|
Iris Oifigiúil |
GA Sraith C |
|
C/2026/5638 |
28.10.2026 |
Foilsiú na teachtaireachta maidir le leasú caighdeánach formheasta ar shonraíocht táirge le haghaidh tásc geografach i gcomhréir le hAirteagal 5(4) de Rialachán Tarmligthe (AE) 2025/27 ón gCoimisiún (1)
(C/2026/5638)
TEACHTAIREACHT MAIDIR LE FORMHEAS AR LEASÚ CAIGHDEÁNACH
(Airteagal 24 de Rialachán (AE) 2024/1143)
‘Πιτσιλιά’
Uimhir thagartha AE: PDO-CY-A1627-AM02 — 1.7.2026
1. Ainm an táirge
‘Πιτσιλιά’
2. Cineál an táisc gheografaigh
|
☑ |
ATFC |
|
☐ |
TGFC |
3. Earnáil
|
☐ |
Táirgí talmhaíochta |
|
☑ |
Fíonta |
|
☐ |
Deochanna biotáilleacha |
4. Tír ar léi an limistéar geografach
an Chipir
5. Údarás an Bhallstáit a bhfuil an leasú caighdeánach á chur in iúl aige
Ainm
An Aireacht Talmhaíochta, Forbartha Tuaithe agus Comhshaoil - An Roinn Talmhaíochta - An Rannóg Fíonsaothraithe agus Fíoneolaíochta
6. Cáilíocht mar leasú caighdeánach
Baineann na leasuithe (a) le tuairisc na bhfíonta, (b) le cineálacha aicmithe na bhfíonchaor óna dtáirgtear na fíonta, (c) leis na cleachtais fhíoneolaíocha agus leis na srianta ar fhíonóireacht, agus (d) leis na huastáirgeachtaí in aghaidh an heicteáir.
Tagann na leasuithe caighdeánacha atá i gceist faoi Airteagal 24(4) de Rialachán (AE) 2024/1143.
Is é is cuspóir do na leasuithe caighdeánacha sin feabhas a chur ar shonraíocht táirge an ainmniúcháin tionscnaimh faoi chosaint (ATFC) ‘Πιτσιλιά’, gan an baol a bheith ann go gcuirfí an nasc leis an limistéar geografach a leagtar amach sa doiciméad aonair ar neamhní ná go mbeadh tuilleadh srianta ann ar mhargú an táirge.
Níl i gceist leis an leasú athrú ar ainm ná ar úsáid ainm nó chatagóir an táirge [mar a leagtar síos i gcás fíon in Airteagal 24(3)(a)(ii) de Rialachán (AE) 2024/1143].
7. Tuairisc ar an leasú caighdeánach (nó ar na leasuithe caighdeánacha) formheasta
Teideal
Tuairisc ar na leasuithe
Tuairisc
Áirítear an méid seo a leanas ar na leasuithe caighdeánacha:
|
(a) |
athdhréachtú a dhéanamh i gcomhréir le reachtaíocht an Aontais agus/nó reachtaíocht na Cipire atá i bhfeidhm maidir le saintréithe anailíseacha, go sonrach teorainneacha íosta agus teorainneacha uasta le haghaidh na bparaiméadar is gá le haghaidh fíonta geala a chur in ionad na meán, chomh maith le teorainneacha íosta agus teorainneacha uasta a chur isteach le haghaidh na bparaiméadar is gá le haghaidh le haghaidh fíonta rosé agus dearga; |
|
(b) |
athdhréachtú a dhéanamh ar na saintréithe orgánaileipteacha, go sonrach na paraiméadair maidir le ‘cuma’, ‘dea-bholadh’ agus ‘blas’ le haghaidh fíonta geala a forlíonadh/a ceartaíodh le tuairiscí iomlána, agus cuireadh isteach cáilíochtaí orgánaileipteacha fíonta rosé agus dearga; |
|
(c) |
uasdátú na gcineálacha fíonchaor formheasta, ar cineálacha iad atá á bhfás le fada sa limistéar geografach sainithe ‘Πιτσιλιά’, i gcomhréir leis an aicmiú náisiúnta nua atá i bhfeidhm; |
|
(d) |
sonrú na gcleachtas fíoneolaíocha áirithe a shonrú de réir an chineáil fíona (geal, rosé, dearg) agus na srianta ar fhíonóireacht; |
|
(e) |
difreáil/ceartú na huastáirgeachtaí in aghaidh an heicteáir de réir an chineáil fíona (geal, rosé agus dearg). |
|
☑ |
Déanann an leasú difear don doiciméad aonair. |
DOICIMÉAD AONAIR
Ainmniúcháin tionscnaimh agus tásca geografacha an fhíona
‘Πιτσιλιά’
Uimhir thagartha AE: PDO-CY-A1627-AM02 — 1.7.2026
1. Ainm (nó ainmneacha)
‘Πιτσιλιά’
2. Cineál an táisc gheografaigh
|
☑ |
ATFC |
|
☐ |
TGFC |
3. An tír ar léi an limistéar geografach sainithe
an Chipir
4. Aicmiú an táirge talmhaíochta i gcomhréir leis an gceannteideal agus leis an gcód Ainmníochta Comhcheangailte, dá dtagraítear in Airteagal 6(1) de Rialachán (AE) 2024/1143
2204 – Fíon ó fhíonchaora úra, lena n-áirítear fíonta treisithe; úrfhíon fíonchaor seachas é sin atá faoi cheannteideal 2009
5. Catagóirí na dtáirgí fíniúna mar a liostaítear i gCuid II d’Iarscríbhinn VII a ghabhann le Rialachán (AE) Uimh. 1308/2013
|
1. |
Fíon |
6. Tuairisc ar an bhfíon nó ar na fíonta
Táirge fíniúna
Fíon geal
Tréithe orgánaileipteacha
Ó thaobh cuma de - dath soiléir, glasbhuí a d’fhéadfadh forbairt ina dhath scothbhuí nó órga fiú.
Ó thaobh bolaidh de - dea-bholaithe torthaí a bhfuil bia bán acu, torthaí citris agus bláthanna ag brath ar an teicneolaíocht fíona a úsáidtear, agus blasanna spíosra, b’fhéidir, tar éis aibiú roghnach i mbairillí adhmaid.
Sa bhéal - bríomhaireacht, lena ngabhann aigéadacht ó mheánach go hard, mianracht, agus iarbhlas aramatach líomóide ó mheánach go fada.
Faisnéis bhreise maidir le tréithe orgánaileipteacha
—
Saintréithe anailíseacha
|
Neart alcóil iomlán uasta (in % de réir toirte): |
20 |
|
Neart alcóil iarbhír íosta (in % de réir toirte): |
12 |
|
Aigéadacht iomlán íosta: |
53,3 |
|
Aonad aigéadachta iomláine íosta: |
i milleachoibhéisí in aghaidh an lítir |
|
Aigéadacht luaineach uasta (i milleachoibhéisí in aghaidh an lítir): |
18 |
|
Dé-ocsaíd sulfair iomlán uasta (i milleagraim in aghaidh an lítir): |
200 |
Faisnéis bhreise maidir le saintréithe anailíseacha
—
|
☑ |
Aon saintréith anailíseach nach léirítear sa roinn seo tá sí laistigh de na teorainneacha a leagtar síos i reachtaíocht an Aontais is infheidhme. |
Táirge fíniúna
Fíon rosé
Tréithe orgánaileipteacha
Ó thaobh cuma de - soiléir, ar dhath chraiceann an oinniúin, ar dhath an bhradáin, rós-bhándearg nó imireacha rosé eile.
Ó thaobh bolaidh de - dea-bholaithe caor dearg, róis, pomagránaite agus luibheanna ag brath ar na cineálacha óna dtáirgtear é agus ar an teicneolaíocht fíona a úsáidtear.
Sa bhéal - bríomhaireacht, lena ngabhann aigéadacht ó mheánach go hard, iarbhlas meánach aramatach.
Faisnéis bhreise maidir le tréithe orgánaileipteacha
—
Saintréithe anailíseacha
|
Neart alcóil iomlán uasta (in % de réir toirte): |
20 |
|
Neart alcóil iarbhír íosta (in % de réir toirte): |
11 |
|
Aigéadacht iomlán íosta: |
53,3 |
|
Aonad aigéadachta iomláine íosta: |
i milleachoibhéisí in aghaidh an lítir |
|
Aigéadacht luaineach uasta (i milleachoibhéisí in aghaidh an lítir): |
18 |
|
Dé-ocsaíd sulfair iomlán uasta (i milleagraim in aghaidh an lítir): |
200 |
Faisnéis bhreise maidir le saintréithe anailíseacha
—
|
☑ |
Aon saintréith anailíseach nach léirítear sa roinn seo tá sí laistigh de na teorainneacha a leagtar síos i reachtaíocht an Aontais is infheidhme. |
Táirge fíniúna
Fíon dearg
Tréithe orgánaileipteacha
Ó thaobh cuma de - fordhathanna soiléire, corcairghorma agus/nó corcra nó dath an rúibín, imireacha dúdhearga eile agus imireacha donnrua b’fhéidir tar éis aosú sa bhuidéal.
Ó thaobh bolaidh de - cumhracht chasta lena ngabhann dea-bholaithe caor dearg agus luibheanna ag brath ar na cineálacha ónar táirgeadh é agus ar an teicneolaíocht fíona a úsáideadh, agus blasanna spíosraí, b’fhéidir, tar éis aibiú/aosú i mbairillí adhmaid.
Sa bhéal - bríomhaireacht, struchtúr lena ngabhann tainniní aibí, tathagach mar aon le haigéadacht ó mheánach go hard, iarbhlas aramatach fadmharthanach, acmhainneacht chun tuilleadh aosaithe a dhéanamh sa bhuidéal.
Faisnéis bhreise maidir le tréithe orgánaileipteacha
—
Saintréithe anailíseacha
|
Neart alcóil iomlán uasta (in % de réir toirte): |
20 |
|
Neart alcóil iarbhír íosta (in % de réir toirte): |
12 |
|
Aigéadacht iomlán íosta: |
46,6 |
|
Aonad aigéadachta iomláine íosta: |
i milleachoibhéisí in aghaidh an lítir |
|
Aigéadacht luaineach uasta (i milleachoibhéisí in aghaidh an lítir): |
20 |
|
Dé-ocsaíd sulfair iomlán uasta (i milleagraim in aghaidh an lítir): |
150 |
Faisnéis bhreise maidir le saintréithe anailíseacha
—
|
☑ |
Aon saintréith anailíseach nach léirítear sa roinn seo tá sí laistigh de na teorainneacha a leagtar síos i reachtaíocht an Aontais is infheidhme. |
7. Cleachtais fhíoneolaíocha
7.1. Cleachtais fhíoneolaíocha shonracha a úsáidtear chun an fíon nó na fíonta a dhéanamh, srianta ábhartha maidir lena ndéanamh
—
Cleachtas fíoneolaíoch sonrach
A. Fíonta geala
Táirgtear iad go heisiach ó chineál Xynisteri (100 %), agus úsáid á baint as teicneolaíocht úrscothach an choipthe ag teocht rialaithe nach mó ná 20 °C, in éineacht le heastóscadh réamhchoipthe nó gan é ag teocht íseal is lú ná 12 °C, le haibiú iarchoipthe féideartha ar an moirt agus ar an mbatonnáiste, agus/nó le haibiú i mbairillí adhmaid nó sa bhuidéal.
B. Fíonta rosé
Táirgtear iad go heisiach ó chineálacha Dopio Mavro (100 %) nó Maratheftiko (100 %) nó Giannoudhi (100 %) nó ó chumasc inarb ionann ceann amháin nó níos mó de na cineálacha sin agus 85 % ar a laghad agus inarb ionann an chuid eile agus fíonchaora Ofthalmo, agus úsáid á baint as teicníc fuilithe laíon na bhfíonchaor dearg, fara brú agus/nó cumasc fíona ghil/dheirg ón tásc geografach céanna, agus teicneolaíocht úrscothach an choipthe á cur i bhfeidhm ag teocht rialaithe nach mó ná 20 °C, in éineacht le haibiú iarchoipthe féideartha ar an moirt agus ar an mbatonnáiste.
C. Fíonta dearga
Táirgtear iad go heisiach ó chineálacha Dopio Mavro (100 %) nó Maratheftiko (100 %) nó Giannoudhi (100 %) nó ó chumasc inarb ionann ceann amháin nó níos mó de na cineálacha sin agus 85 % ar a laghad agus inarb ionann an chuid eile agus fíonchaora Ofthalmo, agus úsáid á baint as an teicníc fíonóireachta deirge chlasaiceach ag teochtaí nach mó ná 28 °C, in éineacht le heastóscadh réamhchoipthe ag teocht íseal níos lú ná 12 °C nó gan é, in éineacht le haibiú iarchoipthe féideartha ar an moirt agus ar an mbatonnáiste.
—
Srianta ar fhíonóireacht
Déantar an fhíonóireacht laistigh den limistéar geografach sainithe.
Aibiú éigeantach 6 mhí i mbairillí adhmaid le haghaidh fíonta a dhéantar go heisiach ó chineál Maratheftiko (100 %) agus ó chineál Giannoudhi (100 %).
Aibiú réaduchtach éigeantach 6 mhí (i mbuidéil) i gcás fíonta a dhéantar go heisiach ó chineál Maratheftiko (100 %) agus ó chineál Giannoudhi (100 %).
—
Srianta ar fhíonóireacht
Táirgtear na fíonta ó fhíonchaora a fhástar i bhfíonghoirt atá cláraithe i gclár fíonghort an údaráis inniúil; ní mór na fíonghoirt a bheith 5 bliana d’aois ar a laghad agus ní mór 220 planda in aghaidh an deiceáir a bheith acu.
7.2. Uastáirgeacht
Fíon geal
|
Uastáirgeacht: |
10 000 |
|
Aonad uastáirgeachta: |
cileagraim d’fhíonchaora in aghaidh an heicteáir |
Fíon rosé
|
Uastáirgeacht: |
7 500 |
|
Aonad uastáirgeachta: |
cileagraim d’fhíonchaora in aghaidh an heicteáir |
Fíon dearg
|
Uastáirgeacht: |
7 500 |
|
Aonad uastáirgeachta: |
cileagraim d’fhíonchaora in aghaidh an heicteáir |
8. Léiriú ar an gcineál nó ar na cineálacha fíonchaor óna dtáirgtear an fíon nó na fíonta
|
— |
Giannoudhi |
|
— |
Maratheftiko - Vambakadha, Pampatzia |
|
— |
Mavro - Dopio Mavro Ampelisimo |
|
— |
Xynisteri |
|
— |
Ofthalmo |
9. Sainmhíniú achomair ar an limistéar geografach sainithe
Cuimsíonn limistéar geografach sainithe Pitsilia na pobail seo a leanas:
Agia Eirini, Agios Ioannis, Agios Theodoros, Agridia, Argos, Alithinou, Aloma, Apliki, Askas, Gourri, Dymes, Kambi, Kannavia, Kato Mylos, Kourdali, Kyperounta, Lagoudera, Lazania, Livadia, Odou, Palaiochori, Pelendri, Platanistasa, Potamitissa, Polystypos, Saranti, Spilia, Sykopetra, Farmakas, Fikardou, Fterikoudi agus Chandria.
10. Nasc leis an limistéar geografach
Catagóir an táirge fíniúna
|
1. |
Fíon |
Achoimre ar an nasc
I gcás an ainmniúcháin tionscnaimh faoi chosaint ‘Πιτσιλιά’ (ATFC), is iad tosca sonracha nádúrtha agus daonna a bhfuil tionchar láidir acu ar thréithe orgánaileipteacha na bhfíonta ar ardchaighdeán a tháirgtear is cúis leis an nasc cúisíoch le tionscnamh geografach na dtáirgí fíniúna, mar a thuairiscítear sa roinn ‘Tuairisc ar na fíonta’.
A.
Is réigiún sléibhtiúil sa Chipir é Pitsilia atá suite sa chuid thoir láir de shliabhraon Troodos. Is iad príomhthréithe Pitsilia a airde ard, tír-raon sléibhe measartha géar an limistéir, teochtaí ísle, go háirithe sa gheimhreadh, agus, mar gheall ar a shuíomh geografach, a bhithéagsúlacht ar leith mar gheall ar a mhéasaeráid agus a airdí éagsúla. Is éard atá i bhfásra saibhir Pitsilia go príomha foraoisí péine Turcach, crainn sútha talún, crainn mhaisteoige, dair Kermes agus toir eile, agus talamh saothraithe ina bhfuil fíniúnacha neamhbheangaithe, crainn gallchnó, crainn úll, crainn silíní agus crainn almóinní. I measc an fhána áitiúil tá speicis amhail toirc faoi chosaint, sionnaigh, giorriacha, gráinneoga, agus éin fhiáine amhail iolar Bonelli (Aquila fasciata), fabhcúin, creachadóirí eile, agus patraiscí, a aimsíonn tearmainn shábháilte i bhforaoisí agus in ailteanna iargúlta.
Rilíf agus saintréithe ithreach
Tá tír-raon sléibhtiúil ag Pitsilia, mar aon le fánaí géara nádúrtha ag airdí sa raon ó 600 go 1 500 méadar – rud a fhágann go bhfuil na fíonghoirt áitiúla i measc na bhfíonghort is airde san Eoraip – agus meánghrádán ó 20° go 40° ann, agus cuid mhór ailteanna iargúlta, sruthanna, fánaí géara agus buaiceanna sléibhe. Tá an ithir creagach agus neamhthorthúil, plútónach go príomha – gabró agus diabáis – mar gheall ar a gaireacht do chroí Troodos. Baineann Pitsilia le coimpléasc geolaíoch Oifilít Troodos, atá saibhir ó thaobh mianta agus mianraí de amhail mianta copair, a rinneadh mianadóireacht orthu sa chianaois.
Saintréithe aeráide
Tá aeráid sléibhe Mheánmhuirí ag Pitsilia agus bíonn geimhrí fuara ann mar aon le samhraí fionnuara. Titeann sneachta go minic sa gheimhreadh ag na pointí is airde in Pitsilia (os cionn 1 000 méadar). Bíonn an mheánteocht laethúil bliantúil sa raon ó 14 °C go 16 °C. Bíonn an mheánteocht laethúil sa raon ó 21,3 °C go 24,5 °C, agus teochtaí uasta ann a shroicheann 28 °C go 30° C de ghnáth agus fanann na hoícheanta measartha fionnuar (17 °C go 20 °C). Cuidíonn an difríocht sin idir teochtaí lae agus oíche le haigéadacht a choinneáil ar bun agus cuidíonn sí le réamhtheachtaithe aramatacha a fhorbairt sna fíonchaora. Sa gheimhreadh, bíonn an teocht sa raon ó 5,1 °C go 6,8 °C. Bíonn sí faoi bhun 5 °C san oíche go minic agus is minic a bhíonn sioc ann i gcuid mhór pobal de chuid Pitsilia.
Bíonn 7,6 uair an chloig gréine ar an meán ann in aghaidh an lae. Bíonn an bháisteach bhliantúil idir 600 agus 1 200 milliméadar ag brath ar airde agus ar shuíomh. Titeann an chuid is mó den bháisteach idir mí na Samhna agus mí an Mhárta; is beag báisteach a bhíonn ann sna míonna eile.
B.
Foirmítear an talamh ina léibhinn agus coinníonn ballaí cloiche tirime traidisiúnta an ithir ina hionad chun gur féidir na fíonghoirt a phlandú agus a bhainistiú. Ba iad fíniúnacha neamhbheangaithe nach dteastaíonn ach méideanna beaga uisce agus cothaitheach uathu an barr idéalach le haghaidh ithreacha Pitsilia, agus coinníodh na hithreacha beagáinín níos torthúla agus níos inrochtana le haghaidh barra a bhfuil riachtanais níos mó acu (clochthorthaí).
Úsáideann saothróirí fíona Pitsilia na huirlisí bunúsacha atá ar fáil dóibh chun an obair shaothrúcháin is gá a dhéanamh chun na fíonghoirt a chothabháil. Socraítear na plandaí ag scaradh plandaí neamhrialta den chuid is mó mar gheall ar thír-raon garbh sléibhe an limistéir. Déantar srianadh fiailí de láimh den chuid is mó. Déantar roinnt fíonghort a uisciú trí úsáid a bhaint as an modh uiscithe dromchla nádúrtha.
Treoraítear na fíniúnacha go príomha i bhfoirmiú cuachphrúnála traidisiúnta. Is éard atá i gceist leis an gcumas táirgthe den chuid is mó na cineálacha Dopio Mavro agus Xynisteri, agus ar bhonn níos lú na cineálacha Maratheftiko, Giannoudhi agus Ofthalmo. Shocraigh na táirgeoirí féin (saothróirí fíniúna agus déantóirí fíona) uastáirgeachtaí in aghaidh an heicteáir ar bhonn sonraí eimpíreacha a bailíodh le himeacht ama, agus bunaíodh na táirgeachtaí go hoifigiúil sa reachtaíocht náisiúnta in 2004.
Is iad na cleachtais fíoneolaíochta cheadaithe na cleachtais sin a leagtar síos i reachtaíocht an Aontais Eorpaigh. Mar sin féin, is iad na cleachtais agus na próisis a chuirtear i bhfeidhm go traidisiúnta na cleachtais agus na próisis sin a bhaineann go príomha le haigéadacht a mhéadú nó a laghdú, suilfítí a chur isteach, gléghlanadh agus cobhsú na bhfíonta a tháirgtear i réigiún Pitsilia.
Ar bhonn sonraí eimpíreacha, shainaithin táirgeoirí an chaoi is fearr a aibíonn fíonchaora agus, dá bhrí sin, shocraigh siad na láidreachtaí alcóil nádúrtha íosta de réir toirte (in % toirte) dá dtagraítear sa roinn ‘Tuairisc ar na fíonta’.
Idirghníomhaíocht chúisíoch:
Bhí ról cinntitheach ag na saintréithe ithreach agus aeráide a thuairiscítear thuas, in éineacht leis an toisc dhaonna, i dtaca le roghnú na gcineálacha dúchasacha traidisiúnta de chuid na Cipire atá le húsáid in Pitsilia, agus bíonn tionchar ag dálaí na timpeallachta sléibhe ar thréithe orgánaileipteacha na bhfíonta a tháirgtear faoi ATFC a bhfuil an t-ainm céanna orthu. Tá formhór na bhfíonghort neamhbheangaithe suite ar fhánaí a bhfuil a n-aghaidh ó dheas; bíonn tionchar aige sin freisin, in éineacht leis an aeráid, ar fhorbairt agus ar aibiú maith fhíonchaora Pitsilia. Mar chuid dhílis den terroir áitiúil, bíonn éifeacht shainiúil ag saintréithe na hithreach ar thréithe orgánaileipteacha fhíonta Pitsilia, ar saintréithe iad a léirítear in ATFC sléibhe seo na Cipire.
11. Tuilleadh ceanglas is infheidhme
Teideal an cheanglais / an mhaolaithe
Léiriú sainordaitheach bhliain an fhíona.
Creat dlíthiúil
Reachtaíocht náisiúnta
Cineál an cheanglais bhreise / an mhaolaithe breise
Forálacha breise a bhaineann le lipéadú
Tuairisc ar an gceanglas / maolú
I gcomhréir leis an reachtaíocht náisiúnta (an Gníomh Riaracháin Rialála (GRR) 52/2016), tá sé éigeantach anois bliain an fhíona a chur in iúl. Tá pacáistíocht ag a bhfuil toirt ainmniúil 200 ml nó níos lú díolmhaithe ón gceanglas seo.
Teideal an cheanglais / an mhaolaithe
Sonraí éigeantacha maidir le cion siúcra an fhíona
Creat dlíthiúil
Reachtaíocht náisiúnta
Cineál an cheanglais bhreise / an mhaolaithe breise
Forálacha breise a bhaineann le lipéadú
Tuairisc ar an gceanglas / maolú
I gcomhréir leis an reachtaíocht náisiúnta (GRR 52/2016), tá sonraí maidir le cion siúcra an fhíona éigeantach anois.
Tagairt leictreonach (URL) d’fhoilsiú na sonraíochta táirge
(1) Rialachán Tarmligthe (AE) 2025/27 ón gCoimisiún an 30 Deireadh Fómhair 2024 lena bhforlíontar Rialachán (AE) 2024/1143 ó Pharlaimint na hEorpa agus ón gComhairle le rialacha a bhaineann le tásca geografacha, sainearraí traidisiúnta faoi ráthaíocht agus téarmaí roghnacha cáilíochta a chlárú agus a chosaint agus lena n-aisghairtear Rialachán Tarmligthe (AE) Uimh. 664/2014 (IO L, 2025/27, 15.1.2025, ELI: http://data.europa.eu/eli/reg_del/2025/27/oj).
ELI: http://data.europa.eu/eli/C/2026/5638/oj
ISSN 1977-107X (electronic edition)