(1)

De bhun Airteagal 11(1) de Rialachán (AE) Uimh. 1380/2013, tabharfar de chumhacht do na Ballstáit bearta caomhnaithe iascaigh a ghlacadh ina n-uiscí, ar bearta iad atá riachtanach chun a n-oibleagáidí a chomhlíonadh faoi Airteagal 6 de Threoir 92/43/CEE ón gComhairle (“an Treoir maidir le Gnáthóga”) (2), faoi Airteagal 4 de Threoir 2009/147/CE ó Pharlaimint na hEorpa agus ón gComhairle (“an Treoir maidir le hÉin”) (3) agus faoi Airteagal 13(4) de Threoir 2008/56/CE ó Pharlaimint na hEorpa agus ón gComhairle (“an Treoir Réime um Straitéis Mhuirí”) (4).

(2)

Le hAirteagal 6 den Treoir maidir le Gnáthóga, ceanglaítear ar na Ballstáit na bearta caomhnaithe is gá a bhunú i gcomhair limistéir chaomhantais speisialta, bearta a fhreagraíonn do riachtanais éiceolaíocha na gcineálacha gnáthóige nádúrtha sin agus na speiceas sin atá i láthair ar na láithreáin de réir mar a liostaítear iad sna hIarscríbhinní a ghabhann leis an Treoir sin.

(3)

Le hAirteagal 4 den Treoir maidir le hÉin ceanglaítear ar na Ballstáit bearta caomhnaithe speisialta a bhunú maidir le gnáthóg na speiceas a luaitear in Iarscríbhinn I a ghabhann léi. Ceanglaítear ar na Ballstáit bearta caomhnaithe comhchosúla a dhéanamh freisin maidir le speicis imirceacha a thagann go rialta agus nach liostaítear in Iarscríbhinn I a ghabhann léi.

(4)

De bhun Airteagal 13(4) den Treoir Réime um Straitéis Mhuirí, tá na Ballstáit le cláir beart a ghlacadh chun dea-stádas comhshaoil a bhaint amach nó a choinneáil ar bun, lena n-áirítear bearta um chosaint spásúil a chuireann le líonraí limistéar muirí faoi chosaint atá comhleanúnach agus ionadaíoch, agus lena gcumhdófar go leordhóthanach éagsúlacht na gcomhéiceachóras, amhail limistéir chaomhantais speisialta de bhun na Treorach maidir le Gnáthóga, limistéir chosanta speisialta de bhun na Treorach maidir le hÉin agus limistéir mhuirí faoi chosaint arna gcomhaontú ag an Aontas nó ag na Ballstáit lena mbaineann faoi chuimsiú comhaontuithe idirnáisiúnta nó réigiúnacha ar páirtithe iontu iad.

(5)

I gcás ina measann Ballstát gur gá bearta a ghlacadh chun a oibleagáidí faoi reachtaíocht chomhshaoil an Aontais a chomhlíonadh agus go bhfuil leas díreach bainistíochta ag Ballstáit eile san iascach a ndéanfaidh na bearta sin difear dó, tabharfar de chumhacht don Choimisiún bearta den sórt sin a ghlacadh trí bhíthin gníomhartha tarmligthe tar éis moladh comhpháirteach a fháil ó na Ballstáit.

(6)

Le Rialachán Tarmligthe (AE) 2017/118 (5) bunaítear bearta caomhnaithe i limistéir mhuirí áirithe faoi chosaint in Kattegat agus sa limistéar muirí faoi chosaint i limistéar Bratten sa Mhuir Thuaidh.

(7)

Tar éis dul i gcomhairle le Comhairle Chomhairleach na Mara Thuaidh, chuir an Danmhairg, an tSualainn agus an Ghearmáin dhá mholadh chomhpháirteacha faoi bhráid an Choimisiúin chun iascaigh a bhainistiú i limistéir áirithe in Kattegat an 2 Feabhra 2021. Chuir an Danmhairg moladh comhpháirteach isteach chun an grinneall bog agus struchtúir sceire a chosaint ar iascaigh a bhfuil gléasanna soghluaiste grinnill acu i sé limistéar faoin Treoir Réime um Straitéis Mhuirí (MSFD) agus láithreán Natura 2000 amháin atá lonnaithe sa chuid Dhanmhargach de Kattegat. Chuir an tSualainn moladh comhpháirteach isteach chun speicis íogaire agus cineálacha gnáthóige íogaire a chosaint trí chead a thabhairt trealamh iascaireachta áirithe, agus an trealamh sin amháin, a úsáid i gceithre limistéar mhuirí faoi chosaint sa chuid Shualannach de Kattegat.

(8)

Trí bhíthin nós imeachta i scríbhinn, chuir an Coimisiún na bearta sin i láthair grúpa saineolaithe ina raibh ionadaithe ó na Ballstáit i mí Dheireadh Fómhair 2021.

(9)

Rinne an Coiste Eolaíoch, Teicniúil agus Eacnamaíoch um Iascach (“STECF”) athbhreithniú ar na moltaí comhpháirteacha sin agus tháinig sé ar an gconclúid (6) gur céim dhearfach chun cinn iad na bearta maidir le tionchair dhiúltacha na ngníomhaíochtaí iascaireachta ar na gnáthóga lena mbaineann a íoslaghdú. Táthar ag súil freisin go gcuirfidh na moltaí comhpháirteacha sin le cosaint leordhóthanach i gcomhair speicis ainmnithe íogaire agus cineálacha gnáthóige ainmnithe íogaire, lena n-áirítear na feidhmeanna éiceolaíocha a bhaineann leo, sna limistéir mhuirí faoi chosaint.

(10)

Is é is aidhm do na bearta a mhol an Danmhairg toirmeasc a chur ar ghléasanna soghluaiste grinnill sna limistéir ainmnithe. Tháinig STECF ar an gconclúid (7) gurbh fhearr a chosnófaí an grinneall bog agus struchtúir sceire (cineál gnáthóige 1170) ar thionchar gníomhaíochtaí iascaireachta dá gcuirfí toirmeasc ar na gléasanna sin sna gnáthóga leochaileacha sin, rud a chuideodh le spriocanna comhshaoil a bhaint amach.

(11)

Is é is aidhm do na bearta a mhol an tSualainn limistéir shrianta iascaigh agus limistéir ina bhfuil toirmeasc ar oibríochtaí iascaireachta a ainmniú. Tháinig STECF ar an gconclúid (8) gur dócha gur beag an tionchar a bheidh ag na gléasanna iascaireachta atá beartaithe i limistéir shrianta iascaigh agus gur céim dhearfach chun cinn iad na bearta maidir le tionchair dhiúltacha na ngníomhaíochtaí iascaireachta ar na gnáthóga lena mbaineann a íoslaghdú. Tugann an Coimisiún dá aire freisin gur gheall na Ballstáit sa mholadh comhpháirteach tuilleadh coigeartuithe a mholadh agus srian a chur le hiascach na heangaí geolbhaigh má mheastar gur gá sin.

(12)

Mhol na Ballstáit bearta rialaithe agus forfheidhmiúcháin bunaithe ar chóras sainaitheanta uathoibríoch (“AIS”) a úsáid le haghaidh limistéir shonracha. Tháinig STECF ar an gconclúid (9) gur cheart gur leor AIS chun faireachán fíor-ama a dhéanamh sna limistéir sin.

(13)

Ba cheart Rialachán Tarmligthe (AE) 2017/118 a leasú chun go gcuimseofaí saighean dhá bhád sa sainmhíniú ar ghléas soghluaiste grinnill. Eisiadh saighean dhá bhád go neamhdheonach ó na moltaí comhpháirteacha a chuir an Danmhairg isteach in 2015 agus in 2016 maidir le cosc a chur ar úsáid gléasanna soghluaiste grinnill i Limistéir 1. D’iarr na Ballstáit ar an gCoimisiún an t-easnamh sin a cheartú.

(14)

Le Rialachán Tarmligthe (AE) 2017/118 agus leis an moladh comhpháirteach a chuir an Danmhairg isteach, ní chumhdaítear ach gléasanna grinnill atá soghluaiste. Dá bhrí sin, ba cheart an téarma “soghluaiste” a chuimsiú sa sainmhíniú ar ghléasanna grinnill dá bhforáiltear sa Rialachán seo, ar mhaithe le soiléireacht.

(15)

Ba cheart, dá bhrí sin, Rialachán Tarmligthe (AE) 2017/118 a leasú dá réir sin.

(16)

Tá an Rialachán Tarmligthe seo gan dochar don ghá atá le bearta caomhnaithe breise a theastaíonn chun na forálacha ábhartha agus seasamh an Choimisiúin a chomhlíonadh maidir le comhlíonadh a n-oibleagáidí faoi reachtaíocht ábhartha chomhshaoil an Aontais ag na Ballstáit leasmhara,

(1)

Cuirtear an méid seo a leanas in ionad Airteagal 2:

(*1)  Rialachán Cur Chun Feidhme (AE) Uimh. 404/2011 ón gCoimisiún an 8 Aibreán 2011 lena leagtar síos rialacha mionsonraithe maidir le cur chun feidhme Rialachán (CE) Uimh. 1224/2009 ón gComhairle lena mbunaítear córas rialaithe Comhphobail chun comhlíonadh rialacha an chomhbheartais iascaigh a áirithiú (IO L 112, 30.4.2011, lch. 1).:"

(2)

Cuirtear an méid seo a leanas in ionad Airteagal 3:

(3)

Cuirtear an méid seo a leanas in ionad Airteagal 5:

(4)

Leasaítear Iarscríbhinn I i gcomhréir le pointe 1 den Iarscríbhinn a ghabhann leis an Rialachán seo;

(5)

Leasaítear Iarscríbhinn II i gcomhréir le pointe 2 den Iarscríbhinn a ghabhann leis an Rialachán seo;

(6)

Cuirtear Iarscríbhinní IV agus V leis i gcomhréir le pointí 3 agus 4 den Iarscríbhinn a ghabhann leis an Rialachán seo.”

(1)

Scrúdaigh an Coimisiún an t-iarratas ar fhormheas ar leasú ar shonraíocht an táisc gheografaigh faoi chosaint “Επανομή” (Epanomi) a chuir an Ghréig ar aghaidh i gcomhréir le hAirteagal 105 de Rialachán (AE) Uimh. 1308/2013.

(2)

D’fhoilsigh an Coimisiún an t-iarratas ar fhormheas ar leasú ar an tsonraíocht in Iris Oifigiúil an Aontais Eorpaigh (2), de réir mar a cheanglaítear le hAirteagal 97(3) de Rialachán (AE) Uimh. 1308/2013.

(3)

Níl aon ráiteas agóide faighte ag an gCoimisiún faoi Airteagal 98 de Rialachán (AE) Uimh. 1308/2013.

(4)

Dá bhrí sin, ba cheart an leasú ar an tsonraíocht a fhormheas i gcomhréir le hAirteagal 99 de Rialachán (AE) Uimh. 1308/2013.

(5)

Tá na bearta dá bhforáiltear sa Rialachán seo i gcomhréir le tuairim an Choiste um Chomheagrú na Margaí Talmhaíochta,

(1)

Bunaithe ar an sainmhíniú ar choigeartú ar phriacal creidmheasa a leagtar síos in Airteagal 4(1), pointe (95), de Rialachán (AE) Uimh. 575/2013, ní féidir ach na caillteanais chreidmheasa ionchasacha a léirítear sna coigeartuithe sonracha ar phriacal creidmheasa arna ndéanamh ag an institiúid ag a bhfuil seilbh ar an risíocht ar mhainneachtain a chur san áireamh i sannadh ualaithe priacail chun críocha Airteagal 127(1) den Rialachán sin. Mar sin féin, na caillteanais chreidmheasa a chuirtear san áireamh i bpraghas idirbhirt na risíochta ar mhainneachtain, arna gcoimeád ag na hinstitiúidí díola mar chaillteanas réadaithe, ní féidir iad a aithint tar éis an díolacháin ag an institiúid ceannaigh. Mar thoradh air sin, féadfaidh athrú teacht ar an ualú priacail is infheidhme a chuirtear i bhfeidhm ar an risíocht ar mhainneachtain tar éis dhíolachán na risíochta sin, cé go n-ionchorpraítear leis an bpraghas idirbhirt lascaine ar mhéid arb ionann é agus méid na gcoigeartuithe sonracha ar phriacal creidmheasa le haghaidh caillteanais chreidmheasa ionchasacha a chláraigh an institiúid díola roimh an díolachán. Leis an staid sin, cruthaítear bac rialála maidir le cruthú margaí tánaisteacha le haghaidh risíochtaí ar mhainneachtain, ós rud é go bhféadfadh sé nach mbeadh an t-idirbheart chomh tarraingteach céanna don institiúid ceannaigh mar gheall ar an mí-ailíniú a d’fhéadfadh a bheith ann idir na hualuithe priacail a chuireann an institiúid díola agus an institiúid ceannaigh faoi seach i bhfeidhm ar an risíocht ar mhainneachtain agus, dá bhrí sin, chruthódh sé constaicí míchuí le haghaidh institiúidí creidmheasa maidir lena risíochtaí ar mhainneachtain a bhaint dá gcláir chomhardaithe.

(2)

Ina theannta sin, chun an fhéidearthacht go mbeadh méadú ar leibhéil na risíochtaí ar mhainneachtain ar fud institiúidí creidmheasa mar thoradh ar phaindéim COVID-19 a chur san áireamh, is inmhianaithe go mbainfear aon bhac rialála maidir le cruthú margaí tánaisteacha le haghaidh risíochtaí ar mhainneachtain. Is gá, dá bhrí sin, a áirithiú go n-ionchorprófar leis na coigeartuithe sonracha ar phriacal creidmheasa a aithníodh chun críocha Airteagal 127(1) de Rialachán (AE) Uimh. 575/2013 aon lascaine i bpraghas idirbhirt risíochta ar mhainneachtain nár aithin an institiúid ceannaigh trí chaipiteal Ghnáthchothromas Leibhéal 1 a mhéadú. Go háirithe, chun aon aitheantas dúbailte míchuí a sheachaint maidir leis an méadú a d’fhéadfadh a bheith ann i leibhéal an chaillteanais ionchasaigh ag an institiúid ceannaigh tar éis don institiúid sin caipiteal Ghnáthchothromas Leibhéal 1 a cheannach agus chun an t-ualú priacail i gcomhréir le hAirteagal 127(1) de Rialachán (AE) Uimh. 575/2013 a chinneadh, i gcás ina ndéanfaí athluacháil ar an risíocht ar mhainneachtain a tharlódh tar éis a ceannaigh, leis an lascaine níor cheart an chuid de mhéid athluachála na risíochta ar mhainneachtain atá aitheanta mar risíocht lena méadaítear caipiteal Ghnáthchothromas Leibhéal 1 na hinstitiúide a ionchorprú a thuilleadh.

(3)

Ba cheart, dá bhrí sin, Rialachán Tarmligthe (AE) Uimh. 183/2014 ón gCoimisiún (2) a leasú dá réir sin.

(4)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(5)

Tá comhairliúcháin phoiblí oscailte déanta ag an Údarás Baincéireachta Eorpach maidir leis na dréachtchaighdeáin theicniúla rialála ar a bhfuil an Rialachán seo bunaithe, tá anailís déanta aige ar na costais agus ar na tairbhí a d’fhéadfadh a bheith ag baint leo agus d’iarr sé comhairle ón nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 (3),

(1)

I gcomhréir le hAirteagal 53(1), an chéad fhomhír, de Rialachán (AE) Uimh. 1151/2012, tá scrúdú déanta ag an gCoimisiún ar iarratas na hIodáile ar fhormheas ar leasú ar shonraíocht an tsonrúcháin tionscnaimh faoi chosaint “Taleggio” atá cláraithe faoi Rialachán (CE) Uimh. 1107/96 ón gCoimisiún (2).

(2)

Ós rud é gur leasú nach mion atá sa leasú i gceist de réir bhrí Airteagal 53(2) de Rialachán (AE) Uimh. 1151/2012, d’fhoilsigh an Coimisiún an t-iarratas ar leasú in Iris Oifigiúil an Aontais Eorpaigh (3) faoi mar a cheanglaítear le hAirteagal 50(2)(a) den Rialachán sin.

(3)

Ós rud é nach bhfuair an Coimisiún aon ráiteas agóide faoi Airteagal 51 de Rialachán (AE) Uimh. 1151/2012, ba cheart na leasuithe ar an tsonraíocht a fhormheas,

(1)

I gcomhréir le hAirteagal 53(1), an chéad fhomhír, de Rialachán (AE) Uimh. 1151/2012, tá scrúdú déanta ag an gCoimisiún ar iarratas na hIodáile ar fhormheas ar leasú ar shonraíocht an tsonrúcháin tionscnaimh faoi chosaint “Monte Etna” atá cláraithe faoi Rialachán (CE) Uimh. 1491/2003 ón gCoimisiún (2).

(2)

Ós rud é gur leasú nach mion atá sa leasú i gceist de réir bhrí Airteagal 53(2) de Rialachán (AE) Uimh. 1151/2012, d’fhoilsigh an Coimisiún an t-iarratas ar leasú in Iris Oifigiúil an Aontais Eorpaigh (3) faoi mar a cheanglaítear le hAirteagal 50(2)(a) den Rialachán sin.

(3)

Ós rud é nach bhfuair an Coimisiún aon ráiteas agóide faoi Airteagal 51 de Rialachán (AE) Uimh. 1151/2012, ba cheart an leasú ar an tsonraíocht a fhormheas,

(1)

I gcomhréir le hAirteagal 53(1), an chéad fhomhír, de Rialachán (AE) Uimh. 1151/2012, tá scrúdú déanta ag an gCoimisiún ar iarratas na hIodáile ar fhormheas ar leasú ar shonraíocht an táisc gheografaigh faoi chosaint “Radicchio di Verona” atá cláraithe faoi Rialachán (CE) Uimh. 98/2009 ón gCoimisiún (2).

(2)

Ós rud é gur leasú nach mion atá sa leasú i gceist de réir bhrí Airteagal 53(2) de Rialachán (AE) Uimh. 1151/2012, d’fhoilsigh an Coimisiún an t-iarratas ar leasú in Iris Oifigiúil an Aontais Eorpaigh (3) faoi mar a cheanglaítear le hAirteagal 50(2)(a) den Rialachán sin.

(3)

Ós rud é nach bhfuair an Coimisiún aon ráiteas agóide faoi Airteagal 51 de Rialachán (AE) Uimh. 1151/2012, ba cheart na leasuithe ar an tsonraíocht a fhormheas,

(1)

I gcomhréir le hAirteagal 50(2)(a) de Rialachán (AE) Uimh. 1151/2012, rinneadh an t-iarratas a thíolaic an tSualainn ar chlárú an ainm “Äkta Gränna Polkagrisar” a fhoilsiú in Iris Oifigiúil an Aontais Eorpaigh (2).

(2)

I gcomhréir le hAirteagal 51 de Rialachán (AE) Uimh. 1151/2012, ós amhlaidh nár tugadh aon fhógra faoi ráiteas agóide don Choimisiún, ba cheart an t-ainm “Äkta Gränna Polkagrisar” a chlárú,

(1)

Is éard a leagtar síos le Rialachán Cur Chun Feidhme (AE) 2019/2072 ón gCoimisiún (2), i gCuid A d’Iarscríbhinn II, liosta lotnaidí coraintín de chuid an Aontais nach eol a bheith ann i gcríoch an Aontais. Féachtar le Rialachán Cur Chun Feidhme (AE) 2019/2072 le cosc a chur ar theacht isteach, ar bhunú agus ar scaipeadh na lotnaidí coraintín sin i gcríoch an Aontais trí cheanglais speisialta a leagan amach in Iarscríbhinn VII a ghabhann leis maidir le plandaí áirithe, táirgí planda agus réada eile a thabhairt isteach i gcríoch an Aontais.

(2)

Liostaítear Thaumatotibia leucotreta (Meyrick) (“an lotnaid shonraithe”) mar lotnaid choraintín de chuid an Aontais, nach fios gur ann di san Aontas, i gCuid A d’Iarscríbhinn II a ghabhann le Rialachán Cur Chun Feidhme (AE) 2019/2072. Liostaítear freisin í mar lotnaid tosaíochta san Iarscríbhinn a ghabhann le Rialachán Tarmligthe (AE) 2019/1702 ón gCoimisiún (3). Tá an lotnaid shonraithe polafagach agus idircheapadh í ar roinnt phlanda óstaigh le linn rialuithe teorann i gcríoch an Aontais.

(3)

Tá ceanglais shonracha ann i dtaca le hallmhairiú torthaí Capsicum (L.), Citrus L., seachas Citrus aurantiifolia (Christm.) Swingle agus Citrus limon (L.) Osbeck, torthaí Prunus persica (L.) Batsch agus Punica granatum L. chun críoch an Aontais a chosaint ar an lotnaid shonraithe (4). Is catagóir é Citrus L. a chumhdaíonn torthaí Citrus sinensis Pers.

(4)

De réir na ceanglais atá ann cheana i dtaca le hallmhairiú, sula ndéantar trádáil ní mór faisnéis a chur in iúl maidir le saoirse na tíre agus saoirse an limistéir ón lotnaid shonraithe, agus maidir le húsáid cur chuige córas agus aon chóireáil iarbhuainte, mar aon le faisnéis dhoiciméadach maidir le héifeachtacht na gceanglas sin. Leis an bhfaisnéis sin ba cheart é a bheith níos éasca meastóireacht a dhéanamh ar éifeachtacht na gceanglas speisialta atá ann faoi láthair. Ba cheart an éifeachtacht sin a thomhas ag brath ar an líon neamhchomhlíontachtaí de dheasca na lotnaide sonraithe a bheith ar na tráchtearraí allmhairithe is óstaigh iad.

(5)

Toisc go dtarlaíonn neamhchomhlíontachtaí coinsíneachtaí go fóill le linn rialuithe teorann i gcríoch an Aontais maidir leis na ceanglais shonracha i dtaca le hallmhairiú de dheasca láithreacht na lotnaide sonraí ar na tráchtearraí is óstaigh, tá údar maith le leasú a dhéanamh ar na ceanglais speisialta a leagtar amach in Iarscríbhinn VII a ghabhann le Rialachán Cur Chun Feidhme (AE) 2019/2072. Go háirithe, maidir leis na ceanglais speisialta a bhaineann le saoirse an áit táirgthe, le húsáid cóireálacha iarbhuainte agus leis an gcur chuige córas, ba cheart na ceanglais sin a leasú chun gealltanais níos fearr a chur ar fáil i leith saoirse ó lotnaidí na dtráchtearraí torthaí a thrádáiltear.

(6)

Tá leasú na gceanglas speisialta bunaithe ar an bhfaisnéis eolaíoch agus teicniúil ón anailís riosca lotnaide a rinne an Eagraíocht Eorpach agus Meánmhara um Chosaint Plandaí (EPPO), ar na measúnuithe riosca tráchtearraí a rinne an tÚdarás Eorpach um Shábháilteacht Bhia i leith torthaí speicis Citrus arna n-allmhairiú ó Iosrael (5) agus ón Afraic Theas (6), ar an litríocht eolaíoch ábhartha agus ar bharúlacha a fuarthas ó thríú tíortha tar éis comhairliúcháin laistigh den Eagraíocht Domhanda Trádála (an Comhaontú maidir le Bearta Sláintíochta agus Fíteashláintíochta).

(7)

Formheas saoráidí, ceanglais maidir le saoráidí cóireála, faireachas, iniúchóireacht, nósanna imeachta doiciméadachta agus coimeád taifead i leith na cóireála a chuirtear i bhfeidhm, ba cheart na nithe sin uile a áirithiú chun sábháilteacht agus inrianaitheacht a ráthú.

(8)

Faoi láthair, na ceanglais a bhunaítear in Iarscríbhinn VII a ghabhann le Rialachán Cur Chun Feidhme (AE) 2019/2072 maidir le torthaí Citrus L., tá siad infheidhme freisin i leith Citrus sinensis Pers. Ar bhonn na sonraí neamhchomhlíontachta de dheasca láithreacht na lotnaide sonraithe ar thorthaí Citrus, ba cheart torthaí Citrus sinensis Pers. a bheith faoi réir ceanglais ar leith, agus ní faoi réir na gceanglas céanna agus torthaí eile Citrus L. Tá sé sin tábhachtach chun go n-áiritheofar a saoirse ón lotnaid shonraithe ar bhealach níos fearr. Ba cheart cur chuige córas a bheith mar chuid de na ceanglais sin, le córas sonrach ina bhfuil cóireáil fhuar, b’fhéidir le céim réamhfhuaraithe chun an dóchúlacht is airde go mbeidh na torthaí saor ón lotnaid a áirithiú.

(9)

Maidir le Citrus sinensis Pers., chun deis a thabhairt do na húdaráis inniúla agus do na hoibreoirí gairmiúla iad féin a oiriúnú don chur chuige córas, ba cheart foráil a dhéanamh do cheanglas malartach agus sealadach cur chuige, cur chuige ina bhfuil céim ina réamhfhuaraítear an laíon torthaí go dtí 5 °C, sula ndéantar cóireáil fhuar air ar feadh ar a laghad 25 lá ag teocht a shocraítear idir – 1 °C agus + 2 °C, go dtí an 31 Nollaig 2022.

(10)

I gcás Citrus sinensis Pers., nuair a chuirtear an chóireáil fhuar i bhfeidhm le linn do na torthaí a bheith á n-iompar, ba cheart na taifid maidir le cur i bhfeidhm na cóireála sin a choimeád agus a chur ar fáil arna iarraidh sin.

(11)

Ba cheart an Rialachán seo a theacht i bhfeidhm agus feidhm a bheith aige a luaithe is féidir chun go gcuirfear na ceanglais treisithe, ar ceanglais iad lena méadaítear cosaint an Aontais ar an lotnaid sin, i bhfeidhm laistigh den tréimhse ama is giorra is féidir chun coinsíneachtaí na dtorthaí sonraithe atá á n-iompar chuig an Aontas tráth theacht i bhfeidhm an Rialacháin sin a chur san áireamh.

(12)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Sa leagan Seicise de Rialachán Cur Chun Feidhme (AE) 2015/1502 ón gCoimisiún (2), tá earráid san Iarscríbhinn, Roinn 2.1.2 (Seiceáil ar chéannacht agus fíorú céannachta (duine nádúrtha)), an ró a bhaineann leis an leibhéal Dearbhaithe “Ard”, an colún “Gnéithe a bhfuil gá leo”, pointe 1(c) a mhéid a bhaineann le sainaithint an leibhéil dearbhaithe is gá.

(2)

Dá bhrí sin, ba cheart an leagan Seicise de Rialachán Cur Chun Feidhme (AE) 2015/1502 a cheartú dá réir. Ní dhéantar difear do na leaganacha teanga eile.

(3)

Tá na bearta dá bhforáiltear sa Rialachán seo i gcomhréir leis an tuairim ón gCoiste dá dtagraítear in Airteagal 48 de Rialachán (AE) Uimh. 910/2014,

(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

An 22 Eanáir 2020, chuir an chuideachta “Sabinsa Europe GmbH” (“an t-iarratasóir”) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun teitrihidreacurcaimíonóidigh a chur ar mhargadh an Aontais mar bhia núíosach. Táirgtear na teitrihidreacurcaimíonóidigh trí hidriginiú a dhéanamh ar churcaimíonóidigh a eastósctar as riosóim an phlanda tuirmiric (Curcuma longa L.). D’iarr an t-iarratasóir go n-úsáidfí teitrihidreacurcaimíonóidigh ar leibhéil nach sáraíonn 300 mg/lá, i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (3), ceaptha lena n-úsáid ag an bpobal fásta, seachas mná atá torrach ná ag cothú leis an gcíoch.

(4)

An 22 Eanáir 2020, rinne an t-iarratasóir iarraidh don Choimisiún ar chosaint sonraí dílseánaigh maidir leis na sonraí anailíseacha (4), maidir le tástáil bhaictéarach ais-sócháin (5), maidir le measúnacht micreanúicléis in vitro (6), maidir le staidéar 90 lá ar thocsaineacht fho-ainsealach bhéil agus maidir le measúnacht scagthástála ar thocsaineacht atáirgthe/fhorbarthach i gcreimirí (7) a cuireadh isteach mar thaca lena iarratas.

(5)

An 29 Iúil 2020, d’iarr an Coimisiún ar an Údarás Eorpach um Shábháilteacht Bia (“an tÚdarás”) measúnú a dhéanamh ar theitrihidreacurcaimíonóidigh mar bhia núíosach.

(6)

An 27 Deireadh Fómhair 2021, ghlac an tÚdarás a thuairim eolaíoch maidir le “Sábháilteacht na dteitrihidreacurcaimíonóideach ó thuirmiric (Curcuma longa L.) mar bhia núíosach de bhun Rialachán (AE) 2015/2283” (8) i gcomhréir le hAirteagal 11 de Rialachán (AE) 2015/2283.

(7)

Sa tuairim eolaíoch uaidh, tháinig an tÚdarás ar an gconclúid go bhfuil teitrihidreacurcaimíonóidigh sábháilte faoi na coinníollacha úsáide atá ceaptha do na pobail bheartaithe a ndírítear orthu ar leibhéil nach sáraíonn 140 mg/lá. Dúirt an tÚdarás freisin go soláthraíonn iontógáil den sórt sin, cé go bhfuil an t-iontógáil sin níos ísle ná an leibhéal 300 mg/lá atá molta ag an iarratasóir, corrlach nochta (MOE) leordhóthanach maidir leis an leibhéal gan aon éifeacht dhíobhálach bhreathnaithe (“NOAELanna”) a sainaithníodh ón staidéar ar thocsaineacht fho-ainsealach agus ó na staidéir ar thocsaineacht atáirgthe/forbraíochta. Dá bhrí sin, is leor na forais a sholáthraítear sa tuairim ón Údarás chun a shuí, i gcás ina n-úsáidtear teitrihidreacurcaimíonóidigh ag leibhéil nach sáraíonn 140 mg/lá i bhforbhianna atá ceaptha don phobal fásta, seachas mná atá torrach ná atá ag cothú leis an gcíoch, go gcomhlíonann siad na coinníollacha maidir lena gcur ar an margadh i gcomhréir le hAirteagal 12(1) de Rialachán (AE) 2015/2283.

(8)

Sa tuairim uaidh, thug an tÚdarás dá aire go raibh a chonclúid maidir le sábháilteacht an bhia núíosaigh bunaithe ar na sonraí anailíseacha, ar an tástáil bhaictéarach ais-sócháin, ar an measúnacht micreanúicléis in vitro, ar an staidéar 90 lá ar thocsaineacht fho-ainsealach bhéil agus ar an measúnacht scagthástála ar thocsaineacht atáirgthe/fhorbarthach i gcreimirí a bhí i gcomhad an iarratasóir, agus nach mbeadh an tÚdarás in ann an bia núíosach a mheasúnú ná teacht ar a chonclúid gan an comhad sin.

(9)

D’iarr an Coimisiún ar an iarratasóir soiléiriú breise a thabhairt maidir leis an réasúnú a cuireadh ar fáil i ndáil lena éileamh dílseánaigh ar na staidéir agus na tástálacha sin, agus soiléiriú a thabhairt maidir lena éileamh ar cheart eisiach a bheith aige orthu i gcomhréir le hAirteagal 26(2)(b) de Rialachán (AE) 2015/2283.

(10)

Dhearbhaigh an t-iarratasóir go raibh cearta dílseánaigh agus eisiacha tagartha ar na sonraí anailíseacha, ar an tástáil bhaictéarach ais-sócháin, ar an measúnacht micreanúicléis in vitro, ar an staidéar 90 lá ar thocsaineacht fho-ainsealach bhéil agus ar an measúnacht scagthástála ar thocsaineacht atáirgthe/fhorbarthach i gcreimirí ina sheilbh aige an tráth a chuir sé an t-iarratas isteach, agus nach mbeadh tríú páirtithe in ann rochtain dhlíthiúil a fháil ar na sonraí sin, iad a úsáid ná tagairt a dhéanamh do na sonraí sin ach oiread.

(11)

Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé go raibh cruthúnas leordhóthanach tugtha aige maidir le comhlíonadh na gceanglas a leagtar síos in Airteagal 26(2) de Rialachán (AE) 2015/2283. Dá bhrí sin, na sonraí anailíseacha, an tástáil bhaictéarach ais-sócháin, an measúnacht micreanúicléis in vitro, an staidéar 90 lá ar thocsaineacht fho-ainsealach bhéil agus an measúnacht scagthástála ar thocsaineacht atáirgthe/fhorbarthach i gcreimirí, ba cheart iad a chosaint i gcomhréir le hAirteagal 27(1) de Rialachán (AE) 2015/2283. Dá réir sin, níor cheart ach an t-iarratasóir a údarú chun teitrihidreacurcaimíonóidigh a chur ar an margadh laistigh den Aontas ar feadh tréimhse 5 bliana ó theacht i bhfeidhm an Rialacháin seo.

(12)

Mar sin féin, i dtaca le srianadh údarú na dteitrihidreacurcaimíonóideach agus na tagartha do na sonraí atá i gcomhad an iarratasóra agus atá le húsáid ag an iarratasóir amháin, ní chuirfidh an srianadh sin cosc ar iarratasóirí eile ina dhiaidh seo cur isteach ar údarú chun an bia núíosach céanna a chur ar an margadh ar choinníoll gur ar fhaisnéis a fuarthas go dlíthiúil agus atá ina taca leis an údarú sin atá a n-iarratas bunaithe.

(13)

Is iomchuí go mbeadh an fhaisnéis dá dtagraítear in Airteagal 9(3) de Rialachán (AE) 2015/2283 san iontráil a bhaineann le teitrihidreacurcaimíonóidigh ar liosta an Aontais de bhianna núíosacha. Úsáideadh curcaimíonóidigh neamh-hidriginithe agus/nó curcaimín neamh-hidriginithe i bhforbhianna a bhí ar mhargadh an Aontais roimh an 15 Bealtaine 1997. Meitibilítear an curcaimín agus na curcaimíonóidigh sa chorp trí na bealaí meitibileacha céanna lena meitibilífí na teitrihidreacurcaimíonóidigh. Ós rud é nach féidir a chur as an áireamh go mbeadh an MoE níos ísle ná an MoE a bhunaigh an tÚdarás de dheasca iontógáil curcaimíonóidigh trí úsáid a bhaint as an dá rud le chéile, is gá a chur in iúl do thomhaltóirí nár cheart breiseáin bia ina bhfuil teitrihidreacurcaimíonóidigh a thomhailt má thomhlaítear forbhianna ina bhfuil curcaimín agus/nó curcaimíonóidigh ar an lá céanna.

(14)

Ba cheart teitrihidreacurcaimíonóidigh a áireamh ar liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir sin.

(15)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

An 23 Meitheamh 2014, ghlac an Chomhairle Cinneadh 2014/386/CBES (1).

(2)

Ní thugann an tAontas aitheantas don ionghabháil neamhdhleathach a rinne Cónaidhm na Rúise ar an gCrimé agus Sevastopol, ar sárú ar an dlí idirnáisiúnta í, agus cáineann sé an ionghabháil sin i gcónaí. Tá an tAontas fós daingean ina thiomantas do cheannasacht agus d’iomláine chríochach na hÚcráine laistigh dá teorainneacha a aithnítear go hidirnáisiúnta agus tá sé tiomanta a bheartas neamhaitheantais a chur chun feidhme go hiomlán.

(3)

Ar bhonn athbhreithniú ar Chinneadh 2014/386/CBES, ba cheart na bearta sriantacha a leagtar amach ann a athnuachan go dtí an 23 Meitheamh 2023.

(4)

Dá bhrí sin, ba cheart Cinneadh 2014/386/CBES a leasú dá réir sin,