Breithiúnas na Cúirte Ginearálta an 29 Aibreán 2026 – Doors Bulgaria v EUIPO – Top Ten (Doirse)

(Cás T-579/25)  (1)

(Dearadh an Aontais Eorpaigh - Imeachtaí neamhbhailíochta - Dearadh cláraithe de chuid an Aontais Eorpaigh lena léirítear doirse - Nochtadh an dearaidh níos luaithe - Cruthúnas ar nochtadh - Airteagal 7(1) de Rialachán (CE) Uimh. 6/2002)

(C/2026/3067)

Teanga an cháis: an Béarla

Páirtithe

Iarratasóir: Doors Bulgaria EOOD (Sóifia, an Bhulgáir) (ionadaí: M. Todorov, Dlíodóir)

Cosantóir: Oifig Maoine Intleachtúla an Aontais Eorpaigh (ionadaithe: E. Lobotková agus J. Ivanauskas, Gníomhairí)

Páirtí eile sna himeachtaí os comhair an Bhoird Achomhairc de EUIPO, ag idiragairt os comhair na Cúirte Ginearálta: Top Ten EOOD (Plovdiv, an Bhulgáir) (ionadaí: S. Sirakov, Dlíodóir)

Ábhar

Lena chaingean de bhun Airteagal 263 CFAE, iarrann an t-iarratasóir go ndéanfaí an cinneadh ón Tríú Bord Achomhairc d’Oifig Maoine Intleachtúla an Aontais Eorpaigh (EUIPO) an 23 Meitheamh 2025 (Cás R 1157/2024-3) a chur ar neamhní agus a athrú.

An chuid oibríochtúil

1.	Diúltaítear don chaingean.

2.	Ordaítear do Doors Bulgaria EOOD a chostais féin agus na costais arna dtabhú ag Top Ten EOOD a íoc.

3.	Ordaítear d’Oifig Maoine Intleachtúla an Aontais Eorpaigh (EUIPO) a costais féin a íoc.

---

(1)   IO C, C/2025/5596, 27.10.2025.