(1)

Le Rialachán (AE) Uimh. 904/2010 ón gComhairle (3), leagtar síos rialacha, inter alia, maidir le faisnéis shonrach a stóráil agus a mhalartú trí mheán leictreonach, i réimse na cánach breisluacha (CBL).

(2)

Leis an bhfás atá tagtha ar an tráchtáil leictreonach (“r-thráchtáil”), is fusa go mór earraí agus seirbhísí a dhíol trasna na teorann le tomhaltóirí deiridh i mBallstáit eile. Sa chomhthéacs sin, is éard is ciall le r-thráchtáil trasteorann soláthairtí a bhfuil CBL dlite ina leith i mBallstát amháin, ach a bhfuil an soláthróir bunaithe i mBallstát eile, nó i dtríú críoch nó i dtríú tír. Mar sin féin, gnóthaí calaoiseacha, atá bunaithe i mBallstát nó i dtríú críoch nó i dtríú tír, baineann siad leas as deiseanna r-thráchtála chun buntáistí éagóracha a fháil ón margadh trína n-oibleagáidí CBL a sheachaint. I gcás ina mbeidh feidhm ag prionsabal an chánachais ag an gceann scríbe toisc nach mbíonn aon oibleagáidí cuntasaíochta ar thomhaltóirí, is gá uirlisí iomchuí a bheith ag na Ballstáit tomhaltais chun gnóthaí calaoiseacha den sórt sin a bhrath agus a rialú. Tá sé tábhachtach calaois CBL trasteorann a chomhrac, calaois arb é iompar calaoiseach roinnt gnóthaí i réimse na r‐thráchtála trasteorann is cúis léi.

(3)

Go dtí seo, bhí comhar idir údaráis chánach na mBallstát (“na húdaráis chánach”) chun calaois CBL a chomhrac bunaithe go hiondúil ar thaifid atá i seilbh na ngnóthaí a bhfuil baint dhíreach acu leis an idirbheart inchánach. I gcás soláthairtí trasteorann den chineál gnó le tomhaltóir, atá tipiciúil i réimse na r-thráchtála, d’fhéadfadh sé nach mbeadh an fhaisnéis sin ar fáil go díreach. Dá bhrí sin, tá gá le huirlisí nua chun gur féidir le húdaráis chánach calaois CBL a chomhrac ar bhealach éifeachtach.

(4)

I gcás fhormhór mór na gceannachán trasteorann ar líne a dhéanann tomhaltóirí san Aontas, is trí sholáthraithe seirbhíse íocaíochta a dhéantar na híocaíochtaí. Chun gur féidir seirbhísí íocaíochta a sholáthar, bíonn faisnéis shonrach ina sheilbh ag soláthraí seirbhíse íocaíochta chun faighteoir, nó íocaí, na híocaíochta trasteorann sin a shainaithint mar aon le mionsonraí maidir le dáta agus méid na híocaíochta agus maidir le Ballstát tionscnaimh na híocaíochta. Bíonn faisnéis den sórt sin riachtanach chun gur féidir leis na húdaráis chánach a gcuid bunchúraimí a dhéanamh, is é sin gnóthaí calaoiseacha a bhrath agus dliteanais CBL a chinneadh i dtaca le soláthairtí trasteorann den chineál gnó le tomhaltóir. Is gá, dá bhrí sin, agus is comhréireach go ndéanfar an fhaisnéis is ábhartha maidir le CBL, atá i seilbh soláthraithe seirbhíse íocaíochta, a chur ar fáil do na Ballstáit agus gur féidir leis na Ballstáit an fhaisnéis sin a stóráil ina gcórais leictreonacha náisiúnta agus a tharchur chuig lárchóras leictreonach faisnéise íocaíochta chun calaois CBL trasteorann a bhrath agus a chomhrac, go háirithe a mhéid a bhaineann le soláthairtí den chineál gnó le tomhaltóir.

(5)

Mar sin, is beart riachtanach comhréireach é chun calaois CBL a chomhrac go héifeachtach na huirlisí a thabhairt do na Ballstáit an fhaisnéis arna soláthar ag soláthraithe seirbhíse íocaíochta a bhailiú, a stóráil agus a tharchur agus rochtain ar an bhfaisnéis sin a thabhairt d’oifigigh idirchaidrimh Eurofisc nuair atá baint ag an bhfaisnéis le himscrúdú ar chalaois CBL amhrasta, nó calaois CBL a bhrath. Tá na huirlisí sin riachtanach ós rud é go bhfuil an fhaisnéis sin ag teastáil ó na húdaráis chánach chun críocha CBL a rialú, chun ioncam poiblí a chosaint agus, chomh maith leis sin, chun gnóthaí dlisteanacha sna Ballstáit a chosaint, ar gnóthaí iad a dhéanann an fhostaíocht agus saoránaigh an Aontais a chosaint.

(6)

Is den tábhacht é go mbeadh an phróiseáil faisnéise a dhéanann na Ballstáit i leith íocaíochtaí i gcomhréir leis an gcuspóir calaois CBL a chomhrac. Ar an ábhar sin, níor cheart do na Ballstáit faisnéis a bhailiú, a stóráil nó a tharchur faoi thomhaltóirí nó faoi íocóirí agus faoi íocaíochtaí nach dócha go mbeidh nasc acu le gníomhaíochtaí eacnamaíocha.

(7)

Chun an cuspóir maidir le calaois CBL a chomhrac ar bhealach níos éifeachtaí, ba cheart lárchóras leictreonach faisnéise íocaíochta (“CESOP”) a bhunú, lar chuige a dtarchuireann na Ballstáit faisnéis faoi íocaíochtaí a bhailíonn siad agus atá siad in ann a stóráil ar an leibhéal náisiúnta. Le CESOP, ba cheart faisnéis ábhartha uile CBL maidir le híocaíochtaí arna dtarchur ag na Ballstáit, a mhéid a bhaineann le híocaithe aonair, a stóráil, a chomhiomlánú agus a anailísiú. Le CESOP, ba cheart a bheith in ann forléargas iomlán a thabhairt ar na híocaíochtaí a fhaigheann íocaithe ó íocóirí atá lonnaithe sna Ballstáit agus toradh na hanailíse sonraí ar fhaisnéis a chur ar fáil d’oifigigh idirchaidrimh Eurofisc. Le CESOP, ba cheart iltaifid ar na híocaíochtaí céanna a aithint, mar shampla, d’fhéadfaí an íocaíocht chéanna a thuairisciú ón mbanc agus ó eisitheoir cártaí íocóra ar leith, an fhaisnéis a fhaightear ó na Ballstáit a ghlanadh, mar shampla trí dhúblaigh a bhaint agus earráidí i sonraí a cheartú, agus ba cheart cead a thabhairt d’oifigigh idirchaidrimh Eurofisc faisnéis íocaíochta a chros-seiceáil leis an bhfaisnéis CBL atá ina seilbh acu, fiosrúcháin a dhéanamh chun críche imscrúdaithe ar chalaois CBL amhrasta, nó chun calaois CBL a bhrath agus faisnéis fhorlíontach a chur ar fáil.

(8)

Cuspóir tábhachtach leas ginearálta poiblí an Aontais agus na mBallstát is ea an cánachas agus aithnítear sin i dtaca leis na srianta is féidir a fhorchur leis na hoibleagáidí agus leis na cearta dá bhforáiltear i Rialachán (AE) 2016/679 (4) ó Pharlaimint na hEorpa agus na Comhairle agus i Rialachán (AE) 2018/1725 ó Pharlaimint na hEorpa agus na Comhairle (5). Mar gheall ar chineál agus ar mhéid na faisnéise a thagann ó sholáthraithe seirbhíse íocaíochta, tá teorainneacha le leagan síos maidir le cearta cosanta sonraí agus tá siad le bunú ar na coinníollacha sonracha a leagtar síos in dTreoir (AE) 2020/284 ón gComhairle (6) . Ós rud é go bhfuil faisnéis íocaíochta thar a bheith íogair, ní mór a bheith soiléir ag gach céim den láimhseáil sonraí faoi cé hé an rialaitheoir nó an próiseálaí i gcomhréir le Rialacháin (AE) 2016/679 agus (AE) 2018/1725.

(9)

Dá bhrí sin, is gá srianta a chur i bhfeidhm ar chearta an ábhair sonraí i gcomhréir le Rialachán (AE) Uimh. 904/2010. Go deimhin, dá gcuirfí cearta agus oibleagáidí na n‐ábhar sonraí i bhfeidhm ina n-iomláine, bhainfí an bonn go mór ón gcuspóir calaois CBL a chomhrac go héifeachtach agus thabharfadh sé an deis do na hábhair sonraí bac a chur ar anailís agus imscrúduithe, a bhíonn ar siúl i rith an ama, i ngeall ar an méid ollmhór faisnéise a sheolann na soláthraithe seirbhíse íocaíochta chuig na Ballstáit, chuig an gCoimisiún nó chucu araon agus an méadú a d’fhéadfadh teacht ar iarrataí ó ábhair sonraí. Laghdódh sé sin cumas na n-údarás cánach cuspóir an Rialacháin seo a shaothrú trí fhiosrúcháin, anailís, imscrúduithe agus nósanna imeachta a dhéantar i gcomhréir leis an Rialachán seo a chur i mbaol. Dá bhrí sin, ba cheart feidhm a bheith ag srianta ar chearta an ábhair sonraí agus faisnéis á próiseáil aige nó aici i gcomhréir leis an Rialachán seo. Ní féidir an cuspóir maidir le calaois CBL a chomhrac a bhaint amach trí mhodhanna eile éifeachtachta nach bhfuil chomh sriantach céanna.

(10)

Ba cheart rochtain a bheith ag oifigigh idirchaidrimh Eurofisc, agus acu siúd amháin, ar an bhfaisnéis íocaíochta atá stóráilte in CESOP chun calaois CBL a chomhrac agus chuige sin amháin. D’fhéadfaí an fhaisnéis sin a úsáid, de bhreis ar an measúnú ar CBL, freisin chun measúnú a dhéanamh ar thobhaigh, ar dhleachtanna agus ar chánacha eile mar a bhunaítear le Rialachán (AE) Uimh. 904/2010. Níor cheart an fhaisnéis sin a úsáid chun críoch eile, amhail chun críoch tráchtála.

(11)

Ba cheart do gach Ballstát, agus an fhaisnéis íocaíochta á próiseáil aige i gcomhréir leis na Rialachán seo, urraim a thabhairt do na teorainneacha maidir leis na nithe is comhréireach agus is riachtanach chun imscrúdú a dhéanamh ar chalaois CBL amhrasta nó chun calaois CBL a bhrath.

(12)

Tá sé tábhachtach, chun na cearta agus na hoibleagáidí faoi Rialachán (AE) 2016/679 a choimirciú, nach n-úsáidtear faisnéis i ndáil le híocaíochtaí le haghaidh cinnteoireacht aonair uathoibrithe agus gur cheart, dá bhrí sin, í a fhíorú i gcónaí trí thagairt a dhéanamh d’fhaisnéis chánach eile a bhíonn ar fáil do n húdaráis chánach.

(13)

Chun cabhrú leis na Ballstáit an chalaois chánach a chomhrac agus calaoiseoirí a bhrath, is gá agus is iomchuí go gcoinneodh soláthraithe seirbhíse íocaíochta taifid ar an bhfaisnéis maidir le híocaithe agus le híocaíochtaí i ndáil leis na seirbhísí íocaíochta a sholáthraíonn siad ar feadh trí bliana féilire. Beidh go leor ama ag na Ballstáit, sa tréimhse sin, chun rialuithe a dhéanamh go héifeachtach agus chun calaois CBL amhrasta a imscrúdú nó a bhrath, agus tá an tréimhse comhréireach freisin i bhfianaise a líonmhaire atá méid na faisnéise íocaíochta agus a íogaire atá an fhaisnéis sin ó thaobh sonraí pearsanta a chosaint.

(14)

Cé nár cheart oifigigh idirchaidrimh Eurofisc a bheith in ann rochtain a fháil ar an bhfaisnéis íocaíochta atá stóráilte in CESOP chun calaois CBL a chomhrac, níor cheart do dhaoine cuí-chreidiúnaithe sa Choimisiún a bheith in ann rochtain a fháil ar an bhfaisnéis sin ach amháin chun CESOP a fhorbairt agus a chothabháil. Tá gach duine atá ag fáil rochtain ar an bhfaisnéis sin faoi cheangal na rialacha rúndachta a leagtar síos i Rialachán (AE) Uimh. 904/2010.

(15)

De bhrí go mbeidh gá le forbairtí teicneolaíocha nua chun CESOP a chur chun feidhme, ní mór cur i bhfeidhm an Rialacháin seo a chur siar chun go mbeidh an deis ag na Ballstáit agus ag an gCoimisiún na teicneolaíochtaí sin a fhorbairt.

(16)

Chun coinníollacha comhionanna a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún i ndáil leis na bearta teicniúla chun CESOP a bhunú agus a chothabháil, cúraimí an Choimisiúin maidir le CESOP a bhainistiú go teicniúil, mionsonraí teicniúla is gá chun an nasc agus an inoibritheacht fhoriomlán idir na córais leictreonacha náisiúnta agus CESOP a ráthú; foirmeacha caighdeánacha leictreonacha chun faisnéis a bhailiú ó na soláthraithe seirbhíse íocaíochta, na sonraí teicniúla agus eile maidir leis an rochtain ar an bhfaisnéis ag oifigigh idirchaidrimh Eurofisc, na socruithe praiticiúla maidir leis na hoifigigh idirchaidrimh Eurofisc a bhfuil rochtain acu ar CESOP a shainaithint, na nósanna imeachta lena bhféadfar na bearta iomchuí teicniúla agus eagraíochtúla slándála a ghlacadh d’fhorbairt agus d’oibriú CESOP, róil agus freagrachtaí na mBallstát agus an Choimisiúin maidir le feidhmeanna an rialaitheora agus an phróiseálaí faoi Rialacháin (AE) 2016/679 agus (AE) 2018/1725 agus i leith socruithe nósanna imeachta maidir le Eurofisc. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (7).

(17)

Is fadhb choiteann do na Ballstáit uile í calaois CBL. Níl an fhaisnéis is gá ag na Ballstáit ina n-aonar chun a áirithiú go ndéantar rialacha CBL maidir le ríomhthráchtáil trasteorann a chur i bhfeidhm mar is ceart nó chun calaois CBL sa ríomhthráchtáil trasteorann a chomhrac. Ós rud é nach féidir leis na Ballstáit cuspóir an Rialacháin seo, eadhon calaois CBL a chomhrac, a ghnóthú go leordhóthanach a mhéid a bhaineann leis an ríomhthráchtáil trasteorann agus, de bharr fairsinge nó éifeachtaí na gníomhaíochta, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(18)

Sa Rialachán seo, urramaítear na cearta bunúsacha agus comhlíontar na prionsabail a aithnítear i gCairt um Chearta Bunúsacha an Aontais Eorpaigh, go háirithe, an ceart go ndéanfaí sonraí pearsanta a chosaint. I ndáil leis sin, cuireann an Rialachán seo teorainn dhocht leis an méid sonraí pearsanta atá le cur ar fáil do na Ballstáit. Níor cheart an fhaisnéis íocaíochta a phróiseáil, de bhun an Rialacháin seo, ach amháin chun calaois CBL a chomhrac.

(19)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 gur thug tuairim ar an 14 Márta 2019 (8).

(20)

Ba cheart, dá bhrí sin, Rialachán (AE) Uimh. 904/2010 a leasú dá réir,

(1)

Leagtar síos i dTreoir 2006/112/CE ón gComhairle (3) na hoibleagáidí cuntasaíochta ginearálta maidir le cáin bhreisluacha (CBL) do dhaoine inchánach.

(2)

Leis an bhfás atá tagtha ar an tráchtáil leictreonach (“ríomhthráchtáil”), is fusa go mór earraí agus seirbhísí a dhíol trasna na teorann le tomhaltóirí deiridh sna Ballstáit. Sa chomhthéacs sin, is éard is ciall le ríomhthráchtáil trasteorann soláthairtí a bhfuil an CBL dlite ina leith i mBallstát amháin, ach a bhfuil an soláthróir bunaithe i mBallstát eile, i dtríú críoch nó i dtríú tír. Mar sin féin, baineann gnóthaí calaoiseacha míbhuntáiste as deiseanna ríomhthráchtála chun buntáistí margaidh míchothroma a fháil trína n-oibleagáidí CBL a sheachaint. I gcás ina bhfuil feidhm ag prionsabal an chánachais ag an gceann scríbe, toisc nach mbíonn aon oibleagáidí cuntasaíochta ar thomhaltóirí, bíonn uirlisí iomchuí de dhíth ar na Ballstáit tomhaltais chun gnóthaí calaoiseacha den sórt sin a bhrath agus a rialú. Tá sé tábhachtach calaois CBL trasteorann a chomhrac, calaois arb é iompar calaoiseach roinnt gnóthaí i réimse na ríomhthráchtála trasteorann is cúis léi.

(3)

I gcás fhormhór mór na gceannachán ar líne a dhéanann tomhaltóirí san Aontas, is trí sholáthraithe seirbhíse íocaíochta a dhéantar na híocaíochtaí. Chun gur féidir seirbhísí íocaíochta a chur ar fáil, bíonn faisnéis shonrach ina sheilbh ag soláthraí seirbhíse íocaíochta chun faighteoir, nó íocaí, na híocaíochta a aithint mar aon le mionsonraí maidir le dáta, méid agus Ballstát tionscnaimh na híocaíochta, chomh maith le cibé ar tionscnaíodh an íocaíocht ar áitreabh fisiciúil an cheannaí. Tá tábhacht ar leith ag baint leis an bhfaisnéis shonrach sin nuair is íocaíochta trasteorann a bhíonn i gceist agus an t-íocóir lonnaithe i mBallstát amháin agus an t-íocaí lonnaithe i mBallstát eile nó i dtríú críoch nó i dtríú tír. Bíonn faisnéis den sórt sin riachtanach chun gur féidir le húdaráis chánach na mBallstát ("na húdaráis chánach”) a gcuid bunchúraimí, maidir le gnóthaí calaoiseacha a bhrath agus dliteanais CBL a rialú, a dhéanamh. Ní mór, dá bhrí sin, do sholáthraithe seirbhíse íocaíochta an fhaisnéis sin a chur ar fáil do na húdaráis chánach chun cabhrú leo calaois CBL trasteorann a bhrath agus a chomhrac.

(4)

Chun calaois CBL a chomhrac, tá sé tábhachtach go gceanglófaí ar sholáthraithe seirbhíse íocaíochta taifid leor-mhionsonraithe a choimeád, agus íocaíochtaí trasteorann áirithe a thuairisciú, a chinntear gurb íocaíochtaí trasteorann iad bunaithe ar shuíomh an íocóra agus ar shuíomh an íocaí. Ní mór, dá bhrí sin, an coincheap arb é suíomh an íocóra agus an íocaí é a shainiú, agus na modhanna lena sainaithneofar na suóimhanna sin a shainiú freisin. Na hoibleagáidí maidir le taifid a choinneáil agus tuairisciú a dhéanamh, níor cheart suíomh an íocóra agus suíomh an íocaí í a thabhairt i gceist ach i gcás soláthraithe seirbhíse íocaíochta atá bunaithe san Aontas agus ba cheart na hoibleagáidí sin a bheith gan dochar do na rialacha a leagtar síos i dTreoir 2006/112/CE agus i Rialachán Cur Chun Feidhme (AE) Uimh. 282/2011 ón gComhairle (4) maidir le háit an idirbhirt inchánach.

(5)

Ar bhonn na faisnéise atá ina seilbh cheana féin, bíonn soláthraithe seirbhíse íocaíochta in ann suíomh an íocaí agus an íocóra i ndáil leis na seirbhísí íocaíochta a sholáthraíonn siad a shainaithint agus a thabhairt, trí bhíthin aitheantóir cuntais íocaíochta aonair de chuid an íocóra nó an íocaí nó aon aitheantóir eile lena sainaithnítear an íocóir nó an íocaí, agus lena dtugtar suíomh an íocóra nó an íocaí, gan débhrí., nuair nach bhfuil aithreantóirí den sórt sin ar fáil, ba cheart suíomh an íocóra nó suíomh an íocaí a chinneadh trí bhíthin cód aitheantóra gnó lena an tsoláthraí seirbhísí íocaíochta an soláthraí seirbhíse íocaíochta ag gníomhú dó thar ceann an íocóra nó an íocaí agus lena dtugtar a shuíomh nó a suíomh, i gcásanna ina n-aistrítear na cistí chuig íocaí gan aon chuntas íocaíochta a chruthú in ainm íocóra, i gcás nach gcuirtear na cistí chun sochair d’aon chuntas íocaíochta de chuid an íocaí nó i gcás nach bhfuil aon aitheantóir eile de chuid an íocóra nó an íocaí ann.

(6)

I gcomhréir le Rialachán (AE) 2016/679 ó Pharlaimint na hEorpa agus ón gComhairle (5), tá sé tábhachtach go mbeadh oibleagáid soláthraí seirbhíse íocaíochta faisnéis a choimeád agus a sholáthar i ndáil le híocaíocht trasteorann comhréireach agus teoranta don mhéid is gá do na Ballstáit chun calaois CBL a chomhrac. Ina theannta sin, is é suíomh an íocóra an t-aon fhaisnéis dá mbaineann leis an íocóir is ceart a choinneáil. I dtaca le faisnéis faoin íocaí agus faoin íocaíocht féin, níor cheart a cheangal ar sholáthraithe seirbhíse íocaíochta ach pé faisnéis a theastaíonn ó na húdaráis chánach chun calaoiseoirí féideartha a bhrath agus chun rialuithe cánach a dhéanamh, a choinneáil agus a thuairisciú chuig na húdaráis sin. Dá bhrí sin, níor cheart a cheangal ar sholáthraithe seirbhíse íocaíochta ach taifid a choinneáil a bhaineann leis na híocaíochtaí trasteorann sin ar dócha go léireoidís gníomhaíochtaí eacnamaíocha. Dá dtabharfaí isteach uasteorainn, agus í bunaithe ar líon na n-íocaíochtaí a fuair íocaí le linn ráithe féilire, thabharfadh sin le fios an mar chuid de ghníomhaíocht eacnamaíoch a fuarthas na híocaíochtaí sin, rud a chuireadh as an áireamh íocaíochtaí a fuarthas ar chúiseanna neamhthráchtála. I gcás ina mbainfí an uasteorainn sin amach, chuirfí i ngníomh oibleagáidí an tsoláthraí seirbhíse íocaíochta maidir le taifid a choimeád agus tuairisciú a dhéanamh.

(7)

D’fhéadfadh níos mó ná soláthraí amháin seirbhíse íocaíochta a bheith páirteach in aon íocaíocht aonair amháin a dhéanann íocóir d’íocaí. Is féídir le roinnt aistrithe cistí idir soláthraithe seirbhíse íocaíochta éagsúla a bheith i gceist mar gheall ar an íocaíocht aonair sin. Ní mór oibleagáidí maidir le taifid a choimeád agus tuairisciú a dhéanamh a bheith ar gach soláthraí seirbhíse íocaíochta a bhíonn páirteach in íocaíocht ar leith, ach amháin i gcás go mbíonn eisiamh sonrach i bhfeidhm. Ba cheart faisnéis a bheith sna taifid agus sna tuarascálacha sin maidir leis an íocaíocht a rinne an t-íocóir tosaigh leis an íocaí deiridh seachas maidir leis na haistrithe idirmheánacha cistí idir na soláthraithe seirbhíse íocaíochta.

(8)

Oibleagáid maidir le taifid a choimeád agus tuairisciú a dhéanamh, ba cheart go dtiocfadh sí i gceist ní amháin i gcás ina n-aistríonn soláthraí seirbhíse íocaíochta cistí nó ina n‐eisíonn sé ionstraimí íocaíochta le haghaidh an íocóra ach i gcás ina bhfaigheann soláthraí seirbhíse íocaíochta cistí nó ina bhfaigheann sé idirbhearta íocaíochta thar ceann an íocaí.

(9)

Níor cheart feidhm a bheith ag na hoibleagáidí a leagtar síos sa Treoir seo maidir le soláthraithe seirbhíse íocaíochta atá lasmuigh de raon feidhme Threoir (AE) 2015/2366 ó Pharlaimint na hEorpa agus ón gComhairle (6). Dá bhrí sin, i gcás nach mbíonn soláthraithe seirbhíse íocaíochta an íocaí lonnaithe i gceann de na Ballstáit, ba cheart do sholáthraithe seirbhíse íocaíochta an íocóra bheith faoi réir na n-oibleagáidí maidir le taifid a choimeád agus tuairisciú a dhéanamh. Os a choinne sin, chun go mbeidh na hoibleagáidí maidir le taifid a choimeád agus tuairisciú a dhéanamh comhréireach, nuair a bhíonn soláthraithe seirbhíse íocaíochta an íocóra agus an íocaí araon lonnaithe sa Bhallstát, níor cheart ach do sholáthraithe seirbhíse íocaíochta an íocaí taifid a choimeád. Chun críocha na n-oibleagáidí maidir le taifead a choimeád agus tuairisciú a dhéanamh, ba cheart a mheas go bhfuil soláthraí seirbhíse íocaíochta lonnaithe i mBallstát má thagraíonn a chód nó a cód aitheantóra gnó (BIC) nó aitheantóir gnó uathúil an tsoláthraí don Bhallstát sin.

(10)

I ngeall ar an lear mór faisnéise a bhíonn i gceist, mar aon le híogaireacht na faisnéise sin ó thaobh cosaint sonraí pearsanta de, is den riachtanas agus den chomhréir go gcoinneodh soláthraithe seirbhíse íocaíochta taifid a bhaineann le híocaíochtaí trasteorann ar feadh tréimhse trí bliana féilire d’fhonn cuidiú leis na Ballstáit calaois CBL a chomhrac agus calaoiseoirí a bhrath. Is leor na tréimhse chun go ndéanfadh na Ballstáit chun rialuithe go héifeachtach agus chun calaois CBL amhrasta a imscrúdú nó calaois CBL a bhrath.

(11)

Pé faisnéis a bheidh le coinneáil ag na soláthraithe seirbhíse íocaíochta, tá sí le bailiú agus le malartú i measc na mBallstát i gcomhréir le Rialachán (AE) Uimh. 904/2010 ón gComhairle (7) lena leagtar síos rialacha maidir le comhar riaracháin agus malartú faisnéise chun calaois CBL a chomhrac.

(12)

Is fadhb choiteann do na Ballstáit uile í an chalaois CBL ach ní bhíonn an fhaisnéis is gá ag na Ballstáit féin chun a áirithiú go ndéantar rialacha CBL maidir le ríomhthráchtáil trasteorann a chur i bhfeidhm mar is ceart nó chun calaois CBL sa ríomhthráchtáil trasteorann a chomhrac. Ós rud é nach féidir leis na Ballstáit cuspóir an Rialacháin seo, eadhon calaois CBL a chomhrac, a ghnóthú go leordhóthanach nuair a bhaineann gné thrasteorann leis an gcás agus mar go gcaitear faisnéis a fháil ó Bhallstáit eile, agus, de bharr fairsinge nó éifeachtaí na gníomhaíochta, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú.

(13)

Sa Treoir seo, urramaítear na cearta bunúsacha agus comhlíontar na prionsabail a aithnítear i gCairt um Chearta Bunúsacha an Aontais Eorpaigh, go háirithe an ceart go ndéanfaí sonraí pearsanta a chosaint. Níl an fhaisnéis íocaíochta a choinnítear agus a sholáthraítear i gcomhréir leis an Treoir seo le próiseáil ag saineolaithe frithchalaoise na n-údarás cánach ach ar bhealach atá comhréireach agus riachtanach chun cuspóir na Treorach seo, eadhon calaois CBL a chomhrac, a bhaint amach. Urramaítear sa Treoir seo freisin na rialacha a leagtar síos i Rialachán (AE) 2016/679 agus i Rialachán (AE) 2018/1725 ó Pharlaimint na hEorpa agus ón gComhairle (8).

(14)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé tuairim uaidh an 14 Márta 2019 (9).

(15)

Ba cheart Treoir 2006/112/CE a leasú dá réir,

(1)

Ceadaítear le Treoir 2006/112/CE (3) ón gComhairle do na Ballstáit leanúint dá scéimeanna speisialta a chur i bhfeidhm maidir le fiontair bheaga i gcomhréir le forálacha coiteanna agus d'fhonn comhchuibhiú níos dlúithe a bhaint amach. Tá na forálacha sin as dáta, áfach, agus ní laghdaíonn siad an t‐ualach comhlíonta atá ar fhiontair bheaga toisc gur ceapadh iad do chóras comhchoiteann cánach breisluacha (CBL) bunaithe ar chánachas sa Bhallstát tionscnaimh.

(2)

Sa phlean gníomhaíochta ón gCoimisiún maidir le CBL, d'fhógair sé pacáiste cuimsitheach simplithe le haghaidh fiontair bheaga a bhfuil sé mar aidhm aige díriú ar a n‐ualach riaracháin a laghdú agus ar chuidiú le timpeallacht fhioscach a chruthú chun a bhfás chomh maith le forbairt trádála trasteorann a éascú. Is éard atá i gceist le pacáiste simplithe ná athbhreithniú ar an scéim speisialta le haghaidh fiontair bheaga mar a leagtar amach sa Teachtaireacht maidir leis an obair leantach ar phlean gníomhaíochta CBL. Dá bhrí sin, tá an t‐athbhreithniú ar an scéim speisialta le haghaidh fiontair bheaga ina eilimint thábhachtach den phacáiste athchóirithe a leagtar amach sa phlean gníomhaíochta CBL.

(3)

Ba cheart, chun aghaidh a thabhairt ar an tsaincheist maidir leis an ualach díréireach comhlíonta atá ar fhiontair bheaga dhíolmhaithe, bearta simplithe áirithe a chur ar fáil dóibh freisin.

(4)

Ní cheadaítear leis an scéim speisialta le haghaidh fiontair bheaga faoi láthair ach díolúine a dheonú d'fhiontair a bunaíodh sa Bhallstát ina bhfuil CBL dlite. Tá tionchar diúltach aige sin ar an iomaíocht sa mhargadh inmhéanach i dtaca le fiontair nach bhfuil bunaithe sa Bhallstát sin. Chun aghaidh a thabhairt air sin agus tuilleadh saofa a sheachaint, ba cheart cead a bheith ag fiontair bheaga, atá bunaithe i mBallstáit seachas an Ballstát ina bhfuil CBL dlite, tairbhe a bhaint as an díolúine.

(5)

I gcás ina mbeidh duine inchánach faoi réir an chórais rialta CBL ina Bhallstát bunaíochta ach go mbaineann sé leas as an díolúine CBL d'fhiontair bheaga i mBallstát eile, ba cheart go léireofaí leis an asbhaint cánach ionchuir nasc le soláthairtí cánach an duine inchánach. Dá bhrí sin, i gcás ina bhfaighidh na daoine inchánacha sin ionchuir sa Bhallstát ina bhfuil siad bunaithe atá bainteach le soláthairtí díolmhaithe i mBallstáit eile, níor cheart a bheith in ann aon asbhaint CBL ar ionchur a dhéanamh.

(6)

Ní fhéadfaidh fiontair bheaga tairbhe a bhaint as an díolúine ach amháin i gcás ina bhfuil a láimhdeachas bliantúil faoi bhun na tairsí arna cur i bhfeidhm ag an mBallstát ina bhfuil CBL dlite. Agus a dtairseach á socrú acu, ba cheart do na Ballstáit cloí leis na rialacha maidir le tairseacha a leagtar amach le Treoir 2006/112/CE. Níl na rialacha sin, ar cuireadh an chuid is mó acu i bhfeidhm in 1977, oiriúnach a thuilleadh.

(7)

Chun críocha an tsimplithe, údaraíodh roinnt Ballstát tairseach a chur i bhfeidhm is airde ná an tairseach a údaraítear faoi Threoir 2006/112/CE ar bhonn sealadach. Ós rud é nach iomchuí leanúint de rialacha ginearálta a mhodhnú trí úsáid a bhaint as bearta a dheonaítear trí mhaolú, ba cheart na rialacha maidir le tairseacha a thabhairt cothrom le dáta.

(8)

Ba cheart do na Ballstáit a bheith in ann a dtairseach náisiúnta a shocrú don díolúine ar an leibhéal is fearr a oireann dá ndálaí eacnamaíocha agus polaitiúla, faoi réir na huastairsí dá bhforáiltear faoin Treoir seo. Maidir leis sin, i gcás ina gcuirfidh Ballstáit tairseacha éagsúla i bhfeidhm d'earnálacha éagsúla gnó, ba cheart a shoiléiriú gur ghá é sin a bhunú ar chritéir oibiachtúla. I gcás ina mbeidh duine inchánach incháilithe chun tairbhe a bhaint as níos mó ná tairseach earnála amháin, ba cheart do na Ballstáit a áirithiú nach féidir leis an duine inchánach ach ceann amháin de na tairseacha sin a úsáid. Ba cheart dóibh a áirithiú freisin nach ndéanfar idirdhealú ina dtairseacha idir daoine inchánacha bunaithe agus neamhbhunaithe.

(9)

Ní bheidh sa tairseach láimhdeachais bhliantúil, arb é an bonn leis an díolúine atá curtha ar bun ag an scéim speisialta a leagtar síos sa Treoir seo, ach comhluach na soláthairtí earraí agus seirbhísí arna ndéanamh ag fiontar beag sa Bhallstát ina ndeonaítear an díolúine. D'fhéadfadh saobhadh iomaíochta teacht chun cinn i gcás ina bhféadfadh fiontar, nach bhfuil bunaithe sa Bhallstát sin, tairbhe a bhaint as díolúine den sórt sin gan beann ar an láimhdeachas a ghineann sé i mBallstáit eile. Chun saobhadh den sórt sin ar an iomaíocht a mhaolú agus mar choimirce ar ioncam cánach, níor cheart ach na fiontair sin a bhfuil a láimhdeachas bliantúil faoi bhun tairseach áirithe a bheith incháilithe do dhíolúine i mBallstát nach bhfuil siad bunaithe ann. Maidir le fiontair a bhfuil a láimhdeachas sa Bhallstát ina bhfuil siad bunaithe faoi bhun na tairsí náisiúnta, ba cheart dóibh a bheith in ann leanúint de sholáthairtí díolmhaithe a dhéanamh sa Bhallstát sin gan beann ar an láimhdeachas a ghineann siad i mBallstáit eile, fiú má sháraíonn a láimhdeachas iomlán tairseach an Aontais.

(10)

Chun rialú éifeachtach ar fheidhmiú na díolúine a cheadú agus chun a áirithiú go mbeidh rochtain ag na Ballstáit ar an bhfaisnéis is gá, ba cheart a cheangal ar dhaoine inchánacha ar mian leo leas a bhaint as an díolúine i mBallstát nach bhfuil siad bunaithe ann réamhfhógra a thabhairt don Bhallstát ina bhfuil siad bunaithe. Ar mhaithe le simpliú agus laghdú ar chostais chomhlíonta, níor cheart na daoine inchánacha sin a shainaithint ach le huimhir aonair sa Bhallstát bunaíochta amháin. D'fhéadfadh sé gur uimhir aitheantais aonair CBL a bheadh san uimhir sin, ach ní gá gurb í an uimhir sin.

(11)

Chun feidhmiú agus faireachán cuí na díolúine chomh maith le tarchur tráthúil faisnéise a áirithiú, ba cheart oibleagáidí tuairiscithe do dhaoine inchánacha a bhaineann leas as an díolúine i mBallstát nach bhfuil siad bunaithe ann a leagan amach go soiléir. Ba cheart leis sin, go bhféadfaí daoine inchánacha comhlíontacha a scaoileadh ó na hoibleagáidí sin agus ón oibleagáid chlárúcháin i mBallstáit nach an Ballstát bunaíochta iad. Mar sin féin, ba cheart do na Ballstáit a bheith in ann a cheangal, i gcás nach gcomhlíonfaidh daoine inchánacha neamhbhunaithe na hoibleagáidí tuairiscithe a leagtar amach go sonrach dóibh, go gcaithfidh siad oibleagáidí ginearálta clárúcháin agus tuairiscithe CBL a leagtar amach i ndlíthe náisiúnta CBL a chomhlíonadh.

(12)

D'fhonn neamhréireachtaí a sheachaint i ríomh láimhdeachais bhliantúil an Bhallstáit a úsáidfear mar thagairt chun an díolúine a chur i bhfeidhm, agus i ríomh láimhdeachais bhliantúil an Aontais, ba cheart eilimintí an láimhdeachais atá le cur san áireamh a shonrú.

(13)

Chun imchéimniú na rialacha maidir leis an díolúine d'fhiontair bheaga a chosc agus chun cuspóir na díolúine sin a chaomhnú, níor cheart do dhuine inchánach, cibé acu atá nó nach bhfuil sé bunaithe sa Bhallstát ina ndeonaítear an díolúine, a bheith in ann tairbhe a bhaint as an díolúine i gcás inar sáraíodh an tairseach náisiúnta a leagtar síos inti sa bhliain féilire roimhe sin. Ar na cúiseanna céanna, níor cheart do dhuine inchánach nach bhfuil bunaithe sa Bhallstát ina ndeonaítear an díolúine a bheith in ann tairbhiú den díolúine i gcás inar sáraíodh tairseach bhliantúil láimhdeachais an Aontais sa bhliain féilire roimhe sin.

(14)

Chun a áirithiú go n‐aistreofar na fiontair bheaga de réir a chéile ón díolúine go cánachas, ba cheart cead a bheith ag daoine inchánacha leanúint de thairbhe a bhaint as an díolúine d'fhiontair bheaga ar feadh tréimhse theoranta ama i gcás nach mó a láimhdeachas ná an tairseach dhíolúine náisiúnta de mhéid is mó ná céatadán socraithe den tairseach sin. Ós rud é gur féidir le leibhéil na dtairseach a chuirfear i bhfeidhm a bheith éagsúil ó Bhallstát amháin go Ballstát eile, ba cheart do na Ballstáit a bheith in ann an rogha a dhéanamh ceann amháin den dá chéatadán atá molta a chur i bhfeidhm ar choinníoll nach sáróidh láimhdeachas díolmhaithe an duine inchánach méid áirithe seasta mar thoradh chur i bhfeidhm an chéatadáin. I gcás ina sárófar tairseach láimhdeachais bhliantúil an Aontais le linn bliain féilire, is gá, i bhfianaise fheidhm na tairsí mar choimirce ioncaim, go scoirfidh an díolúine d'fheidhm a bheith aici ón tráth sin.

(15)

I gcás ina mbeidh feidhm ag díolúine, ba cheart rochtain ar a laghad a bheith ag fiontair bheaga a bhaineann leas as an díolúine sa Bhallstát bunaíochta, ar nós imeachta clárúcháin CBL laistigh de thréimhse ama áirithe. Ba cheart an deis a bheith ag na Ballstáit síneadh a chur leis an tréimhse ama sin i gcásanna sonracha inar gá mionseiceálacha a dhéanamh chun imghabháil cánach nó seachaint cánach a chosc.

(16)

Ba cheart do na fiontair bheaga a bhaineann leas as an díolúine sa Bhallstát bunaíochta, rochtain ar oibleagáidí simplithe tuairiscithe, ar a laghad, a bheith acu.

(17)

De bhreis ar dhíolúine ó CBL a dheonú, ceadaítear faoiseamh cánach grádaithe leis na scéimeanna speisialta freisin. Is foinse chastachta é faoiseamh cánach grádaithe agus is beag a chuidíonn sé leis an ualach comhlíonta atá ar fhiontair bheaga a laghdú. Ba cheart, dá bhrí sin, deireadh a chur leis an mbeart sin.

(18)

Ba cheart cead a bheith ag na Ballstáit an ceart a thabhairt do dhaoine inchánach roghnú idir córas ginearálta CBL agus an scéim speisialta d'fhiontair bheaga. Má fheidhmíonn an duine inchánach an ceart sin, is iomchuí é a fhágáil faoi na Ballstáit na rialacha agus na coinníollacha mionsonraithe a leagan síos maidir leis an rogha sin a fheidhmiú.

(19)

Níor cheart oibleagáidí nua clárúcháin nó tuairiscithe d'fhiontair bheaga nach mbaineann leas as an díolúine a bheith sa Treoir seo ach amháin saBhallstát bunaíochta.

(20)

Ós rud é nach féidir leis na Ballstáit cuspóir na Treorach seo, eadhon an t‐ualach comhlíonta atá ar fhiontair bheaga a laghdú, a ghnóthú go leordhóthanach agus, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú.

(21)

I gcomhréir le Dearbhú Comhpháirteach Polaitiúil an 28 Meán Fómhair 2011 ó na Ballstáit agus ón gCoimisiún maidir le doiciméid mhíniúcháin (4), ghlac na Ballstáit mar chúram orthu féin, i gcásanna a bhfuil údar cuí leo, doiciméad amháin nó níos mó a chur leis an bhfógra maidir lena mbearta trasuite, ar doiciméid iad lena mínítear an gaol idir codanna de threoir agus páirteanna comhfhreagracha na n‐ionstraimí náisiúnta trasuite. I ndáil leis an Treoir seo measann an reachtóir go bhfuil údar cuí le doiciméid den sórt sin a tharchur.

(22)

Chun a áirithiú gur féidir faireachán cuí a dhéanamh ar na bearta simpliúcháin a leagtar amach i dTreoir 2006/112/CE, a mhéid a bhaineann leis an scéim speisialta i gcomhair fiontair bheaga, is gá Rialachán (AE) Uimh. 904/2010 (5) ón gComhairle a leasú ionas go mbeidh rochtain uathoibrithe ag údaráis inniúla ábhartha na mBallstát ar na sonraí a bhailítear ó na daoine inchánacha a bhaineann tairbhe as an díolúine CBL d'fhiontair bheaga.

(23)

Ionas go mbeidh rochtain éasca ag fiontair bheaga ar na forálacha a bhaineann leis an scéim speisialta le haghaidh fiontair bheaga i ngach Ballstát, ba cheart na forálacha sin a fhoilsiú ar shuíomh gréasáin an Choimisiúin.

(24)

Thug Coiste na Réigiún tuairim an 10 Deireadh Fómhair 2018 (6).

(25)

Ba cheart mar sin Treoir 2006/112/CE agus Rialachán (CE) Uimh. 904/2010 a leasú dá réir sin,

(1)

Tháinig Coinbhinsiún na Náisiún Aontaithe i gcoinne Gáinneáil Aindleathach Drugaí Támhshuanacha agus Substaintí Síceatrópacha in 1988 (“an Coinbhinsiún”), i bhfeidhm an 11 Samhain 1990 agus thugadh an tAontas i gcrích é le Cinneadh 90/611/CEE ón gComhairle (1).

(2)

De bhun Airteagal 12(2) go (7) den Choinbhinsiún, féadfar substaintí a chur le Táblaí an Choinbhinsiúin ina liostaítear réamhtheachtaithe drugaí.

(3)

Le linn an 63ú seisiún a bheidh ar siúl ón 2 go dtí an 6 Márta 2020 i Vín, tá an Coimisiún um Dhrugaí Támhshuanacha chun cinneadh a dhéanamh maidir le substaint nua amháin a chur le Tábla I an Choinbhinsiúin.

(4)

Is iomchuí an seasamh atá le glacadh thar ceann an Aontais sa Choimisiún um Dhrugaí Támhshuanacha a bhunú mar go mbeidh éifeacht dlí ag an gcinneadh ina san Aontas agus go mbeidh sé in ann tionchar cinntitheach a imirt in inneachar dhlí an Aontais, eadhon Rialachán (CE) Uimh. 111/2005 ón gComhairle (2) agus Rialachán (CE) Uimh. 273/2004 ó Pharlaimint na hEorpa agus ón gComhairle (3).

(5)

De réir mheasúnú an Bhoird Idirnáisiúnta um Rialú Támhshuanach, úsáidtear an tsubstaint alfa-feiniolaicéataicéatáit meitile (MAPA) go minic i monarú aindleathach amfataimín agus meitiolamfataimín. Tá fianaise ann go mbaineann fadhbanna tromchúiseacha sláinte poiblí nó fadhbanna sóisialta le méid agus fairsinge mhonarú aindleathach na ndrugaí támhshuanacha agus na substaintí síceatrópacha sin agus, dá bhrí sin, tá údar maith le alfa-phenylacetoacetate meitile (MAPA) a chur faoi rialú idirnáisiúnta. Tá monarú neamhdhleathach amfataimín agus meitiolamfataimín ina chúis le fadhbanna suntasacha sláinte poiblí agus sóisialta san Aontas. Tá teagmhais a bhaineann le gáinneáil ar alfa-feiniolaicéataicéatáit meitile (MAPA) ag tarlú níos minice agus ar scála níos mó, agus tá amfataimín agus meitiolamfataimín á n-onnmhairiú go neamhdhleathach chuig tríú tíortha ag grúpaí coireachta eagraithe san Aontas.

(6)

Ba cheart do Bhallstáit an Aontas atá ina gcomhaltaí den Choimisiún um Dhrugaí Támhshuanacha seasamh an Aontais a chur in iúl,

(1)

Le Cinneadh 97/836/CE (1) ón gComhairle, d’aontaigh an tAontas Eorpach do Chomhaontú Choimisiún Eacnamaíochta na Náisiún Aontaithe don Eoraip (CENAE) maidir le saintreoracha teicniúla aonfhoirmeacha a ghlacadh i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha agus maidir leis na coinníollacha le haghaidh aitheantas frithpháirteach i gcás ceaduithe a dheonaítear ar bhonn na saintreoracha sin (‘Comhaontú Leasaithe 1958’). Comhaontú Athbhreithnithe 1958, tháinig sé i bhfeidhm an 24 Márta 1998.

(2)

Trí Chinneadh 2000/125/CE ón gComhairle (2) d’aontaigh an tAontas leis an gComhaontú maidir le rialacháin theicniúla dhomhanda a leagan síos i gcomhair feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha (an “Comhaontú Comhthreomhar”). Tháinig an Comhaontú Comhthreomhar i bhfeidhm an 15 Feabhra 2000.

(3)

De bhun Airteagal 1 de Chomhaontú Athbhreithnithe 1958 agus Airteagal 6 den Chomhaontú Comhthreomhar, i dtaca leis na tograí le haghaidh modhnuithe ar Rialacháin de chuid na Náisiún Aontaithe arna nglacadh faoi Chomhaontú Athbhreithnithe 1958 (Rialacháin de chuid na Náisiún Aontaithe) Uimh. 10, 26, 28, 46, 48, 51, 55, 58, 59, 62, 79, 90, 106, 107, 110, 117, 121, 122, 128, 144, 148, 149, 150, 151 agus 152, na tograí le haghaidh modhnuithe ar Rialacháin Theicniúla Dhomhanda (RTD) Uimh. 3, 6, agus 16, an togra le haghaidh leasuithe ar Rún Comhdhlúite R.E.5, agus na tograí le haghaidh údaruithe chun leasú ar RTD Uimh. 6 a fhorbairt agus RTD nua a fhorbairt i dtaca le Cumhacht Feithiclí Leictrithe (DEVP) a chinneadh, féadfaidh an Fóram Domhanda um Chomhchuibhiú Rialachán d’Fheithclí faoi choimirce Choimisiún Eacnamaíochta na Náisiún Aontaithe don Eoraip UNECE (WP.29) iad a ghlacadh, mar is infheidhme.

(4)

Tá WP.29, le linn an 180ú seisiún den Fhóram Domhanda a thionólfar idir an 10 agus an 12 Márta 2020, leis na gníomhartha thuas a ghlacadh i ndáil leis na forálacha riaracháin agus na saintreoracha teicniúla aonfhoirmeacha maidir le ceadú agus RTDannale haghaidh feithiclí rothacha, trealaimh agus páirteanna ar féidir iad a fheistiú agus/nó a úsáid ar fheithiclí rothacha.

(5)

Is iomchuí an seasamh a bheidh le glacadh thar ceann an Aontais a leagan síos in WP.29 a mhéid a bhaineann le tograí a ghlacadh le haghaidh Rialacháin de chuid na Náisiún Aontaithe, mar go mbeidh Rialacháin de chuid na Náisiún Aontaithe ceangailteach agus féadfaidh siad tionchar cinntitheach a imirt ar inneachar dhlí an Aontais i réimse an chineálcheadaithe feithicle.

(6)

Le Treoir 2007/46/CE ó Pharlaimint na hEorpa agus ón gComhairle (3) cuireadh nós imeachta ceadaithe an Aontais in ionad chórais cheadaithe na mBallstát agus leagadh síos creat comhchuibhithe ina bhfuil forálacha riaracháin agus ceanglais theicniúla ghinearálta maidir le gach feithicil, córas, comhpháirt nua agus gach aonad teicniúil ar leithligh. Rinne an Treoir sin (‘Rialacháin de chuid na Náisiún Aontaithe’) a ionchorprú i gcóras cineálcheadaithe an Aontais Eorpaigh, mar cheanglais maidir le cineálcheadú nó mar roghanna malartacha ar reachtaíocht an Aontais. Ó glacadh Treoir 2007/46/CE, tá méadú ag teacht ar an líon rialachán de chuid na Náisiún Aontaithe atá á n-ionchorprú i reachtaíocht an Aontais.

(7)

I bhfianaise taithí agus forbairtí teicniúla, na ceanglais a bhaineann le heilimintí nó gnéithe áirithe a chumhdaítear le Rialacháin de chuid na Náisiún Aontaithe Uimh. 10, 26, 28, 46, 48, 51, 55, 58, 59, 62, 79, 90, 106, 107, 110, 117, 121, 122, 128, 144, 148, 149, 150, 151 agus 152, is gá iad a leasú nó a fhorlíonadh. Ina theannta sin, is gá forálacha áirithe i GTR Uimh. 3, 6, agus 16 a mhodhnú. Ar deireadh, na leasuithe ar Rún Comhdhlúithe R.E.5 agus na húdaruithe chun leasú ar RTD Uimh 6 a fhorbairt agus RTD nua a fhorbairt maidir le (DEVP) a chinneadh, is gá iad a ghlacadh.

(8)

Doiciméad oibre ECE/TRANS/WP.29/2020/25 de chuid WP.29, baineann sé le togra le haghaidh Fhorlíonadh 2 a ghabhann le Rialachán Uimh. 144 de chuid na Náisiún Aontaithe (Córais Ghlaonna Éigeandála i gcás Timpiste), agus níl sé réidh le cur chun vóta in WP.29.

(9)

Doiciméad oibre ECE/TRANS/WP.29/2020/2 de chuid WP.29, baineann sé le togra le haghaidh Fhorlíonadh 1 a ghabhann le sraith leasuithe 08 ar Rialachán Uimh. 9 de chuid na Náisiún Aontaithe (Torann ó fheithiclí trí roth). Ós rud é nach bhfuil forálacha aonfhoirmeacha Rialachán Uimh. 9 de chuid na Náisiún Aontaithe á gcur i bhfeidhm ag an Aontas, ní gá seasamh an Aontais a leagan síos maidir le togra ECE/TRANS/WP.29/2020/2.