(1)

I gcomhréir le hAirteagal 50(2)(a) de Rialachán (AE) Uimh. 1151/2012, rinneadh an t-iarratas a thíolaic an Phortaingéil ar chlárú an ainm “Marmelada Branca de Odivelas” a fhoilsiú in Iris Oifigiúil an Aontais Eorpaigh (2).

(2)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an t-ainm “Marmelada Branca de Odivelas” a chlárú,

(1)

Le Rialachán (CE) Uimh. 738/2000 ón gCoimisiún (2), maidir leis an mír a liostaítear i bpointe 5 den Iarscríbhinn a ghabhann leis an Rialachán sin, feithicil ceithre roth a chumhachtaítear le mótar leictreach, a bhfuil gaireas ardaithe hiodrálach le géag theileascópach feistithe uirthi, ar airde uasta 15,5 m agus ag a bhfuil acmhainn ardaithe 227 kg, ar gaireas é atá suite go buan ar dhromchla réidh agus a bhfuil ardán oibre le ráille sábháilteachta feistithe air, rinneadh í a aicmiú faoin gcód 8428 90 90 san Ainmníocht Chomhcheangailte (AC), mar a dhéantar le hinnealra ardaithe eile.

(2)

Ba é an chúis le haicmiú an ghairis ardaithe a eisiamh ón gceannteideal 8427 nach bhfuil sé oiriúnach chun earraí a iompar, toisc nár dearadh é ach chun earraí agus daoine a ardú. Mar sin féin, ní eisiatar ón gceannteideal 8427 earraí nár dearadh chun earraí a iompar. Thairis sin, de réir Nótaí Míniúcháin an Chórais Chomhchuibhithe a ghabhann le ceannteideal 8427, cuid (B), pointe (1), áirítear faoin gceannteideal 8427 trucailí ag a bhfuil ardáin ardaithe mheicniúil chun cáblaí leictreacha, córais soilsithe phoiblí, etc. a chothabháil.

(3)

Le linn an 68ú seisiún dá chuid i mí Mheán Fómhair 2021, d’fhormheas an Coiste um an gCóras Comhchuibhithe de chuid na hEagraíochta Domhanda Custaim tuairim 8427.10/1 maidir le haicmiú, lena n-aicmítear táirge ar a dtugtar “Ardaitheoir Búm Altach Féinghluaiste”, ar trucail oibre í ar bhunaonad a bhfuil rothaí faoi agus atá faoi thiomáint mótair leictrigh, le búm ardaithe hiodrálach altach a bhfuil ardán oibre (cás nó caighean) suite air. Tá luas uasta 5,2 km/h (fillte) agus 0,8 km/h (neamhfhillte), airde oibre uasta 15,7 m, ollmheáchan uasta 6 500 kg agus acmhainn ardáin 227 kg ag an ardaitheoir sin. Dearadh é chun cuidiú le hoibrí oibriú in airde. Aicmíodh é faoin bhfo-cheannteideal 8427 10 de chuid an Chórais Chomhchuibhithe agus, de réir a shaintréithe oibiachtúla, comhfhreagraíonn sé don Chód AC 8427 10 10, mar thrucailí féinghluaiste faoi thiomáint mótair leictrigh, a bhfuil airde ardaithe 1 m nó níos mó acu.

(4)

I bhfianaise shaintréithe comhionanna nó an-chosúil an táirge leis an earra a dtugtar tuairisc air i bpointe 5 den Iarscríbhinn a ghabhann le Rialachán (CE) Uimh. 738/2000, níl aicmiú taraife an earra, mar a leagtar amach é san Iarscríbhinn a ghabhann leis an Rialachán sin, i gcomhréir le tuairim 8427.10/1 maidir le haicmiú.

(5)

De bhua Chinneadh 87/369/CEE ón gComhairle (3), is páirtí conarthach é an tAontas sa Choinbhinsiún Idirnáisiúnta ar an gCóras Comhchuibhithe um Thuairisciú agus um Chódú Tráchtearraí, arna dhréachtú ag Comhairle um Chomhar Custaim na hEagraíochta Domhanda Custaim. Is ionstraimí treorach le haghaidh bhearta taraife an Aontais iad tuairimí maidir le rangú arna bhformheas ag an gCoiste um an gCóras Comhchuibhithe.

(6)

D’fhonn aonfhoirmeacht a áirithiú maidir le léirmhíniú agus cur i bhfeidhm an Chórais Chomhchuibhithe ar an leibhéal idirnáisiúnta agus ós rud é go bhfuil tuairim 8427.10/1 maidir le haicmiú i gcomhréir le foclaíocht an cheannteidil 8427 de chuid an Chórais Chomhchuibhithe agus an fho-cheannteidil 8427 10, is gá pointe 5 den Iarscríbhinn a ghabhann le Rialachán (CE) Uimh. 738/2000 a scriosadh.

(7)

Dá bhrí sin, ba cheart Rialachán (CE) Uimh. 738/2000 a leasú dá réir.

(8)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

De bhun Airteagal 6(1) de Ghníomhaíocht Chomhpháirteach 2004/570/CBES, d’údaraigh an Chomhairle don Choiste Polaitiúil agus Slándála na cinntí ábhartha a dhéanamh maidir le Ceannasaí Oibríochta an Aontais Eorpaigh a cheapadh ar oibríocht mhíleata an Aontais Eorpaigh sa Bhoisnia agus sa Heirseagaivéin (“Ceannasaí Oibríochta an Aontais Eorpaigh”).

(2)

An 8 Deireadh Fómhair 2018, chinn an Coiste Polaitiúil agus Slándála, i bprionsabal, gur cheart Leas-Cheann Foirne Ard-Cheanncheathrú na gCumhachtaí Comhghuaillíocha san Eoraip a cheapadh mar Cheannasaí Oibríochta an Aontais Eorpaigh amhail ón 29 Márta 2019, faoi réir ECAT a dhearbhú go mbeadh sé ar fáil.

(3)

An 7 Nollaig 2018, dhearbhaigh Comhairle an Atlantaigh Thuaidh go mbeadh Leas-Cheann Foirne Ard-Cheanncheathrú na gCumhachtaí Comhghuaillíocha ar fáil chun ról Cheannasaí Oibríochta an Aontais Eorpaigh a ghlacadh faoi na socraíochtaí dá ngairtear “Beirlín Plus”, amhail ón 29 Márta 2019.

(4)

An 2 Iúil 2020, ghlac an Coiste Polaitiúil agus Slándála Cinneadh (CBES) 2020/1010 (2) lena gceaptar an Maor-Ghinearál Brice HOUDET, Leas-Cheann Foirne Ard-Cheanncheathrú na gCumhachtaí Comhghuaillíocha, mar Cheannasaí Oibríochta an Aontais Eorpaigh amhail ón 18 Iúil 2020.

(5)

An 1 Meán Fómhair 2022, chinn ECAT an Leifteanant-Ghinearál Hubert COTTEREAU a cheapadh mar Leas-Cheann Foirne Ard-Cheanncheathrú na gCumhachtaí Comhghuaillíocha, in ionad an Leifteanant-Ghinearál Brice HOUDET amhail ón dáta sin. Ón dáta sin amach, ba cheart go dtiocfadh an Leifteanant-Ghinearál Hubert COTTEREAU in ionad an Leifteanant-Ghinearál Brice HOUDET ina cháil mar Cheannasaí Oibríochta an Aontais Eorpaigh.

(6)

An 7 Meán Fómhair 2022, d’aontaigh Coiste Míleata an Aontais Eorpaigh a mholadh go n-ainmneofaí an Leifteanant-Ghinearál Hubert COTTEREAU mar Cheannasaí Oibríochta an Aontais Eorpaigh amhail ón 1 Meán Fómhair 2022.

(7)

Ba cheart, dá bhrí sin, Cinneadh (CBES) 2020/1010 a aisghairm.

(8)

An 12 agus an 13 Nollaig 2002, ghlac Comhairle Eorpach Chóbanhávan dearbhú lena ndearbhaítear nach mbeidh feidhm ag na socraíochtaí dá ngairtear “Beirlín Plus” agus a gcur chun feidhme ach amháin maidir leis na Ballstáit sin den Aontas is comhaltaí freisin de ECAT nó páirtithe i “gComhpháirtíocht na Síochána”, agus a bhfuil comhaontuithe déthaobhacha slándála tugtha i gcrích acu le ECAT,

(1)

Le Rialachán (AE) 2018/1240, bunaítear an Córas Eorpach um Fhaisnéis agus Údarú Taistil (“ETIAS”) le haghaidh náisiúnaigh tríú tír atá díolmhaithe ón gceanglas maidir le víosa a fháil chun dul isteach agus fanacht ar chríoch na mBallstát.

(2)

Ionas gur féidir le hAonad Náisiúnta ETIAS an Bhallstáit atá freagrach cinneadh a dhéanamh faoi iarratais a spreagann amais, nó ionas gur féidir le hAonad Náisiúnta ETIAS an Bhallstáit a bhfuil sé beartaithe ag an náisiúnach tríú tír taisteal chuige cinneadh a dhéanamh maidir le hiarratais ar bhailíocht chríochach theoranta, ba cheart an fhaisnéis a sholáthraítear i bhfoirmeacha iarratais a bheith iomlán agus cruinn. Má mheastar nach leor an fhaisnéis chun cur ar chumas Aonad Náisiúnta ETIAS cinneadh a dhéanamh, ba cheart dó a bheith in ann faisnéis nó doiciméadacht riachtanach bhreise a iarraidh ar iarratasóirí trí liosta roghanna a úsáid.

(3)

Is gá an liosta réamhshocraithe de roghanna atá ar fáil d’Aonaid Náisiúnta ETIAS a leagan síos agus faisnéis bhreise nó doiciméadacht bhreise á hiarraidh ó iarratasóirí i gcomhréir le hAirteagal 27(3) nó Airteagal 44(3) de Rialachán (AE) 2018/1240. Ba cheart an liosta sin a bheith ina liosta cineálach, agus an fhaisnéis agus an doiciméadacht is féidir a iarraidh á liostú, agus ba cheart freisin ligean d’iarratasóirí faisnéis nó doiciméadacht a mheasann siad féin a bheith riachtanach a chur isteach.

(4)

Ba cheart léirithe soiléire a bheith ag iarratasóirí ar an bhfaisnéis nó ar doiciméadacht a n-iarrtar orthu a chur ar fáil. Dá bhrí sin, le cur chun feidhme teicniúil an liosta réamhshocraithe de roghanna, ba cheart go gceadófaí d’Aonaid Náisiúnta ETIAS cur síos ar an rogha nó ar na roghanna atá roghnaithe a áireamh. Le cur chun feidhme teicniúil an liosta réamhshocraithe de roghanna, ba cheart a chur in iúl freisin do na hiarratasóirí, trí réamhshocrú, an fhéidearthacht a bheidh acu aon fhaisnéis nó doiciméadacht a mheasann siad is gá i ndáil lena n-iarratas a chur isteach.

(5)

An fhaisnéis nó an doiciméadacht a chuir na hiarratasóirí isteach laistigh de na spriocdhátaí dlíthiúla, ba cheart go gcuirfeadh sí ar chumas Aonad Náisiúnta ETIAS an Bhallstáit atá freagrach cinneadh a dhéanamh maidir leis na hiarratais. Níor cheart, áfach, go ndiúltófaí na hiarratais taistil go huathoibríoch mura gcuirfí faisnéis bhreise ná doiciméadacht bhreise ar fáil.

(6)

Is gá freisin rialacha leordhóthanacha a bhunú chun sonraí pearsanta iarratasóirí a chosaint agus chun rochtain na n-údarás údaraithe ar na sonraí sin a choimirciú, de bhun Rialachán (AE) 2016/679 ó Pharlaimint na hEorpa agus ón gComhairle (2).

(7)

Ní dochar an Cinneadh seo do chur i bhfeidhm Threoir 2004/38/CE ó Pharlaimint na hEorpa agus ón gComhairle (3).

(8)

Ós rud é go gcuireann Rialachán (AE) 2018/1240 le acquis Schengen, i gcomhréir le hAirteagal 4 de Phrótacal Uimh. 22 maidir le seasamh na Danmhairge, prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, thug an Danmhairg fógra faoi chur chun feidhme Rialachán (AE) 2018/1240 ina dlí náisiúnta. Dá bhrí sin, tá an Cinneadh seo ina cheangal ar an Danmhairg.

(9)

Is é atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu (4); dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(10)

A mhéid a bhaineann leis an Íoslainn agus leis an Iorua, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis (5) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle (6).

(11)

A mhéid a bhaineann leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (7) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE, arna léamh i gcomhar le hAirteagal 3 de Chinneadh 2008/146/CE ón gComhairle (8).

(12)

A mhéid a bhaineann le Lichtinstéin, is é atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (9) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle arna léamh i gcomhar le hAirteagal 3 de Chinneadh 2011/350/AE ón gComhairle (10).

(13)

Is é atá sa Chinneadh seo gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(1) d’Ionstraim Aontachais 2003, Airteagal 4(1) d’Ionstraim Aontachais 2005 agus Airteagal 4(1) d’Ionstraim Aontachais 2011 faoi seach.

(14)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (11) agus thug sé tuairim uaidh an 21 Meitheamh 2021,

(1)

An 22 Meitheamh 2022, chinn an Chomhairle Rialaithe creat chlár ceannaithe na hearnála corparáidí (corporate sector purchase programme, CSPP) a leasú chun tagarmharc CSPP a “scagadh” i leith eisitheoirí a bhfuil feidhmíocht aeráide níos fearr acu. Sa chomhthéacs sin, shonraigh an Chomhairle Rialaithe go gciallaíonn “úsáid” go méadófar sciar na sócmhainní ar chlár comhardaithe an Eurochórais arna eisiúint ag cuideachtaí a bhfuil feidhmíocht aeráide níos fearr acu i gcomparáid leis an sciar atá ag cuideachtaí a bhfuil feidhmíocht aeráide níos boichte acu. Ina theannta sin, chinn an Chomhairle Rialaithe teorainneacha aibíochta a fhorchur le haghaidh bannaí eisitheoirí a bhfuil feidhmíocht aeráide níos boichte acu. Ba cheart feidhmíocht aeráide eisitheoirí a thomhas trí thagairt a dhéanamh dá n-astaíochtaí gás ceaptha teasa, do leibhéal uaillmhéine a spriocanna laghdaithe carbóin agus dá nochtuithe a bhaineann leis an aeráid. Ba cheart measúnú a dhéanamh ar fheidhmíocht aeráide eisitheoirí agus ba cheart na tosca claonta a ríomh trí úsáid a bhaint as modheolaíocht arna formheas ag an gComhairle Rialaithe.

(2)

Tagann sé sin sna sála ar athbhreithniú na Comhairle Rialaithe ar an straitéis beartais airgeadaíochta, agus an plean gníomhaíochta a ghabhann leis an aeráid, a foilsíodh an 8 Iúil 2021 (1). Sa chomhthéacs sin, d’aithin an Chomhairle Rialaithe gur dúshlán domhanda agus tosaíocht beartais don Aontas Eorpach é aghaidh a thabhairt ar an athrú aeráide, agus chuir an Chomhairle Rialaithe chun suntais go ndéanann an t-athrú aeráide agus an t-aistriú i dtreo geilleagar níos inbhuanaithe difear don ionchas maidir le cobhsaíocht praghsanna trína dtionchar ar tháscairí maicreacnamaíocha éagsúla agus trí tharchur an bheartais airgeadaíochta. D’fheadfadh tionchar ag rioscaí fisiceacha agus aistrithe a bhaineann leis an athrú aeráide ar luach agus do phróifíl riosca na sócmhainní arna sealbhú ar chlár comhardaithe an Eurochórais. Is amhlaidh atá, go háirithe, i gcás ceannacháin sócmhainní san earnáil chorparáideach, toisc go bhfuil rioscaí airgeadais a bhaineann leis an aeráid do chlár comhardaithe an Eurochórais níos airde i gcás ceannachán glan amach ná i gcás oibríochtaí iasachtaithe. Dá bhrí sin, tá gá leis na bearta chun go ndéanfaidh an tEurochóras bainistiú, ar an mbealach is éifeachtaí is féidir, ar na rioscaí airgeadais a bhaineann leis an aeráid a bhfuil sé neamhchosanta orthu agus beartas airgeadaíochta á chur chun feidhme aige, chun a phríomhchuspóir a bhaint amach, is é sin cobhsaíocht praghsanna a chothabháil. Is cuid de shainmhíniú agus de chur chun feidhme an bheartais airgeadaíochta, mar a léirítear freisin in Airteagal 18.1 de Reacht an Chórais Eorpaigh Banc Ceannais agus an Bhainc Ceannais Eorpaigh (dá ngairtear “Reacht CEBC” anseo feasta), bearta arna gceapadh chun teorainn a chur leis an riosca a bhaineann le caillteanais airgeadais a ghlacadh ag an Eurochóras, ar dá mbun a fhéadfaidh an tEurochóras oibríochtaí creidmheasa a sheoladh le hiasachtú bunaithe ar chomhthaobhacht leordhóthanach.

(3)

De bhun Airteagail 127(1) agus 282(2) den Chonradh ar Fheidhmiú an Aontais Eorpaigh (CFAE), mar atá léirithe in Airteagal 2 de Reacht CEBC, gan dochar do chuspóir na cobhsaíochta praghsanna, tacóidh an tEurochóras leis na beartais ghinearálta eacnamaíocha san Aontas d’fhonn rannchuidiú le cuspóirí an Aontais a bhaint amach, mar atá siad leagtha síos in Airteagal 3 den Chonradh ar an Aontas Eorpach. Áirítear ar na cuspóirí sin ardleibhéal cosanta agus feabhsú cháilíocht an chomhshaoil. Leagtar amach i Rialachán (AE) 2021/1119 ó Pharlaimint na hEorpa agus ón gComhairle (2) (“an Dlí Aeráide Eorpach”) cuspóir ceangailteach maidir le haeráidneodracht san Aontas faoi 2050 d’fhonn an sprioc fhadtéarmach teochta a leagtar amach i gComhaontú Pháras a shaothrú (3). Ós rud é go ndéanann an Dlí Aeráide Eorpach difear do gach gné fhéideartha den bheartas eacnamaíoch san Aontas, tá sé ina chuid de na beartais eacnamaíocha ghinearálta san Aontas, a bhfuil sé de cheangal ar BCE tacú leo. I bhfianaise an mhéid thuas, agus a hionstraimí beartais airgeadaíochta á gcoigeartú aici, roghnóidh an Chomhairle Rialaithe an chumraíocht is fearr a thacaíonn le beartais eacnamaíocha ghinearálta an Aontais, ar choinníoll go mbeidh dhá fhoirmíocht den ionstraim a shocrófar chomh fabhrach céanna agus nach ndéanfaidh siad dochar do chobhsaíocht praghsanna. Tá sé beartaithe go mbeidh sé d’éifeacht ag breithnithe maidir leis an athrú aeráide a ionchorprú i leithdháileadh tagarmharcanna an riosca airgeadais a bhaineann leis an aeráid ar chlár comhardaithe an Eurochórais a laghdú, trí dhéine carbóin shealúchais chorparáideacha an Eorachórais a laghdú. Tá an beart ceaptha chun éifeacht neodrach a bheith aige ar an seasamh maidir le beartas airgeadaíochta ar choinníollacha foriomlána maoinithe. Ós rud é go bhfuil an beart seo chomh fabhrach céanna agus nach ndéanann sé dochar do chobhsaíocht praghsanna, tacaíonn a thabhairt isteach freisin leis na beartais eacnamaíocha ghinearálta san Aontas.

(4)

Maidir le breithnithe maidir leis an athrú aeráide a ionchorprú i leithdháileadh na dtagarmharcanna, mar aon le teorainneacha aibíochta a thabhairt isteach le haghaidh bannaí eisitheoirí a bhfuil feidhmíocht aeráide níos boichte acu, tacaíonn siad freisin le comhréireacht CSPP toisc go maolaíonn siad an riosca fadtéarmach a mheastar a bhaineann leis an aeráid don Eorachóras a eascraíonn as a cheannach sócmhainní corparáideacha, rud a áirithíonn nach dtéann CSPP thar a bhfuil riachtanach chun a chuspóir a bhaint amach. Ina theannta sin, tá an mhodheolaíocht chlaonta le haghaidh thagarmharc CSPP ceaptha chun é féin a bheith comhréireach. Cuirtear san áireamh ann trí chatagóir oibiachtúla méadrachta a bhaineann go díreach le hastaíochtaí agus, dá bhrí sin, an riosca airgeadais a bhaineann leis an aeráid agus an aeráidneodracht: ar an gcéad dul síos, astaíochtaí carbóin eisitheora san am atá thartar an dara dul síos, méadracht aeráide réamhbhreathnaitheach, amhail an bhfuil spriocanna uaillmhianacha inchreidte dícharbónaithe i bhfeidhm ag eisitheoirí, agus úsáid á baint as modheolaíochtaí leordhóthanacha; agus ar an tríú dul síos, cáilíocht agus iomláine nochtuithe aeráide eisitheoirí agus fíorú na nochtuithe sin ag tríú páirtithe. Thairis sin, cuirtear san áireamh i ndearadh na modheolaíochta scórála aeráide, mar threoir, na forálacha maidir leis na ceanglais le haghaidh Tagarmharcanna Aistrithe Aeráide AE agus Tagarmharcanna AE atá ailínithe le Comhaontú Pháras faoi Rialachán (AE) 2016/1011 ó Pharlaimint na hEorpa agus ón gComhairle (4). Ar deireadh, déanfar an mhodheolaíocht scórála aeráide a athbhreithniú agus a nuashonrú, de réir mar is gá, chun an méadú atá ag teacht ar shonraí agus samhlacha aeráide a léiriú, chomh maith le forbairtí rialála ábhartha agus an dul chun cinn i gcumais measúnaithe riosca, amhail trí thástálacha struis aeráide ar chlár comhardaithe an Eurochórais.

(5)

Ina theannta sin, agus breithnithe maidir leis an athrú aeráide á gcur san áireamh sa leithdháileadh tagarmharcanna, cuireann an tEurochóras rioscaí airgeadais a bhaineann leis an aeráid, forbairtí rialála agus dlíthiúla, agus infhaighteacht agus cáilíocht reatha na sonraí san áireamh, agus fós raon feidhme leathan na gclár ceannaigh a choinneáil i gcomhréir leis an oibleagáid gníomhú i gcomhréir le prionsabal geilleagair mhargaidh oscailte le saoriomaíocht, rud a bheidh i bhfabhar leithdháileadh éifeachtúil acmhainní.

(6)

Ar deireadh, áirithítear leis an mbeart seo go gcomhlíonann CSPP oibleagáidí an Eurochórais go hiomlán faoi Airteagal 11 CFAE, lena gceanglaítear go ndéanfar ceanglais maidir le cosaint an chomhshaoil a chomhtháthú i sainiú agus i gcur chun feidhme bheartais agus ghníomhaíochtaí an Aontais, lena n-áirítear beartas airgeadaíochta an Aontais. Ar an gcaoi chéanna, áirithítear leis go gcomhlíonann CSPP oibleagáidí an Eurochórais faoi Airteagal 7 CFAE, lena gceanglaítear ar an Aontas comhsheasmhacht a áirithiú idir a bheartais agus a ghníomhaíochtaí.

(7)

Ba cheart don Eurochóras an t-athrú a chur i bhfeidhm ar an leithdháileadh tagarmhairc a leagtar síos sa Chinneadh seo i ndáil le hidirbhearta a shocraítear an 1 Deireadh Fómhair 2022 nó ina dhiaidh sin.

(8)

Ba cheart mar sin Cinneadh (AE) 2016/948 ón mBanc Ceannais Eorpach (BCE/2016/16) (5) a leasú dá réir sin,