(1)

Le Rialachán (CE) Uimh. 1831/2003, foráiltear maidir le húdarú breiseán lena n-úsáid i gcothú ainmhí agus maidir leis an bhforas agus na nósanna imeachta chun an t-údarú sin a dheonú. Le hAirteagal 10(2) den Rialachán sin, foráiltear d’athmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Rinneadh bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha a údarú gan teorainn ama i gcomhréir le Treoir 70/524/CEE mar bhreiseáin beatha do gach speiceas ainmhithe. Ina dhiaidh sin cuireadh na breiseáin sin i gClár na mbreiseán beathaithe mar tháirgí a bhí ann cheana, i gcomhréir le hAirteagal 10(1), pointe (b), de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, rinneadh iarratas a thíolacadh chun athmheastóireacht a dhéanamh ar an mbláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha i gcomhair gach speicis ainmhithe.

(4)

D’iarr an t-iarratasóir ar an mbláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha a bheith údaraithe freisin lena húsáid in uisce i gcás óil. Mar sin féin, le Rialachán (CE) Uimh. 1831/2003, ní cheadaítear “comhdhúile blaistithe” a údarú lena n-úsáid in uisce óil. Dá bhrí sin, níor cheart úsáid bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha in uisce óil a cheadú.

(5)

D’iarr an t-iarratasóir go n-aicmeofaí na breiseáin i gcatagóir na mbreiseán “breiseáin chéadfacha” agus san fheidhmghrúpa “comhdhúile blaistithe”. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(6)

Chinn an tÚdarás Eorpach um Shábháilteacht Bia (“an tÚdarás”) ina thuairim an 18 Márta 2021 (3), faoi na coinníollacha úsáide atá beartaithe, nach bhfuil tionchar díobhálach ag bláthola líomóide eastósctha, codán iarmharach d’ola líomóide eastósctha driogtha, bláthola líomóide eastósctha driogtha (codán so-ghalaithe) ná bláthola líoma driogtha ar shláinte ainmhithe, ar shláinte an duine ná ar an gcomhshaol. Bhain an tÚdarás de thátal de ghnáth nach nochtar peataí (ainmhithe tionlacain agus éisc ornáideacha) ar bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha, dá bhrí sin, ní féidir aon chonclúid a tharraingt i leith na speiceas sin. Dá thoradh sin, ní féidir na breiseáin sin a údarú do na speicis sin. Chinn an tÚdarás freisin gur cheart bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha a mheas mar íogróirí craicinn agus mar ghreannaitheoirí don chraiceann agus do na súile agus don chonair an riospráide agus, chomh maith leis sin, go bhféadfadh ola líomóide eastósctha agus a codán iarmharach ina bhfuil furocoumarins a bheith ina gcúis le fótatocsaineacht. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(7)

Chinn an tÚdarás gur cheart bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha a aithnítear chun bia a bhlaistiú de bhlaistiú bia agus gurbh ionann, go bunúsach, an fheidhm atá acu i mbia agus an fheidhm atá acu i mbeatha, agus dá bhrí sin, meastar nach bhfuil gá le haon léiriú éifeachtúlachta breise. Rinne sé an tuarascáil maidir leis na modhanna anailíse ar na breiseáin bheathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003 a fhíorú freisin.

(8)

Léirítear leis an measúnú ar an ar an mbláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substaintí sin a údarú mar a shonraítear san Iarscríbhinn a ghabhann leis an Rialachán seo.

(9)

Cé nach n-údaraítear bláthola líomóide fuarbhrúite, codán iarmharach d’ola líomóide fuarbhrúite driogtha, bláthola líomóide driogtha (codán so-ghalaithe) agus bláthola líoma driogtha lena n-úsáid mar bhlastáin in uisce óil, ní chuirtear bac ar a n-úsáid i mbeatha chumaisc a thugtar trí uisce.

(10)

Ós rud é nach bhfuil gá leis na modhnuithe ar choinníollacha údaraithe na substainte lena mbaineann a chur i bhfeidhm láithreach ar chúiseanna sábháilteachta, is iomchuí idirthréimhse a cheadú do pháirtithe leasmhara chun iad féin a ullmhú na ceanglais nua a eascraíonn as an údarú a chomhlíonadh.

(11)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1126/2008 (2) ón gCoimisiún, glacadh caighdeáin agus léirmhíniúcháin idirnáisiúnta chuntasaíochta áirithe a bhí ann cheana an 15 Deireadh Fómhair 2008.

(2)

An 19 Samhain 2021, le Rialachán (AE) 2021/2036 (3) ón gCoimisiún, ghlac an Coimisiún Conarthaí Árachais an Chaighdeáin Idirnáisiúnta um Thuairisciú Airgeadais 17 nua (IFRS) 17 arna n-eisiúint ag an mBord um Chaighdeáin Idirnáisiúnta Chuntasaíochta (IASB) i mBealtaine 2017 agus arna leasú aige i Meitheamh 2020. Beidh feidhm ag an gcaighdeán sin ón 1 Eanáir 2023 ar aghaidh. Ceadaítear cur i bhfeidhm níos luaithe.

(3)

An 9 Nollaig 2021, d’fhoilsigh IASB leasú breise ar IFRS 17. Leis an leasú ar na ceanglais aistrithe in IFRS 17, fágann sé go mbeidh cuideachtaí in ann na difríochtaí aicmithe aonuaire maidir le faisnéis chomparáideach ón tréimhse tuairiscithe roimhe sin a shárú ar fheidhmiú tosaigh Ionstraimí Airgeadais IFRS 17 agus IFRS 9.

(4)

Leis an bhforleagan roghnach a thugtar isteach leis an leasú sin, cuirtear ar chumas cuideachtaí úsáideacht na faisnéise comparáidí a mhéadú, faisnéis a chuirtear i láthair nuair a chuirtear IFRS 17 agus IFRS 9 i bhfeidhm den chéad uair. An raon feidhme sin, cumhdaítear leis sócmhainní airgeadais a bhaineann le dliteanais árachais, nach ndearnadh a athshonrú le haghaidh IFRS 9 go dtí seo.

(5)

Tar éis dul i gcomhairle leis an nGrúpa Comhairleach Eorpach um Thuairisciú Airgeadais, chinn an Coimisiún maidir leis an leasú ar Conarthaí Árachais IFRS 17 go gcomhlíontar na critéir maidir leis an nglacadh mar a leagtar amach in Airteagal 3(2) de Rialachán (CE) Uimh. 1606/2002.

(6)

Dá bhrí sin, ba cheart Rialachán (CE) Uimh. 1126/2008 a leasú dá réir sin.

(7)

Tá na bearta dá bhforáiltear sa Rialachán seo i gcomhréir leis an tuairim ón gCoiste Rialála Cuntasaíochta,

(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le L-vailín arna tháirgeadh ag Escherichia coli CCTCC M2020321 a údarú mar bhreiseán beathaithe le haghaidh gach speicis ainmhíoch. Bhí na sonraí agus na doiciméid a cheanglaítear faoi Airteagal 7(3) den Rialachán sin ag gabháil leis an iarratas.

(3)

Baineann an t-iarratas le L-vailín arna tháirgeadh ag Escherichia coli CCTCC M2020321 a údarú mar bhreiseán beathaithe le haghaidh gach speicis ainmhíoch, breiseán atá le haicmiú sa chatagóir breiseán “breiseáin chothaitheacha” agus san fheidhmghrúpa “aimíonaigéid, a salainn agus analóga”.

(4)

Sa tuairim ón Údarás Eorpach um Shábháilteacht Bia (“an tÚdarás”) an 27 Eanáir 2022 (2), tháinig sé ar an gconclúid nach bhfuil éifeacht dhíobhálach ag L-vailín arna tháirgeadh ag Escherichia coli CCTCC M2020321 ar shláinte ainmhithe, ar shábháilteacht an tomhaltóra ná ar an gcomhshaol faoi na coinníollacha úsáide atá beartaithe agus aistí bia á bhforlíonadh le méideanna iomchuí de. A mhéid a bhaineann le sábháilteacht an bhreiseáin don úsáideoir, ní raibh an tÚdarás in ann teacht ar chonclúid maidir leis an bhféidearthacht go mbeadh an breiseán tocsaineach trí ionanálú, maidir leis an ngreannú craicinn ná súl a d’fhéadfadh sé a dhéanamh ná maidir leis an íogrú deirmeach ná riospráide a d’fhéadfadh sé a dhéanamh, agus thug sé dá aire nach údar guaise í gníomhaíocht iontocsaine an bhreiseáin le haghaidh úsáideoirí a láimhseálann an breiseán. Thairis sin, tháinig an tÚdarás ar an gconclúid go meastar gur foinse éifeachtúil den aimíonaigéad riachtanach L-vailín é an breiseán le haghaidh cothú ainmhithe, agus gur cheart an breiseán a chosaint ar dhíghrádú sa chogansach ionas go mbeidh sé éifeachtúil i gcás na n-athchogantach. Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin na tuarascálacha ar an modh a úsáidtear chun anailís a dhéanamh ar an mbreiseán beathaithe i mbeatha arna gcur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Dá bhrí sin, i bhfianaise na tuairime ón Údarás, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(6)

An measúnú ar L-vailín arna tháirgeadh ag Escherichia coli CCTCC M2020321, léiríonn sé go gcomhlíontar na coinníollacha maidir le húdarú a leagtar amach in Airteagal 5 de Rialachán (CE) Uimh. 1831/2003.

(7)

Dá bhrí sin, ba cheart úsáid na substainte sin a údarú faoi mar a shonraítear san Iarscríbhinn a ghabhann leis an Rialachán seo.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003, déantar foráil maidir le húdarú breiseán lena n-úsáid i gcothú ainmhithe.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le L-meitiainín arna tháirgeadh ag Corynebacterium glutamicum KCCM 80245 agus Escherichia coli KCCM 80246 a údarú. Bhí na sonraí agus na doiciméid a cheanglaítear faoi Airteagal 7(3) den Rialachán sin ag gabháil leis an iarratas sin.

(3)

Baineann an t-iarratas le húdarú L-meitiainín arna tháirgeadh ag Corynebacterium glutamicum KCCM 80245 agus Escherichia coli KCCM 80246 mar bhreiseáin bheathaithe le haghaidh gach speicis ainmhíoch, rud atá le haicmiú sa chatagóir breiseán dar teideal “breiseáin chothaitheacha”.

(4)

I dtuairim an 23 Márta 2022 (2) ón Údarás Eorpach um Shábháilteacht Bia (“an tÚdarás”), is é an chonclúid ar ar thángthas nach bhfuil éifeacht dhíobhálach ag ceachtar den dá tháirge de L-meitiainín arna tháirgeadh ag Corynebacterium glutamicum KCCM 80245 agus Escherichia coli KCCM 80246, ar shláinte ainmhithe, ar shláinte tomhaltóirí ná ar an gcomhshaol faoi na coinníollacha úsáide atá beartaithe. A mhéid a bhaineann le sábháilteacht úsáideoir na substainte sin, tháinig an tÚdarás ar an gconclúid nach greannaitheoir craicinn/súl ná íogróir deirmeach í an tsubstaint i gceachtar de na táirgí agus nach léiríonn sí tocsaineacht ar bith trí ionanálú. Mar sin féin, tá riosca don úsáideoir ag baint leis an táirge L-meitiainín ≥ 90 % i bhfianaise an nochta d’iontocsainí trí ionanálú. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí na foirme sin den bhreiseán.

(5)

Tháinig an tÚdarás ar an gconclúid freisin gur foinse éifeachtach meitiainín é L-meitiainín arna tháirgeadh ag Corynebacterium glutamicum KCCM 80245 agus Escherichia coli KCCM 80246 do gach speiceas ainmhíoch agus gur cheart an tsubstaint a chosaint ar dhíghrádú sa chogansach ionas go mbeidh sé chomh héifeachtúil céanna le hathchogantaigh agus atá i speicis neamh-athchogantacha. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh a úsáidtear chun anailís a dhéanamh ar na breiseáin bheathaithe i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(6)

Léirítear leis an measúnú ar an tsubstaint sin go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú mar a shonraítear san Iarscríbhinn a ghabhann leis an Rialachán seo.

(7)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

An 19 Deireadh Fómhair 2015, chuir an cuideachta Laboratoria Qualiphar N.V./S.A. (“an t-iarratasóir”) iarratas faoi bhráid údaráis inniúla roinnt Ballstáit, lena n-áirítear an Fhrainc, ar aitheantas frithpháirteach comhthreomhar le haghaidh an táirge bhithicídigh Mouskito Spray (“an táirge bithicídeach”) i gcomhréir le hAirteagal 34 de Rialachán (AE) Uimh. 528/2012. Is é atá sa táirge bithicídeach táirge atá réidh le húsáid atá beartaithe craiceann an duine a chosaint ó ghreamanna feithidí agus tá mar shubstaint ghníomhach ann búitiolaicéitilaimíneaprópánóáit eitile (IR 3535). Is í an Bheilg an Ballstát tagartha atá freagrach as meastóireacht a dhéanamh ar an iarratas dá dtagraítear in Airteagal 34(1) de Rialachán (AE) Uimh. 528/2012.

(2)

Ba iad seo a leanas na maímh a rinne an t-iarratasóir maidir leis an táirge: cosaint i limistéir aeráide mheasartha i gcoinne muiscítí (Aedes aegypti, Culex quinquefasciatus), cuileog (Stomoxys calcitrans), beach (Apis mellifera), foichí (Vespula vulgaris), míoltóga gainimh (Phlebotomus) agus míolta Fómhair (Trombicula autumnalis).

(3)

An 11 Iúil 2019, de bhun Airteagal 35(2) de Rialachán (AE) Uimh. 528/2012, rinne an Fhrainc agóidí a tharchur chuig an ngrúpa comhordúcháin, lena léiríodh nach gcomhlíonann an táirge bithicídeach an coinníoll a leagtar síos in Airteagal 19(1), pointe (b)(i), den Rialachán sin maidir leis an úsáid i gcoinne beach agus foichí. An 16 Meán Fómhair 2019, pléadh an tarchur sa ghrúpa comhordúcháin.

(4)

Ós rud é nár tháinig an grúpa comhordúcháin ar aon chomhaontú, an 7 Samhain 2019 tharchuir an Bheilg an agóid nach raibh réitithe chuig an gCoimisiún, de bhun Airteagal 36(1) de Rialachán (AE) Uimh. 528/2012. Chuir an Bheilg ráiteas mionsonraithe ar fáil don Choimisiúin maidir leis an tsaincheist faoinar theip ar na Ballstáit teacht ar chomhaontú agus na cúiseanna a bhí lena n-easaontas. Cuireadh an ráiteas sin ar aghaidh chuig na Ballstáit lena mbaineann agus chuig an iarratasóir.

(5)

Ní chomhaontaíonn an Fhrainc leis an moladh ón mBallstát tagartha go n-údarófaí úsáid an táirge i gcoinne foichí agus beach. Rud is sonraí ná sin, measann an Fhrainc nár léiríodh éifeachtúlacht le haghaidh na húsáide sonraí sa tástáil úsáide ionsamhailthe arna soláthar ag an iarratasóir, ós rud é nár ceadaíodh tréimhse ama cosanta iomlán a chinneadh le dearadh na tástála sin (2) agus ós rud é nár leathadh an táirge ar dhromchla atá comhchosúil le craiceann an duine.

(6)

Áitíonn an Bheilg go ndearna an t-iarratasóir na tástálacha a éilíodh de réir na treorach a bhí ann ag an tráth a cuireadh an t-iarratas isteach agus tugann sí dá haire nach ann d’aon phrótacal bunaithe i gcomhair foichí agus beach. Measann an Bheilg nach féidir éileamh ar leith a dhíbhe toisc nach ann do phrótacal bunaithe tástála agus gur gá, dá bhrí sin, breithiúnas saineolach a úsáid. Cé gur admhaigh an Bheilg nár cinneadh aon tréimhse ama cosanta iomlán leis an tástáil a chuir an t-iarratasóir ar fáil, tháinig sí ar an gconclúid ar bhonn breithiúnas shaineolach gur leor an tacaíocht a tugadh don éileamh go ndíbrítear beacha agus foichí.

(7)

An 17 Nollaig 2021, d’iarr an Coimisiún tuairim ar an ábhar sin ar an nGníomhaireacht Eorpach Ceimiceán (“an Ghníomhaireacht”) i gcomhréir le hAirteagal 36(2) de Rialachán (AE) Uimh. 528/2012. Iarradh ar an nGníomhaireacht a chur in iúl (i) an bhfuil gá le cinneadh maidir le tréimhse ama cosanta iomlán chun measúnú a dhéanamh ar an éifeachtúlacht i gcoinne beach agus foichí agus an féidir tréimhse ama cosanta iomlán a chinneadh ar bhonn na tástála úsáide ionsamhailthe a rinne an t-iarratasóir, (ii) an gá tástálacha úsáide ionsamhailthe a dhéanamh ar dhromchla atá cosúil le craiceann an duine agus (iii) ar ghin an tástáil úsáide ionsamhailthe sonraí a léiríonn go gcuireann an táirge bithicídeach smacht ar fhoichí agus beacha trí na horgánaigh sin a dhíbirt de réir na dáileoige molta agus mar sin an dtacaíonn siad leis an maíomh “go ndíbrítear foichí agus beacha”.

(8)

An 2 Márta 2022, ghlac Coiste na Gníomhaireachta um Tháirgí Bithicíde a thuairim (3).

(9)

De réir na Gníomhaireachta, tá gá le sonraí maidir leis an éifeachtúlacht atá ábhartha do na dálaí iarbhír úsáide chun bunús a thabhairt leis na maímh i leith an táirge. Is paraiméadar an-tábhachtach é an t-am cosanta, go háirithe le haghaidh táirgí atá beartaithe lena n-úsáid in aghaidh feithidí contúirteacha, ag cur san áireamh freisin go bhfuil cealga beach agus foiche ina bhfíor-ábhar imní do dhaoine leochaileacha mar gheall ar fhrithghníomhuithe ailléirgeacha in aghaidh na nimhe.

(10)

Aithníonn an Ghníomhaireacht nach bhfuil aon phrótacal nó critéar comhaontaithe ann maidir le tástálacha éifeachtúlachta le haghaidh éarthaigh logánta i gcoinne foichí agus beach agus measann sí go bhfuil sé de fhreagracht ar an iarratasóir sonraí éifeachtúlachta a sholáthar ó staidéir a dearadh chun staid na húsáide praiticiúla a aithris d’fhonn bunús a thabhairt leis an maíomh.

(11)

Is trialacha allamuigh in úlloird a bhí sna trialacha a rinne an t-iarratasóir. Rinneadh imscrúdú ar éifeachtúlacht an táirge bithicídigh trí úsáid a bhaint as gaistí i bhfoirm buidéil phlaisteacha, líonta le tuaslagán siúcra agus glantaigh chun breith ar na sprioc-orgánaigh. Rinneadh dromchla na ngaistí a chóireáil leis an táirge tástála nó fágadh é gan chóireáil. Dar leis an nGníomhaireacht, maidir le héarthaigh i gcoinne beach agus foichí, d’fhéadfadh sé a bheith inghlactha an tástáil a shocrú agus gaistí le mealladh a úsáid mar ábhar tástála in áit daoine daonna, go háirithe mar gheall ar shaincheisteanna eiticiúla a eascraíonn as nochtadh an duine do chealga dosheachanta pianmhara beach agus foiche. Mar sin féin, ní féidir an tréimhse ama cosanta iomlán a chinneadh leis na sonraí arna mbailiú le linn na trialach allamuigh a rinne an t-iarratasóir.

(12)

Cuireann an Ghníomhaireacht in iúl freisin go bhfuil difríocht shuntasach idir dromchla na mbuidéal a úsáideadh mar ghaistí, ar ábhar neamhphóiriúil é, agus aon ábhar a ionsamhlaíonn airíonna chraiceann an duine, go háirithe i dtéarmaí ionsúcháin agus bolaidh, rud a d’fhéadfadh difear a dhéanamh d’éifeachtúlacht an éarthaigh. Ní mór do dhearadh na tástála aithris a dhéanamh ar an staid phraiticiúil ina n-úsáidfear an táirge a mhéid is féidir; b’fhearr, mar shampla, úsáid a bhaint as dromchla nó uigeacht ionsúiteach atá comhchosúil le craiceann an duine, amhail craiceann ainmhithe, nó aon ábhar póiriúil saorga arna mhodhnú ar bhealach chun craiceann an duine dhaonna a insamhladh.

(13)

Dar leis an nGníomhaireacht, na sonraí a chuir an t-iarratasóir isteach ó na trialacha allamuigh, tá siad bailí i bprionsabal agus d‘fhéadfaidís éifeachtúlacht táirgí atá beartaithe lena n-úsáid mar tháirgí éarthacha spásúla nó táirgí éarthacha dromchla a léiriú agus d’fhéadfaidís bunús a thabhairt leis an maíomh “go ndíbrítear foichí agus beacha”. Níl an tástáil a cuireadh ar fáil ábhartha maidir leis an úsáid atá beartaithe, áfach, is é sin mar éarthach logánta i gcoinne foichí agus beach, a leathfar ar chraiceann an duine agus a úsáidfear ar an gcaoi sin chun daoine a chosaint ar ghreamanna/chealga feithidí. Ba cheart na sonraí a gineadh a bheith ábhartha don úsáid sin atá beartaithe. Dromchla cóireáilte na ngaistí sa tástáil a rinneadh, ní dhéanann sé aithris cruinn ar staid na húsáide praiticiúla, dá bhrí sin ní féidir a mheas go bhfuil dearadh na tástála oiriúnach chun éifeachtúlacht an táirge i gcomhair na húsáide maíte a léiriú.

(14)

Agus an tuairim ón nGníomhaireacht á cur san áireamh, measann an Coimisiún nach gcomhlíonann an táirge bithicídeach an coinníoll a leagtar síos in Airteagal 19(1), pointe (b)(i), de Rialachán (AE) Uimh. 528/2012 maidir leis an táirge a úsáid mar tháirge éarthach i gcoinne foichí agus beach.

(15)

Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Tháirgí Bithicídeacha,

(1)

Le Rialachán Cur Chun Feidhme (AE) 2015/1731 ón gCoimisiún (2), formheasadh meidéataimidín mar shubstaint ghníomhach lena húsáid i dtáirgí bithicídeacha de chineál táirge 21 faoi réir na sonraíochtaí agus na gcoinníollacha a leagtar amach san Iarscríbhinn a ghabhann leis an Rialachán sin.

(2)

An formheas maidir le meidéataimidín lena úsáid i dtáirgí bithicídeacha de chineál táirge 21 (“an formheas”), rachaidh sé in éag an 31 Nollaig 2022. An 27 Meitheamh 2021, cuireadh iarratas isteach i gcomhréir le hAirteagal 13(1) de Rialachán (AE) Uimh. 528/2012 ar an bhformheas a athnuachan (“an t-iarratas”).

(3)

An 10 Nollaig 2021, chuir údarás inniúil meastóireachta na hIorua in iúl don Choimisiún gur chinn sé, de bhun Airteagal 14(1) de Rialachán (AE) Uimh. 528/2012, go raibh gá le meastóireacht iomlán ar an iarratas. De bhun Airteagal 8(1) den Rialachán sin, tá an t-údarás inniúil meastóireachta le meastóireacht iomlán a dhéanamh ar an iarratas laistigh de 365 lá tar éis a bhailíochtaithe.

(4)

Féadfaidh an t-údarás inniúil meastóireachta, de réir mar is iomchuí, é a chur de cheangal ar an iarratasóir sonraí leordhóthanacha a sholáthar chun an mheastóireacht a dhéanamh, i gcomhréir le hAirteagal 8(2) de Rialachán (AE) Uimh. 528/2012. I gcás den chineál sin, cuirfear an tréimhse 365 lá ar fionraí ar feadh tréimhse nach faide ná 180 lá ar an iomlán ach amháin má tá call le fionraí níos faide mar gheall ar chineál na sonraí a iarrtar nó mar gheall ar imthosca eisceachtúla.

(5)

Laistigh de 270 lá tar éis di moladh a fháil ón údarás inniúil meastóireachta, déanfaidh an Ghníomhaireacht Eorpach Ceimiceán tuairim maidir le hathnuachan fhormheas na substainte gníomhaí a ullmhú agus a chur faoi bhráid an Choimisiúin i gcomhréir le hAirteagal 14(3) de Rialachán (AE) Uimh. 528/2012.

(6)

Dá bhrí sin, ar chúiseanna nach bhfuil neart ag an iarratasóir orthu, is dóigh gur in éag a rachaidh an formheas sula nglacfar cinneadh maidir lena athnuachan. Dá bhrí sin, is iomchuí dáta éaga an fhormheasa a chur ar atráth go ceann tréimhse leordhóthanach chun gur féidir scrúdú a dhéanamh ar an iarratas. Agus na teorainneacha ama le haghaidh na meastóireachta ag an údarás inniúil meastóireachta agus le haghaidh ullmhú agus chur isteach na tuairime uaithi ag an nGníomhaireacht Eorpach Ceimiceán á gcur san áireamh, agus an t-am is gá chun cinneadh a dhéanamh an bhféadfar an formheas maidir le meidéataimidín lena úsáid i dtáirgí bithicídeacha de chineál táirge 21 a athnuachan á chur an áireamh freisin, ba cheart an dáta éaga a chur ar atráth go dtí an 30 Meitheamh 2025.

(7)

Tar éis dáta éaga an fhormheasa a chur ar atráth, leanfaidh meidéataimidín de bheith formheasta lena úsáid i dtáirgí bithicídeacha de chineál táirge 21 faoi réir na sonraíochtaí agus na gcoinníollacha a leagtar amach i Rialachán Cur Chun Feidhme (AE) 2015/1731,

(1)

Cuireadh teabúconasól le hIarscríbhinn I a ghabhann le Treoir 98/8/CE ó Pharlaimint na hEorpa agus ón gComhairle (2) mar shubstaint ghníomhach lena húsáid i dtáirgí bithicídeacha de chineál táirge 8. Dá bhrí sin, de bhun Airteagal 86 de Rialachán (AE) Uimh. 528/2012, measadh é a bheith formheasta faoin Rialachán sin go dtí an 31 Márta 2020 faoi réir na gceanglas a leagtar amach in Iarscríbhinn I a ghabhann le Treoir 98/8/CE.

(2)

An 27 Meán Fómhair 2018, cuireadh isteach iarratas i gcomhréir le hAirteagal 13(1) de Rialachán (AE) Uimh. 528/2012 chun athnuachan a dhéanamh ar an bhformheas maidir le teabúconasól a úsáid i dtáirgí bithicídeacha de chineál táirge 8.

(3)

An 6 Feabhra 2019, chuir údarás inniúil meastóireachta na Danmhairge in iúl don Choimisiún gur chinn sé, de bhun Airteagal 14(1) de Rialachán (AE) Uimh. 528/2012, go raibh gá le meastóireacht iomlán ar an iarratas. De bhun Airteagal 8(1) den Rialachán sin, tá an t-údarás inniúil meastóireachta le meastóireacht iomlán a dhéanamh ar an iarratas laistigh de 365 lá tar éis a bhailíochtaithe.

(4)

Féadfaidh an t-údarás inniúil meastóireachta, de réir mar is iomchuí, é a chur de cheangal ar an iarratasóir sonraí leordhóthanacha a sholáthar chun an mheastóireacht a dhéanamh, i gcomhréir le hAirteagal 8(2) de Rialachán (AE) Uimh. 528/2012. Sa chás sin, cuirfear an tréimhse 365 lá ar fionraí ar feadh tréimhse nach faide ná 180 lá ar an iomlán ach amháin má tá údar maith le fionraí níos faide mar gheall ar chineál na sonraí a iarrtar nó mar gheall ar imthosca eisceachtúla.

(5)

Laistigh de 270 lá tar éis di moladh a fháil ón údarás inniúil meastóireachta, déanfaidh an Ghníomhaireacht Eorpach Ceimiceán (‘an Ghníomhaireacht’) tuairim maidir le hathnuachan fhormheas na substainte gníomhaí a ullmhú agus a chur faoi bhráid an Choimisiúin i gcomhréir le hAirteagal 14(3) de Rialachán (AE) Uimh. 528/2012.

(6)

De bhun Chinneadh Cur Chun Feidhme (AE) 2019/1951 ón gCoimisiún (3), cuireadh ar atráth go dtí an 30 Meán Fómhair 2022 dáta éaga an fhormheasa maidir le teabúconasól a úsáid i dtáirgí bithicídeacha de chineál táirge 8 chun go mbeidh go leor ama ann chun scrúdú a dhéanamh ar an iarratas.

(7)

An 3 Bealtaine 2022, chuir an t-údarás inniúil meastóireachta in iúl don Choimisiún go bhfuil coinne leis go gcuirfidh sé an tuarascáil mheasúnaithe ar athnuachan faoi bhráid na Gníomhaireachta sa chéad leath de 2024.

(8)

Dá bhrí sin, ar chúiseanna nach bhfuil neart ag an iarratasóir orthu, is dóigh gur in éag a rachaidh an formheas sula nglacfar cinneadh maidir lena athnuachan. Dá bhrí sin, is iomchuí dáta éaga an fhormheasa a chur ar atráth go ceann tréimhse leordhóthanach chun gur féidir scrúdú a dhéanamh ar an iarratas. Agus na teorainneacha ama le haghaidh na meastóireachta ag an údarás inniúil meastóireachta agus le haghaidh ullmhú agus chur isteach na tuairime uaithi ag an nGníomhaireacht á gcur san áireamh, agus le haghaidh an Coimisiún cinneadh a dhéanamh an ndéanfar athnuachan ar an bhformheas maidir le teabúconasól lena úsáid i dtáirgí bithicídeacha de chineál táirge 8 á chur an áireamh freisin, ba cheart an dáta éaga a chur ar atráth go dtí an 30 Meitheamh 2026.

(9)

Tar éis dáta éaga an fhormheasa a chur ar atráth, leanfaidh teabúconasól de bheith formheasta lena úsáid i dtáirgí bithicídeacha de chineál táirge 8 faoi réir na gceanglas a leagtar amach in Iarscríbhinn I a ghabhann le Treoir 98/8/CE,

(1)

An 8 Meán Fómhair 2021, d’iarr an Bheilg ar an gCoimisiún cinneadh an táirge bithicídeach é nó nach é faoi mar a shainmhínítear in Airteagal 3(1), pointe (a), de Rialachán (AE) Uimh. 528/2012 táirge ina bhfuil, faoi mar a thugann an monaróir le fios, “Capsicum oleoresin expeller pressed” agus a mhargaíonn an monaróir sa Bheilg mar éarthach i gcoinne cat agus madraí (“an táirge”).

(2)

De réir na faisnéise a chuir an Bheilg ar fáil, is sprae é an táirge lena úsáid ar dhromchlaí faoin aer (amhail áiteanna suí faoin aer, cosáin, ballaí, fáil, etc.) chun cait agus madraí a dhíspreagadh ó na dromchlaí sin. Tá úsáid bheartaithe an táirge éagsúil le húsáid spraeanna ina bhfuil na comhábhair chéanna nó comhábhair chomhchosúla agus atá ceaptha lena n-úsáid i gcoinne ainmhithe ionsaitheacha chun críoch féinchosanta.

(3)

I gcomhréir le hAirteagal 3(2) de Rialachán (AE) Uimh. 528/2012, is ionann an sainmhíniú ar “substaint” chun críocha an Rialacháin sin agus an sainmhíniú a leagtar síos in Airteagal 3(1) de Rialachán (CE) Uimh. 1907/2006 ó Pharlaimint na hEorpa agus ón gComhairle (2), Airteagal lena sainmhínítear substaint mar dhúil cheimiceach agus a comhdhúile, sa staid nádúrtha nó faoi mar a fhaightear iad trí aon mhodh monaraíochta.

(4)

De réir na treoraíochta ón nGníomhaireacht Eorpach Ceimiceán (3), ní mheastar gur substaintí iad orgánaigh iomlána bheo ná orgánaigh mharbha neamhphróiseáilte ná codanna díobh (mar shampla géaga, torthaí nó bláthanna etc.) de réir bhrí Rialachán (CE) Uimh. 1907/2006.

(5)

Is roisín olúil orgánach é “Capsicum oleoresin expeller pressed” a fhaightear trí asbhrú ó thorthaí plandaí an ghéinis Capsicum. Dá réir sin, is de chomhdhúile dúile ceimiceacha sa staid nádúrtha a dhéantar “Capsicum oleoresin expeller pressed”, ach ní orgánach iomlán beo ná orgánach marbh neamhphróiseáilte ná codanna de é.

(6)

Dá bhrí sin, ba cheart “Capsicum oleoresin expeller pressed” a mheas mar shubstaint de réir bhrí Airteagal 3(1) de Rialachán (CE) Uimh. 1907/2006, agus dá réir sin, i gcomhréir le hAirteagal 3(2), pointe (a), de Rialachán (AE) Uimh. 528/2012, ba cheart é a mheas mar shubstaint freisin de réir bhrí an Rialacháin sin.

(7)

I gcúinsí áirithe, d’fhéadfadh go mbeadh láithreacht na gcat agus na madraí neamh-inmhianaithe don duine nó go mbeadh éifeacht dhíobhálach acu ar an duine, ar ghníomhaíochtaí an duine nó ar na táirgí a úsáideann nó a tháirgeann sé, agus dá bhrí sin d’fhéadfadh siad a theacht faoin sainmhíniú ar orgánach díobhálach de réir bhrí Airteagal 3(1), pointe (g), de Rialachán (AE) Uimh. 528/2012. Toisc go bhfuil “Capsicum oleoresin expeller pressed” sa táirge ceaptha le bheith gníomhach i gcoinne na n-orgánach díobhálach sin, is substaint ghníomhach é de réir bhrí Airteagal 3(1), pointe (c), den Rialachán sin.

(8)

Ós rud é go bhfuil substaint ghníomhach sa táirge agus go bhfuil an táirge ceaptha le horgánaigh dhíobhálacha a dhíspreagadh trí mhodh gníomhaíochta nach bhfuil fisiciúil ná meicniúil amháin, ba cheart an táirge a mheas mar tháirge bithicídeach faoi mar a shainmhínítear in Airteagal 3(1), pointe (a), de Rialachán (AE) Uimh. 528/2012.

(9)

Cuimsíonn an cineál táirge 19, faoi mar a shainmhínítear é in Iarscríbhinn V a ghabhann le Rialachán (AE) Uimh. 528/2012, táirgí a úsáidtear chun orgánaigh dhíobhálacha a rialú trína n-éaradh nó trína mealladh. Toisc go n-úsáidtear an táirge chun cait agus madraí a éaradh, tagann an úsáid sin faoi thuairisc chineál táirge 19.

(10)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Tháirgí Bithicídeacha,