Airteagal 1

Ábhar agus raon feidhme

Airteagal 2

Feidhmiú chearta an Aontais

Airteagal 3

Nós imeachta coiste

Airteagal 4

Faisnéis

Airteagal 5

An bhaint le forálacha eile de chuid dhlí an Aontais

Beidh feidhm ag an Rialachán seo d’ainneoin aon fhoráil i ndlí an Aontais a glacadh ar bhonn CFAE, ar foráil í lena rialaítear an t-ábhar céanna.

Nuair a chuirfidh an Coimisiún a thuarascálacha bliantúla faoi bhráid Pharlaimint na hEorpa agus na Comhairle maidir le cur chun feidhme agus cur i bhfeidhm an Chomhaontaithe Trádála agus Comhair, tabharfaidh sé achoimre iontu freisin ar na gearáin a fuarthas faoin gComhaontú Trádála agus Comhair, mar aon leis na bearta a rinneadh i ndiaidh gearáin den sórt sin, agus faoi na bearta a glacadh de bhun Airteagal 2 den Rialachán seo.

Airteagal 6

Athbhreithniú

Faoin .12 Aibreán 2026 cuirfidh an Coimisiún tuarascáil faoi bhráid Pharlaimint na hEorpa, na Comhairle, Choiste Eacnamaíoch agus Sóisialta na hEorpa agus Choiste na Réigiún maidir le cur i bhfeidhm an Rialacháin seo agus beidh tograí ábhartha gaolmhara ag gabháil léi nuair is iomchuí.

Airteagal 7

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Airteagal 1

Údaraítear leis seo, thar ceann an Aontais, síniú an Chomhaontaithe idir an tAontas Eorpach agus Poblacht na Séiséal i ndáil le rochtain do shoithí iascaireachta na Séiséal ar uiscí Mayotte (an “Comhaontú”), faoi réir thabhairt i gcrích an Chomhaontaithe sin (5).

Airteagal 2

Leis seo, údaraítear d’Uachtarán na Comhairle an duine (na daoine) a ainmniú a mbeidh sé de chumhacht aige/acu an Comhaontú a shíniú, thar ceann an Aontais.

Airteagal 3

Cuirfear an Comhaontú i bhfeidhm ar bhonn sealadach amhail óna shíniú (6), go dtí go gcomhlánófar na nósanna imeachta is gá chun go dtiocfaidh sé i bhfeidhm.

Airteagal 4

Tiocfaidh an Cinneadh seo i bhfeidhm ar dháta a ghlactha.

Airteagal 1

Raon feidhme

Leis an gComhaontú seo bunaítear na prionsabail, na rialacha agus na nósanna imeachta lena rialaítear na nithe seo a leanas:

(a)	comhar eacnamaíoch, airgeadais, teicniúil agus eolaíoch san earnáil iascaigh d’fhonn an iascaireacht inbhuanaithe a chur chun cinn in uiscí an Aontais chun caomhnú agus saothrú inbhuanaithe na n-acmhainní iascaigh a ráthú, agus chun earnáil iascaigh Mayotte a fhorbairt;

(b)	na coinníollacha lena rialaítear rochtain shoithí iascaireachta na Séiséal ar uiscí an Aontais, mar a shainmhínítear san Iarscríbhinn; agus

(c)

na socruithe maidir le bearta bainistíochta, rialaithe agus faireachais gníomhaíochtaí iascaireachta in uiscí an Aontais d’fhonn a áirithiú go gcomhlíonfar na rialacha agus na coinníollacha thuas; gurb éifeachtach iad na bearta maidir le caomhnú agus saothrú inbhuanaithe stoc éisc agus maidir le gníomhaíochtaí iascaireachta a bhainistiú; agus go gcuirtear cosc leis an iascaireacht.

Airteagal 2

Sainmhínithe

Chun críocha an Chomhaontaithe seo:

(a)	ciallaíonn “údaráis na Séiséal” an aireacht atá freagrach as iascaigh;

(b)	ciallaíonn “soitheach de chuid na Séiséal” soitheach iascaireachta atá cláraithe sna Séiséil agus a bhfuil brat na Séiséal ar foluain aige;

(c)	ciallaíonn “údaráis an Aontais” an Coimisiún Eorpach;

(d)	ciallaíonn “uiscí an Aontais” uiscí Mayotte atá faoi dhlínse an Aontais;

(e)	ciallaíonn “Comhchoiste” coiste arb é a bheidh ann ionadaithe de chuid an Aontais agus de chuid na Séiséal, a dtuairiscítear a bhfeidhmeanna in Airteagal 8 den Chomhaontú seo;

(f)	ciallaíonn “iascaigh inbhuanaithe” iascaireacht i gcomhréir leis na cuspóirí agus leis na prionsabail a chumhdaítear sa Chód Iompair d’Iascaigh Fhreagracha a glacadh ag Comhdháil FAO in 1995;

(g)	ciallaíonn “gníomhaíocht iascaireachta” cuardach éisc, socrú, tarraingt, tarlú trealaimh iascaireachta, gabháil a thabhairt ar bord, éisc agus táirgí iascaigh a thrasloingsiú, a choinneáil ar bord, a phróiseáil ar bord, a aistriú, a chur i gcaighean, a ramhrú agus a thabhairt i dtír;

(h)	ciallaíonn “soitheach iascaireachta” aon soitheach atá feistithe chun saothrú tráchtála a dhéanamh ar acmhainní bitheolaíocha na mara;

(i)	ciallaíonn “údarú iascaireachta” teidlíocht bhailí chun dul i mbun gníomhaíochtaí iascaireachta i gcomhréir le téarmaí an údaraithe iascaireachta sin dá bhforáiltear faoin gComhaontú seo;

(j)	ciallaíonn “soitheach tacaíochta” aon soitheach de chuid na Séiséal a thugann cúnamh do shoithí iascaireachta;

(k)	tá an bhrí chéanna le “trasloingsiú” agus atá leis i gcomhthéacs IOTC.

Airteagal 3

Prionsabail agus cuspóirí

Airteagal 4

Comhar Staidrimh Eolaíoch maidir leis an iascaireacht fhreagrach

Le linn na tréimhse a chumhdaítear leis an gComhaontú seo, oibreoidh an tAontas agus na Séiséil i gcomhar chun faireachán a dhéanamh ar fhorás na n-acmhainní in uiscí an Aontais agus tacóidh siad leis an obair mheasúnaithe a dhéanfaidh IOTC.

Déanfaidh na Páirtithe faisnéis ábhartha staidrimh, bhitheolaíoch, chaomhnúcháin agus chomhshaoil a mhalartú le chéile freisin agus comhoibreoidh siad sna cruinnithe eolaíocha ábhartha, de réir mar a cheanglófar chun na hacmhainní bitheolaíocha a bhainistiú agus a chaomhnú.

Ar bhonn na comhairle eolaíche is fearr atá ar fáil atá á soláthar ag IOTC, féadfaidh na Páirtithe dul i gcomhairle le chéile laistigh den Chomhchoiste agus, i gcás inar gá, féadfaidh siad bearta a ghlacadh chun bainistiú inbhuanaithe acmhainní iascaigh a áirithiú.

Airteagal 5

Rochtain ag soithí de chuid na Séiséal ar na hiascaigh in uiscí an Aontais

Tugann an tAontas gealltanas leis seo deiseanna iascaireachta a chionroinnt ar shoithí de chuid na Séiséal chun rochtain a fháil ar uiscí an Aontais agus chun dul i mbun gníomhaíochtaí iascaireachta i gcomhréir leis an gComhaontú seo agus leis an Iarscríbhinn a ghabhann leis.

Is faoin gComhaontú seo go heisiach a eiseoidh údaráis an Aontais údaruithe iascaireachta do shoithí de chuid na Séiséal.

Áiritheoidh na Séiséil go gcomhlíonfaidh a soithí an Comhaontú seo agus an reachtaíocht lena rialaítear iascaigh san Aontas agus reachtaíocht ábhartha na Fraince.

Áiritheoidh na Páirtithe go ndéanfar na coinníollacha agus na socruithe sin a chur chun feidhme go cuí trí chomhar riaracháin iomchuí idir a n-údaráis inniúla féin.

Airteagal 6

Údaruithe iascaireachta

Airteagal 7

Cumhdach speiceas

Ní chuirfear na húdaruithe iascaireachta ar fáil ach amháin le haghaidh gníomhaíochtaí iascaireachta lena ndírítear ar speicis mhór-imirceacha (speicis a liostaítear in Iarscríbhinn 1 a ghabhann le Coinbhinsiún na Náisiún Aontaithe maidir le Dlí na Farraige, 1982), seachas an fhine Alopiidae, an fhine Sphyrnidae agus na speicis seo a leanas: Cetorhinus maximus, Rhincodon typus, Carcharodon carcharias, Carcharhinus falciformis, Carcharhinus longimanus.

Airteagal 8

Comhchoiste

Bunófar Comhchoiste chun faireachán a dhéanamh ar chur i bhfeidhm an Chomhaontaithe seo. Déanfaidh sé na feidhmeanna seo a leanas:

(a)	déanfaidh sé faireachán ar fheidhmíocht, léiriú agus cur i bhfeidhm an Chomhaontaithe seo;

(b)	soláthróidh sé an t-idirchaidreamh is gá maidir le hábhair leasa fhrithpháirtigh a bhaineann le hiascaigh; lena n-airítear anailís staidrimh ar shonraí maidir le gabhálacha;

(c)	beidh sé ina fhóram chun teacht ar réiteach cairdiúil ar dhíospóidí maidir leléiriú nó cur i bhfeidhm an Chomhaontaithe seo;

(d)	déanfaidh sé athmheasúnú, i gcás inar gá, ar leibhéal na ndeiseanna iascaireachta, ar bhonn comhairle eolaíche, agus ar leibhéal tháillí na longúinéirí;

(e)	déanfaidh sé cinneadh, de réir mar is gá, athbhreithniú a dhéanamh ar fhorálacha teicniúla an Chomhaontaithe seo agus ar fhorálacha na hIarscríbhinne a ghabhann leis;

(f)	déanfaidh sé aon fheidhm eile a fhéadfaidh na Páirtithe a chinneadh de chomhthoiliú.

Feidhmeoidh an Comhchoiste a fheidhmeanna i gcomhréir le cuspóirí an Chomhaontaithe seo.

Tiocfaidh an Comhchoiste le chéile uair sa bhliain ar a laghad, san Aontas agus sna Séiséil gach re seal, agus is é an Páirtí a bheidh ag óstáil an chruinnithe an Páirtí a dhéanfaidh cathaoirleacht air. Tionólfaidh sé cruinniú speisialta ar iarraidh ó cheachtar Páirtí.

Féadfaidh an Comhchoiste cinntí a dhéanamh bunaithe ar mhalartú litreacha, i gcás práinne.

Airteagal 9

Deiseanna iascaireachta a choigeartú

Amhail dá bhforáiltear le hAirteagal 8 den Chomhaontú seo, féadfaidh an Comhchoiste athbhreithniú a dhéanamh ar na deiseanna iascaireachta dá dtagraítear san Iarscríbhinn, a mhéid a dheimhnítear leis na rúin agus leis na moltaí ó IOTC go rannchuideofar le coigeartú den sórt sin le bainistiú inbhuanaithe tuinníní agus speiceas atá cosúil le tuinníní san Aigéan Indiach.

Airteagal 10

Cur chun feidhme an Chomhaontaithe seo a chur ar fionraí

Féadfar cur chun feidhme an Chomhaontaithe seo a chur ar fionraí ar thionscnamh ceachtar Páirtí, sna cásanna seo a leanas:

(a)	i gcás ina gcuirtear cosc, de bharr imthosca eisceachtúla, seachas feiniméin nádúrtha, le gníomhaíochtaí iascaireachta i limistéar iascaireachta laistigh d’uiscí an Aontais;

(b)	i gcás díospóid thromchúiseach nach bhfuil réitithe idir na Páirtithe maidir le léiriú agus cur chun feidhme an Chomhaontaithe seo agus na hIarscríbhinne a ghabhann leis, nach féidir í a réiteach;

(c)	i gcás nach gcomhlíontar na forálacha a leagtar amach leis an gComhaontú seo agus leis an Iarscríbhinn a ghabhann leis;

(d)	i gcás athruithe suntasacha ar threoirlínte beartais aon cheann de na Páirtithe a dhéanann difear d’fhorálacha ábhartha an Chomhaontaithe seo;

(e)	i gcás ina sáraítear prionsabail fhíor-riachtanacha bhunúsacha chearta an duine mar a leagtar amach iad in Airteagal 9 de Chomhaontú Cotonou nó sa chomhaontú a thiocfaidh ina áit.

Tabharfaidh aon Pháirtí fógra i scríbhinn do Pháirtí eile faoi chur i bhfeidhm an Chomhaontaithe seo a bheith curtha ar fionraí agus tiocfaidh sé i bhfeidhm trí mhí tar éis an fógra sin a fháil. Nuair a gheofar an fógra sin, cuirfear tús le comhairliúcháin idir na Páirtithe sa Chomhchoiste d’fhonn teacht ar réiteach cairdiúil ar an díospóid laistigh de thréimhse réasúnach.

A luaithe a thiocfar ar shocrú den sórt sin, leanfar le cur i bhfeidhm an Chomhaontaithe seo.

Airteagal 11

Foirceannadh

Féadfaidh ceachtar Páirtí an Comhaontú seo a fhoirceannadh i gcás:

(a)	cásanna seachas feiniméin nádúrtha, atá lasmuigh de rialú réasúnach na bPáirtithe agus ar cásanna iad de chineál a choisceann iascaireacht in uiscí an Aontais;

(b)	ídiú nó díghrádú na stoc lena mbaineann ar bhonn na comhairle eolaíche neamhspleáiche iontaofa is fearr atá ar fáil agus atá formhuinithe ag an dá pháirtí;

(c)	laghdú suntasach ar leibhéal an tsaothraithe ar na deiseanna iascaireachta a dheonaítear do shoithí de chuid na Séiséal;

(d)	sárú tromchúiseach ar na gealltanais a rinne na Páirtithe maidir leis an iascaireacht NNN a chomhrac;

(e)	aon imthosca eile arb éard atá iontu sárú ar an gComhaontú seo ag ceachtar Páirtí

Tabharfaidh aon Pháirtí fógra i scríbhinn don Pháirtí eile faoi fhoirceannadh an Chomhaontaithe seo agus tiocfaidh sé i bhfeidhm sé mhí tar éis an fógra a fháil, mura gcinneann na Páirtithe de chomhthoiliú síneadh a chur leis an tréimhse sin. Is trí bhíthin an Chomhchoiste a rachaidh na Páirtithe i mbun comhairliúcháin tar éis an fhógra fhoirceanta sin d’fhonn teacht ar réiteach cairdiúil ar a ndíospóid laistigh de thréimhse réasúnach.

Airteagal 12

An dlí is infheidhme

Airteagal 13

Rúndacht

Airteagal 14

Malartuithe leictreonacha sonraí

Airteagal 15

Athbhreithniú meántéarma

Féadfaidh na Páirtithe cinneadh a dhéanamh athbhreithniú meántéarma a dhéanamh chun measúnú a dhéanamh ar fheidhmiú agus ar éifeachtacht an Chomhaontaithe seo.

Airteagal 16

Oibleagáidí ar dhul in éag nó ar fhoirceannadh

Tar éis dhul in éag nó fhoirceannadh an Chomhaontaithe seo amhail dá bhforáiltear le hAirteagal 11, leanfaidh longúinéirí shoithí na Séiséal de bheith faoi dhliteanas i leith aon sárú ar fhorálacha an Chomhaontaithe seo nó ar aon dlí de chuid an Aontais a tharla roimh dhul in éag nó fhoirceannadh an Chomhaontaithe seo, nó i leith aon táille cheadúnais nó aon dleacht amuigh nach n-íoctar tráth an dul in éag nó an fhoirceanta.

Airteagal 17

Tréimhse iarratais

Beidh feidhm ag an gComhaontú ó dháta a chur i bhfeidhm shealadaigh go dtí an 31 Nollaig 2028, mura dtabharfar fógra um fhoirceannadh i gcomhréir le hAirteagal 11.

Airteagal 18

Cur i bhfeidhm sealadach

Beidh feidhm shealadach ag an gComhaontú seo amhail ón dáta a shíneoidh na Páirtithe é.

Airteagal 19

Aisghairm

Leis seo, aisghairtear an Comhaontú idir an tAontas Eorpach agus Poblacht na Séiséal i ndáil le rochtain do shoithí iascaireachta a bhfuil brat na Séiséal ar foluain acu ar uiscí agus ar acmhainní bitheolaíocha mara Mayotte, faoi dhlínse an Aontais Eorpaigh (2) a síníodh an 20 Bealtaine 2014.

Airteagal 20

Teacht i bhfeidhm

Airteagal 21

Teangacha

Tarraingeofar suas an Comhaontú seo i ndúblach sna teangacha seo a leanas: Béarla, an Bhulgáiris, an Chróitis, an Danmhairgis, an Eastóinis, an Fhionlainnis, an Fhraincis, an Ghearmáinis, an Ghaeilge, an Ghréigis, an Iodáilis, an Laitvis, an Liotuáinis, an Mháltais, an Ollainnis, an Pholainnis, an Phortaingéilis, an Rómáinis, an tSeicis, an tSlóivéinis, an tSlóvaicis, an Spáinnis, an tSualainnis agus an Ungáiris, agus comhúdarás ag gach téacs díobh.

IARSCRÍBHINN

COINNÍOLLACHA MAIDIR LE GNÍOMHAÍOCHTAÍ IASCAIREACHTA A BHEITH Á nDÉANAMH AG SOITHÍ DE CHUID NA SÉISÉAL IN UISCÍ MAYOTTE

CAIBIDIL I

FORÁLACHA GINEARÁLTA

Oibleagáidí ginearálta

Soithí de chuid na Séiséal ar eisíodh údarú iascaireachta ina leith i gcomhréir leis an gComhaontú seo, comhlíonfaidh siad forálacha Chomhbheartas Iascaigh an Aontais a bhaineann le bearta caomhnúcháin agus rialaithe agus forálacha ábhartha eile lena rialaítear iascaireacht in uiscí an Aontais, agus na forálacha a leagtar síos sa Chomhaontú seo.

Limistéar iascaireachta

(a)	Tabharfaidh údaráis an Aontais comhordanáidí geografacha an limistéir iascaireachta do na Séiséil inar féidir le soithí na Séiséal feidhmiú roimh chur i bhfeidhm sealadach an Chomhaontaithe seo.

(b)

Beidh toirmeasc ar shoithí de chuid na Séiséal aon shoitheach peas-saighne a úsáid ar thuinníní agus ar aon scoil éisc atá cosúil le tuinníní sna limistéir laistigh de 24 mhuirmhíle ó chóstaí oileán Mayotte, atá á dtomhas ó na bonnlínte óna dtomhaistear uiscí teorann. Cuirfear san áireamh sa limistéar iascaireachta gur ann do limistéar muirí faoi chosaint lena gcumhdaítear limistéar eacnamaíoch eisiach iomlán Mayotte, arb é is cuspóir aige cur le bithéagsúlacht mhuirí Mayotte agus tacaíocht a thabhairt d’fhorbairt na hearnála iascaigh áitiúla, i gcomhréir leis an reachtaíocht maidir leis an limistéar muirí faoi chosaint a chruthú (Décret 2010-71 du 18 janvier 2010 portant création du parc naturel marin de Mayotte) agus le bearta bainistíochta ina dhiaidh sin.

(c)	Cuirfear aon mhodhnú ar an limistéar iascaireachta in iúl d’údaráis na Séiséal, sula dtiocfaidh sé i bhfeidhm.

Dálaí oibre

Rialófar fostaíocht iascairí le Dearbhú na hEagraíochta Idirnáisiúnta Saothair (EIS) 1998 maidir le Prionsabail Bhunúsacha agus Cearta Bunúsacha ag an Obair (arna leasú in 2022), agus le coinbhinsiúin ábhartha EIS, lena n-áirítear saoirse comhlachais agus aitheantas éifeachtach don cheart cómhargála, deireadh a chur le hidirdhealú i leith fostaíochta agus slí bheatha, deireadh a chur le saothar éignithe agus saothar leanaí, timpeallacht oibre shábháilte shláintiúil, agus dálaí cuibhiúla oibre agus maireachtála ar bord soithí iascaireachta.

CAIBIDIL II

DEISEANNA IASCAIREACHTA

Bainfidh na deiseanna iascaireachta a dheonófar faoi Airteagal 5 den Chomhaontú seo le 8 soitheach peas-saighne tuinnín. Údarófar soithí tacaíochta faoi réir na gcoinníollacha a leagtar amach san Iarscríbhinn seo agus i gcomhréir le rúin ábhartha an Choimisiúin um Thuinníní an Aigéin Indiaigh (IOTC).

Ní dhéanfaidh soithí de chuid na Séiséal gníomhaíochtaí iascaireachta in uiscí an Aontais ach amháin má tá údarú iascaireachta acu a eisíodh i gcomhréir le hAirteagal 6 den Chomhaontú seo agus i gcomhréir leis na coinníollacha a bhunaítear san Iarscríbhinn seo.

CAIBIDIL III

ÚDARUITHE IASCAIREACHTA

ROINN 1

Iarratas ar údaruithe iascaireachta agus eisiúint údaruithe iascaireachta

Beidh údarú iascaireachta bailí ar feadh aon bhliain féilire amháin ón 1 Eanáir go dtí an 31 Nollaig. Maidir leis an tréimhse údaraithe tosaigh, áfach, déanfar an dáta tosaithe a shainiú de réir dháta chur i bhfeidhm sealadach an Chomhaontaithe seo.

Coinníollacha chun údarú iascaireachta a fháil

Chun go mbeidh soitheach de chuid na Séiséal incháilithe d’údarú iascaireachta faoin gComhaontú seo, déanfaidh sé an méid seo a leanas:

—	beidh sé údaraithe ag na Séiséil chun gníomhaíochtaí iascaireachta a dhéanamh faoin gComhaontú seo;

—	beidh sé ar liosta shoithí iascaireachta údaraithe IOTC;

—	ní bheidh sé ar liosta NNN d’aon Eagraíocht Réigiúnach Bainistithe Iascaigh;

—	comhlíonfaidh sé a oibleagáidí a d’eascair as a ghníomhaíochtaí roimhe seo i Limistéar Eacnamaíoch Eisiach Mayotte agus beidh an réamhtháille is infheidhme dá bhforáiltear san Iarscríbhinn seo íoctha aige.

Iarratas ar údarú iascaireachta

Déanfaidh gníomhaire a bhfuil cónaí air in Mayotte ionadaíocht ar gach soitheach de chuid na Séiséal a dhéanann iarratas ar údarú iascaireachta, nó in éagmais gníomhaire a bhfuil cónaí air in Mayotte, beidh cónaí ar an ngníomhaire sna Séiséil. Luafar ainm agus seoladh an ghníomhaire sin san iarratas.

Cuirfidh údaráis na Séiséal iarratas ar údarú iascaireachta faoi bhráid údaráis an Aontais maidir le gach soitheach de chuid na Séiséal atá ag iarraidh iascaireacht a dhéanamh faoin gComhaontú seo 45 lá ar a laghad roimh an dáta a mheastar a chuirfear tús le gníomhaíochtaí iascaireachta.

Beidh an fhaisnéis seo a leanas ag gabháil le gach iarratas:

—	cruthúnas gur íocadh an réamhtháille le haghaidh thréimhse bhailíochta an údaraithe iascaireachta;

—

grianghraf digiteach daite den soitheach a tógadh le déanaí, ar grianghraf é ina bhfuil taifeach leordhóthanach lena dtaispeántar radharc cliathánach mionsonraithe den soitheach, lena n-áirítear ainm agus uimhir aitheantais an tsoithigh atá le feiceáil ar an gcabhail; aon doiciméid nó deimhnithe eile a cheanglaítear faoi na rialacha sonracha is infheidhme maidir leis an gcineál soithigh lena mbaineann de bhun an Chomhaontaithe seo.

Íocfar na híocaíochtaí uile a bhaineann le húdaruithe agus gabhálacha le cuntas bainc san Aontas, agus soláthróidh údaráis an Aontais mionsonraí an chuntais sin roimh chur i bhfeidhm sealadach an Chomhaontaithe seo. Is iad na longúinéirí nó a ngníomhairí a íocfaidh na costais a bhaineann le haistrithe bainc.

Cuimseofar sna táillí na muirir náisiúnta agus áitiúla uile seachas cánacha calafoirt agus muirir sheirbhíse. Áireofar iontu gach costas neamhoibríochtúil.

An t-údarú iascaireachta a eisiúint

Eiseofar údaruithe iascaireachta le haghaidh soithí de chuid na Séiséal do na longúinéirí nó dá ngníomhairí laistigh de 30 lá tar éis d’údaráis an Aontais na doiciméid riachtanacha uile dá dtagraítear i bpointe 3 a fháil. Glacfaidh údaráis an Aontais cinneadh ina mbeidh liosta na soithí údaraithe agus seolfaidh sé cóip de na húdaruithe iascaireachta chuig údaráis na Séiséal.

Coinneoidh soitheach údaraithe de chuid na Séiséal an t-údarú iascaireachta nó cóip den chinneadh a luaitear sa chéad mhír ar bord.

An t-údarú iascaireachta a aistriú

Eiseofar údarú iascaireachta chuig soitheach sonrach de chuid na Séiséal agus ní bheidh sé inaistrithe, ach amháin i gcás force majeure.

I gcás ina gcruthófar force majeure, féadfar údarú iascaireachta soithigh de chuid na Séiséal a aistriú arna iarraidh sin ag na Séiséil le haghaidh na tréimhse a bheidh fágtha dá bhailíocht, chuig soitheach incháilithe eile de chuid na Séiséal a bhfuil saintréithe comhchosúla aige, gan aon táille bhreise a bheith dlite.

Beidh feidhm ag an údarú iascaireachta nua ón lá a eiseoidh údaráis an Aontais é. Cuirfear an t-athrú in iúl d’údaráis na Séiséal agus gheobhaidh siad cóip den údarú nua.

ROINN 2

Soithí tacaíochta

Údaróidh údaráis an Aontais go mbeidh soithí tacaíochta de chúnamh ag soithí de chuid na Séiséal atá ina sealbhóirí ar údarú iascaireachta. Beidh bratach na Séiséal ar foluain ag na soithí tacaíochta, agus ní bheidh siad feistithe chun éisc a ghabháil ná a úsáid le haghaidh trasloingsithe.

Urramóidh na ceanglais tuairiscithe maidir le soithí tacaíochta oibleagáidí IOTC ábhartha agus forálacha reachtacha náisiúnta ábhartha eile.

Soithí tacaíochta a bhfuil bratach na Séiséal ar foluain acu, beidh siad faoi réir na nósanna imeachta údaruithe céanna lena rialaítear iarratais ar údarú iascaireachta a fháil agus a tharchur mar a thuairiscítear i Roinn 1, a mhéid a bhaineann leo.

ROINN 3

Coinníollacha údaraithe iascaireachta — táillí agus réamhíocaíochtaí

Na táillí a bheidh le híoc ag longúinéirí, ríomhfar iad ar bhonn ráta EUR 135 in aghaidh an tona iasc a ghabhtar.

Is é seo a leanas an réamhíocaíocht bhliantúil a bheidh le híoc ag longúinéirí shoithí de chuid na Séiséal an tráth a chuirtear iarratais ar údarú iascaireachta isteach, údarú a bheidh le heisiúint ag údaráis an Aontais:

Soithí peas-saighne tuinníní

EUR 13 500 in aghaidh an tsoithigh, a chomhfhreagraíonn do 100 tona tuinnín agus speiceas cosúil le tuinnín a ghabhtar laistigh de limistéar iascaireachta Mayotte;

Soithí tacaíochta

EUR 5 000 in aghaidh an tsoithigh.

Ráiteas bliantúil táillí

Cuirfidh na Séiséil sonraí gabhála i limistéir iascaireachta Mayotte chuig údaráis an Aontais i gcomhréir le forálacha Chaibidil IV Roinn 1. Ar bhonn na faisnéise sin, tarraingeoidh údaráis an Aontais suas ráiteas de tháillí atá dlite maidir le bliain féilire roimhe sin.

Seolfar an ráiteas táillí chuig údaráis na Séiséal roimh an 30 Aibreán den bhliain dár gcionn ar bhonn dearbhuithe gabhálacha a thíolacfaidh údaráis na Séiséal. Déanfaidh údaráis na Séiséal an ráiteas táillí comhfhreagrach a tharchur chuig úinéir an tsoithigh le haghaidh a n-íocaíochtaí ina dhiaidh sin, rud a chomhfhreagraíonn do ghabhálacha os cionn 100 tona in aghaidh an tsoithigh. I gcás ina bhfuil an ráiteas deiridh níos lú ná an réamhíocaíocht dá dtagraítear i mír 2, ní bheidh an t-iarmhéid ghnóthaithe ag úinéirí na soithí.

I gcás neamhréireachtaí a bheith ann idir tacair sonraí atá á gcur i láthair ag údaráis an Aontais agus na Séiséal, beidh 60 lá ag na Séiséil chun na sonraí a fuarthas a chonspóid agus ráiteas malartach ar na gabhálacha a chur chuig údaráis an Aontais, mar aon le doiciméid tacaíochta amhail sonraí logleabhair, tuarascálacha iniúchta agus sonraí eolaíocha.

Féadfaidh údaráis an Aontais aon neamhréireachtaí idir sonraí sa logleabhar leictreonach iascaireachta a sholáthraíonn an Córas Tuairiscithe Leictreonach (ERS), sonraí i logleabhair na soithí agus sonraí an bhreathnóra a thuairisciú. Sa chás sin, déanfaidh údaráis na Séiséal imscrúduithe agus tabharfaidh siad na sonraí cothrom le dáta de réir mar is gá.

Socróidh na Páirtithe aon easaontas laistigh de mhí agus é mar chuspóir acu an ráiteas táillí deiridh a bhunú.

Déanfaidh longúinéirí na híocaíochtaí dá réir sin laistigh de 30 lá tar éis don dá Pháirtí teacht ar chomhaontú maidir le ráiteas deiridh na dtáillí, agus seolfaidh údaráis na Séiséal cruthúnas ar íocaíocht chuig údaráis an Aontais.

CAIBIDIL IV

FAIREACHÁN

ROINN 1

Tuairisciú Gabhála

Na soithí uile de chuid na Séiséal atá údaraithe chun iascaireacht a dhéanamh in uiscí an Aontais faoin gComhaontú seo, cuirfidh siad a ngabhálacha in iúl go laethúil d’údarás an Aontais ar an mbealach seo a leanas, mura bhfuil ERS curtha chun feidhme ag an dá Pháirtí:

Soithí de chuid na Séiséal atá údaraithe chun iascaireacht a dhéanamh in uiscí an Aontais, líonfaidh siad isteach ar bhonn laethúil foirm um ráiteas gabhálacha lena gcomhlíontar rúin IOTC, i gcás gach sraithe de gach turas iascaireachta a dhéanann siad in uiscí an Aontais. Fad atá siad in uiscí an Aontais, tuairisceoidh soithí na Séiséal gach trí lá d’údaráis an Aontais agus na Séiséal„ trí mhodh leictreonach, an fhaisnéis is gá san fhormáid dá bhforáiltear in Aguisín 4. Formhuineoidh an Comhchoiste aon leasú ar an bhfoirm sin.

Líonfar an fhoirm isteach fós, fiú mura ndearnadh aon ghabháil. Líonfar an fhoirm isteach go soléite agus síneoidh máistir an tsoithigh nó gníomhaire an mháistir í agus tá an máistir freagrach as cruinneas na sonraí a thaifeadtar agus a tharchuirtear san fhoirm um ráiteas gabhálacha.

I gcás nach gcomhlíontar na forálacha a bhaineann le gabhálacha a thuairisciú, féadfaidh údaráis an Aontais údarú iascaireachta shoitheach na Séiséal lena mbaineann a chur ar fionraí go dtí go bhfaightear an tuarascáil gabhála atá ar iarraidh agus pionós a ghearradh ar an longúinéir i gcomhréir leis na forálacha ábhartha faoin reachtaíocht náisiúnta atá i bhfeidhm. Má dhéantar an cion arís, féadfaidh údaráis an Aontais diúltú an t-údarú iascaireachta a athnuachan. Cuirfidh údaráis an Aontais údaráis na Séiséal ar an eolas láithreach faoi aon smachtbhanna a chuirfear i bhfeidhm sa chomhthéacs sin.

Roimh dheireadh gach ráithe, soláthróidh na Séiséil sonraí comhiomlánaithe d’údaráis an Aontais le haghaidh na ráithí roimhe sa bhliain reatha, lena léireofar cainníochtaí na ngabhálacha in aghaidh an tsoithigh, in aghaidh na míosa, agus in aghaidh speicis. Measfar na sonraí sin a bheith sealadach.

A luaithe a bheidh ERS ag feidhmiú go hiomlán, soláthróidh údaráis na Séiséal na sonraí is gá trí theimpléad san fhormáid xml, agus de réir na dtreoirlínte dá bhforáiltear in Aguisín 3. Go dtí go gcuirfear ERS chun feidhme, úsáidfear an fhormáid iomchuí dá bhforáiltear in Aguisín 4.

ROINN 2

Córas Tuairiscithe Leictreonach (ERS)

Úsáidfidh soithí na Séiséal ERS le haghaidh na ndearbhuithe gabhálacha, a luaithe a bheidh an córas sin ag feidhmiú ag an dá Pháirtí, mar a leanas:

—	an máistir ar shoitheach de chuid na Séiséal a bheidh i mbun gníomhaíochtaí iascaireachta faoin gComhaontú seo, coimeádfaidh sé logleabhar iascaireachta leictreonach comhtháite in ERS;

—	ní údarófar do shoitheach de chuid na Séiséal nach bhfuil feistithe le ERS dul isteach i limistéar iascaireachta Mayotte chun gníomhaíochtaí iascaireachta a dhéanamh.

Tá an máistir freagrach as cruinneas na sonraí a thaifeadfar sa logleabhar iascaireachta leictreonach. Comhlíonfaidh an logleabhar iascaireachta leictreonach rúin IOTC.

Déanfaidh an máistir, ar bhonn laethúil, beomheáchan measta gach speicis a ghabhtar agus a choimeádtar ar bord, nó a aischuirtear san fharraige, a thaifeadadh le haghaidh gach oibríochta iascaireachta.

Má tá soitheach de chuid na Séiséal i limistéar iascaireachta Mayotte ach nach dtéann i mbun iascaireachta, déanfar suíomh an tsoithigh ag meán lae a thaifeadadh.

Áiritheoidh an máistir go ndéanfar sonraí an logleabhair iascaireachta leictreonacha a tharchur go huathoibríoch agus go laethúil chuig Lárionad Faireacháin Iascaigh (FMC) na Séiséal. Áireofar na nithe seo a leanas ar a laghad sa tarchur:

—	uimhreacha aitheantais an tsoithigh agus ainm an tsoithigh iascaireachta;

—	cód 3-alfa FAO gach speicis;

—	an limistéar geografach ábhartha (domhanleithead agus domhanfhad) inar gabhadh na gabhálacha;

—	dáta agus am na ngabhálacha;

—	an dáta agus an t-am imeachta as an gcalafort agus dul isteach ann;

—	an cineál trealaimh, agus i gcás inarb infheidhme na sonraíochtaí agus na toisí teicniúla;

—	cainníochtaí measta na n-iasc, lena n-áirítear cainníochtaí gach speicis a choimeádtar ar bord, i gcileagraim bheomheáchain nó, i gcás inarb iomchuí, an líon iasc aonair;

—	cainníochtaí measta na n-iasc, lena n-áirítear cainníochtaí gach speicis a aischuirtear, i gcileagraim bheomheáchain nó, i gcás inarb iomchuí, an líon iasc aonair.

Áiritheoidh údaráis na Séiséal go bhfaighfear agus go dtaifeadfar na sonraí i mbunachar sonraí ríomhaireachta sa chaoi gur féidir na sonraí a stóráil go slán ar feadh 36 mhí ar a laghad.

Áiritheoidh údaráis na Séiséal, údaráis an Aontais agus údaráis an Bhallstáit ábhartha go mbeidh an trealamh agus na bogearraí TF is gá acu chun sonraí ERS a mhalartú le chéile go huathoibríoch. Malartófar sonraí ERS trí úsáid a bhaint as na modhanna cumarsáide leictreonacha a bhíonn á n-oibriú ag an gCoimisiún Eorpach chun sonraí iascaigh a mhalartú i bhfoirm chaighdeánaithe. Déanfar athruithe ar chaighdeáin a chur chun feidhme laistigh de shé mhí.

Is é FMC na Fraince FMC an Bhallstáit atá freagrach as na gníomhaíochtaí faireacháin dá bhforáiltear faoin gComhaontú seo.

Áiritheoidh FMC na Séiséal go gcuirfear ar fáil logleabhair iascaireachta trí bhíthin ERS do FMC na Fraince go huathoibríoch agus ar bhonn laethúil le haghaidh na tréimhse ina bhfuil an soitheach sa limistéar iascaireachta, fiú i gcás nach ndearnadh aon ghabháil.

Cuirfidh FMC na Séiséal teachtaireachtaí ERS atá íogair ó thaobh ama de (COE, COX, PNO) a fuarthas ó shoithí na Séiséal ar aghaidh chuig FMC na Fraince.

Cuirfear tuarascálacha laethúla ar ghníomhaíochtaí iascaireachta shoithí na Séiséal ar fáil go huathoibríoch agus gan mhoill do FMC na Séiséal.

Úsáidfear modhanna leictreonacha cumarsáide atá faoi bhainistíoch údaráis an Aontais chun sonraí ERS a tharchur, a shainaithnítear mar Mhórbhealach Malartaithe Sonraí (DEH).

Ainmneoidh údaráis an Aontais agus na Séiséal comhfhreagraí ERS amháin a fheidhmeoidh mar phointe teagmhála. Cuirfidh siad in iúl dá chéile sonraí teagmhála a gcomhfhreagraí ERS féin.

Is in Aguisín 3 a leagtar amach na socruithe chun gabhálacha a thuairisciú trí bhíthin ERS agus na nósanna imeachta i gcás mífheidhme.

Déanfaidh údaráis an Aontais sonraí faoi ghníomhaíochtaí iascaireachta soithí aonair na Séiséal a láimhseáil ar bhealach rúnda slán.

I gcás fadhbanna teicniúla nó mhífheidhm ERS, déanfar dearbhuithe gabhálacha de bhun Roinn 1.

ROINN 3

Cumarsáid maidir le gabhálacha: ag dul isteach in uiscí an Aontais agus iad a fhágáil

Is mar seo a leanas a shainmhíneofar fad turais ag soitheach de chuid na Séiséal:

—	an tréimhse a chaitear idir dul isteach in uiscí an Aontais agus iad a fhágáil;

—	nó an tréimhse idir dul isteach in uiscí an Aontais agus dul isteach i gcalafort Mayotte.

Tabharfaidh soithí na Séiséal fógra don Aontas ar a laghad 6 uair roimh ré go bhfuil rún acu teacht isteach in uiscí an Aontais nó iad a fhágáil.

Le linn dóibh a fhógairt go bhfuil siad dul isteach nó ag fágáil, tabharfaidh soithí na Séiséal fógra faoina suíomh (domhanleithead agus domhanfhad) ag tráth na cumarsáide agus tabharfaidh siad fógra freisin faoin tonnáiste agus faoi speicis na ngabhálacha a choimeádtar ar bord. Seolfar na teachtaireachtaí sin san fhormáid a leagtar amach in Aguisín 4, trí ríomhphost nó trí ERS, chuig na sonraí teagmhála a bheidh soláthartha ag údaráis an Aontais.

Is cion é ag soitheach iascaireachta de chuid na Séiséal a bheith ag iascaireacht gan fógra a thabhairt roimh ré d’údaráis an Aontais. Beidh soitheach den sórt sin de chuid na Séiséal faoi dhliteanas smachtbhannaí dá dtagraítear i gCaibidil VIII.

ROINN 4

Trasloingsiú

Toirmisctear trasloingsiú ar muir agus is faoi dhliteanas na mbeart forfheidhmiúcháin dá bhforáiltear le reachtaíocht an Aontais a bheidh aon duine a sháróidh an fhoráil sin. Ní féidir trasloingsithe a dhéanamh ach amháin i gcalafort Mayotte.

I gcás trasloingsithe i gcalafort Mayotte, tabharfaidh longúinéir shoitheach na Séiséal nó an gníomhaire fógra faoin bhfaisnéis seo a leanas d’údaráis inniúla na Fraince agus, an tráth céanna, d’údarás chalafort Mayotte, ar a laghad 48 uair an chloig roimh ré:

—	an calafort nó limistéar trasloingsithe ina ndéanfar an oibríocht;

—	ainm agus Glao-Chomhartha Idirnáisiúnta Raidió (IRCS) an tsoithigh bhronnta;

—	i gcás inarb infheidhme, ainm agus IRCS an tsoithigh dheontóra;

—	i gcás inarb infheidhme, na saoráidí stórála;

—	dáta agus am an trasloingsithe;

—	i gcás inar féidir, an chéad cheann scríbe eile;

—	an chainníocht i gcileagram, de réir speiceas atá le trasloingsiú;

—	foirm chur i láthair na dtáirgí.

Measfar go bhfuiltear ag fágáil uiscí an Aontais, mar a shainmhínítear é i Roinn 3.1, nuair a dhéantar trasloingsiú. Ní mór do shoithí de chuid na Séiséal a gcuid dearbhuithe gabhála a chur faoi bhráid údaráis an Aontais agus cuirfidh siad cóip de chuig údarás chalafort Mayotte, tráth nach déanaí ná 24 uair an chloig tar éis trasloingsiú, nó in aon chás, sula bhfágfaidh an soitheach deontóra an calafort, cibé acu is túisce a tharlóidh.

ROINN 5

Córas um Fhaireachán Soithí (VMS)

I gcás na soithí de chuid na Séiséal a údaraítear faoin gComhaontú seo, beidh siad feistithe le gaireas rianaithe soithí saitilítbhunaithe agus/nó le gaireas faireacháin soithí saitilítbhunaithe i gcomhréir le dlíthe an Aontais agus bainfear úsáid as VMS i gcomhréir le hAguisín 5. Sula gcuirfear an Comhaontú seo i bhfeidhm go sealadach, féadfaidh na Páirtithe teacht ar chomhaontú sonraí VMS a tharchur trí FLUX i bhformáid NA/CEFACT.

Toirmisctear an gaireas rianaithe leanúnaigh a bhogadh, a dhícheangal, a scriosadh, a dhamáistiú, agus toirmisctear cur isteach air nó é a chur ó mhaith freisin trí úsáid a bhaint as cumarsáid saitilítbhunaithe agus/nó as gaireas faireacháin a chuirtear ar bord shoithí na Séiséal chun sonraí a tharchur nó chun sonraí a tharchuirtear nó a thaifeadtar le córas den sórt sin a athrú, a atreorú nó a fhalsú d’aon ghnó.

Cuirfidh soithí na Séiséal a suíomh in iúl go huathoibríoch agus go leanúnach, gach uair an chloig ar a laghad do FMC na Séiséal, i gcomhréir le hAguisín 5.

Teachtaireachtaí maidir le suíomh a chur in iúl go slán ó na Séiséil

Seolfaidh FMC na Séiséal na teachtaireachtaí maidir le suíomh shoithí na Séiséal lena mbaineann go huathoibríoch chuig FMC na Fraince trí nasc díreach HTTPS. Malartóidh FMC na Fraince agus FMC na Séiséal a seoltaí ríomhphoist le chéile agus cuirfidh siad a chéile ar an eolas faoi aon athrú ar na seoltaí sin.

Cuirfidh FMC na Fraince in iúl do FMC na Séiséal faoi aon chur isteach ar theachtaireachtaí i ndiaidh a chéile maidir le suíomh a fháil ó shoitheach iascaireachta de chuid na Séiséal a bhfuil údarú iascaireachta aige, mura mbeidh fógra tugtha ag an soitheach lena mbaineann maidir lena imeacht ó limistéar iascaireachta Mayotte.

Mífheidhmiú an chórais cumarsáide

Áiritheoidh FMC na Fraince comhoiriúnacht a threalaimh leictreonaigh le córas FMC na Séiséal agus cuirfidh sé FMC na Séiséal ar an eolas láithreach faoi aon mhífheidhm a bhaineann le teachtaireachtaí maidir le suíomh a sheoladh agus a ghlacadh d’fhonn teacht ar réiteach teicniúil a luaithe is féidir.

Má theipeann ar údaráis na Fraince sonraí VMS a fháil mar gheall ar chliseadh na gcóras leictreonach faoi mhaoirseacht na Séiséal, na Fraince nó údaráis an Aontais, déanfaidh an Páirtí i gceist beart pras chun an fhadhb a réiteach go mear. Tabharfar fógra do na Páirtithe eile nuair a bheidh an fhadhb réitithe. Na sonraí nach bhfuair an Fhrainc, cuirfear chuici iad a luaithe a réiteofar an fhadhb. Go dtí go réiteofar an fhadhb, cuirfidh FMC na Séiséal teachtaireachtaí suímh a fuarthas ar feadh thréimhsí a chuid soithí in uiscí an Aontais chuig FMC na Fraince gach 24 uair, trí ríomhphost. Déileálfaidh an Comhchoiste le haon díospóid a d’fhéadfadh teacht chun cinn.

Ní dhéanfaidh cliseadh cumarsáide idir FMC na Séiséal agus FMC na Fraince difear a dhéanamh do ghnáthfheidhmiú ghníomhaíochtaí iascaireachta na soithí. Go háirithe, ní mheasfar soitheach a bheith ina shárú i gcás ina shainaithnítear cliseadh den sórt sin.

Beidh an máistir ar shoitheach de chuid na Séiséal faoi dhliteanas má fhaightear amach go ndearnadh crioscaíl ar Ghléas Rianaithe Soithí (VTD) a shoithigh chun cur isteach ar a oibríocht nó chun a theachtaireachtaí maidir le suíomh a fhalsú. Beidh aon sárú faoi réir na bpionós dá bhforáiltear faoi reachtaíocht ábhartha an Aontais, na Fraince agus na Séiséal.

Athbhreithniú ar mhinicíocht na dteachtaireachtaí maidir le suíomh

Ar bhonn fianaise dhoiciméadach ar shárú, féadfaidh FMC na Fraince a iarraidh ar FMC na Séiséal, agus cuirfidh sé cóip chuig údaráis an Aontais agus na Séiséal, an t-eatramh chun teachtaireachtaí maidir le suíomh a sheoladh ó shoitheach iascaireachta de chuid a Séiséal a laghdú go gach 30 nóiméad ar feadh tréimhse imscrúdaithe shocraithe. Seolfaidh FMC na Fraince an fhianaise dhoiciméadach sin chuig FMC na Séiséal agus chuig údaráis an Aontais agus na Séiséal. Seolfaidh FMC na Séiséal teachtaireachtaí suímh chuig FMC na Fraince láithreach ag an minicíocht nua.

Ag deireadh na tréimhse imscrúdaithe socraithe, cuirfidh FMC na Fraince in iúl do FMC na Séiséal agus d’údaráis an Aontais agus na Séiséal faoi aon ghníomh leantach a bhfuil gá leis.

CAIBIDIL V

BREATHNÓIRÍ

Aithníonn na Páirtithe a thábhachtaí atá sé na hoibleagáidí a bhaineann le rúin ábhartha IOTC a urramú maidir leis an gClár Breathnóirí Eolaíocha agus le dlíthe agus rialacháin ábhartha an Aontais agus na Séiséal, lena n-áirítear scéimeanna breathnóireachta leictreonaí. Mar sin féin, leis na módúlachtaí maidir le cur i bhfeidhm scéimeanna breathnóireachta leictreonaí, cuirfear san áireamh na himpleachtaí praiticiúla a bheidh ann do na cabhlaigh agus an t-am is gá don aistriú.

Soithí agus breathnóirí ainmnithe

Ar iarratas ó údaráis an Aontais, déanfaidh soithí na Séiséal atá údaraithe chun iascaireacht a dhéanamh i limistéar Mayotte, breathnóir amháin a thabhairt ar bord, i gcomhthéacs clár breathnóra náisiúnta nó clár breathnóra réigiúnach faoi na téarmaí a leagtar amach thíos. Breathnóirí breise a thugtar ar bord déanfar sin a mheas faoi réir comhaontú cás ar chás freisin.

Déanfaidh údaráis an Aontais liosta a tharraingt suas de shoithí na Séiséal a ainmneofar chun breathnóir a thabhairt ar bord agus tarraingeoidh siad suas liosta de bhreathnóirí ceaptha, agus saintréithe na soithí agus na teorainneacha spáis a d’fhéadfadh a bheith ann de bharr ceanglais slándála á gcur san áireamh. Tabharfar an liosta cothrom le dáta agus cuirfear ar aghaidh chuig údaráis na Séiséal é a luaithe a bheidh sé tarraingthe suas, agus gach uair a thabharfar cothrom le dáta é.

Cuirfidh údaráis an Aontais ainm an bhreathnóra ainmnithe in iúl don longúinéir nó dá ghníomhaire shoitheach na Séiséal lena mbaineann, tráth nach déanaí ná 15 lá roimh an dáta bordála atá beartaithe ag an mbreathnóir.

Coinníollacha bordála

Socróidh údaráis an Aontais nó an Bhallstáit an t-am a chaitheann breathnóirí ar bord agus, mar riail ghinearálta, ní rachaidh sé thar an am is gá chun a gcuid dualgas a chomhlíonadh. I gcomhthéacs clár breathnóra réigiúnacha, is féidir leis an mbreathnóir fanacht ar bord ar feadh tréimhse a gcuirfear síneadh léi arna comhaontú go frithpháirteach.

Cuirfidh údaráis an Aontais longúinéirí na Séiséal nó na gníomhairí a bhaineann leo ar an eolas faoi sin nuair a bheidh ainm an bhreathnóra ainmnithe á chur in iúl acu.

Na coinníollacha maidir le breathnóirí a thabhairt ar bord, comhaontóidh na longúinéirí agus údaráis an Aontais nó an Bhallstáit iad tar éis fógra a thabhairt do na breathnóirí ainmnithe.

Cuirfidh longúinéirí shoithí na Séiséal lena mbaineann i bhfios, laistigh de dhá sheachtain agus fógra 10 lá á thabhairt acu, an calafort nó an suíomh, agus na dátaí a bheidh sé i gceist breathnóirí a thabhairt ar bord.

I gcás ina mbeidh breathnóirí le cur ar bord i gcalafort eachtrach, is é an longúinéir a íocfaidh a gcostais taistil. I gcás ina bhfágfadh soithí de chuid na Séiséal uiscí an Aontais agus breathnóir atá ainmnithe údaráis an Aontais ar bord, déanfar gach beart chun a áirithiú go dtabharfar an breathnóir ar ais go sábháilte a luaithe is féidir ar chostas an longúinéara, mura bhfuil an breathnóir le dul ar aghaidh le soitheach na Séiséal i gcomhthéacs a dhualgas breathnóra trí Chomhaontú nó clár breathnóra eile.

Mura bhfuil an breathnóir i láthair ag an am agus ag an áit a chomhaontaítear nó mura bhfuil sé i láthair le linn na 6 uair an chloig tar éis an ama a chomhaontaítear, saorfar na longúinéir na Séiséal ar a oibleagáid an breathnóir a thabhairt ar bord.

Tabhóidh longúinéirí na Séiséal an costas a bhaineann le cothú agus cóiríocht a sholáthar do bhreathnóirí de réir na gcoinníollacha céanna atá ag na hoifigigh a bheidh ar bord an tsoithigh.

Is mar oifigigh a dhéileálfar le breathnóirí.

Is iad údaráis inniúla na Fraince a íocfaidh tuarastal agus cánacha infheidhme na mbreathnóirí.

Dualgais an bhreathnóra

Déanfaidh an breathnóir gníomhaíochtaí iascaireachta na soithí a bhreathnú agus a thaifeadadh chun críoch eolaíoch, go háirithe:

—	speiceas, cainníocht, méid agus staid na n-iasc a ghabhtar, lena n-airítear spriocspeicis agus foghabhálacha, agus speiceas, cainníocht, méid agus staid ghabhálacha de thaisme mamach farraige, turtar agus éan mara;

—	an modh trína ngabhtar éisc, na limistéir ina ngabhtar iad agus an doimhneacht ina ngabhtar iad;

—	suíomh soithí na Séiséal atá i mbun oibríochtaí iascaireachta agus an trealamh iascaireachta a úsáidtear;

—	na sonraí gabhála le haghaidh limistéar iascaireachta Mayotte a thaifeadtar sa logleabhar, lena n-áirítear an céatadán foghabhálacha agus meastachán ar ábhar muirí aischurtha;

—	i gcás inarb ábhartha, próiseáil, trasloingsiú, stóráil nó diúscairt aon éisc.

Coinneoidh an breathnóir bealach cumarsáide rialta le húdaráis an Aontais nó an Bhallstáit, agus bainfidh sé úsáid as na modhanna cumarsáide a bheidh ar fáil ar bord shoitheach na Séiséal.

Ina theannta sin, féadfaidh an breathnóir dualgais eile a dhéanamh amhail:

—	sampláil bhitheolaíoch a dhéanamh i gcomhthéacs clár eolaíochta;

—	faireachán a dhéanamh ar thionchar na ngníomhaíochtaí iascaireachta ar an acmhainneacht agus ar an gcomhshaol;

—	faisnéis a bhailiú nuair a thagann siad ar mhamaigh farraige (grianghraif, suíomh an tsoithigh, áireamh ar líon na n-ainmhithe aonair, iompraíocht, etc.).

Déanfaidh na máistrí ar shoithí na Séiséal sábháilteacht agus leas fisiceach na mbreathnóirí a áirithiú agus iad ar bord.

Tabharfar gach saoráid is gá do na breathnóirí chun a gcuid dualgas a chomhlíonadh. Tabharfaidh na máistrí rochtain dóibh ar na modhanna cumarsáide is gá chun a gcuid dualgas a chomhlíonadh, ar dhoiciméid maidir le gníomhaíochtaí iascaireachta an tsoithigh, go háirithe an logleabhar agus an log loingseoireachta, agus ar na codanna sin den soitheach is gá chun comhlíonadh a gcúraimí mar bhreathnóirí a éascú.

Oibleagáidí an bhreathnóra

Agus iad ar bord, déanfaidh an breathnóir:

—	gach beart iomchuí a dhéanamh chun a áirithiú nach gcuirfear isteach ar na hoibríochtaí iascaireachta ná nach gcuirfear bac orthu de dheasca na gcoinníollacha a bhaineann lena ndul ar bord agus lena láithreacht ar bord shoitheach na Séiséal;

—	an cúram is gá a ghlacadh maidir leis an ábhar agus an trealamh a bheidh ar bord;

—	rúndacht na sonraí agus na ndoiciméad uile maidir le soitheach na Séiséal agus a ghníomhaíochtaí agus aon fhaisnéis a bhailítear a áirithiú.

Ag deireadh na bordála agus sula bhfágfaidh siad soitheach na Séiséal, déanfaidh an breathnóir tuarascáil ar ghníomhaíochtaí a tharraingt suas, tuarascáil a tharchuirfear chuig údaráis an Aontais, agus seolfar cóip chuig údaráis inniúla na Séiséal laistigh de 15 lá. Síneoidh an breathnóir an tuarascáil. Tabharfar cóip den tuarascáil don mháistir nuair a fhágfaidh an breathnóir soitheach na Séiséal.

CAIBIDIL VI

BEARTA TEICNIÚLA CAOMHNÚCHÁIN

Sa bhileog theicniúil atá in Aguisín 2 leagtar amach na bearta teicniúla caomhnúcháin is infheidhme maidir le soithí na Séiséal a bhfuil údarú iascaireachta acu do limistéar iascaireachta Mayotte.

Comhlíonfaidh soithí na Séiséal na rúin uile a ghlac IOTC agus na forálacha faoi reachtaíocht ábhartha an Aontais agus na Fraince mura bhforáiltear a mhalairt leis an gComhaontú seo agus i gcomhréir le prionsabail an dlí idirnáisiúnta.

Déanfaidh soithí na Séiséal gach gníomhaíocht iascaireachta údaraithe ar bhealach nach gcuirfidh isteach ar iascaigh ar mionscála nó ar iascaigh áitiúla.

Agus rúin IOTC á gcur i bhfeidhm, comhaontaíonn na Páirtithe go n-oibreoidh siad i gcomhar chun gabhálacha teagmhasacha ar speicis atá faoi chosaint a laghdú, go háirithe na turtair mhuirí agus na mamaigh mhuirí uile, agus ar éin mhara agus ar iasc sceire. Chuige sin, féachfaidh soithí de chuid na Séiséal le bearta teicniúla a chur i bhfeidhm chun feabhas a chur ar roghnaíocht na dtrealamh iascaireachta agus chun laghdú ar ghabhálacha teagmhasacha ar speicis nach speicis spriocspeicis iad.

Chun laghdú ar an líon cásanna ina dtéann siorcanna, turtair mhuirí nó aon speiceas eile nach spriocspeicis iad i bhfostú, bainfidh soithí de chuid na Séiséal úsáid as dearthaí agus as ábhair neamhfhostúcháin chun feistí um chomhbhailiú éisc (FADanna) a chruthú. Ina theannta sin, chun tionchar FADanna ar an éiceachóras agus an méid smionagar muirí sintéiseach a laghdú, bainfidh soithí na Séiséal úsáid as ábhair nádúrtha nó in-bhithmhillte le haghaidh FADanna agus gheobhaidh siad iad in uiscí Mayotte nuair a thiocfaidh dóibh a bheith ina FADanna neamhoibríochtúla.

Chun críoch bainistithe comhshaoil, cuirfidh longúinéirí táille EUR 2,25 in aghaidh an Olltonnáiste le bearta lena rannchuidítear le bithéagsúlacht a chosaint, agus le breathnóireacht agus caomhnú éiceachóras muirí in uiscí Mayotte. Déanfar tuairisciú rialta don Chomhchoiste maidir le húsáid na ranníocaíochta sin.

CAIBIDIL VII

RIALÚ AGUS INIÚCHADH

Déanfar rialuithe agus iniúchtaí i gcomhréir le reachtaíocht ábhartha an Aontais, go háirithe Rialachán (CE) 1224/2009 an 20 Samhain 2009 ón gComhairle lena mbunaítear córas rialaithe chun comhlíonadh rialacha an chomhbheartais iascaigh (1). a áirithiú.

Iniúchadh ar muir agus sa chalafort

Cigirí ón Aontas nó ó údaráis na mBallstát ar féidir a aithint go soiléir go bhfuil siad údaraithe chun iniúchtaí iascaireachta a dhéanamh, is iad na cigirí sin a dhéanfaidh iniúchtaí in uiscí Mayotte nó i gcalafort Mayotte ar shoithí na Séiséal a bhfuil údarú iascaireachta acu.

Oibreoidh máistrí shoithí na Séiséal atá i mbun gníomhaíochtaí iascaireachta in uiscí an Aontais i gcomhar le haon oifigeach atá údaraithe agus atá sainaitheanta go cuí agus a dhéanann iniúchadh agus rialú ar ghníomhaíochtaí iascaireachta.

Chun nósanna imeachta iniúchta sábháilte a éascú, gan dochar d’fhorálacha reachtaíocht an Aontais, ba cheart bordáil a dhéanamh ar bhealach a fhágann gur féidir a aithint go bhfuil an t-ardán iniúchta agus na cigirí údaraithe chun cúraimí den sórt sin a dhéanamh.

Ní fhanfaidh na hoifigigh iniúchta údaraithe ar bord shoitheach na Séiséal ach ar feadh an ama is gá chun cúraimí a bhaineann leis an iniúchadh a dhéanamh. Déanfaidh siad an t-iniúchadh ar bhealach a n-íoslaghdóidh an tionchar ar an soitheach, ar a ghníomhaíocht iascaireachta agus ar a lasta.

Íomhánna (grianghraif nó físeáin) a ghlacfar le linn iniúchtaí, beidh siad beartaithe do na húdaráis atá freagrach as rialú agus faireachas iascaigh. Ní dhéanfar iad a phoibliú mura bhforáiltear a mhalairt leis an reachtaíocht náisiúnta.

Féadfaidh údaráis an Aontais nó na Fraince, arna iarraidh sin ag na Séiséil nó ag comhlacht a bheidh ainmnithe acu, a cheadú do chigirí na Séiséal páirt a ghlacadh san iniúchadh ar ghníomhaíochtaí shoithí na Séiséal mar bhreathnóirí nó iniúchtaí comhpháirteacha a dhéanamh, lena n-áirítear le linn trasloingsithe. Le linn dóibh a ndualgais a chomhlíonadh, cloífidh na cigirí atá fostaithe ag na Páirtithe leis na forálacha maidir le hiniúchtaí a leagtar síos i reachtaíocht an Aontais, na Fraince agus na Séiséal faoi seach.

A luaithe a bheidh an t-iniúchadh críochnaithe agus an tuarascáil iniúchta sínithe ag an gcigire, cuirfear an tuarascáil ar fáil don mháistir lena síniú agus le barúlacha agus tuairimí a chur léi, más ann dóibh. Beidh síniú an mháistir gan dochar do chearta na bPáirtithe i gcomhthéacs nósanna imeachta um shárú líomhnaithe. Má dhiúltaíonn an máistir an doiciméad a shíniú, sonróidh an máistir na cúiseanna atá leis sin i scríbhinn, agus scríobhfaidh an cigire “Diúltaíodh é a shíniú” air. Tabharfaidh an t-oifigeach iniúchta údaraithe cóip den tuarascáil iniúchta do mháistir shoitheach na Séiséal sula bhfágfaidh an t-oifigeach iniúchta údaraithe an soitheach.

Cuirfidh údaráis an Aontais nó na Fraince údaráis na Séiséal ar an eolas faoi iniúchtaí a dhéantar laistigh de 24 uair an chloig tar éis dóibh a bheith curtha i gcrích agus faoi aon sárú a fuarthas, agus seolfaidh siad an tuarascáil iniúchta a luaithe is féidir. Más infheidhme, déanfar cóip den sárú a bheidh mar thoradh air sin a sheoladh chuig údaráis na Séiséal laistigh de 7 lá ar a mhéid tar éis don oifigeach iniúchta údaraithe filleadh ar an gcalafort.

I gcás nach gcomhlíontar na forálacha a leagtar amach sa Chaibidil seo, forchoimeádann údaráis an Aontais an ceart chun údarú iascaireachta an tsoithigh chiontaigh de chuid na Séiséal a chur ar fionraí go dtí go mbeidh na foirmiúlachtaí curtha i gcrích agus chun an pionós a leagtar síos i reachtaíocht an Aontais agus na Fraince a chur i bhfeidhm. Cuirfear é sin in iúl d’údaráis na Séiséal.

Faireachán rannpháirteach sa chomhrac in aghaidh iascaireacht NNN

Chun an comhrac in aghaidh iascaireacht NNN a neartú, gach soitheach a bheidh i limistéar iascaireachta Mayotte atá ag gabháil do ghníomhaíochtaí amhrasta a d’fhéadfadh a bheith ina iascaireacht NNN, déanfaidh na máistrí ar shoithí na Séiséal iad a thuairisciú, agus soláthróidh siad a mhéid faisnéise agus is féidir maidir leis an méid a bhí le feiceáil. Seolfar tuarascálacha amhairc gan mhoill d’údaráis an Aontais.

Seolfaidh údaráis an Aontais nó na Fraince chuig údaráis na Séiséal aon tuarascáil amhairc a bheidh acu ar shoithí na Séiséal a bheith i mbun gníomhaíochtaí a d’fhéadfadh a bheith ina n-iascaireacht NNN in uiscí Mayotte.

CAIBIDIL VIII

FORFHEIDHMIÚ

Smachtbhannaí

Mura gcomhlíontar aon cheann d’fhorálacha na gcaibidlí thuas, bainistiú agus caomhnú na mbeart maidir le hacmhainní bitheolaíocha na mara, nó reachtaíocht an Aontais agus na Fraince, beidh soithí na Séiséal faoi réir na bpionós agus na smachtbhannaí dá bhforáiltear i gcomhréir le reachtaíocht an Aontais agus na Fraince.

Cuirfear údaráis na Séiséal ar an eolas láithreach agus go hiomlán faoi aon smachtbhanna agus faoi gach fíoras ábhartha a bhaineann leis.

I gcás ina bhforchuirtear le smachtbhanna go ndéanfar údarú iascaireachta a chur ar fionraí nó a chúlghairm, le linn na tréimhse bailíochta a bheidh fágtha den údarú iascaireachta arna chur ar fionraí nó arna chúlghairm, féadfaidh na Séiséil údarú iascaireachta eile a iarraidh, a bheadh infheidhme ar shlí eile, le haghaidh soitheach de chuid na Séiséal ó longúinéir eile.

Soithí iascaireachta a ghabháil agus a choinneáil

Cuirfidh údaráis an Aontais údaráis na Séiséal ar an eolas láithreach faoi aon soitheach iascaireachta de chuid na Séiséal atá ag feidhmiú faoin gComhaontú seo a ghabhtar nó a choinnítear agus tarchuirfidh siad cóip den tuarascáil iniúchta, ina sonrófar na himthosca agus na cúiseanna leis an ngabháil nó leis an gcoinneáil laistigh de 48 n-uair an chloig.

Nós imeachta chun faisnéis a mhalartú i gcás gabhála nó coinneála

Agus urraim á tabhairt do sprioc-amanna agus do nósanna imeachta na n-imeachtaí dlíthiúla dá bhforáiltear le reachtaíocht an Aontais nó na Fraince maidir le gabháil nó coinneáil, tionólfar cruinniú comhairliúcháin, tar éis dóibh an fhaisnéis thuas a fháil, idir údaráis an Aontais agus na Séiséal.

Ag an gcruinniú, malartóidh na Páirtithe aon cháipéisíocht nó faisnéis ábhartha le chéile a chabhraíonn le soiléiriú a thabhairt ar imthosca na bhfíoras suite. Cuirfear an longúinéir nó an gníomhaire ar an eolas faoi thoradh an chruinnithe agus faoi aon bheart a eascraíonn as an ngabháil nó as an gcoinneáil.

Gabháil nó coinneáil a réiteach

Déanfar iarracht an sárú toimhdithe a réiteach go cairdiúil. Cuirfear nós imeachta den sórt sin i gcrích tráth nach déanaí ná 3 lá oibre tar éis na gabhála nó na coinneála, i gcomhréir le reachtaíocht an Aontais agus na Fraince.

I gcás socraíocht chairdiúil, cinnfear an tsocraíocht i gcomhréir leis na nósanna imeachta da bhforáiltear i reachtaíocht an Aontais agus na Fraince. Mura féidir socrú cairdiúil den sórt sin a dhéanamh, rachfar ar aghaidh leis an imeacht dlíthiúil.

Scaoilfear saor soitheach na Séiséal agus urscaoilfear a mháistir nuair a chomhlíonfar na hoibleagáidí a eascraíonn as an socrú cairdiúil nó nuair a chuirfear na himeachtaí dlíthiúla i gcrích.

Cuirfear údaráis na Séiséal ar an eolas maidir le haon imeacht a thionscnófar agus maidir le haon phionós a ghearrfar.

---

(1)  Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe de chuid an Aontais d’fhonn comhlíonadh rialacha an chomhbheartais iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008, (CE) Uimh. 1342/2008 agus lena n-aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 (IOAE L 343, 22.12.2009, lch. 1).

Aguisíní

Aguisín 1

Liosta na faisnéise is gá nuair a chuirtear isteach ar údarú iascaireachta

I —   IARRATASÓIR

Ainm an Iarratasóra:

Ainm an úinéara:

Seoladh an úinéara:

Ainm na hEagraíochta Táirgeoirí (PO)

Ainm agus seoladh ghníomhaire an longúinéara:

Uimhir theileafóin ghníomhaire an longúinéara:

Ríomhphost ghníomhaire an longúinéara:

Ainm an Mháistir:

Náisiúntacht an Mháistir:

Ríomhphost an Mháistir:

II —   SONRAÍ AITHEANTAIS AN tSOITHIGH

1.

Ainm an tSoithigh

2.

Stát Brataí: Calafort clárúcháin: IRCS: MMSI: Uimh. IMO: Uimh. IOTC:

3.

Dáta clárúcháin na brataí reatha (LL/MM/BBBB): An Bhratach Roimhe seo (más infheidhme):

4.

An áit ar tógadh an soitheach: Dáta tógála (LL/MM/BBBB):

5.

Minicíocht Glao Raidió (HF, VHF): Uimh. Ghutháin Satailíte an tSoithigh:

III —   MIONSONRAÍ TEICNIÚLA AN tSOITHIGH

1. LOA (méadar): … Olltonnáiste: …
2. Ábhar Cabhlaigh	Cruach ☐	Adhmad ☐	Poileistear ☐	Eile ☐
3. Cineál Innill Cumhacht Innill (in kW): Monaróir an Innill:
4. Uaslíon Ball den Chriú:
5. Modh caomhnúcháin ar bord:	Oighear ☐	Cuisniú ☐	Measctha ☐	Reoite ☐
6. Cumas próiseála in aghaidh an lae (24u) i dTonaí: An Líon Bolg Éisc: Toilleadh iomlán na mBolg Éisc (m3):
7. Cineál Soithigh:	Soitheach Tacaíochta ☐	Peas-saighne☐ (*)
8. Monaróir VMS: Múnla VMS: Sraithuimhir VMS: Leagan Bhogearraí VMS: Oibreoir Shatailít VMS (MCSP):

IV —   GNÍOMHAÍOCHT IASCAIREACHTA

1.

Trealamh iascaireachta údaraithe:

2.

Spriocspeiceas: ______________________________________________________________________________________

3.

Tréimhse údaraithe iascaireachta a iarrtar ó (LL/MM/BBBB): Dáta: Ainm agus Síniú an iarratasóra: (*) Ba cheart an liosta de na soithí iascaireachta a fhaigheann tacaíocht ón soitheach tacaíochta sin a chur i gceangal leis an iarratas sin. Ba cheart ainm agus uimhir IOTC a bheith sa liosta.

Aguisín 2

Bileog theicniúil le haghaidh shoithí na Séiséal atá i mbun gníomhaíochtaí iascaireachta Mayotte

Limistéar iascaireachta:
Níos faide ná 24 mhuirmhíle ón mbonnlíne
Catagóirí údaraithe:
Soithí peas-saighne tuinníní: 8 Soithí tacaíochta: i gcomhréir le ceanglais IOTC
Táillí agus tonnáiste:
Praghas in aghaidh an tona	EUR 135
Réamhtháille bhliantúil	EUR 13 500 , a chomhfhreagraíonn do 100 tona
Táille in aghaidh gach tona breise a ghabhtar	EUR 135
Táille údaraithe na soithí tacaíochta	EUR 5 000 an soitheach in aghaidh na bliana
Ranníocaíocht chun an comhshaol a bhainistiú agus breathnóireacht a dhéanamh ar éiceachórais mhuirí	EUR 2,25 an OT in aghaidh na bliana

Aguisín 3

Cur chun feidhme an Chórais Tuairiscithe Leictreonaigh (ERS)

Forálacha ginearálta

Ní mór do shoithí uile de chuid na Séiséal a bheith feistithe le córas leictreonach, dá ngairtear “córas ERS” anseo feasta, córas lenar féidir sonraí a bhaineann le gníomhaíocht iascaireachta an tsoithigh a thaifeadadh agus a tharchur, dá ngairtear “sonraí ERS” anseo feasta, nuair a bhíonn an soitheach ag oibriú sa limistéar iascaireachta dá dtagraítear i gCaibidil I, pointe 2 den Iarscríbhinn.

Soitheach iascaireachta de chuid na Séiséal nach bhfuil feistithe le córas ERS, nó nach bhfuil an córas ERS atá suiteáilte ar bord ann ag feidhmiú, ní cheadófar dó dul isteach i limistéar iascaireachta an Aontais chun gníomhaíochtaí iascaireachta a dhéanamh.

Déanfar sonraí ERS a tharchur i gcomhréir leis na treoirlínte reatha chuig FMC na Séiséal, rud a áiritheoidh go ndéanfar iad a tharchur go huathoibríoch chuig FMC na Fraince.

Cumarsáid ERS

Ainmneoidh údaráis an Aontais agus na Séiséal comhfhreagraí ERS a fheidhmeoidh mar phointe teagmhála le haghaidh ábhair a bhaineann le cur chun feidhme na bhforálacha sin. Tabharfaidh údaráis an Aontais agus na Séiséal fógra dá chéile faoi shonraí teagmhála a gcomhfhreagraithe ERS agus, i gcás inarb iomchuí, tabharfaidh siad an fhaisnéis sin cothrom le dáta gan mhoill.

Déanfaidh soithí de chuid na Séiséal sonraí ERS a tharchur chuig na Séiséil, rud a fhágfaidh go mbeidh siad ar fáil go huathoibríoch d’údaráis an Aontais.

Is i bhformáid NA/CEFACT a bheidh na sonraí agus tarchuirfear iad trí Fisheries Language for Universal eXchange (FLUX).

Mar sin féin, féadfaidh na Páirtithe teacht ar chomhaontú maidir le hidirthréimhse, ar lena linn a tharchuirfear na sonraí tríd an Mórbhealach Malartaithe Sonraí (DEH) i bhformáid EU-ERS (v 3.1).

Déanfaidh FMC na Séiséal teachtaireachtaí meandracha a tharchur ó shoitheach de chuid na Séiséal (CE, COX, PNO) go huathoibríocht agus gan mhoill chuig FMC na Fraince.

Déanfar cineálacha eile teachtaireachtaí a tharchur go huathoibríoch uair amháin sa lá ón dáta éifeachta a thosaítear ag úsáid fhormáid NA/CEFACT nó, go dtí go ndéanfar sin, cuirfear ar fáil iad, arna iarraidh sin, gan mhoill do FMC na Fraince agus do FMC na Séiséal freisin.

Amhail ó chur chun feidhme éifeachtach na formáide nua, ní bhainfidh an modh seachadta sin ach le hiarrataí sonracha ar shonraí stairiúla.

Deimhneoidh FMC na Fraince go bhfuair sé sonraí meandracha ERS a cuireadh chuige, trí theachtaireacht a sheoladh ar ais lena n-admhaítear go bhfuarthas iad agus lena ndeimhnítear bailíocht na teachtaireachta a fuarthas. Ní sholáthrófar admháil le haghaidh sonraí a gheobhaidh an tAontas mar fhreagra ar a n-iarraidh. Láimhseálfaidh an tAontas sonraí ERS go rúnda.

Cliseadh sa chóras tarchurtha leictreonaigh

Cuirfidh FMCanna na Séiséal agus na Fraince a chéile ar an eolas gan mhoill faoi aon teagmhas ar dóigh dó difear a dhéanamh do tharchur shonraí ERS ar shoitheach amháin de chuid na Séiséal nó níos mó agus cuirfear údaráis an Aontais ar an eolas dá réir sin.

Más rud é nach bhfaigheann FMC na Fraince na sonraí atá le tarchur ag soitheach de chuid na Séiséal fad atá sé in uiscí Mayotte, cuirfidh sé é sin in iúl do FMC na Séiséal gan mhoill. Déanfaidh FMC na Séiséal imscrúdú go pras ar na cúiseanna nach bhfuarthas sonraí ERS agus cuirfidh sé FMC na Fraince ar an eolas faoi thoradh na n-imscrúduithe sin.

I gcás ina tharlaíonn cliseadh sa tarchur idir soitheach de chuid na Séiséal agus FMC na Séiséal, cuirfidh FMC na Séiséal é sin in iúl gan mhoill do mháistir nó d’oibreoir shoitheach de chuid na Séiséal. Tar éis an fógra sin a fháil, déanfaidh an máistir ar shoitheach de chuid na Séiséal na sonraí atá ar iarraidh a tharchur chuig údaráis na Séiséal trí aon mhodh teileachumarsáide iomchuí gach lá, tráth nach déanaí ná 23:59.

I gcás ina gclisfidh ar an gcóras tarchurtha leictreonaigh atá suiteáilte ar bord shoitheach iascaireachta na Séiséal áiritheoidh máistir nó oibreoir an tsoithigh go ndéanfar an ERS a dheisiú nó a athsholáthar laistigh de 10 lá tar éis an cliseadh a bhrath. Nuair a bheidh an sprioc-am sin caite, ní bheidh soitheach na Séiséal údaraithe a thuilleadh chun iascaireacht a dhéanamh i limistéar iascaireachta Mayotte agus fágfaidh sé calafort Mayotte nó rachaidh sé isteach chuig an gcalafort laistigh de 24 uair an chloig. Ní cheadófar do shoitheach na Séiséal an calafort sin a fhágáil ná filleadh ar limistéar iascaireachta Mayotte go dtí go mbeidh sé deimhnithe ag FMC na Séiséal go bhfuil an córas ERS ag feidhmiú i gceart arís.

(a)	Má theipeann ar údaráis na Fraince sonraí ERS a fháil mar gheall ar chliseadh na gcóras leictreonach faoi mhaoirseacht údaráis na Fraince nó na Séiséal, déanfaidh an Páirtí i gceist beart pras chun an fhadhb a réiteach go mear. Tabharfar fógra don Pháirtí eile nuair a bheidh an fhadhb réitithe.

(b)

Gach 24 uair an chloig, seolfaidh FMC na Séiséal sonraí uile ERS a fuair sé ón tarchur deireanach chuig FMC na Fraince, agus úsáid á baint as aon mhodh cumarsáide leictreonach atá ar fáil. Féadfar an nós imeachta céanna a chur i bhfeidhm arna iarraidh sin ag FMC na Fraince i gcás oibríochtaí cothabhála a mhairfidh níos mó ná 24 uair an chloig agus a dhéanfaidh difear do na córais faoi mhaoirseacht údaráis na Séiséal. I gcás den sórt sin ní mheasfar gur sháraigh soithí na Séiséal a n-oibleagáid a gcuid sonraí ERS a tharchur. Áiritheoidh FMC na Séiséal go ndéanfar na sonraí atá ar iarraidh a iontráil sa bhunachar sonraí leictreonach a choimeádann sé, dá dtagraítear i gCaibidil IV, Roinn 2(6).

Modhanna cumarsáide eile

Úsáidfear seoltaí ríomhphoist FMC na Fraince (cnsp-france@developpement-durable.gouv.fr agus appd.dpma@agriculture.gouv.fr) i gcás cliste i gcumarsáid ERS/VMS agus le haghaidh na nithe seo a leanas:

—	fógraí maidir le dul isteach/imeacht agus gabhálacha ar bord ag dul isteach agus ag imeacht dóibh;

—	fógraí maidir le trasloingsiú agus maidir le gabhálacha a thrasloingsítear agus a choinnítear ar bord;

—	ionadaíocht a dhéanamh go sealadach ar chumarsáid ERS agus VMS i gcás cliseadh.

Aguisín 4

Tuarascálacha maidir le Formáid Chumarsáide

Tuarascáil ar Dhul Isteach (COE) (1)

Ábhar	Tarchur
Ceann scríbe	FRA
Cód gnímh	COE
Ainm an tSoithigh
IRCS
Suíomh an dul isteach	LT/LG
Dáta agus Am (AUL) an dul isteach	LL/MM/BBBB – UU:NN
Cainníocht (Tonnaí méadracha (Mt)) na n-iasc ar bord in aghaidh an speicis:
Tuinnín buí (YFT)	(Mt)
Tuinnín Mórshúileach (BET)	(Mt)
Boiníotó Aigéanach (SKJ)	(Mt)
Eile (Sonraigh)	(Mt)

Tuarascáil ar Fhágáil (COX) (2)

Ábhar	Tarchur
Ceann scríbe	FRA
Cód gnímh	COX
Ainm an tSoithigh
IRCS
Staid imeachta	LT/LG
Dáta agus Am (AUL) na fágála	LL/MM/BBBB – UU:NN
Cainníocht (Mt) na n-iasc ar bord in aghaidh an speicis:
Tuinnín buí (YFT)	(Mt)
Tuinnín Mórshúileach (BET)	(Mt)
Boiníotó Aigéanach (SKJ)	(Mt)
Eile (Sonraigh)	(Mt)

Fógra Roimh Ré (PNO) (3)

Ábhar	Tarchur
Ceann scríbe	FRA
Cód gnímh	PNO
Ainm an tSoithigh
IRCS
Cód an chalafoirt
Dáta agus Am (AUL) an ama bheartaithe	LL/MM/BBBB – UU:NN
Cainníocht (Mt) na n-iasc ar bord in aghaidh an speicis:
Tuinnín buí (YFT)	(Mt)
Tuinnín Mórshúileach (BET)	(Mt)
Boiníotó Aigéanach (SKJ)	(Mt)
Eile (Sonraigh)	(Mt)

Tuarascáil Laethúil ar Ghníomhaíochtaí Iascaireachta (FAR) nuair atáthar laistigh de Limistéar Iascaireachta an Aontais (4)

Ábhar	Tarchur
Ceann scríbe	FRA
Cód gnímh	FAR
Ainm an tSoithigh
IRCS
Dáta agus Am (AUL) na tuarascála	LL/MM/BBBB – UU:NN
Cainníocht (Mt) na n-iasc ar bord in aghaidh an speicis:
Tuinnín buí (YFT)	(Mt)
Tuinnín Mórshúileach (BET)	(Mt)
Boiníotó Aigéanach (SKJ)	(Mt)
Eile (Sonraigh)	(Mt)
An líon tacar a rinneadh ón tuarascáil dheireanach

Ba cheart na tuarascálacha uile a tharchur chuig an údarás inniúil trí na seoltaí ríomhphoist seo a leanas: cnsp-france@developpement-durable.gouv.fr

appd.dpma@agriculture.gouv.fr

---

(1)  Arna seoladh 6 uair an chloig roimh dul isteach i Limistéar Iascaireachta an Aontais.

(2)  Arna seoladh 6 uair an chloig roimh Limistéar Iascaireachta an Aontais a fhágáil.

(3)  Arna seoladh sula sroichtear an calafort.

(4)  Arna seoladh gach 3 lá tar éis dul isteach i Limistéar Iascaireachta an Aontais.

Aguisín 5

Córas um Fhaireachán Soithí (VMS)

Teachtaireachtaí maidir le suíomh an tsoithigh

Is leis an gcód “ENT” a shainaithneofar céadsuíomh shoitheach de chuid na Séiséal a thaifeadtar tar éis dó dul isteach i limistéar iascaireachta Mayotte. Sainaithneofar gach suíomh ina dhiaidh sin leis an gcód “POS”, cé is moite den chéadsuíomh a thaifeadtar tar éis limistéar iascaireachta Mayotte a fhágáil, suíomh a shainaithneofar leis an gcód “EXI”.

Áiritheoidh FMC na Séiséal go ndéanfar na teachtaireachtaí maidir le suíomh shoithí de chuid na Séiséal a phróiseáil go huathoibríoch agus, más gá, go ndéanfar iad a tharchur go leictreonach. Is ar bhealach slán a thaifeadfar na teachtaireachtaí maidir le suíomh shoithí de chuid na Séiséal agus coimeádfaidh FMC na Séiséal iad ar feadh tréimhse 3 bliana.

Tarchur a dhéanann soitheach de chuidna Séiséal i gcás cliseadh sa Ghléas Rianaithe Soithí (VTD)

Déanfaidh an máistir ar shoitheach de chuid na Séiséal a áirithiú i gcónaí go bhfuil VTD a shoithigh ag oibriú go hiomlán agus go ndéanfar na teachtaireachtaí maidir le suíomh a tharchur i gceart chuig FMC na Séiséal.

I gcás cliseadh, déanfar VTD shoitheach de chuid na Séiséal a dheisiú nó a athsholáthar laistigh de 30 lá. Mura ndéanfar VTD a dheisiú nó a athsholáthar laistigh de 30 lá, ní bheidh soitheach de chuid na Séiséal údaraithe a thuilleadh chun iascaireacht a dhéanamh i limistéar iascaireachta Mayotte.

Soithí de chuid na Séiséal atá i mbun iascaireachta i limistéar iascaireachta Mayotte agus a bhfuil VTD lochtach acu, déanfaidh siad a dteachtaireachtaí maidir le suíomh a sheoladh trí mhodhanna leictreonacha chuig FMC na Séiséal ar a laghad gach 4 uair an chloig, agus soláthróidh siad an fhaisnéis éigeantach uile, lena n-áirítear suíomhanna in aghaidh na huaire.

Teachtaireachtaí VMS a sheoladh chuig údaráis an Aontais

Is leis an gcód “ER” arna leanúint le slais dhúbailte (//) a léirítear deireadh na teachtaireachta.

Sonraí	Cód	Éigeantach/roghnach	Ábhar
Tús an taifeadta	SR	É	Sonraí córais lena n-áirítear tús an taifeadta
Seolaí	AD	É	Mionsonraí teachtaireachta - Cód tíre alfa-3 an tseolaí (ISO-3166)
Bailí ón	FR	É	Mionsonraí teachtaireachta - Cód tíre alfa-3 an tseoltóra (ISO-3166)
Stát Brataí	FS	É	Mionsonraí teachtaireachta - Cód alfa-3 an Bhallstáit brataí (ISO-3166)
Cineál teachtaireachta	TM	É	Sonraí Teachtaireachta - Cineál teachtaireachta (ENT, POS, EXI, MAN)
Glao-chomhartha raidió (IRCS)	RC	É	Mionsonraí an tsoithigh - glao-chomhartha idirnáisiúnta raidió an tsoithigh (IRCS)
Uimhir thagartha inmheánach an pháirtí chonarthaigh	IR	É	Sonraí an tsoithigh - Uimhir uathúil an pháirtí chonarthaigh Cód Alfa-3 (ISO-3166) agus uimhir ina dhiaidh sin
Cláruimhir sheachtrach uimhir	XR	É	Mionsonraí an tsoithigh - Uimhir ar thaobh an tsoithigh (ISO 8859.1)
Domhanleithead	LT	É	Sonraí maidir le suíomh an tsoithigh - Suíomh i gcéimeanna agus i gcéimeanna deachúlacha N/S DD.ddd (WGS84)
Domhanfhad	LG	É	Sonraí maidir le suíomh an tsoithigh - Suíomh i gcéimeanna agus i gcéimeanna deachúlacha E/W DD.ddd (WGS84)
Cúrsa	CO	É	Scála 360 ° chúrsa an tsoithigh
Luas	SP	É	Luas an tsoithigh i ndeichithe de mhuirmhílte
Dáta	DA	É	Sonraí maidir le suíomh an tsoithigh - Dáta taifeadta shuíomh AUL (BBBBMMLL)
An t-am	TI	É	Sonraí maidir le suíomh an tsoithigh - Am taifeadta shuíomh AUL (UUMM)
Deireadh an taifeadta	ER	É	Mionsonraí córais lena léirítear deireadh an taifeadta

I bhformáid NAF, déanfar gach tarchur sonraí a struchtúrú mar seo a leanas:

Leis na carachtair a úsáidtear, comhlíonfar ISO 8859.1. Is le slais dhúbailte (//) agus leis na carachtair “SR” a léirítear tús na teachtaireachta.

Déanfar gach eilimint sonraí a shainaithint lena cód agus deighlfear ó na heilimintí sonraí eile í le slais dhúbailte (//).

Déanfar an cód allamuigh agus na sonraí a dheighilt le slais shingil (/).

Airteagal 1

Leasaítear Rialachán (AE) Uimh. 452/2014 mar a leanas:

(1)

Cuirtear an méid seo a leanas in ionad Airteagail 1, 2 agus 3: “Airteagal 1 Ábhar agus raon feidhme Leagtar síos leis an Rialachán seo rialacha mionsonraithe maidir le hoibreoirí aerárthaí tríú tír dá dtagraítear in Airteagal 2(1), pointe (c), de Rialachán (AE) 2018/1139 ó Pharlaimint na hEorpa agus ón gComhairle (*1) atá ag gabháil d’oibríochtaí aeriompair tráchtála isteach sa chríoch, laistigh di nó amach aisti, faoi réir fhorálacha na gConarthaí, lena n-áirítear coinníollacha faoina ndéanfar a n-údaruithe a eisiúint, a choinneáil ar bun, a leasú, a theorannú, a chur ar fionraí nó a chúlghairm, mar aon le coinníollacha faoina dtoirmiscfear nó faoina dteorannófar oibríochtaí nó faoina mbeidh siad faoi réir coinníollacha áirithe ar mhaithe leis an tsábháilteacht. Airteagal 2 Sainmhínithe Chun críocha an Rialacháin seo, tá feidhm ag na sainmhínithe seo a leanas: (1) ciallaíonn ‘eitilt’ imeacht ó aeradróm sonraithe i dtreo aeradróim cinn scríbe shonraithe; (2) ciallaíonn ‘oibreoir tríú tír’ aon oibreoir nach ndéanann Ballstát nó an Ghníomhaireacht feidhmeanna agus dualgais Stát an oibreora ina leith. Airteagal 3 Údaruithe Ní ghabhfaidh oibreoirí tríú tír d’oibríochtaí aeriompair tráchtála isteach sa chríoch, laistigh di nó amach aisti faoi réir fhorálacha na gConarthaí ach amháin má chomhlíonann siad ceanglais Iarscríbhinn 1 agus má tá údarú acu a d’eisigh an Ghníomhaireacht i gcomhréir le hIarscríbhinn 2 a ghabhann leis an Rialachán seo.” (*1)  Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa, agus lena leasaítear Rialacháin (CE) Uimh. 2111/2005, (CE) Uimh. 1008/2008, (AE) Uimh. 996/2010, (AE) Uimh. 376/2014 agus Treoracha 2014/30/AE agus 2014/53/AE ó Pharlaimint na hEorpa agus ón gComhairle agus lena n-aisghairtear Rialacháin (CE) Uimh. 552/2004 agus (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 ón gComhairle (IO L 212, 22.8.2018, lch. 1)." ;

(2)	Leasaítear Iarscríbhinní 1 agus 2 a ghabhann le Rialachán (AE) 452/2014 mar a leagtar amach san Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

IARSCRÍBHINN

(1)

Leasaítear Iarscríbhinn 1 mar a leanas: (a) leasaítear Roinn I mar a leanas: (i) cuirtear an méid seo a leanas in ionad phointe TCO.100: “Raon feidhme TCO.100 Bunaítear leis an Iarscríbhinn seo (“Cuid-TCO”) ceanglais atá le leanúint ag oibreoir tríú tír atá ag gabháil d’oibríochtaí aeriompair tráchtála isteach sa chríoch, laistigh di nó amach aisti faoi réir fhorálacha na gConarthaí”; (ii) scriostar pointí TCO.105 agus TCO.110. (b) Leasaítear Roinn II mar a leanas: (i) i bpointe TCO.200, cuirtear an méid seo a leanas in ionad phointí (a), (b) agus (c): “(a) Comhlíonfaidh an t-oibreoir tríú tír an méid seo a leanas: (1) na caighdeáin is infheidhme atá sna hIarscríbhinní a ghabhann leis an gCoinbhinsiún um Eitlíocht Shibhialta, go háirithe Iarscríbhinn 1 (Ceadúnú pearsanra), Iarscríbhinn 2 (Rialacha an Aeir), Iarscríbhinn 6 (Oibríocht Aerárthaí), de réir mar is infheidhme, Iarscríbhinn 8 (Aeracmhainneacht Aerárthaí), Iarscríbhinn 18 (Earraí Contúirteacha), agus Iarscríbhinn 19 (Bainistiú Sábháilteachta); (2) na treoracha sábháilteachta is infheidhme arna n-eisiúint ag an nGníomhaireacht i gcomhréir le hAirteagal 76(6) de Rialachán (AE) 2018/1139; (3) ceanglais iomchuí Chuid-TCO; agus (4) ceanglais infheidhme Rialachán (AE) Uimh. 923/2012 (*1). (b) Áiritheoidh an t-oibreoir tríú tír go ndéanfar aerárthach a oibrítear isteach sa chríoch, laistigh den chríoch nó amach aisti faoi réir fhorálacha na gConarthaí a oibriú i gcomhréir leis an méid seo a leanas: (1) a dheimhniú aeroibreora (AOC) agus sonraíochtaí oibríochtaí gaolmhara i gcomhréir le hIarscríbhinn 6 ICAO; agus (2) an t-údarú TCO a eisítear i gcomhréir leis an Rialachán seo agus an raon feidhme agus na pribhléidí atá ann. (c) Áiritheoidh an t-oibreoir tríú tír go mbeidh ag aerárthach a oibrítear isteach sa chríoch, laistigh den chríoch nó amach aisti faoi réir fhorálacha na gConarthaí deimhniú aeracmhainneachta arna eisiúint nó arna bhailíochtú i gcomhréir le hIarscríbhinn 8 ICAO: (1) ag an Stát cláraithe; nó (2) ag Stát an oibreora tríú tír, ar choinníoll go bhfuil comhaontú déanta ag Stát an oibreora tríú tír agus an Stát cláraithe faoi Airteagal 83bis den Choinbhinsiún um Eitlíocht Shibhialta Idirnáisiúnta lena n-aistrítear an fhreagracht as an deimhniú aeracmhainneachta a eisiúint. (*1)  Rialachán Cur Chun Feidhme (AE) Uimh. 923/2012 ón gCoimisiún an 26 Meán Fómhair 2012 lena leagtar síos rialacha comhchoiteanna an aeir agus forálacha oibríochtúla maidir le seirbhísí agus nósanna imeachta san aerloingseoireacht agus lena leasaítear Rialachán Cur Chun Feidhme (AE) Uimh. 1035/2011 agus Rialacháin (CE) Uimh. 1265/2007, (CE) Uimh. 1794/2006, (CE) Uimh. 730/2006, (CE) Uimh. 1033/2006 agus (AE) Uimh. 255/2010 (IO L 281, 13.10.2012, lch. 1)”;" (ii) i bpointe TCO.200, cuirtear an méid seo a leanas in ionad phointe (e): “(e) Gan dochar do Rialachán (AE) Uimh. 996/2010 ó Pharlaimint na hEorpa agus ón gComhairle (*2), déanfaidh an t-oibreoir tríú tír, gan aon mhoill mhíchuí, aon tionóisc a shainmhínítear in Iarscríbhinn 13 ICAO a bhaineann le haerárthaí a úsáidtear faoina AOC a thuairisciú don Ghníomhaireacht, lena n-áirítear na haerárthaí sin nach bhfuil sé beartaithe iad a eitilt isteach sa chríoch, laistigh den chríoch nó amach aisti faoi réir fhorálacha na gConarthaí. (*2)  Rialachán (AE) Uimh. 996/2010 ó Pharlaimint na hEorpa agus ón gComhairle an 20 Deireadh Fómhair 2010 maidir le tionóiscí agus teagmhais eitlíochta sibhialta a imscrúdú agus a chosc agus lena n-aisghairtear Treoir 94/56/CE (IO L 295, 12.11.2010, lch. 35).”;" (iii) cuirtear an méid seo a leanas in ionad phointe TCO.205: “TCO.205 Trealamh loingseoireachta, cumarsáide agus faireachais Agus oibríochtaí á ndéanamh laistigh den aerspás os cionn na críche a bhfuil feidhm ag na Conarthaí maidir léi, déanfaidh oibreoir an tríú tír a chuid aerárthaí a fheistiú leis an trealamh loingseoireachta, cumarsáide agus faireachais a cheanglaítear san aerspás sin agus é a oibriú de réir mar a cheanglaítear san aerspás ann.”; (iv) cuirtear an méid seo a leanas in ionad phointe TCO.215: “TCO.215 Doiciméid, lámhleabhair agus taifid a tháirgeadh Arna iarraidh sin ag duine a údaraítear ag an nGníomhaireacht nó ag údarás inniúil an Bhallstáit inar thuirling an t-aerárthach atá á oibriú ag oibreoir tríú tír, déanfaidh an píolóta i gceannas an aerárthaigh sin aon doiciméadacht, lámhleabhar nó taifead is gá a iompar ar bord, a chur i láthair gan moill mhíchuí,”; (c) Leasaítear Roinn III mar a leanas: (i) cuirtear an méid seo a leanas in ionad phointe TCO.305: “TCO.305 Eitiltí aonuaire chun fógra a thabhairt (a) De mhaolú ar phointe TCO.300(a), féadfaidh an t-oibreoir tríú tír na heitiltí seo a leanas a dhéanamh isteach sa chríoch, laistigh di nó amach aisti faoi réir fhorálacha na gConarthaí gan údarú a fháil ar dtús: (1) eitiltí a dhéantar ar mhaithe le leas an phobail, chun aghaidh a thabhairt ar riachtanas práinneach, amhail misin dhaonnúla agus oibríochtaí fóirithinte tubaiste; (2) eitiltí aerárthaigh othar a dhéantar chun othair atá breoite nó gortaithe a bhogadh idir áiseanna cúraim sláinte nó chun cúram leighis othar a sholáthar. (b) Ní bheidh feidhm ag forálacha phointe (a) ach amháin más rud é maidir leis an oibreoir tríú tír: (1) gur thug sé fógra don Ghníomhaireacht roimh dháta beartaithe na chéad eitilte i bhfoirm agus ar mhodh atá bunaithe ag an nGníomhaireacht; (2) nach bhfuil sé faoi réir toirmeasc ar a oibriú de bhun Rialachán (CE) Uimh. 2111/2005; (3) nach bhfuil sé faoi réir fionraí nó cúlghairme de bhun phointe ART.235 d’Iarscríbhinn 2; (4) nach raibh sé faoi réir diúltú iarratais ar údarú TCO de bhun phointe ART.200(e)(1) d’Iarscríbhinn 2; agus (5) go gcuireann sé iarratas ar údarú de bhun phointe TCO.300 laistigh de 14 lá tar éis dháta an fhógra don Ghníomhaireacht de bhun phointe (b)(1) thuas. (c) Féadfar an eitilt nó na heitiltí a shonraítear san fhógra a fhorordaítear i bpointe (a) a dhéanamh ar feadh na tréimhse arna hiarraidh ag an oibreoir tríú tír, ach tráth nach faide ná 12 sheachtain as a chéile ar a mhéad tar éis dháta an fhógra nó go dtí go mbeidh cinneadh déanta ag an nGníomhaireacht maidir leis an iarratas i gcomhréir le pointe ART.200 de Chuid-ART, cibé acu is túisce. (d) Ní fhéadfaidh oibreoir tríú tír fógra a chomhdú ach uair amháin gach 24 mhí.”; (ii) cuirtear an méid seo a leanas in ionad phointe TCO.310: “TCO.310 Pribhléidí sealbhóra údaraithe Liostófar pribhléidí an oibreora tríú tír san údarú agus ní sháróidh siad na pribhléidí a bhronnann Stát an oibreora tríú tír.”; (iii) cuirtear an méid seo a leanas in ionad phointe TCO.315: “TCO.315 Athruithe (a) Maidir le haon athrú, seachas na hathruithe sin a chomhaontaítear faoi phointe ART.210(c) d’Iarscríbhinn 2, a dhéanann difear do théarmaí údaraithe, éileofar formheas roimh ré ón nGníomhaireacht. (b) Déanfaidh an t-oibreoir tríú tír an t-iarratas ar réamhfhormheas ón nGníomhaireacht a chur isteach 30 lá ar a laghad roimh dháta chur chun feidhme an athraithe atá beartaithe. Cuirfidh an t-oibreoir tríú tír an fhaisnéis dá dtagraítear i bpointe TCO.300 ar fáil don Ghníomhaireacht, agus í teoranta do mhéid an athraithe. Tar éis iarratas ar athrú a chur isteach, oibreoidh an t-oibreoir tríú tír faoi na coinníollacha a fhorordóidh an Ghníomhaireacht de bhun phointe ART.225(b) d’Iarscríbhinn 2. (c) Tabharfar fógra don Ghníomhaireacht faoi gach athrú nach mbeidh formheas roimh ré ag teastáil ina leith, mar a chomhaontaítear i gcomhréir le pointe ART.210(c) d’Iarscríbhinn 2, sula dtarlóidh an t-athrú.”; (iv) i bpointe TCO.320, cuirtear an méid seo a leanas in ionad phointe (a)(6): “(6) an t-oibreoir tríú tír a bheith in ann bunús a thabhairt, arna iarraidh sin don Ghníomhaireacht, lena rún leanúint d’oibríochtaí a dhéanamh faoina údarú TCO;”; (v) i bpointe TCO.320, cuirtear isteach pointe (a)(7): “(7) an t-oibreoir tríú tír a oibríonn aerárthach amháin ar a laghad faoina údarú TCO.”; (vi) i bpointe TCO.320, cuirtear an méid seo a leanas in ionad phointe (b): “(b) Má bhíonn an t-údarú neamhbhailí, gheobhaidh an t-oibreoir tríú tír údarú nua ón nGníomhaireacht sula gcuirfear tús an athuair le hoibríochtaí isteach sa chríoch, laistigh di nó amach aisti, faoi réir fhorálacha na gConarthaí. Déanfaidh an t-oibreoir tríú tír iarratas ar an údarú nua i bhfoirm agus ar bhealach arna bhunú ag an nGníomhaireacht agus soláthróidh sé aon doiciméad is gá lena chinneadh nach ann a thuilleadh do na cúiseanna go mbeadh an t-údarú neamhbhailí, agus go gcomhlíonann an t-oibreoir tríú tír na ceanglais chun an t-údarú a fháil faoi Chuid-TCO.”;

(2)

Leasaítear Iarscríbhinn 2 mar a leanas: (a) Leasaítear Roinn I mar a leanas: (1) scriostar pointe ART.105; (a) i bpointe ART.110, cuirtear an méid seo a leanas in ionad phointe (b): “(b) Cuirfidh an Ghníomhaireacht na Ballstáit ar an eolas faoi na fógraí a fuair sí i gcomhréir le pointe TCO.305 d’Iarscríbhinn 1 gan aon mhoill mhíchuí.”; (b) i bpointe ART.115, cuirtear an méid seo a leanas in ionad phointí (a)(5), (a)(6) agus (a)(7): “(5) bearta forfheidhmiúcháin arna ndéanamh, lena n-áirítear fíneálacha arna n-iarraidh ag an nGníomhaireacht i gcomhréir le Rialachán (AE) 2018/1139; (6) cur chun feidhme gníomhaíochtaí ceartaitheacha arna sainordú ag an nGníomhaireacht i gcomhréir le hAirteagal 76(6) de Rialachán (AE) 2018/1139; agus (7) úsáid forálacha solúbthachta i gcomhréir le hAirteagal 71 de Rialachán (AE) 2018/1139.”; (b) Leasaítear Roinn II mar a leanas: (i) i bpointe ART.200, cuirtear an méid seo a leanas in ionad phointe (b): “(b) Cuirfidh an Ghníomhaireacht an measúnú tosaigh i gcrích laistigh de 30 lá tar éis di na doiciméid uile is gá a fháil de bhun phointe TCO.300 (c) agus (d) d’Iarscríbhinn 1. Nuair is gá measúnú breise nó iniúchadh breise a dhéanamh ar an measúnú tosaigh, cuirfear síneadh leis an tréimhse mheasúnaithe ar feadh ré an mheasúnaithe bhreise nó an iniúchta, de réir mar is iomchuí.”; (ii) i bpointe ART.200, cuirtear an méid seo a leanas in ionad phointe (d): “(d) I gcás nach gcuirfidh an t-oibreoir tríú tír an fhaisnéis is gá ar fáil le haghaidh an mheasúnaithe i gcomhréir le pointe TCO.300 (c) agus (d) d’Iarscríbhinn 1 laistigh den amlíne arna bunú ag an nGníomhaireacht, féadfaidh an Ghníomhaireacht cinneadh a dhéanamh an measúnú ar an iarratas a chur ar fionraí go dtí go gcuirfear an fhaisnéis ar fáil. Sa chás sin, cuirfidh an Ghníomhaireacht an t-oibreoir tríú tír ar an eolas faoina cinneadh.”; (iii) i bpointe ART.200, cuirtear an méid seo a leanas in ionad phointe (e)(1): “(1) an t-iarratas a dhiúltú nuair a léiríonn toradh an mheasúnaithe nach n-eiseofar údarú mar thoradh ar mheasúnú breise; nó”; (iv) i bpointe ART.200, cuirtear isteach pointe (f): “(f) I gcás inar diúltaíodh d’iarratas ó oibreoir tríú tír nó inar cúlghaireadh údarú roimhe sin, féadfaidh an Ghníomhaireacht a chinneadh fanacht 9 mí ó dháta na cúlghairme nó an diúltaithe sula gcuirfear tús leis an iarratas nua a phróiseáil.”; (v) i bpointe ART.205, cuirtear an méid seo a leanas in ionad phointe (a): “(a) Ar iarratas a fháil ar údarú ón oibreoir tríú tír atá faoi réir toirmeasc ar oibriú nó srian oibríochtúil de bhun Rialachán (CE) Uimh. 2111/2005, cuirfidh an Ghníomhaireacht raon feidhme an toirmisc san áireamh chun an nós imeachta measúnaithe ábhartha a shainiú, mar a thuairiscítear i bpointe ART.200. I gcás ina mbeidh an t-oibreoir tríú tír faoi réir toirmeasc oibríochta lena gcumhdófar raon feidhme iomlán a oibríochtaí, beidh iniúchadh ar an oibreoir tríú tír san áireamh sa mheasúnú.”; (vi) i bpointe ART.205, cuirtear an méid seo a leanas in ionad phointe (c): “(c) Ní dhéanfaidh an Ghníomhaireacht iniúchadh ach amháin sna cásanna seo a leanas: (1) comhaontaíonn an t-oibreoir tríú tír go ndéanfar iniúchadh air; (2) léiríonn toradh an nós imeachta meastóireachta tosaigh dá dtagraítear i bpointe ART.200 go bhféadfadh toradh dearfach a bheith ar an iniúchadh; agus (3) is féidir an t-iniúchadh a dhéanamh i saoráidí an oibreora tríú tír gan an riosca go gcuirfí sábháilteacht agus slándáil phearsanra na Gníomhaireachta i mbaol.”; (vii) i bpointe (a) de phointe ART.210, cuirtear an méid seo a leanas in ionad na foclaíochta réamhráití: “(a) Eiseoidh an Ghníomhaireacht an t-údarú, sna cásanna seo a leanas:”; (viii) i bpointe ART.210, cuirtear an méid seo a leanas in ionad phointe (a)(4): “(4) níl aon fhianaise ann go bhfuil easnaimh mhóra ann maidir le cumas Stát an oibreora tríú tír nó an Stáit cláraithe, de réir mar is infheidhme, an t-oibreoir tríú tír agus/nó an t-aerárthach tríú tír a dheimhniú agus maoirseacht a dhéanamh orthu i gcomhréir leis na caighdeáin ICAO is infheidhme;”; (ix) i bpointe ART.210, cuirtear an méid seo a leanas in ionad phointe (a)(5): “(5) nach bhfuil an t-iarratasóir faoi réir toirmeasc ar a oibriú de bhun Rialachán (CE) Uimh. 2111/2005; agus”; (x) i bpointe ART.210, cuirtear isteach pointe (a)(6): “(6) aon toradh neamhchomhlíontachta a tugadh ar aird le linn an mheasúnaithe, tá sé dúnta.”; (xi) i bpointe ART.210, cuirtear an méid seo a leanas in ionad phointí (b) agus (c): “(b) Eiseofar an t-údarú ar feadh tréimhse neamhtheoranta. Sonróidh an Ghníomhaireacht pribhléidí agus raon feidhme na ngníomhaíochtaí a bhfuil an t-oibreoir tríú tír údaraithe a dhéanamh. (c) Comhaontóidh an Ghníomhaireacht leis an oibreoir tríú tír raon feidhme na n-athruithe ar na hoibleagáidí oibreora tríú tír nach n-éilítear aon fhormheas roimh ré ina leith agus méid, cineál agus castacht na hoibríochta á gcur san áireamh.”; (xii) i bpointe ART.215, cuirtear an méid seo a leanas in ionad phointe (a)(2): “(2) más infheidhme, cur chun feidhme gníomhaíochtaí ceartaitheacha arna sainordú ag an nGníomhaireacht i gcomhréir le hAirteagal 76(6) de Rialachán (AE) 2018/1139.”; (xiii) i bpointe ART.215, cuirtear an méid seo a leanas in ionad phointe (b)(4): “(4) cinntí agus imscrúduithe de bhun Rialachán (CE) Uimh. 2111/2005 nó comhairliúcháin chomhpháirteacha de bhun Rialachán (CE) Uimh. 473/2006 a chur san áireamh;”; (xiv) i bpointe ART.215, cuirtear an méid seo a leanas in ionad phointe (d): “(d) Más rud é, de réir na faisnéise atá ar fáil, go bhfuil amhras ann gur tháinig laghdú ar fheidhmíocht sábháilteachta an oibreora tríú tír agus/nó ar chumais formhaoirseachta Stát an oibreora nó Stát an Chláraithe faoi bhun na gcaighdeán is infheidhme atá sna hIarscríbhinní a ghabhann leis an gCoinbhinsiún um Eitlíocht Shibhialta Idirnáisiúnta, cuirfidh an Ghníomhaireacht an t-oibreoir tríú tír lena mbaineann faoi bhráid an oibreora tríú tír lena mbaineann chun faireachas treisithe a dhéanamh. Déanfaidh an Ghníomhaireacht aon bheart is gá chun a áirithiú go ndéanfar an oibríocht atá beartaithe ag an oibreoir tríú tír i gcomhréir leis na ceanglais is infheidhme i gCuid-TCO. Féadfar na nithe seo a leanas a áireamh ar na bearta sin: (1) iniúchadh ar an oibreoir tríú tír i gcomhréir le pointe ART.205(d); (2) ceanglas ar an oibreoir tríú tír tuarascálacha nó faisnéis theicniúil shaincheaptha a chur faoi bhráid na Gníomhaireachta go tráthrialta; (3) teorannú sealadach ar an oibríocht chuig flít reatha an oibreora tríú tír agus/nó raon feidhme na n-oibríochtaí aeriompair tráchtála isteach sa chríoch, laistigh di nó amach aisti faoi réir fhorálacha na gConarthaí.”; (xv) i bpointe ART.220, cuirtear isteach pointe (e): “(e) Agus an t-eatramh athbhreithnithe á chinneadh, cuirfidh an Ghníomhaireacht san áireamh méid, cineál agus castacht na hoibríochta, an fhaisnéis atá ar fáil maidir le líon na n-eitiltí a rinneadh faoi údarú TCO, agus na heilimintí ábhartha dá dtagraítear i bpointe ART.200(c).”; (xvi) i bpointe ART.230, cuirtear an méid seo a leanas in ionad phointí (b), (c) agus (d): “(b) Eiseoidh an Ghníomhaireacht toradh leibhéal 1 nuair a bhraitear aon neamhchomhlíonadh suntasach leis na ceanglais is infheidhme i Rialachán (AE) 2018/1139 agus i gCuid-TCO, nó le téarmaí an údaraithe lena laghdaítear sábháilteacht nó lena gcuirtear sábháilteacht eitiltí i mbaol mór. Áireofar ar thorthaí leibhéal 1 na nithe seo a leanas, ach ní hiad sin amháin a áirítear leo: (1) gan rochtain a thabhairt don Ghníomhaireacht ar shaoráidí an oibreora tríú tír mar a shainmhínítear i bpointe TCO.115(b) d’Iarscríbhinn 1 le linn gnáthuaireanta oibriúcháin agus tar éis iarraidh i scríbhinn a fháil; (2) athruithe a chur chun feidhme a bhfuil formheas ag teastáil ina leith roimh ré gan formheas mar a shainmhínítear i bpointe ART.210 a bheith faighte acu; (3) bailíocht an údaraithe a fháil nó a choinneáil ar bun trí fhianaise dhoiciméadach a fhalsú; (4) fianaise ar mhíchleachtas nó ar úsáid chalaoiseach an údaraithe; (5) torthaí iomadúla leibhéal 2 a bheith ann a ardaíodh le linn measúnaithe, rud a léiríonn laige chórasach a laghdaíonn sábháilteacht nó lena gcuirtear sábháilteacht eitiltí i mbaol mór. (c) Eiseoidh an Ghníomhaireacht toradh leibhéal 2 nuair a bhraitear aon neamhchomhlíonadh leis na ceanglais is infheidhme i Rialachán (AE) 2018/1139 agus i gCuid-TCO, nó le téarmaí an údaraithe lena bhféadfaí sábháilteacht a laghdú nó sábháilteacht eitiltí a chur i mbaol mór. (d) Nuair a bhraitear toradh le linn faireacháin, déanfaidh an Ghníomhaireacht, gan dochar d’aon ghníomhaíocht bhreise a cheanglaítear le Rialachán (AE) 2018/1139 agus lena ghníomhartha tarmligthe agus cur chun feidhme, an toradh a chur in iúl i scríbhinn don oibreoir tríú tír agus iarrfaidh sí gníomhaíocht cheartaitheach chun an bhunchúis a dhíothú nó a mhaolú chun nach dtarlóidh an neamhchomhlíontacht nó na neamhchomhlíontachtaí sainaitheanta arís.”; (xvii) i bpointe ART.230, cuirtear an méid seo a leanas in ionad phointe (e)(2): “(2) measúnú a dhéanamh ar an bplean gníomhaíochta ceartaithí agus cur chun feidhme a mholann an t-oibreoir tríú tír. Má bhaintear de thátal as an measúnú go bhfuil anailís ar bhunchúiseanna nó bunchúiseanna gníomhaíochta ann agus an bealach/na bealaí gníomhaíochta chun an bhunchúis/na bunchúiseanna a dhíothú nó a mhaolú go héifeachtach ionas nach dtarlóidh an neamhchomhlíontacht/na neamhchomhlíontachtaí arís, glacfar leis an ngníomhaíocht cheartaitheach agus leis an bplean cur chun feidhme. Mura gcuireann an t-oibreoir tríú tír plean gníomhaíochta ceartaithí inghlactha isteach, dá dtagraítear in (e)(1), nó mura ndéanann sé an ghníomhaíocht cheartaitheach a dhéanamh laistigh den tréimhse ama ar ghlac an ghníomhaireacht léi nó ar chuir an ghníomhaireacht síneadh léi, ardófar an toradh go toradh leibhéal 1 agus déanfar beart mar a leagtar síos i bpointe ART.235(a).”; (xviii) i bpointe ART.235, cuirtear an méid seo a leanas in ionad phointí (b), (c), (d) agus (e): “(b) Cuirfear an teorannú nó an fhionraí i leataobh nuair a bheidh an Ghníomhaireacht sásta go ndearna oibreoir tríú tír agus/nó Stát an oibreora nó an Stáit cláraithe, de réir mar is infheidhme, gníomh ceartaitheach rathúil. (c) Agus cur i leataobh fionraí á mheas ag an nGníomhaireacht, measfaidh sí iniúchadh a dhéanamh ar an oibreoir tríú tír nuair a bheidh na coinníollacha i bpointe ART.205(c) comhlíonta. I gcás inar de dheasca móreasnaimh i bhformhaoirseacht an iarratasóra ag Stát an oibreora nó Stát an chláraithe, de réir mar is infheidhme, a chuirtear an fionraí i bhfeidhm, féadfar a áireamh san iniúchadh measúnú arb é is aidhm dó a fhíorú ar ceartaíodh na heasnaimh mhaoirseachta sin. (d) Féadfaidh an Ghníomhaireacht an t-údarú a chúlghairm nuair nach mbeidh gníomhaíocht cheartaitheach rathúil déanta ag oibreoir tríú tír agus/nó Stát an oibreora nó an Stáit cláraithe, de réir mar is infheidhme, tar éis fionraí, laistigh de 12 mhí ar a mhéad. (e) Déanfaidh an Ghníomhaireacht an t-údarú a chúlghairm nuair a bheidh an t-oibreoir tríú tír faoi réir toirmeasc ar a oibriú de bhun Rialachán (CE) Uimh. 2111/2005.”; (xix) cuirtear isteach an pointe ART.240 seo a leanas: “ART.240 Bailíocht an údaraithe (a) Nuair nach gcomhlíonann sealbhóir údaraithe TCO na ceanglais maidir le bailíocht leanúnach phointe TCO.320 d’Iarscríbhinn 1, cuirfidh an Ghníomhaireacht in iúl don oibreoir tríú tír agus do na Ballstáit nach bhfuil an t-údarú TCO bailí a thuilleadh. (b) Ar iarratas ar údarú nua a fháil tar éis don údarú roimhe sin teacht chun bheith neamhbhailí, déanfaidh an Ghníomhaireacht measúnú de réir mar is gá chun a áirithiú go ndéanfar an oibríocht atá beartaithe i gcomhréir leis na ceanglais is infheidhme i gCuid-TCO.”; (xx) cuirtear isteach an pointe ART.245 seo a leanas: “ART.245 Eitiltí aonuaire chun fógra a thabhairt Ar fhógra a fháil ón oibreoir tríú tír de bhun phointe TCO.305 d’Iarscríbhinn 1, déanfaidh an Ghníomhaireacht a mheas, gan moill mhíchuí, an bhfuil na coinníollacha a bhunaítear i bpointe TCO.305 d’Iarscríbhinn 1 á gcomhlíonadh. Nuair a chinnfidh an Ghníomhaireacht nach bhfuil na coinníollacha a leagtar síos i bpointe TCO.305 d’Iarscríbhinn 1 á gcomhlíonadh, cuirfidh an Ghníomhaireacht an t-oibreoir tríú tír agus an Ballstát nó na Ballstáit dá ndéantar difear ar an eolas faoi sin.”.

---

(*1)  Rialachán Cur Chun Feidhme (AE) Uimh. 923/2012 ón gCoimisiún an 26 Meán Fómhair 2012 lena leagtar síos rialacha comhchoiteanna an aeir agus forálacha oibríochtúla maidir le seirbhísí agus nósanna imeachta san aerloingseoireacht agus lena leasaítear Rialachán Cur Chun Feidhme (AE) Uimh. 1035/2011 agus Rialacháin (CE) Uimh. 1265/2007, (CE) Uimh. 1794/2006, (CE) Uimh. 730/2006, (CE) Uimh. 1033/2006 agus (AE) Uimh. 255/2010 (IO L 281, 13.10.2012, lch. 1)”;

(*2)  Rialachán (AE) Uimh. 996/2010 ó Pharlaimint na hEorpa agus ón gComhairle an 20 Deireadh Fómhair 2010 maidir le tionóiscí agus teagmhais eitlíochta sibhialta a imscrúdú agus a chosc agus lena n-aisghairtear Treoir 94/56/CE (IO L 295, 12.11.2010, lch. 35).”;”

Airteagal 1

Ábhar

Leis an Rialachán seo, leagtar síos rialacha mionsonraithe maidir leis na nósanna imeachta seo a leanas dá dtagraítear i gCaibidil II de Rialachán (CE) Uimh. 2111/2005:

(a)	Liosta an Aontais a bhunú;

(b)	Liosta an Aontais a thabhairt cothrom le dáta;

(c)	Bearta eisceachtúla arna nglacadh ag Ballstát;

(d)	Feidhmiú chearta cosanta na n-aeriompróirí;

(e)	Liosta an Aontais á fhorfheidhmiú ag na Ballstáit.

Airteagal 2

Iarrataí ó na Ballstáit liosta an Aontais a thabhairt cothrom le dáta

Airteagal 3

Comhairliúchán comhpháirteach leis na húdaráis atá freagrach as an aeriompróir lena mbaineann a fhormhaoirsiú

Airteagal 4

Feidhmiú chearta cosanta na n-aeriompróirí

Airteagal 5

Forfheidhmiú

Cuirfidh na Ballstáit an Coimisiún ar an eolas faoi aon bheart a glacadh chun na cinntí arna nglacadh ag an gCoimisiún faoi Airteagal 4(2) nó faoi Airteagal 5 de Rialachán (CE) Uimh. 2111/2005 a chur chun feidhme.

Airteagal 6

Bearta eisceachtúla arna nglacadh ag Ballstát

Airteagal 7

Aisghairm Rialachán (CE) Uimh. 473/2006

Aisghairtear Rialachán (CE) Uimh. 473/2006.

Airteagal 8

Teacht i bhfeidhm

Tiocfaidh an Rialachán seo i bhfeidhm an 20ú lá tar éis lá a fhoilsithe in Iris Oifigiúil an Aontais Eorpaigh.

IARSCRÍBHINN I

Faisnéis atá le soláthar ag Ballstát a bhfuil iarraidh á déanamh aige faoi Airteagal 4(2) de Rialachán (CE) Uimh. 2111/2005

Ballstát a iarrann go dtabharfaí liosta an Aontais cothrom le dáta faoi Airteagal 4(2) de Rialachán (CE) Uimh. 2111/2005, déanfaidh sé an fhaisnéis seo a leanas a sholáthar don Choimisiún:

1.	Maidir leis an mBallstát a bhfuil an iarraidh á déanamh aige: (a) ainm agus feidhm an teagmhálaí oifigiúil; (b) seoladh ríomhphoist nó uimhir theileafóin an teagmhálaí oifigiúil.

2.

Maidir leis an iompróir/na hiompróirí agus leis an aerárthach: (a) sainaithint an iompróra/na n-iompróirí lena mbaineann, lena n-áirítear ainm an eintitis dhlítheanaigh (a léirítear ar an Teastas Aeroibreora (“AOC”) nó a choibhéis), an t-ainm trádála (más éagsúil le hainm an eintitis dhlítheanaigh), uimhir AOC (más ann di), sainitheoir na hEagraíochta Eitlíochta Sibhialta Idirnáisiúnta (“ICAO”) (más eol) agus na sonraí teagmhála iomlána; (b) ainm/ainmneacha agus sonraí teagmhála iomlána an údaráis nó na n-údarás a bhfuil freagracht orthu as formhaoirseacht rialála an aeriompróra/na n-aeriompróirí lena mbaineann; (c) mionsonraí maidir le cineál/cineálacha an aerárthaigh, an Stát cláraithe/na Stáit chláraithe, an chláruimhir/na cláruimhreacha agus, má tá siad ar fáil, sraithuimhreacha tógála an aerárthaigh lena mbaineann.

3.

Maidir leis an gcinneadh a iarradh: (a) an cineál cinnidh a iarradh: sonraigh cé acu a fhorchuireann sé toirmeasc ar oibriú, a dhéanann sé toirmeasc ar oibriú a bhaint nó a mhodhnaíonn sé na coinníollacha a bhaineann le toirmeasc ar oibriú; (b) raon feidhme an chinnidh a iarradh: sonraigh an t-iompróir sonrach/na hiompróirí sonracha nó na hiompróirí uile atá faoi réir údarás formhaoirseachta ar leith, chomh maith le haerárthach sonrach nó cineál sonrach/cineálacha sonracha aerárthaigh.

4.

Maidir leis an iarraidh ar thoirmeasc ar oibriú a fhorchur: (a) tuairisc mhionsonraithe ar an ábhar imní ó thaobh na sábháilteachta de (e.g. torthaí cigireachta) as ar eascair an iarraidh ar thoirmeasc iomlán nó ar thoirmeasc páirteach (a bhaineann, in ord, le gach ceann de na critéir chomhchoiteanna ábhartha a leagtar amach san Iarscríbhinn a ghabhann le Rialachán (CE) Uimh. 2111/2005); (b) tuairisc leathan ar an gcoinníoll/na coinníollacha molta lena gceadaítear an toirmeasc atá beartaithe a chur ar ceal/a tharscaoileadh lena úsáid mar bhunús le plean gníomhaíochta ceartaithí a ullmhú i gcomhairle leis an údarás nó leis na húdaráis a bhfuil freagracht orthu as formhaoirseacht rialála an aeriompróra/na n-aeriompróirí lena mbaineann.

5.

Maidir leis an iarraidh chun deireadh a chur le toirmeasc ar oibriú nó chun na coinníollacha atá i gceangal leis a mhodhnú: (a) dáta agus mionsonraí an phlean gníomhaíochta ceartaithí a comhaontaíodh, más infheidhme; (b) fianaise gur comhlíonadh ina dhiaidh sin an plean gníomhaíochta ceartaithí a comhaontaíodh, más infheidhme; (c) formhuiniú sainráite i scríbhinn ón údarás nó ó na húdaráis a bhfuil freagracht orthu as formhaoirseacht rialála an aeriompróra/na n-aeriompróirí lena mbaineann gur cuireadh an plean gníomhaíochta ceartaithí chun feidhme.

6.	Maidir le poiblíocht:   faisnéis faoi cé acu a chuir nó nár chuir an Ballstát a iarraidh ar fáil go poiblí.

IARSCRÍBHINN II

Fógra ó Bhallstát maidir le bearta eisceachtúla arna nglacadh faoi Airteagal 6(1) de Rialachán (CE) Uimh. 2111/2005 chun cosc ar oibriú a fhorchur ina chríoch

Ballstát a thuairisceoidh gur cuireadh aeriompróir faoi réir toirmeasc ar a oibriú ina chríoch i gcomhréir le hAirteagal 6(1) de Rialachán (CE) Uimh. 2111/2005, cuirfidh sé an fhaisnéis seo a leanas ar fáil don Choimisiún:

1.	Maidir leis an mBallstát a bhfuil an tuairisc á tabhairt aige (a) Ainm agus feidhm an teagmhálaí oifigiúil; (b) Seoladh ríomhphoist nó uimhir theileafóin an teagmhálaí oifigiúil.

2.

Maidir leis an iompróir/na hiompróirí agus leis an aerárthach (a) Sainaithint an iompróra/na n-iompróirí lena mbaineann, lena n-áirítear ainm an eintitis dhlítheanaigh (a léirítear ar AOC nó a choibhéis), an t-ainm trádála (más éagsúil le hainm an eintitis dhlítheanaigh), uimhir AOC (más ann di), sainitheoir ICAO (más eol) agus na sonraí teagmhála iomlána; (b) Ainm/ainmneacha agus sonraí teagmhála iomlána an údaráis nó na n-údarás a bhfuil freagracht orthu as formhaoirseacht rialála an aeriompróra/na n-aeriompróirí lena mbaineann; (c) Mionsonraí maidir le cineál/cineálacha an aerárthaigh, an Stát cláraithe/na Stáit chláraithe, an chláruimhir/na cláruimhreacha agus, má tá siad ar fáil, sraithuimhreacha tógála an aerárthaigh lena mbaineann.

3.

Maidir leis an gcinneadh (a) Dáta, am agus fad an chinnidh; (b) Tuairisc ar an gcinneadh maidir le húdarú oibríochta nó cead teicniúil a dhiúltú, a chur ar fionraí nó a chúlghairm, nó srianta a fhorchur ina leith; (c) Raon feidhme an chinnidh: sonraigh an t-iompróir sonrach, na hiompróirí sonracha nó na hiompróirí uile atá faoi réir údarás formhaoirseachta ar leith, chomh maith le haerárthach sonrach nó cineál sonrach/cineálacha sonracha aerárthaigh; (d) Tuairisc ar an gcoinníoll/na coinníollacha lena gceadaítear diúltú, cur ar fionraí, cúlghairm nó srianta ar an údarú oibríochta nó cead teicniúil, arna dhéanamh ag an mBallstát, a chur ar ceal nó a tharscaoileadh.

4.

Maidir leis an ábhar imní ó thaobh na sábháilteachta de Tuairisc mhionsonraithe ar an ábhar imní ó thaobh na sábháilteachta de (e.g. torthaí cigireachta) as ar eascair an cinneadh maidir le toirmeasc iomlán nó páirteach (a bhaineann, in ord, le gach ceann de na critéir chomhchoiteanna a leagtar amach san Iarscríbhinn a ghabhann le Rialachán (CE) Uimh. 2111/2005).

5.	Maidir le poiblíocht Faisnéis faoi cé acu a chuir nó nár chuir an Ballstát a thoirmeasc ar fáil go poiblí.

IARSCRÍBHINN III

Fógra ó Bhallstát maidir le bearta eisceachtúla arna ndéanamh mar a cheadaítear le hAirteagal 6(2) de Rialachán (CE) Uimh. 2111/2005 chun toirmeasc ar oibriú a choimeád ar bun nó a fhorchur ina chríoch i gcás ina bhfuil cinneadh déanta ag an gCoimisiún gan bearta comhchosúla a áireamh i liosta an Aontais

Ballstát a thuairisceoidh go bhfuil toirmeasc forchurtha aige ar oibriú aeriompróra ina chríoch, nó go bhfuil toirmeasc ar oibriú aeriompróra ina chríoch coinnithe ar bun aige, i gcomhréir le hAirteagal 6(2) de Rialachán (CE) Uimh. 2111/2005, cuirfidh sé an fhaisnéis seo a leanas ar fáil don Choimisiún:

1.	Maidir leis an mBallstát a bhfuil an tuairisc á tabhairt aige (a) Ainm agus feidhm an teagmhálaí oifigiúil; (b) Seoladh ríomhphoist nó uimhir theileafóin an teagmhálaí oifigiúil.

2.

Maidir leis an iompróir/na hiompróirí agus leis an aerárthach Sainaithint an iompróra/na n-iompróirí lena mbaineann, lena n-áirítear ainm an eintitis dhlítheanaigh (a léirítear ar AOC nó a choibhéis), an t-ainm trádála (más éagsúil le hainm an eintitis dhlítheanaigh), uimhir AOC (más ann di), sainitheoir ICAO (más eol).

3.	Maidir leis an tagairt don chinneadh ón gCoimisiún (a) Dáta doiciméad ábhartha de chuid an Choimisiúin agus tagairt dóibh; (b) Dáta an chinnidh ón gCoimisiún nó ón gCoiste Aershábháilteachta.

Airteagal 1

Cuirfear an Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán (CE) Uimh. 2111/2005.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

IARSCRÍBHINN

---

(1)  An Clár Eorpach maidir le cigireachtaí rampa a dhéanamh ar aerárthaí a úsáideann oibreoirí tríú tír (SAFA) nó a úsáideann oibreoirí faoi mhaoirseacht rialála Ballstáit eile den Aontas (SACA).

(2)  Rialachán (AE) Uimh. 965/2012 ón gCoimisiún an 5 Deireadh Fómhair 2012 lena leagtar síos ceanglais theicniúla agus nósanna imeachta riaracháin a bhaineann le hoibríochtaí aeir de bhun Rialachán (CE) Uimh. 216/2008 ó Pharlaimint na hEorpa agus ón gComhairle (IO L 296, 25.10.2012, lch. 1).

(3)  Rialachán (AE) Uimh. 452/2014 ón gCoimisiún an 29 Aibreán 2014 lena leagtar síos ceanglais theicniúla agus nósanna imeachta riaracháin a bhaineann le haeroibríochtaí oibreoirí tríú tír de bhun Rialachán (CE) Uimh. 216/2008 ó Pharlaimint na hEorpa agus ón gComhairle (IO L 133, 6.5.2014, lch. 12).

Airteagal 1

Leasaítear Rialachán Tarmligthe (AE) 2015/63 mar a leanas:

(1)

in Airteagal 3, cuirtear an pointe (30) seo a leanas isteach: “(30) ciallaíonn ‘dliteanais a eascraíonn as conarthaí díorthacha’ dliteanais aonair a eascraíonn as conradh díorthach nó, i gcás inarb infheidhme, dliteanais a eascraíonn as tacar glanluachála conarthaí díorthacha mar a liostaítear in Iarscríbhinn II a ghabhann le Rialachán (AE) Uimh. 575/2013.” ;

(2)

in Airteagal 5, cuirtear an méid seo a leanas in ionad mhír 3: “3.   Chun críoch na Roinne seo, meánmhéid bliantúil, arna ríomh ar bhonn ráithiúil, na ndliteanas dá dtagraítear i mír 1, a eascraíonn as conarthaí díorthacha mar a liostaítear in Iarscríbhinn II a ghabhann le Rialachán (AE) Uimh. 575/2013, lena n-áirítear iad siúd atá lasmuigh den chlár comhardaithe, déanfar é a luacháil i gcomhréir le hAirteagail 5a go 5e den Rialachán seo. Mar sin féin, ní fhéadfaidh an luach a shanntar do dhliteanais a eascraíonn as conarthaí díorthacha a bheith níos lú ná 75 % de luach na ndliteanas céanna a eascraíonn as cur i bhfeidhm na bhforálacha cuntasaíochta is infheidhme maidir leis an institiúid lena mbaineann chun críoch tuairisciú airgeadais. I gcás, faoi na caighdeáin chuntasaíochta náisiúnta a bhaineann le hinstitiúid, nach bhfuil aon tomhas cuntasaíochta maidir le neamhchosaint ann d’ionstraimí díorthacha áirithe, toisc go sealbhaítear na hionstraimí díorthacha sin lasmuigh den chlár comhardaithe, tuairisceoidh an institiúid don údarás réitigh suim luachanna córa na ndíorthach sin, i gcás ina bhfuil an tsuim diúltach, mar an costas athsholáthair agus cuirfidh sí na díorthaigh sin lena luachanna cuntasaíochta laistigh den chlár comhardaithe.” ;

(3)

cuirtear na hAirteagail 5a go 5e seo a leanas isteach: “Airteagal 5a Luach risíochta na ndíorthach 1.   Cinnfidh institiúidí luach risíochta na gconarthaí díorthacha a liostaítear in Iarscríbhinn II a ghabhann le Rialachán (AE) Uimh. 575/2013, lena n-áirítear iad siúd atá lasmuigh den chlár comhardaithe, i gcomhréir leis an Modh um Marcáil ón Margadh a leagtar amach in Airteagal 5b. Agus an luach risíochta á chinneadh, féadfaidh institiúidí éifeachtaí conarthaí le haghaidh nuachana agus comhaontuithe glanluachála eile a chur san áireamh i gcomhréir le hAirteagal 5d. Ní bheidh feidhm ag glanluacháil trastáirgí. Mar sin féin, féadfaidh institiúidí glanluacháil a dhéanamh laistigh d’aon chatagóir táirgí aonair atá ar áireamh in Iarscríbhinn II a ghabhann le Rialachán (AE) Uimh. 575/2013 nuair atá siad faoi réir comhaontú conarthach glanluachála trastáirgí. 2.   I gcás ina dtiocfaidh laghdú ar an líon dliteanas faoin gcreat cuntasaíochta is infheidhme de thoradh sholáthar na comhthaobhachta a bhaineann le conarthaí díorthacha, déanfaidh institiúidí an laghdú sin a fhreaschur. 3.   Chun críocha mhír 1, féadfaidh institiúidí an corrlach athrúcháin a íocadh in airgead tirim leis an gcontrapháirtí a asbhaint ó chion an chostais athsholáthair reatha de luach na risíochta a mhéid nach bhfuil an corrlach athrúcháin aitheanta cheana féin mar laghdú ar luach na risíochta faoin gcreat cuntasaíochta is infheidhme agus ar choinníoll go gcomhlíontar na coinníollacha uile seo a leanas: (a) maidir le trádálacha nach n-imréitítear trí chontrapháirtí lárnach cáilitheach mar a shainmhínítear in Airteagal 4(1), pointe (88), de Rialachán (AE) Uimh. 575/2013, ní dhéanfar an t-airgead a thugtar don chontrapháirtí is faighteoir a leithscaradh; (b) déantar an corrlach athrúcháin a ríomh agus a mhalartú ar bhonn laethúil, bunaithe ar luacháil marcála ón margadh ar na suíomhanna díorthacha; (c) is san airgeadra céanna atá an corrlach athrúcháin a thugtar in airgead tirim agus socraíocht an chonartha dhíorthaigh; (d) an corrlach athrúcháin a mhalartaítear, is é an méid iomlán a mbeadh gá leis chun risíocht maidir le marcáil ón margadh an díorthaigh a mhúchadh go hiomlán faoi réir na tairsí agus na n-íosmhéideanna aistrithe is infheidhme maidir leis an institiúid; (e) cumhdaítear an conradh díorthach agus an corrlach athrúcháin idir an institiúid agus contrapháirtí an chonartha sin faoi chomhaontú glanluachála aonair a fhéadfaidh an institiúid a láimhseáil mar laghdú priacail i gcomhréir le hAirteagal 5d. Chun críocha phointe (c) den chéad fhomhír, i gcás ina bhfuil an conradh díorthach faoi réir máistir-chomhaontú glanluachála cáilitheach, ciallaíonn an t-airgeadra socraíochta aon airgeadra socraíochta a shonraítear sa chonradh díorthach nó sa mháistir-chomhaontú glanluachála cáilitheach rialaitheach. I gcás ina n-aithníonn institiúid, faoin gcreat cuntasaíochta is infheidhme, an corrlach athrúcháin a fhaightear in airgead tirim ón gcontrapháirtí mar dhliteanas iníoctha, féadfaidh sí an dliteanas sin a eisiamh ón tomhas risíochta ar choinníoll go gcomhlíontar na coinníollacha a leagtar amach sa chéad fhomhír, pointí (a) go (e). 4.   Chun críocha mhír 3, beidh feidhm ag an méid seo a leanas: (a) beidh asbhaint an chorrlaigh athrúcháin a íocadh teoranta do chion diúltach an chostais athsholáthair reatha de luach na risíochta; (b) ní úsáidfidh institiúid corrlach athrúcháin a íocadh in airgead tirim chun méid na risíochta féideartha todhchaí ar chreidmheas a laghdú, lena n-áirítear chun críocha Airteagal 5e(1), pointe (b)(ii). 5.   De mhaolú ar mhír 1, féadfaidh institiúidí Modh na Neamhchosanta Simplithe a leagtar amach in Airteagal 5c a úsáid chun luach risíochta conarthaí díorthacha a liostaítear i bpointí 1 agus 2 d’Iarscríbhinn II a ghabhann le Rialachán (AE) Uimh. 575/2013 a chinneadh, ar choinníoll go gcomhlíontar le méid ghnó díorthach na n-institiúidí sin laistigh agus lasmuigh den chlár comhardaithe na coinníollacha a leagtar amach in Airteagal 273a(2) den Rialachán sin. Institiúidí a chuireann Modh na Neamhchosanta Simplithe sin i bhfeidhm, ní laghdóidh siad an tomhas risíochta faoi mhéid an chorrlaigh athrúcháin a fhaightear in airgead tirim. Airteagal 5b Modh um Marcáil ón Margadh 1.   Luach absalóideach mhargadhluach glan na gconarthaí sin laistigh den ghlanluacháil, agus é comhlán ar aon chomhthaobhacht a shealbhaítear nó a bhreactar i gcás ina ndéantar margadhluachanna deimhneacha agus diúltacha a ghlanluacháil agus an margadhluach glan á ríomh a bheidh i gcostas athsholáthair reatha na ndliteanas a eascraíonn as conarthaí díorthacha ar leibhéal an tacair glanluachála. Chun na críche sin, láimhseálfaidh institiúidí idirbheart díorthach aonair mar a thacar glanluachála féin. 2.   Chun an risíocht fhéideartha todhchaí ar chreidmheas a chinneadh, déanfaidh institiúidí na méideanna barúlacha nó na luachanna foluiteacha, de réir mar is infheidhme, a iolrú faoi na céatadáin a leagtar amach i dTábla 1 agus i gcomhréir leis an méid seo a leanas: (a) conarthaí díorthacha nach dtagann faoi cheann de na cúig chatagóir a leagtar amach i dTábla 1, láimhseálfar iad mar chonarthaí a bhaineann le tráchtearraí seachas miotail lómhara; (b) maidir le conarthaí díorthacha le malartuithe iolracha príomhshuime, déanfar na céatadáin a iolrú faoin líon íocaíochtaí atá fágtha a bheidh fós le déanamh i gcomhréir leis an gconradh; (c) maidir le conarthaí díorthacha a bhfuil struchtúr acu chun risíocht gan íoc a shocrú tar éis dátaí íocaíochta sonraithe agus i gcás ina ndéantar na téarmaí a athshocrú chun go mbeidh margadhluach nialasach ag an gconradh díorthach ar na dátaí sonraithe sin, beidh an aibíocht iarmhair cothrom leis an tréimhse idir an pointe sin agus an chéad dáta athshocraithe eile; i gcás conarthaí ráta úis lena gcomhlíontar na critéir sin agus a bhfuil aibíocht iarmhair de níos mó ná 1 bhliain acu, ní bheidh an céatadán níos lú ná 0,5 %. Tábla 1 Aibíocht iarmhair Conarthaí ráta úis Conarthaí a bhaineann le rátaí malairte eachtraí agus ór Conarthaí a bhaineann le cothromas Conarthaí a bhaineann le miotail lómhara seachas ór Conarthaí a bhaineann le tráchtearraí seachas miotail lómhara 1 bhliain nó níos lú 0  % 1  % 6  % 7  % 10  % Níos mó ná 1 bhliain, nach faide ná 5 bliana 0,5  % 5  % 8  % 7  % 12  % Níos mó ná 5 bliana 1,5  % 7,5  % 10  % 8  % 15  %             3.   Is éard a bheidh i luach na risíochta suim an chostais athsholáthair reatha agus an risíocht fhéideartha todhchaí ar chreidmheas. Airteagal 5c Modh na Neamhchosanta Simplithe 1.   Faoi Mhodh na Neamhchosanta Simplithe, déanfaidh institiúidí luach na neamhchosanta a chinneadh trí mhéid barúlach gach ionstraime a iolrú faoi na céatadáin a leagtar amach i dTábla 2. Tábla 2 Aibíocht tosaigh Conarthaí ráta úis Conarthaí a bhaineann le rátaí malairte eachtraí agus ór 1 bhliain nó níos lú 0,5  % 2  % Níos mó ná 1 bhliain, nach faide ná 2 bhliain 1  % 5  % Liúntas breise le haghaidh gach bliana breise 1  % 3  % 2.   Féadfaidh institiúidí, agus luach risíochta conarthaí ráta úis á ríomh acu, an aibíocht tosaigh nó an aibíocht iarmhair a úsáid. Airteagal 5d Glanluacháil chonarthach a aithint mar laghdú priacal Ní fhéadfaidh institiúidí a láimhseáil mar laghdú priacal i gcomhréir le hAirteagal 5e ach na cineálacha comhaontuithe conarthacha glanluachála seo a leanas i gcás inar aithin na húdaráis inniúla an comhaontú glanluachála sin i gcomhréir le hAirteagal 296 de Rialachán (AE) Uimh. 575/2013 agus i gcás ina gcomhlíonann an institiúid na ceanglais a leagtar amach in Airteagal 297 den Rialachán sin: (a) conarthaí déthaobhacha le haghaidh nuachana idir institiúid agus a contrapháirtí faoina ndéantar éilimh agus oibleagáidí frithpháirteacha a chónascadh go huathoibríoch ar bhealach ina ndéantar aon ghlanmhéid aonair a shocrú leis an nuachan gach uair a bhíonn feidhm aige chun conradh aonair nua a chruthú atá ceangailteach ar na páirtithe agus a chuirtear in áit na gconarthaí agus na n-oibleagáidí uile a bhí ann roimhe sin idir páirtithe de bhun na gconarthaí sin; (b) comhaontuithe déthaobhacha eile idir institiúid agus a contrapháirtí. Airteagal 5e Na héifeachtaí a bhaineann le glanluacháil mar rud a laghdaíonn priacal a aithint 1.   Láimhseálfaidh institiúidí comhaontuithe conarthacha glanluachála mar a leanas: (a) i gcás conarthaí le haghaidh nuachana, féadfaidh institiúidí na glanmhéideanna aonair atá socraithe ag conarthaí den sórt sin, seachas na méideanna comhlána atá i gceist, a ualú; Nuair a chuirtear Airteagal 5b i bhfeidhm, féadfaidh institiúidí an conradh le haghaidh nuachana a chur san áireamh agus na nithe seo a leanas á gcinneadh: — an costas athsholáthair reatha dá dtagraítear in Airteagal 5b(1), — na méideanna barúlacha príomhshuime nó na luachanna foluiteacha dá dtagraítear in Airteagal 5b(2). Agus Modh na Neamhchosanta Simplithe á chur i bhfeidhm, agus an méid barúlach dá dtagraítear in Airteagal 5c(1) á chinneadh, féadfaidh institiúidí an conradh le haghaidh nuachana a chur san áireamh chun an méid barúlach príomhshuime a ríomh. I gcásanna den sórt sin, cuirfidh institiúidí céatadáin Thábla 2 i bhfeidhm. (b) i gcás comhaontuithe glanluachála eile, cuirfidh institiúidí Airteagal 5b i bhfeidhm mar a leanas: (i) gheofar an costas athsholáthair reatha dá dtagraítear in Airteagal 5b(1) le haghaidh na gconarthaí atá ar áireamh i gcomhaontú glanluachála tríd an nglanchostas athsholáthair hipitéiseach iarbhír a eascraíonn as an gcomhaontú a chur san áireamh; i gcás ina bhfuil glan-infháltas don institiúid a bhfuil an glanchostas athsholáthair á ríomh aici mar thoradh ar an nglanluacháil, déanfar an costas athsholáthair reatha a ríomh mar ‘0’; (ii) déanfar an figiúr maidir le risíocht fhéideartha todhchaí ar chreidmheas dá dtagraítear in Airteagal 5b(2) maidir leis na conarthaí uile atá san áireamh i gcomhaontú glanluachála a laghdú i gcomhréir leis an bhfoirmle seo a leanas: PCEred = 0,4 • PCEgross + 0,6 • NGR • PCEgross i gcás ina bhfuil an méid seo a leanas i gceist: PCEred = an figiúr laghdaithe maidir le risíocht fhéideartha todhchaí ar chreidmheas i gcás na gconarthaí uile le contrapháirtí áirithe atá san áireamh i gcomhaontú glanluachála déthaobhach atá bailí de réir dlí; PCEgross = suim na bhfigiúirí maidir le risíocht fhéideartha todhchaí ar chreidmheas i gcás na gconarthaí uile le contrapháirtí áirithe atá san áireamh i gcomhaontú glanluachála déthaobhach atá bailí de réir dlí agus a dhéantar a ríomh trí mhéideanna barúlacha na príomhshuime a iolrú faoi na céatadáin a leagtar amach i dTábla 1; NGR = an cóimheas glan/comhlán arna ríomh mar shainuimhir an ghlanchostais athsholáthair i gcás na gconarthaí uile atá san áireamh i gcomhaontú glanluachála déthaobhach atá bailí de réir dlí le contrapháirtí áirithe (uimhreoir) agus an chostais athsholáthair chomhláin i gcás na gconarthaí uile atá san áireamh i gcomhaontú glanluachála déthaobhach atá bailí de réir dlí leis an gcontrapháirtí sin (ainmneoir). 2.   Agus an risíocht fhéideartha todhchaí ar chreidmheas a ríomh i gcomhréir leis an bhfoirmle a leagtar amach i mír 1, pointe (b)(ii), féadfaidh institiúidí conarthaí díorthacha ar lánmheaitseálacha iad agus atá ar áireamh sa chomhaontú glanluachála a láimhseáil mar a bheadh conradh amháin ann le príomhshuim bharúlach atá coibhéiseach leis na glanfháltais. Agus Airteagal 5c(1) á chur i bhfeidhm, féadfaidh institiúidí conarthaí díorthacha ar lánmheaitseálacha iad agus atá ar áireamh sa chomhaontú glanluachála a láimhseáil mar a bheadh conradh amháin ann le príomhshuim bharúlach atá coibhéiseach leis na glanfháltais, agus déanfar méideanna barúlacha na príomhshuime a iolrú faoi na céatadáin a leagtar síos in Airteagal 5c, Tábla 2. Chun críocha na míre seo, ciallaíonn conarthaí díorthacha ar lánmheaitseálacha iad conarthaí réamh-mhalairte nó conarthaí comhchosúla ina bhfuil príomhshuim bharúlach coibhéiseach le sreabhadh airgid má tá an sreabhadh airgid dlite ar an dáta luacha céanna agus má tá sé go hiomlán san airgeadra céanna. 3.   Maidir le gach conradh díorthach eile a áirítear i gcomhaontú glanluachála, féadfaidh institiúidí na céatadáin is infheidhme a laghdú mar a léirítear i dTábla 3. Tábla 3 Aibíocht tosaigh Conarthaí ráta úis Conarthaí malairte eachtraí 1 bhliain nó níos lú 0,35  % 1,50  % Níos mó ná 1 bhliain, ach nach faide ná 2 bhliain 0,75  % 3,75  % Liúntas breise le haghaidh gach bliana breise 0,75  % 2,25  % 4.   I gcás conarthaí ráta úis, féadfaidh institiúidí aibíocht tosaigh nó aibíocht iarmhair a roghnú.” ;

(4)

in Airteagal 20, cuirtear isteach na míreanna 6 agus 7 seo a leanas: “6.   De mhaolú ar Airteagal 13(1), sa tréimhse ranníocaíochta 2023, tabharfaidh na húdaráis réitigh fógra do gach institiúid dá dtagraítear in Airteagal 2 faoina gcinntí lena gcinntear an ranníocaíocht bhliantúil atá dlite ag gach institiúid faoin 31 Bealtaine 2023. 7.   De mhaolú ar Airteagal 14(4), agus maidir leis an bhfaisnéis a bheidh le soláthar don údarás réitigh in 2023, soláthrófar an fhaisnéis dá dtagraítear sa mhír sin faoin 28 Feabhra 2023 ar a dhéanaí”.

Airteagal 2

Teacht i bhfeidhm agus cur i bhfeidhm

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Deireadh Fómhair 2022.

Airteagal 1

An seasamh atá le glacadh thar ceann an Aontais sa Choiste um Sholáthar Rialtais de chuid na hEagraíochta Domhanda Trádála (“ETD”), is éard a bheidh sa seasamh sin go ndéanfar formheas ar aontachas Phoblacht na Macadóine Thuaidh (“an Mhacadóin Thuaidh”) leis an gComhaontú Athbhreithnithe de chuid EDT maidir le Soláthar Rialtais (“GPA Athbhreithnithe”), faoi réir na modhnuithe ar sceideal an Aontais Eorpaigh tar éis aontachas na Macadóine Thuaidh leis an GPA Athbhreithnithe mar a leagtar amach san Iarscríbhinn a ghabhann leis an gCinneadh seo.

Airteagal 2

Tiocfaidh an Cinneadh seo i bhfeidhm ar lá a ghlactha.

IARSCRÍBHINN

MODHNUITHE AR SCEIDEAL AN AONTAIS TAR ÉIS AONTACHAS PHOBLACHT NA MACADÓINE THUAIDH LEIS AN gCOMHAONTÚ ATHBHREITHNITHE MAIDIR LE SOLÁTHAR RIALTAIS

Ar aontachas Poblacht na Macadóine Thuaidh (“an Mhacadóin Thuaidh”) leis an gComhaontú Athbhreithnithe maidir le Soláthar Rialtais, is mar seo a leanas a léifear pointe 1 de Roinn 2 (“Údaráis chonarthacha Rialtais Láir Bhallstáit an Aontais Eorpaigh”) d’Iarscríbhinn 1 a ghabhann le hAguisín I den GPA Athbhreithnithe maidir leis an Aontas Eorpach:

Ar aontachas na Macadóine Thuaidh leis an GPA Athbhreithnithe, is mar seo a leanas a léifear Roinn 2 d’Iarscríbhinn 6 a ghabhann le hAguisín I maidir leis an Aontas Eorpach:

Airteagal 1

De mhaolú ar Airteagal 285 de Threoir 2006/112/CE, maidir le daoine inchánach ag a bhfuil láimhdeachas bliantúil nach airde ná EUR 85 000, údaraítear don Iodáil iad a dhíolmhú ó CBL.

Airteagal 2

Aisghairtear Cinneadh Cur Chun Feidhme (AE) 2020/647.

Airteagal 3

Gabhfaidh éifeacht leis an gCinneadh seo ar an dáta a dtabharfar fógra ina leith.

Beidh feidhm aige ón 1 Eanáir 2023 go dtí an 31 Nollaig 2024.

Airteagal 4

Dírítear an Cinneadh seo chuig Poblacht na hIodáile.

Airteagal 1

Cuirtear an téacs a leagtar amach san Iarscríbhinn a ghabhann leis an gCinneadh seo in ionad na hIarscríbhinne a ghabhann le Cinneadh Cur Chun Feidhme (AE) 2021/641.

Airteagal 2

Dírítear an Cinneadh seo chuig na Ballstáit.

IARSCRÍBHINN

“