(1)

Tháinig an Comhaontú maidir leis an Limistéar Eorpach Eacnamaíoch (2) (“Comhaontú LEE”) i bhfeidhm an 1 Eanáir 1994.

(2)

De bhun Airteagal 98 de Chomhaontú LEE, féadfaidh Comhchoiste LEE a chinneadh Iarscríbhinn XI a ghabhann le Comhaontú LEE, inter alia, a leasú, Iarscríbhinn ina bhfuil forálacha maidir le cumarsáid leictreonach, seirbhísí closamhairc agus an tsochaí faisnéise, agus Prótacal 37 (ina bhfuil an liosta dá bhforáiltear in Airteagal 101) a ghabhann le Comhaontú LEE.

(3)

Tá Treoir (AE) 2018/1808 ó Pharlaimint na hEorpa agus ón gComhairle (3) le hionchorprú i gComhaontú LEE.

(4)

Ba cheart Iarscríbhinn XI (Cumarsáid leictreonach, seirbhísí closamhairc agus an tsochaí faisnéise) agus Prótacal 37 a ghabhann le Comhaontú LEE a leasú dá réir.

(5)

Ba cheart, dá bhrí sin, seasamh an Aontais i gComhchoiste LEE a bheith bunaithe ar an dréachtchinneadh atá i gceangal leis seo,

(1)

Sna Conclúidí uaithi maidir leis an straitéis “Ón bhFeirm go dtí an Forc” an 19 Deireadh Fómhair 2020, thug an Chomhairle dá haire na spriocanna a leagtar amach sa straitéis maidir le laghdú lotnaidicídí agus chuir sí chun suntais go dteastóidh iarrachtaí ó na Ballstáit agus ó gach geallsealbhóir, chomh maith le dlúthchomhoibriú, comhairliúchán agus comhair chun an sprioc sin a bhaint amach.

(2)

Ba dhíol sásaimh don Chomhairle freisin cuspóir an Choimisiúin tionchair dhíobhálacha a bhaineann le húsáid táirgí cosanta plandaí ar an gcomhshaol a laghdú, amhail trí thacú le cuir chuige níos cuimsithí maidir le cosaint plandaí a fhorbairt bunaithe ar phrionsabail an bhainistithe chomhtháite lotnaidí agus chuir sí chun suntais a thábhachtaí atá sé bearta comhtháite maidir le bainistiú lotnaidí atá leordhóthanach agus fónta ó thaobh na heolaíochta de a áirithiú chomh maith le húsáid táirgí agus modhanna inbhuanaithe malartacha cosanta plandaí.

(3)

Ina theannta sin, meabhraíodh di an Comhaontú Idirinstitiúideach an 13 Aibreán 2016 maidir le Reachtóireacht Níos Fearr (1) agus d’iarr sí ar an gCoimisiún tograí reachtacha a bhunú ar mheasúnuithe tionchair críochnúla. Mheas sí go raibh sé riachtanach comhsheasmhacht agus comhleanúnachas a áirithiú idir na bearta a bheartaítear le Straitéis F2F agus beartais agus straitéisí gaolmhara de chuid an Aontais. Chuir an Chomhairle i bhfios go láidir freisin gur gá, maidir le baint amach na gcuspóirí agus na mbeart a bheartaítear i Straitéis F2F, dóthain airde a thabhairt ar ghnéithe eacnamaíocha, sóisialta agus comhshaoil na gcóras bia inbhuanaithe, lena n-áirítear a mhéid a bhaineann lena iomaíche atá earnálacha talmhaíochta an Aontais agus earnálacha gaolmhara.

(4)

An 22 Meitheamh 2022, chuir an Coimisiún togra faoi bhráid Pharlaimint na hEorpa agus na Comhairle le haghaidh Rialachán maidir le húsáid inbhuanaithe táirgí cosanta plandaí agus lena leasaítear Rialachán (AE) 2021/2115 ó Pharlaimint na hEorpa agus ón gComhairle (2). Is é is aidhm don togra cur chuige uaillmhianach a chur ar fáil chun aghaidh a thabhairt ar ábhair imní na sochaí maidir le húsáid agus riosca lotnaidicídí agus ar an tionchar atá aige ar an gcomhshaol agus ar shláinte an duine. Áirítear ann forálacha nua maidir le húsáid lotnaidicídí, teicnící malartacha rialaithe lotnaidí neamhcheimiceacha agus bainistiú comhtháite lotnaidí. Leis an togra, tugtar isteach spriocanna Aontais, atá ceangailteach ó thaobh dlí de, maidir le húsáid lotnaidicídí agus rioscaí lotnaidicídí a laghdú 50 %, agus, ag an am céanna, cuirtear d’oibleagáid ar na Ballstáit spriocanna laghdaithe náisiúnta a shocrú chun an sprioc fhoriomlán sin a bhaint amach. Ní fhéadfaidh na spriocanna náisiúnta sin imeacht ó spriocanna an Aontais maidir le laghdú 50 % ach amháin laistigh de pharaiméadair foirmle ceangailtí.

(5)

Is ábhar imní don Chomhairle nach gcuirtear san áireamh sa mheasúnú tionchair a ghabhann leis an togra an tionchar fadtéarmach a d’fhéadfadh a bheith ag an Rialachán atá beartaithe ar shlándáil bia san Aontas. Ós rud é gur roimh an gcogadh san Úcráin agus roimh na géarchéimeanna maidir le fuinneamh, leasacháin agus praghsanna bia a tugadh an measúnú tionchair chun críche, tugann sé tuilleadh fiúntais do na hábhair imní sin. Measann an Chomhairle, dá bhrí sin, gur gá anailís chainníochtúil bhreise a dhéanamh ar tháscairí éagsúla chun a chinneadh an gá an measúnú ar éifeachtaí eacnamaíocha agus sóisialta an togra a choigeartú. Measann an Chomhairle, go háirithe, gur cheart anailís Bhreise a dhéanamh lena léireofaí táirgeadh talmhaíochta an Aontais, an laghdú a bhfuil súil leis i dtáirgeacht an Aontais mar thoradh ar laghdú agus srianadh úsáid táirgí cosanta plandaí, agus an spleáchas a d’fhéadfadh a bheith ar allmhairí bia agus beatha. Measann an Chomhairle freisin go mbeadh gá le hanailís níos doimhne ar staid na bhfiontar beag agus meánmhéide agus ar an mbrabúsacht fud fad a slabhra soláthair.

(6)

Tugann an Chomhairle dá haire an páipéar leathoifigiúil ón gCoimisiún maidir le sainmhíniú agus raon feidhme na bhforálacha maidir le réimsí íogaire sa togra le haghaidh rialachán maidir le húsáid inbhuanaithe táirgí cosanta plandaí (SUR) an 15 Samhain 2022 agus an moladh méid na limistéar sin a laghdú lena áirithiú gur indéanta toirmeasc nó toirmeasc páirteach a chur ar úsáid táirgí ceimiceacha cosanta plandaí sna limistéir sin, agus go háirithe an moladh limistéir atá íogair ó thaobh níotráite de a eisiamh ón sainmhíniú ar limistéir íogaire. Mar sin féin, tá an Chomhairle den tuairim go mbeadh gá fós le tuilleadh sonraí agus anailís ar thionchar na mbeart sin sna limistéir a d’fhéadfaí a mheas a bheith íogair agus freisin i limistéir foraoise.

(7)

I bhfianaise an mhéid thuas, cé gur mian léi leanúint den scrúdú ar ghnéithe teicniúla éagsúla den togra gan moill mhíchuí, measann an Chomhairle go bhfuil gá le staidéar chun measúnú tionchair an togra, atá ann cheana, a chomhlánú, i gcomhréir le Comhaontú Idirinstitiúideach maidir le Reachtóireacht Níos Fearr, go háirithe míreanna 12, 13 agus 16 de chomh maith le mír 10 de maidir le hAirteagal 241 den Chonradh ar Fheidhmiú an Aontais Eorpaigh a chur i bhfeidhm,