(1)

I gcomhréir le hAirteagal 11(1) de Rialachán (AE) Uimh. 1307/2013, tá ar na Ballstáit méid na n-íocaíochtaí díreacha atá le deonú d’fheirmeoir i leith bliain féilire ar leith, de bhun Chaibidil 1 de Theideal III den Rialachán sin, a laghdú faoi 5 % ar a laghad i gcás an chuid den tsuim atá os cionn EUR 150 000. I gcomhréir le hAirteagal 7(2) den Rialachán sin, táthar le toradh measta an laghdaithe sin a chur ar fáil mar thacaíocht bhreise do bhearta faoi fhorbairt tuaithe.

(2)

I gcomhréir leis an gceathrú fomhír d’Airteagal 11(6) de Rialachán (AE) Uimh. 1307/2013, thug na Ballstáit fógra don Choimisiún faoin 19 Feabhra 2021 maidir lena gcinneadh maidir leis an laghdú ar mhéid na n-íocaíochtaí díreacha agus leis an toradh measta ar an laghdú i leith na bliana féilire 2021. Leis na fógraí a thug an Bhulgáir, an tSeicia, an Danmhairg, an Eastóin, Éire, an Ghréig, an Spáinn, an Iodáil, an Laitvia, an Ungáir, an Ísiltír, an Pholainn, an Phortaingéil, an tSlóvaic agus an Fhionlainn luadh meastachán os cionn nialais.

(3)

I gcomhréir leis an seachtú fomhír d’Airteagal 14(1) de Rialachán (AE) Uimh. 1307/2013, thug an tSeicia, an Danmhairg, an Ghearmáin, an Ghréig, an Fhrainc, an Laitvia agus an Ísiltír fógra don Choimisiún maidir lena gcinneadh céatadán áirithe dá n-uasteorainn náisiúnta bhliantúil d’íocaíochtaí díreacha i leith na bliana féilire 2022 a chur ar fáil mar thacaíocht bhreise faoin gCiste Eorpach Talmhaíochta um Fhorbairt Tuaithe (CETFT) sa bhliain féilire 2021.

(4)

I gcomhréir leis an seachtú fomhír d’Airteagal 14(2) de Rialachán (AE) Uimh. 1307/2013 thug an Chróit, Lucsamburg, an Ungáir, Málta, an Pholainn, an Phortaingéil agus an tSlóvaic fógra don Choimisiún maidir lena gcinneadh méid áirithe dá leithdháiltí CETFT 2022 a chur ar fáil mar íocaíochtaí díreacha don bhliain féilire 2021.

(5)

Dá bharr sin, ní mór Iarscríbhinní II agus III a ghabhann le Rialachán (AE) Uimh. 1307/2013 a oiriúnú ionas go léireofar le huasteorainneacha náisiúnta agus glan-uasteorainneacha bliantúla le haghaidh íocaíochtaí díreacha na cinntí a dhéanfaidh an Bhulgáir, an tSeicia, an Danmhairg, an Ghearmáin, an Eastóin, Éire, an Ghréig, an Spáinn, an Fhrainc, an Chróit, an Iodáil, an Laitvia, Lucsamburg, an Ungáir, Málta, an Ísiltír, an Pholainn, an Phortaingéil, an tSlóvaic agus an Fhionlainn. Chomh maith leis sin ní mór Iarscríbhinn I a ghabhann le Rialachán (AE) Uimh. 1305/2013 a oiriúnú ionas go léireofar go cothrom, leis an miondealú bliantúil de réir Bhallstát an Aontais, na cinntí sin.

(6)

Ba cheart Iarscríbhinn I a ghabhann le Rialachán (AE) Uimh. 1305/2013 agus Iarscríbhinní II agus III a ghabhann le Rialachán (AE) Uimh. 1307/2013 a leasú dá réir sin.

(7)

Ós rud é go ndéanann na leasuithe a dhéantar leis an Rialachán seo ar Rialachán (AE) Uimh. 1307/2013 difear do chur i bhfeidhm an Rialacháin sin don bhliain 2021, go háirithe a mhéid a bhaineann le bunú tráthúil uasteorainneacha buiséadacha is infheidhme maidir le scéimeanna áirithe tacaíochta dírí, ba cheart don Rialachán seo teacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh agus ba cheart go mbeadh feidhm ag na leasuithe sin ón 1 Eanáir 2021,

(1)

Le hAirteagal 441 de Rialachán (AE) Uimh. 575/2013 ceanglaítear ar institiúidí a bhfuil tábhacht shistéamach dhomhanda leo (G-SIInna) a nochtadh, ar bhonn bliantúil, luachanna na dtáscairí a úsáidtear chun a scór a chinneadh i gcomhréir leis an modheolaíocht sainaitheantais dá dtagraítear in Airteagal 131 de Threoir 2013/36/AE ó Pharlaimint na hEorpa agus ón gComhairle (2). Le Rialachán Cur Chun Feidhme (AE) Uimh. 1030/2014 ón gCoimisiún (3), a glacadh ar bhonn Airteagal 441(2) de Rialachán (AE) Uimh. 575/2013, leagtar amach na formáidí agus na dátaí aonfhoirmeacha maidir le nochtadh na luachanna a úsáidtear chun G-SIInna a shainaithint. Aisghaireadh Airteagal 441(2) de Rialachán (AE) Uimh. 575/2013 le Rialachán (AE) 2019/876 ó Pharlaimint na hEorpa agus ón gComhairle (4).

(2)

Le hAirteagal 131 de Threoir 2013/36/AE leagtar síos na critéir chun G-SIInna a shainaithint. Le Rialachán Tarmligthe (AE) Uimh. 1222/2014 (5) ón gCoimisiún sonraítear an mhodheolaíocht don tsainaithint sin agus sainítear fochatagóirí na G-SIInna. Leasaíodh Rialachán Tarmligthe (AE) Uimh. 1222/2014 le Rialachán Tarmligthe (AE) 2021/539 (6) ón gCoimisiún chun na caighdeáin idirnáisiúnta athbhreithnithe maidir le sainaithint G-SIInna a chur san áireamh mar a ghlac Coiste Basel um Maoirseacht ar Bhaincéireacht (CBMB) iad i mí Iúil 2018 (7). Na caighdeáin idirnáisiúnta athbhreithnithe sin, agus go háirithe an ceanglas formáid aonfhoirmeach a úsáid le haghaidh na faisnéise maidir le luachanna na dtáscairí a úsáidtear chun scór G-SIIanna dá dtagraítear in Airteagal 441 de Rialachán (AE) Uimh. 575/2013 a chinneadh, ba cheart iad a léiriú i Rialachán Cur Chun Feidhme (AE) 2021/637 ón gCoimisiún (8).

(3)

Dá bhrí sin, ba cheart Rialachán Cur Chun Feidhme (AE) 2021/637 a leasú dá réir.

(4)

Le Rialachán (AE) 2019/876, tugadh isteach freisin Airteagal 434a i Rialachán (AE) Uimh. 575/2013, lena dtugtar de chumhacht don Choimisiún caighdeáin theicniúla cur chun feidhme a ghlacadh chun formáidí aonfhoirmeacha a shonrú le haghaidh na faisnéise is gá chun measúnú a dhéanamh ar phróifílí priacail institiúidí agus ar a mhéid atá na ceanglais a leagtar síos i gCuid a hAon go Cuid a Seacht de Rialachán (AE) Uimh. 575/2013 á gcomhlíonadh acu. Glacadh Rialachán Cur Chun Feidhme (AE) 2021/637 ón gCoimisiún ar bhonn an Airteagail 434a sin agus tugtar isteach ceanglais nua in ionad na gceanglas sin a leagtar síos i Rialachán Cur Chun Feidhme (AE) Uimh. 1030/2014. Dá bhrí sin, is gá Rialachán Cur Chun Feidhme (AE) Uimh. 1030/2014 a aisghairm.

(5)

Chun a áirithiú go ndéanfar aistriú gan uaim ó Rialachán Cur Chun Feidhme (AE) Uimh. 1030/2014 go Rialachán Cur Chun Feidhme (AE) 2021/637, ba cheart dáta chur i bhfeidhm an Rialacháin seo a bheith mar an gcéanna le dáta chur i bhfeidhm Rialachán Cur Chun Feidhme (AE) 2021/637, is é sin an 28 Meitheamh 2021. Ar an gcúis chéanna, ba cheart gurb ionann dáta theacht i bhfeidhm an Rialacháin seo agus lá a fhoilsithe in Iris Oifigiúil an Aontais Eorpaigh, dáta roimh an dáta cur i bhfeidhm, is é sin an 28 Meitheamh 2021.

(6)

I mí na Nollag 2019, d’fhoilsigh CBMB Creat Basel comhdhlúite, lena n-áirítear ceanglais nuashonraithe Cholún 3 maidir le nochtadh (9), a tugadh isteach den chuid is mó i Rialachán (AE) Uimh. 575/2013 le Rialachán (AE) 2019/876. Chun na leasuithe sin a chur chun feidhme, bunaíodh creat nochta Cholún 3 atá comhsheasmhach agus iomlán trí Rialachán Cur Chun Feidhme (AE) 2021/637. Dá bhrí sin, nuair a nochtann G-SIInna an fhaisnéis maidir le luachanna na dtáscairí a úsáidtear chun a scór a chinneadh, ba cheart dóibh tuarascáil Cholún 3 a úsáid atá comhsheasmhach leis an Rialachán seo.

(7)

Tá an Rialachán seo bunaithe ar na dréachtchaighdeáin theicniúla cur chun feidhme arna gcur faoi bhráid an Choimisiúin ag an Údarás Baincéireachta Eorpach.

(8)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (10),

(1)

I gcomhréir leis an nós imeachta a leagtar síos in Airteagail 19 go 22 de Rialachán (AE) 2018/1877, tá an Coimisiún le togra a chur i láthair faoin 15 Meitheamh 2021 lena leagtar amach méid an dara tráthchuid den ranníocaíocht le haghaidh 2021, agus méid bliantúil athbhreithnithe na ranníocaíochta le haghaidh 2021, i gcás nach mbeidh an méid ag teacht leis na riachtanais iarbhír.

(2)

I gcomhréir le hAirteagal 46 de Rialachán (AE) 2018/1877, an 6 Aibreán 2021, chuir an Banc Eorpach Infheistíochta (“BEI”) a chuid meastachán nuashonraithe maidir le gealltanais agus íocaíochtaí faoi na hionstraimí a ndéanann sé bainistíocht orthu chuig an gCoimisiún.

(3)

De bhun Airteagal 20(1) de Rialachán (AE) 2018/1877, foráiltear go n-ídeofar ar dtús, agus glaonna á ndéanamh ar ranníocaíochtaí, na méideanna a leagtar síos do Chistí Eorpacha Forbraíochta roimhe seo. Dá bhrí sin, ba cheart glao ar chistí a dhéanamh de bhun Rialachán (AE) 2018/1877 don Choimisiún agus do BEIgus.

(4)

De bhun Airteagal 152 den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (3) (“an Comhaontú um Tharraingt Siar”), tá Ríocht Aontaithe na Breataine Móire agus Thuaisceart Éireann (an “Ríocht Aontaithe”) chun leanúint de bheith ina páirtí sa Chiste Eorpach Forbraíochta (CEF) go dtí go ndúnfar an 11ú CEF agus gach CEF eile roimhe sin atá fós gan dúnadh. Mar sin féin, de bhun Airteagal 153 den Chomhaontú um Tharraingt Siar, níltear chun sciar na Ríochta Aontaithe de chistí saortha ó thionscadail faoin 11ú CEF nó faoi CEFanna roimhe sin a athúsáid, i gcás ina ndearnadh na cistí sin a shaoradh tar éis an 31 Nollaig 2020.

(5)

Le Cinneadh (AE) 2020/1708 ón gComhairle (4), socraítear méid bliantúil ranníocaíochtaí CEF na mBallstát le haghaidh 2021 ag EUR 3 700 000 000 don Choimisiún agus ag EUR 300 000 000 do BEI.

(6)

Ionas go bhféadfar na bearta dá bhforáiltear sa Chinneadh seo a chur i bhfeidhm go pras, ba cheart an Cinneadh seo a theacht i bhfeidhm ar dháta a fhoilsithe in Iris Oifigiúil an Aontais Eorpaigh,

(1)

Is é is aidhm don Chiste Eorpach um Choigeartú don Domhandú (CED) tacaíocht a thabhairt d’oibrithe a cuireadh ar iomarcaíocht agus do dhaoine féinfhostaithe a bhfuil deireadh tagtha lena ngníomhaíocht i ngeall ar mhórathruithe struchtúracha ar phatrúin na trádála domhanda de thoradh an domhandaithe, nó mar gur lean an ghéarchéim dhomhanda airgeadais agus eacnamaíoch ar aghaidh, nó i ngeall ar ghéarchéim dhomhanda airgeadais agus eacnamaíochta nua, agus cabhrú le hath-imeascadh na n-oibrithe sin sa mhargadh saothair.

(2)

Ní rachaidh CED thar uasmhéid bliantúil EUR 186 milliún (praghsanna 2018) mar a leagtar síos in Airteagal 8(1) de Rialachán (AE, Euratom) 2020/2093 ón gComhairle (3).

(3)

An 22 Nollaig 2020, chuir an Bheilg iarratas isteach chun CED a shlógadh, i leith iomarcaíochtaí in Swissport sa Bheilg. Mar fhorlíonadh ar an iarratas sin, bhí faisnéis bhreise a soláthraíodh i gcomhréir le hAirteagal 8(3) de Rialachán (AE) Uimh. 1309/2013. Comhlíontar san iarratas sin na ceanglais le haghaidh ranníocaíocht airgeadais ó CED a shocrú, mar a leagtar síos in Airteagal 13 de Rialachán (AE) Uimh. 1309/2013.

(4)

Dá bhrí sin, ba cheart CED a shlógadh chun ranníocaíocht airgeadais EUR 3 719 224 a sholáthar i leith an iarratais a chuir an Bheilg isteach.

(5)

Chun íoslaghdú a dhéanamh ar an am a thógfar chun úsáid a bhaint as CED, ba cheart feidhm a bheith ag an gcinneadh seo ón dáta a ghlacfar é,

(1)

Is é is aidhm don Chiste Eorpach um Choigeartú don Domhandú (CED) tacaíocht a thabhairt d’oibrithe a cuireadh ar iomarcaíocht agus do dhaoine féinfhostaithe a bhfuil deireadh tagtha lena ngníomhaíocht i ngeall ar mhórathruithe struchtúracha ar phatrúin na trádála domhanda de thoradh an domhandaithe, nó mar gur lean an ghéarchéim dhomhanda airgeadais agus eacnamaíochta ar aghaidh, nó i ngeall ar ghéarchéim dhomhanda airgeadais agus eacnamaíochta nua, agus cabhrú le hathimeascadh na n-oibrithe sin sa mhargadh saothair.

(2)

Ní rachaidh CED thar uasmhéid bliantúil EUR 186 mhilliún (praghsanna 2018) mar a leagtar síos in Airteagal 8(1) de Rialachán (AE, Euratom) 2020/2093 ón gComhairle (3)

(3)

An 15 Nollaig 2020, chuir an Ghearmáin iarratas isteach ar CED a shlógadh i dtaca le hiomarcaíochtaí in GMH Guss GmbH sa Ghearmáin. Mar fhorlíonadh ar an iarratas sin, bhí faisnéis bhreise a soláthraíodh i gcomhréir le hAirteagal 8(3) de Rialachán (AE) Uimh. 1309/2013. Comhlíontar san iarratas sin na ceanglais le haghaidh ranníocaíocht airgeadais ó CED a shocrú, mar a leagtar síos in Airteagal 13 de Rialachán (AE) Uimh. 1309/2013.

(4)

Dá bhrí sin, ba cheart CED a shlógadh chun ranníocaíocht airgeadais EUR 1 081 706 a sholáthar i leith an iarratais a chuir an Ghearmáin isteach.

(5)

Chun íoslaghdú a dhéanamh ar an am a thógfar chun CED a shlógadh, ba cheart feidhm a bheith ag an gcinneadh seo ón dáta a ghlacfar é,

(1)

Is é is aidhm don Chiste Eorpach um Choigeartú don Domhandú (CED) tacaíocht a thabhairt d’oibrithe a cuireadh ar iomarcaíocht agus do dhaoine féinfhostaithe a bhfuil deireadh tagtha lena ngníomhaíocht i ngeall ar mhórathruithe struchtúracha ar phatrúin na trádála ar fud an domhain de thoradh an domhandaithe, nó de bhrí gur lean an ghéarchéim dhomhanda airgeadais agus eacnamaíoch ar aghaidh, nó i ngeall ar ghéarchéim dhomhanda airgeadais agus eacnamaíoch eile, agus cabhrú le hathimeascadh na n-oibrithe sin sa mhargadh saothair.

(2)

Ní rachaidh CED thar uasmhéid bliantúil EUR 186 milliún (praghsanna 2018) faoi mar a leagtar síos in Airteagal 8(1) de Rialachán (AE, Euratom) 2020/2093 ón gComhairle (3).

(3)

An 22 Nollaig 2020, chuir an Ísiltír iarratas isteach chun CED a shlógadh, i leith iomarcaíochtaí in KLM Royal Dutch Airlines san Ísiltír. Mar fhorlíonadh ar an iarratas sin, bhí faisnéis bhreise a soláthraíodh i gcomhréir le hAirteagal 8(3) de Rialachán (AE) Uimh. 1309/2013. Comhlíontar san iarratas sin na ceanglais chun ranníocaíocht airgeadais ó CED a shocrú, mar a leagtar síos in Airteagal 13 de Rialachán (AE) Uimh. 1309/2013.

(4)

Dá bhrí sin, ba cheart CED a shlógadh chun ranníocaíocht airgeadais EUR 5 019 218 a sholáthar i leith an iarratais a chuir an Ísiltír isteach.

(5)

Chun íoslaghdú a dhéanamh ar an bhfad ama a thógfaidh sé CED a shlógadh, ba cheart feidhm a bheith ag an gcinneadh seo ón dáta a ghlacfar é,

(1)

Is é is aidhm don Chiste Eorpach um Choigeartú don Domhandú (CED) tacaíocht a thabhairt d’oibrithe a cuireadh ar iomarcaíocht agus do dhaoine féinfhostaithe a bhfuil deireadh tagtha lena ngníomhaíocht i ngeall ar mhórathruithe struchtúracha ar phatrúin na trádála ar fud an domhain de thoradh an domhandaithe, nó de bhrí gur lean an ghéarchéim dhomhanda airgeadais agus eacnamaíoch ar aghaidh, nó i ngeall ar ghéarchéim dhomhanda airgeadais agus eacnamaíoch eile, agus cabhrú le hath-imeascadh na n-oibrithe sin sa mhargadh saothair

(2)

Ní rachaidh CED thar uasmhéid bliantúil EUR 186 milliún (praghsanna 2018) faoi mar a leagtar síos in Airteagal 8(1) de Rialachán (AE, Euratom) 2020/2093 ón gComhairle (3).

(3)

An 30 Nollaig 2020, chuir an Fhionlainn iarratas isteach chun CED a shlógadh, i leith iomarcaíochtaí in Finnair Oyj agus i bhfochonraitheoir amháin san Fhionlainn. Mar fhorlíonadh ar an iarratas sin, bhí faisnéis bhreise a soláthraíodh i gcomhréir le hAirteagal 8(3) de Rialachán (AE) Uimh. 1309/2013. Comhlíontar san iarratas sin na ceanglais chun ranníocaíocht airgeadais ó CED a shocrú, mar a leagtar síos in Airteagal 13 de Rialachán (AE) Uimh. 1309/2013

(4)

Dá bhrí sin, ba cheart CED a shlógadh chun ranníocaíocht airgeadais EUR 1 752 360 a sholáthar i leith an iarratais a chuir an Fhionlainn isteach.

(5)

Chun íoslaghdú a dhéanamh ar an bhfad ama a thógfaidh sé CED a shlógadh, ba cheart feidhm a bheith ag an gcinneadh seo ón dáta a ghlacfar é,

(1)

Le Cinneadh 2009/908/AE (2) leag an Chomhairle síos bearta do chur chun feidhme Chinneadh 2009/881/AE ón gComhairle Eorpach. Na comhlachtaí ullmhúcháin nach bhfuil an Uachtaránacht 6 mhí ina chathaoirleach orthu, liostaítear iad in Iarscríbhinn III de Chinneadh 2009/908/AE, faoi mar a fhoráiltear in Airteagal 2, an tríú fomhír, de Chinneadh 2009/881/AE ón gComhairle Eorpach.

(2)

De réir Iarscríbhinn III a ghabhann le Cinneadh 2009/908/AE, tá an Mheitheal um Próiseáil Sonraí Dlíthiúla liostaithe i measc chomhlachtaí ullmhúcháin na Comhairle a bhfuil Ardrúnaíocht na Comhairle ina chathaoirleach orthu.

(3)

I bhfianaise taithí na Meithle um Próiseáil Sonraí Dlíthiúla, agus cineál na gcúraimí arna ndéanamh aici, ba cheart an Uachtaránacht 6 mhí a bheith ina cathaoirleach ar an meitheal sin.

(4)

Dá bhrí sin, ba cheart Cinneadh 2009/908/AE a leasú dá réir sin,

(1)

An 11 Bealtaine 2017, ghlac an Chomhairle Cinneadh (CBES) 2017/809 (1), ar Cinneadh é lena bhforáiltear do thréimhse cur chun feidhme 36 mhí ó dháta thabhairt i gcrích an chomhaontaithe maoinithe dá dtagraítear in Airteagal 3(3) den Chinneadh sin, le haghaidh na dtionscadal dá dtagraítear in Airteagal 1 de.

(2)

An 16 Meitheamh 2020, ghlac an Chomhairle Cinneadh (CBES) 2020/795 (2), lena leasaítear Cinneadh (CBES) 2017/809, trí shíneadh a chur lena thréimhse chur chun fheidhme go dtí an 10 Lúnasa 2021.

(3)

An 26 Márta 2021, d’iarr Oifig na Náisiún Aontaithe um Ghnóthaí Dí-armála (UNODA), atá freagrach as cur chun feidhme teicniúil na dtionscadal dá dtagraítear in Airteagal 1 de Chinneadh (CBES) 2017/809, síneadh ocht mí eile ar thréimhse chur chun feidhme an Chinnidh (CBES) sin. Chuirfeadh an síneadh atá iarrtha ar chumas UNODA leanúint de chúnamh a chur ar fáil do Bhallstáit na Náisiún Aontaithe a bhfuil Rún 1540 (2004) ó Chomhairle Slándála na Náisiún Aontaithe (“UNSCR 1540”) á chur chun feidhme acu, rannchuidiú a thuilleadh le hathbhreithniú cuimsitheach leanúnach, rannchuidiú a thuilleadh le cúnamh a chur ar fáil do Choiste Chomhairle Slándála na Náisiún Aontaithe arna bhunú le UNSCR 1540 go dtí deireadh a shainordaithe reatha ar an 28 Aibreán 2022, agus na caillteanais a eascraíonn as tionscadail atá fós gan seachadadh de bharr phaindéim COVID-19 a mhaolú.

(4)

Níl aon impleacht ó thaobh acmhainní airgeadais de le leanúint de na tionscadail dá dtagraítear in Airteagal 1 de Chinneadh (CBES) 2017/809 go dtí an 25 Aibreán 2022.

(5)

Ba cheart, dá bhrí sin, Cinneadh (CBES) 2017/809 a leasú dá réir sin,

(1)

An 12 Nollaig 2003, ghlac an Chomhairle Eorpach Straitéis an Aontais Eorpaigh i gcoinne Leathadh Arm Ollscriosta (“Straitéis AE”), a bhfuil liosta de bhearta chun leathadh den sórt sin a chomhrac i gCaibidil III de.

(2)

Le Straitéis AE, leagtar béim ar an ról ríthábhachtach atá ag an gCoinbhinsiún maidir le Toirmeasc ar Fhorbairt, Táirgeadh, Stoc-Charnadh agus Úsáid Arm Ceimiceach agus maidir lena nDíothú (CWC) agus ag an Eagraíocht um Thoirmeasc ar Airm Cheimiceacha (OPCW) chun domhan a chruthú atá saor ó airm cheimiceacha. Tá cuspóirí Straitéis AE comhlántach leo siúd atá á saothrú ag OPCW i gcomhthéacs a fhreagrachta as CWC a chur chun feidhme.

(3)

An 22 Samhain 2004, ghlac an Chomhairle Gníomhaíocht Chomhpháirteach 2004/797/CBES (1) maidir le tacaíocht do ghníomhaíochtaí OPCW. Tar éis don Ghníomhaíocht Chomhpháirteach sin dul in éag, tháinig Gníomhaíocht Chomhpháirteach 2005/913/CBES ón gComhairle (2), agus ina dhiaidh sin arís tháinig Gníomhaíocht Chomhpháirteach 2007/185/CBES ón gComhairle (3).

Tar éis Ghníomhaíocht Chomhpháirteach 2007/185/CBES, tháinig Cinntí 2009/569/CBES (4), 2012/166/CBES (5), 2013/726/CBES (6), (CBES) 2015/259 (7), (CBES) 2017/2302 (8), (CBES) 2017/2303 (9) agus (CBES) 2019/538 (10) ón gComhairle.

(4)

Is gá leanúint den dianchúnamh spriocdhírithe sin ón Aontas chuig OPCW i gcomhthéacs chur chun feidhme gníomhach Chaibidil III de Straitéis AE.

(5)

Tá gá le tuilleadh tacaíochta ón Aontas don Chlár Cibearshlándála agus Athléimneachta agus Dearbhaithe Faisnéise OPCW, a bhfuil sé d’aidhm aige feabhas a chur ar chumas OPCW leibhéil iomchuí cibearshlándála agus athléimneachta a choinneáil chun aghaidh a thabhairt ar dhúshláin atá ann faoi láthair agus atá ag teacht chun cinn i ndáil leis an gcibearshlándáil,

(1)

Tá oifigigh agus seirbhísigh eile an Aontais Eorpaigh faoi árachas i gcoinne riosca galair cheirde nó tionóiscí faoi Airteagal 73 de Rialacháin Foirne Oifigigh an Aontais Eorpaigh (“na Rialacháin Foirne”) agus faoi Airteagail 28 agus 95 de Choinníollacha Fostaíochta Sheirbhísigh eile an Aontais Eorpaigh (“na Coinníollacha Fostaíochta”). De bhun Airteagal 73 de na Rialacháin Foirne, leagtar amach coinníollacha an árachais sin i rialacha comhchoiteanna arna dtarraingt suas trí chomhaontú comhchoiteann idir na hinstitiúidí uile agus arna dtaifeadadh ag Uachtarán Chúirt Bhreithiúnais an Aontais Eorpaigh an 13 Nollaig 2005.

(2)

Is í Oifig um Riar agus Íoc Teidlíochtaí Indibhidiúla (PMO) an Choimisiúin Eorpaigh atá freagrach as teidlíochtaí airgeadais bhaill foirne an Choimisiúin agus, trí chomhaontuithe ar leibhéal seirbhíse (SLAnna), institiúidí agus comhlachtaí áirithe eile de chuid an Aontais, a riar agus a íoc.

(3)

Faoin SLA a tugadh i gcrích idir PMO agus Ardrúnaíocht na Comhairle (“an Ardrúnaíocht”) an 3 Bealtaine 2019, tá PMO freagrach as teidlíochtaí indibhidiúla, cearta pinsin agus sochair dhífhostaíochta le haghaidh baill foirne na hArdrúnaíochta a riar agus a íoc. Sna réimsí sin, feidhmíonn PMO cumhachtaí áirithe de chuid an údaráis ceapacháin agus an údaráis arna chumhachtú chun conarthaí fostaíochta a thabhairt i gcrích de bhun Chinneadh (AE) 2019/792 ón gComhairle (3).

(4)

Foráiltear le SLA an 3 Bealtaine 2019, inter alia, go bhféadfar raon feidhme na seirbhísí a thairgeann PMO a leathnú chun bainistiú árachas in aghaidh riosca galair cheirde nó tionóiscí fhoireann na hArdrúnaíochta a chumhdach. Ós rud é gur comhchoiteann iad na coinníollacha a bhaineann le hárachas do na hinstitiúidí uile agus go bhfuil na cumais agus taithí riachtanach ag PMO, is iomchuí seirbhísí den sórt sin a chur de chúram ar PMO.

(5)

Chun go mbeidh aistriú seirbhísí den sórt sin éifeachtach, ba cheart don Chomhairle feidhmiú na gcumhachtaí ábhartha a thugtar don údarás ceapacháin agus don údarás arna chumhachtú chun conarthaí fostaíochta a thabhairt i gcrích d’fhoireann Ardrúnaíocht na Comhairle a chur de chúram ar an PMO.

(6)

Chun deimhneacht dhlíthiúil a áirithiú d’fhoireann Ardrúnaíocht na Comhairle, ba cheart a shoiléiriú nach mór iarrataí agus gearáin a bhaineann le hárachas i gcoinne an riosca a bhaineann le galair cheirde nó le tionóiscí ceirde a thaisceadh leis an gCoimisiún. Chun na críche céanna, ba cheart a shoiléiriú gur cheart achomhairc ghaolmhara chuig Cúirt Bhreithiúnais an Aontais Eorpaigh a dhéanamh i gcoinne an Choimisiúin,

(1)

Le Rialachán (AE) 2018/1240, bunaítear an Córas Eorpach um Fhaisnéis agus Údarú Taistil (“ETIAS”), córas is infheidhme maidir le náisiúnaigh tríú tír atá díolmhaithe ó cheanglas víosa agus atá ag iarraidh dul isteach ar chríoch na mBallstát.

(2)

Roimh an gCóras Faisnéise ETIAS a fhorbairt, is gá bearta a ghlacadh maidir le cur chun feidhme teicniúil an chórais sin.

(3)

Na bearta a leagtar síos leis an gCinneadh seo, ba cheart iad a fhorlíonadh le Sonraíochtaí Teicniúla an Chórais Faisnéise ETIAS. Ar bhonn na mbeart a leagtar síos leis an gCinneadh seo, an Ghníomhaireacht Eorpach chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), ba cheart di a bheith in ann dearadh ailtireacht fhisiceach an Chórais Faisnéise ETIAS a shainiú mar aon le sonraíochtaí teicniúla an chórais sin, agus an Córas Faisnéise ETIAS a fhorbairt a chomh maith.

(4)

An chaoi a ndéanfaidh na húdaráis sonraí i Lárchóras ETIAS a rochtain, a leasú agus a léirscriosadh, ba cheart an méid sin a chuimsiú i bhforbairt theicniúil agus cur chun feidhme an Chórais Faisnéise ETIAS.

(5)

A mhéid a bhaineann le rochtain ag na húdaráis teorann chun stádas údaraithe taistil a fháil ag na teorainneacha, rochtain ag na húdaráis inimirce chun na coinníollacha maidir le dul isteach ar chríoch na mBallstát nó fanacht uirthi a fhíorú, rochtain ag na lárphointí rochtana chun críocha fhorfheidhmiú an dlí, agus rochtain ag Aonaid Náisiúnta ETIAS chun comhaid a aisghabháil lena dtacófar leis an measúnú riosca, ba cheart an rochtain sin a dheonú trí chomhéadan teicniúil trínar féidir na bonneagair teorann náisiúnta, na lárphointí rochtana, córais náisiúnta na n-údarás inimirce agus córais faisnéise eile an Aontais nó córais náisiúnta eile a chomhcheangal le Lárchóras ETIAS. Na sonraíochtaí teicniúla a d’fhorbair eu-LISA, ba cheart doiciméad maidir le rialú an chomhéadain a bheith san áireamh iontu, doiciméad ina dtabharfar tuairisc ar an gcomhéadan teicniúil a bheidh ann idir Lárchóras ETIAS ar thaobh amháin agus córais faisnéise eile an Aontais agus córais náisiúnta ar an taobh eile.

(6)

Nuair a chuirfear tús le hoibríochtaí na tairsí cuardaigh Eorpaí arna bunú de bhun Airteagal 6 de Rialachán (AE) 2019/817 ó Pharlaimint na hEorpa agus ón gComhairle (2), na cuardaigh a dhéanfaidh na húdaráis teorann, na húdaráis inimirce nó na lárphointí rochtana, ba cheart na cuardaigh sin a bheith déanta tríd an tairseach chuardaigh Eorpach.

(7)

A mhéid a bhaineann le rochtain chun próiseáil láimhe a dhéanamh ar iarratais, lena n-áirítear i gcás Europol nuair a thugann sé tuairim d’Aonaid Náisiúnta ETIAS, mar aon le rochtain ag Láraonad ETIAS agus ag Aonaid Náisiúnta ETIAS chun sonraí a leasú agus a léirscriosadh, ba cheart rochtain a dheonú trí bhogearra arna cheapadh chun na críche sin ag eu-LISA. Ba cheart do Europol an bogearra sin a úsáid freisin chun rochtain a iarraidh ar shonraí i Lárchóras ETIAS chun críocha fhorfheidhmiú an dlí. An chaoi a ndéanfaidh Láraonad ETIAS agus Aonaid Náisiúnta ETIAS agus Europol an bogearra sin a fhíordheimhniú agus a rochtain, ba cheart é sin a shonrú.

(8)

Úsáideoirí cuí-údaraithe ó Láraonad ETIAS, ó Aonaid Náisiúnta ETIAS agus ó Europol, ba cheart dóibh logáil isteach sa bhogearra trí bhíthin phróifílí poist na n-úsáideoirí. Láraonad ETIAS, Aonaid Náisiúnta ETIAS agus Europol, ba cheart dóibh a bheith in ann ceadanna caighdeánacha, róil agus próifílí poist a shannadh d’úsáideoirí nó próifílí poist a shaincheapadh trí bhíthin róil agus ceadanna réamhbhunaithe sa bhogearra chun go léireofar an chaoi a ndéanfaidh an Ghníomhaireacht Eorpach um an nGarda Teorann agus Cósta, agus na Ballstáit, an chaoi a ndéanfaidh siad Láraonad ETIAS agus Aonaid Náisiúnta ETIAS a bhunú agus a oibriú, agus i gcás Europol, chun go léireofar modhanna oibre Europol.

(9)

Neamh-chomhoiriúnachtaí idir róil agus ceadanna réamhbhunaithe, ba cheart iad a réamhchinneadh sa bhogearra chun cosc a chur ar úsáideoirí próifílí poist a chruthú a mbeidh róil agus ceadanna neamh-chomhoiriúnacha ag baint leo. Chun dualgais a dheighilt agus chun freagrachtaí contrártha ar úsáideoirí a sheachaint, níor cheart na ceadanna a bhaineann le próiseáil na n-iarratas a chónascadh leis na ceadanna a bhaineann le sonraí a leasú agus a léirscriosadh ná leis na ceadanna a bhaineann le nósanna imeachta achomhairc.

(10)

I gcomhréir leis na prionsabail maidir le cosaint sonraí, go háirithe cosaint sonraí de réir dearaidh agus de réir réamhshocraithe, ba cheart cead a bheith ag úsáideoirí an bhogearra na sonraí a chomhfhreagraíonn do na ceadanna arna sannadh dá bpróifílí poist a fheiceáil agus na sonraí sin amháin. I ngeall air sin, d’fhéadfadh taispeáintí éagsúla úsáideora a bheith ann, ag brath ar an bpróifíl poist atá in úsáid.

(11)

Ba cheart an bogearra a fhorbairt le feidhmiúlachtaí ginearálta bogearra a thacaíonn le Láraonad ETIAS agus le hAonaid Náisiúnta ETIAS ó thaobh a gcúraimí a bhaineann le sonraí a rochtain, a leasú agus a léirscriosadh.

(12)

Chomh maith leis sin, ba cheart roinnt feidhmiúlachtaí sonracha a bheith san áireamh ann chun tacú le húsáideoirí ó thaobh a gcúraimí a bhaineann le sonraí a rochtain agus a leasú agus nuair atá próiseáil láimhe á déanamh acu ar iarratais ar gineadh amas i ndáil leis le linn uathphróiseáil na n-iarratas.

(13)

I measc na bhfeidhmiúlachtaí sonracha sin, an t-am atá fágtha ag úsáideoirí chun na sprioc-amanna a sannadh dóibh a chomhlíonadh maidir leis na céimeanna éagsúla ó thaobh an t-iarratas a scrúdú mar a leagtar síos i Rialachán (AE) 2018/1240, ba cheart don bhogearra an t-am sin a thaispeáint go soiléir d’úsáideoirí i gcónaí.

(14)

Ba cheart d’fheidhmiúlachtaí sonracha eile tacú le hAonaid Náisiúnta ETIAS le linn phróiseáil láimhe na n-iarratas nuair atá measúnú á dhéanamh ar na rioscaí. Ba cheart don bhogearra asbhaint sonraí teoranta a stóráiltear i Lárchóras ETIAS a chumasú chun go mbeadh sé níos éasca d’Aonaid Náisiúnta ETIAS córais faisnéise nó bunachair sonraí eile an Aontais a cheadú (Córas Faisnéise Schengen (SIS), an Córas Faisnéise Víosaí (VIS), an Córas Dul Isteach/Imeachta (EES) nó Eurodac), nó faisnéis a cheadú i mbunchórais náisiúnta, faisnéis a bhaineann leis na hamais a ghintear le linn uathphróiseáil na n-iarratas. Ba cheart an Córas Faisnéise ETIAS a fhorbairt sa chaoi gur féidir comhaid a chruthú go huathoibríoch agus iad a chur ar fáil lena n-asbhaint ag Aonaid Náisiúnta ETIAS nuair atá próiseáil láimhe á déanamh ar iarratais i gcomhréir le hAirteagal 26 nó Airteagal 28 de Rialachán (AE) 2018/1240. Is gá sainaithint a dhéanamh ar na feidhmiúlachtaí agus na heilimintí sonraí ar cheart iad a ullmhú go huathoibríoch mar chuid de na comhaid, ag brath ar an amas a ghintear le linn uathphróiseáil na n-iarratas. Is gá thairis sin feidhmiúlachtaí sonracha a bheith ag an mbogearra trínar féidir sonraí a asbhaint i gcomhthéacs nósanna imeachta achomhairc náisiúnta agus trínar féidir torthaí na measúnuithe riosca a uaslódáil mar aon le sonraí a bhaineann le nósanna imeachta achomhairc náisiúnta a thaifeadadh. An t-údar cuí is bonn leis an gcinneadh i leith údarú taistil a eisiúint nó a dhiúltú, níor cheart d’úsáideoirí a bheith in ann é a uaslódáil de réir fheidhmiúlachtaí sonracha an bhogearra lena ndéanfar torthaí na measúnuithe riosca a uaslódáil.

(15)

Ba cheart do eu-LISA sonraí logála isteach a shannadh do na Ballstáit ionas gur féidir leo ról amháin nó níos mó nó próifíl poist úsáideora amháin nó níos mó a shocrú le haghaidh bhaill foirne chuí-údaraithe na lárphointí rochtana agus le haghaidh údaráis teorann agus inimirce.

(16)

I bhfianaise na hoibleagáide atá ann cheana faoi Rialachán (AE) 2018/1725 ó Pharlaimint na hEorpa agus ón gComhairle (3), ba cheart don Ghníomhaireacht Eorpach um an nGarda Teorann, agus í ina cáil mar rialaitheoir sonraí i gcomhréir le hAirteagal 3, pointe (8), den Rialachán sin, agus eu-LISA, agus é ina cháil mar rialaitheoir i ndáil le bainistiú slándála faisnéise Lárchóras ETIAS, ba cheart dóibh measúnú a dhéanamh ar thionchar na n-oibríochtaí próiseála atá beartaithe ar chosaint sonraí pearsanta de bhun Airteagal 39 de Rialachán (AE) 2018/1725.

(17)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, Prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní raibh an Danmhairg rannpháirteach i nglacadh Rialachán (AE) 2018/1240 agus níl sí faoi cheangal aige ná faoi réir a chur i bhfeidhm. Ós rud é, áfach, go gcuireann Rialachán (AE) 2018/1240 le acquis Schengen, thug an Danmhairg fógra an 21 Nollaig 2018, i gcomhréir le hAirteagal 4 den Phrótacal sin, maidir lena cinneadh Rialachán (AE) 2018/1240 a chur chun feidhme ina dlí náisiúnta.

(18)

Is éard atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu agus ní thagann sé faoi raon feidhme Chinneadh 2002/192/CE ón gComhairle (4); Dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(19)

Maidir leis an Íoslainn agus leis an Iorua, is éard atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis (5) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle (6).

(20)

Maidir leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (7) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle, arna léamh i gcomhar le hAirteagal 3 de Chinneadh 2008/146/CE (8) ón gComhairle.

(21)

Maidir le Lichtinstéin, is éard atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (9) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle arna léamh i gcomhar le hAirteagal 3 de Chinneadh 2011/350/AE (10) ón gComhairle.

(22)

A mhéid a bhaineann leis an mBulgáir, an Chipir, an Chróit agus an Rómáin, is éard atá sa Chinneadh seo gníomh atá ag cur le acquis Schengen nó atá gaolmhar leis ar dhóigh eile, de réir bhrí Airteagal 3(1) d’Ionstraim Aontachais 2003, Airteagal 4(1) d’Ionstraim Aontachais 2005 agus Airteagal 4(1) d’Ionstraim Aontachais 2011 faoi seach.

(23)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé tuairim uaidh an 22 Eanáir 2021.

(24)

Tá na bearta dá bhforáiltear sa Chinneadh seo i gcomhréir le tuairim an Choiste um Theorainneacha Cliste (ETIAS),