Tuairisc ar na hearraí

Aicmiú (Cód AC)

Cúiseanna

(1)

(2)

(3)

Fearas córais fosúcháin dromlaigh ina bhfuil inter alia scriúnna, slata, plátaí, crúcaí, nascóirí taobhacha a ionphlandaítear sa cholainn dhaonna mar chuid de chóireálacha éagsúla leighis.

De réir cibé diagnóis leighis a dhéantar (briseadh, míchuma etc. dromlaigh), is féidir páirteanna éagsúla den airteagal a chóimeáil chun córas fosúcháin dromlaigh (i.e. ionphlandú) a chur i dtoll a chéile le linn obráide. Déanann an t-ionphlandú comhtháthú ar veirteabraí, agus tugann taca dóibh, i ndiaidh a mbriste, mar shampla, nó fórsálann sé na veirteabraí ar ais ina n-ailíniú ceart, i gcás scolóise, mar shampla, nó coinníonn sé na veirteabraí ina n-áit agus tugann taca dóibh, i gcás galair meathlúcháin diosca, mar shampla.

Tá an t-airteagal chomh hoiriúnach céanna do gach ceann de na cóireálacha leighis siúd.

(Féach an íomhá de tháirge cóimeáilte)  (*1)

9021 10 90

Is le rialacha ginearálta (RLG) 1, 2(a), 3(c) agus 6 maidir le léirmhíniú na hAinmníochta Comhcheangailte, le Nóta 6 a ghabhann le Caibidil 90 den Ainmníocht Chomhcheangailte agus le foclaíocht na gCód AC 9021 , 9021 10 , 9021 10 10 agus 9021 10 90 a chinntear an t-aicmiú.

Tá saintréithe fíor-riachtanacha an airteagail chríochnaithe ag an airteagal de réir bhrí RLG 2(a). Fearas (córas fosúcháin dromlaigh) is ea an t-airteagal críochnaithe a dhéanann, nuair a ionphlandaítear sa cholainn dhaonna é, veirteabraí a chomhtháthú nó a choimeádann veirteabraí ina n-áit nó a fhórsálann ar ais ina n-áit iad. De réir cibé feidhm iarbhír a bhíonn ag an airteagal sa cholainn as a dheireadh, is fearas de chineál a úsáidtear i gcás cnámh bhriste a bhíonn ann (faoin gcód AC 9021 10 90 ) nó fearas ortaipéideach (faoin gcód AC 9021 10 10 ). Agus é ag feidhmiú mar fhearas ortaipéideach, coisceann sé nó ceartaíonn sé míchumaí coirp (i gcás scolóise, mar shampla) nó tugann sé taca do chodanna den cholainn nó coinníonn sé ina n-áit iad (i gcás galar meathlúcháin diosca, mar shampla) de réir bhrí Nóta 6 a ghabhann le Caibidil 90.

Eisiatar an táirge óna aicmiú faoin gcód AC 9021 90 90 mar go gcumhdaítear an táirge faoi cheannteidil níos sonraí.

Tráth a allmhairítear an t-airteagal, ní bhíonn a fhios cé acu mar fhearas de chineál a úsáidtear i gcás cnámh bhriste nó mar fhearas ortaipéideach a úsáidfear é nó a bheartaítear é a úsáid. Ní de thréith bhunúsach an airteagail an úsáid a bheartaítear a bhaint as, mar nach féidir a dhéanamh amach óna shaintréithe ná óna airíonna oibiachtúla cé acu a bheidh sé ina fhearas de chineál a úsáidtear i gcás cnámh bhriste nó ina fhearas ortaipéideach, mar go bhfuil sé chomh hoiriúnach céanna do cheachtar den dá chuspóir.

Dá réir sin, tráth an allmhairithe ní heol príomhfheidhm an airteagail de réir bhrí Nóta 3 a ghabhann le Caibidil 90 i dteannta Nóta 3 a ghabhann le Roinn XVI, ná ní féidir an phríomhfheidhm sin a dhéanamh amach óna shaintréithe ná óna airíonna oibiachtúla. Dá bhrí sin, tá an t-airteagal le haicmiú ar an gceann deireanach de réir an oird uimhriúil i dteannta na gcód AC a bhfuil sé chomh dlite céanna dóibh á meas de réir bhrí RLG 3(c) i dteannta RLG 6.

Dá bhrí sin, is faoin gCód AC 9021 10 90 atá an t-airteagal le haicmiú, mar chléithíní agus fearais eile de chineál a úsáidtear i gcás cnámh bhriste.

Tuairisc ar na hearraí

Aicmiú (cód AC)

Cúiseanna

(1)

(2)

(3)

Earra teicstíle críochnaithe dronuilleogach arna dhéanamh as snáithíní 100 % de dhéantús an duine, ar a dtugtar “fo-bhlaincéad leictreach” freisin, le coirnéil chorra, ina bhfuil tomhas tuairim is 150x80 cm agus dhá shraith d’fhabraic neamhfhite faoi cheannteideal 5603 . Tá banda d’fhabraic chniotáilte fuaite dó timpeall ar imeall an earra ar fad. D’fhéadfadh sé go mbeadh stráicí leaisteacha air chun é a fheistiú ar an tocht.

Níl an t-earra líonta ná feistithe go hinmheánach.

Tá sé feistithe le haonad teasa comhtháite leictreach le soláthar cumhachta 220-240 V inscortha agus lasc chun socruithe éagsúla teasa a choigeartú.

Dearadh an t-earra lena chur idir tocht agus braillín chun leaba a théamh. Ní chumhdaíonn sé an chuid den tocht a mbeartaítear ceann an duine a bheith uirthi. De réir an lámhleabhair treorach, tá sé oiriúnach lena níochán, tar éis é a bhaint den soláthar cumhachta.

(Féach an íomhá) (*1)

6307 90 98

Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte, nóta 7(f) a ghabhann le Roinn XI agus nóta 1 a ghabhann le Caibidil 63 agus le foclaíocht na gcód AC 6307 , 6307 90 agus 6307 90 98 .

Ní féidir an t-earra teicstíle críochnaithe a aicmiú i gCaibidil 85 mar innealra agus trealamh leictreach, toisc nach gclúdaíonn an Chaibidil sin blaincéid, pillíní leapa ná mufaí coise a théitear go leictreach ná a leithéid (nóta 1(a) a ghabhann le Caibidil 85).

Eisiatar a aicmiú faoi chód AC 6301 10 00 mar bhlaincéad leictreach, toisc nach bhfuil na gnáth-shaintréithe oibiachtúla san earra a bhaineann le blaincéad faoi cheannteideal 6301 , amhail a bheith oiriúnach lena fhilleadh timpeall ar cholainn duine nó í a chlúdach chun teas a sholáthar.

Eisiatar aicmiú faoi cheannteideal 6302 mar línéadach leapa, toisc nach bhfuil saintréithe línéadaigh (amhail braillín nó cumhdach tochta, mar shampla) san earra, is é sin an tocht, an chuilt chlúimh nó an piliúr a chosaint ar an duine atá ina luí sa leaba. Cé gur dearadh an t-earra lena chur ar an tocht, ní chosnaíonn sé an chuid a mbeartaítear ceann an duine a bheith uirthi. Is é an t-aon fheidhm amháin atá aige an leaba a théamh agus dá bhrí sin é a dhéanamh compordach don duine atá ag baint úsáide as an leaba.

Eisiatar aicmiú faoi cheannteideal 6304 mar earra fearastaithe, toisc nach bhfuil saintréithe earra fearastaithe san earra faoi cheannteideal 6304 , amhail é a bheith infheicthe ag aon duine a bhreathnaíonn seomra. Ní bhíonn an t-earra seo, nuair a úsáidtear é mar a bheartaítear, infheicthe sa timpeallacht spásúil, toisc go gcumhdaítear é le braillín leapa.

Mar gheall ar an gcuma ghinearálta atá ar an earra agus ar an ábhar as a ndearnadh an dá shraith sheachtracha dá chuid (fabraic neamhfhite arna dhéanamh as snáithíní de dhéantús an duine faoi cheannteideal 5603 ), agus ós rud é nach féidir an t-earra a aicmiú faoi cheannteideal níos sonraí ná ceannteideal 6307 , tá sé le haicmiú, dá bhrí sin, faoi chód AC 6307 90 98 mar earra críochnaithe eile arna dhéanamh as fabraicí teicstíle.

Tuairisc ar na hearraí

Aicmiú (Cód AC)

Cúiseanna

(1)

(2)

(3)

Earra (dá ngairtear ruga picnice), atá tuairim is 200 cm x 150 cm, atá comhdhéanta de dhá shraith d’uigí teicstíle cniotáilte (de shnáithíní sintéiseacha), a bhfuil ceann amháin de lannaithe le leathán plaisteach ar thaobh amháin. Ceanglaítear an dá shraith de uigí teicstíle trí fháithim a chur leis an earra ar an gceithre thaobh le banna teicstíle fite beag. Leis an gciseal lannaithe cosnaítear i gcoinne taise agus salachar ón talamh, ach níl sé uiscedhíonach.

Nuair a dhéantar é a rolladh suas, is féidir an t-earra a dhaingniú le flapa atá ceangailte d’fhaibricí teicstíle cniotáilte le córas dúnta de chineál velcro agus is féidir é a iompar le hanla (strapa teicstíle) atá ceangailte den fhlapa.

(Féach an íomhá)  (*1)

6306 90 00

Déantar an t-aicmiú a chinneadh de réir rialacha 1 agus 6 le haghaidh léirmhíniú na hAinmníochta Comhcheangailte, de réir Nóta 7(d) agus (f) a ghabhann le Roinn XI agus Nóta 2(a) a ghabhann le Caibidil 59 den Ainmníocht Chomhcheangailte agus de réir fhoclaíocht chóid AC 6306 agus 6306 90 00 .

I bhfianaise na n-ábhar atá sa táirge (faibríc chniotáilte as snáithíní sintéiseacha atá faoi cheannteideal 6006 agus fabraicí teicstíle cniotáilte atá lannaithe le plaistigh atá faoi cheannteideal 5903 ) is éard atá san earra earra teicstíle de Roinn XI.

Déantar aicmiú faoi cheannteideal 6301 mar bhlaincéad a eisiamh, ós rud é nach bhfuil tréithe oibiachtúla tipiciúla blaincéid ag an earra, ar nós a bheith oiriúnach chun a chur timpeall corp duine nó corp duine a chlúdach chun é a choinneáil te. Ní dhéanann an t-earra ach duine atá ina shuí air a chosaint i gcoinne taise agus salachar ón talamh.

Déantar aicmiú faoi cheannteideal 6304 mar earraí fearastaithe a eisiamh, ós rud é nach bhfuil an t-earra deartha le haghaidh úsáide faoi dhíon, ach go bhfuil sé deartha lena úsáid ar an talamh lasmuigh. Féach Nóta Míniúcháin an Chórais Chomhchuibhithe (NMCC) a ghabhann le ceannteideal 6304 , an chéad mhír.

Dé réir a shaintréithe oibiachtúla (éadrom, lannaithe le haghaidh cosanta, tapa é a dhífhilleadh agus a phacáil agus éasca é a iompar), deartar an t-earra lena úsáid lasmuigh agus chun é a thabhairt go láithreacha campála, an trá, etc. agus chun é a úsáid ansin go sealadach (féach freisin Nótaí Míniúcháin na hAinmníochta Comhcheangailte a ghabhann le ceannteideal 6306 90 00 ).

Dá bhrí sin, tá an t-earra le haicmiú faoi chód AC 6306 90 00 mar earraí campála eile.

Uimhir aitheantais an bhreiseáin

Ainm shealbhóir an údaraithe

Breiseán

Comhdhéanamh, foirmle cheimiceach, tuairisc, modh anailíse.

Speiceas nó catagóir ainmhí

Uasteorainn aoise

Íoschion

Uaschion

Forálacha eile

Deireadh na tréimhse údaraithe

mg de bhreiseán/kg d’ábhar beatha iomlán ina bhfuil cion taise 12 %

Catagóir breiseán cothaitheach. Feidhmghrúpa: aimíonaigéid, a salainn agus analóga

3c322iii

-

Monaihidreaclóiríd L-lísín

Comhdhéanamh an bhreiseáin

Ullmhóid monaihidreaclóiríde L-lísín ina bhfuil íoschion L-lísín 78,8 % agus cion taise ≤ 1 %

I bhfoirm phúdair

Gach speiceas

-

-

-

4.10.2032

Tréithriú na substainte gníomhaí

Monaihidreaclóiríd L-lísín arna táirgeadh trí choipeadh le

Corynebacterium glutamicum CGMCC 14498

Foirmle cheimiceach: C6H15ClN2O2

Uimhir CAS: 657-27-2

Modhanna anailíse  (1)

Maidir le monaihidreaclóiríd L-lísín sa bhreiseán beathaithe a shainaithint:

Maidir le lísín sa bhreiseán beathaithe agus i réamh-mheascáin ina bhfuil níos mó ná 10 % lísín a chainníochtú:

Maidir le lísín i réamh-mheascáin, i mbeatha chumaisc agus in ábhair bheatha a chainníochtú:

Maidir le lísín in uisce a chainníochtú:

3c328

Sulfáit L-lísín

Comhdhéanamh an bhreiseáin

Ullmhóid sulfáite L-lísín ina bhfuil íoschion L-lísín 73,0 % (L-lísín ≥ 55,0 % agus aimíonaigéid eile ≥ 10 %)

I bhfoirm phúdair

Gach speiceas

-

-

10 000

4.10.2032

Tréithriú na substainte gníomhaí

Sulfáit L-lísín arna táirgeadh trí choipeadh le Corynebacterium glutamicum CGMCC 14498

Foirmle cheimiceach: [C6H14N2O2]2 SO4

Uimhir CAS: 60343-69-3

Modhanna anailíse  (1)

Maidir le lísín sa bhreiseán beathaithe agus i réamh-mheascáin ina bhfuil níos mó ná 10 % lísín a chainníochtú:

Maidir le sulfáit sa bhreiseán beathaithe a shainaithint:

Maidir le lísín i réamh-mheascáin, i mbeatha chumaisc agus in ábhair bheatha a chainníochtú: