AN CHRÓIT

Leagtar síos in Airteagal 42 den Acht um Rialú Teorann Stáit (Iris Oifigiúil Uimh. 83/13, 27/16, 114/22, 151/22) go bhforchuirfear príosúnacht 30 lá nó fíneáil idir EUR 260.00 agus EUR 1 320,00 ar dhuine nádúrtha as cion oilghnímh más rud é:

(1)	go ndéanann sé an teorainn sheachtrach a thrasnú nó iarracht an teorainn sheachtrach a thrasnú ag áiteanna seachas ag pointí trasnaithe teorann, nó go ndéanann sé pointe trasnaithe teorann a thrasnú nó iarracht é a thrasnú lasmuigh d’uaireanta oibre an phointe trasnaithe teorann,

(2)	nach dtéann sé faoi sheiceálacha teorann nó má fhágann sé limistéar pointe trasnaithe teorann sula gcuirtear na seiceálacha teorann i gcrích.

Leagtar síos an méid seo a leanas in Airteagal 249 (8) den Acht um Eachtrannaigh (Iris Oifigiúil, Uimh. 133/20, 114/22, 151/22, 40/25): ‘(8) Duine nádúrtha a chabhraíonn le náisiúnach tríú tír nó a dhéanann iarracht cabhrú leis le trasnú neamhdhleathach teorann, idirthuras neamhdhleathach agus fanacht neamhdhleathach i bPoblacht na Cróite, déanfar é a phionósú le príosúnacht ar feadh tréimhse suas le 60 lá nó gearrfar fíneáil EUR 3 000,00 air as gach náisiúnach tríú tír ar chabhraigh sé leis’, agus i mír 9 leagtar síos an méid seo a leanas: ‘(9) Forchuirfear coigistiú éigeantach ábhar agus modhanna iompair i gcás cionta oilghnímh dá dtagraítear i mír 8 den Airteagal seo más é úinéir an mhodha iompair an duine a chabhraigh leis an náisiúnach tríú tír, nó a rinne iarracht cabhrú leis’.

Liosta na bhfoilseachán a foilsíodh roimhe seo

IO C 18, 24.1.2008, lch. 1.

IO C 3, 8.1.2009, lch. 11.

IO C 53, 25.2.2014, lch. 27.

IO C 417, 16.11.2018, lch. 28.