Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2026/2986 |
1.6.2026 |
Foilsiú na teachtaireachta maidir le leasú caighdeánach formheasta ar shonraíocht táirge le haghaidh tásc geografach i gcomhréir le hAirteagal 5(4) de Rialachán Tarmligthe (AE) 2025/27 ón gCoimisiún (1)
(C/2026/2986)
TEACHTAIREACHT MAIDIR LE FORMHEAS AR LEASÚ CAIGHDEÁNACH
(Airteagal 24 de Rialachán (AE) 2024/1143)
‘Volnay’
Uimhir thagartha AE: PDO-FR-A0198-AM01 — 6.3.2026
1. Ainm an táirge
‘Volnay’
2. Cineál an táisc gheografaigh
|
☑ |
ATFC |
|
☐ |
TGFC |
|
☐ |
TG |
3. Earnáil
|
☐ |
Táirgí talmhaíochta |
|
☑ |
Fíonta |
|
☐ |
Deochanna biotáilleacha |
4. Tír ar léi an limistéar geografach
An Fhrainc
5. Údarás an Bhallstáit a bhfuil an leasú caighdeánach á chur in iúl aige
Ainm
An Aireacht Talmhaíochta, Agraibhia agus Bhiaflaithis, Ard-Stiúrthóireacht Fheidhmíocht Eacnamaíoch agus Chomhshaoil na bhFiontar
6. Incháilitheacht mar leasú caighdeánach
Measann údaráis na Fraince go gcomhlíonann an t-iarratas ceanglais Rialacháin (AE) Uimh. 1308/2013 agus (AE) 2024/1143.
Is leasuithe caighdeánacha iad na leasuithe ar an tsonraíocht táirge sin mar a shainmhínítear in Airteagal 24(4) de Rialachán (AE) 2024/1143.
Ní bhaineann an t-iarratas ar leasú ar an ATFC ‘Volnay’ le haon cheann de na trí chás ar leasú ar leibhéal an Aontais iad; go sonrach:
|
(a) |
níl i gceist leis athrú ar ainm ná ar úsáid an ainm, ná ar chatagóir an táirge nó na dtáirgí arna n-ainmniú leis an tásc geografach; |
|
(b) |
níl an baol ann dá dheasca go gcuirfí an nasc leis an limistéar geografach ar neamhní; |
|
(c) |
níl srianta breise ar mhargú an táirge i gceist leis. |
Measann údaráis na Fraince dá bhrí sin gur le haghaidh leasú caighdeánach an t-iarratas.
7. Tuairisc ar an leasú caighdeánach (nó ar na leasuithe caighdeánacha) formheasta
Teideal
Limistéar geografach
Tuairisc
Cuireadh an frása ‘bunaithe ar Chód Geografach Oifigiúil 2024’ isteach faoi Chaibidil I(IV)(1) den tsonraíocht.
Leis an leasú eagarthóireachta sin, beifear in ann na bardais a fhoirmíonn an limistéar geografach a aithint le tagairt do leagan 2024 den Chód Geografach Oifigiúil, a d’fhoilsigh an Institiúid Náisiúnta Staidrimh agus Staidéar Eacnamaíoch (INSEE) agus a thugann deimhneacht dhlíthiúil don sainmhíniú ar an limistéar sin. Níor athraigh a theorainneacha.
Cuireadh an mhír seo a leanas isteach faoin bpointe céanna den tsonraíocht chun comhairle a thabhairt gur féidir léarscáileanna den limistéar geografach a fheiceáil ar shuíomh gréasáin na hInstitiúide Náisiúnta Tionscnaimh agus Cáilíochta (INAO): ‘Is féidir teacht ar léarscáileanna den limistéar geografach ar shuíomh gréasáin na hInstitiúide Náisiúnta Tionscnaimh agus Cáilíochta (INAO).’
Leasaíodh an doiciméad aonair faoin gceannteideal ‘Sainmhíniú achomair ar an limistéar geografach sainithe’.
|
☑ |
Déanann an leasú difear don doiciméad aonair. |
Teideal
Limistéar dáileachta talún críochaithe
Tuairisc
Leasaíodh an abairt deiridh i bpointí (a) agus (b) de Chaibidil I(IV)(2) den tsonraíocht chuig seo a leanas: ‘Is féidir breathnú ar léarscáileanna den limistéar dáileachta talún críochaithe ar shuíomh gréasáin INAO.’
Tar éis cinneadh ón gcoiste náisiúnta inniúil, d’athraigh INAO a nósanna imeachta agus ní chuirfidh sé léarscáileanna an limistéir dáileachta críochaithe faoi bhráid hallaí baile na mbardas ábhartha a thuilleadh ach foilseoidh sé iad go díreach ar a shuíomh gréasáin.
|
☐ |
Déanann an leasú difear don doiciméad aonair. |
Teideal
Limistéar díreach in aice láimhe
Tuairisc
I gCaibidil I(IV)(3) den tsonraíocht, cuireadh an frása ‘bunaithe ar Chód Geografach Oifigiúil 2024’ isteach i ndiaidh an fhrása ‘comhdhéanta de chríoch na mbardas seo a leanas’.
Leis an leasú eagarthóireachta sin is féidir na bardais uile sa limistéar díreach in aice láimhe a shainaithint i dtaca le leagan 2024 den Chód Geografach Oifigiúil, arna fhoilsiú ag INSEE. Tríd an mionsonra sin a chur isteach, tugtar deimhneacht dhlíthiúil don sainmhíniú ar an limistéar sin.
Tugadh ainmneacha na mbardas atá sa limistéar cothrom le dáta chun athruithe riaracháin a chur san áireamh. Fanann a theorainneacha mar an gcéanna.
Leasaíodh an doiciméad aonair faoin gceannteideal ‘Ceanglais bhreise is infheidhme’.
|
☑ |
Déanann an leasú difear don doiciméad aonair. |
Teideal
Cleachtais eile saothraithe
Tuairisc
Cuireadh an dá fhoráil seo a leanas isteach faoi Chaibidil I(VI)(2)(a) den tsonraíocht:
|
— |
‘tá toirmeasc ar fhiailí a bhaint go ceimiceach agus go meicniúil de chinnfhearainn, ach amháin i gcás fiailí a bhaint go meicniúil ar leithead céachta feadh thús na sraitheanna.’ Tá sé beartaithe leis an bhforáil sin an comhshaol a chosaint trí thoirmeasc a chur ar úsáid ceimiceán agus trí chlúdach glas ar chinnfhearainn a chur chun cinn chun táirgí cosanta plandaí a ionsú. |
|
— |
‘i ndáileachtaí talún ina dtáirgtear fíonta atá incháilithe chun an téarma traidisiúnta “premier cru” a bheith orthu, toirmisctear fiailí a bhaint le táirgí ceimiceacha, lena n-áirítear táirgí bithrialaithe.’ Toirmisctear leis an bhforáil sin táirgí cosanta plandaí a úsáid chun críoch bainistithe fiailí agus fíonchaora á bhfás atá beartaithe d’fhíonta atá incháilithe chun an téarma atá i gceist a bheith orthu. |
|
☐ |
Déanann an leasú difear don doiciméad aonair. |
Teideal
Cleachtais eile saothraithe
Tuairisc
Baineadh an rogha modhanna seachas cóireáil uisce the a úsáid chun galar buíochain a chomhrac ó Chaibidil VI(2)(b) den tsonraíocht, ós rud é nach bhfuil aon mhodh malartach éifeachtach.
|
☐ |
Déanann an leasú difear don doiciméad aonair. |
Teideal
Faisnéis faoin gcomhlacht cigireachta
Tuairisc
Leasaíodh na forálacha a bhaineann leis an gcomhlacht cigireachta a leagtar amach i gCaibidil III(II) den tsonraíocht chun na rialacha nua maidir le dréachtú a chomhlíonadh.
|
☐ |
Déanann an leasú difear don doiciméad aonair. |
DOICIMÉAD AONAIR
Ainmniúcháin tionscnaimh agus tásca geografacha i ndáil le fíonta
‘Volnay’
Uimhir thagartha AE: PDO-FR-A0198-AM01 — 6.3.2026
1. Ainm (nó ainmneacha)
‘Volnay’
2. Cineál an táisc gheografaigh
|
☑ |
ATFC |
|
☐ |
TGFC |
|
☐ |
TG |
3. Tír ar léi an limistéar geografach sainithe
An Fhrainc
4. Aicmiú an táirge talmhaíochta i gcomhréir le ceannteideal agus cód na hAinmníochta Comhcheangailte, dá dtagraítear in Airteagal 6(1) de Rialachán (AE) 2024/1143
2204 – Fíon ó fhíonchaora úra, lena n-áirítear fíonta treisithe; úrfhíon fíonchaor seachas é sin atá faoi cheannteideal 2009
5. Catagóirí na dtáirgí fíniúna mar a liostaítear i gCuid II d’Iarscríbhinn VII a ghabhann le Rialachán (AE) Uimh. 1308/2013
|
1. |
Fíon |
6. Tuairisc ar an bhfíon nó ar na fíonta
Táirge fíniúna
Fíonta dearga
Saintréithe orgánaileipteacha
Bíonn dath an rúibín ar na fíonta.
Mar gheall ar a mboladh torthaíoch, is féidir taitneamh a bhaint as na fíonta agus iad óg. Mar sin féin, tá siad an-oiriúnach freisin don aosú i mbuidéil (ar feadh 10 mbliana, fiú 20 bliain má tá siad le lipéadú mar ‘premier cru’), próiseas a thugann mionbholaithe spíosraí agus géim níos casta amach agus a ngalántacht á caomhnú an tráth céanna.
I dtéarmaí blais, saintréith de na fíonta is ea a bhfíneáltacht mhór, a dtainniní láidre a mhaolaítear le haigéadacht fhíneálta.
Faisnéis bhreise maidir le saintréithe orgánaileipteacha
-
Saintréithe anailíseacha
|
Neart alcóil iomlán uasta (in % de réir toirte): |
- |
|
Neart alcóil iarbhír íosta (in % de réir toirte): |
- |
|
Aigéadacht iomlán íosta: |
- |
|
Aonad aigéadachta iomláine íosta: |
- |
|
Aigéadacht luaineach uasta (i milleachoibhéisí in aghaidh an lítir): |
- |
|
Dé-ocsaíd sulfair iomlán uasta (i milleagraim in aghaidh an lítir): |
- |
Faisnéis bhreise maidir le saintréithe anailíseacha
-
|
☑ |
Tá aon saintréith anailíseach nach léirítear sa roinn seo laistigh de na teorainneacha a leagtar síos i reachtaíocht an Aontais is infheidhme. |
7. Cleachtais fhíoneolaíocha
7.1. Cleachtais fhíoneolaíocha shonracha a úsáidtear chun an fíon nó na fíonta a dhéanamh, srianta ábhartha maidir lena ndéanamh
Cleachtais saothraithe
Cleachtais saothraithe
|
— |
Dlús plandaithe Is é 9 000 planda in aghaidh an heicteáir dlús plandaithe íosta na bhfíniúnacha, agus achar uasta 1,25 méadar idir sraitheanna agus achar íosta 0,50 méadar idir plandaí sa tsraith céanna. Níl sé ina cheangal na fíniúnacha a chur i sraitheanna ar choinníoll go n-urramaítear an dlús plandaithe íosta agus go bhfuil spás níos mó ná 0,50 méadar idir na plandaí. |
|
— |
Rialacha maidir le prúnáil Tagann na fíonta ó fhíniúnacha a phrúnáiltear i gcomhréir leis na forálacha seo a leanas: FORÁLACHA GINEARÁLTA. Déantar na fíniúnacha a phrúnáil go hocht mbachlóg in aghaidh an phlanda ar a mhéad trí phrúnáil spoir (fíniúnacha a threoraítear trí úsáid a bhaint as córais dhéthaobhacha phrúnála Royat, chuachphrúnála agus feanphrúnála) nó trí phrúnáil cána le haghaidh mhodh aonair Guyot. FORÁLACHA SPEISIALTA. Bíonn teorainn 2 bhliain leis an tréimhse chun an tródam a bhunú. Le linn na tréimhse sin, ceadaítear prúnáil dhúbailte Guyot go cúig bhachlóg ar a mhéad ar gach cána. Féadfar prúnáil shingil Guyot a oiriúnú trí bhíthin an dara spor lenar féidir suíomh an chána a athrú ó bhliain go chéile nó trí ghearradh cána go trí bhachlóg ar a mhéad agus spor atá teoranta do dhá bhachlóg. Gan beann ar an modh prúnála, féadfar na fíniúnacha a phrúnáil chun bachlóga breise a fhágáil ar choinníoll, ag an gcéim feineolaíochta a chomhfhreagraíonn do 11 nó 12 dhuilleog, nach mó an líon péacán ar a bhfuil torthaí don bhliain in aghaidh an phlanda ná an líon bachlóg a cheadaítear leis na rialacha prúnála. |
|
— |
Ní cheadaítear uisciú. |
-
Cleachtas fíoneolaíoch sonrach
|
— |
Ceadaítear teicnící laghdúcháin saibhrithe suas le ráta tiúchana 10 %. |
|
— |
Tar éis an tsaibhrithe, níor cheart neart alcóil iomlán na bhfíonta a bheith níos mó ná 13,5 % de réir toirte. |
|
— |
Níor cheart neart alcóil iomlán de réir toirte na bhfíonta atá incháilithe chun an téarma ‘premier cru’ a úsáid a bheith níos mó ná 14 % tar éis an tsaibhrithe. |
-
Srian maidir le fíonóireacht
Ní cheadaítear sliseanna adhmaid a úsáid.
7.2. Uastáirgeacht
Fíonta dearga
Uastáirgeacht:
|
Uastáirgeacht: |
58 |
|
Aonad uastáirgeachta: |
heictilítir in aghaidh an heicteáir |
Fíonta dearga atá incháilithe chun an téarma ‘premier cru’ a úsáid
Uastáirgeacht:
|
Uastáirgeacht: |
56 |
|
Aonad uastáirgeachta: |
heictilítir in aghaidh an heicteáir |
8. Léiriú ar an gcineál nó cineálacha fíonchaor óna dtáirgtear an fíon nó na fíonta
|
— |
Chardonnay B |
|
— |
Pinot Blanc B |
|
— |
Pinot Gris G |
|
— |
Pinot Noir N |
9. Sainmhíniú achomair ar an limistéar geografach sainithe
Buantar na fíonchaora agus déantar, forbraítear agus aosaítear na fíonta sna bardais seo a leanas de chuid roinn Côte-d’Or, ar bhonn Chód Geografach Oifigiúil 2024: Meursault agus Volnay.
Is féidir breathnú ar léarscáileanna den limistéar geografach ar shuíomh gréasáin na hInstitiúide Náisiúnta Tionscnaimh agus Cáilíochta (INAO).
10. Nasc leis an limistéar geografach
Catagóir an táirge fíniúna
|
1. |
Fíon |
Achoimre ar an nasc
Tá an limistéar geografach suite i réigiún fíonsaothrúcháin Côte de Beaune, droim droimneach ar thaobh díreach a shíneann thart ar 25 chiliméadar soir ó thuaidh/siar ó dheas, a bheag nó a mhór. Scarann an tírdhreach sin de bhunús teicteonach ardchláir aolchloiche ‘Hautes Côtes’ [fánaí arda] ar an taobh thiar, ag airde idir 400 agus 500 méadar, ó mhachaire Bresse ar an taobh thoir, scoiltghleann Treasach ag airde thart ar 250 méadar, ar thaobh na láimhe deise den ‘Côte’ [fána]. Mar thoradh ar chreimeadh, bristear an tírdhreach trí ghleannta a dhraenálann ardchlár ‘Hautes Côtes’ agus trí ‘combes’ beag, gleannta tirime nach mbíonn an-suntasach uaireanta. Cruthaíonn sé sin fánaí le neamhchosaintí éagsúla. Tá an sráidbhaile, a bhfuil na fíonghoirt timpeall air, suite ag deireadh ‘combe’ beag. Tá na fíonghoirt suite os comhair an ‘Côte’. Cuimsíonn an limistéar geografach bardais Volnay agus Meursault, laisteas de bhaile Beaune, i roinn Côte-d’Or, an Bhurgúin. Foirmíochtaí dríodair ón mbarr Iúrasach amach ón ‘Côte’, áit a bhfuil an difríocht san airde thart ar 150 méadar. Tá aolchloch ilroinnte ón dtréimhse Chalaitheach (Meán-Iúrasach) le feiceáil ar na codanna íochtaracha de na fánaí, agus tá marla (aolchloch chréúil) ón dtréimhse Ocsfordach (Iúrasach Uachtarach) ag gobadh amach ar na codanna uachtaracha. Is minic a bhíonn an tsubstráit aolchloiche marla ceilte ag sraitheanna sciligh atá comhdhéanta de mheascán cré agus siolta, mar thoradh ar athrú ar an bhfo-ithir agus ar an tír-raon forshrathnaithe. Braitheann cineál na sraitheanna sin ar a suíomh ar an bhfána. Ar mharla na gcodanna uachtaracha de na fánaí tá siad an-chlochach agus tanaí, agus ar na bunchnoic tá níos mó cáithníní míne iontu agus tá siad níos tibhe (ó na deicheanna ísle de cheintiméadair suas le méadar amháin). Tá na hithreacha lagfhorbartha, cailcreach agus tanaí de ghnáth, agus tá airíonna maithe draenála acu. Athraíonn a saintréithe ag brath ar a suíomh topagrafach. Ar chodanna uachtaracha na bhfánaí tá siad sách clochach agus tanaí, agus ar na léibhinn agus ar na bunchnoic tá siad níos doimhne agus créúil, agus uaireanta láiste beagán ag an dromchla. Sa chuid is mó den limistéar, bíonn na dáileachtaí talún atá críochaithe chun na fíonchaora a bhuain suite ar shubstráit mharla ón dtréimhse Ocsfordach, agus ar chodanna íochtaracha na bhfánaí bíonn siad folaithe ag aolchloch ilroinnte ón dtréimhse Chalaitheach. Is iondúil go mbíonn an tsubstráit cumhdaithe ag cúpla deich ceintiméadar de snaíochar créúil, rud a áirithíonn draenáil mhaith agus torthúlacht mhaith araon. Tá aeráid mhuirí fhionnuar chun tosaigh, ar chuir tionchair ilchríochacha agus dheisceartacha ó chonair Rhône-Saône isteach uirthi. Bíonn an bháisteach measartha agus dáilte go cothrom i rith na bliana (toirt thart ar 750 milliméadar in aghaidh na bliana). Tá suíomh foscúil ag ‘Côte’, soir ó mhasaíf Morvan agus ardchláir na Burgúine, a fhágann go bhfuil sé níos teo agus níos tirime ná an réigiún i gcoitinne, rud atá fabhrach d’fhíonsaothrúchán ar ardchaighdeán.
De réir staidéar a rinne Pierre Forgeot, tháinig fíniúnacha chun cinn den chéad uair i réigiún Côte de Beaune sa dara haois RCh. Bhí sráidbhaile Volnay le feiceáil sna Meánaoiseanna, timpeall chaisleán iar-chuntaí na Burgúine, a raibh fíonghoirt acu cheana féin ansin. Choinnigh Diúic na Burgúine, a lonnaigh níos déanaí in Dijon, na sócmhainní sin. Cé go bhfuil an caisleán féin imithe, déanann go leor de na logainmneacha tagairt don am atá caite ag na Diúic. Ón 15ú haois ar aghaidh, dáileadh fíonta ‘Beaune’ ar fud na hEorpa. Ba iad ‘íomhá bhranda’ Dhiúcacht na Burgúine agus iad in ard a réime. Ní raibh ach na fíonta dearga láidre ísealtainnine sin, ar a dtugtar ‘pinots vermeils’ [pinots flanndearga] oiriúnach lena n-iompar. Tháinig fás ar shaothróirí fíniúna-ceannaithe sa Bhurgúin san 18ú haois, rud a thug féiniúlacht nua d’fhíonta an réigiúin agus a bhunaigh a ndáileadh forleathan ar fud na hEorpa. Sholáthair Côte de Beaune ‘fíonta den chéad rogha’ do cheannaithe fíona Beaune, a raibh sciar mór den mhargadh acu. Ag an am sin, ba iad fíonta ‘Volnay’ príomhfhíonta Côte de Beaune, agus cáil den scoth orthu. Ina n-aicmithe, chuir scríbhneoirí ón 19ú haois ‘Volnay’ ag barr ordlathas fíona na Burgúine, ag lua roinnt de na climats (gnáthainm le haghaidh láithreán fíonghoirt ar leith, lieu-dit de ghnáth [ainm áitiúil traidisiúnta limistéir bhig talún, a shainítear de ghnáth de réir topagrafaíochta nó staire]) mar cheann de na cinn is fearr. Tugadh aitheantas speisialta go rialta do na climats ‘Caillerets’ agus ‘Santenots’. In 1860, rangaíodh climats éagsúla Volnay go hard in aicmiú Choiste Fíonsaothrúcháin Cheantar Beaune [Comité de viticulture de l’arrondissement de Beaune]. Aithníodh an t-ainmniúchán tionscnaimh cláraithe ‘Volnay’ le foraithne an 9 Meán Fómhair 1937. In 1943, bunaíodh liosta climats a bhí incháilithe chun an téarma ‘premier cru’ a úsáid. Ba iad sin na crus is mó a raibh meas orthu [fíonghoirt d’ardcháilíocht], a sainaithníodh den chuid is mó in 1860. Is é Pinot Noir N an príomhchineál fíniúna. Treoraítear na fíniúnacha i gcomhréir leis na cleachtais atá ann faoi láthair i réigiún Côte de Beaune, lena n-áirítear, go háirithe, dlús plandaithe de níos mó ná 9 000 planda in aghaidh an heicteáir agus prúnáil Guyot. Is gnách na fíonta a aibiú ar feadh tréimhse 8 mí ar a laghad. In 2008, chumhdaigh na fíonghoirt achar de thart ar 210 heicteár, ar aicmíodh 144 díobh mar ‘premier cru’. Ba é 7 700 heictilítear an meánmhéid táirgeachta bliantúil.
Bíonn dath an rúibín ar na fíonta agus, i dtéarmaí blais, is saintréithe dá gcuid iad a sár-fhíneáltacht, a gcuid tainniní láidre a mhaolaítear le haigéadacht fhíneálta. Mar gheall ar a mboladh torthaíoch, is féidir taitneamh a bhaint as na fíonta agus iad óg. Mar sin féin, tá siad an-oiriúnach freisin don aosú i mbuidéil (ar feadh 10 mbliana, fiú 20 bliain má tá siad le lipéadú mar ‘premier cru’), próiseas a thugann mionbholaithe spíosraí agus géim níos casta amach agus a ngalántacht á caomhnú an tráth céanna.
Maidir leis an aeráid mhuirí fhionnuar, topagrafaíocht ‘Côte’, ina bhfuil ‘combes’ agus gleannta, agus ithreacha marla agus aolchloiche na tréimhse Iúrsaí, cuidíonn siad le cineál dúchasach na Burgúine Pinot Noir N a bheith faoi bhláth. Aithníodh suíomh nádúrtha den scoth Volnay le fada an lá. Mar gheall ar an aghaidh soir den chuid is mó agus suíomh topagrafach na ndáileachtaí talún atá críochaithe chun na fíonchaora a bhuaint, tá dálaí méisea-aeráide speisialta acu, a chosnaíonn iad ar na rioscaí seaca agus ceo maidine, agus téamh luath na hithreach á áirithiú an tráth céanna. Dá bhrí sin, oibríonn táirgeoirí chun íomhá na bhfíonta sin a bhfuil dea-cháil orthu a chaomhnú, ag leanúint d’oidhreacht ó ré Dhiúc na Burgúine. Mar thoradh ar an tír-raon, ar an éagsúlacht gheolaíoch agus ar éagsúlacht na n-ithreacha a forbraíodh, tá réimse leathan miondifríochtaí sna fíonta, rud a spreag táirgeoirí le fada chun idirdhealú a dhéanamh idir na climats atá sa limistéar fíonsaothrúcháin. Tá na miondifríochtaí sin le feiceáil go háirithe tar éis cúpla bliain stórála. Is iondúil go dtáirgtear i ndáileachtaí talún na climats atá suite ar aolchloch ‘Dalle nacrée’ fíonta an-ghalánta ina bhfuil tainniní míne. Eascraíonn fíonta níos dlúithe, an-aramatach as dáileachtaí talún na climats atá suite níos airde ar na fánaí, ar fhoshraith mharla éadomhain, go háirithe iad siúd a bhfuil ithreacha acu a d’fhorbair ar an snaíochar bunchnoic chréúil. Cuirtear na miondifríochtaí sin i dtábhacht tríd an ngnáthchleachtas a bhaineann le lipéadú na bhfíonta le hainm an climat inar fásadh na fíonchaora. Cuidíonn aibiú fada na bhfíonta, rud a fheabhsaíonn a n-oiriúnacht don aosú i mbuidéil, le léiriú na héagsúlachta sin a neartú, rud atá le brath sa bhlas.
In 1816, rinne Jullien, ina shaothar ‘Topographie de tous les vignobles connus’ [Topagrafaíocht na bhfíonghort aitheanta uile], fíon dearg ‘Volnay’ a rangú sa dara sraith de ‘fíonta den chéad rogha’ sa Bhurgúin, agus thug sé tuairisc air mar ‘an fíon is éadroime, is fearr agus is deise de chuid Côte de Beaune’. In 1860, d’aicmigh Coiste Fíonsaothrúcháin Cheantar Beaune thart ar 215 heicteár d’fhíonghoirt mar fhíonghoirt ‘fíona den chéad rogha’, agus rangaíodh níos mó ná 90 heicteár mar ‘den chéad scoth’. Bheadh an t-aicmiú sin ina threoir chun climats a aithint amach anseo mar ‘premier cru’. In 1778, scríobh an tAthair Courtépée, ina ‘Description générale et particulière du Duché de Bourgogne’ [Tuairisc ghinearálta agus shonrach ar Dhiúcacht na Burgúine], an méid seo a leanas faoi shráidbhaile Volnay: ‘Sa sráidbhaile seo, atá suite san áit is deise agus is fearr, táirgtear na fíonta is fearr i réigiún Beaune agus is as sin a thagann an seanfhocal ‘níl ach Vollenay amháin sa Fhrainc’.
11. Tuilleadh ceanglas is infheidhme
Teideal an cheanglais/an mhaolaithe
Limistéar díreach in aice láimhe
Reachtaíocht náisiúnta
Maolú maidir le táirgeadh sa limistéar geografach sainithe
Sa limistéar díreach in aice láimhe, arna shainiú ag maolú maidir leis na fíonta a dhéanamh, a fhorbairt agus a aibiú, cuimsítear críoch na mbardas seo a leanas, ar bhonn Chód Geografach Oifigiúil 2024:
|
— |
Roinn Côte-d’Or: Agencourt, Aloxe-Corton, Ancey, Arcenant, Argilly, Autricourt, Auxey-Duresses, Baubigny, Beaune, Belan-sur-Ource, Bévy, Bissey-la-Côte, Bligny-lès-Beaune, Boncourt-le-Bois, Bouix, Bouze-lès-Beaune, Brion-sur-Ource, Brochon, Cérilly, Chambœuf, Chambolle-Musigny, Channay, Charrey-sur-Seine, Chassagne-Montrachet, Châtillon-sur-Seine, Chaumont-le-Bois, Chaux, Chenôve, Chevannes, Chorey-lès-Beaune, Collonges-lès-Bévy, Combertault, Comblanchien, Corcelles-les-Arts, Corcelles-les-Monts, Corgoloin, Cormot-le-Grand, Corpeau, Couchey, Curley, Curtil-Vergy, Daix, Dijon, Ebaty, Echevronne, Epernay-sous-Gevrey, L’Etang-Vergy, Etrochey, Fixin, Flagey-Echézeaux, Flavignerot, Fleurey-sur-Ouche, Fussey, Gerland, Gevrey-Chambertin, Gilly-lès-Cîteaux, Gomméville, Grancey-sur-Ource, Griselles, Ladoix-Serrigny, Lantenay, Larrey, Levernois, Magny-lès-Villers, Mâlain, Marcenay, Marey-lès-Fussey, Marsannay-la-Côte, Massingy, Mavilly-Mandelot, Meloisey, Merceuil, Messanges, Meuilley, Meursanges, Molesme, Montagny-lès-Beaune, Monthelie, Montliot-et-Courcelles, Morey-Saint-Denis, Mosson, Nantoux, Nicey, Noiron-sur-Seine, Nolay, Nuits-Saint-Georges, Obtrée, Pernand-Vergelesses, Perrigny-lès-Dijon, Plombières-lès-Dijon, Poinçon-lès-Larrey, Pommard, Pothières, Premeaux-Prissey, Prusly-sur-Ource, Puligny-Montrachet, Quincey, Reulle-Vergy, La Rochepot, Ruffey-lès-Beaune, Saint-Aubin, Saint-Bernard, Saint-Philibert, Saint-Romain, Sainte-Colombe-sur-Seine, Sainte-Marie-la-Blanche, Santenay, Savigny-lès-Beaune, Segrois, Tailly, Talant, Thoires, Valforêt (an chuid a chomhfhreagraíonn d’iarbhardas Clémencey), Vannaire, Vauchignon, Velars-sur-Ouche, Vertault, Vignoles, Villars-Fontaine, Villebichot, Villedieu, Villers-la-Faye, Villers-Patras, Villy-le-Moutier, Vix, Vosne-Romanée agus Vougeot; |
|
— |
Roinn Rhône: Alix, Anse, L’Arbresle, Les Ardillats, Arnas, Bagnols, Beaujeu, Belleville, Belmont-d’Azergues, Blacé, Le Breuil, Bully, Cercié, Chambost-Allières, Chamelet, Charentay, Charnay, Châtillon, Chazay-d’Azergues, Chénas, Chessy, Chiroubles, Cogny, Corcelles-en-Beaujolais, Denicé, Dracé, Emeringes, Fleurie, Frontenas, Gleizé, Juliénas, Jullié, Lacenas, Lachassagne, Lancié, Lantignié, Le Perréon, Légny, Létra, Limas, Lozanne, Lucenay, Marchampt, Marcy, Moiré, Montmelas-Saint-Sorlin, Morancé, Odenas, Pommiers, Porte des Pierres Dorées, Quincié-en-Beaujolais, Régnié-Durette, Rivolet, Saint-Clément-sur-Valsonne, Saint-Cyr-le-Chatoux, Saint-Didier-sur-Beaujeu, Saint-Etienne-des-Oullières, Saint-Etienne-la-Varenne, Saint-Germain-sur-l’Arbresle, Saint-Georges-de-Reneins, Saint-Germain-Nuelles, Saint-Jean-des-Vignes, Saint-Julien, Saint-Just-d’Avray, Saint-Lager, Saint-Romain-de-Popey, Saint-Vérand, Sainte-Paule, Salles-Arbuissonnas-en-Beaujolais, Sarcey, Taponas, Ternand, Theizé, Val d’Oingt, Vaux-en-Beaujolais, Vauxrenard, Vernay, Villefranche-sur-Saône, Ville-sur-Jarnioux, Villié-Morgon agus Vindry sur Turdine (an chuid a chomhfhreagraíonn d’iarbhardais Dareize, Les Olmes agus Saint-Loup); |
|
— |
Roinn Saône-et-Loire: Aluze, Ameugny, Azé, Barizey, Beaumont-sur-Grosne, Berzé-la-Ville, Berzé-le-Châtel, Bissey-sous-Cruchaud, Bissy-la-Mâconnaise, Bissy-sous-Uxelles, Bissy-sur-Fley, Blanot, Bonnay, Bouzeron, Boyer, Bray, Bresse-sur-Grosne, Burgy, Burnand, Bussières, Buxy, Cersot, Chagny, Chaintré, Chalon-sur-Saône, Chamilly, Champagny-sous-Uxelles, Champforgeuil, Chânes, Change, Chapaize, La Chapelle-de-Bragny, La Chapelle-de-Guinchay, La Chapelle-sous-Brancion, Charbonnières, Chardonnay, La Charmée, Charnay-lès-Mâcon, Charrecey, Chasselas, Chassey-le-Camp, Château, Châtenoy-le-Royal, Chaudenay, Cheilly-lès-Maranges, Chenôves, Chevagny-lès-Chevrières, Chissey-lès-Mâcon, Clessé, Cluny, Cormatin, Cortambert, Cortevaix, Couches, Crêches-sur-Saône, Créot, Cruzille, Culles-les-Roches, Curtil-sous-Burnand, Davayé, Demigny, Dennevy, Dezize-lès-Maranges, Donzy-le-Pertuis, Dracy-le-Fort, Dracy-lès-Couches, Epertully, Etrigny, Farges-lès-Chalon, Farges-lès-Mâcon, Flagy, Fleurville, Fley, Fontaines, Fragnes-la-Loyère (an chuid a chomhfhreagraíonn d’iarbhardas La Loyère), Fuissé, Genouilly, Germagny, Givry, Granges, Grevilly, Hurigny, Igé, Jalogny, Jambles, Jugy, Jully-lès-Buxy, La Vineuse-sur-Frégande (an chuid a chomhfhreagraíonn d’iarbhardais Donzy-le-National, La Vineuse agus Massy), Lacrost, Laives, Laizé, Lalheue, Leynes, Lournand, Lugny, Mâcon, Malay, Mancey, Martailly-lès-Brancion, Massilly, Mellecey, Mercurey, Messey-sur-Grosne, Milly-Lamartine, Montagny-lès-Buxy, Montbellet, Montceaux-Ragny, Moroges, Nanton, Ozenay, Paris-l’Hôpital, Péronne, Pierreclos, Plottes, Préty, Prissé, Pruzilly, Remigny, La Roche-Vineuse, Romanèche-Thorins, Rosey, Royer, Rully, Saint-Albain, Saint-Ambreuil, Saint-Amour-Bellevue, Saint-Boil, Saint-Clément-sur-Guye, Saint-Denis-de-Vaux, Saint-Désert, Saint-Gengoux-de-Scissé, Saint-Gengoux-le-National, Saint-Germain-lès-Buxy, Saint-Gervais-sur-Couches, Saint-Gilles, Saint-Jean-de-Trézy, Saint-Jean-de-Vaux, Saint-Léger-sur-Dheune, Saint-Mard-de-Vaux, Saint-Martin-Belle-Roche, Saint-Martin-du-Tartre, Saint-Martin-sous-Montaigu, Saint-Maurice-de-Satonnay, Saint-Maurice-des-Champs, Saint-Maurice-lès-Couches, Saint-Pierre-de-Varennes, Saint-Rémy, Saint-Sernin-du-Plain, Saint-Symphorien-d’Ancelles, Saint-Vallerin, Saint-Vérand, Saint-Ythaire, Saisy, La Salle, Salornay-sur-Guye, Sampigny-lès-Maranges, Sancé, Santilly, Sassangy, Saules, Savigny-sur-Grosne, Sennecey-le-Grand, Senozan, Sercy, Serrières, Sigy-le-Châtel, Sologny, Solutré-Pouilly, Taizé, Tournus, Uchizy, Varennes-lès-Mâcon, Vaux-en-Pré, Vergisson, Vers, Verzé, Le Villars, Vinzelles agus Viré; |
|
— |
Roinn Yonne: Aigremont, Annay-sur-Serin, Arcy-sur-Cure, Asquins, Augy, Auxerre, Avallon, Bazarnes, Beine, Bernouil, Béru, Bessy-sur-Cure, Bleigny-le-Carreau, Censy, Chablis, Champlay, Champs-sur-Yonne, Chamvres, La Chapelle-Vaupelteigne, Charentenay, Châtel-Gérard, Chemilly-sur-Serein, Cheney, Chevannes, Chichée, Chitry, Collan, Coulangeron, Coulanges-la-Vineuse, Courgis, Cruzy-le-Châtel, Dannemoine, Deux-Rivières, Dyé, Epineuil, Escamps, Escolives-Sainte-Camille, Fleys, Fontenay-près-Chablis, Gy-l’Evêque, Héry, Irancy, Island, Joigny, Jouancy, Junay, Jussy, Lichères-près-Aigremont, Lignorelles, Ligny-le-Châtel, Lucy-sur-Cure, Maligny, Mélisey, Merry-Sec, Migé, Molay, Molosmes, Montholon (an chuid a chomhfhreagraíonn d’iarbhardais Champvallon, Villiers-sur-Tholon agus Volgré), Montigny-la-Resle, Mouffy, Moulins-en-Tonnerois, Nitry, Noyers, Ouanne, Paroy-sur-Tholon, Pasilly, Pierre-Perthuis, Poilly-sur-Serein, Pontigny, Préhy, Quenne, Roffey, Rouvray, Saint-Bris-le-Vineux, Saint-Cyr-les-Colons, Saint-Père, Sainte-Pallaye, Sainte-Vertu, Sarry, Senan, Serrigny, Tharoiseau, Tissey, Tonnerre, Tronchoy, Val-de-Mercy, Vallan, Venouse, Venoy, Vermenton, Vézannes, Vézelay, Vézinnes, Villeneuve-Saint-Salves, Villy, Vincelles, Vincelottes, Viviers agus Yrouerre. |
I gcomhréir le hAirteagal 5(1) de Rialachán Tarmligthe (AE) 2019/33 ón gCoimisiún, comhfhreagraíonn an limistéar díreach in aice láimhe do limistéar atá díreach in aice leis an limistéar críochaithe atá i gceist.
Teideal an cheanglais/an mhaolaithe
Sonraíochtaí geografacha agus tásca forlíontacha
Reachtaíocht náisiúnta
Forálacha breise a bhaineann le lipéadú
|
(a) |
Féadfar ainm an ainmniúcháin tionscnaimh faoi chosaint a fhorlíonadh leis an téarma traidisiúnta ‘premier cru’ i gcás fíonta a chomhlíonann na coinníollacha táirgthe a leagtar síos le haghaidh an téarma sin. Féadfar ainm an ainmniúcháin tionscnaimh faoi chosaint a fhorlíonadh leis an téarma traidisiúnta ‘premier cru’ agus ainm ceann de na climats a liostaítear thíos a chur ina dhiaidh i gcás fíonta a chomhlíonann na coinníollacha táirgthe a leagtar síos le haghaidh an téarma ‘premier cru’. Féadfar ainm ceann de na climats a liostaítear thíos a chur i ndiaidh ainm an ainmniúcháin tionscnaimh faoi chosaint i gcás fíonta a chomhlíonann na coinníollacha táirgthe a leagtar síos le haghaidh an téarma traidisiúnta ‘premier cru’.
|
|
(b) |
Féadfaidh ainm aonaid gheografaigh níos lú a bheith ar lipéadú fíonta a chumhdaítear leis an ainmniúchán tionscnaimh faoi chosaint, ar choinníoll gur lieu-dit cláraithe é agus go mbeidh sé le feiceáil ar an dearbhú buainte. Ní mór ainm an lieu-dit cláraithe a phriontáil i litreacha nach mó iad, ar airde ná ar leithead, ná leath de mhéid na litreacha lena litrítear ainm an ainmniúcháin tionscnaimh faoi chosaint. |
|
(c) |
Féadfaidh an t-aonad geografach níos mó ‘Vin de Bourgogne’ nó ‘Grand Vin de Bourgogne’ a bheith le feiceáil ar lipéadú fíonta a chumhdaítear leis an ainmniúchán tionscnaimh faoi chosaint. |
|
(d) |
i gcás ina sonraítear ar an lipéadú é, níor cheart an cineál fíniúna a bheith le feiceáil sa réimse radhairc céanna leis na míreanna éigeantacha ná níor cheart é a phriontáil i litreacha atá níos mó ná 2 mm. |
Tagairt leictreonach (URL) d’fhoilsiú na sonraíochta táirge
https://info.agriculture.gouv.fr/boagri/document_administratif-3c0ee7f6-d1d2-4a6f-b5ef-592027ddaf01
(1) Rialachán Tarmligthe (AE) 2025/27 ón gCoimisiún an 30 Deireadh Fómhair 2024 lena bhforlíontar Rialachán (AE) 2024/1143 ó Pharlaimint na hEorpa agus ón gComhairle le rialacha a bhaineann le tásca geografacha, sainearraí traidisiúnta faoi ráthaíocht agus téarmaí roghnacha cáilíochta a chlárú agus a chosaint agus lena n-aisghairtear Rialachán Tarmligthe (AE) Uimh. 664/2014 (IO L, 2025/27, 15.1.2025, ELI: http://data.europa.eu/eli/reg_del/2025/27/oj).
ELI: http://data.europa.eu/eli/C/2026/2986/oj
ISSN 1977-107X (electronic edition)