(1)

Chun soláthar leordhóthanach gan bhriseadh a áirithiú i gcás táirgí áirithe talmhaíochta agus tionsclaíocha nach dtáirgtear cainníocht leordhóthanach díobh san Aontas agus, dá bhrí sin, chun aon suaitheadh sa mhargadh le haghaidh na dtáirgí sin a sheachaint, osclaíodh taraif-chuótaí uathrialaitheacha an Aontais (“cuotaí”) le Rialachán (AE) 2021/2283 ón gComhairle (1). Laistigh de na cuótaí sin, is féidir táirgí a allmhairiú isteach san Aontas ag rátaí laghdaithe dleachta nó ag rátaí nialasacha dleachta.

(2)

Ós rud é gur chun leas an Aontais é soláthar leordhóthanach táirgí tionsclaíocha áirithe a áirithiú agus ag féachaint don fhíoras nach ndéantar cainníochtaí leordhóthanacha táirgí comhionanna, coibhéiseacha ná ionadacha a tháirgeadh laistigh den Aontas, is gá cuótaí nua a oscailt agus rátaí nialasacha dleachta a bheith ag na sraithuimhreacha 09.2819, 09.2839, 09.2855, 09.2857 agus 09.2702 le haghaidh cainníochtaí iomchuí de na táirgí sin.

(3)

Toisc nach leordhóthanach a thuilleadh raon feidhme na gcuótaí a bhfuil na sraithuimhreacha 09.2583 agus 09.2876 ag gabháil leo chun freastal ar riachtanais oibreoirí eacnamaíocha laistigh den Aontas, ba cheart tuairisc na dtáirgí a chumhdaítear leis na cuótaí sin a leasú. Ba cheart, dá bhrí sin, sonrú chód TARIC infheidhme na dtáirgí sin a leasú.

(4)

Ós rud é nach chun leas an Aontais a thuilleadh na cuótaí a bhfuil na sraithuimhreacha 09.2637, 09.2679 agus 09.2740 ag gabháil leis na cuótaí sin a choinneáil ar bun, ba cheart iad a dhúnadh le héifeacht ón 1 Iúil 2022.

(5)

Agus na leasuithe atá le déanamh á gcur san áireamh agus ar mhaithe leis an tsoiléireacht, ba cheart iarscríbhinn eile a chur in ionad na hIarscríbhinne a ghabhann le Rialachán (AE) 2021/2283.

(6)

Chun nach gcuirfear isteach ar chur i bhfeidhm scéim na gcuótaí, agus chun na treoirlínte sa teachtaireacht ón gCoimisiún an 13 Nollaig 2011 maidir le fionraíochtaí agus cuótaí taraifí uathrialaitheacha a chomhlíonadh, ba cheart na hathruithe dá bhforáiltear leis an Rialachán seo maidir leis na cuótaí le haghaidh na dtáirgí lena mbaineann a chur i bhfeidhm ón 1 Iúil 2022. Dá bhrí sin, ba cheart an Rialachán seo a theacht i bhfeidhm mar ábhar práinne,

(1)

Le Rialachán (AE) 2019/1009 leagtar síos rialacha maidir le táirgí leasacháin AE a chur ar fáil ar an margadh. Comhábhair de cheann amháin nó níos mó de na catagóirí a liostaítear in Iarscríbhinn II a ghabhann leis an Rialachán sin, bíonn siad i dtáirgí leasacháin AE. I gcomhréir le Catagóir Comhábhair (“CMC”) 11 den Iarscríbhinn sin, seachtháirgí de réir bhrí Threoir 2008/98/CE ó Pharlaimint na hEorpa agus ón gComhairle (2), maille le roinnt eisceachtaí, agus ar seachtháirgí iad atá le clárú i gcomhréir le Rialachán (CE) Uimh. 1907/2006 ó Pharlaimint na hEorpa agus ón gComhairle, is féidir na seachtháirgí sin a bheith i dtáirgí leasacháin AE (3).

(2)

Le hAirteagal 42(7) de Rialachán (AE) 2019/1009 ceanglaítear ar an gCoimisiún Cuid II, CMC 11, pointe 3,d’Iarscríbhinn II a fhorlíonadh trí chritéir a leagan síos maidir le héifeachtúlacht agus sábháilteacht agranamaíoch le haghaidh úsáid seachtháirgí de réir bhrí Threoir 2008/98/CE i dtáirgí leasacháin AE. Chuige sin, thug an Coimisiún sainordú don Airmheán Comhpháirteach Taighde (“JRC”) comhairle eolaíoch a thabhairt (4).

(3)

Comhdhéanann na seachtháirgí de réir bhrí Threoir 2008/98/CE catagóir an-ilchineálach de shubstaintí. Ní ionann cineál fisiceach ná ceimiceach do na substaintí sin, agus is le linn próisis táirgthe éagsúla a fhaightear iad. Chun críocha an Rialacháin seo, déantar na seachtháirgí a roinnt ina dhá gcatagóir, ag brath ar an gcineál éifeachtúlachta agranamaíche a bhaineann leo. Is leis na seachtháirgí a chuireann cothaithigh ar fáil do phlandaí nó do bheacáin nó a fheabhsaíonn éifeachtúlacht chothaitheach plandaí nó beacán a bhaineann an chéad chatagóir. Is leis na seachtháirgí a úsáidtear mar bhreiseáin theicniúla i dtiúchan níos lú a bhaineann an dara catagóir. Cé nach mbaineann siad go díreach leis an gcothú ná leis an éifeachtúlacht chothaitheach, is amhlaidh a fheabhsaíonn siad cáilíocht an táirge leasacháin nó an tsábháilteacht le linn a láimhseála.

(4)

I gcás na chéad chatagóire, tá seachtháirgí sainaitheanta ag JRC ar toradh iad ar phróisis táirgthe éagsúla agus a bhfuil salainn amóiniam, salainn sulfáite, salainn fosfáite, sulfar eiliminteach, carbónáit chailciam agus ocsaíd chailciam iontu. Chun a áirithiú go bhfuil luach agranamaíoch soiléir ag na seachtháirgí agus nach mbaineann éifeachtaí leo atá díobhálach do shláinte an duine nó don chomhshaol, ba cheart ceanglas dian a leagan síos maidir leis an íonacht.

(5)

I gcás an dara catagóir, mhol JRC go gceadófaí seachtháirgí a úsáid mar bhreiseáin theicniúla, amhail oibreáin chruaite, oibreáin nasctha nó stuála, nó oibreáin frithdheannaigh chun an chosaint ar shláinte na n-úsáideoirí a fheabhsú. Chun a áirithiú nach gcuirfidh úsáid seachtháirgí den sórt sin éifeachtúlacht agranamaíoch fhoriomlán an táirge leasúcháin AE i mbaol agus nach mbeidh aon éifeacht dhíobhálach ann ar shláinte an duine ná ar an gcomhshaol, ba cheart uastiúchan sa táirge leasacháin AE deiridh a leagan síos.

(6)

Ina theannta sin, rinne JRC measúnú ar na seachtháirgí is mó a úsáidtear de réir na gcleachtas atá ann. Roghnaíodh na seachtháirgí sin ar bhonn a n-acmhainneachta chun margaidh, na sonraí atá ar fáil, a staid reatha ó thaobh an dlí de, a stair úsáide agus a luach agranamaíoch soiléir, agus chomh maith leis sin ar bhonn a neamhchasta a bheadh sé critéir shábháilteachta a fhorbairt i bhfianaise na srianta ama a bhain leis an measúnú a dhéanamh. Is iad na seachtháirgí a sainaithníodh máthair-licéar ó imoibriú 5(β-meitil-tia-eitil)-hiodantóin le carbónáit photaisiam i bpróiseas táirgthe meitiainín, iarmhair ó phróiseáil agus íonú mianraí agus mianta, leacht iardhriogtha ó phróiseas Solvay, aol cairbíde ó tháirgeadh aicéitiléine, slaigí feiriúla, salainn mhiotail ó phróiseáil tiúchana mianta agus cóireáil dromchla miotail, agus aigéid húmacha agus fulvacha ó mhílíthiú uisce óil. Ba cheart na seachtháirgí sonracha sin a úsáid i dtáirgí leasacháin AE gan ceanglas go gcloífí le leibhéil shriantacha íonachta i gcás na chéad chatagóire de sheachtháirgí nó go gcloífí leis an gcuspóir agus an uastiúchan a cheadaítear i gcás an dara catagóir de sheachtháirgí. Is é an fáth leis sin go bhfuil na seachtháirgí sin sainaitheanta go soiléir, rud a d’fhág go raibh JRC ábalta measúnú críochnúil a dhéanamh ar a luach agranamaíoch agus ar na rioscaí sonracha uile a d’fhéadfadh a bheith ag gabháil leo.

(7)

Thairis sin, na critéir fhorlíontacha comhfhreagracha maidir le sábháilteacht le haghaidh úsáid seachtháirgí, ba cheart iad a leagan síos.

(8)

Ba cheart roinnt de na seachtháirgí sin critéir shábháilteachta a chomhlíonadh a chuireann teorainn leis an gcion éilleán agus substaintí eile ar chúis imní iad, ar critéir iad a chuirtear i bhfeidhm sa bhreis orthu siúd a leagtar síos in Iarscríbhinn I a ghabhann le Rialachán (AE) 2019/1009 i gcás na catagóire comhfhreagraí le haghaidh na feidhme táirge, agus gan dochar do Rialachán (AE) 2019/1021 ó Pharlaimint na hEorpa agus ón gComhairle (5).

(9)

Ba cheart luachanna teorann breise a leagan síos le haghaidh na n-éilleán cróiniam, tailliam agus vanaidiam iomlán. Is féidir na héilleáin sin a bheith i roinnt de na seachtháirgí mar thoradh ar shainiúlacht a bpróisis táirgthe. Ba cheart a áirithiú leis na luachanna teorann atá á moladh i gcás na n-éilleán sin nach dtarlóidh carnadh na n-éilleán san ithir de thoradh úsáid táirgí leasacháin AE ina bhfuil seachtháirgí a bhfuil na héilleán sin iontu. Ba cheart na luachanna teorann le haghaidh na n-éilleán sin a chinneadh mar thiúchan sa táirge deiridh, cosúil leis na ceanglais a leagtar amach in Iarscríbhinn I a ghabhann le Rialachán (AE) 2019/1009. Tá bonn cirt leis sin toisc gur leis an táirge deiridh seachas le comhábhar, go ginearálta, a bhaineann na critéir shábháilteachta a thugtar isteach mar fhreagra ar aon riosca ar leith arna shainaithint. Ba cheart éascaíocht a dhéanamh leis sin don mheasúnú comhréireachta agus don fhaireachas margaidh ar na táirgí sin, mar is ar an táirge deiridh amháin a bhíonn tástálacha le déanamh.

(10)

Is eol go mbíonn radanúiclídí a fhaightear go nádúrtha le fáil sna hiarmhair ó phróiseáil nó ó íonú méine fosfáite dríodair. Chun úsáid shábháilte seachtháirgí den sórt sin i dtáirgí leasacháin AE a áirithiú, is iomchuí uasleibhéil a leagan síos maidir le luachanna tiúchana gníomhaíochta i gcás radanúiclídí a fhaightear go nádúrtha, ón tsraith úráiniam agus tóiriam i dtáirgí leasacháin AE ina bhfuil ábhair den sórt sin.

(11)

Thairis sin, ba cheart critéir shábháilteachta bhreise a leagan síos chun teorainn a chur leis an gcion 16 hidreacarbóin iltimthriallacha aramatacha (PAH16) (6) agus débheinsi-p-dé-ocsainí polaclóirínithe agus débheinseafúrán (PCDD/PCDF) (7). Leagtar síos le Rialachán (AE) 2019/1021 laghduithe ar an scaoileadh i gcás PAH16 agus PCDD/PCDF mar shubstaintí a tháirgtear go neamhbheartaithe le linn próisis mhonaraíochta, ach ní thugtar isteach leis luach teorann i gcásanna den sórt sin. I bhfianaise na n-ardrioscaí a bhaineann leis na truaillleáin sin a bheith i dtáirgí leasacháin, meastar gurb iomchuí ceanglais a thabhairt isteach is déine ná na ceanglais sin a leagtar síos sa Rialachán sin. Is ar leibhéal an chomhábhair ba cheart na luachanna teorann sin a leagan síos seachas mar thiúchan sa táirge deiridh, chun an comhleanúnachas le Rialachán (AE) 2019/1021 a áirithiú.

(12)

Is féidir nach ábhartha i ngach cás na luachanna teorann le haghaidh na n-éilleán PAH16 agus PCDD/PCDF. Dá bhrí sin, ba cheart an deis a bheith ag monaróirí a thoimhdiú go gcomhlíonann an táirge leasacháin ceanglas áirithe gan é sin a fhíorú, le tástáil mar shampla, aon uair is cinnte dobhréagnaithe, de thoradh chineál nó phróiseas monaraíochta na seachtháirgí a bhaineann le CMC 11 nó an táirge leasacháin AE ina bhfuil seachtháirge den sórt sin, go bhfuil an ceanglas réamhráite á chomhlíonadh.

(13)

Is féidir seiléiniam a bheith i roinnt de na seachtháirgí, substaint is féidir a bheith tocsaineach má tá sé ann i dtiúchan ard. Is féidir clóiríd a bheith i roinnt acu freisin, rud a d’fhéadfadh a bheith ina ábhar imní maidir leis an tsalandacht san ithir. Aon uair a bheidh na substaintí sin ann i dtiúchan a sháraíonn teorainn áirithe, ba cheart a gcion a léiriú ar an lipéad le go mbeidh an t-eolas cuí ag úsáideoirí an táirge leasacháin.

(14)

Ós rud é go mbeidh feidhm iomlán ag Rialachán (AE) 2019/1009 ón 16 Iúil 2022, is gá cur i bhfeidhm an Rialacháin seo a chur siar go dtí an dáta sin,

(1)

I gcomhréir le hAirteagal 50(2)(a) de Rialachán (AE) Uimh. 1151/2012, rinneadh an t-iarratas a thíolaic an Fhrainc ar chlárú an ainm “Cidre du Perche/Perche” a fhoilsiú in Iris Oifigiúil an Aontais Eorpaigh (2).

(2)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an t-ainm “Cidre du Perche/Perche” a chlárú,

(1)

Le Rialachán (AE) Uimh. 1286/2014 leagtar síos rialacha aonfhoirmeacha maidir le formáid agus inneachar an doiciméid um fhaisnéis bhunriachtanach atá le tarraingt suas ag monaróirí PRIIP suas mar aon le rialacha aonfhoirmeacha maidir leis an doiciméad um fhaisnéis bhunriachtanach a sholáthar d’infheisteoirí miondíola d’fhonn a chur ar chumas infheisteoirí miondíola príomhghnéithe agus príomhrioscaí PRIIP a thuiscint agus a chur i gcomparáid le chéile. De bhun Airteagal 32(1) den Rialachán sin, áfach, cuideachtaí bainistíochta mar a shainmhínítear in Airteagal 2(1), pointe (b) de Threoir 2009/65/CE ó Pharlaimint na hEorpa agus ón gComhairle (2), cuideachtaí infheistíochta dá dtagraítear in Airteagal 27 den Treoir sin agus daoine a dhíolann aonaid de GCUInna nó a thugann comhairle ina dtaobh, dá dtagraítear in Airteagal 1(2) di, bhí díolúine acu ó na hoibleagáidí faoin Rialachán sin go dtí an 31 Nollaig 2021. Nuair a chuireann Ballstát rialacha i bhfeidhm maidir le formáid agus inneachar an doiciméid um fhaisnéis bhunriachtanach, arna leagan síos in Airteagail 78 go 81 de Threoir 2009/65/CE, ar chistí neamh-GCUI a thairgtear d’infheisteoirí miondíola, beidh feidhm ag an socrú idirthréimhseach arna leagan síos in Airteagal 32(1) den Rialachán sin maidir le cuideachtaí bainistíochta, cuideachtaí infheistíochta agus daoine a dhíolann aonaid de chistí den chineál sin le hinfheisteoirí miondíola nó a thugann comhairle ina dtaobh. Le Rialachán (AE) 2021/2259 ó Pharlaimint na hEorpa agus ón gComhairle (3), leasaíodh Rialachán (AE) Uimh. 1286/2014 chun an socrú idirthréimhseach sin a shíneadh go dtí an 31 Nollaig 2022.

(2)

Le Rialachán Tarmligthe (AE) 2017/653 (4) ón gCoimisiún, a glacadh ar bhonn Airteagal 8(5), Airteagal 10(2) agus Airteagal 13(5) de Rialachán (AE) Uimh. 1286/2014, leagtar síos rialacha maidir le cur i láthair, inneachar, athbhreithniú agus leasú doiciméad um fhaisnéis bhunriachtanach agus maidir leis na coinníollacha chun an ceanglas a chomhlíonadh maidir leis na doiciméid sin a sholáthar. Le hAirteagal 14(2) den Rialachán Tarmligthe sin, ceadaíodh do mhonaróirí PRIIP an doiciméad um fhaisnéis bhunriachtanach d’infheisteoirí arna tharraingt suas i gcomhréir le hAirteagail 78 go 81 de Threoir 2009/65/CE a úsáid chun faisnéis shonrach a sholáthar chun críocha Airteagail 11 go 13 den Rialachán Tarmligthe sin, seachas an doiciméad um fhaisnéis bhunriachtanach dá dtagraítear i Rialachán Tarmligthe (AE) 2017/653, go dtí an 31 Nollaig 2019, ar choinníoll gur ciste GCUI nó ciste neamh-GCUI dá dtagraítear in Airteagal 32 de Rialachán (AE) Uimh. 1286/2014 é ceann amháin ar a laghad de na roghanna bunúsacha infheistíochta dá dtagraítear in Airteagal 14(1) den Rialachán Tarmligthe sin. Le Rialachán Tarmligthe (AE) 2019/1866 (5) ón gCoimisiún, cuireadh síneadh leis an socrú idirthréimhseach sin go dtí an 31 Nollaig 2021, agus le Rialachán Tarmligthe 2021/2268 (6) ón gCoimisiún, leasaíodh Rialachán Tarmligthe (AE) 2017/653 chun síneadh breise a chur leis an socrú idirthréimhseach sin go dtí an 30 Meitheamh 2022.

(3)

Ós rud é go bhfuil síneadh curtha anois le Rialachán (AE) 2021/2259 leis an socrú idirthréimhseach dá dtagraítear in Airteagal 32 de Rialachán (AE) Uimh. 1286/2014 go dtí an 31 Nollaig 2022, is gá an síneadh sin a léiriú freisin i Rialachán Tarmligthe (AE) 2017/653, agus síneadh breise a chur leis an socrú idirthréimhseach ón 30 Meitheamh 2022 go dtí an 31 Nollaig 2022. Dá bhrí sin, ba cheart Rialachán Tarmligthe (AE) 2017/653 a leasú dá réir sin.

(4)

Is gá a áirithiú nach mbeidh feidhm ag Rialachán Tarmligthe (AE) 2021/2268 ach amháin ón lá tar éis dheireadh an tsocraithe idirthréimhsigh a leagtar síos in Airteagal 32 de Rialachán (AE) 1286/2014. Ba cheart, dá bhrí sin, an dáta a leagtar síos sa dara mír d’Airteagal 2 de Rialachán Tarmligthe (AE) 2021/2268 a ionadú. Dá bhrí sin, ba cheart Rialachán Tarmligthe (AE) 2021/2268 a leasú dá réir sin.

(1)

Le Rialachán (AE) 2016/429, ceanglaítear gur gá coinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2) leagtar síos na ceanglais sláinte ainmhithe nach mór do choinsíneachtaí de speicis agus catagóirí áirithe ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó ó chríocha nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe dobharshaothraithe.

(3)

Le Rialachán Cur Chun Feidhme (AE) 2021/404 ón gCoimisiún (3) bunaítear na liostaí de thríú tíortha, nó de chríocha, nó de chriosanna nó deighleoga de thríú tír nó de chríoch, óna gceadaítear na speicis agus catagóirí ainmhithe, na táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 teacht isteach san Aontas.

(4)

Thar aon ní eile, le hIarscríbhinní V agus XIV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha, nó de chríocha, nó de chriosanna de thríú tír nó de chríoch atá údaraithe i dtaca le coinsíneachtaí d’éanlaith chlóis, de tháirgí geirmeacha ó éanlaith chlóis, agus d’fheoil úr ó éanlaith chlóis agus ó éin ghéim a theacht isteach san Aontas.

(5)

Thug Ceanada fógra don Choimisiún faoi ráig amháin den fhliú éanúil ardphataigineach in éanlaith chlóis atá ann i gcúige Saskatchewan, Ceanada, agus deimhníodh í an 4 Bealtaine 2022 le hanailís saotharlainne (RT-PCR).

(6)

Thairis sin, thug Ceanada fógra don Choimisiún faoi dhá ráig den fhliú éanúil ardphataigineach in éanlaith chlóis atá ann i gcúige British Columbia, Ceanada, agus deimhníodh iad an 4 Meitheamh 2022 le hanailís saotharlainne (RT-PCR).

(7)

Thug an Ríocht Aontaithe fógra don Choimisiún faoi ráig amháin den fhliú éanúil ardphataigineach atá ann gar do Southwell, Newark agus Sherwood, Nottinghamshire, i Sasana, an Ríocht Aontaithe, agus deimhníodh í an 19 Bealtaine 2022 le hanailís saotharlainne (RT-PCR).

(8)

Thairis sin, thug an Ríocht Aontaithe fógra don Choimisiún faoi ráig amháin den fhliú éanúil ardphataigineach atá ann gar do Bexhill-on-Sea, Rother, East Sussex, i Sasana, an Ríocht Aontaithe, agus deimhníodh í an 15 Meitheamh 2022 le hanailís saotharlainne (RT-PCR).

(9)

Thug na Stáit Aontaithe fógra don Choimisiún faoi ráig amháin den fhliú éanúil ardphataigineach in éanlaith chlóis atá ann i stát North Dakota, na Stáit Aontaithe, agus deimhníodh í an 6 Meitheamh 2022 le hanailís saotharlainne (RT-PCR).

(10)

Ina theannta sin, thug na Stáit Aontaithe fógra don Choimisiún maidir le trí ráig den fhliú éanúil ardphataigineach in éanlaith chlóis: tá ráig amháin ann i stát Colorado, na Stáit Aontaithe, tá ráig eile i stát Indiana, na Stáit Aontaithe, agus tá ráig eile i stát Washington, na Stáit Aontaithe agus deimhníodh iad go léir an 7 Meitheamh 2022 trí anailís saotharlainne (RT-PCR).

(11)

Tar éis na ráigeanna sin den fhliú éanúil ardphataigineach, bhunaigh údaráis tréidliachta Cheanada, na Ríochta Aontaithe agus na Stát Aontaithe crios rialaithe 10 km timpeall ar na bunaíochtaí atá buailte agus chuir siad beartas díothaithe chun feidhme chun láithreacht an fhliú éanúil ardphataiginigh a rialú agus chun leathadh an ghalair sin a theorannú.

(12)

Tá faisnéis curtha faoi bhráid an Choimisiún ag Ceanada, ag an Ríocht Aontaithe agus ag na Stáit Aontaithe maidir leis an staid eipidéimeolaíoch ar a gcríoch agus maidir leis na bearta atá déanta acu chun leathadh breise an fhliú éanúil ardphataiginigh sin a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin agus chun stádas sláinte ainmhithe an Aontais a chosaint, níor cheart, mar gheall ar na ráigeanna den fhliú éanúil ardphataigineach, údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis ná d’fheoil úr ó éanlaith chlóis ná d’éin ghéim teacht isteach san Aontas ó na limistéir atá faoi shrianta arna mbunú ag údaráis tréidliachta Cheanada, na Ríochta Aontaithe agus na Stát Aontaithe.

(13)

Thairis sin, tá faisnéis nuashonraithe curtha isteach ag Ceanada maidir leis an staid eipidéimeolaíoch ina críoch i ndáil le ráig amháin den fhliú éanúil ardphataigineach i mbunaíochtaí éanlaithe clóis i gcúige Nova Scotia, Ceanada, agus deimhníodh í an 8 Feabhra 2022. Chuir Ceanada faisnéis isteach freisin faoi na bearta a rinne sí chun leathadh breise an ghalair sin a chosc. Go sonrach, tar éis na ráige sin den fhliú éanúil ardphataigineach, chuir Ceanada beartas díothaithe chun feidhme chun leathadh an ghalair sin a rialú agus a theorannú. Ina theannta sin, thug Ceanada chun críche na bearta glantacháin agus díghalraithe ba ghá tar éis chur chun feidhme an bheartais díothaithe ar na bunaíochtaí éanlaithe clóis a bhí ionfhabhtaithe ina críoch.

(14)

Thairis sin, chuir an Ríocht Aontaithe faisnéis nuashonraithe isteach maidir leis an staid eipidéimeolaíoch ina críoch i ndáil le deich ráig den fhliú éanúil ardphataigineach i mbunaíochtaí éanlaithe clóis: ráig amháin gar do Alford, East Lindsey, Lincolnshire, i Sasana, an Ríocht Aontaithe, a deimhníodh an 16 Nollaig 2021, one outbreak near Washington, Sunderland, Tyne & Wear, i Sasana, an Ríocht Aontaithe, a deimhníodh an 11 Nollaig 2021, ráig amháin gar do Mablethorpe, East Lindsey, Lincolnshire, i Sasana, an Ríocht Aontaithe, a deimhníodh an 31 Nollaig 2021, ráig amháin gar do Eton, Windsor & Maidenhead, Berkshire, i Sasana, an Ríocht Aontaithe, a deimhníodh an 2 Eanáir 2022, ráig amháin gar do Alford, East Lindsey, Lincolnshire, i Sasana, an Ríocht Aontaithe, a deimhníodh an 3 Eanáir 2022, ráig amháin gar do Upholland, West Lancashire, Lancashire, i Sasana, an Ríocht Aontaithe, a deimhníodh an 7 Eanáir 2022, ráig amháin gar do Byker, Newcastle Upon Tyne, Tyne & Wear, i Sasana, an Ríocht Aontaithe, a deimhníodh an 25 Eanáir 2022, ráig amháin gar do Bishop’s Waltham, Winchester, Hampshire, i Sasana, a deimhníodh an 4 Feabhra 2022, ráig amháin gar do Welshpool, Montgomeryshire, Powys, sa Bhreatain Bheag, an Ríocht Aontaithe, a deimhníodh an 21 Feabhra 2022, agus ráig amháin gar do Collieston, Aberdeenshire, in Albain, an Ríocht Aontaithe, a deimhníodh an 11 Márta 2022. Chuir an Ríocht Aontaithe faisnéis isteach freisin faoi na bearta a rinne sí chun leathadh breise an ghalair sin a chosc. Go sonrach, tar éis na ráigeanna sin den fhliú éanúil ardphataigineach, chuir an Ríocht Aontaithe beartas díothaithe chun feidhme chun leathadh an ghalair sin a rialú agus a theorannú. Ina theannta sin, thug an Ríocht Aontaithe chun críche na bearta glantacháin agus díghalraithe ba ghá tar éis chur chun feidhme an bheartais díothaithe ar na bunaíochtaí éanlaithe clóis a bhí ionfhabhtaithe ina críoch.

(15)

Rinne an Coimisiún meastóireacht ar an bhfaisnéis a chuir Ceanada agus an Ríocht Aontaithe isteach agus tháinig sé ar an gconclúid go bhfuil na ráigeanna den fhliú éanúil ardphataigineach i mbunaíochtaí éanlaithe clóis díothaithe agus nach bhfuil aon riosca ag baint a thuilleadh le tráchtearraí éanlaithe clóis a theacht isteach san Aontas ó na criosanna i gCeanada agus sa Ríocht Aontaithe óna raibh teacht isteach san Aontas na dtráchtearraí éanlaithe clóis ar fionraí de dheasca na ráigeanna sin.

(16)

Dá bhrí sin, ba cheart Iarscríbhinní V agus XIV a ghabhann le Rialachán Cur Chun Feidhme (AE) 2021/404 a leasú chun an staid eipidéimeolaíoch reatha a chur san áireamh a mhéid a bhaineann leis an bhfliú éanúil ardphataigineach i gCeanada, sa Ríocht Aontaithe agus sna Stáit Aontaithe. Dá bhrí sin, ba cheart Rialachán (AE) 2021/404 a leasú dá réir.

(17)

Agus an staid eipidéimeolaíoch atá ann faoi láthair i gCeanada, sa Ríocht Aontaithe agus sna Stáit Aontaithe á cur san áireamh a mhéid a bhaineann leis an bhfliú éanúil ardphataigineach agus an riosca tromchúiseach atá ann go dtabharfaí isteach san Aontas é, ba cheart éifeacht a bheith leis na leasuithe atá le déanamh leis an Rialachán seo ar Rialachán Cur Chun Feidhme (AE) 2021/404 mar ábhar práinne.

(18)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,