(1)

Le Cinneadh 2003/96/CE (2), d’fhormheas an Chomhairle tabhairt i gcrích an Chomhaontaithe le haghaidh comhar san eolaíocht agus sa teicneolaíocht idir an Comhphobal Eorpach agus an Úcráin (3) (“an Comhaontú”). Síníodh an Comhaontú i gCóbanhávan an 4 Iúil 2002 agus tháinig sé i bhfeidhm an 11 Feabhra 2003.

(2)

Foráladh le pointe (b) d’Airteagal 12 den Chomhaontú go dtabharfaí an Comhaontú i gcrích le haghaidh tréimhse tosaigh dar críoch an 31 Nollaig 2002 agus go bhféadfaí é a athnuachan de chomhthoil na bpáirtithe ar feadh tréimhsí breise cúig bliana.

(3)

Ar bhonn Chinntí 2003/737/CE (4), 2011/182/AE (5) agus (AE) 2015/344 (6) ón gComhairle, athnuadh an Comhaontú ar feadh trí thréimhse bhreise cúig bliana gach uair, le héifeacht chúlghabhálach ón 8 Samhain 2009 agus ón 8 Samhain 2014, don dá athnuachan dheireanacha. Chuaigh an Comhaontú in éag an 7 Samhain 2019.

(4)

Tá an Úcráin ina gníomhaí tábhachtach maidir leis an eolaíocht, an teicneolaíocht agus an nuálaíocht i gcomharsanacht an Aontais. Chun go leanfar den chomhar a éascú i réimsí tosaíochta comhchoiteanna ó thaobh na heolaíochta agus na teicneolaíochta, measann an dá pháirtí gur lena gcomhleas a bheadh sé an Comhaontú a athnuachan.

(5)

Dheimhnigh an dá pháirtí go bhfuil sé ar intinn acu an Comhaontú a athnuachan go ceann tréimhse bhreise cúig bliana. Ba cheart inneachar an Chomhaontaithe athnuaite a bheith comhionann le hinneachar an Chomhaontaithe atá ann faoi láthair. Ar mhaithe le leanúnachas an Chomhaontaithe a áirithiú, ba cheart éifeacht chúlghabhálach a bheith ag an athnuachan amhail ón 8 Samhain 2019.

(6)

Ba cheart dá bhrí sin athnuachan an Chomhaontaithe a fhormheas thar ceann an Aontais,

(1)

Le Cinneadh 2002/648/CE (2), d’fhormheas an Chomhairle tabhairt i gcrích an Chomhaontaithe le haghaidh comhar eolaíochta agus teicneolaíochta idir an Comhphobal Eorpach agus Rialtas Phoblacht na hIndia (3). Síníodh an Comhaontú seo i nDeilí Nua an 23 Samhain 2001 agus tháinig sé i bhfeidhm an 14 Deireadh Fómhair 2002. Le Cinneadh 2009/501/CE (4), d’fhormheas an Chomhairle tabhairt i gcrích an Chomhaontaithe lena n-athnuaitear an Comhaontú le haghaidh comhar eolaíochta agus teicneolaíochta idir an Comhphobal Eorpach agus Rialtas Phoblacht na hIndia (5), a rinne an Comhaontú a síníodh sa bhliain 2001 a athnuachan agus a mhodhnú de bheagán. Síníodh é i nDeilí Nua an 30 Samhain 2007 agus tháinig sé i bhfeidhm an 17 Bealtaine 2010. Tagraítear don Chomhaontú seo mar aon leis an gComhaontú a síníodh sa bhliain 2001 mar “an Comhaontú”.

(2)

I gcomhréir le pointe (b) d’Airteagal 11 den Chomhaontú, tugadh an Comhaontú i gcrích go ceann tréimhse cúig bliana agus is féidir é a athnuachan le comhaontú frithpháirteach idir na páirtithe tar éis meastóireacht le linn na bliana deiridh den tréimhse cúig bliana.

(3)

Le Cinneadh (AE) 2015/1788 (6), d’fhormheas an Chomhairle athnuachan an Chomhaontaithe go ceann tréimhse bhreise cúig bliana. Tá an Comhaontú le dul in éag an 17 Bealtaine 2020.

(4)

An mheastóireacht a rinne seirbhísí an Choimisiúin, léiríonn sí go soiléir go soláthraítear leis an gComhaontú creat tábhachtach chun comhar idir an tAontas agus an India a éascú i réimsí tosaíochta comhchoiteanna ó thaobh Eolaíochta agus Teicneolaíochta, a mbeidh sochair frithpháirteacha do na pártithe mar thoradh air. Dá bhrí sin is chun leas an Aontais é an Comhaontú a athnuachan go ceann tréimhse bhreise cúig bliana.

(5)

Dheimhnigh an dá Pháirtí go bhfuil sé ar intinn acu an Comhaontú a athnuachan go ceann tréimhse bhreise cúig bliana gan aon leasuithe a dhéanamh ar an gComhaontú.

(6)

Ba cheart athnuachan an Chomhaontaithe a fhormheas thar ceann an Aontais,

(1)

Tháinig an Creat-Chomhaontú maidir le Comhpháirtíocht agus Comhar idir an tAontas Eorpach agus a Bhallstáit, de pháirt amháin, agus an Mhongóil, den pháirt eile (1) (an “Comhaontú”), i bhfeidhm an 1 Samhain 2017.

(2)

Bunaítear le hAirteagal 56(1) den Chomhaontú Comhchoiste chun feidhmiú agus cur chun feidhme cuí an Chomhaontaithe a áirithiú (an “Comhchoiste”).

(3)

Foráiltear le hAirteagal 56(6) den Chomhaontú go bhfuil an Comhchoiste chun a rialacha nós imeachta féin a ghlacadh agus foráiltear le hAirteagal 56(4) den Chomhaontú go bhféadfaidh sé meithleacha speisialaithe a chur ar bun chun cabhrú leis a chuid cúraimí a chomhlíonadh.

(4)

Bunaítear le hAirteagal 28(1) den Chomhaontú Fochoiste um Thrádáil agus Infheistíocht.

(5)

Foráiltear le hAirteagal 28(3) den Chomhaontú go bhfuil an Fochoiste um Thrádáil agus Infheistíocht chun a rialacha nós imeachta a ghlacadh.

(6)

Chun cur chun feidhme éifeachtach an Chomhaontaithe a áirithiú, ba cheart rialacha nós imeachta an Chomhchoiste agus an Fhochoiste um Thrádáil agus Infheistíocht a ghlacadh a luaithe is féidir.

(7)

Is iomchuí an seasamh atá le glacadh thar ceann an Aontais sa Chomhchoiste agus san Fhochoiste um Thrádáil agus Infheistíocht a bhunú.

(8)

Ba cheart seasamh an Aontais sa Chomhchoiste agus san Fhochoiste um Thrádáil agus Infheistíocht a bhunú, dá bhrí sin, ar na dréachtChinntí ón gComhchoiste agus ón bhFochoiste um Thrádáil agus Infheistíocht,

(1)

D’aontaigh an tAontas don Choinbhinsiún maidir le hIompar Idirnáisiúnta d’Iarnród an 9 Bealtaine 1980 arna leasú le Prótacal Vilnius an 3 Meitheamh 1999 (‘COTIF’) i gcomhréir le Cinneadh 2013/103/AE ón gComhairle (1).

(2)

Tá na Ballstáit uile, seachas an Chipir agus Málta, ina bpáirtithe i COTIF.

(3)

De bhun litir f) d’Airteagal 13 § 1 de COTIF, bunaíodh Coiste Saineolaithe Teicniúla (CTE) na hEagraíochta Idir-rialtasaí um Iompar Idirnáisiúnta d’Iarnród (OTIF).

(4)

De bhun litir b) d’Airteagal 20 § 1 de COTIF, agus i gcomhréir le hAirteagal 6 d’Iarscríbhinn F (APTU), tá CTE inniúil chun Iarscríbhinn F (APTU) de, inter alia, shaintreoracha teicniúla aonfhoirmeacha (UTP) a bhaineann le vaigíní lastais, marcáil feithiclí agus torann rothstoic a ghlacadh nó a leasú. I gcomhréir le hAirteagal 13 §§ 1, 4 agus 5 d’Iarscríbhinn G (ATMF), tá CTE inniúil freisin chun cinntí a ghlacadh maidir le bunú nó modhnú, cumasc nó tarraingt siar na gclár náisiúnta feithiclí (NVR). Ar deireadh, i gcomhréir le hAirteagal 15 § 2 d’Iarscríbhinn G (ATMF), tá CTE inniúil chun rialacha a ghlacadh agus a leasú le haghaidh eintitis atá freagrach as cothabháil (ECM) a dheimhniú agus a iniúchadh.

(5)

Tá tograí le haghaidh cinntí chun leasú a dhéanamh ar UTP a bhaineann le vaigíní lastais, marcáil feithiclí agus torann rothstoic, maidir le hathbhreithniú iomlán ar na rialacha maidir le ECM a dheimhniú agus a iniúchadh agus maidir le hathbhreithniú iomlán ar na sonraíochtaí a bhaineann le NVR curtha san áireamh ag CTE ar chlár oibre an 13ú seisiún CTE, atá le bheith ann an 16 agus an 17 Meitheamh 2020.

(6)

Is iomchuí an seasamh a ghlacfar thar ceann an Aontais i CTE a bhunú, toisc go mbeidh na leasuithe atá beartaithe ceangailteach ar an Aontas.

(7)

Is é is cuspóir do na leasuithe sin atá beartaithe ailíniú a dhéanamh idir UTP a bhaineann le vaigíní lastais, marcáil feithiclí agus torann rothstoic, chomh maith leis na rialacha maidir le deimhniú agus a iniúchadh ECM le Rialacháin Cur Chun Feidhme (AE) 2019/774 (2), (AE) 2019/776 (3), (AE) 2019/773 (4) agus (AE) 2019/779 (5) ón gCoimisiún faoi seach. Rinneadh nuashonrú ar na sonraíochtaí a bhaineann le NVR i bhfianaise Chinneadh Cur Chun Feidhme (AE) 2018/1614 ón gCoimisiún (6).

(8)

Tá na leasuithe beartaithe i gcomhréir leis an dlí agus le cuspóirí straitéiseacha an Aontais, toisc go rannchuidíonn siad le hailíniú reachtaíocht OTIF le forálacha coibhéiseacha dhlí an Aontais, agus ar an ábhar sin ba cheart don Aontas tacú leis na leasuithe sin atá beartaithe,

(1)

An 4 Feabhra 2008, ghlac an Chomhairle Gníomhaíocht Chomhpháirteach 2008/124/CBES (2).

(2)

An 8 Meitheamh 2018, ghlac an Chomhairle Cinneadh (CBES) 2018/856 (3), lena leasaítear Gníomhaíocht Chomhpháirteach 2008/124/CBES agus lena gcuirtear síneadh leis an Misean go dtí an 14 Meitheamh 2020.

(3)

An 16 Aibreán 2020, chomhaontaigh an Coiste Polaitiúil agus Slándála (CPS) gur cheart, i ngeall ar na himthosca a bhaineann le paindéim COVID-19, síneadh bliain amháin a chur le EULEX KOSOVO leis an sainordú céanna, ar tréimhse í a fhéadfar a athbhreithniú nuair is féidir sin a dhéanamh de réir na n-imthosca.

(4)

Ba cheart méid tagartha do thréimhse a tsinídh a dheonú do EULEX KOSOVO.

(5)

Ina theannta sin, chomhaontaigh CPS an 14 Bealtaine 2020 gur cheart do Lars-Gunnar WIGEMARK, a ceapadh mar Cheann Misin an 28 Samhain 2019 le Cinneadh (CBES) 2019/1991 ó CPS (4), leanúint den fheidhm seo a chomhlíonadh go ceann tréimhse bliain amháin eile.

(6)

Níor cheart a thuiscint go ndéanann aon ní sa Chinneadh seo dochar do neamhspleáchas agus d’uathriail na mbreithiúna agus na n-ionchúisitheoirí i gcomhthéacs EULEX KOSOVO.

(7)

Ós rud é go bhfuil saintréithe speisialta ag roinnt le gníomhaíochtaí EULEX KOSOVO de thaca leis na himeachtaí breithiúnacha a athlonnaíodh laistigh de Bhallstát, is iomchuí a shainaithint sa Chinneadh seo an méid a bheartaítear chun an tacaíocht do na himeachtaí breithiúnacha sin a athlonnaíodh a chumhdach agus foráil a dhéanamh maidir leis an gcuid sin den bhuiséad a chur chun feidhme trí bhíthin deontais.

(8)

Ba cheart Gníomhaíocht Chomhpháirteach 2008/124/CBES a leasú dá réir.

(9)

Cuirfear EULEX KOSOVO i gcrích i gcomhthéacs staid a bhféadfadh meath teacht uirthi agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh,

(1)

I gcomhréir leis an gCinneadh ón gComhairle (AE) 2017/1937, shínigh an tAontas Eorpach an Conradh lena mbunaítear an Comhphobal Iompair (“TCT”) (1). Formheasadh é thar ceann an Aontais an 4 Márta 2019 le Cinneadh (AE) 2019/392 ón gComhairle (2) agus tháinig sé i bhfeidhm an 1 Bealtaine 2019.

(2)

Bunaíodh an Coiste Stiúrtha Réigiúnach le TCT d’fhonn TCT a riar agus a chur chun feidhme i gceart. Le TCT, ceanglaítear ar an gCoiste Stiúrtha Réigiúnach rialacha a ghlacadh maidir le dálaí oibre fhoireann Bhuanrúnaíocht an Chomhphobail Iompair, mar aon le cinneadh lena sonrófar an nós imeachta lena gcuirfear an buiséad chun feidme agus lena ndéanfar na cuntais a thíolacadh agus a iniúchadh.

(3)

Tá an Coiste Stiúrtha Réigiúnach le cinntí a ghlacadh go luath maidir leis na rialacha taistil d’fhoireann an Chomhphobail Iompair, maidir leis na rialacha maidir le haisíoc speansas arna dtabhú ag daoine ó lasmuigh de Bhuanrúnaíocht an Chomhphobail Iompair a fhaigheann cuireadh freastal ar chruinnithe i gcáil saineolaí, agus maidir leis na rialacha airgeadais agus leis na nósanna imeachta um iniúchóireacht is infheidhme maidir leis an gComhphobal Iompair.

(4)

Is iomchuí an seasamh a bhunú atá le glacadh thar ceann an Aontais laistigh den Choiste Stiúrtha Réigiúnach, óir tá na cinntí sin riachtanach do dhea-fheidhmiú Bhuanrúnaíocht an Chomhphobail Iompair agus beidh siad ina gceangal ar an Aontas,

(1)

An 22 Eanáir 2018, ghlac an Chomhairle Cinneadh (CBES) 2018/101 (1), lena bhforáiltear do thréimhse cur chun feidhme 30 mí ó dháta thabhairt i gcrích an chomhaontaithe maoinithe dá dtagraítear sa Chinneadh sin, le haghaidh na ngníomhaíochtaí dá dtagraítear in Airteagal 1 de.

(2)

An 30 Aibreán 2020, d’iarr an Bundesamt für Wirtschaft und Ausfuhrkontrolle, ina cháil mar an Ghníomhaireacht Cur Chun Feidhme, údarú ón Aontas síneadh a chur le tréimhse cur chun feidhme Chinneadh (CBES) 2018/101 go dtí an 30 Samhain 2020 mar gheall ar dhúshláin a eascraíonn as an bpaindéim COVID-19 leanúnach.

(3)

Is féidir leanúint leis na gníomhaíochtaí dá dtagraítear in Airteagal 1 de Chinneadh (CBES) 2018/101 gan aon impleacht ó thaobh acmhainní airgeadais de go dtí an 30 Samhain 2020.

(4)

Ba cheart, dá bhrí sin, Cinneadh (CBES) 2018/101 a leasú dá réir,

(1)

Ar an 11 Bealtaine 2017, ghlac an Chomhairle Cinneadh (CBES) 2017/809 (1), ar Cinneadh é lena bhforáiltear do thréimhse cur chun feidhme 36 mhí ó dháta thabhairt i gcrích an chomhaontaithe maoinithe dá dtagraítear in Airteagal 3(3) den Chinneadh sin, le haghaidh na dtionscadal dá dtagraítear in Airteagal 1 de.

(2)

Tugadh an comhaontú maoinithe sin i gcrích le hOifig na Náisiún Aontaithe (NA) um Ghnóthaí Dí-armála (UNODA) an 10 Lúnasa 2017 agus rachaidh sé in éag an 10 Lúnasa 2020.

(3)

An 19 Márta 2020, d’iarr UNODA, atá freagrach as cur chun feidhme teicniúil na dtionscadal dá dtagraítear in Airteagal 1 de Chinneadh (CBES) 2017/809, síneadh 12 mhí ar thréimhse chur chun feidhme an Chinnidh (CBES) sin. Chuirfeadh an síneadh atá iarrtha ar chumas UNODA leanúint de chúnamh a chur ar fáil do Bhallstáit na Náisiún Aontaithe a bhfuil Rún 1540 (2004) (“UNSCR 1540”) á chur chun feidhme acu, rannchuidiú a thuilleadh le hathbhreithniú cuimsitheach leanúnach, rannchuidiú a thuilleadh le cúnamh a chur ar fáil do Choiste Chomhairle Slándála na Náisiún Aontaithe arna bhunú le UNSCR 1540 go dtí deireadh a shainordaithe reatha an 25 Aibreán 2021, agus na caillteanais a eascraíonn as tionscadail atá fós gan seachadadh de bharr phaindéim COVID-19 a mhaolú.

(4)

Níl aon impleacht ó thaobh acmhainní airgeadais de le leanúint de na tionscadail dá dtagraítear in Airteagal 1 de Chinneadh (CBES) 2017/809 go dtí an 10 Lúnasa 2021.

(5)

Ba cheart, dá bhrí sin, Cinneadh (CBES) 2017/809 a leasú dá réir,

(1)

An 11 Iúil 2017, ghlac an Chomhairle Cinneadh (CBES) 2017/1252 (1);

(2)

Foráiltear le hAirteagal 5(2) de Chinneadh (CBES) 2017/1252 do thréimhse cur chun feidhme 36 mhí ó dháta thabhairt i gcrích an chomhaontaithe maoinithe dá dtagraítear in Airteagal 3(3) den Chinneadh sin, le haghaidh na ngníomhaíochtaí dá dtagraítear in Airteagal 1 de.

(3)

Tugadh an comhaontú maoinithe leis an Eagraíocht um Shlándáil agus Comhar san Eoraip (ESCE) i gcrích an 30 Lúnasa 2017, agus dá bhrí sin rachaidh sé in éag an 30 Lúnasa 2020.

(4)

An 23 Aibreán 2020, d’iarr ESCE síneadh sé mhí ar thréimhse cur chun feidhme Chinneadh (CBES) 2017/1252, toisc gur cuireadh ar fionraí go sealadach roinnt gníomhaíochtaí chun tacú le sábháilteacht agus slándáil ceimiceán a neartú san Úcráin mar gheall ar phaindéim COVID-19.

(5)

Níl aon impleacht ó thaobh acmhainní airgeadais de ag leanúint de na gníomhaíochtaí dá dtagraítear in Airteagal 1 de Chinneadh (CBES) 2017/1252 ón gComhairle go dtí an 28 Feabhra 2021.

(6)

Ba cheart Cinneadh (CBES) 2017/1252 a leasú dá réir,

“(a)

i bpointe (a), cuirtear an méid seo a leanas in ionad phointe (i):

“(a)

i bpointe (a), cuirtear an méid seo a leanas in ionad phointe (ii):