Breithiúnas na Cúirte Breithiúnais (an Séú Dlísheomra) an 12 Márta 2026 iarraidh ar réamhrialú ó cour d’appel de Liège – An Bheilig) – DK, JO v Stát na Beilge

(Cás C-119/24  (1) , Chefquet  (2) )

(Tarchur chun réamhrialú - Saorghluaisteacht oibrithe - Cáin ioncaim - Formhuirear ar cháin ioncaim phearsanta a fhéadfaidh na bardais nó na ceirtleáin a ghearradh ó chónaitheoirí atá ina gcónaí laistigh dá gcríoch - Formhuirear ar cháin ioncaim a íocann neamhchónaitheoirí chun críoch cánach leis an Stát - Ualach fioscach níos troime ar neamhchónaitheoirí chun críoch cánach ná an t-ualach fioscach ar chónaitheoirí cánach Ballstáit - Cásanna inchomparáide - Easpa údair)

(C/2026/2678)

Teanga an cháis: an Fhraincis

An chúirt a rinne an tarchur

Cour d'appel de Liège

Páirtithe sna príomhimeachtaí

Iarratasóirí: DK, JO

Cosantóir: Stát na Beilge

An chuid oibríochtúil

Ní mór Airteagal 45(2) CFAE a léiriú sa chaoi go gcuirtear cosc leis ar reachtaíocht náisiúnta faoina méadaítear an cháin ioncaim a bhfuil neamhchónaitheoirí faoina réir chun críoch cánach i mBallstát le formhuirear cánach ar ráta seasta i bhfabhar an Stáit sin, arna bhunú de réir analaí le formhuirear ar an gcáin ioncaim is iníoctha ag cónaitheoirí cánach an Stáit sin i bhfabhar ceirtleáin nó bardais a roghnaíonn é a thabhairt isteach agus a chinneann a ráta, i gcás ina bhfuil an t-ualach cánach a eascraíonn as sin do na neamhchónaitheoirí atá i gceist, ar a laghad i gcásanna áirithe, níos troime ná an t-ualach cánach a bhfuil cónaitheoirí faoina réir faoin gcáin sin.

---

(1)  IO C, C/2024/3155.

(2)  Is ainm bréige é ainm an cháis seo. Ní fhreagraíonn sé d’fhíorainm aon pháirtí sna himeachtaí.