19.4.2023

Iris Oifigiúil an Aontais Eorpaigh

L 104/1

RIALACHÁN TARMLIGTHE (AE) 2023/827 ÓN gCOIMISIÚN

an 11 Deireadh Fómhair 2022

lena leagtar síos caighdeáin theicniúla rialála lena leasaítear Rialachán Tarmligthe (AE) Uimh. 241/2014 a mhéid a bhaineann le réamhchead chun cistí dílse a laghdú agus na ceanglais a bhaineann le hionstraimí dliteanas incháilithe

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglas stuamachta i gcomhair institiúidí creidmheasa agus lena leasaítear Rialachán (AE) Uimh. 648/2012 (1), agus go háirithe Airteagal 28(5), an tríú fomhír, Airteagal 29(6), an tríú fomhír, Airteagal 52(2), an tríú fomhír, Airteagal 72b(7), an ceathrú fomhír, Airteagal 76(4), an tríú fomhír, Airteagal 78(5), an tríú fomhír, Airteagal 78a(3), an ceathrú fomhír, agus Airteagal 79(2), an tríú fomhír, den Rialachán sin,

De bharr an mhéid seo a leanas:

(1)

Rialachán (AE) 2019/876 ó Pharlaimint na hEorpa agus ón gComhairle (2) lena leasaítear an téarmaíocht a úsáidtear i roinnt Airteagal i Rialachán (AE) Uimh. 575/2013. Ba cheart na leasuithe sin a léiriú i Rialachán Tarmligthe (AE) ón gCoimisiún Uimh. 241/2014 (3), ina leagtar amach caighdeáin theicniúla rialála le haghaidh ceanglais cistí dílse i gcomhair institiúidí.

(2)

Le Rialachán (AE) 2019/876 tugadh isteach i Rialachán (AE) Uimh. 575/2013 ceanglais nua le haghaidh cistí dílse agus dliteanais incháilithe i gcomhair institiúidí domhanda a bhfuil tábhacht shistéamach leo (G-SIInna) agus le haghaidh fochuideachtaí ábhartha d’institiúidí domhanda a bhfuil tábhacht shistéamach leo agus nach institiúidí de chuid an Aontais Eorpaigh iad, chomh maith le critéir chomhchuibhithe le haghaidh míreanna dliteanas incháilithe agus ionstraimí chun na ceanglais sin a chomhlíonadh. Le Rialachán (AE) 2019/876 tugadh isteach Airteagal 72b(7) agus Airteagal 78a(3) freisin i Rialachán (AE) Uimh. 575/2013, lena gceanglaítear ar an Údarás Baincéireachta Eorpach (ÚBE) dréachtchaighdeáin theicniúla rialála a fhorbairt ina sonraítear roinnt de na critéir incháilitheachta le haghaidh ionstraimí dliteanas incháilithe chomh maith leis an gcóras ceada chun na hionstraimí sin a laghdú. Na ceanglais cistí dílse i gcomhair institiúidí agus na ceanglais nua maidir le cistí dílse agus dliteanais incháilithe, tá an cuspóir céanna á saothrú acu maidir lena áirithiú go mbeidh acmhainn iniomparthachta caillteanas leordhóthanach ag na hinstitiúidí. Chuige sin, tá na caighdeáin le haghaidh ionstraimí cistí dílse agus na caighdeáin le haghaidh ionstraimí dliteanas incháilithe nasctha go dlúth le chéile, go háirithe i gcás ina gceanglaítear go sainráite le Rialachán (AE) Uimh. 575/2013 go mbeadh na caighdeáin sin ailínithe go hiomlán. Chun comhleanúnachas agus comhsheasmhacht a áirithiú idir na caighdeáin le haghaidh ionstraimí cistí dílse agus na caighdeáin le haghaidh ionstraimí dliteanas incháilithe, agus chun léargas cuimsitheach agus dlúthrochtain ar na caighdeáin sin a éascú do dhaoine a bheidh faoina réir, is iomchuí na caighdeáin le haghaidh ionstraimí dliteanas incháilithe a ionchorprú i Rialachán Tarmligthe (AE) ón gCoimisiún Uimh. 241/2014.

(3)

Maidir leis na ceanglais le haghaidh cistí dílse agus dliteanais incháilithe i Rialachán (AE) Uimh. 575/2013 agus i dTreoir 2014/59/AE ó Pharlaimint na hEorpa agus ón gComhairle (4), comhroinntear an cuspóir céanna iontu chun a áirithiú go mbeidh acmhainn iniomparthachta caillteanas leordhóthanach ag na hinstitiúidí. Chuige sin, tugadh isteach le Treoir (AE) 2019/879 ó Pharlaimint na hEorpa agus ón gComhairle (5) i dTreoir 2014/59/AE Airteagal 45b(1), lenar cuireadh síneadh, le haghaidh gach eintitis réitigh, na critéir incháilitheachta le haghaidh ionstraimí dliteanas incháilithe chuig dliteanais atá incháilithe chun an t-íoscheanglas le haghaidh cistí dílse agus dliteanais incháilithe (ICDI) a chomhlíonadh, cé is moite den chritéar dá dtagraítear in Airteagal 72b(2), pointe (d), de Rialachán (AE) Uimh. 575/2013. Maidir le heintitis réitigh ar eintitis G-SIInna iad agus fochuideachtaí ábhartha de chuid an Aontais d’institiúidí domhanda a bhfuil tábhacht shistéamach leo agus nach institiúidí de chuid an Aontais Eorpaigh iad, tugadh Airteagal 45d isteach i dTreoir 2014/59/AE le Treoir (AE) 2019/879. Foráiltear leis an bhforáil sin ina mír 1, pointe (a), agus ina mír 2, pointe (a), arna léamh araon i gcomhar le hAirteagal 45b(1), an dara fomhír, go bhfuil incháilitheacht na ndliteanas maidir leis an íosleibhéal a cheanglaítear de MREL a chomhlíonadh ag brath ar na dliteanais sin na critéir incháilitheachta le haghaidh ionstraimí dliteanas incháilithe a chomhlíonadh. Ceanglaítear leis na critéir sin, inter alia, nach gcisteodh an institiúid na dliteanais go díreach nó go hindíreach, nach féidir na dliteanais a laghdú gan réamhchead ón údarás réitigh, agus nach mbeidh dreasacht sna dliteanais chun fuascailt a dhéanamh, ach amháin sna cásanna dá dtagraítear in Airteagal 72c(3) de Rialachán (AE) Uimh. 575/2013. Mar an gcéanna, i ndáil le heintitis nach eintitis réitigh iad, tugadh Airteagal 45f isteach i dTreoir 2014/59/AE le Treoir (AE) 2019/879. D’fhág mír 2, pointe (a)(ii) agus pointe (a)(v) den Airteagal sin go raibh incháilitheacht dliteanas faoi réir critéir incháilitheachta áirithe a chomhlíonadh i ndáil le hionstraimí dliteanas incháilithe agus faoi réir an cheanglais nach bhfuil éadáil úinéireacht na ndliteanas á cistiú go díreach ná go hindíreach ag an eintiteas atá faoi réir an Airteagail sin. Is gá, dá bhrí sin, a leagan síos maidir le forálacha Rialachán Tarmligthe (AE) Uimh. 241/2014 a bhaineann le cistiú díreach agus indíreach ionstraimí dliteanas incháilithe, foirm agus cineál na ndreasachtaí chun ionstraimí den sórt sin a fhuascailt agus le réamhchead chun iad a laghdú, gur cheart na forálacha sin a chur i bhfeidhm freisin ar bhealach comhsheasmhach chun críocha Airteagal 45b(1) agus Airteagal 45f(2), pointe (a)(ii) agus pointe (a)(v), de Threoir 2014/59/AE. Chun an comhsheasmhacht sin a áirithiú, ba cheart an téarma “ionstraimí dliteanas incháilithe” a thuiscint freisin mar thagairt do “dhliteanais incháilithe” dá dtagraítear in Airteagal 45b agus Airteagal 45f(2), pointe (a), de Threoir 2014/59/AE, gan beann ar a mbeidh fágtha de théarma na ndliteanas sin, agus ba cheart feidhm a bheith ag an téarma “institiúid” freisin maidir le haon eintiteas atá faoi réir MREL i gcomhréir le hAirteagal 45(1) den Treoir sin.

(4)

Fágann Airteagal 28(1), pointe (b), Airteagal 52(1), pointe (c), agus Airteagal 63, pointe (c), de Rialachán (AE) Uimh. 575/2013 go mbraitheann incháilitheacht na n-ionstraimí cistí dílse ar an gcoinníoll nach bhfuil siad á gcistiú go díreach nó go hindíreach ag an institiúid. Le Rialachán (AE) 2019/876, trí Airteagal 72b(2), pointe (c) a thabhairt isteach i Rialachán (AE) Uimh. 575/2013, cuireadh síneadh leis an gcoinníoll sin chuig ionstraimí dliteanas incháilithe, agus an difríocht a bhí ann, i gcomhréir leis an gcaighdeán maidir leis an gCumas Iomlán Ionsúcháin Caillteanais (TLAC), nár cheart d’ionstraimí dliteanas incháilithe a bheith á gcistiú go díreach ná go hindíreach ag an eintiteas réitigh. Le hAirteagal 72b(7), an chéad fhomhír, pointe (a), de Rialachán (AE) Uimh. 575/2013 sainordaítear do ÚBE sonrú a dhéanamh, trí dhréachtchaighdeáin theicniúla rialála, ar na foirmeacha agus an cineál cistiúcháin indírigh is infheidhme maidir le hionstraimí dliteanas incháilithe. De réir Airteagal 72b(7), an dara fomhír, den Rialachán sin, déanfar na dréachtchaighdeáin theicniúla rialála sin a ailíniú go hiomlán leis an ngníomh tarmligthe dá dtagraítear in Airteagal 28(5), an chéad fhomhír, pointe (a), de Rialachán (AE) Uimh. 575/2013, arb é Rialachán Tarmligthe (AE) Uimh. 241/2014 é. Ba cheart feidhm a bheith ag forálacha an Rialacháin Tharmligthe sin freisin maidir le hionstraimí dliteanas incháilithe, dá bhrí sin.

(5)

Cuireann an critéar incháilitheachta maidir le cistiú díreach agus indíreach cosc ar éadáil úinéireacht ionstraimí cistí dílse agus ionstraimí dliteanas incháilithe arna gcistiú go díreach nó go hindíreach ag institiúid nó ag eintiteas réitigh. D’uireasa an chritéir sin, d’fhéadfadh na heintitis sin caillteanas a dhéanamh arís, rud a d’fhéadfadh an faoiseamh caillteanais a bhí na hionstraimí in ainm is a sholáthar a laghdú nó a neodrú. Is ann do phriacal maidir le lúb aischothaithe den sórt sin freisin laistigh de bhaincéireacht agus de ghrúpaí réitigh, i gcomhthéacs eisiúint agus suibscríobh ionstraimí mar shampla, atá incháilithe chun an ceanglas nua inmheánach MREL a chomhlíonadh, a leagtar síos in Airteagal 45f de Threoir 2014/59/AE. Na rialacha maidir le cistiú díreach agus indíreach ionstraimí cistí dílse agus dliteanas incháilithe, ba cheart dóibh slabhraí cistiúcháin a choinníonn priacail ar bun laistigh de ghrúpa a ghabháil dá bhrí sin, gan beann ar cé acu a bhaineann infheisteoir seachtrach leis na slabhraí cistiúcháin sin nó nach mbaineann. Go deimhin, is gá cásanna a ghabháil de chistiú ciorclach inghrúpa ionas nach mbeifear ag teacht timpeall ar na rialacha maidir le cistiú díreach agus indíreach ionstraimí cistí dílse agus dliteanas incháilithe a d’fhéadfadh tarlú, mar shampla, nuair a sholáthraítear cistiú trí fhochuideachtaí den institiúid nó den eintiteas réitigh nó trí eintitis eile lena bhfuil idirthuilleamaíochtaí ag an institiúid nó ag an eintiteas réitigh. Níor cheart gá a bheith leis, dá bhrí sin, go soláthraíonn an institiúid sin an cistiú chun a mhaíomh mar thátal go bhfuil ionstraimí nó dliteanais chaipitil á gcistiú go díreach nó go hindíreach ag an institiúid a eisíonn ionstraimí nó dliteanais den sórt sin. Dá réir sin, d’fhéadfadh cáiliú cistiúcháin mar chistiú díreach nó indíreach a bheith indéanta freisin i gcás ina soláthraíonn eintiteas atá áirithe i raon feidhme chomhdhlúthú stuamachta nó cuntasaíochta na hinstitiúide, na scéime cosanta institiúidí nó an líonra institiúidí atá cleamhnaithe le comhlacht lárnach ar leis an institiúid é an cistiú sin, nó i raon feidhme mhaoirseacht fhorlíontach na hinstitiúide. Ba cheart feidhm a bheith aige sin gan beann ar cé acu ar le grúpa réitigh eile an t-eintiteas eile.

(6)

Le Rialachán (AE) 2017/2401 ó Pharlaimint na hEorpa agus ón gComhairle (6) baineadh an sainmhíniú ar “barrachas an raoin difríochta” ó Airteagal 242 de Rialachán (AE) Uimh. 575/2013. Ó tharla go n-úsáidtear an téarma sin in Airteagal 12(3) de Rialachán Tarmligthe (AE) Uimh. 241/2014 trí thagairt a dhéanamh d’Airteagal 242 de Rialachán (AE) Uimh. 575/2013, is gá Airteagal 12(3) den Rialachán Tarmligthe sin a leasú trí sainmhíniú den téarma “barrachas an raoin difríochta” a thabhairt isteach díreach san Airteagal sin.

(7)

Fágann Airteagal 52(1), pointe (g), agus Airteagal 63, pointe (h), de Rialachán (AE) Uimh. 575/2013 go mbeidh incháilitheacht ionstraimí Breise Leibhéal 1 agus ionstraimí Leibhéal 2 coinníollach ar aon dreasacht a bheith in easnamh maidir lena bpríomhshuim a bheidh le fuascailt. Le Rialachán (AE) 2019/876, trí Airteagal 72b(2), pointe (g) a thabhairt isteach i Rialachán (AE) Uimh. 575/2013, cuireadh síneadh leis an gceanglas sin chuig ionstraimí dliteanas incháilithe, agus an difríocht a bhí ann, i gcás ionstraimí dliteanas incháilithe go gceadaítear dreasachtaí le fuascailt a dhéanamh sna cásanna dá dtagraítear in Airteagal 72c(3) de Rialachán (AE) Uimh. 575/2013. Ba cheart an leasú sin a léiriú i Rialachán Tarmligthe (AE) Uimh. 241/2014.

(8)

I ndáil le sealúchais innéacs, tugadh Airteagal 76 isteach i Rialachán (AE) Uimh. 575/2013 le Rialachán (AE) 2019/876. Cuireadh síneadh leis an Airteagal sin ar raon feidhme an réamhcheada atá le deonú ag an údarás inniúil – ag ligean d’institiúid meastachán coimeádach a úsáid de risíocht fholuiteach na hinstitiúide ar ionstraimí a áirítear in innéacsanna – chuig ionstraimí dliteanas incháilithe institiúidí. Ba cheart an leasú sin a léiriú i Rialachán Tarmligthe (AE) Uimh. 241/2014. Na forálacha sa Rialachán sin maidir le meastacháin a úsáidtear mar rogha mhalartach ar ríomh na risíochtaí foluiteacha ar ionstraimí cistí dílse a áirítear in innéacsanna a bheith “sách coimeádach” agus an bhrí atá le “ródhian ó thaobh na hoibre de”, ba cheart iad a leasú dá réir sin chun feidhm a bheith acu freisin maidir le hionstraimí dliteanas incháilithe.

(9)

Chuir Rialachán (AE) 2019/876 Airteagal 78(1), an dara fomhír, isteach i Rialachán (AE) Uimh. 575/2013 chun é a chur ar a gcumas d’údaráis inniúla réamhchead ginearálta a dheonú d’institiúidí chun cistí dílse a laghdú de mhéid réamhchinntithe agus ar feadh tréimhse ama teoranta. Is gá dá bhrí sin réamhchoinníollacha agus teorainneacha is infheidhme maidir le réamhchead chun críocha déanamh margaíochta a bhaint as Rialachán Tarmligthe (AE) Uimh. 241/2014, toisc go bhfuil na réamhchoinníollacha agus na teorainneacha sin leabaithe anois sa chóras réamhcheada ginearálta a leagtar síos in Airteagal 78(1), an dara fomhír, de Rialachán (AE) Uimh. 575/2013.

(10)

Na córais réamhcheada chun cistí dílse a laghdú, atá leagtha síos in Airteagal 78 de Rialachán (AE) Uimh. 575/2013, agus chun ionstraimí dliteanas incháilithe a laghdú, a leagtar síos in Airteagal 78a den Rialachán sin, is é is aidhm dóibh araon comhlíontacht a áirithiú le ceanglais rialála a bhaineann le cistí dílse agus cistí dílse agus dliteanais incháilithe, agus tá roinnt gnéithe comhchosúla ag baint leo. Is gá caighdeánú a dhéanamh ar na próisis a leanann údaráis inniúla agus údaráis réitigh maidir leis an réamhchead ginearálta dá dtagraítear in Airteagal 78(1), an dara fomhír, agus in Airteagal 78a(1), an dara fomhír, de Rialachán (AE) Uimh. 575/2013 araon, agus aon chead eile dá dtagraítear sna hAirteagail sin dá bhrí sin. Ina theannta sin, chun a áirithiú go gcuirtear sonraíochtaí aon réamhcheada san áireamh, agus chun a áirithiú go n-úsáidtear na ceadanna sin go hiomchuí dá gcríocha sonracha, is gá a leagan síos gur cheart a cheangal ar údaráis inniúla agus ar údaráis réitigh an tréimhse dá ndeonaítear réamhchead seachas réamhchead ginearálta a shonrú, agus gur cheart uasteorainn a bhunú maidir leis an tréimhse shonraithe sin.

(11)

Ceanglaítear le hAirteagal 78(1), an dara fomhír, agus le hAirteagal 78a(1), an dara fomhír, de Rialachán (AE) Uimh. 575/2013 go ndéanfaí an réamhchead ginearálta maidir le laghdú ar ionstraimí cistí dílse agus dliteanas incháilithe a dheonú ar feadh tréimhse sonraithe nach rachaidh thar 1 bhliain amháin. Iarratas ar athnuachan réamhchead ginearálta nach ndeachaigh in éag go fóill, níor cheart an leibhéal céanna grinnscrúdúcháin nó idirghníomhaíochta a cheangal leis idir údaráis is a cheanglaítear maidir leis an iarratas ar an gcead bunaidh, mura iarr an institiúid méadú ar an méid réamhchinntithe a leagadh síos nuair a deonaíodh an cead bunaidh agus nár athraíodh é leis an réasúnaíocht a soláthraíodh nuair a iarradh an cead bunaidh. Dá dhroim sin, sna imthosca sonracha sin, ba cheart ábhar an iarratais a bheidh le tíolacadh ag institiúidí agus an t-uainiú maidir le tíolacadh an iarratais sin a laghdú.

(12)

Ceanglaítear le hAirteagal 77(2) de Rialachán (AE) Uimh. 575/2013 ar institiúidí réamhchead an údaráis réitigh a fháil chun ceannach, fuascailt, aisíoc nó athcheannach ionstraimí dliteanas incháilithe a chur i gcrích. De réir Airteagal 78a(1) den Rialachán sin, ní fhéadfar an cead a dheonú ach amháin i gcás inar comhlíonadh roinnt coinníollacha, lena n-áirítear an coinníoll go ndéanann an institiúid na hionstraimí dliteanas incháilithe a ionadú le cistí dílse nó le hionstraimí dliteanas incháilithe atá ar an gcáilíocht chéanna nó ar cháilíocht níos airde faoi théarmaí atá inbhuanaithe maidir le hinniúlacht ioncaim na hinstitiúide. Ceanglaítear le hAirteagal 78a(3), an dara fomhír, de Rialachán (AE) Uimh. 575/2013 go mbeidh na caighdeáin maidir leis an mbrí atá le “inbhuanaithe maidir le hinniúlacht ioncaim na hinstitiúide” i gcomhthéacs ionstraimí dliteanas incháilithe ailínithe go hiomlán lena choibhéis maidir le cistí dílse. Is gá, dá bhrí sin, a shonrú go n-úsáidfear an bhrí chéanna maidir le “inbhuanaithe maidir le hinniúlacht ioncaim na hinstitiúide” le haghaidh an dá chineál ionstraime.

(13)

Is gá na córais réamhcheada ghinearálta le haghaidh ionstraimí cistí dílse agus dliteanas incháilithe a ailíniú chun a áirithiú go gcuirtear na córais sin i bhfeidhm go comhleanúnach ar fud an Aontais. Ba cheart an méid réamhchinntithe a bheidh le socrú ag údaráis réitigh le linn dóibh an réamhchead ginearálta a dheonú chun ionstraimí dliteanas incháilithe a laghdú a bheith faoi réir teorainneacha, dá bhrí sin, gan cosc a chur ar údaráis réitigh méideanna réamhchinntithe níos ísle a shocrú le haghaidh institiúid ar leith i gcás ina bhfuil údar leis sin mar gheall ar imthosca sonracha an cháis. Is gá freisin cosc a chur ar institiúidí feidhmiú ar leibhéal ionstraimí cistí dílse agus dliteanas incháilithe a dteipfeadh orthu a léiriú nach mbeadh cuid de na hionstraimí cistí dílse agus dliteanas incháilithe ar fáil chun caillteanais a sheasamh nuair ba ghá. I gcás réamhchead ginearálta, ba cheart an méid réamhchinntithe dá bhfuil a chead tugtha ag an údarás lena mbaineann a asbhaint ón bpointe a dheonaítear an t-údarú dá bhrí sin.

(14)

Is gá láimhseáil chomhréireach a áirithiú le haghaidh institiúidí a bhforáiltear lena bpleananna réitigh go bhfuil siad le foirceannadh faoi ghnáthimeachtaí dócmhainneachta agus dá bhfuil an t-íoscheanglas le haghaidh cistí dílse agus dliteanais incháilithe dá dtagraítear in Airteagal 45(1) de Threoir 2014/59/AE socraithe ag an údarás réitigh ar leibhéal nach mó ná méid leordhóthanach chun caillteanais a sheasamh. Ba cheart do na hinstitiúidí sin a bheith in ann cead a iarraidh dá bhrí sin, lena n-áirítear réamhchead ginearálta, chun ionstraimí dliteanas incháilithe a laghdú bunaithe ar chóras iarratais níos simplí. Ba cheart le córas den sórt sin ceanglais laghdaithe maidir le faisnéis a chuimsiú agus, chun an t-ualach riaracháin a laghdú tuilleadh ar na hinstitiúidí sin agus ar údaráis réitigh, ba cheart a mheas go bhfuil an réamhchead deonaithe in éagmais freagra ón údarás réitigh. Ag glacadh leis nach gá do na hinstitiúidí sin ionstraimí dliteanas incháilithe a eisiúint chun an t-íoscheanglas le haghaidh cistí dílse agus dliteanais incháilithe a chomhlíonadh, níor cheart do mhéid réamhchinntithe na n-ionstraimí dliteanas incháilithe atá le laghdú a bheith faoi réir na dteorainneacha céanna is atá i gceist le haghaidh institiúidí eile.

(15)

Ordaítear le hAirteagal 78a(3) de Rialachán (AE) Uimh. 575/2013 do ÚBE caighdeáin theicniúla rialála a fhorbairt chun an nós imeachta a shonrú maidir le cead a dheonú chun ionstraimí dliteanas incháilithe a laghdú, agus an próiseas don chomhar idir an t-údarás inniúil agus an t-údarás réitigh a shonrú. Chun a áirithiú go gcomhlíonfar ceanglais cistí dílse agus dliteanais incháilithe a leagtar síos i Rialachán (AE) Uimh. 575/2013, Treoir 2013/36/AE ó Pharlaimint na hEorpa agus ón gComhairle (7) agus Treoir 2014/59/AE, ba cheart a áireamh sa phróiseas don chomhar idir an t-údarás inniúil agus an t-údarás réitigh comhairliúchán leis an údarás inniúil maidir leis an iarratas ar réamhchead arna fháil ag an údarás réitigh. Ba cheart an comhairliúchán sin a dhéanamh ar bhealach lena gcuirtear ar a chumas don údarás inniúil léargas eolasach a thabhairt maidir leis an gcomhairliúchán, lena n-áirítear i gcás ina gceanglaítear a chomhaontú chun an corrlach faoi nach mór do chistí dílse agus do dhliteanais incháilithe na hinstitiúide a ceanglais a shárú, le malartú faisnéise leordhóthanach agus dóthain ama chun freagra a thabhairt ar an gcomhairliúchán.

(16)

Roimh theacht i bhfeidhm Rialachán (AE) 2019/876, foráladh le hAirteagal 79(1) de Rialachán (AE) Uimh. 575/2013 go bhféadfaidh údarás inniúil na forálacha maidir le hasbhaintí d’ionstraimí cistí dílse a tharscaoileadh go sealadach i gcás inar shealbhaigh institiúid na hionstraimí sin in eintiteas earnála airgeadais chun críocha oibríochta um chúnamh airgeadais arna cheapadh chun an t-eintiteas sin a atheagrú agus a thabhairt slán. Le Rialachán (AE) 2019/876, trí Airteagal 79(1) de Rialachán (AE) Uimh. 575/2013 a leasú, cuireadh síneadh le raon feidhme an tarscaoilte shealadaigh a fhéadfaidh údaráis inniúla a dheonú do shealúchais institiúidí d’ionstraimí dliteanas incháilithe in institiúid. Dá thoradh sin, ba cheart forálacha Rialachán Tarmligthe (AE) Uimh. 241/2014 maidir leis an tarscaoileadh sealadach sin a leasú chun go mbeidh feidhm aige freisin maidir le sealúchais institiúidí d’ionstraimí dliteanas incháilithe in institiúidí.

(17)	Ba cheart, dá bhrí sin, Rialachán Tarmligthe (AE) Uimh. 241/2014 a leasú dá réir sin.

(18)	Is ar na dréachtchaighdeáin theicniúla rialála arna gcur faoi bhráid an Choimisiúin ag ÚBE a bhunaítear an Rialachán seo.

(19)

Rinne ÚBE comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí Baincéireachta a bunaíodh i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (8).

(20)

I gcomhréir leis an nós imeachta a leagtar amach in Airteagal 10 de Rialachán (AE) Uimh. 1093/2010, d’fhormhuinigh an Coimisiún, le leasuithe, na dréachtchaighdeáin theicniúla rialála arna gcur isteach ag ÚBE ina mínítear na cúiseanna atá leis na leasuithe. Sholáthair ÚBE tuairim fhoirmiúil, ag glacadh leis na leasuithe beartaithe cé is moite díobh siúd a bhaineann le toirmeasc sainráite ar chistiú inghrúpa indíreach a thabhairt isteach agus ar shásra comhaontaithe intuigthe a thabhairt isteach maidir leis an réamhchead ginearálta chun go laghdóidh eintitis dliteanais incháilithe nach mó a MREL agus na ceanglais cistí dílse.

(21)

Tar éis measúnú cúramach a dhéanamh ar na hargóintí a sholáthair ÚBE mar bhonn taca faoina agóid maidir le foráil a thabhairt isteach ar chistiú inghrúpa i dtéarmaí achtúcháin na gcaighdeán teicniúil, tá an Coimisiún fós den tuairim gur cheart don toirmeasc ar chistiú indíreach gach slabhra cistiúcháin ábhartha a ghabháil go sainráite, gan beann ar cé acu atá infheisteoir seachtrach i gceist leo nó nach bhfuil.

(22)

Aithníonn an Coimisiún go hiomlán an tábhacht atá le láimhseáil chomhréireach a áirithiú ar eintitis nach mó a MREL ná na ceanglais cistí dílse. Mar sin féin, gné bhunúsach den chóras réamhcheada is ea iarratas a thíolacadh ina n-iarrtar réamhchead chun a gcuid dliteanais incháilithe a laghdú mar a leagtar amach in Airteagal 78a(1) de Rialachán (AE) Uimh. 575/2013 agus ní féidir é a tharscaoileadh dá bhrí sin. Mar sin féin, chun ualach riaracháin na n-eintiteas sin agus a n-údaráis réitigh a laghdú go dtí a oiread agus is féidir, ba cheart ligean don údarás sin iarratas simplithe a chur isteach chun réamhchead a iarraidh agus ba cheart ligean dó cead den sórt sin a dheonú ar bhonn comhaontú intuigthe,

TAR ÉIS AN RIALACHÁN SEO A GHLACADH:

Airteagal 1

Leasuithe ar Rialachán Tarmligthe (AE) Uimh. 241/2014

Leasaítear Rialachán Tarmligthe (AE) Uimh. 241/2014 mar a leanas:

(1)

Leasaítear an teideal mar a leanas:

“ Rialachán Tarmligthe (AE) Uimh. 241/2014 ón gCoimisiún an 7 Eanáir 2014 lena bhforlíontar Rialachán (AE) Uimh. 575/2013 ó Pharlaimint na hEorpa agus ón gComhairle maidir le caighdeáin theicniúla rialála i leith ceanglais cistí dílse agus dliteanas incháilithe le haghaidh institiúidí ”,

(2)

Leasaítear Airteagal 1 mar a leanas:

(a)

cuirtear an méid seo a leanas in ionad phointe (c):

“(c)	na foirmeacha agus an cineál cistiúcháin indírigh is infheidhme maidir le hionstraimí cistí dílse, i gcomhréir le hAirteagal 28(5) de Rialachán (AE) Uimh. 575/2013 agus ionstraimí dliteanas incháilithe i gcomhréir le hAirteagal 72b(7), pointe (a), den Rialachán sin,”,

(b)

cuirtear pointe (ha) a leanas isteach:

“(ha)

foirm agus cineál na ndreasachtaí fuascailte chun críocha an choinníll a leagtar amach in Airteagal 72b(2), an chéad fhomhír, pointe (g), agus Airteagal 72c(3) de Rialachán (AE) Uimh. 575/2013, i gcomhréir le hAirteagal 72b(7), pointe (b), den Rialachán sin,”,

(c)

cuirtear an méid seo a leanas in ionad phointe (i):

“(i)

a mhéid coimeádachais a cheanglaítear i meastacháin a úsáidtear mar mhalairt ar ríomh na risíochtaí foluiteacha le haghaidh sealúchais indíreacha a eascraíonn as sealúchais innéacs agus an bhrí atá le ródhian ó thaobh na hoibre de don institiúid chun faireachán a dhéanamh ar na risíochtaí foluiteacha sin, i gcomhréir le hAirteagal 76(4), pointí (a) agus (b), de Rialachán (AE) Uimh. 575/2013,”,

(d)

cuirtear isteach pointe (ja) mar a leanas:

“(ja)

an nós imeachta, lena n-áirítear na teorainneacha agus na ceanglais maidir le faisnéis, chun an cead maidir le hionstraimí dliteanas incháilithe a laghdú, agus an próiseas don chomhar idir an t-údarás inniúil agus an t-údarás réitigh i gcomhréir le hAirteagal 78a(3) de Rialachán (AE) Uimh. 575/2013,”,

(e)

cuirtear an méid seo a leanas in ionad phointe (k):

“(k)	na coinníollacha le haghaidh tarscaoileadh sealadach le haghaidh asbhaint as cistí dílse agus dliteanais incháilithe atá le soláthar, i gcomhréir le hAirteagal 79(2) de Rialachán (AE) Uimh. 575/2013,”,

(3)

i gCaibidil I, cuirtear Airteagal 1a seo a leanas isteach:

“Airteagal 1a

Cur i bhfeidhm an Rialacháin seo maidir le heintitis atá faoi réir an íoscheanglais le haghaidh cistí dílse agus dliteanais incháilithe, agus na ndliteanas incháilithe dá dtagraítear i dTreoir 2014/59/AE

Chun críocha chur i bhfeidhm Airteagail 8, 9 agus 20, agus Caibidil IV, Roinn 2, den Rialachán seo, eintitis atá faoi réir an íoscheanglais le haghaidh cistí dílse agus dliteanais incháilithe dá dtagraítear in Airteagal 45(1) de Threoir 2014/59/AE, measfar gur “institiúidí” iad, agus “dliteanais incháilithe” dá dtagraítear in Airteagal 45b agus Airteagal 45f(2), pointe (a), den Treoir sin, measfar gur “ionstraimí dliteanas incháilithe” iad.”

(4)	cuirtear an méid seo a leanas in ionad theideal Chaibidil II: “CAIBIDIL II GNÉITHE DE CHISTÍ DÍLSE AGUS DLITEANAIS INCHÁILITHE ”,

(5)	i gCaibidil II, cuirtear an méid seo a leanas in ionad theideal Roinn 1: “ ROINN 1 Caipiteal Gnáthchothromas Leibhéal 1 agus míreanna agus ionstraimí dliteanas incháilithe ”,

(6)

in Airteagal 4(2), cuirtear pointe (ka) seo a leanas isteach:

“(ka)

sa Liotuáin: institiúidí atá cláraithe mar “Centrinė kredito unija” faoi “Centrinių kredito unijų įstatymas”,”

(7)

in Airteagal 4(2), cuirtear an méid seo a leanas ina ionad phointe (r):

“(r)	sa tSualainn: institiúidí atá cláraithe mar “Medlemsbank” nó mar “Kreditmarknadsförening” faoi Lag (2004:297) om bank- och finansieringsrörelse”,

(8)

Cuirtear an méid seo a leanas in ionad Airteagail 8 agus 9:

“Airteagal 8

Cistiú indíreach ar ionstraimí caipitil chun críocha Airteagal 28(1), pointe (b), Airteagal 52(1), pointe (c), agus Airteagal 63, pointe (c), agus ar dhliteanais chun críche Airteagal 72b(2), pointe (c), de Rialachán (AE) Uimh. 575/2013

1. Cistiú indíreach ionstraimí caipitil faoi Airteagal 28(1), pointe (b), Airteagal 52(1), pointe (c) agus Airteagal 63, pointe (c), agus dliteanais faoi Airteagal 72b(2), pointe (c), de Rialachán (AE) Uimh. 575/2013, measfar nach cistiú díreach é.

2. Chun críocha mhír 1, tagróidh cistiú díreach do chásanna inar dheonaigh institiúid iasacht nó cistiú eile i bhfoirm ar bith d’infheisteoir a úsáidtear le haghaidh éadáil úinéireachta ar ionstraimí nó ar dhliteanais chaipitil institiúide.

3. Áireofar le cistiú díreach freisin cistiú arna dheonú chun críocha eile seachas úinéireacht a fháil ar ionstraimí nó ar dhliteanais chaipitil institiúide, d’aon duine nádúrtha nó duine dlítheanach ag a bhfuil sealúchas cáilitheach san institiúid, dá dtagraítear in Airteagal 4(1), pointe (36), de Rialachán (AE) Uimh. 575/2013, nó a mheastar a bheith ina pháirtí gaolmhar de réir bhrí na sainmhínithe i mír 9 de Chaighdeán Idirnáisiúnta Cuntasaíochta 24 maidir le Faisnéis a Nochtadh maidir le Páirtithe Gaolmhara arna chur i bhfeidhm san Aontas i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (*1), ag cur san áireamh aon treoraíocht bhreise arna soláthar ag an údarás inniúil le haghaidh ionstraimí caipitil, nó ag an údarás réitigh i gcomhairle leis an údarás inniúil le haghaidh dliteanas, mura bhfuil an institiúid in ann gach ceann díobh seo a leanas a thaispeáint:

(a)	go réadaítear an t-idirbheart ag coinníollacha comhchosúla le hidirbhearta eile le tríú páirtithe,

(b)	ní gá don duine nádúrtha nó duine dlítheanach nó don pháirtí gaolmhar a bheith ag brath ar na dáileacháin nó ar dhíol na n-ionstraimí caipitil nó na ndliteanas caipitil arna sealbhú chun tacú le híoc an úis agus le haisíoc an chistiúcháin.

Airteagal 9

Foirmeacha is infheidhme agus cineál an chistiúcháin indírigh ar ionstraimí caipitil chun críocha Airteagal 28(1), pointe (b), Airteagal 52(1), pointe (c), agus Airteagal 63, pointe (c), agus ar dhliteanais chun críche Airteagal 72b(2), pointe (c), de Rialachán (AE) Uimh. 575/2013

1. Áireofar iad seo a leanas uile le foirmeacha agus cineál an chistiúcháin indírigh is infheidhme maidir le héadáil úinéireacht ionstraimí agus dliteanais chaipitil institiúide:

(a)

cistiú éadáil úinéireachta infheisteora, tráth na heisiúna nó ina dhiaidh sin, ar ionstraimí nó dliteanais chaipitil institiúide ag aon eintiteas atá á rialú go díreach nó go hindíreach ag an institiúid nó ag eintitis a áirítear in aon cheann díobh seo a leanas:

(i)	raon feidhme chuntasaíocht nó chomhdhlúthú stuamachta na hinstitiúide,

(ii)

raon feidhme chlár comhardaithe comhdhlúite nó ríomh comhiomlán leathnaithe, i gcás inar coibhéiseach iad leis na cuntais chomhdhlúite dá dtagraítear in Airteagal 49(3), pointe (a)(iv), de Rialachán (AE) Uimh. 575/2013, arna tharraingt suas leis an scéim cosanta institiúideach nó ag an líonra institiúidí atá cleamhnaithe le comhlacht lárnach nach bhfuil eagraithe mar ghrúpa a bhfuil an institiúid mar chuid de,

(iii)

raon feidhme mhaoirseacht fhorlíontach na hinstitiúide i gcomhréir le Treoir 2002/87/CE ó Pharlaimint na hEorpa agus ón gComhairle (*2),

(b)

cistiú éadáil úinéireachta infheisteora, tráth na heisiúna nó ina dhiaidh sin, ar ionstraimí nó dliteanais chaipitil institiúide ag eintitis sheachtracha atá á gcosaint ag ráthaíocht nó ag úsáid díorthaigh chreidmheasa nó atá urraithe ar bhealach éigin eile ionas go n-aistrítear an priacal creidmheasa chuig an institiúid, nó chuig aon eintiteas ar a bhfuil rialú díreach nó indíreach ag an institiúid nó ag aon eintiteas atá áirithe in aon cheann díobh seo a leanas:

(i)	raon feidhme chuntasaíocht nó chomhdhlúthú stuamachta na hinstitiúide,

(ii)

(iii)

raon feidhme mhaoirseacht fhorlíontach na hinstitiúide i gcomhréir le Treoir 2002/87/CE.

(c)	cistiú iasachtaí a chuireann an cistiú ar aghaidh chuig an infheisteoir deiridh le haghaidh éadáil úinéireacht, tráth na heisiúna nó ina dhiaidh sin, ionstraimí caipitil nó dliteanais chaipitil institiúide.

2. Chun go mbeifear measta mar chistiú indíreach chun críocha mhír 1, comhlíonfar na coinníollacha a leanas freisin, i gcás inarb infheidhme:

(a)

ní áirítear an t-infheisteoir in aon cheann díobh seo a leanas:

(i)	raon feidhme chuntasaíocht nó chomhdhlúthú stuamachta na hinstitiúide,

(ii)

(iii)

raon feidhme mhaoirseacht fhorlíontach na hinstitiúide i gcomhréir le Treoir 2002/87/CE,

(b)

ní áirítear an t-eintiteas seachtrach in aon cheann díobh seo a leanas:

(i)	raon feidhme chuntasaíocht nó chomhdhlúthú stuamachta na hinstitiúide,

(ii)

(iii)

raon feidhme mhaoirseacht fhorlíontach na hinstitiúide i gcomhréir le Treoir 2002/87/CE.

Chun críocha phointe (a)(ii), measfar go mbeidh infheisteoir áirithe i raon feidhme an ríomha chomhiomláin leathnaithe i gcás ina bhfuil an ionstraim chaipitil nó an dliteanas caipitil ábhartha faoi réir comhdhlúthú nó ríomh comhiomlán leathnaithe i gcomhréir le hAirteagal 49(3), pointe (a)(iv), de Rialachán (AE) Uimh. 575/2013 ar bhealach a fhágann go ndíothaítear ilúsáid cistí dílse nó míreanna dliteanas incháilithe agus aon chruthú cistí dílse nó dliteanas incháilithe idir comhaltaí na scéime cosanta institiúidí. I gcás nár deonaíodh an cead ó údaráis inniúla, dá dtagraítear in Airteagal 49(3) de Rialachán (AE) Uimh. 575/2013, measfar go mbeidh an coinníoll sin comhlíonta i gcás inar comhaltaí den scéim cosanta institiúideach chéanna iad an institiúid agus an dá eintiteas dá dtagraítear i mír 1, pointe (a), agus asbhaineann na heintitis an cistiú a soláthraíodh le haghaidh éadáil úinéireacht ionstraimí nó dliteanais chaipitil na hinstitiúide, i gcomhréir le hAirteagal 36(1), pointí (f) go (i), Airteagal 56, pointí (a) go (d), agus Airteagal 66, pointí (a) go (d), le haghaidh ionstraimí caipitil, agus i gcomhréir le hAirteagal 72e, pointí (a) go (d), de Rialachán (AE) Uimh. 575/2013, le haghaidh dliteanas, de réir mar is infheidhme.

2a. Áireofar cistiú ciorclach inghrúpa sna foirmeacha agus sa chineál cistiúcháin indírigh is infheidhme d’éadáil úinéireacht ionstraimí caipitil agus dliteanais chaipitil institiúide.

Chun na gcríoch sin, ciallaíonn cistiú ciorclach inghrúpa aon cheann díobh seo a leanas:

(a)	cásanna inar dheonaigh institiúid iasacht nó cistiú eile in aon fhoirm do cheann de na heintitis dá dtagraítear i mír 1, pointe (a), trí eintiteas eile dá dtagraítear i mír 1, pointe (a), a úsáidtear chun úinéireacht a fháil ar ionstraimí caipitil nó ar dhliteanais institiúide,

(b)

cistiú arna dheonú do cheann de na heintitis dá dtagraítear i mír 1, pointe (a), le haghaidh críocha eile seachas úinéireacht a fháil ar na hionstraimí caipitil nó ar dhliteanais institiúide trí eintiteas eile dá dtagraítear i mír 1, pointe (a), ar choinníoll, agus aon treoraíocht bhreise á cur san áireamh arna soláthar ag an údarás inniúil le haghaidh ionstraimí caipitil, nó ag an údarás réitigh i gcomhairle leis an údarás inniúil le haghaidh dliteanas, nach bhfuil an institiúid in ann gach ceann díobh seo a leanas a thaispeáint:

(i)	go réadaítear an t-idirbheart ag coinníollacha comhchosúla le hidirbhearta eile le tríú páirtithe,

(ii)	ní gá don infheisteoir a bheith ag brath ar dháileacháin nó ar dhíol na n-ionstraimí caipitil nó na ndliteanas arna sealbhú chun tacú le híocaíocht úis agus le haisíoc an chistiúcháin.

3. Nuair a shuitear cé acu atá cistiú díreach nó indíreach dá dtagraítear in Airteagal 8 i gceist le héadáil úinéireacht ionstraime caipitil nó dliteanais, beidh an méid a bheidh le meas glan ar aon lamháltas lagaithe arna dhéanamh a ndéanfar measúnú air go haonarach.

4. Chun cáiliú mar chistiú díreach nó indíreach dá dtagraítear in Airteagal 8 a sheachaint agus i gcás ina ndéantar an iasacht nó foirm eile cistiúcháin nó ráthaíochtaí a dheonú d’aon duine nádúrtha nó duine dlítheanach ag a bhfuil sealúchas cáilitheach san institiúid nó a meastar gur páirtí gaolmhar é dá dtagraítear in Airteagal 8(3), áiritheoidh an institiúid ar bhonn leanúnach nár sholáthair sí an iasacht nó foirm eile cistiúcháin nó ráthaíochtaí chun úinéireacht a fháil go díreach nó go hindíreach ar ionstraimí caipitil nó dliteanais na hinstitiúide sin. I gcás ina ndeonaítear an iasacht nó an fhoirm eile cistiúcháin nó ráthaíochtaí do chineálacha eile páirtí, déanfaidh an institiúid an rialú sin ar bhonn na hiarrachta is fearr.

5. Maidir le cumainn fhrithpháirteacha, comharchumainn agus institiúidí comhchosúla, i gcás ina bhfuil oibleagáid faoin dlí náisiúnta nó reachtanna na hinstitiúide ar chustaiméir ionstraimí caipitil a liostáil chun iasacht a fháil, ní bhreithneofar gur cistiú díreach nó indíreach an iasacht sin i gcás ina gcomhlíontar gach ceann de na coinníollacha seo a leanas:

(a)	breithníonn an t-údarás inniúil go bhfuil méid na liostála neamhábhartha,

(b)	ní hé aidhm na hiasachta úinéireacht a fháil ar ionstraimí caipitil ná ar dhliteanais na hinstitiúide a sholáthróidh an iasacht,

(c)	is gá ionstraim chaipitil amháin nó níos mó de chuid na hinstitiúide a liostáil ionas go mbeidh tairbhí na hiasachta ina chomhalta den chumann frithpháirteach, den chomharchumann nó den institiúid chomhchosúil.

(*1) Rialachán (CE) Uimh. 1606/2002 ó Pharlaimint na hEorpa agus ón gComhairle an 19 Iúil 2002 maidir le caighdeáin chuntasaíochta idirnáisiúnta a chur i bhfeidhm (IO L 243, 11.9.2002, lch. 1)."

(*2) Treoir 2002/87/CE ó Pharlaimint na hEorpa agus ón gComhairle an 16 Nollaig 2002 maidir le maoirseacht fhorlíontach ar institiúidí creidmheasa, gnóthas árachais agus gnólachtaí infheistíochta in ilchuideachta airgeadais (IO L 35, 11.2.2003, lch. 1).”,"

(9)

in Airteagal 12, cuirtear an méid seo a leanas in ionad mhír 3:

“3. An gnóthachan aitheanta ar dhíolachán atá bainteach leis an ioncam éarlaise todhchaí, tagróidh sé, sa chomhthéacs seo, do “bharrachas an raoin difríochta” a bhfuil coinne leis sa todhchaí arna shainmhíniú mar na bailiúcháin den mhuirear airgid agus ioncam eile ó tháillí arna bhfáil i leith na risíochtaí urrúsaithe glan ar chostais agus ar speansais.”

(10)	cuirtear an méid seo a leanas in ionad theideal Chaibidil III: “CAIBIDIL III CAIPITEAL BREISE LEIBHÉAL 1 AGUS LEIBHÉAL 2 AGUS DLITEANAIS INCHÁILITHE”

(11)

Cuirtear an méid seo a leanas in ionad Airteagal 20:

“Airteagal 20

Foirm agus cineál na ndreasachtaí fuascailte chun críocha Airteagal 52(1), pointe (g), Airteagal 63, pointe (h), Airteagal 72b(2), pointe (g), agus Airteagal 72c(3) de Rialachán (AE) Uimh. 575/2013

1. Ciallóidh dreasachtaí fuascailte na gnéithe uile lena soláthraítear, ar dháta na heisiúna, ionchas gur dóigh go ndéanfar an ionstraim chaipitil nó an dliteanas a fhuascailt.

2. Áireofar na foirmeacha seo a leanas leis na dreasachtaí dá dtagraítear i mír 1:

(a)	céadrogha ar cheannach i gcomhar le méadú ar raon difríochta creidmheasa na hionstraime nó an dliteanais mura bhfeidhmítear an ceannach,

(b)	céadrogha ar cheannach i gcomhar le ceanglas nó le rogha infheisteora an ionstraim nó an dliteanas a chomhshó go hionstraim Ghnáthchothromais Leibhéal 1 i gcás nach bhfeidhmítear an ceannach,

(c)	céadrogha ar cheannach i gcomhar le hathrú ar an ráta tagartha i gcás inar mó an raon difríochta creidmheasa thar an dara ráta tagartha ná an ráta íocaíochta tosaigh lúide an ráta babhtála,

(d)	céadrogha ar cheannach i gcomhar le méadú ar an méid fuascailte sa todhchaí,

(e)

rogha athmhargaíochta i gcomhar le méadú ar raon difríochta creidmheasa na hionstraime nó an dliteanais nó athrú ar ráta tagartha i gcás inar mó an raon difríochta creidmheasa thar an dara ráta tagartha ná an ráta íocaíochta tosaigh lúide an ráta babhtála i gcás nach ndéantar athmhargaíocht ar an ionstraim nó ar an dliteanas,

(f)	margú na hionstraime nó an dliteanais ar bhealach a thugann le fios d’infheisteoirí go ndéanfar an ionstraim a ghlaoch.”

(12)

Cuirtear an méid seo a leanas in ionad Airteagal 25:

“Airteagal 25

Méid an choimeádachais a cheanglaítear i meastacháin chun risíochtaí arna n-úsáid mar rogha mhalartach ar na risíochtaí foluiteacha chun críocha Airteagal 76(2) de Rialachán (AE) Uimh. 575/2013 a ríomh

1. Beidh meastachán sách coimeádach i gcás ina gcomhlíontar ceachtar de na coinníollacha seo a leanas:

(a)

i gcás ina sonraítear i sainordú infheistíochta an innéacs nach féidir le hionstraim cistí dílse d’eintiteas earnála airgeadais nó ionstraim dliteanas incháilithe d’institiúid atá mar chuid den innéacs, céatadán uasta den innéacs a shárú, úsáidfidh an institiúid an céatadán sin mar mheastachán le haghaidh luach na sealúchas a asbhaintear as a Ghnáthchothromas Leibhéal 1, Leibhéal 1 breise, nó as míreanna Leibhéal 2, mar is infheidhme i gcomhréir le hAirteagal 17(2) nó as míreanna Ghnáthchothromas Leibhéal 1 i gcásanna nach féidir leis an institiúid cineál beacht an tsealúchais a chinneadh, nó, i gcás institiúide atá faoi réir cheanglais Airteagal 92a de Rialachán (AE) Uimh. 575/2013, a míreanna dliteanas incháilithe,

(b)

i gcás nach bhfuil an institiúid in ann an céatadán uasta dá dtagraítear i bpointe (a) a chinneadh agus i gcás ina n-áirítear leis an innéacs, arna fhianú ag a shainordú infheistíochta nó ag faisnéis ábhartha eile, ionstraimí cistí dílse d’eintitis earnála airgeadais nó ionstraimí dliteanas incháilithe d’institiúidí, asbhaineann an institiúid méid iomlán de na sealúchais innéacs óna Gnáthchothromas Leibhéal 1, Leibhéal 1 breise, nó míreanna Leibhéal 2, mar is infheidhme i gcomhréir le hAirteagal 17(2) nó míreanna Ghnáthchothromas Leibhéal 1 i gcásanna nach féidir leis an institiúid cineál beacht an tsealúchais a chinneadh nó, i gcás institiúide atá faoi réir cheanglais Airteagal 92a de Rialachán (AE) Uimh. 575/2013, a míreanna dliteanas incháilithe.

2. Chun críocha mhír 1, beidh feidhm ag an méid seo a leanas:

(a)

cuimsítear le sealúchas indíreach a eascraíonn as sealúchas innéacs an chomhpháirt den innéacs a infheistíodh i nGnáthchothromas Leibhéal 1, ionstraimí Leibhéal 1 agus Leibhéal 2 breise de chuid eintitis na hearnála airgeadais agus in ionstraimí dliteanas incháilithe institiúidí atá áirithe san innéacs,

(b)	áirítear le hinnéacs cistí innéacs, innéacsanna cothromais nó bannaí nó aon scéim eile i gcás inar ionstraim cistí dílse í an ionstraim fholuiteach arna heisiúint ag eintiteas earnála airgeadais nó ionstraim dliteanas incháilithe arna heisiúint ag institiúid.”

(13)

in Airteagal 26, cuirtear an méid seo a leanas in ionad mhír 1:

“1. Chun críoch Airteagal 76(3) de Rialachán (AE) Uimh. 575/2013, ciallóidh ródhian ó thaobh na hoibre de cásanna faoina bhfuil cuir chuige na trédhearcachta maidir le sealúchais ionstraimí caipitil in eintitis na hearnála airgeadais nó maidir le hionstraimí dliteanas incháilithe in institiúidí ar bhonn leanúnach gan údar, arna mheasúnú ag na húdaráis inniúla. Ina measúnú ar chineál na gcásanna a bhí ródhian ó thaobh na hoibre de, cuirfidh údaráis inniúla san áireamh an ábharthacht íseal agus tréimhse shealbhaíochta ghearr cásanna den sórt sin. Le tréimhse shealbhaíochta d’fhad gearr caithfidh an institiúid leachtacht láidir an innéacs a fheiceáil.”

(14)

Cuirtear an méid seo a leanas in ionad Roinn 2:

“ ROINN 2

CEAD MAIDIR LE CISTÍ DÍLSE AGUS DLITEANAIS INCHÁILITHE A LAGHDÚ

Foroinn 1

Cead maoirseachta chun cistí dílse a laghdú

Airteagal 27

An bhrí atá le hinbhuanaithe maidir le hinniúlacht ioncaim na hinstitiúide chun críocha Airteagal 78(1), pointe (a), agus Airteagal 78(4), pointe (d), de Rialachán (AE) Uimh. 575/2013

Ciallóidh inbhuanaithe maidir le hinniúlacht ioncaim na hinstitiúide faoi Airteagal 78(1), pointe (a), agus faoi Airteagal 78(4), pointe (d), de Rialachán (AE) Uimh. 575/2013 go leanann brabúsacht na hinstitiúide, arna measúnú ag an údarás inniúil, a bheith fónta nó nach bhfeictear aon athrú diúltach leis tar éis ionadú na n-ionstraimí nó na gcuntas scairbhiseach gaolmhar dá dtagraítear in Airteagal 77(1) den Rialachán sin le hionstraimí cistí dílse a mbeidh an cháilíocht chéanna nó cáilíocht níos airde iontu, ar an dáta sin agus go ceann i bhfad. Cuirfear cumas tuillimh na hinstitiúide i gcásanna struis san áireamh i measúnú an údaráis inniúil.

Airteagal 28

Ceanglais an phróisis lena n-áirítear na teorainneacha agus na nósanna imeachta le haghaidh iarratas a dhéanann institiúid chun cistí dílse a laghdú de bhun Airteagal 77(1) de Rialachán (AE) Uimh. 575/2013

1. Ní fhógrófar fuascailt, laghdú agus athcheannach ionstraimí cistí dílse do shealbhóirí na n-ionstraimí sula bhfaighidh an institiúid réamhchead ón údarás inniúil.

2. I gcás ina mbeidh coinne leis go dtarlóidh na gníomhaíochtaí atá liostaithe in Airteagal 77(1) de Rialachán (AE) Uimh. 575/2013 le cinnteacht leordhóthanach, agus a luaithe is a bheidh réamhchead an údaráis inniúil faighte, asbhainfidh an institiúid na méideanna comhfhreagracha d’ionstraimí cistí dílse a bheidh le fuascailt, le laghdú nó le hathcheannach nó na méideanna de na cuntais scairbhiseacha gaolmhara a bheidh le laghdú nó le dáileadh, de réir mar is infheidhme, ó ghnéithe comhfhreagracha dá chistí dílse sula dtarlaíonn na fuascailtí, na laghduithe, na hathcheannacháin nó na dáileacháin éifeachtacha. Measfar gurb ann do chinnteacht leordhóthanach go háirithe i gcás inar fhógair an institiúid go poiblí go bhfuil rún aici ionstraim chistí dílse a fhuascailt, a laghdú nó a athcheannach.

3. I gcás réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, déanfar an méid réamhchinntithe dá bhfuil cead tugtha ag an údarás inniúil a asbhaint ó ghnéithe comhfhreagracha de chistí dílse na hinstitiúide ón bpointe a dheonaítear an t-údarú.

4. Le linn dóibh iarratas a dhéanamh ar réamhchead, lena n-áirítear réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, maidir le gníomhaíochtaí atá liostaithe in Airteagal 77(1) den Rialachán sin, agus i gcás ina gceannaítear na hionstraimí cistí dílse gaolmhara chun iad a chur ar aghaidh chuig fostaithe na hinstitiúide mar chuid dá luach saothair, cuirfidh institiúidí a gcuid údaráis inniúla ar an eolas go bhfuil na hionstraimí sin ceannaithe don chríoch sonrach sin. De mhaolú ar mhíreanna 2 agus 3, asbhainfear na hionstraimí sin ó ghnéithe comhfhreagracha de chistí dílse na hinstitiúide, fad is atá siad á sealbhú ag an institiúid. Ní éileofar laghdú níos mó i gcás ina mbeidh na speansais a bhaineann le haon ghníomhaíocht i gcomhréir leis an mír seo áirithe i gcistí dílse cheana féin de thoradh eatraimh nó tuarascáil airgeadais deireadh bliana.

5. Deonóidh an t-údarás inniúil réamhchead, seachas an réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, go ceann tréimhse sonraithe, ar gá é chun aon cheann de na gníomhaíochtaí atá liostaithe in Airteagal 77(1) den Rialachán sin, nach mbeidh níos mó ná 1 bhliain amháin.

6. Beidh feidhm ag míreanna 1 go dtí 5 ar leibhéil chomhdhlúite, fho-chomhdhlúite agus aonair iarratais maidir le ceanglais stuamachta, de réir mar is infheidhme.

Airteagal 29

Iarratas arna thíolacadh ag an institiúid chun cistí dílse a laghdú de bhun Airteagal 77(1) de Rialachán (AE) Uimh. 575/2013

1. Cuirfidh institiúid iarratas ar réamhchead isteach, lena n-áirítear an réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, chuig an údarás inniúil sula ndéanfaidh sí aon cheann de na gníomhaíochtaí dá dtagraítear in Airteagal 77(1) den Rialachán sin.

2. Beidh feidhm ag mír 1 ar leibhéil chomhdhlúite, fho-chomhdhlúite agus aonair den iarratas ar cheanglais stuamachta, de réir mar is infheidhme.

Airteagal 30

Ábhar an iarratais a bheidh le cur isteach ag an institiúid chun críocha Airteagal 77(1) de Rialachán (AE) Uimh. 575/2013

1. Beidh na nithe uile seo a leanas ag gabháil leis an iarratas dá dtagraítear in Airteagal 29:

(a)	míniú a bhfuil bunús maith leis ar an réasúnaíocht atá le haon cheann de na gníomhaíochtaí dá dtagraítear in Airteagal 77(1) de Rialachán (AE) Uimh. 575/2013 a dhéanamh,

(b)	faisnéis faoi cé acu atá nó nach bhfuil an cead a lorgaítear bunaithe ar Airteagal 78(1), an chéad fhomhír, pointe (a) nó (b), de Rialachán (AE) Uimh. 575/2013 nó ar Airteagal 78(1), an dara fomhír, den Rialachán sin,

(c)

i gcás ina bhféachann an institiúid le hionstraimí Leibhéal 1 nó Leibhéal 2 breise nó cuntais scairbhisigh ghaolmhara a cheannach, a fhuascailt nó a athcheannach le linn na 5 bliana tar éis dáta a n-eisiúna de bhun Airteagal 78(4) de Rialachán (AE) Uimh. 575/2013, an chaoi a chomhlíontar coinníollacha an Airteagail sin,

(d)

faisnéis reatha agus réamhbhreathnaitheach a chumhdóidh tréimhse 3 bliana ar a laghad maidir leis na méideanna agus na céatadáin a chomhfhreagraíonn do na ceanglais seo a leanas le haghaidh cistí dílse agus dliteanais incháilithe:

(i)

ceanglas chaipiteal Gnáthchothromas Leibhéal 1 atá leagtha síos in Airteagal 92(1), pointe (a), de Rialachán (AE) Uimh. 575/2013, ceanglas chaipiteal Leibhéal 1 a leagtar síos in Airteagal 92(1), pointe (b), den Rialachán sin, agus an ceanglas cistí dílse a leagtar síos in Airteagal 92(1), pointe (c), den Rialachán sin,

(ii)

chun aghaidh a thabhairt ar rioscaí seachas riosca na giarála iomarcaí, an ceanglas maidir le caipiteal Gnáthchothromas Leibhéal 1 dá dtagraítear in Airteagal 104a de Threoir 2013/36/AE, i gcás inarb infheidhme, an ceanglas maidir le caipiteal Leibhéal 1 dá dtagraítear in Airteagal 104a den Treoir sin, i gcás inarb infheidhme, agus an ceanglas cistí dílse breise a leagtar síos in Airteagal 104a den Treoir sin, i gcás inarb infheidhme,

(iii)

an ceanglas maoláin chomhcheangailte dá dtagraítear in Airteagal 128, pointe (6), de Threoir 2013/36/AE,

(iv)	an ceanglas cóimheasa luamhánaithe a leagtar síos in Airteagal 92(1), pointe (d), de Rialachán (AE) Uimh. 575/2013, agus i gcás inarb infheidhme aon choigeartú i gcomhréir le hAirteagal 429a(7) den Rialachán sin,

(v)

chun aghaidh a thabhairt ar riosca na giarála iomarcaí, an ceanglas maidir le caipiteal Gnáthchothromas Leibhéal 1 dá dtagraítear in Airteagal 104a de Threoir 2013/36/AE, i gcás inarb infheidhme, agus an ceanglas maidir le caipiteal Leibhéal 1 breise dá dtagraítear in Airteagal 104a de Threoir 2013/36/AE, i gcás inarb infheidhme,

(vi)	an ceanglas maidir le maolán cóimheasa luamhánaithe G-SII Leibhéal 1 a leagtar síos in Airteagal 92(1a) de Rialachán (AE) Uimh. 575/2013, i gcás inarb infheidhme,

(vii)

an ceanglas priacalbhunaithe le haghaidh cistí dílse agus dliteanais incháilithe a leagtar síos in Airteagal 92a(1), pointe (a), nó Airteagal 92b de Rialachán (AE) Uimh. 575/2013, i gcás inarb infheidhme, agus an ceanglas nach bhfuil priacalbhunaithe le haghaidh cistí dílse agus dliteanais incháilithe a leagtar síos in Airteagal 92a(1), pointe (b), nó Airteagal 92b den Rialachán sin, i gcás inarb infheidhme,

(viii)

an t-íoscheanglas le haghaidh cistí dílse agus dliteanais incháilithe dá dtagraítear in Airteagal 45(1) de Threoir 2014/59/AE mar a cheanglaítear i gcomhréir le hAirteagail 45e agus 45f den Treoir sin, de réir mar is infheidhme, agus arna ríomh mar an méid cistí dílse agus dliteanais incháilithe, agus arna shloinneadh mar chéatadáin de mhéid iomlán na risíochta ar phriacal na hinstitiúide, arna ríomh i gcomhréir le hAirteagal 92(3) de Rialachán (AE) Uimh. 575/2013, agus méid na gcistí dílse agus dliteanas incháilithe arna sloinneadh mar chéatadáin de bheart an eintitis ábhartha maidir leis an risíocht iomlán, arna ríomh i gcomhréir le hAirteagal 429(4) agus Airteagal 429a de Rialachán (AE) Uimh. 575/2013,

(e)

faisnéis reatha agus réamhbhreathnaitheach maidir le leibhéal agus comhdhéanamh na gcistí dílse agus leibhéal agus comhdhéanamh na gcistí dílse agus na ndliteanas incháilithe arna sealbhú chun comhlíontacht a áirithiú, faoi seach, leis na ceanglais dá dtagraítear i bpointí (d)(i) go (d)(viii) roimh agus tar éis aon cheann de na gníomhaíochtaí atá liostaithe in Airteagal 77(1) de Rialachán (AE) Uimh. 575/2013 a dhéanamh,

(f)

measúnú achomhair na hinstitiúide ar thionchar na gníomhaíochta atá beartaithe ag an institiúid a dhéanamh i gcomhréir le hAirteagal 77(1) de Rialachán (AE) Uimh. 575/2013, agus aon ghníomhaíocht den sórt sin a bheartaíonn an institiúid a dhéanamh anuas air sin laistigh de thréimhse 3 bliana, maidir le comhlíontacht leis na ceanglais dá dtagraítear i mír 1, pointí (d)(i) go (d)(viii),

(g)

i gcás ina bhféachann an institiúid le hionstraimí cistí dílse nó na cuntais scairbhisigh ghaolmhara a ionadú de bhun Airteagal 78(1), pointe (a), nó Airteagal 78(4), pointe (d), de Rialachán (AE) Uimh. 575/2013:

(i)	faisnéis maidir lena mbeidh fágtha de théarma na n-ionstraimí cistí dílse arna n-ionadú, más ann dóibh, agus aibíocht na n-ionstraimí cistí dílse a bheidh á n-ionadú,

(ii)	an chéim tosaíochta in ordlathas dócmhainneachta na n-ionstraimí cistí dílse arna n-ionadú agus na n-ionstraimí cistí dílse a bheidh á n-ionadú,

(iii)

costas na n-ionstraimí cistí dílse a bheidh ag ionadú na n-ionstraimí nó na gcuntas scairbhiseach dá dtagraítear in Airteagal 77(1) de Rialachán (AE) Uimh. 575/2013,

(iv)	uainiú beartaithe eisiúint na n-ionstraimí cistí dílse a bheidh ag ionadú na n-ionstraimí nó na gcuntas scairbhisigh dá dtagraítear in Airteagal 77(1) de Rialachán (AE) Uimh. 575/2013,

(v)	an tionchar ar chumas tuillimh na hinstitiúide de bhun Airteagal 78(1), pointe (a), nó Airteagal 78(4), pointe (d), de Rialachán (AE) Uimh. 575/2013,

(h)

meastóireacht ar na priacail dá bhfuil an institiúid neamhchosanta nó dá bhféadfadh sí a bheith neamhchosanta agus cé acu a áirithíonn an leibhéal cistí dílse agus dliteanais incháilithe cumhdach iomchuí i leith priacail den sórt sin, lena n-áirítear torthaí tástálacha struis ar phríomhphriacail lena léirítear caillteanais a d’fhéadfadh tarlú,

(i)

cumhdach i dtéarmaí cistí dílse na treoraíochta is infheidhme maidir le leibhéal agus comhdhéanamh beartaithe na gcistí dílse breise arna gcur in iúl ag an údarás inniúil faoi Airteagal 104b(3) de Threoir 2013/36/AE roimh aon cheann de na gníomhaíochtaí atá liostaithe in Airteagal 77(1) de Rialachán (AE) Uimh. 575/2013 a dhéanamh agus tar éis iad a dhéanamh, lena gcumhdaítear tréimhse 3 bliana,

(j)	aon fhaisnéis eile a mheasann an t-údarás inniúil is gá chun meastóireacht a dhéanamh ar chomh hiomchuí is atá sé cead a dheonú i gcomhréir le hAirteagal 78 de Rialachán (AE) Uimh. 575/2013.

Chun críocha phointe (e), cumhdófar leis an bhfaisnéis tréimhse 3 bliana ar a laghad agus, i ndáil le dliteanais, áireofar leis sonraíochtaí na méideanna seo a leanas, de réir mar is infheidhme:

(a)	dliteanais a cháilíonn mar ionstraimí dliteanas incháilithe de bhun Airteagal 72b(2) de Rialachán (AE) Uimh. 575/2013,

(b)	dliteanais arna gceadú ag an údarás réitigh chun cáiliú mar ionstraimí dliteanas incháilithe de bhun Airteagal 72b, míreanna 3 nó 4, de Rialachán (AE) Uimh. 575/2013,

(c)	dliteanais atá áirithe i méid cistí dílse agus dliteanas incháilithe na n-eintiteas réitigh de bhun Airteagal 45b(1) de Threoir 2014/59/AE,

(d)	dliteanais a eascraíonn as ionstraimí fiachais le díorthaigh leabaithe atá áirithe sa mhéid cistí dílse agus dliteanas incháilithe de bhun Airteagal 45(b), pointe (2), de Threoir 2014/59/AE,

(e)

dliteanais arna n-eisiúint ag fochuideachta a cháilíonn le cur san áireamh in ionstraimí dliteanas incháilithe comhdhlúite institiúide de bhun Airteagal 92a de Rialachán (AE) Uimh. 575/2013 de bhun Airteagal 88a den Rialachán sin nó d’eintiteas réitigh de bhun Airteagal 45b(3) de Threoir 2014/59/AE,

(f)

ionstraimí dliteanas incháilithe arna gcur san áireamh chun an ceanglas le haghaidh cistí dílse agus dliteanais incháilithe le haghaidh institiúidí a chomhlíonadh ar fochuideachtaí ábhartha d’institiúidí domhanda iad a bhfuil tábhacht shistéamach leo agus nach institiúid de chuid an Aontais Eorpaigh iad de bhun Airteagal 92b(3) de Rialachán (AE) Uimh. 575/2013 agus chun an t-íoscheanglas le haghaidh cistí dílse agus dliteanais incháilithe, le haghaidh eintitis nach eintitis réitigh iad féin, a chomhlíonadh de bhun Airteagal 45f(2), pointe (a), de Threoir 2014/59/AE.

2. Tarscaoilfidh an t-údarás inniúil tíolacadh roinnt den fhaisnéis atá liostaithe i mír 1 i gcás ina bhfuil sé sásta go bhfuil an fhaisnéis sin aige cheana féin.

3. Beidh feidhm ag míreanna 1 agus 2 ar leibhéil aonair, chomhdhlúite agus fho-chomhdhlúite de chur i bhfeidhm na gceanglas, de réir mar is infheidhme.

Airteagal 30a

Faisnéis bhreise a bheidh le cur isteach in éineacht le hiarratas ar réamhchead ginearálta le haghaidh gníomhaíochtaí atá liostaithe in Airteagal 77(1) de Rialachán (AE) Uimh. 575/2013

1. I gcás ina lorgaítear réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013 le haghaidh gníomhaíochta faoi Airteagal 77(1), pointe (a), den Rialachán sin, sonrófar san iarratas méid gach eisiúna ábhartha de Ghnáthchothromas Leibhéal 1 atá faoi réir an iarratais sin.

2. I gcás ina lorgaítear réamhchead ginearálta le haghaidh gníomhaíochta faoi Airteagal 77(1), pointe (c), de Rialachán (AE) Uimh. 575/2013, sonróidh an institiúid iad seo a leanas uile san iarratas:

(a)	méid gach eisiúna ábhartha gan íoc atá faoi réir na hiarrata,

(b)	suim ghlanluacha iomlán na n-ionstraimí gan íoc ar gach leibhéal caipitil ábhartha.

3. D’fhéadfaí a áireamh le hiarratas ar réamhchead ginearálta le haghaidh gníomhaíochta faoi Airteagal 77(1), pointí (a) agus (c), de Rialachán (AE) 575/2013 ionstraimí cistí dílse atá fós le heisiúint, faoi réir na faisnéise dá dtagraítear i mír 2, pointí (a) agus (b) a shonrú, de réir mar is infheidhme, a bheidh le soláthar don údarás inniúil tar éis na heisiúna ábhartha.

4. Beidh feidhm ag míreanna 1, 2 agus 3 ar leibhéil chomhdhlúite, fho-chomhdhlúite agus aonair de chur i bhfeidhm na gceanglas stuamachta, de réir mar is infheidhme.

Airteagal 30b

An fhaisnéis a bheidh le cur isteach in éineacht le hiarratas ar athnuachan réamhcheada ginearálta le haghaidh gníomhaíochtaí atá liostaithe in Airteagal 77(1) de Rialachán (AE)Uimh. 575/2013

1. Sula dtéann réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013 in éag, féadfaidh institiúid iarratas a chur isteach lena athnuachan ar feadh tréimhse suas le 1 bhliain bhreise gach uair, ar choinníoll nach n-iarrann an institiúid méadú ar an méid réamhchinntithe arna shocrú nuair a deonaíodh an réamhchead ginearálta agus nach n-athraítear an réasúnaíocht dá dtagraítear in Airteagal 30(1), pointe (a), tráth ar iarradh an réamhchead ginearálta bunaidh.

2. Le linn di iarratas a dhéanamh ar an réamhchead ginearálta dá dtagraítear i mír 1, beidh an institiúid díolmhaithe ón oibleagáid chun an fhaisnéis dá dtagraítear in Airteagal 30(1), pointí (a) go (d), (f), (g) agus (i) a sholáthar.

Airteagal 31

Uainiú an iarratais a bheidh le cur isteach ag an institiúid agus próiseáil an iarratais ag an údarás inniúil chun críocha Airteagal 77(1) de Rialachán (AE) Uimh. 575/2013

1. Maidir le réamhchead, seachas réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, tarchuirfidh an institiúid iarratas iomlán agus an fhaisnéis dá dtagraítear in Airteagal 30 chuig an údarás inniúil 4 mhí ar a laghad roimh an dáta ar a bhfógrófar ceann de na gníomhaíochtaí atá liostaithe in Airteagal 77(1) de Rialachán (AE) Uimh. 575/2013 do shealbhóirí na n-ionstraimí.

2. Maidir le réamhchead ginearálta dá dtagraítear in Airteagal 78(1), an dara fomhír, de Rialachán (AE) Uimh. 575/2013, tarchuirfidh an institiúid iarratas iomlán agus an fhaisnéis dá dtagraítear in Airteagal 30 agus Airteagal 30a chuig an údarás inniúil 4 mhí ar a laghad roimh an dáta ar a ndéanfar aon cheann de na gníomhaíochtaí atá liostaithe in Airteagal 77(1) de Rialachán (AE) Uimh. 575/2013.

3. De mhaolú ar mhír 2, i gcás ina lorgaítear athnuachan ar réamhchead ginearálta de bhun Airteagal 78(1), an dara fomhír, de Rialachán (AE) Uimh. 575/2013 agus Airteagal 30b, tarchuirfidh an institiúid an t-iarratas agus an fhaisnéis a cheanglaítear faoi Airteagal 30, Airteagal 30a agus Airteagal 30b chuig an údarás inniúil 3 mhí ar a laghad roimh don tréimhse dár deonaíodh an réamhchead ginearálta bunaidh dul in éag.

4. Féadfaidh údaráis inniúla ligean d’institiúidí ar bhonn cás ar chás agus faoi imthosca eisceachtúla an t-iarratas dá dtagraítear i míreanna 1, 2 agus 3 a tharchur laistigh de thráthchlár níos giorra ná na tréimhsí a leagtar amach sna míreanna sin.

5. Próiseálfaidh an t-údarás inniúil iarratas le linn na tréimhse ama dá dtagraítear i míreanna 1, 2 agus 3 nó le linn na tréimhse ama dá dtagraítear i mír 4. Cuirfidh údaráis inniúla faisnéis nua a fuarthas le linn na tréimhse sin san áireamh, i gcás ina bhfuil faisnéis nua den sórt sin ar fáil agus i gcás ina measann siad go bhfuil an fhaisnéis sin ábhartha. Ní phróiseálfaidh na húdaráis inniúla an t-iarratas ach amháin nuair a bheidh siad sásta gur sholáthair an institiúid dóibh an fhaisnéis uile a cheanglaítear faoi Airteagal 30 agus, i gcás inarb infheidhme, Airteagal 30a agus Airteagal 30b.

Airteagal 32

Iarratais ar fhuascailtí, laghduithe agus athcheannacháin ag cumainn fhrithpháirteacha, comharchumainn, institiúidí coigiltis nó institiúidí comhchosúla chun críocha Airteagal 77(1) de Rialachán (AE) Uimh. 575/2013

1. I ndáil le fuascailt ionstraimí Ghnáthchothromais Leibhéal 1 cumann frithpháirteach, comharchumann, institiúidí coigiltis nó institiúidí comhchosúla, cuirfear an t-iarratas dá dtagraítear in Airteagal 29, míreanna 1 agus 2, agus an fhaisnéis dá dtagraítear in Airteagal 30(1) isteach chuig an údarás inniúil leis an minicíocht chéanna leis sin a úsáidfidh údarás inniúil na hinstitiúide chun scrúdú a dhéanamh ar fhuascailtí.

2. Féadfaidh údaráis inniúla a gcead a thabhairt roimh ré do ghníomh atá liostaithe in Airteagal 77(1) de Rialachán (AE) Uimh. 575/2013 le haghaidh méid áirithe réamhchinntithe a bheidh le fuascailt, glan ar mhéid na liostála d’ionstraimí nua Ghnáthchothromais Leibhéal 1 a bheidh íoctha le linn tréimhse suas le 1 bhliain amháin. D’fhéadfadh an méid réamhchinntithe sin dul suas go dtí 2 % den chaipiteal Gnáthchothromas Leibhéal 1, má bhíonn siad sásta nach gcruthóidh an ghníomhaíocht sin contúirt do chás sócmhainneachta reatha na hinstitiúide nó dá cás sócmhainneachta amach anseo.

Foroinn 2

Cead chun ionstraimí dliteanas incháilithe a laghdú

Airteagal 32a

An bhrí atá le hinbhuanaithe maidir le hinniúlacht ioncaim na hinstitiúide chun críocha Airteagal 78a(1), pointe (a), de Rialachán (AE) Uimh. 575/2013

Ciallóidh inbhuanaithe maidir le hinniúlacht ioncaim na hinstitiúide faoi Airteagal 78a(1), pointe (a), de Rialachán (AE) Uimh. 575/2013 go leanann brabúsacht na hinstitiúide, arna measúnú ag an údarás réitigh, de bheith fónta nó nach bhfeictear aon athrú diúltach ar na hionstraimí dliteanas incháilithe le cistí dílse nó le hionstraimí dliteanas incháilithe atá ar an gcáilíocht chéanna nó ar cháilíocht níos airde, ar an dáta sin agus go ceann i bhfad. Cuirfear cumas tuillimh na hinstitiúide i gcásanna struis san áireamh i measúnú an údaráis réitigh.

Airteagal 32b

Ceanglais an phróisis, lena n-áirítear na teorainneacha agus na nósanna imeachta le haghaidh iarratas a dhéanann institiúid chun ionstraimí dliteanas incháilithe a laghdú de bhun Airteagal 77(2) de Rialachán (AE) Uimh. 575/2013

1. Ní fhógrófar ceannach, fuascailt, aisíoc agus athcheannach ionstraimí cistí dílse do shealbhóirí na n-ionstraimí sin sula bhfaighidh an institiúid réamhchead ón údarás réitigh.

2. I gcás ina bhfuil coinne leis go dtarlóidh na gníomhaíochtaí atá liostaithe in Airteagal 77(2) de Rialachán (AE) Uimh. 575/2013 le cinnteacht leordhóthanach, agus a luaithe is a bheidh réamhchead faighte ón údarás réitigh, asbhainfidh an institiúid na méideanna a bheidh le ceannach, le fuascailt, le haisíoc nó le hathcheannach ó ionstraimí dliteanas incháilithe na hinstitiúide sula dtarlaíonn an ceannach, fuascailt, aisíoc nó athcheannach féin. Measfar gurb ann do chinnteacht leordhóthanach go háirithe i gcás inar fhógair an institiúid go poiblí go bhfuil sé mar rún aici ionstraim dliteanas incháilithe a cheannach, a fhuascailt, a aisíoc nó a athcheannach.

3. I gcás réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, déanfar an méid réamhchinntithe dá bhfuil cead tugtha ag an údarás réitigh a asbhaint ó ionstraimí dliteanas incháilithe na hinstitiúide ón bpointe a dheonaítear an t-údarú.

4. Deonóidh an t-údarás réitigh réamhchead, seachas an réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, go ceann tréimhse sonraithe, a bhfuil gá leis chun aon cheann de na gníomhaíochtaí atá liostaithe in Airteagal 77(2) den Rialachán sin a dhéanamh, nach mbeidh níos mó ná 1 bhliain amháin.

5. I gcás ina lorgaítear réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, ní rachaidh an méid réamhchinntithe dá ndeonaítear an réamhchead ginearálta thar 10 % de mhéid iomlán na n-ionstraimí dliteanas incháilithe gan íoc.

6. Beidh feidhm ag míreanna 1 go dtí 5 ar leibhéil chomhdhlúite, fho-chomhdhlúite agus aonair de chur i bhfeidhm na gceanglas le haghaidh cistí dílse agus dliteanais incháilithe, de réir mar is infheidhme.

Airteagal 32c

Iarratas arna thíolacadh ag an institiúid chun ionstraimí dliteanas incháilithe a laghdú de bhun Airteagal 77(2) de Rialachán (AE) Uimh. 575/2013

1. Cuirfidh institiúid iarratas ar réamhchead isteach, lena n-áirítear an réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, chuig an údarás réitigh sula ndéanfaidh sí gníomhaíocht dá dtagraítear in Airteagal 77(2) den Rialachán sin.

2. Beidh feidhm ag mír 1 ar leibhéil aonair, chomhdhlúite agus fho-chomhdhlúite de chur i bhfeidhm na gceanglas le haghaidh cistí dílse agus dliteanais incháilithe, de réir mar is infheidhme.

Airteagal 32d

Ábhar an iarratais a bheidh le cur isteach ag an institiúid chun críocha Airteagal 77(2) de Rialachán (AE) Uimh. 575/2013

1. Beidh na nithe uile seo a leanas ag gabháil leis an iarratas dá dtagraítear in Airteagal 32c:

(a)	míniú a bhfuil bunús maith leis ar an réasúnaíocht atá le haon cheann de na gníomhaíochtaí dá dtagraítear in Airteagal 77(2) de Rialachán (AE) Uimh. 575/2013 a dhéanamh,

(b)	faisnéis faoi cé acu atá an cead a lorgaítear bunaithe ar Airteagal 78a(1), an chéad fhomhír, pointí (a), (b) nó (c), de Rialachán (AE) Uimh. 575/2013 nó ar Airteagal 78a(1), an dara fomhír, den Rialachán sin,

(c)

faisnéis reatha agus réamhbhreathnaitheach a chumhdóidh tréimhse 3 bliana ar a laghad maidir leis na ceanglais seo a leanas le haghaidh cistí dílse agus dliteanais incháilithe:

(i)

(ii)

an t-íoscheanglas le haghaidh cistí dílse agus dliteanais incháilithe a leagtar síos in Airteagal 45 de Threoir 2014/59/AE arna ríomh i gcomhréir le hAirteagal 45e agus Airteagal 45f den Treoir sin, de réir mar is infheidhme, mar an méid cistí dílse agus dliteanais incháilithe, agus arna shloinneadh mar chéatadáin de mhéid iomlán na risíochta ar phriacal an eintitis ábhartha, arna ríomh i gcomhréir le hAirteagal 92(3) de Rialachán (AE) Uimh. 575/2013, agus méid na gcistí dílse agus dliteanas incháilithe arna sloinneadh mar chéatadáin de bheart an eintitis ábhartha maidir leis an neamhchosaint iomlán, arna ríomh i gcomhréir le hAirteagal 429(4) agus Airteagal 429a de Rialachán (AE) Uimh. 575/2013,

(iii)

an ceanglas maoláin chomhcheangailte dá dtagraítear in Airteagal 128, pointe (6), de Threoir 2013/36/AE,

(d)

faisnéis reatha agus réamhbhreathnaitheach maidir le leibhéal agus comhdhéanamh na gcistí dílse agus na ndliteanas incháilithe arna sealbhú chun comhlíontacht a áirithiú, faoi seach, leis na ceanglais dá dtagraítear i mír 1, pointe (c)(i), pointe (c)(ii) agus pointe (c)(iii) roimh an ghníomhaíocht dá dtagraítear in Airteagal 77(2) de Rialachán (AE) Uimh. 575/2013 a dhéanamh agus ina dhiaidh sin. Cumhdófar tréimhse 3 bliana ar a laghad san fhaisnéis agus áireofar inti, i ndáil le dliteanais incháilithe, sonraíochtaí maidir leis na méideanna seo a leanas, de réir mar is infheidhme:

(i)	dliteanais a cháilíonn mar ionstraimí dliteanas incháilithe de bhun Airteagal 72b(2) de Rialachán (AE) Uimh. 575/2013,

(ii)	dliteanais arna gceadú ag an údarás réitigh chun cáiliú mar ionstraimí dliteanas incháilithe de bhun Airteagal 72b, míreanna 3 nó 4, de Rialachán (AE) Uimh. 575/2013,

(iii)

dliteanais atá áirithe i méid cistí dílse agus dliteanas incháilithe na n-eintiteas réitigh de bhun Airteagal 45b(1) de Threoir 2014/59/AE,

(iv)	dliteanais a eascraíonn as ionstraimí fiachais le díorthaigh leabaithe atá áirithe sa mhéid cistí dílse agus dliteanas incháilithe de bhun Airteagal 45b(2) de Threoir 2014/59/AE,

(v)

(vi)

(e)

measúnú achomhair na hinstitiúide ar thionchar na gníomhaíochta atá beartaithe ag an institiúid a dhéanamh i gcomhréir le hAirteagal 77(2) de Rialachán (AE) Uimh. 575/2013, agus aon ghníomhaíocht den sórt sin a bheartaíonn an institiúid a dhéanamh anuas air sin laistigh de thréimhse 3 bliana, maidir le comhlíonadh na gceanglas dá dtagraítear i mír 1, pointe (c)(i), pointe (c)(ii) agus pointe (c)(iii),

(f)

i gcás ina bhféachann an institiúid le hionstraimí dliteanas incháilithe a ionadú de bhun Airteagal 78a(1), pointe (a), de Rialachán (AE) Uimh. 575/2013:

(i)	faisnéis maidir lena mbeidh fágtha de théarma na n-ionstraimí dliteanas incháilithe arna n-ionadú, agus aibíocht na n-ionstraimí cistí dílse agus dliteanas incháilithe a bheidh á n-ionadú,

(ii)	an chéim tosaíochta i ndócmhainneacht na n-ionstraimí dliteanas incháilithe arna n-ionadú agus na gcistí dílse nó na n-ionstraimí dliteanas incháilithe a bheidh á n-ionadú,

(iii)

costas na gcistí dílse nó na n-ionstraimí dliteanas incháilithe a bheidh ag ionadú na n-ionstraimí dliteanas incháilithe,

(iv)	uainiú beartaithe eisiúint na gcistí dílse nó na n-ionstraimí dliteanas incháilithe a bheidh ag ionadú na n-ionstraimí dliteanas incháilithe dá dtagraítear in Airteagal 77(2) de Rialachán (AE) Uimh. 575/2013,

(v)	an tionchar ar chumas tuillimh na hinstitiúide de bhun Airteagal 78a(1), pointe (a), de Rialachán (AE) Uimh. 575/2013,

(g)

meastóireacht ar na priacail dá bhfuil an institiúid neamhchosanta nó dá bhféadfadh sí a bheith neamhchosanta, go háirithe cé acu a áirithíonn an leibhéal cistí dílse agus dliteanais incháilithe cumhdach iomchuí i leith priacail den sórt sin, lena n-áirítear torthaí tástálacha struis ar phríomhphriacail lena léirítear caillteanais a d’fhéadfadh tarlú,

(h)	i gcás ina bhfuil feidhm ag Airteagal 78a(1), pointe (c), de Rialachán (AE) Uimh. 575/2013, a thaispeáint go bhfuil gá le hionadú páirteach nó ionadú iomlán na n-ionstraimí dliteanas incháilithe le hionstraimí cistí dílse chun a áirithiú go gcomhlíontar na ceanglais cistí dílse,

(i)	aon fhaisnéis eile a mheasann an t-údarás réitigh is gá chun meastóireacht a dhéanamh ar chomh hiomchuí is atá sé cead a dheonú i gcomhréir le hAirteagal 78a de Rialachán (AE) Uimh. 575/2013.

2. Tarscaoilfidh an t-údarás réitigh tíolacadh roinnt den fhaisnéis atá liostaithe i mír 1 i gcás ina bhfuil sé sásta go bhfuil an fhaisnéis sin aige cheana féin.

3. Beidh feidhm ag míreanna 1 agus 2 ar leibhéil aonair, chomhdhlúite agus fho-chomhdhlúite de chur i bhfeidhm na gceanglas le haghaidh cistí dílse agus dliteanais incháilithe, de réir mar is infheidhme.

Airteagal 32e

Faisnéis bhreise a bheidh le cur isteach in éineacht leis an iarratas ar réamhchead ginearálta le haghaidh gníomhaíochtaí atá liostaithe in Airteagal 77(2) de Rialachán (AE) Uimh. 575/2013

1. I gcás ina lorgaítear réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013 le haghaidh gníomhaíochta faoi Airteagal 77(2) den Rialachán sin, sonróidh an institiúid san iarratas líon iomlán d’ionstraimí dliteanas incháilithe gan íoc, lena n-áirítear an méid iomlán d’ionstraimí dliteanas incháilithe gan íoc a chomhlíonann coinníollacha Airteagal 88a de Rialachán (AE) Uimh. 575/2013 nó Airteagal 45b(3) de Threoir 2014/59/AE.

2. D’fhéadfaí a áireamh le hiarratas ar réamhchead ginearálta le haghaidh gníomhaíochta faoi Airteagal 77(2) de Rialachán (AE) Uimh. 575/2013 ionstraimí dliteanas incháilithe atá fós le heisiúint, faoi réir shonrú an mhéid iomláin dá dtagraítear i mír 1, a bheidh le soláthar don údarás réitigh tar éis na heisiúna lena mbaineann.

Airteagal 32f

An fhaisnéis a bheidh le cur isteach in éineacht le hiarratas ar athnuachan réamhcheada ginearálta le haghaidh gníomhaíochtaí atá liostaithe in Airteagal 77(2) de Rialachán (AE) Uimh. 575/2013

1. Sula dtéann an réamhchead ginearálta arna dheonú de bhun Airteagal 78a(1), an dara fomhír, de Rialachán (AE) Uimh. 575/2013 in éag, féadfaidh institiúid iarratas a chur isteach lena athnuachan ar feadh tréimhse suas le 1 bhliain bhreise gach uair, ar choinníoll nach n-iarrann an institiúid méadú ar an méid réamhchinntithe arna shocrú nuair a deonaíodh an réamhchead ginearálta bunaidh agus nach n-athraítear an réasúnaíocht dá dtagraítear in Airteagal 32d(1), pointe (a) leis, tráth ar iarradh an réamhchead ginearálta bunaidh.

2. Le linn di iarratas a dhéanamh ar athnuachan an réamhcheada ghinearálta dá dtagraítear i mír 1, beidh an institiúid díolmhaithe ón oibleagáid chun an fhaisnéis dá dtagraítear in Airteagal 32d(1), pointí (a), (b), (c), (e), (f), agus (h) a sholáthar.

Airteagal 32g

Uainiú an iarratais a bheidh le cur isteach ag an institiúid agus próiseáil an iarratais ag an údarás réitigh chun críocha Airteagal 77(2) de Rialachán (AE) Uimh. 575/2013

1. Maidir le réamhchead, seachas an réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, tarchuirfidh an institiúid iarratas iomlán agus an fhaisnéis dá dtagraítear in Airteagal 32d chuig an údarás réitigh 4 mhí ar a laghad roimh an dáta ar a bhfógrófar ceann de na gníomhaíochtaí atá liostaithe in Airteagal 77(2) de Rialachán (AE) Uimh. 575/2013 do shealbhóirí na n-ionstraimí.

2. Maidir leis an réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, tarchuirfidh an institiúid iarratas iomlán agus an fhaisnéis dá dtagraítear in Airteagal 32d agus Airteagal 32e chuig an údarás réitigh 4 mhí ar a laghad roimh an dáta ar a ndéanfar ceann de na gníomhaíochtaí atá liostaithe in Airteagal 77(2) de Rialachán (AE) Uimh. 575/2013.

3. De mhaolú ar mhír 2, i gcás ina lorgaítear athnuachan ar an réamhchead ginearálta de bhun Airteagal 78a(1), an dara fomhír, de Rialachán (AE) Uimh. 575/2013 agus Airteagal 32f, tarchuirfidh an institiúid iarratas iomlán agus an fhaisnéis a cheanglaítear faoi Airteagal 32d, Airteagal 32e agus Airteagal 32f chuig an údarás réitigh 3 mhí ar a laghad roimh don tréimhse dár deonaíodh an réamhchead ginearálta bunaidh dul in éag.

4. Féadfaidh údaráis réitigh ligean d’institiúidí ar bhonn cás ar chás agus faoi imthosca eisceachtúla an t-iarratas dá dtagraítear i míreanna 1, 2 agus 3 a tharchur laistigh de thráthchlár níos giorra ná na tréimhsí a leagtar amach sna míreanna sin.

5. Próiseálfaidh an t-údarás réitigh iarratas le linn na tréimhse ama dá dtagraítear i míreanna 1, 2 agus 3 nó le linn na tréimhse ama dá dtagraítear i mír 4. Cuirfidh údaráis réitigh faisnéis nua a fuarthas le linn na tréimhse sin san áireamh, i gcás ina bhfuil faisnéis nua den sórt sin ar fáil agus i gcás ina measann siad go bhfuil an fhaisnéis sin ábhartha. Ní phróiseálfaidh na húdaráis réitigh an t-iarratas ach amháin nuair a bheidh siad sásta gur sholáthair an institiúid dóibh an fhaisnéis uile a cheanglaítear faoi Airteagal 32d agus, i gcás inarb infheidhme, Airteagal 32e agus Airteagal 32f.

Airteagal 32h

Ceanglais shimplithe d’institiúidí dár shocraigh an t-údarás réitigh an t-íoscheanglas le haghaidh cistí dílse agus dliteanais incháilithe a leagtar síos in Airteagal 45(1) de Threoir 2014/59/AE ar leibhéal nach mó é ná méid leordhóthanach chun caillteanais a sheasamh

1. De mhaolú ar Airteagal 32d, Airteagal 32e agus Airteagal 32f, i gcás ina gcuireann institiúid isteach an t-iarratas dá dtagraítear in Airteagal 32c, institiúid dar shocraigh an t-údarás réitigh an t-íoscheanglas le haghaidh cistí dílse agus dliteanais incháilithe a leagtar síos in Airteagal 45(1) de Threoir 2014/59/AE ar leibhéal nach mó é ná méid leordhóthanach chun caillteanais a sheasamh i gcomhréir le hAirteagal 45c(2), an chéad fhomhír, pointe (a), den Treoir sin, beidh na nithe uile seo a leanas ag gabháil leis an iarratas sin:

(a)	míniú a bhfuil bunús maith leis ar an réasúnaíocht atá le haon cheann de na gníomhaíochtaí dá dtagraítear in Airteagal 77(2) de Rialachán (AE) Uimh. 575/2013 a dhéanamh,

(b)	faisnéis faoi cé acu atá an cead a lorgaítear bunaithe ar Airteagal 78a(1), an chéad fhomhír, pointí (a), (b) nó (c), de Rialachán (AE) Uimh. 575/2013 nó ar Airteagal 78a(1), an dara fomhír, den Rialachán sin.

2. Réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, arna dheonú tar éis iarratais arna dhéanamh i gcomhréir le mír 1, ní bheidh sé faoi réir an tsrianta a leagtar amach in Airteagal 32b(5) den Rialachán sin.

3. De mhaolú ar Airteagal 32g, cuirfidh na hinstitiúidí dá dtagraítear i mír 1 an t-iarratas dá dtagraítear in Airteagal 32c isteach chuig an údarás réitigh 3 mhí ar a laghad roimh an dáta ar a bhfógrófar ceann de na gníomhaíochtaí atá liostaithe in Airteagal 77(2) de Rialachán (AE) Uimh. 575/2013 do shealbhóirí na n-ionstraimí nó, i gcás iarratas ar réamhchead ginearálta dá dtagraítear in Airteagal 78a(1), an dara fomhír, den Rialachán sin, 3 mhí ar a laghad roimh an dáta ar a bhfógrófar ceann de na gníomhaíochtaí atá liostaithe in Airteagal 77(2) de Rialachán (AE) Uimh. 575/2013.

4. I gcás nach gcuireann an t-údarás réitigh i gcoinne an iarratais dá dtagraítear in Airteagal 32c i scríbhinn laistigh de na tréimhsí a shonraítear i mír 3, measfar go mbeidh an cead deonaithe.

5. Beidh feidhm ag an airteagal sin ar leibhéil aonair, chomhdhlúite agus fho-chomhdhlúite de chur i bhfeidhm na gceanglas le haghaidh cistí dílse agus dliteanais incháilithe, de réir mar is infheidhme.

Airteagal 32i

An próiseas don chomhar idir an t-údarás inniúil agus an t-údarás réitigh nuair a dheonaítear an cead dá dtagraítear in Airteagal 78a de Rialachán (AE) Uimh. 575/2013

1. I gcás ina gcuireann institiúid iarratas iomlán isteach ar réamhchead, lena n-áirítear an réamhchead ginearálta dá dtagraítear in Airteagal 78a(1), an dara fomhír, de Rialachán (AE) Uimh. 575/2013, tarchuirfidh an t-údarás réitigh go pras an t-iarratas sin chuig an údarás inniúil, lena n-áirítear an fhaisnéis dá dtagraítear in Airteagal 32d agus, i gcás inarb infheidhme, Airteagal 32e, Airteagal 32f nó Airteagal 32h.

2. An tráth céanna a tharchuirfear an fhaisnéis dá dtagraítear i mír 1, déanfaidh an t-údarás réitigh iarraidh ar chomhairliúchán chuig an údarás inniúil maidir leis an iarratas a fuarthas, ina n-áireofar malartú cómhalartach aon fhaisnéis ábhartha eile don mheasúnú a dhéanfaidh an t-údarás réitigh nó an t-údarás inniúil ar an iarratas.

3. Comhaontóidh an t-údarás inniúil agus an t-údarás réitigh teorainn ama leordhóthanach chun freagairt a sholáthar ar an gcomhairliúchán dá dtagraítear i mír 2, nach rachaidh thar 3 mhí ón bpointe a gheofar an iarraidh ar chomhairliúchán agus laghdófar é sin go dtí 2 mhí i gcás ina mbaineann an comhairliúchán le hathnuachan a dhéanamh ar réamhchead ginearálta de bhun Airteagal 32f nó ar réamhchead ginearálta de bhun Airteagal 32h. Déanfaidh an t-údarás réitigh a mhachnamh ar na tuairimí a gheofar ón údarás inniúil sula nglacfaidh sé cinneadh maidir leis an gcead.

4. I gcás ina gceanglaítear comhaontú an údaráis inniúil i gcomhréir le hAirteagal 78a(1), pointe (b), de Rialachán (AE) Uimh. 575/2013, cuirfidh an t-údarás réitigh in iúl don údarás inniúil, laistigh de 2 mhí ón iarraidh ar chomhairliúchán dá dtagraítear i mír 2, nó laistigh de 1 mhí amháin i gcás ina mbaineann an comhairliúchán le hathnuachan a dhéanamh ar réamhchead ginearálta de bhun Airteagal 32f nó ar réamhchead ginearálta de bhun Airteagal 32h, an corrlach beartaithe faoina measann an t-údarás réitigh, tar éis na gníomhaíochta dá dtagraítear in Airteagal 77(2) den Rialachán sin, nach mór do chistí dílse agus do dhliteanais incháilithe na hinstitiúide a bheith níos mó ná a ceanglais.

5. Laistigh de 3 seachtaine nó, i gcás ina mbaineann an comhairliúchán le hathnuachan ar réamhchead ginearálta de bhun Airteagal 32f nó ar réamhchead ginearálta de bhun Airteagal 32h, laistigh de 2 sheachtain, tar éis na cumarsáide dá dtagraítear i mír 4 a fháil, tarchuirfidh an t-údarás inniúil a chomhaontú i scríbhinn chuig an údarás réitigh. I gcás ina n-easaontaíonn an t-údarás inniúil nó ina n-easaontaíonn sé i bpáirt leis an údarás réitigh, cuirfidh sé an t-údarás réitigh ar an eolas laistigh den tréimhse sin, agus luafaidh sé na cúiseanna atá aige leis sin.

6. De mhaolú ar mhír 3, i gcás ina gceanglaítear comhaontú an údaráis inniúil i gcomhréir le hAirteagal 78a(1), pointe (b), de Rialachán (AE) Uimh. 575/2013, soláthróidh an t-údarás inniúil freagairt ar an gcomhairliúchán dá dtagraítear i mír 2 an tráth céanna a tharchuirfear a chomhaontú i scríbhinn chuig an údarás réitigh dá dtagraítear i mír 5.

7. De mhaolú ar mhíreanna 3 go 6, i gcás ina bhfuil an uastréimhse ama chun an t-iarratas dá dtagraítear i mír 1 a phróiseáil níos giorra ná 4 mhí i gcomhréir le hAirteagal 32g, míreanna 3 nó 4, comhaontófar na tréimhsí ama dá dtagraítear i míreanna 3, 4 agus 5 idir an t-údarás réitigh agus an t-údarás inniúil ag cur na huastréimhse ama ábhartha san áireamh.

8. Féachfaidh an t-údarás réitigh agus an t-údarás inniúil le teacht ar an gcomhaontú dá dtagraítear i mír 5 chun a áirithiú go bpróiseáiltear an t-iarratas dá dtagraítear i mír 1 in aon chás laistigh den tréimhse ama dá dtagraítear in Airteagal 32g, míreanna 1, 2, 3 nó 4.

9. Cuirfidh an t-údarás réitigh an cinneadh a glacadh maidir leis an gcead in iúl don údarás inniúil gan moill mhíchuí. Cuirfidh an t-údarás réitigh in iúl freisin don údarás inniúil sa chás go dtarraingeofar siar an réamhchead ginearálta i gcás ina sáraíonn institiúid aon cheann de na critéir dá bhforáiltear chun críocha an cheada sin.”

(15)

i gCaibidil IV, leasaítear Roinn 3 mar a leanas:

(a)	cuirtear é seo a leanas in ionad theideal Roinn 3: “ ROINN 3 Tarscaoileadh sealadach ó asbhaint as cistí dílse agus dliteanais incháilithe ”,

(b)	cuirtear an méid seo a leanas in ionad theideal Airteagal 33: “Airteagal 33 Tarscaoileadh sealadach ó asbhaint as cistí dílse agus ó dhliteanais incháilithe chun críocha Airteagal 79(1) de Rialachán (AE) Uimh.575/2013”,

(c)

in Airteagal 33, cuirtear an méid seo a leanas in ionad mhíreanna 2 agus 3:

“2. Ní bheidh feidhm ag an tarscaoileadh ach amháin i ndáil le sealúchais nua d’ionstraimí cistí dílse in eintiteas earnála airgeadais nó ionstraimí dliteanas incháilithe in institiúid atá faoi réir na hoibríochta um chúnamh airgeadais.

3. Chun tarscaoileadh sealadach a sholáthar ó asbhaint as cistí dílse agus dliteanais incháilithe, de réir mar is infheidhme, féadfaidh údarás inniúil a mheas go bhfuil na sealúchais dá dtagraítear in Airteagal 79(1) de Rialachán (AE) Uimh. 575/2013 á sealbhú chun oibríocht um chúnamh airgeadais arna ceapadh chun eintiteas earnála airgeadais nó institiúid a atheagrú agus a thabhairt slán i gcás ina ndéantar an oibríocht faoi phlean agus ina bhformheasann an t-údarás inniúil é, agus i gcás ina luaitear céimeanna, uainiú agus cuspóirí go soiléir sa phlean agus ina sonraítear ann an t-idirghníomhú a tharlóidh idir na sealúchais agus an oibríocht um chúnamh airgeadais.”

Airteagal 2

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 11 Deireadh Fómhair 2022.

Thar ceann an Choimisiúin

An tUachtarán

Ursula VON DER LEYEN

(1) IO L 176, 27.6.2013, lch. 1.

(2) Rialachán (AE) 2019/876 ó Pharlaimint na hEorpa agus ón gComhairle an 20 Bealtaine 2019 lena leasaítear Rialachán (AE) Uimh. 575/2013 a mhéid a bhaineann leis an gcóimheas luamhánaithe, leis an gcóimheas glanchistiúcháin chobhsaí, leis na ceanglais maidir le cistí dílse agus dliteanais incháilithe, le priacal creidmheasa an chontrapháirtí, leis an bpriacal margaidh, leis na risíochtaí ar chontrapháirtithe lárnacha, leis na risíochtaí ar ghnóthais chomhinfheistíochta, leis na risíochtaí móra, leis na ceanglais tuairiscithe agus nochta, agus Rialachán (AE) Uimh. 648/2012 (IO L 150, 7.6.2019, lch. 1).

(3) Rialachán Tarmligthe (AE) Uimh. 241/2014 ón gCoimisiún an 7 Eanáir 2014 lena bhforlíontar Rialachán (AE) Uimh. 575/2013 ó Pharlaimint na hEorpa agus ón gComhairle maidir le caighdeáin theicniúla rialála maidir le ceanglais cistí dílse le haghaidh institiúidí (IO L 74, 14.3.2014, lch. 8).

(4) Treoir 2014/59/AE ó Pharlaimint na hEorpa agus ón gComhairle an 15 Bealtaine 2014 lena mbunaítear creat um théarnamh agus réiteach na n-institiúidí creidmheasa agus gnólachtaí infheistíochta agus lena leasaítear Treoir 82/891/CEE ón gComhairle, agus Treoracha 2001/24/CE, 2002/47/CE, 2004/25/CE, 2005/56/CE, 2007/36/CE, 2011/35/AE, 2012/30/AE agus 2013/36/AE, agus Rialacháin (AE) Uimh. 1093/2010 agus (AE) Uimh. 648/2012, ó Pharlaimint na hEorpa agus ón gComhairle (IO L 173, 12.6.2014, lch. 190).

(5) Treoir (AE) 2019/879 ó Pharlaimint na hEorpa agus ón gComhairle an 20 Bealtaine 2019 lena leasaítear Treoir 2014/59/AE a mhéid a bhaineann le hacmhainneacht iniomparthachta caillteanais agus acmhainneacht athchaipitliúcháin institiúidí creidmheasa agus gnólachtaí infheistíochta agus Treoir 98/26/CE (IO L 150, 7.6.2019, lch. 296).

(6) Rialachán (AE) 2017/2401 ó Pharlaimint na hEorpa agus ón gComhairle an 12 Nollaig 2017 lena leasaítear Rialachán (AE) Uimh. 575/2013 maidir le ceanglais stuamachta i gcomhair institiúidí creidmheasa agus gnólachtaí infheistíochta (IO L 347, 28.12.2017, lch. 1).

(7) Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa agus ar ghnólachtaí infheistíochta, lena leasaítear Treoir 2002/87/CE agus lena n-aisghairtear Treoracha 2006/48/CE agus 2006/49/CE (IO L 176, 27.6.2013, lch. 338).

(8) Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12).

19.4.2023

Iris Oifigiúil an Aontais Eorpaigh

L 104/32

TREOIRLÍNE (AE) 2023/831 ÓN mBANC CEANNAIS EORPACH

an 16 Nollaig 2022

lena leasaítear Treoirlíne (AE) 2015/510 maidir le cur chun feidhme chreat beartais airgeadaíochta an Eurochórais (BCE/2022/48)

TÁ COMHAIRLE RIALAITHE AN BHAINC CEANNAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe an chéad fhleasc d’Airteagal 127(2) de,

Ag féachaint do Reacht an Chórais Eorpaigh Banc Ceannais agus an Bhainc Cheannais Eorpaigh, agus go háirithe an chéad fhleasc d’Airteagal 3.1, Airteagail 9.2, 12.1, 14.3 agus 18.2 agus an chéad mhír d’Airteagal 20 de,

De bhrí an méid seo a leanas:

(1)	Chun beartas airgeadaíochta aonair a bhaint amach, ní mór na huirlisí, na hionstraimí agus na nósanna imeachta a bheidh le húsáid ag an Eurochóras a shainiú chun beartas den sórt sin a chur chun feidhme ar bhealach aonfhoirmeach ar fud na mBallstát a bhfuil an euro mar airgeadra acu.

(2)

I gcomhréir leis an dara fleasc d’Airteagal 18.1 de Reacht an Chórais Eorpaigh Banc Ceannais agus an Bhainc Cheannais Eorpaigh, féadfaidh an Banc Ceannais Eorpach (BCE) agus na bainc cheannais náisiúnta na mBallstát a bhfuil an euro mar airgeadra acu (dá ngairtear “BCNanna” anseo feasta) oibríochtaí creidmheasa a sheoladh le hinstitiúidí creidmheasa agus le rannpháirtithe eile sa mhargadh, agus na hiasachtaí á mbunú ar bhonn comhthaobhachta leordhóthanaí.

(3)

D’fhonn leordhóthanacht chomhthaobhacht an Eurochórais a chosaint, tá sócmhainní incháilithe arna bhforscaoileadh mar chomhthaobhacht le haghaidh oibríochtaí creidmheasa an Eurochórais faoi réir bearta rialaithe riosca sonracha chun an Eurochórais a chosaint ar chaillteanais airgeadais i gcúinsí ina gcaithfear an chomhthaobhacht a réadú mar gheall ar mhainneachtain contrapháirtí. Déantar athbhreithniú rialta ar chreat rialaithe riosca an Eurochórais chun cosaint leordhóthanach a áirithiú.

(4)

Mar thoradh ar an athbhreithniú rialta ar an gcreat rialaithe riosca le haghaidh oibríochtaí creidmheasa an Eurochórais, agus ós rud é go bhfuil próifíl riosca na mbannaí reachtacha eile faoi chumhdach agus multi cédulas comhchosúil le próifíl riosca na mbannaí ollmhóra faoi chumhdach, ar 15 Iúil 2022 chinn an Chomhairle Rialaithe gur cheart iad a bheith faoi réir na luachálacha caolchorrlaigh céanna, agus, dá bhrí sin, gur cheart gach banna faoi chumhdach reachtach agus gach multi cédulas a áireamh i gcaolchorrlach chatagóir II. Dá bhrí sin, is rud é nach bhfuil idirdhealú ann a thuilleadh idir bannaí ollmhóra faoi chumhdach agus cineálacha eile bannaí faoi chumhdach reachtacha i gcreat beartais airgeadaíochta an Eurochórais, ba cheart tagairtí do bhannaí ollmhóra faoi chumhdach a bhaint de Threoirlíne (AE) 2015/510 ón mBanc Ceannais Eorpach (BCE/2014/60) (1).

(5)	Dá bhrí sin, ba cheart Treoirlíne (AE) 2015/510 (BCE/2014/60) a leasú dá réir sin,

TAR ÉIS AN TREOIRLÍNTE SEO A GHLACADH:

Airteagal 1

Leasuithe

Leasaítear Treoirlíne (AE) 2015/510 (BCE/2014/60) mar a leanas:

(1)	in Airteagal 2, scriostar pointe (48);

(2)	leasaítear Iarscríbhinn XII i gcomhréir leis an Iarscríbhinn a ghabhann leis an Treoirlíne seo.

Airteagal 2

Teacht i bhfeidhm agus cur chun feidhme

1. Tiocfaidh an Treoirlíne seo i bhfeidhm an lá a dthabharfar fógra faoi do BCNanna.

2. Glacfaidh BCNanna na bearta is gá chun an Treoirlíne seo a chomhlíonadh agus cuirfidh siad i bhfeidhm iad ón 29 Meitheamh 2023. Cuirfidh siad na téacsanna agus na meáin a bhaineann leis na bearta sin in iúl don BCE 17 Feabhra 2023 ar a dhéanaí.

Airteagal 3

Seolaithe

Dírítear an Treoirlíne seo ar gach banc ceannais an Eurochórais.

Arna dhéanamh in Frankfurt am Main, an 16 Nollaig 2022.

Do Chomhairle Rialaithe an BCE

Uachtarán an BCE

Christine LAGARDE

(1) Treoirlíne (AE) 2015/510 ón mBanc Ceannais Eorpach an 19 Nollaig 2014 maidir le creat beartais airgeadaíochta an Eurochórais a chur chun feidhme (Treoirlíne maidir le Doiciméadacht Ghinearálta) (BCE/2014/60) (IO L 91, 2.4.2015, lch. 3).

IARSCRÍBHINN

In Iarscríbhinn XII de Threoirlíne (AE) 2015/510 (BCE/2014/60), cuirtear an méid seo a leanas in ionad Roinn VI:

“VI. SAMPLA 6: BEARTA RIALAITHE RIOSCA

Léiríonn an sampla seo an creat rialaithe riosca a chuirtear i bhfeidhm ar shócmhainní a shlógtar mar chomhthaobhacht in oibríochtaí creidmheasa an Eurochórais. Tá sé bunaithe ar an toimhde, agus an gá le glao ar éarlaisí á ríomh, go gcuirtear ús fabhraithe ar an leachtacht a sholáthraítear san áireamh agus go gcuirtear pointe truicir de 0,5 % den leachtacht a sholáthraítear i bhfeidhm. Tá an sampla bunaithe ar an toimhde go nglacann contrapháirtí páirt sna hoibríochtaí beartais airgeadaíochta Eurochórais seo a leanas:

(a)	príomhoibríocht athmhaoinithe ag tosú an 21 Meán Fómhair 2022 agus ag críochnú an 28 Meán Fómhair 2022 i gcás ina gcionroinntear don chontrapháirtí EUR 50 milliún ag ráta úis 1,25 %;

(b)	oibríocht athmhaoinithe níos fadthéarmaí ag tosú an 22 Meán Fómhair 2022 agus ag críochnú an 21 Nollaig 2022 i gcás ina gcionroinntear don chontrapháirtí EUR 45 milliún ag ráta úis 1,25 %;

(c)	príomhoibríocht athmhaoinithe ag tosú an 28 Meán Fómhair 2022 agus ag críochnú an 5 Deireadh Fómhair 2022 i gcás ina gcionroinntear don chontrapháirtí EUR 35 milliún ag ráta úis 1,25 %.

Sonraítear tréithe na sócmhainní indíolta a úsáideann an contrapháirtí chun na hoibríochtaí seo a chumhdach i dTábla 1.

Tábla 1

Sócmhainní indíolta a shlógtar sna hidirbhearta

Saintréithe

Ainm	Aicme sócmhainne	Dáta aibíochta	Sainmhíniú cúpóin	Minicíocht an chúpóin	Aibíocht iarmhair	CQS	Caolchorrlach (%)
Sócmhainn A	Banna faoi chumhdach	21.12. 2026	Ráta seasta	6 mhí	4 bliana	1 -2	2,50
Sócmhainn B	Banna rialtais láir	24.2.2027	Ráta athraitheach	12 mhí	4 bliana	1 -2	1,50
Sócmhainn C	Banna corparáideach	24.1.2035	Ráta cúpóin nialasaigh		12 bliana	1 -2	10,00

Praghsanna i gcéatadáin (lena n-áirítear ús fabhraithe) (*1)
21.9.2022	22.9.2022	23.9.2022	26.9.2022	27.9.2022	28.9.2022	29.9.2022
101,61	101,21	99,50	99,97	99,73	100,01	100,12
	98,62	97,95	98,15	98,56	98,59	98,57
					53,71	53,62

CÓRAS COMHARTHAITHE

Ar dtús, glactar leis go ndéantar na hidirbhearta le banc ceannais náisiúnta (BCN) ag baint úsáide as córas ina bhfuil sócmhainní bunúsacha curtha in áirithe do gach idirbheart. Déantar luacháil na sócmhainní a shlógadh mar chomhthaobhacht ar bhonn laethúil. Féadtar cur síos a dhéanamh ar an gcreat rialaithe riosca mar seo a leanas (féach Tábla 2 thíos freisin):

An 21 Meán Fómhair 2022, déanann an contrapháirtí idirbheart iasachta comhthaobhaithe leis an BCN, a fhaigheann EUR 50,6 milliún de Shócmhainn A. Is éard atá i Sócmhainn A ná banna faoi chumhdach a bhfuil cúpón seasta ag aibiú an 21 Nollaig 2026 aige agus arna leithdháileadh ar chreidmheas céim cáilíochta 1-2. Mar sin tá aibíocht iarmharach ceithre bliana aige, agus dá bhrí sin teastaíonn caolchorrlach luachála de 2,5 %. Is é praghas margaidh Sócmhainn A ar a mhargadh tagartha an lá sin ná 101,61 %, lena n-áirítear an t-ús fabhraithe ar an gcúpón. Ceanglaítear ar an gcontrapháirtí méid Sócmhainne A a sholáthar, a sháraíonn an méid leithroinnte de EUR 50 milliún, tar éis an caolchorrlach luachála de 2,5 % a asbhaint. Dá bhrí sin seachadann an contrapháirtí Sócmhainn A ar mhéid ainmniúil EUR 50,6 milliún, agus is ionann margadhluach coigeartaithe i gcás caolchorrlaigh agus EUR 50 129 294 an lá sin.

An 22 Meán Fómhair 2022, déanann an contrapháirtí idirbheart athcheannaigh leis an BCN, a cheannaíonn EUR 21 milliún de Shócmhainn A (praghas margaidh 101,21 %, caolchorrlach luachála 2,5 %) agus EUR 25 milliún de Shócmhainn B (praghas margaidh 98,62 %). Is banna rialtais láir é Sócmhainn B le híocaíochtaí cúpón ar ráta athraitheach agus cionroinnte ar chéim 1-2 ar cháilíocht chreidmheasa, a gcuirtear caolchorrlach luachála de 1,5 % i bhfeidhm air. Is ionann margadhluach Sócmhainn A agus Sócmhainn B arna gcoigeartú ag caolchorrlachan an lá sin agus EUR 45 007 923, agus mar sin tá sé níos mó ná an méid riachtanach EUR 45 000 000.

An 22 Meán Fómhair 2022, déantar athluacháil ar na sócmhainní atá mar bhunús leis an bpríomhoibríocht athmhaoinithe a tionscnaíodh an 21 Meán Fómhair 2022. Le praghas margaidh de 101,21 %, tá luach margaidh Sócmhainn A arna choigeartú ag caolchorrlach fós laistigh de na méideanna truicir is ísle agus is airde. Dá bhrí sin, meastar dá bhrí sin go bhfreastalaíonn an chomhthaobhacht a shlógadh i dtosach ar an méid tosaigh leachtachta a cuireadh ar fáil agus ar an ús fabhraithe arb ionann é agus EUR 1 736.

An 23 Meán Fómhair 2022, athluacháiltear na bunsócmhainní: is ionann praghas margaidh Sócmhainn A agus 99,50 % agus is ionann praghas margaidh Sócmhainn B agus 97,95 %. Is ionann ús fabhraithe agus EUR 3 472 ar an bpríomhoibríocht athmhaoinithe a tionscnaíodh an 21 Meán Fómhair 2022 agus EUR 1 563 ar an oibríocht athmhaoinithe níos fadtéarmaí a tionscnaíodh an 22 Meán Fómhair 2022. Mar thoradh air sin, titeann margadhluach coigeartaithe i gcás caolchorrlaigh Sócmhainn A sa chéad idirbheart faoi mhéid an idirbhirt atá le cumhdach, i.e. an leachtacht arna soláthar móide an t-ús fabhraithe, le EUR 915 147, ach faoi bhun an leibhéil truicir níos ísle de EUR 49 753 455.

Seachadann an contrapháirtí EUR 950 000 de Shócmhainn A i dtéarmaí luacha ainmniúla, rud a dhéanann, tar éis caolchorrlach de 2,5 % a asbhaint ón luach margaidh bunaithe ar phraghas 99,50 %, cumhdach comhthaobhachta leordhóthanach a athbhunú. Féadfaidh BCNanna glaonna ar éarlaisí a dhéanamh in airgead tirim seachas in urrúis.

Tá gá le glao ar éarlaisí freisin don dara idirbheart ós rud é go bhfuil margadhluach coigeartaithe i gcás caolchorrlaigh na mbunsócmhainní a úsáidtear san idirbheart seo (EUR 44 492 813) faoi bhun an leibhéil truicir is ísle (EUR 44 776 555). Mar sin soláthraíonn an contrapháirtí EUR 550 000 de Shócmhainn B ar margadhluach arna choigeartú ag caolchorrlach de EUR 530 644.

An 26 Meán Fómhair 2022, déantar na sócmhainní bunúsacha a athluacháil, gan aon ghlaoch ar éarlaisí, a bheith mar thoradh ar na hidirbhearta a rinneadh an 21 agus an 22 Meán Fómhair 2022.

An 27 Meán Fómhair 2022 nochtann athluacháil na sócmhainní atá mar bhunús leis an oibríocht athmhaoinithe fhadtéarmach a tionscnaíodh an 22 Meán Fómhair 2022 go sáraíonn luach margaidh coigeartaithe na sócmhainní a sholáthraítear an leibhéal spreagthaigh uachtarach agus go dtugann an BCN EUR 300 000 de Shócmhainn B ar ais i luach ainmniúil don chontrapháirtí. Dá gcaithfeadh an BCN corrlach a íoc leis an gcontrapháirtí i ndáil leis an dara idirbheart, d’fhéadfaí corrlach den sórt sin a ghlanadh amach i gcásanna áirithe leis an gcorrlach a d’íoc an contrapháirtí leis an BCN i ndáil leis an gcéad idirbheart. Mar thoradh air sin, ní bheadh ann ach socrú corrlaigh amháin.

An 28 Meán Fómhair 2022, aisíocann an contrapháirtí an leachtacht a cuireadh ar fáil faoin bpríomhoibríocht athmhaointhe a tionscnaíodh an 21 Meán Fómhair 2022, lena n-áirítear leas fabhraithe EUR 12 153. Tugann an BCN EUR 51 550 000 de Shócmhainn A ar ais i luach ainmniúil.

An lá céanna déanann an contrapháirtí idirbheart iasachta comhthaobhaithe nua leis an BCN, a cheannaíonn EUR 72,5 milliún de Shócmhainn C i dtéarmaí luacha ainmniúla. Ós rud é gur banna corparáideach cúpóin nialasaigh é Sócmhainn C le haibíocht iarmharach 12 mbliana agus arna leithdháileadh ar chéim 1-2 ar cháilíocht chreidmheasa, a bhfuil gá le caolchorrlach luachála de 10 %, is ionann an luach margaidh comhfhreagrach atá coigeartaithe le caolchorrlach an lá sin agus EUR 35 045 775.

CÓRAS COMHTHIOMSAITHE

Ar an dara dul síos, glactar leis go ndéantar na hidirbhearta le BCN ag baint úsáide as córas comhthiomsaithe i gcás nach bhfuil sócmhainní a áirítear sa chomhthiomsú sócmhainní a úsáideann an contrapháirtí curtha in áirithe d’idirbhearta ar leith:

Úsáidtear an t-ord céanna idirbheart sa sampla seo agus atá sa sampla thuas ina léirítear córas comharthaithe. Is í an phríomhdhifríocht ná, ar na dátaí athluachála, nach mór do margadhluach arna choigeartú ag caolchorrlach na sócmhainní go léir sa chomhthiomsú méid iomlán oibríochtaí uile an chontrapháirtí leis an BCN a chumhdach. Tá an glao ar éarlaisí de EUR 1 423 897 a tharla an 23 Meán Fómhair 2022 comhionann sa sampla seo leis an gceann a éilítear i gcás an chórais chomharthaithe. Seachadann an contrapháirtí EUR 1 500 000 de Shócmhainn A i dtéarmaí luacha ainmniúla, rud a dhéanann, tar éis caolchorrlach de 2,5 % a asbhaint ón luach margaidh bunaithe ar phraghas 99,50 %, cumhdach comhthaobhachta leordhóthanach a athbhunú.

Thairis sin, an 28 Meán Fómhair 2022, nuair a aibíonn an phríomhoibríocht athmhaoinithe a rinneadh an 21 Meán Fómhair 2022, féadfaidh an contrapháirtí na sócmhainní a choinneáil ar a chuntas comhthiomsaithe. Féadtar sócmhainn a mhalartú freisin ar shócmhainn eile mar a thaispeántar sa sampla, nuair a chuirtear EUR 72,5 milliún de Shócmhainn C i luach ainmniúil in ionad EUR 52,1 milliún de Shócmhainn A chun an leachtacht a sholáthraítear agus an t-ús fabhraithe a chumhdach faoi gach oibríocht athmhaoinithe.

Déantar cur síos ar an gcreat rialaithe riosca sa chóras comhthiomsaithe i dTábla 3.

Tábla 2

Córas Comharthaithe

Dáta	Idirbhearta gan íoc	Dáta tosaigh	Dáta deiridh	Ráta úis (%)	Leachtacht curtha ar fáil	Ús fabhraithe	Méid iomlán le cumhdach	Méid truicir íochtarach	Méid truicir uachtarach	Margadhluach arna choigeartú ag caolchorrlach	Glao ar éarlaisí
21.9.2022	Príomh-athmhaoiniú	21.9.2022	28.9.2022	1,25	50 000 000	—	50 000 000	49 750 000	50 250 000	50 129 294
22.9.2022	Príomhathmhaoiniú	21.9.2022	28.9.2022	1,25	50 000 000	1 736	50 001 736	49 751 727	50 251 745	49 931 954
	Athmhaoiniú níos fadtéarmaí	22.9.2022	21.12.2022	1,25	45 000 000	—	45 000 000	44 775 000	45 225 000	45 007 923
23.9.2022	Príomhathmhaoiniú	21.9.2022	28.9.2022	1,25	50 000 000	3 472	50 003 472	49 753 455	50 253 490	49 088 325	– 915 147
	Athmhaoiniú níos fadtéarmaí	22.9.2022	21.12.2022	1,25	45 000 000	1 563	45 001 563	44 776 555	45 226 570	44 492 813	– 508 750
26.9.2022	Príomhathmhaoiniú	21.9.2022	28.9.2022	1,25	50 000 000	8 681	50 008 681	49 758 637	50 258 724	50 246 172
	Athmhaoiniú níos fadtéarmaí	22.9.2022	21.12.2022	1,25	45 000 000	6 250	45 006 250	44 781 219	45 231 281	45 170 023
27.9.2022	Príomhathmhaoiniú	21.9.2022	28.9.2022	1,25	50 000 000	10 417	50 010 417	49 760 365	50 260 469	50 125 545
	Athmhaoiniú níos fadtéarmaí	22.9.2022	21.12.2022	1,25	45 000 000	7 813	45 007 813	44 782 773	45 232 852	45 515 311	507 499
28.9.2022	Príomhathmhaoiniú	28.9.2022	5.10.2022	1,25	35 000 000	—	35 000 000	34 825 000	35 175 000	35 045 775,00
	Athmhaoiniú níos fadtéarmaí	22.9.2022	21.12.2022	1,25	45 000 000	9 375	45 009 375	44 784 328	45 234 422	44 997 612,88
29.9.2022	Príomhathmhaoiniú	28.9.2022	5.10.2022	1,25	35 000 000	1 215	35 001 215	34 826 209	35 176 221	34 987 050,00
21.9.2022	Athmhaoiniú níos fadtéarmaí	22.9.2022	21.12.2022	1,25	45 000 000	10 938	45 010 938	44 785 883	45 235 992	45 015 161,13

Tábla 3

Córas Comhthiomsaithe

Dáta	Idirbhearta gan íoc	Dáta tosaigh	Dáta deiridh	Ráta úis (%)	Leachtacht curtha ar fáil	Ús fabhraithe	Méid iomlán le cumhdach	Méid truicir íochtarach (1)	Méid truicir uachtarach (2)	Margadhluach arna choigeartú ag caolchorrlach	Glao ar éarlaisí
21.9.2022	Príomhathmhaoiniú	21.9.2022	28.9.2022	1,25	50 000 000	—	50 000 000	49 750 000	Not applicable	50 129 294
22.9.2022	Príomhathmhaoiniú	21.9.2022	28.9.2022	1,25	50 000 000	1 736	95 001 736	94 526 727	Not applicable	94 939 876
	Athmhaoiniú níos fadtéarmaí	22.9.2022	21.12.2022	1,25	45 000 000	—
23.9.2022	Príomhathmhaoiniú	21.9.2022	28.9.2022	1,25	50 000 000	3 472	95 005 035	94 530 010	Not applicable	93 581 138	–1 423 897
	Athmhaoiniú níos fadtéarmaí	22.9.2022	21.12.2022	1,25	45 000 000	1 563
26.9.2022	Príomhathmhaoiniú	21.9.2022	28.9.2022	1,25	50 000 000	8 681	95 014 931	94 539 856	Not applicable	95 420 556
	Athmhaoiniú níos fadtéarmaí	22.9.2022	21.12.2022	1,25	45 000 000	6 250
27.9.2022	Príomhathmhaoiniú	21.9.2022	28.9.2022	1,25	50 000 000	10 417	95 018 229	94 543 138	Not applicable	95 350 464
	Athmhaoiniú níos fadtéarmaí	22.9.2022	21.12.2022	1,25	45 000 000	7 813
28.9.2022	Príomhathmhaoiniú	28.9.2022	5.10.2022	1,25	35 000 000	—	80 009 375	79 609 328	Not applicable	79 800 610
	Athmhaoiniú níos fadtéarmaí	22.9.2022	21.12.2022	1,25	45 000 000	9 375
29.9.2022	Príomhathmhaoiniú	28.9.2022	5.10.2022	1,25	35 000 000	1 215	80 012 153	79 612 092	Not applicable	79 759 483
	Athmhaoiniú níos fadtéarmaí	22.9.2022	21.12.2022	1,25	45 000 000	10 938

(*1) Freagraíonn na praghsanna a thaispeántar do dháta luachála ar leith don phraghas is ionadaí ar an lá gnó roimh an dáta luachála seo.

(1) I gcóras comhthiomsaithe, is ionann an méid truicir is ísle agus an tairseach is ísle le haghaidh glaonna ar éarlaisí. Go praiticiúil teastaíonn comhthaobhacht bhreise ón gcuid is mó de na BCNanna aon uair a thiteann luach margaidh coigeartaithe caolchorrlaigh den chomhthiomsú comhthaobhachta faoi bhun an mhéid iomláin atá le cumhdach.

(2) I gcóras comhthiomsaithe, níl an coincheap de mhéid truicir uachtarach ábhartha, ós rud é go ndíreoidh an contrapháirtí i gcónaí ar mhéid níos nó ná an chomhthaobhacht a sholáthraítear d’fhonn idirbhearta oibríochta a íoslaghdú.”

19.4.2023

Iris Oifigiúil an Aontais Eorpaigh

L 104/40

TREOIRLÍNE (AE) 2023/832 ÓN mBANC CEANNAIS EORPACH

an 16 Nollaig 2022

lena leasaítear Treoirlíne (AE) 2016/65 maidir leis na caolchorrlaigh luachála a chuirtear i bhfeidhm i gcur chun feidhme chreat bheartas airgeadaíochta an Eurochórais (BCE/2015/35) (BCE/2022/49)

TÁ COMHAIRLE RIALAITHE AN BHAINC CEANNAIS EORPAIGH,

Ag féachaint don Chonradh ar Fheidhmiú an Aontais Eorpaigh agus go háirithe an chéad fhleasc d’Airteagal 127(2) de,

Ag féachaint do Reacht an Chórais Eorpaigh Banc Ceannais agus an Bhainc Cheannais Eorpaigh, agus go háirithe an chéad fhleasc d’Airteagal 3.1, Airteagail 9.2, 12.1, 14.3, 18.2 agus an chéad mhír d’Airteagal 20 de,

De bharr an méid seo a leanas:

(1)

I gcomhréir le hAirteagal 18.1 de Reacht an Chórais Eorpaigh Banc Ceannais agus an Bhainc Ceannais Eorpaigh (dá ngairtear an “Reacht an CEBC” anseo feasta), féadfaidh an Banc Ceannais Eorpach (BCE), mar aon le bainc cheannais náisiúnta na mBallstát a bhfuil an euro mar airgeadra acu (dá ngairtear na “BCNanna” anseo feasta) oibríochtaí creidmheasa a sheoladh le hinstitiúidí creidmheasa agus le rannpháirtithe eile sa mhargadh, agus na hiasachtaí á mbunú ar bhonn comhthaobhachta leordhóthanaí. Leagtar síos na coinníollacha ginearálta faoina mbeidh BCE agus na bainc cheannais náisiúnta ullamh chun dul i mbun oibríochtaí creidmheasa, lena n-áirítear na critéir lena gcinntear incháilitheacht na comhthaobhachta chun críocha oibríochtaí creidmheasa an Eurochórais i dTreoirlíne (AE) 2015/510 ón mBanc Ceannais Eorpach (BCE/2014/60) (1).

(2)

Tá gach sócmhainn incháilithe le haghaidh oibríochtaí creidmheasa an Eurochórais faoi réir bearta rialaithe riosca sonracha chun an Eurochórais a chosaint ar chaillteanais airgeadais i gcúinsí ina gcaithfear an chomhthaobhacht a réadú mar gheall ar mhainneachtain contrapháirtí. Déantar athbhreithniú rialta ar chreat rialaithe riosca an Eurochórais chun cosaint leordhóthanach a áirithiú. Mar thoradh ar an athbhreithniú rialta sin, chinn an Chomhairle Rialaithe an 15 Iúil 2022 athruithe áirithe a thabhairt isteach ar an gcreat rialaithe riosca.

(3)

Chinn an Chomhairle Rialaithe deireadh breise a chur de réir a chéile leis an laghdú sealadach ar chaolchorrlaigh luachála a cinneadh mar chuid de na bearta sealadacha um maolú comhthaobhachta a rinne an Eurochóras mar fhreagairt ar na cúinsí eisceachtúla eacnamaíocha agus airgeadais a bhaineann le leathadh ghalar an choróinvíris (COVID-19). Is é sin an dara céim de chéimniú amach de réir a chéile a chinn an Chomhairle Rialaithe an 23 Márta 2022, lena dtabharfar deireadh leis an gcéimniú amach na caolchorrlaigh luachála.

(4)

Ós rud é go bhfuil próifíl riosca na mbannaí reachtacha eile faoi chumhdach agus na n-ilchandaí cosúil le próifíl riosca na mbannaí faoi chumhdach ollmhóra, chinn an Chomhairle Rialaithe freisin gur cheart iad a bheith faoi réir na luachálacha caolchorrlaigh céanna, agus, dá bhrí sin, gur cheart na bannaí faoi chumhdach reachtacha agus na hilchandaí go léir a áireamh i gcaolchorrlach chatagóir II agus gur cheart tagairtí do bhannaí faoi chumhdach ollmhóra a bhaint de Threoirlíne (AE) 2016/65 ón mBanc Ceannais Eorpach (BCE/2015/35) (2).

(5)

Ina theannta sin, chinn an Chomhairle Rialaithe leithdháileadh na n-ionstraimí fiachais arna n-eisiúint ag an Aontas Eorpach a athrú ó chatagóir caolchorrlaigh II go catagóir caolchorrlaigh I, i bhfianaise a n-inchomparáideacht le hionstraimí fiachais sa chatagóir deiridh sin i dtéarmaí praghsála chomh maith le riosca margaidh agus leachtachta, agus iad ag rialú rátáil chreidmheasa nó aibíocht iarmhair ionstraime. Tá sé sin i gcomhréir le prionsabail an bhainistithe riosca maidir le cosaint, comhsheasmhacht, simplíocht agus trédhearcacht atá mar bhonn agus mar thaca ag dearadh chreat comhthaobhachta an Eurochórais, lena n-áirítear caolchorrlaigh luachála.

(6)

Chun go bhféadfaí na rioscaí a bhaineann le hionstraimí aibíochta fada a láimhseáil ar bhealach níos gráinní agus níos mó, agus ar an gcaoi sin cumhdach riosca an sceidil caolchorrlaigh a fheabhsú, cinneadh catagóir na n-ionstraimí a roinnt leis an aibíocht iarmhair is faide, (i.e. níos mó ná deich mbliana ([10, ∞)) i dtrí chatagóir nua, idir deich mbliana agus cúig bliana déag ([10, 15)), idir cúig bliana déag agus tríocha bliain ([15, 30)) agus tríocha bliain nó níos mó ([30,∞)). Leis an gcinneadh sin, in éineacht leis an gcinneadh maidir le marcáil luachála theoiriciúil atá spleách ar aibíocht a chur i bhfeidhm, tá sé beartaithe freisin feabhas a chur ar ghráinneacht chumhdach riosca na luachála teoiriciúla sin, rud atá ábhartha go háirithe d’ionstraimí a bhfuil aibíochtaí níos faide acu.

(7)

Measadh freisin gur ghá an sainmhíniú ar aibíocht iarmhair le haghaidh bannaí faoi chumhdach féinúsáide a shonrú agus a choigeartú tuilleadh, agus idirdhealú á dhéanamh idir iad siúd a bhfuil struchtúr piléar bog acu, agus iad siúd a bhfuil struchtúr pas tríd coinníollach acu, chun méadú gan údar (i.e. nach bhfuil údar cuí leis de bharr comaoineacha riosca) a sheachaint sna caolchorrlaigh luachála a chuirtear i bhfeidhm maidir leis an gceann deireanach, mar thoradh ar dheighilt chatagóir na n-ionstraimí fiachais le haibíocht fhada i dtrí chatagóir ar leith.

(8)

Thairis sin, chinn an Chomhairle Rialaithe, sa chreat comhthaobhachta buan agus sealadach araon, an miondealú luachála teoiriciúil cothrom 5 % is infheidhme maidir le sócmhainní indíolta i gcomhréir le hAirteagal 134 de Threoirlíne (AE) 2015/510 (BCE/2014/60) a ionadú le sceideal marcála céimnithe aibíochta, do na sócmhainní indíolta go léir a bhfuil luach teoiriciúil orthu seachas iad siúd a thagann faoi chatagóir caolchorrlaigh I. Is é is cúis leis sin comhthaobhacht an Eorachórais a chosaint ar bhealach níos mionsonraithe ar rioscaí samhaltaithe a eascraíonn as luacháil theoiriciúil ar shócmhainní indíolta.

(9)

Thairis sin, d’fhonn na rioscaí a bhaineann le sócmhainní indíolta le cúpóin chomhlúthacha a léiriú go leordhóthanach, agus d’fhonn cosaint riosca an Eorachórais a fheabhsú, cinneadh aicmiú caolchorrlaigh na sócmhainní indíolta a ailíniú le cúpón seasta agus iad siúd a bhfuil cúpón comhlúthach acu mar gur léirigh siad leibhéil inchomparáide den riosca iomlán.

(10)	Dá bhrí sin, ba cheart Treoirlíne (AE) 2016/65 (BCE/2015/35) a leasú dá réir sin,

TAR ÉIS AN TREORLÍNE SEO A GHLACADH:

Airteagal 1

Leasuithe

Leasaítear Treoirlíne (AE) 2016/65 (BCE/2015/35) mar a leanas:

(1)

in Airteagal 2, cuirtear an méid seo a leanas in ionad phointí (a), (b) agus (c):

“(a)

áirítear i gcatagóir chaolchorrlaigh I, ionstraimí fiachais arna n-eisiúint ag rialtais láir, ionstraimí fiachais arna n-eisiúint ag an Aontas Eorpach, ionstraimí fiachais arna n-eisiúint ag an BCE agus ionstraimí fiachais arna n-eisiúint ag BCNanna roimh dháta glactha an euro ina mBallstát faoi seach a bhfuil an euro mar airgeadra aige;

(b)

ionstraimí fiachais arna n-eisiúint ag:

(i)	rialtais áitiúla agus réigiúnacha;

(ii)	eintitis ar institiúidí creidmheasa nó institiúidí neamh-chreidmheasa iad atá aicmithe ag an Eurochóras mar ghníomhaireachtaí agus a chomhlíonann na critéir chainníochtúla atá leagtha amach in Iarscríbhinn XIIa a ghabhann le Treoirlíne (AE) 2015/510 (BCE/2014/60);

(iii)

bainc forbartha iltaobhacha agus eagraíochtaí idirnáisiúnta seachas an tAontas Eorpach; chomh maith le bannaí ardluacha faoi chumhdach; agus multi cédulas áirítear i gcatagóir chaolchorrlaigh II iad;

(c)

ionstraimí fiachais arna n-eisiúint ag:

(i)	corparáidí neamhairgeadais,

(ii)	corparáidí in earnáil an rialtais, agus

(iii)

gníomhaireachtaí ar institiúidí neamh-chreidmheasa iad nach gcomhlíonann na critéir chainníochtúla atá leagtha amach in Iarscríbhinn XIIa a ghabhann le Treoirlíne (AE) 2015/510 (BCE/2014/60);”;

(2)

cuirtear an méid seo a leanas in ionad Airteagal 3:

“Airteagal 3

Caolchorrlaigh luachála do shócmhainní indíolta

1. Cinnfear na caolchorrlaigh luachála do shócmhainní indíolta a chionroinntear ar chatagóirí caolchorrlaigh I go IV bunaithe ar:

(a)	cionroinnt na sócmhainne ar leith ar cháilíocht chreidmheasa céim 1, 2 nó 3;

(b)	aibíocht iarmharach na sócmhainne mar a shonraítear i mír 2;

(c)	struchtúr cúpóin na sócmhainne mar a shonraítear i mír 2.

2. Maidir le sócmhainní indíolta a chionroinntear ar chatagóirí caolchorrlaigh I go IV, beidh an caolchorrlach luachála is infheidhme ag brath ar aibíocht iarmharach agus struchtúr cúpóin na sócmhainne (seasta, comhlúthach nó nialas) mar a chinntear bunaithe ar Tábla 2 san Iarscríbhinn a ghabhann leis an Treoirlíne seo. Is í aibíocht iarmharach na sócmhainne an aibíocht ábhartha chun an caolchorrlach luachála atá le cur i bhfeidhm a chinneadh, beag beann ar an gcineál struchtúir chúpóin.

2a. Braithfidh cinneadh na haibíochta iarmhair le haghaidh bannaí faoi chumhdach féinúsáide ar cé acu atá nó nach bhfuil struchtúr piléar bog nó struchtúr pas trí bhealach coinníollach ag na bannaí faoi chumhdach féinúsáide, mar a leanas:

(a)	i gcás bannaí faoi chumhdach féinúsáide a bhfuil struchtúr piléar bog acu, saineofar an aibíocht iarmhair mar an t-uasfhad chuig a bhféadfar síneadh a chur leis an aibíocht mar a léirítear sna téarmaí agus coinníollacha le haghaidh an bhanna faoi chumhdach shonraigh;

(b)	i gcás bannaí féinúsáide faoi chumhdach a bhfuil struchtúr coinníollach faoi bhealach tríothu acu, comhfhreagróidh an aibíocht iarmhair do chatagóir [10,15) bliana.

Chun críocha na míre 2s seo, ciallóidh ‘féinúsáid’ aighneacht nó úsáid ag contrapháirtí bannaí faoi chumhdach a eisíonn nó a ráthaíonn an contrapháirtí é féin nó aon eintiteas eile a bhfuil dlúthnaisc ag an gcontrapháirtí sin leis mar a chinntear de réir Airteagal 138 de Threoirlíne (AE) 2015/510 (BCE/2014/60).

3. Maidir le sócmhainní indíolta a chionroinntear ar chatagóir chaolchorrlaigh V, beag beann ar a struchtúr cúpóin, cinnfear na caolchorrlaigh luachála bunaithe ar mheánré ualaithe na sócmhainne mar a shonraítear i míreanna 4 agus 5. Tá na caolchorrlaigh luachála is infheidhme maidir le sócmhainní indíolta i gcatagóir V leagtha síos i dTábla 2a san Iarscríbhinn a ghabhann leis an Treoirlíne seo.

4. Measfar gurb é meánré ualaithe an tráinse sinsearaigh d’urrús de bhun sócmhainne an meán-am ualaithe ionchais a mheasfar a bheith fágtha go dtí go mbeidh aisíocaíocht déanta don tráinse sin. Maidir le hurrúis de bhun sócmhainní a dhéantar a slógadh agus a choinneáil, glacfar leis, trí ríomh na meánré ualaithe nach bhfeidhmeofar roghanna glaonna eisitheora.

5. Chun críocha mhír 4, ciallóidh ‘urrúis de bhun sócmhainní a dhéantar a slógadh agus a choinneáil’ urrúis de bhun sócmhainní a úsáidtear i gcéatadán de níos mó ná 75 % den mhéid ainmniúil gan íoc ag contrapháirtí a thionscain an t-urrús de bhun sócmhainne nó ag eintitis a bhfuil dlúthnasc acu leis an tionscnóir. Cinnfear na dlúthnaisc sin de réir Airteagal 138 de Threoirlíne (AE) 2015/510 (BCE/2014/60).”

;

(3)

cuirtear an méid seo a leanas in ionad Airteagal 4:

“Airteagal 4

Caolchorrlaigh luachála breise curtha i bhfeidhm ar chineálacha sonracha de shócmhainní indíolta

De bhreis ar na caolchorrlaigh luachála atá leagtha síos in Airteagal 3 den Treoirlíne seo, beidh feidhm ag na caolchorrlaigh luachála breise seo a leanas maidir le cineálacha sonracha sócmhainní indíolta:

(a)

Gach sócmhainn indíolta arna leithdháileadh ar chatagóirí caolchorrlaigh II, III, IV agus V, a ndéantar luach teoiriciúil orthu de réir na rialacha atá in Airteagal 134 de Threoirlíne (AE) 2015/510 (BCE/2014/60) faoi réir caolchorrlaigh luachála bhreise i bhfoirm marcála síos luachála; Braithfidh an mharcáil anuas luachála, le haghaidh bannaí féinúsáide faoi chumhdach freisin, ar an aibíocht iarmhair ionchasach nó, i gcás chatagóir caolchorrlaigh V, ar mheánré ualaithe na sócmhainne, ar na leibhéil a leagtar amach i dTábla 4 san Iarscríbhinn a ghabhann leis an Treoirlíne seo. Chun críche an mharcáil luachála a ríomh le haghaidh bannaí féinúsáide faoi chumhdach, beidh an aibíocht iarmhair ionchasach cothrom leis an dáta aibíochta a bhí sceidealaithe ar dtús murar spreagadh agus go dtí go spreagtar síneadh aibíochta;

(b)

beidh bannaí féinúsáide faoi chumhdach faoi réir caolchorrlach luachála breise de na nithe seo a leanas: (i) 8 % arna chur i bhfeidhm ar luach na n-ionstraimí fiachais arna leithdháileadh ar chéimeanna 1 agus 2 den cháilíocht chreidmheasa; Chun críocha na míre seo, beidh le ‘féinúsáide’ an bhrí chéanna atá le ‘féinúsáide’ mar a shainmhínítear in Airteagal 3(2a);

(c)

mura féidir an caolchorrlach luachála breise dá dtagraítear i mír (b) a chur i bhfeidhm maidir le córas bainistíochta comhthaobhachta de chuid BCN, gníomhaire trípháirteach, nó TARGET le haghaidh uath-chomhthaobhaithe, cuirfear an caolchorrlach luachála breise i bhfeidhm sna córais nó san ardán den sórt sin le luach eisiúna iomlán na mbannaí faoi chumhdach a fhéadtar féinúsáid a bhaint astu.”

;

(4)	in Airteagal 5, cuirtear an méid seo a leanas in ionad mhír 5: “5. Beidh ionstraimí fiachais miondíola neamh-indíolta le taca morgáistí faoi réir caolchorrlaigh luachála de 31,5 %.” ;

(5)	cuirtear an Iarscríbhinn a ghabhann leis an Treoirlíne seo in ionad na hIarscríbinne.

Airteagal 2

Teacht i bhfeidhm agus cur chun feidhme

1. Tiocfaidh an Treoirlíne seo i bhfeidhm an lá a thabharfar fógra do na BCNanna.

Airteagal 3

Seolaithe

Dírítear an Treoirlíne seo chuig na BCNanna.

Arna dhéanamh ag Frankfurt am Main, an 16 Nollaig 2022.

Do Chomhairle Rialaithe an BCE

Uachtarán an BCE

Christine LAGARDE

(1) Treoirlíne (AE) 2015/510 ón mBanc Ceannais Eorpach an 19 Nollaig 2014 maidir le creat beartais airgeadaíochta an Eurochórais a chur chun feidhme (Treoirlíne maidir le Doiciméid Ghinearálta) (BCE/2014/60) (IO L 91, 2.4.2015, lch. 3).

(2) Treoirlíne (AE) 2016/65 ón mBanc Ceannais Eorpach an 18 Samhain 2015 maidir leis na caolchorrlaigh luachála a chuirtear i bhfeidhm i gcur chun feidhme chreat bheartas airgeadaíochta an Eurochórais (BCE/2015/35) (IO L 14, 21.1.2016, lch. 30).

IARSCRÍBHINN

Cuirtear an méid seo a leanas in ionad na hIarscríbhinne a ghabhann le Treoirlíne (AE) 2016/65 (BCE/2015/35):

“IARSCRÍBHINN

Tábla 1

Catagóirí caolchorrlaigh do shócmhainní indíolta incháilithe bunaithe ar an gcineál eisitheora agus/nó an cineál sócmhainne

Catagóir I

Catagóir II

Catagóir III

Catagóir IV

Catagóir V

ionstraimí fiachais arna n-eisiúint ag rialtais láir

Ionstraimí fiachais arna n-eisiúint ag an Aontas Eorpach

Deimhnithe fiachais BCE

Deimhnithe fiachais arna n-eisiúint ag bainc cheannais náisiúnta (BCNanna) roimh dháta glactha an euro ina mBallstát faoi

Ionstraimí fiachais arna n-eisiúint ag rialtais áitiúla agus réigiúnacha

Ionstraimí fiachais arna n-eisiúint ag eintitis (institiúidí creidmheasa nó institiúidí neamh-chreidmheasa) arna n-aicmiú ag an Eurosystem mar ghníomhaireachtaí agus a chomhlíonann na critéir chainníochtúla atá leagtha amach in Iarscríbhinn XIIa a ghabhann le Treoirlíne (AE) 2015/510 (BCE/2014/60)

Ionstraimí fiachais arna n-eisiúint ag bainc forbartha iltaobhacha agus ag eagraíochtaí idirnáisiúnta seachas an tAontas Eorpach

Bannaí faoi chumhdach reachtacha

Multi cédulas

Ionstraimí fiachais arna n-eisiúint ag corparáidí neamhairgeadais, corparáidí in earnáil an rialtais agus gníomhaireachtaí ar institiúidí neamh-chreidmheasa iad nach gcomhlíonann na critéir chainníochtúla atá leagtha amach in Iarscríbhinn XIIa a ghabhann le Treoirlíne (AE) 2015/510 (BCE/2014/60)

Ionstraimí fiachais neamhurraithe arna n-eisiúint ag corparáidí airgeadais seachas institiúidí creidmheasa

Urrúis de bhun sócmhainní

Tábla 2

Leibhéil chaolchorrlaigh luachála curtha i bhfeidhm ar shócmhainní indíolta incháilithe i gcatagóirí caolchorrlaigh I go IV

(i %)
		Catagóirí chaolchorrlaigh
Cáilíocht chreidmheasa	Aibíocht iarmharach (blianta) ((*))	Catagóir I		Catagóir II		Catagóir III		Catagóir IV
Cáilíocht chreidmheasa	Aibíocht iarmharach (blianta) ((*))	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach
Céimeanna 1 agus 2	[0 , 1 )	0,5	0,5	1,0	1,0	1,0	1,0	7,5	7,5
	[1 , 3 )	1,0	2,0	1,5	2,5	2,0	3,0	10,0	11,5
	[3 , 5 )	1,5	2,5	2,5	3,5	3,0	4,5	12,0	13,0
	[5 , 7 )	2,0	3,0	3,5	4,5	4,5	6,0	14,0	15,0
	[7 , 10 )	3,0	4,0	4,5	6,5	6,0	8,0	16,0	17,5
	[10 , 15 )	4,0	5,0	6,5	8,5	7,5	10,0	18,0	22,5
	[15 , 30 )	5,0	6,0	8,0	11,5	9,0	13,0	21,0	25,0
	[30 , ∞)	6,0	9,0	10,0	13,0	11,0	16,0	24,0	31,5
		Catagóirí chaolchorrlaigh
Cáilíocht chreidmheasa	Aibíocht iarmharach (blianta)	Catagóir I		Catagóir II		Catagóir III		Catagóir IV
Cáilíocht chreidmheasa	Aibíocht iarmharach (blianta)	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach	cúpón seasta agus comhlúthach	cúpón nialasach
Céim 3	[0 , 1 )	5,0	5,0	5,5	5,5	6,5	6,5	11,5	11,5
	[1 , 3 )	6,0	7,0	7,5	10,5	9,5	12,0	18,5	20,0
	[3 , 5 )	8,5	10,0	11,0	16,0	13,0	18,0	23,0	27,0
	[5 , 7 )	10,0	11,5	12,5	17,0	15,0	21,5	25,5	29,5
	[7 , 10 )	11,5	13,0	14,0	21,0	17,0	23,5	26,5	31,5
	[10 , 15 )	12,5	14,0	17,0	25,5	19,5	28,0	28,5	35,0
	[15 , 30 )	13,5	15,0	20,0	28,5	22,0	31,0	31,5	39,0
	[30 , ∞)	14,0	17,0	22,0	32,5	25,0	35,5	34,5	43,0

Tábla 2a

Leibhéil chaolchorrlaigh luachála curtha i bhfeidhm ar shócmhainní indíolta incháilithe i gcatagóir chaolchorrlaigh V

(i %)
		Catagóir V
Cáilíocht chreidmheasa	Meánré Ualaithe ((*))	Caolchorrlach luachála
Céimeanna 1 agus 2	[0 , 1 )	4,0
	[1 , 3 )	5,0
	[3 , 5 )	7,0
	[5 , 7 )	9,0
	[7 , 10 )	12,0
	[10 , 15 )	18,0
	[15 , 30 )	20,0
	[30 , ∞)	22,0

Tábla 3

Leibhéil chaolchorrlaigh luachála curtha i bhfeidhm ar éilimh chreidmheasa incháilithe

(i %)
Cáilíocht chreidmheasa	Aibíocht iarmharach (blianta) ((*))	Íocaíocht úis sheasta	Íocaíocht úis chomhlúthaigh
Céimeanna 1 agus 2	[0 , 1 )	8,0	8,0
	[1 , 3 )	11,5	8,0
	[3 , 5 )	15,0	8,0
	[5 , 7 )	20,0	11,5
	[7 , 10 )	26,0	15,0
	[10 , 15 )	33,0	20,0
	[15 , 30 )	38,0	26,0
	[30 , ∞)	40,0	33,0
Céim 3	[0 , 1 )	16,0	16,0
	[1 , 3 )	25,0	16,0
	[3 , 5 )	35,0	16,0
	[5 , 7 )	42,0	25,0
	[7 , 10 )	46,0	35,0
	[10 , 15 )	48,0	42,0
	[15 , 30 )	50,0	46,0
	[30 , ∞)	52,0	48,0

Tábla 4

Leibhéil mharcála luachála a chuirtear i bhfeidhm ar shócmhainní indíolta i gcatagóirí caolchorrlaigh II go V a luacháiltear go teoiriciúil

(i %)
Aibíocht iarmhair/Meánshaol ualaithe (WAL) (blianta) ((*))	Marcáil na luachála
[0 , 1 )	1,5
[1 , 3 )	2,5
[3 , 5 )	3,0
[5 , 7 )	3,5
[7 , 10 )	4,5
[10 , 15 )	6,0
[15 , 30 )	8,0
[30 , ∞)	13,0

”

((*)) i.e. [0,1) aibíocht iarmharach níos lú ná bliain amháin, [1,3) aibíocht iarmharach cothrom le nó níos mó ná bliain amháin agus níos lú ná trí bliana, etc.

((*)) i.e. [0,1) WAL níos lú ná bliain amháin, [1,3) WAL cothrom le nó níos mó ná bliain amháin agus níos lú ná trí bliana, etc.

((*)) i.e. [0,1) aibíocht iarmharach níos lú ná bliain amháin, [1,3) aibíocht iarmharach cothrom le nó níos mó ná bliain amháin agus níos lú ná trí bliana,

((*)) i.e. [0,1) aibíocht iarmharach níos lú ná bliain amháin, [1,3) aibíocht iarmharach cothrom le nó níos mó ná bliain amháin agus níos lú ná trí bliana, etc.

		ISSN 1977-0839
Iris Oifigiúil an Aontais Eorpaigh		L 104

An t-eagrán Gaeilge	Reachtaíocht	Imleabhar 66 19 Aibreán 2023

Clár		II Gníomhartha neamhreachtacha	Leathanach
		RIALACHÁIN
	*	Rialachán Tarmligthe (AE) 2023/827 ón gCoimisiún an 11 Deireadh Fómhair 2022 lena leagtar síos caighdeáin theicniúla rialála lena leasaítear Rialachán Tarmligthe (AE) Uimh. 241/2014 a mhéid a bhaineann le réamhchead chun cistí dílse a laghdú agus na ceanglais a bhaineann le hionstraimí dliteanas incháilithe ( 1 )	1
	*	Rialachán Tarmligthe (AE) 2023/828 ón gCoimisiún an 2 Feabhra 2023 lena gceartaítear Rialachán Tarmligthe (AE) 2020/2015 a mhéid a bhaineann leis an díolúine inmharthanachta le haghaidh gabhálacha sól coiteann a dhéanann soithí atá níos lú ná 12 mhéadar ar fad agus a úsáideann tráil dobharchú, in uiscí an Iarthair, roinn 7e ICES, le haghaidh 2023	23
		CINNTÍ
	*	Cinneadh (AE) 2023/829 ón gCoimisiún an 17 Aibreán 2023 maidir le faoiseamh ó dhleachtanna allmhairiúcháin agus le díolúine ó CBL ar allmhairiú arna ndeonú le haghaidh earraí atá le tabhairt nó le cur ar fáil saor in aisce do dhaoine atá ag teitheadh ón bhfogha míleata san Úcráin agus do dhaoine atá i ngátar san Úcráin (a bhfuil fógra tugtha ina leith faoi dhoiciméad C(2023) 2490)	25
		MOLTAÍ
	*	Moladh Uimh. 1/2021 ón gComhairle um Chomhar idir an tAontas Eorpach agus an Asarbaiseáin an 22 Nollaig 2021 maidir le síneadh a chur le Tosaíochtaí na Comhpháirtíochta idir an tAontas Eorpach agus an Asarbaiseáin don tréimhse 2021-2024 [2023/830]	30
		TREOIRLÍNTE
	*	Treoirlíne (AE) 2023/831 ón mBanc Ceannais Eorpach an 16 Nollaig 2022 lena leasaítear Treoirlíne (AE) 2015/510 maidir le cur chun feidhme chreat beartais airgeadaíochta an Eurochórais (BCE/2022/48)	32
	*	TREOIRLÍNE (AE) 2023/832 ón mBanc Ceannais Eorpach an 16 Nollaig 2022 lena leasaítear Treoirlíne (AE) 2016/65 maidir leis na caolchorrlaigh luachála a chuirtear i bhfeidhm i gcur chun feidhme chreat bheartas airgeadaíochta an Eurochórais (BCE/2015/35) (BCE/2022/49)	40
	*	Treoirlíne (AE) 2023/833 ón mBanc Ceannais Eorpach an 16 Nollaig 2022 lena leasaítear Treoirlíne BCE/2014/31 maidir le bearta sealadacha breise a bhaineann le hoibríochtaí athmhaoinithe an Eurochórais agus le hincháilitheacht comhthaobhachta (BCE/2022/50)	48

Cáilíocht chreidmheasa	Meánré Ualaithe (*1)	Caolchorrlach luachála
	[0,1)	7,0
Céim 3	[1,3)	10,0
	[3,5)	13,0
	[5,7)	15,0
	[7,10)	18,0
	[10,15)	27,0
	[15,30)	31,0
	[30, ∞)	33,0

Cáilíocht chreidmheasa	Aibíocht iarmharach (blianta) (*1)	Catagóir I
Cáilíocht chreidmheasa	Aibíocht iarmharach (blianta) (*1)	Cúpón seasta agus comhlúthach	cúpón nialasach
Céim 4	[0,1)	8,0	8,0
	[1,3)	12,0	13,0
	[3,5)	14,0	15,0
	[5,7)	15,5	17,0
	[7,10)	16,5	18,0
	[10,15)	17,0	20,0
	[15,30)	19,0	22,0
	[30, ∞)	20,0	23,0
Céim 5	[0,1)	10,0	10,0
	[1,3)	14,0	15,0
	[3,5)	16,5	17,5
	[5,7)	18,0	19,5
	[7,10)	19,0	20,5
	[10,15)	20,0	23,0
	[15,30)	21,0	24,0
	[30, ∞)	23,0	26,0