(1)

Le hIarscríbhinn I a ghabhann le Rialachán (CE) Uimh. 881/2002 liostaítear na daoine, na grúpaí agus na heintitis arna gcumhdach ag reo na gcistí agus na n-acmhainní eacnamaíocha faoin Rialachán sin.

(2)

An 7 Márta 2022, chinn Coiste Smachtbhannaí Chomhairle Slándála na Náisiún Aontaithe iontráil a chur le liosta na ndaoine, na ngrúpaí agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo.

(3)

Ba cheart, dá bhrí sin, Iarscríbhinn I a ghabhann le Rialachán (CE) Uimh. 881/2002 a leasú dá réir.

(4)

Chun a áirithiú go mbeidh na bearta dá bhforáiltear sa Rialachán seo éifeachtach, ba cheart é a theacht i bhfeidhm láithreach,

(1)

Sa leagan Fionlainnise de Rialachán (AE) Uimh 965/2012 ón gCoimisiún (2), tá earráidí in Iarscríbhinn I, pointe 127, an chéad fhleasc; Iarscríbhinn III, cuid ORO, fochuid AOC, pointe ORO.AOC.110, pointe (c), pointe (1); Iarscríbhinn III, cuid ORO, fochuid SPO, pointe ORO.SPO.100, pointe (c), pointe (1), fophointe (ii) agus in Iarscríbhinn III, cuid ORO, fochuid FTL, roinn 1, pointe ORO.FTL.100, a athraíonn brí na bhforálacha.

(2)

Ba cheart, dá bhrí sin, an leagan Fionlainnise de Rialachán (AE) Uimh. 965/2012 a cheartú dá réir sin. Ní dhéantar difear do na leaganacha teanga eile.

(3)

Tá na bearta dá bhforáiltear sa Rialachán seo i gcomhréir le tuairim an Choiste arna bhunú i gcomhréir le hAirteagal 127 de Rialachán (AE) 2018/1139,

(1)

Le Rialachán (CE) Uimh. 1831/2003, foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú. Le hAirteagal 10 den Rialachán sin, foráiltear maidir le hathmheastóireacht ar bhreiseáin a údaraíodh de bhun Threoir 70/524/CEE ón gComhairle (2).

(2)

Aigéad DL-malach, aigéad citreach, aigéad sorbach agus sorbáit photaisiam, aigéad aicéiteach, dé-aicéatáit sóidiam agus aicéatáit chailciam, aigéad próipianach, próipianáit sóidiam, próipianáit chailciam agus próipianáit amóiniam, aigéad formach, formáit sóidiam, formáit chailciam agus formáit amóiniam, agus aigéad lachtach agus lachtáit chailciam, údaraíodh iad gan teorainn ama mar bhreiseáin bheathaithe le haghaidh gach speicis ainmhíoch i gcomhréir le Treoir 70/524/CEE. Rinneadh na breiseáin sin a iontráil ina dhiaidh sin i gClár na mbreiseán beathaithe mar tháirgí a bhí ann cheana, i gcomhréir le hAirteagal 10(1) de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh iarratais isteach ar athmheastóireacht ar aigéad DL-malach, aigéad citreach arna tháirgeadh ag Aspergillus niger DSM 25794 nó CGMCC 4513/CGMCC 5751 nó CICC 40347/CGMCC 5343, aigéad sorbach agus sorbáit photaisiam, aigéad aicéiteach, dé-aicéatáit sóidiam agus aicéatáit chailciam, aigéad próipianach, próipianáit sóidiam, próipianáit chailciam agus próipianáit amóiniam, aigéad formach, formáit sóidiam, formáit chailciam agus formáit amóiniam, agus aigéad lachtach arna tháirgeadh ag Bacillus coagulans (LMG S-26145 nó DSM 23965), Bacillus smithii (LMG S-27890) nó Bacillus subtilis (LMG S-27889) agus lachtáit chailciam mar bhreiseáin bheathaithe le haghaidh gach speicis ainmhíoch.

(4)

D’iarr na hiarratasóirí go n-aicmeofaí na breiseáin sin i gcatagóir na mbreiseán “breiseáin theicneolaíocha” agus san fheidhmghrúpa “leasaithigh” nó “rialtáin aigéadachta”. Bhí na sonraí agus na doiciméid a éilítear faoi Airteagal 7(3) de Rialachán (CE) Uimh. 1831/2003 ag gabháil leis na hiarratais.

(5)

Chinn an tÚdarás Eorpach um Shábháilteacht Bia (“an tÚdarás”) ina thuairim an 29 Eanáir 2014 (3) nach bhfuil tionchar díobhálach ag aigéad DL-malach ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin gur greannaitheoir don chraiceann, don mhúcós agus do na súile é an breiseán, agus gur riosca é an nochtadh trí ionanálú. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Chinn an tÚdarás freisin go bhfuil sé éifeachtach mar leasaitheach beatha.

(6)

Chinn an tÚdarás ina thuairim an 27 Eanáir 2015 (4) nach bhfuil tionchar díobhálach ag aigéad citreach arna tháirgeadh ag Aspergillus niger DSM 25794 nó CGMCC 4513/CGMCC 5751 nó CICC 40347/CGMCC 5343 ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin go bhféadfadh an breiseán tionchair dhíobhálacha a bheith aige ar an gcraiceann, ar an múcós agus ar na súile, agus gur riosca é an nochtadh trí ionanálú. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Chinn an tÚdarás freisin go bhféadfadh an tsubstaint a bheith ina rialtán aigéadachta in ábhar beatha. Cé go n-aithnítear go forleathan go bhfuil sí éifeachtúil mar leasaitheach, níor léiríodh go leordhóthanach an éifeachtúlacht sin mar gheall ar an easpa anailíse staidrimh a cuireadh ar fáil leis an staidéar dearaidh.

(7)

D’ainneoin a laige atá an léiriú staidrimh sna staidéir a cuireadh ar fáil, an t-údarú a deonaíodh cheana d’aigéad citreach lena úsáid i mbia don fheidhm chéanna, measadh gur léiriú leordhóthanach é an t-údarú sin ar éifeachtacht na substainte mar leasaitheach, faoi choinníollacha Rialachán (CE) Uimh. 429/2008 ón gCoimisiún (5).

(8)

Chinn an tÚdarás ina thuairimí an 1 Iúil 2014 (6) agus an 8 Meán Fómhair 2015 (7) nach bhfuil tionchar díobhálach ag aigéad sorbach agus sorbáit photaisiam ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin go bhfuil na breiseáin greannach don chraiceann, do na súile agus don chonair riospráide. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí na mbreiseán. Chinn an tÚdarás freisin go bhfuil aigéad sorbach agus sorbáit photaisiam údaraithe san Aontas mar bhreiseáin bia lena n-úsáid mar leasaithigh. Tá sé réasúnta a bheith ag súil leis go mbeadh an éifeacht chéanna acu i mbeatha is atá acu i mbia nuair a úsáidtear iad de réir tiúchain inchomparáide agus faoi choinníollacha comhchosúla.

(9)

Chinn an tÚdarás ina thuairimí an 1 Feabhra 2012 (8) agus an 6 Bealtaine 2021 (9) nach bhfuil tionchar díobhálach ag aigéad aicéiteach, dé-aicéatáit sóidiam agus aicéatáit chailciam ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin go meastar gur greannaitheoir é aigéad caol, agus, nuair atá tiúchain arda de ann, go bhfuil sé creimneach agus go bhfuil riosca ar leith ann do na súile. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Chinn an tÚdarás freisin go bhfuil aigéad aicéiteach, dé-aicéatáit sóidiam agus aicéatáit chailciam údaraithe san Aontas mar bhreiseáin bia lena n-úsáid mar leasaithigh. Tá sé réasúnta a bheith ag súil leis go mbeadh an éifeacht chéanna acu i mbeatha is atá acu i mbia nuair a úsáidtear iad de réir tiúchain inchomparáide agus faoi choinníollacha comhchosúla.

(10)

Chinn an tÚdarás ina thuairim an 16 Samhain 2011 (10) nach bhfuil tionchar díobhálach ag aigéad próipianach, próipianáit sóidiam, próipianáit chailciam agus próipianáit amóiniam ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin go bhfuil aigéad próipianach, próipianáit sóidiam, próipianáit chailciam agus próipianáit amóiniam creimneach don chraiceann, do sheicní múcasacha agus do na súile. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí na mbreiseán. Chinn an tÚdarás freisin go bhféadfadh aigéad próipianach, próipianáit sóidiam, próipianáit chailciam agus próipianáit amóiniam a bheith ina leasaithigh in ábhar beatha.

(11)

Chinn an tÚdarás ina thuairimí an 17 Meán Fómhair 2014 (11), an 11 Márta 2015 (12), an 18 Márta 2020 (13), an 7 Bealtaine 2020 (14), an 19 Márta 2020 (15), an 24 Deireadh Fómhair 2014 (16) agus an 7 Bealtaine 2020 (17) nach bhfuil tionchar díobhálach ag aigéad formach, formáit sóidiam, formáit chailciam agus formáit amóiniam ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Cinntear go bhfuil aigéad formach, formáit sóidiam agus formáit amóiniam creimneach. Níl formáit chailciam agus formáid sóidiam ina ngreannaitheoirí don chraiceann, ach is greannaitheoirí súl éadroma iad agus is greannaitheoirí riospráide troma iad a bhfuil poitéinseal um íogrú acu. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí na mbreiseán. Chinn an tÚdarás freisin go bhféadfadh aigéad formach, formáit sóidiam, formáit chailciam agus formáit amóiniam a bheith ina leasaithigh i mbeatha.

(12)

Chinn an tÚdarás ina thuairimí an 9 Iúil 2015 (18), an 5 Iúil 2017 (19) agus an 12 Samhain 2019 (20) nach bhfuil tionchar díobhálach ag aigéad lachtach arna tháirgeadh ag Bacillus coagulans (LMG S-26145 nó DSM 23965), Bacillus smithii (LMG S-27890) nó Bacillus subtilis (LMG S-27889) agus lachtáit chailciam ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Cinntear freisin go bhfuil aigéad lachtach greannach do na súile agus don chonair riospráide agus go bhfuil sé creimneach don chraiceann. Ba cheart a mheas go bhfuil lachtáit chailciam greannach don chraiceann, do na súile agus don chonair riospráide. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí na mbreiseán. Chinn an tÚdarás freisin, ós rud é go n-úsáidtear aigéad lachtach agus lachtáit chailciam i mbia mar leasaithigh, go bhfuil sé réasúnta coinne a bheith leis go mbeadh an éifeacht chéanna acu i mbeatha is atá acu i mbia nuair a úsáidtear iad de réir tiúchain inchomparáide agus faoi choinníollacha comhchosúla.

(13)

Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin na tuarascálacha ar na modhanna a úsáidtear chun anailís a dhéanamh ar na breiseáin bheathaithe i mbeatha, tuarascálacha arna gcur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(14)

Na measúnuithe ar aigéad DL-malach, aigéad citreach arna tháirgeadh ag Aspergillus niger DSM 25794 nó CGMCC 4513/CGMCC 5751 nó CICC 40347/CGMCC 5343, aigéad sorbach agus sorbáit photaisiam, aigéad aicéiteach, dé-aicéatáit sóidiam agus aicéatáit chailciam, aigéad próipianach, próipianáit sóidiam, próipianáit chailciam agus próipianáit amóiniam, aigéad formach, formáit sóidiam, formáit chailciam agus formáit amóiniam, agus aigéad lachtach arna tháirgeadh ag Bacillus coagulans (LMG S-26145 nó DSM 23965), nó Bacillus smithii (LMG S-27890) nó Bacillus subtilis (LMG S-27889) agus lachtáit chailciam, léirítear leis na measúnuithe sin go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, aigéad DL-malach, aigéad citreach, aigéad sorbach agus sorbáit photaisiam, aigéad aicéiteach, dé-aicéatáit sóidiam agus aicéatáit chailciam, aigéad próipianach, próipianáit sóidiam, próipianáit chailciam agus próipianáit amóiniam, aigéad formach, formáit sóidiam, formáit chailciam agus formáit amóiniam, agus aigéad lachtach agus lachtáit chailciam, ba cheart a n-úsáid a údarú.

(15)

Ó tharla nach bhfuil gá ar chúiseanna sábháilteachta modhnuithe ar na coinníollacha maidir le húdarú a chur i bhfeidhm le haghaidh aigéad DL-malach, aigéad citreach, aigéad sorbach agus sorbáit photaisiam, aigéad aicéiteach, dé-aicéatáit sóidiam agus aicéatáit chailciam, aigéad próipianach, próipianáit sóidiam, próipianáit chailciam agus próipianáit amóiniam, aigéad formach, formáit sóidiam, formáit chailciam agus formáit amóiniam, agus aigéad lachtach agus lachtáit chailciam, is iomchuí idirthréimhse a sholáthar do na páirtithe leasmhara chun gur féidir leo iad féin a ullmhú chun na ceanglais nua a eascraíonn as an údarú a chomhlíonadh.

(16)

Cé nach bhfuil aigéad citreach, aigéad sorbach agus sorbáit photaisiam, aigéad aicéiteach, aigéad próipianach, próipianáit sóidiam, próipianáit amóiniam, aigéad formach, formáid amóiniam, formáit sóidiam, formáid chailciam agus aigéad lachtach údaraithe lena n-úsáid mar leasaithigh in uisce óil, agus nach bhfuil aigéad citreach údaraithe mar rialtán aigéadachta, ní chuirtear bac ar a n-úsáid i mbeatha cumaisc a thugtar trí uisce.

(17)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

I Rialachán (AE) 2016/429, ceanglaítear gur gá coinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2), leagtar síos na ceanglais sláinte ainmhithe nach mór do choinsíneachtaí de speicis agus de chatagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó ó chríocha nó ó chriosanna de thríú tíortha nó de chríocha, nó ó dheighleoga de thríú tíortha nó de chríocha i gcás ainmhithe dobharshaothraithe.

(3)

Le Rialachán Cur Chun Feidhme (AE) 2021/404 ón gCoimisiún (3), bunaítear na liostaí de thríú tíortha, nó de chríocha, nó criosanna nó deighleoga de thríú tíortha nó de chríocha, óna gceadaítear speicis agus catagóirí d’ainmhithe, de tháirgí geirmeacha agus de tháirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas.

(4)

Thar aon ní eile, le hIarscríbhinn V agus Iarscríbhinn XIV a ghabhann le Rialachán Cur Chun Feidhme (AE) 2021/404, leagtar amach na liostaí de thríú tíortha, de chríocha, nó criosanna de thríú tíortha nó de chríocha atá údaraithe i dtaca le coinsíneachtaí d’éanlaith chlóis, de tháirgí geirmeacha ó éanlaith chlóis, d’fheoil úr ó éanlaith chlóis agus d’éin ghéim a theacht isteach san Aontas.

(5)

Thug an Ríocht Aontaithe fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann gar do Blaydon, Gateshead, Tyne and Wear, Sasana, agus deimhníodh í an 23 Feabhra 2022 le hanailís saotharlainne (RT-PCR).

(6)

Sa bhreis air sin, thug an Ríocht Aontaithe fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann gar do Ledbury, North Herefordshire, Herefordshire, Sasana, agus deimhníodh í an 25 Feabhra 2022 le hanailís saotharlainne (RT-PCR).

(7)

Thairis sin, thug an Ríocht Aontaithe fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann gar do Elmswell, Mid Suffolk, Suffolk, Sasana, agus deimhníodh í an 26 Feabhra 2022 le hanailís saotharlainne (RT-PCR).

(8)

Sa bhreis air sin, thug Stáit Aontaithe Mheiriceá fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann sa cheathrú bunaíocht i gcontae Dubois, contae atá buailte cheana féin, stát Indiana, Stáit Aontaithe Mheiriceá, agus deimhníodh í an 2 Márta 2022 le hanailís saotharlainne (RT-PCR).

(9)

Thairis sin, thug Stáit Aontaithe Mheiriceá fógra don Choimisiún maidir le ráig den fhliú éanúil ardphataigineach in éanlaith chlóis. Tá na ráigeanna sin ann i gcontae Stoddard, stát Missouri, Stáit Aontaithe Mheiriceá, agus i gcontae Cecil, stát Maryland, Stáit Aontaithe Mheiriceá agus deimhníodh iad an 4 Márta 2022 le hanailís saotharlainne (RT-PCR).

(10)

Sa bhreis air sin, thug Stáit Aontaithe Mheiriceá fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann i gcontae Charles Mix, stát South Dakota, Stáit Aontaithe Mheiriceá, agus deimhníodh í an 5 Márta 2022 le hanailís saotharlainne (RT-PCR).

(11)

Sa bhreis air sin, thug Stáit Aontaithe Mheiriceá fógra don Choimisiún maidir le ráig den fhliú éanúil ardphataigineach in éanlaith chlóis. Tá an ráig sin ann i gcontae Buena Vista, stát Iowa, Stáit Aontaithe Mheiriceá agus deimhníodh í an 6 Márta 2022 le hanailís saotharlainne (RT-PCR).

(12)

Bhunaigh údaráis tréidliachta na Ríochta Aontaithe agus na Stáit Aontaithe crios rialaithe 10 km timpeall ar na bunaíochtaí atá buailte agus chuir siad beartas díothaithe chun feidhme chun láithreacht an fhliú éanúil ardphataiginigh a rialú agus leathadh an ghalair sin a theorannú.

(13)

Tá faisnéis curtha isteach ag an Ríocht Aontaithe agus ag Stáit Aontaithe Mheiriceá chuig an gCoimisiún maidir leis an staid eipidéimeolaíoch ar a gcríoch agus maidir leis na bearta atá déanta acu chun leathadh breise an fhliú éanúil ardphataiginigh sin a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin agus chun stádas sláinte ainmhithe an Aontais a chosaint, níor cheart, mar gheall ar na ráigeanna den fhliú éanúil ardphataigineach, údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis ná d’fheoil úr ó éanlaith chlóis ná d’éin ghéim a theacht isteach san Aontas ó na limistéir atá faoi shrianta arna mbunú ag údaráis tréidliachta na Ríochta Aontaithe agus na Stát Aontaithe.

(14)

Ina theannta sin, chuir an Ríocht Aontaithe faisnéis nuashonraithe isteach maidir leis an staid eipidéimeolaíoch ina críoch in ndáil leis na ráigeanna de HPAI a dearbhaíodh i mbunaíochtaí éanlaithe clóis gar do Pokesdown, Bournemouth, Sasana an 19 Samhain 2021, gar do Wells-next-the-sea, North Norfolk, Norfolk, Sasana an 22 Samhain 2021 agus gar do Gaerwen, Inis Món, an Bhreatain Bheag an 26 Samhain 2021. Chuir an Ríocht Aontaithe isteach freisin na bearta atá déanta aici chun leathadh breise an ghalair sin a chosc. Thar aon ní eile, tar éis na ráigeanna sin de HPAI, tá beartas díothaithe curtha chun feidhme ag an Ríocht Aontaithe chun leathadh an ghalair sin a rialú agus a theorannú. Ina theannta sin, thug an Ríocht Aontaithe chun críche na bearta glantacháin agus díghalraithe ba ghá tar éis chur chun feidhme an bheartais díothaithe ar na bunaíochtaí éanlaithe clóis a bhí ionfhabhtaithe ina críoch.

(15)

Rinne an Coimisiún meastóireacht ar an bhfaisnéis a chuir an Ríocht Aontaithe isteach agus chinn sé go raibh na ráigeanna de HPAI sna bunaíochtaí éanlaithe clóis gar do Pokesdown, Bournemouth, Sasana, gar do Wells-next-the-sea, North Norfolk, Norfolk, Sasana agus gar do Gaerwen, Inis Món, an Bhreatain Bheag díothaithe agus nach bhfuil aon riosca ag baint a thuilleadh le teacht isteach san Aontas tráchtearraí éanlaithe clóis ó na criosanna sa Riocht Aontaithe óna raibh teacht isteach san Aontas na dtráchtearraí éanlaithe clóis ar fionraí de dheasca na ráigeanna sin.

(16)

Ba cheart, dá bhrí sin, Iarscríbhinn V agus Iarscríbhinn XIV a ghabhann le Rialachán Cur Chun Feidhme (AE) 2021/404 a leasú dá réir.

(17)

Tríd an staid eipidéimeolaíoch reatha sa Ríocht Aontaithe agus i Stáit Aontaithe Mheiriceá a chur san áireamh a mhéid a bhaineann leis an bhfliú éanúil ardphataigineach agus an riosca tromchúiseach atá ann go dtabharfaí isteach san Aontas é, ba cheart éifeacht a bheith leis na leasuithe atá le déanamh leis an Rialachán seo ar Rialachán Cur Chun Feidhme (AE) 2021/404 mar ábhar práinne.

(18)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Is galar víreasach tógálach é an fliú éanúil ardphataigineach (HPAI) in éin agus d’fhéadfadh sé tionchar tromchúiseach a bheith aige ar bhrabúsacht na feirmeoireachta éanlaithe clóis, rud a chuirfeadh isteach ar thrádáil laistigh den Aontas agus ar onnmhairí chuig tríú tíortha. Is féidir le víris HPAI éin imirceacha a ionfhabhtú, rud a fhágann gur féidir leo na víris seo a leathadh thar achair fhada le linn a n-imircí san fhómhar agus san earrach. Dá bhrí sin, is bagairt leanúnach é víris HPAI a bheith in éin fhiáine maidir le tabhairt isteach na víreas sin go díreach agus go hindíreach i ngabháltais ina gcoinnítear éanlaith chlóis nó éin faoi chuing. I gcás ráig de HPAI, tá baol ann go bhféadfaidh an t-oibreán galair leathadh go gabháltais eile ina gcoimeádtar éanlaith chlóis nó éin faoi chuing.

(2)

Le Rialachán (AE) 2016/429, bunaítear creat reachtach nua chun galair a chosc agus a rialú, ar galair iad atá in-tarchurtha chuig ainmhithe nó chuig daoine. Tagann HPAI faoin sainmhíniú ar ghalar liostaithe sa Rialachán sin, agus tá sé faoi réir na rialacha coisctheacha agus rialaithe galar a leagtar síos ann. Ina theannta sin, le Rialachán Tarmligthe (AE) 2020/687 ón gCoimisiún (2), déantar forlíonadh ar Rialachán (AE) 2016/429 a mhéid a bhaineann leis na rialacha maidir le galair liostaithe áirithe a chosc agus a rialú, lena n-áirítear bearta rialaithe galar le haghaidh HPAI.

(3)

Glacadh Cinneadh Cur Chun Feidhme (AE) 2021/641 ón gCoimisiún (3) faoi chuimsiú Rialachán (AE) 2016/429 agus leagtar síos leis bearta rialaithe galar i ndáil le ráigeanna HPAI.

(4)

Go háirithe, foráiltear le Cinneadh Cur Chun Feidhme (AE) 2021/641 go gcuimseoidh na criosanna cosanta agus faireachais arna mbunú ag na Ballstáit tar éis ráigeanna HPAI, i gcomhréir le Rialachán Tarmligthe (AE) 2020/687, ar a laghad na limistéir a liostaítear mar chriosanna cosanta agus faireachais san Iarscríbhinn a ghabhann leis an gCinneadh Cur Chun Feidhme sin.

(5)

Leasaíodh an Iarscríbhinn a ghabhann le Cinneadh Cur Chun Feidhme (AE) 2021/641 le déanaí le Cinneadh Cur Chun Feidhme (AE) 2022/349 ón gCoimisiún (4) tar éis ráigeanna HPAI in éanlaith chlóis nó in éin faoi chuing sa tSeicia, sa Ghearmáin, sa Spáinn, sa Fhrainc, san Iodáil, san Ísiltír, sa Pholainn agus sa Phortaingéil, rud ba ghá a léiriú san Iarscríbhinn sin.

(6)

Ón dáta a glacadh Cinneadh Cur Chun Feidhme (AE) 2022/349, tá an Ghearmáin, an Spáinn, an Fhrainc, an Iodáil, an Ísiltír, an Pholainn agus an Phortaingéil tar éis fógra a thabhairt don Choimisiún faoi ráigeanna breise de HPAI i mbunaíochtaí inar coimeádadh éanlaith chlóis nó éin faoi chuing, atá lonnaithe laistigh nó lasmuigh de na limistéir a liostaítear san Iarscríbhinn a ghabhann leis an gCinneadh Cur Chun Feidhme sin.

(7)

Rinne údaráis inniúla na Gearmáine, na Spáinne, na Fraince, na hIodáile, na hÍsiltíre, na Polainne agus na Portaingéile na bearta rialaithe galar is gá i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall ar na ráigeanna sin.

(8)

Ina theannta sin, chinn údarás inniúil na Fraince crios srianta breise a bhunú mórthimpeall ar na criosanna cosanta agus faireachais, é sin nó in aice leo, i limistéir áirithe lena mbaineann riosca méadaithe maidir le leathadh HPAI in Department Gers den Bhallstát céanna.

(9)

Tá scrúdú déanta ag an gCoimisiún ar na bearta rialaithe galar a ghlac an Ghearmáin, an Spáinn, an Fhrainc, an Iodáil, an Ísiltír, an Pholainn agus an Phortaingéil i gcomhar leis na Ballstáit sin agus tá sé sásta go bhfuil teorainneacha na gcriosanna cosanta agus faireachais sa Ghearmáin, sa Spáinn, sa Fhrainc, san Iodáil, san Ísiltír, sa Pholainn agus sa Phortaingéil, chomh maith le teorainneacha na gcriosanna srianta breise sa Fhrainc, arna mbunú ag údaráis inniúla na mBallstát sin, go bhfuil siad fada go leor ó na bunaíochtaí inar deimhníodh na ráigeanna HPAI le déanaí.

(10)

Chun aon suaitheadh nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá tuairisc a thabhairt go mear ar leibhéal an Aontais, i gcomhar leis an nGearmáin, leis an Spáinn, leis an bhFrainc, leis an Iodáil, leis an Ísiltír, leis an bPolainn agus leis an bPortaingéil, ar na criosanna cosanta agus faireachais arna mbunú ag na Ballstáit sin i gcomhréir le Rialachán Tarmligthe (AE) 2020/687.

(11)

Dá bhrí sin, na limistéir a liostaítear le haghaidh na Gearmáine, na Spáinne, na Fraince, na hIodáile, na hÍsiltíre, na Polainne agus na Portaingéile san Iarscríbhinn a ghabhann le Cinneadh Cur Chun Feidhme (AE) 2021/641, ba cheart iad a leasú.

(12)

Ina theannta sin, ba cheart crios srianta breise a liostú i gcás na Fraince san Iarscríbhinn a ghabhann le Cinneadh Cur Chun Feidhme (AE) 2021/641.

(13)

Dá réir sin, ba cheart an Iarscríbhinn a ghabhann le Cinneadh Cur Chun Feidhme (AE) 2021/641 a leasú chun an réigiúnú a thabhairt cothrom le dáta ar leibhéal an Aontais chun aird a thabhairt ar na criosanna cosanta agus faireachais arna mbunú go cuí ag an nGearmáin, ag an Spáinn, ag an bhFrainc, ag an Iodáil, ag an Ísiltír, ag an bPolainn agus ag an bPortaingéil, agus ar na criosanna srianta breise arna mbunú go cuí ag an bhFrainc, i gcomhréir le Rialachán Tarmligthe (AE) 2020/687, agus ré na mbeart is infheidhme ann.

(14)

Dá bhrí sin, ba cheart Cinneadh Cur Chun Feidhme (AE) 2021/641 a leasú dá réir sin.

(15)

I bhfianaise phráinn na staide eipidéimeolaíche san Aontas maidir le leathadh HPAI, tá sé tábhachtach go dtiocfaidh na leasuithe atá le déanamh ar Chinneadh Cur Chun Feidhme (AE) 2021/641 leis an gCinneadh seo i bhfeidhm a luaithe is féidir.

(16)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,