(1)

Le Rialachán (AE) Uimh. 1025/2012 ó Pharlaimint na hEorpa agus ón gComhairle (3), bunaítear rialacha maidir le caighdeáin Eorpacha agus táirgí Eorpacha caighdeánúcháin a bhunú le haghaidh táirgí agus seirbhísí chun tacú le reachtaíocht agus beartais de chuid an Aontais.

(2)

I gcomhréir le hAirteagal 10 de Rialachán (AE) Uimh. 1025/2012, féadfaidh an Coimisiún a iarraidh ar cheann amháin nó níos mó de na heagraíochtaí Eorpacha um chaighdeánú caighdeán Eorpach nó táirge Eorpach caighdeánúcháin a dhréachtú.

(3)

Tá ról tábhachtach ag caighdeáin Eorpacha agus táirgí Eorpacha caighdeánúcháin sa mhargadh inmheánach agus maidir le cosaint tomhaltóirí. Ní hé amháin gur le caighdeáin a chinntear gnéithe teicniúla na dtáirgí agus na seirbhísí, ach tá ról tábhachtach acu freisin maidir le hoibrithe, saoránaigh agus an comhshaol. Mar shampla, is féidir caighdeáin chomhchuibhithe a úsáid chun toimhde a thabhairt go bhfuil táirgí atá le cur ar fáil ar an margadh i gcomhréir leis na ceanglais fhíor-riachtanacha a leagtar síos i reachtaíocht chomhchuibhithe ábhartha an Aontais i leith na dtáirgí sin, agus cáilíocht agus sábháilteacht táirgí agus seirbhísí do thomhaltóirí á n-áirithiú agus an comhshaol á chosaint acu.

(4)

San am a chuaigh thart, tháinig athrú ar cleachtais sna heagraíochtaí Eorpacha um chaighdeánú maidir lena nósanna imeachta um rialachas inmheánach agus lena nósanna imeachta cinnteoireachta. Mar thoradh ar na hathruithe sin, mhéadaigh na heagraíochtaí Eorpacha um chaighdeánú a gcomhar le geallsealbhóirí idirnáisiúnta agus Eorpacha. Is díol sásaimh é an comhar sin toisc go rannchuidíonn sé le próiseas um chaighdeánú atá trédhearcach, oscailte agus neamhchlaonta agus atá bunaithe ar chomhthoil. Mar sin féin, tráth a fheidhmíonn eagraíochtaí Eorpacha um chaighdeánú iarrataí ar chaighdeánú chun tacú le reachtaíocht agus beartais an Aontais, is den riachtanas é go gcuirfear san áireamh lena gcinntí inmheánacha leasanna, cuspóirí beartais agus luachanna an Aontais agus leasanna an phobail i gcoitinne.

(5)

I gcomhréir le hAirteagail 5 agus 6 de Rialachán (AE) Uimh. 1025/2012, tá nósanna imeachta fónta agus ionadaíocht chothrom ar leasanna na ngeallsealbhóirí ábhartha, lena n-áirítear na geallsealbhóirí sin a dhéanann ionadaíocht ar, inter alia, FBManna agus leasanna comhshaoil, sóisialta agus tomhaltóirí, bunriachtanach, agus, dá bhrí sin, ba cheart iad a áirithiú. Ba cheart tuairimí agus ionchur ó na geallsealbhóirí ábhartha uile a chur san áireamh in eagraíochtaí Eorpacha um chaighdeánú. Thairis sin, ba cheart na tuairimí a nochtar sna comhairliúcháin náisiúnta arna ndéanamh ag comhlachtaí náisiúnta um chaighdeánú a chur san áireamh agus cinntí á ndéanamh maidir le caighdeáin Eorpacha agus táirgí Eorpacha caighdeánúcháin a iarrtar faoi Airteagal 10(1) de Rialachán (AE) Uimh. 1025/2012.

(6)

Tá ról fíor-riachtanach ag comhlachtaí náisiúnta um chaighdeánú sa chóras um chaighdeánú, ar leibhéal an Aontais, i gcomhréir le Rialachán (AE) Uimh. 1025/2012, agus ar leibhéal na mBallstát araon. Is iad na comhlachtaí náisiúnta um chaighdeánú, dá bhrí sin, is fearr atá in ann a áirithiú go dtugtar aird chuí in eagraíochtaí Eorpacha um chaighdeánú ar leasanna, cuspóirí beartais agus luachanna an Aontais agus ar leasanna an phobail i gcoitinne. Is gá, dá bhrí sin, a ról i gcomhlachtaí cinnteoireachta na n-eagraíochtaí Eorpacha um chaighdeánú a neartú nuair a dhéanann na comhlachtaí sin cinntí a bhaineann le caighdeáin Eorpacha agus táirgí Eorpacha caighdeánúcháin arna n-iarraidh sin don Choimisiún faoi Airteagal 10(1) de Rialachán (AE) Uimh. 1025/2012, gan difear a dhéanamh don ról tábhachtach atá ag an mbonn níos leithne geallsealbhóirí i dtaca le caighdeáin éifeachtacha a ullmhú a fhreagraíonn do riachtanais leas an phobail agus do riachtanais an mhargaidh.

(7)

Tá comhlachtaí cinnteoireachta na n-eagraíochtaí Eorpacha um chaighdeánú oscailte do rannpháirtíocht ní hamháin ag comhlachtaí náisiúnta um chaighdeánú ach freisin, inter alia, ag eagraíochtaí náisiúnta um chaighdeánú ó thíortha aontacha, ó thíortha is iarrthóirí agus ó thíortha eile ar comhaltaí foirmiúla iad anois de na heagraíochtaí Eorpacha um chaighdeánú atá i gceist agus a bhfuil comhaontú tugtha i gcrích acu leis an Aontas chun cóineasú rialála a áirithiú. Ionas nach n-eisiafar na heagraíochtaí sin ó bheith rannpháirteach in obair na gcomhlachtaí cinnteoireachta lena mbaineann, ní gá ach a fhoráil gurb iad ionadaithe ó chomhlachtaí náisiúnta um chaighdeánú go heisiach a dhéanfaidh na cinntí sna comhlachtaí sin, ar cinntí iad a bhaineann le caighdeáin Eorpacha agus táirgí Eorpacha caighdeánúcháin a iarrtar faoi Airteagal 10(1) de Rialachán (AE) Uimh. 1025/2012, gan aon cheanglas eile a fhorchur ar obair chomhlachtaí cinnteoireachta na n-eagraíochtaí Eorpacha um chaighdeánú. Le rannpháirtíocht na n-eagraíochtaí náisiúnta um chaighdeánú ó thríú tíortha in obair na n-eagraíochtaí Eorpacha um chaighdeánú, níor cheart cosc a chur ar ghlacadh aon chinnidh a bhaineann le caighdeáin Eorpacha agus táirgí Eorpacha caighdeánúcháin arna iarraidh sin don Choimisiún i gcás nach bhfuil tacaíocht ag cinneadh den sórt sin ach ó na comhlachtaí náisiúnta um chaighdeánú ó na Ballstáit agus ó thíortha LEE.

(8)

Chun go mbeidh éifeacht leis an gceanglas gurb iad ionadaithe ó chomhlachtaí náisiúnta um chaighdeánú go heisiach a dhéanfaidh cinntí i gcomhlachtaí cinnteoireachta na n-eagraíochtaí Eorpacha um chaighdeánú, ar cinntí iad a bhaineann le caighdeáin Eorpacha agus táirgí Eorpacha caighdeánúcháin arna n-iarraidh sin don Choimisiún faoi Airteagal 10(1) de Rialachán (AE) Uimh. 1025/2012, is gá a fhoráil nár cheart don Choimisiún iarrataí den sórt sin a dhéanamh ach ar eagraíocht Eorpach um chaighdeánú a chomhlíonann an ceanglas sin.

(9)

Is é atá i gceist le nósanna imeachta um chaighdeánú cinntí a dteastaíonn sruthanna oibre sonracha ina leith, ar sruthanna oibre iad ba cheart a mheas mar ítimí oibre ar leithligh. Cuirtear tús le hítimí oibre den sórt sin chun caighdeán Eorpach nó táirge Eorpach caighdeánúcháin nua a fhorbairt nó chun caighdeán Eorpach nó táirge Eorpach caighdeánúcháin atá ann cheana a athbhreithniú, a chumasc, a leasú nó a cheartú.

(10)

Ba cheart, dá bhrí sin, Rialachán (AE) Uimh. 1025/2012 a leasú dá réir sin.

(11)

Chun go mbeidh na heagraíochtaí Eorpacha um chaighdeánú in ann a rialacha nós imeachta inmheánacha a oiriúnú, i gcás inar gá, ionas go mbeidh siad ag comhlíonadh cheanglais an Rialacháin seo, ba cheart cur i bhfeidhm an Rialacháin seo a chur siar,

(1)

I dteachtaireacht uaidh an 9 Márta 2021 dar teideal 2030 Digital Compass: the European way for the Digital Decade [Compás Digiteach 2030: an bealach Eorpach le haghaidh na Deacáide Digití] (“an Teachtaireacht maidir le Compás Digiteach”) leag an Coimisiún amach an fhís atá aige do 2030 maidir le saoránaigh agus gnólachtaí a chumhachtú le claochlú digiteach (“an Deacáid Dhigiteach”). Maidir le bealach an Aontais i dtreo chlaochlú digiteach an gheilleagair agus na sochaí, ba cheart ceannasacht dhigiteach a chuimsiú ar bhealach oscailte, le hurraim do chearta bunúsacha, don smacht reachta agus don daonlathas, cuimsiú, inrochtaineacht, comhionannas, inbhuanaitheacht, athléimneacht, slándáil, feabhas a chur ar an gcáilíocht saoil, infhaighteacht seirbhísí agus urraim do chearta agus do mhianta na saoránach. Leis sin, ba cheart rannchuidiú le geilleagar agus sochaí san Aontas a bheidh dinimiciúil acmhainn-éifeachtúil agus cothrom.

(2)

Ní féidir an claochlú digiteach a dhéanamh gan tacaíocht láidir a thabhairt don eolaíocht, don taighde, don fhorbairt agus don phobal eolaíochta, ar cinn feadhna iad ar an réabhlóid theicneolaíoch dhigiteach. Thairis sin, ós rud é gur buntaca criticiúil d’athléimneacht eacnamaíoch agus shochaíoch é méid digiteála an gheilleagair nó na sochaí, agus gur gné é dá dtionchar domhanda, is gá do ghníomhaíocht idirnáisiúnta an Aontais struchtúr a chur ar raon leathan an chomhair atá ann cheana i gcomhréir le colúin na Deacáide Digití. Léirítear an gá atá leis an struchtúrú sin freisin sa teachtaireacht chomhpháirteach ón gCoimisiún agus ó Ardionadaí an Aontais do Ghnóthaí Eachtracha agus don Bheartas Slándála an 1 Nollaig 2021 dar teideal The Global Gateway “An Tairseach Dhomhanda”, trína bhfuil sé beartaithe ag an Aontas rannchuidiú leis an mbearna infheistíochta dhomhanda a laghdú, bunaithe ar chur chuige daonlathach, luachthiomáinte, lena gcothófar ardchaighdeáin agus comhpháirtíochtaí trédhearcacha chun freastal ar riachtanais forbartha bonneagair dhomhanda.

(3)

I ráiteas uathu an 25 Márta 2021, mheas comhaltaí na Comhairle Eorpaí gur céim í an Teachtaireacht maidir le Compás Digiteach i dtreo fhorbairt dhigiteach an Aontais a rianú don deacáid atá romhainn agus dhearbhaigh siad an fhís a leagtar amach sa teachtaireacht sin, lena n-áirítear an coincheap maidir le clár beartais ag a mbeadh creat rialachais éifeachtúil chun cur chun feidhme tionscadal ilnáisiúnta, a bhfuil gá leo le haghaidh chlaochlú digiteach an Aontais i réimsí criticiúla, a éascú. D’iarr siad ar an gCoimisiún freisin bosca uirlisí beartais an Aontais maidir leis an gclaochlú digiteach a leathnú, ar leibhéal an Aontais agus ar an leibhéal náisiúnta araon, agus leas a bhaint as na hionstraimí uile atá ar fáil ó bheartas tionsclaíoch, trádála agus iomaíochta, scileanna agus oideachas, beartas taighde agus nuálaíochta agus ionstraimí cistiúcháin fadtéarmacha chun an claochlú digiteach a éascú.

(4)

Leis an Dearbhú Eorpach maidir le Cearta Digiteacha agus Prionsabail Dhigiteacha le haghaidh na Deacáide Digití “an Dearbhú Eorpach” cuirfear an pobal i gcroílár an chlaochlaithe dhigitigh, is é is aidhm dó prionsabail an chlaochlaithe dhigitigh a chur chun cinn, i gcomhréir le luachanna comhroinnte Eorpacha agus dlí comhroinnte Eorpach agus tá sé beartaithe rannchuidiú le cuspóirí ginearálta an Chinnidh seo a bhaint amach. Chuige sin, ba cheart don Choimisiún agus do na Ballstáit na prionsabail dhigiteacha agus na cearta digiteacha a leagtar amach sa Dearbhú Eorpach a chur san áireamh agus iad ag comhoibriú, d’fhonn na cuspóirí ginearálta a leagtar amach sa Chinneadh seo a bhaint amach.

(5)

Mar a leagtar amach i dteachtaireacht ón gCoimisiún an 5 Bealtaine 2021 dar teideal Updating the 2020 New Industrial Strategy: Building a stronger Single Market for Europe’s recovery [Straitéis Nua Tionsclaíochta 2020 a thabhairt cothrom le dáta: Margadh Aonair níos láidre a thógáil do théarnamh na hEorpa], is gá don Aontas córais teicneolaíochtaí criticiúla agus earnálacha straitéiseacha a shainaithint, aghaidh a thabhairt ar laigí straitéiseacha agus ar spleáchais ardriosca a bhféadfadh ganntanais soláthair nó rioscaí cibearshlándála teacht astu, agus an claochlú digiteach a chothú. Cuireann an méid sin i bhfios a thábhachtaí atá sé go rachaidh Ballstáit i gcomhar lena chéile agus go dtacóidh siad le hiarrachtaí an tionscail aghaidh a thabhairt ar na spleáchais sin agus ar a bhfuil riachtanach chun acmhainneacht straitéiseach a fhorbairt. Is freagra é sin freisin ar an anailís ón gCoimisiún a leagtar amach i dteachtaireacht uaidh an 8 Meán Fómhair 2021 dar teideal 2021 Strategic Foresight Report — The EU’s capacity and freedom to act [Tuarascáil 2021 um Fhadbhreathnaitheacht Straitéiseach – Acmhainneacht an Aontais agus an tsaoirse chun gníomhú]. Faoi chuimsiú na Saoráide Téarnaimh agus Athléimneachta arna bunú le Rialachán (AE) 2021/241 ó Pharlaimint na hEorpa agus ón gComhairle (3) agus ullmhúchán na bpleananna náisiúnta téarnaimh agus athléimneachta, mhol an Coimisiún do na Ballstáit a n-iarrachtaí a chomhordú d’fhonn, inter alia, tionscadail ilnáisiúnta sa réimse digiteach a bhunú.

Léirigh an t-eispéireas sin gur gá don Choimisiún tacaíocht a thabhairt d’iarrachtaí comhordúcháin na mBallstát, agus gur gá don Aontas sásraí cur chun feidhme lena n-éascaítear infheistíochtaí comhpháirteacha a bheith aige chun tionscadail ilnáisiúnta a bhunú. I gcomhar le tionscnaimh eile an Choimisiúin, amhail Faireachlann an Aontais Eorpaigh um Theicneolaíochtaí Criticiúla, dá dtagraítear sa teachtaireacht ón gCoimisiún an 22 Feabhra 2021 dar teideal Action Plan on synergies between civil, defence and space industries [Plean Gníomhaíochta maidir le sineirgí idir tionscail shibhialta, chosanta agus spáis], ba cheart struchtúr rialachais a bhunú lena gcuirfí chun feidhme an Chompáis Dhigitigh, ba cheart dó bheith ina chabhair chun spleáchais straitéiseacha dhigiteacha an Aontais atá ann faoi láthair agus a d’fhéadfadh a bheith ann amach anseo a shainaithint agus ba cheart dó rannchuidiú le ceannasacht dhigiteach an Aontais a neartú ar bhealach oscailte.

(6)

I dteachtaireacht uaidh an 11 Nollaig 2019 dar teideal The European Green Deal [An Comhaontú Glas don Eoraip], chuir an Coimisiún i dtábhacht gur cheart don Aontas leas a bhaint as acmhainn an chlaochlaithe dhigitigh, rud atá ina phríomhchumasóir chun cuspóirí an Chomhaontaithe Ghlais don Eoraip a bhaint amach. Ba cheart don Aontas an claochlú digiteach is gá a chur chun cinn agus infheistíocht a dhéanamh ann, de bhrí gur cumasóirí criticiúla iad teicneolaíochtaí digiteacha mar aon le modhanna agus próisis nua chun na spriocanna inbhuanaitheachta den Chomhaontú Glas don Eoraip, de Chomhaontú Pháras arna ghlacadh faoi Chreat-Choinbhinsiún na Náisiún Aontaithe ar an Athrú Aeráide (4) agus de Spriocanna Forbartha Inbhuanaithe na Náisiún Aontaithe a bhaint amach i roinnt earnálacha éagsúla. Ba cheart teicneolaíochtaí digiteacha, amhail an intleacht shaorga, 5G, 6G, blocshlabhra, an néalríomhaireacht agus an imeallríomhaireacht, agus idirlíon na rudaí nithiúla dlús a chur le beartais chun dul i ngleic leis an athrú aeráide agus an comhshaol a chosaint agus tionchar na mbeartas sin a uasmhéadú, lena n-áirítear trí shaolréanna inbhuanaithe. I gcomhar le loingseoireacht satailíte agus logánú, cuirtear deiseanna nua ar fáil freisin leis an digiteáil chun cianfhaireachán a dhéanamh ar thruailliú aeir agus uisce, agus chun faireachán a dhéanamh ar úsáid fuinnimh agus acmhainní nádúrtha agus an úsáid sin a bharrfheabhsú. Teastaíonn ón Aontas earnáil dhigiteach ag a bhfuil an inbhuanaitheacht ina croílár, lena n-áirítear slabhra soláthair na hearnála sin, lena seachnófar spleáchas iomarcach ar amhábhair chriticiúla, lena n-áiritheofar ar bhonn infhíoraithe go mbeidh an bonneagar agus na teicneolaíochtaí digiteacha níos inbhuanaithe, níos inathnuaite agus níos tíosaí ar fhuinneamh agus ar acmhainní agus lena rannchuideofar le geilleagar inbhuanaithe ciorclach aeráidneodrach agus sochaí inbhuanaithe chiorclach aeráidneodrach i gcomhréir leis an gComhaontú Glas don Eoraip.

(7)

Ba cheart é a bheith d’aidhm ag na beartais agus ag na hinfheistíochtaí sa bhonneagar digiteach nascacht a áirithiú, a bheidh inrochtana do chách ar fud an Aontais, chomh maith le rochtain idirlín a bheith ar fáil, chun an bhearna dhigiteach ar fud an Aontais a dhúnadh, agus béim ar leith á leagan ar an deighilt idir limistéir gheografacha éagsúla.

(8)

Ba cheart na bearta a bheartaítear sa Teachtaireacht maidir le Compás Digiteach a chur chun feidhme, chun na gníomhaíochtaí dá bhforáiltear sa straitéis arna tíolacadh sa teachtaireacht ón gCoimisiún an 19 Feabhra 2020, dar teideal Shaping Europe’s digital future [Todhchaí Dhigiteach na hEorpa a Mhúnlú] a neartú, agus chun tógáil ar ionstraimí de chuid an Aontais atá ann cheana, amhail cláir faoi Chiste Forbraíochta Réigiúnaí na hEorpa agus faoin gCiste Comhtháthaithe arna mbunú le Rialachán (AE) 2021/1058 ó Pharlaimint na hEorpa agus ón gComhairle (5) agus an Ionstraim um Thacaíocht Theicniúil arna bunú le Rialachán (AE) 2021/240 ó Pharlaimint na hEorpa agus ón gComhairle (6), agus ar Rialacháin (AE) 2021/523 (7), (AE) 2021/690 (8), (AE) 2021/694 (9), (AE) 2021/695 (10), (AE) 2021/1153 (11) ó Pharlaimint na hEorpa agus ón gComhairle, agus chun tógáil ar na cistí arna leithdháileadh ar an gclaochlú digiteach faoi Rialachán (AE) 2021/241. Leis an gCinneadh seo ba cheart clár beartais 2030 don Deacáid Dhigiteach a bhunú chun claochlú digiteach rathúil ar gheilleagar agus ar shochaí an Aontais a ghnóthú, a bhrostú agus a mhúnlú.

(9)

Le Colún Eorpach na gCeart Sóisialta a d’fhógair Parlaimint na hEorpa, an Chomhairle agus an Coimisiún ag cruinniú neamhfhoirmiúil na gceann stáit nó rialtais, an 17 Samhain 2017, in Göteborg na Sualainne, iarrtar an ceart chun rochtain a fháil ar sheirbhísí bunriachtanacha ar dhea-chaighdeán, lena n-áirítear cumarsáid dhigiteach, chomh maith leis an gceart chun oideachais, oiliúna agus foghlama ar feadh an tsaoil atá ar ardchaighdeán agus cuimsitheach.

(10)

Chun conair an Aontais a leanúint maidir le luas an chlaochlaithe dhigitigh, ba cheart spriocanna digiteacha a shuí ar leibhéal an Aontais. Ba cheart na spriocanna digiteacha sin a nascadh le réimsí nithiúla a meastar go ndéanfar dul chun cinn comhchoiteann ina dtaobh laistigh den Aontas. Tá na spriocanna digiteacha bunaithe ar na ceithre phríomhphointe ar sainaithníodh sa Teachtaireacht maidir le Compás Digiteach gur réimsí bunriachtanacha iad le haghaidh chlaochlú digiteach an Aontais: scileanna digiteacha, bonneagair dhigiteacha, gnólachtaí a dhigiteáil, agus seirbhísí poiblí a dhigiteáil.

(11)

Tá an Cinneadh seo gan dochar d’Airteagail 165 agus 166 den Chonradh ar Fheidhmiú an Aontais Eorpaigh (CFAE).

(12)

Tá scileanna digiteacha, scileanna bunúsacha agus ardscileanna, chomh maith le scileanna eile, lena n-áirítear i réimsí na heolaíochta, na teicneolaíochta, na hinnealtóireachta agus na matamaitice (ETIM), bunriachtanach chun dlús a chur le coigeartú thionscal an Aontais le haghaidh athruithe struchtúracha. Tá sé beartaithe go bhfuil saoránaigh a bhfuil cumas agus ábaltacht dhigiteach acu, lena n-áirítear saoránaigh faoi mhíchumas, in ann leas a bhaint as na deiseanna a bhaineann leis an Deacáid Dhigiteach. Chun an aidhm sin a bhaint amach, ba cheart béim láidir a leagan ar an oideachas lena áirithiú go mbeidh oiliúint leormhaith ar an bpobal oideachais, go mbeidh dóthain scileanna agus acmhainní ag an earnáil, go háirithe ag múinteoirí, chun úsáid éifeachtach a bhaint as an teicneolaíocht ina modhanna múinteoireachta agus chun a bheith in ann teicneolaíochtaí digiteacha a theagasc lena áirithiú gurbh fhearr a bheadh sé d’acmhainn ag mic léinn dul isteach i margadh an tsaothair sa ghearrthéarma agus san fhadtéarma. Ba cheart don oideachas digiteach agus don oiliúint dhigiteach feabhas a chur freisin ar tharraingteacht an Aontais do ghairmithe ardoilte a bhfuil ardscileanna digiteacha faighte acu agus ar a n-infhaighteacht ar mhargadh saothair an Aontais.

San Innéacs um an nGeilleagar agus an tSochaí Dhigiteach (DESI) 2021 a d’fhoilsigh an Coimisiún, luaitear go raibh deacrachtaí, fiú roimh phaindéim COVID-19, ag gnólachtaí an Aontais, go háirithe fiontair bheaga agus mheánmhéide (FBManna), líon leordhóthanach gairmithe teicneolaíocht faisnéise agus cumarsáide (TFC) a aimsiú. Dá bhrí sin, ba cheart don oiliúint dhigiteach agus don oideachas digiteach tacú leis na gníomhaíochtaí uile chun a áirithiú go mbeidh na scileanna ag an lucht saothair atá riachtanach faoi láthair agus a bheidh riachtanach amach anseo, scileanna lena dtacaítear le slógadh agus dreasacht na ngeallsealbhóirí ábhartha uile chun an leas is fearr is féidir a bhaint as tionchar na n-infheistíochtaí i bhfeabhsú na scileanna reatha (uas-sciliú) agus in oiliúint chun scileanna nua a fháil (athsciliú), agus i bhfoghlaim ar feadh an tsaoil arna déanamh ag an bpobal gníomhach, chun a áirithiú go mbainfear lántairbhe as na deiseanna a thugtar le digiteáil na tionsclaíochta agus na seirbhísí. Ba cheart oiliúint dhigiteach neamhfhoirmiúil a chuireann fostóirí ar fáil i bhfoirm foghlama trí ghníomhaíocht a chothú freisin. Le hoideachas agus le hoiliúint tiocfaidh dreasachtaí nithiúla gairme freisin chun na difríochtaí sna deiseanna atá ann d’fhir agus do mhná agus na difríochtaí sa tslí a chaitear le fir agus mná a sheachaint agus deireadh a chur leo.

(13)

Is cumasóirí criticiúla iad bonneagar digiteach inbhuanaithe le haghaidh nascachta, micrileictreonaic agus an cumas chun ollsonraí a phróiseáil chun leas a bhaint as tairbhí na digiteála, chun forbairtí teicneolaíocha breise a dhéanamh agus chun ceannaireacht dhigiteach an Aontais a bhaint amach. I gcomhréir leis an teachtaireacht ón gCoimisiún an 30 Meitheamh 2021 dar teideal A long-term Vision for the EU’s Rural Areas — Towards stronger, connected, resilient and prosperous rural areas by 2040 Fís fhadtéarmach do Cheantair Thuaithe AE – I dtreo ceantair thuaithe atá níos láidre, níos nasctha, níos athléimní agus níos rathúla faoi 2040, tá gá le nascacht iontaofa, ghasta agus shlán do chách agus i ngach áit san Aontas, lena n-áirítear i gceantair thuaithe agus iargúlta, amhail oileáin agus réigiúin shléibhtiúla agus réigiúin inar tearc an daonra chomh maith leis na réigiúin is forimeallaí. Tá riachtanais na sochaí le bandaleithead uaslódála agus íoslódála atá cóineasaithe ag fás de shíor. Faoi 2030, ba cheart líonraí ar luas gigighiotáin a bheith ar fáil dóibh siúd a bhfuil a leithéid de thoilleadh ag teastáil uathu nó a bhfuil gá acu leis. Ba cheart d’úsáideoirí deiridh uile an Aontais a bheith in ann úsáid a bhaint as seirbhísí gigighiotáin, arna soláthar ag líonraí, ag suíomh fosaithe agus a imscartar a fhad le críochphointe an líonra. Thairis sin, ba cheart na limistéir uile ina gcuireann daoine fúthu a chumhdach le líonra ardluais gan sreang den chéad ghlúin eile a bhfuil feidhmíocht atá coibhéiseach ar a laghad le 5G aige. Ba cheart do na gníomhaithe margaidh uile a bhaineann tairbhe as an gclaochlú digiteach a bhfreagrachtaí sóisialta a ghlacadh orthu féin agus rannchuidiú cothrom comhréireach a dhéanamh leis na hearraí poiblí, na seirbhísí poiblí agus na bonneagair phoiblí, ar mhaithe le saoránaigh san Aontas.

(14)

Is prionsabal í neodracht theicneolaíoch dá bhforáiltear in Airteagal 3(4)(c) de Threoir (AE) 2018/1972 ó Pharlaimint na hEorpa agus ón gComhairle (12), lenar cheart beartais dhigiteacha an Aontais agus beartais náisiúnta a threorú le haghaidh bonneagar nascachta digití ag a mbeidh an fheidhmíocht, an athléimneacht, an tslándáil agus an inbhuanaitheacht is airde chun tairbhe a bhaint as an rathúnas. Dá bhrí sin, na teicneolaíochtaí agus na córais tarchurtha uile atá in ann rannchuidiú le nascacht ghigighiotáin a bhaint amach, lena n-áirítear an dul chun cinn atá déanta faoi láthair agus atá ar na bacáin maidir le snáithín, satailít, 5G nó aon éiceachóras eile a bheidh ann amach anseo agus Wi-Fi na chéad ghlúine eile, ba cheart déileáil leo mar a bheidís comhionann, i gcás gurb ionann dá bhfeidhmíocht líonra.

(15)

Tá leathsheoltóirí bunriachtanach d’fhormhór na bpríomh-luachshlabhraí straitéiseacha agus meastar go mbeidh éileamh níos mó fós orthu amach anseo ná mar atá faoi láthair, go háirithe sna réimsí teicneolaíocha is nuálaí. Ós rud é go bhfuil leathsheoltóirí lárnach sa gheilleagar digiteach, is cumasóirí criticiúla iad freisin don aistriú inbhuanaitheachta agus rannchuidíonn siad, dá bhrí sin, le cuspóirí an Chomhaontaithe Ghlais don Eoraip a bhaint amach. Rannchuidíonn leathsheoltóirí ag a bhfuil lorg ísealfhuinnimh freisin leis an Aontas a bheith ar thús cadhnaíochta maidir leis na teicneolaíochtaí digiteacha inbhuanaithe. Tá sé beartaithe athléimneacht an luachshlabhra leathsheoltóirí agus an acmhainneacht táirgeachta leathsheoltóirí a neartú (lena n-áirítear ábhar, trealamh, dearadh, monarú, próiseáil agus pacáistiú), inter alia trí bhonneagar nuálach ar mórscála a thógáil i gcomhréir le dlí an Aontais maidir le hinbhuanaitheacht comhshaoil. Mar shampla, is cumasóirí criticiúla iad acmhainneacht chandamach agus leathsheoltóirí ísealchumhachta chun aeráidneodracht na n-imeallnód ardslándála a bhaint amach lena ráthaítear rochtain ar sheirbhísí sonraí ag a bhfuil aga folaigh íseal, gan beann ar shuíomh an úsáideora.

(16)

Diomaite dá bheith ina gcumasóirí, beidh na teicneolaíochtaí atá ann cheana agus na teicneolaíochtaí a bheidh ann amach anseo i gcroílár táirgí nua, próiseas monaraithe nua agus samhlacha nua gnó a bheidh bunaithe ar chomhroinnt chóir agus shlán sonraí sa gheilleagar sonraí, agus cosaint éifeachtach príobháideachais agus sonraí pearsanta á n-áirithiú an tráth céanna. Braitheann claochlú gnólachtaí ar a gcumas teicneolaíochtaí digiteacha nua a ghlacadh go pras agus go cuimsitheach, lena n-áirítear in éiceachórais thionsclaíocha agus éiceachórais seirbhísí atá ag titim ar gcúl faoi láthair. Tá tábhacht ar leith ag baint leis an gclaochlú sin do FBManna, a bhfuil dúshláin fós le sárú acu maidir le glacadh réiteach digiteach.

(17)

Moltar do na Ballstáit prionsabal na haonuaire a chur i bhfeidhm laistigh dá riarachán poiblí, lena gcothaítear athúsáid sonraí, i gcomhréir leis na rialacha cosanta sonraí, ionas nach mbeidh aon ualach breise ann ar shaoránaigh ná ar ghnólachtaí.

(18)

Braitheann an saol daonlathach agus na príomhsheirbhísí poiblí go mór ar theicneolaíochtaí digiteacha freisin. Ba cheart do gach saoránach agus gach gnólacht a bheith in ann idirghníomhú go digiteach le riaracháin phoiblí. Ba cheart faireachán a dhéanamh in DESI ar roinnt paraiméadar d’idirghníomhaíochtaí den sórt sin, lena n-áirítear úsáideoirlárnacht agus trédhearcacht. Ba cheart rochtain iomlán ar bhonn deonach a bheith ag daoine ar phríomhsheirbhísí poiblí, lena n-áirítear ríomhthaifid sláinte, trí thimpeallacht dhigiteach den aicme is fearr lena bhforáiltear do sheirbhísí agus uirlisí atá éasca le húsáid, éifeachtúil, iontaofa agus pearsantaithe lena mbaineann ardchaighdeáin slándála agus phríobháideachais. Ba cheart a chumhdach freisin leis na príomhsheirbhísí poiblí sin seirbhísí atá ábhartha do mhórtheagmhais saoil na ndaoine nádúrtha, amhail post a chailleadh agus a fháil, staidéar a dhéanamh, carr a bheith ina seilbh acu nó é a thiomáint, nó gnólacht a thosú, agus do mhórtheagmhais saoil daoine dlítheanacha ina saolré ghairmiúil. Mar sin féin, ba cheart inrochtaineacht a choinneáil ar sheirbhísí as líne le linn an aistrithe chuig uirlisí digiteacha.

(19)

Ba cheart do theicneolaíochtaí digiteacha rannchuidiú le torthaí sochaíocha níos leithne a bhaint amach nach bhfuil teoranta don réimse digiteach, ach a bhfuil tionchar dearfach acu freisin ar ghnáthshaol agus ar dhea-bhail na saoránach. Má tá rath le bheith air, ba cheart don chlaochlú digiteach a bheith fite fuaite le feabhsuithe maidir leis an daonlathas, leis an dea-rialachas, leis an gcuimsiú sóisialta agus le seirbhísí poiblí níos éifeachtúla.

(20)

Ba cheart don Choimisiún athbhreithniú a dhéanamh ar na spriocanna digiteacha sin agus ar na sainmhínithe ábhartha sin faoi mhí an Mheithimh 2026 chun a mheas an gcomhlíonann siad fós ardleibhéal uaillmhéine an chlaochlaithe dhigitigh. Ba cheart an Coimisiún a bheith in ann, i gcás ina measann sé go bhfuil gá le leasuithe ar na spriocanna digiteacha a mholadh chun aghaidh a thabhairt ar fhorbairtí teicniúla, eacnamaíocha agus sochaíocha, go háirithe i réimsí an gheilleagair sonraí, na hinbhuanaitheachta agus na cibearshlándála.

(21)

I gcás ina n-úsáidfear cistí poiblí, tá sé ríthábhachtach go ngnóthófar an luach is mó is féidir don tsochaí agus do ghnólachtaí. Dá bhrí sin, ba cheart é a bheith d’aidhm ag cistiú poiblí go mbeadh rochtain oscailte neamh-idirdhealaitheach ar aschuir na dtionscadal arna gcistiú, ach amháin, i gcásanna cuí-réasúnaithe comhréireacha, nuair a mheastar gurb iomchuí a mhalairt a dhéanamh.

(22)

Maidir le dul chun cinn comhchuí cuimsitheach seasmhach i dtreo claochlú digiteach agus i dtreo spriocanna digiteacha an Aontais a bhaint amach, teastaíonn cineál rialachais cuimsitheach, láidir, iontaofa, solúbtha agus trédhearcach ar bhonn dlúthchomhair agus comhordúcháin idir Parlaimint na hEorpa, an Chomhairle, an Coimisiún agus na Ballstáit chun é sin a dhéanamh. Le sásra iomchuí, ba cheart comhordú ar chóineasú, malartú na ndea-chleachtas- agus comhsheasmhacht agus éifeachtacht beartas agus beart ar leibhéal an Aontais agus ar an leibhéal náisiúnta a áirithiú agus ba cheart freisin gníomhachtú sineirgí iomchuí a spreagadh idir cistí an Aontais agus cistí náisiúnta, agus idir tionscnaimh agus cláir an Aontais freisin. Chuige sin, d’fhéadfadh an Coimisiún treoir agus tacaíocht a thabhairt do na Ballstáit maidir le conas an leas is fearr a bhaint as na sineirgí is oiriúnaí. Chuige sin, is gá forálacha a leagan síos maidir le sásra faireacháin agus comhair lena gcuirtear chun feidhme an Compás Digiteach. Ba cheart éagsúlacht na gcásanna ar fud na mBallstát agus laistigh díobh a chur san áireamh sa sásra sin, ba cheart é a bheith comhréireach, go háirithe maidir leis an ualach riaracháin, agus ba cheart a cheadú, leis an sásra sin, do na Ballstáit leibhéal níos airde uaillmhéine a leanúint agus a gcuspóirí náisiúnta á mbunú acu.

(23)

Ba cheart a áireamh sa sásra faireacháin agus comhair lena gcuirtear chun feidhme an Compás Digiteach córas feabhsaithe faireacháin chun bearnaí in acmhainneachtaí straitéiseacha digiteacha an Aontais a shainaithint. Ba cheart a áireamh ann freisin sásra chun tuairisciú a dhéanamh, inter alia, ar an dul chun cinn atá déanta i dtreo na spriocanna digiteacha a leagtar amach sa Chinneadh seo, agus ar staid ghinearálta chomhlíonadh na gcuspóirí ginearálta a leagtar amach sa Chinneadh seo. Ba cheart a shuí leis creat comhoibritheach idir an Coimisiún agus na Ballstáit ar mhaithe le réitigh a shainaithint, ar mhaithe le haghaidh a thabhairt ar laigí agus ar mhaithe le gníomhaíochtaí spriocdhírithe le haghaidh leigheasanna éifeachtacha a mholadh.

(24)

Ba cheart DESI a chomhtháthú sa tuarascáil ar staid na Deacáide Digití (“an Tuarascáil ar an Deacáid Dhigiteach”) agus ba cheart é a úsáid chun faireachán a dhéanamh ar an dul chun cinn i dtreo na spriocanna digiteacha. Ba cheart anailís a bheith san áireamh le faireachán den sórt sin, is é sin anailís ar na táscairí lena ndéanfar an dul chun cinn ar leibhéal na mBallstát a thomhas, anailís ar na beartais agus tionscnaimh náisiúnta arb é is aidhm dóibh na cuspóirí ginearálta agus na spriocanna digiteacha a leagtar amach sa Chinneadh seo a bhaint amach, mar aon le hanailísí cothrománacha agus téamacha lena rianófar claochlú digiteach gheilleagair an Aontais agus rangú dhul chun cinn na mBallstát dá bharr. Go háirithe, ba cheart gnéithe agus táscairí DESI a ailíniú leis na spriocanna digiteacha a leagtar amach sa Chinneadh seo. Maidir le gach sprioc dhigiteach, ba cheart eochairtháscairí feidhmíochta (ETFanna) a leagan amach sna gníomhartha cur chun feidhme a ghlacfaidh an Coimisiún. Ba cheart na ETFanna a thabhairt cothrom le dáta nuair is gá ar mhaithe le faireachán éifeachtach leanúnach agus ar mhaithe le forbairtí teicneolaíocha a chur san áireamh. Ba cheart an sásra bailithe sonraí laistigh de na Ballstáit a threisiú, i gcás inarb iomchuí, chun staid reatha chuimsitheach a chur i láthair maidir leis an dul chun cinn i dtreo na spriocanna digiteacha, mar aon le faisnéis maidir le beartais, cláir agus tionscnaimh ábhartha ar an leibhéal náisiúnta, agus ba cheart, i gcás inar féidir, sonraí atá imdhealaithe ó thaobh inscne agus ó thaobh réigiúin de a áireamh inti i gcomhréir le dlí an Aontais agus leis an dlí náisiúnta.

Ar bhonn na n-athbhreithnithe ón gCoimisiún agus i gcás inarb iomchuí, ba cheart don Choimisiún, tar éis dó dul i gcomhairle leis na Ballstáit, amlíne a ullmhú do riachtanais bailithe sonraí sa todhchaí. Agus DESI á bhunú, ba cheart don Choimisiún a bheith ag brath, den chuid is mó, ar staidreamh oifigiúil a bhailítear i suirbhéanna éagsúla an Aontais i ndáil leis an tsochaí faisnéise faoi Rialacháin (AE) 2019/1700 (13) agus (AE) 2019/2152 (14) ó Pharlaimint na hEorpa agus ón gComhairle. Ba cheart don Choimisiún úsáid a bhaint as staidéir shonracha chun sonraí a bhailiú le haghaidh táscairí ábhartha nach ndéantar a thomhas i suirbhéanna an Aontais nó a bhailítear trí chleachtaí tuairiscithe eile, amhail faoi chuimsiú na straitéise a fógraíodh sa teachtaireacht ón gCoimisiún an 25 Meitheamh 2008 dar teideal “Think Small First” - A “Small Business Act” for Europe (“Smaoinigh ar Fhiontair Bheaga ar dTús” — an tAcht um “Ghnólachtaí Beaga” don Eoraip], lena n-áirítear a athbhreithniú bliantúil ar fheidhmíocht FBManna. Ní fasaigh le haghaidh ETFanna iad na sainmhínithe a bhaineann leis na spriocanna digiteacha faoin gCinneadh seo agus ní chuireann siad bac ar bhealach ar bith ar an dul chun cinn maidir leis na spriocanna sin a thomhas trí ETFanna.

(25)

Chun na comhreachtóirí a choinneáil ar an eolas i dtaobh dhul chun cinn an chlaochlaithe dhigitigh san Aontas, ba cheart don Choimisiún Tuarascáil bhliantúil ar an Deacáid Dhigiteach a chur faoi bhráid Pharlaimint na hEorpa agus na Comhairle, ina mbeadh forléargas agus anailís ar chlaochlú digiteach an Aontais agus meastóireacht ar an dul chun cinn atá déanta maidir le cuspóirí ginearálta an Chinnidh seo agus maidir leis na spriocanna digiteacha don tréimhse go dtí 2030. Ba cheart an Tuarascáil ar an Deacáid Dhigiteach, go háirithe DESI, a bheith ina hionchur sa Seimeastar Eorpach, lena n-áirítear gnéithe a bhaineann leis an tSaoráid Téarnaimh agus Athléimneachta, agus ba cheart do na beartais mholta, na bearta molta agus na gníomhaíochtaí molta a áirítear sa Tuarascáil ar an Deacáid Dhigiteach na moltaí tírshonracha a chomhlánú.

(26)

Ó 2019 i leith, tá Scórchlár na mBan sa Ré Dhigiteach san áireamh in DESI, ina ndéantar measúnú ar fheidhmíocht na mBallstát i réimsí úsáide an idirlín, scileanna úsáideora an idirlín chomh maith le sainscileanna agus sainfhostaíocht, bunaithe ar 12 tháscaire. Le Scórchlár na mBan sa Ré Dhigiteach a áireamh sa Tuarascáil ar an Deacáid Dhigiteach, ba cheart faireachán a éascú ar an mbearna dhigiteach idir na hinscní.

(27)

Go háirithe, ba cheart don Choimisiún aghaidh a thabhairt sa Tuarascáil uaidh ar an Deacáid Dhigiteach ar a éifeachtaí a cuireadh cuspóirí ginearálta an Chinnidh seo chun feidhme i mbeartais, bearta nó gníomhaíochtaí, agus ar an dul chun cinn i dtreo na spriocanna digiteacha a bhaint amach, agus sonraí á dtabhairt ar mhéid dhul chun cinn an Aontais i ndáil le conairí réamh-mheasta le haghaidh gach sprice, an measúnú ar na hiarrachtaí is gá chun gach sprioc a bhaint amach, lena n-áirítear aon bhearnaí infheistíochta ar bith in acmhainneachtaí digiteacha agus sa nuálaíocht, mar aon le feasacht a mhúscailt i dtaobh na ngníomhaíochtaí is gá chun ceannasacht dhigiteach a mhéadú ar bhealach oscailte. Ba cheart a áireamh sa tuarascáil freisin measúnú ar chur chun feidhme tograí rialála ábhartha chomh maith le measúnú ar na gníomhaíochtaí arna ndéanamh ar leibhéal an Aontais agus ar leibhéal na mBallstát.

(28)

Ar bhonn an mheasúnaithe ón gCoimisiún, ba cheart beartais mholta shonracha, bearta molta sonracha agus gníomhaíochtaí molta sonracha a áireamh sa tuarascáil. Agus beartais, bearta agus gníomhaíochtaí á moladh aige sa tuarascáil, ba cheart don Choimisiún na nithe seo a leanas a chur san áireamh: na sonraí is déanaí atá ar fáil, na gealltanais chomhpháirteacha a tugadh, na beartais agus na bearta arna sainiú ag na Ballstáit chomh maith leis an dul chun cinn maidir le gníomhaíochtaí molta a sainaithníodh i dtuarascálacha roimhe sin agus ar tugadh aghaidh orthu trí bhíthin an tsásra chomhoibrithigh. Ina theannta sin, ba cheart don Choimisiún na nithe seo a leanas a chur san áireamh: na difríochtaí acmhainneachta atá ag na Ballstáit aonair rannchuidiú leis na spriocanna digiteacha a bhaint amach, chomh maith leis na beartais, na bearta agus na gníomhaíochtaí atá ann cheana féin a mheastar iad a bheith iomchuí chun na spriocanna sin a bhaint amach, fiú murab ann dá n-éifeachtaí go fóill.

(29)

D’fhonn a áirithiú go mbainfear amach na cuspóirí ginearálta agus na spriocanna digiteacha a leagtar amach sa Chinneadh seo, agus go rannchuideoidh gach Ballstát go héifeachtach leis sin, ba cheart do dhearadh agus cur chun feidhme an tsásra faireacháin agus comhair a áirithiú go ndéanfar malartuithe faisnéise agus dea-chleachtas trí idirphlé cuiditheach agus cuimsitheach idir na Ballstáit agus an Coimisiún. Ba cheart don Choimisiún a áirithiú go gcuirfear Parlaimint na hEorpa ar an eolas go tráthúil maidir le toradh an idirphlé.

(30)

Chun go mbainfidh an tAontas amach na spriocanna digiteacha a leagtar amach sa Chinneadh seo, ba cheart don Choimisiún, in éineacht leis na Ballstáit, conairí réamh-mheasta a bhunú ina dtaobh. Ba cheart do na Ballstáit na conairí réamh-mheasta sin a thiontú, i gcás inar féidir, ina gconairí réamh-mheasta náisiúnta, agus ba cheart, i gcás inarb iomchuí, aird chuí a thabhairt ar an ngné réigiúnach. Ba cheart acmhainneacht éagsúil agus túsphointí éagsúla na mBallstát aonair chun rannchuidiú leis na spriocanna digiteacha a chur san áireamh agus a léiriú sna conairí réamh-mheasta náisiúnta. Ba cheart do na conairí réamh-mheasta náisiúnta cuidiú leis an dul chun cinn le himeacht ama, ar leibhéal an Aontais agus ar an leibhéal náisiúnta, a mheasúnú.

(31)

Lena áirithiú go mbeidh an comhar idir an Coimisiún agus na Ballstáit éifeachtúil agus éifeachtach, ba cheart do na Ballstáit treochláir straitéiseacha náisiúnta maidir leis an deacáid dhigiteach lena gclúdófar an tréimhse go 2030 (“na treochláir náisiúnta”) a chur faoi bhráid an Choimisiúin, treochláir lena molfar, i gcás inar féidir agus inarb intomhaiste ar an leibhéal náisiúnta, conairí réamh-mheasta náisiúnta lena dtabharfar tuairisc ar gach ionstraim atá beartaithe, gach ionstraim a glacadh agus gach ionstraim a cuireadh chun feidhme d’fhonn rannchuidiú leis na cuspóirí ginearálta agus na spriocanna digiteacha a leagtar amach sa Chinneadh seo a bhaint amach ar leibhéal an Aontais. Ba cheart do na Ballstáit a bheith in ann faisnéis ar bheartais, bearta agus gníomhaíochtaí atá le déanamh ar an leibhéal réigiúnach a áireamh ina gcuid treochlár náisiúnta. Ba cheart na treochláir náisiúnta sin a dhréachtú tar éis dul i gcomhairle leis na príomh-gheallsealbhóirí, amhail eagraíochtaí gnó, lena n-áirítear ionadaithe FBManna, na -comhpháirtithe sóisialta agus an tsochaí shibhialta, lena n-áirítear daoine scothaosta agus an óige, chomh maith le hionadaithe áitiúla agus réigiúnacha agus ba cheart iad a bheith ina n-uirlis ríthábhachtach chun beartais na mBallstát a chomhordú agus chun intuarthacht a áirithiú don mhargadh. Ba cheart do na Ballstáit tionscnaimh ábhartha earnála, ar leibhéal an Aontais agus ar an leibhéal náisiúnta, a chur san áireamh agus comhsheasmhacht leo a chothú. Má gheallann Ballstát treochlár náisiúnta a sholáthar chun rannchuidiú leis na spriocanna digiteacha ar leibhéal an Aontais, ní chuireann an gealltanas sin cosc ar an mBallstát céanna straitéisí a cheapadh agus a chur chun feidhme ar an leibhéal náisiúnta nó réigiúnach ná speisialtóireacht a dhéanamh i réimsí tionsclaíocha nó digiteacha áirithe.

(32)

Le linn na dtimthriallta comhair idir an Coimisiún agus na Ballstáit, d’fhéadfadh Ballstáit coigeartuithe ar a dtreochláir náisiúnta a mholadh chun forás an chlaochlaithe dhigitigh, ar leibhéal an Aontais agus ar an leibhéal náisiúnta a chur san áireamh agus chun freagairt, go háirithe, ar bheartais, bearta agus gníomhaíochtaí arna moladh ag an gCoimisiún. Chun cur chuige comhsheasmhach agus inchomparáide a chothú ar fud na mBallstát agus chun ullmhú a dtreochláir náisiúnta a éascú, ba cheart don Choimisiún treoir a sholáthar ina leagfar amach ar bhealach níos mionsonraithe na príomhghnéithe den struchtúr atá ag treochláir náisiúnta agus, go háirithe, na gnéithe coiteanna ba cheart a áireamh sna treochláir náisiúnta go léir. Ba cheart foráil a dhéanamh sa treoir freisin maidir le cur chuige ginearálta a bheidh le leanúint ag na Ballstáit agus a gconairí réamh-mheasta náisiúnta á bhforbairt acu.

(33)

Ba cheart tús a chur leis an sásra comhair agus faireacháin idir an Coimisiún agus na Ballstáit le measúnú ar a dtreochláir náisiúnta agus ba cheart é a bhunú ar na sonraí a soláthraíodh agus ar an measúnú sa Tuarascáil ar an Deacáid Dhigiteach, agus ar an aiseolas a fuarthas ó na geallsealbhóirí ábhartha amhail eagraíochtaí gnó, lena n-áirítear ionadaithe FBManna, na comhpháirtithe sóisialta agus an tsochaí shibhialta, chomh maith le hionadaithe áitiúla agus réigiúnacha.

(34)

Maidir le huainiú an chomhair, ba cheart a chur san áireamh gur gá torthaí na dtimthriallta comhair roimhe seo, chomh maith le beartais, bearta, gníomhaíochtaí agus na coigeartuithe féideartha ar na treochláir náisiúnta, a léiriú gach 2 bhliain.

(35)

Chun dul i dtreo na spriocanna digiteacha i gcomhréir leis na conairí réamh-mheasta ba cheart do Bhallstáit, a meastar sa tuarascáil nach bhfuil a dóthain dul chun cinn déanta acu i réimse faoi leith, coigeartuithe a mholadh ar bheartais, bearta agus gníomhaíochtaí a bhfuil sé ar intinn acu tabhairt fúthu chun dul chun cinn a chothú sa réimse criticiúil sin. Thairis sin, ba cheart don Choimisiún agus do na Ballstáit scrúdú a dhéanamh ar an gcaoi inar thug na Ballstáit, go comhchoiteann agus ina n-aonar, aghaidh ar na beartais, na bearta agus na gníomhaíochtaí a luadh i dtuarascáil na bliana roimhe sin. Ba cheart do Bhallstát a bheith in ann a iarraidh go seolfaí próiseas athbhreithnithe piaraí chun deis a thabhairt do Bhallstáit eile a dtuairimí a thabhairt i dtaobh moltaí a bhfuil sé ar intinn aige iad a chur i láthair ina threochlár náisiúnta, go háirithe a mhéid a bhaineann lena n-oiriúnacht chun sprioc shonrach a bhaint amach. Ba cheart don Choimisiún malartú eispéireas agus dea-chleachtas a éascú trí bhíthin an phróisis athbhreithnithe piaraí.

(36)

Ba cheart don Choimisiún agus do Bhallstát amháin nó níos mó, nó ar a laghad dhá Bhallstát, a bheith in ann gealltanais chomhpháirteacha a thabhairt maidir le gníomhaíochtaí comhordaithe ar mhaith leo iad a dhéanamh chun na spriocanna digiteacha a bhaint amach, tionscadail ilnáisiúnta a bhunú, agus comhaontú a dhéanamh ar aon bheartas, aon bhearta agus aon ghníomhaíochtaí eile ar leibhéal an Aontais agus ar an leibhéal náisiúnta a bhfuil sé de chuspóir acu dul i dtreo na spriocanna sin i gcomhréir leis na conairí réamh-mheasta. Is tionscnamh chun comhoibriú é gealltanas comhpháirteach, agus é d’aidhm aige go háirithe rannchuidiú leis na cuspóirí ginearálta agus na spriocanna digiteacha a leagtar amach sa Chinneadh seo a bhaint amach. Ba cheart trí Bhallstát ar a laghad a bheith san áireamh i dtionscadail ilnáisiúnta agus i gcuibhreannais don bhonneagar digiteach Eorpach (EDICanna).

(37)

Agus faireachán á dhéanamh ar bhaint amach chuspóirí ginearálta an Chinnidh seo agus na spriocanna digiteacha a leagtar amach ann, tá sé d’oibleagáid ar an gCoimisiún agus ar na Ballstáit comhoibriú go dílis i gcomhréir le hAirteagal 4(3) den Chonradh ar an Aontas Eorpach. Dá bhrí sin, ní mór do na Ballstáit obair leantach iomchuí a dhéanamh ar aon ghlao ar chomhar a dhéanfaidh an Coimisiún, go háirithe i gcás ina n-imítear go mór ó chonair réamh-mheasta náisiúnta Ballstáit nó i gcás nár tugadh aghaidh ar imeacht den sórt sin ar feadh tréimhse shubstaintiúil.

(38)

Tá sé ríthábhachtach na beartais mholta, na bearta molta agus na gníomhaíochtaí molta, na treochláir náisiúnta agus na coigeartuithe a rinneadh orthu a chur chun feidhme go héifeachtach chun cuspóirí ginearálta an Chinnidh seo agus na spriocanna digiteacha a leagtar amach ann a bhaint amach. Tá idirphlé struchtúrtha le Ballstáit aonair bunriachtanach chun treoir agus tacaíocht a thabhairt dóibh sin maidir leis na bearta iomchuí a shainaithint agus a chur chun feidhme chun dul chun cinn a dhéanamh i dtreo a gconairí réamh-mheasta náisiúnta, go háirithe i gcás ina measann na Ballstáit go bhfuil gá lena dtreochláir náisiúnta a choigeartú ar bhonn na mbeartas molta, na mbeart molta agus na ngníomhaíochtaí molta ón gCoimisiún. Ba cheart don Choimisiún Parlaimint na hEorpa agus an Chomhairle a choimeád ar an eolas go hiomchuí, go háirithe maidir leis an bpróiseas agus maidir le toradh an idirphlé struchtúrtha.

(39)

Chun trédhearcacht agus rannpháirtíocht phoiblí a áirithiú, ba cheart don Choimisiún dul i dteagmháil leis na geallsealbhóirí leasmhara uile. Chuige sin, ba cheart don Choimisiún comhoibriú go dlúth le geallsealbhóirí lena n-áirítear an tsochaí shibhialta agus gníomhaithe príobháideacha agus poiblí, amhail comhlachtaí arna rialú le dlíthe poiblí na n-earnálacha oideachais agus oiliúna nó sláinte, agus ba cheart dó dul i gcomhairle leo faoi bhearta chun dlús a chur leis an gclaochlú digiteach ar leibhéal an Aontais. Nuair a théitear i gcomhairle leis na geallsealbhóirí, ba cheart don Choimisiún a bheith chomh cuimsitheach agus is féidir agus ról a thabhairt do chomhlachtaí atá ríthábhachtach maidir le rannpháirtíocht na gcailíní agus na mban in oideachas digiteach agus i ngairmeacha digiteacha a chur chun cinn, arb é is aidhm dóibh cur chuige atá cothrom ó thaobh inscne de a chur chun cinn a mhéid is féidir nuair a chuireann na Ballstáit na treochláir náisiúnta chun feidhme. Tá rannpháirtíocht na ngeallsealbhóirí tábhachtach ar leibhéal na mBallstát freisin, go háirithe agus a dtreochláir náisiúnta agus aon choigeartuithe orthu á nglacadh acu. Ar leibhéal an Aontais agus ar an leibhéal náisiúnta araon, ba cheart don Choimisiún agus do na Ballstáit ról a thabhairt d’eagraíochtaí gnó, lena n-áirítear ionadaithe FBManna, na comhpháirtithe sóisialta agus an tsochaí shibhialta, ar bhonn tráthúil agus i gcomhréir leis na hacmhainní atá ar fáil.

(40)

Le tionscadail ilnáisiúnta, ba cheart a bheith in ann idirghabhálacha mórscála a dhéanamh i réimsí tábhachtacha atá riachtanach chun na spriocanna digiteacha a leagtar amach sa Chinneadh seo a bhaint amach, go háirithe trí acmhainní ón Aontas, ó na Ballstáit, agus, i gcás inarb iomchuí, ó fhoinsí príobháideacha, a chomhthiomsú. I gcás inar gá chun na spriocanna digiteacha a bhaint amach, ba cheart do na Ballstáit a bheith in ann páirt a thabhairt do thríú tíortha atá comhlachaithe le clár de chuid an Aontais ar a ndéantar bainistiú díreach agus a thacaíonn le claochlú digiteach an Aontais. Ba cheart tionscadail ilnáisiúnta a chur chun feidhme ar bhealach comhordaithe agus dlúthchomhar ann idir an Coimisiún agus na Ballstáit. Ba cheart ról lárnach a bheith ag an gCoimisiún i dtaobh dlús a chur le cur chun feidhme tionscadal ilnáisiúnta trí thionscadail ilnáisiúnta atá réidh lena gcur chun feidhme a shainaithint as measc na gcatagóirí tionscadal a áirítear go táscach san Iarscríbhinn a ghabhann leis an gCinneadh seo, agus comhairle á cur aige ar na Ballstáit maidir le roghnú an tsásra cur chun feidhme is oiriúnaí atá ann cheana, maidir le roghnú na bhfoinsí cistiúcháin agus meascán na bhfoinsí sin agus maidir le hábhair straitéiseacha eile a bhfuil baint acu le cur chun feidhme na dtionscadal sin. I gcás inarb iomchuí, ba cheart don Choimisiún treoir a thabhairt maidir le EDIC a bhunú mar shásra cur chun feidhme. Is féidir leis na Ballstáit, ar mian leo déanamh amhlaidh, comhoibriú nó gníomhaíocht chomhordaithe a dhéanamh i réimsí eile nach iad na réimsí dá bhforáiltear sa Chinneadh seo.

(41)

Ba cheart tacaíocht phoiblí do na tionscadail ilnáisiúnta a úsáid, go háirithe, chun aghaidh a thabhairt ar theipeanna margaidh nó ar chásanna infheistíochta fo-optamacha ar bhealach comhréireach, gan an chothroime iomaíochta a shaobhadh ná maoiniú príobháideach a dhúbláil ná a phlódú. Ba cheart breisluach Eorpach soiléir a bheith ag tionscadail ilnáisiúnta, agus ba cheart iad a chur chun feidhme i gcomhréir leis an dlí is infheidhme de chuid an Aontais agus leis an dlí náisiúnta atá comhsheasmhach le dlí an Aontais.

(42)

Ba cheart do na tionscadail ilnáisiúnta a bheith in ann foinsí éagsúla cistiúcháin ón Aontas agus ó na Ballstáit a mhealladh agus a chomhcheangal, ar bhealach éifeachtúil, agus, i gcás inarb infheidhme, cistiú ó thríú tíortha atá comhlachaithe le clár de chuid an Aontais ar a ndéantar bainistiú díreach agus a thacaíonn le claochlú digiteach an Aontais a mhealladh agus a chomhcheangal„ agus, i gcás inar féidir, sineirgí eatarthu á n-aimsiú acu. Go háirithe, ba cheart a bheith in ann cistí ó chláir lárbhainistithe de chuid an Aontais a chur le hacmhainní arna ngealladh ag na Ballstáit, lena n-áirítear, faoi choinníollacha áirithe, ranníocaíochtaí ón tSaoráid Téarnaimh agus Athléimneachta, mar a mhínítear i gCuid 3 den treoir ón gCoimisiúin do na Ballstáit maidir lena bPleananna náisiúnta Téarnaimh agus Athléimneachta, chomh maith le ranníocaíochtaí ó Chiste Forbraíochta Réigiúnaí na hEorpa nó ón gCiste Comhtháthaithe. Nuair atá cúis mhaith leis, mar gheall ar chineál tionscadail ilnáisiúnta ar leith, ba cheart ranníocaíochtaí ó eintitis seachas an tAontas agus na Ballstáit, lena n-áirítear ranníocaíochtaí príobháideacha, a cheadú freisin.

(43)

Ba cheart don Choimisiún, i gcomhar leis na Ballstáit agus é ag gníomhú mar chomhordaitheoir tionscadal ilnáisiúnta, cúnamh a thabhairt do Bhallstáit a leasanna i dtionscadail ilnáisiúnta a shainaithint, treoir neamhcheangailteach a thabhairt maidir le roghnú sásraí barrmhaithe cur chun feidhme, agus cúnamh a sholáthar dóibh sa chur chun feidhme, nithe a rannchuideoidh leis an rannpháirtíocht is leithne agus is féidir a bhaint amach. Ba cheart don Choimisiún tacaíocht den sórt sin a sholáthar ach amháin má chuireann Ballstáit atá rannpháirteach i dtionscadail ilnáisiúnta ina choinne sin. Ba cheart don Choimisiún gníomhú i gcomhar leis na Ballstáit rannpháirteacha.

(44)

Ar iarratas ó na Ballstáit lena mbaineann agus tar éis measúnú a dhéanamh ar an iarratas sin, ba cheart don Choimisiún a bheith in ann EDIC a bhunú chun tionscadal ilnáisiúnta ar leith a chur chun feidhme.

(45)

Ba cheart don Bhallstát óstach a chinneadh an gcomhlíonann EDIC na ceanglais maidir le haitheantas mar chomhlacht idirnáisiúnta dá dtagraítear in Airteagal 143, pointe (g), agus Airteagal 151(1), pointe (b), de Threoir 2006/112/CE (15) ón gComhairle agus mar eagraíocht idirnáisiúnta dá dtagraítear in Airteagal 12(1), pointe (b), de Threoir 2008/118/CE ón gComhairle (16).

(46)

Chun coinníollacha aonfhoirmeacha a áirithiú maidir leis an gCinneadh seo a chur chun feidhme, ba cheart cumhachtaí cur chun feidhme a thabhairt don Choimisiún maidir le ETFanna agus maidir le EDICanna a bhunú. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (17).

(47)

Níl feidhm ag an gCinneadh seo maidir le bearta arna ndéanamh ag na Ballstáit a bhaineann leis an tslándáil náisiúnta, leis an tslándáil phoiblí ná leis an gcosaint,

(1)

Scrúdaigh an Coimisiún an t-iarratas ar fhormheas ar leasú ar shonraíocht an táisc gheografaigh faoi chosaint “Comtés Rhodaniens” a chuir an Fhrainc ar aghaidh i gcomhréir le hAirteagal 105 de Rialachán (AE) Uimh. 1308/2013.

(2)

D’fhoilsigh an Coimisiún an t-iarratas ar fhormheas ar leasú ar an tsonraíocht in Iris Oifigiúil an Aontais Eorpaigh (2), de réir mar a cheanglaítear le hAirteagal 97(3) de Rialachán (AE) Uimh. 1308/2013.

(3)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(4)

Dá bhrí sin, ba cheart an leasú ar an tsonraíocht a fhormheas i gcomhréir le hAirteagal 99 de Rialachán (AE) Uimh. 1308/2013.

(5)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

Scrúdaigh an Coimisiún an t-iarratas ar fhormheas ar leasú ar chlár um shonrúchán tionscnaimh faoi chosaint “Saumur” a chuir an Fhrainc ar aghaidh i gcomhréir le hAirteagal 105 de Rialachán (AE) Uimh. 1308/2013.

(2)

D’fhoilsigh an Coimisiún an t-iarratas ar fhormheas ar leasú ar an tsonraíocht in Iris Oifigiúil an Aontais Eorpaigh (2), de réir mar a cheanglaítear le hAirteagal 97(3) de Rialachán (AE) Uimh. 1308/2013.

(3)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(4)

Dá bhrí sin, ba cheart an leasú ar an tsonraíocht a fhormheas i gcomhréir le hAirteagal 99 de Rialachán (AE) Uimh. 1308/2013.

(5)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

I gcomhréir le hAirteagal 97(2) agus (3) de Rialachán (AE) Uimh. 1308/2013, scrúdaigh an Coimisiún an t-iarratas a chuir an Ísiltír ar aghaidh an t-ainm “Bolandin” a chlárú agus tá sé foilsithe aige in Iris Oifigiúil an Aontais Eorpaigh (2).

(2)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(3)

I gcomhréir le hAirteagal 99 de Rialachán (AE) Uimh. 1308/2013, ba cheart an t-ainm “Rivierenland” a chosaint agus a iontráil sa chlár dá dtagraítear in Airteagal 104 den Rialachán sin.

(4)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

I gcomhréir le hAirteagal 97(2) agus (3) de Rialachán (AE) Uimh. 1308/2013, scrúdaigh an Coimisiún an t-iarratas a chuir an Ostair ar aghaidh an t-ainm “Rosalia’ a chlárú agus tá sé foilsithe aige in Iris Oifigiúil an Aontais Eorpaigh (2).

(2)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(3)

I gcomhréir le hAirteagal 99 de Rialachán (AE) Uimh. 1308/2013, ba cheart an t-ainm “Rosalia” a chosaint agus a iontráil sa chlár dá dtagraítear in Airteagal 104 den Rialachán sin.

(4)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

Is galar víreasach tógálach é fiabhras Afracach na muc a bhíonn ar mhuc-ainmhithe atá ar coimeád agus ar mhuc-ainmhithe fiáine agus d’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseacht choinsíneachtaí na n-ainmhithe sin agus a dtáirgí laistigh den Aontas agus ar onnmhairí go tríú tíortha.

(2)

Glacadh Rialachán Cur Chun Feidhme (AE) 2021/605 ón gCoimisiún (2) faoi chuimsiú Rialachán (AE) 2016/429, agus leagtar síos leis bearta speisialta rialaithe galar maidir le fiabhras Afracach na muc atá le cur i bhfeidhm ar feadh tréimhse theoranta ama ag na Ballstáit a liostaítear in Iarscríbhinn I a ghabhann leis (na Ballstáit lena mbaineann), i gcriosanna srianta I, II agus III a liostaítear san Iarscríbhinn sin.

(3)

Na limistéir a liostaítear mar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2021/605, tá siad bunaithe ar staid eipidéimeolaíoch fhiabhras Afracach na muc san Aontas. Is le Rialachán Cur Chun Feidhme (AE) 2022/2437 ón gCoimisiún (3) a leasaíodh Iarscríbhinn I a ghabhann le Rialachán Cur Chun Feidhme (AE) 2021/605 go deireanach tar éis athruithe sa staid eipidéimeolaíoch a mhéid a bhaineann leis an ngalar sin i bPoblacht na Seice. Ó bhí dáta glactha an Rialacháin Cur Chun Feidhme sin ann, tá athrú tagtha ar an staid eipidéimeolaíoch maidir leis an ngalar sin i mBallstáit áirithe lena mbaineann.

(4)

Aon leasú ar chriosanna srianta I, II agus III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a bheith bunaithe ar an staid eipidéimeolaíoch a mhéid a bhaineann le fiabhras Afracach na muc sna limistéir atá buailte ag an ngalar sin agus ar staid eipidéimeolaíoch fhoriomlán fhiabhras Afracach na muc sa Bhallstát lena mbaineann, ar an leibhéal riosca maidir le leathadh breise an ghalair sin, ar phrionsabail agus critéir atá bunaithe ar an eolaíocht i dtaca le criosú a shainiú go geografach mar gheall ar fhiabhras Afracach na muc, agus ar threoirlínte an Aontais a comhaontaíodh leis na Ballstáit ag an mBuanchoiste um Plandaí, Ainmnithe, Bia agus Beatha, treoirlínte atá ar fáil ar shuíomh gréasáin an Choimisiúin (4). Ina theannta sin, ba cheart caighdeáin idirnáisiúnta a chur san áireamh sna leasuithe sin, caighdeáin amhail Cód um Shláinte na nAinmhithe Talún (5) ón Eagraíocht Dhomhanda um Shláinte Ainmhithe (WOAH), agus ba cheart an bonn cirt a thug údaráis inniúla náisiúnta na mBallstát lena mbaineann leis an gcriosú a chur san áireamh freisin.

(5)

Ó bhí dáta glactha Rialachán Cur Chun Feidhme (AE) 2022/2437 ann, bhí ráigeanna nua ann d’fhiabhras Afracach na muc i muc-ainmhithe fiáine san Iodáil agus sa Pholainn, agus tá feabhas tagtha ar an staid eipidéimeolaíoch i gcriosanna áirithe atá liostaithe mar chriosanna srianta I, II agus III san Iodáil agus sa Pholainn maidir le muc-ainmhithe fiáine agus muc-ainmhithe atá ar coimeád agus, de bharr na mbeart rialaithe galar atá á gcur i bhfeidhm ag na Ballstáit sin i gcomhréir le reachtaíocht an Aontais.

(6)

I mí na Nollag 2022, tugadh faoi deara go raibh ráig d’fhiabhras Afracach na muc i muc-ainmhí fiáin i Réigiún Pomorskie na Polainne i limistéar a liostaítear faoi láthair mar chrios srianta I in Iarscríbhinn I a ghabhann le Rialachán Cur Chun Feidhme (AE) 2021/605. An ráig nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint léi, rud ba cheart a léiriú san Iarscríbhinn sin. Dá réir sin, an limistéar sin den Pholainn a liostaítear faoi láthair mar chrios srianta I san Iarscríbhinn sin, limistéar atá buailte ag an ráig seo d’fhiabhras Afracach na muc a tharla le déanaí, ba cheart é a liostú feasta mar chrios srianta II san Iarscríbhinn sin seachas mar chrios srianta I, agus ní mór teorainneacha reatha chrios srianta I a athshainiú chun an ráig seo a tharla le déanaí a chur san áireamh.

(7)

Chomh maith leis sin, i mí na Nollag 2022, tugadh faoi deara go raibh roinnt ráigeanna d’fhiabhras Afracach na muc i muc-ainmhithe fiáine i Réigiúin Wielkopolskie, Opolskie agus Dolnośląskie sa Pholainn, i limistéir a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéir a liostaítear mar chriosanna srianta I san Iarscríbhinn sin. Na ráigeanna nua sin d’fhiabhras Afracach na muc i muc-ainmhithe fiáine, tá leibhéal méadaithe riosca ag baint leo, rud ba cheart a léiriú in Iarscríbhinn I a ghabhann le Rialachán Cur Chun Feidhme (AE) 2021/605. Dá réir sin, ba cheart teorainneacha reatha chriosanna srianta I agus II a leasú chun na ráigeanna sin a bhí ann le déanaí a chur san áireamh.

(8)

Ina theannta sin, i mí na Nollag 2022, tugadh faoi deara go raibh ráig amháin d’fhiabhras Afracach na muc i muc-ainmhí fiáin i Réigiún Piedmont san Iodáil i limistéar a liostaítear faoi láthair mar chrios srianta II in Iarscríbhinn I a ghabhann le Rialachán Cur Chun Feidhme (AE) 2021/605, áit atá dlúth le limistéar a liostaítear faoi láthair mar chrios srianta I san Iarscríbhinn sin. An ráig nua sin d’fhiabhras Afracach na muc i muc-ainmhí fiáin, tá leibhéal méadaithe riosca ag baint léi, rud ba cheart a léiriú in Iarscríbhinn I a ghabhann le Rialachán Cur Chun Feidhme (AE) 2021/605. Dá réir sin, ba cheart teorainneacha reatha chriosanna srianta I agus II a leasú chun an ráig sin a bhí ann le déanaí a chur san áireamh.

(9)

Tar éis na ráigeanna d’fhiabhras Afracach na muc a bhí ann le déanaí i muc-ainmhithe fiáine san Iodáil agus sa Pholainn, agus an staid eipidéimeolaíoch reatha a mhéid a bhaineann le fiabhras Afracach na muc san Aontas á cur san áireamh, rinneadh criosú sna Ballstáit sin a athmheasúnú agus a thabhairt cothrom le dáta i gcomhréir le hAirteagail 5, 6 agus 7 de Rialachán Cur Chun Feidhme (AE) 2021/605. Ina theannta sin, na bearta bainistithe riosca a bhí i bhfeidhm, rinneadh iad a athmheasúnú agus a thabhairt cothrom le dáta freisin. Ba cheart na hathruithe sin a léiriú in Iarscríbhinn I a ghabhann le Rialachán Cur Chun Feidhme (AE) 2021/605.

(10)

Ina theannta sin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiúin Podkarpackie, Dolnośląskie, Warmińsko – Mazurskie agus Wielkopolskie, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a liostú mar chriosanna srianta II anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád i gcriosanna srianta III sin le 12 mhí anuas, cé go bhfuil an galar fós ann i muc-ainmhithe fiáine. Ba cheart criosanna srianta III a liostú anois mar chriosanna srianta II agus staid eipidéimeolaíoch fhiabhras Afracach na muc atá ann faoi láthair á cur san áireamh.

(11)

Ina theannta sin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún Wielkopolskie, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a liostú mar chriosanna srianta II anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád i gcriosanna srianta III sin le 3 mhí anuas, cé go bhfuil an galar fós ann i muc-ainmhithe fiáine. Ba cheart criosanna srianta III a liostú anois mar chriosanna srianta II agus staid eipidéimeolaíoch fhiabhras Afracach na muc atá ann faoi láthair á cur san áireamh.

(12)

Thairis sin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagal 22, Airteagal 25 agus Airteagal 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i limistéir Małopolskie agus Świętokrzyskie sa Pholainn, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a liostú mar chriosanna srianta I anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád nó i muc-ainmhithe fiáine sna criosanna srianta III sin le 12 mhí anuas. Ba cheart criosanna srianta III a liostú anois mar chriosanna srianta I agus staid eipidéimeolaíoch fhiabhras Afracach na muc atá ann faoi láthair á cur san áireamh.

(13)

Ina theannta sin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta II a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i limistéar Podlaskie sa Pholainn, ar limistéir iad a liostaítear faoi láthair mar chriosanna srianta II in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a liostú mar chriosanna srianta I anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád nó i muc-ainmhithe fiáine sna criosanna srianta II sin le 12 mhí anuas. Ba cheart criosanna srianta II a liostú anois mar chriosanna srianta I agus staid eipidéimeolaíoch fhiabhras Afracach na muc atá ann faoi láthair á cur san áireamh.

(14)

Ina theannta sin, ar bhonn na faisnéise agus an bhonn cirt arna soláthar ag údarás inniúil na Polainne, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe fiáine i gcriosanna srianta I, agus sna criosanna srianta atá ar an teorainn le criosanna srianta I, a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 64, 65 agus 67 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún Wielkopolskie sa Pholainn, ar limistéir iad a liostaítear faoi láthair mar chriosanna srianta I in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a dhíliostú ón Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád nó i muc-ainmhithe fiáine sna criosanna srianta I sin agus sna criosanna a bhfuil teorainn acu leis na criosanna srianta I sin le 12 mhí anuas.

(15)

Ina theannta sin, ar bhonn na faisnéise agus an bhonn cirt arna soláthar ag údarás inniúil na hIodáile agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm i réigiún na Sairdíne san Iodáil i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún na Sairdíne san Iodáil, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a liostú mar chriosanna srianta II anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád i gcriosanna srianta III sin le 12 mhí anuas, cé go bhfuil an galar fós ann i muc-ainmhithe fiáine. Ba cheart teorainneacha reatha chriosanna srianta III a leasú chun staid eipidéimeolaíoch reatha fhiabhras Afracach na muc a chur san áireamh.

(16)

Ina theannta sin, agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád agus muc-ainmhithe fiáine i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm sa Pholainn i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i Réigiún na Sairdíne san Iodáil, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605 a bhfuil teorainn acu le criosanna srianta II agus III i Réigiún na Sairdíne san Iodáil mar a liostaítear sa Rialachán seo, ba cheart iad a liostú mar chriosanna srianta I anois san Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád nó i muc-ainmhithe fiáine sna criosanna srianta III sin le 12 mhí anuas, agus toisc go bhfuil teorainn ag na criosanna srianta II agus II i Réigiún na Sairdíne san Iodáil a liostaítear sa Rialachán seo.

(17)

Ar deireadh, ar bhonn na faisnéise agus an bhonn cirt arna soláthar ag údarás inniúil na hIodáile agus aird á tabhairt ar éifeachtacht na mbeart rialaithe galar maidir le fiabhras Afracach na muc i gcás muc-ainmhithe atá ar coimeád agus muc-ainmhithe fiáine i gcriosanna srianta III a liostaítear in Iarscríbhinn I a ghabhann le Rialachán Cur Chun Feidhme (AE) 2021/605 atá á gcur i bhfeidhm san Iodáil i gcomhréir le Rialachán Tarmligthe (AE) 2020/687 ón gCoimisiún, agus go háirithe na bearta sin a leagtar síos in Airteagail 22, 25 agus 40 de, agus i gcomhréir leis na bearta maolaithe riosca maidir le fiabhras Afracach na muc a leagtar amach i gCód WOAH, criosanna áirithe i réigiún na Sairdíne san Iodáil, ar limistéir iad a liostaítear faoi láthair mar chriosanna srianta III in Iarscríbhinn I a ghabhann le Rialachán Cur Chun Feidhme (AE) 2021/605, ba cheart iad a dhíliostú ón Iarscríbhinn sin, toisc nach raibh aon ráig d’fhiabhras Afracach na muc ann i muc-ainmhithe atá ar coimeád ná i muc-ainmhithe fiáine i gcriosanna srianta III sin le 12 mhí anuas.

(18)

Chun aird a thabhairt ar na forbairtí is déanaí i staid eipidéimeolaíoch fhiabhras Afracach na muc san Aontas, agus chun dul i ngleic leis na rioscaí a bhaineann le leathadh an ghalair sin ar bhealach réamhghníomhach, ba cheart criosanna srianta nua de mhéid leordhóthanach a chríochú le haghaidh na hIodáile agus na Polainne, agus ba cheart iad a liostú go cuí mar chriosanna srianta I, II agus III, agus ba cheart codanna áirithe de chriosanna srianta I agus criosanna srianta III a dhíliostú le haghaidh na hIodáile agus na Polainne in Iarscríbhinn I a ghabhann le Rialachán Cur Chun Feidhme (AE) 2021/605. Ó tharla go bhfuil an staid maidir le fiabhras Afracach na muc an-dinimiciúil san Aontas, cuireadh staid eipidéimeolaíoch na limistéar máguaird san áireamh nuair a bhí na criosanna srianta nua sin á gcríochú.

(19)

I bhfianaise phráinn na staide eipidéimeolaíche san Aontas a mhéid a bhaineann le leathadh fhiabhras Afracach na muc, tá sé tábhachtach go dtiocfaidh na leasuithe atá le déanamh ag an Rialachán Cur Chun Feidhme seo ar Iarscríbhinn I a ghabhann le Rialachán Cur Chun Feidhme (AE) 2021/605 i bhfeidhm a luaithe is féidir.

(20)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,