ISSN 1977-0839
Iris Oifigiúil
an Aontais Eorpaigh
L 128I
An t-eagrán Gaeilge
Reachtaíocht
63
23 Aibreán 2020
|
ISSN 1977-0839 |
||
|
Iris Oifigiúil an Aontais Eorpaigh |
L 128I |
|
|
|
||
|
An t-eagrán Gaeilge |
Reachtaíocht |
63 |
|
Clár |
|
II Gníomhartha neamhreachtacha |
Leathanach |
|
|
|
CINNTÍ |
|
|
|
* |
|
GA |
II Gníomhartha neamhreachtacha
CINNTÍ
|
23.4.2020 |
GA |
Iris Oifigiúil an Aontais Eorpaigh |
LI 128/1 |
CINNEADH (AE) 2020/556 ÓN GCOMHAIRLE
an 21 Aibreán 2020
lena gcuirtear síneadh leis an maolú sealadach ar Rialacha Nós Imeachta na Comhairle a tugadh isteach le Cinneadh (AE) 2020/430 i bhfianaise na ndeacrachtaí taistil a chruthaigh an phaindéim COVID-19 san Aontas
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 240(3) de,
De bharr an mhéid seo a leanas:
|
(1) |
Le Cinneadh (AE) 2020/430 (1) ón gComhairle tugadh isteach maolú míosa amháin ar an gcéad fhomhír d’Airteagal 12(1) de Rialacha Nós Imeachta na Comhairle (2) a mhéid a bhaineann le cinntí an gnáthnós imeachta i scríbhinn a úsáid, i gcás ina ndéanfaidh Coiste Bhuanionadaithe Rialtais na mBallstát (Coreper) na cinntí sin. Rachaidh an maolú sin in éag an 23 Aibreán 2020. |
|
(2) |
Le Cinneadh (AE) 2020/430 foráiltear, más rud é go dtugann na himthosca eisceachtúla bonn cirt dó, go bhféadfaidh an Chomhairle an Cinneadh sin a athnuachan. |
|
(3) |
Ós rud é gur ann fós do na himthosca eisceachtúla a chruthaigh an phaindéim COVID-19, agus roinnt bearta urghnácha coisctheacha agus srianta arna ndéanamh ag na Ballstáit fós i bhfeidhm, is gá síneadh a chur leis an maolú dá bhforáiltear in Airteagal 1 de Chinneadh (AE) 2020/430 go ceann tréimhse míosa amháin eile, |
TAR ÉIS AN CINNEADH SEO A GHLACADH:
Airteagal 1
Déantar leis seo síneadh a chur leis an maolú dá bhforáiltear in Airteagal 1 de Chinneadh (AE) 2020/430 go ceann tréimhse aon mhí amháin ón 23 Aibreán 2020.
Airteagal 2
Tiocfaidh an Cinneadh seo i bhfeidhm an dáta a nglacfar é.
Foilseofar in Iris Oifigiúil an Aontais Eorpaigh é.
Arna dhéanamh sa Bhruiséil, 21 Aibreán 2020.
Thar ceann na Comhairle
An tUachtarán
G. GRLIĆ RADMAN
(1) Cinneadh (AE) 2020/430 ón gComhairle an 23 Márta 2020 maidir le maolú sealadach ar Rialacha Nós Imeachta na Comhairle i bhfianaise na ndeacrachtaí taistil a chruthaigh an phaindéim COVID-19 san Aontas (IO L 88 I, 24.3.2020, lch. 1).
(2) Cinneadh 2009/937/AE ón gComhairle an 1 Nollaig 2009 lena nglactar Rialacha Nós Imeachta na Comhairle (IO L 325, 11.12.2009, lch. 35).