(1)

Leagtar amach in Airteagal 20 de Rialachán Cur Chun Feidhme (AE) 2015/2447 ón gCoimisiún (2), i gcás ina bhfuil foirmiúlachtaí custaim á gcomhlíonadh ag sealbhóir cinnidh nó thar ceann an tsealbhóra sin maidir le Faisnéis Taraife Cheangailteach (BTI) i leith earraí a chumhdaítear le cinneadh BTI, go gcuirfear an méid sin in iúl sa dearbhú custaim trí uimhir thagartha an chinnidh BTI a lua. Is in Iarscríbhinn B a ghabhann le Rialachán Tarmligthe (AE) 2015/2446 ón gCoimisiún (3) amháin a leagtar síos mar nóta a ghabhann le heilimint sonraí 12 12 001 000 an oibleagáid chun uimhir thagartha an chinnidh maidir le Faisnéis Cheangailteach i leith Tionscnaimh a chur in iúl sa dearbhú custaim.

(2)

Chun gur féidir leis na húdaráis chustaim faireachán cuí a dhéanamh ar úsáid cinnidh a bhaineann le faisnéis cheangailteach i leith tionscnaimh ag a shealbhóir agus ar chomhlíonadh na n-oibleagáidí a eascraíonn as an gcinneadh sin, ba cheart feidhm a bheith ag an gceanglas chun uimhir thagartha an chinnidh a léiriú sa dearbhú custaim, a leagtar síos in Airteagal 20 de Rialachán Cur Chun Feidhme (AE) 2015/2447, maidir le gach cinneadh a bhaineann le faisnéis cheangailteach.

(3)

Le linn an chéad chruinnithe theicniúil maidir le rialacha idirthréimhseacha tionscnaimh a tionóladh sa Bhruiséil an 5 Feabhra 2020, chomhaontaigh an tAontas agus 20 Páirtí Conarthach eile sa Choinbhinsiún Réigiúnach maidir le rialacha tionscnaimh fabhracha uile-Eora-Mheánmhara (Coinbhinsiún PEM) (4) rialacha athbhreithnithe Choinbhinsiún PEM (5) (“na rialacha idirthréimhseacha tionscnaimh”) a chur chun feidhme i gcomhthráth le rialacha Choinbhinsiún PEM, ar bhonn idirthréimhseach ón 1 Meán Fómhair 2021, go dtí go nglacfar rialacha athbhreithnithe Choinbhinsiún PEM.

(4)

Ón 1 Meán Fómhair 2021, tháinig 13 phrótacal dhéthaobhacha maidir le rialacha tionscnaimh idir an tAontas agus Páirtithe Conarthacha i gCoinbhinsiún PEM i bhfeidhm cheana féin, rud a fhágann go bhfuil feidhm ag na rialacha idirthréimhseacha (6). Tá dul chun cinn á dhéanamh maidir leis an bpróiseas chun na rialacha idirthréimhseacha a chur chun feidhme leis na Páirtithe Conarthacha eile, faoi réir na nósanna imeachta um ghlacadh a bheith curtha i gcrích ag na páirtithe.

(5)

Is é is cuspóir do na rialacha idirthréimhseacha tionscnaimh rialacha níos maolaithe a thabhairt isteach chun cáiliú an stádais tionscnaimh fhabhraigh maidir le hearraí a éascú. Ós rud é go bhfuil na rialacha idirthréimhseacha tionscnaimh níos maolaithe i gcoitinne ná rialacha Choinbhinsiún PEM, d’fhéadfadh earraí a chomhlíonann rialacha Choinbhinsiún PEM a bheith incháilithe freisin mar earraí tionscnaimh faoi na rialacha idirthréimhseacha tionscnaimh, cé is moite de roinnt táirgí talmhaíochta a aicmítear faoi Chaibidlí 2, 4 go 15, 16 (seachas táirgí iascaigh próiseáilte) agus 17 go 24, aicmí nach bhfuil na rialacha idirthréimhseacha tionscnaimh níos maolaithe ná rialacha tionscnaimh Choinbhinsiún PEM. Dá bhrí sin, ba cheart Airteagail 61 agus 62 a leasú chun an fhéidearthacht a thabhairt isteach d’onnmhaireoirí an Aontais iarratas a dhéanamh go n-eiseofaí deimhniú gluaiseachta nó chun dearbhú tionscnaimh a tharraingt suas bunaithe ar dhearbhuithe soláthraí arna ndéanamh i gcomhthéacs Choinbhinsiún PEM.

(6)

Tá na rialacha idirthréimhseacha tionscnaimh infheidhme i gcomhthráth le rialacha tionscnaimh Choinbhinsiún PEM, rud lena gcruthaítear dhá chrios shainiúla carntha. Dá bhrí sin, ba cheart don soláthraí léiriú a thabhairt ar an gcreat dlíthiúil a úsáidtear chun tionscnamh na n-earraí a chinneadh sa dearbhú soláthraí, lena gceadaítear don onnmhaireoir stádas tionscnaimh na n-earraí a chinneadh faoin gcreat ceart le haghaidh na n-ábhar sin a chomhlíonann an dá shraith rialacha tionscnaimh.

(7)

Úsáidtear an dearbhú soláthraí in Iarscríbhinní 22-17 agus 22-18 a ghabhann le Rialachán Cur Chun Feidhme (AE) 2015/2447 i gcás táirgí nach bhfuil stádas tionscnaimh fabhrach ag baint leo. Ós rud é nach féidir na táirgí sin a tháirgeadh ach amháin trí úsáid a bhaint as ábhair neamhthionscnaimh, ba cheart é a bheith roghnach an dara pointe den dearbhú a líonadh isteach. Dá bhrí sin, ba cheart fonótaí 4 agus 5 d’Iarscríbhinn 22-17 a ghabhann le Rialachán Cur Chun Feidhme (AE) 2015/2447 agus fonótaí 5 agus 6 d’Iarscríbhinn 22-18 a leasú dá réir.

(8)

De réir Airteagal 61(3) de Rialachán Cur Chun Feidhme (AE) 2015/2447, féadfaidh soláthraithe dearbhuithe soláthraí a sholáthar tráth ar bith fiú tar éis na hearraí a sheachadadh agus de réir Airteagal 62(2), pointe (b), den Rialachán sin, déanfar na dearbhuithe soláthraí fadtéarmacha a tharraingt suas le haghaidh coinsíneachtaí a sheoltar le linn tréimhse nár cheart a bheith níos faide ná 12 mhí roimh dháta eisiúna an dearbhaithe soláthraí fhadtéarmaigh nó níos faide ná 6 mhí ina dhiaidh sin. Chun úsáid a bhaint as dearbhuithe soláthraí a eisíodh roimh dháta theacht i bhfeidhm an rialacháin leasaithigh seo le haghaidh stoic ábhar a bunaíodh tar éis an 1 Meán Fómhair 2021, ba cheart feidhm a bheith ag an Rialachán seo ón 1 Meán Fómhair 2021, dáta theacht i bhfeidhm na rialacha idirthréimhseacha tionscnaimh idir an tAontas agus roinnt Páirtithe Conarthacha i gCoinbhinsiún PEM.

(9)

Dá bhrí sin, ba cheart Rialachán Cur Chun Feidhme (AE) 2015/2447 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

Cuirtear an méid seo a leanas in ionad Airteagal 20:

(2)

in Airteagal 61, cuirtear isteach an mhír 1a agus an mhír 1b seo a leanas:

(*1)   IO L 54, 26.2.2013, lch. 1."

(*2)  Is iad na rialacha idirthréimhseacha tionscnaimh rialacha athbhreithnithe Choinbhinsiún PEM (IO L 339, 30.12.2019, lch. 1) is infheidhme i gcomhthráth le rialacha Choinbhinsiún PEM atá ann faoi láthair ar bhonn idirthréimhseach go dtí go nglacfar rialacha athbhreithnithe Choinbhinsiún PEM.”;"

(3)

in Airteagal 62, cuirtear isteach an mhír 1a agus an mhír 1b seo a leanas:

(4)

in Iarscríbhinn 22-15, cuirtear an méid seo a leanas in ionad fhonóta (3):

I gcás ina bhfuil tír, grúpa tíortha nó críoch ina Páirtí Conarthach nó ina Pháirtí Conarthach i gCoinbhinsiún PEM agus nach sonraítear creat dlíthiúil, mar réamhshocrú, measfar go sonraítear sa dearbhú soláthraí gur úsáideadh Coinbhinsiún PEM chun tionscnamh na n-earraí a chinneadh.”;

(5)

in Iarscríbhinn 22-16, cuirtear an méid seo a leanas in ionad fhonóta (5):

I gcás ina bhfuil tír, grúpa tíortha nó críoch ina Páirtí Conarthach nó ina Pháirtí Conarthach i gCoinbhinsiún PEM agus nach sonraítear creat dlíthiúil, mar réamhshocrú, measfar go sonraítear sa dearbhú soláthraí gur úsáideadh Coinbhinsiún PEM chun tionscnamh na n-earraí a chinneadh.”;

(6)

in Iarscríbhinn 22-17, cuirtear an méid seo a leanas in ionad fhonóta (4):

(7)

in Iarscríbhinn 22-17, cuirtear an méid seo a leanas in ionad fhonóta (5):

I gcás ina bhfuil tír, grúpa tíortha nó críoch ina Páirtí Conarthach nó ina Pháirtí Conarthach i gCoinbhinsiún PEM agus nach sonraítear creat dlíthiúil, mar réamhshocrú, meastar go dtagraítear sa dearbhú soláthraí gur úsáideadh Coinbhinsiún PEM chun tionscnamh na n-earraí a chinneadh.”;

(8)

in Iarscríbhinn 22-18, cuirtear an méid seo a leanas in ionad fhonóta (5):

(9)

in Iarscríbhinn 22-18, cuirtear an méid seo a leanas in ionad fhonóta (6):

I gcás ina bhfuil tír, grúpa tíortha nó críoch ina Páirtí Conarthach nó ina Pháirtí Conarthach i gCoinbhinsiún PEM agus nach sonraítear creat dlíthiúil, mar réamhshocrú, measfar go sonraítear sa dearbhú soláthraí gur úsáideadh Coinbhinsiún PEM chun tionscnamh na n-earraí a chinneadh.”.

(1)

An 1 Deireadh Fómhair 2015, ghlac an Chomhairle Cinneadh (AE) 2015/2169 (1) maidir le cur i gcrích an Chomhaontaithe Saorthrádála idir an tAontas Eorpach agus a Bhallstáit, de pháirt, agus Poblacht na Cóiré, den pháirt eile.

(2)

Leis an bPrótacal maidir le Comhar Cultúrtha (“an Prótacal”) (2), atá i gceangal leis an gComhaontú Saorthrádála idir an tAontas Eorpach agus a Bhallstáit, de pháirt, agus Poblacht na Cóiré, den pháirt eile (3) (“an Comhaontú”), bunaítear an creat ina bhfuil na Páirtithe le comhoibriú ar mhaithe le malartuithe a éascú maidir le gníomhaíochtaí cultúrtha, earraí agus seirbhísí, lena n-áirítear malartuithe san earnáil chlosamhairc.

(3)

Áirítear sa Phrótacal forálacha maidir le teidlíocht i ndáil le comhléiriúcháin closamhairc chun tairbhe a bhaint as scéimeanna na bPáirtithe faoi seach sa Chomhaontú.

(4)

De bhun Airteagal 5(8), pointe (b), den Phrótacal, tar éis thréimhse thosaigh 3 bliana, déanfar an teidlíocht a athnuachan go ceann tréimhsí leantacha eile den fhad céanna, mura gcuireann Páirtí deireadh leis an teidlíocht trí fhógra i scríbhinn a thabhairt ar a laghad 3 mhí sula rachaidh an tréimhse thosaigh nó aon tréimhse dá héis sin in éag.

(5)

I gcomhréir le hAirteagal 3(1) de Chinneadh (AE) 2015/2169, tá an Coimisiún le fógra a thabhairt do Phoblacht na Cóiré má bhíonn rún ag an Aontas gan síneadh a chur le tréimhse na teidlíochta chun comhléiriúcháin, ach amháin má aontaíonn an Chomhairle, ar thogra ón gCoimisiún, 4 mhí roimh dheireadh thréimhse na teidlíochta sin, leanúint ar aghaidh leis an teidlíocht.

(6)

Ina breithiúnas an 1 Márta 2022 i gcás C-275/20, an Coimisiún v an Chomhairle (4), chinn an Chúirt Bhreithiúnais nach raibh an nós imeachta a bhunaítear in Airteagal 3(1) de Chinneadh (AE) 2015/2169 i gcomhréir le hAirteagal 218 den Chonradh ar Fheidhmiú an Aontais Eorpaigh (CFAE) sa mhéid go gcuireann sé de cheangal ar an gComhairle vótáil d’aon toil. Ba cheart gurbh í an riail vótála a leagtar síos in Airteagal 218(8) CFAE, an chéad fhomhír, eadhon vótáil trí thromlach cáilithe sa Chomhairle, an riail vótála is infheidhme maidir le cinntí a ghlacadh amhail na cinntí siúd a bheartaítear le hAirteagal 3(1) de Chinneadh (AE) 2015/2169.

(7)

Dá bhrí sin, ba cheart an ceanglas atá ar an gComhairle gníomhú d’aon toil chun cinneadh a dhéanamh maidir le leanúint leis an teidlíocht a scriosadh.

(8)

I gcomhréir le hAirteagal 266 CFAE, chun an breithiúnas a chur chun feidhme go gasta, ba cheart an Cinneadh seo a theacht i bhfeidhm ar dháta a ghlactha,

(1)

Ba cheart meánastaíochtaí sonracha CO2 monaróra a chinneadh ar bhonn sonraí arna dtuairisciú ag na Ballstáit agus ag monaróirí de bhun Rialachán (AE) 2018/956 ó Pharlaimint na hEorpa agus ón gComhairle (2) maidir le feithiclí an mhonaróra sin.

(2)

Ba cheart meánastaíochtaí sonracha CO2 na bhfeithiclí nua tromshaothair uile a cláraíodh san Aontas a bhunú ar na sonraí arna dtuairisciú maidir le feithiclí ó gach monaróir.

(3)

Ba cheart an fachtóir astaíochtaí nialasacha agus an fachtóir astaíochtaí ísle le haghaidh gach monaróra a chinneadh agus na feithiclí tromshaothair astaíochtaí nialasacha agus feithiclí tuairiscithe tromshaothair astaíochtaí ísle á gcur san áireamh.

(4)

Ba cheart an chonair laghdaithe astaíochtaí CO2 agus na creidmheasanna astaíochta in aghaidh an mhonaróra a chinneadh ar bhonn líon na bhfeithiclí nua tromshaothair seachas feithiclí seirbhíse arna dtuairisciú amhlaidh.

(5)

Tá na sonraí a chuirtear i láthair san Iarscríbhinn a ghabhann leis an gCinneadh seo bunaithe ar na sonraí a bhí ar fáil don Choimisiún an 1 Lúnasa 2022.

(6)

D’fhéadfadh sé go mbeadh ar an gCoimisiún na sonraí a fhoilsítear anseo a thabhairt cothrom le dáta, má fhaigheann sé sonraí breise a dhéanfadh difear do na ríomhanna sin,

(1)

(2)

(3)

(4)

(5)

(6)

(7)

(8)

(9)

(1)

Le Moladh 2003/670/CE ón gCoimisiún an 19 Meán Fómhair 2003 maidir le sceideal Eorpach na ngalar ceirde (1), mhol an Coimisiún do na Ballstáit sraith beart a chur chun feidhme, arb é is cuspóir dóibh gnéithe éagsúla dá mbeartais a bhaineann le galair cheirde a nuashonrú agus a fheabhsú. Baineann na bearta sin le haithint, cúiteamh agus cosc na ngalar ceirde, socrú na gcuspóirí náisiúnta chun breoiteachtaí ceirde a laghdú, tuairisciú agus taifeadadh na ngalar ceirde, bailiú sonraí maidir le heipidéimeolaíocht galar, cur chun cinn an taighde i réimse na dtinneas a bhaineann le gníomhaíocht cheirde, feabhas a chur ar dhiagnóisiú na ngalar ceirde, scaipeadh na sonraí staidrimh agus eipidéimeolaíochta maidir le galair cheirde, agus ról gníomhach a chur chun cinn le haghaidh córais náisiúnta sláinte poiblí agus cúraim sláinte i dtaca le galair cheirde a chosc.

(2)

Rinne ráig COVID-19 difear do na Ballstáit uile ó bhí tús 2020 ann, rud a chuir isteach go mór ar na hearnálacha agus ar na seirbhísí uile, agus a rinne difear do shláinte agus do shábháilteacht oibrithe ar fud an Aontais Eorpaigh (AE). Sa lá atá inniu ann, tá feabhas tagtha ar an staid eipidéimeolaíoch san Aontas a bhaineann le COVID-19, a bhuí go príomha le vacsaíní a bheith ar fáil go forleathan, ach tá dúshlán fós ann, go háirithe i bhfianaise ráigeanna nua COVID-19 a d’fhéadfadh a bheith ann agus theacht chun cinn athraithigh víreas SARS-CoV-2, chomh maith le cásanna de COVID fadmharthanach.

(3)

Sa chomhthéacs sin, d’fhógair an Coimisiún, i measc bearta eile, sa Teachtaireacht uaidh dar teideal ‘EU strategic framework on health and safety at work 2021-2027 - Occupational safety and health in a changing world of work’  (2) (“Creat Straitéiseach an Aontais Eorpaigh maidir le sláinte agus sábháilteacht ag an obair 2021-2027 — Sábháilteacht agus sláinte ceirde i saol oibre atá ag athrú”] (“Creat Straitéiseach an Aontais Eorpaigh”), go ndéanfadh sé nuashonrú ar Mholadh 2003/670/CE ón gCoimisiún chun COVID-19 a chur san áireamh, d’fhonn aitheantas ó na Ballstáit do COVID-19 mar ghalar ceirde a chur chun cinn agus d’fhonn cóineasú a spreagadh.

(4)

Tar éis ghlacadh Chreat Straitéiseach an Aontais Eorpaigh, bhunaigh an Coiste Comhairleach um Shábháilteacht agus Sláinte ag an Obair (ACSH) Meitheal thiomnaithe ag a bhfuil an sainordú dréacht-tuairim a ullmhú lena glacadh ag ACSH maidir leis an nuashonrú ar Mholadh 2003/670/CE chun COVID-19 a chur san áireamh. An 18 Bealtaine 2022, ghlac ACSH an tuairim ghaolmhar, ina moltar COVID-19 a chur san áireamh in Iarscríbhinn I a ghabhann le Moladh 2003/670/CE trí bhíthin iontráil nua, Uimh. 408, a chur isteach, lena dtagraítear do COVID-19 arb í obair i ndáil le galair a chosc, obair i gcúram sláinte agus i gcúram sóisialta agus obair i gcúnamh baile, nó, i gcomhthéacs paindéime, obair in earnálacha ina bhfuil ráig i ngníomhaíochtaí ar cruthaíodh go bhfuil riosca ionfhabhtaithe ina leith is cúis léi.

(5)

Cuirtear san áireamh sa Mholadh seo tuairim ACSH agus cuirtear COVID-19 isteach in Iarscríbhinn I a ghabhann leis an Moladh. Ba cheart an téarma “cúram sláinte agus cúram sóisialta” a thuiscint mar thagairt do na gníomhaíochtaí eacnamaíocha faoi roinn Q d’aicmiú staidrimh NACE Ath. 2 (3). A mhéid a bhaineann leis na gníomhaíochtaí eacnamaíocha seachas na gníomhaíochtaí sin a thagann faoi roinn Q d’aicmiú staidrimh NACE Ath. 2, ba cheart na coinníollacha a leagtar síos, i.e. gurb ann do “chomhthéacs paindéime” agus gurb ann do “ráig i ngníomhaíochtaí ar cruthaíodh go bhfuil riosca ionfhabhtaithe ina leith”, a thuiscint mar choinníollacha a leagtar síos go carnach. Maidir leis sin, ba cheart a thuiscint go bhfuil “comhthéacs paindéime” ann nuair a dhearbhaíonn comhlachtaí idirnáisiúnta inniúla, amhail an Eagraíocht Dhomhanda Sláinte (EDS), gur paindéim dhomhanda atá i ráigeanna galar áirithe. Ba cheart do na Ballstáit “ráig” de réir bhrí fhoráil nua an Mholta a shainiú i gcomhréir leis an dlí náisiúnta nó leis an gcleachtas náisiúnta. Is ann do riosca ionfhabhtaithe “ar tugadh cruthúnas ina leith” i ngníomhaíochtaí ar ina leith, i gcomhréir leis an dlí náisiúnta nó leis an gcleachtas náisiúnta, a bunaíodh nasc cúisíoch idir obair sna gníomhaíochtaí sin agus nochtadh méadaithe do SARS-CoV-2.

(6)

I gcomhréir le prionsabal na coimhdeachta agus i bhfianaise inniúlachtaí an Aontais agus na mBallstát faoi seach i réimsí na sláinte poiblí agus an bheartais shóisialta faoi na Conarthaí, ba cheart gur faoi na Ballstáit a bheadh sé, ag gníomhú dóibh i gcomhréir iomlán le dlí an Aontais, lena n-áirítear reachtaíocht an Aontais maidir le sábháilteacht agus sláinte ceirde, cinneadh a dhéanamh maidir leis na bearta sláinte poiblí atá le glacadh i gcomhthéacs aon phaindéime, lena n-áirítear na bearta sin a bhfuil feidhm acu maidir le hionaid oibre agus cuideachtaí, chomh maith leis an toradh gurb ann do ráig i ngníomhaíochtaí ar cruthaíodh go bhfuil riosca ionfhabhtaithe ina leith. Sa chomhthéacs sin, ba cheart aird a thabhairt go háirithe ar Rialachán ó Pharlaimint na hEorpa agus ón gComhairle maidir le mórbhagairtí trasteorann ar an tsláinte agus lena n-aisghairtear Cinneadh Uimh. 1082/2013/AE (2020/0322(COD)) (4).

(7)

I dtuarascáil 2021 Eurostat dar teideal “An fhéidearthacht atá ann COVID-19 a aithint mar ghalar de thionscnamh ceirde ar an leibhéal náisiúnta i dtíortha an Aontais agus i dtíortha CSTE” (5) léirítear go n-aithníonn formhór na mBallstát COVID-19 mar ghalar ceirde nó mar thionóisc ag an obair, i gcomhréir leis na coinníollacha a shainítear ar an leibhéal náisiúnta.

(8)

Cé gur ábhar é aitheantas na ngalar ceirde a bhfuil dlúthbhaint aige le dearadh córas slándála sóisialta, ar inniúlacht Ballstáit é, cuireann an Coimisiún chun cinn aitheantas na ngalar ceirde atá liostaithe ag na Ballstáit i sceideal Eorpach na ngalar ceirde. Mar a luaitear i gCreat Straitéiseach an Aontais Eorpaigh, tá gá fós le béim níos mó a leagan ar ghalair cheirde. I gcomhréir leis na prionsabail ghinearálta atá ann maidir le cosc, prionsabail atá ina gcuid lárnach de Threoir Réime 1989 maidir le Sábháilteacht agus Sláinte ag an Obair (6) agus de na treoracha gaolmhara maidir le sláinte agus sábháilteacht ag an obair, ba cheart an Moladh seo a bheith ina phríomhionstraim chun galair cheirde a chosc ar leibhéal an Aontais. Thairis sin, tá sé tábhachtach freisin tacaíocht a thabhairt d’oibrithe atá ionfhabhtaithe, go háirithe le COVID-19, agus do theaghlaigh a chaill baill teaghlaigh mar gheall ar nochtadh oibre.

(9)

I gcomhréir le Creat Straitéiseach an Aontais Eorpaigh, ba cheart iarraidh ar na Ballstáit páirt ghníomhach a thabhairt do na gníomhaithe uile, go háirithe do na comhpháirtithe sóisialta, i dtaca le bearta a fhorbairt chun galair cheirde a chosc go héifeachtach.

(10)

I gCreat Straitéiseach an Aontais Eorpaigh, tagraítear don ghá atá le bonn fianaise neartaithe chun bonn taca a chur faoin reachtaíocht agus faoin mbeartas, agus le taighde agus le bailiú sonraí, ar leibhéal an Aontais Eorpaigh agus ar an leibhéal náisiúnta araon, mar réamhchoinníoll chun galair agus tionóiscí a bhaineann leis an obair a chosc. Tá comhar agus malartú faisnéise, taithí agus dea-chleachtais ríthábhachtach le haghaidh anailís agus cosc feabhsaithe ar fud an Aontais.

(11)

Is ábhartha fós an moladh do na Ballstáit sonraí staidrimh agus eipidéimeolaíocha maidir le galair cheirde a aithnítear ar an leibhéal náisiúnta a chur ar aghaidh chuig an gCoimisiún agus a chur ar fáil do pháirtithe leasmhara, agus Rialachán (CE) Uimh. 1338/2008 ó Pharlaimint na hEorpa agus ón gComhairle (7) á chur san áireamh, agus i bhfianaise forbairtí a bhaineann leis na hoibreacha píolótacha i leith Staidreamh Eorpach um Ghalair Cheirde (EODS).

(12)

Is é an ról atá ag an nGníomhaireacht Eorpach um Shábháilteacht agus Sláinte ag an Obair, arna bunú le Rialachán (AE) 2019/126 ó Pharlaimint na hEorpa agus ón gComhairle (8), inter alia, an fhaisnéis oibiachtúil theicniúil, eolaíoch agus eacnamaíoch atá ar fáil a sholáthar d’institiúidí agus do chomhlachtaí an Aontais agus do na Ballstáit agus an saineolas cáilithe a theastaíonn uathu a sholáthar dóibh chun beartais bhreithiúnacha éifeachtacha a leagan amach agus a chur chun feidhme, ar beartais iad arna gceapadh chun sábháilteacht agus sláinte oibrithe a chosaint, agus chun faisnéis theicniúil, eolaíoch agus eacnamaíoch a bhailiú, a anailísiú agus a scaipeadh sna Ballstáit. Dá réir sin, ba cheart don Ghníomhaireacht ról tábhachtach a bheith aici freisin i malartú faisnéise, taithí agus dea-chleachtais maidir le galair cheirde a chosc.

(13)

Is féidir le córais náisiúnta sláinte poiblí agus cúraim sláinte ról tábhachtach a bheith acu i dtaca le feabhas a chur ar chosc na mbreoiteachtaí ceirde, mar shampla trí fheasacht a mhúscailt i measc foirne leighis d’fhonn feabhas a chur ar eolas agus ar dhiagnóisiú na mbreoiteachtaí sin.

(14)

I bhfianaise na mbreithnithe thuas, agus á chur san áireamh, ar thaobh amháin, go bhfuil cuimsiú COVID-19 in Iarscríbhinn I a ghabhann leis an Moladh seo íogair ó thaobh ama de, go háirithe i bhfianaise ráigeanna nua COVID-19 a d’fhéadfadh a bheith ann agus teacht chun cinn athraithigh víreas SARS-CoV-2, agus, ar an taobh eile, go bhfuil Moladh 2003/670/CE fós ábhartha den chuid is mó agus oiriúnach dá fheidhm, ba cheart COVID-19 a bheith san áireamh in Iarscríbhinn I a ghabhann leis an Moladh seo agus ábhar Mholadh 2003/670/CE a athdhearbhú, gan dochar do nuashonruithe breise ar an Moladh seo ag céim níos déanaí,

1.

an sceideal Eorpach in Iarscríbhinn I a thabhairt isteach a luaithe is féidir ina ndlíthe, ina rialacháin nó ina bhforálacha riaracháin náisiúnta maidir le galair cheirde a aithnítear go heolaíoch atá faoi dhliteanas cúitimh agus atá faoi réir bearta coisctheacha;

2.

bearta a dhéanamh chun an ceart atá ag oibrí chun cúiteamh a fháil i leith galair cheirde a thabhairt isteach ina ndlíthe, ina rialacháin nó ina bhforálacha riaracháin náisiúnta i gcás ina bhfuil tinneas ar an oibrí nach bhfuil liostaithe in Iarscríbhinn I ach ar féidir a chruthú gur tinneas de thionscnamh agus de chineál ceirde é, go háirithe má tá an tinneas liostaithe in Iarscríbhinn II;

3.

bearta coisctheacha éifeachtacha a fhorbairt agus a fheabhsú maidir leis na galair cheirde a luaitear sa sceideal Eorpach in Iarscríbhinn I, agus páirt ghníomhach a thabhairt do na gníomhaithe uile agus, i gcás inarb iomchuí, faisnéis, taithí agus dea-chleachtas a mhalartú tríd an nGníomhaireacht Eorpach um Shábháilteacht agus Sláinte ag an Obair;

4.

cuspóirí náisiúnta cainníochtaithe a tharraingt suas d’fhonn rátaí galar ceirde aitheanta a laghdú, go háirithe na galair sin a áirítear sa sceideal Eorpach in Iarscríbhinn I;

5.

a áirithiú go dtuairisceofar gach cás de ghalair cheirde agus go mbeidh a staidreamh maidir le galair cheirde ag luí go comhleanúnach leis an sceideal Eorpach in Iarscríbhinn I, i gcomhréir leis an obair atá á déanamh ar an gcóras chun staidreamh Eorpach maidir le galair cheirde a chomhchuibhiú, ionas go mbeidh faisnéis faoin oibreán nó faoin bhfachtóir is cúis leis, faoin diagnóis leighis agus faoi ghnéas an othair ar fáil do gach cás de ghalar ceirde;

6.

córas a thabhairt isteach chun faisnéis nó sonraí a bhailiú maidir le heipidéimeolaíocht na ngalar atá liostaithe in Iarscríbhinn II agus maidir le heipidéimeolaíocht aon ghalair eile de chineál ceirde;

7.

taighde a chur chun cinn i réimse na dtinneas atá nasctha le gníomhaíocht ghairme, go háirithe na tinnis atá liostaithe in Iarscríbhinn II agus na neamhoird de chineál síceasóisialta a bhaineann leis an obair;

8.

a áirithiú go scaipfear go forleathan doiciméid chun cuidiú le diagnóisiú galar ceirde a áirítear ina sceidil náisiúnta, agus na fógraí maidir le diagnóisiú galar ceirde arna bhfoilsiú ag an gCoimisiún á gcur san áireamh go háirithe;

9.

sonraí staidrimh agus eipidéimeolaíocha maidir le galair cheirde a aithnítear ar an leibhéal náisiúnta a chur ar aghaidh chuig an gCoimisiún agus a chur ar fáil do pháirtithe leasmhara, go háirithe tríd an líonra faisnéise a bhunaigh an Ghníomhaireacht Eorpach um Shábháilteacht agus Sláinte ag an Obair;

10.

ról gníomhach a chur chun cinn do chórais náisiúnta cúraim sláinte i dtaca le galair cheirde a chosc, go háirithe trí fheasacht a mhúscailt i measc foirne leighis d’fhonn feabhas a chur ar eolas agus ar dhiagnóisiú na mbreoiteachtaí sin.