Réamhfhógra faoi chomhchruinniú

(Cás M.12400 — 3i / RITTAL / IDRO 2020 / NORDIC WINDFARM / LEFDAL DATACENTRE)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(C/2026/3095)

An 28 Bealtaine 2026 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	3i Group plc (‘3i’, an Ríocht Aontaithe),

—	Idro 2020 S.r.l. (‘Idro 2020’, an Iodáil), faoi rialú deiridh Columbia Threadneedle Investments (Stáit Aontaithe Mheiriceá),

—	Nordic Windfarm HoldCo Limited (‘Nordic Windfarm’, an Ríocht Aontaithe), faoi rialú deiridh Columbia Threadneedle Investments (Stáit Aontaithe Mheiriceá),

—	Rittal Beteiligungs GmbH (‘Rittal’, an Ghearmáin), faoi úinéireacht an ghrúpa Friedhelm Loh (an Ghearmáin),

—	Lefdal Mine Datacentre AS (‘Lefdal Datacentre’, an Iorua), faoi rialú comhpháirteach Columbia Threadneedle Investments (Stáit Aontaithe Mheiriceá) agus Rittal.

Faigheann 3i rialú aonair, de réir bhrí Airteagal 3(1)(b) den Rialachán um Chumaisc, ar Idro 2020 agus Nordic Windfarm ina n-iomláine. Thairis sin, faigheann 3i agus Rittal rialú comhpháirteach, de réir bhrí Airteagal 3(1)(b) agus 3(4) den Rialachán um Chumaisc, ar Lefdal Datacentre.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—	Is cuideachta infheistíochta idirnáisiúnta é 3i atá liostaithe ar Stocmhalartán Londan agus atá corpraithe sa Ríocht Aontaithe, agus a bhfuil oifigí aige san Eoraip agus i Meiriceá Thuaidh,

—	Tá dhá ghléasra cumhachta hidrileictrí atá lonnaithe san Iodáil faoi úinéireacht Idro 2020 agus iad á n-oibriú aige,

—	Tá punann de thrí fheirm ghaoithe ar talamh atá lonnaithe sa tSualainn faoi úinéireacht Nordic Windfarm,

—	Is cuideachta infheistíochta agus sealbhaíochta é Rittal laistigh de ghrúpa Friedhelm Loh, a bhfuil gníomhaíochtaí aige atá dírithe ar bhonneagar tionsclaíoch, lena n-áirítear réitigh lárionaid sonraí agus córas TF,

—	Tá lárionad sonraí san Iorua faoi úinéireacht Lefdal Datacentre agus é á oibriú aige.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le cóireáil shimplithe le haghaidh comhchruinnithe áirithe faoi Rialachán (CE) Uimh. 139/2004 ón gComhairle maidir le comhchruinnithe a rialú idir gnóthais (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúlacha a bheadh acu maidir leis an gcomhchruinniú atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.12400 — 3i / RITTAL / IDRO 2020 / NORDIC WINDFARM / LEFDAL DATACENTRE

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

(2) IO C 160, 5.5.2023, lch. 1.