(1)

De bhun Airteagal 62(6) de Threoir (AE) 2016/680 ó Pharlaimint na hEorpa agus ón gComhairle (2), tá an Coimisiún le hathbhreithniú a dhéanamh ar ghníomhartha dlí arna nglacadh ag an Aontas, seachas an Treoir sin, lena rialaítear próiseáil sonraí pearsanta ag na húdaráis inniúla chun na gcríoch a leagtar amach in Airteagal 1(1) den Treoir sin. Is é is cuspóir an athbhreithnithe sin measúnú a dhéanamh ar an ngá atá leis na gníomhartha dlí sin a ailíniú leis an Treoir sin agus chun na tograí is gá a dhéanamh, i gcás inarb iomchuí, chun iad a leasú d’fhonn cur chuige comhsheasmhach a áirithiú maidir le sonraí pearsanta a chosaint faoi raon feidhme na Treorach sin. De thoradh an athbhreithnithe sin, rinneadh Cinneadh Réime 2002/465/CGB ón gComhairle (3) a shainaithint mar cheann de na gníomhartha dlí atá le leasú.

(2)

Is é atá i gceist le próiseáil sonraí pearsanta faoi Chinneadh Réime 2002/465/CBG faisnéis ábhartha a phróiseáil, a mhalartú agus a úsáid ina dhiaidh sin chun na gcríoch a leagtar amach in Airteagal 82 den Chonradh ar Fheidhmiú an Aontais Eorpaigh (CFAE). Ar mhaithe le comhsheasmhacht agus cosaint éifeachtach sonraí pearsanta, ba cheart Treoir (AE) 2016/680 a chomhlíonadh le próiseáil sonraí pearsanta faoi Chinneadh Réime 2002/465/CGB. Ba cheart é a bheith indéanta sonraí pearsanta atá san fhaisnéis a fhaigheann foireann chomhpháirteach um imscrúdú go dleathach a phróiseáil chun críoch eile seachas na críocha sin ar chucu a cuireadh an fhoireann ar bun, amhail nósanna imeachta coiriúla ina dhiaidh sin nó nósanna imeachta gaolmhara riaracháin nó sibhialta nó grinnscrúdú parlaiminteach, i gcomhréir leis na coinníollacha a leagtar síos i dTreoir (AE) 2016/680 agus ar an mbonn sin amháin. Níor cheart próiseáil sonraí pearsanta den sórt sin a dhéanamh ach amháin i gcomhréir leis na coinníollacha a leagtar síos i dTreoir (AE) 2016/680, lena n-áirítear go ndéanfar í i gcomhréir le dlí an Aontais nó dlí Ballstáit agus ba cheart an phróiseáil sin a bheith riachtanach agus comhréireach lena cuspóir.

(3)

I gcomhréir le hAirteagal 6a de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach (CAE) agus le CFAE, tá Éire faoi cheangal ag Cinneadh Réime 2002/465/CGB agus, dá bhrí sin, tá sí rannpháirteach i nglacadh na Treorach seo.

(4)

I gcomhréir le hAirteagail 1, 2 agus 2a de Phrótacal Uimh. 22 maidir le seasamh na Danmhairge, atá i gceangal le CAE agus le CFAE, níl an Danmhairg rannpháirteach i nglacadh na Treorach seo agus níl sí faoi cheangal aici ná faoi réir a cur i bhfeidhm.

(5)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (4) agus thug an Maoirseoir tuairim an 10 Márta 2021.

(6)

Ba cheart, dá bhrí sin, Cinneadh Réime 2002/465/CGB a leasú dá réir sin,

(1)

Le Rialachán (CE) Uimh. 765/2006 (2) ón gComhairle, déantar foráil maidir le, i measc nithe eile, cistí agus acmhainní eacnamaíocha a reo agus toirmisctear cistí nó acmhainní eacnamaíocha a chur ar fáil do dhaoine, d’eintitis nó do chomhlachtaí atá freagrach as sáruithe tromchúiseacha ar chearta an duine nó as an tsochaí shibhialta agus an freasúra daonlathach a chur faoi chois, nó d’eintitis a mbaineann a ngníomhaíochtaí an bonn ar shlí eile ón daonlathas nó ón smacht reachta sa Bhealarúis nó a bhaineann tairbhe as réimeas Lukashenka nó a thacaíonn leis, nó do dhaoine, d’eintitis nó do chomhlachtaí a eagraíonn nó a rannchuidíonn le gníomhaíochtaí réimeas Lukashenka lena n-éascaítear trasnú neamhdhleathach theorainneacha seachtracha an Aontais nó aistriú earraí toirmiscthe agus aistriú neamhdhleathach earraí srianta, lena n-áirítear earraí guaiseacha, isteach i gcríoch Ballstáit.

(2)

Le Rialachán (CE) Uimh. 765/2006 tugtar éifeacht do na bearta dá bhforáiltear i gCinneadh 2012/642/CBES.

(3)

An 24 Meitheamh 2021, ghlac an Chomhairle Cinneadh (CBES) 2021/1031 (3), lenar tugadh isteach bearta sriantacha eacnamaíocha spriocdhírithe breise agus Rialachán (AE) 2021/1030 (4), lenar leasaíodh Rialachán (CE) Uimh. 765/2006. Le Cinneadh (CBES) 2021/1031 agus Rialachán (AE) 2021/1030 leagtar síos srianta sonracha earnálacha.

(4)

An 17 Feabhra 2022, ghlac an Chomhairle Cinneadh 2022/218 (5), lena dtugtar isteach leasuithe áirithe chun éifeachtacht agus cur i bhfeidhm aonfhoirmeach na mbeart a áirithiú. Is gá na leasuithe sin a léiriú i Rialachán (CE) Uimh. 765/2006 chun go bhféadfar na bearta a chur chun feidhme i gceart agus go haonfhoirmeach ar fud an Aontais.

(5)

Ba cheart, dá bhrí sin, Rialachán (CE) Uimh. 765/2006 a leasú dá réir,

(1)

cuirtear an méid seo a leanas in ionad an teidil:

“Rialachán (CE) Uimh. 765/2006 ón gComhairle an 18 Bealtaine 2006 a bhaineann le bearta sriantacha i bhfianaise na staide sa Bhealarúis”;

(2)

in Airteagal 1, cuirtear na pointí seo a leanas leis:

(3)

in Airteagal 1e, cuirtear na míreanna seo a leanas leis:

(4)

in Airteagal 1f, cuirtear an méid seo a leanas in ionad mhíreanna 3 agus 4:

(5)

in Airteagal 1g, cuirtear an méid seo a leanas in ionad mhír 2:

(6)

in Airteagal 1h, cuirtear an méid seo a leanas in ionad mhíreanna 1 agus 2:

(7)

in Airteagal 1h, cuirtear an mhír seo a leanas leis:

(8)

in Airteagal 1i, leasaítear mír 2 mar seo a leanas:

(9)

in Airteagal 1j, cuirtear an méid seo a leanas in ionad phointí (a) go (d):

(10)

in Airteagal 1k(1), cuirtear an méid seo a leanas in ionad phointí (a) go (d):

(11)

in Airteagal 1l, cuirtear an méid seo a leanas in ionad phointe (i):

(12)

cuirtear an méid seo a leanas in ionad Airteagal 2a:

(13)

in Airteagal 3(1), cuirtear an méid seo a leanas in ionad phointe (d):

(14)

cuirtear na hairteagail seo a leanas isteach:

(*)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39)."

(15)

Leasaítear Iarscríbhinn IV mar a leagtar amach in Iarscríbhinn I a ghabhann leis an Rialachán seo.

(16)

Leasaítear Iarscríbhinn VII mar a leagtar amach in Iarscríbhinn II a ghabhann leis an Rialachán seo.

(17)

Leasaítear Iarscríbhinn IX mar a leagtar amach in Iarscríbhinn VIII a ghabhann leis an Rialachán seo.

(18)

Leasaítear Iarscríbhinn IX mar a leagtar amach in Iarscríbhinn IV a ghabhann leis an Rialachán seo.

(1)

Le hAirteagal 7(1) de Rialachán Tarmligthe (AE) Uimh. 664/2014 ón gCoimisiún (2), foráiltear go bhfuil feidhm mutatis mutandis ag an nós imeachta a leagtar síos in Airteagail 49 go 52 de Rialachán (AE) Uimh. 1151/2012 maidir le clárú dá dtagraítear in Airteagal 54(1) den Rialachán sin a chealú.

(2)

De bhun Airteagal 50(2)(a) de Rialachán (AE) Uimh. 1151/2012, i gcomhar le hAirteagal 7(1) de Rialachán Tarmligthe (AE) Uimh. 664/2014 ón gCoimisiún, foilsíodh an t-iarratas a sheol Lucsamburg chun an tásc geografach faoi chosaint (TGFC) “Salaisons fumées, marque nationale Grand-Duché de Luxembourg” a chealú in Iris Oifigiúil an Aontais Eorpaigh (3).

(3)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart, dá bhrí sin, an t-ainm “Salaisons fumées, marque nationale Grand-Duché de Luxembourg” (TGFC) a chealú ón gclár um shonrúcháin tionscnaimh faoi chosaint agus um thásca geografacha faoi chosaint.

(4)

De bhun Airteagal 54(1), an fhomhír dheiridh, de Rialachán (AE) Uimh. 1151/2012, glactar an cealú sin i gcomhréir leis an nós imeachta scrúdúcháin dá dtagraítear in Airteagal 57(2) den Rialachán sin.

(5)

Tá an beart dá bhforáiltear sa Rialachán seo i gcomhréir leis an tuairim ón gCoiste um Beartas Cáilíochta Táirgí Talmhaíochta,

(1)

Leagtar síos le Rialachán (AE) 2016/429 rialacha sonracha ó thaobh galair de maidir leis na galair a liostaítear i gcomhréir le hAirteagal 5(1) de agus leagtar síos an chaoi a gcuirfear na rialacha sin i bhfeidhm maidir le catagóirí éagsúla galar liostaithe. Déantar foráil i Rialachán (AE) 2016/429 go mbunóidh na Ballstáit cláir dhíothaithe éigeantacha le haghaidh na ngalar liostaithe dá dtagraítear in Airteagal 9(1), pointe (b) de, agus déantar foráil ann maidir le cláir dhíothaithe roghnacha le haghaidh na ngalar liostaithe dá dtagraítear in Airteagal 9(1), pointe (c) de agus maidir le formheas na gclár sin ag an gCoimisiún. Foráiltear leis an Rialachán freisin maidir leis an bhformheas nó an tarraingt siar a dhéanfaidh an Coimisiún ar stádas saor ó ghalar Ballstát nó criosanna nó deighleoga díobh maidir le galair liostaithe áirithe dá dtagraítear in Airteagal 9(1), pointí (b) agus (c) de.

(2)

Le Rialachán Tarmligthe (AE) 2020/689 ón gCoimisiún (2), déantar forlíonadh ar Rialachán (AE) 2016/429 agus leagtar síos na critéir maidir le stádas saor ó ghalair a dheonú, a choinneáil, a chur ar fionraí agus a tharraingt siar i gcás Ballstát nó criosanna nó deighleoga díobh, agus na ceanglais maidir le formheas clár díothaithe éigeantach nó roghnach le haghaidh Ballstát nó criosanna nó deighleog díobh.

(3)

Le Rialachán Cur Chun Feidhme (AE) 2021/620 ón gCoimisiún (3), leagtar síos rialacha cur chun feidhme do na galair liostaithe dá dtagraítear in Airteagal 9(1)(a), (b) agus (c) de Rialachán (AE) 2016/429, maidir le hainmhithe, a mhéid a bhaineann le stádas saor ó ghalair agus neamh-vacsaínithe Ballstát áirithe nó criosanna nó deighleoga díobh, agus formheas na gclár díothaithe le haghaidh na ngalar liostaithe sin. Go háirithe, liostaítear ann sna hIarscríbhinní a ghabhann leis, na Ballstáit nó na criosanna nó deighleoga díobh a bhfuil stádas saor ó ghalair acu agus liostaítear ann freisin na cláir dhíothaithe éigeantacha nó roghnacha atá ann cheana. Mar gheall ar an athrú atá ag teacht ar an staid eipidéimeolaíoch i gcás galair áirithe, is gá Ballstáit nua atá saor ó ghalair nó criosanna díobh a liostú, na limistéir sin inar dearbhaíodh ráigeanna galair a scriosadh ón liosta nó nach bhfuil na coinníollacha maidir le stádas saor ó ghalair a choinneáil á gcomhlíonadh a thuilleadh, agus cláir dhíothaithe éigeantacha nó roghnacha áirithe arna gcur faoi bhráid an Choimisiúin a fhormheas.

(4)

I gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (“an Comhaontú um Tharraingt Siar”), agus go háirithe Airteagal 5(4) den Phrótacal maidir le hÉirinn/Tuaisceart Éireann i gcomhréir le hIarscríbhinn 2 a ghabhann leis an bPrótacal sin, tá feidhm ag Rialachán (AE) 2016/429, agus gníomhartha de chuid an Choimisiúin atá bunaithe air, amhail Rialachán Cur Chun Feidhme (AE) 2021/620, maidir leis an Ríocht Aontaithe agus sa Ríocht Aontaithe i ndáil le Tuaisceart Éireann tar éis dheireadh na hidirthréimhse dá bhforáiltear sa Chomhaontú um Tharraingt Siar.

(5)

I gcás ionfhabhtú Brucella abortus, B. melitensis agus B. suis, ionfhabhtú coimpléasc Mycobacterium tuberculosis (Mycobacterium bovis, M. caprae agus M. tuberculosis) (MTBC), ionfhabhtú víreas an chonfaidh (RABV), ionfhabhtú na buinní víreasaí bólachta (BVB) agus ionfhabhtú an víris ghormtheanga (séiritíopaí 1-24) (BTV), tá roinnt Ballstát tar éis iarratas a dhéanamh don Choimisiún stádas saor ó ghalair nó cláir dhíothaithe a fhormheas le haghaidh a gcríche iomláine nó le haghaidh cuid dá gcríoch.

(6)

Tá sé tráthúil bó-ainmhithe, agus ainmhithe den chineál caorach agus den chineál gabhair a liostú go leithleach le haghaidh na ngalar sin. Dá réir sin, beidh Caibidlí éagsúla i gCuid II d’Iarscríbhinn I a ghabhann le Rialachán Cur Chun Feidhme (AE) 2021/620, arna leasú leis an Rialachán seo, maidir le bó-ainmhithe agus ainmhithe den chineál gabhair agus ainmhithe den chineál caorach, agus is gá freisin Airteagal 2 den Rialachán Cur Chun Feidhme sin ina dtagraítear don Iarscríbhinn sin a leasú.

(7)

Maidir le hionfhabhtú Brucella abortus, B. melitensis agus B. suis i mbó-ainmhithe, chuir an Spáinn faisnéis faoi bhráid an Choimisiúin lena léirítear go gcomhlíontar na coinníollacha maidir le stádas saor ó ghalair a aithint a leagtar síos i Rialachán Tarmligthe (AE) 2020/689 i gCúige Cáceres i gComhphobal Uathrialach Extremadura. Dá bhrí sin, ba cheart an crios sin a liostú mar chrios saor ó Brucella abortus, B. melitensis agus B. suis i mbó-ainmhithe i gCuid I, Caibidil 1, d’Iarscríbhinn I a ghabhann le Rialachán Cur Chun Feidhme (AE) 2021/620.

(8)

Maidir le hionfhabhtú Brucella abortus, B. melitensis agus B. suis i mbó-ainmhithe, tá iarratais curtha faoi bhráid an Choimisiúin ag an mBulgáir, ag an nGréig, ag an Ungáir, ag an Iodáil agus ag an bPortaingéil chun a gcláir dhíothaithe éigeantacha a fhormheas, agus maidir le hionfhabhtú Brucella abortus, B. melitensis agus B. suis i mbó-ainmhithe, tá iarratais curtha faoi bhráid an Choimisiúin ag an mBulgáir, ag an gCróit, ag an nGréig, ag an Iodáil agus ag an bPortaingéil chun a gcláir dhíothaithe éigeantacha a fhormheas. Tar éis don Choimisiún measúnú a dhéanamh, léiríodh go gcomhlíonann na hiarratais sin na critéir a leagtar síos i gCaibidil 2 de Chuid II de Rialachán Tarmligthe (AE) 2020/689 maidir le cláir dhíothaithe a fhormheas. Dá bhrí sin, na Ballstáit nó criosanna díobh a chumhdaítear faoi na cláir dhíothaithe sin, ba cheart iad a liostú in Iarscríbhinn I a ghabhann le Rialachán Cur Chun Feidhme (AE) 2021/620, mar Bhallstáit nó criosanna díobh ag a bhfuil clár díothaithe formheasta le haghaidh na ngalar sin sna daonraí ainmhithe sin.

(9)

Maidir le hionfhabhtú MTBC, tá faisnéis curtha faoi bhráid an Choimisiúin ag an Spáinn lena léirítear go gcomhlíontar na coinníollacha maidir le stádas saor ó ghalair a aithint ó ionfhabhtú MTBC a leagtar síos le Rialachán Tarmligthe (AE) 2020/689 i gComhphobal Uathrialach País Vasco. Dá bhrí sin, ba cheart an Comhphobal Uathrialach sin a liostú mar chrios saor ó MTBC in Iarscríbhinn II, Cuid I, a ghabhann le Rialachán Cur Chun Feidhme (AE) 2021/620.

(10)

Maidir le hionfhabhtú MTBC, tá iarratais curtha faoi bhráid an Choimisiúin ag an mBulgáir, ag an gCróit, ag an gCipir, ag an nGréig, ag Éirinn, ag an Iodáil, ag Málta, ag an bPortaingéil, ag an Rómáin, ag an Spáinn agus ag an Ríocht Aontaithe i ndáil le Tuaisceart Éireann chun a gcláir dhíothaithe éigeantacha a fhormheas. Tar éis don Choimisiún measúnú a dhéanamh, léiríodh go gcomhlíonann na hiarratais sin na critéir a leagtar síos i gCaibidil 2 de Chuid II de Rialachán Tarmligthe (AE) 2020/689 maidir le cláir dhíothaithe a fhormheas. Dá bhrí sin, na Ballstáit nó criosanna díobh a chumhdaítear faoi na cláir dhíothaithe sin, chomha maith leis an Ríocht Aontaithe i ndáil le Tuaisceart Éireann, ba cheart iad a liostú in Iarscríbhinn II, Cuid II, a ghabhann le Rialachán Cur Chun Feidhme (AE) 2021/620, mar Bhallstáit nó criosanna díobh ag a bhfuil clár díothaithe formheasta le haghaidh ionfhabhtú MTBC.

(11)

A mhéid a bhaineann le hionfhabhtú RABV, tá faisnéis curtha faoi bhráid an Choimisiúin ag an bhFrainc lena léirítear go gcomhlíontar na coinníollacha maidir le stádas saor ó ghalair a aithint a leagtar síos le Rialachán Tarmligthe (AE) 2020/689 i nGuáin na Fraince. Dá bhrí sin, ba cheart Guáin na Fraince a chur le críoch na Fraince, críoch a liostaítear cheana féin mar chríoch atá saor ó RABV in Iarscríbhinn III, Cuid I, a ghabhann le Rialachán Cur Chun Feidhme (AE) 2021/620.

(12)

Tá fógra tugtha ag an bPolainn don Choimisiún maidir le ráigeanna d’ionfhabhtú RABV i roinnt réigiún de Voivodship Mazowieckie agus Voivodship Świętokrzyskie, réigiúin a liostaítear faoi láthair mar chriosanna stádais saor ó ghalair i gCuid I d’Iarscríbhinn III a ghabhann le Rialachán Cur Chun Feidhme (AE) 2021/620. Dá bhrí sin, ba cheart na réigiúin a ndéantar difear dóibh a scriosadh ón liosta sin agus ba cheart iontráil an Bhallstáit sa liosta sin a leasú dá réir.

(13)

Maidir le hionfhabhtú RABV, tá iarratais curtha faoi bhráid an Choimisiúin ag an bPolainn agus an Rómáin chun formheas a fháil ar a gcláir dhíothaithe. Tar éis don Choimisiún measúnú a dhéanamh, léiríodh go gcomhlíonann na hiarratais sin na critéir a leagtar síos i gCaibidil 2 de Chuid II de Rialachán Tarmligthe (AE) 2020/689 maidir le cláir dhíothaithe a fhormheas. Dá bhrí sin, na Ballstáit nó criosanna díobh a chumhdaítear faoi na cláir dhíothaithe sin, ba cheart iad a liostú i gCuid II d’Iarscríbhinn III a ghabhann le Rialachán Cur Chun Feidhme (AE) 2021/620, mar Bhallstáit nó criosanna díobh ag a bhfuil clár díothaithe formheasta le haghaidh ionfhabhtú RABV.

(14)

Maidir le hionfhabhtú BVB, tá faisnéis curtha faoi bhráid an Choimisiúin ag an Ostair, ag an bhFionlainn agus ag an tSualainn lena léirítear go gcomhlíontar na coinníollacha maidir le stádas saor ó BVB a aithint a leagtar síos le Rialachán Tarmligthe (AE) 2020/689 ina gcríocha ina n-iomláine. Ina theannta sin, tá faisnéis curtha faoi bhráid an Choimisiúin ag an nGearmáin lena léirítear go bhfuil na coinníollacha maidir le stádas saor ó ghalair a aithint comhlíonta i gcás criosanna áirithe dá críoch. Chuir an Ghearmáin iarratais chuig an gCoimisiún freisin ar chláir dhíothaithe a bheith formheasta le haghaidh criosanna eile dá críoch. Tar éis don Choimisiún measúnú a dhéanamh, léiríodh go gcomhlíonann na hiarratais sin na critéir a leagtar síos i gCaibidil 2 de Chuid II de Rialachán Tarmligthe (AE) 2020/689 maidir le stádas saor ó ghalair a dheonú nó cláir dhíothaithe a fhormheas le haghaidh BVB, faoi seach. Dá bhrí sin, ba cheart na Ballstáit sin nó criosanna díobh a liostú dá réir sin in Iarscríbhinn VII a ghabhann le Rialachán Cur Chun Feidhme (AE) 2021/620, mar Bhallstát a bhfuil stádas saor ó ghalair acu i leith BVD nó clár díothaithe formheasta le haghaidh BVB faoi seach.

(15)

Chuir an Spáinn in iúl don Choimisiún ráigeanna d’ionfhabhtú BTV séiritíopa 4 i gComhphobal Uathrialach Castilla-La Mancha, ráigeanna a rinne difear do réigiúin Peñarroya-Pueblonuevo, Hinojosa del Duque (Pedroches II), Pozoblanco (Pedroches I), Villanueva de Córdoba (Pedroches III), Montoro (Alto del Guadalquivir), Andújar agus Linares i gComhphobal Uathrialach Andalucia. Tá difear déanta ag na ráigeanna do réigiúin Almadén, Almodóvar del Campo agus Piedrabuena i gComhphobal Uathrialach Castilla-La Mancha, agus do Chúige Badajoz agus réigiúin Coria, Valencia de Alcántara, Cáceres agus Trujillo y Logrosán (Zorita) i gComhphobal Uathrialach Extremadura. Na réigiúin sin a bhfuil difear déanta dóibh, réigiúin atá lonnaithe i gComhphobal Uathrialach Andalucia, i gComhphobal Uathrialach Extremadura, agus i gComhphobal Uathrialach Castilla-La Mancha faoi seach, liostaítear iad go léir faoi láthair mar réigiúin a bhfuil stádas saor ó ghalair acu i leith ionfhabhtú BTV, i gCuid I d’Iarscríbhinn VIII a ghabhann le Rialachán Cur Chun Feidhme (AE) 2021/620. Ba cheart stádas saor ó ghalair na réigiún sin i leith ionfhabhtú BTV a tharraingt siar, agus ba cheart iontráil na Spáinne ar an liosta sin a leasú dá réir.

(16)

Ina theannta sin, chuir an Phortaingéil in iúl don Choimisiún maidir le ráigeanna d’ionfhabhtú BTV séiritíopa 4 i gceantair Castelo Branco agus Setubal. Ós rud é go bhfuil ceantair Castelo Branco agus Setubal, mar chuid den Phortaingéil, lonnaithe sna limistéir stádais saor ó ghalair a liostaítear i gCuid I d’Iarscríbhinn VIII a ghabhann le Rialachán Cur Chun Feidhme (AE) 2021/620, ba cheart a stádas saor ó ghalair i leith ionfhabhtú BTV a tharraingt siar, agus ba cheart iontráil na Portaingéile sa liosta sin a leasú dá réir.

(17)

Ina theannta sin, maidir le hionfhabhtú BTV, tá iarratas curtha faoi bhráid an Choimisiúin ag an Spáinn chun clár díothaithe roghnach a fhormheas. Tar éis don Choimisiún measúnú a dhéanamh, léiríodh go gcomhlíonann an t-iarratas sin na critéir a leagtar síos i gCaibidil 2 de Chuid II de Rialachán Tarmligthe (AE) 2020/689. Dá bhrí sin, na criosanna a chumhdaítear faoin gclár díothaithe sin, ba cheart iad a liostú i gCuid II d’Iarscríbhinn VIII a ghabhann le Rialachán Cur Chun Feidhme (AE) 2021/620, mar Bhallstáit nó criosanna díobh ag a bhfuil clár díothaithe formheasta i leith ionfhabhtú BTV.

(18)

A mhéid a bhaineann le hionfhabhtú uisceach víreas na neacróise fuilghinte ionfhabhtaíche (IHN), chuir an Danmhairg in iúl don Choimisiún nach gcomhlíontar na coinníollacha a thuilleadh maidir leis an stádas saor ó ghalair a choinneáil le haghaidh a críche iomláine. Liostaítear an Danmhairg i gCuid I d’Iarscríbhinn XIII a ghabhann le Rialachán Cur Chun Feidhme (AE) 2021/620. Ba cheart, dá bhrí sin, an iontráil a bhaineann leis an Danmhairg a scriosadh ón liosta sin.

(19)

Chuir an Fhionlainn in iúl don Choimisiún roinnt ráigeanna de IHN in Oileáin Åland, i limistéar a liostaítear mar limistéar a bhfuil stádas saor ó ghalair acu in Iarscríbhinn XIII a ghabhann le Rialachán Cur Chun Feidhme (AE) 2021/620. Ba cheart, dá bhrí sin, stádas saor ó ghalair an limistéir ionfhabhtaithe a tharraingt siar agus ba cheart an crios a scriosadh ó Chuid I den Iarscríbhinn sin, agus ba cheart an iontráil an Bhallstáit sin sa liosta sin a leasú dá réir.

(20)

Ba cheart, dá bhrí sin, Iarscríbhinní I, II, III, VII, VIII agus XIII a ghabhann le Rialachán Cur Chun Feidhme (AE) 2021/620 a leasú dá réir.

(21)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

Cuirtear an méid seo a leanas in ionad Airteagal 2(3):

2.

Leasaítear Iarscríbhinní I, II, III, VII, VIII agus XIII i gcomhréir leis an Iarscríbhinn a ghabhann leis an Rialachán seo.

(1)

I Rialachán (AE) 2016/429, ceanglaítear gur gá coinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch a theacht ó thríú tír nó ó chríoch, nó ó chrios nó ó dheighleog de thríú tír nó de chríoch, a liostaítear i gcomhréir le hAirteagal 230(1) den Rialachán sin chun teacht isteach san Aontas.

(2)

Le Rialachán Tarmligthe (AE) 2020/692 ón gCoimisiún (2), leagtar síos na ceanglais sláinte ainmhithe nach mór do choinsíneachtaí speiceas agus catagóirí áirithe d’ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha nó ó chríocha nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe dobharshaothraithe.

(3)

Le Rialachán Cur Chun Feidhme (AE) 2021/404 ón gCoimisiún (3), bunaítear na liostaí de thríú tíortha, nó de chríocha nó criosanna nó deighleoga de thríú tír nó de chríoch, óna gceadaítear speicis agus catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas.

(4)

Thar aon ní eile, le hIarscríbhinn V agus Iarscríbhinn XIV a ghabhann le Rialachán Cur Chun Feidhme (AE) 2021/404, leagtar amach anois na liostaí de thríú tíortha, nó de chríocha, nó de chriosanna de thríú tír nó de chríoch atá údaraithe i dtaca le coinsíneachtaí d’éanlaith chlóis, de tháirgí geirmeacha ó éanlaith chlóis, d’fheoil úr ó éanlaith chlóis agus d’éin ghéim a theacht isteach san Aontas.

(5)

Chuir Ceanada an Coimisiún ar an eolas maidir le ráig den fhliú éanúil ardphataigineach i measc na héanlaithe clóis. Is i gcúige na hAlban Nua atá an ráig seo lonnaithe, agus deimhníodh í an 1 Feabhra 2022 le hanailís saotharlainne (RT-PCR).

(6)

Sa bhreis air sin, chuir Stáit Aontaithe Mheiriceá an Coimisiún ar an eolas maidir le ráig den fhliú éanúil ardphataigineach san éanlaith chlóis. Is i gcontae Dubois, stát Indiana, atá an ráig seo lonnaithe agus deimhníodh í an 8 Feabhra 2022 le hanailís saotharlainne (RT-PCR).

(7)

Bhunaigh údaráis tréidliachta Cheanada agus Stáit Aontaithe Mheiriceá crios rialaithe 10 km timpeall ar na bunaíochtaí atá buailte, agus chuir siad beartas díbeartha chun feidhme chun láithreacht an fhliú éanúil ardphataiginigh a rialú agus chun leathadh an ghalair sin a theorannú.

(8)

Tá faisnéis curtha isteach ag Ceanada agus Stáit Aontaithe Mheiriceá chuig an gCoimisiún maidir leis an staid eipidéimeolaíoch ar a gcríoch féin agus maidir leis na bearta atá déanta acu chun forleathnú an fhliú éanúil ardphataiginigh sin a chosc. Rinne an Coimisiún meastóireacht ar an bhfaisnéis sin. Ar bhonn na meastóireachta sin, mar gheall ar na ráigeanna den fhliú éanúil ardphataigineach, níor cheart údarú a thabhairt a thuilleadh do choinsíneachtaí d’éanlaith chlóis, de tháirgí geirmeacha ó éanlaith chlóis agus d’fheoil úr ó éanlaith chlóis ná d’éin ghéim a theacht isteach san Aontas ó na ceantair atá faoi shrianta a leagann údaráis tréidliachta Cheanada agus Stáit Aontaithe Mheiriceá síos.

(9)

Ba cheart, dá bhrí sin, Iarscríbhinn V agus Iarscríbhinn XIV a ghabhann le Rialachán Cur Chun Feidhme (AE) 2021/404 a leasú dá réir.

(10)

Tríd an staid eipidéimeolaíoch reatha i gCeanada agus i Stáit Aontaithe Mheiriceá a chur san áireamh maidir leis an bhfliú éanúil ardphataigineach agus an riosca tromchúiseach atá ann go dtabharfaí isteach san Aontas é, is díol práinne éifeacht a bheith leis na leasuithe atá le déanamh leis an Rialachán seo ar Rialachán Cur Chun Feidhme (AE) 2021/404.

(11)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Tar éis do chúnamh airgeadais an tSásra Cobhsaíochta Eorpaigh dul in éag an 20 Lúnasa 2018, le Cinneadh Cur Chun Feidhme (AE) 2018/1192 ón gCoimisiún (2), gníomhachtaíodh faireachas feabhsaithe don Ghréig ar feadh tréimhse 6 mhí, ón 21 Lúnasa 2018. Rinneadh an faireachas feabhsaithe a fhadú sé huaire tar éis sin (3), gach uair ar feadh tréimhse bhreise 6 mhí, an uair dheireanach ón 21 Lúnasa 2021.

(2)

Ó bhí 2010 ann, fuair an Ghréig méid suntasach cúnamh airgeadais, agus is é EUR 240 875 mhilliún méid iomlán na ndliteanas gan íoc de chuid na Gréige leis na Ballstáit sa limistéar euro, an tSaoráid Eorpach um Chobhsaíocht Airgeadais agus an Sásra Cobhsaíochta Eorpach mar thoradh ar an gcúnamh sin. Fuair an Ghréig cúnamh airgeadais óna comhpháirtithe Eorpacha ar théarmaí lamháltais agus glacadh bearta sonracha chun an fiachas a chur ar bhonn inbhuanaithe in 2012 agus arís ag an Sásra Cobhsaíochta Eorpach in 2017. An 22 Meitheamh 2018, comhaontaíodh go polaitiúil sa Ghrúpa Euro bearta breise a chur chun feidhme chun inbhuanaitheacht fiachais a áirithiú. Cuid de na bearta seo, lena n-áirítear aistriú méideanna atá coibhéiseach leis an ioncam a thuilleann bainc cheannais náisiúnta sa limistéar euro ar bhannaí rialtais na Gréige arna shealbhú faoin gComhaontú maidir le Glansócmhainní Airgeadais agus faoi Chlár na Margaí Urrús, féadfar iad a chomhaontú dhá uair sa bhliain sa Ghrúpa Euro, ar bhonn tuairisciú dearfach faoin bhfaireachas feabhsaithe maidir le comhlíontacht na Gréige lena gealltanais beartais iarchláir. Scaoileadh an chéad sé thráinse de bhearta fiachais atá teagmhasach le beartas tar éis comhaontú ag an nGrúpa Euro i mí Aibreáin 2019, mí na Nollag 2019, mí an Mheithimh 2020, mí na Samhna 2020, mí an Mheithimh 2021 agus mí na Nollag 2021 faoi seach.

(3)

Thug an Ghréig gealltanas sa Ghrúpa Euro chun leanúint le gach príomh-athchóiriú arna ghlacadh faoi chlár coigeartaithe eacnamaíoch an tSásra Cobhsaíochta Eorpaigh (“an clár”) agus iad a chomhlánú, agus chun cuspóirí na n-athchóirithe tábhachtacha arna nglacadh faoin gclár sin agus faoi na cláir a tháinig roimhe a choimirciú. Thug an Ghréig gealltanas freisin chun gníomhaíochtaí sonracha a chur chun feidhme sna réimsí seo a leanas — beartais fhioscacha agus beartais maidir leis an struchtúr fioscach, leas sóisialta, cobhsaíocht airgeadais, margaí saothair agus táirgí, príobháidiú agus riarachán poiblí. Maidir leis na gníomhaíochtaí sonracha sin, atá leagtha amach san iarscríbhinn a ghabhann leis an ráiteas ón nGrúpa Euro an 22 Meitheamh 2018, rannchuideoidh siad chun aghaidh a thabhairt ar mhíchothromaíochtaí maicreacnamaíocha iomarcacha na Gréige agus foinsí nó foinsí féideartha na ndeacrachtaí eacnamaíocha. Na gealltanais sin, arb iad is bonn le scaoileadh na mbeart breise um fhaoiseamh fiachais, bunaíodh iad suas go dtí lár 2022 agus tá an Ghréig sa bhliain dheireanach den chomhaontú sin dá bhrí sin. Chuir na húdaráis in iúl go bhfuil sé i gceist acu a n-iarrachtaí a dhíriú ar na gealltanais atá le híoc a chur i gcrích faoi lár 2022. Ní mór an dul chun cinn i dtreo chomhlánú na ngealltanas chomh maith leis an timpeallacht beartais eacnamaíoch níos leithne a chur san áireamh agus cinntí á ndéanamh maidir le scaoileadh na mbeart um fhaoiseamh fiachais chomh maith leis an bhfaireachas feabhsaithe a chríochnú.

(4)

An 2 Meitheamh 2021, d’fhoilsigh an Coimisiún grinn-athbhreithniú 2021 maidir leis an nGréig (4). Ba é conclúid an Choimisiúin go leanann an Ghréig de bheith faoi réir míchothromaíochtaí maicreacnamaíocha iomarcacha. Bhain na míchothromaíochtaí sin le féichiúnas ard rialtais, an scair ard d’iasachtaí neamhthuillmheacha agus athchothromú seachtrach neamhiomlán, i gcomhthéacs ráta dífhostaíochta atá ard go fóill, d’ainneoin go bhfuil sé ag laghdú, agus acmhainneacht fáis íseal. San anailís a rinneadh i dTuarascáil 2022 maidir leis an Sásra Foláirimh (5), sainaithníodh an Ghréig mar cheann de na Ballstáit ar a ndéanfaí scrúdú breise maidir le marthanacht rioscaí maicreacnamaíocha agus dul chun cinn i leith leachtú na míchothromaíochtaí iomarcacha i ngrinn-athbhreithniú Earrach 2022. Bhí roinnt breithnithe mar bhonn leis an measúnú sin, lena n-áirítear: Ar an gcéad dul síos, mhéadaigh cóimheas fiachais an rialtais-OTI 26 phointe céatadáin in 2020, go 206,3 % de OTI, rud a léiríonn doimhneacht an chúlaithe eacnamaíochta agus tionchar na mbeart chun costas eacnamaíoch agus sóisialta ghéarchéim COVID-19 a theorannú. Cé go bhfuil an fiachas poiblí ard, chuir creidiúnaithe oifigiúla síneadh le scair mhór de ar rátaí lamháltais, rud a chosnaíonn an Ghréig ar luaineachtaí gearrthéarmacha, i gcomhpháirt leis an airgead tirim maolánach mór. Táthar á thuar go dtosóidh cóimheas fiachais an rialtais ag laghdú in 2021. Ar an dara dul síos, d’éirigh brabúsacht na hearnála baincéireachta diúltach in 2020 agus tá an cóimheas caipitil de ghnáthchothromas leibhéal 1 ar cheann de na cóimheasa is ísle san Aontas, rud atá mar thoradh go páirteach ar ghlanadh chláir chomhardaithe na mbanc. Cé go bhfuil sé ard go fóill, 15 % i mí Mheán Fómhair 2021 (6), tháinig laghdú suntasach ar chóimheas iasachtaí neamhthuillmheacha in 2020 agus lean sé de bheith ag laghdú in 2021. Ar an tríú dul síos, chuaigh inbhuanaitheacht sheachtrach in olcas in 2020 de dheasca gur laghdaigh an staid ghlan infheistíochta idirnáisiúnta diúltach (mar chóimheas OTI) a thuilleadh mar gheall ar chrapadh OTI agus an meath suntasach den easnamh sa chuntas reatha go – 6,6 % de OTI. É sin ráite, le filleadh na turasóireachta, tuartar go laghdófar an t-easnamh sa chuntas reatha in 2021 agus in 2022. Ar deireadh, lean an ráta dífhostaíochta de bheith ag laghdú fiú le linn na paindéime, rud a bhaineann go príomha le bearta tacaíochta an rialtais. De réir na sonraí is déanaí maidir leis an tríú ráithe de 2021, is é 13,0 % ráta dífhostaíochta na Gréige, trí phointe céatadáin níos ísle ná an ráithe chéanna in 2020. Lean an rialtas de bheith ag déanamh bearta a bhaineann le haghaidh a thabhairt ar an míchothromaíocht iomarcach d’ainneoin na paindéime leanúnaí. Agus aghaidh á tabhairt ar an am atá amach romhainn, tugtar deis le plean téarnaimh agus athléimneachta na Gréige aghaidh a thabhairt ar riachtanais infheistíochta agus athchóirithe.

(5)

D’fhoilsigh an Coimisiún an 12ú measúnú faoi fhaireachas feabhsaithe don Ghréig (7) an 24 Samhain 2021. Ba é a chonclúid go ndearna an Ghréig dul chun cinn breise i dtreo a gealltanais shonracha a bhaint amach, d’ainneoin moilleanna a tháinig chun cinn i roinnt réimsí, moilleanna a bhí nasctha go páirteach leis na himthosca dúshlánacha a tharla i ngeall ar an bpaindéim nó na tinte tubaisteacha i mí Lúnasa 2021. D’éirigh leis na húdaráis maidir le gealltanais shonracha in earnáil an fhuinnimh agus bainistíocht airgeadais phoiblí, le linn dóibh dul chun cinn tábhachtach a bhfuil gá leis a dhéanamh i dtreo fhormhór na ngealltanas sonrach a thug sé a chomhlánú faoi mhí Aibreáin 2022.

(6)

An 23 Nollaig 2021, bhunaigh an tAontas Ionstraim Théarnaimh, lena soláthraítear EUR 750 billiún chun dul i ngleic le hiarmhairtí eacnamaíocha díobhálacha ghéarchéim COVID-19 agus chun borradh a chur faoin téarnamh. Tá an Ionstraim le cur chun feidhme go háirithe tríd an tSaoráid Téarnaimh agus Athléimneachta (“an tSaoráid”) ar fiú EUR 672,5 billiún é. Rinneadh an Seimeastar Eorpach um chomhordú an bheartais eacnamaíoch 2020-2021 a oiriúnú go sealadach chun go bhféadfaí an tSaoráid a sheoladh. Tríd an tSaoráid, tá an Ghréig i dteideal suas go EUR 17,8 billiún a fháil i dtacaíocht neamh-inaisíoctha agus suas go EUR 12,7 billiún in iasachtaí in 2021-2026.

(7)

D’fhormheas an Chomhairle Plean Téarnaimh agus Athléimneachta na Gréige (“an plean”) an 13 Iúil 2021 (8). Mheas an Chomhairle go háirithe go rannchuidíonn an plean chun aghaidh a thabhairt go héifeachtach ar fho-thacar suntasach dúshlán eacnamaíoch agus sóisialta arna shainaithint sna moltaí a bhaineann go sonrach leis an tír, lena n-áirítear gnéithe fioscacha de, agus moltaí arna ndéanamh de bhun an Nós Imeachta um Míchothromaíochtaí Maicreacnamaíocha. Leis na hathchóirithe a áirítear i bPlean Téarnaimh agus Athléimneachta na Gréige, forbraítear an iarracht athchóirithe an-mhór arna déanamh faoi na cláir choigeartaithe eacnamaíocha agus tá na hathchóirithe sa phlean comhlántach le hathchóirithe arna ndéanamh faoi fhaireachas feabhsaithe. An 29 Nollaig 2021, chuir an Ghréig a céad iarraidh ar íocaíocht isteach faoin tSaoráid Téarnaimh agus Athléimneachta.

(8)

An 24 Samhain 2021, scrúdaigh an Coimisiún Dréachtphlean Buiséadach 2022 na Gréige, lenar cuireadh san áireamh cur i bhfeidhm leanúnach an chlásail éalaithe ghinearálta agus lenar díríodh ar an gcomhsheasmhacht le Moltaí na Comhairle an 18 Meitheamh 2021. De réir mheasúnú an Choimisiúin (9), tuartar go mbeidh staid fhioscach thacúil ag an nGréig in 2022. Mar a mhol an Chomhairle, is mian leis an nGréig tacaíocht leanúnach a sholáthar don téarnamh tríd an tSaoráid Téarnaimh agus Athléimneachta a úsáid chun infheistíocht bhreise a mhaoiniú. Mar a mhol an Chomhairle, is mian leis an nGréig infheistíocht atá maoinithe go náisiúnta a chaomhnú freisin. Thug an Coimisiún dá aire, i bhfianaise leibhéal fiachais rialtais na Gréige agus na ndúshlán inbhuanaitheachta mór sa mheántéarma sular tháinig ráig phaindéim COVID-19, agus bearta tacaíochta buiséadacha á ndéanamh, go bhfuil sé tábhachtach beartas fioscach stuama a chaomhnú chun airgeadas poiblí inbhuanaithe a áirithiú sa mheántéarma. Mheabhraigh an Coimisiún freisin an tábhacht a bhaineann le comhdhéanamh an airgeadais phoiblí agus cáilíocht na mbeart buiséadach.

(9)

Ó thosaigh an phaindéim, choinnigh an Ghréig a láithreacht ar na margaí bannaí agus d’fhorghníomhaigh sé sa bhreis ar a phlean maoinithe in 2021, ag tiomsú EUR 14 bhilliún ar an margadh oscailte. Lean rátáil cheannasach na Gréige de bheith ag feabhsú in 2021 d’ainneoin na paindéime, lenar laghdaíodh an bhearna don ghrád infheistíochta. Tacaítear leis na coinníollacha fabhracha maoiniúcháin atá ann faoi láthair le bearta leachtachta arna n-aontú ar leibhéal Eorpach, lena n-áirítear Clár Ceannaigh Éigeantach an Bhainc Ceannais Eorpaigh um an bPaindéim. Ar bhonn na hanailíse ar inbhuanaitheacht an fhiachais arna cur i láthair sa 12ú tuarascáil faireachais fheabhsaithe, meastar go leanfaidh ollriachtanais mhaoiniúcháin an rialtais de bheith ard sa ghearrthéarma, rud a bhaineann go príomha leis an easnamh príomha ard a thuartar le haghaidh 2021 agus 2022, agus le taifeadadh na sreafaí airgeadais faoin tSaoráid Iasachta arna gcur i láthair sa Phlean Téarnaimh agus Athléimneachta, d’ainneoin go measfar go gcumhdófar an maoiniúchán breise le heisíoc iasacht na Saoráide Téarnaimh agus Athléimneachta. Sna blianta atá le teacht, measfar go mbeidh riachtanais airgeadais measartha agus go bhfanfaidh siad faoi bhun 15 % de OTI go dtí 2030. Leanann an Ghréig de bheith ag coinneáil airgead tirim maolánach mór ar bun, rud lena gcosnaítear an Ghréig in aghaidh luaineachtaí gearrthéarmacha.

(10)

Tá earnáil baincéireachta na Gréige tagtha chun bheith níos cobhsaí agus níos athléimní i gcoinne suaití ó tháinig deireadh le clár an tSásra Cobhsaíochta Eorpaigh, ach is ann do rioscaí stairiúla agus bunleochaileachtaí móra go fóill, rudaí arna dtreisiú ag tionchar diúltach ráig an Choróinvíris. Lean taiscí de bheith ag fás go seasmhach agus tá leachtacht leordhóthanach á coinneáil ag na bainc, lena mbaintear leas as coinníollacha beartais airgid réidh. Tá ráta na n-iasachtaí neamhthuillmheacha san earnáil baincéireachta laghdaithe go mór go 15 % i mí Mheán Fómhair 2021, síos ó 40,6 % i mí na Nollag 2019 (10), de bharr sraith urrúsuithe arna tacú ag scéim cosanta sócmhainní “Hercules”. Meastar go leanfaidh tuilleadh idirbheart atá pleanáilte faoin scéim de bheith ag tacú le bainc Ghréagacha ina n-iarrachtaí cóimheasa digite amháin d’iasachtaí neamhthuillmheacha a bhaint amach in 2022, a d’fhanfaí os cionn mheán an Aontais mar sin féin. Níor tháinig an riosca maidir le tionchar diúltach mór ar cháilíocht sócmhainní tar éis dhul in éag na mbeart moratóirí fiachais chun cinn go dtí seo. É sin ráite, is ann do rioscaí ar an taobh thíos go fóill agus féadfaidh siad teacht chun cinn in 2022 tar éis deireadh a chur le cláir tacaíochtaí stáit. Leanann acmhainneacht aisíocaíochta fiachais teaghlach agus corparáidí neamhairgeadais de bheith íseal, le linn don mhargadh caipitil tearcfhorbartha rochtain gnólachtaí ar mhaoiniúchán neamhfhiachais a theorannú. Riachtanais soláthair mhéadaithe atá mar thoradh ar urrúsuithe iasachtaí neamhthuillmheacha, rud atá ina ualach ar bhrabúsacht na mbanc agus ar staideanna a gcuntas caipitil sa ghearrthéarma, ach rud lena gceadaítear do bhainc costas an phriacail a laghdú amach anseo agus spás a shaoradh ar na cláir chomhardaithe sna bainc le haghaidh iasachtú nua. Treisíodh leis an bhfáinne fí idir na bainc agus fiachas ceannasach le linn ghéarchéim na paindéime agus leanann cáilíocht caipitil foriomlán na mbanc de bheith íseal ach rinneadh gníomhaíochtaí caipitil feabhsaithe rathúla in 2021. Leanann na húdaráis dá dtiomantas i leith athchóirithe ábhartha san earnáil airgeadais, amhail feidhmiú éifeachtach an chreata dócmhainneachta nua, a tháinig i bhfeidhm i mí an Mheithimh 2021 agus a dtugtar tacaíocht dó anois leis an mbonneagar leictreonach ábhartha. Leis an athbhreithniú cuimsitheach ar Chód an Nós Imeachta Shibhialta a glacadh le déanaí, meastar go méadófar éifeachtúlacht imeachtaí forfheidhmithe, lena n-áirítear seoladh ríomhcheantanna, agus tá obair ag dul ar aghaidh chun an fheidhmiúlacht maidir le hardán na ríomhcheantanna a fheabhsú agus chun riaráiste na gcásanna dócmhainneachta teaghlaigh agus ráthaíochtaí stáit gairthe a ghlanadh. Braithfidh tionchar na n-athchóirithe sin ar thráthúlacht agus éifeachtacht a gcur chun feidhme ach is rud dearfach é gur cuireadh tús leis an bpróiseas forfheidhmithe fiachais an athuair, tar éis na suaití le himeachtaí cúirte a bhain leis an bpaindéim.

(11)

Thairis sin, ghlac na húdaráis roinnt príomh-athchóirithe eile faoi fhaireachas feabhsaithe atá ábhartha chun aghaidh a thabhairt ar na bunchúiseanna le deacrachtaí eacnamaíocha na Gréige, d’ainneoin moilleanna i réimsí áirithe, go pointe áirithe mar gheall ar na dúshláin a eascraíonn as an bpaindéim leanúnach agus, níos déanaí ná sin, na falscaithe i samhradh 2021. Go sonrach, ghlac na húdaráis athchóiriú pá maidir leis an Údarás um Ioncam Poiblí, lena gcuirtear ar a chumas dó foireann cháilithe a mhealladh agus a choinneáil, nó athchóirithe bainistíochta airgeadais phoiblí lena bhfeabhsaítear an chuntasaíocht agus na córais faireacháin airgid. Thairis sin, mhéadaigh na húdaráis scair an tsoláthair láraithe go mór maidir le ceannach cúraim sláinte agus leanann siad de bheith ag déanamh go maith maidir le haon chaiteachas breise thar na teorainneacha caiteachais reachtacha a bhailiú ar ais ó sholáthraithe cúraim sláinte. Thairis sin, chríochnaigh siad leathadh amach na Scéime Ioncaim Dlúthpháirtíochta Sóisialta agus rinne siad athbhreithniú ar an gcóras fóirdheontas le haghaidh iompar poiblí áitiúil. Meastar go méadóidh na bearta sin éifeachtúlacht caiteachais phoiblí agus bailithe ioncaim, agus go gcuirfidh siad le laghdú an chóimheasa fiachais aird amach anseo dá bhrí sin. Meastar go mbainfidh an margadh saothair leas as na gníomhaíochtaí arna ndéanamh chun dul i ngleic le hobair neamhdhearbhaithe agus cur chun feidhme ordúil na nuashonruithe maidir leis an bpá íosta. Thairis sin, chríochnaigh an rialtas athchóiriú in earnáil an fhuinnimh agus ghlac sé reachtaíocht maidir le ceadúnú infheistíochta chun na nósanna imeachta ábhartha a shimpliú. Thug na húdaráis isteach critéir chomhshaoil freisin arna gcomhchuibhiú le reachtaíocht an Aontais sa mheasúnú ar ghníomhaíochtaí eacnamaíocha agus mhéadaigh siad trédhearcacht an chreata cigireachtaí maidir le maoirseacht a dhéanamh ar ghníomhaíochtaí eacnamaíocha agus margaí táirgí. Meastar go laghdóidh na rudaí sin go léir ar bhonn ábharthach an t-ualach ar an earnáil tionsclaíochta, go dtacóidh siad le hinfheistíochtaí príobháideacha agus onnmhairí agus le méadú táirgiúlachta amach anseo. D’éirigh leis na húdaráis roinnt idirbhearta príobháidithe suaitheanta a chur i gcrích freisin agus leanann siad de bheith ag feabhsú rialachas cuideachtaí faoi úinéireacht stáit ar bhonn leanúnach. Meastar go dtacófar a thuilleadh le héifeachtúlacht na hearnála poiblí le hathchóirithe lena méadófar neamhspleáchas agus cuntasacht bainistíochta sinsearaí sa riarachán poiblí agus le feidhmiú leanúnach measúnuithe ar fheidhmíocht oifigeach poiblí. Tá roinnt gealltanais shonracha nár comhlíonadh go fóill agus leanann na húdaráis de bheith ag déanamh dul chun cinn maidir lena gcur chun feidhme (11). Na hathchóirithe a rinneadh faoi fhaireachas feabhsaithe, rinneadh iad a chomhlánú le hathchóirithe struchtúracha níos fairsinge, lena n-áirítear a mhéid a bhaineann leis an gcreat um sholáthar poiblí, rochtain ar sheirbhísí poiblí digiteacha, oideachas, bainistiú infheistíochtaí poiblí nó athchóirithe lena bhfeabhsaítear comhordú ar leibhéal an rialtais láir.

(12)

I bhfianaise an mhéid thuas, ba é conclúid an Choimisiúin gur tháinig feabhas mór ar na coinníollacha lena dtugtar údar don fhaireachas feabhsaithe a bhunú de bhun Airteagal 2 de Rialachán (AE) Uimh. 472/2013 ach gur ann dóibh go fóill. Go háirithe, neartaíodh cobhsaíocht airgeadais na Gréige, ach is ann do rioscaí ar an taobh thíos go fóill. Ag an am céanna, tá na rioscaí maidir le héifeachtaí iarmhartacha ar na Ballstáit eile sa limistéar euro laghdaithe go mór.

(13)

Dá bhrí sin, ní mór don Ghréig cur chun feidhme na mbeart a leagtar amach san iarscríbhinn a ghabhann leis an ráiteas ón nGrúpa Euro an 22 Meitheamh 2018 lena dtugtar aghaidh ar fhoinsí nó foinsí féideartha deacrachtaí a chomhlánú, agus ní mór di tacaíocht a thabhairt do théarnamh eacnamaíoch láidir agus inbhuanaithe.

(14)

Chun aghaidh a thabhairt ar rioscaí iarmharacha agus faireachán a dhéanamh ar chomhlíonadh na ngealltanas a ndírítear orthu, is cosúil gur gá agus gurb iomchuí faireachas feabhsaithe na Gréige a fhadú de bhun Airteagal 2(1) de Rialachán (AE) Uimh. 472/2013.

(15)

Tugadh an deis don Ghréig a tuairimí maidir leis an measúnú ón gCoimisiún a léiriú, trí litir a seoladh an 21 Nollaig 2021. Sa fhreagairt ón nGréig an 10 Eanáir 2022, d’aontaigh sí den chuid is mó leis an measúnú ón gCoimisiún maidir leis na dúshláin eacnamaíocha atá roimpi, arb é is cúis leis an bhfaireachas feabhsaithe a fhadú.

(16)

Leanfaidh an Ghréig de bheith ag baint leas as tacaíocht theicniúil arna soláthar faoin Ionstraim um Thacaíocht Theicniúil, Ionstraim a thabharfaidh tacaíocht go háirithe do na Ballstáit maidir le hullmhú agus cur chun feidhme a bpleananna téarnaimh agus athléimneachta.

(17)

Is mian leis an gCoimisiún oibriú i ndlúthchomhar leis an Sásra Cobhsaíochta Eorpach, i gcomhthéacs a Chórais Luathrabhaidh, maidir leis an bhfaireachas feabhsaithe a chur chun feidhme,

(1)

De bhun Airteagal 6(1) de Ghníomhaíocht Chomhpháirteach 2008/851/CBES, thug an Chomhairle údarú don Choiste Polaitiúil agus Slándála na cinntí ábhartha a dhéanamh maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh chun cuidiú le bac agus cosc a chur le gníomhartha píoráideachta agus le robáil armtha amach ó chósta na Somáile agus iad a chur faoi chois (Atalanta) (“Ceannasaí Fórsa an Aontais Eorpaigh”).

(2)

An 10 Eanáir 2022, ghlac an Coiste Polaitiúil agus Slándála Cinneadh (CBES) 2022/41 (2) lena gceaptar an Ceannasóir João Paulo SILVA PEREIRA mar Cheannasaí Fórsa an Aontais Eorpaigh.

(3)

Mhol Ceannasaí Oibríochtúil an Aontais Eorpaigh go ndéanfaí an Captaen (Cabhlach) Fabrizio BONDI a cheapadh mar Cheannasaí Fórsa nua an Aontais Eorpaigh amhail ón 17 Márta 2022. Tá sé curtha in iúl ag údaráis na hIodáile go dtabharfar ardú céime don Chaptaen (Cabhlach) Fabrizio BONDI go Seachaimiréal nuair a cheapfar é mar Cheannasaí Fórsa an Aontais Eorpaigh.

(4)

An 17 Eanáir 2022, d’aontaigh Coiste Míleata an Aontais Eorpaigh leis an moladh sin.

(5)

Ba cheart, dá bhrí sin, Cinneadh (CBES) 2022/41 a aisghairm.

(6)

I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí acu in ábhair cosanta,

(1)

An 15 Deireadh Fómhair 2012, ghlac an Chomhairle Cinneadh 2012/642/CBES (1) a bhaineann le bearta sriantacha i gcoinne na Bealarúise.

(2)

An 24 Meitheamh 2021, ghlac an Chomhairle Cinneadh (CBES) 2021/1031 (2), lenar leasaíodh Cinneadh 2012/642/CBES agus lenar tugadh isteach srianta sonracha earnála.

(3)

Tá gá le soiléirithe áirithe chun cur i bhfeidhm cuí na srianta sonracha earnála sin a áirithiú.

(4)

Dá bhrí sin, ba cheart Cinneadh 2012/642/CBES a leasú dá réir,

(1)

in Airteagal 2d, cuirtear an méid seo a leanas in ionad mhír 4:

(2)

leasaítear Airteagal 2f mar a leanas:

(3)

in Airteagal 2h, cuirtear an méid seo a leanas in ionad phointí (a) go (d):

(4)

in Airteagal 2i(1), cuirtear an méid seo a leanas in ionad phointí (a) go (d):

(5)

in Airteagal 2j, cuirtear an méid seo a leanas in ionad mhír 1:

(6)

cuirtear isteach an tAirteagal seo a leanas:

(7)

in Airteagal 3(1) agus (8), in Airteagal 4(1) agus (2), agus in Airteagal 5(1), cuirtear na focail “Iarscríbhinn I” in ionad na bhfocal “an Iarscríbhinn”;

(8)

in Airteagal 5(1), cuirtear an méid seo a leanas in ionad phointe (f):

(9)

in Airteagal 5, cuirtear an mhír seo a leanas leis:

(10)

in Airteagal 6, mír 1, cuirtear “Iarscríbhinn I, Iarscríbhinn II, agus Iarscríbhinn III” in ionad na bhfocal “an Iarscríbhinn”;

(11)

cuirtear isteach na hAirteagail seo a leanas:

(*1)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).”;"

(12)

leasaítear Iarscríbhinn III mar a leagtar amach san Iarscríbhinn a ghabhann leis an gCinneadh seo.

(1)

De bhun Airteagal 22(1) de Rialachán (CE) Uimh. 58/2003, is féidir go n-iarrfar ar an gCoimisiún athbhreithniú a dhéanamh ar dhlíthiúlacht aon ghnímh gníomhaireachta feidhmiúcháin a dhéanann díobháil do thríú páirtí.

(2)

Tar éis dó éisteacht leis na hargóintí a chuireann tríú pháirtí leasmhar ar aghaidh agus le hargóintí na gníomhaireachta feidhmiúcháin lena mbaineann, ní mór don Choimisiún cinneadh a dhéanamh laistigh de 2 mhí.

(3)

Sa chinneadh críochnaitheach uaidh faoi Airteagal 22(3) de Rialachán (CE) Uimh. 58/2003, seasfaidh an Coimisiún le gníomh na gníomhaireachta feidhmiúcháin nó cinnfidh sé nach mór don ghníomhaireacht é a mhodhnú (go huile nó go páirteach).

(4)

Ní mór don ghníomhaireacht feidhmiúcháin lena mbaineann gach beart ia gá a dhéanamh chun cinneadh an Choimisiúin a chomhlíonadh faoi Airteagal 22(4) de Rialachán (CE) Uimh. 58/2003.

(5)

Tar éis dó measúnú a dhéanamh, féadfaidh an Coimisiún cur chun feidhme an ghnímh atá i gceist a chur ar fionraí nó bearta eatramhacha a ordú i gcás go bhfuil cearta an pháirtí atá an t-athbhreithniú dlíthiúlachta á dtionscnamh acu i mbaol.

(6)

Agus an taithí a fuarthas á fhothú, tá sé riachtanach rialacha nós imeachta a bhunú maidir leis an athbhreithniú ar dhlíthiúlacht ghníomhartha na ngníomhaireachtaí feidhmiúcháin de bhun Airteagal 22(1) ó Rialachán (CE) Uimh. 58/2003.

(7)

Ní bheidh feidhm ag na rialacha nós imeachta seo ar nósanna imeachta um athbhreithniú arna ndéanamh ag an gCoimisiún ar a thionscnamh féin faoi Airteagal 22(2) de Rialachán (CE) Uimh. 58/2003, nó ar nósanna imeachta arna dtionscnamh ag na Ballstáit faoi Airteagal 22(1) den Rialachán sin.

(8)

Déanfar na rialacha nós imeachta a chomhlánú leis an Iarscríbhinn a ghabhann le Cinneadh an Choimisiúin lena mbunaítear treoirlínte maidir le bunú agus feidhmiú gníomhaireachtaí feidhmiúcháin a mhaoinítear le buiséad an Aontais agus le foinsí eile.

(1)

Síníodh an Meabhrán Comhair idir an tAontas Eorpach agus an Eagraíocht Eitlíochta Sibhialta Idirnáisiúnta lena ndéantar foráil maidir le creat comhair fheabhsaithe in Montréal agus sa Bhruiséil an 28 Aibreán agus an 4 Bealtaine 2011. Cuireadh an Meabhrán Comhair i bhfeidhm go sealadach ó dháta an dara síniú go dtí go dtiocfadh sé i bhfeidhm.

(2)

Formheasadh an Meabhrán Comhair thar ceann an Aontais leis an gCinneadh (2012/243/AE). Tháinig an Meabhrán Comhair i bhfeidhm an 8 Márta 2012.

(3)

De bhun Airteagal 3.3 den Mheabhrán Comhair, féadfaidh na Páirtithe socruithe oibre a bhunú lena sonraítear na sásraí agus nósanna imeachta a comhaontaíodh go frithpháirteach a bhfuil gá leo chun gníomhaíochtaí comhair a leagtar síos sna hIarscríbhinní a ghabhann leis an Meabhrán Comhair a chur chun feidhme go héifeachtach.

(4)

Le hAirteagal 7.1 den Mheabhrán Comhair bunaítear Comhchoiste atá comhdhéanta d’ionadaithe an dá Pháirtí. Faoi Airteagal 7.3 (c), is é an Comhchoiste a bheidh freagrach as Iarscríbhinní a ghabhfadh leis an Meabhrán Comhair, agus as glacadh na socruithe oibre laistigh de raon feidhme na nIarscríbhinní.

(5)

Ar bhonn Socrú Oibre a glacadh an 21 Meán Fómhair 2011, d’oibrigh na Páirtithe i gcomhar go rathúil i réimse an tuairiscithe ar thionóiscí agus ar theagmhais san eitlíocht shibhialta. I bhfianaise forbairtí sa réimse sin, agus go háirithe i bhfianaise feidhmeanna ábhartha an Áirmheáin Chomhpháirtigh Taighde a bheith glactha ar láimh ag Gníomhaireacht Sábháilteachta Eitlíochta an Aontais Eorpaigh, meastar gur gá Socrú Oibre nua idir na Páirtithe i dtaca leis an gcomhar i réimse an tuairiscithe ar thionóiscí agus ar theagmhais san eitlíocht shibhialta a chur in ionad Shocrú Oibre an 21 Meán Fómhair 2011. Tá sé beartaithe go nglacfar an Socrú Oibre nua ach a thionólfar cruinniú den Chomhchoiste.

(6)

I gcomhréir le hAirteagal 4(1) den Chinneadh ón gComhairle maidir leis an Meabhrán Comhair a thabhairt i gcrích, an seasamh a bheidh ag an Aontas sa Chomhchoiste a mhéid a bhaineann le cinntí maidir le socruithe oibre, cinnfidh an Coimisiún é tar éis dó dul i gcomhairle le Coiste Speisialta a cheapfaidh an Chomhairle agus tuairim an Choiste sin a chur san áireamh go hiomlán.

(7)

Chuathas i gcomhairle leis an gCoiste Speisialta an 25 Eanáir 2022.

(8)

Dá bhrí sin, an seasamh a bheidh ag an Aontas sa Chomhchoiste a mhéid a bhaineann le Socrú Oibre a ghlacadh i dtaca leis an gcomhar i réimse an tuairiscithe ar thionóiscí agus ar theagmhais san eitlíocht shibhialta, is seasamh é ba cheart a ghlacadh.

(9)

Faoi Airteagal 7.1 den Mheabhrán Comhair, is faoi chomhchathaoirleacht ionadaí amháin ó gach Páirtí a bheidh an Comhchoiste. De bhun Airteagal 7.4, is ar bhonn comhaontú idir na cathaoirligh de chuid gach Páirtí a fheidhmeoidh an Comhchoiste.

(10)

Dá bhrí sin, ba cheart cathaoirleach de chuid an Aontais sa Chomhchoiste a cheapadh.

(1)

I gcomhréir le hAirteagal 52 de Rialachán (AE) Uimh. 1306/2013, déanfaidh an Coimisiún na fíoruithe is gá, cuirfidh sé in iúl don Ríocht Aontaithe torthaí na bhfíoruithe sin, tabharfaidh sé dá aire na barúlacha ón Ríocht Aontaithe, cuirfidh sé tús le plé déthaobhach ionas go mbeifear in ann teacht ar chomhaontú agus cuirfidh sé a chonclúidí in iúl don Ríocht Aontaithe go foirmiúil.

(2)

Bhí deis ag an Ríocht Aontaithe a iarraidh go seolfaí nós imeachta idir-réitigh, ach níor iarr sí é.

(3)

I gcomhréir le Rialachán (AE) Uimh. 1306/2013, ní fhéadfar a mhaoiniú ach caiteachas talmhaíochta, a tabhaíodh ar bhealach nár sháraigh dlí an Aontais.

(4)

I bhfianaise na bhfíoruithe a rinneadh agus thorthaí an phlé dhéthaobhaigh, ní chomhlíonann cuid den chaiteachas arna dhearbhú ag an Ríocht Aontaithe an ceanglas sin agus dá bhrí sin, ní fhéadfar é a mhaoiniú faoi CERT agus CETFT.

(5)

Na méideanna nach n-aithnítear a bheith inmhuirir le CERT agus CETFT, ba cheart iad a chur in iúl. Ní bhaineann na méideanna sin le caiteachas a thabhaítear níos mó ná 24 mhí sula dtugann an Coimisiún fógra i scríbhinn don Ríocht Aontaithe maidir le torthaí na bhfíoruithe.

(6)

Na méideanna a eisiatar ó mhaoiniú an Aontais leis an gCinneadh seo, ba cheart a chur san áireamh leo freisin aon laghdú nó fionraíocht i gcomhréir le hAirteagal 41 de Rialachán (AE) Uimh. 1306/2013 ós rud é gur de chineál sealadach iad na laghduithe nó na fionraíochtaí sin agus go bhfuil siad gan dochar do chinntí a dhéantar de bhun Airteagal 51 nó Airteagal 52 den Rialachán sin.

(7)

Maidir leis na cásanna a chumhdaítear leis an gCinneadh seo, thug an Coimisiún fógra don Ríocht Aontaithe, i dtuarascáil achomair ar an ábhar (2), faoin measúnú ar na méideanna a bhí le heisiamh ar an ábhar nár comhlíonadh dlí an Aontais.

(8)

Tá an Cinneadh seo gan dochar d’aon chonclúid airgeadais a bhféadfaidh an Coimisiún teacht uirthi ó na breithiúnais ó Chúirt Bhreithiúnais an Aontais Eorpaigh i gcásanna a bhí ar feitheamh an 30 Meán Fómhair 2021,

(1)

I gcomhréir le hAirteagal 52 de Rialachán (AE) Uimh. 1306/2013, déanfaidh an Coimisiún na fíoruithe is gá, cuirfidh sé in iúl do na Ballstáit torthaí na bhfíoruithe sin, tabharfaidh sé dá aire na barúlacha ó na Ballstáit, cuirfidh sé tús le plé déthaobhach ionas go mbeifear in ann teacht ar chomhaontú leis na Ballstáit i gceist agus cuirfidh sé a chonclúidí in iúl dóibh go foirmiúil.

(2)

Bhí deis ag na Ballstáit a iarraidh go seolfaí nós imeachta idir-réitigh. Tapaíodh an deis sin i roinnt cásanna agus rinne an Coimisiún scrúdú ar na tuarascálacha a eisíodh faoi na torthaí.

(3)

I gcomhréir le Rialachán (AE) Uimh. 1306/2013, ní fhéadfar a mhaoiniú ach caiteachas talmhaíochta, a tabhaíodh ar bhealach nár sháraigh dlí an Aontais.

(4)

I bhfianaise na bhfíoruithe a rinneadh, thoradh an phlé dhéthaobhaigh agus na nósanna imeachta idir-réitigh, ní chomhlíonann cuid den chaiteachas arna dhearbhú ag na Ballstáit an ceanglas sin agus dá bhrí sin, ní fhéadfar é a mhaoiniú faoi CERT agus CETFT.

(5)

Na méideanna nach n-aithnítear a bheith inmhuirir le CERT agus CETFT, ba cheart iad a chur in iúl. Ní bhaineann na méideanna sin le caiteachas a thabhaítear níos mó ná 24 mhí sula dtugann an Coimisiún fógra i scríbhinn do na Ballstáit maidir le torthaí na bhfíoruithe.

(6)

Na méideanna a eisiatar ó mhaoiniú an Aontais leis an gCinneadh seo, ba cheart a chur san áireamh leo freisin aon laghdú nó fionraíocht i gcomhréir le hAirteagal 41 de Rialachán (AE) Uimh. 1306/2013 ós rud é gur de chineál sealadach iad na laghduithe nó na fionraíochtaí sin agus go bhfuil siad gan dochar do chinntí a dhéantar de bhun Airteagail 51 nó 52 den Rialachán sin.

(7)

Maidir leis na cásanna a chumhdaítear leis an gCinneadh seo, thug an Coimisiún fógra do na Ballstáit, i dtuarascáil achomair ar an ábhar (2), faoin measúnú ar na méideanna a bhí le heisiamh ar an ábhar nár comhlíonadh dlí an Aontais.

(8)

Tá an Cinneadh seo gan dochar d’aon chonclúid airgeadais a bhféadfaidh an Coimisiún teacht uirthi ó na breithiúnais ó Chúirt Bhreithiúnais an Aontais Eorpaigh i gcásanna a bhí ar feitheamh an 30 Meán Fómhair 2021,