(1)

An 23 Márta 2012, ghlac an Chomhairle Rialachán (AE) Uimh. 267/2012.

(2)

Ar bhonn athbhreithniú ar Iarscríbhinn II a ghabhann le Cinneadh 2010/413/CBES, tháinig an Chomhairle ar an tátal gur cheart na bearta sriantacha i gcoinne gach duine agus gach eintitis atá ar an liosta a leagtar amach san Iarscríbhinn sin a choimeád ar bun, sa mhéid nach luaitear a n-ainmneacha in Iarscríbhinn VI a ghabhann leis an gCinneadh sin.

(3)

Tháinig an Chomhairle ar an tátal freisin gur cheart 10 n-iontráil a áirítear in Iarscríbhinn IX a ghabhann le Rialachán (AE) Uimh. 267/2012 a nuashonrú.

(4)

Ba cheart, dá bhrí sin, Rialachán (AE) Uimh. 267/2012 a leasú dá réir sin,

(1)

Le Cinneadh 97/836/CE ón gComhairle (1), d’aontaigh an tAontas Eorpach do Chomhaontú Choimisiún Eacnamaíochta na Náisiún Aontaithe don Eoraip (CENAE) maidir le saintreoracha teicniúla aonfhoirmeacha a ghlacadh i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha agus maidir leis na coinníollacha le haghaidh aitheantas frithpháirteach i gcás ceaduithe a dheonaítear ar bhonn na saintreoracha sin (‘Comhaontú Leasaithe 1958’). Comhaontú Athbhreithnithe 1958, tháinig sé i bhfeidhm an 24 Márta 1998.

(2)

Trí Chinneadh 2000/125/CE ón gComhairle (2), d’aontaigh an tAontas don Chomhaontú maidir le rialacháin theicniúla dhomhanda a leagan síos i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha (an “Comhaontú Comhthreomhar”). Tháinig an Comhaontú Comhthreomhar i bhfeidhm an 15 Feabhra 2000.

(3)

Le Treoir 2007/46/CE ó Pharlaimint na hEorpa agus ón gComhairle (3) cuireadh nós imeachta ceadaithe an Aontais in ionad chórais cheadaithe na mBallstát agus leagadh síos creat comhchuibhithe ina bhfuil forálacha riaracháin agus ceanglais theicniúla ghinearálta maidir le gach feithicil, córas, comhpháirt nua agus gach aonad teicniúil ar leithligh. D’ionchorpraigh an Treoir sin rialacháin arna nglacadh faoi Chomhaontú Athbhreithnithe 1958 (“Rialacháin ó na Náisiúin Aontaithe”) i gcóras cineálcheadaithe an Aontais, mar cheanglais maidir le cineálcheadú nó mar roghanna malartacha ar reachtaíocht an Aontais. Ó glacadh Treoir 2007/46/CE, tá méadú ag teacht ar an líon Rialachán ó na Náisiúin Aontaithe atá á n-ionchorprú i reachtaíocht an Aontais.

(4)

De bhun Airteagal 1 de Chomhaontú Athbhreithnithe 1958 agus Airteagal 6 den Chomhaontú Comhthreomhar, féadfaidh Fóram Domhanda UNECE um Chomhchuibhiú Rialachán d’Fheithiclí (UNECE WP.29) tograí a ghlacadh le haghaidh modhnuithe ar Rialacháin, Rialacháin Theicniúla Dhomhanda (RTDanna) agus Rúin ó na Náisiúin Aontaithe chomh maith le tograí le haghaidh Rialacháin nua, Rialacháin Theicniúla Dhomhanda (RTDanna) nua agus Rúin nua ó na Náisiúin Aontaithe maidir le feithiclí a cheadú. Ina theannta sin, de bhun na bhforálacha sin, féadfaidh UNECE WP.29 tograí a ghlacadh le haghaidh údaruithe chun leasuithe a dhéanamh ar RTDanna ó na Náisiúin Aontaithe nó le haghaidh leasuithe a dhéanamh ar RTDanna ó na Náisiúin Aontaithe agus féadfaidh sé tograí a ghlacadh le haghaidh sainorduithe le haghaidh RTDanna ó na Náisiúin Aontaithe a shíneadh.

(5)

Le linn a 181ú seisiún atá le reáchtáil an 23 Meitheamh 2020, féadfaidh UNECE WP.29 na tograí seo a leanas a ghlacadh: na tograí le haghaidh modhnuithe ar Rialacháin Uimh. 13, 14, 16, 22, 30, 41, 78, 79, 83, 94, 95, 101, 108, 109, 117, 129, 137, 138, 140 agus 152 ó na Náisiúin Aontaithe, an togra le haghaidh Rialachán nua ó na Náisiúin Aontaithe maidir le feithiclí a cheadú i ndáil le sláine an chórais breosla agus sábháilteacht na traenach cumhachta leictrí i gcás imbhualadh deiridh, an togra le haghaidh Rialachán nua ó na Náisiúin Aontaithe maidir le tástáil chomhchuibhithe dhomhanda ar fheithiclí éadroma agus modhnú ar an Rialachán sin ó na Náisiúin Aontaithe, an togra le haghaidh Rialachán nua ó na Náisiúin Aontaithe maidir le forálacha aonfhoirmeacha i ndáil le feithiclí a cheadú a mhéid a bhaineann leis an gcibearshlándáil agus le córas bainistithe cibearshlándála, an togra le haghaidh Rialachán nua ó na Náisiúin Aontaithe maidir le forálacha aonfhoirmeacha i ndáil le feithiclí a cheadú a mhéid a bhaineann le nuashonrú ar bhogearraí agus córas bainistithe nuashonraithe bogearraí, an togra le haghaidh Rialachán nua ó na Náisiúin Aontaithe maidir le forálacha aonfhoirmeacha i ndáil le feithiclí a cheadú a mhéid a bhaineann le Córas Uathoibrithe Coimeádta Lána, na tograí le haghaidh leasuithe ar RTDanna Uimh. 3, 6, 7, 16 agus 19 ó na Náisiúin Aontaithe agus an togra le haghaidh leasú ar Rialachán Comhdhlúite R.E.3. maidir le Tógáil Feithiclí. Thairis sin, tá UNECE WP.29 le togra a ghlacadh le haghaidh síneadh a chur leis an sainordú do RTD Uimh. 9 ó na Náisiúin Aontaithe agus togra le haghaidh údaruithe chun leasú ar RTD Uimh. 8 ó na Náisiúin Aontaithe a fhorbairt agus chun RTD nua ó na Náisiúin Aontaithe a fhorbairt maidir le marthanacht ceallraí infheithicle.

(6)

Is iomchuí an seasamh a bheidh le glacadh thar ceann an Aontais in UNECE WP.29 a leagan síos a mhéid a bhaineann leis na tograí sin a ghlacadh, ós rud é go mbeidh na Rialacháin sin ó na Náisiúin Aontaithe ina gceangal ar an Aontas agus go bhféadfaidh siad, in éineacht leis na RTDanna agus an Rún Comhdhlúite R.E.3 ó na Náisiúin Aontaithe, tionchar cinntitheach a imirt ar inneachar dhlí an Aontais i réimse an chineálcheadaithe feithicle.

(7)

I bhfianaise taithí agus forbairtí teicniúla, is gá na ceanglais a bhaineann le heilimintí nó gnéithe áirithe a chumhdaítear le Rialacháin Uimh. 14, 16, 22, 30, 41, 78, 79, 83, 94, 95, 101, 108, 109, 117, 129, 137, 138, 140 agus 152 ó na Náisiúin Aontaithe, chomh maith le Rún Comhdhlúite R.E.3., a leasú nó a fhorlíonadh.

(8)

Ina theannta sin, is gá forálacha áirithe in RTDanna Uimh. 3, 6, 7, 16 agus 19 ó na Náisiúin Aontaithe a leasú.

(9)

Is gá Rialachán Uimh. 13 ó na Náisiúin Aontaithe a cheartú, cé nach mbaineann na hathruithe ach leis an leagan Rúiseach amháin.

(10)

Chun dul chun cinn teicniúil a chur san áireamh agus chun sábháilteacht feithiclí agus tástáil astaíochtaí a fheabhsú, is gá cúig cinn de Rialacháin nua ó na Náisiúin Aontaithe a ghlacadh: maidir le sláine an chórais breosla agus sábháilteacht na traenach cumhachta leictrí i gcás imbhualadh deiridh, maidir le Tástáil chomhchuibhithe Dhomhanda ar fheithiclí Éadroma, maidir le cibearshlándáil agus córas bainistithe cibearshlándála, maidir le nuashonrú bogearraí agus córas bainistithe nuashonraithe bogearraí agus maidir le Córas Uathoibrithe Coimeádta Lána. Ag an am céanna, caithfear leasú ar an Rialachán nua ó na Náisiúin Aontaithe maidir le tástáil chomhchuibhithe dhomhanda ar fheithiclí éadroma a ghlacadh, toisc go gceadófar leis sin, ar leithligh, lánaitheantas frithpháirteach do na Páirtithe Conarthacha a roghnaíonn ceanglais nua a chur i bhfeidhm a théann níos faide ná sraith bhunaidh 00 an Rialacháin, lena gcumhdaítear ceanglais réigiúnacha amháin.

(11)

Chun go bhféadfar tuilleadh forbartha a dhéanamh ar cheanglais theicniúla, caithfear na tograí chun sainordú RTD Uimh. 9 ó na Náisiúin Aontaithe a shíneadh, chun leasú a fhorbairt ar RTD Uimh. 8 ó na Náisiúin Aontaithe agus forbairt RTD nua ó na Náisiúin Aontaithe maidir le marthanacht ceallraí infheithicle a údarú a ghlacadh ar bhonn na n-iarrataí ó Pháirtithe Conarthacha UNECE a urraíonn an obair ar RTD ó na Náisiúin Aontaithe nó ó fhochomhlachtaí tiomanta UNECE WP.29.

(12)

An 27 Feabhra 2020, ghlac an Chomhairle Cinneadh (AE) 2020/287 (4) maidir leis an seasamh a bheidh le glacadh maidir le RTDanna Uimh. 3, 6 agus 16 ó na Náisiúin Aontaithe don 180ú seisiún de chuid UNECE WP.29, a tionóladh idir an 10 agus an 12 Márta 2020. Mar sin féin, ní raibh WP.29 in ann vóta a ghlacadh sa seisiún sin agus chinn sé na tograí a thíolacadh lena vótáil an athuair ag seisiún mhí an Mheithimh,

(1)

An 26 Iúil 2010, ghlac an Chomhairle Cinneadh 2010/413/CBES (1) a bhaineann le bearta sriantacha i gcoinne na hIaráine.

(2)

I gcomhréir le hAirteagal 26(3) de Chinneadh 2010/413/CBES, rinne an Chomhairle athbhreithniú ar liosta na ndaoine agus na n-eintiteas ainmnithe a leagtar amach in Iarscríbhinn II a ghabhann leis an gCinneadh sin.

(3)

Tháinig an Chomhairle ar an tátal gur cheart na bearta sriantacha i gcoinne gach duine agus gach eintiteas ar an liosta a leagtar amach in Iarscríbhinn II a ghabhann le Cinneadh 2010/413/CBES a choimeád ar bun, a mhéid nach luaitear a n-ainmneacha in Iarscríbhinn VI a ghabhann leis an gCinneadh sin, agus gur cheart 10 n-iontráil atá in Iarscríbhinn II a thabhairt cothrom le dáta.

(4)

Dá bhrí sin, ba cheart Cinneadh 2010/413/CBES a leasú dá réir sin,

(1)

An 23 Meitheamh 2014, ghlac an Chomhairle Cinneadh 2014/386/CBES (1).

(2)

Ní thugann an Chomhairle Eorpach aitheantas don ionghabháil neamhdhleathach a rinne Cónaidhm na Rúise ar an gCrimé agus Sevastopol agus leanann sí den ionghabháil sin a cháineadh agus beidh sí tiomanta i gcónaí dá beartas neamhaitheantais a chur chun feidhme ina iomláine.

(3)

Ar bhonn athbhreithniú ar Chinneadh 2014/386/CBES, ba cheart na bearta sriantacha a athnuachan go dtí an 23 Meitheamh 2021.

(4)

Dá bhrí sin, ba cheart Cinneadh 2014/386/CBES a leasú dá réir sin,