(1)

Le linn ceann de na cuspóirí a shonraítear i gComhaontú Angla-Éireannach an 15 Samhain 1985 a chur chun feidhme, bunaíodh an Ciste Idirnáisiúnta d’Éirinn (an Ciste) sa bhliain 1986 le Comhaontú an 18 Meán Fómhair 1986 idir Rialtas na hÉireann agus Rialtas Ríocht Aontaithe na Breataine Móire agus Thuaisceart Éireann maidir leis an gCiste Idirnáisiúnta d’Éirinn (an Comhaontú) d’fhonn dul chun cinn eacnamaíoch agus sóisialta a chur chun cinn, agus d’fhonn teagmháil, idirphlé agus athmhuintearas a chothú idir náisiúnaithe agus aontachtaithe ar fud na hÉireann.

(2)

Tá ranníocaíochtaí airgeadais á dtabhairt ag an Aontas don Chiste ón mbliain 1989 i leith, mar go n-aithníonn an tAontas gurb ionann cuspóirí an Chiste agus na cuspóirí atá á saothrú aige féin. Sa tréimhse 2005 go 2006, gealladh EUR 15 mhilliún in aghaidh na bliana ó bhuiséad an Chomhphobail do na blianta 2005 agus 2006 i gcomhréir le Rialachán (CE) Uimh. 177/2005 ón gComhairle an 24 Eanáir 2005 maidir le ranníocaíochtaí airgeadais ón gComhphobal leis an gCiste Idirnáisiúnta d’Éirinn (3). Chuaigh an Rialachán sin in éag an 31 Nollaig 2006.

(3)

Daingnítear leis na measúnuithe a rinneadh i gcomhréir le hAirteagal 5 de Rialachán (CE) Uimh. 177/2005 go bhfuil gá le tuilleadh tacaíochta do ghníomhaíochtaí an Chiste, ach leanúint d’athneartú a dhéanamh ar an tsineirgíocht idir cuspóirí an Chiste agus ar an gcomhordú le hidirghabhálacha faoi na Cistí Struchtúracha, go háirithe leis an gClár Speisialta um Shíocháin agus Athmhuintearas i dTuaisceart Éireann agus i gContaetha Teorann na hÉireann (clár PEACE) a cuireadh ar bun i gcomhréir le Rialachán (CE) Uimh. 1260/1999 ón gComhairle an 21 Meitheamh 1999 ag leagan síos forálacha ginearálta maidir leis na Cistí Struchtúracha (4).

(4)

Ar mhaithe leis an bpróiseas síochána i dTuaisceart Éireann, is gá leanúint ar aghaidh, tar éis an 31 Nollaig 2006, leis an tacaíocht a thugann an tAontas don Chiste. Mar aitheantas ar an iarracht speisialta a dhéantar maidir leis an bpróiseas síochána, táthar tar éis tacaíocht bhreise ó na Cistí Struchtúracha a chionroinnt ar chlár PEACE don tréimhse 2007 go 2013 de bhun mhír 22 d’Iarscríbhinn II a ghabhann le Rialachán (CE) Uimh. 1083/2006 ón gComhairle an 11 Iúil 2006 lena leagtar síos forálacha ginearálta maidir le Ciste Forbraíochta Réigiúnaí na hEorpa, le Ciste Sóisialta na hEorpa agus leis an gCiste Comhtháthaithe agus lena n-aisghairtear Rialachán (CE) Uimh. 1260/1999 (5).

(5)

Ag a cruinnithe sa Bhruiséil an 15 agus an 16 Nollaig 2005, d’iarr an Chomhairle Eorpach ar an gCoimisiún na bearta riachtanacha a dhéanamh d’fhonn leanúint ar aghaidh leis an tacaíocht a thugann an Comhphobal don Chiste agus tús á chur leis an gcéim dheireanach fhíor-thábhachtach d’obair an Chiste a mhairfidh go dtí 2010.

(6)

Is é is príomhchuspóir don Rialachán seo ná tacaíocht a thabhairt don tsíocháin agus don athmhuintearas trí réimse gníomhaíochtaí atá níos leithne ná iad siúd atá cumhdaithe faoi na Cistí Struchtúracha, agus a théann níos faide ná raon feidhme bheartas an Aontais um chomhtháthú eacnamaíoch agus sóisialta.

(7)

Ba cheart go mbeadh rannchuidiú an Aontais leis an gCiste i bhfoirm ranníocaíochtaí airgeadais do na blianta 2007, 2008, 2009 agus 2010 agus, ar an dóigh sin, tiocfaidh deireadh leis an rannchuidiú sin an tráth céanna a dtiocfaidh deireadh leis an gCiste.

(8)

Le linn ranníocaíochtaí airgeadais an Aontais a chionroinnt, ba cheart go dtabharfaí tús áite do thionscadail de chineál trasteorann nó trasphobail, ar shlí ina gcomhlánóidh siad na gníomhaíochtaí arna maoiniú faoi chlár PEACE don tréimhse 2007 go 2010.

(9)

I gcomhréir leis an gComhaontú, ba cheart go mbeadh na ranníocóirí uile leis an gCiste páirteach mar bhreathnadóirí ag cruinnithe de chuid Bhord an Chiste.

(10)

Tá sé thar a bheith tábhachtach comhordú cuí a áirithiú idir gníomhaíochtaí an Chiste agus na gníomhaíochtaí sin a mhaoinítear faoi na Cistí Struchtúracha agus dá bhforáiltear le hAirteagal 175 den Chonradh ar Fheidhmiú an Aontais Eorpaigh, go háirithe clár PEACE.

(11)

Leis an Rialachán seo, leagtar síos clúdach airgeadais le haghaidh ré iomlán an Chiste, arb é a bheidh ann ná an tagairt phríomha, de réir bhrí phointe 37 de Chomhaontú Idirinstitiúideach an 17 Bealtaine 2006 idir Parlaimint na hEorpa, an Chomhairle agus an Coimisiún maidir leis an smacht buiséadach agus le bainistíocht fhónta airgeadais (6), don údarás buiséadach i rith an nós imeachta bhuiséadaigh bhliantúil.

(12)

Ba cheart gur EUR 15 mhilliún in aghaidh na bliana, do na blianta 2007, 2008, 2009 agus 2010, arna shloinneadh de réir luachanna reatha, a bheadh i méid ranníocaíochtaí an Aontais leis an gCiste.

(13)

Tá an straitéis a seoladh don chéim dheireanach de ghníomhaíochtaí an Chiste (ó 2006 go 2010) agus dar teideal “Sharing this Space” dírithe ar cheithre phríomhréimse: bunsraitheanna a leagan síos le haghaidh athmhuintearais sna pobail is imeallaithe, naisc a chothú ar mhaithe le teagmháil idir pobail scoilte, bogadh i dtreo sochaí níos comhtháthaithe, agus oidhreacht a fhágáil. Dá dhroim sin, is é an aidhm bhunúsach atá leis an gCiste agus leis an Rialachán seo ná athmhuintearas idirphobail a spreagadh.

(14)

Rannchuideoidh an tacaíocht ón Aontas le hathneartú a dhéanamh ar an dlúthpháirtíocht idir na Ballstáit agus idir pobail na mBallstát.

(15)

Níor cheart a mheas gur cúnamh éifeachtach é an cúnamh ón gCiste ach amháin a mhéid a chruthaíonn sé feabhas eacnamaíoch agus sóisialta atá inbhuanaithe agus a mhéid nach n-úsáidtear é mar chiste malartach ar chaiteachas poiblí nó príobháideach eile.

(16)

Le Rialachán (CE) Uimh. 1968/2006 ón gComhairle an 21 Nollaig 2006 maidir le ranníocaíochtaí airgeadais ón gComhphobal leis an gCiste Idirnáisiúnta d’Éirinn (2007 go 2010) (7), bunaíodh an méid tagartha airgeadais a bhaineann le cur chun feidhme an Chiste sa tréimhse 2007 go 2010.

(17)

Rinne an Chúirt Bhreithiúnais Rialachán (CE) Uimh. 1968/2006 a neamhniú ina breithiúnas ar an 3 Meán Fómhair 2009 i gCás C-166/07 (Parlaimint na hEorpa v Comhairle an Aontais Eorpaigh) (8), toisc go raibh an Rialachán sin bunaithe ar Airteagal 308 den Chonradh ag bunú an Chomhphobail Eorpaigh (Conradh CE), agus ar an Airteagal sin amháin, agus rialaigh sí gurb iad an tríú mír d’Airteagal 159 de Chonradh CE agus Airteagal 308 de Chonradh CE araon na bunúis dlí iomchuí. Rialaigh an Chúirt freisin, áfach, go gcoimeádfaí éifeachtaí Rialachán (CE) Uimh. 1968/2006 i bhfeidhm go dtí cibé tráth, laistigh de thréimhse réasúnach, a dtiocfadh rialachán nua i bhfeidhm arna ghlacadh ar an mbunús dlí iomchuí agus nach ndéanfadh neamhniú Rialachán (CE) Uimh. 1968/2006 difear do bhailíocht aon íocaíochtaí a rinneadh nó aon ghealltanas a tugadh faoin Rialachán sin. I ndáil leis sin, ar mhaithe leis an deimhneacht dhlíthiúil, is gá foráil a dhéanamh maidir le hAirteagal 6 den Rialachán seo a chur i bhfeidhm le héifeacht aisghníomhach mar go mbaineann sé le tréimhse iomlán an chláir ó 2007 go 2010,

(a)

plean gníomhaíochta ina mbeidh íocaíochtaí réamh-mheasta agus dáta beartaithe don fhoirceannadh;

(b)

nós imeachta um dhíscor;

(c)

an chaoi ina ndéileálfar le haon mhéideanna iarmharacha agus le haon ús a fhaightear tráth clabhsúir an Chiste.

(1)

Le Rialachán (CE) Uimh. 663/2009 ó Pharlaimint na hEorpa agus ón gComhairle (3) bunaíodh Clár Fuinnimh Eorpach do Théarnamh (an CFET) chun cabhrú leis an téarnamh eacnamaíoch trí imchlúdach airgeadais EUR 3,98 billiún a dheonú do na blianta 2009 agus 2010.

(2)

Ba cheart go mbeadh an Rialachán seo gan dochar don aidhm cibé méid is féidir den imchlúdach airgeadais EUR 3,98 billiún a dheonú faoi dheireadh 2010 ar na fochláir dá dtagraítear i gCaibidil II de Rialachán (CE) Uimh. 663/2009. Táthar tar éis a shuíomh, áfach, nach ndéanfar gealltanas i leith cuid den mhéid sin faoi na fochláir sin.

(3)

De réir mheon straitéis Eoraip 2020 ar mhaithe leis an bhforás inbhuanaithe agus leis an bhfostaíocht, agus i gcomhréir le pacáiste aeráide agus fuinnimh an AE agus le Plean Gníomhaíochta 2006 maidir le hÉifeachtúlacht Fuinnimh, rannchuideodh forbairt tuilleadh foinsí fuinnimh in-athnuaite agus cur chun cinn éifeachtúlachta fuinnimh le forás glas, le geilleagar iomaíoch inbhuanaithe a thógáil agus le dul i ngleic leis an athrú aeráide. Trí thacú leis na beartais sin, cruthóidh an tAontas poist nua agus deiseanna don mhargadh glas, rud a chothóidh geilleagar a bheidh iomaíoch, daingean agus inbhuanaithe. Tá comhoibriú idir na leibhéil éagsúla rialtais (rialachas il-leibhéil) riachtanach sa chomhthéacs seo.

(4)

Is ionann breis dreasachtaí airgeadais a sholáthar agus eilimint thábhachtach sa phróiseas a ghabhann le hísliú na gconstaicí atá ann mar gheall ar na hardchostais tosaigh agus le spreagadh feabhsúchán i ndáil le fuinneamh inbhuanaithe. Ba cheart, dá bhrí sin, saoráid airgeadais thiomnaithe (an tsaoráid) a chruthú chun úsáid a bhaint as an gcistiúchán faoi Chaibidil II de Rialachán (CE) Uimh. 663/2009 nach féidir gealltanas a dhéanamh ina leith faoi dheireadh 2010. Ba cheart go mbreithneofaí cruthú na saoráide i bhfianaise an Tionscnaimh Maoinithe don Fhuinneamh Inbhuanaithe atá molta ag an gCoimisiún. Ba cheart go dtacódh an tsaoráid le forbairt tionscadal éifeachtúlachta fuinnimh agus fuinnimh in-athnuaite agus go n-éascódh sí maoiniú clár infheistíochta a bhaineann le héifeachtúlacht fuinnimh agus fuinneamh in-athnuaite, is é sin, maoiniú ag na húdaráis áitiúla, réigiúnacha agus náisiúnta go háirithe i suímh uirbeacha. Le linn an phróisis seo, ba cheart aird a thabhairt ar shineirgí le hacmhainní airgeadais eile atá ar fáil sna Ballstáit, amhail na Cistí Struchtúracha agus Comhtháthaithe, an tSaoráid Eorpach um Chúnamh Áitiúil Fuinnimh (ELENA) agus Ciste Forbraíochta Réigiúnaí na hEorpa faoi Rialachán (CE) Uimh. 397/2009 (4) d’fhonn forluí le hionstraimí airgeadais eile a sheachaint.

(5)

Is féidir leis an tacaíocht infheistíochta san fhuinneamh inbhuanaithe a bheith an-éifeachtach agus an-tairbheach nuair a dhírítear í ar an leibhéal áitiúil. I gcásanna cuí-réasúnaithe, áfach, d’fhéadfadh sé a bheith níos éifeachtaí díriú ar an leibhéal náisiúnta, e.g. ar chúiseanna a bhaineann le hinfhaighteacht nó feidhmiú struchtúr riaracháin ábhartha.

(6)

Chun tionchar chistiúchán an Aontais a uasmhéadú sa ghearrthéarma, ba cheart d’idirghabhálaí airgeadais amháin nó níos mó amhail institiúidí airgeadais idirnáisiúnta an tsaoráid a bhainistiú. Ba cheart roghnú na n-idirghabhálaithe airgeadais sin a dhéanamh ar bhonn an chumais atá léirithe acu an cistiúchán a úsáid ar an mbealach is éifeachtúla agus is éifeachtaí agus é mar chuspóir aige sin ná rannpháirtíocht infheisteoirí poiblí agus infheisteoirí príobháideacha eile a uasmhéadú laistigh den tréimhse is giorra is féidir agus an ghiaráil is airde idir cistiúchán an Aontais agus an infheistíocht iomlán d’fhonn infheistíochtaí suntasacha a bhaint amach san Aontas. Tráth géarchéimeanna airgeadais agus eacnamaíocha a bhfuil éifeacht dhochrach ar leith acu ar chúrsaí airgeadas údarás áitiúil agus údarás réigiúnach, áfach, ba cheart go n-áiritheofaí nach gcuireann staid dheacair bhuiséadach na n-údarás sin bac orthu i dtaca lena gcumas chun rochtain a fháil ar an gcistiúchán.

(7)

I gcomhlíonadh Rialachán (CE) Uimh. 663/2009, níor cheart go ndéanfaí tionscadail infheistíochta a mhaoiniú faoin tsaoráid ach amháin i gcás ina mbeadh tionchar tapa, intomhaiste, substaintiúil acu ar théarnamh eacnamaíoch laistigh den Aontas, ar mhéadú slándála fuinnimh agus ar laghdú astaíochtaí gás ceaptha teasa. Rannchuidíonn tionscadail infheistíochta den sórt sin le forás glas, le forbairt geilleagair iomaíoch, cheangailte, inbhuanaithe agus ghlais chomh maith le rannchuidiú le cosaint fostaíochta, cruthú post agus dul i ngleic le hathrú aeráide, i gcomhréir le cuspóirí «Eoraip 2020».

(8)

Ba cheart na critéir atá leagtha amach i Rialachán (CE) Uimh. 663/2009 a bheith infheidhme i leith roghnú agus cháilitheacht na dtionscadal a mhaoineofar faoin tsaoráid. Ba cheart cothromaíocht gheografach na dtionscadal a chur san áireamh freisin mar ghné shár-riachtanach, chun tionchar an Rialacháin seo ar théarnamh eacnamaíoch ar fud an Aontais a áirithiú agus mar aitheantas nach bhfuil aon mhaoiniú faighte ag tionscadail, nó nach bhfuil maoiniú faighte ach go páirteach ag tionscadail, i roinnt Ballstát faoi Chaibidil II den Rialachán (CE) Uimh. 663/2009.

(9)

I bhfianaise thionchar gearrthéarmach eacnamaíoch riachtanach an Rialacháin seo, níor cheart gur faide ná sé mhí an tréimhse idir an tráth a bhfaightear iarratas ar thionscadal agus an tráth a ndéantar an cinneadh deiridh faoin iarratas.

(10)

Ba cheart gealltanais dhlíthiúla aonair lena gcuirfí gealltanais bhuiséadacha chun feidhme faoi Chaibidil IIa a dhéanamh faoin 31 Márta 2011.

(11)

Ba cheart nach mbeadh an tsaoráid ina fasach maidir le húsáid bhuiséad ginearálta an Aontais agus maidir le bearta maoiniúcháin a d’fhéadfadh a bheith ann sa todhchaí, lena n-áirítear san earnáil fuinnimh, ach ba cheart go measfaí ina leith gur beart eisceachtúil é arna ghlacadh le linn tréimhse deacrachta eacnamaíche.

(12)

Toisc an ghá phráinnigh atá ann aghaidh a thabhairt ar an ngéarchéim eacnamaíoch, ba cheart go mbeadh caiteachas arna thabhú faoi Chaibidil II de Rialachán (CE) Uimh. 663/2009 cáilithe amhail ón 13 Iúil 2009 ós rud é gur iarr cuid mhór iarratasóirí go mbeadh an caiteachas cáilithe ón tráth a thíolactar an t-iarratas ar dheontas i gcomhréir le hAirteagal 112 de Rialachán (CE, Euratom) Uimh. 1605/2002 ón gComhairle an 25 Meitheamh 2002 maidir leis an Rialachán Airgeadais is infheidhme maidir le buiséad ginearálta na gComhphobal Eorpach (5) (an Rialachán Airgeadais). Ba cheart go mbeadh caiteachas arna thabhú faoi Chaibidil II cáilithe amhail ón 1 Eanáir 2011.

(13)

Toisc an ghá phráinnigh atá ann aghaidh a thabhairt ar an ngéarchéim eacnamaíoch, ba cheart go dtiocfadh an Rialachán seo i bhfeidhm láithreach tar éis é a fhoilsiú,

(1)

In Airteagal 1, cuirtear an mhír seo a leanas leis:

“Leis an Rialachán seo, déantar foráil maidir le cruthú saoráide airgeadais (an tsaoráid) chun tacú le tionscnaimh a bhaineann le héifeachtúlacht fuinnimh agus fuinneamh in-athnuaite.”;

(2)

Leasaítear Airteagal 3 mar a leanas;

(3)

Cuirtear isteach an Chaibidil seo a leanas:

(4)

Scriostar Airteagal 22;

(5)

Leasaítear Airteagal 23 mar a leanas:

(6)

Leasaítear Airteagal 27 mar a leanas:

(7)

in Airteagal 28, cuirtear an mhír seo a leanas leis:

“Beidh faisnéis sa tuarascáil faoi na forchostais go léir a bhaineann le bunú agus cur chun feidhme na saoráide arna bunú faoi Chaibidil IIa.”;

(8)

athainmnítear an Iarscríbhinn mar “Iarscríbhinn I” agus cuirtear isteach an Iarscríbhinn seo a leanas:

(1)

Na rialacha sonracha maidir leis an gcabhair a fhéadfaidh an Ghearmáin a dheonú faoi chuimsiú Mhonaplacht Alcóil na Gearmáine (an Mhonaplacht) dá bhforáiltear in Airteagal 182(4) de Rialachán (CE) Uimh. 1234/2007 an 22 Deireadh Fómhair 2007 lena mbunaítear comheagrú na margaí talmhaíochta agus maidir le forálacha sonracha i gcás táirgí áirithe talmhaíochta (Rialachán CEM Aonair) (3), rachaidh siad in éag an 31 Nollaig 2010.

(2)

De réir na tuarascála a thíolaic an Coimisiún de bhun Airteagal 184(3) de Rialachán (CE) Uimh. 1234/2007, tá laghdú tagtha ar thábhacht na Monaplachta le blianta beaga anuas. Idir na blianta 2001 agus 2008, d'fhág tuairim is 70 banna-dhrioglann talmhaíochta (landwirtschaftliche Verschlussbrennereien) an Mhonaplacht. Tháinig laghdú ar na toirteanna a dhíol an Mhonaplacht ó bhí an bhliain 2003 ann agus tháinig laghdú ar an mbuiséad ó EUR 110 milliún in 2003 go EUR 80 milliún in 2008. I ngeall air sin, tá iarrachtaí déanta ag roinnt drioglann cheana féin iad féin a ullmhú chun dul isteach sa saormhargadh trí chomharchumainn a chruthú, trí infheistíocht a dhéanamh i dtrealamh a úsáideann níos lú fuinnimh, chun costais táirgthe a laghdú, agus trí níos mó margaíochta dírí a dhéanamh ar a gcuid alcóil. Ar a shon sin, tá gá le níos mó ama chun an próiseas oiriúnúcháin sin a éascú agus chun a chumasú do dhriogairí maireachtáil sa saormhargadh. Meastar go bhfuil fadú a mhairfidh roinnt blianta breise ag teastáil chun an próiseas a bhaineann le deireadh a chur leis an Monaplacht, agus leis an gcabhair freisin, a thabhairt chun críche, agus chun an Mhonaplacht a chéimniú amach go cinntitheach.

(3)

I roinnt codanna den Ghearmáin, tá drioglanna alcóil nasctha go traidisiúnta le feirmeacha beaga agus meánmhéide agus tá ról tábhachtach acu i dtaca leis na feirmeacha do leanúint dá ngníomhaíochtaí trí ioncam breise a sholáthar d'fheirmeoirí agus trí fhostaíocht a áirithiú i limistéir thuaithe. Ba cheart, dá bhrí sin, go leanfadh banna-dhrioglanna talmhaíochta a phróiseálann gránaigh agus prátaí go príomha de bheith in ann cabhair a fháil tríd an Monaplacht go dtí an 31 Nollaig 2013. Faoin dáta sin, ba cheart gach drioglann a bheith tar éis dul isteach sa saormhargadh. Tá an spriocdháta sin i gcomhthráth le tosach na tréimhse nua cláreagraithe i gcomhair forbartha tuaithe, 2014-2020, rud a fhágann go bhféadfadh an Ghearmáin codanna de na cistí a úsáidtear le haghaidh na Monaplachta a aistriú chuig a clár forbartha tuaithe.

(4)

Rannchuidíonn drioglanna beagscála cothromráta (Abfindungsbrennereien), úsáideoirí drioglainne (Stoffbesitzer) agus drioglanna comharchumainn torthaí (Obstgemeinschaftsbrennereien) go háirithe le tírdhreacha traidisiúnta agus bithéagsúlacht a chaomhnú trí chabhair a thabhairt maidir le húlloird a sholáthraíonn amhábhair do na driogairí a chaomhnú. Agus an méid sin á chur san áireamh, agus ós rud é gur táirgeadh áitiúil an-teoranta atá i dtáirgeadh na ndrioglann sin, ba cheart go leanfaidís de bheith in ann tairbhe a bhaint as an gcabhair a dheonaítear faoin Monaplacht go ceann tréimhse deiridh go dtí an 31 Nollaig 2017. Tá deireadh le cur leis an Monaplacht faoin dáta sin. Chun a áirithiú go bhfuil an chabhair sin á céimniú amach iarbhír, ba cheart don Ghearmáin pleananna céimnithe amach a thíolacadh gach bliain amhail ón mbliain 2013.

(5)

Faoi chuimsiú na Monaplachta, tá táirgeadh alcóil eitiligh teoranta agus, faoi láthair, freagraíonn sé do mhéid is lú ná 10 % de tháirgeadh iomlán alcóil eitiligh de thionscnamh na talmhaíochta sa Ghearmáin. Ós rud é, go háirithe, go mbeidh gach banna-dhrioglann tar éis dul isteach sa saormhargadh faoin 31 Nollaig 2013, tiocfaidh laghdú suntasach ar an gcéatadán sin tar éis an dáta sin.

(6)

Chun comhleanúnachas a áirithiú le linn an chabhair a dheonú, ba cheart feidhm a bheith ag an Rialachán seo amhail ón 1 Eanáir 2011.

(7)

Ba cheart, dá bhrí sin, Rialachán (CE) Uimh. 1234/2007 a leasú dá réir sin,