(1)

De dheasca na géarchéime atá ann faoi láthair ag eascairt as ionradh na Rúise ar an Úcráin an 24 Feabhra 2022, géarchéim a thosaigh go gairid tar éis ghéarchéim COVID-19, tá deacrachtaí eisceachtúla le sárú ag feirmeoirí i ngach Ballstát. De dheasca fadhbanna lóistíochta, tá feirmeoirí san Aontas leochaileach do shuaitheadh eacnamaíoch na slabhraí soláthair ag eascairt as an ngéarchéim sin, agus tá aghaidh á tabhairt acu faoi láthair ar dheacrachtaí airgeadais agus fadhbanna sreafa airgead. I bhfianaise na suaití atá ann faoi láthair sa mhargadh agus an meascán imthosca nach bhfacthas a leithéid riamh, bhí deacrachtaí eisceachtúla ag feirmeoirí i ngach Ballstát maidir le pleanáil, cur chun feidhme agus cur i gcrích scéimeanna cúnaimh a leagtar síos i Rialachán (AE) Uimh. 1308/2013. Is gá na deacrachtaí sin a laghdú, dá bhrí sin, trí mhaolú ó fhorálacha áirithe de Rialachán (AE) Uimh. 1308/2013.

(2)

Féadfaidh eagraíochtaí táirgeoirí aitheanta agus comhlachais eagraíochtaí táirgeoirí aitheanta, mar chuid dá gcláir oibriúcháin fhormheasta, bearta coiscthe géarchéime agus bearta bainistithe géarchéime a chur chun feidhme, dá bhforáiltear in Airteagal 33(3), an chéad fhomhír, den Rialachán sin, atá beartaithe a n-athléimneacht a mhéadú in éadan suaití sa mhargadh. Mar sin féin, de bhun Airteagal 33(3), an ceathrú fomhír, den Rialachán sin, ní chuimseoidh na bearta coiscthe géarchéime agus na bearta bainistithe géarchéime sin níos mó ná aon trian den chaiteachas faoin gclár oibriúcháin. Chun solúbthacht níos fearr a sholáthar do na heagraíochtaí táirgeoirí agus do na comhlachais eagraíochtaí táirgeoirí sin agus chun a chumasú dóibh na hacmhainní atá ar fáil dóibh faoina gcláir oibriúcháin a threorú chun aghaidh a thabhairt ar na suaití sa mhargadh, níor cheart feidhm a bheith ag an riail sin sa bhliain 2022.

(3)

Tá gá le bearta sonracha chun a chumasú d’eagraíochtaí táirgeoirí aitheanta agus do chomhlachais eagraíochtaí táirgeoirí a gcistí oibríochtúla a bhainistiú trí chead a thabhairt dóibh cistí, lena n-áirítear cúnamh airgeadais ón Aontas laistigh den chiste oibríochtúil, a atreorú ar na gníomhaíochtaí agus ar na bearta is gá chun aghaidh a thabhairt ar iarmhairtí ionradh na Rúise ar an Úcráin. Chun a áirithiú go mbeidh eagraíochtaí táirgeoirí aitheanta agus comhlachais eagraíochtaí táirgeoirí aitheanta in ann déanamh amhlaidh, is gá an teorainn ar chúnamh airgeadais ón Aontas a leagtar síos in Airteagal 34(1) de Rialachán (AE) Uimh. 1308/2013 sa bhliain 2022 a mhéadú ó 50 % go 70 % den chaiteachas iarbhír arna thabhú.

(4)

Ar mhórchúiseanna práinne, go háirithe i bhfianaise na suaití leanúnacha sa mhargadh, na hiarmhairtí tromchúiseacha atá acu ar earnáil na dtorthaí agus na nglasraí agus an dóchúlacht go leanfaidh siad ar aghaidh agus go rachaidh siad in olcas, is gá gníomhú láithreach agus bearta a ghlacadh go práinneach chun a n-éifeachtaí diúltacha a mhaolú. Dá gcuirfí moill ar ghníomhaíocht láithreach chun aghaidh a thabhairt ar na suaití sa mhargadh sin, bheadh baol ann go gcuirfí leis na suaití sin, rud a dhéanfadh dochar do na dálaí táirgthe agus margaidh in earnáil na dtorthaí agus na nglasraí.

(5)

I bhfianaise an ghá atá ann gníomhú láithreach, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh,

(1)

An 19 Eanáir 2017, chuir Ecolab Deutschland GmbH iarratas isteach i gcomhréir le hAirteagal 43(1) de Rialachán (AE) Uimh. 528/2012 maidir le táirge bithicídeach aonair ar a dtugtar “Bioquell HPV-AQ” de chineálacha táirgí 2, 3, agus 4, mar a thuairiscítear in Iarscríbhinn V a ghabhann leis an Rialachán sin, agus sholáthair sé daingniú i scríbhinn gur chomhaontaigh údarás inniúil na hÍsiltíre meastóireacht a dhéanamh ar an iarratas. Taifeadadh an t-iarratas faoi chás-uimhir BC-ML029042-45 sa Chlár do Tháirgí Bithicídeacha.

(2)

Is í sárocsaíd hidrigine substaint ghníomhach “Bioquell HPV-AQ”, ar substaint í a airítear sa liosta Aontais de shubstaintí gníomhacha formheasta dá dtagraítear in Airteagal 9(2) de Rialachán (AE) Uimh. 528/2012 i gcás chineálacha táirgí 2, 3 agus 4.

(3)

An 29 Márta 2021, chuir an t-údarás inniúil, i gcomhréir le hAirteagal 44(1) de Rialachán (AE) Uimh. 528/2012, tuarascáil mheasúnaithe agus conclúidí a mheastóireachta chuig an nGníomhaireacht Eorpach Ceimiceán (“an Ghníomhaireacht”).

(4)

An 4 Samhain 2021, chuir an Ghníomhaireacht tuairim (2), an dréacht-achoimre ar shaintréithe an táirge bhithicídigh (“SPC”) atá ag “Bioquell HPV-AQ” agus an tuarascáil mheasúnaithe deiridh ar an táirge bithicídeach aonair faoi bhráid an Choimisiúin i gcomhréir le hAirteagal 44(3) de Rialachán (AE) Uimh. 528/2012.

(5)

Is é conclúid na tuairime go bhfuil an táirge bithicídeach “Bioquell HPV-AQ” incháilithe d’údarú Aontais i gcomhréir le hAirteagal 42(1) den Rialachán sin agus, faoi réir chomhlíonadh an dréacht-SPC, go gcomhlíonann sé na coinníollacha a leagtar síos in Airteagal 19(1) den Rialachán sin.

(6)

An 25 Samhain 2021, rinne an Ghníomhaireacht an dréacht-SPC i dteangacha oifigiúla uile an Aontais a tharchur chuig an gCoimisiún i gcomhréir le hAirteagal 44(4) de Rialachán (AE) Uimh. 528/2012.

(7)

Aontaíonn an Coimisiún le tuairim na Gníomhaireachta agus measann sé gurb iomchuí, dá bhrí sin, údarú Aontais le haghaidh “Bioquell HPV-AQ” a dheonú.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha,

(1)

Le hAirteagal 4(2) de Rialachán Cur Chun Feidhme (AE) Uimh. 808/2014 ón gCoimisiún (3), leagtar síos an líon uasta leasuithe ar chláir forbartha tuaithe a fhéadfaidh na Ballstáit a chur faoi bhráid an Choimisiúin. Chun an tsolúbthacht a mhéadú le haghaidh na mBallstát chun cláir forbartha tuaithe a úsáid mar fhreagairt ar thionchar ionradh na Rúise ar an Úcráin, níor cheart feidhm a bheith ag an líon uasta leasuithe dá dtagraítear san Airteagal sin maidir le tograí chun cláir forbartha tuaithe a rinneadh mar fhreagairt ar iarmhairtí ionradh na Rúise ar an Úcráin ina n-áirítear leasuithe nach mbaineann leis an teagmhas sin freisin, ar choinníoll go gcuirfear na tograí sin faoi bhráid an Choimisiúin faoin 30 Meitheamh 2023.

(2)

Agus tacaíocht CETFT á húsáid le haghaidh oibríochtaí lena maolaítear tionchar ionradh na Rúise ar an Úcráin agus le haghaidh gníomhaíochtaí téarnaimh, d’fhéadfadh sé nach mbainfí cuspóirí agus spriocanna eile de chuid cláir forbartha tuaithe amach mar a bhí beartaithe. Ba cheart faireachán a dhéanamh ar thacaíocht den sórt sin ar leibhéal an Aontais, dá bhrí sin, chun a bheith in ann úsáid chistiú CETFT chun na gcríoch sin a mhíniú agus bonn cirt a thabhairt ina leith.

(3)

Le Rialachán Cur Chun Feidhme (AE) Uimh. 808/2014, leagtar síos rialacha maidir le cur i bhfeidhm Rialachán (AE) Uimh. 1305/2013. Le Rialachán (AE) 2022/1033 ó Pharlaimint na hEorpa agus ón gComhairle (4), leasaíodh Rialachán (AE) Uimh. 1305/2013 trí bheart shonrach a thabhairt isteach chun tacaíocht eisceachtúil shealadach a chur ar fáil faoi CETFT mar fhreagairt ar thionchar ionradh na Rúise ar an Úcráin in Airteagal 39c nua. Ba cheart na rialacha maidir le cur chun feidhme Rialachán (AE) Uimh. 1305/2013 a leasú, dá bhrí sin, chun foráil a dhéanamh maidir le cód tomhais agus leis an táscaire aschuir iomchuí le haghaidh an bhirt nua.

(4)

Maidir le Rialachán Cur Chun Feidhme (AE) Uimh. 809/2014 ón gCoimisiún (5) lena leagtar síos rialacha maidir le cur i bhfeidhm Rialachán (AE) Uimh. 1306/2013 maidir leis an gcóras comhtháite riaracháin agus rialaithe, le bearta forbartha tuaithe agus le traschomhlíonadh, ba cheart é a leasú freisin chun an beart nua a áireamh maidir le tacaíocht eisceachtúil shealadach mar fhreagairt ar thionchar ionradh na Rúise ar an Úcráin faoi fhorálacha ábhartha Theideal IV a bhfuil feidhm acu maidir leis na bearta forbartha tuaithe nach mbaineann le limistéar agus nach mbaineann le hainmhithe.

(5)

Dá bhrí sin, ba cheart Rialacháin Cur Chun Feidhme (AE) Uimh. 808/2014 agus (AE) Uimh. 809/2014 a leasú dá réir.

(6)

I bhfianaise na práinne a bhaineann le tionchar ionradh na Rúise ar an Úcráin, ba cheart don Rialachán seo a theacht i bhfeidhm lá a fhoilsithe in Iris Oifigiúil an Aontais Eorpaigh.

(7)

Tá na bearta dá bhforáiltear sa Rialachán seo i gcomhréir leis an tuairim ón gCoiste Forbartha Tuaithe,

(1)

De dheasca na géarchéime atá ann faoi láthair ag eascairt as ionradh na Rúise ar an Úcráin an 24 Feabhra 2022, a thosaigh go gairid tar éis ghéarchéim COVID-19, tá aghaidh á tabhairt ag feirmeoirí i ngach Ballstát ar dheacrachtaí eisceachtúla. De dheasca fadhbanna lóistíochta, tá feirmeoirí san Aontas leochaileach don suaitheadh eacnamaíoch a d’eascair as an ngéarchéim sin, agus tá aghaidh á tabhairt acu ar dheacrachtaí airgeadais agus deacrachtaí sreafa airgid faoi láthair. I bhfianaise na suaití leanúnacha sa mhargadh atá ann faoi láthair agus an meascán imthosca nach bhfacthas a leithéid cheana, tá deacrachtaí eisceachtúla ag feirmeoirí i ngach Ballstát maidir le pleanáil, cur chun feidhme agus cur i gcrích scéimeanna cúnaimh a leagtar síos i Rialachán (AE) Uimh. 1308/2013. Is gá, dá bhrí sin, na deacrachtaí sin a laghdú trí mhaolú ar fhorálacha áirithe de Rialachán Cur Chun Feidhme (AE) 2017/892 ón gCoimisiún (2).

(2)

De bhun Airteagal 9(1) de Rialachán Cur Chun Feidhme (AE) 2017/892, tá eagraíochtaí táirgeoirí le hiarratas ar chabhair, nó iarmhéid an iarratais sin, a chur isteach chuig údarás inniúil an Bhallstáit le haghaidh gach cláir oibriúcháin a n-iarrtar an chabhair ina leith faoin 15 Feabhra an bhliain tar éis na bliana a n-iarrtar an chabhair ina leith. De bhun Airteagal 9(3), an chéad fhomhír, den Rialachán Cur Chun Feidhme sin, féadfaidh na hiarratais ar chabhair caiteachas a chumhdach a chláraítear ach nach dtabhaítear má chruthaítear gnéithe áirithe. Áirítear ar na gnéithe sin nach bhféadfaí na hoibríochtaí lena mbaineann a dhéanamh faoin 31 Nollaig bliain chur chun feidhme an chláir oibriúcháin, ar chúiseanna nach raibh neart ag an eagraíocht táirgeoirí lena mbaineann orthu agus go bhféadfaí na hoibríochtaí sin a dhéanamh faoin 30 Aibreán an bhliain tar éis na bliana a bhfuil an chabhair á hiarraidh ina leith. I bhfianaise ionradh na Rúise ar an Úcráin, is iomchuí maolú ar Airteagal 9(3), an chéad fhomhír, pointe (b), den Rialachán Cur Chun Feidhme sin agus foráil a dhéanamh go bhféadfar leis na hiarratais ar chabhair atá le cur isteach faoin 15 Feabhra 2023 caiteachas a chumhdach le haghaidh oibríochtaí a chláraítear le haghaidh na bliana 2022 ach nach ndéanfar faoin 31 Nollaig 2022, más féidir na hoibríochtaí sin a dhéanamh faoin 15 Lúnasa 2023.

(3)

De bhun Airteagal 11(1), an chéad fhomhír, de Rialachán Cur Chun Feidhme (AE) 2017/892, féadfar iarratais ar réamhíocaíochtaí a chur isteach mar a chinnfidh an Ballstát, ar bhonn 3 mhí i mí Eanáir, mí Aibreáin, mí Iúil agus mí Dheireadh Fómhair nó ar bhonn 4 mhí i mí Eanáir, mí na Bealtaine agus mí Mheán Fómhair. De bhun Airteagal 12(2) den Rialachán Cur Chun Feidhme sin, féadfar iarratais ar íocaíochtaí páirteacha a chur isteach tráth ar bith, ach ní fhéadfar iad a chur isteach níos mó ná 3 huaire in aghaidh na bliana. Chun solúbthacht a cheadú maidir le bainistíocht clár oibriúcháin ag eagraíochtaí táirgeoirí aitheanta, lena n-áirítear a maoiniú, is iomchuí maolú ar na forálacha sin agus foráil a dhéanamh go bhféadfar iarratais ar réamhíocaíochtaí a chur isteach tráth ar bith sa bhliain 2022 agus go bhféadfar iarratais ar íocaíochtaí páirteacha a chur isteach níos mó ná 3 huaire sa bhliain 2022.

(4)

I bhfianaise an ghá atá ann gníomhú láithreach, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh. Ós rud é go gcuirtear na cláir oibriúcháin chun feidhme ar bhonn bliain féilire, ba cheart feidhm chúlghabhálach ón 1 Eanáir 2022 a bheith ag na maoluithe a bhaineann le hiarratais ar réamhíocaíochtaí agus ar íocaíochtaí páirteacha dá bhforáiltear sa Rialachán seo.

(5)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

Foráiltear le Rialachán (CE) Uimh. 66/2010 go bhféadfaí Éicilipéad an AE a dhámhachtain ar tháirgí ar lú a dtionchar ar an gcomhshaol le linn a saolré. Tá critéir shonracha Éicilipéad an AE le bunú do gach grúpa táirgí.

(2)

Is le Cinneadh 2014/312/AE (2) a bhunaigh an Coimisiún critéir Éicilipéad an AE don ghrúpa táirgí “péinteanna laistigh agus lasmuigh agus do vearnaisí”. Tá tréimhse bhailíochta na gcritéar sin agus na ceanglais ghaolmhara maidir le measúnú agus fíorú le dul in éag an 31 Nollaig 2022.

(3)

Le Cinneadh 2014/391/AE (3) bhunaigh an Coimisiún Éicilipéad an AE do ghrúpa táirgí “tochta leaba”. Tá tréimhse bhailíochta na gcritéar seo agus na gceanglas maidir le measúnú agus fíorú le dul in éag an 28 Iúil 2022.

(4)

Le Cinneadh 2014/763/AE (4) bhunaigh an Coimisiún Éicilipéad an AE do ghrúpa táirgí “táirgí sláinteachais ionsúiteacha”. Tá tréimhse bhailíochta na gcritéar sin agus na ceanglais ghaolmhara maidir le measúnú agus fíorú le dul in éag an 31 Nollaig 2022.

(5)

Le Cinneadh (AE) 2016/1332 (5), bhunaigh an Coimisiún critéir Éicilipéad an AE maidir leis an ngrúpa táirgí “troscán”. Tá tréimhse bhailíochta na gcritéar seo agus na gceanglas maidir le measúnú agus fíorú le dul in éag an 28 Iúil 2022.

(6)

Le Cinneadh (AE) 2017/176 (6) bhunaigh an Coimisiún critéir Éicilipéad an AE maidir leis an ngrúpa táirgí “clúdaigh urláir de bhunús adhmaid, bhunús coirc agus de bhunús bambú”. Tá tréimhse bhailíochta na gcritéar seo agus na gceanglas maidir le measúnú agus fíorú le dul in éag an 26 Eanáir 2023.

(7)

I gcomhréir leis na conclúidí ar thángthas orthu sa tseiceáil oiriúnachta ar Éicilipéad an AE an 30 Meitheamh 2017 (7), rinne an Coimisiún, mar aon le Bord AE um Éicilipéadú, measúnú agus dearbhú ar ábharthacht na ngrúpaí táirgí thuasluaite do scéim Éicilipéad an AE.

(8)

Ina theannta sin, i gcomhréir leis na conclúidí ar thángthas orthu sa tseiceáil oiriúnachta ar Éicilipéad an AE an 30 Meitheamh 2017, cuireann an Coimisiún, mar aon le Bord AE um Éicilipéadú, réitigh chun feidhme chun feabhas a chur ar shineirgí do gach grúpa táirgí agus ionas go méadófar ar úsáid Éicilipéad an AE, lena n-áirítear grúpaí táirgí gaolmhara a chuachadh le chéile i gcás inarb iomchuí, agus é á áirithiú, le linn an phróisis athbhreithnithe, go dtugtar aird iomchuí ar chomhleanúnachas idir beartais ábhartha agus reachtaíocht an Aontais agus an fhianaise eolaíoch.

(9)

Chun an t-aistriú chuig geilleagar níos ciorclaí a éascú a thuilleadh, tá an Coimisiún ag déanamh tástáil ar ionchorprú mhodh an Loirg Chomhshaoil Táirge (PEF) (8) in athbhreithniú ar chritéir Éicilipéad an AE maidir le táirgí sláinteachais ionsúiteacha agus maidir le péinteanna laistigh agus lasmuigh agus do vearnais i gcomhréir leis an bPlean Gníomhaíochta nua don Gheilleagar Ciorclach chun geilleagar an Aontais i gcomhair Eoraip níos glaine agus níos iomaíche (9). Dá bhrí sin, is iomchuí síneadh a chur le bailíocht chritéir Éicilipéad an AE a leagtar amach sna Cinntí 2014/312/AE agus 2014/763/AE ionas go mbeidh an Coimisiún in ann athbhreithniú a dhéanamh ar na critéir maidir le péinteanna laistigh agus lasmuigh agus vearnaisí a luaithe a bheidh an próiseas athbhreithnithe ar Rialacha Catagóire Maidir leis an Lorg Comhshaoil Táirge i dtaca le péinteanna maisiúla (10) curtha i gcrích ag an tionscal, agus chun an t-athbhreithniú leanúnach ar na critéir maidir le táirgí sláinteachais ionsúiteacha a chur i gcrích, próiseas atá ag glacadh níos mó ama ná mar a bhí beartaithe, trí na torthaí ó na staidéir maidir lorg comhshaoil táirge a chomhtháthú.

(10)

Ar an gcúis chéanna, tá athbhreithniú le déanamh ar Éicilipéad an AE do thochta leaba, do throscán agus do chlúdaigh urláir de bhunús adhmaid, de bhunús coirc agus de bhunús bambú, i gcomhréir leis an bPlean Gníomhaíochta nua don Gheilleagar Ciorclach i gcomhair Eoraip níos glaine agus níos iomaíche agus le tionscnaimh reachtacha ghaolmhara a bheidh ann amach anseo. Dá bhrí sin, is iomchuí síneadh a chur le bailíocht chritéir Éicilipéad an AE a leagtar amach sna Cinntí 2014/391/AE, 2016/1332 (AE) agus 2017/176 (AE) go dtí an dáta deiridh céanna ionas go mbeidh an Coimisiún in ann athbhreithniú a dhéanamh ar na critéir do na trí ghrúpa táirgí le chéile, i gcomhréir le tionscnaimh reachtacha a bheidh ann amach anseo, agus iad a chuachadh le chéile más féidir.

(11)

Ionas go mbeidh go leor ama ann chun na próisis athbhreithnithe maidir leis na grúpaí táirgí ar fad a chur i gcrích, agus chun leanúnachas an mhargaidh do cheadúnaithe a áirithiú, ba ceart tréimhse bhailíochta na gcritéar atá ann faoi láthair agus na gceanglas maidir le measúnú agus fíorú a fhadú go dtí an 31 Nollaig 2025 i dtaca le péinteanna laistigh agus lasmuigh agus vearnaisí, go dtí 31 Nollaig 2026 maidir le tochta leaba, go dtí an 31 Nollaig 2023 maidir le táirgí sláinteachais ionsúiteacha agus go dtí an 31 Nollaig 2026 maidir le troscán agus clúdaigh urláir de bhunús adhmaid, de bhunús coirc agus de bhunús bambú.

(12)

Ba cheart, dá bhrí sin, Cinntí 2014/312/AE, 2014/391/AE, 2014/763/AE, (AE) 2016/1332 agus (AE) 2017/176 a leasú dá réir.

(13)

Tá na bearta dá bhforáiltear sa Chinneadh seo i gcomhréir leis an tuairim ón gCoiste arna bunú le hAirteagal 16 de Rialachán (CE) Uimh. 66/2010,