(1)

I gcomhréir le hAirteagal 50(2)(a) de Rialachán (AE) Uimh. 1151/2012, rinneadh an t-iarratas a thíolaic an Iodáil ar chlárú an ainm “Olio Campania” a fhoilsiú in Iris Oifigiúil an Aontais Eorpaigh (2).

(2)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an t-ainm “Olio Campania” a chlárú,

(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus atá curtha ar liosta an Aontais de bhianna núíosacha a chur ar an margadh laistigh den Aontas. Ar bhonn an tsainmhínithe a leagtar amach in Airteagal 3(2)(c) de Rialachán (AE) 2015/2283, meastar gur bia núíosach bia traidisiúnta ó thríú tír.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

An 26 Márta 2020, chuir an chuideachta Kawanasi Sehat Dasacatur, PT (“an t-iarratasóir”) fógra faoi bhráid an Choimisiúin i gcomhréir le hAirteagal 14 de Rialachán (AE) 2015/2283 á rá go raibh sé ar intinn aici cnónna triomaithe Canarium indicum L. (“Kenari”) a chur ar mhargadh an Aontais mar bhia traidisiúnta ó thríú tír. D’iarr an t-iarratasóir go n-úsáidfí an bia lena mbaineann sa riocht sin nó go gcuirfí é mar chomhábhar le gránaigh nó le táirgí bácúis, le milseogra, le sneaiceanna agus le miasa ullmhaithe a bheartaítear don phobal i gcoitinne.

(4)

Comhlíonann an fógra na ceanglais a leagtar síos in Airteagal 14 de Rialachán (AE) 2015/2283. Go sonrach, sna sonraí a chuir an t-iarratasóir i láthair, léiríodh go bhfuil stair úsáid an bhia shláin ag cnónna triomaithe Canarium indicum L. i réigiún na Molacaí san Indinéis.

(5)

De bhun Airteagal 15(1) de Rialachán (AE) 2015/2283, an 13 Meitheamh 2022 chuir an Coimisiún an fógra bailí ar aghaidh chuig na Ballstáit agus chuig an Údarás Eorpach um Shábháilteacht Bia (“an tÚdarás”).

(6)

Maidir leis an mbia lena mbaineann a chur ar an margadh laistigh den Aontas, níor cuireadh aon agóid chuí-réasúnaithe i ndáil le sábháilteacht faoi bhráid an Choimisiúin ó na Ballstáit ná ón Údarás laistigh den tréimhse a leagtar síos in Airteagal 15(2) de Rialachán (AE) 2015/2283.

(7)

An 11 Samhain 2022, d’fhoilsigh an tÚdarás an “Technical Report on the notification of dried nuts of Canarium indicum L. as a traditional food from a third country pursuant to Article 14 of Regulation (EU) 2015/2283”  (3) [Tuarascáil theicniúil uaidh maidir le fógra a thabhairt faoi cnónna triomaithe Canarium indicum L. mar bhia traidisiúnta ó thríú tír de bhun Airteagal 14 de Rialachán (AE) 2015/2283]. Sa tuarascáil sin, tháinig an tÚdarás ar an gconclúid nach cúis imní sábháilteachta iad na sonraí atá ar fáil maidir le comhdhéanamh cnónna triomaithe Canarium indicum L. ná maidir le stair na húsáide a iarrtar ina leith.

(8)

Sa tuarascáil uaidh, thug an tÚdarás dá aire freisin, ar bhonn na fianaise teoranta a foilsíodh maidir le hailléirge bhia a bhaineann le cnónna Canarium indicum L., gur féidir coinne a bheith le frithghníomhuithe ailléirgeacha tar éis cnónna Canarium indicum L. a thomhailt. Go sonrach, léiríodh i staidéir gur ann do thrasimoibríocht i leith cnónna Canarium indicum L. le coll, caisiú agus piostáis. Maidir le bianna atá ann a d’fhéadfadh a bheith ina gcúis le frithghníomhuithe ailléirgeacha, tá sé tábhachtach go dtabharfaí faisnéis ina leith go soiléir, chun go mbeidh na tomhaltóirí in ann roghanna feasacha a dhéanamh atá sábháilte dóibh. Dá bhrí sin, maidir le cnónna Canarium indicum L. a chuirtear ar fáil don tomhaltóir, is iomchuí iad a lipéadú go hiomchuí de réir cheanglais Airteagal 9 de Rialachán (AE) 2015/2283 agus de bhua Rialachán (AE) Uimh. 1169/2011 ó Pharlaimint na hEorpa agus ón gComhairle (4).

(9)

Dá bhrí sin, ba cheart don Choimisiún údarú a thabhairt cnónna triomaithe Canarium indicum L. a chur ar an margadh laistigh den Aontas mar bhia traidisiúnta ó thríú tír, agus liosta an Aontais de bhianna núíosacha údaraithe a thabhairt cothrom le dáta dá réir sin.

(10)

Ba cheart cnónna triomaithe Canarium indicum L. a chur mar bhia traidisiúnta ó thríú tír ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470 ón gCoimisiún. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir sin,

(1)

Le Rialachán (CE) Uimh. 1831/2003 foráiltear maidir le breiseán lena n-úsáid i gcothú ainmhithe a údarú agus maidir leis an bhforas agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid d’ion-1,4-béite-xiolanáis arna táirgeadh ag Komagataella phaffii ATCC PTA-127053 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid d’ion-1,4-béite-xiolanáis arna táirgeadh ag Komagataella phaffii ATCC PTA-127053 a údarú mar bhreiseán beathaithe le haghaidh gach éanlaithe clóis breithe, ar breiseán é atá le haicmiú i gcatagóir na mbreiseán “breiseáin zóiteicniúla” agus san fheidhmghrúpa “feabhsaitheoirí díleáiteachta”.

(4)

Tháinig an tÚdarás Eorpach um Shábháilteacht Bia (“an tÚdarás”) ar an gconclúid, sa tuairim uaidh an 29 Meitheamh 2022 (2), faoi na coinníollacha úsáide atá beartaithe, nach bhfuil éifeacht dhíobhálach ag an ullmhóid d’ion-1,4-béite-xiolanáis arna táirgeadh ag Komagataella phaffii ATCC PTA-127053 ar shábháilteacht tomhaltóirí ná ar an gcomhshaol. A mhéid a bhaineann leis an spriocspeiceas, tháinig an tÚdarás ar an gconclúid go bhfuil an breiseán sábháilte agus go bhféadfadh an ullmhóid a bheith éifeachtúil le haghaidh béaróg nuair a chuirtear le beatha é ag cainníocht 45 000 U/kg agus na conclúidí a dtagtar orthu maidir le béaróga, is féidir iad a chur i bhfeidhm i gcás gach éanlaithe clóis breithe.

(5)

Tháinig an tÚdarás ar an gconclúid nach raibh an breiseán ina ghreannaitheoir súl ná craicinn ach gur measadh gur íogróir craicinn agus riospráide atá ann.

(6)

Mheas an tÚdarás nach raibh gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse a úsáidtear chun anailís a dhéanamh ar an mbreiseán beathaithe in ábhar beatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(7)

Léiríonn an measúnú ar an ullmhóid d’ion-1,4-béite-xiolanáis arna táirgeadh ag Komagataella phaffii ATCC PTA-127053 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú. Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid d’ion-1,4-béite-xiolanáis arna táirgeadh ag Komagataella phaffii DSM 33574 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(3)

Baineann an t-iarratais sin le hullmhóid d’ion-1,4-béite-xiolanáis arna táirgeadh ag Komagataella phaffii DSM 33574 a údarú mar bhreiseán beathaithe le haghaidh gach speicis éanlaithe clóis lena ramhrú agus gach speicis éanlaithe clóis a thógtar le haghaidh breithe agus a thógtar le haghaidh pórúcháin, ullmhóid atá le haicmiú i gcatagóir na mbreiseán “breiseáin zóiteicniúla” agus san fheidhmghrúpa “feabhsaitheoirí díleáiteachta”.

(4)

Tháinig an tÚdarás Eorpach um Shábháilteacht Bia (“an tÚdarás”) ar an gconclúid sa tuairim uaidh an 29 Meitheamh 2022 (2) nach bhfuil tionchar díobhálach ag an ullmhóid d’ion-1,4-béite-xiolanáis arna táirgeadh ag Komagataella phaffii DSM 33574 ar shláinte ainmhithe a mhéid a bhaineann leis an spriocspeiceas, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Ina theannta sin, tháinig an tÚdarás ar an gconclúid gur rídhócha go mbeadh teagmháil ag úsáideoirí leis an ullmhóid trí ionanálú, gur íogróir riospráide í an ullmhóid agus go bhféadfadh sí a bheith ina greannaitheoir do na súile. Ní fhéadfaí teacht ar chonclúidí an bhféadfadh an ullmhóid a bheith ina cúis le híogrú craicinn.

(5)

Thairis sin, tháinig an tÚdarás ar an gconclúid go bhféadfadh an ullmhóid a bheith éifeachtach i gcas gach speicis éanlaithe clóis lena ramhrú agus i gcás gach speicis éanlaithe clóis a thógtar le haghaidh breithe agus a thógtar le haghaidh pórúcháin. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an Saotharlann Tagartha a bunaíodh le Rialachán (CE) Uimh. 1831/2003.

(6)

Leis an measúnú ar an ullmhóid d’ion-1,4-béite-xiolanáis arna táirgeadh ag Komagataella phaffii DSM 33574, léirítear go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú faoi mar a shonraítear san Iarscríbhinn a ghabhann leis an Rialachán seo. Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(7)

Tá bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Tá iniúchóirí seachtracha neamhspleácha, arna moladh ag Comhairle Rialaithe an Bhainc Ceannais Eorpaigh agus arna bhformheas ag Comhairle an Aontais Eorpaigh, chun iniúchadh a dhéanamh ar chuntais an Bhainc Ceannais Eorpaigh (BCE) agus ar bhainc cheannais náisiúnta na mBallstát a bhfuil an euro mar airgeadra acu.

(2)

In 2016, roghnaigh Banc Ceannais na hÉireann Mazars mar iniúchóirí seachtracha do na blianta airgeadais 2016 go 2020. An 15 Samhain 2021, ghlac an Chomhairle Cinneadh (AE) 2021/2018 (2), lena gcuirtear síneadh le sainordú Mazars mar iniúchóirí seachtracha Bhanc Ceannais na hÉireann do na blianta airgeadais 2021 go 2022.

(3)

Rachaidh sainordú Mazars mar iniúchóirí seachtracha reatha Bhanc Ceannais na hÉireann in éag tar éis an iniúchta don bhliain airgeadais 2022. Tá sé riachtanach, dá bhrí sin, iniúchóirí seachtracha a cheapadh ón mbliain airgeadais 2023 ar aghaidh.

(4)

Tá Grant Thornton Ireland roghnaithe ag Banc Ceannais na hÉireann mar iniúchóirí seachtracha do na blianta airgeadais 2023 go 2027, agus rogha ann an sainordú a shíneadh go dtí na blianta airgeadais 2028 agus 2029.

(5)

Mhol Comhairle Rialaithe BCE go gceapfaí Grant Thornton Ireland mar iniúchóirí seachtracha Bhanc Ceannais na hÉireann do na blianta airgeadais 2023 go 2027, agus an rogha ann an sainordú a shíneadh go dtí na blianta airgeadais 2028 agus 2029.

(6)

De réir an mholta ó Chomhairle Rialaithe BCE, ba cheart Cinneadh 1999/70/CE (3) ón gComhairle a leasú dá réir,

(1)

Ag an gcruinniú a bhí aici an 4 Márta 2022, mar fhreagairt ar an mórphlodú isteach daoine atá ar a dteitheadh ón Úcráin de thoradh ionradh na Rúise ar an Úcráin, ghlac an Chomhairle Cinneadh Cur Chun Feidhme (AE) 2022/382 (1) trí vóta d’aon toil chun a bhunú gurb ann d’insreabhadh ollmhór na ndaoine sin agus chun cosaint a thabhairt dóibh.

(2)

Ag an gcruinniú sin den Chomhairle, eisíodh ráiteas chun tacaíocht a léiriú do na Ballstáit arb iad na príomhphointí iontrála san Aontas ón Úcráin le haghaidh an mórphlodú isteach daoine easáitithe atá ar a dteitheadh ó chogadh foghach na Rúise, agus ar mhaithe leis an ngá le cothromaíocht iarrachtaí a chur chun cinn i measc na mBallstát uile maidir leis na daoine sin a ghlacadh isteach.

(3)

Thairis sin, chomhaontaigh na Ballstáit trí bhíthin an ráitis sin, i ndáil leis na daoine atá ag teitheadh ó chogadh ionsaithe na Rúise san Úcráin, gan forálacha Airteagal 11 de Threoir 2001/55/CE (2) a chur i bhfeidhm maidir le daoine a thairbhíonn de chosaint shealadach i mBallstát ar leith agus a bhogann go Ballstát eile gan an t-údarú a bheith acu sin a dhéanamh„ ach amháin, ar bhonn déthaobhach, más rud é go gcomhaontaíonn na Ballstáit lena mbaineann a mhalairt.

(4)

De bhun Airteagal 10 de Threoir 2001/55/CE, tá oibleagáid ar na Ballstáit sonraí pearsanta na ndaoine a thairbhíonn de chosaint shealadach ar a gcríoch a chlárú ar an leibhéal náisiúnta. Ina theannta sin, chun críoch an chomhair riaracháin is gá le haghaidh cosaint shealadach a chur chun feidhme, foráiltear le hAirteagal 27(1) den Treoir sin go bhfuil ar na Ballstáit, i gcuibhreann leis an gCoimisiún, na bearta iomchuí uile a dhéanamh chun comhar agus malartú faisnéise díreach a bhunú idir na húdaráis inniúla.

(5)

Is chun leasa na mBallstát atá sé faisnéis a mhalartú le tríú tíortha i limistéar Schengen, léirigh an Eilvéis spéis sa mhalartú sin, tír a raibh líon carnach de 65 953 dhuine a thairbhíonn de chosaint shealadach ar a críoch cláraithe aici an 25 Deireadh Fómhair 2022. Ós rud é go bhféadfadh go leordaoine a thairbhíonn de chosaint shealadach ar chríoch na hEilvéise a gcuid sonraí pearsanta a chlarú i mBallstát roimhe faoi Threoir 2001/55/CE, is féidir, trí mhalartú na sonraí sin a éascú, ligean do na Ballstáit lena mbaineann scor den chúnamh is gá a bhaineann leis an gceart chun cosaint shealadach a fháil, i dáil leis na daoine nach bhfuil ar a gcríoch a thuilleadh.

(6)

Ina theannta sin, is chun leas na mBallstát é beart áirithe cobhsaíochta agus cothromaíocht iarrachtaí eatarthu a fhoráil maidir leis na ndaoine atá ar a dteitheadh ó chogadh foghach na Rúise i gcoinne na hÚcráine a ghlacadh, agus a áirithiú nach féidir mí-úsáid a bhaint as an gcóras.

(7)

Ba cheart, dá bhrí sin, tús a chur leis an gcaibidlíocht d’fhonn comhaontú a thabhairt i gcrích chun bunús a shuíomh maidir le faisnéis a mhalartú ar dhaoine a thairbhíonn de chosaint shealadach idir an tAontas agus Cónaidhm na hEilvéise,

(1)

Faoi chuimsiú Airteagal 6 de Rialachán (AE) Uimh. 1024/2013, cuireann an Banc Ceannais Eorpach (BCE) i gcrích an cúram eisiach maoirseacht a dhéanamh ar institiúidí creidmheasa agus é mar aidhm leis cur i bhfeidhm comhsheasmhach caighdeán maoirseachta a áirithiú, cobhsaíocht airgeadais a chothú agus cothroime iomaíochta a áirithiú.

(2)

De bhun Airteagal 12 de Rialachán (AE) Uimh. 1024/2013, féadfaidh BCE, chun na cúraimí a thugtar dó leis an Rialachán sin a dhéanamh, na cigireachtaí ar an láthair uile is gá a dhéanamh ar áitreabh gnó na ndaoine dlítheanacha dá dtagraítear in Airteagal 10(1) den Rialachán sin agus aon ghnóthais eile a áirítear i maoirseacht ar bhonn comhdhlúite i gcás inarb é BCE an maoirseoir comhdhlúthaithe i gcomhréir le pointe (g) d’Airteagal 4(1) den Rialachán sin.

(3)

De bhun Airteagal 99(1) de Threoir 2013/36/AE, déanann BCE, mar údarás inniúil, cinneadh ó BCE a ghlacadh gach bliain maidir le clár scrúdúcháin maoirseachta (supervisory examination programme (SEP)) (dá ngairtear “cinneadh SCE” anseo feasta) ina bhfuil, inter alia, an plean le haghaidh cigireachtaí ag an áitreabh a úsáideann institiúid, lena n-áirítear a brainsí agus a fochuideachtaí arna mbunú i mBallstáit eile i gcomhréir le hAirteagal 52, Airteagal 119 agus Airteagal 122 de Threoir 2013/36/AE. Go háirithe, baineann an SEP le cigireachtaí ar an láthair ar riosca, ar rialuithe riosca agus ar rialachas institiúide, agus le cigireachtaí ar an láthair a bhaineann le measúnuithe doimhne ar shamhlacha inmheánacha arna n-úsáid ag institiúid chun ceanglais cistí dílse a ríomh, go háirithe maidir le modheolaíochtaí, oiriúnacht eacnamaíoch, rioscaí, rialuithe riosca agus rialachas.

(4)

Féadfar cinneadh SEP a leasú le linn na bliana chun aghaidh a thabhairt ar riachtanais ghnó oibríochtúla BCE, ar athruithe i staid na n-eintiteas faoi mhaoirseacht nó ar iarrataí ó eintitis faoi mhaoirseacht, agus chun seoladh éifeachtach cigireachtaí pleanáilte a áirithiú. Ní mór leasuithe ar chinneadh SEP a dhéanamh trí chinneadh arna ghlacadh ag BCE. Féadfar foráil a dhéanamh le cinneadh leasaitheach den sórt sin maidir le cigireachtaí formheasta a chur ar ceal, maidir le raon feidhme na n-iniúchtaí atá beartaithe a leasú nó maidir le cigireachtaí breise a chur san áireamh sa SEP don bhliain ar leith. De bhun Airteagal 12(3) de Rialachán (AE) Uimh. 1024/2013, tugtar fógra don eintiteas dlíthiúil a ndearnadh cigireacht air maidir leis an gcinneadh ó BCE cigireacht ar an láthair nó imscrúdú samhlacha inmheánacha a dhéanamh sula gcuirfear tús leis an gcigireacht.

(5)

Chun an próiseas cinnteoireachta a éascú agus chun cur ar chumas BCE freagairt go héifeachtúil d’athruithe i staid na n-eintiteas faoi mhaoirseacht a dhéanann difear d’iompar agus do raon feidhme na gcigireachtaí atá beartaithe, tá gá le cinneadh tarmligin i ndáil le cinntí den sórt sin lena leasaítear cinntí SEP a ghlacadh. Ba cheart go gceadófaí le cinneadh tarmligin den sórt sin cásanna ina n-áirítear i gcinneadh tarmligthe aonair leasuithe ar níos mó ná cigireacht amháin atá beartaithe. D’aithin Cúirt Bhreithiúnais an Aontais Eorpaigh gur gá cumhachtaí a tharmligean chun go gcumasófar d’institiúid a gceanglaítear uirthi líon suntasach cinntí a ghlacadh a cuid dualgas a chomhlíonadh. Ar an gcaoi chéanna, d’aithin sí gur gá a áirithiú gur féidir le comhlachtaí cinnteoireachta feidhmiú, agus gur prionsabal é sin a bhaineann go dlúth leis na córais institiúideacha uile (5).

(6)

Ba cheart tarmligean cumhachtaí cinnteoireachta a bheith teoranta agus comhréireach, agus ba cheart raon feidhme an tarmligin a shainiú go soiléir.

(7)

An 24 Meitheamh 2020, chinn an Chomhairle Rialaithe dlúthchomhar a bhunú idir BCE agus Poblacht na Bulgáire (6). Foráiltear le hAirteagal 7(1) de Rialachán (AE) Uimh. 1024/2013 go bhféadfaidh BCE treoracha a sheoladh chuig údarás inniúil náisiúnta an Bhallstáit ábhartha chun cúraimí áirithe a chomhlíonadh i ndáil le hinstitiúidí creidmheasa atá bunaithe i mBallstát nach bhfuil an euro mar airgeadra aige, i gcás ina bhfuil dlúthchomhar bunaithe i gcomhréir leis an Airteagal sin. Is iomchuí, dá bhrí sin, na treoracha sin a áireamh i measc na ngníomhartha a fhéadfaidh BCE a ghlacadh trí bhíthin tarmligin chuig cinn aonad oibre de bhun fhorálacha ábhartha an Chinnidh seo.

(8)

Sonraítear le Cinneadh (AE) 2017/933 (BCE/2016/40) an nós imeachta atá le leanúint le haghaidh glacadh cinntí tarmligin a bhaineann le maoirseacht agus sonraítear leis na daoine a bhféadfar cumhachtaí cinnteoireachta a tharmligean chucu. Ní dhéantar difear leis an gCinneadh sin d’fheidhmiú a chúraimí maoirseachta ag BCE agus tá sé gan dochar d’inniúlacht an Bhoird Maoirseachta dréachtchinntí iomlána a mholadh don Chomhairle Rialaithe.

(9)

I gcás nach gcomhlíontar na critéir chun cinneadh tarmligthe a ghlacadh, mar a leagtar síos sa Chinneadh seo, ba cheart cinntí a ghlacadh i gcomhréir leis an nós imeachta neamhagóide a leagtar amach in Airteagal 26(8) de Rialachán (AE) Uimh. 1024/2013 agus in Airteagal 13g de Chinneadh BCE/2004/2 ón mBanc Ceannais Eorpach (7). Ina theannta sin, ba cheart an nós imeachta neamhagóide a úsáid freisin i gcás ina mbeidh ábhair imní ag ceannairí aonad oibre maidir le comhlíonadh na gcritéar measúnaithe mar gheall ar chastacht an mheasúnaithe nó íogaireacht an ábhair agus i gcás ina mbeidh tionchar díreach ag toradh an mheasúnaithe ábhartha ar chinneadh eile agus, dá bhrí sin, ba cheart don chinnteoir céanna na cinntí a bhreithniú ag an am céanna chun torthaí contrártha a sheachaint.

(10)

Féadfar cinntí maoirseachta ó BCE a chur faoi athbhreithniú riaracháin de bhun Airteagal 24 de Rialachán (AE) Uimh. 1024/2013 agus mar a shonraítear tuilleadh i gCinneadh BCE/2014/16 ón mBanc Ceannais Eorpach (8) I gcás athbhreithniú riaracháin den sórt sin, ba cheart don Bhord Maoirseachta tuairim an Bhoird Riaracháin Athbhreithnithe a chur san áireamh agus dréachtchinneadh nua a chur faoi bhráid na Comhairle Rialaithe lena ghlacadh faoin nós imeachta neamhagóide,

(1)

tá le “clár um scrúdú maoirseachta” nó “SEP” an bhrí chéanna atá leis in Airteagal 99(1) de Threoir 2013/36/AE;

(2)

ciallaíonn “cinneadh SEP” cinneadh ó BCE maidir le clár scrúdúcháin maoirseachta;

(3)

ciallaíonn “cigireacht ar an láthair” cigireacht a dhéantar ag áitreabh gnó aon duine de na daoine dlítheanacha dá dtagraítear in Airteagal 10(1) de Rialachán (AE) Uimh. 1024/2013 agus aon ghnóthas eile a áirítear i maoirseacht ar bhonn comhdhlúite i gcás inarb é BCE an maoirseoir comhdhlúthaithe i gcomhréir le pointe (g) d’Airteagal 4(1) de Rialachán (AE) Uimh. 1024/2013;

(4)

ciallaíonn “imscrúdú inmheánach ar shamhail” cigireacht ar an láthair i ndáil le samhlacha inmheánacha a úsáid chun na ceanglais cistí dílse a leagtar amach i Rialachán (AE) Uimh. 575/2013 ó Pharlaimint na hEorpa agus ón gComhairle a ríomh (9) chun críche cinneadh samhlacha inmheánacha a ghlacadh;

(5)

ciallaíonn “cigireacht” cigireacht ar an láthair nó imscrúdú ar shamhail inmheánach;

(6)

ciallaíonn “cinneadh maoirseachta ó BCE” cinneadh maoirseachta ón mBanc Ceannais Eorpach mar a shainmhínítear i bpointe (26) d’Airteagal 2 de Rialachán (AE) Uimh. 468/2014 (BCE/2014/17);

(7)

ciallaíonn “eintiteas suntasach faoi mhaoirseacht” eintiteas suntasach faoi mhaoirseacht mar a shainmhínítear i bpointe (16) d’Airteagal 2 de Rialachán (AE) Uimh. 468/2014 (BCE/2014/17);

(8)

ciallaíonn “eintiteas suntasach faoi mhaoirseacht nach bhfuil chomh suntasach” eintiteas suntasach faoi mhaoirseacht nach bhfuil chomh suntasach mar a shainmhínítear i bpointe (7) d’Airteagal 2 de Rialachán (AE) Uimh. 468/2014 ón mBanc Ceannais Eorpach (BCE/2014/17) (10);

(9)

ciallaíonn “eintiteas dlíthiúil iniúchta” aon cheann díobh seo a leanas:

(10)

ciallaíonn “acmhainní SAM” comhaltaí foirne BCE agus na húdaráis inniúla náisiúnta a bhfuil an fhoireann chigireachta ar an láthair comhdhéanta díobh i gcomhréir le hAirteagal 144 de Rialachán (AE) Uimh. 468/2014 (BCE/2014/17);

(11)

ciallaíonn “cinneadh maidir le cigireachtaí ar an láthair” aon chinneadh ó BCE lena leasaítear an cinneadh formheasta SEP i ndáil le ceann amháin nó níos mó de na cigireachtaí ar an láthair atá beartaithe;

(12)

ciallaíonn “cinneadh maidir le cigireachtaí ar an láthair” aon chinneadh ó BCE lena leasaítear an cinneadh formheasta SEP i ndáil le ceann amháin nó níos mó de na cigireachtaí ar an láthair atá beartaithe;

(13)

ciallaíonn “cinneadh tarmligin” cinneadh tarmligin mar a shainmhínítear i bpointe (2) d’Airteagal 3 de Chinneadh (AE) 2017/933 (BCE/2016/40);

(14)

ciallaíonn “cinneadh tarmligthe” cinneadh tarmligthe mar atá sainmhínithe i bpointe (2) d’Airteagal 3 de Chinneadh (AE) 2017/933 (BCE/2016/40);

(15)

ciallaíonn “cinn aonaid oibre” na cinn aonaid oibre de chuid BCE a dtarmligtear an chumhacht chucu cinntí a ghlacadh maidir le cigireachtaí ar an láthair agus cinntí maidir le himscrúduithe ar shamhlacha inmheánacha;

(16)

ciallaíonn “nós imeachta neamhagóide” an nós imeachta a leagtar amach in Airteagal 26(8) de Rialachán (AE) Uimh. 1024/2013 agus a shonraítear tuilleadh in Airteagal 13g de Chinneadh BCE/2004/2;

(17)

ciallaíonn “cinneadh diúltach” cinneadh lena leathnaítear raon feidhme cigireachta ar an láthair atá beartaithe nó imscrúdaithe samhla inmheánaí atá beartaithe, mura rud é go ndéantar an cinneadh sin de bhun iarrata ón eintiteas faoi mhaoirseacht. Measfar gur cinneadh diúltach cinneadh lena ngabhann forálacha coimhdeacha amhail coinníollacha, oibleagáidí nó teorainneacha ach amháin más amhlaidh, maidir leis na forálacha coimhdeacha sin (a) a áirithítear leo go gcomhlíonann an t-eintiteas faoi mhaoirseacht ceanglais an dlí ábhartha an Aontais agus a comhaontaíodh i scríbhinn iad, nó (b) nach ndéantar leo ach athshonrú ar cheann amháin nó níos mó de na ceanglais atá ann cheana agus nach mór don eintiteas faoi mhaoirseacht a chomhlíonadh de bhun dlí an Aontais nó faisnéis a éileamh maidir le comhlíonadh ceann amháin nó níos mó de na ceanglais sin;

(18)

ciallaíonn “íogaireacht” saintréith nó toisc a bhféadfadh tionchar diúltach a bheith aige ar chlú BCE agus/nó ar fheidhmiú éifeachtach agus comhsheasmhach an tSásra Maoirseachta Aonair, lena n-áirítear aon cheann díobh seo a leanas, ach gan a bheith teoranta dóibh: (a) i gcás ina raibh an t-eintiteas ábhartha faoi mhaoirseacht roimhe seo, nó i gcás ina bhfuil sé faoi réir dianbhearta maoirseachta amhail bearta idirghabhála luath; (b) socrófar leis an dréachtchinneadh a luaithe a ghlacfar é fasach nua a d’fhéadfadh BCE a cheangal amach anseo; (c) féadfaidh an dréachtchinneadh a luaithe a ghlacfar é aird dhiúltach ó na meáin nó ón bpobal a tharraingt; nó (d) má dhéanann údarás inniúil náisiúnta a chuaigh i ndlúthchomhar le BCE a easaontas leis an dréacht-treoracha atá beartaithe a chur in iúl do BCE.

(1)

Chun aghaidh a thabhairt ar an líon suntasach cinntí atá le glacadh ag an mBanc Ceannais Eorpach (BCE) chun a chuid cúraimí maoirseachta a chomhlíonadh, bunaíodh nós imeachta chun cinntí tarmligthe sonracha a ghlacadh.

(2)

Tagann cinneadh tarmligin in éifeacht ach a nglacann an Bord Feidhmiúcháin cinneadh lena n-ainmnítear ceann aonaid oibre amháin nó níos mó chun cinntí a dhéanamh ar bhonn cinneadh tarmligin.

(3)

Ba cheart don Bhord Feidhmiúcháin a thábhachtaí atá an cinneadh tarmligin agus an líon seolaithe a gcaitear cinntí tarmligthe a sheoladh chucu a chur san áireamh agus cinn na n-aonad oibre á n-ainmniú aige.

(4)

Foráiltear le hAirteagal 10(1) de Chinneadh BCE/2004/2 ón mBanc Ceannais Eorpach go ndéanfaidh an Bord Feidhmiúcháin cinneadh maidir le líon, ainm agus inniúlacht faoi seach gach aonaid d’aonaid oibre BCE.

(5)

Chuathas i gcomhairle le Cathaoirleach an Bhoird Maoirseachta maidir le cinn na n-aonad oibre ar cheart an chumhacht chun cinntí tarmligthe a ghlacadh maidir le cigireachtaí ar an láthair agus le himscrúduithe shamhlacha inmheánacha a tharmligean chucu,