(1)

Tá an Comhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a gcuid Ballstát, de pháirt, agus an Úcráin, den pháirt eile (2), (an ‘Comhaontú Comhlachais’), ina bhonn leis an ngaol idir an tAontas agus an Úcráin. I gcomhréir le Cinneadh 2014/668/AE (3) ón gComhairle, ón 1 Eanáir 2016, bhí feidhm shealadach ag Teideal IV den Chomhaontú Comhlachais, ar teideal é a bhaineann le trádáil agus le cúrsaí trádála, agus tháinig sé i bhfeidhm an 1 Meán Fómhair 2017 tar éis do na Ballstáit uile é a dhaingniú.

(2)

Cuirtear in iúl sa Chomhaontú Comhlachais gur mian leis na Páirtithe sa Chomhaontú Comhlachais (‘na Páirtithe’) an caidreamh a neartú agus a leathnú ar bhealach uaillmhianach agus nuálach, comhtháthú eacnamaíoch a éascú agus a bhaint amach de réir a chéile, agus é sin a dhéanamh i gcomhréir leis na cearta agus leis na hoibleagáidí is toradh ar bhallraíocht na bPáirtithe san Eagraíocht Dhomhanda Trádála.

(3)

Foráiltear le hAirteagal 25 den Chomhaontú Comhlachais go mbunófar limistéar saorthrádála de réir a chéile idir na Páirtithe i gcomhréir le hAirteagal XXIV den Chomhaontú Ginearálta um Tharaifí agus Trádáil 1994 (‘CGTT 1994’). Chuige sin, foráiltear le hAirteagal 29 den Chomhaontú Comhlachais go gcuirfear deireadh de réir a chéile le dleachtanna custaim i gcomhréir leis na Sceidil a áirítear ann agus an fhéidearthacht atá ann dlús a chur le raon feidhme an díothaithe sin agus é a leathnú. Foráiltear le hAirteagal 48 den Chomhaontú Comhlachais go ndéanfar leas an phobail a bhreithniú sula gcuirfear bearta frithdhumpála i bhfeidhm idir na Páirtithe.

(4)

Ó bhí 24 Feabhra 2022 ann, tá cogadh foghach na Rúise ar an Úcráin, ionsaí gan chúis gan údar, tar éis tionchar diúltach ollmhór a imirt ar chumas na hÚcráine trádáil a dhéanamh leis an gcuid eile den domhan, i ngeall ar scriosadh na hacmhainneachta táirgeachta agus toisc nach bhfuil fáil ar chuid shuntasach de na modhanna iompair ó tharla, mar shampla, an rochtain ar an Muir Dhubh a bheith faoi shrian agus éiginnte. Faoi chúinsí eisceachtúla den sórt sin agus chun tionchar diúltach eacnamaíoch chogadh foghach na Rúise a mhaolú, tá gá le dlús a chur le forbairt caidrimh eacnamaíoch níos dlúithe idir an tAontas agus an Úcráin chun tacaíocht leanúnach a thabhairt d’údaráis na hÚcráine agus do mhuintir na hÚcráine. Is gá agus is iomchuí, dá bhrí sin, leanúint de shreabha trádála a spreagadh agus lamháltais a dheonú i bhfoirm bearta um léirscaoileadh trádála le haghaidh gach táirge i gcomhréir leis an luathú atá á dhéanamh ó thaobh deireadh a chur le dleachtanna custaim ar thrádáil idir an tAontas agus an Úcráin.

(5)

I gcomhréir le hAirteagal 21(3) den Chonradh ar an Aontas Eorpach (CAE), tá an tAontas le comhchuibheas idir réimsí éagsúla dá ghníomhaíocht sheachtrach a airithiú. De bhun Airteagal 207(1) den Chonradh ar Fheidhmiú an Aontais Eorpaigh (CFAE), stiúrfar an comhbheartas tráchtála i gcomhthéacs phrionsabail agus chuspóirí ghníomhaíocht sheachtrach an Aontais.

(6)

Rachaidh Rialachán (AE) 2022/870 ó Pharlaimint na hEorpa agus ón gComhairle (4) in éag an 5 Meitheamh 2023.

(7)

Ba cheart gur mar seo a leanas a bheadh na bearta um léirscaoileadh trádála a bhunaítear leis an Rialachán seo: (i) cur i bhfeidhm chóras an phraghais iontrála maidir le torthaí agus glasraí a chur ar fionraí; (ii) taraif-chuótaí agus dleachtanna allmhairiúcháin a chur ar fionraí; (iii) de mhaolú ar Airteagal 14(1), an chéad fhomhír, de Rialachán (AE) 2016/1036 ó Pharlaimint na hEorpa agus ón gComhairle (5), dleachtanna frithdhumpála ar allmhairí de thionscnamh na hÚcráine arna ndéanamh le linn chur i bhfeidhm an Rialacháin, níor cheart iad a bhailiú tráth ar bith, lena n-áirítear tar éis don Rialachán seo dul in éag; agus (iv) cur i bhfeidhm Rialachán (AE) 2015/478 ó Pharlaimint na hEorpa agus ón gComhairle a chur ar fionraí go sealadach (6). Trí na bearta sin, cuirfidh an tAontas, i ndáiríre, tacaíocht iomchuí eacnamaíoch agus airgeadais ar fáil ar bhonn sealadach chun leas na hÚcráine agus na n-oibreoirí eacnamaíocha lena mbaineann.

(8)

Chun calaois a chosc, na socruithe fabhracha a bhunaítear leis an Rialachán seo, ba cheart iad a bheith faoi réir an choinníll go mbeidh na coinníollacha ábhartha uile chun socair a fháil faoin gComhaontú Comhlachais comhlíonta ag an Úcráin, lena n-áirítear na rialacha maidir le tionscnamh na dtáirgí lena mbaineann agus na nósanna imeachta a bhaineann leis sin, agus ina theannta sin, ba cheart iad a bheith faoi réir dhlúthchomhair na hÚcráine leis an Aontas ó thaobh riaracháin de, dá bhforáiltear sa Chomhaontú Comhlachais.

(9)

Ba cheart don Úcráin staonadh ó aon dleacht nó muirear nua a mbeadh a choibhéis d’éifeacht acu agus ó aon srian cainníochtúil nó beart nua a mbeadh a choibhéis d’éifeacht acu a thabhairt isteach, ó mhéadú a dhéanamh ar dhleachtanna nó ar mhuirir atá ann cheana nó ó aon srian eile ar thrádáil leis an Aontas a thabhairt isteach, ach amháin má tá údar soiléir leis sin i gcomhthéacs chogadh foghach na Rúise. I gcás nach gcomhlíonann an Úcráin aon cheann de na coinníollacha sin, ba cheart a chumhachtú don Choimisiún na socruithe fabhracha uile a bunaíodh leis an Rialachán seo, nó cuid díobh, a chur ar fionraí ar bhonn sealadach.

(10)

Foráiltear le hAirteagal 2 den Chomhaontú Comhlachais gur bunghnéithe den Chomhaontú Comhlachais iad, i measc nithe eile, prionsabail an daonlathais, cearta an duine agus saoirsí bunúsacha a urramú, urraim do phrionsabail na ceannasachta agus na sláine críche, do dhosháraitheacht teorainneacha agus do neamhspleáchas a chur chun cinn, chomh maith le dul i ngleic le leathadh na n-arm ollscriosta, ábhair ghaolmhara agus modhanna seachadta na n-arm sin. Ina theannta sin, luaitear in Airteagal 3 den Chomhaontú Comhlachais an smacht reachta, an dea-rialachas, an comhrac i gcoinne na héillitheachta agus an comhrac i gcoinne na gcineálacha éagsúla coireachta eagraithe trasnáisiúnta agus sceimhlitheoireachta, agus cur chun cinn na forbartha inbhuanaithe agus an iltaobhachais éifeachtaigh, ar rudaí iad atá ríthábhachtach ó thaobh an caidreamh idir na Páirtithe a fheabhsú. Is iomchuí an fhéidearthacht a thabhairt isteach na socruithe fabhracha a bhunaítear leis an Rialachán seo a chur ar fionraí go sealadach mura n-urramaíonn an Úcráin prionsabail ghinearálta an Chomhaontaithe Comhlachais, mar a tharlaíonn faoi chomhaontuithe comhlachais eile arna dtabhairt i gcrích ag an Aontas.

(11)

Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún chun na socruithe fabhracha dá bhforáiltear in Airteagal 1(1) a chur ar fionraí go sealadach mura gcomhlíontar na coinníollacha maidir le teidlíocht i leith na socruithe fabhracha sin a thuilleadh agus chun coimircí a thabhairt isteach i gcásanna ina ndéanann allmhairí faoin Rialachán seo dochar do mhargaí an Aontais le haghaidh táirgí comhchosúla nó táirgí atá in iomaíocht dhíreach leo. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (7).

(12)

Faoi réir measúnú ón gCoimisiún a dhéantar i gcomhthéacs an fhaireacháin thráthrialta ar thionchar an Rialacháin seo agus a sheoltar tar éis iarraidh chuí-réasúnaithe a fháil ó Bhallstát nó ar thionscnamh an Choimisiúin féin, is gá foráil a dhéanamh maidir leis an bhféidearthacht dleachtanna custaim a thabhairt isteach arís, ar dleachtanna custaim iad a bheadh infheidhme faoin gComhaontú Comhlachais murach an Rialachán seo ar allmhairí aon táirge a thagann faoi raon feidhme an Rialacháin seo agus a dhéanann dochar do mhargadh an Aontais le haghaidh táirgí comhchosúla nó táirgí atá in iomaíocht dhíreach leo.

(13)

Ba cheart measúnú mionsonraithe ar chur chun feidhme na mbeart um léirscaoileadh trádála a bhunaítear leis an Rialachán seo a chuimsiú sa tuarascáil bhliantúil ón gCoimisiún ar chur chun feidhme an Limistéir Dhomhain Chuimsithigh Saorthrádála, rud atá ina dhlúthchuid den Chomhaontú Comhlachais.

(14)

I bhfianaise phráinn na staide eacnamaíche san Úcráin agus dul in éag Rialachán (AE) 2022/870 an 5 Meitheamh 2023, ba cheart an Rialachán seo a theacht i bhfeidhm an 6 Meitheamh 2023,

(a)

comhlíonadh na rialacha maidir le tionscnamh na dtáirgí agus na nósanna imeachta a bhaineann leo dá bhforáiltear sa Chomhaontú Comhlachais;

(b)

staonadh na hÚcráine ó aon dleacht nó muirear nua a mbeadh a choibhéis d’éifeacht acu nó ó aon srian cainníochtúil nó beart nua a mbeadh a choibhéis d’éifeacht acu a thabhairt isteach i gcás allmhairí de thionscnamh an Aontais, ó mhéadú a dhéanamh ar dhleachtanna nó muirir atá ann cheana agus ó shrian d’aon saghas eile ar thrádáil leis an Aontas a thabhairt isteach, lena n-áirítear bearta riaracháin inmheánacha atá idirdhealaitheach, ach amháin má tá údar soiléir leis i gcomhthéacs an chogaidh; agus

(c)

urraim na hÚcráine do phrionsabail an daonlathais, do chearta an duine agus do shaoirsí bunúsacha agus urraim do phrionsabal an smachta reachta chomh maith le hiarrachtaí leanúnacha, marthanacha i ndáil leis an gcomhrac i gcoinne na héillitheachta agus gníomhaíochtaí neamhdhleathacha dá bhforáiltear in Airteagail 2, 3 agus 22 den Chomhaontú Comhlachais.

(1)

An 5 Meitheamh 2015 agus an 22 Lúnasa 2016, fuair an Ghníomhaireacht Eorpach Ceimiceán (‘an Ghníomhaireacht’) iarratais, i gcomhréir le hAirteagal 7(1) de Rialachán (AE) Uimh. 528/2012, ar ózón a ghintear as ocsaigin a fhormheas mar shubstaint ghníomhach lena húsáid i dtáirgí bithicídeacha de chineál táirge 2, díghalráin agus ailgicídí nár ceapadh lena gcur go díreach ar dhaoine ná ar ainmhithe, cineál táirge 4, bia agus áiteanna beatha, cineál táirge 5, uisce óil, agus cineál táirge 11, leasaithigh do chórais fhuaraithe agus phróiseála leachtanna, mar a thuairiscítear in Iarscríbhinn V a ghabhann le Rialachán (AE) Uimh. 528/2012. Is é údarás inniúil na Gearmáine (‘údarás inniúil meastóireachta na Gearmáine’) agus údarás inniúil na hÍsiltíre (‘údarás inniúil meastóireachta na hÍsiltíre’) a rinne meastóireacht ar na hiarratais sin.

(2)

An 9 Meán Fómhair 2020, chuir údarás inniúil meastóireachta na Gearmáine an tuarascáil mheasúnaithe ar na hiarratais mar aon le conclúidí a mheastóireachta faoi bhráid na Gníomhaireachta. Phléigh an Ghníomhaireacht an tuarascáil mheasúnaithe agus na conclúidí ag cruinnithe teicniúla.

(3)

An 28 Deireadh Fómhair 2021, chuir údarás inniúil meastóireachta na hÍsiltíre an tuarascáil mheasúnaithe ar na hiarratais mar aon le conclúidí a mheastóireachta faoi bhráid na Gníomhaireachta. Phléigh an Ghníomhaireacht an tuarascáil mheasúnaithe agus na conclúidí ag cruinnithe teicniúla.

(4)

I gcomhréir le hAirteagal 75(1), an dara fomhír, pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir leis na hiarratais ar fhormheas substaintí gníomhacha. I gcomhréir le hAirteagal 8(4) de Rialachán (AE) Uimh. 528/2012, ghlac an Coiste um Tháirgí Bithicídeacha na tuairimí ón nGníomhaireacht an 1 Nollaig 2021 (2), ag féachaint do chonclúidí údarás inniúil meastóireachta na Gearmáine, agus an 26 Meán Fómhair 2022 (3), ag féachaint do chonclúidí údarás inniúil meastóireachta na hÍsiltíre.

(5)

Sna tuairimí, is í conclúid na Gníomhaireachta go bhféadfaí coinne a bheith leis go ndéanfaidh táirgí bithicídeacha de chineálacha táirge 2, 4, 5 agus 11 ina n-úsáidtear ózón a ghintear as ocsaigin na critéir a leagtar síos in Airteagal 19(1), pointe (b) de Rialachán (AE) Uimh. 528/2012 a chomhlíonadh, ar choinníoll go gcomhlíonfar coinníollacha áirithe a bhaineann lena n-úsáid.

(6)

Agus na tuairimí ón nGníomhaireacht á gcur san áireamh, is iomchuí ózón a ghintear as ocsaigin a fhormheas mar shubstaint ghníomhach lena húsáid i dtáirgí bithicídeacha de chineálacha táirge 2, 4, 5 agus 11 faoi réir comhlíonadh coinníollacha áirithe.

(7)

Ba cheart tréimhse réasúnta a bheith ann sula bhformheasfar substaint ghníomhach ionas go mbeidh páirtithe leasmhara in ann na bearta ullmhúcháin is gá a dhéanamh chun na ceanglais nua a chomhlíonadh.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,

(1)

An 13 Márta 2018, fuair an Ghníomhaireacht Eorpach Ceimiceán (‘an Ghníomhaireacht’) iarratas, i gcomhréir le hAirteagal 7(1) de Rialachán (AE) Uimh. 528/2012, ar fhormheas aicéatáite (13Z)-heicsideic-13-in-11-in-1-ile mar shubstaint ghníomhach lena húsáid i dtáirgí bithicídeacha de chineál táirge 19, éarthaigh agus mealltóirí, mar a thuairiscítear in Iarscríbhinn V a ghabhann leis an Rialachán sin. Is é údarás inniúil na Fraince (‘an t-údarás inniúil meastóireachta’) a rinne meastóireacht ar an iarratas.

(2)

An 1 Meitheamh 2021, chuir an t-údarás inniúil meastóireachta an tuarascáil mheasúnaithe mar aon le conclúidí a mheastóireachta féin faoi bhráid na Gníomhaireachta. Phléigh an Ghníomhaireacht an tuarascáil mheasúnaithe agus conclúidí an údaráis inniúil meastóireachta ag cruinnithe teicniúla.

(3)

I gcomhréir le hAirteagal 75(1), an dara fomhír, pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ón nGníomhaireacht maidir leis na hiarratais ar fhormheas substaintí gníomhacha. An 8 Márta 2022, i gcomhréir le hAirteagal 8(4) de Rialachán Tarmligthe (AE) Uimh. 528/2012, ghlac an Coiste um Tháirgí Bithicídeacha an tuairim ón nGníomhaireacht (2), ag féachaint do chonclúidí an údaráis inniúil mheastóireachta.

(4)

Sa tuairim sin uaithi, is é conclúid na Gníomhaireachta go bhféadfar coinne a bheith leis go ndéanfaidh táirgí bithicídeacha de chineál táirge 19 ina bhfuil aicéatáit (13Z)-heicsideic-13-in-11-in-1-ile na critéir a leagtar síos in Airteagal 19(1), pointe (b), de Rialachán (AE) Uimh. 528/2012 a chomhlíonadh, ar choinníoll go gcomhlíonfar coinníollacha áirithe a bhaineann lena n-úsáid.

(5)

Ina tuairim uaithi molann an Ghníomhaireacht go ndéanfar aicéatáit (13Z)-heicsideic-13-in-11-in-1-ile a fhormheas faoi réir na gcoinníollacha nach bhféadfar a údarú ach táirgí bithicídeacha arb é atá iontu dáileoir éighníomhach neamh-inaisghafa (mar shampla eibleacht chéir a cuireadh isteach i liathróid) a bheidh le cur i bhfeidhm trí úsáid a bhaint as aerghunna comhbhrúite, agus nach bhféadfar táirgí bithicídeacha a údarú ach d’úsáid ghairmiúil (‘na coinníollacha arna moladh ag an nGníomhaireacht’). Freagraíonn na coinníollacha sin don táirge bithicídeach ionadaíoch agus an chatagóir úsáideora a cuireadh isteach san iarratas ar an tsubstaint ghníomhach a fhormheas. Mhol an Ghníomhaireacht na coinníollacha sin a fhorchur de thoradh gur ghlac an t-údarás inniúil meastóireachta le hoiriúnuithe áirithe ar na sonraí a cuireadh isteach le haghaidh fhormheas na substainte gníomhaí, i gcomhréir le hIarscríbhinn IV a ghabhann le Rialachán (AE) Uimh. 528/2012. Ghlac an t-údarás inniúil meastóireachta leis na hoiriúnuithe toisc aicéatáit (13Z)-heicsideic-13-in-11-in-1-ile a bheith ina fearamón, ar aicme í d’aicme substaintí a shainaithnítear i gcoitinne mar shubstaintí ar ábhar imní beag iad do shláinte an duine agus do shláinte ainmhithe agus don chomhshaol, agus toisc gur fíor-annamh a bhíonn teagmháil ag daoine ná ag an gcomhshaol leis an tsubstaint ghníomhach de dheasca úsáid an táirge bhithicídigh ionadaíoch.

(6)

Mar sin féin, is gnách go mbunaítear coinníollacha sriantacha maidir le táirgí bithicídeacha ina bhfuil substaint ghníomhach a chur ar fáil ar an margadh nó a úsáid nuair a dhéantar substaint ghníomhach a fhormheas, tráth a shainaithnítear rioscaí le linn scrúdú a dhéanamh ar fhormheas na substainte gníomhaí agus nach féidir aon bhearta oiriúnacha maolaithe riosca eile a shainaithint maidir le húsáid shonrach. Ina tuairim uaithi níor shainaithin an Ghníomhaireacht aon riosca do shláinte an duine, do shláinte ainmhithe ná don chomhshaol a d’fhágfadh go mbeadh gá leis na coinníollacha arna moladh ag an nGníomhaireacht. De ghnáth, ní bhíonn formheas substainte gníomhaí teoranta don táirge ionadaíoch agus don chatagóir úsáideora ionadaíoch a chuirtear i láthair san iarratas ar fhormheas, agus dóibh sin amháin. Ina theannta sin, le forchur na gcoinníollacha arna moladh ag an nGníomhaireacht, chuirfí teorainn leis an nuálaíocht i bhforbairt táirgí ina bhfuil fearamón, ar aicme í d’aicme substaintí a shainaithnítear i gcoitinne mar shubstaintí ar ábhar imní beag iad do shláinte an duine agus do shláinte ainmhithe agus don chomhshaol.

(7)

Dá bhrí sin, measann an Coimisiún nach gá na coinníollacha arna moladh ag an nGníomhaireacht a chur san áireamh sa Rialachán seo. Mar sin féin, chun béim a leagan ar an ngá a d’fhéadfadh a bheith le sonraí breise maidir leis an tsubstaint ghníomhach chun sábháilteacht úsáidí eile maidir le sláinte an duine, le sláinte ainmhithe nó leis an gcomhshaol a léiriú i gcás iarratas ar údarú táirgí seachas an táirge ionadaíoch, is iomchuí a leagan síos gur gá aird ar leith a thabhairt sa mheasúnú ar tháirgí ar na teagmhálacha, ar na rioscaí agus ar an éifeachtúlacht a bhaineann le haon cheann de na húsáidí a chumhdaítear le hiarratas ar údarú, ar úsáidí iad nár tugadh aghaidh orthu sa mheasúnú riosca ar an tsubstaint ghníomhach ar leibhéal an Aontais. Ina theannta sin, i gcás úsáidí a fhágfaidh go mbeidh teagmháil níos mó ag úsáideoirí, ag daoine ar an láthair nó ag an gcomhshaol leis an tsubstaint ghníomhach i gcomparáid leis an leibhéal teagmhála a luaitear sa mheasúnú riosca ar an tsubstaint ghníomhach ar leibhéal an Aontais, is gá na sonraí uile is gá le haghaidh substaintí gníomhacha a bheith in iarratais ar údarú táirge i gcomhréir le hIarscríbhinn II a ghabhann le Rialachán (AE) Uimh. 528/2012, faoi réir na bhféidearthachtaí maidir leis na ceanglais sonraí a oiriúnú i gcomhréir le hIarscríbhinn IV a ghabhann leis an Rialachán sin.

(8)

Agus an tuairim ón nGníomhaireacht á cur san áireamh, is iomchuí aicéatáit (13Z)-heicsideic-13-in-11-in-1-ile a fhormheas mar shubstaint ghníomhach lena húsáid i dtáirgí bithicídeacha de chineál táirge 19 faoi réir comhlíonadh coinníollacha áirithe.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,

(1)

Is galar víreasach tógálach é fiabhras Afracach na muc a bhíonn ar mhuc-ainmhithe atá ar coimeád agus ar mhuc-ainmhithe fiáine agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar a n-onnmhairí go tríú tíortha.

(2)

Le Rialachán Tarmligthe 2020/687 (2) forlíontar na rialacha i dtaca le rialú na ngalar liostaithe dá dtagraítear in Airteagal 9(1), pointí (a), (b) agus (c) de Rialachán (AE) 2016/429, agus a shainmhínítear mar ghalair i gcatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, déantar foráil in Airteagal 21 agus Airteagal 22 de Rialachán Tarmligthe (AE) 2020/687 maidir le crios srianta a bhunú i gcás ráig de ghalar i gcatagóir A, lena n-áirítear fiabhras Afracach na muc, agus maidir le bearta áirithe a bheidh le cur i bhfeidhm ann. Ina theannta sin, foráiltear le hAirteagal 21(1) den Rialachán Tarmligthe sin go gcuimseoidh an crios srianta crios cosanta, crios faireachais, agus, más gá, criosanna srianta breise timpeall na gcriosanna cosanta agus faireachais nó cóngarach dóibh.

(3)

Le Rialachán Cur Chun Feidhme (AE) 2023/594 ón gCoimisiún (4) leagtar síos bearta speisialta rialaithe maidir le fiabhras Afracach na muc, ar bearta iad atá le cur i bhfeidhm ar feadh tréimhse theoranta ama ag na Ballstáit, a liostaítear, nó a bhfuil limistéir acu a liostaítear in Iarscríbhinní I agus II de (na Ballstáit lena mbaineann). Liostaítear in Iarscríbhinn I a ghabhann leis an Rialachán Cur Chun Feidhme sin criosanna srianta I, II agus III tar éis ráigeanna den ghalar sin.

(4)

Na limistéir a liostaítear mar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2023/594, tá siad bunaithe ar staid eipidéimeolaíoch fhiabhras Afracach na muc san Aontas. Is le Rialachán Cur Chun Feidhme (AE) 2023/947 (5) ón gCoimisiún a leasaíodh Iarscríbhinn I a ghabhann le Rialachán Cur Chun Feidhme (AE) 2023/594 go deireanach tar éis athruithe sa staid eipidéimeolaíoch a mhéid a bhaineann leis an ngalar sin sa tSeicia agus san Iodáil. Ó bhí dáta glactha an Rialacháin Cur Chun Feidhme sin ann, tá athrú tagtha ar an staid eipidéimeolaíoch a mhéid a bhaineann leis an ngalar sin i mBallstáit áirithe lena mbaineann.

(5)

Aon leasú ar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a bheith bunaithe ar an staid eipidéimeolaíoch a mhéid a bhaineann le fiabhras Afracach na muc sna limistéir atá buailte ag an ngalar sin agus ar staid eipidéimeolaíoch fhoriomlán fhiabhras Afracach na muc sa Bhallstát lena mbaineann, ar an leibhéal riosca maidir le leathadh breise an ghalair sin, ar phrionsabail agus critéir atá bunaithe ar an eolaíocht i dtaca le criosú a shainiú go geografach de bharr fhiabhras Afracach na muc, agus ar threoirlínte an Aontais a comhaontaíodh leis na Ballstáit ag an mBuanchoiste um Plandaí, Ainmnithe, Bia agus Beatha, treoirlínte atá ar fáil go poiblí ar shuíomh gréasáin an Choimisiúin (6). Ba cheart caighdeáin idirnáisiúnta a chur san áireamh sna leasuithe sin freisin, caighdeáin amhail Cód um Shláinte (7) na nAinmhithe Talún ón Eagraíocht Dhomhanda um Shláinte Ainmhithe (WOAH), agus ba cheart an bonn cirt a thug údaráis inniúla náisiúnta na mBallstát lena mbaineann leis an gcriosú a chur san áireamh freisin.

(6)

I gcás ráige d’fhiabhras Afracach na muc i measc muc-ainmhithe atá ar coimeád i mBallstát, foráiltear le hAirteagal 3, pointe (a) de Rialachán Cur Chun Feidhme (AE) 2023/594 go mbunóidh údarás inniúil an Bhallstáit sin crios srianta, i gcomhréir le hAirteagal 21(1) de Rialachán Tarmligthe (AE) 2020/687.

(7)

I gcás ráige d’fhiabhras Afracach na muc i measc muc-ainmhithe fiáine i mBallstát, foráiltear le hAirteagal 3, pointe (b) de Rialachán Cur Chun Feidhme (AE) 2023/594 go mbunóidh údarás inniúil an Bhallstáit sin crios ionfhabhtaithe, i gcomhréir le hAirteagal 63 de Rialachán Tarmligthe (AE) 2020/687.

(8)

Ina theannta sin, tar éis ráige d’fhiabhras Afracach na muc i measc muc-ainmhithe fiáine i mBallstát nó i gcrios a bhí saor ó ghalair roimhe sin, foráiltear le hAirteagal 6(2) de Rialachán Cur Chun Feidhme (AE) 2023/594 go liostófar an limistéar sin mar chrios ionfhabhtaithe i gCuid A d’Iarscríbhinn II a ghabhann leis an Rialachán Cur Chun Feidhme sin.

(9)

Ina theannta sin, tar éis ráige d’fhiabhras Afracach na muc, arb í an chéad agus an t-aon ráig amháin í, i measc muc-ainmhithe atá ar coimeád i mBallstát nó i gcrios a bhí saor ó ghalair roimhe sin, foráiltear le hAirteagal 7(2) de Rialachán Cur Chun Feidhme (AE) 2023/594 go liostófar an limistéar sin mar chrios srianta, ina gcuimsítear criosanna cosanta agus faireachais, i gCuid B d’Iarscríbhinn II a ghabhann leis an Rialachán Cur Chun Feidhme sin.

(10)

Chuir an Iodáil an Coimisiún ar an eolas faoi staid reatha fhiabhras Afracach na muc ar a críoch, tar éis ráig amháin den ghalar sin a dhearbhú i measc muc-ainmhithe atá ar coimeád i réigiún Calabria an 12 Bealtaine 2023, i gcrios a bhí saor ó ghalair roimhe sin. I gcomhréir le Rialachán Tarmligthe (AE) 2020/687 agus Rialachán Cur Chun Feidhme (AE) 2023/594, bhunaigh an Iodáil crios srianta, ina gcuimsítear criosanna cosanta agus faireachais, ina gcuirtear i bhfeidhm na bearta ginearálta rialaithe galar a leagtar síos i Rialachán Tarmligthe (AE) 2020/687, chun leathadh breise an ghalair sin a chosc.

(11)

Ina theannta sin, chuir an Iodáil an Coimisiún ar an eolas faoin dearbhú maidir le ráig amháin d’fhiabhras Afracach na muc i muc-ainmhí fiáin i réigiún Calabria an 11 Bealtaine 2023, i gcrios a bhí saor ó ghalair roimhe sin. Dá réir sin, bhunaigh údarás inniúil an Bhallstáit sin crios ionfhabhtaithe i gcomhréir le Rialachán Tarmligthe (AE) 2020/687 agus Rialachán Cur Chun Feidhme (AE) 2023/594.

(12)

Glacadh Cinneadh Cur Chun Feidhme (AE) 2023/985 ón gCoimisiún (8) tar éis faisnéis a fháil ón Iodáil maidir leis na ráigeanna sin i measc muc-ainmhithe atá ar coimeád agus i measc muc-ainmhithe fiáine i gcriosanna a bhí saor ó ghalair roimhe sin i réigiún Calabria an Bhallstáit sin. Foráiltear leis, inter alia, go bhfuil an Iodáil le háirithiú go mbeidh feidhm ag na bearta rialaithe speisialta le haghaidh fiabhras Afracach na muc is infheidhme i gcriosanna srianta II a liostaítear i Rialachán Cur Chun Feidhme (AE) 2023/594 sna limistéir a liostaítear mar chrios ionfhabhtaithe san Iarscríbhinn a ghabhann leis, chomh maith leis na bearta sin a leagtar síos in Airteagail 63 go 66 de Rialachán Tarmligthe (AE) 2020/687. Tá feidhm ag Cinneadh Cur Chun Feidhme (AE) 2023/985 go dtí an 12 Lúnasa 2023.

(13)

Ó bhí dáta glactha Chinneadh Cur Chun Feidhme (AE) 2023/985 ann, níl athrú tagtha ar an staid eipidéimeolaíoch san Iodáil maidir le fiabhras Afracach na muc i réigiún Calabria, agus dá réir sin, tá na bearta rialaithe speisialta is gá curtha chun feidhme ag an Iodáil, agus sonraí faireachais breise bailithe aici.

(14)

Ina theannta sin, chuir an Iodáil an Coimisiún ar an eolas faoi ráig d’fhiabhras Afracach na muc i muc-ainmhí fiáin i réigiún Campania an 24 Bealtaine 2023, i gcrios a bhí saor ó ghalair roimhe sin. Dá réir sin, bhunaigh údarás inniúil an Bhallstáit sin crios ionfhabhtaithe i gcomhréir le Rialachán Tarmligthe (AE) 2020/687 agus Rialachán Cur Chun Feidhme (AE) 2023/594.

(15)

Thairis sin, ó dháta glactha Rialachán Cur Chun Feidhme (AE) 2023/947 lena leasaítear Rialachán Cur Chun Feidhme (AE) 2023/594, tá ráig nua d’fhiabhras Afracach na muc i measc muc-ainmhithe atá ar coimeád sa Ghréig, agus ráigeanna nua d’fhiabhras Afracach na muc i measc muc-ainmhithe fiáine san Iodáil agus sa Pholainn. Ina theannta sin, tá feabhas tagtha ar an staid eipidéimeolaíoch i gcriosanna áirithe a liostaítear mar chriosanna srianta I, II agus III san Iodáil in Iarscríbhinn I a ghabhann le Rialachán Cur Chun Feidhme (AE) 2023/594 maidir le muc-ainmhithe ar coimeád agus ainmhithe fiáine, chomh maith leis an staid eipidéimeolaíoch i gcriosanna áirithe a liostaítear mar chriosanna srianta I agus II sa Ghearmáin agus sa Pholainn, mar gheall ar na bearta rialaithe galar atá á gcur i bhfeidhm ag na Ballstáit sin i gcomhréir le reachtaíocht an Aontais.

(16)

I mí Bealtaine 2023 tugadh faoi deara go raibh ráig amháin d’fhiabhras Afracach na muc i muc-ainmhithe atá ar coimeád i réigiún Serres na Gréige, i limistéar a liostaítear faoi láthair mar chrios srianta I in Iarscríbhinn I a ghabhann le Rialachán Cur Chun Feidhme (AE) 2023/594. An ráig sin d’fhiabhras Afracach na muc i measc muc-ainmhithe ar coimeád, tá leibhéal méadaithe riosca ag baint léi, rud ba cheart a léiriú san Iarscríbhinn sin. Dá réir sin, an limistéar sin den Ghréig a liostaítear faoi láthair mar chrios srianta I in Iarscríbhinn I a ghabhann le Rialachán Cur Chun Feidhme (AE) 2023/594, ar limistéar é atá buailte ag an ráig sin d’fhiabhras Afracach na muc a tharla le déanaí, ba cheart é a liostú ina ionad sin mar chrios srianta III san Iarscríbhinn sin, agus ní mór teorainneacha reatha chrios srianta I a athshainiú chun an ráig sin a chur san áireamh.

(17)

Ina theannta sin, mí Bealtaine 2023, tugadh faoi deara go raibh roinnt ráigeanna d’fhiabhras Afracach na muc ann i measc muc-ainmhithe fiáine i réigiúin Piedmont na hIodáile, i limistéar a liostaítear faoi láthair mar chrios srianta II in Iarscríbhinn I a ghabhann le Rialachán Cur Chun Feidhme (AE) 2023/594, atá dlúth leis an limistéar a liostaítear mar chriosanna srianta I faoi láthair. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú in Iarscríbhinn I a ghabhann le Rialachán Cur Chun Feidhme (AE) 2023/594. Dá réir sin, an limistéar sin den Iodáil a liostaítear faoi láthair mar chrios srianta I in Iarscríbhinn I a ghabhann le Rialachán Cur Chun Feidhme (AE) 2023/594, ar limistéar é atá dlúth leis an limistéar a liostaítear mar chrios srianta II atá buailte ag na ráigeanna sin a tharla le déanaí, ba cheart é a liostú mar chrios srianta II in Iarscríbhinn I a ghabhann le Rialachán Cur Chun Feidhme (AE) 2023/594 agus ní mór teorainneacha reatha chrios srianta I a athshainiú chun na ráigeanna sin a tharla le déanaí a chur san áireamh.

(18)

Ina theannta sin, i mí Bealtaine 2023, tugadh faoi deara go raibh dhá chás d’fhiabhras Afracach na muc i muc-ainmhithe fiáine i réigiúin Podkarpackie agus Wielkopolskie na Polainne, i limistéir a liostaítear faoi láthair mar chriosanna srianta I in Iarscríbhinn I a ghabhann le Rialachán Cur chun Feidhme (AE) 2023/594. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú in Iarscríbhinn I a ghabhann le Rialachán Cur Chun Feidhme (AE) 2023/594. Dá réir sin, na limistéir sin den Pholainn a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a liostú mar chriosanna srianta III san Iarscríbhinn sin, agus ní mór teorainneacha reatha chriosanna srianta I a athshainiú chun na ráigeanna sin a chur san áireamh.

(19)

Ar deireadh, i mí Bealtaine 2023, tugadh faoi deara go raibh roinnt ráigeanna d’fhiabhras Afracach na muc ann i measc muc-ainmhithe fiáine i Réigiúin Pomorsckie agus Warmińsko-mazurskie na Polainne, i limistéar a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, atá dlúth leis na limistéir a liostaítear mar chriosanna srianta I faoi láthair. Na ráigeanna sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú san Iarscríbhinn sin. Dá réir sin, na limistéir sin den Pholainn a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2023/594, ar limistéir iad atá dlúth leis na limistéir a liostaítear mar chriosanna srianta II ar limistéir iad atá buailte ag na ráigeanna sin a tharla le déanaí, ba cheart iad a liostú mar chriosanna srianta II san Iarscríbhinn sin agus ní mór teorainneacha reatha chriosanna srianta I a athshainiú chun na ráigeanna sin a chur san áireamh.

(20)

Tar éis na ráigeanna d’fhiabhras Afracach na muc a bhí ann le déanaí i measc muc-ainmhithe atá ar coimeád sa Ghréig, agus i measc muc-ainmhithe fiáine san Iodáil agus sa Pholainn, agus an staid eipidéimeolaíoch reatha a mhéid a bhaineann le fiabhras Afracach na muc san Aontas á cur san áireamh, rinneadh criosú sna Ballstáit sin a athmheasúnú agus a thabhairt cothrom le dáta i gcomhréir le hAirteagail 5, 6 agus 7 de Rialachán Cur Chun Feidhme (AE) 2023/594. Sa bhreis air sin, na bearta bainistithe riosca a bhí i bhfeidhm, rinneadh iad a athmheasúnú agus a thabhairt cothrom le dáta. Ba cheart na hathruithe sin a léiriú in Iarscríbhinn I a ghabhann le Rialachán Cur Chun Feidhme (AE) 2023/594.

(21)

Ina theannta sin, ar bhonn na faisnéise agus an bhonn cirt arna soláthar ag an nGearmáin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta II áirithe a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm sa Ghearmáin i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Mecklenburg- Iarthar na Pomaráine agus Brandenburg sa Ghearmáin, ar criosanna iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a liostú feasta mar chriosanna srianta I san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád ná i measc muc-ainmhithe fiáine sna criosanna srianta II sin le 12 mhí anuas. Dá réir sin, ba cheart na limistéir sin a liostaítear mar chriosanna srianta III a liostú feasta mar chriosanna srianta I san Iarscríbhinn sin agus staid eipidéimeolaíoch fhiabhras Afracach na muc atá ann faoi láthair á cur san áireamh.

(22)

Ina theannta sin, ar bhonn na faisnéise agus an bhonn cirt arna soláthar ag an nGearmáin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta II áirithe a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm sa Ghearmáin i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Mecklenburg- Iarthar na Pomaráine agus Brandenburg sa Ghearmáin, ar criosanna iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a dhíliostú feasta san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád ná i measc muc-ainmhithe fiáine sna criosanna srianta II sin le 12 mhí anuas.

(23)

Ina theannta sin, ar bhonn na faisnéise agus an bhonn cirt arna soláthar ag an nGearmáin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta I áirithe, agus sna criosanna srianta atá ar an teorainn leis na criosanna srianta sin, a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm sa Ghearmáin i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Mecklenburg- Iarthar na Pomaráine agus Brandenburg sa Ghearmáin, ar criosanna iad a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a dhíliostú feasta san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád ná i measc muc-ainmhithe fiáine sna criosanna srianta I sin, agus sna criosanna atá ar an teorainn leis na criosanna srianta I sin le 12 mhí anuas.

(24)

Ina theannta sin, ar bhonn na faisnéise agus an bhonn cirt arna soláthar ag an Iodáil, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád i gcriosanna srianta III áirithe a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm san Iodáil i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún na Sairdíne san Iodáil, ar criosanna iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a liostú feasta mar chriosanna srianta II san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád sna criosanna srianta III sin le 12 mhí anuas, cé go bhfuil an galar fós ann i measc muc-ainmhithe fiáine. Ba cheart na criosanna srianta III sin san Iarscríbhinn sin a liostú feasta mar chriosanna srianta II agus staid eipidéimeolaíoch fhiabhras Afracach na muc atá ann faoi láthair á cur san áireamh.

(25)

Ina theannta sin, ar bhonn na faisnéise agus an bhonn cirt arna soláthar ag an Iodáil, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta II áirithe a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm san Iodáil i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Mecklenburg- Iarthar na Pomaráine agus Brandenburg sa Ghearmáin, ar criosanna iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a liostú feasta mar chriosanna srianta I san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád ná i measc muc-ainmhithe fiáine sna criosanna srianta II sin le 12 mhí anuas. Ba cheart na criosanna srianta II sin san Iarscríbhinn sin a liostú feasta mar chriosanna srianta I agus staid eipidéimeolaíoch fhiabhras Afracach na muc atá ann faoi láthair á cur san áireamh.

(26)

Ar deireadh, ar bhonn na faisnéise agus an bhonn cirt arna soláthar ag an Iodáil agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád agus muc-ainmhithe fiáine i gcriosanna srianta II a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm san Iodáil i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún na Sairdíne san Iodáil, ar limistéir iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a dhíliostú ón Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád ná i muc-ainmhithe fiáine i gcriosanna srianta II sin le 12 mhí anuas.

(27)

Ina theannta sin, ar bhonn na faisnéise agus an bhonn cirt arna soláthar ag an Iodáil agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád agus muc-ainmhithe fiáine i gcriosanna srianta I a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm san Iodáil i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún na Sairdíne san Iodáil, ar limistéir iad a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a dhíliostú ón Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád sna criosanna srianta I ná sna criosanna srianta atá ar an teorainn leis na criosanna srianta sin, le 12 mhí anuas.

(28)

Anuas air sin, ar bhonn na faisnéise agus an bhonn cirt arna soláthar ag an bPolainn, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta II áirithe a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Mazowieckie agus Łódzkie na Polainne, ar criosanna iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a liostú feasta mar chriosanna srianta I san Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád ná i measc muc-ainmhithe fiáine sna criosanna srianta II sin le 12 mhí anuas. Ba cheart na criosanna srianta II sin san Iarscríbhinn sin a liostú feasta mar chriosanna srianta I agus staid eipidéimeolaíoch fhiabhras Afracach na muc atá ann faoi láthair á cur san áireamh.

(29)

Ar deireadh, ar bhonn na faisnéise agus an bhonn cirt arna soláthar ag an bPolainn agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád agus muc-ainmhithe fiáine i gcriosanna srianta I a liostaítear in Iarscríbhinn I a ghabhann le Rialachán Cur Chun Feidhme (AE) 2023/594 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún Mazowieckie na Polainne, ar limistéir iad a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2023/594, ba cheart iad a dhíliostú ón Iarscríbhinn sin, toisc nach raibh aon ráig d’fhiabhras Afracach na muc ann i measc muc-ainmhithe atá ar coimeád sna criosanna srianta I ná sna criosanna srianta atá ar an teorainn leis na criosanna srianta sin, le 12 mhí anuas.

(30)

Chun aird a thabhairt ar na forbairtí is déanaí i staid eipidéimeolaíoch fhiabhras Afracach na muc san Aontas, agus chun dul i ngleic leis na rioscaí a bhaineann le leathadh an ghalair sin ar bhealach réamhghníomhach, ba cheart criosanna srianta nua de mhéid leordhóthanach a chríochú le haghaidh na Gréige, na hIodáile agus na Polainne, agus ba cheart iad a liostú go cuí mar chriosanna srianta I, II agus III, agus ba cheart codanna áirithe de chrios srianta I a dhíliostú le haghaidh na hIodáile agus na Polainne in Iarscríbhinn I a ghabhann le Rialachán Cur Chun Feidhme (AE) 2023/594. Ó tharla go bhfuil an staid a mhéid a bhaineann le fiabhras Afracach na muc an-dinimiciúil san Aontas, cuireadh staid eipidéimeolaíoch na limistéar máguaird san áireamh nuair a bhí na criosanna srianta nua sin á gcríochú.

(31)

Ba cheart an crios ionfhabhtaithe arna bhunú ag údarás inniúil na hIodáile i réigiún Campania san Iodáil a liostú i gCuid A d’Iarscríbhinn II a ghabhann le Rialachán Cur Chun Feidhme (AE) 2023/594. Chomh maith leis sin, ba cheart na réimsí a shainaithnítear i gCinneadh Cur Chun Feidhme (AE) 2023/985 san Iodáil a liostú i gCodanna A agus B d’Iarscríbhinn II a ghabhann le Rialachán Cur Chun Feidhme (AE) 2023/594, agus ba cheart Cinneadh Cur Chun Feidhme (AE) 2023/985 a aisghairm.

(32)

I bhfianaise phráinn na staide eipidéimeolaíche san Aontas a mhéid a bhaineann le leathadh fhiabhras Afracach na muc, tá sé tábhachtach go dtiocfaidh na leasuithe atá le déanamh leis an Rialachán seo ar Iarscríbhinní I agus II ghabhann le Rialachán Cur Chun Feidhme (AE) 2023/594 i bhfeidhm a luaithe is féidir.

(33)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,