Réamhfhógra faoi chomhchruinniú

(Cás M.12460 — APOLLO FUNDS / FORVIA AUTOMOTIVE INTERIORS BUSINESS)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(C/2026/3366)

An 16 Meitheamh 2026, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Apollo Capital Management, L.P., ar fochuideachta indíreach ar lánúinéireacht é de chuid Apollo Global Management, Inc. (‘AGM’) (an dá cheann acu sna Stáit Aontaithe),

—

Faurecia Interiors Holding SAS (an Fhrainc), Faurecia Automotive Interior System (Shanghai) Co. Ltd. (an tSín), agus Faurecia Interior Systems USA Holdings, LLC. (Na Stáit Aontaithe) (dá ngairtear i dteannta a chéile an ‘spriocghnólacht’ anseo feasta), atá faoi rialú deiridh Forvia SE (an Fhrainc) faoi láthair.

Gheobhaidh Apollo Capital Management, L.P. de réir bhrí Airteagal 3(1)(b) den Rialachán um Chumaisc, rialú ar an spriocghnólacht.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—

Bainistíonn Apollo Capital Management, L.P., in éineacht le fochuideachtaí indíreacha eile AGM (dá ngairtear i dteannta a chéile an ‘Apollo’ anseo feasta), cistí infheistíochta Apollo (‘cistí Apollo’). Is bainisteoir domhanda sócmhainní malartacha ardfháis é Apollo a bhfuil a cheanncheathrú i Nua-Eabhrac agus tá sé corpraithe sna Stáit Aontaithe. Cuireann Apollo seirbhísí bainistíochta infheistíochta agus pleanála airgeadais ar fáil do dhaoine aonair agus d’infheisteoirí institiúideacha ar bhonn domhanda. I measc na samplaí d’infheistíochtaí reatha chistí Apollo tá, inter alia, cuideachtaí san oideachas, san árachas, i seirbhísí airgeadais, agus i ngnólachtaí fóillíochta,

—	Is monaróir é an Spriocghnólacht atá gníomhach ar fud an domhain i ndearadh, forbairt, monarú agus díol páirteanna inmheánacha mótarfheithiclí, lena n-áirítear painéil ionstraimí, painéil dorais agus consóil láir.

Tar éis dó réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le cóireáil shimplithe le haghaidh comhchruinnithe áirithe faoi Rialachán (CE) Uimh. 139/2004 ón gComhairle maidir le comhchruinnithe a rialú idir gnóthais (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúil a bheadh acu maidir leis an gcomhchruinniú atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.12460 – APOLLO FUNDS / FORVIA AUTOMOTIVE INTERIORS BUSINESS)

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

(2) IO C 160, 5.5.2023, lch. 1.