1.   Measfar nach bhfuil riosca ann go n-aistreofar earra isteach san Aontas ina dhiaidh sin, i gcás nach meastar é a bheith faoi réir próiseáil tráchtála i gcomhréir le hAirteagal 2, agus go meastar go gcomhlíontar na critéir seo a leanas:

2.   Ní bheidh feidhm ag mír (1)(a)(ii) ná mír (1)(b)(ii) maidir le hearraí atá faoi réir bearta cosanta trádála arna nglacadh ag an Aontas.

1.   Chun críocha Airteagal 3(1)(a)(ii) agus Airteagal 3(1)(b)(ii), is faoi bhráid údarás inniúil na Ríochta Aontaithe a chuirfear iarratas ar údarú chun earraí a thabhairt isteach i dTuaisceart Éireann trí bhíthin iompar díreach lena ndíol le tomhaltóirí deiridh, nó lena soláthar le haghaidh úsáid deiridh ag tomhaltóirí deiridh.

2.   San iarratas ar an údarú dá dtagraítear i mír 1 beidh faisnéis faoi ghníomhaíochtaí gnó an iarratasóra, faoi na hearraí a thugann sé isteach i dTuaisceart Éireann de ghnáth, maille le tuairisc ar chineál na dtaifead, na gcóras agus na rialuithe a chuir an t-iarratasóir i bhfeidhm chun a áirithiú go ndéanfar dearbhú custaim cuí, chun críoch custaim, i leith na n-earraí arna gcumhdach faoin údarú agus go bhféadfar fianaise a chur ar fáil a sheasfaidh leis an ngealltanas in Airteagal 6(b). Coinneoidh an trádálaí an fhianaise, e.g. sonraisc, le haghaidh na gcúig bliana deireanacha roimhe sin agus cuirfidh sé ar fáil do na húdaráis inniúla í arna iarraidh sin dóibh. San Iarscríbhinn a ghabhann leis an gCinneadh seo leagtar síos na sonraí nach mór a chur san iarratas.

3.   Léireofar an méid seo a leanas, ar a laghad, san údarú:

4.   Na forálacha i reachtaíocht chustaim an Aontais maidir le cinntí a bhaineann leis an reachtaíocht chustaim a chur i bhfeidhm, beidh feidhm acu maidir leis na hiarratais agus na húdaruithe dá dtagraítear san Airteagal seo, lena n-áirítear an méid a bhaineann le faireachán.

5.   I gcásanna ina bhfeicfidh údarás inniúil custaim na Ríochta Aontaithe mí-úsáid á baint d’aonghnó as údarú nó sárú á dhéanamh ar na coinníollacha a ghabhann le húdarú a leagtar amach sa Chinneadh seo, cuirfidh an t-údarás an t-údarú ar fionraí nó cúlghairfidh sé é.

1.   Chun críocha Airteagal 3(1)(a)(ii) agus Airteagal 3(1)(b)(ii), ní dheonófar údarú chun earraí a thabhairt isteach i dTuaisceart Éireann ach amháin d’iarratasóirí a mbeidh na coinníollacha a leagtar amach in Airteagal 6 comhlíonta acu agus na coinníollacha seo a leanas:

2.   Ní dheonófar údaruithe ach amháin má mheasann an t-údarás custaim go mbeidh sé in ann rialuithe a chur i gcrích gan iarracht dhíréireach riaracháin, lena n-áirítear rialú ar aon fhianaise gur díoladh na hearraí le tomhaltóirí deiridh nó gur soláthraíodh iad faoi réir a n-úsáide deiridh ag tomhaltóirí deiridh.

3.   Le linn na tréimhse dar críoch dhá mhí tar éis theacht i bhfeidhm an Chinnidh seo, féadfar údarú a dheonú ar bhonn sealadach má bhíonn iarratas iomlán curtha isteach ag an iarratasóir, má chomhlíonann sé mír 1(b), agus má dhearbhaíonn sé go gcomhlíonann sé na coinníollacha eile a ghabhfaidh leis an údarú. Beidh teorainn ceithre mhí le tréimhse an údaraithe shealadaigh agus ó dheireadh na tréimhse sin ní mór údarú buan a bheith deonaithe le go leanfadh an trádálaí de bheith údaraithe.

1.   Gan dochar d’oibleagáidí na Ríochta Aontaithe de bhun Airteagal 5(4) den Phrótacal, arna léamh i gcomhar le Rialachán (CE) Uimh. 638/2004 ó Pharlaimint na hEorpa agus ón gComhairle (1) agus Rialachán (CE) Uimh 471/2009 ó Pharlaimint na hEorpa agus ón gComhairle (2), soláthróidh an Ríocht Aontaithe faisnéis don Aontas ar bhonn míosúil maidir le cur i bhfeidhm Airteagal 5(1) agus Airteagal 5(2) den Phrótacal agus maidir le cur i bhfeidhm an Chinnidh seo. Is éard a bheidh san fhaisnéis sin méideanna agus luachanna ina bhfoirm chomhiomlánaithe agus méideanna agus luachanna in aghaidh na coinsíneachta, maille leis na modhanna iompair, a bhaineann leis an méid seo a leanas:

2.   Soláthróidh an Ríocht Aontaithe an fhaisnéis dá dtagraítear i mír 1 ar an 15ú lá oibre den mhí i ndiaidh na míosa a gcuirfear an fhaisnéis ar fáil ina leith.

3.   Soláthrófar an fhaisnéis trí bhíthin teicnící próiseála sonraí leictreonacha.

4.   Arna iarraidh sin do na hionadaithe de chuid an Aontais dá dtagraítear i gCinneadh 6/2020 ón gComhchoiste an 17 Nollaig 2020 lena ndéantar foráil maidir leis na socruithe oibre praiticiúla a bhaineann le feidhmiú na gceart atá ag ionadaithe den Aontas dá dtagraítear in Airteagal 12(2)den Phrótacal maidir le hÉirinn/Tuaisceart Éireann, agus dhá uair, ar a laghad, sa bhliain, déanfaidh údaráis inniúla na Ríochta Aontaithe faisnéis i bhfoirm chomhiomlánaithe agus faisnéis in aghaidh gach údaraithe a sholáthar do na hionadaithe sin maidir leis na húdaruithe a deonaíodh de bhun Airteagail 5 go 7, lena n-áirítear líon na n-údaruithe a deonaíodh, a diúltaíodh agus a cúlghaireadh.

5.   Cuirfear tús le haistriú rialta na faisnéise dá dtagraítear thuas a luaithe is féidir agus tráth nach déanaí ná an 15 Aibreán 2021. Cumhdófar leis an gcéad aistriú faisnéise an fhaisnéis le haghaidh na tréimhse ón 1 Eanáir 2021 go dtí deireadh na míosa roimh an aistriú.

1.   Is é GBP 382,2 milliún (1) a bheidh san uasleibhéal bliantúil foriomlán díolmhaithe tosaigh de thacaíocht dá dtagraítear in Airteagal 10(2) den Phrótacal maidir le hÉirinn/Tuaisceart Éireann i gcás táirgí talmhaíochta seachas táirgí iascaigh agus dobharshaothraithe.

2.   Féadfaidh an Ríocht Aontaithe an t-uasleibhéal bliantúil foriomlán díolmhaithe de thacaíocht dá dtagraítear i mír 1 a mhéadú, suas le méid breise GBP 25,03 milliún i mbliain ar leith leis an gcuid den mhéid den uasleibhéal bliantúil foriomlán díolmhaithe de thacaíocht nár caitheadh sa bhliain féilire roimhe sin.

3.   Déanfar an t-uasleibhéal bliantúil foriomlán díolmhaithe de thacaíocht dá dtagraítear i mír 1 a mhéadú GBP 6,8 milliún le haghaidh bliain ar leith:

Ní bheidh feidhm ag pointe (b) ach amháin i gcás ina gcuirfidh an Ríocht Aontaithe an tAontas Eorpach ar an eolas 10 lá ar a laghad sula mbainfidh sí úsáid as an leibhéal bliantúil foriomlán méadaithe de thacaíocht.

1.   Is é GBP 16,93 milliún a bheidh san uasleibhéal foriomlán díolmhaithe tosaigh de thacaíocht dá dtagraítear in Airteagal 10(2) den Phrótacal maidir le hÉirinn/Tuaisceart Éireann i gcás táirgí iascaigh agus dobharshaothraithe le linn na chéad chúig bliana tar éis theacht i bhfeidhm an Chinnidh seo agus le linn aon tréimhse cúig bliana ina dhiaidh sin. Mar sin féin, ní ceadmhach an leibhéal bliantúil foriomlán díolmhaithe de thacaíocht i gcás na dtáirgí sin a bheith níos mó ná GBP 4,01 milliún in aon bhliain ar leith.

2.   Ní bheidh na hoibríochtaí seo a leanas incháilithe le haghaidh cistiú ó na méideanna dá dtagraítear i mír 1:

Tá na heisceachtaí dá bhforáiltear i bpointe (d) faoi réir an choinníll go ndéantar na gníomhaíochtaí iascaireachta a dhéanann an soitheach iascaireachta nó an t-iascaire lena mbaineann a chur ar fionraí go héifeachtach agus go ndeonaítear an cistiú ar feadh uastréimhse sé mhí in aghaidh an tsoithigh.

1.   Leagtar amach sa Chinneadh seo na socruithe oibre praiticiúla a bhaineann le feidhmiú chearta an Aontais, trína ionadaithe, dá dtagraítear in Airteagal 12(2) den Phrótacal maidir le hÉirinn/Tuaisceart Éireann (“an Prótacal”).

2.   Chun críocha an Chinnidh seo, ciallaíonn “gníomhaíochtaí cumhdaithe” aon ghníomhaíocht de chuid údaráis na Ríochta Aontaithe a bhaineann le cur chun feidhme agus cur i bhfeidhm fhorálacha dhlí an Aontais a dtugtar feidhm dóibh leis an bPrótacal, chomh maith le gníomhaíochtaí a bhaineann le cur chun feidhme agus cur i bhfeidhm Airteagal 5 den Phrótacal, lena n-áirítear cinntí ón gComhchoiste a ghlactar faoi sin, de bhun Airteagal 12(2) den Phrótacal.

1.   Áiritheoidh an tAontas go ngníomhóidh a chuid ionadaithe, a fheidhmíonn na cearta faoi Airteagal 12(2) den Phrótacal, de mheon macánta agus go rachaidh siad i ndlúthchomhar le húdaráis na Ríochta Aontaithe a dhéanfaidh gníomhaíochtaí cumhdaithe, agus áiritheoidh sé freisin go gcoinneoidh siad ndlúth-chumarsáid ar bun leo.

2.   Ní bheidh Ionadaithe an Aontais a fheidhmíonn na cearta faoi Airteagal 12(2) den Phrótacal páirteach in aon ghníomhaíocht nach mbaineann le feidhmiú na gceart sin.

3.   Agus a gceart chun bheith i láthair á fheidhmiú acu, cuirfidh ionadaithe an Aontais san áireamh an treoraíocht a thug údaráis na Ríochta Aontaithe dóibh maidir lena sábháilteacht agus le sábháilteacht daoine eile. Urramóidh siad aon cheanglas arna fhorchur go dleathach ag údaráis na Ríochta Aontaithe atá freagrach as forfheidhmiú an dlí, faoi réir Theideal XII agus Theideal XIII (Airteagail 120 agus 121) de Chuid a Trí den Chomhaontú um Tharraingt Siar.

4.   Áiritheoidh an tAontas nach bhféadfaidh a chuid ionadaithe faisnéis a nochtadh, a bhfuil eolas acu uirthi de bharr cearta faoi Airteagal 12(2) den Phrótacal a fheidhmiú, ach amháin d'institiúidí, do chomhlachtaí, d'oifigí agus do ghníomhaireachtaí an Aontais agus chomh maith leis sin d'údaráis na Ríochta Aontaithe, mura rud é go bhfuil siad údaraithe ag institiúid, comhlacht, oifig nó gníomhaireacht inniúil an Aontais.

5.   Tá sé de cheart ag ionadaithe an Aontais a bheith i láthair le linn na gníomhaíochtaí cumhdaithe sa Ríocht Aontaithe, lena n-áirítear i ngach áit ina dtagann earraí nó ainmhithe isteach nó ina n-imíonn siad amach as Tuaisceart Éireann trí na calafoirt nó na haerfoirt. Ní fhéadfaidh ionadaithe an Aontais rochtain a fháil ar shaoráidí dá dtagraítear in Airteagal 3(1) ach amháin nuair atá ionadaithe údaráis na Ríochta Aontaithe i láthair agus nuair atá na saoráidí á n-úsáid chun gníomhaíochtaí cumhdaithe a dhéanamh, nó nuair a bheidh saoráid oibríochtúil ar shlí eile chun na críche sin. Féadfaidh ionadaithe an Aontais a bheith in éineacht le haon ionadaí ó údaráis na Ríochta Aontaithe aon uair a bheidh aon cheann de na gníomhaíochtaí cumhdaithe á dhéanamh ag ionadaithe na Ríochta Aontaithe, lena n-áirítear le haghaidh cigireachtaí ar láithreáin seachas na cinn dá dtagraítear san abairt roimhe seo.

6.   Éascóidh an Ríocht Aontaithe láithreacht na n-ionadaithe de chuid an Aontais a fheidhmíonn na cearta faoi Airteagal 12(2) den Phrótacal agus soláthróidh sí aon trealamh, áiseanna agus saoráidí eile is gá, amhail stáisiúin oibre atá feistithe go leordhóthanach agus naisc TF leormhaithe, chun a gcúraimí a dhéanamh.

7.   Beidh cartlann an Aontais maidir le haon fhaisnéis a bhaineann le haon ghníomhaíocht cumhdaithe dosháraithe.

8.   Ní chuirfear bac ar ionadaithe an Aontais atá i láthair sa Ríocht Aontaithe gluaiseacht faoi shaoirse sa Ríocht Aontaithe chun na cearta faoi Airteagal 12(2) den Phrótacal a fheidhmiú.

9.   Agus na cearta faoi Airteagal 12(2) den Phrótacal á bhfeidhmiú ag ionadaithe an Aontais, beidh cárta aitheantais fótagrafach ag gabháil leo ina ndeimhneofar a n-ainm, a bhfeidhm, agus institiúid, comhlacht, oifig nó gníomhaireacht de chuid an Aontais a mbaineann siad leo. Eiseoidh an tAontas cártaí aitheantais den sórt sin trí úsáid a bhaint as samplach a roinnfidh an tAontas leis an Ríocht Aontaithe laistigh de mhí amháin ó theacht i bhfeidhm an Chinnidh seo.

10.   Agus na háiteanna ina bhfeidhmeofar na cearta faoi Airteagal 12(2) den Phrótacal bainte amach ag ionadaí an Aontais, cuirfidh sé an cárta aitheantais dá dtagraítear i mír 9 ar fáil. Faoi réir mhír 3 agus a luaithe a bheidh sé sainaitheanta go cuí, deonófar rochtain ar an tsaoráid láithreach d'ionadaí an Aontais.

11.   Beidh ionadaithe an Aontais i dteideal taisteal chuig an Ríocht Aontaithe gan fógra nó formheas a thabhairt roimh ré chun na cearta faoi Airteagal 12(2) den Phrótacal a fheidhmiú. Féadfaidh siad taisteal chuig an Ríocht Aontaithe tríd an laissez-passer arna eisiúint ag an Aontas a úsáid.

12.   Maidir le hionadaithe an Aontais sa Ríocht Aontaithe chun na cearta faoi Airteagal 12(2) den Phrótacal a fheidhmiú, in éineacht lena gcéilí agus le baill chleithiúnacha dá dteaghlaigh, ní bheidh siad faoi réir srianta inimirce ná foirmiúlachtaí ó thaobh eachtrannaigh a chlárú de.

13.   Fad a bheidh siad sa Ríocht Aontaithe chun na cearta faoi Airteagal 12(2) den Phrótacal a fheidhmiú, tabharfar na saoráidí céanna d'ionadaithe an Aontais maidir le rialacháin airgeadra nó mhalairte is gnách a thabhairt d'oifigigh ó eagraíochtaí idirnáisiúnta a bhfuil cónaí orthu sa Ríocht Aontaithe agus beidh siad díolmhaithe ó chánachas náisiúnta ar a dtuarastail, a bpá agus a ndíolaíochtaí arna n-íoc ag an Aontas nó ag na Ballstáit. Ní bheidh feidhm ag pribhléidí ná díolúintí cánach den sórt sin maidir le hionadaí de chuid an Aontais más náisiúnach Briotanach é (seachas náisiúnach Briotanach ar náisiúnach é freisin de Bhallstát den Aontas agus nach bhfuil cónaí air sa Ríocht Aontaithe tráth an cheapacháin) nó más cónaitheoir buan den Ríocht Aontaithe é.

14.   Fad a bheidh siad sa Ríocht Aontaithe chun na cearta faoi Airteagal 12(2) den Phrótacal a fheidhmiú, beidh an ceart ag ionadaithe an Aontais a dtroscán agus a maoin phearsanta, lena n-áirítear mótarfheithiclí, a allmhairiú agus a athonnmhairiú saor ó dhleacht.

15.   Measfar, chun críocha Theideal XII agus Theideal XIII (Airteagail 120 agus 121) de Chuid a Trí den Chomhaontú um Tharraingt Siar, gur gníomhaíochtaí de chuid an Aontais de bhun an Chomhaontaithe um Tharraingt Siar iad gníomhaíochtaí ionadaithe an Aontais sa Ríocht Aontaithe de bhun Airteagal 12(2) den Phrótacal.

1.   Cuirfidh an Ríocht Aontaithe liosta ar fáil don Aontas de na húdaráis a dhéanfaidh gníomhaíochtaí cumhdaithe agus dá saoráidí.

Ainmneoidh an Ríocht Aontaithe pointe teagmhála le haghaidh gach ceann de na húdaráis dá dtagraítear sa chéad fhomhír, agus cuirfidh sí na sonraí teagmhála ábhartha ar fáil don Aontas.

2.   Cuirfidh an Ríocht Aontaithe aon leasú ar an liosta dá dtagraítear sa chéad fhomhír de mhír 1, nó aon athrú ar phointe nó sonraí teagmhála, in iúl don Aontas go pras.

3.   Ainmneoidh an tAontas pointe teagmhála chun críoch mhír 2.

1.   Freagróidh ionadaí nó pointe teagmhála na Ríochta Aontaithe , de réir mar a bheidh, d'aon iarraidh ar fhaisnéis go gasta, agus ar an gcaoi sin tabharfaidh sé am leordhóthanach d'ionadaí an Aontais measúnú a dhéanamh ar an bhfaisnéis chun na cearta faoi Airteagal 12(2) den Phrótacal a fheidhmiú.

2.   Má mheasann údaráis na Ríochta Aontaithe nach bhfuil iarraidh ar fhaisnéis nó ábharthacht na hiarrata sin soiléir, nó go mbeadh ualach rómhór ag baint le hiarraidh a chomhlíonadh mar gheall ar raon feidhme na faisnéise a iarradh, féadfaidh siad a iarraidh ar ionadaí an Aontais a rinne an iarraidh a raon feidhme a shoiléiriú nó a bheachtú.

3.   Agus na cearta faoi Airteagal 12(2) den Phrótacal á bhfeidhmiú acu, agus aird chuí á tabhairt ar a n-oibleagáidí dá dtagraítear in Airteagal 2(1) den Chinneadh seo, beidh sé de cheart ag ionadaithe an Aontais scrúdú a dhéanamh ar dhoiciméid agus taifid atá i seilbh údaráis na Ríochta Aontaithe agus, i gcás inar gá, iad sin a chóipeáil, ar doiciméid agus taifid iad ina bhfuil faisnéis atá ábhartha maidir leis na gníomhaíochtaí cumhdaithe. Cosnóidh an tAontas an fhaisnéis sin i gcomhréir le hAirteagal 2(4).

4.   Féadfaidh ionadaithe an Aontais a iarraidh ar údaráis na Ríochta Aontaithe a dhéanann gníomhaíochtaí cumhdaithe faisnéis ábhartha a chur ar fáil faoi na gníomhaíochtaí sin.

1.   Arna iarraidh sin ag an Aontas, tabharfaidh an Ríocht Aontaithe rochtain leictreonach leanúnach d'ionadaithe an Aontais ar bhonn fíor-ama ar fhaisnéis ábhartha atá i líonraí, i gcórais faisnéise agus i mbunachair sonraí na Ríochta Aontaithe, agus i modúil náisiúnta na Ríochta Aontaithe de chórais an Aontais (dá ngairfear anseo feasta: ‘córais TF’) a liostaítear in Iarscríbhinn 1, a mhéid is gá le go bhféadfaidh ionadaithe an Aontais na cearta faoi Airteagal 12(2) den Phrótacal a fheidhmiú. Áiritheoidh an tAontas go gcosnóidh a chuid ionadaithe an fhaisnéis sin i gcomhréir le míreanna 3 agus 4.

2.   Arna iarraidh sin ag an Aontas, tabharfaidh an Ríocht Aontaithe rochtain leictreonach d'ionadaithe an Aontais ar fhaisnéis ábhartha atá sna córais TF dá dtagraítear in Iarscríbhinn 2, a mhéid is gá d'ionadaithe an Aontais chun na cearta faoi Airteagal 12(2) den Phrótacal a fheidhmiú. Áiritheoidh an tAontas go gcosnóidh a chuid ionadaithe an fhaisnéis sin i gcomhréir le míreanna 3 agus 4.

3.   Is féidir an rochtain a dheonaítear a fheidhmiú go cianda freisin agus tá an rochtain sin faoi réir ionadaithe an Aontais ag comhlíonadh riachtanais slándála agus riachtanais úsáideora eile gach ceann de na córais TF sin.

4.   Áiritheoidh an tAontas nach bhféadfaidh a chuid ionadaithe an fhaisnéis dá dtagraítear i mír 1 agus i mír 2 a úsáid ach amháin chun na cearta faoi Airteagal 12(2) den Phrótacal a fheidhmiú. Áiritheoidh an tAontas nach nochtfaidh a chuid ionadaithe aon fhaisnéis a bhfuarthas rochtain uirthi de bhun mhír 1 agus mhír 2 ach amháin d'institiúidí, do chomhlachtaí, d'oifigí agus do ghníomhaireachtaí an Aontais agus d'údaráis na Ríochta Aontaithe, mura mbeidh siad údaraithe amhlaidh ag údaráis chustaim na Ríochta Aontaithe agus ag institiúid, comhlacht, oifig nó gníomhaireacht inniúil an Aontais. Ní fhéadfaidh údaráis chustaim na Ríochta Aontaithe diúltú nochtadh den sórt sin a údarú ach amháin ar chúiseanna a shonraítear go cuí.

5.   Cuirfidh an Ríocht Aontaithe in iúl don Aontas, in am trátha, aon athrú maidir leis na córais TF a liostaítear in Iarscríbhinn 1 agus in Iarscríbhinn 2 a bheith ann, maidir lena raon feidhme nó lena n-oibriú , sula dtiocfaidh na hathruithe sin i bhfeidhm.

1.   Féadfaidh ionadaithe an Aontais bearta rialaithe a iarraidh i gcásanna aonair, ó bhéal agus i scríbhinn araon. Sonrófar go cuí in iarrataí den sórt sin na cúiseanna leis an mbeart rialaithe sonrach a iarraidh. Treorófar iarrataí chuig an duine teagmhála ábhartha de chuid údarás na Ríochta Aontaithe de ghnáth, ach féadfar iarrataí ó bhéal a dhíriú freisin ar ionadaí de chuid údaráis na Ríochta Aontaithe.

2.   Déanfaidh údaráis na Ríochta Aontaithe an beart rialaithe iarrtha go gasta.

3.   Má mheasann údaráis na Ríochta Aontaithe nach bhfuil na cúiseanna a thug ionadaithe an Aontais dá n-iarraidh leordhóthanach nó go bhfuil siad doiléir, féadfaidh údaráis na Ríochta Aontaithe a iarraidh ar ionadaithe an Aontais a gcuid cúiseanna a shoiléiriú nó a mhíniú ar bhealach níos mionsonraithe.