(1)

Le hAirteagal 25a de Threoir 2003/87/CE tugtar de chumhacht don Choimisiún forálacha a ghlacadh chun eitiltí a thagann ó thríú tír a eisiamh ó chóras trádála astaíochtaí an Aontais (EU ETS). Ba cheart foráil a dhéanamh sna forálacha sin don idirghníomhaíocht is fearr is féidir idir EU ETS agus do bhearta tríú tír chun tionchar na heitlíochta ar an athrú aeráide a laghdú.

(2)

Tháinig an tAontas Eorpach agus Ríocht Aontaithe na Breataine Móire agus Thuaisceart Éireann ar chomhaontú i mí na Nollag 2020 (2). Maidir leis an gConradh Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (“An Comhaontú”), shínigh an tAontas é ar bhonn Chinneadh (AE) 2020/2252 ón gComhairle (3) agus rinne an tAontas é a fhormheas ar bhonn Chinneadh (AE) 2021/689 ón gComhairle (4). Cuireadh an Comhaontú i bhfeidhm go sealadach go dtí go dtiocfadh sé i bhfeidhm an 1 Bealtaine 2021 (5). Foráiltear sa Chomhaontú go mbeidh córas éifeachtach praghsála carbóin i bhfeidhm ag gach páirtí lena gcumhdaítear an eitlíocht agus go ndéanfar eitiltí ó aeradróim atá suite ar chríoch an Limistéir Eorpaigh Eacnamaíoch (LEE) chuig aeradróim atá suite sa Ríocht Aontaithe a rialáil faoi EU ETS. De bhun Airteagal 28a(7) de Threoir 2003/87/CE, maidir leis an maolú in Airteagal 28a(1) de Threoir 2003/87/CE, ar dá bhun sin ba cheart do na Ballstáit breithniú a dhéanamh cé acu a comhlíonadh nó nár comhlíonadh ceanglais na Treorach sin maidir le hastaíochtaí ó eitiltí áirithe chuig aeradróim agus ó aeradróim atá suite i dtíortha lasmuigh den LEE, ní bheidh feidhm ag an maolú sin ach i gcomhréir le téarmaí an Chomhaontaithe.

(3)

Is gá, dá bhrí sin, Treoir 2003/87/CE a leasú chun eitiltí ó aeradróim atá sa Ríocht Aontaithe chuig aeradróim atá suite in LEE a eisiamh ó EU ETS. D’fhonn cobhsaíocht a chothabháil a mhéid a bhaineann le cumhdach oibreoirí aerárthaí ag EU ETS, níor cheart go ndéanfadh eisiamh eitiltí ó aeradróim atá sa Ríocht Aontaithe chuig aeradróim atá suite in LEE difear do na forálacha lena n-eisiatar gníomhaíochtaí eitlíochta áirithe ó EU ETS bunaithe ar thairseacha sonraithe i dtéarmaí líon na n-eitiltí nó líon na n-astaíochtaí in aghaidh an oibreora.

(4)

Ba cheart Treoir 2003/87/CE a leasú dá réir.

(5)

Ós rud é go raibh an Comhaontú á chur i bhfeidhm go sealadach ón 1 Eanáir 2021 ar aghaidh, ba cheart feidhm a bheith ag an Rialachán seo maidir le hastaíochtaí a bhíonn ann ón dáta sin,

(1)

i bpointe (j), cuirtear an méid seo a leanas in ionad an dara mír:

“Maidir leis na heitiltí dá dtagraítear i bpointí (l) agus (m) nó a dhéantar go heisiach chun Ríthe agus Banríonacha atá i gcoróin agus a neasteaghlaigh, Cinn Stáit, Cinn Rialtais agus Airí Rialtais Ballstáit a iompar agus iad ar mhisean oifigiúil, ní fhéadfar iad a eisiamh faoin bpointe seo;”

(2)

cuirtear an méid seo a leanas in ionad phointe (k):

(3)

cuirtear pointe (m) seo a leanas isteach:

(1)

Tá sé d’aidhm ag Rialachán (AE) Uimh. 1380/2013 (2) deireadh a chur le hábhair mhuirí aischurtha de réir a chéile in iascaigh uile an Aontais trí oibleagáid gabhálacha a thabhairt i dtír a chur chun feidhme i gcás gabhálacha speiceas atá faoi réir teorainneacha gabhála.

(2)

I gcomhréir le hAirteagal 15(1)(a) de Rialachán (AE) Uimh. 1380/2013, tá feidhm ag an oibleagáid gabhálacha a thabhairt i dtír maidir le hiascaigh bradán i Muir Bhailt ón 1 Eanáir 2015.

(3)

I gcás nach mbunaítear aon phlean ilbhliantúil de bhun Airteagal 9 de Rialachán (AE) Uimh. 1380/2013, tugtar de chumhacht don Choimisiún, le hAirteagal 15(6) den Rialachán sin, pleananna maidir le hábhar muirí aischurtha a ghlacadh lena sonraítear mionsonraí maidir le cur chun feidhme na hoibleagáide gabhálacha a thabhairt i dtír le haghaidh tréimhse tosaigh 3 bliana a fhéadfar a athnuachan go ceann 3 bliana eile. Na pleananna sin maidir le hábhar muirí aischurtha, tá siad le glacadh ar bhonn na moltaí comhpháirteacha arna bhforbairt ag na Ballstáit i gcomhairle leis na Comhairlí Comhairleacha ábhartha.

(4)

Le Rialachán Tarmligthe (AE) Uimh. 1396/2014 ón gCoimisiún (3), bunaíodh plean maidir le hábhar muirí aischurtha a bhaineann le hiascaigh bradán, scadán, salán agus trosc i Muir Bhailt. Sa phlean sin maidir le hábhar muirí aischurtha, bhí díolúine ón oibleagáid gabhálacha a thabhairt i dtír eadhon le haghaidh an bhradáin de thairbhe na rátaí arda marthanais a léiríodh maidir leis an speiceas sin dá bhforáiltear in Airteagal 15(4)(b) de Rialachán (AE) Uimh. 1380/2013. Chuaigh Rialachán (AE) Uimh. 1396/2014 in éag an 31 Nollaig 2017. An díolúine sin maidir le bradán Mhuir Bhailt, rinneadh í a athnuachan le Rialachán Tarmligthe (AE) 2018/211 ón gCoimisiún (4), a chuaigh in éag an 31 Nollaig 2020.

(5)

Le Rialachán (AE) 2016/1139, bunaítear plean ilbhliantúil do na stoic a ndéantar iascaireacht orthu i Muir Bhailt agus déantar foráil maidir le mionsonraí chur chun feidhme na hoibleagáide gabhálacha a thabhairt i dtír i dtaca leis na stoic sin, lena n-áirítear an stoc bradán. Le hAirteagal 7(1)(a) den Rialachán sin, tugtar de chumhacht don Choimisiún gníomhartha tarmligthe a ghlacadh chun an Rialachán sin a fhorlíonadh trí mhionsonraí a shonrú maidir leis an oibleagáid gabhálacha a thabhairt i dtír a bhaineann le rátaí arda inmharthanachta.

(6)

Tá leas díreach i dtaca le bainistíocht iascaigh i Muir Bhailt ag an Danmhairg, ag an nGearmáin, ag an Eastóin, ag an Laitvia, ag an Liotuáin, ag an bPolainn, ag an bhFionlainn agus ag an tSualainn. An 12 Bealtaine 2020, chuir na Ballstáit sin moladh comhpháirteach (5) faoi bhráid an Choimisiúin, tar éis dóibh dul i gcomhairle le Comhairle Chomhairleach Mhuir Bhailt. Fuarthas rannchuidiú eolaíoch ó chomhlachtaí eolaíocha ábhartha. Tugadh an moladh comhpháirteach cothrom le dáta an 8 Meán Fómhair 2020 agus an 16 Márta 2021.

(7)

Sa mholadh comhpháirteach leasaithe, moltar, i dtaca leis an díolúine ón oibleagáid gabhálacha a thabhairt i dtír maidir le bradáin arna ngabháil le trealamh éighníomhach áirithe dá bhforáiltear le Rialachán Tarmligthe (AE) 2018/211 ón gCoimisiún, gur cheart an díolúine sin a bheith infheidhme fós tar éis an 31 Nollaig 2020. Tugtar dreasacht leis sin trealamh a úsáid atá níos roghnaí agus bhfuil tionchar níos lú aige nuair a bheifear ag iascaireacht speiceas eile seachas an bradán. Thairis sin, d’fhéadfadh sé go dtiocfadh laghdú ar fhoghabhálacha éan agus mamach de thairbhe na díolúine. I réigiúin áirithe d’éascófaí bainistíocht na gcuótaí agus d’fhéadfaí stoic bradán fiáin a chosaint trí bhradáin fhiáine a ghabhtar a scaoileadh saor agus gan a choimeád ach bradáin shaothraithe. Níor cheart cléibh/potaí a dhíolmhú a thuilleadh, áfach, agus maidir le gaistí pontúin, níor cheart a áireamh ach gaistí a bhfuil mála gan snaidhm (‘Vittjanpåse’) ceangailte orthu. Thairis sin, moltar sa mholadh comhpháirteach an díolúine a theorannú do 8 % de na gabhálacha bliantúla ó chuóta bradán gach Ballstáit chun tuilleadh laghdaithe a dhéanamh ar aon tionchar diúltach a d’fhéadfadh a bheith ag an díolúine sin ar an stoc. Ar deireadh, i gcomhthéacs an chomhairliúcháin leis an nGrúpa Saineolaithe um Iascach agus Dobharshaothrú, luadh, dá dtagraítear sa mholadh chomhpháirteach, gur cheart bradáin a ghabhtar le trealamh éighníomhach ábhartha sna hiascaigh uile a chumhdach leis an díolúine.

(8)

Rinne an Coiste Eolaíoch, Teicniúil agus Eacnamaíoch um Iascach (STECF) athbhreithniú ar an bhfianaise eolaíoch a soláthraíodh leis an moladh comhpháirteach (6). Thagair STECF don mheasúnú a rinne sé roimhe seo (7) maidir le heangacha gaiste agus faidhclíonta, ach mheabhraigh sé go bhfuil gá le faisnéis bhreise i ndáil le deimhniú na dtoimhdí maidir le hinmharthanacht a rinneadh i gcás cliabh/potaí agus eangacha gabhainn. Ar an mbonn sin, ní áirítear a thuilleadh cléibh/potaí sa mholadh comhpháirteach nuashonraithe. Thairis sin, mhínigh na Ballstáit gur áiríodh eangacha gabhainn i sonraí a cuireadh isteach cheana, ach nár luadh eangacha gabhainn go sainráite sa staidéar ábhartha, agus go raibh staidéir bhreise ar bun. Dá bhrí sin, thug na Ballstáit gealltanas faisnéis bhreise a chur isteach maidir le rátaí marthanais i dtaca le bradáin arna ngabháil in eangacha gabhainn sula rachaidh an gníomh tarmligthe seo in éag. De bhrí gur luaigh STECF sa mheasúnú a rinne sé cheana go n-oibríonn eangacha gabhainn ar bhealach atá comhchosúil le heangacha gaiste agus le faidhclíonta agus go bhfuil gealltanas tugtha ag na Ballstáit sa mholadh comhpháirteach go ndéanfaidh siad tuilleadh taighde, ba cheart an díolúine a bheith infheidhme fós. Maidir le gaistí pontúin, thug STECF dá aire go bhféadfadh na gaistí pontúin a bhfuil mála gan snaidhm ceangailte orthu a bheith níos séimhe ná na cinn nach bhfuil mála den sórt sin orthu. Léirítear sna torthaí go raibh ráta marthanais 52 % ag bradáin arna ngabháil le gaistí pontúin a bhfuil mála gan snaidhm ceangailte orthu, ach go bhféadfadh an ráta marthanais a bheith i bhfad níos airde ag brath ar na himthosca comhshaoil. Tá tuilleadh tionscadail taighde ar bun.

(9)

Na bearta a moladh sa mholadh comhpháirteach, comhlíonann siad Airteagal 15(4)(b) de Rialachán (AE) Uimh. 1380/2013 agus dá bhrí sin is féidir iad a chuimsiú sa Rialachán seo i gcomhréir le hAirteagal 18(3) de Rialachán (AE) Uimh. 1380/2013 agus Airteagal 7(1)(a) de Rialachán (AE) 2016/1139. Ar bhonn mheasúnú STECF, áfach, ba cheart an díolúine seo gan bheith ach sealadach, agus ba cheart do na Ballstáit lena mbaineann an fhaisnéis ábhartha bhreise agus na sonraí a mhol STECF a sholáthar in am trátha sula rachaidh an Rialachán seo in éag.

(10)

I bhfianaise an mhéid sin, ba cheart teorainn 3 bliana a chur leis an Rialachán seo, chun measúnú nuashonraithe ar an díolúine agus forbairt na n-iascach lena mbaineann a áirithiú.

(11)

Ós rud é go ndeachaigh an maolú a deonaíodh le Rialachán Tarmligthe (AE) 2018/211 ón gCoimisiún in éag an 31 Nollaig 2020, chun leanúnachas dlíthiúil a áirithiú, ba cheart feidhm a bheith ag an Rialachán seo le héifeacht ón 1 Eanáir 2021. Ar chúiseanna deimhneachta dlíthiúla agus mar ábhar práinne, ba cheart an Rialachán seo a theacht i bhfeidhm an lá tar éis lá a fhoilsithe.

ciallaíonn “Muir Bhailt” ranna ICES IIIb, IIIc agus IIId, mar a shonraítear in Airteagal 4(2)(b) de Rialachán (AE) Uimh. 1380/2013.

(1)

Foráiltear le hAirteagal 31(1) de Rialachán Tarmligthe (AE) Uimh. 640/2014 ón gCoimisiún (2), arna leasú le Rialachán Tarmligthe (AE) 2021/841 ón gCoimisiún (3), gur cheart an méid iomlán cabhrach nó tacaíochta a bhfuil an tairbhí ina theideal a íoc bunaithe ar líon na n-ainmhithe arna gcinneadh i gcomhréir le hAirteagal 30(3) de Rialachán Tarmligthe (AE) Uimh. 640/2014, ar choinníoll nach n-aimseofar níos mó ná trí ainmhí neamhchinntithe agus gur féidir na hainmhithe neamhchinntithe a shainaithint go leithleach trí bhíthin aon mhodh dá bhforáiltear sa chóras maidir le hainmhithe a shainaithint agus a chlárú mar a shainítear in Airteagal 2(1), pointe (7), den Rialachán sin. Mar sin féin, ní bhaineann sainaithint leithleach ainmhithe le speicis ainmhíocha seachas ainmhithe de chineál buaibheach, caorach nó gabhair. Thairis sin, foráiltear le hAirteagal 31(2) de Rialachán Tarmligthe (AE) Uimh. 640/2014 nach gcuirfear an pionós riaracháin i bhfeidhm ach amháin i gcás ina bhfuil níos mó ná trí ainmhí neamhchinntithe, gan tagairt do chás ina bhfuil trí ainmhí neamhchinntithe de chineál buaibheach, caorach nó gabhair, nó níos lú ná sin, nach féidir a shainaithint go leithleach trí bhíthin aon mhodh dá bhforáiltear sa chóras chun ainmhithe a shainaithint agus a chlárú.

(2)

Mar thoradh air sin, leis an dara coinníoll in Airteagal 31(1), pointe (b), de Rialachán Tarmligthe (AE) Uimh. 640/2014 eisiatar ón maolú, a mhéid a bhaineann le pionóis riaracháin a chur i bhfeidhm, gach speiceas ainmhíoch seachas ainmhithe de chineál buaibheach, caorach nó gabhair atá le cumhdach le Rialachán Tarmligthe (AE) Uimh. 640/2014.

(3)

Dá bhrí sin, is iomchuí Airteagal 31(1), pointe (b), de Rialachán Tarmligthe (AE) Uimh. 640/2014 a athfhoirmliú sa chaoi nach mbeidh feidhm ag an gceanglas maidir le sainaithint leithleach ach ar ainmhithe de chineál buaibheach, caorach nó gabhair.

(4)

I gcás nach féidir suas le trí ainmhí neamhchinntithe de chineál buaibheach, caorach nó gabhair a shainaithint go leithleach, ní fhoráiltear maidir le haon phionós in Airteagal 31(2) de Rialachán Tarmligthe (AE) Uimh. 640/2014, rud a chiallaíonn gur chaill na hainmhithe sin a sainiúlacht agus a n-inrianaitheacht ó cibé foinse de chuid an chórais chun ainmhithe a shainaithint agus a chlárú. Is é an toradh atá air sin cás ina mbeadh pionóis ann de bharr neamh-chomhlíonadh nach bhfuil chomh tromchúiseach sin, bunaithe ar líon na n-ainmhithe neamhchinntithe amháin, agus cás nach mbeadh aon iarmhairtí ann de bharr neamh-chomhlíonadh atá níos tromchúisí toisc go mbaineann sé le hainmhithe (de chineál buaibheach, caorach nó gabhair) nach bhféadfaí a shainaithint.

(5)

Dá bhrí sin, is iomchuí foráil a dhéanamh freisin maidir le pionóis riaracháin i leith neamh-chomhlíonadh níos tromchúisí i gcás nach féidir na hainmhithe neamhchinntithe de chineál buaibheach, caorach nó gabhair a shainaithint go leithleach trí bhíthin aon mhodh dá bhforáiltear sa chóras chun ainmhithe a shainaithint agus a chlárú, gan beann ar a líon.

(6)

Ba cheart, dá bhrí sin, Rialachán Tarmligthe (AE) Uimh. 640/2014 a leasú dá réir sin.

(7)

Ar mhúnla Rialachán Tarmligthe (AE) 2021/841, ba cheart feidhm a bheith ag an Rialachán seo maidir le hiarratais ar chabhair, le hiarratais ar thacaíocht agus le héilimh ar íocaíocht a chuirtear isteach le haghaidh blianta éilimh nó le haghaidh tréimhsí préimhe dar tús an 1 Eanáir 2021,

(a)

i mír 1, cuirtear an méid seo a leanas in ionad phointe (b):

(b)

i mír 2, an chéad fhomhír, cuirtear an méid seo a leanas in ionad na habairte tosaigh:

“I gcás ina bhfuil níos mó ná trí ainmhí neamhchinntithe ann nó i gcás ina bhfuil ainmhithe neamhchinntithe ann de chineál buaibheach, caorach nó gabhair nach féidir a shainaithint go leithleach trí bhíthin aon mhodh dá bhforáiltear sa chóras chun ainmhithe a shainaithint agus a chlárú, laghdófar mar a leanas an méid iomlán cabhrach nó tacaíochta a bhfuil an tairbhí ina theideal a fháil faoin scéim cabhrach nó faoin mbeart tacaíochta nó faoi chineál oibríochta faoin mbeart tacaíochta sin dá dtagraítear i mír 1 le haghaidh na bliana éilimh lena mbaineann:”.

(1)

I gcomhréir le hAirteagal 17(5) de Rialachán (CE) Uimh. 110/2008 ó Pharlaimint na hEorpa agus ón gComhairle (2), tá scrúdú déanta ag an gCoimisiún ar iarratas na hUngáire an 18 Deireadh Fómhair 2016 maidir le clárú an táisc gheografaigh “Nagykunsági birspálinka”.

(2)

Rialachán (AE) 2019/787 a thagann in ionad Rialachán (CE) Uimh. 110/2008, tháinig sé i bhfeidhm an 25 Bealtaine 2019. I gcomhréir le hAirteagal 49(1) den Rialachán sin, déantar Caibidil III de Rialachán (CE) Uimh. 110/2008, maidir le tásca geografacha, a aisghairm le héifeacht ón 8 Meitheamh 2019.

(3)

Ar chinneadh don Choimisiún go bhfuil an t-iarratas i gcomhréir le Rialachán (CE) Uimh. 110/2008, d’fhoilsigh sé príomhshonraíochtaí an chomhaid theicniúil in Iris Oifigiúil an Aontais Eorpaigh (3) faoi mar a fhoráiltear le hAirteagal 17(6) den Rialachán sin, i gcomhréir le hAirteagal 50(4), an chéad fhomhír, de Rialachán (AE) 2019/787.

(4)

I gcomhréir le hAirteagal 27(1) de Rialachán (AE) 2019/787, níor tugadh aon fhógra freasúra don Choimisiún.

(5)

Dá bhrí sin, ba cheart an tásc “Nagykunsági birspálinka” a chlárú mar thásc geografach,

(1)

Bunaíodh cuótaí iascaireachta le haghaidh na bliana 2020 leis na rialacháin seo a leanas:

(2)

Bunaíodh cuótaí iascaireachta le haghaidh na bliana 2021 leis na rialacháin seo a leanas:

(3)

De bhun Airteagal 105(1) de Rialachán (CE) Uimh. 1224/2009, i gcás inar shuigh an Coimisiún gur sháraigh Ballstát na cuótaí iascaireachta a leithdháileadh chuige, déanfaidh an Coimisiún asbhaintí ó chuótaí a leithdháilfear sa todhchaí chuig an mBallstát sin.

(4)

Foráiltear le hAirteagal 105(2) agus (3) de Rialachán (CE) Uimh. 1224/2009 nach mór na hasbhaintí sin a dhéanamh sa bhliain nó sna blianta dár gcionn trí na fachtóirí iolraithe faoi seach a chur i bhfeidhm de réir mar a leagtar amach ann.

(5)

Sháraigh Ballstáit áirithe a gcuótaí iascaireachta le haghaidh na bliana 2020. Is iomchuí, dá bhrí sin, asbhaintí a dhéanamh ó na cuótaí iascaireachta arna leithdháileadh chucu in 2021 agus, i gcás inarb ábhartha, sna blianta ina dhiaidh sin, maidir leis na stoic a ndearnadh ró-iascaireacht orthu.

(6)

Le Rialachán Cur Chun Feidhme (AE) 2020/1247 ón gCoimisiún (10) agus Rialachán Cur Chun Feidhme (AE) 2020/2006 ón gCoimisiún (11), leagadh amach asbhaintí ó chuótaí iascaireachta maidir le Ballstáit agus speicis áirithe le haghaidh 2020. I gcás Ballstáit áirithe, áfach, b’airde na hasbhaintí a bhí le cur i bhfeidhm maidir le speicis áirithe ná na cuótaí a bhain leis na speicis chéanna a bhí ar fáil in 2020 agus dá bhrí sin, ní fhéadfaí iad a dhéanamh ina n-iomláine sa bhliain sin. Chun a áirithiú, i gcásanna den sórt sin, go ndéantar méid iomlán na stoc lena mbaineann a asbhaint, ba cheart na cainníochtaí atá fágtha a chur san áireamh agus asbhaintí á leagan síos le haghaidh 2021 agus, i gcás inarb iomchuí, ó chuótaí ina dhiaidh sin.

(7)

In 2019 chuaigh an Phortaingéil thar a cuóta maidir le tuinníní bána san Aigéan Atlantach, lastuaidh de 5° T (ALB/AN05N). An asbhaint a d’eascraigh as an ró-iascaireacht sin, arb asbhaint í de 1 271,026 tona, bhí sí infheidhme in 2020. Arna iarraidh don Phortaingéil, roinneadh an asbhaint chomhfhreagrach go cothrom thar 2 bhliain (2020 agus 2021). Le Rialachán Cur Chun Feidhme (AE) 2020/1247, rinneadh an chéad leath den asbhaint, eadhon 635,513 tona ar chuóta 2020 na Portaingéile. Dá bhrí sin, ba cheart an chainníocht atá fágtha, is é sin 635,513 tona, a asbhaint ó chuóta na Portaingéile le haghaidh 2021.

(8)

A mhéid a bhaineann le corra gainimh i ranna 2a, 3a ICES agus i bhfolimistéar 4 ICES, ós rud é go ndearna an Danmhairg ró-iascaireacht ar a gabhálacha iomlána incheadaithe in uiscí an Aontais i limistéar bainistíochta 2r mar a shainítear in Iarscríbhinn III de Rialachán (AE) 2020/123 in 2020, ceanglaítear uirthi asbhaintí a dhéanamh. In 2021 ceadaíodh líon an-bheag gabhálacha corr ghainimh sna huiscí sin chun faireachán a dhéanamh ar fhlúirse na coirre gainimh. Mar sin féin, maidir leis na hasbhaintí sin, ní féidir an córas faireacháin (12) a choinneáil ar bun leo, ar córas é a mhol an Chomhairle Idirnáisiúnta um Thaiscéalaíocht na Mara (ICES) chun corra gainimh a bhainistiú. Dá bhrí sin, asbhaintí le haghaidh na gcuótaí a ndearna an Danmhairg ró-iascaireacht orthu i limistéar bainistíochta 2r in 2020, ba cheart na hasbhaintí sin a dhéanamh ó limistéar bainistíochta corr gainimh 3r in 2021.

(9)

Asbhaintí ó chuótaí iascaireachta, dá bhforáiltear leis an Rialachán seo, ba cheart feidhm a bheith acu gan dochar do na hasbhaintí is infheidhme maidir le cuótaí 2021 na Spáinne de bhun Rialachán Cur Chun Feidhme (AE) Uimh. 185/2013 ón gCoimisiún (13).

(10)

Ós rud é go sloinntear cuótaí i dtona, níor cheart ró-iascaireacht de chainníochtaí is lú ná 1 tona amháin a chur san áireamh,

(1)

Le Rialachán (CE) Uimh. 1126/2008 ón gCoimisiún (2) glacadh caighdeáin agus léirmhíniúcháin idirnáisiúnta áirithe a bhí ann cheana an 15 Deireadh Fómhair 2008.

(2)

Bhí paindéim COVID-19 ina cúis le suaitheadh seachtrach nach bhfacthas a leithéid riamh, suaitheadh a chuir isteach ar an Aontas agus ar a gheilleagar, agus i ngeall air sin, tá gá le bearta a dhíreoidh ar mhaolú na ndrochthionchar a imríodh ar shaoránaigh agus ar chuideachtaí, i gcás inar féidir.

(3)

Tá bearta déanta ag na Ballstáit agus ag an Aontas chun faoiseamh airgeadais a sholáthar do chuideachtaí, lena n-áirítear sos íocaíochta bunaithe ar moratoria príobháideacha nó poiblí, chun cosc a chur le féimheachtaí agus le caillteanas post nach bhfuil gá leo, agus chun bonn taca a chur faoin téarnamh tapa.

(4)

Ar an 28 Márta 2020, d’fhoilsigh an Bord um Chaighdeáin Idirnáisiúnta Chuntasaíochta (IASB) Lamháltais Chíosa a bhaineann le COVID-19 (Leasú ar IFRS 16), a glacadh le Rialachán (AE) 2020/1434 ón gCoimisiún (3).

(5)

An 31 Márta 2021, d’fhoilsigh IASB Lamháltais Chíosa a bhaineann le COVID-19 tar éis an 30 Meitheamh 2021 (Leasú ar IFRS 16).

(6)

Leis an leasú ar Léasanna Chaighdeán Idirnáisiúnta um Thuairisciú Airgeadais (IFRS) 16, leathnaítear an faoiseamh oibríochtúil roghnach sealadach a bhaineann le COVID-19 le haghaidh léasaithe maidir le conarthaí léasa dar dlite faoiseamh íocaíochtaí i dtosach an 30 Meitheamh 2021, nó roimhe sin, chuig conarthaí léasa dar dlite faoiseamh agus íocaíochtaí i dtosach an 30 Meitheamh 2022, nó roimhe sin.

(7)

Tar éis dul i gcomhairle leis an nGrúpa Comhairleach Eorpach um Thuairisciú Airgeadais, chinn an Coimisiún maidir leis an leasú ar Léasanna IFRS 16 go gcomhlíontar na critéir maidir leis an nglacadh mar a leagtar amach in Airteagal 3(2) de Rialachán (CE) Uimh. 1606/2002.

(8)

Dá bhrí sin, ba cheart Rialachán (CE) Uimh. 1126/2008 a leasú dá réir sin.

(9)

Socraítear le IASB dáta éifeachtach an leasaithe ar Léasanna IFRS 16 amhail ón 1 Aibreán 2021. Dá bhrí sin, ba cheart feidhm chúlghabhálach a bheith ag forálacha an Rialacháin seo chun deimhneacht dhlíthiúil a áirithiú do na heisitheoirí lena mbaineann agus chun a áirithiú go mbeidh comhsheasmhacht ann maidir le caighdeáin chuntasaíochta eile mar a leagtar síos i Rialachán (CE) Uimh. 1126/2008.

(10)

Ag féachaint don phráinn atá leis an bhfaoiseamh oibríochtúil sin a bhaineann le COVID-19, ba cheart don Rialachán seo teacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

(11)

Tá na bearta dá bhforáiltear sa Rialachán seo i gcomhréir leis an tuairim ón gCoiste Rialála Cuntasaíochta,