(1)

Chuir Cónaidhm na Rúise, príomhsholáthróir seachtrach gáis don Aontas, tús le fogha míleata i gcoinne na hÚcráine, ar Páirtí Conarthach de chuid an Chomhphobail Fuinnimh í. De bharr ghéarú fhogha na Rúise faoin Úcráin ó bhí mí Feabhra 2022 ann, tá laghdú suntasach tagtha ar sholáthairtí gáis, ar iarracht d’aon ghnó í soláthair gáis a úsáid mar arm polaitiúil. Tá stop curtha le sreafaí píblíne gáis ón Rúis tríd an mBealarúis agus tá laghdú leanúnach tagtha ar sholáthairtí gáis tríd an Úcráin. Tá sreafaí gáis foriomlána ón Rúis níos lú ná 30 % de mheán sreafaí gáis sa tréimhse 2016-2021 anois. Mar thoradh ar an laghdú soláthair sin tá praghsanna fuinnimh níos airde ná riamh agus luaineach, rud a chuireann le boilsciú agus a chruthaíonn baol go dtiocfaidh cor eile chun donais eacnamaíoch san Eoraip.

(2)

I bhfianaise an mhéid sin, i dteannta na teachtaireachta uaidh an 8 Márta 2022 dar teideal “REPowerEU: Gníomhaíocht Chomhpháirteach Eorpach ar mhaithe le fuinneamh níos inacmhainne, níos sláine agus níos inbhuanaithe”, thíolaic an Coimisiún plean REPowerEU an 18 Bealtaine 2022 agus é mar aidhm leis deireadh a chur le spleáchas an Aontais ar bhreoslaí iontaise na Rúise a luaithe is féidir, agus faoi 2027 ar a dhéanaí. Chun an aidhm sin a bhaint amach, leagtar amach i bplean REPowerEU bearta a bhaineann le coigiltis fuinnimh agus éifeachtúlacht fuinnimh, agus moltar roll amach brostaithe maidir le fuinneamh glan lena chur in ionad breoslaí iontaise i dtithe, i dtionscal agus i nginiúint cumhachta. D’fhéadfaí a áireamh ar na bearta breise ó thaobh an tsoláthair de, inter alia, comhordú níos fearr ar cheannacháin gháis, éascú ar cheannacháin chomhpháirteacha arna ndéanamh ag oibreoirí mhargadh gáis na hEorpa ar an margadh idirnáisiúnta gáis, chomh maith le tréaniarrachtaí acmhainneacht táirgthe leictreachais nach mbraitheann ar sholáthairtí allmhairithe gáis a chaomhnú.

(3)

Tá bearta breise déanta ag an Aontas chun a leibhéal ullmhachta a mhéadú a mhéid a bhaineann le suaitheadh sa soláthar gáis. Glacadh Rialachán (AE) 2022/1032 ó Pharlaimint na hEorpa agus ón gComhairle (1) chun líonadh na láithreán stórála faoi thalamh a áirithiú do na séasúir gheimhridh atá romhainn.

(4)

Thairis sin, i mí Feabhra 2022 agus i mí na Bealtaine 2022 rinne an Coimisiún grinn-athbhreithnithe ar na pleananna éigeandála náisiúnta uile agus rinne sé grinnfhaireachán freisin ar an staid maidir le slándáil an tsoláthair. Ceapadh na bearta a rinne an tAontas ó mhí Feabhra 2022 le go mbeifí in ann deireadh iomlán a chur le húsáid ghás na Rúise faoi 2027, agus chun na rioscaí a eascraíonn as mórshuaitheadh soláthair eile a laghdú.

(5)

Mar sin féin, leis an ngéarú a tháinig le déanaí ar shuaitheadh an tsoláthair gáis ón Rúis, tá riosca mór ann go dtiocfaidh stop iomlán le soláthairtí gáis na Rúise go luath, ar bhealach tobann aontaobhach. Dá bhrí sin, ba cheart don Aontas a bheith ag súil leis an riosca sin agus, de mheon na dlúthpháirtíochta, ba cheart dó ullmhú don fhéidearthacht go dtarlóidh suaitheadh iomlán ar sholáthar gáis ón Rúis tráth ar bith. Tá gá le gníomhaíocht réamhghníomhach láithreach chun teacht roimh thuilleadh gníomhaíochta suaiteacha agus chun athléimneacht an Aontais i leith suaití amach anseo a neartú. Is féidir le gníomhaíocht chomhordaithe ar leibhéal an Aontais díobháil thromchúiseach don gheilleagar agus do shaoránaigh, mar thoradh ar idirbhriseadh féideartha sa soláthar gáis, a sheachaint.

(6)

Leis an gcreat dlíthiúil reatha le haghaidh shlándáil an tsoláthair gáis a leagtar síos le Rialachán (AE) 2017/1938 ó Parlaimint na hEorpa agus ón gComhairle (2), ní thugtar aghaidh go leordhóthanach ar shuaitheadh ag mórsholáthróir gáis a mhaireann níos mó ná 30 lá. In éagmais creat dlíthiúil le haghaidh suaití den sórt sin, tá riosca ann go ndéanfaidh na Ballstáit gníomhaíocht neamh-chomhordaithe, rud a d’fhéadfadh slándáil an tsoláthair sna Ballstáit chomharsanachta a chur i mbaol agus a d’fhéadfadh ualach breise a chur ar thionscal agus tomhaltóirí an Aontais.

(7)

Sa rún uaithi an 7 Aibreán 2022 maidir leis na conclúidí ó chruinniú na Comhairle Eorpaí an 24-25 Márta 2022, d’iarr Parlaimint na hEorpa go gcuirfear i láthair plean chun leanúint de shlándáil sholáthar fuinnimh an Aontais sa ghearrthéarma a áirithiú. Ag na cruinnithe a bhí aici an 31 Bealtaine agus an 23 Meitheamh 2022, d’iarr an Chomhairle Eorpach ar an gCoimisiún tograí a dhéanamh mar ábhar práinne chun feabhas a chur ar an ullmhacht le haghaidh mórshuaití féideartha soláthair d’fhonn soláthar fuinnimh ar phraghsanna inacmhainne a áirithiú. Tar éis na hiarrata sin ón gComhairle Eorpach, tá an Coimisiún ag féachaint, i dteannta chomhpháirtithe idirnáisiúnta an Aontais, ar bhealaí chun srian a chur leis na praghsanna fuinnimh atá ag dul i méid, lena n-áirítear a indéanta a bheadh sé uasteorainneacha sealadacha ar phraghsanna allmhairíochta a thabhairt isteach i gcás inarb iomchuí. I dteannta na hiarrata sin, tá an Coimisiún i mbun oibre ar fheidhmiú mhargadh leictreachais na hEorpa a bharrfheabhsú, lena n-áirítear éifeacht na bpraghsanna gáis ar an margadh, ionas go mbeidh an margadh níos ullmhaithe chun luaineacht iomarcach praghsanna a sheasamh amach anseo, go gcuirfidh sé leictreachas inacmhainne ar fáil agus go mbeidh sé lánoiriúnach do chóras fuinnimh dícharbónaithe, agus, ag an am céanna, iomláine an mhargaidh aonair á caomhnú, dreasachtaí don aistriú glas á gcoimeád, slándáil an tsoláthair á caomhnú agus costais bhuiséideacha díréireacha á seachaint.

(8)

Le hAirteagal 122(1) den Chonradh ar Fheidhmiú an Aontais Eorpaigh, cuirtear ar chumas na Comhairle, ar thogra ón gCoimisiún agus de mheon dlúthpháirtíochta idir na Ballstáit, na bearta is iomchuí don staid eacnamaíoch a chinneadh, go háirithe má tharlaíonn géardheacrachtaí maidir le soláthar táirgí áirithe, go háirithe i réimse an fhuinnimh. Is staid den sórt sin é an riosca go gcuirfear stop iomlán le soláthairtí gáis na Rúise faoi dheireadh 2022.

(9)

I bhfianaise an ghar-riosca atá ann maidir le suaitheadh ar sholáthairtí gáis chuig an Aontas, ba cheart do na Ballstáit bearta a dhéanamh anois chun an t-éileamh ar na soláthairtí sin a laghdú roimh shéasúr an gheimhridh 2022-23. Chuirfeadh laghdú deonach ar éileamh den sórt sin go háirithe le hacmhainneachtaí stórála a líonadh sa chaoi is nach n-ídeofaí iad faoi dheireadh shéasúr gheimhridh 2022-23, agus, dá bhrí sin, chuirfeadh sé ar chumas na mBallstát déileáil le tréimhsí fuara féideartha i mí Feabhra agus i mí an Mhárta 2023 agus éascú líonadh na n-acmhainneachtaí stórála chun leibhéil leordhóthanacha shlándáil an tsoláthair a áirithiú le haghaidh shéasúr gheimhridh 2023-24. Ach an t-éileamh ar ghás a laghdú, cuideofar freisin le soláthar leordhóthanach a áirithiú agus praghsanna fuinnimh a laghdú, rud a rachaidh chun tairbhe thomhaltóirí an Aontais. Dá bhrí sin, rachadh bearta a ghlactar ar leibhéal an Aontais chun an t-éileamh a laghdú chun tairbhe na mBallstát uile tríd an riosca go mbeadh tionchar níos substaintiúla ar a ngeilleagair a laghdú.

(10)

Maidir le méid an laghdaithe dheonaigh ar éileamh, cuirtear san áireamh méideanna an éilimh ar ghás a bheadh i mbaol a neamhsheachadta i gcás suaitheadh iomlán ar sholáthair gáis na Rúise. Ba cheart go mbeadh an t-iarracht ar laghdú sin comhionann le haghaidh na mBallstát uile, bunaithe ar chomparáid ar mheántomhaltas gach Ballstáit le cúig bliana anuas.

(11)

D’fhéadfadh sé nach leor bearta maidir le laghdú deonach ar éileamh iontu féin chun slándáil an tsoláthair agus feidhmiú an mhargaidh a áirithiú. Dá bhrí sin, chun aghaidh a thabhairt go pras ar na dúshláin shonracha a bhaineann leis an nganntanas soláthair gáis leanúnach, a bhfuil coinne leis go mbeidh sé i bhfad níos measa amach anseo, agus chun saobhadh idir na Ballstáit a sheachaint, ba cheart ionstraim nua a bhunú lenar féidir laghdú sainordaitheach ar éileamh ar ghás a thabhairt isteach le haghaidh gach Ballstáit. Ba cheart go mbeadh sé oibríochtúil go leordhóthanach roimh fhómhar 2022. Faoi ionstraim den sórt sin, d’fhéadfadh an Chomhairle, ar thogra ón gCoimisiún, foláireamh Aontais a fhógairt trí bhíthin cinneadh cur chun feidhme. Trí chumhacht cur chun feidhme a thabhairt don Chomhairle, cuirtear san áireamh go leordhóthanach gné pholaitiúil an chinnidh oibleagáid shainordaitheach maidir le laghdú ar éileamh ar fud an Aontais a thionscain agus impleachtaí cothrománacha an chinnidh sin do na Ballstáit. Sula dtíolacfaidh sé togra den sórt sin, ba cheart don Choimisiún dul i gcomhairle leis na grúpaí riosca ábhartha, mar a leagtar amach in Iarscríbhinn I a ghabhann le Rialachán (AE) 2017/1938 (“grúpaí riosca”), agus leis an nGrúpa Comhordaithe Gáis (GCG), a bunaíodh leis an Rialachán sin. Níor cheart foláireamh Aontais a fhógairt ach amháin i gcás nach leor na bearta deonacha maidir le laghdú ar éileamh chun aghaidh a thabhairt ar an riosca go mbeidh ganntanas tromchúiseach soláthair ann. Ba cheart deis a thabhairt do chúig údarás inniúil nó níos mó de chuid na mBallstát a bhfuil foláirimh náisiúnta fógartha acu de bhun Airteagal 11(1), pointe (b), de Rialachán (AE) 2017/1938 a iarraidh ar an gCoimisiún togra a chur faoi bhráid na Comhairle chun foláireamh Aontais a fhógairt.

(12)

Ba cheart d’fholáireamh an Aontais feidhmiú mar leibhéal géarchéime Aontas-sonrach, agus ba cheart dó laghdú sainordaitheach ar éileamh a spreagadh, gan spleáchas do na leibhéil ghéarchéime náisiúnta de bhun Airteagal 11(1) de Rialachán (AE) 2017/1938. A luaithe a fhógrófar foláireamh Aontais, ba cheart do na Ballstáit a dtomhaltas gáis a laghdú laistigh de thréimhse réamhshainithe. Maidir le méid an laghdaithe shainordaithigh ar éileamh is gá, cuirtear san áireamh méideanna an éilimh ar ghás a bheadh i mbaol i gcás suaitheadh iomlán ar sholáthairtí gáis na Rúise chuig an Aontas agus ba cheart a chur san áireamh go hiomlán aon laghdú deonach ar éileamh atá bainte amach cheana féin. Maidir le méid an laghdaithe shainordaithigh ar éileamh ba cheart a chur san áireamh freisin an leibhéal líonta stórála mar a thuairiscítear de bhun Airteagal 6d(1) agus (2) de Rialachán (AE) 2017/1938, an fhorbairt maidir le héagsúlú foinsí gáis, lena n-áirítear soláthairtí gáis nádúrtha leachtaithe (GNL) agus forbairt inionadaitheachta breosla san Aontas.

(13)

Laghduithe ar éileamh a bhain na Ballstáit amach sular fógraíodh foláireamh an Aontais, léireofar iad i méid an laghdaithe shainordaithigh ar éileamh.

(14)

I bhfianaise an tsaofa shuntasaigh ar an margadh inmheánach is dócha a tharlóidh má ghníomhaíonn na Ballstáit ar bhealach neamhchomhordaithe i leith suaitheadh breise ar sholáthair ghás na Rúise, féideartha nó iarbhír, tá sé ríthábhachtach de mheon na dlúthpháirtíochta go laghdóidh na Ballstáit uile a n-éileamh ar ghás. Dá bhrí sin, ba cheart do na Ballstáit uile na spriocanna laghduithe deonacha agus sainordaitheacha ar éileamh a bhaint amach. Cé go bhféadfadh roinnt Ballstát a bheith níos neamhchosanta ar na héifeachtaí a bheadh ag suaitheadh ar sholáthairtí ghás na Rúise, d’fhéadfadh tionchar diúltach a bheith ar na Ballstáit uile agus d’fhéadfadh leo rannchuidiú le díobháil eacnamaíoch suaitheadh den sórt sin arb é is cúis leis a theorannú, bíodh sin trí mhéideanna breise de ghás ó phíblíne nó de lastaí GNL a scaoileadh chun gur féidir leis na Ballstáit a bhfuil easnaimh shuntasacha gáis acu iad a úsáid, tríd an tionchar dearfach ar phraghsanna gáis is dócha a bheidh ag laghdú ar éileamh, nó trí shaobhadh margaidh trí bhearta neamhchomhordaithe maidir le laghdú ar éileamh atá ag teacht salach ar a chéile a sheachaint. Dá bhrí sin, léiríonn an Rialachán seo prionsabal na dlúthpháirtíochta fuinnimh, a dheimhnigh an Chúirt Bhreithiúnais le déanaí mar bhunphrionsabal de dhlí an Aontais (3).

(15)

Mar sin féin, mar gheall ar a staid shonrach gheografach nó fhisiciúil, amhail gan a bheidh sioncrónaithe le córas leictreachais na hEorpa ná idirnasctha go díreach le córas idirnasctha gáis Bhallstáit eile, níl Ballstáit áirithe in ann toirteanna suntasacha gáis píblíne a scaoileadh chun tairbhe Ballstát eile. Dá bhrí sin, ba cheart an fhéidearthacht a thabhairt do na Ballstáit dul i muinín foras amháin nó níos mó chun teorainn a chur ar a n-oibleagáid shainordaitheach maidir le laghdú ar éileamh. Ba cheart don Bhallstáit lena mbaineann a bheith tiomanta chun gach iarracht a dhéanamh na heasnaimh maidir le hidirnascadh a bhaint a luaithe is féidir.

(16)

Le Rialachán (AE) Uimh. 347/2013 ó Pharlaimint na hEorpa agus ón gComhairle (4), cuirtear creat ar bun do na Ballstáit agus do gheallsealbhóirí ábhartha chun oibriú le chéile i suíomh réigiúnach chun gréasáin fuinnimh atá nasctha ar bhealach níos fearr a fhorbairt, agus é mar aidhm leis, go háirithe, réigiúin atá scoite amach ó mhargaí fuinnimh na hEorpa faoi láthair a nascadh agus idirnaisc thrasteorann atá ann cheana a neartú agus idirnaisc thrasteorann nua a chur chun cinn. Cuireann idirnaisc thrasteorann go mór le slándáil an tsoláthair. I bhfianaise shuaitheadh an tsoláthair gáis ón Rúis faoi láthair, tá ról lárnach ag idirnaisc thrasteorann den sórt sin maidir le feidhmiú an mhargaidh inmheánaigh fuinnimh a áirithiú agus maidir le gás a dháileadh ar Bhallstáit eile, de mheon na dlúthpháirtíochta. Sa chomhthéacs sin, ba cheart do na Ballstáit leanúint dá n-iarrachtaí comhtháthú a ngréasán a fheabhsú, lena n-áirítear trí mheasúnú a dhéanamh ar an méadú a d’fhéadfadh teacht ar an acmhainneacht nua idirnaisc thrasteorann i gcomhréir le cuspóirí Rialachán (AE) 2022/869 ó Pharlaimint na hEorpa agus ón gComhairle (5).

(17)

Chun iarrachtaí na mBallstát a éascú maidir le cuspóirí Rialachán (AE) 2022/1032 a chomhlíonadh a mhéid a bhaineann le stóráil gáis, ba cheart toirt an gháis a úsáideann na Ballstáit i gcomhair stórála de bhreis ar an sprioc idirmheánach don 1 Lúnasa 2022 a chur san áireamh freisin chun méid a laghdaithe shainordaithigh ar éileamh a chinneadh.

(18)

Ina theannta sin, chun aird chuí a thabhairt ar spleáchas ard thionscail chriticiúla na mBallstát ar ghás, ba cheart do na Ballstáit a bheith in ann tomhaltas gáis a eisiamh sna tionscail sin agus méid a laghdaithe shainordaithigh ar éileamh á chinneadh acu. Le faireachán ag an gCoimisiúin, ba cheart a áirithiú nach mbeidh saobhadh míchuí ar an margadh inmheánach mar thoradh ar theorainneacha náisiúnta. Ba cheart do na Ballstáit a bheith in ann méid a laghdaithe shainordaithigh ar éileamh a theorannú i gcás inar gá teorainn den sórt sin chun an soláthar gáis chuig Ballstáit eile a uasmhéadú agus ina bhfuil siad in ann fianaise a sholáthar go n-úsáidtear a n-acmhainneachtaí onnmhairiúcháin tráchtála idirnascaire chuig Ballstáit eile nó a mbonneagar GNL intíre chun gás a atreorú chuig Ballstáit eile a mhéid is féidir. Ba cheart don Choimisiún faireachán a dhéanamh ar chomhlíonadh na gcoinníollacha maidir leis na maoluithe sin a chur i bhfeidhm.

(19)

Maidir le cúinsí sonracha éilimh ó Bhallstáit idirnasctha, ba cheart do na Ballstáit a bheith in ann an laghdú éigeantach ar éileamh a theorannú go sealadach i gcás inar gá chun cinnteacht an tsoláthair fuinnimh a áirithiú, lena n-áirítear i gcás ina mbeidh géarchéim leictreachais, dá dtagraítear i Rialachán (AE) 2019/941 ó Pharlaimint na hEorpa agus ón gComhairle (6), roimh Bhallstát. Ba cheart aird a thabhairt freisin ar an acmhainneacht stórála agus ar an leibhéal stórála de bhreis ar an sprioc idirmheánach, mar a leagtar amach in Iarscríbhinn Ia a ghabhann le Rialachán (AE) 2017/1938.

(20)

Ba cheart saoirse a bheith ag na Ballstáit na bearta iomchuí a roghnú chun an laghdú ar éileamh a ghnóthú. Agus bearta iomchuí maidir le laghdú ar éileamh á sainaithint agus ghrúpaí custaiméirí á gcur in ord tosaíochta acu, ba cheart do na Ballstáit a mheas úsáid a bhaint as na bearta a shainaithin an Coimisiún sa teachtaireacht uaidh an 20 Iúil 2022 dar teideal “Coigil Gás le haghaidh Geimhreadh Sábháilte”. Ba cheart do na Ballstáit, go háirithe, breithniú ar bhearta atá éifeachtúil ó thaobh an gheilleagair de amhail ceantanna nó scéimeanna tairisceana, lenar féidir leo laghdú ar thomhaltas a dhreasú ar bhealach atá éifeachtúil ó thaobh an gheilleagair de. Féadfar dreasachtaí airgeadais nó cúiteamh do rannpháirtithe sa mhargadh a ndéantar difear dóibh a áireamh ar na bearta a dhéanfar ar an leibhéal náisiúnta.

(21)

Ní mór d’aon bheart a ghlacann na Ballstáit chun an laghdú ar éileamh a ghnóthú dlí an Aontais a chomhlíonadh, go háirithe Rialachán (AE) 2017/1938. Ba cheart, go háirithe, bearta den chineál sin a bheith riachtanach, sainmhínithe go soiléir, trédhearcach, comhréireach, neamh-idirdhealaitheach agus infhíoraithe, agus níor cheart saobhadh míchuí a dhéanamh ar iomaíocht leo ná ar fheidhmiú cuí an mhargaidh inmheánaigh sa ghás ná níor cheart slándáil sholáthar gáis na mBallstát eile ná an Aontais a chur i gcontúirt mar gheall orthu. Is gá leasanna custaiméirí atá faoi chosaint a chur san áireamh freisin maidir le soláthar gáis chuig córais téimh lárnaigh i gcás géarchéim maidir le slándáil an tsoláthair.

(22)

Chun a áirithiú go gcuirfear bearta maidir le laghdú ar éileamh chun feidhme ar bhealach comhordaithe, ba cheart do na Ballstáit comhar rialta a bhunú laistigh de gach ceann de na grúpaí riosca ábhartha. Tá de chead ag na Ballstáit teacht ar chomhaontú maidir leis na bearta comhordaithe is fearr a d’oirfeadh i réigiún ar leith. Ba cheart go mbeadh an Coimisiún agus GCG in ann forléargas a fháil ar na bearta náisiúnta a chuir na Ballstáit chun feidhme agus dea-chleachtais le haghaidh na mbeart comhordaithe a chomhroinnt laistigh de na grúpaí riosca. Ba cheart do na Ballstáit comhlachtaí eile a úsáid freisin chun a ngníomhaíocht a chomhordú.

(23)

Chun a áirithiú go léireoidh na pleananna éigeandála náisiúnta na bearta laghdaithe dheonaigh nó sainordaithigh ar éileamh a leagtar amach sa Rialachán seo, ba cheart d’údarás inniúil gach Ballstáit na bearta is gá a dhéanamh chun an plean éigeandála náisiúnta arna bhunú de bhun Airteagal 8 de Rialachán (AE) 2017/1938 a thabhairt cothrom le dáta faoin 31 Deireadh Fómhair 2022. I bhfianaise na tréimhse giorra don tabhairt cothrom le dáta sin, níor cheart feidhm a bheith ag na nósanna imeachta comhordúcháin de bhun Airteagal 8(6) go (11) de Rialachán (AE) 2017/1938. Mar sin féin, ba cheart do gach Ballstát dul i gcomhairle le Ballstáit eile maidir le tabhairt cothrom le dáta a phlean éigeandála náisiúnta. Ba cheart don Choimisiún na grúpaí riosca, GCG nó comhlachtaí ábhartha eile a thionól chun saincheisteanna féideartha a bhaineann le bearta a bhaineann le laghdú ar éileamh a phlé.

(24)

Tá faireachán agus tuairisciú rialta agus éifeachtach fíor-riachtanach chun measúnú a dhéanamh ar an dul chun cinn atá déanta ag na Ballstáit i gcur chun feidhme na mbeart deonach agus sainordaitheach maidir le laghdú ar éileamh, agus chun tionchar sóisialta agus eacnamaíoch na mbeart sin chomh maith leis an tionchar ar an bhfostaíocht a thomhas. Ba cheart d’údarás inniúil gach Ballstáit nó eintiteas eile arna ainmniú ag an mBallstát faireachán a dhéanamh ar an laghdú ar éileamh a bhainfear amach ar a chríoch agus ba cheart dóibh na torthaí a thuairisciú don Choimisiún. Ba cheart do GCG cuidiú leis an gCoimisiún faireachán a dhéanamh ar líonadh na hoibleagáidí maidir le laghdú ar éileamh.

(25)

Chun díobháil shuntasach eacnamaíoch don Aontas ina iomláine a chosc, tá sé ríthábhachtach go laghdóidh gach Ballstát a éileamh tar éis fhógairt an fholáirimh Aontais. Áiritheofar leis an laghdú sin go mbeidh go leor gás ann do chách, fiú le linn an gheimhridh. Is léiriú é an laghdú ar éileamh ar fud an Aontais ar phrionsabal na dlúthpháirtíochta, atá cumhdaithe sa Chonradh. Dá bhrí sin, tá údar maith ann go ndéanfaidh an Coimisiún maoirseacht dhocht ar chur i gcrích na laghduithe sainordaitheacha ar éileamh ag na Ballstáit. I gcás ina sainaithníonn an Coimisiún riosca go bhféadfadh sé nach mbeadh Ballstát in ann a oibleagáid shainordaitheach maidir le laghdú ar éileamh a chomhlíonadh, ba cheart don Choimisiún a bheith in ann iarraidh ar an mBallstát sin plean a chur isteach ina leagfaí amach straitéis agus na bearta chun laghdú sainordaitheach ar éileamh a ghnóthú go héifeachtach. Ba cheart don Bhallstát sin aird chuí a thabhairt ar aon bharúlacha agus moltaí a dhearna an Coimisiún maidir leis an bplean sin.

(26)

Ós rud é go dtugann prionsabal na dlúthpháirtíochta an ceart do gach Ballstát tacaíocht a fháil ó Bhallstáit chomharsanachta in imthosca áirithe, Ballstáit a iarrann tacaíocht den sórt sin gníomhú de mheon na dlúthpháirtíochta a mhéid a bhaineann lena n-éileamh intíre ar ghás a laghdú. Dá bhrí sin, agus beart dlúthpháirtíochta á iarraidh faoi Airteagal 13 de Rialachán (AE) 2017/1938, ba cheart gach beart iomchuí chun an t-éileamh ar ghás a laghdú a bheith curtha chun feidhme ag na Ballstáit. Ba cheart don Choimisiún a bheith in ann a iarraidh ar an mBallstát a iarrann beart dlúthpháirtíochta plean a chur isteach ina bhfuil bearta chun laghduithe féideartha breise ar éileamh a ghnóthú. Ba cheart don Bhallstát sin aird chuí a thabhairt ar tuairim an Choimisiúin.

(27)

Ba cheart don Choimisiún Parlaimint na hEorpa agus an Chomhairle a choinneáil ar an eolas go tráthrialta faoi chur chun feidhme an Rialacháin seo.

(28)

Ós rud é go bhfuil garchontúirt ann do shlándáil an tsoláthair gáis mar thoradh ar an bhfogha atá á tabhairt ag an Rúis faoin Úcráin, ba cheart an Rialachán seo a theacht i bhfeidhm mar ábhar práinne.

(29)

I bhfianaise chineál eisceachtúil na mbeart a leagtar amach sa Rialachán seo, ba cheart feidhm a bheith ag an Rialachán seo ar feadh bliana tar éis dó teacht i bhfeidhm. Faoin 1 Bealtaine 2023, ba cheart don Choimisiún tuairisciú don Chomhairle maidir lena fheidhmiú agus, más iomchuí, féadfaidh sé a mholadh, más iomchuí go gcuirfí síneadh lena thréimhse infheidhmeachta.

(30)

Ós rud é nach féidir leis na Ballstáit cuspóir an Rialacháin seo a ghnóthú go leordhóthanach, agus gur féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú,

(1)

ciallaíonn “údarás inniúil” údarás rialtasach náisiúnta nó údarás rialála náisiúnta arna ainmniú ag Ballstát chun cur chun feidhme na mbeart dá bhforáiltear i Rialachán (AE) 2017/1938 a áirithiú;

(2)

ciallaíonn “foláireamh Aontais” leibhéal géarchéime a bhaineann go sonrach leis an Aontas lena ghníomhachtaítear laghdú sainordaitheach ar éileamh agus nach mbaineann le haon cheann de na leibhéil ghéarchéime de bhun Airteagal 11(1) de Rialachán (AE) 2017/1938;

(3)

ciallaíonn “tomhaltas gáis” soláthar foriomlán gáis nádúrtha le haghaidh gníomhaíochtaí ar chríoch Ballstáit, lena n-áirítear tomhaltas deiridh teaghlach, tionscal agus giniúint leictreachais, ach gan gás a úsáidtear chun acmhainneachtaí stórála, inter alia, a líonadh a áireamh, i gcomhréir leis an sainmhíniú ar “sholáthar, claochlú agus tomhaltas gáis” a úsáideann an Coimisiún (Eurostat);

(4)

ciallaíonn “amhábhar”“úsáid neamhfhuinnimh gáis nádúrtha” dá dtagraítear ag an gCoimisiún i ríomhanna cothromaíochtaí fuinnimh (Eurostat);

(5)

ciallaíonn “tomhaltas gáis tagartha” toirt mheántomhaltas gáis Ballstáit le linn na tréimhse tagartha; le haghaidh na mBallstát inar tháinig méadú 8 % ar a laghad ar thomhaltas gáis sa tréimhse ón 1 Lúnasa 2021 go dtí an 31 Márta 2022 i gcomparáid leis an meántomhaltas gáis le linn na tréimhse tagartha, ní chiallaíonn “tomhaltas gáis tagartha” ach toirt an tomhaltais gáis sa tréimhse ón 1 Lúnasa 2021 go dtí an 31 Márta 2022;

(6)

ciallaíonn “tréimhse thagartha” na tréimhsí ón 1 Lúnasa go dtí an 31 Márta le linn na 5 bliana as a chéile roimh dháta theacht i bhfeidhm an Rialacháin seo, ag tosú leis an tréimhse ón 1 Lúnasa 2017 go dtí an 31 Márta 2018;

(7)

ciallaíonn “sprioc idirmheánach” an sprioc idirmheánach mar a leagtar amach in Iarscríbhinn Ia a ghabhann le Rialachán (AE) 2017/1938.

(1)

Le Rialachán (CE) Uimh. 1881/2006 ón gCoimisiún (2) socraítear uasleibhéil le haghaidh éilleáin áirithe, lena n-áirítear ócratocsain A, in earraí bia.

(2)

Is míceatocsain é ócratocsain A a tháirgeann fungais de na géinis Aspergillus agus Penicillium go nádúrtha agus tá sé le fáil mar éilleán i réimse leathan bianna, amhail gránaigh agus táirgí gránaigh, pónairí caife, torthaí triomaithe, fíon agus sú fíonchaor, spíosraí agus liocras. Foirmítear ócratocsain A déanta le linn do bharra a bheith á dtriomú faoin ngrian agus le linn a stórála. Is féidir an foirmiú a chosc trí dhea-chleachtais triomúcháin agus stórála a chur i bhfeidhm.

(3)

In 2020, ghlac an tÚdarás Eorpach um Shábháilteacht Bia (‘an tÚdarás’) nuashonrú ar an tuairim eolaíoch maidir le hócratocsain A i mbia (3). Mheas an tÚdarás nárbh iomchuí treoirluach sláintebhunaithe maidir le hócratocsain A a shocrú agus dá bhrí sin nach raibh Iontógáil Sheachtainiúil Infhulaingthe 120 ng/kg meáchan coirp (bw) a shocraigh an tÚdarás in 2006 bailí a thuilleadh. Thángthas ar an gconclúid freisin go léiríonn na corrlaigh ríofa maidir le nochtadh i leith éifeachtaí carcanaigineacha ócratocsain A go bhféadfadh ábhar imní don tsláinte a bheith ann do ghrúpaí áirithe tomhaltóirí.

(4)

Le Rialachán (CE) Uimh. 1881/2006 socraíodh uasleibhéil le haghaidh ócratocsain A i gcás bianna áirithe cheana féin. Agus é á chur san áireamh gur aimsíodh ócratocsain A i mbianna nár socraíodh aon uasleibhéal go fóill ina leith agus go gcuireann na bianna sin le nochtadh an duine d’ócratocsain A, is iomchuí uasleibhéal a shocrú freisin do na bianna sin, amhail torthaí triomaithe seachas torthaí fíniúna triomaithe, táirgí liocrais áirithe, luibheanna triomaithe, comhábhair áirithe le haghaidh insiltí luibhe, olashíolta áirithe, cnónna pistéise agus púdar cócó. Fiú más gá soiléiriú breise a thabhairt ar an ngaol idir leibhéal ócratocsain A i mbraich agus i ndeochanna braiche neamhalcólacha, agus i ndátaí triomaithe agus i síoróip dháta, is iomchuí freisin uasleibhéal a shocrú i ndeochanna braiche neamhalcólacha agus síoróip dháta. Agus na sonraí tarluithe atá ar fáil á gcur san áireamh freisin, is iomchuí uasleibhéil ócratocsain A atá ann faoi láthair i mbianna áirithe, amhail táirgí bácúis, torthaí fíniúna triomaithe, caife rósta agus caife ar an toirt a ísliú. Ina theannta sin, rinneadh na forálacha atá ann faoi láthair le haghaidh ócratocsain A i spíosraí áirithe a leathnú chuig gach spíosra. I gcás cáise agus liamháis, is iomchuí faireachán breise a dhéanamh ar láithreacht ócratocsain A sula socrófar uasleibhéil.

(5)

Dá bhrí sin, ba cheart Rialachán (CE) Uimh. 1881/2006 a leasú dá réir sin.

(6)

Chun é a chur ar a gcumas d’oibreoirí eacnamaíocha ullmhú do na rialacha nua arna dtabhairt isteach leis an Rialachán seo, is iomchuí foráil a dhéanamh maidir le tréimhse réasúnach go dtí go mbeidh na huasleibhéil nua i bhfeidhm. Is iomchuí freisin foráil a dhéanamh maidir le hidirthréimhse le haghaidh earraí bia a chuirtear ar an margadh go dleathach roimh dháta chur i bhfeidhm an Rialacháin seo.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Sna leaganacha Bulgáirise, Danmhairgise, Eastóinise, Fionlainnise, Fraincise, Gearmáinise, Iodáilise, Laitvise, Ollainnise, Portaingéilise, Seicise, Slóivéinise agus Sualainnise de Rialachán Cur Chun Feidhme (AE) 2018/2066 ón gCoimisiún (2), tá earráid in Airteagal 38(6) a athraíonn brí na forála sin nó tá foclaíocht ann a bhféadfadh míthuiscint a bheith mar thoradh uirthi, a mhéid a bhaineann leis an tréimhse shonraithe ama agus dá dtagraíonn sí.

(2)

Dá bhrí sin, ba cheart na leaganacha Bulgáirise, Danmhairgise, Eastóinise, Fionlainnise, Fraincise, Gearmáinise, Iodáilise, Laitvise, Ollainnise, Portaingéilise, Seicise, Slóivéinise agus Sualainnise de Rialachán Cur Chun Feidhme (AE) 2018/2066 a cheartú dá réir. Ní dhéantar difear do na leaganacha teanga eile.

(3)

Tá na bearta dá bhforáiltear sa Rialachán Cur Chun Feidhme seo i gcomhréir leis an tuairim ón gCoiste um Athrú Aeráide a tugadh an 9 Feabhra 2022,

(1)

Ní liostaítear Meloidogyne graminicola (Golden & Birchfield) mar lotnaid choraintín de chuid an Aontais, mar lotnaid choraintín de chuid criosanna cosanta nó mar lotnaid neamhchoraintín rialáilte de chuid an Aontais i gcomhréir le Rialachán Cur Chun Feidhme (AE) 2019/2072 ón gCoimisiún (3).

(2)

In 2016, chuir an Iodáil in iúl don Choimisiún gur aimsíodh Meloidogyne graminicola (Golden & Birchfield) i dtosach ina críoch i limistéar táirgthe ríse i dTuaisceart na hIodáile. Ó shin i leith, tá sé aimsithe freisin i níos mó gort ríse agus bhí caillteanas barr suas le 50 % den ghnáth-tháirgeadh mar thoradh ar na hinmhíoluithe is tromchúisí.

(3)

Sa bhliain 2017, ghlac an Iodáil bearta oifigiúla chun cosc a chur ar Meloidogyne graminicola (Golden & Birchfield) a thabhairt isteach ina críoch tuilleadh agus ar a leathadh laistigh di (4). Baineann Meloidogyne graminicola (Golden & Birchfield) le plandaí fréamhaithe Oryza sativa L. den chuid is mó, plandaí a fhástar in ithir agus atá beartaithe le haghaidh plandú. Tá sé bainteach freisin le plandaí óstacha eile, mar shampla eorna, ach ar bhonn níos lú ná le plandaí fréamhaithe Oryza sativa L.

(4)

Is í an Iodáil an t-aon Bhallstát amháin faoi láthair ina ndeimhnítear gurb ann do Meloidogyne graminicola (Golden & Birchfield). Bunaithe ar mheasúnú riosca a rinne an Iodáil in 2018 (5), meastar go gcomhlíonann an lotnaid sin na critéir a leagtar amach i bhForoinn 2 de Roinn 3 d’Iarscríbhinn I a ghabhann le Rialachán (AE) 2016/2031. Dá bhrí sin, meastar gur gá bearta sealadacha a ghlacadh i gcoinne na lotnaide sin. Ba cheart a chur san áireamh sna bearta sin na príomhbhealaí atá ann trína leathann sé, amhail plandaí le haghaidh plandú, ithir, innealra agus uirlisí, agus aistriú daonna-cuidithe.

(5)

I réigiún áirithe laistigh den limistéar sin san Iodáil a tháirgeann rís, thángthas ar an gconclúid nach féidir Meloidogyne graminicola (Golden & Birchfield) a dhíothú a thuilleadh. Ba cheart, dá bhrí sin, cead a bheith ag an Iodáil bearta a chur i bhfeidhm chun é a shrianadh laistigh den réigiún sin, seachas é a dhíothú. Ba cheart na bearta sin a bheith dírithe ar leibhéil Meloidogyne graminicola (Golden & Birchfield) a choinneáil cobhsaí. Mar sin féin, má léiríonn suirbhéanna go bhfuil méadú ar leibhéil Meloidogyne graminicola (Golden & Birchfield), ba cheart bearta atá dírithe ar é a dhíothú a chur i bhfeidhm chun a leibhéil a laghdú arís agus a leathadh a chosc.

(6)

Ba cheart do na Ballstáit an pobal i gcoitinne agus oibreoirí gairmiúla ábhartha a chur ar an eolas faoi bhagairt Meloidogyne graminicola (Golden & Birchfield) agus faoi na bearta a ghlactar ina choinne lena chinntiú go mbeidh cur chuige níos éifeachtaí ag gach duine a d’fhéadfadh a bheith bainteach leis an scéal. Go háirithe, ba cheart do na Ballstáit feasacht a ardú faoin mbaol a bhaineann lena leathadh trí choisbheart agus trí fheithiclí, toisc gurb iad na modhanna sin na modhanna is minice a úsáideann an pobal i gcoitinne.

(7)

Ba cheart suirbhéanna a dhéanamh sna limistéir chríochaithe agus ar phlandaí óstacha lasmuigh de na limistéir sin, chun go bhféadfaí láithreacht fhéideartha Meloidogyne graminicola (Golden & Birchfield) a bhrath go luath agus a leathadh go dtí an chuid eile de chríoch an Aontais a chosc. Ba cheart do na Ballstáit suirbhéanna bliantúla a dhéanamh bunaithe ar mheasúnú ar an mbaol go dtabharfaí Meloidogyne graminicola (Golden & Birchfield) isteach iontu.

(8)

Ó tharla gurb ann d’fhianaise ón Iodáil agus i bhfianaise dháileadh leathan Meloidogyne graminicola (Golden & Birchfield) i dtríú tíortha a tháirgeann rís, is gá a sheiceáil gur comhlíonadh coinníollacha áirithe sna tríú tíortha sin, maidir leis na plandaí fréamhaithe de chuid Oryza sativa L., le haghaidh plandú sular tugadh isteach san Aontas iad. Go háirithe, ba cheart go mbainfeadh na coinníollacha sin le saoirse an láithreáin nó na háite táirgthe ón lotnaid, leis na cigireachtaí oifigiúla a bhíonn le déanamh agus leis na dearbhuithe riachtanacha ar an deimhniú fíteashláintíochta. Is gá na coinníollacha sin a bheith ann chun a dheimhniú go bhfuil na plandaí sin saor ó Meloidogyne graminicola (Golden & Birchfield).

(9)

Ina theannta sin, is gá amharc-chigireacht a dhéanamh ar phlandaí fréamhaithe de chuid Oryza sativa L. le haghaidh plandú ar theacht na bplandaí dóibh, agus nuair a léiríonn siad siomptóim Meloidogyne graminicola (Golden & Birchfield), is gá sampláil agus tástáil a dhéanamh chun a bhrath an ann don lotnaid sin, d’fhonn a shainaithint an bhféadfadh sé a bheith ann nó d’fhonn a dheimhniú nach ann dó.

(10)

Ba cheart bearta a chur ar fáil freisin maidir le gluaiseacht plandaí fréamhaithe Oryza sativa L. laistigh den Aontas, ar plandaí iad de thionscnamh an Aontais. Chun leibhéal iomchuí cosanta fíteashláintíochta a áirithiú, ba cheart toirmeasc a chur ar ghluaiseacht na bplandaí agus na hithreach sin ó na limistéir chríochaithe chuig an gcuid eile de chríoch an Aontais.

(11)

Ba cheart feidhm a bheith ag an Rialachán seo ar feadh tréimhse leordhóthanach chun go bhféadfaí athbhreithniú a dhéanamh air agus athbhreithniú a dhéanamh ar láithreacht agus leathadh Meloidogyne graminicola (Golden & Birchfield).

(12)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

ciallaíonn “an lotnaid shonraithe”Meloidogyne graminicola (Golden & Birchfield);

(2)

ciallaíonn “plandaí sonraithe” plandaí le haghaidh plandú, seachas síolta, le fréamhacha Oryza sativa L., a fásadh in ithir;

(3)

ciallaíonn “plandaí óstacha” plandaí le haghaidh plandú le fréamhacha de chuid na ngéineas agus na speiceas a liostaítear in Iarscríbhinn I, a fásadh in ithir;

(4)

ciallaíonn “plandaí óstacha deonacha” plandaí óstacha atá le feiceáil sna háiteanna táirgthe gan bheith plandaithe ann;

(5)

ciallaíonn “síolta sonraithe” síolta Oryza sativa L.;

(6)

ciallaíonn “réada sonraithe” innealra, uirlisí, feithiclí agus trealamh pearsanta, a úsáideadh le haghaidh gníomhaíochtaí a bhaineann leis na plandaí óstacha a phlandú, a chóireáil nó a bhaint;

(7)

ciallaíonn “limistéar críochaithe” an limistéar ina bhfuil crios inmhíolaithe agus crios maolánach a bhunaítear nuair a aimsítear an lotnaid shonraithe;

(8)

ciallaíonn “crios inmhíolaithe” crios ina bhfuil an méid seo a leanas sa ghort nó sna goirt Oryza sativa L.:

(9)

ciallaíonn “crios maolánach” crios atá 100 m ar a laghad ar leithead, agus é thart ar an gcrios inmhíolaithe;

(10)

ciallaíonn “modh na mbarr gaiste” an modh faoina gcuirtear plandaí sonraithe áirithe go sealadach i ngort inmhíolaithe, chun an lotnaid shonraithe a ghaistiú, agus faoina ndéantar na plandaí sin a bhaint agus a scriosadh ina dhiaidh sin, chun plandaí sonraithe eile a chosaint ón lotnaid sin sa ghort céanna.

(1)

déanfar na plandaí sonraithe sa chrios inmhíolaithe a bhaint agus a scriosadh i ngoirt atá gar don bhuaint. Scriosfar na plandaí sonraithe, in situ nó in áit in aice láimhe a bheidh ainmnithe chun na críche sin laistigh den chrios inmhíolaithe, ar bhealach lena n-áiritheofar nach leathfar an lotnaid shonraithe;

(2)

ní chuirfear síolta sonraithe ná ní phlandófar plandaí óstacha sa chrios inmhíolaithe;

(3)

déanfar plandaí óstacha deonacha a dhíothú go rialta;

(4)

déanfar na goirt sa chrios inmhíolaithe a chur faoi uisce go leanúnach ar feadh níos mó ná 18 mí. Mura féidir na goirt a chur faoi uisce go leanúnach, cuirfear i bhfeidhm modh na mbarr gaiste, nó modhanna eile lena gcuirtear cosc ar lotnaid a saolré a thabhairt chun críche;

(5)

scriosfar plandaí sonraithe a úsáidtear le haghaidh an mhodha bharra gaiste laistigh de 5 seachtaine tar éis iad a phlandú;

(6)

réada sonraithe a úsáideadh i gcrios inmhíolaithe, déanfar iad a ghlanadh ó smionagar ithreach agus plandaí sula n-aistreofar iad go dtí na goirt máguaird. Agus an smionagar á ghlanadh, seachnófar a scaipeadh lasmuigh den ghort inmhíolaithe.

(1)

maidir leis na plandaí sonraithe a táirgeadh in áit saor ó lotnaidí nó i láithreán táirgthe saor ó lotnaidí, go ndéanfar iniúchadh oifigiúil orthu san áit sin nó ag an láithreán táirgthe sin, ag an am is iomchuí chun siomptóim ionfhabhtaithe a bhrath le linn an timthrialla iomláin deiridh den fhásra roimh an onnmhairiú, agus go bhfaightear saor ón lotnaid shonraithe iad;

(2)

go ndearnadh cigireachtaí oifigiúla ag an am is iomchuí chun siomptóim ionfhabhtaithe a bhrath le linn an timthrialla iomláin deiridh d’fhásra roimh an onnmhairiú i gcrios ar leithead 100 m ar a laghad agus timpeall ar an áit nó ar an láithreán táirgthe dá dtagraítear i bpointe (1);

(3)

gur scriosadh láithreach aon phlandaí sonraithe sa chrios timpeall ar an áit saor ó lotnaidí nó an láithreán táirgthe saor ó lotnaidí a léiríonn siomptóim ionfhabhtaithe le linn na gcigireachtaí sin;

(4)

go bhfuil deimhniú fíteashláintíochta ag gabháil leis na plandaí sonraithe, lena n-áirítear, i gcomhréir le hAirteagal 71(2) de Rialachán (AE) 2016/2031, faoin gceannteideal “Dearbhú breise”, ceann amháin de na ráitis seo a leanas:

(*1)  Rialachán Cur Chun Feidhme (AE) 2022/1372 ón gCoimisiún an 5 Lúnasa 2022 maidir le bearta sealadacha chun cosc a chur ar theacht isteach Meloidogyne graminicola (Golden & Birchfield) san Aontas, ar a ghluaiseacht agus a leathadh laistigh den Aontas, ar a iolrú agus a scaoileadh ann (IO L 206, 8.8.2022, lch. 16).”;"

(5)

áirítear sa deimhniú fíteashláintíochta a ghabhann le síolta sonraithe de thionscnamh tríú tíortha, faoin gceannteideal “Dearbhú breise”, an fhaisnéis go bhfuil na síolta saor ó ithir agus smionagar.

(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

An 21 Feabhra 2020, chuir an chuideachta Nemysis Limited (“an t-iarratasóir”) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun tartráit adapáite hiodrocsaíde iarainn (“IHAT”) a chur ar mhargadh an Aontais mar bhia núíosach atá le húsáid mar fhoinse iarainn i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (3), i bhfoirm capsúl, ag leibhéil suas le 100 mg/lá a fhreagraíonn do suas le 36 mg d’iarann (Fe) in aghaidh an lae, agus atá beartaithe don phobal i gcoitinne seachas naíonáin agus leanaí óga. San iarratas, chuir an t-iarratasóir in iúl gur bia núíosach é IHAT agus é ina nana-ábhar monaraithe de réir bhrí Airteagal 3(2)(a)(viii) de Rialachán (AE) 2015/2283.

(4)

An 21 Feabhra 2020, d’iarr an t-iarratasóir ar an gCoimisiún freisin go gcosnófaí sonraí dílseánaigh le haghaidh tástáil micreanúicléis in vitro i gcealla mamach, tástáil sócháin géine (4) in vitro i gcealla mamach ina n-úsáidtear an géin cionáise tímidíne (5), agus staidéar 90 lá ar thocsaineacht bhéil i gcreimirí (6), a cuireadh isteach mar thaca leis an iarratas.

(5)

An 3 Iúil 2020, d’iarr an Coimisiún ar an Údarás Eorpach um Shábháilteacht Bia (“an tÚdarás”) measúnú a dhéanamh ar IHAT mar bhia núíosach.

(6)

An 27 Deireadh Fómhair 2021, ghlac an tÚdarás a thuairim eolaíoch maidir le “Sábháilteacht Tartráite Adapáite Hiodrocsaíde Iarainn mar bhia núíosach de bhun Rialachán (AE) 2015/2283 agus mar fhoinse iarainn i gcomhthéacs Threoir 2002/46/CE” (7) i gcomhréir le hAirteagal 11 de Rialachán (AE) 2015/2283.

(7)

Sa tuairim eolaíoch uaidh, tháinig an tÚdarás ar an gconclúid go bhfuil IHAT sábháilte faoi na coinníollacha úsáide atá ceaptha do na pobail bheartaithe a ndírítear orthu ar leibhéil nach sáraíonn 100 mg/lá agus gur foinse iarainn é ina bhfuil iarainn bith-infhaighte. Sa tuairim sin, áfach, thug an tÚdarás dá aire, ós rud é nár leag sé Uasteorainn Iontógála (“UL”) síos, go bhféadfadh iontógáil iarainn ó fhorbhianna ina bhfuil an bia núíosach dul thar na treoirleibhéil daonra a leag na Ballstáit síos, agus go mbeadh an iontógáil iomlán iarainn ó fhorbhianna ina bhfuil an bia núíosach agus ón aiste bia ginearálta, go mbeadh an iontógáil sin ard. I bhfianaise bhreithnithe an Údaráis agus an róil ríthábhachtaigh atá ag iarann i bhfiseolaíocht, i bhfás agus i bhforbairt an duine, go háirithe ag tús an tsaoil, agus i bhfianaise na líne míne idir éifeachtaí tairbheacha agus díobhálacha an iarainn ar an tsláinte ag brath ar iontógálacha, measann an Coimisiún go bhfuil gá le cur chuige an réamhchúraim.

(8)

Dá bhrí sin, d’iarr an Coimisiún ar an iarratasóir athmhachnamh a dhéanamh ar na leibhéil IHAT a moladh ina iarratas (leibhéil suas le 100 mg/lá a fhreagraíonn do suas le 36 mg iarainn (Fe) in aghaidh an lae don phobal i gcoitinne, seachas naíonáin agus leanaí óga). Mar fhreagra ar an iarraidh ón gCoimisiún, mhodhnaigh an t-iarratasóir a iarraidh agus mhol sé IHAT a úsáid ar leibhéil nach mó ná 100 mg/lá agus na leibhéil chomhfhreagracha iarainn a theorannú go 30 mg Fe/lá i bhforbhianna atá beartaithe don daonra fásta, agus ag leibhéil nach mó ná 50 mg IHAT/lá agus teorainn suas le 14 mg Fe/lá a chur leis na leibhéil chomhfhreagracha iarainn i bhforbhianna atá beartaithe do leanaí agus do dhéagóirí atá faoi bhun 18 mbliana d’aois, gan leanaí faoi bhun 4 bliana d’aois a chur san áireamh. Ina theannta sin, thug an t-iarratasóir le fios go ndéanfaidh sé leibhéil IHAT i bhforbhianna a chuirtear ar mhargadh Ballstáit a choigeartú chun na huasleibhéil chomhfhreagracha iarainn a theorannú do na treoirluachanna arna leagan síos ag an mBallstát sin do gach aoisghrúpa den daonra. Measann an Coimisiún go gcomhlíonfadh na húsáidí athbhreithnithe na coinníollacha maidir le IHAT a chur ar an margadh i gcomhréir le hAirteagal 12(1) de Rialachán (AE) 2015/2283.

(9)

Is iomchuí go mbeadh an fhaisnéis dá dtagraítear in Airteagal 9(3) de Rialachán (AE) 2015/2283 san iontráil a bhaineann le IHAT ar liosta an Aontais de bhianna núíosacha.

(10)

Sa tuairim eolaíoch chéanna, mheas an tÚdarás, mar gheall ar nicil a bheith sa bhia núíosach, go bhféadfadh tomhaltas forbhianna ina bhfuil 100 mg de IHAT frithghníomhartha ailléirgeacha a bhaineann le deirmitíteas a spreagadh i ndaoine atá 10 mbliana d’aois agus níos óige a bhí íograithe do nicil roimhe sin tar éis teagmháil leis an gcraiceann ós rud nach mbeadh Corrlach Nochta (“MoE”) mar thoradh ar iontógáil nicile ón mbia núíosach i gcás iontógáil nicile a mheasann an tÚdarás a bheith ina ábhar imní íseal ó thaobh na sláinte de i gcás leanaí agus déagóirí faoi bhun 18 mbliana d’aois san 95ú peircintíl uachtarach de nochtadh cothúcháin do nicil (8). Mar sin féin, i bhfianaise na n-úsáidí modhnaithe atá beartaithe don bhia núíosach ar leibhéil nach mó ná 50 mg IHAT/lá i bhforbhianna atá ceaptha do leanaí agus déagóirí atá faoi bhun 18 mbliana d’aois agus gan leanaí faoi bhun ceithre bliana d’aois san áireamh, beidh iontógáil nicile ón mbia núíosach os cionn nó gar do MoE a mheasann an tÚdarás a bheith ina ábhar imní íseal ó thaobh na sláinte de, agus ní chuirfidh sé go suntasach le hiontógáil fhoriomlán nicile ó bhia agus uisce óil. Agus na breithnithe sin agus an coimeádachas ionsuite i measúnú iontógála an Údaráis á gcur san áireamh, ar mheasúnú é a d’úsáid nochtadh cothúcháin an 95ú peircintíl chun MoE nicile atá ina ábhar imní íseal ó thaobh na sláinte de a dhíorthú, measann an Coimisiún nach dócha go mbeidh an baol ann go n-eascróidh frithghníomhartha ailléirgeacha de bharr deirmitíteas teagmhála san aoisghrúpa sin den daonra san fhíorshaoil. Dá bhrí sin, measann an Coimisiún nach bhfuil gá le haon cheanglas lipéadaithe dá bhforáiltear in Airteagal 9(3)(b) de Rialachán (AE) 2015/2283 maidir le hailléirgineacht.

(11)

Ina theannta sin, sa tuairim eolaíoch uaidh, mheas an tÚdarás freisin go bhfuil dlúthnasc idir a chonclúid maidir le sábháilteacht IHAT agus bith-infhaighteacht iarainn agus airíonna sonracha fisiciceimiceacha agus méid-dáileachán cáithníní agus próifíl ceirtleáin an bhia núíosaigh a bhaintear amach trí fhoirm capsúil na bhforbhianna ina bhfuil an bia núíosach a úsáid, agus easpa substaintí seachas adapáit, tartráit agus clóiríd sóidiam a úsáidtear i dtáirgeadh IHAT. Dá bhrí sin, mheas an tÚdarás go bhféadfaí difear a dhéanamh do phróifíl sábháilteachta an bhia núíosaigh agus do bhith-infhaighteacht na foinse cothaithí agus go gcaithfear iad a mheasúnú de réir an cháis, má úsáidtear cineálacha eile forbhianna (e.g. táibléid, paistilí, saicíní púdar, gumaí, síoróipí, etc.) leo féin nó i gcomhcheangal le hadapáit, tartráit agus clóiríd sóidiam nó le substaintí seachas adapáit, tartráit agus clóiríd sóidiam nó, má úsáidtear substaintí eile i bhfoirmeacha capsúil na bhforbhianna. Is iomchuí, dá bhrí sin, nuair a úsáidtear cineálacha eile forbhianna (e.g. táibléid, paistilí, saicíní púdar, gumaí, síoróipí, etc.) i gcomhcheangal le hadapáit, tartráit agus clóiríd sóidiam nó i gcomhcheangal le substaintí eile, nó má úsáidtear substaintí eile i bhforbhianna i bhfoirm capsúil ina bhfuil an bia núíosach, gur cheart staid méid-dáileachán cáithníní agus staid ceirtleáin an bhia núíosaigh a bheith i gcomhréir leis na sonraíochtaí údaraithe agus gur cheart bith-infhaighteacht iarainn a bheith i gcomhréir leis an mbith-infhaighteacht a ndearna an tÚdarás measúnú uirthi sa tuairim eolaíoch uaidh.

(12)

Sa tuairim eolaíoch uaidh, thug an tÚdarás dá aire go raibh a chonclúid maidir le sábháilteacht an bhia núíosaigh bunaithe ar shonraí eolaíocha ón tástáil micreanúicléis in vitro i gcealla mamach, ón tástáil sócháin géine in vitro i gcealla mamach ina n-úsáidtear an géin cionáise tímidíne, agus ón staidéar 90 lá ar thocsaineacht bhéil i gcreimirí, atá i gcomhad an iarratasóra, agus nach bhféadfadh sé measúnú a dhéanamh ar an mbia núíosach agus a chonclúid a bhaint amach dá n-uireasa.

(13)

D’iarr an Coimisiún ar an iarratasóir soiléiriú breise a thabhairt maidir leis an réasúnú a cuireadh ar fáil i dtaca lena éileamh dílseánaigh ar na staidéir sin, agus soiléiriú a thabhairt maidir lena éileamh ar cheart eisiach a bheith aige orthu i gcomhréir le hAirteagal 26(2)(b) de Rialachán (AE) 2015/2283.

(14)

Dhearbhaigh an t-iarratasóir go raibh cearta dílseánaigh agus eisiacha aige chun tagairt a dhéanamh do na sonraí eolaíocha ón tástáil micreanúicléis in vitro i gcealla mamach, ón tástáil sócháin géine in vitro i gcealla mamach ina n-úsáidtear an géin cionáise tímidíne, agus ón staidéar 90 lá ar thocsaineacht bhéil i gcreimirí tráth a chuir siad an t-iarratas isteach, agus nach féidir le tríú páirtithe rochtain dhlíthiúil a fháil ar na sonraí sin ná iad a úsáid ná tagairt a dhéanamh dóibh.

(15)

Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé go raibh cruthúnas leordhóthanach tugtha aige gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, na sonraí eolaíocha ón tástáil micreanúicléis in vitro i gcealla mamach, ón tástáil sócháin géine in vitro i gcealla mamach ina n-úsáidtear an géin cionáise tímidíne agus ón staidéar 90 lá ar thocsaineacht bhéil i gcreimirí, ba cheart iad a chosaint i gcomhréir le hAirteagal 27(1) de Rialachán (AE) 2015/2283. Dá réir sin, níor cheart ach an t-iarratasóir a údarú chun IHAT a chur ar an margadh laistigh den Aontas ar feadh tréimhse 5 bliana ó theacht i bhfeidhm an Rialacháin seo.

(16)

Mar sin féin, maidir le húdarú IHAT agus an tagairt do na sonraí eolaíocha atá i gcomhad an iarratasóra a shrianadh d’úsáid an iarratasóra amháin, ní chuirfidh an srianadh sin cosc ar iarratasóirí eile ina dhiaidh sin cur isteach ar údarú chun an bia núíosach céanna a chur ar an margadh ar choinníoll gur ar fhaisnéis a fuarthas go dlíthiúil agus atá ina taca leis an údarú sin atá a n-iarratas bunaithe.

(17)

Is nana-ábhar monaraithe é IHAT mar a shainmhínítear in Airteagal 3(2)(f) de Rialachán (AE) 2015/2283. Is iomchuí, dá bhrí sin, an bia núíosach a léiriú go soiléir i liosta comhábhar na n-earraí bia ina bhfuil sé agus an focal “nana” idir lúibíní ina dhiaidh sin, i gcomhréir le hAirteagal 18 de Rialachán (AE) Uimh. 1169/2011 ó Pharlaimint na hEorpa agus ón gComhairle (9).

(18)

Ba cheart IHAT a áireamh ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(19)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú agus a athnuachan.

(2)

Le Rialachán Cur Chun Feidhme (AE) Uimh. 333/2012 ón gCoimisiún (2), údaraíodh défhormáit photaisiam ar feadh tréimhse 10 mbliana mar bhreiseán beathaithe le haghaidh gach speicis ainmhíoch.

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú défhormáite potaisiam mar bhreiseán beathaithe a athnuachan le haghaidh gach speicis ainmhíoch, ina n-iarrtar go n-aicmeofaí an breiseán i gcatagóir na mbreiseán ‘breiseáin theicneolaíocha’. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas sin. Ina dhiaidh sin rinne an t-iarratasóir an t-iarratas a tharraingt siar le haghaidh gach speicis ainmhíoch seachas bainbh scoite, muca lena ramhrú agus cránacha.

(4)

Chinn an tÚdarás Eorpach um Shábháilteacht Bia (‘an tÚdarás’) ina thuairim an 27 Eanáir 2022 (3) gur chuir an t-iarratasóir fianaise ar fáil go gcomhlíonann an breiseán na coinníollacha maidir le húdarú. Ina theannta sin, chinn an tÚdarás nach bhfuil éifeachtaí díobhálacha ag défhormáit photaisiam ar shláinte ainmhithe, ar shábháilteacht an tomhaltóra ná ar an gcomhshaol. Chinn sé freisin gur greannaitheoir súl é an breiseán, ach nach bhféadfaí teacht ar aon chonclúid maidir leis an greannú craicinn ná leis an íogrú riospráide nó craicinn a d’fhéadfadh an breiseán a dhéanamh. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe agus é i mbeatha, tuarascáil arna cur isteach ag an Saotharlann Tagartha a bunaíodh le Rialachán (CE) Uimh. 1831/2003.

(5)

Léiríonn an measúnú ar dhéfhormáit photaisiam go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan.

(6)

Mar thoradh ar údarú défhormáite potaisiam mar bhreiseán beathaithe a athnuachan, ba cheart Rialachán Cur Chun Feidhme (AE) Uimh. 333/2012 a aisghairm.

(7)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is éard a fhoráiltear le Rialachán (CE) Uimh. 1831/2003 údarú breiseán lena n-úsáid i gcothú ainmhithe agus an foras agus na nósanna imeachta chun an t-údarú sin a dheonú nó a dhiúltú. Le hAirteagal 10 den Rialachán sin foráiltear d’athmheastóireacht a dhéanamh ar bhreiseáin a údaraíodh de bhun Threoir 70/524/CEE ón gComhairle (2).

(2)

Le Treoir 70/524/CEE údaraíodh eatocsacuin, gan teorainn ama, mar bhreiseán beathaithe lena húsáid le haghaidh gach speicis ainmhíoch. Ina dhiaidh sin cuireadh an breiseán i gClár na mbreiseán beathaithe mar tháirge a bhí ann cheana, i gcomhréir le hAirteagal 10(1) de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas chun athmheastóireacht a dhéanamh ar eatocsacuin mar bhreiseán beathaithe le haghaidh gach speicis ainmhíoch, ar iarratas é ina n-iarradh go n-aicmeofaí an breiseán sa chatagóir breiseán “breiseáin teicneolaíocha”. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(4)

Thug an tÚdarás Eorpach um Shábháilteacht Bia (“an tÚdarás”) dá aire sa tuairim uaidh an 21 Deireadh Fómhair 2015 (3) nach raibh sé in ann teacht ar chonclúid maidir le héifeachtúlacht agus sábháilteacht an bhreiseáin bia eatocsacuin i leith ainmhithe, tomhaltóirí ná an comhshaoil, mar gheall ar easpa sonraí ar an iomlán a bheith curtha isteach ag an iarratasóir. Go háirithe, níorbh fhéidir teacht ar an gconclúid nach raibh ann do ghéineatocsaineacht i leith na meitibilíte eatocsacuin cuineon imín, agus cuireadh ábhair imní in iúl maidir le só-ghineacht an eisíontais p-feineitidín. Dá thoradh sin, níor suíodh nach bhfuil éifeacht dhíobhálach ag an mbreiseán eatocsacuin ar shláinte ainmhithe, ar shláinte an duine ná ar an gcomhshaol. Dá bhrí sin, cuireadh an t-údarú atá ann cheana maidir leis an mbreiseán eatocsacuin ar fionraí le Rialachán Cur Chun Feidhme (AE) 2017/962 ón gCoimisiún (4).

(5)

Cuireadh údarú an bhreiseáin eatocsacuin ar fionraí go dtí go gcuirfeadh an t-iarratasóir sonraí forlíontacha isteach agus go ndéanfaí measúnú orthu, i gcomhréir le sceideal ama ina liostaítear na staidéir riachtanacha. De réir an sceidil ama sin, bhí toradh na staidéar deiridh de na staidéir sin le bheith ar fáil faoi mhí Iúil 2018.

(6)

I gcomhréir le Rialachán Cur Chun Feidhme (AE) 2017/962, athbhreithneofar an beart fionraíochta faoin 31 Nollaig 2022 agus in aon chás tar éis don Údarás tuairim neamhfhabhrach a ghlacadh maidir le sábháilteacht agus éifeachtúlacht an bhreiseáin eatocsacuin.

(7)

Ó glacadh an tuairim ón Údarás an 21 Deireadh Fómhair 2015, chuir an t-iarratasóir pacáistí de shonraí forlíontacha faoi bhráid an Choimisiúin i ndiaidh a chéile an 11 Márta 2016, an 15 Nollaig 2017, an 20 Aibreán 2018 agus an 23 Meitheamh 2021, pacáistí a cuireadh ar aghaidh chuig an Údarás. Chuir an t-iarratasóir tuilleadh sonraí forlíontacha faoi bhráid an Údaráis le linn an mheasúnaithe sonraí, agus an 24 Meán Fómhair 2020 chomh maith.

(8)

An 27 Eanáir 2022, ghlac an tÚdarás tuairim (5) tar éis measúnú a dhéanamh ar na sonraí forlíontacha a chuir an t-iarratasóir isteach, agus é ag cur san áireamh go háirithe sonraíochtaí modhnaithe an bhreiseáin eatocsacuin, inar laghdaíodh cion an eisíontais p-feineitidín go leibhéal is ísle ná 2,5 ppm, agus i bhfianaise an leibhéil 50 mg den bhreiseán in aghaidh an kg a beartaíodh a chur i mbeatha iomlán. Sa tuairim uaidh, ní raibh an tÚdarás in ann teacht ar chonclúid maidir le sábháilteacht an bhreiseáin eatocsacuin ar aon leibhéal le haghaidh ainmhithe fadré agus atáirgthe, ós rud é go bhfuil p-feineitidín sa bhreiseán, substaint atá aitheanta mar só-ghineach féideartha agus a fhanann ina eisíontas sa bhreiseán, ach nár chuir an t-iarratasóir faisnéis bhreise ar fáil ina leith maidir leis an gcúis imní sábháilteachta sin. Maidir le sábháilteacht úsáid eatocsacuin do thomhaltóirí, níorbh fhéidir teacht ar aon chonclúid de dheasca p-feineitidín a bheith ann agus in éagmais sonraí maidir le hiarmhair p-feineitidíne i bhfíocháin agus i dtáirgí de bhunadh ainmhíoch. Ina theannta sin, in éagmais sonraí faoi iarmhair i mbainne, ní raibh an tÚdarás in ann teacht ar chonclúid maidir le sábháilteacht eatocsacuine do thomhaltóirí, nuair a úsáidtear é i mbeatha le haghaidh ainmhithe táirgthe bainne. Maidir le sábháilteacht an úsáideora, tháinig an tÚdarás ar an gconclúid gur cheart nochtadh úsáideoirí a íoslaghdú chun an riosca go dtarlódh nochtadh do p-feineitidín trí ionanálú a laghdú. Maidir le sábháilteacht an chomhshaoil, dúirt an tÚdarás go mbeadh gá le sonraí forlíontacha chun teacht ar chonclúid maidir le sábháilteacht eatocsacuine don urrann talún nuair a thugtar mar bheatha d’ainmhithe talún í. Ina theannta sin, mheas an tÚdarás nárbh fhéidir riosca don urrann uisceach a chur as an áireamh nuair a úsáidtear an breiseán in ainmhithe talún agus nach bhféadfaí riosca nimhithe thánaistigh tríd an mbiashlabhra uisceach a chur as an áireamh ach oiread. Thairis sin, tháinig an tÚdarás ar an gconclúid nach bhféadfaí riosca a chur as an áireamh i gcás eatocsacuin a úsáidtear i gcaighin mhara le haghaidh orgánaigh a chónaíonn ar dhríodair mhuirí.

(9)

Dá bhrí sin, léirítear leis an tuairim ón Údarás an 27 Eanáir 2022 nár suíodh nach bhfuil éifeacht dhíobhálach ag eatocsacuin ar shláinte ainmhithe, ar shláinte an duine ná ar an gcomhshaol nuair a úsáidtear í mar bhreiseán beatha san fheidhmghrúpa “frithocsaídeoirí”.

(10)

Mar sin léirítear leis an measúnú ar eatocsacuin nach gcomhlíontar na coinníollacha údaraithe, dá bhforáiltear in Airteagal 5 de Rialachán (CE) Uimh. 1831/2003, agus dá réir sin ba cheart údarú eatocsacuine mar bhreiseán beathaithe a bhaineann leis an bhfeidhmghrúpa “frithocsaídeoirí” a dhiúltú.

(11)

Eascraíonn sé ón athbhreithniú thuas gur cheart Rialachán Cur Chun Feidhme (AE) 2017/962 a aisghairm.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is éard a fhoráiltear le Rialachán (CE) Uimh. 999/2001 go bhfuil na Ballstáit nó tríú tíortha nó réigiúin díobh (tíortha nó réigiúin) le haicmiú de réir a stádais einceifileapaite spúinsí bólachta (ESB) i gceann de thrí chatagóir: riosca diomaibhseach ESB, riosca rialaithe ESB agus riosca neamhchinntithe ESB.

(2)

Foráiltear le hAirteagal 5(2) de Rialachán (CE) Uimh. 999/2001 go bhféadfar athmheasúnú a dhéanamh ar an aicmiú ESB ar leibhéal an Aontais más rud é gur chuir an Eagraíocht Dhomhanda um Shláinte Ainmhithe (OIE) Stát iarrthach i gceann de na trí chatagóir ESB.

(3)

I gCinneadh 2007/453/CE ón gCoimisiún (2), liostaítear stádas ESB na dtíortha nó na réigiún de réir a riosca ESB i gCodanna A, B nó C den Iarscríbhinn a ghabhann leis an ngníomh sin. Meastar go mbaineann riosca diomaibhseach ESB leis na tíortha nó na réigiúin a liostaítear i gCuid A den Iarscríbhinn sin, meastar go mbaineann riosca rialaithe ESB leo siúd a liostaítear i gCuid B, agus foráiltear le Cuid C den Iarscríbhinn sin go measfar gur riosca neamhchinntithe ESB a bhaineann leis na tíortha nó na réigiúin nach liostaítear i gCodanna A nó B.

(4)

Faoi láthair is laistigh de Chuid B den Iarscríbhinn a ghabhann le Cinneadh 2007/453/CE a thagann an Fhrainc, faoi thíortha nó réigiúin lena mbaineann riosca rialaithe ESB.

(5)

An 24 Bealtaine 2022, ghlac Comhthionól Domhanda Thoscaireachtaí OIE Rún Uimh. 15, dar teideal ‘Recognition of the Bovine Spongiform Encephalopathy Risk Status of Members’ [Aitheantas do Stádas Riosca na mBall maidir le hEinceifileapaite Spúinseach Bhólachta] (3), i bhfianaise a theacht i bhfeidhm an 27 Bealtaine 2022. Sa Rún sin, is éard a glacadh leis gur riosca diomaibhseach ESB atá sa Fhrainc, i gcomhréir le Cód um Shláinte na nAinmhithe Talún OIE. Tar éis athmheasúnú an scéil ar leibhéal an Aontais, agus i ngeall ar Rún Uimh. 15 ó OIE, mheas an Coimisiún gur cheart stádas ESB OIE nua na Fraince a léiriú san Iarscríbhinn a ghabhann le Cinneadh 2007/453/CE.

(6)

Dá bhrí sin, ba cheart liosta na dtíortha nó na réigiún san Iarscríbhinn a ghabhann le Cinneadh 2007/453/CE a leasú ionas gur i gCuid A den Iarscríbhinn sin a liostófar an Fhrainc, is é sin faoi thíortha nó réigiúin a mbaineann riosca diomaibhseach ESB leo.

(7)

Dá bhrí sin, ba cheart an Iarscríbhinn a ghabhann le Cinneadh 2007/453/CE a leasú dá réir.

(8)

Tá na bearta dá bhforáiltear sa Chinneadh seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Is le Treoirlíne 2008/596/CE ón mBanc Ceannais Eorpach (BCE/2008/5) (1) a rialaítear bainistiú shócmhainní cúlchistí eachtracha an Bhainc Ceannais Eorpaigh (BCE) ag bainc cheannais náisiúnta na mBallstát a bhfuil an euro mar airgeadra acu, chomh maith leis na doiciméid dlí le haghaidh oibríochtaí a bhaineann le sócmhainní den sórt sin. Mar thoradh ar an athbhreithniú rialta ar an Treoirlíne sin, tá gá le roinnt leasuithe uirthi.

(2)

Ar an gcéad dul síos, i gcás nach gcomhlíonfaidh contrapháirtithe na dlíthe is infheidhme maidir le sciúradh airgid agus/nó maoiniú sceimhlitheoireachta a chosc, agus/nó i gcás ina bhfuil baint acu le sciúradh airgid agus/nó maoiniú na sceimhlitheoireachta, ba cheart é a bheith i gcumas BCE máistir-chomhaontuithe glanluachála a rinne sé le contrapháirtithe den sórt sin ón 1 Lúnasa 2022 amach nó a rinne BCE roimh an dáta sin agus a leasaíodh ina dhiaidh a fhoirceannadh. Léireofaí sa mhéid sin cleachtas reatha BCE maidir leis na máistir-chomhaontuithe eile a mbaineann BCE feidhm astu. Ar an dara dul síos, ba cheart é a bheith d’oibleagáid ar chontrapháirtithe in idirbhearta a bhaineann le sócmhainní cúlchistí eachtracha BCE cloí ar bhonn leanúnach le haon smachtbhannaí is infheidhme a fhorchuirtear ar leibhéal an Aontais Eorpaigh agus/nó ar leibhéal na Náisiún Aontaithe, nó a fhorchuireann aon údarás inniúil eile.

(3)

Ina theannta sin, is gá roinnt coigeartuithe eile de chineál oibríochtúil nó teicniúil a dhéanamh.

(4)

Dá bhrí sin, ba cheart Treoirlíne 2008/596/CE a leasú dá réir,

1.

in Airteagal 1, cuirtear an méid seo a leanas in ionad an dara fleasc:

“ciallaíonn ‘dlínsí Eorpacha’ dlínsí na mBallstát uile a bhfuil an euro glactha acu i gcomhréir leis an gConradh, maille leis an Danmhairg, an tSualainn, an Eilvéis, agus Sasana agus an Bhreatain Bheag.”;

2.

in Airteagal 3, cuirtear an méid seo a leanas in ionad mhír 2:

3.

in Airteagal 3, cuirtear an méid seo a leanas in ionad mhír 3:

4.

in Airteagal 3, cuirtear an méid seo a leanas in ionad mhír 5:

5.

in Airteagal 3, cuirtear an méid seo a leanas in ionad mhír 6:

6.

in Airteagal 3, mír 7, cuirtear an méid seo a leanas in ionad an abairtín tosaigh:

7.

in Airteagal 3, cuirtear isteach an mhír seo 9 a leanas: