(a)

thar ceann an Aontais: an Coimisiún Eorpach, i gcás inarb infheidhme tríd an Toscaireacht;

(b)

thar ceann Oileán Mhuirís: an Aireacht atá freagrach as ábhar an iascaigh.

1.

Beidh údaruithe iascaireachta bailí ar feadh 1 bhliain féilire iomlán agus beidh siad in-athnuaite. Chun tús agus deireadh na tréimhse bailíochta a chinneadh, ciallóidh “tréimhse bhliantúil” an méid seo a leanas:

Don 1ú bliain agus don bhliain dheireanach den Phrótacal seo, déanfar an táille réamhíocaíochta a ríomh ar bhonn pro rata temporis.

2.

Ní fhéadfaidh ach soithí de chuid an Aontais a mheasann an tAontas a bheith incháilithe údarú iascaireachta a fháil chun iascaireacht a dhéanamh in uiscí Oileán Mhuirís faoin bPrótacal seo.

3.

Chun go mbeidh soitheach de chuid an Aontais incháilithe, comhlíonfar na coinníollacha seo a leanas:

4.

Cuirfidh an tAontas iarratas ar údarú iascaireachta faoi bhráid údaráis inniúla Oileán Mhuirís maidir le gach soitheach de chuid an Aontais faoin gComhaontú 21 lá féilire ar a laghad roimh thús na tréimhse bailíochta a iarradh. Féadfar tarchur leictreonach na n-iarratas ar údaruithe iascaireachta agus a n-eisiúint a dhéanamh tríd “an córas LICENCE”, rud a chiallaíonn córas leictreonach bainistíochta na n-údaruithe iascaireachta, arna chur ar fáil ag an gCoimisiún Eorpach.

5.

I ngach iarratas ar údarú iascaireachta beidh an fhaisnéis a liostaítear i bhFoscríbhinn 1 agus na doiciméid seo a leanas:

6.

Íocfar na réamhtháillí isteach i gcuntas Stáit sonrach de chuid Ard-Chuntasóir Oileán Mhuirís, a dtabharfaidh Oileán Mhuirís mionsonraí ina thaobh. Áireofar ar na réamhtháillí íocaíochta gach muirear neamhoibríochtúil.

7.

Chun údarú iascaireachta a athnuachan faoin bPrótacal seo atá i bhfeidhm maidir le soitheach nár modhnaíodh a sonraíochtaí teicniúla, ní bheidh san iarratas ar athnuachan ach an fhaisnéis a leagtar amach i bhFoscríbhinn 1 agus an cruthúnas gur íocadh an táille.

8.

Eiseoidh údaráis Oileán Mhuirís údaruithe iascaireachta le haghaidh gach soithigh údaraithe agus soláthróidh siad na húdaruithe bunaidh sínithe do na longúinéirí nó dá ngníomhaire laistigh de 21 lá féilire tar éis dóibh an t-iarratas iomlán dá dtagraíonn an t-údarás inniúil i bpointe 5 a fháil. Tar éis dóibh an t-údarú iascaireachta a eisiúint, déanfaidh údaráis Oileán Mhuirís cóip den bhunchóip shínithe a uaslódáil go pras sa chóras LICENCE nuair a bheidh an córas ag feidhmiú go hiomlán.

9.

Déanfaidh soitheach údaraithe de chuid an Aontais an t-údarú iascaireachta bunaidh a choimeád ar bord. Mar sin féin, féadfar cóip leictreonach den údarú iascaireachta a úsáid ar feadh uastréimhse 60 lá féilire tar éis dháta eisiúna an údaraithe iascaireachta sin. Le linn na tréimhse sin, measfar go bhfuil an chóip coibhéiseach leis an mbunchóip. Tar éis na tréimhse 60 lá sin, coimeádfar bunchóip an údaraithe iascaireachta ar bord i gcónaí.

10.

Eiseofar údarú iascaireachta chuig soitheach sonrach agus ní bheidh sé inaistrithe, ach amháin i gcás force majeure.

11.

I gcás ina n-admhaíonn an dá Pháirtí force majeure, féadfar, ar iarraidh ón Aontas, údarú nua a chur in ionad údarú iascaireachta, údarú a eiseofar le haghaidh soitheach comhchosúil eile nó soitheach ionaid sa chatagóir iascaireachta chéanna leis an soitheach atá á hionadú, gan réamhtháille nua a íoc. I gcás den sórt sin, cuirfear san áireamh sa ráiteas táillí le haghaidh soithí de chuid an Aontais dá dtagraítear i bpointe 21 de Chaibidil III gabháil iomlán an dá shoitheach in uiscí Oileán Mhuirís.

12.

I gcás aistrithe, tabharfaidh an longúinéir nó a ghníomhaire in Oileán Mhuirís ar ais an t-údarú iascaireachta atá le hionadú agus déanfaidh Oileán Mhuirís údarú ionaid a tharraingt suas láithreach. Eiseofar an t-údarú ionaid gan a thuilleadh moille don longúinéir nó dá ghníomhaire nuair a thabharfar an t-údarú atá le hionadú ar ais.

13.

Gabhfaidh éifeacht leis an údarú ionaid an lá a chuirfear an t-údarú a cuireadh ar ceal ar ais chuig údaráis inniúla Oileán Mhuirís. I gcás den sórt sin, tabharfaidh Oileán Mhuirís liosta na soithí údaraithe cothrom le dáta gan mhoill agus seolfaidh sé chuig an Aontas é. Cuirfidh údaráis inniúla Oileán Mhuirís Toscaireacht ar an eolas gan mhoill faoi aistriú an údaraithe iascaireachta.

14.

I gcás ina dtiocfaidh deacrachtaí chun cinn maidir le faisnéis a tharchur sa chóras LICENCE idir an Coimisiún Eorpach agus Oileán Mhuirís, déanfar malartuithe leictreonacha údaruithe iascaireachta trí ríomhphost go dtí go mbeidh an córas ag feidhmiú arís.

15.

Údaróidh údaráis Oileán Mhuirís go mbeidh soithí soláthair údaraithe le cúnamh a thabhairt do shoithí de chuid an Aontais atá ina sealbhóirí ar údarú iascaireachta. Ní mór do shoithí soláthair a bheith faoi bhratach Ballstáit den Aontas agus gan a bheith feistithe le haghaidh iascaireachta ná le húsáid le haghaidh trasloingsithe.

16.

Níor cheart athbhreoslú ná trasloingsiú gabhálacha a chuimsiú sa tacaíocht a sholáthrófar.

17.

An líon soithí soláthair údaraithe de chuid an Aontais a bheidh ag oibriú in aghaidh an líon soithí peas-saighne údaraithe de chuid an Aontais, beidh sé i gcomhréir le rúin ábhartha IOTC. Ina theannta sin, comhlíonfaidh ceanglais tuairiscithe oibleagáidí ábhartha IOTC agus forálacha reachtaíochta náisiúnta ábhartha eile.

18.

Na soithí soláthair a bhfuil bratach Ballstáit den Aontas Eorpach ar foluain acu, beidh siad faoi réir na nósanna imeachta céanna lena rialaítear iarratais ar údarú iascaireachta a fháil agus a tharchur mar a leagtar amach sa Chaibidil seo, a mhéid is infheidhme ina leith.

19.

Ar na hiarratais ar an údarú iascaireachta a fháil, féadfar liosta sealadach de na soithí is iarratasóirí a tharraingt suas le haghaidh gach catagóire soithigh, lena n-áirítear soithí soláthair, agus féadfaidh údarás inniúil Oileán Mhuirís é a sheoladh trí ríomhphost go pras chuig an Aontas agus chuig an Toscaireacht.

20.

Cuirfidh an tAontas an liosta sealadach ar aghaidh chuig an longúinéir nó a ghníomhaire. Má tá oifigí an Aontais dúnta, féadfaidh Oileán Mhuirís an liosta sealadach a sheoladh go díreach chuig an longúinéir nó a ghníomhaire agus cóip a chur chuig an Toscaireacht.

21.

Le linn dóibh a bheith in uiscí Oileán Mhuirís nó i gcalafort Oileán Mhuirís, ní mór na doiciméid seo a leanas a iompar ar bord an tsoithigh iascaireachta i gcónaí:

22.

Socraítear méid na réamhtháille a íoctar ar bhonn an ráta bhliantúil mar a leanas. Áireofar ann na cánacha áitiúla agus náisiúnta uile cé is moite de chánacha calafoirt, cánacha ar thabhairt i dtír, cánacha trasloingsithe agus muirir chun seirbhísí a sholáthar a thoibhítear de réir mar is infheidhme agus nuair is infheidhme.

23.

Na táillí a bheidh le híoc ag longúinéirí, ríomhfar iad ar bhonn an ráta EUR 80 in aghaidh an tona éisc a ghabhtar.

24.

Is é seo a leanas an táille bhliantúil réamhíocaíochta a bheidh le híoc ag na longúinéirí tráth a chuirtear iarratais ar údarú iascaireachta isteach, údarú a bheidh le heisiúint ag údaráis Oileán Mhuirís:

25.

Is é EUR 5 000 an táille ceadúnais bhliantúil a bheidh infheidhme maidir le haon soitheach soláthair údaraithe.

1.

Tabharfaidh an máistir fógra faoi ghabháil an tsoithigh trína logleabhair iascaireachta a chur faoi bhráid Oileán Mhuirís le haghaidh na tréimhse ina mbeidh sí in uiscí Oileán Mhuirís.

2.

Nuair a bheidh an ERS i seirbhís, coimeádfaidh máistir soithigh de chuid an Aontais a bheidh i mbun gníomhaíochtaí iascaireachta faoin bPrótacal seo logleabhar iascaireachta leictreonach a bheidh lánpháirtithe in ERS.

3.

Ní údarófar do shoithí nach bhfuil feistithe le ERS dul isteach in uiscí Oileán Mhuirís chun gníomhaíochtaí iascaireachta a dhéanamh. I gcás nach gcomhlíontar na forálacha a bhaineann le tuairisciú gabhála, féadfaidh Oileán Mhuirís údarú iascaireachta an tsoithigh lena mbaineann a chur ar fionraí go dtí go bhfaighfear an tuarascáil gabhála atá ar iarraidh agus aon ghníomh a dhéanamh i gcoinne an longúinéara i gcomhréir leis na forálacha ábhartha faoin reachtaíocht náisiúnta atá i bhfeidhm. Má dhéantar an cion arís, féadfaidh Oileán Mhuirís diúltú an t-údarú iascaireachta a athnuachan. Cuirfidh Oileán Mhuirís an tAontas ar an eolas láithreach faoi aon smachtbhanna a chuirfear i bhfeidhm sa chomhthéacs sin.

4.

Beidh an máistir freagrach as cruinneas na sonraí a thaifeadfar. Comhlíonfaidh an logleabhar iascaireachta rúin agus moltaí ábhartha IOTC agus déanfar é a tharchur i gcomhréir leis an gcaighdeán de chuid UN/FLUX dá dtagraítear i bhFoscríbhinn 3.

5.

Áiritheoidh an Stát brataí agus Oileán Mhuirís go mbeidh an trealamh agus na bogearraí TF is gá acu chun sonraí ERS a tharchur go huathoibríoch. Seachas sin, is leis an bpost leictreonach a dhéanfar an tarchur.

6.

Áiritheoidh an Stát brataí go ndéanfar sonraí an ERS a fháil agus a thaifeadadh i mbunachar sonraí ríomhaireachta lena gcumasófar slánstóráil na sonraí ar feadh tréimhse 36 mhí ar a laghad ó thús an turais.

7.

Áiritheoidh Lárionad Faireacháin Iascaigh (FMC) an Stáit brataí go gcuirfear ar fáil go huathoibríoch logleabhair iascaireachta tríd an ERS do FMC Oileán Mhuirís ar bhonn laethúil le linn na tréimhse ina bhfuil an soitheach in uiscí Oileán Mhuirís, fiú i gcás nach ndearnadh aon ghabháil.

8.

Déanfaidh an máistir dáta agus am an phointe iontrála in uiscí Oileán Mhuirís, agus an phointe imeachta astu, a thaifeadadh láithreach nuair a bheidh an ERS ag feidhmiú.

9.

Gach lá, déanfaidh an máistir taifead ar na cainníochtaí measta de gach speiceas a ghabhtar agus a choimeádtar ar bord, nó a aischuirtear san fharraige, le haghaidh gach oibríochta iascaireachta. Déanfar taifeadadh cainníochtaí measta speicis a ghabhtar nó a aischuirtear san fharraige gan beann ar mheáchan. Má tá soitheach i láthair nach dtéann i mbun iascaireachta, déanfar suíomh an tsoithigh ag meán lae Am Uilíoch Lárnach (AUL) a thaifeadadh.

10.

Tarchuirfear sonraí an logleabhair iascaireachta go huathoibríoch agus ar bhonn laethúil chuig FMC an Stáit brataí. Cuimseofar an méid seo a leanas ar a laghad san fhaisnéis:

11.

Cuirfidh FMC an Stáit brataí agus FMC Oileán Mhuirís a chéile ar an eolas láithreach faoi aon imeacht a d’fhéadfadh difear a dhéanamh do tharchur sonraí ERS ó shoitheach amháin nó níos mó de chuid an Aontais.

12.

Más rud é nach bhfaigheann FMC Oileán Mhuirís na sonraí atá le tarchur ag soitheach de chuid an Aontais, tabharfaidh sé fógra faoi sin do FMC an Stáit brataí láithreach. Déanfaidh FMC an Stáit brataí imscrúdú gan mhoill ar na cúiseanna nach bhfuarthas sonraí an ERS agus cuirfidh sé FMC Oileán Mhuirís ar an eolas faoi thoradh a chuid imscrúduithe.

13.

I gcás ina dteipeann ar an tarchur idir soitheach an Aontais agus FMC an Stáit brataí, cuirfidh FMC an Stáit brataí é sin in iúl láithreach do mháistir nó d’oibreoir shoitheach an Aontais nó, murar féidir teacht orthu, dá n-ionadaí. Tar éis an fógra sin a fháil, déanfaidh máistir an tsoithigh na sonraí atá ar iarraidh a tharchur chuig údaráis inniúla an Stáit brataí, trí bhíthin aon mhodh teileachumarsáide iomchuí, gach lá agus tráth nach déanaí ná 23.59 AUL.

14.

I gcás ina dteipfidh ar an gcóras leictreonach tarchurtha atá suiteáilte ar bord an tsoithigh, áiritheoidh máistir nó oibreoir an tsoithigh go ndéantar an ERS a dheisiú nó a ionadú laistigh de 10 lá ón uair a bhraitear an cliseadh. A luaithe a bheidh an sprioc-am sin istigh, ní bheidh soitheach an Aontais údaraithe a thuilleadh chun iascaireacht a dhéanamh in uiscí Oileán Mhuirís agus ní mór di iad a fhágáil nó cuairt a thabhairt ar chalafort de chuid Oileán Mhuirís laistigh de 24 uair an chloig. Ní údarófar do shoitheach an Aontais an calafort sin a fhágáil ná filleadh ar uiscí Oileán Mhuirís go dtí go mbeidh sé deimhnithe ag FMC a Stáit brataí go bhfuil an ERS ag feidhmiú i gceart arís.

15.

Má theipeann ar Oileán Mhuirís sonraí an ERS a fháil mar gheall ar chliseadh na gcóras leictreonach faoi mhaoirseacht an Aontais nó Oileán Mhuirís, déanfaidh an Páirtí i gceist aon bheart pras chun an fhadhb a réiteach go tapa. Tabharfar fógra don Pháirtí eile nuair a bheidh an fhadhb réitithe.

16.

Gach 24 uair an chloig, seolfaidh FMC an Stáit brataí sonraí uile an ERS a fuair an Stát brataí ó bhí an tarchur deireanach ann chuig FMC Oileán Mhuirís, agus úsáid á baint as aon mhodh cumarsáide leictreonach atá ar fáil. Féadfar an nós imeachta céanna a chur i bhfeidhm arna iarraidh sin d’Oileán Mhuirís i gcás oibríochtaí cothabhála a mhairfidh níos mó ná 24 uair an chloig agus a dhéanfaidh difear do na córais faoi mhaoirseacht an Aontais. Cuirfidh Oileán Mhuirís a sheirbhísí faireacháin inniúla ar an eolas ionas nach measfar go bhfuil a n-oibleagáid maidir le sonraí ERS a tharchur á sárú ag soithí de chuid an Aontais. Áiritheoidh FMC an Stáit brataí go ndéanfar na sonraí atá ar iarraidh a iontráil sa bhunachar sonraí leictreonach a choimeádann sé i gcomhréir le pointe 6 den Chaibidil seo.

17.

Ainmneoidh an Stát brataí agus Oileán Mhuirís araon comhfhreagraí ERS chun gníomhú mar phointe teagmhála maidir le hábhair a bhaineann le cur chun feidhme na bhforálacha seo, chun fógra a thabhairt dá chéile maidir le sonraí teagmhála a gcomhfhreagraithe ERS agus, i gcás inarb iomchuí, an fhaisnéis sin a thabhairt cothrom le dáta gan mhoill.

18.

Cuirfidh an tAontas ar fáil d’Oileán Mhuirís, roimh dheireadh gach ráithe, sonraí gabhála maidir le gach soitheach údaraithe de chuid an Aontais, chomh maith le haon fhaisnéis ábhartha eile, a chomhfhreagraíonn don ráithe nó do na ráithí roimhe sin.

19.

Soláthróidh Oileán Mhuirís, ar bhonn ráithiúil, sonraí gabhála maidir le soithí údaraithe de chuid an Aontais a fuarthas trí logleabhair chomh maith le haon fhaisnéis ábhartha eile.

20.

Déanfaidh na Páirtithe anailís chomhpháirteach ar chomhsheasmhacht na dtacar sonraí ar bhonn rialta agus arna iarraidh sin d’aon cheann de na Páirtithe. Go háirithe, déanfaidh Oileán Mhuirís anailís ar na sonraí comhiomlánaithe sin agus tuairisceoidh sé aon mhór-neamhréireachtaí leis na gabhálacha ina uiscí a thuairiscítear sa logleabhar iascaireachta a fuarthas. Déanfaidh na Stáit bhrataí imscrúduithe agus tabharfaidh siad na sonraí cothrom le dáta de réir mar is gá. Cuirfear cásanna de neamhréireachtaí leanúnacha idir foinsí sonraí faoi bhráid an Chomhchoiste d’fhonn teacht ar réiteach. Measfar na sonraí comhiomlánaithe sin a bheith sealadach go dtí go dtabharfaidh an tAontas fógra faoin ráiteas críochnaitheach bliantúil dá dtagraítear i bpointe 21.

21.

Faoin 30 Aibreán gach bliain ar a dhéanaí, soláthróidh an tAontas sonraí comhiomlánaithe lena léireofar cainníochtaí na ngabhálacha in aghaidh gach soithigh de chuid an Aontais, in aghaidh na míosa agus in aghaidh an speicis, in uiscí Oileán Mhuirís le linn na bliana féilire roimhe sin, mar aon leis na táillí atá dlite do gach soitheach de chuid an Aontais a ríomh.

22.

Cuirfidh Oileán Mhuirís in iúl don Aontas go bhfuarthas an ráiteas táillí agus beidh 45 lá aige chun agóid a dhéanamh in aghaidh na sonraí a soláthraíodh, ar bhonn fianaise thacaíochta. Tar éis na conspóide sin, beidh 1 mhí ag na Páirtithe chun teacht ar chomhaontú maidir leis na sonraí. Mura dtagtar ar chomhaontú, rachaidh na Páirtithe i gcomhairle le chéile tríd an bpost nó trí fhíschomhdháil a luaithe is féidir, nó i gcás inarb iomchuí laistigh den Chomhchoiste. Mura ndéanfaidh Oileán Mhuirís agóid laistigh de 45 lá féilire, measfar gur glacadh an ráiteas deiridh.

23.

Cuirfidh an tAontas na cuntais arna mbailíochtú ag an dá Pháirtí in iúl láithreach do longúinéirí chun dul ar aghaidh leis na híocaíochtaí riachtanacha. I gcás inar mó an méid sa ráiteas deiridh ná an táille réamhíocaíochta dá dtagraítear i bpointe 24 de Chaibidil II a íocadh chun an t-údarú iascaireachta a fháil, íocfaidh an longúinéir an t-iarmhéid gan íoc isteach sa chuntas bainc ábhartha faoin 31 Iúil an bhliain reatha (nó laistigh de 30 lá ón ráiteas a fháil). I gcás ina mbeidh an ráiteas deiridh níos lú ná an táille ar ráta comhréidh lena bhfuiltear ag súil, ní aisíocfar an méid atá fágtha leis an longúinéir. Déanfaidh Oileán Mhuirís faireachán ar na híocaíochtaí sin agus tabharfaidh sé fógra don Aontas faoi aon mhoill nó íocaíocht neamhiomlán. An tráth céanna, féachfaidh an tAontas le híocaíochtaí a dhéanamh laistigh den teorainn ama atá socraithe.

24.

Úsáidfear na ráitis bhailíochtaithe chun an méid atá le híoc ag an Aontas as aon ghabháil bhreise a sháraíonn an tonnáiste tagartha le haghaidh na bliana iomláine a ríomh, i gcomhréir le hAirteagal 6(6) den Phrótacal seo.

1.

Tá toirmeasc ar thrasloingsiú ar muir. Déantar faireachán ar gach oibríocht trasloingsithe sa chalafort i láthair cigirí iascaireachta de chuid Oileán Mhuirís.

2.

Ní mór do mháistir soithigh de chuid an Aontais ar mian leis tabhairt i dtír nó trasloingsiú a dhéanamh fógra a thabhairt d’Oileán Mhuirís, 24 uair an chloig ar a laghad roimh thabhairt i dtír nó trasloingsiú, faoin méid seo a leanas:

3.

I gcás na soithí glactha, cuirfidh máistrí na soithí iompair glactha in iúl d’údaráis Oileán Mhuirís, tráth nach déanaí ná 24 uair an chloig roimh thús an trasloingsithe agus ag a dheireadh, na cainníochtaí de ghabhálacha tuinníní agus de speicis atá cosúil leis an tuinnín a trasloingsíodh go dtí a soithí, agus líonfaidh siad isteach an dearbhú trasloingsithe agus tarchuirfidh siad é chuig údarás Oileán Mhuirís laistigh de 24 uair an chloig.

4.

Tá an oibríocht trasloingsithe faoi réir réamhúdarú arna thabhairt ag Oileán Mhuirís do mháistir an tsoithigh nó dá ghníomhaire laistigh de 24 uair an chloig tar éis an fhógra dá dtagraítear i bpointe 2 a fháil. Ní mór an oibríocht trasloingsithe a dhéanamh i gcalafort de chuid Oileán Mhuirís atá údaraithe chun na críche sin.

5.

Is é Port Louis an calafort iascaireachta ainmnithe ina gceadaítear oibríochtaí trasloingsithe in Oileán Mhuirís.

6.

Mura gcomhlíonfar forálacha na Caibidle seo, cuirfear i bhfeidhm na smachtbhannaí ábhartha dá bhforáiltear faoi reachtaíocht Oileán Mhuirís.

1.

Maidir le haon soitheach de chuid an Aontais a bhfuil údarú iascaireachta aige, ní mór fógra a thabhairt d’Oileán Mhuirís laistigh de 12 uair an chloig roimh dhul isteach nó imeacht as uiscí Oileán Mhuirís. Nuair a bheidh fógra á thabhairt ag an soitheach go bhfuil sé ag dul isteach nó ag imeacht, sonróidh sí an méid seo a leanas go háirithe:

2.

Tabharfar fógra tríd an ERS nó, ina éagmais sin, trí ríomhphost chuig seoladh ríomhphoist a chuir Oileán Mhuirís in iúl. Dearbhóidh Oileán Mhuirís go bhfuarthas é láithreach trí ríomhphost a sheoladh ar ais.

3.

Cuirfidh Oileán Mhuirís na soithí lena mbaineann agus an tAontas ar an eolas láithreach faoi aon athrú ar an seoladh ríomhphoist nó ar mhinicíocht an tarchuir.

4.

Aon soitheach de chuid an Aontais a fuarthas a bheith ag iascaireacht in uiscí Oileán Mhuirís gan fógra a bheith tugtha roimh ré go mbeadh sí i láthair, measfar gur soitheach iascaireachta neamhúdaraithe í.

5.

Le linn dóibh a fhógairt go mbeidh siad ag dul isteach nó ag imeacht, cuirfidh soithí de chuid an Aontais in iúl freisin a suíomh (domhanleithead agus domhanfhad) tráth na cumarsáide agus an tonnáiste agus na speicis i ngabhálacha a choimeádtar ar bord. Seolfar na teachtaireachtaí sin tríd an ERS, chuig na sonraí teagmhála arna soláthar ag údaráis inniúla Oileán Mhuirís.

6.

Cigirí údaraithe agus soithí údaraithe de chuid Oileán Mhuirís ar sainaitheanta go soiléir gur sannadh iad chun iniúchtaí agus rialuithe iascaireachta a dhéanamh, déanfaidh siad an t-iniúchadh ar shoithí iascaireachta de chuid an Aontais i gcalafort nó ar muir in uiscí Oileán Mhuirís.

7.

Roimh dhul ar bord, cuirfidh na cigirí údaraithe soitheach an Aontais ar an eolas maidir lena gcinneadh iniúchadh a dhéanamh. Líon réasúnta cigirí iascaigh údaraithe a dhéanfaidh an t-iniúchadh, nach mór dóibh cruthúnas aitheantais agus cruthúnas ar a bpost oifigiúil mar chigire a sholáthar sula ndéanfaidh siad an t-iniúchadh.

8.

Ceadóidh máistir shoitheach an Aontais do na cigirí ó Oileán Mhuirís teacht ar bord agus oibreoidh sé i gcomhar leo le linn an nós imeachta iniúchta.

9.

Ní fhanfaidh na cigirí údaraithe ar bord shoitheach an Aontais ach ar feadh an ama is gá chun cúraimí a bhaineann leis an iniúchadh a dhéanamh. Déanfaidh siad an t-iniúchadh ar bhealach a n-íoslaghdóidh an tionchar ar an soitheach, ar a gníomhaíocht iascaireachta, ar a lasta nó ar a gníomhaíochtaí tabhairt i dtír nó trasloingsithe.

10.

Íomhánna (grianghraif nó físeáin) arna nglacadh le linn iniúchtaí, beidh siad beartaithe do na húdaráis atá freagrach as rialú agus faireachas iascaigh agus dóibh siúd amháin. Ní chuirfear íomhánna mar sin ar fáil don phobal mura bhforáiltear a mhalairt leis an reachtaíocht náisiúnta.

11.

Ag deireadh gach iniúchta, déanfaidh na cigirí údaraithe ó Oileán Mhuirís tuarascáil ar an iniúchadh a tharraingt suas. Beidh sé de cheart ag máistir shoitheach an Aontais barúlacha a chur leis an tuarascáil iniúchta. Is iad na cigirí agus máistir shoitheach an Aontais a shíneoidh an tuarascáil iniúchta.

12.

Maidir le síniú na tuarascála iniúchta ag máistir shoitheach an Aontais, beidh sé gan dochar do chearta na cosanta a bheidh ag úinéir shoitheach an Aontais le linn aon nós imeachta um shárú. Má dhiúltaíonn máistir shoitheach an Aontais an tuairisc sin a shíniú, sonróidh sé nó sí na cúiseanna leis sin i scríbhinn, agus scríobhfaidh an cigire “Diúltaíodh é a shíniú” air. Tabharfaidh na cigirí údaraithe cóip den tuarascáil iniúchta do mháistir shoitheach an Aontais sula bhfágfaidh sé an soitheach. Cuirfidh údaráis Oileán Mhuirís údaráis an Aontais ar an eolas faoi iniúchtaí arna ndéanamh laistigh de 24 uair an chloig tar éis dóibh a bheith curtha i gcrích agus faoi aon sárú a braitheadh, agus seolfaidh siad an tuarascáil iniúchta laistigh de 7 lá ar a mhéid.I gcás sárú, déanfar cóip den fhórga faoin sárú a bheidh mar thoradh air sin a sheoladh chuig an Aontas laistigh de 7 lá tar éis don oifigeach údaraithe filleadh ar an gcalafort.

13.

Féadfaidh údaráis Oileán Mhuirís a údarú d’údaráis an Aontais a bheith rannpháirteach in iniúchtaí mar bhreathnóir.

14.

Ar bhonn measúnú riosca, féadfaidh na Páirtithe a chomhaontú go ndéanfaidh siad iniúchtaí comhpháirteacha ar shoithí de chuid an Aontais, go háirithe le linn oibríochtaí tabhairt i dtír agus trasloingsithe, chun a áirithiú go gcomhlíonfar reachtaíocht an Aontais agus reachtaíocht Oileán Mhuirís araon. Le linn dóibh a ndualgais a chomhlíonadh, cloífidh na cigirí arna bhfostú ag na Páirtithe leis na forálacha maidir le hiniúchtaí a dhéanamh a leagtar síos i gcreata reachtacha an Aontais agus Oileán Mhuirís faoi seach. Féadfaidh na Páirtithe, i gcomhthéacs a gcuid freagrachtaí mar Stáit bhrataí agus mar Stáit chósta, cinneadh a dhéanamh a bheith ag oibriú i gcomhar ar ghníomhartha leantacha, de bhun a gcuid reachtaíochta ábhartha. Ina theannta sin, ar iarraidh a fháil ón Aontas, féadfaidh údaráis Oileán Mhuirís a údarú do chigirí iascaigh ó Bhallstáit de chuid an Aontais iniúchtaí a dhéanamh ar shoithí de chuid an Aontais a bhfuil a mbratach ar foluain acu laistigh de theorainneacha a n-inniúlachta faoina ndlí náisiúnta.

15.

Chun an comhrac in aghaidh iascaireacht NNN a neartú, aon soitheach in uiscí Oileán Mhuirís a bhfuil amhras uirthi go bhfuil sí ag gabháil do ghníomhaíochtaí iascaireachta NNN, déanfaidh máistrí soithí iascaireachta de chuid an Aontais iad a thuairisciú, agus soláthróidh siad a mhéid faisnéise is féidir maidir leis an méid a bhí le feiceáil. Seolfar tuarascálacha amhairc gan mhoill faoin soitheach a chonacthas chuig údaráis Oileán Mhuirís agus chuig údarás inniúil an Bhallstáit brataí den Aontas, a tharchuirfidh iad láithreach chuig an Aontas nó chuig an gcomhlacht arna ainmniú aige.

16.

Seolfaidh Oileán Mhuirís chuig an Aontas aon tuarascáil amhairc a bheidh aige ar shoithí iascaireachta de chuid an Aontais i mbun gníomhaíochtaí a d’fhéadfadh a bheith ina n-iascaireacht NNN in uiscí Oileán Mhuirís.

1.

Déanfaidh FMC an Stáit brataí teachtaireachtaí suímh maidir leis na soithí lena mbaineann a sheoladh go huathoibríoch chuig FMC Oileán Mhuirís. Malartóidh FMC an Stáit brataí, an Coimisiún Eorpach agus Oileán Mhuirís a seoltaí ríomhphoist le chéile agus cuirfidh siad a chéile ar an eolas gan mhoill faoi aon athrú ar na seoltaí sin.

2.

Agus iad in uiscí Oileán Mhuirís, ní mór córas um fhaireachán soithí (VMS) a bheith feistithe ar shoithí de chuid an Aontais a bhfuil údarú iascaireachta acu a eisíodh faoin bPrótacal seo ionas gur féidir a suíomh a chur in iúl go huathoibríoch agus go leanúnach do FMC a Stáit brataí gach uair an chloig.

Ní mór an méid seo a leanas a bheith i ngach teachtaireacht suímh:

3.

Áiritheoidh FMC Bhallstát brataí an Aontais go ndéanfar na teachtaireachtaí suímh a phróiseáil go huathoibríoch agus, más gá, go ndéanfar iad a tharchur go leictreonach. Déanfaidh FMC Bhallstát brataí an Aontais na teachtaireachtaí suímh a thaifeadadh agus a stóráil go slán i mbunachar sonraí ríomhaireachta ar feadh tréimhse 3 bliana ar a laghad.

4.

Áiritheoidh máistir soithigh de chuid an Aontais i gcónaí go mbeidh an VMS atá suiteáilte ar bord an tsoithigh ag feidhmiú go hiomlán, agus áiritheoidh sé tarchur éifeachtach na sonraí faoi phointe 1 chuig FMC a Stáit brataí.

5.

Measfar go bhfuil an máistir freagrach as aon chrioscaíl leis an VMS arb é is aidhm di cur isteach ar a oibriú nó a theachtaireachtaí suímh a fhalsú.

6.

Má mhainnítear na forálacha maidir le VMS a chomhlíonadh, measfar gur sárú é sin agus beidh sé faoi réir na bpionós dá bhforáiltear i reachtaíocht Oileán Mhuirís.

7.

Déanfaidh FMC an Stáit brataí na teachtaireachtaí suímh a fuarthas a tharchur go huathoibríoch agus láithreach bonn chuig FMC Oileán Mhuirís. Mar sin féin, ní mór aon soitheach de chuid an Aontais atá ag oibriú in uiscí Oileán Mhuirís a bheith infheicthe ar an córas VMS ón am a théann sí isteach sa chrios sin go dtí go n-imíonn sí go hiarbhír as, nó go dtí go sroicheann sí calafort de chuid Oileán Mhuirís.

8.

Déanfar sonraí VMS a tharchur trí úsáid a bhaint as na modhanna cumarsáide leictreonacha a oibríonn an Coimisiún Eorpach chun sonraí iascaigh a mhalartú i bhfoirm chaighdeánaithe.

9.

Sainaithneofar leis an gcód “ENT” an chéad suíomh a thaifeadtar tar éis dul isteach in uiscí Oileán Mhuirís. Sainaithneofar gach suíomh ina dhiaidh sin leis an gcód “POS”, cé is moite den chéad suíomh arna thaifeadadh tar éis imeacht as uiscí Oileán Mhuirís, suíomh a shainaithneofar leis an gcód “EXI”.

10.

Soláthrófar gach teachtaireacht suímh de réir na formáide a leagtar síos i bhFoscríbhinn 2 nó bunaithe ar P 1000 caighdeánach Lárionad na Náisiún Aontaithe um Éascú Trádála agus um Ghnó Leictreonach (CEFACT).

11.

Soithí de chuid an Aontais le VMS lochtach, níl siad údaraithe dul isteach in uiscí Oileán Mhuirís. Agus í ag oibriú cheana féin in uiscí Oileán Mhuirís, i gcás ina gclisfear air, déanfar VMS an tsoithigh a dheisiú ag deireadh an turais nó déanfar é a ionadú laistigh de 15 lá féilire. Tar éis na tréimhse sin, ní bheidh an soitheach údaraithe a thuilleadh iascaireacht a dhéanamh in uiscí Oileán Mhuirís.

12.

Ní mór do shoithí atá ag iascaireacht in uiscí Oileán Mhuirís a bhfuil VMS lochtach acu a dteachtaireachtaí suímh a chur in iúl trí ríomhphost chuig FMC an Stáit brataí, gach 4 uair an chloig ar a laghad, agus ní mór dóibh an fhaisnéis éigeantach go léir a sholáthar. Déanfaidh FMC an Stáit brataí na teachtaireachtaí láimhe sin a thaifeadadh láithreach sa bhunachar sonraí ríomhaireachta dá dtagraítear i bpointe 3 agus déanfaidh sé iad a atarchur chuig FMC Oileán Mhuirís, faoi na forálacha céanna agus a bheadh ann le haghaidh suíomhanna uathoibríocha. Cuirfear tús leis an teachtaireacht sin a luaithe a bhraithfidh máistir shoitheach an Aontais mífheidhmiú an VMS nó a luaithe a chuirfear in iúl dó go bhfuil sé ag mífheidhmiú. Beidh feidhm ag na forálacha maidir le nósanna imeachta dul isteach agus imeachta sa chás sin.

13.

Áiritheoidh Oileán Mhuirís comhoiriúnacht a threalaimh leictreonaigh le trealamh leictreonach FMC an Stáit brataí agus cuirfidh sé an tAontas ar an eolas láithreach faoi aon bhriseadh nó mífheidhm a mhéid a bhaineann le teachtaireachtaí suímh a sheoladh agus a fháil, d’fhonn teacht ar réiteach teicniúil a luaithe is féidir. Déanfaidh FCManna an Stáit brataí ábhartha agus Oileán Mhuirís araon imscrúdú ar na cúiseanna leis an mbriseadh nó leis an mífheidhm sin. Déileálfaidh an Comhchoiste le haon díospóid a d’fhéadfadh teacht chun cinn.

14.

Má theipeann ar Oileán Mhuirís sonraí an VMS a fháil mar gheall ar chliseadh na gcóras leictreonach faoi mhaoirseacht an Aontais nó Oileán Mhuirís, tabharfaidh an Páirtí lena mbaineann fógra ina leith don Pháirtí eile a luaithe is féidir agus déanfaidh sé beart pras chun an fhadhb a réiteach go tapa. Tabharfar fógra don Pháirtí eile nuair a bheidh an fhadhb réitithe. Na sonraí nach bhfuair FMC Oileán Mhuirís, cuirfear ar fáil dó iad a luaithe a réiteofar an fhadhb. Má dhéanann an mhífheidhm difear do na córais leictreonacha faoi rialú an Aontais, cuirfidh FMC an Stáit brataí gach teachtaireacht suímh a fuarthas in iúl trí ríomhphost do FMC Oileán Mhuirís gach 24 uair an chloig.

15.

Cuirfidh údaráis Oileán Mhuirís a seirbhísí faireacháin inniúla ar an eolas ionas nach measfar go bhfuil soithí de chuid an Aontais neamhchomhlíontach mar gheall ar mhainneachtain maidir le sonraí VMS a tharchur.

16.

Ar bhonn fianaise dhoiciméadach lena gcruthaítear sárú, féadfaidh Oileán Mhuirís iarraidh ar FMC Bhallstát brataí an Aontais, agus an tAontas i gcóip, an t-eatramh idir seoladh na dteachtaireachtaí suímh ó shoitheach a laghdú go dtí gach 30 nóiméad ar feadh tréimhse imscrúdaithe shocraithe. Ní mór do FMC Oileán Mhuirís an fhianaise dhoiciméadach sin a sheoladh chuig FMC Bhallstát brataí an Aontais agus chuig an Aontas. Déanfaidh FMC an Stáit brataí na teachtaireachtaí suímh a sheoladh láithreach chuig Oileán Mhuirís ar an minicíocht nua.

17.

Ag deireadh na tréimhse imscrúdaithe socraithe, tabharfaidh FMC Oileán Mhuirís fógra láithreach do FMC Bhallstát brataí an Aontais agus don Aontais faoi dheireadh an nós imeachta iniúchta agus faoi aon ghníomhaíocht leantach is gá.

1.

I gcás nach gcomhlíontar aon cheann de rialacha agus d’fhorálacha an Phrótacail seo, féadfar pionós a ghearradhar na bearta maidir le bainistíocht agus caomhnú beo-acmhainní nó ar reachtaíocht iascaigh Oileán Mhuirís trí bhíthin fíneálacha nó fhionraí, chúlghairm nó neamh-athnuachan údarú iascaireachta an tsoithigh, mar a shainítear i reachtaíocht Oileán Mhuirís.

2.

Aon sárú in uiscí Oileán Mhuirís a dhéanann soitheach de chuid an Aontais a bhfuil údarú iascaireachta aici i gcomhréir leis an gComhaontú, ní mór é a lua i dtuarascáil iniúchta.

3.

Déanfar an fógra faoin sárú agus na smachtbhannaí ábhartha is infheidhme a bhféadfadh an máistir nó an chuideachta iascaireachta a bheith faoi dhliteanas ina leith a sheoladh go díreach chuig úinéir an tsoithigh i gcomhréir leis an nós imeachta a leagtar síos i reachtaíocht infheidhme Oileán Mhuirís. Seolfar cóip den fhógra chuig Stát brataí shoitheach an Aontais agus chuig an Aontas laistigh de 24 uair an chloig.

4.

I gcomhréir le reachtaíocht iascaigh Oileán Mhuirís is infheidhme agus le téarmaí agus coinníollacha an údaraithe, maidir le haon soitheach de chuid an Aontais a bhfuil amhras réasúnach ann go ndearna sí sárú, féadfaidh údaráis Oileán Mhuirís a cheangal uirthi scor dá gníomhaíocht iascaireachta agus, i gcás ina mbeidh an soitheach ar muir, filleadh ar chalafort de chuid Oileán Mhuirís.

5.

Laistigh de 24 uair an chloig tabharfaidh Oileán Mhuirís fógra don Aontas agus d’údaráis an Stáit brataí faoi aon bhriseadh i ngníomhaíochtaí soithigh de chuid an Aontais a bhfuil údarú iascaireachta aici agus faoina coinneáil. San fhógra tabharfar na cúiseanna leis agus áireofar ann fianaise dhoiciméadach a thacaíonn le coinneáil an tsoithigh, faoi réir aon cheanglas rúndachta dlíthiúil.

6.

Ainmneoidh údarás Oileán Mhuirís oifigeach imscrúdúcháin agus eagróidh sé, arna iarraidh sin don Aontas, laistigh de 1 lá féilire tar éis fógra a thabhairt faoi choinneáil an tsoithigh, cruinniú faisnéise chun soiléiriú a thabhairt ar na fíorais ba chúis le coinneáil an tsoithigh agus chun míniú a thabhairt ar an ngníomhaíocht bhreise a fhéadfar a dhéanamh. Féadfaidh ionadaí ón Stát brataí agus ón longúinéir freastal ar an gcruinniú faisnéise sin.

7.

I gcás sárú de chineál coiriúil, socrófar an pionós de réir na reachtaíochta is infheidhme, i ndiaidh ciontú os comhair cúirte dlí in Oileán Mhuirís, nó de réir fhorálacha na reachtaíochta atá i bhfeidhm in Oileán Mhuirís.

8.

Sula gcuirfear tús le nósanna imeachta dlíthiúla, cuirfear nós imeachta um chomhréiteach ar bun idir údaráis Oileán Mhuirís agus soitheach an Aontais chun an tsaincheist a shocrú go cairdiúil a mhéid is indéanta ó thaobh an dlí de. Féadfaidh ionadaí ar Stát brataí an tsoithigh a bheith rannpháirteach sa nós imeachta sin um chomhréiteach. Tiocfaidh deireadh leis an nós imeachta um chomhréiteach 72 uair an chloig ar a dhéanaí tar éis fógra a thabhairt faoi choinneáil an tsoithigh. Beidh aon chomhaontú ar thángthas air ina chomhaontú críochnaitheach agus ceangailteach le haghaidh na bPáirtithe uile lena mbaineann. I gcás ina dteipeann ar an nós imeachta um chomhréiteach, ina bhféadfaí próiseas imshocraithe a chuimsiú, féadfar an t-ábhar a thabhairt os comhair cúirt dlí in Oileán Mhuirís.

9.

Féadfaidh úinéir shoitheach an Aontais a bhfuil amhras réasúnach ann go ndearna sí sárú ar chlásal den Phrótacal seo nó ar na dlíthe is infheidhme de chuid Oileán Mhuirís ráthaíocht bainc a thaisceadh i mbanc arna ainmniú ag Oileán Mhuirís, ar ráthaíocht í ina mbeidh méid, arna shocrú ag Oileán Mhuirís, a chumhdóidh na costais a bhaineann le coinneáil an tsoithigh, leis an bhfíneáil mheasta agus le haon chúiteamh. Ní féidir an ráthaíocht bainc a aisghabháil go dtí go gcuirfear na himeachtaí dlíthiúla i gcrích.

10.

Scaoilfear an ráthaíocht bainc agus tabharfar ar ais don longúinéir í gan mhoill tar éis fhógairt an bhreithiúnais:

11.

Cuirfidh Oileán Mhuirís toradh na n-imeachtaí dlíthiúla in iúl don Aontas laistigh de 2 lá féilire tar éis an breithiúnas a thabhairt.

12.

I gcás ina ndearnadh soitheach de chuid an Aontais nó a criú a choinneáil i ndáil le sárú amhrasta ar chlásal den Phrótacal seo nó ar aon fhoráil den reachtaíocht is infheidhme, agus gur fhan sé amhlaidh go dtí deireadh an phróisis imshocraithe nó an phróisis ionchúisimh choiriúil, údarófar don soitheach agus dá criú an calafort a fhágáil a luaithe a bheidh an nós imeachta imshocraithe nó an nós imeachta coiriúil socraithe.

1.

Le linn a ngníomhaíochtaí in uiscí Oileán Mhuirís, déanfaidh soithí peas-saighne de chuid an Aontais iarracht 14 mhairnéalach cháilithe de chuid Oileán Mhuirís a bhordáil. Ba cheart do ghníomhaire an tsoithigh na mairnéalaigh a ainmniú, i gcomhaontú leis an longúinéir, as measc na n-ainmneacha ar liosta atá le bunú, ar bhonn na dtreoirlínte maidir le mairnéalaigh de chuid Oileán Mhuirís a fhostú ar shoithí de chuid an Aontais dá bhforáiltear i bhFoscríbhinn 4, agus atá le tarchur chuig an Aontas ag údaráis inniúla Oileán Mhuirís.

2.

Soláthróidh údaráis inniúla Oileán Mhuirís liosta na mairnéalach cáilithe do na longúinéirí nó dá ngníomhairí ar bhonn bliantúil.

3.

I gcás nach mbordálfar mairnéalaigh de chuid Oileán Mhuirís, íocfaidh na longúinéirí cnapshuim a bheidh coibhéiseach le pá na mairnéalach nár bordáladh ar feadh fhad an fheachtais iascaireachta in uiscí Oileán Mhuirís. I gcás ina maireann an feachtas iascaireachta níos lú ná 1 mhí, beidh sé de cheangal ar longúinéirí an tsuim a íoc a fhreagraíonn don phá a fhaigheann na mairnéalaigh as 1 mhí.

4.

Gníomhóidh longúinéirí i gcomhréir le prionsabail Dhearbhú na hEagraíochta Idirnáisiúnta Saothair (EIS) maidir le Prionsabail Bhunúsacha agus Cearta Bunúsacha san Obair agus le prionsabail choinbhinsiúin ábhartha eile EIS, lena n-áirítear saoirse comhlachais agus aitheantas éifeachtach don cheart cómhargála, deireadh a chur le hidirdhealú i leith fostaíochta agus slí bheatha agus dálaí cuibhiúla oibre agus maireachtála ar bord soithí iascaireachta.

5.

I gcás ina mbordálfar mairnéalaigh de chuid Oileán Mhuirís, déanfar conarthaí fostaíochta a tharraingt suas idir an longúinéir nó gníomhaire an longúinéara agus na mairnéalaigh nó a n-ionadaithe i gcomhairle le húdaráis inniúla Oileán Mhuirís. Leagfar síos go háirithe sna conarthaí dáta agus calafort an tsínithe. Ráthófar sna conarthaí sin go mbeidh ag na mairnéalaigh de chuid Oileán Mhuirís an cumhdach slándála sóisialta is infheidhme maidir leo, lena n-áirítear árachas breoiteachta agus timpiste, sochair phinsin, agus sochair um shaoire agus um chúiteamh ag deireadh conartha, chomh maith leis an mbunphá atá le híoc faoi fhorálacha na Caibidle seo. Tabharfar cóip den chonradh do na sínitheoirí agus d’údaráis inniúla Oileán Mhuirís.

6.

I gcás ina mbordálfar mairnéalaigh de chuid Oileán Mhuirís, íocfaidh na longúinéirí a bpá. Na coinníollacha bunphá a dheonaítear do mhairnéalaigh Oileán Mhuirís, socrófar iad ar an mbonn dá bhforáiltear le reachtaíocht Oileán Mhuirís nó leis an gcaighdeán íosta le haghaidh mairnéalach a leagtar síos le EIS, cibé acu is airde.

7.

Ráthóidh an longúinéir go mbeidh na sochair cosanta sláinte agus slándála sóisialta a dheonófar do mhairnéalaigh Oileán Mhuirís cosúil leis na sochair a ráthaítear do mhairnéalaigh ó thíortha eile ACC.

8.

Ag deireadh a gconartha nuair nach dtugtar mairnéalaigh de chuid Oileán Mhuirís i dtír i gcalafort de chuid Oileán Mhuirís nó in aon chalafort eile a comhaontaíodh, déanfaidh an longúinéir, ar a chostas féin, cóiríocht shealadach agus aisdúichiú an mhairnéalaigh chuig críoch Oileán Mhuirís a áirithiú a luaithe is féidir.

9.

Tuairisceoidh na mairnéalaigh do mháistir an tsoithigh de chuid an Aontais ar ceapadh chuici iad an lá roimh an dáta sínithe arna shonrú ina gconradh. Cuirfidh an máistir an mairnéalach ar an eolas faoi dháta agus am an tsínithe. Má tharraingíonn an mairnéalach siar nó mura dtiocfaidh sé i láthair ar an dáta agus ar an am a shonrófar dá shíniú, measfar a chonradh a bheith ar neamhní go hiomlán agus déanfar an longúinéir a urscaoileadh go huathoibríoch óna oibleagáid é a shíniú. Sa chás sin, ní bheidh dliteanas ar an longúinéir aon phionós airgeadais ná aon íocaíocht chúitimh a íoc.

1.

Aithníonn na Páirtithe a thábhachtaí atá sé na hoibleagáidí a bhaineann le rúin ábhartha de chuid IOTC a chomhlíonadh maidir leis an gclár breathnóirí eolaíocha agus le dlíthe agus rialacháin ábhartha Oileán Mhuirís, lena n-áirítear scéimeanna breathnóireachta leictreonaí.

2.

Soithí peas-saighne de chuid an Aontais a bhfuil údarú iascaireachta acu, beidh siad faoi réir scéim chun breathnú ar a ngníomhaíochtaí iascaireachta a dhéantar faoi chuimsiú an Chomhaontaithe, agus féadfaidh siad, arna iarraidh sin d’údaráis Oileán Mhuirís, breathnóir amháin a bhordáil, i gcomhthéacs clár breathnóireachta náisiúnta nó réigiúnach faoi na téarmaí a leagtar amach sa Chaibidil seo.

3.

Beidh an scéim breathnóireachta sin i gcomhréir leis na forálacha dá bhforáiltear sna rúin arna nglacadh ag IOTC.

4.

Soithí de chuid an Aontais a bhfuil tonnáiste acu arb ionann é agus 100 GT nó ar lú ná sin é, beidh siad díolmhaithe ó na forálacha a leagtar síos sa Chaibidil seo.

5.

Tarraingeoidh údaráis Oileán Mhuirís liosta suas de shoithí de chuid an Aontais arna n-ainmniú chun breathnóir a thabhairt ar bord mar aon le liosta de na breathnóirí a cheapfar. Coimeádfar na liostaí sin cothrom le dáta. Cuirfear ar aghaidh chuig an Aontas iad a luaithe a tharraingeofar suas iad agus nuair a thabharfar cothrom le dáta iad. Ní mór do na soithí de chuid an Aontais a ainmnítear chun glacadh le breathnóir cead a thabhairt don bhreathnóir bordáil. Agus na liostaí sin á dtarraingt suas, cuirfidh Oileán Mhuirís san áireamh láithreacht breathnóra a bordáladh, nó atá le bordáil, faoi scéim réigiúnach breathnóireachta. Seolfar tuarascálacha na mbreathnóirí a bhaineann leis an mbreathnóireacht a rinneadh in uiscí Oileán Mhuirís chuig an Albion Fisheries Research Centre.

6.

Cuirfidh údaráis Oileán Mhuirís na longúinéirí lena mbaineann ar an eolas faoi ainmneacha na mbreathnóirí a cheapfar lena dtabhairt ar bord a soitheach tráth nach déanaí ná 15 lá féilire roimh an dáta bordála atá beartaithe ag an mbreathnóir.

7.

Is iad údaráis Oileán Mhuirís a sheasfaidh tuarastal agus ranníocaíochtaí sóisialta an bhreathnóra arna ainmniú ag Oileán Mhuirís.

8.

Déanfar coinníollacha bordála an bhreathnóra, go háirithe an fad a bheidh sé i láthair ar bord, a shainiú trí chomhaontú frithpháirteach idir an longúinéir nó a ghníomhaire agus Oileán Mhuirís. Ní chaithfidh na breathnóirí níos mó ama ar bord an tsoithigh ná mar is gá chun a ndualgais a chomhlíonadh. I gcomhthéacs clár breathnóirí réigiúnacha, is féidir leis an mbreathnóir fanacht ar bord ar feadh tréimhse a gcuirfear síneadh léi arna comhaontú go frithpháirteach. Cuirfidh údaráis Oileán Mhuirís gníomhaire shoitheach an Aontais ar an eolas faoin síneadh sin nuair a bheidh ainm an bhreathnóra ainmnithe á chur in iúl acu.

9.

Na coinníollacha maidir le breathnóirí a bhordáil, comhaontóidh na longúinéirí agus údaráis Oileán Mhuirís iad tar éis fógra a thabhairt do na breathnóirí ainmnithe.

10.

Is mar oifigigh a dhéileálfar le breathnóirí ar bord. Cuirfear struchtúr teicniúil an tsoithigh san áireamh, áfach, nuair a ghlactar leis an mbreathnóir ar bord.

11.

Tabhóidh an longúinéir na costais a bhaineann le cóiríocht agus bia a chur ar fáil don bhreathnóir ar bord.

12.

Comhlíonfaidh an breathnóir na dualgais seo a leanas:

13.

Déanfaidh an máistir na bearta uile a bhfuil sé freagrach astu chun sábháilteacht fhisiceach agus folláine ghinearálta an bhreathnóra a ráthú agus é ar bord.

14.

Deonófar rochtain do bhreathnóirí ar gach saoráid ar bord an tsoithigh is gá chun a ndualgais a chomhlíonadh. Beidh rochtain acu ar dhroichead an tsoithigh agus ar mhodh cumarsáide agus ar threalamh loingseoireachta an tsoithigh, agus ar aon doiciméad ar bord, agus ar dhoiciméid a bhaineann le gníomhaíochtaí iascaireachta an tsoithigh, go háirithe an logleabhar iascaireachta, an loga reo agus an loga loingseoireachta, agus ar na codanna den soitheach atá nasctha go díreach lena ndualgais.

15.

Ceadóidh an máistir don bhreathnóir an méid seo a leanas a dhéanamh i gcónaí:

16.

Rannchuidíonn gach soitheach peas-saighne de chuid an Aontais le ciste speisialta atá i seilbh an Ard-Chuntasóra chun freastal ar an scéim breathnóirí, agus é mar chuspóir leis sin cumas an duine a threisiú chun foráil a dhéanamh maidir le cumhdach níos fearr agus an úsáid is fearr is féidir a bhaint as na breathnóirí.

17.

Chun na críche sin, ranníocfaidh gach soitheach peas-saighne EUR 20 in aghaidh an lae iascaireachta in uiscí Oileán Mhuirís.

18.

Sula bhfágfaidh siad an soitheach, cuirfidh breathnóirí tuarascáil ghníomhaíochta faoina mbreathnuithe faoi bhráid mháistir an tsoithigh. Beidh sé de cheart ag máistir an tsoithigh tráchtanna a dhéanamh i dtuarascáil an bhreathnóra. Déanfaidh an breathnóir agus an máistir araon an tuarascáil a shíniú. Gheobhaidh an máistir cóip de thuarascáil an bhreathnóra.

19.

Seolfaidh breathnóirí a dtuarascálacha chuig Oileán Mhuirís, a sheolfaidh cóip díobh sin agus an fhaisnéis a shainaithnítear faoi phointe 12 chuig an Aontas laistigh de 15 lá féilire ó dhíbhordáil an bhreathnóra.

20.

Fad a bheidh na breathnóirí ar bord, déanfaidh siad an méid seo a leanas:

(1)

leasaítear Cuid B mar a leanas:

(2)

Leasaítear pointe 10.2 de Chuid C mar a leanas:

‘Beidh na bearta i bpointe 10.1 infheidhme go dtí an 31 Nollaig 2023.’