TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Chinneadh Uimh. 235/2008/CE ó Pharlaimint na hEorpa agus ón gComhairle an 11 Márta 2008 lena mbunaítear an Bord Comhairleach um Rialachas Staitistiúil Eorpach (1), agus go háirithe Airteagal 3 de,

Ag féachaint don tuairim ón gCoimisiún Eorpach,

De bharr an mhéid seo a leanas:

(1)	Le Cinneadh uaithi an 19 Nollaig 2019 (2), cheap an Chomhairle Priit POTISEPP ina chomhalta den Bhord Comhairleach um Rialachas Staitistiúil Eorpach (‘an Bord’) ar feadh téarma oifige 3 bliana.

(2)	Le Cinneadh uaithi an 14 Feabhra 2023 (3), rinne an Chomhairle téarma oifige Priit Potisepp a athnuachan. Chuaigh an dara téarma oifige in éag an 22 Nollaig 2025, agus ní féidir é a athnuachan.

(3)	Is gá, dá bhrí sin, comhalta nua den Bhord a cheapadh ar bhonn práinne.

(4)	Luaitear in Airteagal 3(2) de Chinneadh Uimh. 235/2008/CE go roghnófar comhaltaí an Bhoird as measc saineolaithe a mbeidh sár-inniúlacht acu i réimse an staidrimh,

TAR ÉIS AN CINNEADH SEO A GHLACADH:

Airteagal 1

Leis seo, ceaptar Joakim STYMNE ina chomhalta, thar ceann na Comhairle, den Bhord Comhairleach um Rialachas Staitistiúil Eorpach do théarma oifige 3 bliana.

Airteagal 2

Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Arna dhéanamh sa Bhruiséil, an 22 Bealtaine 2026.

Thar ceann na Comhairle

An tUachtarán

M. DAMIANOS

(2) Cinneadh ón gComhairle an 19 Nollaig 2019 lena gceaptar comhalta den Bhord Comhairleach um Rialachas Staitistiúil Eorpach (IO C 428, 20.12.2019, lch. 5).

(3) Cinneadh ón gComhairle an 14 Feabhra 2023 lena gceaptar comhalta den Bhord Comhairleach um Rialachas Staitistiúil Eorpach (IO C 57, 16.2.2023, lch. 2).