaidh na substaintí a bhfuil Uimh. FCM 19 agus 20 iontu.

(20)

Mheas an tÚdarás freisin, áfach, nár fhág na sonraí a cuireadh ar fáil go bhféadfaí measúnú sábháilteachta a dhéanamh ar an tsubstaint le Uimh. FCM 1081 ann i gcás teagmháil le bianna aigéadacha agus le deochanna alcólacha, agus léirigh sé go mbeadh ascnamh ard ann i gcás teagmháil le bianna sailleacha go háirithe. Dá bhrí sin, is iomchuí maolú a dhéanamh ar an riosca intuartha go n-úsáidfeadh tomhaltóirí plaisteach ina mbeadh an tsubstaint sin i gcás teagmháil le bianna eile seachas bianna tirime. Chun na críche sin, níor cheart an tsubstaint sin a úsáid ach amháin in iarratais ar úsáid i gcás pacáistiú bia ag oibreoirí gnólachtaí bia. Ina theannta sin, thug an tÚdarás dá aire go bhféadfadh méadú teacht ar an ráta ascnaimh i gcás leibhéal níos ísle eistearúcháin agus go bhféadfadh an ráta ascnaimh sin teorainneacha ascnaimh a shárú i gcás tiús níos airde den ábhar plaisteach ina n-úsáidtear í, agus go bhféadfadh paraiméadair eile, cur i gcás polaraíocht na polaiméire, a bheith ábhartha freisin. Dá bhrí sin, is iomchuí a léiriú i nóta maidir le comhlíonadh a fhíorú go bhfuil baol ann go bhféadfar teorainneacha ascnaimh a shárú ag brath ar thiús an ábhair, ar pholaraíocht na polaiméire agus ar mhéid eistearúcháin na substainte féin.

(21)

Ghlac an tÚdarás tuairim eolaíoch fhabhrach (16) maidir le húsáid na substainte aigéad fosfarach, eistir mheasctha le meataicrioláit 2-hiodrocsa-eitile (Uimh. FCM 1082) i gcomhchodaigh atá bunaithe ar pholamheitileataicrioláit a bheartaítear lena dteacht i dteagmháil le gach cineál bia arís agus arís eile. Tháinig an tÚdarás ar an gconclúid nach ábhar imní sábháilteachta don tomhaltóir í an tsubstaint má úsáidtear í mar chomh-mhonaiméir suas le 0,35 % meáchan/meáchan, agus ar choinníoll nach dtéann a hascnamh thar 0,05 mg/kg bia arna shloinneadh mar shuim mona-eistir, dé-eistir agus tríeistir d’aigéad fosfarach agus mona-eistir, dé-eistir agus tríeistir d’aigéad défhosfair. Cé gur thagair an tÚdarás d’úsáid na substainte seo i ‘comhchodaigh’, d’fhéadfaí a chumhdach leis an téarma sin freisin ábhair nach polaiméirí iad agus, dá bhrí sin, nach plaisteach iad de réir bhrí Rialachán (AE) Uimh. 10/2011. Dá bhrí sin, is iomchuí úsáid na substainte tosaithe sin a údarú i monarú polamheitiolmeataicrioláite suas le 0,35 % meáchan/meáchan agus teorainn ascnaimh a leagan síos de réir na tuairime ón Údarás.

(22)

Ghlac an tÚdarás tuairim eolaíoch fhabhrach (17) maidir le húsáid na substainte tosaigh dé-ainhidríd beinseafeanóin-teitreacarbocsailigh-3,3’, 4, 4’ (‘BTDA’) (Uimh. FCM 1083). Tháinig an tÚdarás ar an gconclúid nach ábhar imní don tomhaltóir í úsáid shubstaint BTDA má chuirtear i bhfeidhm í suas le 43 % mar chomh-mhonaiméir i dtáirgeadh poilimídí le haghaidh úsáid lena ndéantar teagmháil arís agus arís eile le bianna aigéadacha agus bianna sailleacha ag teochtaí suas le 250 °C, ar choinníoll nach mó ná 0,05 mg/kg ascnamh BTDA. Maidir leis na tástálacha ascnaimh sonracha ar ar a mbonn a tháinig an tÚdarás ar chonclúid fhabhrach maidir le húsáid na substainte sin, ós rud é go ndearnadh na tástálacha sin faoi choinníollacha athúsáide le haigéad aiséiteach (ionsamhlach B) agus le hola olóige (ionsamhlach D2), agus ós rud é gur thug an tÚdarás faoi deara nach mbeadh ábhar imní ann fiú dá n-úsáidfí í i gcásanna nuair nach athúsáid atá i gceist, is iomchuí úsáid na substainte tosaithe sin a údarú lena húsáid i monarú poilimídí suas le 43 % meáchan/meáchan polaiméir a bhíonn i dteagmháil le bianna nach leagtar síos ach ionsamhlacha B agus/nó D2 ina leith i dtábla 2 d’Iarscríbhinn III a ghabhann le Rialachán (AE) Uimh. 10/2011 ag teochtaí suas le 250 °C, agus i gcás ina bhfuil an úsáid sin faoi réir teorainn ascnaimh 0,05 mg/kg bia.

(23)

Chun gur féidir le hoibreoirí oiriúnú do na hathruithe ar údaruithe áirithe atá ann cheana a leagtar amach sa Rialachán seo, is iomchuí go ndéantar a fhoráil maidir le hábhair phlaisteacha agus earraí plaisteacha a chomhlíonann Rialachán (AE) Uimh. 10/2011, de réir mar is infheidhme roimh dháta theacht i bhfeidhm an Rialacháin seo, go gceadófar iad a chur ar an margadh den chéad uair ar feadh idirthréimhse 18 mí tar éis theacht i bhfeidhm an Rialacháin seo agus go bhfanfaidh siad ar an margadh go dtí go n-ídeofar na stoic. Mar sin féin, is iondúil go mbíonn soláthar roinnt táirgí agus substaintí ó chéimeanna idirmheánacha monaraíochta ag oibreoirí eile i gceist le hábhair phlaisteacha agus earraí plaisteacha deiridh a tháirgeadh. Ar mhaithe le sábháilteacht an tomhaltóra, ba cheart an t-aistriú chuig comhlíonadh iomlán an Rialacháin seo a bhaint amach ar bhealach chomh héifeachtúil agus is féidir, agus a luaithe is féidir. Dá bhrí sin, maidir le hoibreoirí a mhonaraíonn táirgí idirmheánacha agus substaintí nach gcomhlíonann an Rialachán seo go fóill, ba cheart a cheangal orthu úsáideoirí a bhaineann úsáid as na táirgí sin cheana féin a chur ar an eolas laistigh de naoi mí tar éis theacht i bhfeidhm an Rialacháin seo nach féidir na táirgí sin, mar a fhoráiltear dóibh, a úsáid chun ábhair phlaisteacha agus earraí plaisteacha a mhonarú ar rudaí iad atá le cur ar an margadh tar éis dheireadh na hidirthréimhse 18 mí.

(24)

Leis an Rialachán seo, cúlghairtear na húdaruithe le haghaidh na substaintí ‘plúr adhmaid agus snáithíní adhmaid, neamhchóireáilte’ (Uimh. FCM 96) agus aigéad salaicileach (Uimh. FCM 121) toisc nach féidir a shuí maidir leis na húdaruithe sin, mar atá siad faoi láthair, go bhfuil siad i gcomhréir le Rialachán (AE) Uimh. 1935/2004 ós rud é go mbeadh gá le faisnéis faoi shubstaintí sonracha nó faoi úsáidí sonracha na substaintí sin chun a áirithiú nach rachaidh na húdaruithe sin thar a bhfuil sábháilte. Mar sin féin, chun a áirithiú go mbeidh aistriú rianúil ann chuig údaruithe a d’fhéadfadh a bheith níos teoranta i gcás ina measfaidh oibreoirí atá ag monarú nó ag baint úsáid as na substaintí sin roimh theacht i bhfeidhm an Rialacháin seo go gcomhlíonann roinnt úsáidí sonracha Rialachán (AE) Uimh. 1935/2004, is iomchuí cead a thabhairt ábhair phlaisteacha agus earraí plaisteacha a mhonaraítear leis na substaintí sin a chur ar an margadh ar choinníoll go gcuirtear isteach iarratas ar údarú na n-úsáidí sonracha sin laistigh de thréimhse chomhréireach tar éis theacht i bhfeidhm an Rialacháin seo. Maidir le plúr adhmaid neamhchóireáilte agus snáithíní adhmaid neamhchóireáilte, ós rud é gur mheas an tÚdarás ina thuairim uaidh i dtaca le hadhmad gur gá meastóireacht a dhéanamh ar ábhair ar nós adhmaid ar bhonn cás ar cás, meastóireacht atá spriocdhírithe ar an speiceas, ba cheart an t-iarratas sin a bheith sonrach do speiceas áirithe adhmaid.

(25)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 déantar foráil maidir le breiseáin a údarú lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú agus a athnuachan.

(2)

Le Rialachán Cur Chun Feidhme (AE) Uimh. 1065/2012 ón gCoimisiún (2) údaraíodh an ullmhóid Lactiplantibacillus plantacillus DSM 19457 (a sainaithníodh go tacsanomaíoch roimhe seo mar Lactobacillus plantarum DSM 19457) ar feadh tréimhse 10 mbliana mar bhreiseán beathaithe le haghaidh gach speicis ainmhíoch.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóid Lactiplantibacillus plantarum DSM 19457 a athnuachan mar bhreiseán beathaithe le haghaidh gach speicis ainmhíoch, iarratas inar iarradh go n-aicmeofaí an breiseán i gcatagóir na mbreiseán ‘breiseáin theicneolaíocha’ agus san bhfeidhmghrúpa ‘breiseáin sadhlais’. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas sin.

(4)

Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 22 Samhain 2022 (3) gur sholáthair an t-iarratasóir fianaise go bhfuil an ullmhóid Lactiplantibacillus plantarum DSM 19457 fós sábháilte do gach speiceas ainmhíoch, do thomhaltóirí agus don chomhshaol faoi na coinníollacha úsáide a údaraítear faoi láthair. Tháinig an tÚdarás ar an gconclúid freisin nach greannaitheoir craicinn ná súl é an breiseán ach, mar gheall ar a nádúr próitéineach, gur cheart a mheas gur íogróir riospráide é. In éagmais sonraí, ní fhéadfadh an tÚdarás teacht ar chonclúid maidir le hacmhainneacht an bhreiseáin a bheith ina íogróir craicinn.

(5)

I gcomhréir le hAirteagal 5(4), pointe (c), de Rialachán (CE) Uimh. 378/2005 (4) ón gCoimisiún, ba é meas na Saotharlainne Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí ar ar thángthas sa mheasúnú roimhe seo bailí agus infheidhme maidir leis an iarratas atá ann faoi láthair.

(6)

Léiríonn an measúnú ar an ullmhóid Lactiplantibacillus plantarumDSM 19457 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú na hullmhóide sin a athnuachan.

(7)

Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(8)

Mar thoradh ar údarú na hullmhóide Lactiplantibacillus plantarum DSM 19457 a athnuachan mar bhreiseán beathaithe, ba cheart Rialachán Cur Chun Feidhme (AE) Uimh. 1065/2012 a leasú dá réir.

(9)

Ós rud é nach bhfuil gá leis na modhnuithe ar choinníollacha maidir le húdarú na hullmhóide Lactiplantibacillus plantarum DSM 19457 a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

An 14 Samhain 2022, thosaigh an Coimisiún Eorpach (an ‘Coimisiún’) iniúchadh frithdhumpála maidir le hallmhairí plátaí ceannbheannacha cruach de thionscnamh Dhaon-Phoblacht na Síne (‘an tSín’ nó ‘an PCR’) agus na Tuirce iad (‘na tíortha lena mbaineann’), bunaithe ar Airteagal 5 de Rialachán (AE) 2016/1036 (‘an bun-Rialachán’). D’fhoilsigh an Coimisiún Fógra Tionscnaimh in Iris Oifigiúil an Aontais Eorpaigh (2) (‘an Fógra Tionscnaimh’).

(2)

Rinne an Coimisiún an t-imscrúdú a thionscnamh tar éis do Laminados Losal S.A.U gearán a thaisceadh an 30 Meán Fómhair 2022 (‘an gearánach’). Rinneadh an gearán thar ceann thionscal an Aontais le haghaidh plátaí ceannbheannacha cruach de réir bhrí Airteagal 5(4) den bhun-Rialachán. Ba leor an fhianaise a bhí sa ghearán maidir leis an dumpáil agus leis an díobháil ábhartha ba thoradh uirthi chun an t-imscrúdú a thionscnamh.

(3)

De bhun Airteagal 14(5a) den bhun-Rialachán, ba cheart don Choimisiún allmhairí atá faoi réir imscrúdú frithdhumpála a chlárú le linn na tréimhse réamhnochta, mura mbíonn fianaise leordhóthanach aige de réir bhrí Airteagal 5 nach gcloítear leis na ceanglais faoi phointí (c) nó (d) d’Airteagal 10(4) den bhun-Rialachán.

(4)

Níor iarr an gearánach clárú agus chinn an Coimisiún nár comhlíonadh na ceanglais faoi phointe (d) d’Airteagal 10(4) den bhun-Rialachán. De bhreis ar leibhéal na n-allmhairí ba chúis le díobháil le linn na tréimhse imscrúdúcháin, níor tháinig méadú suntasach eile ar allmhairí ina dhiaidh sin.

(5)

De bharr na gcúiseanna atá leagtha amach i roinn 4.3.1 thíos, chinn an Coimisiún na hallmhairí ó na tíortha lena mbaineann a charnadh chun críche na hanailíse a bhfuil cur síos uirthi sna haithrisí thuas. In anailís ar na sonraí a bhaintear as an mBunachar Sonraí Faireachais agus ar na sonraí a sholáthair na táirgeoirí onnmhairiúcháin comhoibríocha sna tíortha lena mbaineann gur tháinig laghdú de 2 % ar mhéid carnach na n-allmhairí ó na tíortha lena mbaineann sna chéad cheithre mhí iomlána (i.e. ó Nollaig 2022 go dtí Márta 2023) tar éis thionscnamh an imscrúdaithe i gcomparáid leis na míonna céanna le linn na tréimhse imscrúdúcháin. Tháinig laghdú de 15 % ar an meánmhéid míosúil d’allmhairí ó na tíortha lena mbaineann le linn na chéad cheithre mhí tar éis thionscnamh an imscrúdaithe i gcomparáid leis an meánmhéid míosúil d’allmhairí le linn na tréimhse imscrúdúcháin. Dá bhrí sin, níor chuir an Coimisiún allmhairí plátaí ceannbheannacha cruach faoi réir clárúcháin faoi Airteagal 14(5a) den bhun-Rialachán le linn na tréimhse réamhnochta.

(6)

San Fhógra Tionscnaimh, thug an Coimisiún cuireadh do pháirtithe leasmhara dul i dteagmháil leis chun a bheith rannpháirteach san imscrúdú. Ina theannta sin, chuir an Coimisiún an gearánach ar an eolas go sonrach mar aon leis na táirgeoirí onnmhairiúcháin aitheanta, údaráis Dhaon-Phoblacht na Síne agus na Tuirce, allmhaireoirí aitheanta, soláthraithe agus úsáideoirí, trádálaithe, chomh maith le comhlachais fios iad a bheith bainteach le tionscnamh an imscrúdaithe agus thug sé cuireadh dóibh páirt a ghlacadh.

(7)

Bhí deis ag na páirtithe leasmhara barúil a thabhairt ar thionscnamh an imscrúdaithe agus iarraidh ar éisteacht leis an gCoimisiún agus/nó leis an Oifigeach Éisteachta in imeachtaí trádála.

(8)

Tar éis an tionscnaimh, fuarthas tuairimí ó Rialtas na Tuirce, an táirgeoir onnmhairithe Turcach Özkan Demir Çelik Sanayi A.Ş (‘Özkan Demir’), úsáideoir an Aontais Fincantieri S.p.A. (‘Fincantieri’) agus an t-allmhaireoir neamhghaolmhar Baglietto s.r.l. (‘Baglietto’).

(9)

Mhaígh Rialtas na Tuirce agus Fincantieri araon, i measc nithe eile, go raibh an gearán ag brath an iomarca ar fhaisnéis rúnda, go háirithe maidir le leibhéal na mionsonraí a bhain le táscairí maicreacnamaíocha thionscal an Aontais, chomh maith le hiarscríbhinní áirithe a bhí ag gabháil leis an ngearán. Mhaígh an dá pháirtí nár leor mar sin an leagan neamhrúnda chun ligean do na páirtithe barúlacha fiúntacha a sholáthar ar na táscairí díobhála agus ar na líomhaintí arna leagan amach sa ghearán.

(10)

Déantar foráil le hAirteagal 19 den bhun-Rialachán maidir le faisnéis rúnda a chosaint i gcúinsí ina mbeadh buntáiste suntasach iomaíochta ann d’iomaitheoir dá nochtfaí an fhaisnéis sin nó ina ndéanfadh an nochtadh dochar suntasach do dhuine a sholáthraíonn an fhaisnéis nó do dhuine óna bhfuair an duine sin an fhaisnéis. Ós rud é go mbaineann an gearán le faisnéis táirgeora Aontais amháin, nó le faisnéis an táirgeora Aontais sin i gcomhcheangal le faisnéis agus le staidreamh atá ar fáil go poiblí, chuir an gearánach na figiúirí ábhartha ar fáil i raonta fiúntacha ar chúiseanna rúndachta. Ar an gcaoi chéanna, sholáthair an gearánach leagan neamhrúnda de na hiarscríbhinní nó achoimre bhríoch ar an bhfaisnéis a cuireadh ar fáil. Mheas an Coimisiún mar sin maidir leis an leagan neamhrúnda den ghearán a bhí ar fáil sa chomhad lena iniúchadh ag páirtithe leasmhara go raibh an fhianaise riachtanach go léir agus na hachoimrí neamhrúnda ar na sonraí rúnda a cheadaíonn do pháirtithe leasmhara a gcearta cosanta a fheidhmiú i gceart. Dá bhrí sin, diúltaíodh don maíomh sin.

(11)

Chuir Rialtas na Tuirce agus Fincantieri araon i gcoinne cuimsiú na sonraí san anailís díobhála le haghaidh Laminorul S.A. (‘Laminorul’), táirgeoir de phlátaí ceannbheannacha cruach ón Rómáin, a chuaigh i bhféimheacht agus a scoir den táirgeadh le linn na tréimhse faoi bhreathnú. De réir na faisnéise atá ar fáil don Choimisiún, tar éis a féimheachta, fuair cuideachta eile Laminorul ina sin, ach níor atosaigh sí a táirgeadh plátaí ceannbheannacha cruach. De réir Rialtas na Tuirce agus Fincantieri, níor cheart go mbeadh na sonraí atá ar fáil do Laminorul curtha san áireamh sna figiúirí a cuireadh i láthair sa ghearán, toisc go ndeachaigh an chuideachta sin i bhféimheacht agus nach dtáirgeann sí plátaí ceannbheannacha cruach a thuilleadh. Níor cheart, dá bhrí sin, Laminorul a mheas mar chuid de thionscal an Aontais sa ghearán.

(12)

Mheas an Coimisiún, áfach, go raibh Laminorul fós ina chuid de thionscal an Aontais le linn na tréimhse faoi bhreathnú, cé nach raibh sé ina chuid de ar feadh na tréimhse iomláine. Ar an gcúis sin, bhí an ceart ag an ngearánach sonraí Laminorul a áireamh sa ghearán agus thug sé léiriú cruinn ar staid thionscal an Aontais ar feadh na dtréimhsí ábhartha. Ina theannta sin, chonacthas sna sonraí a cuireadh i láthair sa ghearán gur léiríodh treochtaí comhchosúla le formhór na dtáscairí, bíodh Laminorul san áireamh san anailís nó ná bíodh. Ar aon chuma, chuir an Coimisiún in iúl, san anailís a rinne sé le linn na tréimhse faoi bhreathnú don Rialachán seo, an éifeacht atá ag sonraí Laminorul ar staid díobhála thionscal an Aontais, nuair ab fhéidir.

(13)

Thug Rialtas na Tuirce agus Özkan Demir barúlacha ar roinnt táscairí díobhála aonair a cuireadh i láthair sa ghearán, ag maíomh nár léirigh cuid de na táscairí staid dhíobhálacha thionscal an Aontais, nó go bhféadfadh fachtóirí eile seachas allmhairí ó na tíortha lena mbaineann arbh chúis leis an ngearán.

(14)

Chuige sin, mheabhraigh an Coimisiún foclaíocht Airteagal 5(2) den bhun-Rialachán, ina sonraítear go mbeidh faisnéis sa ghearán maidir le hathruithe ar chainníocht na n-allmhairí a líomhnaítear a bheith dumpáilte, éifeacht na n-allmhairí sin ar phraghsanna de tháirge dá samhail ar mhargadh an Aontais agus tionchar iarmhartach na n-allmhairí ar thionscal an Aontais, mar a léirítear le fachtóirí ábhartha (ní gá na fachtóirí go léir). Bhí an fhaisnéis sin sa ghearán, a léirigh go raibh díobháil ann chomh maith le nasc cúisíoch le hallmhairí ó na tíortha lena mbaineann. Dá réir sin, mheas an Coimisiún go raibh dóthain fianaise sa ghearán chun díobháil agus nasc cúisíoch a thabhairt le fios, agus mar sin dhiúltaigh sé don éileamh.

(15)

Déileáiltear le tráchtanna sonracha eile maidir le díobháil, cúisíocht agus leas an Aontais, nach raibh baint dhíreach acu leis an tionscnamh, sna ranna ábhartha thíos (Ranna 4, 5 agus 7).

(16)

San Fhógra Tionscnaimh, shonraigh an Coimisiún go bhféadfadh sé na páirtithe leasmhara a shampláil i gcomhréir le hAirteagal 17 den bhun-Rialachán.

(17)

I bhfianaise líon teoranta táirgeoirí plátaí ceannbheannacha cruach san Aontas, d’fhógair an Coimisiún san Fhógra Tionscnaimh go gcuirfeadh sé ceistneoirí ar fáil don dá tháirgeoir amháin atá ar eolas de chuid an Aontais. As an dá tháirgeoir sin, níor thug ach Laminados Losal, S.A.U. (an gearánach) freagra ar an gceistneoir. Níor tháinig an dara táirgeoir de chuid an Aontais, Olifer spl., (‘Olifer’) arbh ionann é agus [15-25] % de tháirgeadh an Aontais, chun cinn le linn an imscrúdaithe. Mar sin, ní raibh an Coimisiún in ann leas a bhaint as sampláil ach d’úsáid sé sonraí an ghearánaigh agus rinne sé meastachán ar na sonraí le haghaidh Olifer agus Laminorul i gcás inarb ábhartha mar a mhínítear in aithris (147).

(18)

Chun a chinneadh an raibh gá le sampláil agus, más amhlaidh a bhí, chun sampla a roghnú, d’iarr an Coimisiún ar allmhaireoirí neamhghaolmhara an fhaisnéis a sonraíodh san Fhógra Tionscnaimh a sholáthar.

(19)

Níor sholáthair ach allmhaireoir neamhghaolmhar amháin an fhaisnéis a iarradh agus thoiligh sé a bheith san áireamh sa sampla. Chinn an Coimisiún, dá bhrí sin, nach raibh gá le sampláil.

(20)

D’fhonn a aimsiú cibé an raibh nó nach raibh gá le sampláil agus, dá mb’amhlaidh a bhí, chun sampla a roghnú, d’iarr an Coimisiún ar gach táirgeoir onnmhairiúcháin i Dhaon-Phoblacht na Síne an fhaisnéis a shonraítear san Fhógra Tionscnaimh a sholáthar. Sa bhreis air sin, d’iarr an Coimisiún ar Mhisean Dhaon-Phoblacht na Síne chuig an Aontas Eorpach táirgeoirí onnmhairiúcháin eile a shainaithint agus/nó teagmháil a dhéanamh leo, dá mba ann dóibh, ar táirgeoirí iad a d’fhéadfadh suim a bheith acu páirt a ghlacadh san imscrúdú.

(21)

Chuir táirgeoir onnmhairithe amháin i nDaon-Phoblacht na Síne, Changshu Longteng Special Steel Co., Ltd an fhaisnéis a iarradh ar fáil agus d’aontaigh sé a bheith curtha san áireamh sa sampla. Dá réir sin, chinn an Coimisiún nach raibh gá le sampláil.

(22)

Chun a chinneadh an bhfuil gá le sampláil agus, más amhlaidh go bhfuil, chun sampla a roghnú, d’iarr an Coimisiún ar gach táirgeoir onnmhairiúcháin san India an fhaisnéis a shonraítear san Fhógra Tionscnaimh a sholáthar. Sa bhreis air sin, d’iarr an Coimisiún ar Mhisean na Tuirce chuig an Aontas Eorpach táirgeoirí onnmhairiúcháin eile a shainaithint agus/nó teagmháil a dhéanamh leo, dá mba ann dóibh, ar táirgeoirí iad a d’fhéadfadh suim a bheith acu a bheith rannpháirteach san imscrúdú.

(23)

Níor sholáthair ach táirgeoir onnmhairiúcháin amháin sa Tuirc, Özkan Demir, an fhaisnéis a iarradh a sholáthar agus d’aontaigh sé go gcuirfí san áireamh é sa sampla. Dá réir sin, chinn an Coimisiún nach raibh gá le sampláil.

(24)

Chuir an Coimisiún ceistneoir chuig Rialtas Dhaon-Phoblacht na Síne (‘Rialtas na Síne’) maidir le saobhadh suntasach a bheith sa tSín de réir bhrí Airteagal 2(6a)(b) den bhun-Rialachán. Ní bhfuarthas aon fhreagra. Dá bhrí sin, chuir an Coimisiún Misean Dhaon-Phoblacht na Síne chuig an Aontas Eorpach ar an eolas faoina rún fíorais a bhí ar fáil a chur i bhfeidhm i gcomhréir le hAirteagal 18 den bhun-Rialachán. Ní bhfuarthas aon bharúil.

(25)

D’fhoilsigh an Coimisiún ar líne (3) na ceistneoirí do na táirgeoirí onnmhairiúcháin, do na hallmhaireoirí neamhghaolmhara agus do tháirgeoirí an Aontais.

(26)

Lorg agus d’fhíoraigh an Coimisiún an fhaisnéis uile a measadh ba ghá chun cinneadh sealadach a dhéanamh maidir le dumpáil agus le díobháil dá bharr agus le leas an Aontais. Rinneadh cuairteanna fíoraithe de bhun Airteagal 16 den bhun-Rialachán ar áitribh na gcuideachtaí seo a leanas:

(27)

I bhfianaise ráig COVID-19 agus na bearta cosanta arna gcur i bhfeidhm, rinne an Coimisiún cros-seiceáil cianda ar an táirgeoir onnmhairiúcháin Síneach seo a leanas:

(28)

San imscrúdú ar dhumpáil agus ar dhíobháil, cumhdaíodh an tréimhse ón 1 Deireadh Fómhair 2021 go dtí an 30 Meán Fómhair 2022 (‘an tréimhse imscrúdúcháin’). San imscrúdú ar threochtaí atá ábhartha maidir leis an measúnú ar dhíobháil, cumhdaíodh an tréimhse ón 1 Eanáir 2019 go dtí deireadh thréimhse an imscrúdúcháin (‘an tréimhse faoi bhreathnú’).

(29)

Is é an táirge atá faoi imscrúdú plátaí ceannbheannacha cruach neamh-chóimhiotail sa raon suas le leithead de 204 mm (‘plátaí ceannbheannacha cruach’). Úsáidtear go príomha plátaí ceannbheannacha cruach i dtionscal na longthógála le haghaidh tógáil na creatlaí cruach de chúrsóir paisinéirí, báid farantóireachta, soithí míleata, agus soithí ceannaithe. D’fhéadfaí go n-úsáidtear plátaí ceannbheannacha cruach freisin chun ardán amach ón gcósta agus ráillí tram a thógáil, ach san Aontas ní bhaineann an cur i bhfeidhm seo plátaí ceannbheannacha cruach ach le méideanna imeallacha (‘an táirge faoi imscrúdú’).

(30)

Is é an táirge lena mbaineann ná an táirge atá faoi imscrúdú de thionscnamh Dhaon-Phoblacht na Síne agus na Tuirce, a thagann, faoi láthair, faoi chód CN ex 7216 50 91 (cód TARIC 7216509110) (‘an táirge lena mbaineann’).

(31)

Léiríodh san imscrúdú go bhfuil na buntréithe fisiceacha, ceimiceacha agus teicniúla céanna ag na táirgí seo a leanas chomh maith leis na bunúsáidí céanna:

(32)

Chinn an Coimisiún ag an gcéim seo gur táirgí comhchosúla iad na táirgí sin de réir bhrí Airteagal 1(4) den bhun-Rialachán.

(33)

Ní bhfuarthas aon éileamh maidir le raon feidhme an táirge.

(34)

I bhfianaise na fianaise leordhóthanaí a bhí ar fáil ar thionscnamh an imscrúdaithe, lena dtugtar le fios go bhfuil saobhadh suntasach ann de réir bhrí phointe (b) d’Airteagal 2(6a) den bhun-Rialachán maidir leis an tSín, mheas an Coimisiún gurbh iomchuí an t-imscrúdú a thionscnamh maidir leis na táirgeoirí onnmhairiúcháin ón tír seo ag féachaint d’Airteagal 2(6a) den bhun-Rialachán.

(35)

Dá bhrí sin, d’fhonn na sonraí a bhailiú atá riachtanach chun Airteagal 2(6a) den bhun-Rialachán a chur i bhfeidhm ar deireadh, san Fhógra Tionscnaimh d’iarr an Coimisiún ar na táirgeoirí onnmhairiúcháin go léir sa tSín faisnéis a sholáthar maidir leis na hionchuir a úsáidtear chun plátaí ceannbheannacha cruach a tháirgeadh. Chuir tionscadal amháin as an tSín, Changshu Longteng Special Steel Co, Ltd., an t-eolas cuí isteach. Ina theannta d’fhonn an fhaisnéis a mheas sé a bheith riachtanach dá imscrúdú maidir leis an saobhadh suntasach a líomhnaíodh, sheol an Coimisiún ceistneoir chuig Rialtas na Síne.

(36)

Thairis sin, i bpointe 5.3.2 den Fhógra Tionscnaimh, d’iarr an Coimisiún ar gach páirtí leasmhar a gcuid tuairimí a chur in iúl, faisnéis a chur isteach agus fianaise thacaíochta a chur ar fáil maidir le cur i bhfeidhm Airteagal 2(6a) den bhun-Rialachán laistigh de 37 lá ó dháta fhoilsiú an Fhógra Tionscnaimh in Iris Oifigiúil an Aontais Eorpaigh. Ní bhfuarthas aon fhreagra ar an gceistneoir ó Rialtas na Síne agus ní bhfuarthas aon aighneacht maidir le cur i bhfeidhm Airteagal 2(6a) den bhun-Rialachán roimh an sprioc-am. Ina dhiaidh sin, chuir an Coimisiún in iúl do Rialtas na Síne go n-úsáidfeadh sé na fíorais a bhí ar fáil de réir bhrí Airteagal 18 den bhun-Rialachán chun a chinneadh a dhéanamh cibé an bhfuil nó nach bhfuil saobhadh suntasach sa tSín. Thug an Coimisiún cuireadh do Rialtas na Síne a bharúil maidir le cur i bhfeidhm Airteagal 18 a thíolacadh. Ní bhfuarthas aon bharúil.

(37)

I bpointe 5.3.2 den Fhógra Tionscnaimh, shonraigh an Coimisiún freisin, i bhfianaise na fianaise a bhí ar fáil, go bhféadfadh sé gurbh í an Tuirc an tríú tír ionadaíoch iomchuí féideartha de bhun Airteagal 2(6a)(a) den bhun-Rialachán, chun an gnáthluach a chinneadh ar bhonn praghsanna nó tagarmharcanna neamhshaofa. Luaigh an Coimisiún freisin go scrúdódh sé tíortha ionadaíocha eile a d’fhéadfadh a bheith iomchuí i gcomhréir leis na critéir a leagtar amach in 2(6a)(a), an chéad fhleasc, den bhun-Rialachán.

(38)

An 24 Eanáir 2023, chuir an Coimisiún páirtithe leasmhara ar an eolas le nóta (‘an Chéad Nóta’) maidir leis na foinsí ábhartha a bhí beartaithe aige a úsáid chun an gnáthluach a chinneadh. Sa nóta sin, chuir an Coimisiún liosta ar fáil de na tosca táirgthe go léir amhail amhábhair, saothar agus fuinneamh a úsáidtear i dtáirgeadh plátaí ceannbheannacha cruach, bunaithe ar shonraí a cuireadh ar fáil in aighneacht Changshu Longteng Special Steel Co., Ltd., arb é an t-aon táirgeoir onnmhairiúcháin den táirge lena mbaineann é, atá lonnaithe i nDaon-Phoblacht na Síne agus a chomhoibrigh. Ina theannta sin, bunaithe ar na critéir lena dtreoraítear rogha na bpraghsanna neamhshaofa nó na dtagarmharcanna neamhshaofa, shainaithin an Coimisiún an Tuirc mar thír ionadaíoch iomchuí. Fuair an Coimisiún tuairimí ón táirgeoir onnmhairiúcháin Changshu Longteng Special Steel Co., Ltd. ar an gCéad Nóta.

(39)

An 3 Aibreán 2023, agus tar éis anailís a dhéanamh ar na barúlacha a fuarthas agus ar an bhfaisnéis bhreise a chuir Changshu Longteng Special Steel Co., Ltd., chuir an Coimisiún na páirtithe leasmhara ar an eolas le dara nóta (‘an Dara Nóta’) faoi na foinsí ábhartha a bhí beartaithe aige a úsáid chun an gnáthluach a chinneadh, agus an Tuirc mar an tír ionadaíoch. Chuir sé in iúl freisin do pháirtithe leasmhara go mbunódh sé costais díola, ghinearálta agus riaracháin (‘SG&A’) agus brabúis bunaithe ar shonraí ó tháirgeoir sa tír ionadaíoch, eadhon Kocaer Çelik Sanayi. Thug an Coimisiún cuireadh do pháirtithe leasmhara a barúlacha a thabhairt agus fuair sé barúlacha ó Changshu Longteng Special Steel Co., Ltd.

(40)

Tar éis dó anailís a dhéanamh ar na barúlacha agus ar an bhfaisnéis a fuarthas sa Dara Nóta, bhain an Coimisiún de thátal ar bhonn sealadach go raibh an Tuirc ina rogha iomchuí mar thír ionadaíoch óna bhfaighfí praghsanna agus costais neamhshaofa chun an gnáthluach a chinneadh. Déantar cur síos níos mionsonraithe ar na bunchúiseanna leis an rogha sin i Roinn 3.4 thíos.