(1)

Le Rialachán (AE) 2017/625, leagtar síos rialacha maidir leis na rialuithe oifigiúla agus gníomhaíochtaí oifigiúla eile a dhéanann údaráis inniúla na mBallstát chun comhlíonadh na rialacha le reachtaíocht an Aontais a fhorchur i réimsí an bhia na sábháilteachta bia ag gach céim den phróiseas táirgthe, próiseála agus dáileacháin, i measc réimsí eile. Áirítear ar na rialuithe oifigiúla sin an chigireacht ante-mortem ar ainmhithe atá le marú.

(2)

Leagtar síos le Rialachán Tarmligthe (AE) 2019/624 (2) ón gCoimisiún na critéir agus na coinníollacha chun a chinneadh cathain a fhéadfar cigireachtaí réamhbháis a dhéanamh ar láthair an ghabháltais bunáitíochta.

(3)

Le Rialachán Tarmligthe (AE) 2021/1374 (3) ón gCoimisiún lena leasaítear Rialachán (CE) Uimh. 853/2004 ó Pharlaimint na hEorpa agus ón gComhairle (4), ceadaítear bó-ainmhithe clóis agus muc-ainmhithe clóis agus each-ainmhithe clóis a mharú ar láthair an ghabháltais bunáitíochta faoi choinníollacha áirithe. Áirítear ar na coinníollacha sin cigireacht ante-mortem a dhéanamh ar ainmhithe sula maraítear iad agus toradh na cigireachta sin a fhianú i ndeimhniú oifigiúil a bheidh ag gabháil le corp na n-ainmhithe a maraíodh chuig seamlas formheasta i gcomhréir le hAirteagal 6 de Rialachán Tarmligthe (AE) 2019/624.

(4)

Ba cheart raon feidhme Airteagal 6 de Rialachán Tarmligthe (AE) 2019/624 a leathnú chun bó-ainmhithe clóis, muc-ainmhithe clóis agus each-ainmhithe clóis a thabhairt faoina scáth chun a áirithiú, i gcás ina maraítear iad ar láthair an ghabháltais bunáitíochta, nach gcuirfear sábháilteacht na feola i mbaol.

(5)

Dá bhrí sin, ba cheart Rialachán Tarmligthe (AE) 2019/624 a leasú dá réir sin.

(1)

Cuirtear an méid seo a leanas in ionad mhír 1:

(2)

Cuirtear an méid seo a leanas in ionad Phointe 3:

(*)  Rialachán Cur Chun Feidhme (AE) 2020/2235 ón gCoimisiún an 16 Nollaig 2020 lena leagtar síos rialacha maidir le cur i bhfeidhm Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle maidir le deimhnithe sláinte ainmhithe caighdeánacha, deimhnithe oifigiúla caighdeánacha agus deimhnithe sláinte ainmhithe/oifigiúla caighdeánacha i dtaca le coinsíneachtaí catagóirí áirithe ainmhithe agus earraí a theacht isteach san Aontas agus lena ngluaiseacht laistigh den Aontas, deimhniúchán oifigiúil maidir leis na deimhnithe sin agus lena n-aisghairtear Rialachán (CE) Uimh. 599/2004, Rialacháin Cur Chun Feidhme (AE) Uimh. 636/2014 agus (AE) 2019/628, Treoir 98/68/CE agus Cinntí 2000/572/CE, 2003/779/CE agus 2007/240/CE (IO L 442, 30.12.2020, lch. 1).” "

(1)

Le hAirteagail 9 agus 10 de Threoir (AE) 2021/555 déantar foráil maidir le deonú údaruithe chun airm thine a fháil nó a shealbhú a aicmítear i gcatagóir A nó i gcatagóir B, lena n-áirítear údarú a dheonú trí cheann atá ann cheana a dheimhniú, a athnuachan nó a fhadú. Ina theannta sin, le Caibidil 2 den Treoir sin déantar foráil maidir leis na húdaruithe sin a athbhreithniú go tráthrialta agus a tharraingt siar.

(2)

Le hAirteagal 18(4) de Threoir (AE) 2021/555 ceanglaítear ar údaráis inniúla na mBallstát faisnéis a mhalartú maidir le diúltuithe údaruithe a dheonú ar fhorais slándála nó ar chúis a bhaineann le hiontaofacht an duine lena mbaineann, diúltuithe dá bhforáiltear in Airteagail 9 agus 10 den Treoir sin. Ós rud é nach sainmhínítear i dTreoir (AE) 2021/555 na coincheapa “forais slándála nó forais a bhaineann le hiontaofacht an duine lena mbaineann”, ba cheart do na Ballstáit cuspóirí Threoir (AE) 2021/555, agus go háirithe cuspóirí Airteagal 6(1)(b), a chur san áireamh agus na coincheapa sin á léirmhíniú acu.

(3)

An oibleagáid atá ann faoi Airteagal 18(4) de Threoir (AE) 2021/555 i ndáil le diúltuithe údaruithe a dheonú, tuigtear go gcumhdaítear leis an oibleagáid sin aon chinneadh riaracháin nó breithiúnach a dhéanann údarás poiblí de chuid Ballstáit arb é is cuspóir nó is éifeacht dó a chosc ar dhuine arm tine a fháil nó a shealbhú a thagann faoi raon feidhme Airteagal 9 nó 10 den Treoir sin, cibé acu is tar éis iarraidh ar údarú a dhéantar an cinneadh sin nó nach ea, is le hairm thine shonracha a bhaineann sé nó nach ea, agus is de bhun cumhachtaí a eascraíonn as an Treoir sin go sonrach a dhéantar é nó nach ea. Mar shampla, cumhdaítear leis an oibleagáid bratchosc ar dhuine ar leith airm thine a fháil nó a shealbhú, is cuma cé acu a rinne an duine sin iarraidh ar údarú roimhe sin nó nach ndearna. Cumhdaítear léi freisin aon chinneadh riaracháin nó breithiúnach lena ndéantar údarú atá ann cheana a tharraingt siar, nó lena ndiúltaítear údarú atá ann cheana a dheimhniú, a athnuachan nó a fhadú. Le hAirteagal 18(4) de Threoir (AE) 2021/555 ceanglaítear ar údaráis inniúla faisnéis a mhalartú maidir leis na cineálacha éagsúla cinnidh sin ar fad, ar choinníoll gur ar fhorais slándála a rinneadh an cinneadh, nó go mbaineann sé le hiontaofacht an duine.

(4)

Le hAirteagal 18(5) de Threoir (AE) 2021/555 ceanglaítear ar an gCoimisiún foráil a dhéanamh maidir le córas chun aon fhaisnéis a luaitear san Airteagal sin a mhalartú. Dá bhrí sin, bheadh córas i gceist chun an fhaisnéis a luaitear i mír 4 den Airteagal sin i ndáil le diúltuithe údaruithe a dheonú, chun an fhaisnéis sin a mhalartú.

(5)

Na forálacha comhair riaracháin in Airteagal 18 de Threoir (AE) 2021/555, forálacha a bhaineann le haistriú arm tine ó Bhallstát amháin go Ballstát eile, tá siad faoi réir tionscadal píolótach faoi Airteagal 4 de Rialachán (AE) Uimh. 1024/2012 ó Pharlaimint na hEorpa agus ón gComhairle (2). Córas Faisnéise an Mhargaidh Inmheánaigh, rud a bunaíodh leis an Rialachán sin, b’fhéidir é a úsáid mar uirlis éifeachtach freisin i gcur chun feidhme na forála comhair riaracháin a leagtar amach in Airteagal 18(4) de Threoir (AE) 2021/555 i ndáil le diúltuithe údaruithe a dheonú. Dá réir sin, le Cinneadh Cur Chun Feidhme (AE) 2021/1427 ón gCoimisiún (3) cuirtear an fhoráil sin faoi réir tionscadal píolóltach faoi Airteagal 4 de Rialachán (AE) Uimh. 1024/2012. Chun sonraí pearsanta daoine aonair agus a gceart chun príobháideachais a chosaint, sonraítear leis an gCinneadh Cur Chun Feidhme sin gurb é a sheiceáil an gcuimsítear sonraí a bhaineann le daoine aonair ar leith i gCóras Faisnéise an Mhargaidh Inmheánaigh, gurb é sin a fhéadfaidh na húdaráis náisiúnta a dhéanamh tríd an gcóras sin a úsáid, ní cuardach a dhéanamh de réir tagairt do chritéir níos ginearálta. Ina theannta sin tá coimircí sonracha i Rialachán (AE) Uimh. 1024/2012 lena rialaítear rochtain ar shonraí pearsanta agus próiseáil sonraí pearsanta i gCóras Faisnéise an Mhargaidh Inmheánaigh, mar shampla na rialacha faoi Airteagal 9(4) lena gceadaítear rochtain ar bhonn riachtanais amháin. Dá bhrí sin, is iomchuí a shainaithint gurb é Córas Faisnéise an Mhargaidh Inmheánaigh an córas atá le húsáid ag údaráis inniúla na mBallstát chun faisnéis a mhalartú a bhaineann le diúltuithe údaruithe a dheonú, agus is iomchuí na socruithe mionsonraithe maidir leis an malartú sin a leagan síos.

(6)

Ionas nach mbeidh ualach riaracháin díréireach ar na Ballstáit, na socruithe mionsonraithe a leagtar síos leis an Rialachán seo i ndáil le faisnéis a mhalartú trí Chóras Faisnéise an Mhargaidh Inmheánaigh, níor cheart feidhm a bheith acu ach maidir le cinntí diúltaithe a dhéanann údaráis náisiúnta riaracháin nó bhreithiúnacha ar dháta theacht i bhfeidhm an Rialacháin seo nó ina dhiaidh.

(7)

Chun cearta cosanta sonraí na ndaoine aonair lena mbaineann a urramú, an fhaisnéis atá údarás inniúil le cur isteach i gCóras Faisnéise an Mhargaidh Inmheánaigh, níor cheart a bheith inti ach a laghad is gá ionas go mbeidh údaráis inniúla Ballstát eile in ann a fhíorú an bhfuil duine ar leith faoi réir cinneadh diúltaithe a rinneadh ar fhorais slándála nó a bhaineann lena iontaofacht, nó an raibh sé faoi réir cinneadh dá leithéid roimhe seo. Dá bhrí sin, níor cheart a chuimsiú san fhaisnéis sin ach sonraí pearsanta amhail an t-ainm atá ar dhuine, a áit bhreithe agus a thír bhreithe, agus a náisiúntacht.

(8)

Ar an gcaoi chéanna, chun sonraí pearsanta daoine aonair agus a gceart chun príobháideachais a chosaint, níor cheart faisnéis faoi na cúiseanna sonracha a ndearnadh cinneadh diúltaithe a thaifeadadh i gCóras Faisnéise an Mhargaidh Inmheánaigh. Go háirithe, níor cheart faisnéis maidir le taifead coiriúil duine ná lena stádas leighis nó síceolaíochta a thaifeadadh i gCóras Faisnéise an Mhargaidh Inmheánaigh. I gcás ina mbeadh tuilleadh faisnéise de dhíth ar údarás inniúil i mBallstát amháin faoi na cúiseanna atá le cinneadh diúltaithe a rinneadh i mBallstát eile, bheadh an t-údarás inniúil sin in ann teagmháil a dhéanamh leis an údarás ábhartha sa Bhallstát eile lasmuigh de Chóras Faisnéise an Mhargaidh Inmheánaigh trí mhodh iomchuí cumarsáide a úsáid agus i gcomhréir leis an reachtaíocht ábhartha maidir le cosaint sonraí. Chuige sin, agus na Ballstáit ag taifeadadh cinneadh diúltaithe i gCóras Faisnéise an Mhargaidh Inmheánaigh, ba cheart dóibh ainm agus sonraí teagmhála an údaráis riaracháin nó bhreithiúnaigh a rinne an cinneadh diúltaithe a chur in iúl, sin agus ainm agus sonraí teagmhála an údaráis lenar féidir le húdaráis inniúla Ballstát eile dul i dteagmháil agus iad ag lorg tuilleadh faisnéise faoin gcinneadh diúltaithe, i gcás nach ionann an t-údarás sin agus an ceann a rinne an cinneadh.

(9)

Ba cheart diúltuithe a thaifeadadh i gCóras Faisnéise an Mhargaidh Inmheánaigh fiú dá bhféadfaí iad a bheith faoi réir achomharc riaracháin nó achomharc breithiúnach. Má chuirtear cinneadh diúltaithe ar neamhní nó má mheastar ar shlí eile go bhfuil sé neamhbhailí tar éis faisnéis a bhaineann leis a iontráil i gCóras Faisnéise an Mhargaidh Inmheánaigh, ba cheart a cheangal ar an údarás lena mbaineann an iontráil maidir leis an diúltú sin a bhaint tráth nach déanaí ná 30 lá féilire tar éis an diúltú a chur ar neamhní nó a fháil amach go bhfuil sé neamhbhailí.

(10)

Chun a áirithiú go leanfaidh an fhaisnéis atá i gCóras Faisnéise an Mhargaidh Inmheánaigh de bheith cruinn agus iomlán, ba cheart a cheangal ar na Ballstáit a gcuid iontrálacha a thabhairt cothrom le dáta aon uair a dhéantar athrú ábhartha. Mar shampla, dá ndéanfaí toirmeasc 5 bliana a laghdú ina dhiaidh sin agus toirmeasc 3 bliana a dhéanamh de, bheadh ar an mBallstát an iontráil a thabhairt cothrom le dáta chun dáta deiridh nua an toirmisc a thaifeadadh. I gcás toirmisc a mhairfeadh níos mó ná 10 mbliana, lena n-áirítear toirmisc éiginnte, ba cheart a cheangal ar na Ballstáit freisin athbhreithniú a dhéanamh ar an iontráil uair amháin gach 10 mbliana ar a laghad agus a dheimhniú go bhfuil sí fós bailí (nó í a thabhairt cothrom le dáta dá réir).

(11)

An tréimhse ama a bheidh rochtain ag na Ballstáit ar fhaisnéis maidir le diúltú ar leith i gCóras Faisnéise an Mhargaidh Inmheánaigh, is gá an tréimhse sin a chinneadh. Leis an tréimhse sin ní mór cothromaíocht a bhaint amach idir an gá atá ann leis an gcóras malartaithe faisnéise a dhéanamh chomh héifeachtach úsáideach agus is féidir do na Ballstáit, agus an gá atá ann le sonraí pearsanta daoine aonair agus a gceart chun príobháideachais a chosaint. Is féidir gurb éard a bheadh i ndiúltú cinneadh simplí aonuaire lena ndiúltaítear iarraidh ar údarú, rud a d’fhágfadh go mbeadh sé de chead ag an iarratasóir iarraidh ar údarú a dhéanamh arís aon uair feasta, nó is féidir gurb éard a bheadh ann cinneadh a mbeadh éifeacht leanúnach aige, amhail cinneadh diúltaithe arb í an éifeacht atá aige, go díreach nó go hindíreach, urchosc a chur ar an iarratasóir iarraidh ar údarú a dhéanamh arís go ceann tréimhse ama, nó cinneadh lena gcuirtear urchosc ar dhuine airm thine a bheith ina sheilbh aige go ceann tréimhse shocraithe nó éiginnte. Agus aird á tabhairt ar na cleachtais reatha sna Ballstáit maidir leis na cineálacha éagsúla diúltaithe is féidir a bheith ann, is iomchuí foráil a dhéanamh sa Rialachán seo maidir le faisnéis i ndáil le cinneadh diúltaithe a bheith inrochtana i gCóras Faisnéise an Mhargaidh Inmheánaigh go ceann tréimhse 10 mbliana tar éis an cinneadh diúltaithe a dhéanamh i gcás cinntí simplí aonuaire, nó go ceann tréimhse 10 mbliana tar éis deireadh a theacht le héifeacht an chinnidh diúltaithe i gcás cinntí a bhfuil éifeacht leanúnach acu.

(12)

Ba cheart don Choimisiún athbhreithniú a dhéanamh ar an Rialachán seo laistigh de 2 bhliain tar éis a theacht i bhfeidhm chun saincheisteanna cur chun feidhme a d’fhéadfadh na Ballstáit a tharraingt anuas a chur san áireamh.

(13)

Ba cheart cur i bhfeidhm an Rialacháin seo a chur siar ionas go mbeidh a ndóthain ama ag na Ballstáit na nósanna imeachta is gá a chur i bhfeidhm,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan.

(2)

Le Rialachán (AE) Uimh. 998/2010 ón gCoimisiún (2) údaraíodh ullmhóid Enterococcus faecium DSM 7134 ar feadh 10 mbliana mar bhreiseán beathaithe le haghaidh sicíní lena ramhrú.

(3)

I gcomhréir le hAirteagal 14(1) de Rialachán (CE) Uimh. 1831/2003, chuir sealbhóir an údaraithe sin iarratas isteach maidir le údarú ullmhóid Enterococcus faecium DSM 7134 mar bhreiseán beathaithe le haghaidh sicíní lena ramhrú a athnuachan, agus iarradh go n-aicmeofaí an breiseán i gcatagóir na mbreiseán “breiseáin zóiteicniúla”. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas sin.

(4)

Chinn an tÚdarás Eorpach um Shábháilteacht Bia (“an tÚdarás”) ina thuairim an 27 Eanáir 2021 (3) gur chuir an t-iarratasóir fianaise ar fáil go gcomhlíonann an breiseán na coinníollacha maidir le húdarú atá ann cheana. Ina theannta sin, chinn an tÚdarás nach bhfuil éifeacht dhíobhálach ag ullmhóid Enterococcus faecium DSM 7134 ar shláinte ainmhithe, ar shábháilteacht an tomhaltóra ná ar an gcomhshaol. Chinn sé freisin nach greannaitheoir craicinn ná súl atá sa bhreiseán ach gur cheart a mheas gur íogróir craicinn agus gur íogróir riospráide atá ann. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí an bhreiseáin. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Léiríonn an measúnú ar ullmhóid Enterococcus faecium DSM 7134 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan.

(6)

Mar thoradh ar údarú ullmhóid Enterococcus faecium DSM 7134 mar bhreiseán beathaithe a athnuachan, ba cheart Rialachán (AE) Uimh. 998/2010 a aisghairm.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh iarratas isteach maidir le húdarú crágaigh mangainéise de lísín agus aigéid ghlútamaigh. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(3)

Baineann an t-iarratas le húdarú ullmhóid crágaigh mangainéise de lísín agus aigéid ghlútamaigh mar bhreiseán beathaithe le haghaidh gach speicis ainmhíoch, breiseán atá le haicmiú i gcatagóir na mbreiseán “breiseáin chothaitheacha” agus san fheidhmghrúpa “comhdhúile de riandúile”.

(4)

Chinn an tÚdarás Eorpach um Shábháilteacht Bia (“an tÚdarás”) ina thuairimí an 10 Eanáir 2020 (2) agus 27 Eanáir 2021 (3) nach bhfuil tionchar díobhálach ag crágach mangainéise de lísín agus aigéid ghlútamaigh ar shláinte ainmhithe, ar shábháilteacht an tomhaltóra ná ar an gcomhshaol faoi na coinníollacha úsáide atá beartaithe. Chinn an tÚdarás go bhfuil riosca d’úsáideoirí ag baint leis an mbreiseán a láimhseáil, riosca a bhaineann leis an mbreiseán a ionanálú agus gur cheart a mheas gur greannaitheoir súl agus gur íogróir craicinn agus riospráide atá ann. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí an bhreiseáin. Chinn an tÚdarás go bhfuil an breiseán éifeachtúil le haghaidh sicíní lena ramhrú; is féidir an cinneadh seo a leathnú chuig gach speiceas ainmhíoch eile. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh a úsáidtear chun anailís a dhéanamh ar an mbreiseán beathaithe arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Léiríonn an measúnú ar chrágach mangainéise de lísín agus aigéid ghlútamaigh, go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú faoi mar a shonraítear san Iarscríbhinn a ghabhann leis an Rialachán seo.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú ullmhóide próitéáise séirín arna táirgeadh ag Bacillus licheniformis (DSM 19670). Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(3)

Baineann an t-iarratas sin le húdarú próitéáise séirín arna táirgeadh ag Bacillus licheniformis (DSM 19670) mar bhreiseán beathaithe le haghaidh sicíní lena ramhrú, ar breiseán é atá le haicmiú i gcatagóir na mbreiseán “breiseáin zóiteicniúla” agus san fheidhmghrúpa “feabhsaitheoirí díleáiteachta”.

(4)

Chinn an tÚdarás Eorpach um Shábháilteacht Bia (“an tÚdarás”) ina thuairim an 27 Eanáir 2021 (2) nach bhfuil tionchar díobhálach ag próitéáis séirín arna táirgeadh ag Bacillus licheniformis DSM 19670 ar shláinte ainmhithe, ar shábháilteacht an tomhaltóra ná ar an gcomhshaol faoi na coinníollacha úsáide atá beartaithe. Chinn an tÚdarás gur cheart a mheas gur greannaitheoir craicinn, gur íogróir féideartha craicinn agus gur íogróir riospráide atá sa bhreiseán. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe maidir le húsáideoirí an bhreiseáin sin. Chinn an tÚdarás go bhféadfadh an breiseán a bheith éifeachtúil le haghaidh sicíní lena ramhrú. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh a úsáidtear chun anailís a dhéanamh ar an mbreiseán beathaithe arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Léiríonn an measúnú ar phróitéáis séirín arna táirgeadh ag Bacillus licheniformis DSM 19670 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú faoi mar a shonraítear san Iarscríbhinn a ghabhann leis an Rialachán seo.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is éard atá i gCóras Faisnéise an Mhargaidh Inmheánaigh (“IMI”) arna bhunú le Rialachán (AE) Uimh. 1024/2012, feidhmchlár bogearraí a bhfuil fáil air tríd an idirlíon agus a d’fhorbair an Coimisiún i gcomhar leis na Ballstáit, chun cabhrú leis na Ballstáit na ceanglais maidir le malartú faisnéise a leagtar síos i ngníomhartha de chuid an Aontais a chomhlíonadh trí shásra cumarsáide láraithe a sholáthar lena n-éascaítear malartú trasteorann faisnéise agus cúnamh frithpháirteach.

(2)

Faoi Airteagal 4(1) de Rialachán (AE) Uimh. 1024/2012, is féidir leis an gCoimisiún tionscadail phíolótacha a dhéanamh chun éifeachtacht IMI a mheas ó thaobh chur chun feidhme na bhforálacha maidir le comhair riaracháin i ngníomhartha de chuid an Aontais nach liostaítear san Iarscríbhinn a ghabhann leis an Rialachán sin.

(3)

Le Treoir (AE) 2021/555 ó Pharlaimint na hEorpa agus ón gComhairle (2), déantar foráil maidir le comhar riaracháin idir na Ballstáit i ndáil le rialuithe i dtaca le fáil agus seilbh arm tine. Le hAirteagal 18 den Treoir sin, tá sé de cheangal ar an gCoimisiún socruithe mionsonraithe a leagan síos maidir leis an malartú córasach faisnéise trí mhodhanna leictreonacha dá dtagraítear san Airteagal sin. Ghlac an Coimisiún Rialachán Tarmligthe (AE) 2021/1423 (3) lena leagtar síos socruithe mionsonraithe maidir leis an malartú córasach faisnéise a luaitear i mír 4 den Airteagal sin a bhaineann le cinntí diúltaithe i leith údaruithe a dheonú. D’fhéadfadh IMI a bheith ina uirlis éifeachtach ó thaobh chur chun feidhme na forála maidir le comhar riaracháin a thagann faoi raon feidhme an Rialacháin Tharmligthe sin. Dá bhrí sin, ba cheart an fhoráil maidir le comhar riaracháin a bheith faoi réir tionscadal píolótach faoi Airteagal 4 de Rialachán (AE) Uimh. 1024/2012.

(4)

Ba cheart do IMI an fheidhmiúlacht theicniúil a sholáthar, lena n-áirítear stór a bhunú, chun gur féidir le húdaráis inniúla na mBallstát a n-oibleagáidí a leagtar síos i Rialachán Tarmligthe (AE) 2021/1423 a chomhlíonadh.

(5)

Ba cheart do IMI comhar riaracháin idir údaráis na mBallstát a éascú, trí chead a thabhairt dóibh stór IMI a chuardach chun seiceáil a dhéanamh an bhfuil cosc ar dhuine ar leith arm tine a fháil nó seilbh a bheith aige air. Chun urraim a thabhairt do chearta cosanta sonraí na ndaoine a ndéantar sonraí a thaifeadadh sa stór i ndáil leo, ba cheart d’údaráis náisiúnta a bheith in ann an fhaisnéis a bhaineann le duine ar leith a chuardach, agus an fhaisnéis sin amháin. Níor cheart dóibh a bheith in ann cuardach a dhéanamh de réir critéir eile, cuir i gcás, cuardach a dhéanamh ar gach diúltú le linn tréimhse áirithe nó i gcás Ballstát áirithe.

(6)

Chun a áirithiú go ndéanfar sonraí pearsanta arna malartú mar chuid den tionscadal píolótach a bhlocáil a luaithe nach mbeidh gá leo a thuilleadh i gcomhréir le hAirteagal 14 de Rialachán (AE) Uimh. 1024/2012, an dáta a mheasfar nach bhfuil gá leis na sonraí sin a thuilleadh chun críocha an Airteagail sin, ba cheart an dáta sin a dhéanamh soiléir. Ba cheart an dáta sin a beith i gcomhréir leis an dáta a chinntear i gcomhréir le hAirteagal 5 de Rialachán Tarmligthe (AE) 2021/1423 mar an dáta nach mbeidh rochtain a thuilleadh ar fhaisnéis maidir leis an gcinneadh diúltaithe in IMI. Is iomchuí a shoiléiriú, tráth a dhéanfar na sonraí a bhlocáil, go ndéanfar iad a scriosadh go huathoibríoch in IMI 3 bliana ina dhiaidh sin, gan gá le dúnadh foirmiúil a bheith ann.

(7)

De bhun Airteagal 4(2) de Rialachán (AE) Uimh. 1024/2012, tá an Coimisiún chun meastóireacht ar thoradh an tionscadail phíolótaigh a chur faoi bhráid Pharlaimint na hEorpa agus na Comhairle. Is iomchuí an dáta a shonrú faoinar cheart an mheastóireacht a bheith curtha isteach.

(8)

Tá na bearta dá bhforáiltear sa Chinneadh seo i gcomhréir leis an tuairim ón gCoiste arna bhunú le hAirteagal 24 de Rialachán (AE) Uimh. 1024/2012,

(a)

stór le haghaidh faisnéis maidir le cinntí diúltaithe a stóráil agus a chomhroinnt i gcomhréir le Rialachán Tarmligthe (AE) 2021/1423;

(b)

áis chuardaigh lenar féidir le húdaráis inniúla an stór a chuardach chun a sheiceáil an bhfuil faisnéis ann maidir le cinntí diúltaithe i ndáil le duine ar leith;

(c)

áis lenar féidir iontrálacha a bhaint agus a nuashonrú i gcomhréir le hAirteagal 4 de Rialachán Tarmligthe (AE) 2021/1423;

(d)

córas lena seoltar meabhrúcháin ríomhphoist chuig na húdaráis inniúla go rialta chun a mheabhrú dóibh iontrálacha áirithe a athbhreithniú i gcomhréir le hAirteagal 4 de Rialachán Tarmligthe (AE) 2021/1423.