(1)

Foráiltear le Rialachán (AE) 2016/429 nach mór do choinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2) leagtar síos na ceanglais sláinte ainmhithe nach mór do choinsíneachtaí speiceas agus catagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó ó chríocha, nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe uisceacha.

(3)

Le Rialachán Cur Chun Feidhme (AE) 2021/404 ón gCoimisiún (3) leagtar síos na liostaí de thríú tíortha, nó de chríocha, nó criosanna nó deighleoga de thríú tír nó de chríoch, óna gceadaítear do na speicis agus do na catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 teacht isteach san Aontas.

(4)

Go háirithe, le hIarscríbhinn V, XIV, agus XV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha nó de chríocha nó de chriosanna de thríú tír nó de chríoch atá údaraithe i dtaca le coinsíneachtaí d’éanlaith chlóis agus de tháirgí geirmeacha ó éanlaith chlóis, d’fheoil úr agus táirgí feola ó éanlaith chlóis agus ó éin ghéim a theacht isteach san Aontas.

(5)

An 3 Márta 2023, thug an Airgintín fógra do sheirbhísí an Choimisiúin faoi ráig den fhliú éanúil ardphataigineach (HPAI). Tá an ráig sin ann i gcúige Río Negro, an Airgintín agus deimhníodh í an 28 Feabhra 2023 le hanailís saotharlainne (RT-PCR).

(6)

Sna liostaí de thríú tíortha nó de chríocha, nó de criosanna de thríú tír nó de chríoch a leagtar amach i Roinn B de Chuid 1 d’Iarscríbhinn XIV agus i Roinn A de Chuid 1 d’Iarscríbhinn XV a ghabhann leis an Rialachán Cur Chun Feidhme (AE) 2021/404, sonraítear go n-údaraítear coinsíneachtaí ón Airgintín d’fheoil úr agus táirgí feola ó éanlaith chlóis agus ó éin ghéim a theacht isteach san Aontas. Ina theannta sin, faoi láthair, i Roinn A de Chuid 1 d’Iarscríbhinn XV a ghabhann le Rialachán Cur Chun Feidhme (AE) 2021/404, ní cheanglaítear aon chóireáil mhaolaithe riosca chun coinsíneachtaí de tháirgí feola ó éanlaith chlóis agus ó éin ghéim ón tríú tír sin a theacht isteach san Aontas.

(7)

I ngeall ar an riosca a bhaineann le HPAI a thabhairt isteach san Aontas, riosca atá nasctha le coinsíneachtaí, d’fheoil úr agus táirgí feola ó éanlaith chlóis agus ó éin ghéim a theacht isteach san Aontas ón Airgintín, agus in éagmais ráthaíochtaí lena bhféadfaí an tríú tír sin a réigiúnú, níor cheart údarú a thabhairt tuilleadh coinsíneachtaí den sórt sin a thabhairt isteach san Aontas. Ina theannta sin, ba cheart cóireáil laghdaithe riosca D a cheangal, i gcomhréir le hIarscríbhinn XXVI a ghabhann le Rialachán Tarmligthe (AE) 2020/692, chun coinsíneachtaí de tháirgí feola ó éanlaith chlóis agus ó éin ghéim ón tríú tír sin a theacht isteach san Aontas.

(8)

Dá bhrí sin, na hiontrálacha a bhaineann leis an Airgintín i liostaí de thríú tíortha, nó de chríocha, nó de chriosanna de thríú tír nó de chríoch a leagtar amach sna táblaí i gCuid 1 d’Iarscríbhinn XIV agus sa tábla i Roinn A de Chuid 1 d’Iarscríbhinn XV a ghabhann le Rialachán Cur Chun Feidhme (AE) 2021/404, ba cheart iad a leasú chun an staid eipidéimeolaíoch reatha sa tríú tír sin a chur san áireamh.

(9)

Ina theannta sin, tá fógra tugtha ag na Stáit Aontaithe don Choimisiún faoi ocht ráig den fhliú éanúil ardphataigineach in éanlaith chlóis i stáit Florida (1), Illinois (1), Nebraska (1), Pennsylvania (4) agus Virginia (1), na Stáit Aontaithe, ráigeanna a deimhníodh idir an 21 Feabhra 2023 agus an 28 Feabhra 2023 le hanailís saotharlainne (RT-PCR).

(10)

Tar éis na ráigeanna sin den fhliú éanúil ardphataigineach a bhí ann le déanaí, bhunaigh údaráis tréidliachta na Stát Aontaithe criosanna rialaithe de 10 km ar a laghad timpeall ar na bunaíochtaí atá buailte agus chuir siad beartas díothaithe chun feidhme chun láithreacht an fhliú éanúil ardphataiginigh a rialú agus chun leathadh an ghalair sin a theorannú.

(11)

Chuir na Stáit Aontaithe faisnéis faoi bhráid an Choimisiúin maidir leis an staid eipidéimeolaíoch ar a gcríocha agus maidir leis na bearta a rinne siad chun leathadh breise an fhliú éanúil ardphataiginigh a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin agus chun stádas sláinte ainmhithe an Aontais a chosaint, níor cheart, mar gheall ar na ráigeanna den fhliú éanúil ardphataigineach a tharla le déanaí, údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis ná d’fheoil úr ó éanlaith chlóis ná ó éin ghéim a theacht isteach san Aontas ó na limistéir atá faoi shrianta arna mbunú ag údaráis tréidliachta na Stát Aontaithe.

(12)

Ina theannta sin, chuir an Ríocht Aontaithe faisnéis nuashonraithe isteach maidir leis an staid eipidéimeolaíoch ar a críoch i ndáil le ráig amháin den fhliú éanúil ardphataigineach i mbunaíocht éanlaithe clóis i gcontae Leicestershire, Sasana, an Ríocht Aontaithe, ráig a deimhníodh an 27 Deireadh Fómhair 2022.

(13)

Chuir an Ríocht Aontaithe faisnéis isteach freisin faoi na bearta a rinne siad chun leathadh breise an fhliú éanúil ardphataiginigh a chosc. Go sonrach, tar éis na ráigeanna thuasluaite den ghalar sin, tá beartas díothaithe curtha chun feidhme ag an Ríocht Aontaithe chun leathadh an ghalair sin a rialú agus a theorannú, agus tá na bearta glantacháin agus díghalraithe is gá curtha i gcrích acu freisin tar éis chur chun feidhme an bheartais díothaithe maidir leis an mbunaíocht éanlaithe clóis ionfhabhtaithe ar a gcríoch.

(14)

Rinne an Coimisiún meastóireacht ar an bhfaisnéis a chuir an Ríocht Aontaithe isteach agus tháinig sé ar an gconclúid go bhfuil an ráig den fhliú éanúil ardphataigineach i mbunaíocht éanlaithe clóis díothaithe agus nach bhfuil aon riosca ag baint a thuilleadh le tráchtearraí éanlaithe clóis a theacht isteach san Aontas ón gcrios den Ríocht Aontaithe óna raibh teacht isteach san Aontas na dtráchtearraí éanlaithe clóis ar fionraí i ndiaidh na ráige sin.

(15)

Ba cheart, dá bhrí sin, Iarscríbhinní V, XIV agus XV a ghabhann le Rialachán Cur Chun Feidhme (AE) 2021/404 a leasú dá réir.

(16)

Agus an staid eipidéimeolaíoch reatha san Airgintín agus sna Stáit Aontaithe á cur san áireamh a mhéid a bhaineann le HPAI, ba cheart éifeacht a bheith leis na leasuithe atá le déanamh leis an Rialachán seo ar Rialachán Cur Chun Feidhme (AE) 2021/404 mar ábhar práinne.

(17)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Sonraítear in Airteagal 27(1) de Rialachán (CE) Uimh. 1107/2009 nach nglacfar le comhfhoirmleach chun é a chur i dtáirge cosanta plandaí i gcás ina suitear go bhfuil iarmhairt dhíobhálach ag a iarmhair, de dhroim úsáide i gcomhréir le dea-chleachtas cosanta plandaí, agus ag féachaint do dhálaí réalaíocha úsáide, ar shláinte an duine nó ar shláinte ainmhithe nó ar screamhuisce nó go bhfuil iarmhairt neamh-inghlactha aige ar an gcomhshaol, nó go bhfuil iarmhairt dhíobhálach ag a úsáid, de dhroim úsáide i gcomhréir le dea-chleachtas cosanta plandaí, agus ag féachaint do dhálaí réalaíocha úsáide, ar shláinte an duine nó ar shláinte ainmhithe nó ar screamhuisce nó go bhfuil iarmhairt neamh-inghlactha ag a úsáid ar phlandaí, ar tháirgí plandaí nó ar an gcomhshaol.

(2)

De bhun Airteagal 27(2) de Rialachán (CE) Uimh. 1107/2009 ó Pharlaimint na hEorpa agus ón gComhairle ní mór comhfhoirmligh nach glactar lena gcur i dtáirgí cosanta plandaí a áireamh in iarscríbhinn III a ghabhann le Rialachán (CE) Uimh. 1107/2009. Bunaíodh an chéad liosta de chomhfhoirmligh neamh-inghlactha le Rialachán (AE) 2021/383 (2) ón gCoimisiún lena leasaítear Iarscríbhinn III a ghabhann le Rialachán (CE) Uimh. 1107/2009 ó Pharlaimint na hEorpa agus ón gComhairle ina liostaítear comhfhoirmligh nach glactar lena gcur i dtáirgí cosanta plandaí.

(3)

D’fhéadfadh go mbeadh gá le hIarscríbhinn III a ghabhann le Rialachán (CE) Uimh. 1107/2009 a thabhairt cothrom le dáta i bhfianaise eolas teicniúil agus eolaíoch nua. D’fhonn cur chun feidhme intuartha agus aonfhoirmeach Airteagal 27 de Rialachán (CE) Uimh. 1107/2009 a áirithiú, is iomchuí rialacha beachta a leagan amach maidir le sainaithint comhfhoirmleach neamh-inghlactha sna táirgí sin, ar rialacha iad a d’fhéadfaí a liostú ina dhiaidh sin i leagan cothrom le dáta den Iarscríbhinn III sin. Chun na gcríoch sin, bunaítear leis an Rialachán seo sraith de chritéir mhionsonraithe chun a chinneadh an bhféadfadh éifeachtaí dochracha nó neamh-inghlactha a bheith ag comhfhoirmleach dá bhforáiltear in Airteagal 27(1) de Rialachán (CE) Uimh. 1107/2009, agus ba cheart a áirithiú leis na critéir sin go gcomhlíonann comhfhoirmligh caighdeáin sábháilteachta lena gcosnaítear sláinte an duine agus an comhshaol.

(4)

Is substaintí ceimiceacha iad comhfhoirmligh ar féidir iad a úsáid chun críocha éagsúla, lena n-áirítear i dtáirgí cosanta plandaí. Déantar a monarú, a gcur ar an margadh agus a n-úsáid a rialú faoi Rialachán (CE) Uimh. 1907/2006 ó Pharlaimint na hEorpa agus ón gComhairle (“REACH”) (3). Ní mór comhfhoirmligh a chlárú faoin Rialachán sin lena n-áirítear nuair a bheartaítear iad a úsáid i dtáirgí cosanta plandaí. Is féidir iad a shainaithint mar shubstaintí arb údar an-ard imní iad i gcomhréir le hAirteagal 59 de Rialachán (CE) Uimh. 1907/2006 nó a bheith faoi réir srianta i gcomhréir le Teideal VIII den Rialachán sin.

(5)

Níor cheart glacadh le comhfhoirmleach lena chur i dtáirgí cosanta plandaí i gcás ina bhfuil sé aicmithe nó nach mór é a aicmiú mar shubstaint charcanaigineach, shó-ghineach nó thocsaineach don atáirgeadh, Catagóirí 1A nó 1B. Chun aicmiú comhchuibhithe guaise comhfhoirmleach a bhunú, féadfaidh Ballstáit nó monaróirí, allmhaireoirí nó úsáideoirí foghabhálacha tograí a thíolacadh maidir le haicmiú comhchuibhithe i gcomhréir le hAirteagal 37 de Rialachán (CE) Uimh. 1272/2008 ó Pharlaimint na hEorpa agus ón gComhairle (4).

(6)

Níor cheart glacadh freisin le comhfhoirmleach lena chur i dtáirgí cosanta plandaí i gcás ina sainaithnítear é mar shubstaint arb údar an-ard imní í i gcomhréir le Rialachán (CE) Uimh. 1907/2006 ar chúiseanna nach mbaineann lena aicmiú mar shubstaint charcanaigineach, shó-ghineach nó thocsaineach don atáirgeadh, Catagóirí 1A nó 1B.

(7)

Mar sin de, más ábhar imní iad airíonna comhfhoirmleach a úsáidtear i dtáirgí cosanta plandaí go bhféadfadh éifeachtaí díobhálacha ar shláinte an duine nó ar shláinte ainmhithe a bheith mar thoradh ar a n-úsáid i dtáirgí cosanta plandaí, ba cheart do na Ballstáit bearta iomchuí a ghlacadh ar dtús i gcomhréir leis an dá Rialachán sin toisc go bhfuil airíonna guaise den sórt sin ábhartha freisin maidir le gach úsáid eile a bhaintear as na substaintí lena mbaineann, agus ina dhiaidh sin moltar na comhfhoirmligh a áireamh in Iarscríbhinn III a ghabhann le Rialachán (CE) Uimh. 1107/2009.

(8)

Ina theannta sin, níor cheart go nglacfaí le comhfhoirmleach lena chur i dtáirge cosanta plandaí i gcásanna inar sainaithníodh an comhfhoirmleach mar thruailleán orgánach marthanach faoi Rialachán (AE) 2019/1021 ó Pharlaimint na hEorpa agus ón gComhairle (5).

(9)

Ina theannta sin, má shainaithnítear go bhfuil réabtha inchrínigh ag comhfhoirmleach a úsáidtear i dtáirgí cosanta plandaí faoi Rialachán (AE) Uimh. 528/2012 ó Pharlaimint na hEorpa agus ón gComhairle (6), mura bhfuil sé formheasta mar shubstaint ghníomhach lena húsáid mar leasaitheach le linn stórála, nó má bunaíodh srianta ar bith i gcomhréir leis an Rialachán sin a dhéanann difear d’úsáidí i dtáirgí cosanta plandaí, ba cheart a mheas go bhfuil a úsáid sna táirgí sin neamh-inghlactha.

(10)

Ar mhaithe le héifeachtúlacht, comhsheasmhacht agus intuarthacht, maidir leis na srianta sonracha dá bhforáiltear in Iarscríbhinn XVII a ghabhann le Rialachán (CE) 1907/2006, is iomchuí a ráthú go mbeidh feidhm freisin ag srianta den sórt sin maidir leis na substaintí sin go léir a d’fhéadfaí a úsáid, nó a úsáidtear faoi láthair, mar chomhfhoirmligh i dtáirgí cosanta plandaí.

(11)

Ar deireadh, chun comhleanúnachas a choinneáil leis na critéir fhormheasa le haghaidh substaintí gníomhacha, teorantóirí agus sineirgígh, ba cheart go mbeadh feidhm freisin ag na critéir le haghaidh substaintí gníomhacha a fhormheas a bhaineann le sláinte an duine nó sláinte ainmhithe agus an comhshaol, dá bhforáiltear in Iarscríbhinn II a ghabhann le Rialachán (CE) Uimh. 1107/2009, a mhéid nach bhfuil siad cumhdaithe cheana féin ag na critéir eile maidir le neamhghlacadh comhfhoirmleach.

(12)

Is gá agus is iomchuí rialacha a leagan síos maidir leis an nós imeachta atá le leanúint chun comhfhoirmligh a áireamh in Iarscríbhinn III a ghabhann le Rialachán (CE) Uimh. 1107/2009. Ba cheart go sonrófaí an fhaisnéis a bheidh le tíolacadh ag na Ballstáit chun na gcríoch sin. Chun comhsheasmhacht a áirithiú le linn na meastóireachta, ba cheart don Údarás Eorpach um Shábháilteacht Bia (“an tÚdarás”) measúnú teicniúil a dhéanamh, tar éis fógra a fháil ó Bhallstát agus tar éis don Bhallstát sin tuarascáil ábhartha a thíolacadh ar na cúiseanna a d’fhéadfadh bheith le comhlíonadh na gcritéar, mar a bhunaítear sa Rialachán seo iad, ag comhfhoirmleach i gcásanna nach bhfuil aon ghníomhaíocht faoi reachtaíocht eile de chuid an Aontais tionscanta nó curtha i gcrích ag an mBallstát a thugann fógra. Is gá a shoiléiriú gur cheart go mbeadh an tÚdarás i dteideal faisnéis ábhartha a éileamh ó na Ballstáit eile agus, i gcás inarb iomchuí, ón nGníomhaireacht Eorpach Ceimiceán.

(13)

De bhun Airteagal 27(3) de Rialachán (CE) Uimh. 1107/2009, féadfaidh an Coimisiún athbhreithniú a dhéanamh ar chomhfhoirmligh aon tráth. Agus sin á dhéanamh, féadfaidh sé freisin faisnéis ábhartha arna soláthar ag na Ballstáit a chur san áireamh. Meastar, dá bhrí sin, gur gá nós imeachta a bhunú lena gceadófar do na Ballstáit fógra a thabhairt don Choimisiún faoi chomhfhoirmligh atá liostaithe cheana in Iarscríbhinn III a ghabhann le Rialachán (CE) Uimh. 1107/2009 a bhféadfadh gá a bheith ann iad a scriosadh as an Iarscríbhinn sin nó faoi aon choinníollacha a bhunaítear san Iarscríbhinn sin maidir le comhfhoirmligh a bhféadfadh gá a bheith ann iad a leasú.

(14)

Ní dhéanann an Rialachán seo difear don fhéidearthacht atá ag na Ballstáit toirmeasc nó srian sealadach a chur ar chur i bhfeidhm comhfhoirmligh laistigh dá gcríoch ar bhonn Airteagal 81(2) de Rialachán (CE) Uimh. 1107/2009 faoi réir na gcoinníollacha a leagtar síos san Airteagal sin.

(15)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Is Páirtí Conarthach é an tAontas i gCoinbhinsiún na Náisiún Aontaithe maidir le Dlí na Farraige an 10 Nollaig 1982 (2), ar coinbhinsiún é lena gceanglaítear ar chomhaltaí uile an chomhphobail idirnáisiúnta oibriú i gcomhar le chéile i dtaca le hacmhainní beo na farraige a chaomhnú agus a bhainistiú.

(2)

Is Páirtí Conarthach é an tAontas freisin sa Chomhaontú maidir le cur chun feidhme fhorálacha Choinbhinsiún na Náisiún Aontaithe maidir le Dlí na Farraige an 10 Nollaig 1982 i ndáil le caomhnú agus le bainistiú stoc éisc traslimistéir agus stoc éisc mór-imirceach (3).

(3)

Tá inniúlacht eisiach ag an Aontas i réimse chaomhnú acmhainní bitheolaíocha na mara faoin gComhbheartas Iascaigh. Áirítear freisin leis na cumhachtaí a thugtar don Aontas ar an leibhéal inmheánach cumhacht an Aontais oibriú i gcomhar in eagraíochtaí idirnáisiúnta, lena n-áirítear é sin a dhéanamh faoi chuimsiú eagraíochtaí réigiúnacha bainistithe iascaigh.

(4)

Is Páirtí Conarthach í an Pholainn sa Coinbhinsiún um Chaomhnú agus um Bainistiú Acmhainní Mangach i Muir Bheiring Láir (“an Coinbhinsiún”). Níl an tAontas ina pháirtí sa Choinbhinsiún. De bhua Airteagal 6(9) d’Ionstraim Aontachais 2003, amhail ó dháta an aontachais, tá comhaontuithe iascaigh arna dtabhairt i gcrích ag Ballstáit aontacha le tríú tíortha le bainistiú ag an Aontas. Dá bhrí sin, ba cheart don Aontas aon chinntí arna mbunú faoin gCoinbhinsiún a chur chun feidhme ina dhlíchóras.

(5)

Is chun leas an Aontais é ról éifeachtach a bheith aige i gcur chun feidhme an Choinbhinsiúin. Le gníomh den sórt sin, cuirfear comhsheasmhacht chur chuige an Aontais i leith an chaomhnaithe ar fud na n-aigéan chun cinn freisin agus neartófar tiomantas an Aontais i dtaca le caomhnú fadtéarmach agus úsáid inbhuanaithe na n-acmhainní iascaigh ar fud an domhain.

(6)

Le Cinneadh ón gComhairle an 11 Aibreán 2016, thug an Chomhairle údarú don Pholainn leasú ar an gCoinbhinsiún a chaibidliú, chun leas an Aontais, lena gceadófaí don Aontas a bheith rannpháirteach mar pháirtí iomlán sa Choinbhinsiún. Chuige sin, bhí an Pholainn le leasú ar an gCoinbhinsiún a mholadh chun rannpháirtíocht eagraíochtaí réigiúnacha um chomhtháthú eacnamaíochta a cheadú agus chun go bhféadfadh an tAontas a bheith ina pháirtí sa Choinbhinsiún.

(7)

I mí Dheireadh Fómhair 2016, mhol an Pholainn leasú den sórt sin ar an gCoinbhinsiún do Thaiscí an Choinbhinsiúin.

(8)

Ba cheart, dá bhrí sin, an Pholainn a údarú chun an leasú ar an gCoinbhinsiún a dhaingniú,

(1)

Shínigh an tAontas an Comhaontú maidir le hiompar lasta de bhóthar idir an tAontas Eorpach agus an Úcráin (1)(“an Comhaontú”) i gcomhréir le Cinneadh (AE) 2022/118 ón gComhairle (2) agus tá sé i bhfeidhm go sealadach ón 29 Meitheamh 2022.

(2)

Le hAirteagal 7(1) den Chomhaontú, bunaítear Comhchoiste chun maoirsiú agus faireachán a dhéanamh ar chur i bhfeidhm agus ar chur chun feidhme an Chomhaontaithe agus chun athbhreithniú tréimhsiúil a dhéanamh ar a fheidhmiú i bhfianaise a chuid cuspóirí.

(3)

Le hAirteagal 7(6) den Chomhaontú, foráiltear go bhfuil an Comhchoiste lena rialacha nós imeachta a ghlacadh. Chun cur chun feidhme cuí an Chomhaontaithe a áirithiú, ba cheart rialacha nós imeachta an Chomhchoiste a ghlacadh.

(4)

Mar a leagtar amach in Airteagal 6(1) den Chomhaontú, tá an Comhaontú le feidhm a bheith aige go dtí an 30 Meitheamh 2023. Tá an Comhchoiste le tionól, áfach, 3 mhí ar a dhéanaí roimh dhul in éag an Chomhaontaithe chun measúnú a dhéanamh ar an ngá leanúint leis an gComhaontú agus cinneadh a dhéanamh ina leith sin.

(5)

Chun go leanfaidh leis an tairbhe a bhaineann an tAontas agus an Úcráin araon as éifeachtaí dearfacha an Chomhaontaithe maidir le hiompar lasta de bhóthar a éascú idir an Úcráin agus an tAontas agus maidir le lánaí dlúthpháirtíochta dea-fheidhmiúla a áirithiú i gcomhthéacs chogadh foghach na Rúise i gcoinne na hÚcráine, ba cheart an Comhaontú a fhadú go dtí an 30 Meitheamh 2024.

(6)

Tá an Comhchoiste le cinneadh a ghlacadh lena mbunófar a rialacha nós imeachta agus maidir leis an ngá leanúint leis an gComhaontú, lena n-áirítear fad na leanúna.

(7)

Is iomchuí, dá bhrí sin, an seasamh atá le glacadh thar ceann an Aontais sa Chomhchoiste maidir le glacadh na rialacha nós imeachta agus an leanúint leis an gComhaontú a leagan síos, ós rud é go mbeidh a chinntí ina gceangal ar an Aontas,

(8)

Ba cheart, dá bhrí sin, seasamh an Aontais sa Chomhchoiste a bheith bunaithe ar na dréachtchinntí atá i gceangal leis seo,

(1)

An 12 Nollaig 2022, chomhaontaigh an Chomhairle gur cheart uasteorainn fhoriomlán airgeadais na Saoráide Eorpaí Síochána (“an tSaoráid”) a mhéadú EUR 2 000 milliún (i bpraghsanna 2018) in imeacht na mblianta ó 2024 go 2027. Agus an méadú sin á cur chun feidhme, tá uasteorainn na n-íocaíochtaí a comhaontaíodh do 2023 le hurramú. D’admhaigh an Chomhairle freisin go bhféadfadh sé gur ghá uasteorainn fhoriomlán airgeadais na Saoráide go dtí 2027 a mhéadú a thuilleadh de bharr athruithe sa timpeallacht slándála idirnáisiúnta. Is í an Chomhairle, ag gníomhú di d’aon toil, a chinnfidh ar aon mhéadú breise atá le déanamh agus leagfar síos i leasú ar Chinneadh (CBES) 2021/509 ón gComhairle (1) é. Níl an méadú foriomlán iomlán ar uasteorainn airgeadais na Saoráide go dtí 2027 le dul thar EUR 5 500 milliún (i bpraghsanna 2018).

(2)

Sna conclúidí uaithi an 15 Nollaig 2022, d’athdhearbhaigh an Chomhairle Eorpach gné dhomhanda na Saoráide agus ba dhíol sásaimh di an comhaontú sa Chomhairle an 12 Nollaig 2022 chun a hinbhuanaitheacht airgeadais a áirithiú.

(3)

Sa Chompás Straitéiseach don tSlándáil agus don Chosaint, a d’fhormheas an Chomhairle an 21 Márta 2022, iarrtar go ndéanfaí athmheasúnú faoi 2023 ar raon feidhme agus sainmhíniú na gcostas coiteann chun dlúthpháirtíocht a fheabhsú agus rannpháirtíocht i misin agus oibríochtaí míleata a spreagadh, chomh maith le costais a bhaineann le cleachtaí, i bhfianaise freisin tograí maidir le hacmhainneacht mhear-imscartha an Aontais. Tá maoiniú chostas incháilithe Fhreachnamh Míleata an Aontais um Bainistiú Géarchéime 2023 (MILEX 2023), le méid suas le EUR 5 000 000, gan dochar do chinntí a dhéanfar amach anseo maidir le costais choiteanna a mhaoiniú.

(4)

Mar gheall ar an taithí a fuarthas ó glacadh Cinneadh (CBES) 2021/509, is gá níos mó solúbthachta a thabhairt isteach maidir le bailiú agus úsáid rannchuidithe airgeadais ó na Ballstáit agus maidir leis an gcaoi a n-úsáideann an tSaoráid iad, go háirithe trí fháil agus úsáid réamh-ranníocaíochtaí a cheadú. Ní dhéanann rannchuidithe a roghnaíonn Ballstát a íoc roimh ré difear do mhéid na rannchuidithe atá dlite ón mBallstát sin nó ó Bhallstáit eile, ná do chumas na Saoráide a spriocanna a bhaint amach. Ní féidir réamh-rannchuidithe den sórt sin a chur in áirithe d’aon chuspóir sonrach.

(5)

Ina theannta sin, tá gá le níos mó solúbthachta a thabhairt isteach trí chur leis an úsáid a bhaintear as an luathmhaoiniú le haghaidh beart cúnaimh faoi údarú an Choiste um an tSaoráid. Ní úsáidfear rannchuidithe le luathmhaoiniú ó Bhallstát chun bearta cúnaimh a mhaoiniú, ar bearta iad óna staonann an Ballstát sin i gcomhréir le hAirteagal 5(3) de Chinneadh (CBES) 2021/509.

(6)

Ba cheart, dá bhrí sin, an Iarscríbhinn a ghabhann le Cinneadh (CBES) 2021/509 a leasú dá réir,

1.

in Airteagal 2, cuirtear an méid seo a leanas in ionad mhír 1:

2.

in Airteagal 4, cuirtear an pointe seo a leanas leis:

3.

in Airteagal 17, cuirtear an mhír seo a leanas leis:

4.

in Airteagal 26, cuirtear an méid seo a leanas in ionad phointe 8:

5.

cuirtear an méid seo a leanas in ionad Airteagal 28:

6.

in Airteagal 29, cuirtear an méid seo a leanas in ionad mhír 9:

7.

in Airteagal 29, cuirtear an mhír seo a leanas leis:

8.

in Airteagal 73, cuirtear an mhír seo a leanas isteach:

9.

cuirtear an méid seo a leanas in ionad Iarscríbhinn I:

(1)

Mar a leagtar amach in Airteagal 6(1), pointe (a), de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair, cuirfidh oibreoirí atá bunaithe sa Pháirtí eile dearbhú maidir le postú faoi bhráid údaráis inniúla an Pháirtí, nó i gcás an Aontais, údaráis inniúla an Bhallstáit ina bhfuil an tiománaí ar postú, agus úsáid á baint ón 2 Feabhra 2022 ar aghaidh as leagan caighdeánach ilteangach den chomhéadan poiblí atá nasctha le Córas Faisnéise an Mhargaidh Inmheánaigh (IMI) a bunaíodh le Rialachán (AE) Uimh. 1024/2012 ó Pharlaimint na hEorpa agus ón gComhairle (2). Maidir le húdarás inniúil, féadfaidh aon chomhlacht atá bunaithe ar an leibhéal náisiúnta, réigiúnach nó áitiúil agus atá cláraithe in IMI agus a bhfuil freagrachtaí sonracha air a bhaineann le cur i bhfeidhm forálacha dlíthiúla áirithe a bheith ann.

(2)

Mar a leagtar amach in Airteagal 6(1), pointe (c), an dara fomhír, de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair, le IMI, ceadaítear freisin iarrataí a dhéanamh ar chúnamh ó údaráis inniúla an Pháirtí bunaíochta nó, i gcás an Aontais, ó údaráis inniúla an Bhallstáit bunaíochta, i gcás nach gcuireann an t-oibreoir an doiciméadacht a iarradh isteach laistigh de 8 seachtaine ó dháta na hiarrata.

(3)

Féadfaidh tríú tíortha IMI a úsáid má chomhlíontar na coinníollacha a leagtar síos in Airteagal 23 de Rialachán (AE) Uimh. 1024/2012, agus ar choinníoll go mbíonn an tríú tír dár tugadh rochtain ar IMI páirteach i gcostais oibriúcháin IMI.

(4)

Mar a leagtar amach in Airteagal 7(5) de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair, leagtar síos go socróidh an Coiste Speisialaithe um Iompar de Bhóthar na sonraíochtaí teicniúla agus nós imeachta maidir leis an úsáid a bhaineann an Ríocht Aontaithe as IMI. Tá gá leis na sonraíochtaí sin chun nascadh na n-oibreoirí agus na n-údarás inniúil le IMI a cheadú, agus ar an gcaoi sin chun go mbeidh na hoibreoirí in ann a ndearbhuithe maidir le postú a chur isteach agus chun go mbeidh na húdaráis inniúla in ann páirt a ghlacadh sa chomhar riaracháin a dtugtar tuairisc air in aithrisí 1 agus 2. Chuir an tAontas na sonraíochtaí sin chun feidhme trí bhíthin Rialachán Cur Chun Feidhme (AE) 2021/2179 ón gCoimisiún (3).

(5)

Mar a leagtar amach in Airteagal 7(6) de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair, beidh gach Páirtí páirteach i gcostais oibriúcháin chóras IMI. Is é an Coiste Speisialaithe um Iompar de Bhóthar a chinnfidh na costais a bheidh le híoc ag gach Páirtí. Is gá, dá bhrí sin, méid agus módúlachtaí na ranníocaíochta airgeadais atá le déanamh ag an Ríocht Aontaithe le buiséad ginearálta an Aontais a chinneadh i ndáil leis an gcostas a ghintear ón úsáid a bhaineann sí as IMI. Beidh dhá chuid sa ranníocaíocht airgeadais: costais chothabhála bhliantúla (ranníocaíocht bhliantúil) agus costais forbartha (íocaíocht aonuaire),